يامنة الجزء 47

اسمها الحقيقيييي جوديت شمعووون فرتهاايمر ...جوديييت فرتهااايمر شقيقة داني فرتهااايمر يهودية الديانة ....هادشي بقا يتردد ليه فالمسامع ديالو حتى طلقها بغوتة خلاته يامنة توقف وكتير شي من ضرب ايدو مع الحايط وهادشي كتشوف الى تعصب وتعصيبتو من خيبهاااااااا مكيعقلش مكيعقلشششش على راسو اخيب منو مكاين ....كرشها حست بداك بنادم تقلب ليها تهز وتحط حتى شدتها وجعة وغمضت عينيها خسرات ملامح ديال وجهها ...

فؤاد "عض عض عضة في فمو حتى بانو عروق نواضرو والفك كيبان ليك من بعيد كيدخل ويخرج ...نريييييييي وجن جنونو داني ...كيحس بيه كيحفر ليه وهو ممسوقش معندووووش سوق ....ولكن من كيتفكر انه شي مرات تيحط عينو على يامنة كيبغي يتصطى بالاعصاب ....

هز راسو لسما كيتنفس ويسوووووط باش يتهدن حك على قرجوطتو حس بيها تقجت بغا منين يدوز ليه ووااااالو ...مربوط من كاع جوايه ممنوع عليه يدير شي حاجة حيث هو حاليا المشتبه الوحيييد فهاد القضية رفم انه بان دليل بالي ممكن يكون غيرو ولكن كلشي مع الوقت والبحث يبان ....هز 

تيليفونو ودوز رقم لايلاف نيشان ...

ايلاف : مرحبااا ...

فؤاد "كيهضر بصوت مبحبح ولكن بشوييي ثقيييل " : شنووو درتي ؟

ايلاف : الصفقة علاش كنا متافقين حبسات ملي وقع ليك هادشي رجال مبغاوش يتصرفو حتى تفك حريرتك ولكن داني عاطيهم مهلة الى معطيتوش كلمة غادي يشوف غيرنا ...

فؤاد : مبقييينااش باغين لغيوها ...

ايلاف : شووووو ؟ طيب جيفيتوف راح...

فؤاد "عاض على سنانو " : اااالى مبببغاش قتلو ...

ايلاف : هااا 😦

مخلاش ليه فرصة فين يستوعب دغيا قطع عليه ...وهو يضور من بعد محس براسو نسبيا تهدن مع ضار يمشي لعندها حيث اكيد عرفها سمعاتو ..ضار لقاها شادة فكرشها وكتبكيييي ...

فؤاد "ملامح الغضب تحولو لخوف " : يامنة !!! 

طار كيخطوي بزربة حتى قلبها جري تا وصل لعندها كيقيص فيها شادة تحتها وكتبكييي ...

يامنة : اهى اهى اااي ...

فؤاد : ششش بشوية عليك ...فين كيضرك ها ؟

يامنة : هنااا اففف ...

هز ايدو وحطها ليها فين وراتو ...تخلع عليها وهو يهزها بين ايديه وداها دخلها لطوموبيل وكسيرا خلا نجود جايا كتجري من سمعت الغوتة كانت كتصلي ...غا خرجت لقاتهم طارو ...

نجود : ياااربي تلطف ياربي سلامة ...

مسافة طريق غادي بيها هي متكية كان حبس عليها الوجع قالت ليه نرجعو ولكن هو مبغاش غادي طاير ...موقف تا لفاس لعند طبيبة الي داها ليها ...مع دخلة دغيا دخلاتهم هما لولين سبقاتهم

وعادة فالعيادات ناهيك ان طبيبة عينها في فؤاد ولكن فالقانون انه فالعيادة الى جات حالة مستعجلة فكدخل هي لولة دون على باقي ناس الي شادين نوبة ....

طبيبة "كتشوف في فؤاد " : احم شنو جرا ليها ...

