وصل حدا الباب وهو معجبب حل مبان لو حتا واحد دور راسو يمين شمال ما بان ليه حد يالاه دخل نزل راسو باش يسد لباب بان ليه ظرف صغير هزو وهو كيقلب فيه سد لباب وحل الظرف
لقا فيه...👇
"لا تحشر نفسك فيما لا يعنيك" هادشي كبير عليك والى بقيتي كتبحت بزاف غتواجه شي حويج صعاب عليك وتقدر تخسر روحك فيهم..
عقد حجبانو وعاود حل لباب خرج كيقلب بعينيه ما بان ليه حتا واحد عاود دخل لقا مرام قدامو
مرام:مالك شكون كان كيدق
بهاء:(دفع براء قدامو وسد لباب)حتا واحد غير دخلي نتي
حركات راسها بالايجاب ومشات سابقاه لبيت فين حطات الفطور بركات وهي كتشوف فيه بشك..اما هو كان غير ساهي وكيفكر فديك الرسالة وكيقول فبالو
بهاء:(فنفسو)هادشي غير يالاه بدينا فالبحت لعالم الله اش كيتسنانا مع هاد الناس..الله يخرج العاقبة على خير وصافي..شاف فمرام وقال
بهاء:مالك ما كتفطريش
مرام:(كتشوف فبه)بالعكس نتا لي ما كتفطرش ما عرفت مالك غير كتخمم
بهاء:ما كين والو غير فطري
فطرو او بالاحرى مرام لي فطرات اما هو غير كينقب ويخمم حتا سالات وربعات يديها كتشوف فبه بشك حتا نتابه ليها وقال
بهاء:مالك
مرام:(صغرات عينيها)لا لا نتا عندك شي حاجة مخبيها عليا
بهاء:ما كين والو الله يهديك كملي فطورك
مرام:ايوا الله يجيبك على خير نص ساعة باش ساليت ونتا مرفوع
بهاء:(عارفها ما غطلقش من الموضوع وقال بتهرب)نوضي لبسي را عندنا شلا ما يدار ليوم
مرام:(بفرحة)بصح فين انمشيو..الله شحال هادي ما خرجت
بهاء:ولدك..ههه ايوا نوضي اماما سربي را الوقت كيطير
مرام:(ناضت وهي لابسة شورط قصير رمادي ومكتوب فيه فالجنب NIKE بالبيض وتيشورط بيض فيه NIKE بالرمادي مشات كتجري وخيرها مدفق وراها وخلاتو متبع ليها العين وعاض على شفايفو شاف حتا عيا تنهد وهو كيصبر راسو ناض جمع ديك الطبلة داها لكوزينة ورجع لبلاصتو كيتسناها
لبسات تيشورط مبين كرشها وسروال سبور فيه مفتوح من ركبة وسبادري بيضة وخلات شعرها على راحتو دارت ايلاينر ومسكارا عكر خفيف بلون شفايفها ورشات عطرها la vie est belle شافت فالمراية نضرة اخيرة وصيفطات بوسة لراسها مع غميزة وقالت
مرام:(ببتسامة شقية)اححح عليا الله يحفضني من العين وخلاص
مرام:(بقليل من الخوف)ولكن انا عاجبني هاكا..وبغيت نبقا هاكا
بهاء:(عصباتو)هاد الهضرة كوليها سمعتي فاش كنتي ديال راسك وما بيني وبينك والو بزز باش كنصبر راسي باش ما نقربش ليك ونخلي عشتك اما دابا كلامي هو لي غيكون وما نعاودهاش
مرام:(حسات بالحكرة وقالت بعصبية)حتا تكون با ولا راجلي عاد حكم عليا وفرض عليا شنو بغيتي نتا ما تنساش بلي لي بيناتنا يقدر يتبخر فاي لحظة راك ماشي راجلي وملزوم نسمع كلامك
بهاء:(جنون ولاو كيلعبو بين عينيه شدها من شعرها)انا راجلك سمعتي انا ما عندي حتا وحدة من غيرك وماشي ورقة لي غتخليني نكون راجلك بز منك ديري داكشي لي كنقول ليك وما نعاودهاش (شاف فعينيها لي دمعو وعينيه خارجين طلق منها وقاال)سيري زيدي عليك شي حاجة وعفاك تفاداي تهرسي كلمتي وما تهلينيش ندير شي حاجة ندم عليها
مرام:(بجمود مافيه حتا نبرة)انشاء الله الى بقينا حيين
بهاء:(كيشوف فوجهها لي كان بين فيه الغضب تنهد وجرها قدامو فحين هو برك على السداري)مرام..مرام شوفي فيا(مازال عينيها فالفراغ دور وجها لعندو وقال بصوت رجولي)نتي ما عارفاش شحال كنبغيك وشحال كنغير عليك ما كنبغي حتا شي واحد يشوف فيك الريح لي كتلامس وجهك وخصلات شعرك كنغير منها ما كرهتش نخبيك فقلبي وما يشوفك حتا واحد..نفسي عليك خيبة ا مرام الى حصلت شي واحد كيشوف فيك ولا دوا معاك نقتلو ا مرام عينيه نجبدهم من بلاصتهم انا راجل ا مرام راجل وما نبغيش لي يشوف فحاجتي فهميني الله يخليك ما بقيتش باغي هادشي يتعاود ما باغيش ندير شي حاجة لي ندم عليها ما باغيش ناديك ونتي اكتر وحدة كتعرفني ندفن راسي فحبك ونبقا وفي ليك حتل اخر رمق ليا فالحياة نموت معاك ونحميك بكل ما عطاني الله من جهد واخا تكون على حساب نفسي ولكن ما نبغيش كلامي يتهرس وديري لي فراسك وتخلي ز(سكت قبل ما يكملها وزفر بقوة)وقال ما تعطيش لبنادم الفرصة فين يحل عليك فمو او يبقا يعبر فيك ويشوف فيك..نتي راك شرفي وقيمتي قدام الناس
مرام:(فيكسات عينيها فيه وكلامو حرك قلبها وحسات باحساس زوين خلاها تنسا داكشي لي وقع قبل لحظات فهمات كلامو ووعدات نفسها تبدل على قبلو ما دارش على قبلها لقليل وما فاتهاش فوقت الحزة عنقاتو بكل قوة وقالت)سمح ليا ما كانش فبالي هادشي عمرني نعاود كنواعدك نتبدل كنواعدك
بهاء:(عنقها وهو حاط ابدو على راسها تنهد وقال)ملي فهمتيني هاديك هي الدنيا وما فيها(باس راسها)سيري زيدي عليك شي حاجة وجيبي معاك العنوان لي خلات ليك المرحومة
مرام:(هزات فيه عينيها)غنمشيو ليه
بهاء:واه..يالاه سيري وجمعي شعرك الله يرضي عليك
مرام:(بتاسمات ليه وقالت)واخا
عطاتو بالضهر ومشات طلعات عاود لبيتها لبسات تيشورط بيض وهزات تجاكيط واسعة عليها فايديها وجمعات شعرها ديل حصان مشات لماريوها هزات الرسالة لي خلات ليها مها صورات بلاصة د العنوان ونزلات عندو كضحك وهو شافها فقلبو حس بالفرحة حيت شافها مستورة على العموم متشي كيف كانت وسمعات كلامو وقفات قدامو وقالت
مرام:(وهي كضحك)مشينا هه
بهاء:(باس على راسها وقال)الله يرضي عليك
مرام:امين ياربي
شد ليها فايدها وخرج مبتاسم وسنينات بويض مستفين وحفيرة الزين فالخدود بينا اما هي الضحكة واصلة ليها حتل لودنين وبنات الدرب كيتفقصو وشادين النميمة كيف عادتهم ما حاملينش مرام و دابا زادت القضية الحسد كياكل فيهم اكل...
مجمعين قدام واحد العتبة وكيتحتو حتى شافوهم خارجين وكيضحكو وبينين فرحانين وهما يبداو فنفس السيرة لي ما كتقاداش..
