دازت نصف ساعة ووقفو خمسة د لوطوات قدقد ومنهم رياض لي كان غير عاقدهم وتالف غير بوحدو والصرامة طاغية على وجهو سبقهم لديبو حط بصمة يدو ودخل وهما تابعينو ونضرات الحيرة على وجهم تبعوه بلا كلمة بلا زوج دخلو وتصافو فحين الباب تقفل اوطوماتيكمون فور دخولهم عطاوه التحية وهما جامدين حتا قال ليهم رياض
-رتاحوو..(وقفو عاديين وهو كيدور عينيه عليهم)فيناهو سليمان
.....:فالمستشفى مرتو تقدر تولد فاي لحظة
حرك راسو بالايجاب وقال بصرامة
-انا جمعتكم حيت محتاجكم واخا هادشي لي كنديرو خارج على قانون المهنة لكن ما باليد حيلة
....:خير مون شاف خلعتينا
رياض:(بعصبية وقلق)مرتي تخطفات
كلهم ستغربو حيت حتى واحد ما عارف موضوع زواجو من غير العميد لي مازال ما رد عليه خبار من داك النهار
...:من ايمتا ا سيدي تزوجتي
رياض:حنا غير مخطوبين باقي كنتسنا الامر د العميد
همهو الرجال بتفهم وقال واحد فبهم:حنا معاك مون شاف فاي حاجة
ايدوه رجال لخرين ببتسامة وشكرهم وقال ليهم بتبات..
رياض:عارفكم رجال وبعول عليكم الواحد
الكل:(بصوت موحد)هدا واجب مون شاف
رياض:(بتاسم ليهم وقال)انا ما عرفتش شكون عندو المصلحة فهاد الشي والحد الساعة حس مخلوق ما عارفنيش واش خاطب ولا غنتزوج
.....:(قاطعو)ضروري يكون عارف شي واحد ا سيدي ولا يكون شي واحد قريب ليكم
رياض:(دور كلامو فراسو وخل عينيه على وسعهم)باها ..اففف كفاش نسيت هادشي جبد لفون ودوز لابيل ليه لكن ما من مجيب ساف فواحد من رجال وقال
-محسن هاكي ليا هاد الرقم وجبد لي اي حاجة متعلقة بيه
محسن:اوك مون شاف
حط لبيسي قدامو وجبد واحد الابراي برونشاها معاه ودخل لواحد سيرفر عندو اسمو سبايزي كتب الرقم وبعد خمس دقائق من البحت وادخال المعطيات طلعو ليه جميع الارقام والرسائل والمكالمات برك رياض بعدما ربت على كتف محسن وبدا كيقرا الرسائل ويتصنت على مكالمات لكن للاسف بائت محاولتو بالفشل ما لقا والو ناض ساخط ضرب كرسي برجلو حتى تهز لسما وتخبط الارض
جاو حداه رجال وطلبو منو يتهندن واكيييد غادي يلقاوها
#فمكان_اخر
فاقدة وعيها وسط بييت كبييير فيه الكراطن و الحديد قراااعي مهرسين وعدة الاشخاص هازين السلاح وملتمين ومربوطة فالكرسي لي باركة عليه وعلى عينيها توب اسود واقف عليها رجل دو بنية متوسطة الحجم دير قناع بلون بدلتو السوداء بين فيه غير عينيه لي كانو كبار مشفرين ولونهم فالبني فاتح هاز سطل عامر بالما بارد بعدما خدا الادن زلعو عليها بقوة حتى فاقت مفزوعة وكتشهق حسات بصفعة على وجها نزلو دموعها بالخوف والصوت مشا ليها كيف عادتها عندها فوبيا فاش كتخاف كتولي كلها ترعد والصوت كيهرب ليها كتبقا غير تمتم دموعها على خدها وقلبها غيسكت بالخلعة حتى حرف ما بغا يخرج ليها
.....:(بحدة وصرامة)شنو علاقتك ب رياض بن عمرو
سعاد:(الصمت)
.....:(بالغوات حتى قفزات)جاوبي
سعاد:(صوت شهقاتها كيتسمعو وصوتها وحل ما قدراتش تخرج ولو حرف واحد)
.....:منين كتعرفيه!!!