فؤاد "داير ايديه ورا ضهرو وحجبانو مخنزرين عينيه فيهم نضرة خوف على يامنة ...كيهضر ويشوف في يامنة " : كنضن تخلعات ...شرحي ليها ..."وجه عينيه ليامنة " ...

يامنة : اا والو غير يمكن تخلعت ...ولكن مبقاش فيا لوجع قلت ليه نرجعو مبغاش ...

طبيبة "بانفعال ليامنة " : علااااش تقووولي ليه ترجعو ؟ هادشي مفيييهش لعب "مجهدة صوتها وعرفتو طبيبات والفراملية من تيرفعو صوتهم صافي راه حنا مالين شي ههه "....معندكش الحق تحكمي واش ترجعي ولا لا ....دابا نوضي ندير ليك الايكو نشو....مزال مكملتهاش تاخبط طبلة هزات فيه عينيها وهي ترجع بالكرسي لور خلعها كانو عينيه كي جمر غاشوفة عادية فيها شوية تخنزير فافاتها ...

فؤاد : لاش لغوات عليها ؟؟؟ 

طبيبة : اا لا مغوتش غير بغيت نصحها متخلعش ومتستاهنش بالموضوع سي فؤاد ...فف نم. ق .....

خرج لسانو وطواه من بعد ما حدر راسو كينقر بصباعو فوق المكتب ديالها يامنة بدات تصرط فالبيض عارفاه اش كيسوا ...

طبيبة : احم موسيو فؤاد سمح ليا ..."شافت فيامنة " ...ح حبيبة اجي معايا نطمنو على البيبي يكون خير ...

ناضت تاني على وعدها وسعدها دوزات ليها وعطاتها مسحات وخرجات لعندو ...لقاتو واقف فشرجم خاشي ايديه فجيابو كيفكر ...حتى شم ريحتها وضار لعند محبوبتو نيشان مشا بزربة لعندها شدها من ايديها وجلسها ...

طبيبة "باقي مخلوعة من نضراتو الي دار ليها هو مكيشوفش فيها ولكن غا وجهو بدوك تغوبيشة وتخنزيرة والحاجب الي مطلع ومنزل لاخور ...عينيه مرة يشوفو فيامنة ومرة يشتت نضر ديالو لبعيد ..." : الحمد لله موقع والو تحرك كان هابط شوي ولكن دغيا رجع لوضعية ديالو ...

خاصها ترد لبال لراسها ومتبقاش تنفاعل او تقلق وناكد عليها متقلقش نهائيا حيث هي الي مضرورة غاتكرفص هي ...ومتخلعش ...دابا غادي نضطر نوصيك انها تبقى غير متكية ومدير تاحاجة متهز والو غير واحد الفترة ...

فؤاد "شاف فيامنة لقاها كتشوف فطبيبة وضور تشوف فيه ...ناض جمع الوقفة قاد ليها المونطو الي حيدات باس ليها جبهتها قدام طبيبة ...وخرج خلص برا وخلاها كتبرق ...

باش عمرك ابتلكلب متحاولي تنفخي ....ههههه 

فطريق راجعين فحالهم ....وهي كتفكر حتى ضارت لعندو وعيطات ليه بصوت حنيييين ...

يامنة "بتردد". : امم ف فؤاااااد ...

فؤاد "كان داير مرفقو على شرجم وصبعو على فمو كيحك فيه ..ضار شاف فيها بمعنى شنو " ...

يامنة : امم ف صافي ...

فؤاد "معندوش الخاطر اصلا باش يبقا يعاود الهضرة " : ياااامنة هضري ..."قالها بنبرة تهديد متعاوديش نجخلط حبك " ...

يامنة : اممم ف ف مبغيتش نبقا نتبع عند هاد طبيبة "قالتها وضورت عينيها لقدام كتشوف ومرة مرة كيبغيو يزلقو ليها جيهتو حسااات بيه غوبش ماهي اصلا ولفاتو …تعابير وجهو حفضتهم 😂" ...