....:(بسم)شوف ليك الزرمومية كي لاصقة فيه يعطيها الكَرد
.....:ياختي را حنا لي زرموميات كيتنا اما هي را دات سيد رجال الزين والقلدة وحنا اش دينا
.....:دينا الفقايص والهم..كنت حاكَراه كون كنت نصحابو غيولي هاكا كون ضرت بيه شحال هدا
....:وا نوضو تخراو(حشاكم)سيد را طيح فيها حتل زنافر انا بعدا عمرو يتنسا ليا فاش ماتت مها اش دار عليها
....:لا يا ختي سمحي ليا هادشي بزاف على الحب ما تكون غا ساحرة ليه
بقققاو على نفس السيرة ما خلاو ما قالو فبها ومخلاو كفاش يتغبنو على بهاءالدين اما هما ركبو فموطور ومشاو فاتجاه العنوان كانت ديك الساعة العشرة د صباح وصل قدام بتي فيلا راقية حط موطورو لقا سيكيريتي عند لباب وقفو
سك:السلام عليكم..اش حب الخاطر
بهاء:(وقف ومرام وراه وقال بصوت رجولي)وعليكم السلام.. بغينا مول الفيلا فموضوع مهم
سك:اه مرحبا..شكون نقول ليه
بهاء:جلنار بن عمرو بنت رياض بن عمرو
سك:واخا سيدي سمح لي واحد دقيقة
(مشا لواحد لبلاصة مبنية بالخشب هز هاتف ارضي دوا مع شي واحد من لداخل بعد تواني جاتو الموافقة باش يدخلو )تفضل اسيدي..وتقدر تخلي موطورك انا نظخلو ليك
حرك راسو بالايجاب وشد فيد مرام لي كانت متوترة بالزايد طمنها بعينيه وهي زيرات على ايدو ودخلو بخطوات مهيلة حتا وصلو لباب د الفيلا لداخل دخلو وبهاء الجدية بينة فملامح وجهو وهالة غريبة حواليه كتعطيه هيبة تهليك تحتارمو بز منك اما مرام غير كتشوف حواليها كانت فيلا عادية بفراش تقليدي كلاسيكي بقاو واقفين حتا سمعو صوت عكاز وشي واحد نازل من دروج هزو راسهم بزوج بان ليهم رجل خمسيني دو بنية شبه قوية اسمر البشرة وشعر اشيب وجهو عادي مافيهش اللحية دير نضارات طبية وصل عندهم ببتسامة قرب منهم مبتاسم
.....:(ببتسامة وصوت غليض)مىحبا مرحبا نورتوني
بهاء:(كيشوف فيه وعاقدهم)ترحب بيك الجنة اسي...!
....:محمد اولدي محمد
بهاء:(بجمود)متشرفين على العموم يمحلينا جيناك فهههاد الوقت ولكن خاثنا ضروري نهضرو
محمد:(كيشوف فيه ويشوف ف مرام)شكون سيادتكم اولدي
بهاء(ببرود):راجلها
محمد:(تصدم)اه..اه مرحبا ولدي
مرام:(فرحات من الداخل ديالها وقالت بصوت منخافض وبرييئ)السلام اعمي
محمد:(بتسم)وعليكم السلام ابنتي تفضلو معايا
بهاء ما طلقش من ايدها وغادي ورا محمد لي كانو خطواتو تقال بحكم سنو والمشكل لي عندو فرجلو مشاو نيشان لواحد المكتب متوسط الحجم مشا لواحد الخزنة وجبد ملف وبعض المستندات حطهم وبرك فبلاصتو فحين بهاء ومرام واقفين شاف فيهم ببتسامة وقال
-تفضلو اوليداتي علاش واقفين
(جلسات مرام وبهاء كدلك)
بهاء:سي محمد بغيينننا نعرفو اي حاجة كتعرفها على اب مرام..بغيت نقول جلنار
محمد:(شاف فيها ببتسامة ونضرة حنين وشوق)باباك الله يرحمو كان خويا ماشي صاحبي تربينا بزوج ما كناش كنتفارقو كبرنا وكل واحد دار السلك لي رتاح فيه انا درت المحامات وهو (ببتسامة) دخل المعسكر كان وطني بزااف وكان من اطيب خلق الله ما كيفوتش صلاتو وعائلتو كانو مفتاخرين بيه وفرحانين بيه حتا لنهار لي فاتحهم فموضوع ماماك وتما تقلبات حياتو ولا مقسوم على زوج لعائلتو ولا لماماك لي كانت مازال صغيرة باقا قاصر تغرم بيها وبغاها فالحلال ما قدرش يتفرق عليها وحتا هي كدلك وفلحظة ضعف منهم بزوج تقربو من بعضهم واقامو علاقة جنسية لي نتج علبها خوك الله يرحمو جود وباباك عاد مازاد اصرارو بالزواج منها تحدى وليديه وكلشي على قبلها
مرام:(قطعاتو بفضول)علاش ما كانوش باغينها لبابا شنو السبب
محمد:لانو جدك عندو عداوة مع عائلة بن عمرو(حركات راسها بتفهم وكمل)فواحد الليلة....
#فلاش_باك
فليلة ممطرة وعاصفة فاحد احياء الدار البيضاء الراقية باركة فشرفة غرفتها وشعرها مطلوق لابسة طريكو صوفي طويل حد لفخاض فلون البيج وتقاشر صوفيين بالاحمر طالعين شوية ضامة رجلسها لعند صدرها وهازة فون كتحاول تتاصل بشي واحد
ضلت كتاصل بيه ولا من مجيب من النهار لي وقعات فيه الواقعة والغلطة لي رتاكبو بزوج هي من قلة عقلها ومراهقتها وهو من كتر حبو ليها تعماو ليهم العينين وغريزتهم هي لي تحكمات فداك الوقت ما بقا جاوبها لكن لكل واحد ضروفو والعالم بيها غير الله كيف كيقولو الغايب حجتو معاه
-ياربي ياربي كون معايا ياربي تسمح ليا غلطت وندمت ما بغيتش نتشوه ياربي..ياربي غيقتلني بابا الى ساق الخبار
ناضت بتتاقل هزات لفون ديالها فمحاولة اخيرة للاتصال بيه لكن كيف كل نهار ما كين حتا شي رد منو غمضات عينيها والدموع نازلين حتا داها نعاس
#فمكان اخر بالضبط فبواط راقي بكورنيش عين دياب بارك وشاد كاسو قدامو وكيشكي لصاحبو محمد
رياض:(بصوت تقيل)كنبغيها ودرت المستحيل باش تكون ليا
محمد:(كيتنهد)دابا راك غير كتقتل راسك هاكا ما غتربح والو
رياض:(هاز لكاس وكيحركو)انا خصرتها وماباغيش نخليها ورايا ما خليت ما درت باش يقتانعو بيها مفهمتش علاش باغين يحرقو قلبي هاكا واش انا ولدهم ولا عدوهم
محمد:(شادو لا يطيح من على لكرسي)خويا رياض نوض نمشيو حتل غدا ونهضرو فهادشي
رياض:(دفع ليه ايديه وهو جايب لكاو وقال بالغوات)لا جيب ليا سعاااد وا بغيييت سعاااد جيبها ليااا
محمد:(كيسكت فيه)ششش سكت المصيبة شوهتينا..نوض را كتسناك فالدار نوض
رياض:(ببتسامة وصوت تقيل)بصح..كتسناني
محمد:واه غير نوض
نوضو وهو كيهتهت بسميتها وكيتلاوح شادو محمد بالسيف باش ما يطيحش ركبو فاللوطو ديالو قاد ليه لاسانتير وركب فبلاصت السائق وديمارا فاتجاه شقته لي كان فشارع المعاريف حط سيارتو فالمكان المخصص ليها وعيط على كونسيياج يعاونو فيه حتا طلعو ودخلوه للدار وهو مازال كيهتهت ومرة مرة يغوت حتا يسد ليه فمو عاد يسكت..حطوه على السرير ومحمد شكر الكونسياج ومشا..اما هو حيد ليه صباطو هز راسو لقاه فسابع نومة تنهد باسف وخرج لبيت اخر بدل حويجو وترما على السرير وعقلو مع صاحبو لي ولا عكس كيف كان..غمض عينيه بامل انو غدا يكون احسن وداه نعاس
ناعس واشعة الشمس ضاربة فوجهو حتا برزطاتو وناض ساد عينيه وعاقدهم بدا كيدور فراسو عرف بلي بيت عند محمد ناض بتثاقل وراسو غيطرطق عليه زفر بعصبية ومشا لحمام حيد حويجو ودخل تحت الرشاشة كيفكر فسعاد وحريرتهم
#عند_سعاد
فاقت على الدقان فغرفتها حدرات راسها لكرشها وتنهدات بحزن قالت
-دخل
دخلات وهي كطل ببتسامة وجها منور وباقا صغيرة دايرا فولار ولابسة حجاب انيق
الام:(بفرحة)ايوا بنتي كبرات او ولاو يجيو فيها الخطاب هه
سعاد(بصدمة)شش..شش..شك..شكون هادو
الام:(بحماس)ولد سي خالد صاحب باباك
سعاد:(تحجرو دموع فعينيها)ولكن اماما انا باقااا صغيرة على هادشي عاد عندي 16عام
الام:(كتمسح على شعرها)ايه ابنتي باك بغاه ليك وحتا الولد بغاك وقال الى عجبك الحال راه غادي يكتب عليك ويخليك حتا تكملي قرايتك عاد تمشي عندو ولي تريحك يديرها معاك وبيني وبينك ابنتي ما خلا ليك فين دوي الله يرضي عليه راجل تمناه الف وحدة
سعاد:(بصوت منخافض)ولكن ماشي انا
الام:قلتي شي حاجة ابنتي
سعاد لا لا ا ماما غير سيري انا نوجد راسي
بتاسمات الام ديالعا وباستها فخدها وتمات غادا حتى وقفاتها وقالت
-وبابا شنو كيقول
الام:(حدرات عينيها الارض)راك عارفاه ابنتي هو لي جابو ادن راه موافق عليه
سعاد:(حابسة دموعها)واخا
خرجات مها وسدات الباب وراها وسعاد نهارت على سريرها بالبكا عارفة باها نا غيرحمهاش كلمتو هي لي غتكون..حتى سمعات لفون ديالها كيصوني شافت شكون وزادت فالبكا..