سعاد لارد حدها كتبكي وتنخصص حتا بداو رجال لي تما كيدورو عينيهم على بعضهم تقدم واحد فيهم وحيد ليها التوب على عينيها وشاف الخوف فعينيها خوف رهيب اما هي كدور عينيها فالارجاء وكتحاول تخرج صوتها شافت قدامها لقات لقاط وموس وبعد معدات التعديب صافي هنا ركابي خواو ليها ولات كطلب الله يعتقها وفنفس الوقت خيفة حتا على رياض لي اول حاجة طاحت فبالها هي هادو شي وحدين من اعداؤو وبغاو ينتاقمو منو
......:(شدها من شعرها حتى راسها رجع لور وقال بصراخ)رياااض بن عمروو فييين كاتعرفييه
انا : (بصوت متقطع بزز باش كيفهموه مخلط بالبكا) ماكنعرفوووش هىء هىء عطاها تصرفيقة حتا طراسات ايدو على وجها)حنا عارفين انك على علاقة معاه
اسعاد:(بخوف وصوت متلعثم)هو ولد صاحب بابا ولكن دابا تقطعات الصلة بيناتهم هىء هىء
اش كنتي كاديري عندو نهار 13/7
سعاد:(وسط شهقاتها بصوت متلعثم)انا انا
.....:(بصراخ)مااالك نتي
سعاد:(بالخلعة لي غلباتها رتافع صوتها وسط شهقاتها)انا كنت على علاقة بيه ومشيت عندو باش نهيها
....:سكتيييي انا للي نغوت هنااا..
الشخص٢:عندو مخبأ سري فدارو
سعاد:(بصوت متقطع)انا ماعرفتش..
....:(بالغوات)نتيي عااارفة وراك السلاح.. فين كاين
انا:بنفس الحالة)للااا انا ماعرفااش وعندهم عداوة مع بابا
(خدات نغس عميق وقالت وهي كتحاول تكالمي راسها باش تقدر تخرج راسها)
انا معارفة عليييه وااالو..ما عمرو عاود لي شي حاجة
...:تاتكذبييي
انا : ماتنكذبش..
هز واحد السلك حطو ليها على فخضها حتا غوتات لربي للي خالقها
رجال باركين وكين لي كيمشي ويجي وعقلهم خدام لان ما عندهم حتا شي خيط وخدمتو التانية حتى واحد ما كيعرفو من غير الجنرالات ودوي الرتب العليا حتى فالعمليات كيكون متنكر وعندو هوية مزورة داخو وحارو كلهم تلفو وختا من رياض لي حاس براسو مكتف بارك وكيدور الخاتم لي فصبعو حتا تحلو عينيه على وسعهم....
كفاش قدرت نساا هه..(شاف فمحسن وبريق امل فعينيه وقال بحماس ولهفة)الخاتم ا محسين الخاتم
محسن:(باستغراب)اشمن خاتم!!!
رياض:الخاتم د الخطبة فيه تحديد المواقع كنت خيف شي نهار نطيح فها الكا ودرتو لبها ههه تقدر ياك
جا حداه رياض وبقا كيعطيه فالمعلومات لي خاصينو وبعد دقائق كيف واعدو لقاوها فمكان خارج المدينة ومقطوع كل واحد هز سلاحو ووجدو راسهم لاي مفاجئة وخرجو من الديبو كل واحد ركب فسيارتو ومتقدمهم رياض بسرعة كبيييرة وصلو لوطوروت وعطاو العجلات للريح كانت سرعتهم صاروخية غاديين متابعين حتى وصلو لداك القنت لي فيه سعاد....
رياض:نعطيكم الاشارة تبعوني
حركو ريوسهم بالايجاب ورياض كيشوف من حولو استكشافا للموقع ويحسب الرجال لي كينين تما بانو ليه جوج واقفين ما مسلحينش دار عند الشباب باستغراب
رياض:مافهمتش حاطين غير جوج الحراسة و ما مسلحينش!!
رشاد:حتى انا ا سيدي خيف غير ليكون شي كمين وحنا ما واجدينش
امين:شباب بنتو ليا غتبقاو تحللو وتناقشو من ايمتا كانت ليكم؟!
ياسين:عندو الحق..واش غنخليو مرت خونا تما !!
رضى:وا يالاه ا سيادنا طلقونا للفراجة
محسن:خويا رياض حنا معاك فاي حاجة ولي دارها الله هي لي تكون وماشي فرقة العقاب الجارح لي تخاف حياتنا ديما معرضة للخطر ماشي اول مرة غنطيحو فبحال هاد الموقف..والى كان مكتاب الاجل يتحد ليوم را غيتحد سواء هنا او فبلاصة تانية
رياض:(كيشوف فيهم واحد واحد والفخر واضح وضوح الشمس على وجهو)هدا هو المضمون فيكم..