فؤاد "شاف فيها بنص عين ورجع شاف قدامو ...شير بايدو " : علاش شنو كاين ؟؟؟

يامنة : م "قبل ميخنزر نطقتها " ...محملتهاااش مبغيتهاش ...نبدلوها ...

فؤاد : كيفاااش كلعبو هنا نبدلو منبدلو ...علاش هادشي كامل ؟؟؟؟"مخنزر " ...

يامنة "بغات تفقص محملتهااش وكتير شي من كانت كتشوفها كيفاش كتشوف في فؤاد ...وخا تكون هاد يامنة مكلخة راه متبغيش الي يشوف ليها فراجلها هكاك كتبقى انثى ويامنة ماشي شخص مكلخ انما مهدنة ...وكتسمع ولكن فاش تيوصل لامر لحاجتها ...متبغيش " : لاااا محملتهاااش ...هننن شوف كيفاش كتصرف معاك ...

فؤاد : شنو ؟؟؟

يامنة : معايا معايا ...ممرتاحاش معاها ...كتبقى ت داك ففف عفاااك نبدلوها اهى ...

فؤاد "مخنزر قدامو قال كلمة معطلهاش " : لاا ...

يامنة : وااععع وا"ضار شاف فيها شوفة القرطاس وهي تكون ...وبدات تهضر مع راسها " : الله الله لا رجعت عندها ياااالاه ...اهى نههنن "دلات شنايفها " ...

مسافة طريق وهي تهرنن غا راسها ...بينها وبين نفسها مقدرتش تهرنن بصوت مسموع ...ويامنة من عادتها واحد الحاجة الى محملتهاش مااااحملتهاااااش وخا طير لسما ...شي مرات لدارت شي حاجة فراسها غا بطبعها الكيوت تقدر توصل ليها ...والى فااااااات حتى تقلقات تقليقتها خااايبة ...ديييما تخاف من داك سكوتي ....راه سكوتي مهدن ويني لا شد على خاطرو منك اخيب منو مكاين .....

صعيب الارضاء بجهد ...خاصك شحاااال عاد يقدر يرجع معاك كيف كان ولا يلين ليك ...

طول الطريق وهو معبرهاش اصلا قال كلمتو هو قبل ميديها كان بحث قبل ميشتد على احسن دكتورا فالمجال وعطاوه معلومات على شحال من وحدة كتخدم من نيتها ...يعني بقلبها قبل من عقلها الي قاري ...

ساعاك قلبها تحرك ومبان ليها يخدم غير في فؤاد عههههه ...هو باغي صحة مرتو وولدو يكونو مزيانين هادشي مؤقت تيحل مشكيل انهم يسمحو ليه يخرج برات المغرب باش يتحرك لانه حاليا ممنوع يسافر ومربوط باغي يتحرك ويصفي شحال من حساب ...وهادشي خلاه يضطر انه يلتاجئ لناس الي معاهم يفكو ليه قضية انه يسمحو ليه يخرج برا البلاد ...

وهما يتصرفو على هاد الاساس ...باستطاعتهم يحلو ليه هاد المشكيل لكن باش يحلو ليه مشكيل القضية ككل فهي صعبة لان البنت الي تقتلت شخص ماشي عادي ...

وصلو لازرو ودخلو مع البيست الي كتدي لفيلا حتى كانو وصلووو قدام الباب وبلاصا ...حل الباب وحتى هي خرجو بزوج ...تسناها حتى ضارت وجرها بجنبو كيشوف فيها مغوبشة وزامة فمها ...ماشي يامنة الي كيعرف !!!

فؤاد "وقف وهز ليها وجهها من ذقنها بصبعو " : شنو كاااين ؟؟؟

يامنة "هزت كتافها " : والو وااالو ...بغيت نمشي نعس ...

