بهاء الدين:(قرب ليها فخين مها ومو شادين تقرقيب الناب وديرين كيشوفو فالعروسة عينيه خرجهم فيها وقال)كنقسم ليك غندمك على هاد الكلمة غنغتاصبك ا مرام ونخلبك ضحكة لعادي والبادي وغنطير منك هاد التكبر والعياقة لي فيك غتجي تولي طلبيني وما تلقايش مني ولو درة رحمة اولا شفقة هانا حدرتك وردي بالك مني
ناض بالزعفة فحين هي بقات مسمرة وقلبها كيضرب بالجهد وبؤبؤ عينيها صغار بالصدمة والخوف خرج من العرس ومشا تكوانا فواحد القنت كيفكر اكيد ما هي هانتو نا هي مرة ما هي جوج
بهاءالدين(مع راسو):بالسيف ما تقول هاد الهضرة بالسيف نتا لي ضسرتيها وعطيتها وقت كتر من لي تستاهل غرقتي راسك فوحدة متكبرة..كنقسم ليك بلي غتولي ليا وما كين حتا شي واحد لي غيديك من غيري كنواعدك وعد حر غنهش كيانك بشوية بشوية ونستوطن قلبك غنحطم اسوار كبريائك..
مرام:باركة جامدة فبلاصتها تصدمات من ردة فعلو عمرها شافت منو شي تصرف طيح ولا قال شي كلمة خيبة فحقها او تهجم عليها سواء لفظيا او جسديا..خافت منو اه خافت حيت كان بهاء الدين جديد عليها مختالف كليا على بهاؤ لي كتعرف الدري لي كيحشم وشاد تيقارو...
سالا العرس وكيف اي بنت مولفة دارهم تفارقت معاهم بالدموع... عنقها راجلها وداها فحضنو وكيحاول يسكتها ويسايس معاها حتا ترتاح..فحين بهاء الدين غير مخنزر وعاقدهم فينما تجي عينيه فعينين مرام كتشتت انضارها بتوتر..تهديدو كان عندو تاتير عليها وسلل الخوف والشك لعقلها..دازت الايام وفينما كتلاقاه سواء فصالة الرقص او صدفة كتفاداها وتحدر راسها وتكمل طريقها..لكن ليوم واش غادي يكون كيف اي نهار نشوفو مع الاحداث...
غادة كيف عادتها وحادرة راسها كان بالها مشغول بشي حاجة فحين بهاء الدين واقف مع صحابو وكليكة تانية واقفة فالجنب لاخر هو حاضيها من تحت لكاسكيطة ومتبعها بعينيه حتا سمع
.....:اححح على التيتيز ايمتا تحني فهاد القلب مسكين...واغير شوفي فينا ابنت العبد مالك متكبرة هاكة...
-مرام غادة وحادرة راسها ما فيها لي يتصادع معاه
اما هو ما رضاش تنخلو قدام صحابو ناض عندها ووقف قدامها هي هزات عينيها فيه وقالت بتعب
مرام:الله يخليك حيد من طريقي ما فيا لي يتصادع معاك
-اووب قمعة بطريقة مهدنة من حسن حضو ما ضرباتو بشي كلاك..كملات طريقها بخطوات تقال بين فيها العياء وسي بهاء حاضي معاها وعرفها ماشي هي هاديك عض على شفايفو كيحاول يتمالك نفسو لكن هو بدا كيغوت عليها وييب فيها قال كلام طايح بزاف لدرجة غرغرو عينيها من كلامو القبيح
بهاءالدين بقا كيكتم غضبو وكيبرد فشفايفو حتا تجرح وداز منهم دم لكن فاش سمع الشتائم والكلام القبيح لي قال فحقها ما حسش براسو حتا مشا ليه ونهال عليه بالضرب نقدر نقول سخسخو وما خلا فيه غير لي نسا فمو وما يقول وفين ما جاتو ضربة فكوه غير صحابو من بين يدين بهاء ولا شرويطة ومع دالك ما طلقو حتى عتادر منها فحين مرام كانت كتشوف فيه باستغراب.. بمعنى من نيتك عاد كنتي كتهدد فيا وباغي تغتاصبني اش هاد الموقف الشهم منك..بسرعة حدر راسو..وعينيه كانت فيهم نضرة جامدة ما عندها حتا شي معنى ودار كيقاد فشوميز لي لابس وقاد لكاسكيط ديالو
دماغو كيدور..فهم نضراتها وقرى فاش كانت كتفكر رجع عند صحابو لي ما فهمو والو فيه عمرو كان هاكا عمرو هز يدو على شي واحد ديما شاد تيقارو وما كيدوي مع حد وقف وضهرو عل لحيط كيشوف فيها غادا رسم بتسامة خفيفة وهو كيقول فدماغو غنغتاصب قلبك وعقلك وغنهدم جميع الاسوار والحواجز لي بانية وغنستاقر فقلبك..نتي ما عارفاش راسك اش كتعني ليا
قال بشفايفو وبدون صوت
لك الحياة..ولي كل العواصف والاوهام سيدتي..انتِ امراتي وفتاتي ..وهذه كل الاسباب...
#تسريع_الاحداث
مر سبعة اشهر على العرس وعلى تهديد بهاء الدين لمرام زادو بعدو على بعضهم وحتا بهاء ما حاولش يتكلم ولا يتقرب منها مرقبها من بعيد لبعيد
فمقهى كيطل على الشاطئ باركة مرام وشي بنات كيضحكو
...:ميساء شوفي داك تيتيز ياختي كيحق
(كلشي دار كيشوف)
....(ضربات على جبهتها)تفو شوهتونا ها هما عرفونا كندويو عليهم يالاه
ميساء:هاء ومن بعد اش فيها
ريم:كلشي عندكم عادي واو
ميساء:ام عادي وجدا
ريم:ايوا هادا حال الناس الملعقين..(مقابلة مع لباب)هاء(قربات من ودن مرام)شوفي بلا فرطة واش ماشي بهاء الدين لي داخل
مرام:(هزات عينيها فيه بدون مبالات وحدرات عينيها)ام هو ومن بعد
ريم:شوفي ديك خيتي لي معاه..تي ما مك قلبك بارد ودمك جامد
مرام:(بدون رد)
خولة:هادوك اه مالكم كتوشوشو
ريم:والو غير شي حاجة(عينيها على بهاء الدين)
خولة:(دارت تشوف فين كتشوف وهو يبان ليها بهاء بتاسمات ببلاهة وقفات وقالت باندفاع وهي كتشير)بهاااء الدييييين
هو سمع سميتو ودار كيقلب شكون كيعيط ليه حتا بانت ليه خولة(خولة بنت الباطرون د بهاء الدين)دور عينيه عليهم كاملين قشع مرام لي كانت مهمومة وحادرة راسها بدون اي هتمام كانها ما كتعرفوش وريم لي كانت مخرجة عينيها فيهم..سلمات عليه بلابيز وقالت
-اوووه صدفة غزالة هادي هه
بهاء:(ببتسامة د بزز)ام شكرا
خولة:(كتشوف فهاديك لي معاه)اش كدير هنا
بهاء:(عينيه على مرام)شكيجيو الناس يديرو فالكافي
خولة:(حسات بالقمعة)احم ايوا مزيان ما عرفتيناش
بهاءالدين:(مركز فملامح مرام)ماشي مهم
-مرام لي كانت غير ساهية فلحظة غمضات عينيها وحطات ايدها على قلبها وقالت بصوت هامس
-ياربي السلامة ياربي..(بقات كترددها حتا ناضت بدون سابق اندار هزات شكارتها ومشات بدون حتا كلمة حتا ضربات كتفها بكتف بهاء خلاتهم غير كيشوفو فيها فحين بهاء ستادن منهم ومشا تبعها سمح فلي كانت معاه وسمح فكلشي تبعها لقاها غتشد طاكسي ركب فدراجتو النارية وتبعها وهو عاقد حجبانو حتى وصلات للدرب واكيد هو كان خلفها دازت من حدا دار بهاءالدين وهنا كانت الصدمة وقفات كارمة فبلاصتها وعينيها مغرغرين كتشوف فالفراغ حتا داز بهاء الدين كيجري ضربها حتا طاحت فالارض عاد فاقت ووعات مشات حتى هي كتجري وتبكي وكتغوت
بعد نصف ساعة الحريق كان نتاشر فالدار كاملة وبهاء الدين مازال لداخل...