دور راسو جيهت الديبو لي كان قديييم وتوجه بخفة لعند هدوك جوج هو ورشاد هازين السلاح لي ديرين ليه كاتم الصوت ضربوهم بالرصاص لرجليهم وربطوهم بعدما بعدوهم على داك القنت و دخلو مجموعبن لديبو كل واحد كيغطي على خوه جوج القدام وجوج ضيرين لور مخافة من شي رصاصة تغضرهم وواحد لوسط هاز سلاحو لفوق محتاطين من جميع الجوانب تمشاو بتبات وهما تابعبن جهاز على شكل ايفون صغير اسود وفيه طريق ونقطة خضراء كل ما قربو كتزيد تضرب هاديك النقطة حتا وصلو لواحد البيت ورياض سمع صوت سعاد وهي كتبكي وترجاهم وصوتها مقطع وبين خارج بصعوبة فرع الباب بدون ما يفكر جوج مرات وقف مصدوم من المنضر لي شاف قداموو ماشي غير هو حتا صحابو...
فشل وطاح للارض تناسا بلي هي حاملة واقل حاجة تقدر طيح البيبي بالخصوص هي صحتها غير على قد الحال وماشي غير كتخاف وصافي بل كترتاعب كانت باركة وفيضان من الدم تحتها وكتهتهت وواحد من الرجال كيضرب ليها فوجها بشوية باش ما تغيبش ناض والدنيا كدور بيه مشا عندها ودفع هداك لي حداها بكل جهدو حتا تخبط للارض دموع نزلو ليه وهو كيشوف مراتو ام ولادو فديك الحالة حتا باش ينوض ويهزها للسبيطار ما فكرش فيها تبلوكا حتى نوضو صاحبو وهو كيغوت عليه ويحركو بعنف
رضى:خويا نوض هز مرتك للسبيطار ما ضيعش لوقت كتر من هاكا
رياض:تنفض من بلاصتو ودار كيشوف فيهم كانو زملائو كان كيعرفهم ومنهم العميد ديالو لي كان لور ولي عاد جا قال بصوت زلزلهم كاملين بعد ما هزها فايديه)مازال بيناتنا حساب وغندم ز**** واحد بواحد
(وقف قدام العميد ديالو وعينيه فيهم الشرار)نتا بالخصوص ما غندوزهالكش عارفها حاملة (قبل ما يكمل كلامو خطفوها ليه من يدو المسعفين لي تاصلو بيهم فاش شافو النزيف و دارو لبها الاسعافات الاولية تبعهم ودار عند العميد..
-مازال ما سالينا
كلهم حدرو عينيهم ومنهم العميد لانو عارف القضية حساسة وهو براسو ما كان فخبارو والو لان الامر جا على غفلة ومن الفوق("الناس الكرايضية) وهو كان خارج عطلة فهاد الوقت وفاش عرف مشا كيجري باش يحبسهم لكن كان فات لفوت ورجالو تبعوه وخلا لخرين كيقفقفو بالخلعة عارفين ما غدوزش على خير...
ركب معاها فالاسعاف وشاد ليها فايديها كيقبل فيهم وفمو غير
"سمحيليا انا سبابك حتى طحتي فهادشي"شاف حنكها حمر ومصورة فيه ايد جهل ولكن ما لقا جهد اهم حاجة عندو هي تولي بيخير ومن بعد عاد يشوف اش يدير...مسافة الطريق ووصلو لاقرب كلينيك دخلو وجاو كيتجاراو بالبياص حطوها فيه وهو تابعها وشاد فايديها وصلو لقاعة العمليات وحبسوه بزز باش طلقها ويقا غادي جاي تما حتى وقفو عليه صحابو"زملائو فالعمل"بقا غادي جاي وصحابو كيتحسرو عليه وعلى سعاد لي ما تستاهلش هادشي كان خايف عليها وعلى كبدتو لي باقا ما شافتش النور..على نفس الحالة مرة يوقف على الحيط ومرة يمشي ويجي مرة يبرك ويبدا يخمم ومرة يشد فشعرو حتا كيبغي يطيرو من جدر وفينما يشوف شي ممرضة خرجات ولا دخلات يطير عندها لكن بدون فائدة حتى خرج دك وطار لعندو وقال ليه..
دك:(باسف)حالة زوجتك حرجة تعرضات لصدمة والضرب زائد صدمات كهربائية لي على اثرها وضع الجنين فخطر خسرات الدم بزاف ومحتاجين للدم يكون زمرة oسلبي (سكت وهو حادر راسو للحظات وعاود هز راسو فرياض لي كان كيحاول يستوعب كلامو لي ما بغاش يدخل ليه لعقل)وفغالب الاحيان غنديرو الكورطاج لمدام
رياض:خرج عينيه حتا حس بالعروق كيتقطعو)اش..اش كتقول نتا را ولدي هداك عتقو بغيت نشدو ما نقدرش نسخا بيه
دك:ما بغيتش نخيرك بيناتهم حيت بزوجهم فخطر ويقدر ينجا واحد فيهم
رياض:(دموع تحجرو فعينيه فعلا ختيار صعب بين المراة لي كتبغي و فلدة كبدك بالخصوص فحالة رياض لي كان متعلق بيهم بزوج لقا نفسو معاهم وحس بالمسؤولية تجاههم وما ينعسش اذا ما دواش مع ولدو..هز عينيه فالطبيب وقال)...