فؤاد "مخنزر " : يامناااا شنوو كاااااين ؟؟؟؟

يامنة : وااااااا واااالو بغيت نعس ...

فؤاد "زيررر على سنانو وزم شفايفو حتى زراقو ...قبط ليها الفك ديالها " : شنو بغيتي ؟؟؟ هضري حسن ليك لا عصبتيني مغاديش نعقل لا عليك لا على الي فكرشك ...

يامنة : والو والو ...تت ..مبغيتش نزجع عند هاديك مبغيتهاااش محملتهاااش اهى ...شنو فيها لا بدلناها ...عاااافاك مبغيتش نرجع عندها مدخلتش ليا لخاطري ...

فؤاد : اش بغيتيها ضبر راسها دايرة خدمتها مزيانة ...فاش عينك ...شوفي يامنة ...هاد تصرفات مكنبغيهمش ...هي الي غاترجعي عندها يتفك المشكيل وغاتكملي لهيه فموسكو حدا دارك ...

يامنة "تفقصااات وبدات تغوت عليه " : ولاااااا اهى اهى الله الله منرجع عندها ياااالاه ...

محست غير ب الفك ديالها تزيررر حتى خرج فمها كيشوف فيها مغزز ...اصلا معصب نييييت ...واصلة بيه لعضم ...وهي فشوشها عليه مجا تالهاد الوقت عاد بغات تبدا تهرنن ...

فؤاد "بحروف متقطعة " : ك ت غوتييييي ؟؟؟ اااا .؟؟

يامنة : اهى ...فف ف فافي "مزير ليها على فمها " ...

فؤاد "باقي شادها " : خااااطرك فوق خاطر كلشي الي بغيتيها كتحضر ...نفهمك من عينيك ونجيب ليك قبل متقولي نجيبها ليك ...ماشي تشوفيني مضصرك تركبي عليا ؟ ...تگلعي طلعي لفوق توصل لكونطرول ترجعي تشوفك تفكككك المشكيل رجعي فحالك لدارك ...تعاودي 

تفكرييي تغوووتي مغاديش نعقل عليك واش مريضة حاملة ولا غاتموتي ..."دفع ليها وجهها بايدو " ...حتى كانت غاطيح ...جمعت شفايفها بواحد الحركة ونضرة دارت فيه اول مرة يشوفها بيها حتى طلق حجبانو وبقا مركز مع ديك الهضرة ...بقات شحاااال كتشوف فيه ...

قبل مضور حيدات المونطو عطاتو ليه وضارت مشات دخلات لفيلا خلاتو داير ايديه على نصو كيشوف فيها محتافض بالصرامة وتخنزيرة وفنفس الوقت تيحلل ديك النضرة الي دارت فيه جاتو جديدة ....مبغاش نيت يتشارع معاها وهو عندو نقاش هو ضرب مكاينش اخذ ورد ...

في عقلها مغاديش نعقل عليك وخا تموتي كاااع هادشي عمرو قالو ليها عمرو دار ليها هاكا ولا مد عليها ايدو وهو لقاتو عقلو منفوخ وكيفكر مبرزط بداكشي الي عرف من صهيب ...وفي طبعها هي الى تقلقت مول هاد طبع صعيب يتقلق والى فات تتقلق صعيب يتراضا 🤷🏻‍♀️

في صوفيا عاصمة بلغاريا ...

كااانو جالسين فكافي الاوطيل كيشربو فالقهوة ...

صهيب "مقابل معاه الماك ديالو كيطابي ويبحث وداير نضاضرو مركز ..." 

ويوسف " شاد تيليفونو تصور بيه سلفي ولاحو فالانستغرام " ...

حتى صونا لصهيب تيليفون ...

صهيب "لقاه فؤاد " : اووبااا شاف كيعيط "جاوب فالحين كيف العادة " ...احم خويا ...

