مانطقات بحتى شي حرف اكتفات فقط بنظراات كتشكي ليه وملامحها هوما لي كيتكلمو ... ويعبرو ليه ... بحالا كتقوليه من خلالهم الله يصبرك ويصبرني.. وبحالا كتقوليه كنشاركك نفس الالم وحاسة بيك ..... ثم دوات بصوت منخفض بسباب المهدئات وعينيها ناااايمين
رتاج : لي شافك بهاد التبات كامل غايقول غير مكتحسش ... ولاكن انا عارفاك بلي فلداخل ديالك ... ضعف وخوف كبير ....وكاتقلب غير على شي حااجة تشد فيها وتشبت بيها ... تماما بحال هاداك لي غارق فوسط شي بحر وكقلب بعينيه غير على شي قشة يشد فيها ... مابقاتش أمنيتو يوصل للشط ولا يخرج من البحر ... ولات امنيتو غير يشد فشي حاجة ومايغرقش .... كتولي امانييييه بسسييطة وكايتخلا على كاع داكشي لكبير .. ارا غير يلقا فاش يشد ...( زيرات على عينيها بجججهد كتتتتبكككي عاضة على شفافيها وهو كيشوف كيفاش يديها كامشين على ليزااررر كتتعصصر من داخل وتنهد عاد نطق بنبرتو المبحوحة اخيرا سمع ليها صوتو)
اسد : نتي هاكا كنتي باغية تعاوونيه ؟!!!! ( رتاج غير مزادت غمضات على عينيها كاتشهق ) ...مكانش عليك تقوليلي غانوقف معاه .. كان عليك تقوليلي غانعس ونشد سرير تانا بحالو ... عدنان ارتاج محتاج لي يحارب على قبلو ماشي لي يضاااامن معاه ....
رتاج : ( حلات فيه عينييها بأسى وحزن كبير ) عطيني غير شوووية من تبااتك ....عفاااااك
رتاج : منيييين غاننجيب هاد القوة انا منيين ؟؟؟ خمسة دسوااايع آ اسسد .... خمسة دسوايع لي بقات فعمرو...ملي سمعتها نسيت حتى سميييتي ... وبغيتي نتفكر كيفاش كيتشد المقص ؟؟؟؟؟؟ ( كتبكي بجججهد وتشهق بححرقة واشارت لقلبها ) شي حاجة هنا كتحححرقني بزااف ... كتحرقني لدرجة البكا والغوات مايقدروش يتحملووها .... انا محتاااجة لقوووة كبيييرة .. قوة لي تخليني نرمم قلب ديال واحد شتتت ليا انا قلبي .... قوة تخليني نعالج قلب ديال اكثر واحد مررررض ليا انا قلبي ..... محتااااااجة هاد القووووة بضضبط ... هي لي خاصااااني .....والمشكل انني هاد القوة لا طلبتها من الجبل يعطيهالي غاايرييب .... تامن الحديد الى قلتليه عطيني قوة بهاد الشكل غااايذوووب ...... ( اسد مزير على عيييينيه وكيفرك فصبعاانوو مزير عليهم وسط القبضة ديالو كيتآكل غير بوحدو ) خاااايفة مانكونش قد الوعد لي عطيت ليه .... قاليا واعدني تخليني نحل عيني مرة اخرى وواعددتو .... خايفة نخيييب ضنو ومنكونش قد الوعد .... بمجرد فكرة ان عدنان صافي راه شد عينيه وبدا العد العكسي حسيت براسي ضعافيت ... خفت بزاف معرفتش منين جاني هاد الخوووف كامل .. حيت انا مع كولشي دكتوورة ولاكن معااه منقدرش نكون دكتورة .. معاه انا غير واحد البنت بسييييطة عطاتو قلبها وكتبغيه كتر من راسها .... الى مشيت حتى دخلت لداك البلوك غانكون كنعالج قلبي ماشي قلبووو .... خااااايفة منقدددددرش ... خايفة بزااااااف ..... كنحس براسي محتاجة لشي يد .... شي يد تووقفني وتشد فيااا .... ( عضات على شفتها وطلعات راسها لفوق كتبكي )
اسد : نهار تحسي براسك محتاجة لشي يد .. شدي فيدك الاخرى ونوضي .. حيت ماعمرك غاتزيدي خلفة لقدام الى بقيتي ديما معولة على يد واحد اخرى تبقى ممدوة ليك ...غاتزيدي لقدام نهار تيقي فيدك الاخرى ... فنفسك .. بلي نتي بوووووحدك لي قادرة تنوضي راسك براسك .. آمني براسك وماتعولي حتى على شي حد ... آمني براسك
حل لباب وخرج وهي انهارت بالبكااااء شادة على وجهها وسيروم فيديها وهو بدا كيتنفس مدة فالكوولوااررر وزاااد كمل طريقو ......