رياض:(بانكسار)دير لي عليك وعتق لي مرتي
طبيب حرك راسو بالايجاب وقال
دك:خاصنا الدم
ياسين:انا عندي نفس الزمرة
دك:(غيط لوحدة من الممرضات كانو جايين)سيري ديه لبلاصة التبرع وجيبي لي دبا اكياس الدم
حركات الممرضة راسها بالايجاب وقالت لياسين:تفضل معايا سيدي
تبعها بدون تردد او كلمة ورياض ضاق صدرو وحس بالضعف كينهش فيه وصحابو ما قدرو يقولو والو وما عرفو باش يصبروه سمع الادان وتوجه لاقرب حمام بدون ما يدوي مع شي واحد توضى وتوجه قرب غرفة العمليات وقف استقبل القبلة وبدا صلاتو كبر وقرا الصورتين وصل للسجود ونهار كانو كتافو كيتهزو دليل على انو كيبكي بقوة وكيستنجد بالخالق طول فكل سجدة وصحابو حتا هما تبعوه وكان معاهم حتى ياسين لي تبرع بالدم ورجع بداو فصلاتهم ودعائهم كان لخوهم وصديقهم اي واحد داز من حداهم كيبقى يشوف فبهم وحتى هما كيدعيو معاهم بالخصوص فاش كيشوفو رياض وكتافو كيتهزو بطريقة عنيفة..بعد دقائق كملو صلاتهم وسلمو ورياض مسح دموعو بالتخبية لكن عينيه فاضحينو كانو حمرين بحال نقطة د يال الدم شافو فيه باسى وقال واحد فيهم
رشاد:(حط ايدو على كتف رياض)خويا ربي كبير وانشاء الله يكون معاهم
هز راسو ونزلو والجهد بلش يدوي ما كينش وقف اونفاص لباب وفبالو كيدعي معاهم بعد لحظات خرج عندهم دك ووجهو خالي من التعبير..
شافو رياض ونبضات قلبو تسارعو اما وجهو تسقط فيه الدم بالخوف بقا واقف كيحاول يعرف شي حاجة من ملامحو توجه عندو ومعاه صحابو لكن سرعان ما ابتهجت ملامح دكتور وقال بفرح
رياض:(غمض عينيه وقال بتعب)ربي بغاه والحمد لله على كل حال..والله يخليك ما بغيتهاش تعرف هادشي
دك:(همهم بتفهم)هم
رياض: نقضر نشوفها!!
دك:اكيد فاش ينقلوها الغرفة العادية يمكن ليك..خليت ليكم الراحة والله يجيب الشفاء
رياض:امين يارب شكرا
دك حرك راسو بالايجاب مع ابتسامة ومشا اما رياض غمض عينيه بحزن على فلدة كبدو لكن حامد الله وشاكرو فسرو عنقو واحد فصحابو وتوالاو العناقات بيناتهم كيواسيوه وفنفس الوقت فرحانين معاه بولدو ومرتو بعد لحظات خرجوها فسرير متنقل والسيروم معاها مشا شد ليها فايدها وقبلها كانت فاقدة الوعي ووجهها شاحب بسبب الدم لي خسرات وقال
رياض:(بهمس)كنواعدك عمرها تعاود هادي اخر مرة نعرض حياتك للخطر وما غدوزش بالساهل
بقا تابعها حتى وصلو للغرفة لي غتبقى فيهاا دخلوها وهو بقا برة مع صحابو
رياض:(كيشوف فيهم)شكرا ووقفتكم معايا عمرني نساها
ياسين:ما تقولش هاكا هادا غير الواجب ديالنا اتجاه خونا
رضى:عندو الحق هدا واجب علينا..
رياض:هدا هو المضمون فيكم
محسن:خويا دخل عند مرتك وحنا غنمشيو من هنا نشوفو مع دوك ز***
رياض:(بغضب)ما غندوزهاش ليهم كنقسم ليكم
رشاد:تهدن اخويا ما تنساش بلي هادوك ما معاهمش اللعب والحمد لله خرجات سالمة
تعانقو عناق رجولي ومشاو وهما كيتمناو لسعاد الشفاء العاجل دخل عندها وهو كيتنهد حل شوميز لي عمرات عرق وهز لفون ديالو تاصل بمحمد
رياض:الو خويا صافا
محمد:الحمد لله الخاوة كلشي مزيان
رياض:(كيشوف فسعاد وتنهد )حتا حاجة ما مزيانة اخويا
محمد:مالك ا خويا شعندك..ياك لباس
رياض:حتا تجي ونقول لبك شنو كين..غتمشي لابرطومون ديالي جيب لي شي حاجة نبدل بيها
محمد:واخا خويييا..فين نجيبهم ليك
رياض:كلينيك*** لي فالخرجة د المدينة
محمد:(بخوف)كلينيك اش واقع ا صحببي واش نتا بيخير
رياض:(بحسرة)انا بيخير المهم جي نتا عندي بعدا وجيب لي ما نلبس
محمد:واخا
قطع لفون ومحمد خرج طير فاتجاه دار رياض..ورياض شاد ايد سعاد وحاط شفايفو على ايدها والايد لخرا كيدوزها على شعرها...