فؤاد "حك شفايفو بسنانو كان كيكمي جالس فجردة بعيد فواحد سقيفة وشتا كتصب " .../ شنو لقيتي تاني ؟ 

صهيب "خاصو يدخل معاه نيشان فالموضوع " : احم ...اسمها جوديت فرتهايمر يهودية الديانة ومغربية الاصل ...فاش تعرفات على صاحبك راه كان كيعرفها قبل بعام كان جا لبلغاريا ...وهي تعرفت عليه عن طريق البحث ديالها هي فاش جات لبلغارية ..ملي جات لعندو قبل متموت فاش قلتي ليا ...جات تكمل البحث ديالها ...

حيث كانت كتبحت على الموضوع الي قلت ليك بعام وهو الي خلاها تعرف عليه تا دخلت لعندكم لروسيا ودخلها معاهم لاجتماعاتهم سرية يمكن هادشي حسب تخمين دياالي كنضن هما الي وصلو ليها وقتلوها ...هذا غير احتمال مزال مماكدش …اسمها الحقيقي جوديت وكان كيقلب عليها خوها باش يرجعها والي عطاتني اللخبار صاحبتها لقيتها فالمصح العقلي فصوفيا هنا ...هي قالت هادشي 

فؤاذ : شنو الي خلاها دخل لمصح ...

صهيب : كيقول طبيب انه شافت فيديو خوها كيتگزر ...وهبلت وانا كنضن انه تهديد من المافيا الى مقالتش ليهم فين هي جوديت حيث كانو كيقلبو عليها ...ملي سمح ليا نشوفها هي الي قالت ليا كلشي الي قلت ليك ...وهادشي عاوداتو وهي تحت حقنة مهدئااها يعني بلا حقنة كون فگست ريتي ...وهي الي حطات بلاغ كتقلب عليها لانها كانت عايشة معاها فديك الفترة هما بزوج يهوديات ولكن البنت صاحبتها بلغارية الاصل ...هادشي كان معقد دابا بدا كيوضاح ...الي نقوليك انه ممكن يكون قتلها اقرب شخص ليك او الي محيطين بيك وعندهم غرض بيك ويقدر منهم هاد داني ولكن كنضن انه تاهو غير بغا ياخذ حق ختو لان اليهود مكينساوش حق خوتهم والي منهم 

فؤاد : كمل ...

صهيب : بحث هنا وهنا ...ولقيت ان خوها كيقلب عليها فاش لقاها عرف انها مشات لعند هذاك خطيبها وذيك ساعة اخبارها تقطعت تبعها وتما عرف بالي تقتلات تما فالمغريب ...كان جاي اصلا يقتل خطيبها لان ممنوع تعرف وتزوج بمسلم الطائفة ديالتهم متزمتة بزاف ...يقتل خطيبها وميقتلهاش هي ....

على حسب استنتاجي وبحثي هو الي رجع حيا القضية وكنضن بغا ينتاقم منك وليهود افؤاد الخطة كيكونو دارسينها من جيمع الجوانب وخا يبقاو يخططو سنوات مهم خطتهم تنجح ...

خويا قبل منجي بغيت نصحك نصيحة هاد المشكيل الى خربقك ...او الى هادشي معقد من احسن تواجه نتا وخوها ولا نبحثو على شي حاجة من جيهتهم حيث هي كنضن كانت غاديا لصويرة من مراكش ....الحل الوحيد فنضري والتوضيح عند خوها ....حيث وخا عرفنا باقي شوية تعقيد ولكن من احسن نتاكدو من عائلتها ...

فؤاد "ضغط فؤاد عالتيليفون كان غايشير بيه غير رجع هدن راسو بزز " : كمل ....

فؤاد : كمل ...لكن عندها ملامح ماشي مغربية ...

صهيب "قاطعو " : امها بلغارية يهودية ...ليهود مشتتين اخويا عمرهم يتجمعو ...