اتجه اسد لاكاف لقا لامار كتصبر فسفيان كانت كتعاود ليه كاع اش قالت ليها رتاج على حالتو ... وهو فحالة لها يرثى غير مصدوم وكيستوعب... غير شافت اسد ناضت لعندو وعنقاتو شحااااال مزيرة عليه ... وتاهو غمض عينيه وبادلها العناق كيتنهد وحدة ورا الاخرى بحالا كيفرغ شوية من حملو ويرتاح .. وطلعات راسها شدات فوجهو كتشوف فيه بعيون دمعانة
لامار : كنعرفك صبااار ...زيد صبر ... انا كنتيق فالله وفمعجزاتو .... الله لي رد ليك السمع لودنيك بعد ماقطعتي لياس انك تسمع... قاااادر يرد ليك خوك ... الله لي قدر يجمعك بخوك بعد ماتفرقتو لمدة سنين ... قادر يعاود يجمعكم ... دير يقينك فالله .. قريت فواحد الكتااب شحال هادي جملة ريحاتني بزاااف وآمنت بيها ..... وبرهنات ليا ليام بلي عندها الحق .... كتقول بلي .. " #لقد_سمي_المر_بالمر ... #لانه_سيمر ... #فكل_مر_سيمر " تيقني حتى هاد المرارة لي عايشينها غااتمر ...وغتولي كلها تعاويد احبيبي .... ربي قادر على كل شي ..الاطباء غايلقاو حل وعدنان غايبرا..متنساش ان لكل داء دواء ..
اسد غير كيشوف فيها وحاس براسو محتاج يتسنط ليها ... اه هو فعلا كيعرف يخلي اي واحد قوي ولاكن حتى هو كيحتاج بعد لمرات لي شي حد يقويه ..وهاد النبرة الحنينة د لامار وهضرتها المرتجفة تحطو بحال البلسم الشافي بلمسة خفيفة على جروحو وقنعاتو هضرتها وريحاتو ...
لامار : انا عارفة بلي مكاين ماسهل من للواحد ينصح بالصبر ملي كتكون الكااارثة ماشي ديالو وماحاسش بلاخور .... داكشي علاش مغانقولش لييك انا صبر لانني حاسة بيك وعارفة هادشي مغايفيدك فوالو .... انا لي غانقول ليك ... بلي يقدر واحد النهار .. ملي تولي الامور بيخير ... غاضور تشوف موراك .. وتحمد الله حيت ماستسلمتيش ودرتي لي كان خصو يدار ... يعني حاااربتي !! ....
اسد تنهد ورجع جبدها عندو وعنقها وسفيان شاف فيه .. غيير من هدوء نظراتو حس بلي حتى هو غاتكون لامار حطات عليه بلسمها الشافي ... طلق منها ومشا كلس كيشمر بنيفو وتاهي كلسات حداه .... وسكتو ...كيتسمع منهم غير تنهيدااات متتالية .... وكل وحدة والزفرة ديالها ... كيتسناو هاد العملية تسالي ... باش يبداو فالحرررب ديال بصح ... مدة وهوما تما ...مرة ينوضو مرة يكلسو واسد غير كيشوف لسعتو ....حتى جا عندهم واحد من رجال اسد قاطع تنهيداتهم
- سي اسد .. المختصين كيحضرو لاجتماع لي غايدرسو فيه حالة عدنان بخضور لي بخوفيسوغ لي طلبتي .... غايكون الاجتماع لول بخصوص دراسة الحالة والتشخيص ... والثاني بخصوص العملية و العلاج بصح هذاك غايتعقد حتى يوصل الطاقم الطبي الامريكي ....
