تلاقاو الاجساد عااارية تماما ...هو غادي بكل راحة لدوش يدوش كيف عادتو كيحيد حوايجو يلوحهم فسلة الوسخ ويدخل عريان كما ولدته امه ....هذي طبيعية عندو ...هي فاش كدوش تلبس بينوارها ديما كتكلكم فيه هو وفوطة ...ملي دخلت بالدعقة نسات مدات بينوارها ف كانت الفوطة تما نقداتها ...وخارجة كتزرب وتخطوي باش تلبس عليها دغيا حتى وقع الي وقع وتلاقاو الاجساد العارية تماما ...
هي بالخلعة غواتات حتى كانت غاطيح وشد فيها بسرعة ضور ايدو ورا ضهرها تبتها عندو ...
فؤاد "بصوت خفيييييف بالكاد كيتسمع حتى فمو مكتحركش " : شششش ...
يامنة "بدات تصرط فريقها ما حيلتها لخلعة الي تخلعت ولا لاجساد الي تلاصقو وكتحس بديالو كيتك فيها بدا ينوض مع الاحتكاك ..." : مم م
فؤاد "بقا شحااال وياااربي مساخييييش بيها وبقربها وبريحتها الي كتجننو وكتير شي من خرجات من دوش باقي لحمها سخون وريحة الباندوش وشامبو الي فشعرها ...عض على شفايفو بشوييي كيحاول يتحكم فراسو ...وكيفو كيف اي رجل الى وقع هاد المرقف الي هما فيه غادي تحرك فيه الغريزة وخاصة انها بدات كتحرك وديالو كيتحكك معاها بحكم الحركة الي كدير ...مبقاش قدر ...رزقو
قدامو كاملة مكمولة مدوشة ماهي ختو الي تحرم عليه ما هي ماهي صاحبتو ....مراااتو حلالو وشكون يمنعو ؟ ...الغريزة الي تحركت تاهي حاضرة ... واش بقا واش بيدو ميعمل ...ترفع العقل فهاد اللحضة لا من جيهتها الي باقي مبهوضة ومخلوعة ومصدومة وموحشة ...لا من جيهتو الي لعقل خرج ليه معاها ...فجاة لقات راسها مجرورة ومطلعها لعندو اكثر مجات فين تحل شفايفها ...حتى حط شفايفو عليهم ...ماشي قبلة حنينة ولا دافية ولا خفيفة ....
العقل ملي طااار باح ولات قبلة عنيييييفة نيشان خشا لسانو في فمها كيضور على جنابو ...
نسااا حتى لقا راسو خدام كيتلمس فيها ايديه ورا ضهرها كيطلعو ويهبطو ...والمعلم بذا كيهز فالعلام ...فيقاتو غير ايدها الي كتنبش ليه فكتفو عاد توگض ...ورجع شاف فيها كان فمها حمررر بالبوسان وهو فمو جنابو فيهم ريق ديالها وديالو ...شاف فيها بنفس النضرة الي كان داير دابا مع البوسان عاقد غوباشتو وعينيه معسلين شوي فيها ...
شوي حتى تحنى هز الفوطة ضورها عليها ...
فؤاد "شاف قدامو " : غادي ندخل دابا ..."رفع حاجبو وحدر عينيه وهاد النضرة كتعرفها انه كيهضر بجدية والامر لا يناقش " ...سيري لبسي وتسنايني نهضر معاك ...
يامنة "جاوبات غير براسها كتحرك فيه وحناكها بغاو يطرطقو بدم ...صدرها كيطلع ويهبط لا من نفس الي خنقها ولا من القرب ولا كلشي تخلط عليها ..."
دخل هو يدوش ويبرد نار الي شعلت فيه وهي مشات كتزرب ل دريسينغ جبدات دوبييس فالكحل ...ذهنات لحمها كيف العادة وهادشي ضروري لجسمها باش يبقى رطب ديما ...لبسات بيجامة غوز ديال لقطن قصيرة فوق المؤخرة بكولون ديالها وعندها حتى بينوار يتلبس فوقها طويل الى بغيتي ..ذهنات وجهها بكريم وفمها رطباتو وذهنات شعرها من بعد ما نشفاتو بفوطة بسيروم معالج مشطاتو وجمعاتو كعكة ...ومشات جلسات فوق ناموسية ...كتسنا فيه وتفرك فايديها ...حتى لشوي وهو يخرج كينشف فذاتو وراسو بفوطة ولاوي عليه فوطة فنص تحتاني ...