فؤاد "خاف عليه " : هاد المعلومات كافيين صباح رجعو فحالكم معندك متبقاو ديرو تما ...تانا غادي نتحرك ماشي انا الي تبقا لحاجة غامضة عندي ...

قطع معاه ...

ضار صهيب عند يوسف قاليه شنو قاليهم ...حتى لقاه عقد حجبانو ...

صهيب : اش تما ...

يوسف "تيحك فلحيتو " : والو غير وحدة دارت ليا جيم لصورة فانسطا عندي ...معنديش فالفالورز ...

صهيب : يااا ذكي يا داهية راه كونت ديالك ماشي بريفي الحيماري الي ولدك ...

يوسف "باقي تيشوف فتيليفونو داخل لكونت ديالها " : سانطح امك ...اهياتا هاد الوجه معرفت فين شايفو اهياتا ...

صهيب : كون راه شي قح** كويتيها ونسيتيها وهي باقي منساتش كويتك ..

شاف فيه يوسف. واحد شوفة ديال راك عايرتي شرفي وهي مزال تا مكيعرفها ...

صهيب : انااااري ...غير دارت ليك جيم وضرتي فعشيرك خوك حبيبك ...ااااااخاااا اخااا …وريناش هاد زين الي خلاك تسهى ...

وراه يوسف صورتها فبروفيلها ....كانت بشعر كحل وحجبان كحلين وعينين كحليين (كدير ليلونتي شوف ) بيضاء البشرة ..

صهيب "خرج عينيه وضحك " : واههههههههههه هاكيلي هاكاوا ...ناااري ...الدكتورة يسرى رفاعي الساطة والحب ...😍

يوسف "طير ليه تيليفون " : يعطيك حبة فضراااص حبة فسدر حبة فالق*** ...احبيبي 🙂....

اذن العشاء ...الحاج مشا لجامع يصلي ...ونجود واقفة على العشا يوجد وفؤاد مشا لاصال ديال الملحق ...كيتريني ويفكر ...كيتسمع صوت انفاسو القوية مع كل حركة كيديرها ...من طراكسيون من رفع الاثقال بالكيلوات ...من الحبل ..حتى صدرو تنفخ وتورم ليه ....وعروق ايديه خرجو ونواضرو عروقهم تنفخو ...والعرق هابط منو ...حتى عيط ليه الفون وكان ايلاف ....

ايلاف : فؤاد ...عندي اخبار ...من هون لشهر ممكن المكشل يتحل يعني مسالة خروجك برات المغرب بس هنن عم يبحثو على ضمان يكون قوي في صفك ...بس بدك تصبر شوي ...

فؤاد : مزياان يتحركو منهم راسهم منقولش ليهم انا ضروري نرجع تما عندي منقضي ومنصفي ..

ايلاف : بشو عم تفكر ؟ 

فؤاد : فاش تيسر الامور غانقوليك فاش كنفكر ...من هنا سيمانة جي لعندي لمغريب ...

ايلاف : على راسي تمام ...

في المطبخ ...واقفة نجود حتى دخلات يامنة ...وجهها حزين ومقلقة بلا قياس شادة فخاطرها وديك نضرة مزال فعينيها ...حتى شافتها نجود ...

نجود : بنتي !؟ مالك احبيبتي اش واقع ؟؟

يامنة "هزت كتافها " : وااالو ..بغيت ناكل شي حاجة ...

نجود : شنو مشهية ...؟ 

يامنة : بغيت فريت وكفتة وموناضة ...

نجود : وخا نديرهم لبنتي الموناضة مجهدة عليك غادير ليك الغاز فكرشك ...

يامنة : عفاااك بغيتها بغيت الي فيها غاز بزاااف ...

نجود "عارفة الوحم اغلب عيالات تيمشيو لموناضات كتير شي الي فيهم الغاز " : تت وخا ولكن غير كاس غا باش تحيدي لهفة ...