اسد وما ليه براسو ومشا وهو وقف ..
لامار : غاديرو اجتماع دابا
اسد : معندناش الوقت كلما عجلنا كل مكان احسن
سفيان : (وقف ) غاااندخل معاكم .....
لامار : حتى انا ... بغيت نعرف ...
اسد تنهد وزاد وهوما تبعوه طلعو فسانسور ... واسد ماشي فالكولوار وكيتمنى الكلام لي قال لرتاج يعطي نتيجة .. لانه تايق فيها بزاااف كتر من اي واحد ...خصوصا ملي قالت ليه عندها الحل تمنى لو توقف وتقوي راسها وتحضر معاهم لاجتماع. .. او بالاحرى عندو يقين على انها غااااتحضر .... وصلو للقاعة غير حلو لباب لوخرين وقفو حيت كانو كيتسناو غير اسد .... ودخلو شدو بلايصهم وعلى وجهم الشحوووب والاسى .... يلاه غايفتحو الضوووسيات والباب تحل والكل هز عينيه .. كانت دااااخلة بوزرتها البيضاااء ... وعيوونها الواثقيييين ونضاضرها الطبييين كيخفيو شوية من عياء عينيها و كحولية الدموع .... والضوسي فيديها .. وملامح الجدية طاااغية بحالا مكتعرفش شكون هو المريض ..نظرات ديال دكتورة نزيهة جايا دير خدمتها على اكمل وجه ووصافي .. تاحد مايقدر يلاحظ انها حبيبة وعاشقة ولهااانة ...جرات كرسي ديالها مكتشوف فحد وكلسات كتحل فضوسي دحالة عدنان وسفيان غير كيشوف فيها لي يشوف داك الهدوء يقول هادي مكتحسش كاع ومعندهاش قلب ... ولامار شافت عند اسد
لامار : هاهي رتاج لي كنعرف ....تاحاجا مكتقضي عليها .. شوووفها كيف كتبان ... انا متأكدة انها غاتقن خدمتها وغاترجع لينا عدنان عندي فيها تقة كبيرة
اسد : ( كيشوف فيها وكيهضر ) الانسان لي كيعرف يتقن الصبر الامار ... كيعرف يتقن كولشي ....
لامار : بصح ... الى واجهنا ازماتنا بضعف عمرنا غانتخطاوهم ... ضروري من الصبر والقوة ....
اسد : بعد المرات كنكونو ضعاااف من اننا ننتصرو .. ولاكن فنفس الوقت خصنا نكونو قويين من اننا ننكسرو ....
.البروفيسور : ادن كولشي حاضر ... بحضور السيد اسد الاسماعلي والزوجة ديالو والاخ ديالو ... وبحظور الدكاترة المختصيين ..وبحضور البروفيسورة فامراض القلب و الاوعية الدموية ... وبحظور البروفيسور فامراض القلب والشرااين وبحضور المختص فالتخدير و ايضا بحضور الدكتورة المختصة فأمراض القلب والشرايين و الصمامات .... بحضور الاعضاء المحترمين ... غاناقشو حالة المريض عدنان ... ( كيشوف فالضوسي ويهضر ) لي دابا فقاعة العمليات كيقومو ليه بعملية ازالة رصاصة نحاسية على مستوى الكتف الايسر ... بسبب تأخر فالاسعافات و نزيف حاد تعرض لسكتة قلبية 10 ثواني قبل تدخل النبض الاصطناعي لضخ الدم فالجسم ولي تجاوب معاه الجسد ديالو ايجابيا وكنأملو ان الامر ممكن يستمر لخمس ساعات ... وهدا ناتج على المرض ديالو لي كان من المستحيل يستحمل اي نزيف ..ورصاصة بنسبة لحالة السيد عدنان هي مميتة واخا على مستوى الكتف فقط ...اذن الكلمة للدكتورة رتاج ااباني المكلفة بآخر عملية قام بها والمكلفة بتشخيص الحالة ديالو ...