داز من حداها ريحتو تعطي تاهي شمات ريحتو خارج من دوش سخون وباندوش تاهي دوزات حقها من شمان ...داز لدريسينغ كيقلب مشا لجيهة ليبوكسر وهز واحد بيض لبسو عاد نصل الفوطة ومشا باش يجبد تيشرت حتى حس بصدرو كيحرقو ...حط ايدو عليه دوز فوقو كيحك ...مد ايدو لواحد تيشرت كحل لبسو ولبس شورط كحل تم جاي لعندها خارج من تم كيعقد فسيور ديالو رجليه حفيانين حتى وصل وتلاح جلس حداها جنبها بجنبو ...
فؤاد "حك راسو ودوز عليه هو وجهو بايدو وهبط لحيتو تاهي حكها وخلا ايدو فيها ضور راسو لعندها ونطق " : هضري من لول شنو عندك باش نعرفو الغلط فين كاين ونصلحوه ...
بقات جالسة شادة ايديها مشابكة صبيعاتها كتفرككك فيهم من التوتر ...جامعة شفايفها وحاطرة راسها ...وهاد القاعدة من خيبها فيها ...تفضل انها تكون نية ومكلخة ولا تصرف هاد تصرف ...سويكتة ولكن كدير تصرفات بالحس كتر من الي كتعرعر ...الي كتعرعر او طبع الشخص الي عندو غير تعرعير وبلا بلا تفضلو على ساكت كيف ماكان الحال كيكون قدامك كتاب مفتوووح ...ماشي ساكت ومعارفش شنو تحت راسو ولا حتى اشنو الغلط واشنو الي واقع باش تحط النقاط على الحروف وهادشي منيرفيه معصبو مباغيش يتصرف حيث لا فات تا ناض الايد لاخرا غادي تهرس تاهي لانه ببساطة معندوش مع تحريك شفايف ...لا ارديا ايديه الي كيهضرو ....
فؤاد "كيحك فلحيتو وعاض على شفايفو معوجهم جنب " : هضري كنتسنى ...شنو الي قلقك اش واقع ...نعرف منك نتي ابنت ناس منعرفش من غيرك ...نهار علموك في داركم ان البنت الى تزوجات كتولي مسؤلة من راجلها ...تقوليه شنو ضرها ويقوليها شنو ضرو الحياة الزوجية ايامنة مشتركة بين راجل ومرتو فكلشي ...
داكشي الي كنتي كديريه وحدك غانولي مشاركو معاك ونفس شيء "شير بصبعو ليه " انا ...داك نهار هضرت معاك ايامنة الي وقع بيناتنا يبقى بيناتنا ياك قلتها ؟ ااا ؟
فؤاد : مشيتي نتي لعند الوليدة هي عرفت وانا معرفتش .. اااه مقلقة ...مقلقة وبزاف ...غادي تهضري قولي شنوووو عندك وديك ساعة نهضرو ...نعرف شنو الغلط منك نتي والى ما اعتارفتش بيه راني "كيخبط بصبعو فوق ناموسية " ماشي قد المسؤلية ...هضري كنسمع دابا وبلا متعطلي حيث عياان ومعنديييش مع قوة الفشوش ونتسنى ...
يامنة "ضورات شفايفها حابسة البكية وهو كيتسنى فيها تهضر حتى بدا صبرو ينفذ وبغا ينوض دار ايدو على ناموسية وجا نايض حتى نطقات " : ا انا اهى ..."على شحااال كيشوف فيها وهي تقوليه كلشي نفس هضرتها لنجود قالتها ليه حتى سالات الهضرك بتنخصيص ...