فهاد الاثناء تسمعو صافرات الشرطة ورجال الاطفاء وكلشي خايف على بهاء الدين لي دخل ما بقاش خرج والعافية نتاشرات كانها فالهشيم ندالع الحريق وكلا كلشي مخلا والو دخلو رجال الاطفاء فحين الشرطة كيبعدو الناس حفاضا على سلامتهم
#داخل المنزل
كان الجو حار ودخان ملئ المكان بهاء واقف كيدور فراسو وهو كيكحب وكيحاول يتماسك كان فالطابق العلوي فغرفة الوالدة ديالو قلب الدار كاملة وما لقاش ليهم اثار فرح حبت كيحساب ليه عند سعاد فالدار وحمد الله وشكرو لكن قلبو ما مهنيهش حتا كيبغي يخرج وكيرجع يقلب حتا دخلو رجال الاطفاء وفيدهم واحد تيو كبير كيطفيو فالعافية جروه تلاتة د رجال فالتقادة ديالو بزز خرجوه وبقاو مدورينو البوليس برك فالارض كيكحب وكيحاول يتنفس وجهو عامر بالكحولية وتحرق فايدو وصحابو ورجال كبار مدورينو كيواسيو فيه لكن لي مصبرو انو ما لقاش ليهم اثر وكيحاول يقنع نفسو بلي ماماه ما كانتش فالدار..لكن سرعان ما سمع الغوات ديال النسا لي كانو تما كيبكيو ويغوتو ناض قافز عينيه خارجين ومغرغرين مشا بالزربة يشوف شنو كين دفع لبوليس ولي كيحاول يحبسو يا اما يضربو ولا يدفعو عروق جبينو برزو وعينيه ولاو كيف نقطة ديال الدم بانو ليه مخرجين جوج د الجتت وحدة محروقة والملامح تمحاو فحين الجتة التانية بين شوية الملامح فيها وكانت الام ديالو نهار وطاح الارض كيبكي وكيضرب فايدو مع الارض حتا داز دم منها العيالات كيبكيو ويعددو..صوتهم ضرو فراسو عصبو جهلو خلاه يفقد تركيزو كترو الاصوات وتخلطو ما حسش براسو حتا غوت على جهدوو لدرجة احبالو الصوتية تجرحو
بهاء:(بصوت عالي كانو زئير)سكتوووووووو سكتوووووو ما نسمعش حس شي واااااااااحد..كانت حالتو كتشفي حالتو كتفشل تخليك تبكي دم عليه
شاف فالدار لي كانت كتاكلها العافية وخرجو عينيه من بلاصتهم مشا كيجري دخل للدار والعافية عاطية صهدها ولا كيكحب ويدور راسو فكل انحاء الدار مشا كيجري طاحت واحد الخشبة عند رجليه حفضو الله اما كون حتا هو تبعهم ما هتمش بيها همو هو مرام طلع فبقايا الدروج لي تئاكلو بسبب العافية مشا للخر د الكولوار وهو كيغوت بسميتها بانت ليه يد ومشا كيجري عندها لقاها طيحة سخفانة وبين بلي تخنقات هزها بين يديه بالخف لواها فواحد المانطة كانت فالجنب ومشا كيجري بيها نزل فالدروج وهي بين يديه مرة مرة كيشوف فيها وهو كيكح بزز باش شاد راسو التنفس تقطع وحاس براسو بدا كيتخنق لقا راسو واحل العافية كانت ضيرا على لباب ما لقا منين يخرج...
عقلو خدام كيفاش يدير يخرج حصلو تما ما عندو منين يخرج كيسمع صوت العيالات كيغوتو وطنين فودنيه غادي وكيجهاد غمض عينيه مزير عليهم وعاود حلهم حط مرام الارض وحيد تيشورط ديالو دارو على نيفو وفمو نزل عندها وهو كيضرب فوجها وعينيه مزيرين بالدموع حابسهم بزز
بهاء الدين:(كيضرب فوجه مرام بشوية)مرام فيقي..فيقي حياتي ما عندي حتا واحد من غيرك فيقي نتي لي بقيتي ليا فهاد الدنيا
-كيضرب فوجها والو ما فاقتش حط راسو على قلبها كانو دقاتو ضعاف عرف بلي الى تعطل شوية يقدر يخسرها حتى هي هز راسو بالزربة فاش تفكر شراجم بان ليه شرجم مازال ما كلاتوش العافية مزيان هزها وبتسامة امل مرسومة على وهو وجهو..وصل لنافدة هز رجليه وضرب الفدريش حتا طار بنادم كلشي دار كيشوف مصدر الصوت وفجاة
....:راه راه بهاء را هو عتقوووه
.....:سربيو سربيو راهو مازال حي
رجال ما تسناوش رجال الاطفاء مشاو كيجريو عندو بغاو يشدو مرام ما خلاهمش يقربو ليها لي كيحاول يشدها من عندو كيخرج فيه عينيه حتا كيخلعو ويرجع لور تقاتل حتا خرج وهي فايديه ما طلقهاش بقا شادها جاو الممرضين باش بحطوها فناقلة المريض ما خلاهمش بقا هازها حتا وصل لومبيلونس عاد حطها وهو مراقبهم كانو فيه خدوش فوجهو وبعض الحروق فصدرو وكتفو زعاد الضربات لي ضرب ايدو مع الارض حتا تفلحات عالجو جراحو وعينيه منزلهمش من عليها بغاو يبعدوه باش يديوها للمستشفى
بهاء:(بالغوات وكيتنطر)طلق مني ما غنخليهاش بوحدها طلاااق غنمشي معاها
المسعف:ما يمكنش ا سيدي تمشي الا اذا كنتي من الاقارب ديالها
شدوه عدة مسعفين وبعض رجال د الحومة لي تصدمو من كلامو لكن ما عاروهش اهتمام بزاف وحقنوه بمهدئ شي لي خلاه يترخى وشفايفو كدكر اسم محبوبتو
بهاءالدين:(بصوت خافت قبل ما يفقد الوعي)مرررااام
وصلوهم المستشفى بزوج وتابعهم فؤاد وباه حيت هما لي قراب ليه بزاف دخلوهم لشومبر وحدة ودارو بيناتهم ستار مدرقهم على بعضهم
عبرو ليهم الضغط ودارو ليهم تنفس اصطناعي...
دازت 20دقيقة بدى فيها بهاء الدين كيفيق وكيحل عويناتو شفايفو عليهم اسم الميمة حتا رجع لوعيو وناض بدون ما يهتم للسيروم اولا التنفس الاصطناعي نتر كلشي وخرج لقا فؤاد واقف وباه جالس فالكراسة عند لباب غير تحل لباب هزو فيه راسهم نا عرفو لا اش يقولو ليه ولا باش يواسيوه
حسن:الباركة فراسك اولدي..(ربت ليه على كتافو وهو سد عينيه محاولا يقتنع بمشيئة الله)
فؤاد:(عنقو)البركة فراسك اخويا لله ما اخد ولله ما اعطى
بهاء:(بصوت تعبان)فين مرام
فؤاد:(تنهد)راه معاك فنفس الغرفة
بهاء ما جاوبوش عطاه بالضهر وعاود دخل مشا للجيهة التانية بانت ليه مسرحة على سرير وايدها فيهم سيروم و ديرين ليه التنفس الاصطناعي جر كرسي وبرك حداها شد فايدها وقبلها بكل شغف هز راسو فيها و عينيه غرغرو حط راسو على صدرها بحال شي طفل تضلم او ضربو شي واحد وجاي يشكي على ماماه
بهاء:الميمة مشات وخالتي مشات خسرنا كلشي فدقة وحدة كلشي مشا من بين يدينا لهاد الدرجة الحياة قاصحة وضالمة ما كترحمش..قلبي كيتحرق احبيبتي شاعلة فيه العافية خسرت كلشي مشات لي كنت نتسند عليها فوقت القرح ونشكي عليها مشات ليا ميمتي هىء هىء (كيبكي بحرقة)مشى القلب الحنين مشات الميمة مشات الجنة هىء هىء..(هز راسو شاف فيها وحط ايدو على خدها)نتي لي بقيتي ليا احيات غنحميك ونفديك بروحي نتي هي نور د حياتي...مالينا حد من غير بعضياتنا...(عاود حط راسو على صدرها فحين هي بدات كتحرك مسح دموعو وبرك مقاد شاد ليها ايدها وهي كتنين حتا ناضت فافزة بحالا فيقة من شي كابوس لعين نغص عليها نومها لكن فاش شافت بهاء الدين تاكدات بلي داكشي كان حقيقة وحقيقة مرة بقا فيها بهاء الدين بقات فيها الميمة لي كانت معتابراها جداتها لي ما شافتهاش ولا ستمتعات بحنانها
شاف فيها بعيون كيبريو بالدموع لكن حابسهم ومخافظ على ربطة جاشو وسولها
مرام:(بعدات منو وعينيها حمرين باستغراب)كفاش بغاهم ما فهمتش
بهاء الدين:(شاف فيها وقلبو ضرو من جيهتها عرف بلي ما عارفاش بلي حتا ماماها كانت تما جلسها وبرك قدامها فالكرسي شد ليها فايديها وحط عينو فعينيها كيفكر كفاش يوصل ليها بلي مها الله يرحمها كانت حتى هي مع الام ديالو..قال بصوت حزين ومنخافض) مرام بغيتك تسمعيني حتل اللخر وتكوني قوية كيف كنشوفك ديما واخا
مرام:(غير كتشوف فيه ودقات قلبها تسارعو)
بهاء:ربي فاش كيكون كيبغي شي عبد كينزل عليه شي ختبار صعيب بزاف ومتشي كلشي كيقدر يتجاوزو..والله ختابرنا فاعز الناس لينا..قوي ايمانك ا مرام ودعي ليهم بالرحمة والمغفرة ان لله وانا اليه راجعون
-غمض عينيه كيتسنى ردة فعل عنيفة غوات بكا لي كان غير ما تبقاش ساكتة فاجئاتو بصمتها وردة فعلها الغير متوقعة ناضت فاتجاه الحمام دخلات وسدات لباب على وجهو غسلات وجها مرة وجوج وتلاتة وربعة وخمسة كلام بهاء الدين شلل تفكيرها صدمها جاتها هيستيريا ديال الضحك
بهاءالدين:ماعرف باش تبلا فاش سمعها كضحك بديك الطريقة لهيستيرية فرع لباب ولقاها باركة فالارض كضحك تخلع كيحساب ليه تصطات مشا عندها كيجري عنقها وهو كيقول
-بكي ا مرام بكي خرجي داكشي لي فقلبك خرجيييه بكييي ما تبقايش ضحكي
مرام:اششششش ماما قدامي ها هي (كتشير ليه)شوف شوف شحال زوينة وهي لابسة لبيض نتا غييير كتكدب عليا ماما مازال عااايشة هي والميمة ها هما كيشوفو فينا ويبتاسمو
بهاءالدين تخلع دقات قلبو تسارعو تفكيرو تفيكسا فحاجة وحدة الصدمة كانت قوية وما قدراتش تحملها مرام تصطات
بقات كضحك بهستيرية وكتشير فبلاصة خاوية وكتقولو
مرام:(بصوت ضاحك وعالي)شوف شوف الكداب را هما ماما والميمة كيضحكو معايا نتا غير باغي تعدبني وتنتاقم مني على داك نهار سير سير بعد لهيه..