شافو كلهم عند رتاج لي ملي بدا بهضر وهي عينيها على لي ضوسيي ديالها والقلم فيديها ملي تعطاتها الكلمة سرحات ظهرها وقادات كلستها اكثر وتحنحنات بعيون مااااضية كيف السيف ونساااات شكون هو عدنان وشنو كيعني ليها لانها هنا حسباه مريض ديالها فقط وربي نزل عليها الصبر
رتاج : عدنان كان كيعاني من ضيق فثلاثة دبال الصمامات .... والرابعة واقع ليها تلف وهي الصمامة ثلاثية الشرفات ...بالنسبة لضيق الصمامات فهو مرض تزاد بيه من صغرو كيف ضهر ليا فالفحوصات كان عندو ناتج عن تشوهات خلقية على مستوى القلب والمريض مكانش مكتشف المرض ...حتى تعرض لاصابة بالرصاص هادي عام دابا ... لي أدات ل تلف الصمامة ثلاثية الشرف ... شيء لي خلا الامر يأثر على باقي ااصمامات ويزيد يسبب ليهم فالضيق الى مع الوقت كيزيد يضياااق حتى وصل لمرحلة جد خطييييرة لي كانت كتستدعي التدخل الجراحي السريع .....
البروفيسور : كان كياخد العلاج ديالو ؟ المريض قام بجميع التحاليل والفحوصات
رتاج : ماخداش علاج كامل .. بصح قام بجميع التحاليل المطلوبة فمستشفى بمدينة باريس الفرنسية وها النتائج ( كتوريهم وهوما كيقراو مهبطين نضاضرهم ) كلهم كانو ايجايبين .. لان الطاقم الفرنسي كان كولو مستعد ومتفق بالاجماع باش يقومو ليه بعملية زرع صمامات اصطناعية هادشي علاش غاتلقاو جميع تحاليل نتائجها على داك الاساس ..
دكتور : اه عندك الحق ... كلقاو هنا كيقولو نسبة نجاح الزرع 5% ... اما فهاد الحالة لي هو فيها والنبض الاصطناعي النتيجة تدوهرات ل 1% لاسف ( لامار وسعااات عينيهااا وسفيان شد على راسو واسد مزير على يدديه )
رتاج : فحالة الزرع اه .... ولاكن حسب دراستي لي درت فامريكا .... مع البروفيسور رودريكيزز .. لقينا ان 90 فالمية من الدكاترة غير كيشوفو حالة بحال هادي اوطوماتكمون كيفكرو فالزرع وكيبداو يعطيو نتائج ونسب على داك الاساس ... بحالا مكاينش حل اخور منغير الزرع ... ( كلهم ضارو شافو فيها حتى لي كان حاني راسو على الوراق علا راسو بزربة )
بروفيسور : اشنو بغيتي تقصدي ادكتورة ؟ كاين شي حل اخور من غير الزرع ؟؟؟؟؟؟
رتاج : ( شافت فاسد ولامار وسفيان لي كيتسناوها تهضر بشووق كبيررر وابتسمات ليهم بالخف بمعنى تيقو فيا وشافت لطاقم ) تماما ... بعد مادرست الحالة ديالو جيدا ... لقيت انه ممكن اننا نعالجو ضيق الصمامات بلاصة مانستبدلوهم ... لان صمامة وحدة لي معرضة لتلف الكامل .. اما الاخرين فقط ضيقييين ... ممكن اننا نعالجوهم ... ويعيش بيهم المريض... ثم من بعد غانقومو ليه بعملية زرع الصمامة ثلاثية الشرفات ... وحتى الى مانجحاتش المريض مغايوقع ليه والو وغايكونو عندنا فرص عديدة نبقاو كنستبدلو فالصمامات حتى لقاو لي تنجح وتتطابق مع الاوعية الدموية ديالو ... بدون مانخافو اننا غانفقدو المريض لان غايكونو صماماتو قادرين يحميوه و فحالة جيدة ....