يامنة "جاوبتها براساها بمعنى واخ " : اممم ماما ...عفاك بغيتك فواحد الحاجة مترديهااش فوجهي ..."عينيها مغرغرين " ...

نجود : الله ...مالك ابنتي هاني طلبي من ميمتك ...

يامنة : ........

من بعد ما كمل الاتصال ناض عرقااان دار تيشرت على عنقو وخرج من الملحق هكاك عريان لابس غير شورط وسبادري ...دخل كيقلب عليها بعينيه ملقاهاش ومشا طلع نيشان لفوق دخل لدوش دوش وحيد العرق وخرج لاوي عليه فوطة لبس حوايجو عبارة عن تيشرت بيض مطرطق عليه فيه علامة لاكوست وسروال ديالو قطن سليم فالزرق ...حط الفون طفاه ...

وخشا رجليه فكلاكيط ...ونزل لتحت عند باه المكتب دخل لعندو هضرو شوي وتناقشو عادي حتى عيطات ليهم نجود ...كتبلغهم بالعشا وناضو خرجو بزوج ...

لقا الياس جالس شاذ الفون غير شافهم حطو ويامنة حداه ونجود حداها يعني بيناتهم ...شاف فيها لقاها كتشوف لتحت غير جاو هزات عينيها بنفس نضرة ...ديال مقلقة ننننيييييت ...

بداو يتعشاو ملي حطو العشا ...وهو كياكل ويشوف فيها ...منكرش انه ضرو قلبو من جيهتها ندم علاش قاليها هكاك وعرفها انها غارت من طبيبة وتعامل طبيبة ضرها فخاطرها وعرف انها,, راجلها مكتبغيش الي تشوف فيه من غيرها ...ضهر شبح ابتسامة بالكاد بزز باش كتبان ولكن دغيا جمعها من كيرجع يشوف ديك نضرة ...عمرو محط عليها ايدو ...

حق بسيط بغاتو مداروش ليها وهو الي ولفها الفشوش ...مفاق حتى بانو ليه جابو ليها شنو بغات ومعاه الموناضة كوكا من الفوق ...بان ليها داكشي ولكن باش ضحك مضحكاتش زاد تاني تعصر من لداخل وهي غير تتشوف شي حاجة بغاتها وخا بسيطة كيوليو القلوبة فعينيها ...

فؤاد "حنحن " : يامنة الموناضة معندك لاش بغيتيها ..."بغاها تقوليه عفااااك " ...

يامنة "مجاوباتوش حدها بعدت الكاس ورجعات تاكل ..." ...

فؤاد "عقد حجبانو ...صذماتو انها مقالت والو .داك العشا داز كلو وهو غير كيشوف فيها تا دغمة مكالها وهو مقابلها ...سالا العشا ونضا استاذن يخرج يكمي برا ويشرب كاس قهوة كحلة ديالو ويدير اتصال الي مكيزگاش عليه ...غير كمل وهو يرجع دخل بان ليه كلشي طلع ...

مشا طلع نيشان لفوق باش يشوفها ويعرف مالها ويهضر معاها دخل البيت ملقاها دخل لدوش قلب عليها والو ...وهو يهبط لتحت خاشي ايديه فجيابو ...حتى لقاها غاديا هي ونجود ...جيهة بيت نجود ...

فؤاد : يامنة !!! 

يامنة "شافت فيه ورجعت تخشات فنجود " 

فؤاد"رافع حجبانو وكيشوف فيها شوفة طويييلة " : مبغيتيش طلعي تنعسي فبيتك ؟؟؟

يامنة "جاوبات بنفي " : ا احم ..لا غانعس حدا ماما نجود...ومشات لبيت سدات لباب ..

فؤاد "خرج عينيه " : كيفاااااش ؟؟؟؟ 😡

يتبع...