بهاءالدين:(بعد وهز ايدو حتل سما وضربها بصقلة حتا تسمعات وقال بالغوات)فيقي..فيقي من الوهم ا مرام وتقبلي بلي صافي مشاو عند لي خلقهم..ما ديريش هاد الحالة فراسك وفيا..
مرام:(كان هاديك الصقلة رداتها الواقع لكن فكرة تقبل انو فعلا مشاو وخلاوها بوحدها مستحيل..حركات راسها بالنفي وقالت بالغوات)سكووووووت الكدااااااب ماما فالدار غنمشي وغنلقاها كتسناني ..نوض ديني عند ماما نووووض غتكون خيفة عليا
بهاء الدين:(كينهج وهو كيغوت)ماما ماتت..ماتتت فهميها ودخليها هنا(نقص من نبرة صوتو) تقبليها ا مرام الله يخليك الدوام لله هادشي مكتاب ا مرام عفاك ما تحرقيش قلبي عليك الميمة حتى هي مشات عند الخالق ومع دلك صابر وكندعي ليهم بالرحمة باركة ما تحرقي فيهم(غمض عينيه فاش تفكر حالتهم وعاود حلهم وقال بصوت كيرجف) وتحرقيني حتا انا..وختمها.."وعسى ان تكرهو شيئا وهو خير لكم"
مرام سكتات وهي كتشوف فالارض كان كلامو وحرقتو لي كانت بينة فنبرة صوتو فكراتها بلي حتا هو ميمتو مشات وحتا هو هي لي كانت عندو شافت فيه وعينيها دامعين
بكاها كان نحيب قلبو تقطع عليها نسا راسو والام لي كيحس بيه فقلبو وجرها بالجهد عنقها حتا تزدحات مع صدرو وحتا هي زيرات عليه وقال ودقنو على راسها
بهاءالدين:انا معاك ما عمرك تقولي بلي نتي بوحدك عمرني نخليك..
هادا هو الرجل ديما الام كيبقا فقلبو وكيهتم بالقراب ليه كينسى راسو وكينسى جراحو ويشغل نفسو بجراح الحباب و همهم كيكلف راسو باش يكونو مزيانين ومرتاحين..
مرام ما سكتاتش من لبكا وكلمة وحدة فمها "مشاو وخلاونا..مشات الغالية ابهاء"....
بقا على نفس الوضع حتا حس بيها بدات كتهدن وتنخصص بقا كيدوز يدو على شعرها حتا تهدنات وقال
بهاء الدين:مرام شوفي فيا
(شافت فيه بتعب عينيها حمرين ومنفوخين)
بهاءالدين:غنديك للدار باش ترتاحي وتبدلي وانا غنتكلف بكلشي واخا
مرام:(حركات راسها وقالت بصوت باح)واخا
-شدها من كتافها ونوضها بشوية كتمشى بزز شاف حتى عيا وهزها بين يديه لانها كانت منهارة وكتمشى بزز..اما هو حالو عالم بيه غير الله الالم كيعتاصر قلبو وكيبكي الدم ولي شافو يقول ما بيه والو انسان عادي وصل لباب د المستشفى لقا فؤاد.وباه واقفين كيهضرو حتى وقف عليهم هازها بين يديه وسرعان ما تفكرو كلامو فاش كانو باغين يبعدوها عليه
حلو ليه لوطو لي كانت من نوع داسيا دخلها وهي لاسقة فيه وناعسة ما لقاش كيفاش يدير يبعدها خافها تفيق حدو دوا مع فؤاد بالحس وقال ليه
بهاء الدين:خويا فؤاد خشي يدك فجيبي وهز لفلوس لي عندي خلص بيهم والى كانت خاصة شي حاجة كملها حتا نمشي للدار ون..(حبس كلامو فاش تفكر بلي ما بقا عندو فين بمشي ودارهم تحرقات)غير نتيري ونردهم ليك
فؤاد:(حرك راسو بالايجاب فحين عينيه على مرام لي كانت مخشية فبهاء وناعسة..تنحنح فاش شافو كيخنزر فيه وقال)وو واخا انا غنمشي نخلص
بهاء الدين:(بصرامة)خود لفلوس من جيب
فؤاد:ما عنديش كيف ندير اصحبي انا غنخلص ما بيناتناش (قاطعو قبل ما يدوي)حتا تسالي وردهم ليا
حرك ليه راسو بالايجاب ومشا فؤاد وعقلو كيدور وكيفكر فكلمة مرتي اما بهاء باس راسها وقال
بهاءالدين:(بهمس)كنواعدك بلي عمرني نخليك نتي لي بقيتي ليا وغنحافض عليك(زير عليها ونزل دقنو على راسها مغمض عينيه)
جا فؤاد وباه وهما كيشوفو فيهم كيشوفو بهاء لي ناعس وصدرو عريان ومرام لي مخشية فيه بحال شي بنت صغيرة كتحاما فباباها..هو كان حاس بشنو كيضور حواليه كان غير مغمض عينيه وكيراجع حساباتو حتا سمعهم وعقد حجبانو
حسن:واش زعمة يكون كلامو صحيح ا فؤاد
فؤاد:(بستنكار)اشمن كلام الواليد
حسن:(شاف فيهم)انها تكون مرتو
فؤاد:الله يهديك الواليد را غير كان مشطون ومخربق داكشي علاش قال هاكاك..وزيدون كون كانت شي حاجة غيقولها لينا وهما عارفيني كنبغيها وناوي نخطبها
حسن:ام واخا..ركب ركب باش نمشيو
بهاء الدين بدا كيسوط ونا باغيش يشوف فبه حيت هاديك الفقصة والخرقة لي كيحس بيهم غيخرجها فيه بقا على نفس الحال حتا وصلو للدار كانو الناس كلهم مجموعين قدام الباب هالي كيبكي هالي كيعاود شنو وقع للناس لي ما حضروش المهم كلشي مخلط لخسن الحض شكارة مرام هزاتها صحبتها ريم فاش جات ولقات روينة شافتها طايحة فالارض وهزتها لقاوها باركة فالعتبة وما مصدقاش حتا شافتو هازها بين يديه ووجهو صفر وكلو خباشي للحظة نسات شنو واقع وسهات فجسمو وعضلات بطنو حتى زعزعها برجليه باش تنوض من قدام لباب
ريم:(بحزن)البركة فراسكم
بهاءالدين جبدي ليا الساروت الله يرضي عليك
ريم:جبداتو بالزربة من شكارتها وحلات لباب دخل بلا احم ولا دستور وخلا الفام محلولا موراهم... طلعها نيشان لبيتها وحطها ففراشها غطاها ونزل حجبانو معقودين ومل خطوة كيدير فيها جوج..نزل وقال لريم بحزم
بهاءالدين: بقاي معاها وما تفاوتيش من حداها انا جاي دابا
....:وا ختي هادشي سمعتو لهاد الودنين لي غياكلهم الدود
...:اش قال انا ما كنتش حاضرة
...:ايوا يالالة كان غيقتل واحد دري مسكين كيكون فالاسعاف على قبل بنت المرحومة
.....:هاويلي
....:اييه بحالا شتبها بعينيك
.....:ايوا ونسيتي الحاجة لي صدماتنا كاملين
.....:ماشي سيد طلع مزوجها وعقلو بغا يخرج فاش بغاو يحيدوها ليه من يدو ولا غير يدور وبقول ليهم مرتي هاديك
السعدية:(بالغوات)وا سيرو الله ينزل عليكم اللعنة يا الكفرة بالله السيد مسكين مشات ليه ميمتو والبنت حتا هي ما شفتوش حالتو وهو مسيكين كيعتابر راسو مسؤول عليها باراكة ما تاكلو لحم عباد الله ودخلو سوق ريوسكم ما خليتو حي ما خليتو ميت الله يلعنكم
العيالات حشمو قدام رجال وما قدروش يزيدو الهضرة كل وحدة حدرات راسها وتفرق المجمع فحين بهاء الدين خدا تيليفون من عند واحد من صحابو و تاصل بالمدير ديالو علمو بلي جرا وتاسف لداكشي لي جرى وقالو بلي غيحضر العزو..مشا لمحل ملابس قريب ليهم خدا ما يلبس وبدل ديك ديك الحالة وعاود رجع لمستشفى فين كينة مو ولالة سعاد
بهاءالدين:الله يخليك فين كين طبيب لي مكلف بواحد الجتت يالاه جابوهم هاد صباح
....:واش لي محروقين
بهاءالدين:(خنزر فبها وضرب يدو مع الكونطوار)سولتك جاوبي على قد سؤال
...:غتلقاه فالطابق التاني فالغرفة رقم 13
مشا بدون رد طلع فالدروج كيجري حتا وصل للغرفة لي قالت ليه دق ودخل
بهاءالدين:السلام عليكم
دك:(مركز مع الوراق لي قدامو)وي تفضل
بهاءالدين:انا من عائلة الضحايا لي جابو لبكم صباح
دك:(هز راسو فبه وقال ليه)تفضل جلس..(برك)شنو كيجيوك دوك السيدات
بهاء(بتنهيدة)وحدة فيهم الواليدة والتانية جارتنا
دك:عضم الله اجرك اولدي..(حىك ليه راسو بصمت فحين الدكتور قال خبر غيقلب موازينو وغيصدمو)....