كلهم بقاو كيشوفو فبعضياتهم ويحركو رؤووسهم بالايجاب ...حتى نطقات واحد البروفيسورة كبيرة شوية فالسن
- ولاكن نتي عارفة خطورة وصعوبة عملية توسيع الصمام ؟
رتاج : كيف مكانت خطورتها ماغاتكونش بحال خطورة الزرع على صمامات متلوفة؟ على الاقل هاديك كتبقى نسبتها 40% بعد علاج الصمامات الثلاث ... نزرعو وحدة ماشي هي نزرعو ربعة ... الان هاد الحالة تماما بحال شي طاولة بأربع ارجل ... رجل متلوووفة مافيهاش امل تصلح .. وتلاتة فقط عوجين ... الى حيدنا الارجل كاااملين واستبدلناهم بارجل اخرين ... عندنا شك انهم مايجيوش مع الطاولة .. فاش مايجيوش غانكونو غامرنا وتقدر طيح طاولة ديالنا ... اما الى حيدنا غير الرجل لي متلوفة .. وصلحنا الاخرين ووقفات عليهم الطاولة ... ممكن ااننا نبداو نختارو فالرجل الرابعة وحتى يلا منجحناش الطاولة مغاطيحش ... لانها كتكون متكية على التلات الآخرين .. الحل ديالي هو منغامروش ونحيدو الصمامات كاملين ... نحيدو لي لا امل فيها ... ونصلحو لي قابلين للعلاج ....
دكتور : ممكن تشرحي لينا كتر ادكتوورة ؟؟؟؟
كان واحد المجسم ديال القلب محطوط على طبلة وهزاتو تشرح ليهم
رتاج : هدا لي كتشوفو هنا هو Tricuspid valve او لي كتسمى بالعربية الصمام الثلاثي الشرفات ... هو الصمام لي تعرض للتلف الكامل ... هاد الصمام الدور ديالو هو يستقبل الدم ديال الجسم ... ويفتح هاد الشرفات ديالو لي كتشوفو هنا دايرين بحال شي وريقات .. كيفتحهم باش كيسمح لدم يتدفق من الاذين الايمن لبطين الايمن ... ويرجع تاني هاد الوريقات يتشدو باش مايخليوش الدم يرجع لاسفل .. ومع كل نبضة ديال القلب هوما كيتشدو وكيتفتحو هاد الوريقات ... بنسبة لقلب عدنان هاد الشرفات مابقاوش كيقدرو يتشدو ويتفتحو بنظام داكشي لي خلا نبظات القلب مايبقاوش منتضمين ... وخلا الصمامات الاخرين يزيدو يضياقو وتقوا عليه الخدمة ديال ضخ الدم ... اذن هاد الصمام مابقاش نافع ومعندو حتى علاج خصو يستئصل ... ويتزرع فبلاصتو واحد جديد من بعد عملية توسيع الصمامات ... والعملية لي غانقوم ليه بيها غاتاخد مني 3 ساعات ونصف .. كل صمامة غانعطيها ساعة ... ونصف ساعة ديال الاستئصال ومن بعد يوم ... نبداو فالزرع والبحث عن الصمامة المناسبة ونزرعوها ... ونرجعو لحياة لقلب المريض ديالنا من جديد ....