فؤاد "داير ايدو على حنكو مخنزر وعاقد غوباشتو بنضرة جدية ...لداخل ديالو ضراتو فيه فعلا حس بيها انها تحگرت من كلام الي هو كان خارج على ارادته ...الي محسش بيه ....ويمكن هي هضرات فوقت الي ممناسبش ...
راسو عامر ليييه بزااااف من جهة القضية الي هو متهم بيها ومن جيهة داني العدو ديالو حاليا الي مزال كيبحث ويعرف شنو تحت راسو ...وعلاش مختفي هاد الوقت الي هو تشد فيه ؟ ولا على الخدمة الي خلا تما ...والولد الي غايتزاد ...
والي راسو كيفكر كيفاش يامن ليهم الحماية وسط دياب البشرية الي مكترحمش في المستنقع الي هو داخل ليه ...ممكن جدا يتاخذوهم كايد الي غاتوحعو ويستغلوهم ضدو ...ممكن وممكن ...
حمل كبييييييير عليه وبزاااف عاطي راسو لدق بزاف وجناح ديالو كياكل فدق بينما هي وولدو تحت منو محاسينش ...
رجل المافيا كيعاني بزااااف فحياتو الشخصية ...حياتو ديما معرضة لخطر وديما فاي لحضة يموت فاي اشتباك فاي صفقة فاي مداهمة ...ممكن يموت بتصفية حساب ممكن وممكن ...والي زاد ان مرتو حتى هي معاه وولدو وهو خاصو يحاول ويحاول ما امكن انه يخليهم ميحسووش بهادشي ...ويعطي لخاطر ولكن
واش هو منعطيوهش لخاطر ؟ هو ماشي بنادم ميغلطش خاص ديما هو الي يهز لهم وهمو هو شكون يهزو ؟ خاص يكون ديما معصب ومنيرفي وهاد راس والقلب شحال قدو يهز ....الى هي بقا فيها الحال حيث مشايفاش امها وحاسا باليتم وخا صغيرة وخاص الي يفهمها ...ف حتى ...هو هادشي فكر فيه ونطق ليها بهاد الكلام ...
فؤاد "حادر راسو وكيهضر ..." : مرارة اليتم ميحس بيها غير الي مجرب ...هاديك الحگرة بذات غايحس بيها الي فحالك ..."هز راسو وشاف جيهتها حادرة راسها ودموعها دايزين " ...في نضرك انا مغانكونش حاس بيك ؟
جالس في المكتب ديالو لداخل فالبيت ...دق يوسف الباب وحلو ملقاهش وشاف بعينيه لقاه داخل المكتب ديالو ...حنحن ودخل وهو يدق ...
صهيب"عرفو غير باغي يطنز " : سي كييي
يوسف : موسيو صهيب السباعي ...جو سوي انوووم كي غايخلي لا ميزون دو طون پيغ ( انا واحد راجل الي غايخلي دار بوك هنهنه ) ...
صهيب "هز عينو شاف فيه من فوق نضاضر لقاه واقف عند المكتب وجالس فوق الكرسي مقابل معاه...دخل من زمااان ..." : فين غادخل ؟
يوسف : لعندك ؟
صهيب : ورايا غير الحايط لا بغيتي دخل فيه هاهو قدامك ..."يوسف نسا راسو من كان تيتمازح معاه كان دخل وجلس ديك ساعة ...بدا يحنحن ويحك فراسو" ...طلقني شنو بغيتي ...
يوسف "كمش الملامح ديالو وشد فرجلو كيماصي فيها " ..: ضرتني رجلي بزاف الخو صداع هادي يومين ...
صهيب "حط نضاضر وركز معاه " : واايلي مالها ؟
يوسف : والله معرفت نمل وصداع يمكن فىصيت عليها ...نمشي ندوز عليها ؟
صهيب : سير عند طبيب ديالك اصحبي ...شير صباح ...
يوسف : غانمشي تالكلينيك ...عيطت ليه قاليا مغايجي تالشهر جاي عندو مؤتمر طبي ففرنسا ...غانمشي غير سبيطار عادي وندوز ...