بهاءالدين:(بريبة)تقدر توضح باش نفهم النقصود من كلامك
دك:(حرك راسو)ليوم فاش جابو الجتت جاو معاهم البوليس وطلبو مني ندير تشريح الجتت بجوج وللاسف ما ماتوش محروقين كيف كيشوفوهم الناس ماتو مقتولين
بهاءالدين:(وجهو تسقط فبه الدم)بغيتي تقول ما ماتوش موت د الله
دكتور:(حرك راسو)واه للاسف والشرطة غتفتح محضر وتدير لي عليها
بهاء الدين كيفكر فكلام دكتور وكيقارن كلامو مع كلام ام سعاد
قال ليه:ايمتا نقدرو ندفنوهم
دك:(عطاه شهادة الوفاة)تفضل بامكانك غدا تدفنهم
بهاء الدين خدا الورقة وخرج كيجري من المستشفى ركي اول سيارة اجرة دازت قدامو عطاه العنوان
بهاءالدين:الله يخليك سربي ا خويا..زيد فالسرعة
سائق الاجرة زاد فالسرعة ووصل فضرف وجيز للدرب عطاه الورقة الوحيدة لبك كانت فجيبو بقد ١٠٠درهم بدون ما يشوف شحال ومشا كيجري فاتجاه منزل مرام وقف كينهج بانت لبه الدنيا عامرة بالناس رغم ضلام لي طاح كلشي كيجري ويوجد لجنازة دخل لدار ديال مرام لان الباب كان محلول والنسا داخلين خارجين طلع فدريجات ديال الدار لي كيوصلو للطابق الاول (الدار كتكون من سفلي وبروميان عاد السطح)خطواتو كانو سراع عوض ما يدير درجة كيدير تلاتة وكل خطوة فبها تلاتة الخطوات حتى وصل لغرفة مرام فتح لباب بعنف حتا خبطو وقفزات ريم من بلاصتها فحين مرام كانت مازال ناعسة او غيبة عن الوعي..مشا عندها وبرك قفازي حط يدو على وجها باش بفيقها لقى حرارتها مرتافعة بزاااف..بدا كيحرك فيها مخلوع..
مرام...مرام..فيقي..(كيحركها بدون رد شاف ف ريم لي غير كتشوف وغوت عليها حتا قفزات)كلمي ليا خديجة سربي
ريم:(بالتلفة والخلعة)شش.ششكوون خديجة
بهاءالدين؛(وهو كيحرك فيها وكيغوت)ماماين د سامية سربي
مشات كتجري باش تكلمها..الحاجة الوحيدة لي فكر فيها ديك الساعة هي الما بارد هزها بحويجها وخرجها للدوش لي كان مقابل مع غرفتها حل رشاشة على الما بارد وخشاها تحتها حتى قفزات ومع كانت فاقدة الوعي تقريبا خافها تزلق ليه من يدو وهو ما متحكمش فبها حيت بعيدة عليه قرب ولسقها معاه حتى بدات كتنين وترعد بالبرد عاد سد رشاشة هز فوطة كانت تما ولواها عليها خرجها لين يديه وداها لبيتها لقا خديجة وسامية واقفين وكيشوفو فيه..مشا حطها فسريرها
بهاء الدين:(بخوف)طلعات ليها سخانة بزاف ما عرفت ما ندير ليها من غير لما بارد غتكون رجعات ليها بالبرودة (بقا ليه شوية ويبكي)
ااسعدية:(قاطعاتو بشفقة)سير اولدي انا غنتكلف ما تهز هم لوالو
بهاءالدين:لا لا ما نقدرش اخالتي نبعد انا واعدتها.. (بترجي)عفاك ديري شي حاجة
سامية:(جراتو معاها وقالت)خويا بهاء خليها تبدل ليها باش ما تزيدش تمرض وبقا واقف غير هنا غير بين ما بدلات ليها
بهاءالدين:(تبعها وعينيه عندها حتا خرج وسدات سامية لباب موراها)غتكون بيهير ياك اختي سامية..ما عندهاش شي حاجة خطيرة
خديجة:ما تهز هم لوالو اولدي والى حتاجيتي شي حاجة انا كينة ديرني فمقام المرحومة
بهاءالدين:(بتاسم بضيق)شكرا اخالتي
مشات وهازا ليهم لهم ما عندهم حد فحين بهاء الدين دخل لبيتها وهو فازغ كيقطر ما خسش بالبرد لي دخل مع عضامو ولا لحمو لي بورش همو الوخيد هو تفيق مرام بيخير وعلى خير مشا هز طاسة وعمرها بالما بارد من دوش وهز فوطة صغير ومشا لببتها يالاه غيبرك حداها سمت دقان فالبيت مشا حل
سامية:(هازة ساشية)هاك اخويا لبس عليك هادو على لبرد
بهاءالدين:(بتاسم ليها ووجهو دابل)شكرا اختي
عطاتو لحويج ومشات بدون ما تعلق ولا تكتر الهضرة بتاسمة وعطاتو بالضهر مشات هو سد لباب وحيد تبشورت لي لابس قاس حرارتها لقاها باقة مرتافعة ولكن قل من كيف كانت..تاكد بلي ناعسة وحيد السروال وتبعو لكالسو بقا صولو نشف جسمو بالفوطة ولبس الحويج لي جابت ليه سامية ولي كانو عبارة على تريكو سخون وسروال د سيرفيط مشا جلس عند راسها وفزغ الفوطة عصرها شوية باش ما تبقاش تقطر وحطها ليها على جبهتها بقا على نفس الخالة كل مرة كيبدل ليها الفوطة وكل مرة يقلب ليها حرارتها حتى داه نعاس وهو نصو فالارض وراسو مسندو على يدها..بالمختصر بات فالضص..
ناض على صوت دقان شاف جيهتها لقاها مازال ناعسة حط ايدو على جبهتها لقا حرارتها نزلات ورجعات عادية مشا حل لباب وهو كيحرك فعنقو لقاها سامية..
بهاءالدين:(بتعب)صباح الهير ختي سامية
سامية:صباح نور خويا..سمح ليا نوضتك فهاد الوقت (كانت 6:45 دصباح )
بهاءالدين:لا هانية..
سامية(بحزن):خاصك تفيق وتوجد راسك على ود الجنازة نتا ومرام
بهاءالدين:(تنهد وقال بجبروت منكسر)واخا
مشات سامية ورجع دخل وسد لباب موراه برك ف فوطوي قدام مرام لعدة دقائق وناض هز نفس الفوطة ومشا للدوش دوش بالخف خوى عليه غير الما نشف لحمو ولبس تما وخرج ما دارش عشرة دقايق فالدوش مشا لبيتها وقرب حداها فحين صوت القران كان صداه فالدار كاملة..دعا مع الام ديالو فخاطرو ومع سعاد بالرحمة ودع مع مرام ومع نفسو باش يقدر يصبر على هاد الاحساس القاتل لي فقلبو ويقدر يكون اقوى من هاكة ويتحمل..تنهد ومشا عند مرام لي كانت سارحة عجول لاخرة و ما عارفاش شنو ضير بيها حط ايدو على خدها وباس جبينها..عاد بدا كيحركها بشوية حتى بدات كتململ
مرام:اننن
بهاءالدين:(بصوت هادئ)مرام نوضي باراكة من نعاس نوضي
حلات عينيها لقاتو عند وجها بقات كتشوف فيه علاما تستوعب شنو واقع وشنو دير بيها..وفتواني او لحظات معدودة تفكرات كلشي وبداو دموعها كينزلو وكتنخصص
بهاء برك حداها وقال بصوت هادئ)علاش كتبكي امرام..(الصمت)واش باغا تحرقيهم باغت تعدبيهم باغا الله يغضب عليك حيت ما رضيتيش بقدرو وحكمو..ربي ختابرنا ونزل علينا هاد البلاء
حمدي الله وشكريه الدوام لله عز وجل اما حنا نهار غيتحد الاجل غنفارقو هاد الدنيا وغنفارقو حبابنا..وتدكري قوله عز وجل "كل من عليها فان..ويبقى وجه ربك ذو الجلال والاكرام"يمكن هما لبارح وحنا اليوم هم السابقون ونحن اللاحقون...
بهاءالدين:مازال يالاه غنمشي باش نجيب الواليدة ديالك والميمة
مرام:(بحزن وعينيها مغرغرين)بغيت نمشي معاك
بهاءالدين:(شد فايديها)ما كين لاش تعدبي غنجيبهم هنا ومن هنا غنخرجوهم باش نشيعو الجنازة
مرام:(بقلة حيلة)شنو خاصني ندير ما عمرني حضرت لشي جنازة ما عارفة والو..(طاحت دمعة من عينيها)
بهاءالدين:(مسح دموعها)عفاك بلا دموع..وسامية غتكلف وتوريك شنو خاصك ديري هي وخالتي خديجة
مرام:حركات ليه راسها بحزن
نتض باش يخرج حتا وصل لباب وحلو وهي تعيط ليه(بصوت باح)
-بهاءالدين
(دار عندها بتسائل)
-(بصوت باح)شكرا بزاف
بتاسم ليها بانكسار ودار خرج اما هي جمعات رجليها عند صدرها ودموعها نزلو واخا تعيا تكابر وتصبر راسها ما كتقضرش كتفكر كل لحظة دوزاتها معاها..اما بهاء الدين نزل بخطوات سريعة لقا العيالات فالدار كيسيقو ويجمعو لي خاصها تجمع وكلهم لابسين ملابس عادية وملامح الحزن والكئابة على وجوههم بدا كيقلب على سامية حتى بانت ليه خارجة من جيهة الكوزينة عيط ليها بصوتو القوي والرجولي حتا جات عندو
سامية:نعام اخويا
بهاءالدين:عفاك اختي سيري عند مرام وبقاي معاها ووريها شنو دير را ما عندها حتا فكرة على مراسيم الجنازة
سامية:واخا خويا..وسير تكلم لماما را بغاتك
بهاءالدين:واخا فين كينة
سامية:فالكوزينة
كل واحد مشا فالاتجاه لي خاصو يمشي ليه بهاء مشا عند خديجة ماماين د سامية وسامية طلعات لعند مرام لي لقاتها مكمشة فبعضياتها وكتبكي بلا حس مشات عندها عنقاتها
سامية:(بحزن وعينيها مجموعين فيهم دموع)بكي احبيبتي بكي وخرجي لي فقلبك ما تحبسي والو فقلبك رتاحي حبيبتي رتاحي...