#الحاضر
محمد:فقت صباح لقيتو كيمشي وكيجي وشاد تيليفون ومتوتر سولتو..
#فلاش_باك
محمد:(كيتكسل)رياض مالك
رياض:(بعصبية)كنصوني على سعاد وما كتجاوبش..
محمد:تقدر تكون مشغولة ولا شي حاجة
رياض:لا لا خاطري ما هانيش حاس بشي حاجة ماشي هي هاديك..وزيدون غتكون فهمات غلاط
محمد:كفاش فهمات غلاط مفهمتش
رياض:(غمض عينيه ان صح التعبير عصرهم)من ديك الليلة ما جاوبتها
محمد:(بجدية)سمع ا رياض ما ديرش راسك مكلخ نتا عارف بلي ديك البنت عمرها تكون ليك نساها وخليها تكمل حياتها
رياض:(بغضب وبصوت عالي وهو عاقدهم)هاديك راها روحي ونهار قربت ليها تكتبات فاسمي تربطات بيا سمعتي وما عمرني نفرقها واخا تنطابق السما على الارض ولو هي تقولي عطيني تيساع ما غنخليهاش واخا نعرف نقتلها ونتبعها راسي
محمد:راك غادي لهاوية ا خويا ما بغيتكش ضيع حياتك على قبل وحدة عارف راسك ما عندك حتا شي حل باش تجمعو
-مايستاهلش نزل عليه ولو دمعة وحدة..هو غير كداب كان بافي غير حاجتو مني(ناضت مقابلة مع المراية وقالت وهي كتخاطب نفسها)هو خدا شرفك ولاحك دخليها لراسك وما تكونيش غبية ..احسن حل هو نعطي لراسي فرصة مع هاد ولد التاس نشرح ليه الوضع واكيد غيتقبلها هو ضريف ما غيشوهنيش(تفكرات ونزلو دموعها بحال الحجر حطات ايدها على كرشها وهي كضربها)هىء هىء خلا ليا طرف منو علاش جيتي دابا علاش حياتي ضمرات بسبابكم نتا وباك اهىء اهىء هزات راسها وعينيها حمرين انا خاصني نهرب من هنا خاصني نهرب ما يمكنش نبقى هنا غيقتلني اذا ساق لخبار ياربي تشوف من حالي ياربي هىء هىء
هزات لفون ديالها ورسلات ليه مساج بعيون دامعة واخا الداخل ديالها كيقول عكس داكشي لي ناوية دير خدات نفس وبدات فالكتابة
"ما تبقاش تعيط ليا..انا ليوم خطبتي لقيت لي يعرف بقيمتي ماشي بحالك تفكرني غير الوقت لي تبغي حاجتك"
حطات لفون وهي كتشوف فيه بحزن وتردد ومشات فاتجاه الحمام دخلات حيدات حويجها و دخلات لجاكوزي لي كان مصايب من طرف الخدمات حطات راسها وترخات كتحاول تخوي راسها من كلشي
#عند_رياض
(وصوتو كبعلى تدريجيا)لا لا ما يمكنش واش بغاتني نقتلها هادي (كيتاصل بيها وما كين حتا شي رد)جاوبي جاوبي اععععع جاوبييي(خبط لفون مع الارض حتا تشتت)
محمد:(حط ايدو عليه وهو مخلوع)مالك ياك لباس
رياض:(بغضب ضرب ايدو مع الحيط حتا تجرح)غنقتلها ا محمد كنقسم ليك غنقتلها ونشرب من دمها
محمد:(بصراخ)اش كين فهمني اش واقع شكون غتقتل ومااالك
رياض:(وهو كيزفر بقوة)ليوم خطبة سعاد..ليوم غتنسب لواحد اخر
محمد:(ربت ليه على كتافو وهو كيتنفس براحة وقال بصرام)خلي عليك البنت راه من سابع المستحيلات تجمعو بزوج عائلتك اولى لبك منها ا خويا سعاد كتبقى غير مراهقة ونهار مراهقتها تفوت غتقولك ما كنبغيكش وتخليك
رياض:(بغضب)محمد خليني محتارمك وهادي هي لي عمرها تكووون سمعتي عمرها تكون ولو على حساب روحي وعائلتي الى كنت ولدهم نيت غيتفهمو ويوافقو على قراري
محمد:نتا راك تسطيتي...واش هبلتي ولا مالك باغي تعصي كلام وليديك على قبلها...
#الحاضر
محمد؛(كيسرد كل حدث بالتفصيل وداكرتو معاوناه اما مرام وبهاءالدين فمركزين معاه)ناض صداع بيني وبينو لدرجة ضربني وخرج عرفت بلي الى خويا ما كانش غير كيبغي ماماك بالعكس كان مهووس بيها لدرجة كبيرة هز لكارط سيم ظيالو وخرج بخطوات سراع وغير كيصوط خاصو غير معامن حالتو ببنا بلي فديك الساعة يقدر يتهور ويدير شي حتجة لي ندمو عليها كاملين تبعتو كنجري بلباس لي نعست بيه وانا كنمسح فمي من داك الدم (بتاسم وقال لبها)باباك كان صحيح الى ضرب شي واحد كيخليه يطلب شرع غير حفضني الله وصافي هه (بتاسمة بفرح ومبين عليها فرحانة وهي كتسمع ليسطوار ديال باها ومها..كمل)ركب فسيارتو وانا ركبت حداه بالزربة عيا ما يغوت باش نزل او والو لصقت ليه تما شاف حتا عيا وديمارا غادي زاف فالطريف حتا وصلنا لعند اقرب مجازة كتبيع تيليفونات نزل خدا فون وركب لكارط سيم عيط لقاه طافي حسيت بقلبو دقاتو ما بقاوش عاديين تزادت سرعتهم للحد الحاجة الواحيدة لي دار بلش يبرد على راسو ضرب لوطو بقبضات يدو وبرجلو حتا برد عاد ركب خلا لبها مساج على ما اضن كان فيه
#فلاش_باك
رياض(كيكتب وعاقدهم):اقسم بالله وما تجاوبيني فاش تشعلي لفون يا حتا نجي نخرجك من شعرك ومن قلب داركم وندير لجدمك شوهة تما وفينما بغات توصل توصل
صيفطو وهو كينهج وعرقان لاح لفون وحط ايدو على جبهتو كيكالمي راسو..ديمارا لوطو نيشان لبحر بلاصة وخرج خاز كارو كبكمي فيه وازرار قميجته من جهة الصدر مفتوحة كان شكلو مغري وكيبان وسييييم بلا قياس لي دازت من حداه كتبقا تشوف فيه باعجاب اما هو غير كيكمي ويخرج الدخان وعينو فالفراغ عقلو خدام
#عند_سعاد
خرجات من الدوش لاوية عليها فوطة غوز مع فوطة صغيرة لاوياها على شعرها لقات قفطان سامبل مع طرزات مرصعين باحجار كان شكلو انيق بزااف رغم بساطتو لو كانت فمناسبة تانية كانت غدا تفرح بيه وتحمس تلبسو شافت فيه بحزن وحدرات راسها دخلات للدريسينغ لبسات بيجامة صيفية وخرجات كتنشف فشعرها بالفوطة حتا سمعات دقان
-(مشغولة مع شعرها)دخووول
دخل وحنحن باش تنتابه ليه شتافتو وقلبها رجف من الخوف قالت
-(بصوت مرعود)بابا!