صهيب : سير لكلينيك كاينين مزيانين تما شمن سبيطار عادي اصحبي مفيه حد اختصاصيي العضام كاينين فالكلينيك دغيا دير راديو وشوف مناش ...تمشي لسبيطار المخزن غادي غير تسنى وخا تعطي لفلوس متلقاهمش والي كتعرفو كاينين فالكلينيك ...ديال لمخزن مكنعرفو حد سوى يسرى هي الكنعرف عاد غاتخذم ف ف ف ففففف "صغر فيه عينيه " ...
يوسف "فرنس " : اولله تا ضراني ايدي ...
صهيب " شاف فين حاط ايدو " : عشنا وشفنا تا ولات الايد بلاصتها القلب ...والمشكيل الايد ضراه ومبقاتش رجليه ....دابا شنو ضارك ايدك ولا رجلك ...
يوسف " لولب عينيه " : بثلاثة ...
صهيب : المعنى ...
يوسف : شوف مع خوك انا مزاوك دير سبة بشي مرض ضرني وصافي ولا ضرك ...
يوسف : هااا ؟ "فكر تا فكر " ...قوليها فبلاصة مكيخرج منك الحيوان المنوي كتخر دم واقيلة جاتك العادة الشهرية ...منها داويك وتشوف ليك حل ..
محس غير بستيلو شير عليه بيه جاه لجبهة تبان ليه البرق ...
يوسف : عفااا عشيري راه بغيت نوي المعقول يلاه باش من نخرج نشري لخويا الويز ..."ناض فرتح قبل ميجيه لگرافوز لنواضر " ....
قاليها هاد الكلام ...حسات بيه انه هو المقصود وشكون من غيرو وباينة العما ...حتى هو توفات ليه امو وخا هو فعمر صغير وهي حلات عينيها ملقاتهاش حلات عينيها وهي وسط باها وجداها ...
فؤاد : نتي حليتي عينيك ملقيتيهاش ...تربيتي انها مكايناش وخا كتشوفيهم كيقولو مي ونتي لا ماشي انك تعودتي تقوليها وفلحضة "طرطق صبعو " طارت فرمشة عين بلا حتى سابق انذار ...ماشي نتي الي دخلتي عليها وهي كتوضى لقيتيها مغيبة واخر نبض كيضرب فيها قدامك ...ماشي نتي الي درتيها هنا "كيشير لصدرو " وماتت عليه ...فلحضة كانت كضحك ومجموع معاها وكضحك ونتا مبتاسم كتشوف فيها
ديك ضحكة عندها فشكل غير كل الايام ....
#فلاش_باك...
جاي من الليسي كيجري ...كانو فدارهم القديمة ديال ازرو ...كانت الوقيتة مابين الخمسة وستة العشية ...دخل لدار لقاها موجدة ليه مياكل هو وكتسنا في خوه يوسف تاهو يدخل ...وراوية كتلعب بالعابها عندها خمس سنين ...
مينة : سير راه حطيتو فصالون شوي وغايجي يوسف تاهو ...والياس راه خارج يلعب …
فؤاد ؛ فين الوليد ؟ "الهضرة بالقياس من صغر " ...
مينة : شوي وغايجي ..."مشا حط حوايجو وغسل حالتو ولبس تيشرت وسروال سورفيت ومشا جلس كب ليه قهوة ...زغب بدا كينبت ليه فلحية كانت عندو تقريبا سطاش سنة ...وصوت ديالو بحبح وغلاض علامات البلوغ كلهم بانو ...كيشرب حتى جات بدات ضحك معاه وتعنكش فيه وتمازح معاه وهو مكحز راسو حيث كتنتفو ليه ..." والوليدة يهديك الله ...
مينة : اويلي نفرح بولدي ولا راجل...
فؤاد "ابتاسم بجنب " : رجلة من صغر اميمتي ..
مينة : الله ياربي وعلى الكلام القليل والموزون ربي يحفضك ليا وينجيك من كل شر ...انا نوض نتوضى نصلي العصر مصليتوش ...باس ليها ايدها ودخلات من بعد ما سخنات الما ومشات لطواليط حتى جا يوسف تاهو دخل بدل وخرج لعندو كب ليه قهوتو وبداو ياكلو ...