اما بهاء مشا لكوزينة ولفا خديجة شي عيالات لقا السلام ومشا عند خديجة باس ليها راسها
خديجة:الله يرضي عليك اولدي..كيف بقيتي شوية...وبنتي مرام كيف بقا مسيكينة
بهاءالدين(بصوت باح):الحمد لله الحاجة..احم احم(باش يرجع لو الصوت)
خديجة:الله على وليداتي الله بجوجكم ما عندكم زهر فهاد الدنيا الله يفرجها عليكم ويرحم الموتى اجمعين
بهاءالدين:امين الحاجة..خاصاك شي حاجة قالت ليا سامية بغيتيني
خديجة:انا لي قلت ليها تكلمك ليا اولدي باش تفطر وتمشي تجيب المرحومات حيت رجال را بداو كيصيبو فالخزانة
بهاءالدين:واخا الحاجة..وعفاك لي خصاتكم قولوها ليا ما بغيت حتا شي واحد يجيب شي حاجة من عندو هادو عائلتي وانا لي غادي نتكلف
خديجة:اولدي را حنا واحد..ولبنا غير بعضياتنا
بهاء الدين:لا الحاجة هادشي واجب عليا..المهم انا غنمشي نقضي واحد الغراض ونرجع بالخف باش نجيب المرحومات
خديجة:فطر بعدا
بهاءالدين:والله الحاجة ما عندو منين يدوز
باس ليها راسها وخرج مشا فاتجاه البنك ديك الساعة كانت بديالاه السبعة ونص تيرا من الغيشي 5000درهم ف 5000 حيت ما عندوش لحق يتيري كتر من خمسة الاف درهم ورجع فاتجاه الدار مشا نيشان عند خديجة لي كانت واقفة على لعيالات
بهاءالدين:الحاجة واحد دقيقة
خديجة:وهي كتقاد فزيف حياتي على راسها)نعام اولدي
بهاءالدين:(جبد لفلوس ومدهم ليها)هاكي هادشي قضي بيه والى كانت ناقصة شي حاجة قوليها ليا الله يرحم ليك الواليدين...
خديجة:(بتردد)اولدي الله يهديك ياك انا لمقام المرحومة وسي حسن حتا هو ديرك فمقام ولدو فؤاد وسي عماد وصحابك علاش غتعدب راسك ونتا عاد غتبدى من جديد
بهاءالدين:(بجدية)الحاجة راني دويت عفاك ما بغيت ختا شي واحد يحط شي حاجة من جيبو هادي جنازة د عائلتي وانا قاد بيها
خديجة:(تنهدات وشدات الفلوس)واخا اولدي لي بان ليك
بهاءالدين:(كبشوف فالساعة)هادا هو الوقت الحاجة باش يالاه نبدا فالوتائق وداكشي لي خاصني نديرو باش نجيب المرحومات
خديجة:واخا اولدي الله يعونك
بهاءالدين:امين
مشا بعد ما باس ليها راسها فاتجاه المستشفى وتلاقا وبدا فالمعاملات وجري من هنا وجري من لهيه حتا وصلات ديك 12 عاد كمل الوتائق وقدر يتسلم الجتت بجوج جات الاسعاف باش يهزوهم ويديهم للدار بغا المراسيم دوز كلها فالدار من غسل وتكفين وما الى دلك تاصل بخديجة وعلمهم باش يوجدو البيت والمرى لي غتكلف بغسل وتكفين المرحومات...ركب فموطورو وتابعهم عاقد حجبانو وشريط حياتو مع ماماه كيدوز بين عينيه...حتا وصل كان كلشي واجد الدار عامرة بالنسا والرجال باركين فالخزانة القران فالدار وفالخزانة وكلشي كيبكي بالخصوص فاش جابوهم ودخلوهم للدار سامية كانت مازالة مع مرام فالبيت لبساتها جلابة بيضة جابتعا ليها وفولار بيض وملابس داخلية عادية بعد ما دوشات ليها ووجداتها تسمع صوت نحيب الجارات وعرفو بلي المرحومات وصلو سامية شافت فمرام وقالت ليها
سامية(بحزن):حبيبتي مرام سمعيني وحبسي لبكا الى بغيتي تودعبهم خاصك تكوني قوية وما تبكيش وما تغوتيش صافي
مرام:(كتقوي راسها قالت بصوت باح)واخا
سامية شدات فيها وهي كتوصي بركو كيتسناو بين ما جات ماماها دق حيت عارفا بلي غيغسلوهم ويكفنوهم فالدار
دازت نص ساعة ومرام مازال حادرة راسها وكلها كترعد حتا سمعو دقان كان بهاء الدين دخل عينيه حمرين باين بلي كان كيبكي هزات فيه راسها وعينيها المدمعين زادو غرقو فالدموع فاش شافت فيه بلاما تحس مدات ليه يديها وحتا هو ما عطاش فرصة لراسو يفكر جوج مرات تلاح فحضنها ومزير عليها حتا نزلو دموعو بعدات سامية وبقات كتشوف فيهم كانو كيحطمو اي واحد شاف فيهم..حتا هي زادت زيرات عليه وكتنخصص فحضنو دازو بعض دقائق تقريبا خمس دقائق..
مسح دموعو بلاما تحس بيه وبعدها بقوة مصطنعة حتى تقابلو عينيهم لي كانو حمرين بقوة البكا كانت كترجاه بعينيها فلحظة قالت وهي كتنخصص مرام:قولي هادشي غير كدوب ما قادراش نتيق ما باغاش نصدق بلي صافي خسرت الغالية هىء هىء كنترجاك ابهاء
بهاءالدين:مرام مسحي دموعك وخلينا نزلو نودعوهم لاخر مرة ما تبكيش وما تغوتيش عنداك ا مرام عنداك
مرام:(بالدموع)ما نقدرش ا بهاء ما نقدرش هىء هىء
بهاءالدين:غتقدري انا عارفك قوية وقادرة تواجهي هادشي
مرام(كتحرك راسها بالنفي)
بهاءالدين(بحزم وجدية):واش ما باغاش تشوفيهم وتودعبهم لاخر مرة ها
مرام:بغيت بغيت هىء هىء
بهاءالدين:ايوا حبسي البكا وبقاي قوية وتابتة كيف جبل كيف كنتي شحال هادي..را الميت كيكون كيسمع كلشي وما مزيانش يسمع البكا والغوات وهو غادي لدار البقاء
مرام:(كتحاول تصبر راسها وتمسح دموعها)وواخا
باس راسها وشدها من ايدبها وهي مرفوعة فينما شدها ولا جرها كتمشي حتا نزلو ووصلو لتحت كانو مخرجينهم مغسلينهم ومكفنينهم لان بهاءالدين ما بغاش مرام تشوف مها وهي مشوهة بديك الطريقة طلقات منو وتمشات بخطوات بطيئة نزلات على ركابيها باست راسهم بزوج حيت كانو معرين القبر وشافت وهو فهم شوفاتها نعت ليها لقبر او الصندوق لي فيه ماماها وعنقاتها بالجهد وقالت
شاف فيها بهاء عرف بلي غتبظا تبكي غير من فمها لي بدا كيترعد.ومشا وقفها وهو خاشيها فحضنو حرك لبهم رايها باش يبداو يخرجوهم هي ضورات راسها بانو ليها كيهزو فيهم بدات كتنطر من يدين بهاء
بهاء(كيحاول يحكمها)ششش سكتي امرام سكتي
مرام عاد فين زاد جهد وغتبدى تغوت ما عرف مايدير فاش طاحت للارض نزل معاها وحكمها بايديه وسد ليها فمها حتى خرجوهم
بهاء:صبري امرام صبري ما تزيديش تحرقيهم كتر من هاكا...خرجوهم وهو طلب من سامية تجي تشدها وما تخليهاش تخرج فعلا داكشي لي كان هو خرج وهز القبر د مو ومعاونينو دراري والقبر د سعاد هازينو دراري حتى هو كانت قافلة كبييييرة ماشي جنازة تابعهم كل من حب ودب لي دازو من حداه كيمشي معاهم فالجنازة وصلو للمسجد فين غيصليو على الامواث وكان المسجد عااامر لدرجة الناس صلاو فالزنقة كانت جنازة كبيرة بزاااف
كملو صلاتهم وهزوهم على كتافهم عاود للمقبرة وهما كيدكرو الله
الكل بصوت موحد:لا الاه الا الله..محمد رسول الله...لا الاه الا الله محمد رسول........ مولانا نسعاو ريضاك..وعلى بابك واقفين...
#فمنزل_مرام
نحييب وغوات مخلط بالدموع
مرام(كضرب فصدرها وتنتف فشعىها وتغوت):ماماااا هىء هىء ماماااا هىء هىء مشيتيييي وخليتيني هىء هىء علاشش اسيدي ربيبب حرمتيني من العوينة لي كنت نشوف بيهاااا هىء هىء...ماماااا ديني معااااتك الغالية هةء هىء لمن خليتيني ومشيتي هىء هىء
بقات كتغوت وضرب فراسها والعيالات كيحاولو يصبروها ووالو بغات تخرج تبعهم وهي كتغوت وتبكي حبسوها غير العيالات
بقات على نفس الحال حتى تبخرات قواها الجسدية وولات كتسمع طنيين فودنيها وراسها كيضرها بزاااف الدنيا كدور بيها ما حسات براسعا حتى فقدات الوعي وهي بين يدين سامية وخديجة....
سالات الجنازة بكل مراسيمها ودازت حتى الربعينية مرام جاها كتئاب ما بقاتش كتخرج من بيتها كتاكل بالمقاتلة هي وبهاء الدين.. مشا كرى فدار خرى لكن فنفس الدرب يوميا عند مرام فالدار كيمشي يشوف الجديد فالقضية وكيرجع يدوز معاها نهار حتا كتقرب وقت الخدمة وكيمشي بزز شاغلة بالو ومشطون عليها وماعارفش كفاش يخرجها من عاد الحالة خدام بلا عقل كيبغي غير امتى يمشي يشوفها شنو خاصها واش كلات ولا لا الى ما لقاهاش واكلة كيبقى ينغر حتى يعيا ويجي يجلس حداها حتى تنعس...