#الحاضر
مرام:يعني انا كان غيكون عندي جوج خوت هىء هىء
محمد:اه ا بنتي قدر الله تصرف مكتاب ليه يكون طير من طيور الجنة
مرام:حشومة عليهم هىء هىء
بهاء:حبيبة صافي من البكا هدشي قضاء وقدر انت تريد وانا اريد والله يفعل ما يريد..كمل ا الشريف
حرك محمد راسو بالايجاب وهو كيتذكر الاحداث سرح بعينيه بعيد وقال
محمد:انا فداككك الوقت سمعتها ومشي طير لدارو هزيت لو حويجو وقلت اكيد حتا سعاد غيخصوها الحويج جمعت ليها لي جا قدامي وخرجت من الدار ركبت ومشيت فاتجاه لكلينيك
#فلاش_باك
وصل محمد لكلينيك بلاصة سيارتو ومشا فاتجاه المدخل وهو كيتاصل برياض لي كان على نفس وضعيتو لكن غفا فجنبها فيقو غير اهتزاز الجوال
هزو بان ليه محمد جاوب وقال بهمس
رياض:الو...الغرفة 103 الطاج التاني..
بعد لحظات كان قدام باب الغرفة دق بشوية ودخل طل عليها لقاها مازال ناعسة وشاف فرياض لي ناض وتم خارج وتبعو حتا خرجو من الغرفة
محمد:اش وقع ا خويا اش كين
رياض:قصة طويلة اخويا جبتي ليا الحويج
محمد:واه راهم فالساك حطيتو فاش دخلت
رياض:(بتعب)ما ديتهاش فيه بمرة
محمد:(باصرار)وا قولي شنو وقع
رياض:(شاف فيه وتنهد وبدا كيسرد ليه شنو وقع بدون ما ينسا شي حاجة)هادشي لي وقع
محمد:(بعصبية)ولاد**** اش غدير معاهم دابا
رياض:اول حاجة غندفع استقالتي وغير هادي بحد داتها غتهرسهم
محمد:ما غادينش يقبلوها..صعب يخسرو شي واحد بحالك
رياض:عارف وحتا انا ما ناويش نتخلا على المهنة ديالي لي لقيت فيها نفسي وميولاتي غادي نعاقب اي واحد تجرا يقرب منها كنواعدك
محمد:(ربت على كتفو)الله يكون ليك عوين..(باسى)الله يرحم الولد ويجعلو طير من طيور الجنة
رياض:(بحزن)امييين يارب..الله يخليك هادشي بغيتو يبقى سر بيناتنا ما بغيتش سعاد تعرف ولو باي طريقة كانت
رياض حرك راسو بالايجاب وكل واحد مشا فحال سبيلو دخل وسد وراه الغرفة لقاها كتحرك باش تفيق مشا طير عندها برك على الكرسي وشد فايديها كيقبلها حتا حلات عينيها وقال بلهفة
رياض:حبيبة شوية كيف بقيتس باش كتحسي..
سعاد:انننن..(بصعوبة)بالحريق تحتي كيقطع فيا
رياض:غيفوتك ا روحي غير صبري شوية
سعاد:(بتعب وصعوبة)ولدي اننن لباس عليه
رياض:(باسى مع ابتسامة باهتة حط ايدو على كرشها)لباس عليه متشبت بالحياة بحال باباه هه
سعاد:(ببتسامة)ولدي قوي اممم
رياض:رتاحي احياتي انا نعيط لدكتور
حركات راسها بالايجاب وهو قبل جبينها قبلة طويلة عاد ناض وخرج كلم دك عن طريق واحد الممرضة ورجع عندها بالزربة برك حداها وهو كيسرح ليها شعرها بايديه وقال بحزن شديييد وندم
رياض:سمحيلي ا حياتي سمحيلي
سعاد:امم علاش غنسامحك حبيبي
رياض:انا سبابك حتى وصلتي لهاد الحالة😔
سعاد:مسامحاك ا حياتي وزيدون نتا ما عليك والو
رياض(بتانيب):بالعكس انا سباااب انا لي مكلخ خليتك تبقاي بوحدك وخدمتي لي وصلاتك لهادشي
سعاد:(بتمياق)ونتا مالك زيدون سير تلبس عاجبينك بادرك😠
رياض:(كيطنز)بزااف احبيبة..