الاب:(بصرامة واقف وخاشي يديه فجيابو وشوفات كيبتو الرعب فجسمها)جيت باش نقول ليك ما بغيت حتا شي غلط بسبابك الولد غادي يخطبك ونتي غتوافقي بلا مشاكيل..ما مستاعدش نخسر كلشي واخا ابنتي
منصور:الله اودي على الراس والعين (شاف فمرتو بتخنزيرة ركبات فيها الرعب بتاسمة بزز وطلبات من الخدامة تكلمها..نزلات وعينيها فالارض)
الام:تبارك الله ماشاء الله جيتي كتحمقي ابنتي
ما جوباتهاش حدها كتحرك جسد بلا روح دخلات لبيت والعريس غير شافها ووقف سلمات عليهم كاملين وهي مرفوعة همها خلاها تغيب على هاد الجو والدنيا بصفة عامة..
العريس كيشوف فيها والفرحة ما قاداه علاه مالو لي ما يفرح وهو واخد الياقوت والجمال الرباني والاهم جمال روحها وصفائها..ما هزاتش راسها فيهم بقات منزلاه وعينيها عامرين دموع حابساهم بالسيف
"سعاد كانت حساسة بلا قياس وابسط حاجة تاتر فيها ونيتها تخلي الريح لي جا يديها رغم انها بنت غنية وتزادت ملعة من دهب فثغرها الا وانها كارها ديك العيشة طول عمرها كتحلم بحياة بسيبطة وبعيدة كل البعد على هاد الاجواء"
اما اهلها واهل العريس كيدويو الرجال فالخدمة والمشاريع والنسا فالموضة والجديد من اخبار صديقاتهم وحتا شي واحد ما حاس بالجتة لي حداهم باركة على الشوك ما قادراش تزيد مازال دقيقة حداهم هزات عينيها فمها لقات كضحك مع صاحبتها شافت فباها وجات عينيها فالعريس لي كان حاضيها بتاسم ليها لكن هي حدرات راسها بحزن
الخدامة:(بالانجليزية وعينيها فالارض)العشاء واجد
حركات ليها ام سعاد راسها وناضت كترحب بضيافها وتعاود وناسية بنتها تماما باغا دوز كلشي بيخير وبلا صداع ولا مشاكيل جلسو فالسفرة وبداو كياكلو بصمت كيتسمع غير صوت المعالق والسكاكين فحين سعاد غير كتلعب فداك الصحن وساهية كتخمم....
#نمشيو_لجهة_تانية
فيلا بن عمرو اغنياء العاصمة الاقتصادية مجمعين فالصالون ورياااض بارك قدامهم وكيهضر عاقد حجبانو
رياض:الوليد انا قلت لي عندي هديك البنت ما غنسمحش فيها ولو تنطابق سما مع الارض
الاب:(بصرامة)فاحلامك اولدي هادبك هي لي عمرك تحلم بيهههاا سمعتي
الام:(ببرود)غتزوج بنت خالتك سميرة وخلينا مرتاحبن اولدي الله يرضي عليك
رياض:(بالغوات)سعاااد هي لي غتكون مرتي وسالينااا انا جيت نعلمكم ماشي ناخد ادنكم لي عليا راني درتوو ونتوما راكبين راسكم وديك بنت الناس غناخدها
الاب:(بالغوات)انا صاخط عليك الى تزوجتيها ما نتا ولدي مانا باك كتسمع
رياض:(كيفشلوه فاش كيجبدو الصخط)علاش الواليد كدير فيا هكا واش انا ناشي ولدكم باغين تحرقو قلبي عليها..باراكة ما تزيدو عليا خليو غير هاد العافية لي كتاكل فيا ما تزيدونيش حتا نتوما بعافيتكم
الام:(بركات حداه)اولدي حنا باغين لبك غير مصلاحتك هاديك راها بنت العدو د باك واش نسيتي اش دار فبه واش باغي تقتل باك وتاخد سخطو
رياض:(شاف فبها بحزن)هانتي قلتيها هاديك بنتو يعني ماشي هو هي ما عندها حتا علاقة بيه انا لي كنعرفها لا نتي لا بابا كتعرفوها قدي عفاكم فهموني را كنبغيها ولا ما كانتش ليا وكانت لغيري اقسم بالله حتا نموت فيها
الام:(باسى شافت فببباه لي كان قالب وجهو ورجعات شافت فيه)عاود فكر اولدي الله يرضي عليك
ناض رياض بالزعاف وهو عاقدهم خرج ركب فلوطو ديالو ومشا حدا الفيلا د سعاد بلاصا وبانو ليه خارجين عائلة العريس فلوطو الاب والام مع شيفور والعريس فلوطو ديالو عقدهم وبرك كيسوط حتا وصلو مساج بلي لفون شعل والميساج وصل سيربلاص عاود عيط لكن ما من مجيييب بغا يتفرغع صيفط ليها مساج "انا حدا داركم نزلي عندي"
#عند_سعاد
حيدات قفطانها وبقات بدوبياس فالبوردو تكات فسريرها شعلات لفون وبداو كيوصلوها ليمساج ديالو ما حاولاتش تقراهم حطاتو وخلات دموعها يشقو طريقهم على خدودها..صونا لفون وكان هو عاود حطاتو وزادت فالبكا وصوتها كيعلو هزات لفون جبدات تصاورو كتشوف فيهم وتبكي حتا وصلها مساج وطلع ليها فليكرون غير قراتو قلبها تسارعت نبضاتو وعينيها خرجو بخوف ناضت كتجري وهي مازال ما لابسة حتا حاجة غبر دوبياس حلات البالكون وخرجات هكاك ناسية راسها اما هو كان خارج اصوار الفيلا حاضي البالكون غير حلاتو بتاسم بلاما يحس وتفكات ديك العقدة د حجبانو غير شافها وهو يغوت بلاما يحس لي شافو يقول تسطا وصوتو مع صقيل وصل لودنيها
رياض:دخلييييي
سعاد:(قفزات عاد تفكرات بلي مالابسة والو رجعات كتجري لبيت كتندب لبسات بيجامة بالسروال وعاود خرجات لبالكون شافها ودوز لابيل ليها حسات بالفون كيفيبري فايديها نزلات عينيها كتشوف فيه مترددة لكن فالاخير قبلات المكالمة وحطاتو على ودنيها
رياض:(زير على عينيه وقال بصوت هادئ عكس النار لي شاعلة فيها والغضب لي كياكل فيهههه)نزلي عندي
سعاد:ما نقضرش
رياض:نجي انا
سعاد:(شهقت)لا لا بغيتي بابا يقتلني
رياض:حتا واحد مغيشوفني
سعاد:لا ارياض لا
رياض:الوغ نزلي نتي
سعاد:ولا منقدرش ما عندي منين نخرج راني محبوسة فبيتي
رياض:(عقدهم)علاش حابسينك
سعاد:قصة طوبلة (تنهدت)
رياض:انا غنجي
ما خلاهاش تهضر قطع لخط...
مشا للجهة لخلفية ونقز الصور بكل احترافية ومشا كيتسلت فاتجاه واحد الشجرة قريبة للنافدة بيت سعاد تسلقها بمرونة ونقز لغرفتها لقاها كتمشي وتجي فبيتها متوترة وخيفة دخل عندها هي شافتوو وعطاتها للدموع اما هو عنقها بلا حتا كلمة زير عليها ومرة مرة يتنهد ويبببوس راسها حتا سكتات وهو برد شوقو ليها ورجعها لور كيشوف فيها دابلة وجها صفر وتحتتت عينيها بدا فالاسمرار وعينيها حمرين ومنفوخين بقوة البكا وقال بعتاب
رياض:علاش نا كنتيش كتجاوبي خليتيني غنتسطا وما عارف ما ندير..وزيداها بديك الهضرة
سعاااد:نتا لي فين كنتي هاد المدة كاملة شهرين وانا كنصوني ليك وحالتي عالم بيهاا غير الله
رياض:عندي اسبابي...