بهاءالدين:(بعدما سالا الصلاة بقا فنفس الوضعية فاش سلم وبرك كيشكي للي خلقو)ياربي شوف من حالي عييت ما بقيتش قادر نشوفها فهاديك الحالة ياربي عوني وما تحرقش قلبي مرة تانية..هي لي بقلت عندي يا ربي..ياربي تفرجها ياربي يارب ترحمني وترحم الجميع ياربب..ما عندي حتا شي واحد من غيركم ياربي ياربي تقدرني وتعطيني صبرك يا كريم..اللهم اني اسالك خير هادا اليوم واعوذ بك من شره..واللهم اني اسالك القبول يا من يقول للشيء كن فيكون
تنهد ومسح على وجهو جمع صلايتو وناض كانت ديك الساعة العشرة نهار السبت لبس حويجو وخرج فاتجاه دار مرام حل بالساروت وطلع لبيتها لقاها سادة شراجم ومضلمة لبيت لابسة بيجامة خفيفة وعشاها كيف خلاه ليها باقي..تنهد عاود ومشا حل شراجم وبدا كيفيق فيها
بهاءالدين:(بحنان)مرام..مرام
مرام:امم
بهاءالدين:نوضي عندنا ما نقضيو نوضي
مرام:امم خنيني نعس
بهاءالدين:(حيد عليها الغطا لي كان عبارة على ايزار حيت كان وقت الصيف والجو حاار)تي نوضي باراكة من العجز
ما تحركاتش من بلاصتها شاف حتا عيا وهزها داها للدوش وخشاها بحويجها تحت رشاشة بعد ما طلقها كانت بالما بارد غير حسات بالما قفزات شاهقة من لبرودة خرجات فيه عينيها
مرام:اش بافي عندي فهاد صباح ومنوضني قافزة وبهاد الطريقة مالك جهلتي
بهاءالدين:(بنفاد صبر قرب حتا لصقو شفايفو مع شفايفها حتى رجعات خطوة لور.وقال بالغوات)اه جهلت باغا تعرفي علاش(هي غير كتبرق فعينيها)حيت حالتك مرضاتني عييت من هادشي كل مرة نشوفك كفس من قبل واش باغا تقتليني وتهناي ها باغا تخرجي على راسك ها..واش ماماك كون كانت فالخياة غتبغي تشوفك هاكا...علاش كتعدبيها حتى فقبرها وتعدبي راسك وتعدبيني حتا انا(شدها من كتافها كيحرك فيها)خرحي من هاد الجمود لي ولا فيك وهاد الكآبة لي عيشا فيها الخياة كتستمر ما كتوقفش عند رجلين شي واحد..ديري باش ربي يرحمهم ماشي باش تحرقيهم
مرام:(عينيها عمرو دموع الهضرة باغا تهرجها وما قادراش)انا..انا
بهاءالدين:(حط يدو على وجها ومل فزغ حيت تخشا معاها بدون ما يحس براسو)مرام خليني نعاونك تهرجي من هاد الحالة..راك وليتي امانة عندي ومن الواجب عليا نحافظ عليها..دوشي وغتلقايني كنتسناك لتحت
مرام:(حادرة راسها..بصوت خافت)واخا
خرج وهو كيفكر فهادشي لي كيدير صبرو ولا قليل معاها وجهدو كامل ديرو باش ما يضغطش عليها ولا يجرحها مشا لكوزينة وجد اتاي وحط لخبز والفرماج وكاشير نزلهم فوق طابلة كيتسناها تنزل..جلس حاط ايديه بزوج على ركبتو وحدة حتطها على جبهتو حتى سمع تقرقيب وهز راسو بانت ليه نازلة لابسة سروال بيجامة ريي(مخطط) وتيشورط نص كم سامبل وجامعة شعرها..بقا كيشوف فيها كيف مرخية ووجها صفر من قلة الماكلة حتى جلسات قدامو مهبطة راسها
ديمارا فاتجاه المقبرة ميافة الطريق وكان تما نزل ونزلات معاه كدور فراسها كتشزف داك المكان لي عمرها شافتو ولا حطة فيه رجليها عطاها تجاكيطة ديالو باش تستر دراعها ما قالت والو باغا غير ايمتا توصل شد ليها فايديها ومشاو للقبر ديال المرحومات كانو جنب بعضهم جابو واحد السيد تما كيقرى القرآن عطاوه لي قسم الله ومشا رشو شوية الما على القبرين وبدات مرام تبكي وتشكي فحين بهاء الدين غير حاضيها وكيتنهد مرة مرة يحك على لحيتو ولا يدوز يديه على وجهو
مرام:(بالدموع)هىء هىء ماما الحبيبة هىء بقات بلاصتك مشيتي وخليتيني بوحدي ما قدرتش نصبر على فراقك الغالية هىء هىء(حطات ايدها على قبر الميمة)ونتي الميمة حرقتي قلبي عليك ما صدقت ولات عندي جداتي وتخن فيا من غير ماما مشتو هىء هىء مشيتو بلاما نضرب لحساب لفراقكم هىء هةء عمرني فكرتكم تبعدو عمرني هىء هىء
مرة:(بصوت غليض)ابنتي باراكة ما تبكي را غير كتحرقيهم وتعدبيهم فقبرهم الله يرضي على بنتي سكتي وهاكي شربي شوية الما(عطاتها قرعة د الما)
مرام:(كتمسح دموعها)اصلا انا غنريحهم وندعي الله يرحمهم ما غنبقاش نعدب فيهم اهىء (رجعو كينزلو)
المراة(شافت فبهاء):اجي وليدي صبر مرتك را مقهورة مسيكينة
مرام:(خرجات عينيها)ها لا لا خالتي ماشي
بهاءالدين(قاطعها):غير خليها الحاجة الى كان البكا غيريحها وتكون اخر مرة خليها حتا ترتاح
المراة:واجي غير وقف حداها وتا واقف بعيد هكاك بحالا فيك جدام يا ويلي على ولاد هاد الوقت
بهاءالدين:(خنزر فبها وقال بصوت رجولي)الحاجة سيري قضي حاجة لراسك
المراة:(ما شافتش فبه)ابنتي صبري وحبسي لبكا را ما عند البكا ما يدير ليك راه ما غيرضهم ما غيحييهم (حطات ايدها على راسها)الله يرضي على بنيتي صبري ولوحي عليك الهم ونتي باقة صغيرة
بهاءالدين:(كيشوف فمرام لي حبسات لبكا وبحالا كتفكر فكلام المراة مشا جلس حداها وشدها من دراعها جرها عندو وقال بصوت حنين مع تبرة رجولية)الحاجة عندها الحق ا مرام البكا من ورا الميت خصارة غير كتقهري راسك وتعدبيهم فقبرهم صبري الله يرضي عليك..(باس راسها ودار عند المرا )الخاجة سمحيلي الله يخليك كنت معصب شوية
المراة(بتاسمت):المسامحة اوليدي الله يرضي عليكم ويحفضكم ويبعد عليكم ولاد الحرام
مرام/بهاءالدين:اميين
المراة:يالاه اوليداتي خليت ليكم راحة الله
بتاسمو ليها ومشات..نوض مرام من الارض مبتاسم وقال ليها
بهاءالدين:فين بغات لالة مرام تمشي
مرام:(بعد تفكير)بغيت نمشي لبحر
بهاءالدين(ببتسامة):هي اللولة مشات سابقاه وهو وراها خلص الغارديان عطاه ٣دراهم بالمقاتلة هه وركب ديمارا موطورو وهي وراه شادا فيه غادي بسرعة متوسطة حتى وصلو نزلات وحط موطورو وحيدات تجاكيطتو عطاتها ليه دارها المالة ديال لموطور وتمشا معاها وصلو لواحد لبلاصة شوية خاوية حيدو سبرديلاتهم ودخلو لداخل فالرملة واها سخونة ما كانتش كتحس بيها غير غادة وعقلها كيضور حتى وقفات مخرجة عينيها وضارت عندو...