سعاد:يعطيك لحبوب فالاماكن الحساسة
رياض:(كيمسح فشعرو)وباش غتقضي نتي الى ولا فيه الحبوب😉
سعاد:سير الله يمسخك الماسخ😳
(سمعو الدقان وقال رياض بالزربة )
-دخل
دخلات الممرضة مبتاسمة باض تعاين حالتها لكن عينيها خرجو وولاو قلووبة😍😍 فاش شافت هداك الموضل لي قدامها الطولة والتجريدة والعضلااات نعام ا سي
سعاد:(كتشوف فيها وكتشوف فيه هو لي ما مسوقش كيمسح فشعرو ويصفر ما علا بالوش وقالت بغضب)ياكما نعطيك صورتو احسن
الممرضة:(بتلعععثم)ام انا
سعاد:جمعي عينيك..ولا نتقبهم ليك
الممرضة:سسس..سمحيلي الله يخليك
سعاد:المسامحة ولكن ما تعاوديهاش هاد المرة غيكون تصرف تاني
حركات الممرضة راسها بالايجاب وهي حادراه لكن مرة مرة عينيها كيهربو لهديك التحفة لي واقفة وكاتمة ضحكتها حتى شافتو سعاد وقالت بالزعاف
-لبس شرررراوطك نتا😡
رياض:(ما عودهاش معاها خلعاتو مسكين😂)واخا لبسو وتكمش فالجنب كيشوف فيها كترطى غير بوحدها وكتسوط
مرام:(بهدوء)ماما و بابا كانو كيبغيو بعضهم بزاف
محمد:واه ابنتي كانت علاقتهم مبنية على حب صادق لكن العالم لي حواليهم ما خلاهمش يرتاحو
مرام:حسبي الله ونعم الوكيل فيهم رزاوني فالعزاز
محمد:امين...(كمل بتركيز)خرجات من لكلينيك بعد المدة لي عطاها دوك وفنفس نهار كتبو كتابهم عرضت عليهم يبقاو معايا لكن باباك الله يرحمو عتارض بحجة انه بغا ينفارد بمرتو وياخد راحتو معاها وهي كدلك وافقتهم وتفهمتهم مشيت معاهم لفيلا لي خداها رياض ولي كانت فإسم ماماك كانو فرحانين بزاف دوزو احلا ايام عمرهم مع بعضهم داز الوقت ولدات ليث الله يرحمو وكانت فرحتهم ما كتقدرش بثمن دارو لو سبوع بيناتهم حتى واحد من العائلة ما رضى يحضر بالعكس طعنو فشرف ماماك وخوك وزادو الطين بلة فاش تبراو من ولدهم قدامها واهلها كذلك سموها بكلامهم بالحق كندكر غير باك سيدك اما جداتك لا ما دواتش بالعكس فعينيها كانو دموع الفرح والرضى لماماك خرجو يائسين وعرفو بلي ما بقا ليهم حد فالدنيا من غير بعضياتهم و حبهم لبعض وولدهم...لكن داكشي ما اترش على علاقتهم بالسلب بالعكس زاد قربهم لبعض كتر وكتر دازو سنين ولي قدر فيهم رياض يستغنى على مهنتو سواء العسكرية او المخابراتية وتبدلو فيهم بزاف د الحويج منهم انو دار عمل خاص بيه ولي هي شركة خاصة بتصميم الاثاث المنزلي وقدر يتبت وجودو فعالم البزنز وولا منافس قوي لباه ونسيبو فضرف خمس سنوات جا يوم عيد ميلاد ليث الخامس ولي كان بين الاصدقاء وشركاء العمل وولادهم فقط كان عادي ما فيهش شي حاجة مميزة من غير حاجة وحدة ولي ما كانتش فالحسبان...