فؤاد "كيهضر ويشوف فتلفازة " : الوليدة تعطلت ؟
يوسف : ملي سولتك اخويا فاش دخلت قلتي ليا دخلات توضى ...تعطلات بزاف على الوضو ...
فؤاد "معرفش كيفاش واشنو الي خلاه يطير ينقز واقف حاسب الخطوات ودق عليها طواليط لا مجيب دق دق دق والو محسش براسو ومهتمش واش عريانة ...بدقة وحدة برجلو فرع باب طواليط ووقف مصدوم ..." ا ل "ريقو نشف " وليدا ؟؟
يوسف : الوليدا ؟؟؟؟ الوليداااااااا ...
مشاو بزوج طارو لعندها كانت يلاه كتوضى وطايحة هي وسطيلتها وعينيها مغمضين ...مشا يوسف بالخلعة كيرش عليها الما مفاقتش وهو يتنمل عليه لسااانو ...فؤاد حدو هزها هكاك بين ايده وبدعقة كيغوت على يوسف وعليها تفيق ولا مجيب حتى عينيه ولاو حمريييين ودموعو دايزين وصوتو بح ليه ...
فؤاد : ميمتي فيقي اش وقع ليك ؟ هاا ..فيقي ياك كتسنايني نقرا ونخدم ونجيب ليك مراة تكون مرت ولدك وتولد ليك الحفاد ..وتسميه نتي يااك ..نوضي اميمتي كلشي غانديرو ليك غير حلي عينيك ...حلييييييي ..."حط راسها على صدرو حتى سمع خرررر ...حدر عينيه كانو خارجين لقا مول الامانة دا امانتو وهو كيشوف فيها ....
كان يوسف مشا خرج يعيط لاسعاف ولا شي جارهم يديهم لسبيطار حتى جا طبيب جارهم دخل وهاز ماترييلي وهو الي قاليهم بالي ماتت ديك ساعة ...
#رجوع...
كيهضر ويامنة تنخصص وتمسح ...
فؤاد : هادشي علاش همي همك وكتفي حطي عليه راسك وكتفك نحط عليه راسي ...لا الوليذا لا تا حد مغايفهمك من غيري ...والكلام الي كيخرج شي مرات من فمنا وحنا عقلنا غايب مرفوع حيث عامر وهاز بزاف ...مكنديوش عليه وخا كيجرح ...مغانعقلش عليك الى متي ...خاصك تعرفي الموت ديال اعز ناس عندي ...فوبيا كضر فالقلب والخاطر ...منقدرش نخسر اقرب ماعندي ...وخاصة لكانت عمارة داري ...
كيعاود ليها وهي كتبكي ...فعلا مايحس بيك غير الي مخبوط من نفس المزود ديالك الي نتي مخبوطة بيه ...
فؤاد :والى شديتي فخاطرك "باس ليها راسها " حقك على راسي اغزالي ...
يامنة "كتبكي وتهضر " : عارفة بالي حتى انت ماتت ليك ميمتك ...نتا كبيير وراجل والراجل كيهز دق بزاف ...انا بغيتها حيث معشتش اشنو كيعيشو الي عندهم امهم ..."هزت كتافها " ...كنخاف تدير الهضرة الي قلتي ليا ...انا مكنت بغيت والو من غير نبدل طبيبة حيث محملتهاش وطبيبة خاصها تكون مزيانة باش نرتاح وانا كنمشي عندها ...