مرام:(عينيها خارجين)اجي نتا كفاش قاديتك قبيلة قاطعتيني قبل ما نشرح لمرى
مرام:(عينيها على نفس البلاصة كانها كتحاول تاكد من شي حاجة)شوف وبلاما تفرطها..واحد.خينا تابعنا من قبيلة فاش خرجنا من دارك بان ليا وفاش مشيتي تخلص الغارديان بقيت كندور عينيا وبالصدفة شفتو عاود ودابا شفتو عاود وراك لكن بان ليا غادي وهادشي ما مريحنيش
-بهاءالدين تسارعات دقاتو وبغا يدور لكن شداتو من يدو وكدير راسها كضحك وهي كتدوي
مرام:شوف راه ماشي بوحدو وهادشي فشكل جاني
بهاءالدين:(بقا كيدور فعينيه خاصو يشوف شكون ضحك وجبد تيليفون ودار راسو كيدوي بعد شوية ودار كيشوف جنابو ما بان لبه حد شاف فيها بمعنى فين
كينين حركات عينيها وضحكات دار هو شاد تيليفون كيضحك وهما يبانو ليه تلاتة ديال رجال واحد رقيق وطويل واحد عامر شوية وواحد قصير شوية لكن مفورمي لابسين لباس سبور عادي..دور راسو بانت ليه اوطو كحلة زاج فيمي قطع تيليفون وهو كيضحك ومشا عندها
بهاءالدين:(بقا واقف وكيعبر بايديه حيت عاطيهم بالضهر شوية تحدر عنقها وهي خرجات عينيها ما فاهمة والو)مرام خاصنا نمشيو دابا
بهاء(حرك راسو بالنفي وجرها)زيدي قدامي وباراكة من الاسئلة..شدها من يدها وغاديين على اساس كيتمشاو مشاو لموطور وركبها وقاد لمرايات وديمارا بعدما ركبات معاه..عين فالطريق وعين فالمراية طلب منها تشد فيه مزيان وزاد فالسرعة حتا وصل لباب دارهم ما بغاش يبين بلي راه شافهم
دخلها عادي وعاقد حجبانو حتى دخلو لدار وقال ليها وحجبانو معقودين
بهاءالدين:سدي لباب مزيان ووياك تحلي لشي حد عنداك ديري شي حاجة انا راجع دابا
مرام:(غير كتشوف فبه)واخا
بهاءالدين:(باس راسها هي غير كتشوف)واخا وكولي ما تبقايش بلاش
مرام:(بخوف)واش كلشي مزيان ابهاء مالك راك بديتي تخوفني
بهاء:ما كين والو غير ديري لي قلت ليك عفاك
مرام :واخا كون هاني
سد لباب وهي سداتو بالساقطة من لداخل ودارت زكارم وطلعات لبيتها بدلات حويجها لبسات بيجامة على شكل كسيوة حد لفخاض بينك وجمعات شعرها كعكة مهملة جاها الملل ما لقات مادير ناضت لكوزينة حلات تلاجة بانت ليها عامرة شافت حتى عيات وبدات كتوجد اكلتها المفضلة تفكرات مها وحاولت ما تبكيش بتاسمة وكملات شغلعا كتسنى فبهاء الدين..لي مشا فاتجاه البوسط لي مكلف بالقضية ديال ماماه وسعاد دخل عند الكوميسير سلم وريح
بهاءالدين:امضرا كين شي جديد فالقضية
الكوميسير:اش غنقول ليك اولدي الضوسي تسد
بهاءالدين:(عقد حواجبو وزير على يدو بغضب)وعلاش
الكوميسير:ما لقينا حتى شي دليل فالقضية ما لقينا حتى شي خيط
بهاءالدين(بغضب):الطبيب قال بلي ماتو مقتولين ونزيدك هادي هالتي سعاد عندها فوبيا من الغاز يعني الى كانت شي ريحة د الغاز تقدر تشمها مزيان وشحال من مرة نبهات الواليدة ديالي فاش كتنساها ما تقوليش ما كينش شي دليل هادشي راه سبب كافي باش تخليك دير لي عليك
كوميسير(بالغوات):انا لي عارف شغلي ما غتجيش نتا توريني شنو ندير..خرج قبل ما نهبطك تغلاصا نوريك توريني شغلي...
ناض بهاء الدين عينيه خارجين فيه بغا يضربو حتا سمع...
...حتا سمع تيليفونو كيصوني جبدو لقاه لباطرون ديالو ردو لجيبو ودار عندو وقال عكس النار لي شاعلة فيه والغضب لي كيسري فجسمو ومتمركز فقبضى يدو لي يقدر فاي لحظة يستخدمها...
بهاءالدين:شحال عطاوك....
#عند_مرام
طيبات العشا وجلسات تاصلات ببهاء لقاتو مشغول مشات جلسات بملل قدام التلفزة وبدات كتقلب فالقنوات مالقات والو طفات وبركات كتنهد شافت فتيليفون ما جاهاش على الغانة بركات مربعة رجليها كتنهد..هزات تيليفونها وطلعات للطابق التاني دازت من حدا غرفة ماماها وقفات للحظات مترددة تدخل حتى كتمد يدها وكتعاود ترجعها لكن فالاخير خدات نفس عميق ودخلات بدقات متسارعة وهي كدور عينيها من نهار ما ماتت ماماها ما دخلات ليها لقاتها مرتبة لكن مخنوق مشات حلات شرجم لي فالبيت وبركات على سرير شوية مشات لماريو حلاتو كانت ريحة عطرها مازال فحويجها ومالية ارجاء الخزانة ستنشقات الريحة بنهم عاد حلات عينيها وهزات تيشورط حمر شماتو وعنقاتو وقالت بهمس وهي مغمضة عينيها
-توحشتك الغالية
هزاتو ومشات تكات على سرير بقات حتى غفات وهي معنقا تيشورط....
#عند_بهاء
الكوميسير:(خرج فيه عينيه)اش كتقول نتا واش عارف راسك اش كتخرج على فمك
بهاء الدين:واه عارف ومتاكد من هادشي لي كنقول
الكوميسير:بنتي ليا مازال مخروق من جيهة العائلة..اما نوريك هاد الهضرة لي كتخرج اش كتسوى..خرج من هنا قبل ما نهبطك تبرد عضامك وما تبقى تشوف ضوء
بهاءالدين:(هز صبعو فوجهو وقال بجمود)لا نت لا كلامك ولا الكلاب لي مخدمينك خالعيني..وعقل على هاد الوجه مزيان غادي ندمك ضرب على الببرو وخرج زاعف خبط الباب بالجهالة غادي عاقدهم وخاصو غير معامن خرج من الكوميسارية وبالصدفة هز عينيه بان ليه نفس الشخص لي كان صباح تابعو من دارو...حدر راسو وجبد تيليفونو كيتاصل بمرام
#عند_مرام
مغمضة عينيها وكتقلب على تيليفونها بايدها حتى لقاتو جوبات وهي مرخية بالنعاس
مرام:امممم شكون
بهاء:(عرفها ناعسة غير من ديك امم هه..)ناعسة!
مرام(كدوي بزز):انن
بهاءالدين:كليتي
مرام:هممم مازال
بهاء:(بالغوات حتى قفزها من نعاس)وعلااااش ما كليتييييش...علااش كنوصيييك انااااا
مرام:(ناضت من بلاصتها وتوغضات وقالت بغضب)تفووو عليك قفزتيني غتسكت ليا القلب ماالك على هاد الغوات كامل ما مليتش حيت كنتسنى سيادتكم تشرف باش ناكلو مجموعين ولكن سري انا لي هازة ليك الهم وكنفكر ليك اما بقا بالجوع ولا عرفتي شنووو مووووت بالجوع نتا كاع اععع(قطعات عليه)
بهاء:الو..الوو..الوو هز تيليفون لقاها قطعات عاود تاصل مرة وجوج ما كتجاوبش صيفط ليها مساج
💬بهاء:انا غنتعطل شوية..كولي وما تحلي لحتا واحد حتا نجي وغنصوني عليك فتيليفون وحلي ليا..عفاك ردي لبال وكولي...وسمخي ليا الى غوت عليك كنت معصب شوية هادا علاش..في امان الله
صيفط الميساج تسنى الرد والو ما كينش ركب على موطورو فاتجاه المطعم....
#عند_مرام
شافت المساج وقالت
نتا تعصب وجي سرح فيا عروقك انا ولهيلا زوينة هادي حيط قصير انا واللهتا نقصمك على عشرة
دفعاتو وهي مرخية ولكن ما تحركش من بلاصتو توغضات وبدات كدفع فيه بجهدها كامل والو كشات للجنب لاخر منين مفاوت بعات دفعو وهي تقشع واحد الحفرة نزلات كطل بانت ليها حفرة على شكل مربع بدات كدفع فداك الكنابي وولو واش بغا يتزعزعز تقول معمرينو بالحجر بركات فالارض كتلتاقط انفاسها وبدات عاود كتجر وتعصر حتا بدا كيتزعزع شوية زادت تحمسات وعطات كل ما فجهدها حتى تجر ليها شوية وبانت ليها الحفرة وقدرات تخشي يديها بدات كتلمس حسات بشي حاجة كينة بغات تخرجو ما بغاش ورجعات عوتاني كتعصر باش تخرجو حتا تجر مزيان ودار المساحة الكافية باش تخرج..وفعلا مدات يدها وخرجات صندوف خشبي منقوش بالخط العربي العثماني باسم "بن عمرو" بقات كدور فيه وتشوف فيه بحالا عمرها شافت صندوق من الخشب عاود خشات ايدها ما لقات والو يالاه بغات تحلو سمعات صوت سامية كتغوت فالزنقة..ناضت طلات عليها من الشرجم لكن ما قشعات والو هزات داك الصندوق وخرجات نزلات لتحت للسفلي وحلات الشرجم لي عند لباب وعيطات عليها
بهاء:سي ياسر جيت عندك باش تعاوني ونتا لي كنتيق فيك
ياسر:تفضل اولدي مرحبا
بهاء:انا عندي مشكيل وبحكم انك كنتي رجل عسكري ورجل قانون انا لتاجئت ليك
ياسر:(عقد حواجبو وتقاد فالجلسة)خير اولدي اش كين
بهاء بدا كيعاود ليه على شنو قال ليه طبيب وعلى ليومة شنو وقع ليه فلاكوط والكوميسارية ما نيا والو
ياسر:(كيحك فدقنو)هادشي عندك فشكل
بهاءالدين:عارف لكن لي مدوخني هو علاش تابعيني وشنو السبب لي يخليهم يقتلو الوليدة ديالي وجارتنا..
ياسر:عندك شي عداوة ولا كنتي دخلتي فشي مدابزة مع شي واحد
بهاءالدين:العداوة ما كيناش.. شحال من مرة دابزت ولكن مغتوصلش بيهم يقتلو عائلتي
ياسر:كينة ان تما
بهاءالدين:(تفكر كلام سعاد)كينة حاجة تانية نسيتها واحد نهار تلاقيت مع جارتنا فواحد الكافي تحت طلبها وقالت ليا بلي كيوصلوها شي رسائلد التهديد وكانت خيفة سولتها شكون ما بغاتش تقول ليا ضنيت بلي غير شي واحد كيتفلى
ياسر:(على نفس الوضعية)انا غنعاونك وعندي ليك واحد الاقتراح...