...جا جدك الاب د باباك وجداك بزوج محملين ومجملين بالهدايا لخوك كانت صدمة لينا كاملين من غير باك لي كان فرحان بزاااف مفكرش جوج مرات مشا بخطوات سراع عندهم وتلاح فحضن باه لي تحرم من رضاتو لمدة ليست بقليلة والام ديالو كدلك عنقاتو كان منظر مؤتر لكن ماشي بالنسبة ليا انا بقد ما تفاجات بقد ما حللت لامر بشكل غيييير على كيف فكرو جميع الناس..دوزو الحفلة فسلام وتعرفو على ليث لي كان نسخة طبق الاصل د باباك كلشي مشا وبقات غير العائلة مع بعضها وانا منهم بركنا مجموعين ورياض ما قداه فرحة باهلو بقاو كيناقشو فمةاضيع مختلفة متغاضيين تماما على ماماك لي كانت متوترة وحاسة براسها غريبة بيناتهم سالوه على احوالو والعمل ديالو وكان كيجوبهم ببتسامة من القلب حتا تمحات ابتسامتو بكلام باه المسموم ولي كان
الاب:ولدي بغيت ندوي معاك وبغيتك تسمعني مزيان
رياض:(ببتسامة)مرحبا الوليد تفضل
الاب:(شاف فسعاد بنضرة دنيوية وفيها نوع من الاحتقار خنزر فيها ورجع شاف فولدو ببتسامة)انا ومك توحشناك بزاف وبقات بلاصتك بيناتنا وبغيناك ترجع وسط عائلتك
ريااض:(بفرحة)اكييد الوليد هدا احسن خبر سمعتو
الاب:(شاف فمرتو لي حدرات راسها للارض وقال بنوع من الشدة)ولكن بشرط(عقد رياض حجبانو باستفهام وبقا كيشوف فيه بدون ولا كلمة)غتجي غير بوحدك نتا او ولدك
رياض:(وقف بانكسار وقال باستهزاء)اذا كان هادشي لاش جاي غير الله يعرضك السلامة ورجع منين جيتي
الاب:(بصرامة)مازال ما بغيتي ترخف داك الراس وتسمع كلام ولديك..اش ربحتي من زواجك منها غير المشاكيل حتا من خدمتك خليتيها وسمحتي فينا حنا لي وليديك على ود وحدة...
رياض:(قاطعو بحدة)حدك تما اسي بن عمرو هادي لي غتجبد على فمك رها مرتي وام ولدي والاهم شرفي(عطاه بالضهر وقال بجفاء)طريق السلامة شد فايد سعاد وولدو وكمل طريقو بدون ما يدور او يجاوب على اهانات باه فحين سعاد كتبكي بالدموع وتنخصص هو مشافش فبها ولكن حاس بالقهرة لي كتحس بيها دابا زير على يدها وقبلها....هادشي كامل داز قدامي والاب خرج مكسور من برودت ولدو والام غير كتبكي وعلى ما اضن كانت مسيرة فقط لو كانت مخيرة كانت غتسمح فيه وتبقى جنب ولدها من داك نهار ما بقاو رجعو عندهم وبعد فترة عرفات سعاد بلي هي حاملة بيك كانت فاسابيعها الاولى بعدما فقدات الامل انها تزيد تولد فرحنا ومن داك النهار وهما كيتسناو ويحسبو الايام والاشهر باش تجي لكن قبل ما تزادي جا العميد الممتاز لمركز حماية التراب الوطني DST وطلب من رياض يستانف العمل بحكم هو خبير فهاد النوع من المهمات ولحد الساعة ما لقاوش لي يقوم بيها والامن الوطني مهدد بعد اخد ورد فالحوار قدرو يقنعوه يرجع عكس سعاد لي كانت ما مرتحاش وما عجبهاش الحال بتاتا بعد مدة من الزمن فعلا رجع وسافر لخارج ارض الوطن بحكم انو العمل ديالو كيكون فسرية تامة فحتا واحد ما عرف فين مشا اولا شنو نوع المهمة تقطع الاتصال بينا لمدة لاا تقل على خمسة اشهر نجح فمهمتو كيف ما معروف عليه وبفضل هاد المهمة كان مجبر انو يرجع لمهنتو الاصلية او لي كينتامي ليها رجع بمنصب جديد فمركز حماية التراب الوطني ورجع للمعسكر واسمو ضمن الاسمين لمرشحين للترقية برتبة كلونيل بعد هاد المهمة كلشي تبدل ولا منطوي على نفسو همل ماماك وغير مهموم وكيفكر وبعض الاحيان كيغيب بالايام كانو مشغول بشي حاجة حاولنا نهضرو معاه سواء انا او ماماك لكن ما بغا يقول لينا والو ماماك دخلات لشهرها وصعاب الحمل ورياض وقتو كامل فالخدمة او المعسكر حتا جات الفاجعة لي صدماتنا ودمراتنا بالخصوص سعاد ورياض كان خبر موت ليث خوك كلشي وقف بالنسبة ليهم الوقت الحيااة كلشي دازت على ماماك بزاااف ابنتي بكات غوتات خسرات صحتها اما رياض فكنت اول مرة نشوفو مكسور وكيبكي بديك الطريقة ضرب هرس ما خلا ما دار لكن فالاخير رجع ورضى بقضاء الله جا عندي وكتب وصية ديال املاكو الخاصة وفنفس نهار عرفت بلي طول ديك المدة كانو كيجيوه تهديدات من شي حد لكن عجز يعرفو وبلي الهوية لحقيقية ضهرات للعصابات ولجميع الناس لي عندهم معاه حساب شخصي او اي كان بعد ما كتب وصيتو جيتي نتي للدنيا فنفس النهار فرح وحمد الله حيت عوضو بيك نتي لي شافو يعرف بلي عاد حيا من اول وجديد دازت ايام قليلة حوالي الاسبوع او جوج وصلاتنا خبارو بلي نتاحر (غنض عينيه باسى وحزن كبير وعاود فتحهم)لكن انا متاكد بلي هادشي غير تستر على جريمة قتل ولي قيمين بيها دارسينها مزيان ما لقينا حتا خيط لي يعطينا امل باش نلقاو شي دليل ولحد الساعة ما عرفناش شكون مول الفعلة او شكون كشف هويتو..