سعاد:(بغضب)اشمن اسباب هاه شمن اسباب يخليوك تسمح فيا من بعد داكشي لي طرا بيناتنا هاه واش عارف شنننو داز عليا واش عارف نفسيتي كفاش ولات بعد داك نهار..كرهتيني فراسي وفالنهار لي شفتك فيه ندمت على كلشي ندمت ندمت(بالغوات)
رياض:(شدها باش تسكت)ششش..نتي ما عافاش شحال من حاجة عليا انا كنت خدام ما لقيتش كيف ندير وحتا الفون ما نقدرش نتاصل وانا كنادي الواجب ديالي..وفاش رجعت مشيت للدار على اساس ندوي مع الاهل باش نجي نخطبك ولكن ما بغاوش من نهار جيت لدابا وانا كنحاول معاهم وما بغينش
سعاد:شنو هاد الخدمة ياك نتا عسكري وعندك منصب كبير شنو لي كيمنعك تكلم معايا..وعلاش فاش رجعتي كتشوف لابيل ديالي وما كتجاوبش
رياض:(تنهد بخنق وقال)ما كانش عندي الوجه باش نجاوبك انا غلطت معاك وكنت ناوي ما نجاوبك حتى نقاد اموري ونجي نخطبك..
سعاد:(ضرباتو لصدرو بقوة)وقالت علاش عدبتيني هاكا حشومة عليك كنت غنتسطا وليت خيفة شي نهار يعيقو بيا ويعيقو بهادشي لي فكرشي شحال من مرة فكرت نهرب ولا نتاحر ولكن ما قدرتش ما عنديش الجراة هىء هىء
رياض:(عض على شفايفو كيحاول يستوعب كلامها)بلاتي كفاش داكشي لي فكرشك
سعاد:(كتشوف فيه ببرائة ودموع فعينيها شدات ايدو وحطاتها على كرشها)خليتيلي طرف منك ا رياض وهاد المدة كاملة كنتاصل بيك باش نقول ليك هادشي
رياض:(لمعو عينيها وبتاسم بفرحة كبيرة نزل على ركابيه وهز راسو فيها)يعني ولدي ولدي هنا ههه
سعاد:(نسات كلشي وهي كتشوفو قدامها وفرحات لفرحتو)اه ولدنا تما
رياض:(بفرحة وكيضحك)هه واش ولد ولا بنت
سعاد:(ببتسامة)ماعرفتش
رياض:(قبل كرشها وناض عنقها كيردد)سمحيلي..سمحيلي عفاك ما كنتش عارف سمحيلي على كلشي عمرني نبقا نخليك
سعاد:(زيرات عليه كتشم ريحتو وقالت)مسامحاك غير ما تبقاش تمشي
رياض:كنواعدك اروحي
اجي رتاحي اجي
سعاد:ما فيا لي يتحرك...
شاف فيها كيضحك والفرحة بينا فوجهو وقال
-توحشتك بزااف سعاد
سعاد:(ببتسامة)حتى انا هه
رياض(بصوت رجولي)غناكلك شي نهار نتي هه
سعاد:كون سبع وكولني هه
رياض:(ببتسامة تحدي)ايه اجي نوريك واش سبع ولا لا
سعاد غير كتبتاسم وخدودها مزيناهم حمرة الخجل حط ايديه على خدودها وقرب بشوية وقال
رياض:(بصوت خافت)مازال باغا تعرفي
سعاد:(حركاتو خلاتها تنسا كلشي والحمل لعب لعبتو معاها بقات غير كتشوف فيه بدون حركة)
قرب شفايفو لشفايفها وتنفسو السربع كتحس بيه على وجها وشفايفها شيئ لي خلا هرمون الاستروجين(هرمون مسؤول عن الشهوة الجنسية) يدير خدمتو معاها غمضات عينيها وترخات كتر شافها بديك الحالة بتاسم وحط شفايفو على شفايفها حس بالرعشة فانحاء جسمو وقبلها بكل حنان كانت قبلة فرنسية..
ندامجو فالقبلة وتحولا لقبلة عنيفة هزها ولوات رجليها عليه ومازال كيتبادلو القبل بكل شغف حتى وصل للسرير حطها وشفايفو على شفايفها حيد تيشورط بسرعة ونزل على شفايها كيقبل بلهفة وقلبو كيضرب بالجهد اما سعاد وصلات للطوب وبدات كتاوه بصوت مثير حطات ايدها على شعرو وزادت فوتيرة قبلاتها هز راسو كيشوف فيها ديبة قدامو عينيها معسلين كتحلهم وتسدهم بتقالة حيد ليها تيشورط وبقا كيشوف فيها عض على شفايفو وقرب ليها وقال وهوكيقبل لحمة ادنها
-(بصوت تقيل)توحشتك بزاف..توحشت كلشي فيك
تنهدات تنهيدة طويلة ولوات ايديها عليه وحدة على شعرو والتانية على ضهرو كتحركها نزل السروال وهو فنغس الوضعية ومازال كيقبل فعنقها....
#فمكان_اخر
مدينة مراكش العتيقة/ديبو مهجور/الساعة 10h30
......:واش كلشي مات
.....:اه ا سيدي ما بقا حتا واحد
....:والاسرى؟
....:كلهم نجاو عتقوهم فاخر لحظة
.....:(بتردد)او ولدي
.......:(بعد لحظات قلال)للاسف مات فالاشتباااك
......:اععععع غنقتلووو..غنرزيه فاعز ما عندووو.. غنعدبو فحياااتووو..شوف غتجمع ليا عليه جميع المعلومات عرفوه شكون جيب ليا ابسط معلومة عليه عندك 3 ايام الى ما جبتيهمش كنقسم ليك تولي طلب الموت وما تلقاهش
....:(حدر راسو وبلع ريقو)واخا سيدي (وخرج)
"اصبحنا واصبح الملك لله"
ناعسة فحضنو وهي عارية ومعنقها حاط راسو على راسها وخاشيها فيه ايدو على كرشها..والشمس متسللة من شباك الغرفة مضوية البيت وزعجات سعاد خسرات ملامحها بالشعة لي ضارب فعينيها وخسر عليها نعاسها حلاتهم عاقداها دورات راسها بتاسمة وطلقات عقدت حجبانها تفكرات ليلة لبارح وكلمات الغزل لي غرقها فيهم عضات على شفايفها وبقات كتشوف فيه للحظات حتى شهقات بصوت مرتافع..
ضارت عندو بالزربة وجمعات النوضة شادة ليزار على سدرها اما هو تقلب لجيهة لخرى كيكمل نعاسو بدات كتنخض فيه بالزربة سرات معاها بلي راها فدارهم وبيت معاها فبيتها بامكان ماما دخل فاي وقت دموع تجمعو فعينيها وولات كترعد بالخلعة
سعاد:(بخوف)رياض نوض وا رياض نوووض(دفعاتو بالجهد حتى قفز)
رياض:(بخوف)سعاد مالك احياتي شعندك..
سعاد:(بتلعثم بسبب الخوف)خخ..خااص.خص..ك..تم..شي..
رياض:(كيهدنها)غير بشوية عليك تهدني را مفهمت والو
سعاد(غمضات عينيها حتى تهدنات)خصك تمشي ا رياض يقدر يدخلو ويلقاوك هنا
رياض:(بتاسم ليها)صافي هادشي علاش مقفزاني على صباح وخلعاني عيب عليك (جرها عندو عنقها وقال ببرود)اصلا غنمشيو منهنا
سعاد:(مسايراه)واخا غير سير
رياض:(ناض من بلاصتو وهو ملابس والو شافتو حدرات راسها وهو قال ببرود) بغيت ندوش
سعاد:(خرجات عينيها فيه)اويلي واش باغي تخرج عليا
رياض:(ببتسامة)لا حبيبة حاشا غير ما نقدرش نبقا بلا تدواش
رياض:(كيشوف فيه وكيعض على شفايفو..هز سروال لبسو وقال)لبسي حويجك غتمشي معايا
سعاد:(بخوف)لا لا ا رياض الله يرحم ميمتك غادين يقتلوني..بابا ما يرحمنيش
رياض:(شاف فيها بشوفة خلاتها تسرط لسانها)دويت معاك (شاف فالساعة)
سعاد:(بقا ليها شوية وتبكي)لعار ا رياض سير الى كنتي كتعزني سير غير نلقا الفرصة نجي حتل عندك
رياض:(بجمود كلمة) وحدة قلتها
سعاد:رياض عفاك احبيبي سير را مبغاش نخسر وليديا ويسخطو عليا
رياض:(بالغوات)سعااااد سيري لبسي حويجك دابااا
سعاد:(بركات على سرير ودموعها نزلو)غادي غير تزيد تعقد الامور عفاك سمع مني
رياض:(قرب حداها بغضب)شنو بغيتيني نخليك ورايا حتى يديك داك الكلب لي جا يخطبك ولا حتا تموتي غير بالفقصة من عمايل باك عنداك يحساب ليك راسك ما عرفش شنو كيوقع هنا ولا المعاملة باش كيعاملوك كيف ديرا...