#عند_مرام
مشات سامية بعد ما جا عندها مراد داها..مشات لبيت لي حطات فبه تيليفونها وداك الصندوق هزاتو وتربعات فوق السداري حلاتو بانو ليها تصاور شوية قدام كانت ماماها حاملة وحداها راجل ووسطهم دري صغير تكون عندو ديك ٥سنين او ربع سنين بقات كتشوف فالتصاور كانو اغلبيتهم د ماماها وداك الراجل بقات كتشوف ما فهمات والو حتا كملاتهم وبان ليها ظرف مكتوبة فيه سميتها حلاتو وقلبها نبضاتو متسارعين كانها حسات بلي غتقرى شي حاجة ماشي هي هاديك فتحات الرسالة لي كانت مطوية وبدات كتقرى فيها وعينيها عمرو دموع بدات كتبكي وهي كتقرى كل حرف مكتوب ناضت كتضرب وتغوت على حر جهدها لي جات قدامها كضربها حتا فشلا وبركت للارض...بعد لحظات كان بهاءالدين وصل للدار تاصل بيها المرة تلاتة المراتما كتجاوبش تخلع وبغا يفرع لباب هدن راسو وقال تقدر تكون ناعسة بلاما نخلعها..يالاه هز تيليفونو يعاود يصوني وهو يتفتح لباب هز راسو شافها فديك الحالة عينيه خرجو مشا عندها بالزربة..اما هي كانت باغا غير شكون يحسسها بالحنان والامان عنقاتو كتبكي وتنخصص
بهاء:(بخوف) مرام مالك..قولي ليا مالك..مرام واش وقعات شي حاجة (غوت حيت صبرو تقادا والخوف قهرو)وا دوييي شنووو وقع
مرام:(شافت فيه بعينها باكيين وشداتو من ايدو)يالاه ندخلو بعدا
بهاء دخل سابقها وجارها معاه عبنيه خرجو ولا كلو كيترعد بالعصاب والخوف
بهاء:مرام اش وقع دوي را ما بقاش عندي جهد لي يعاود الهضرة
مرام(وهي كتبكي):انا ما سميتيش مراام ما سميتيش مرااام انا ماشي بنت درييييس انا ماشي هي اناااا
بهاء(خداها وبدى كيقرى فيها ما حدو كيقرى وحجبانو كيتعقدو...
الرسالة كان مفادها
{السلام عليكم وعلى اشرف المرسلين..
بنتي الغالية على قلبي اكيد فاش غتكوني كتقراي هاد الرسالة غنكون تحت التراب وروحي عند الخالق جل جلاله..ما بغيتكش تبكي او تمرضي راسك بالعكس ضحكي ابنتي وما تهزيش همي بهاءالدين والميمة غيكونو معاك انا وصيتهم عليك بالخصوص بهاءالدين..على العموم ابنتي انا خبيت عليك شحال من حاجة لكن لمصلحتك فقط وغير باش نحميك مابغيتش يوقع ليك كيف وقع لباباك وخوك..اه ابنتي نتي ماشي بنت دريس باباك البيولوجي هو رياض بن عمرو واسمك الحقيقي هو جلنار سماك باباك الله يرحمو حيت فاش كنت حاملة بيك كنت كنتوحم على الرمان هه والمعنى ديالو هو زهر الرمان هه كانت ايام زوينة بزاف ما كتنساش ابنتي..عندك خوك كبر منك بخمس سنوات حتا هو الله يرحمو كان اسمو جود مات هو وباباك فنفس الاسبوع تكويت جوج مرات ابنتي..باباك كان عسكري برتبة قائد وكان منضم لدي اي ستي DST برتبة عميد بحكم خبرتو وقدراتو والدهاء ديالو ختاروه باش يدير مهمات فالوطن وخارج الوطن وبسبب هادشي ولااو عندو اعداء كتار رغم انو كان كيخدم بهويات مختالفة لكن بسبب شي خائن كشف هويتو ونتاقمو منو خطفو خوك وقتلوه بعد ما شوهو الجتة ديالو وغتاصبوه ما لحقتش حتا تبرد كيت ولدي زادو باباه لقاوه مشنوق فواحد الغابة قتلوه وفبركو الجريمة على اساس عملية انتحار عييت ما نجري باش نرد لو حقو وناخد حق ولدي ولكن والو حتل واحد نهار كنت فبيتي كنبكي كيف عادتي ونتي حداية كنتي باقة صغيرة يالاه زيدة سمعت تقرقيب فالدار نضت طليت من دروج بان ليا واحد هاز سلاح فايدو وجاي طالع فالدروج كيصفر بكل دم بارد كان باغي يقتلنا..رجعت كنجري هزيتك ودخلت لواحد الغرفة سرية عندنا فالبيت ما عارفها حتا واحد من غيري انا وباباك دخلت وانا كلي كنرجف ونبكي قلب حتا عيا ومشا بقيت تما يومين ما قادراش نخرج بلا اكل او شرب حتى تاكدت وتهديت وخرجت لبست اول حاجة جات قدامي هزيت الحالة المدنية وشي وراق غتلقايهم فالصندوق تحت الجلد.. وهزيتك وخرجت من الدار وكنتسلت حتا بعدت بزاف دوزت ايام فالزنقة وليت كنطلب ما ناكل وشحال من مرة كنت غنتغتاصب فالزنقة حتا تلاقيت دريس لي شافني وطمع فيا فالاول لكن وقفتو عند حدو تعجب لامري ودارني تحدي ولا كل نهار يجي عندي باش يغريني ونمشي معاه حتل واحد نهار قال ليا بلي كيبغيني وباغي يتزوج بيا فكرت مزيان قلت بلي من مصلاحتي ونضمن مستقبالك سولني على اهلي قلت ليه متشردة وتعداو عليا ونتي نتيجة اغتصاب وهو ما عارفش شكون ولا بنت من لحد الساعة ..صيب ليا هوية جديدة باسم سعاد لي عطيتو وعطيتو كنيتي الاصلية غريب عاودت ليك باختصار شنو وقع معايا وكفاش وصلت لعند دريس والباقي راك عارفاه وراقيك غتلقايهم مع حويجي... نتي ابنتي بنت الخير حقك خاصك ترجعيه نتاقمي منهم على قبلي وقبل باباك وخوك لي رزاوني فيه صغير..واخيرا غنختم رسالتي بكنبغيك ابنتي وسمحيليا عيشتك فوهم وفكدبة لكن قصدي وهدفي هو حمايتك غتمشي لهاد العنوان*********** غتلقاي واحد سيد كان صديق الاب ديالك ما عرفتش واش مازال تما ولا تحول ولكن هو لي غادي يعاونك وغيزيد يبين النقط الغامضين غيعاود ليك كلشي بالتفصيل..كوني قوية كيف ديما وخليك ديما فجنب بهاء هادي وصيتي ليك والله يرضي عليكم دنيا واخرة
كمل قرائة الرسالة وهو كيتاسف لحالتها وللماضي الاليم ديالها بقات فيه وشاف فيها باسى وقال
بهاء:مرام
هزات عبنيها فيه حمرين ومنفوخين
بهاءالدين:كتيقي فيا
مرام (بصوت متشحرج):اه وكتر من راسي
بهاءالدين:نساي هادشي وخلينا نعيشو بعاد على هادشي
مرام:(كتحرك راسها بالنفي)مانقدرش ا بهاء خاصني نرجع حق عائلتي وحقي لي ضاع مني
مرام:(شافت فيه)حياتي كلها كانت كدبة ابهاء عشت فالوهم فالاخير لا سميتي لا حياتي كانو كيف عشتهم..العالم الله شنو باقي ما عرفتش ما بقيتش قادرة على الصدمات
بهاءالدين(مسح على راسها وبلع ريقو)ماماك كانت باغا تحميك وما عرفات ما دير من غير هادشي فكري بايجابية ومسحي هاد دموع
مرام:(شدات فايدو)علاش كدير معايا هاكا ا بهاء علاش سامح فكلشي على ودي وانا كنت ديما كنجرحك بكلامي(حدرات راسها)
بهاءالدين:(حيت بكل بساطة نتي هي بهاءالدين نتي هي كلشي ما نقدرش نعيش بلا بيك)حيت نتي لي بقيتي ليا وامانة فرقبتي ليوم الدين ما يمكنش نخليك ونتي فامس الحاجة ليا..
مرام:(بتاسمات وعطاتو صبعها صغير)واعدني عمرك تخليني وتكون فجنبي ديما
بهاءالدين:(كيشوف فصبعها باستفهام حتى قالت ليه الوعد بالاصبع عاد فهم وكروشة صبعو صغير مع ديالها)كنواعدك ا مرام
مرام:شكرا بزاف ابهاء...ممكن نعنقك(باحراج لكن فعلا كانت فامس الحاجة لحضن دافئ)
بهاء الدين كيشوف فيها وقلبو كيخبط بالجهد خاف تسمعو فاش تحط راسها خاف دقات قلبو يكشفوه لكن ما هتمش هادي اول مرة تبغي تعنقو بارادتها جرها عندو بالزربة وخشاها فحضنو اولا عصرها فحضنو وخشا نيفو فشعرها كيستنشق عبيرو وقال بدون شعور وعينيه مغمضين بعد وقت طويل من من العناق
بهاء:اخخخ شحال كتسكرني رائحة شعرك...وعاود ستنشق ريحتو بشهيق طويييل حتى رتوى من ريحتها بعدها شوية لقاها نعسات هزها داها لبيتها قادها وبغا يحطها فبلاصتها لقاها شادة فالتيشورط ديالو بغا يفك ايدها ووالو شاف حتا عيا وتخشا حداها مبتاسم وعينيه كيلمعو من شدة الفرح لي كيحس بيها قلبو غيوقفو ضقاتو بقوة ما هو كينبض وما بقاش قادر يتحكم بيهم
بهاءالدين:(حط راسها على صدرو)لو تعرفي هاد القلب شحال كيعشقك وشحال كيتعدب على بعادك..كنموت ا مرام ونتي بعيدة عليا..روحي فيك ا مرام او جلنار هه اسم على مسمى باباك الله يرحمو عرف شنو يسميك اسمك مثل ريحتك..(باس جبهتها)كنبغيك بزاااف ا مرام كنموت فيك..بقا كيعبر على احاسيسو ومشاعرو اتجاهها حتى داه نعاس وهي معنقاه...
إبنة الجار الجزء الثاني
محتوى القصة
التنقل بين الأجزاء