دكتور : اهاه ... باش غاتبداي ؟
رتاج : غانبدا بهاد الصمام لي كتشوفو هنا ... هذا كيتسمى Pulmonary vave او الصمام الرئوي بالعربية ... غير من سميتو كنعرفو بلي عندو علاقة بالرئة .. هو لي كيسمح لدم يتدفق لرئتين عبر الشريان الرئوي ... وهدا واقع ليه تضييق تاااام شيء لي كان كيخلي المريض مايقدرش ياخد نفس عميق .. او يبدل شي مجهود فيه السوفل .. وكان ديما كيتعرض الاختناق ... لان الصمام ضيق جدا فتدفق الدم واستقبال الاكسيجين ... منين غانقوم بتوسيع ديالو النريض غايتنفس بشكل طبيعي جدا ويقدر يقوم بكل النشاطات كالسباحة و الركض و الرياضة ... منين نسالي غانرجع لهدا هنا ... هذا سميتو الصمام الابهري وكاين لي كيقوليه الاورطي او صمام ثنائي الشرفات ... بالانجليزية كنقولو ليه Bicuspid aortic valve .. وتاهو فيه هاد الوريقات لي كيتحلو ويشدو مع النبظات ...هذا هو لي كيوزع الدم فالجسم وكيسمح ليه يتدفق فكاع الاعضاااء .. والضيق ديالو هو لي كيخلي المريض يتعرض لحالة مميتة فكل نزيف كيفما صرا معاه اليوم ... نزيف الكتف ديالو ادى ليه لسكتة قلبية مباشرة ... ثم كيبقى لينا هنا الصمام التاجي .. او المترالي ... كنقولو ليه mitral valve هادا عندو نفس المهمة ديال صمام ثلاثي شرفات ... غير هداك كيكون فالجانب الايمن وهدا فالجانب الايسر .... الضيق ديالو هو لي كان كيعطي الم كبيير فالقلب ونزيف على مستوى الانف والفم فحالة التوتر او العصبية .... اذن بعد مانقوم بتوسيع هاد الصمامات بثلاثة ... وتنجح العملية ويتدفق الدم فالجسم بشكل طبيعي غاينبض لينا القلب ... لان الصمام المترالي غايقوم لينا بالدور ديال صمام ثلاثي الشرفات لي معرض للتلف ولي غانستئصلوه .. قادر يبقا لاعب الدور ديالو حتى لقاو الصمام الاصطناعي لي يجي مع التركبية الدموية ديال المريض .... غايبقا فقط مشكل انتظام ضربات للقلب .. مغايخلقوش لينا مشكل مميت .. وغايقدرو يصبرو حتى نقومو بالزرع
بروفيسور : صراحة تبارك الله عليك ادكتورة ... تشخصيك والحل ديالك ممتاز ... كنضن غايعطي نتيييجة ... كنقدم تحية كبييرة لاستاذة و الدكاترة لي قراوك ابنتي ..
رتاج : ماشي غير القرايا .. حتى فاش كتكون عندك رغبة دير شي حاجة راك كدير المستحيل وتبقا ليها حل ..... اكييييد غايعطي نتيجة .. كن على يقين انني واخا يبقى ليا آخر حل ... غانقوم بيه .. مهم عندي هو عدنان يحل عينيه ....
البروفيسورة : مكنتش متوقعة اننا غانلقاو حل بهاد السهولة .. دكتورة رتاج انا كنهنئك فعلا هادي اول عملية ديال توسيع الصمامات الثلاث خلال عملية واحدة ودفعة واحدة فايفريقيا كاملة .. وفتاريخ المهنية ديالي ... ديجا شهدنا الكثير من العمليات ديال توسيع صمامة بصح هادي اول مرة نشهدها ب 3 صمامات على التوالي ... نتمناو من الله نتجح لينا العملية ... ونزيدو بتاريخ الطب للقدام ... كنهنأك ادكتوورة
رتاج : ماشي وقت التهنئة دابا ... هذا وقت ( شافت عند اسد ) نوقفو ... نتجرأو ... وننفدو ....
اسد حرك ليها راسو يالايجاب ورضا كبير فملامحو.. ولامار مصدوومة بحالا ماشي هادي رتاج لي كتعرف وسفيان شاف فيها بنظرة ديال راحنا معولين عليك .....
حبيبي الأصم الجزء 306
محتوى القصة
التنقل بين الأجزاء