سعاد(قاطعاتو)كيبقاو وليديا ا رياض ما نقدرش
رياض:(غمض عينيه بغضب وقال بدون ما يحس)باك كيبيع ويشري فيك سمعتي بيعك بالرخيييص ديرك طريق باش يزيد يكبر تروتو نتي ما عارفاش اش كيتسناك معاه(تفكر)ها وعلاش كان حابسك لبارح هم علاش!!!
سعاد:(دموعها نزلو وقلبها ضرها كلامو جرحها بزااف اه هي عارفة باها قبيح عارفة بلي ممكن يدير اي حاجة باش تكون تروتو فتقدم واسهمها يكونو طالعين فالبورصة ولكن ما رضاتش بقا فيها الحال تسمعها من عند رياض قالت بصوت متقطع بسبب البكا)هههدااك كيبقى ببااببااا
رياض:(غوت فوجها)باك باغي يهرسك باغي يبيعك وما كتهميهش نتي وش كتفهمي(كيورك على كل حرف)نتي اااخر همه(كيضرب صبعو على جنب راسها)دخلي كلامي لهاد الراس...
سعاد حدرات راسها وشدات على ليزار من جيهت صدرها مزيرة عليه نزلو دموعها بحرقة كلامو كان بحال جمر عليها كل كلمة كتحرقها ولي خلاها ساكتة هو انها على يقين كلام رياض كلووو على صح وكلو منطقي تحدر عندها كيتنهد وشد وجها بين يديه وقال بصوت حنين
قبل جبينننها قبلة طويلة وهو مغمض عينيه وببعد شوية كيشوف فيها كتبكي وكتنخصص جرها عندو عنقها وهو كيسكت فيها ويواسيها عرفها ما تستاهلش هادشي وماشي ديالو بقاو على نفس الوضع حتا سمعو الدقان فالباب قفزات وقلبها نبضاتو زادو حتا ولاو كيتسمعو من بعيد الصوت ما بقاتش قادرة تخرجو شاف فيها رياض وقال بصوت خافت
رياض:تهدني احبيبتي ما غيوقع والو..ششش
سعاد(بصعوبة)غغ..غغغييي..غيقلونا
رياض:ششش غير رتاحي وانا غنتخبى فشيي بلاصة ونتي تهدني باش ما يعيقوش بشي حاجة واخا
حركات راسها بالايجاب وهو قبل شفايفها وناض ساخط عقد حواجبو بان ليه بابا قريب مشا حلو ولحسن حضو كان دوش دخل وسد لباب وراه اما هي بقات كتنفس وتهدن فراسها وبصعوبة باش تمسكات وقوات نفسها لاحت ليزار ولبسات بيجامتها لي كانت مليوحة فالارض بالزربة وقالت
-(بخوف داخلي)دخل
الام:بنتي صباح الخير
سعاد:(لارد)
الام:(بركات فجنبها)سمحيلي عفاك ابنتي راك عارفة ما نقدرش نتحدا باك ما عندي ليه جهد ما لقيت كيف ندير ندافع عليك بقيت مكتفة وانا كنشوف داك الكلب كيتقر
حركات سعاد راسها بحزن و دارت عطات بضهرها لمها لي بفات واقفة للحضات كتحسر على بنتها وخرجات بخطوات سراع كاتمة شهقاتها ودموعها سدات الباب وسعاد بركات للارض كتفكر هاد المرا ما بكاتش بالعكس بركات وخدمات عقلها وبدات كتفكر حتى تنهدات وناضت للدوش متناسية تماما وجود رياض معاها فالبيت اما هو بقا كيشوف فيها وعقلو كيدور فالسبب لي خلا باها يحبسها ويعاقبها هاكا يالاه كان غيخرج شافها دخلات لواحد لبيت اخر لي كان دريسينغ عرفها نسات بلي راه معاها فالبيت والا جات كتجري عندو باش تخرجو بقا فبلاصتو وحال لباب د دوش مراقبها شافها هازة دوبياس وحويجها حطاتهم فوق السرير وجايا فاتجاه الدوش رجع لبلاصتو كيتسناها اما هي دخلات مرفوعة ومعلا بالهاش بيه طار من عقلها مرة همها فباها وهو لي حتل تفكيرها هاد الساعة حيدات حويجها وبقات صولو قدامو مشات لبلاصة قريبة لبينوار عليها الزاج دخلات وطلقات الرشاشة وريااض حاضيها وعاض على شفايفو اما هي هزات شمبوان ودارتو لشعرها مغمضة عينيها وكتغسل..
كملات تدواش وعقلها ما معاهاش اما هو بقا حاضيها حتى سالات وضارت باش تجر فوطة وهي تشهق وسارعات فاخفاء مفاتن جسمها
سعاد:(بخوف)هييييه..من ايمتى ونتا هنا!!!
رياض:(وهو عاقدهم)من لي دخلات مك وانا هنا نتي لي بنتي ليا نسيتي واش انا كين هنا كَاع
سعاد:(كدور عينيها)ها لا بالعكس غير كنت ساهية وما رديتش لبال
رياض:(حرك راسو)ام واخا وغير ترخاي راني شفت كلشي ما كين لاش تبقاي ترعدي هكاك
سعاد:(مشات جهة الفةطة هزاتها ولواتها عليها)وخا هكاك لازم نلبس
رياض:(كيشوف فيها وعاقدهم حتى دخل ليها الشك فراسها)
سعاد:مالك كتشوف فيا هكاك
رياض:(بعد صمت)شنو كانت كتقول ليك ماماك
سعاد:(تسمرات بلاصتها حتى عاود سؤالو مرة تانية)ها لا والو غير على لبارح راك سمعتي كلشي
رياض:(بتشكيك)ام لكن ما سمعتش كمالت لكلام فاش قاطعتبها)
رياض:(بجدبة)خرجي نتي انا ضروري ندوش ما نقدرش نبقا هاكا
سعاد حركات راسها بالايجاب وبالزربة خرجات اما هو بقا متبع ليها العين فالاخير تنهد وحيد حويجو ودوش....لبسات عليها وكتفكر كفاش غتخرج راسها من هاد الوخلة لي وحلات فيها والكدوب خاطيها ما عندهاش معاه وما كتعرفش ليه وساهل عليه يكشف كدوبها فرمشة عين..دقات الخادمة وعطاتها الادن باش تدخل..دخلات محملة لما لد وطاب من الاكل الشهي الفطور حطاتهم وعتادرات وعاود خرجات حانية الراس اما سعاد جرات ديك الكروسة لي كانت فضية وقرباتها للسرير وبركات حداها كتسنى فرياض يخرج..
بعد لحظات خرج لاوي عليه فوطة وهاز حويجو فايدو برك حداها عاقدهم اما هي غير كدور فعينيها وكتفكر كفاش تخرج راسها بلا ما تكدب اولا تخرج على راسها ونضراتو ليها وتروها هزات طيرموس د القهوة وخوات ليه وايديها كيرجفو عطاتو ليه وقالت ببتسامة كتحاول ما امكن تخفي توترها وخوفها
-تفضل فطر
رياض:شكرا
فطرو فصمت وكل واحد فين كيشوف....حتا ناض رياض لبس حويجو وقال ليها
-خلي تيليفونك حداك فاش نعيط ليك جوبي
سعاد:(حركات راسها)واخا
نزل وقبل جبينها بكل حب واحترام رغم انه مقلق لكن بالنسبة ليه واجب عليه يقبل جبينها وثغرها عاد يخرج وعاد يحس بنهارو تحرك فاتجاه الشرفة ولكن وقف وعاود دار عندها
رياض:عطيني لاكارط ناسيونال ديالك
سعاد:(باستغراب)علاش!!!