فؤاد "هز ايدو حبسها من الهضرة وشاف قدامو" : داكشي ماشي وقتو ...بنت الناس المراة كتوقف مع راجلها تعذرو وحتى انا نعذرك ...جيت عندك بغيتك تهضري تقولي شنو كاين ماشي تسكتي ومتهضريش السكات منافعش امرتي فامورنا الزوجية منافعش الدقة نهزوها بجوج ...نهار قلت ليك الي ضرك ضرني راني عنيتها ومخرجات من هاد الفم الا ومن هنا ( لقلبو ) وكلمة رجال ...جي عندي قولي اولد لحرام راك ضريتيني وقلقتيني وحگرتيني وها شنو قلتي ...لو مجريتكش تهضري مكنتيش غادي تقولي وغاتبقاي تنعسي حدا الوليدا ...لامتا كنتي غادوي ااا ؟ عارف غلطت فحقك وجرحتك بهضرتي ...ولكن نتي عارفة شنو عندي ...تخلي من بعد وطلبي ...عارفاني مغاديش نرفض ليك ومنردعاش فوجهك ابنت ناس ...عارفة عندي هم دنيا ودين وخا هكاك مكنردكش ...حميتك من دياب دنيا الي تما هاز عليك دق باش شعرة متقاصش فيك ونجي انا نشوفك كتموتي ومنعقلش عليك ؟ ...
يامنة : اهى اهى نتا عنيتيها ...و ..."وقفها" ...
فؤاد "طلق ليها واحد تخنزيرة ...من صباح وهو يشرح ليها وهضر وخا مكيحملش كترت الكلام يبرر لشي حد وغير باش تفهم ومتبقاش شاذة فخاطرها شرح ليها كلشي دوا ليها على ازمة مرضاتو وخلات فقلبو جرح ميتناسش وحيث هي يامنة ...يامنة القلب والروح ...عمارة دار وغزالو ومويا جهينا ديالو ومويا يوبوش ....ومراتو حبيبتو وجنة ولادو ...يتجرح هو ومتجرحش هي ..." : هضرتي مسوات والو دابا ؟
يامنة "هزت فيه عينيها حمرين شادة فكرشها الي بدات كتحس بيها كتكبر ثلاث اشهر وبدات كتكرش ..." : اهى ا ...
فؤاد "وهو مخنزر غزز سنانو دابا هادشي كامل وفلاخر قالت ليه عنيتيها داير عليها الويل باش متقاصش وخاطرها فوق خاطرو وشرح وباس على راسها وهاهي ضربات ليه كلشي فزيرو فحال كب الما على رملة ...هز ايدو وحول صبعو لفمو حطو عليه " : سكتي ...يامنة هبطي نعسي فين بغيتي ...
يامنة : و...
فؤاد "غوت تا طارت ونزلت ...حك على صدرو تاني وهو كيغوت " : ه ب ط ييييييييييي ...فاش تحسي بالي معنيتهاش عاد رجعي من هنا لديك ساعة خليني غير فهمي ...هبطي ابنت ناس وحقك على العين وراس هبطيييي ...
يامنة ناضت من حداه حيث شافت وجهو كيخلع خافت تخلع وكرشها دغيا كتقلب ليها داك الولد طلب معاهم شرع ...خرجات ودموعها على خدها وهو ناض موراها غادي وهو يشد فالحايط والحريق فصدرو كيتجاهد حتى بدا كيكحب ويحك فصدرو ....
فؤاد "زاد الحريق فصدرو كيعلى والنفس ديالو كديق عليه وهو خدام كيماصي والعرق كيخرج منو ...الاكسجين كيقلال عليه بالحريق ...هز راسو لسما وجهو ولا حمرررر ...وزفر لفوق " : فففففففف ....
كيكحب ويحك شوي ولا يضرب فصدرو وهو غادي ...هادشي جاه فشكل اول مرة يحس بيه ...دار ايدو على الحايط ...الضبابة على عينيه مرة تحيد مرة تجي ...تحنى ودار ايديه على ركابيه ...هز راسو كيسوط وكيدير فشهيق زفير شهيق زفير ....
فؤاد "نطق بصوت بززز باش كيتسمع ويمكن سمعو غير هو صوت خفييييف كتسمعي فيه الخنقة ..." : ي ياامنة ..."بشوييي " ...
حتى جات ضبابة على عينيه وفشلت قواه والجبل انهااار حتى طاح الارض كيتهز ويتحط وكشاكشو خارجة من فمو ....
يامنة الجزء 50
محتوى القصة
التنقل بين الأجزاء