رياض:حتل من بعد ونشرح ليك
حركات راسها بالايجاب وناضت هزات صاكها لي كان فغرفة تغيير الملابس وجبداتها مشات عطاتها ليه ببتسامة وقبلاتو حتى هي من خدو بخجل وودعاتو رجع منين دخل بدون مشاكيل او اثارة اي ضجة حتى واحد ما حس بيه توجه لسيارتو وقبل ما يركب هز راسو فالبالكون لقاها كطل ومبتاسمة بادلها الابتسامة ودخل لوطو ديالو فاتجاه منزل صديق عمروو وخووه لي ما جابتوش ليه مو للدنيا خوه لي ولداتو ليه الدنيا...نزل وطلع نيشان للشقة دق جوج مرات وتحل لباب دخل لقا محمد غير كيسوط ومعصب غير بوحدو تمشا لبيت لجلاس وريح كيشوف فيه وقال:
محمد(دار عندو باستغراب)القائد رياض بن عمرو محتاجني العجب هدا ما يكون غير شي دحش مات فالملاح
رياض:(قلب عينيه بملل وقال)براكة من طنز واجي برك باش نعرف كفاش ندوي معاك
محمد:(برك حداه)ها هو يالاه طلقنا
رياض:(ببرود)باغي نتزوج وخاصك تقاد لي لاكت
محمد:نتا راك تخورجتي فدماغك باغي تزوج بلا خبار داركم
رياض:بلا كترت لهضرة عندي اسبابي ولي هما اهم من اي حاجة الواليد والوليدة ما موافقينش وانا ما نقدرش نخلي سعاد وبالخصوص فهاد الوقت (عينه لمعو وبتسامة ساحرة على وجهو)
محمد:(كيشوف فيه وهو هاز حاجب باستغراب)مالك كضحك هاكا واش بيخير(حط ايدو على جبهة رياض) حرارتك هي هاديك
رياض:(جمع الضحكة وفجر قنبولتو فوجهو)سعاد حاملة
محمد(طرطق عينيه مصدوم)شنووووو
رياض:(ببتسامة خفيفة)قريب غيتزاد عندي ولد ولا بنت ا محمد
محمد:(اللون هرب ليه من وجهو)ولكن ا رياض هادشي راه خطر عليكم كاملين فهاد الوقت
رياض؛(بجدية)عارف اش كندير غير تهنى
محمد:متاكد!!!!
رباض:ام
محمد(ببتسامة واااسعة):غنولي عمم هههه ونتا ا كينغ كونغ غتولي اب هه شكون كان يقول رياض غيولي اب وحتا هو عندو عائلة ووليدات
رباض(برزانة)المكتاب
محمد:لي سمعك قبل عمين يقول هدا معقد من ناحية الزواج والولاد ولكن لله في خلقه شؤوون...
#عند_سعاد
باركة ساهية وعينيها فالارض حتى تحل لباب كانت مها وباها دخلو ومها مشات عندها بركات جنبها
الام:بنتي...
سعاد:(دارت عندها بتثاقل)واش انا ماشي بنتكم!!!
الام:(تصدمات وباها هز حاجبو بدون استيعاب)اش كتقولي ابنتي
سعاد:(شافت فباها)واش لاقييني فالشارع
منصور(الاب..بحزم):وجدي راسك ليون عند كتب الكتاب وباراكة من هاد الهضرة الخاوية
سعاد:(بشجاعة وقفات وتقابلة مع وجهو)ما بغيتش نتزوجو ومستحيل نقبل على شماتة بحالو
منصور:(شاف فيها شوفة قاسية وقال)ما تخلينيش نتصرف معاك تصرف اخر
سعاد:(باستفزاز وشوفات ناقصين)هداك التصرف سير ديرو مع لي بغا يطعنك فشرفك ووسط دارك ونتا كتشوف
منصور:(بغضب)قطعي حسك ولا نجي نهرس ليك داك الفم
سعاد:(بصراخ)لااا من ديما وانا ساااكتة باش نفعني هاد السكات باش!!! عييت ما تبقا تفصل وتخيط فحياتي واش لهاد الدرجة قلبك حجر بنتك الوحيدة كتبيع وتشري فيها بدم بارد وبالرخيص فين هي الرجلة فين
منصور:(صرفقها حتا دار وجها وخرج الدم جنب فمها بحر الخاتم لي كان فايدو)نتي مكتسواي عندي والو سمعتي كون كنتي ولد كان غيكون حاجة اخرة وغيكون رااجل واقف فجنبي اما نتي شنو بنت برهوشة حتا الشخصية ما عندك خوافة ولي جا يديرها بيك ما نفعانة بوالو غير بالمشاكيل اللهم نستافدو منك بهاد الطريقة(شاف فمها)نبغيها فالعشية تكون واجدة
الام:(حركات راسها بالايجاب وهي كتبكي)واخا
خرج وهو عاقدهم وهاشي ايدو فجيابو وسعاد وقفات قدام مها وقالت بقوة مصطنعة
-انا ما بغيتش نتزوج ماشي هكا بغيت حياتي تكون مابغيتش نسخة تانية من نادية مابغيتش اهىء اهىء
نادية(الام عنقاتها):هدا مكتابك ابنتي قدر الله كيتصرف بين بلي معاناتي غتكرر مرة تانية اهىء اهىء
سعاد:(بدون وعي)لا مغتكررش مغنعيش بحال شي عبدة انا عندي لي كيبغيني وكنبغيه وحاملة منو تمرة حبنا وهو مغيتخلاش عليا غادي يديني من هنا ما غيخلينيش هىء هىء
سعاد(شدات فيديها وقالت بترجي):ماما عفاك الى كنتي كتبغيني عاونيني نخرج منهنا الله يخليك
نادية:(بدون ما تعطي اهمية لكلامها)شكون هدا..شكون باه
سعاد:(حدرات راسها بخوف ونطقات بصوت خافت)رياض ولد ناصر بن عمرو
نادية:(شداتها السخفة وبدات تندب وضرب فجنابها)اويلي واش غندير فهاد المصيبة ياربي واش عارفة شكون هداك وولدمن هداك(حركات سعاد راسها بالاجاب)جايبة ولد لحرام ومن شكون ولد واحد من اعداء باااك اوييييلييي على شوهتي اويلي على فقصتييي(كدور تالفة)اش غنديرو دابا الى ساق باك لخبار غيحرقنا كامليين (سمعو لفون كيصوني ودارو بزوج لجيهتو)نوضي شوفي واش هو نوضي يا هاد المصيبة نوووضي
مشات سعاد هزات لفون وكان فعلا رياض لي كيتاصل هزاتو وشافت فمها لي كانت حضياها وقالت
-هو
سعاد:(بخفوت)اه
نادية:اري ليا لهنا ندوي معاه اريي
خدات لفون ودوزات لابيل وسرعان ما جاها صوتو وهو كيغوت
-(بعصبية)عشر سنين عاد تجاوبي
نادية:(بهدوء)حدر صوتك الاول
رياض:(حيد لفون من ودنيه كيتاكد من الرقم وعاود ردو لودنو وقال بهدوء قاتل)شكون معايا
نادية:نادية ام سعاد
رياض:(بعد لحظات من الصمت قال بصوت رجولي رزين)السلام عليكم
نادية:وعليكم السسسسلام
رياض:(باستفسار وخوف)واش سعاد لباس عليها..ما وقع ليها والو!!!
نادية(كتشوف فسعاد)لباس عليها وحتى ولدك
رياض:(فهم بلي القضية تفضحات وععند بالو حتى باها عرف وقال بلهفة وخوف)سعاد بغيت ندوي معاها دوزيها ليا
نادية:(حسات بالخوف فصوتو)سعاد بيخير وما تخافش مازال ما ساق باها لخبار
رياض:(تنهد براحة وقال)مدام نادية انا كنت ناوي نفاتحكم فموضوع الزواج لكن نتي عارفة العداوة لي بين عائلتنا
نادية:(قاطعاتو)عارفة اولدي..وخاصك تجي تديها ليوم ولا دابا من هنا الى بقات تقدر..
رياض:(قاطعها بلهفة)مدام نادية اش كين واش واقعة شي حاجة
نادية:ليوم عقد قران سعاد بخالد
رياض:(وقف فبلاصتو)شنووو
نادية:(ما عطاتوش مجال يزيد يدوي)بعد نص ساعة نلقاك حدا الباب الخلفي ديال الفيلا
رياض:انا جاي دابا
قطعات وحتى هو ما تعطلش هز ساروت ولاح لمحمد لاكارط وقال ليه يوجد ليه لاكت ليوم قبل غدا خرج كيجري ناحية لوطو ركب وديمارا اما نادية مشات عند بنتها عنقاتها وعطاتها للتنواح ما سخاتش بكبدتها ولكن هدشي لي عطا الله عالاقل غتكون مرتاحة لو ما حساتش بالخوف ديالو عليها واللهفة ليها ما كانتش غتغامر وتخليها تمشي لشي بلاصة بوحدها طلبات منها السماح على كل ما صدر منها فشي يوم من الايام وعلى تقصيرها ناحيتها وجمعات ليها شوية الحويج وبدلات حويجها لبسات سيرفيط نواغ كولون وغسلات وجها تاصلات بيه لقاتو عند لباب سلمات على مها لاخر مرة وعطاتها كارط غيشي غولد كانت مخبياها على راجلها ودهبها ومشات معاها حتى وصلاتها لحدا بابا لوطو وهادشي كامل بدون ما ينتابه ليهم شي حد لان الحراس كينين قدام الباب الرئيسي والخدم كل واحد ملاهي فشي حاجة بمناسبة عقد القران ركبات تحت توصيات مها ليها ولرياض وكسيرا فاتجاه شقة صديقو محمد اما الام بقات كدعي فخاطرها تخرج العقبة على خير...
شد طريق وهي دموعها ديزين عارفة باها ما غيدوزهاش على خير وما غيسكتش بقا بالها مع مها اما رياض مرة مرة يقبل يديها ويواسيها حتى وصلو عند لباب بلاصة لوطو وهز الساك د سعاد ومشا حل ليها لباب ونزلات شد فيها وسد لباب وراه توجه لمدخل الموبل حتى وقفو الكونسياج..
الكونسياج:(مد ليه سوارت)سي رياض لباس عليك كلشي مزيان..هاد السوارت خلاهم ليك سي محمد
رياض:الحمد لله(خداهم من عندو)
وطلع فلسانسور فاتجاه منزل محمد...دخلو وسعاد حشمانة وغير كدور فعينيها فبن ما مشاها تمشي داها لغرفة من الغرف وقال ليها
رياض:(ببتسامة)هادي غرفتك خودي راحتك فيها
سعاد:(حشمانة)واخا شكرا
رياض:العفو..بغيتي شي حاجة انا غنخرج نقضي شي غرض
سعاد:لا ما بغيت والو هاد الساعة شكرا
رياض:حيدي هاد الرسميات الله يخليك
سعاد:واخا..(باس جببنها وتوجه ناحية لباب حتى وقفاتو بصوت خافت)واش غتعطل بزاف؟
رياض:(خشا وجهو فعنقها وطبع عدة قبل متفرقة وقال)شوفي وكان..انا بعدا ما ساخيش بهاد الحضن(عاود نزل شفايفو لحدا ودنييها وطبع قبلة بورشاتها*)
سعاد:(كتبعد عليه وتنفسها زاد)باغا ندوش فين!!
رياض:(عاق بيها كتهرب وقال وهو كينعت ليها بصبعو )لهيه..ولكن خلينا نديرو علاش بعدا حشومة تعدبي على والو هه
سعاد:(هزات فبه عينيها وقالت بصرامة عكس احساسها)هادشي غيتحبس هنا ا رياض
رياض:(عقد حجبانو بعدم فهم وقال)ما فهمتش!!
سعاد؛ما حد ما جمعناش الحلال ما غتبقاش تقرب ليا
رياض:(بتااسم وقبل جبينها وقال)قريب احبيبة قرييب
قبل ثغرها وخرج خلاها بوحدها حطات ساكها ورتبات حويجها فبلاصتهم خلات غير دوبياس فالبينك(pink) وشورط قصير مع تيشورط هزات فوطة ودخلات للدوش فحين رياض خرج لكولوار وهو كيهضر فالفون وتوجه فاتجاه غير معروف حتى وصل كان مقر عسكري دخل وعطاوه التحية
محمد:(ضرب على جبهتو وقال)نسييتو ها هو ا خويا ما كملت حتا شحفت بالسيف باش طلعو لبا لوراق فنهاري
رياض:(ربت على كتفو ببتسامة وفال)شكرا اخويا الله يحفضك ليا
خدا لاكت كيشوف فبه مبتاسم ومشا عندها فرحان
رياض:(شدها من ايدها وجرها وراه)اجي معايا حبيبي
تبعاتو مفاهمة والو وهو مبتاسم بركها على سرير ومشا لدريسينغ جبد بواط فيها خاتم خفيف من الدهب الابيض شكلو زوين
ومشا قرب ليها وقال (ببتسامة*) غنجيك نيشان انا ما كنعرفش نعبر بزاف و..وو..وو(غمض عينيه حيت وحل ما عرف ما يقول وختاصر كلامو)تزوجي بيا
كان شكلو كيضحك وهو متوتر وما عارفش يعبر على شنو باغي والكلمات هربو ليه بقات كتشوف فيه للحظة ضحكات من قلبها بصوت مسموع بقهقهات انثوية اما هو سرح فجمالها وبتسامتها البريئة لي نورات جفاء وجهها وعطاتو رونق خاص تلاح عليه عنقاتو وقالت بحماس
داز اسبوع على سعاد و ريياض لي كانو ما قداهم فرحة ودوزوه غير فالنكير والحب والمخاصمة كل مرة وحالتهم كيف كتكون..كانو خارجين لمول وهو شاد فيها دخلو وكيسوط وغير عاقدهم
رياض:(كينكر)واش معيتيش واه را بزااف هادشي من صباح ونتي ضوري فياا
سعاد:(بترجي)حميمتك حبيبي دغيييا ما نتعطلش والله العااار احبي غير هادي صافي
رياض:زيدي نمشي معاك
سعاد:(باعتراض)لا غير سير ضومندي لينا حتا انا جاني جوع بزاف
رياض:واخا (شد عليها داكشييي لي كانت هازة قبل جبينها ومشات تحت توصياتو واكييد تهديداتو باش ما تعطلشششش)
كل واحد توجه للمكان المقصود سعاد فرحانة ورياض غير عاقدهم بقوة الفقصة والعصاب لي حس بيهم ليوم..ضوموندا وبرك كيتسنا فيها دازت عشرة دقايق عشرين تلاتين دقيقة او والو عيا يتسنى وصا واحد من السرباية لي تما على لبلاستيكات وخرج غير كينفخ وصل لنفس المحل دخل وعينيه كيضورو فالارجاء والو ما بانتش ليه ضار على المحل كااامممل قلب فيه قنت بقنت ما لقاهاش بغا يتسطى مشا عند اول وحدة بانت ليه كانت موضفة وقف عليها وهي بتاسماات ليه بضورها وسولها على سعاد ووصفها وصف دقيق و قااالت...
الموضفة:اه وي عرفتها كانت طلبات مني تقيس واحد سواغي ولكن...
رياض:(بلهفة)ولكن شنو
الموضفة:جا عندها وليد صغير ومشات معاه
جهل بغات روحو تخرج عقلو غيطرطق بقوة الافكار لي طاحو عليه خطرة وحدة وكل وحدة صعب من التانية ما جاوبهاش بسرعة مشا لمكان الحراسة والبلاصة لي فيها الكاميرات جبد البادج ديالو لي ما كيخطاهش وطلب منهم يوريه تسجيلات الكاميرا حتى بانت ليه غادا وشادا فايد ولد صغير وكضحك معاه ما فهم والو فالاول بقا عقلو كيدي ويجيب والخوف كلاه اكل ما خلا فيه غير لي نسا بقااا متبع كل لقطة فالحاسوب حتى وصلو لاكااف فين كيخليو الناس سياراتهم بانت ليه واقفة وشادة فداك الوليد وكضحك معاه حتى وقفات سيارة رباعية الدفع بلون اسود بزاج فيمي وخرجو منها زوج ملتمين وكل واحد يا واحد شافتهم وتخلعات بغات تهرب وهو يشدها واحد فيهم زيرها عندو وهي كتركل وتغوت ربي لي خلقها ضرببها واحد بتصرفيقة حتا ضار وجهها بدا كيسوط وعروق جبهتو ويديه برزو بقوة وحطو مخدر على انفها وفمها قاومات للحظات لكن ترخات بعد وقت وجيز غائبة عن الوعي هزوها ودخلوها للسيارة وداو معاهم حتى لولد لي كان غير كيشوف وبين فيه شوية الخوف لكن ماشي بزااف جمع قبضة يدو وضربها مع الحيط خرج جهدو كامل فديك الدقة لدرجة رجال لي كانو معاه تما شهقو وبداو كيقولو صافي تهرسو ليه صباعو لكن هو العافية شاعلة فيه الالم لي كيعتاصر قلبو غطى على الالم لي فايدو كانت اول مرة غادي يحس بالخوف تمتم بكلمات سب وشتم وتوعد لهدوك لي خطفوها وخرج خلا رجال غير كيضورو عينيهم بيناتهم شد لفون وتاصل بواحد من رجالو فالفرقة الخاصة
.....:اهلا وسهلا با رياض صافا
رياض:(بجمود وقصوحية)محتاجك دابا نتا و الدراري ضرووري نلقاكم فالديبو****
.....:(بطاعة)اوك مون شاف مسافة الطريق نكونو عندك...
فصل الخط ومشا لسيارتو ركب ومشا زاف فاتجاه مكان اللقاء...
إبنة الجار الجزء الرابع
محتوى القصة
التنقل بين الأجزاء