مرام:(بالدموع)هىء هىء غنرد لو حقو وحق خويا و ماما اقسم بالله غنتاقم منهم وغنعرفهم شكون
بهاء:(عنقها بحزن وقال بصوت حزين)ششش صافي انا معاك كنواعدك نلقاوهم
محمد:هادو مستندات واوراق الملكية وعاد الوصية وهاد السيدي
مرام:عفاك قرا لي الوصية
محمد:(حرك راسو وشدها بين ايدو)
محمد:انا رياض بن عمرو اكتب وصيتي وانا بكامل قواي العقلية كل ما املك من مصانع وششركات ومنازل واراضي والمدارس الشخصية باسم ابنتي الغالية جلنار وسعاد زوجتي الغالية قرة عيني سامحني اذا صدر مني اي ردة فعل او تصرف سيء فهو لم يكن عند قصد احبك واتمنى من الله ان يجمعنا في دار البقاء..ستكونين وصية على ممتلاكتك وعلى ابنتك اخبريها عني ودعيها تتعرف على من احبها قبل ان يسمع اول صرخاتها في الحياة اخبريها كم احببتها ولماذا اسميتها اسمها الحالي..اما انت يا رفيقة دربي فاحبك للان وعدتك اني ساحبك للممات واوفيت..احرسي فلدة كبدي ولا تخبريها عن اي شيء مما حصل لا اريد منها ان تنكسر وويمتلئ عقلها بالانتقام لن اكون مرتاحا في قبري ابدا وانا واثق بالعدالة الالهية..حرسكما الله وملائكته
توقيع:
رياض بن عمرو
محمد:(وهو كيطوي فالورقة لي قدامو) كيف سمعتي ابنتي باك ما بغاكش دخلي فهادشي..عمري كلو فنيتو فهاد القضية وبدون نتيجة
مرام:ولكن اعمي..
محمد:واش بغا تعدبي باك فقبرو!!
مرام:(كتحرك راسها بالنفي)
محمد:ايوا سمعي لكلامو وطبقيه الله يرضي على بنتي
بهاء:(وهو شاد فايدها)روحي خلي هادشي للوقت وانشاء الله يكون خير
مرام:(حركات راسها بالايجاب وحابسة دموعها)واخا
محمد:الله يرضي عليك ابنتي
مرام:امين
محمد:بغيتي تعرفي شنو عندك فالورت
مرام:لاا ما محتاجاهش اعمي
محمد:سمعي ابنتي هدا حققك ومفروض عليك تاخديه يكفي السنين لي تمتعو فيه غيركم نتي وماماك باباك الى دار هاد التروة كاملة را غير على قبلك نتي و ماماك باش ما تحتاجو لحتا مخلوق ما ضيعيش تبعو عالفاضي
مرام:(تنهدات بتعب)واخة
محمد:عندك ابنتي شركة اسمها ليث الجلنار خاصة بتصميم الاثاث المنزلي..وعندك اراضي فبسكورة كانو ديال جد رياض الله يرحمهم وكتبهم ليه و المصانع د البلاستيك وابارطومون فانفا والفيلا لي مكتوبة فسميت ماماك والمدرسة الخصوصية للتعليم العالي وعاد مدرسة خاصة بالفنون التطبيقية والرياضية اسمها كذلك ليث الجلنار على اسمك واسم خوك
مرام:انا مغنقدرش نسير هادشي كامل وما عندي حتا تجربة
محمد:انا غنعاونك ابنتي وزيدون را الشركة كطيح نهار على نهار بفضل ولاد عمك وعمك لي هاملينها
مرام:واخا(شافت فبهاء لي بتاسم ليها لكن عقلو مشغول بحويج تااانيين..تفكرات شي حاجة)بغيت نسولك واش هديك المدرسة لي قلتي فبها الفنون التطبيقية واش كينة ف*****
محمد:اه
مرام:يااا لسخرية القدر المدرسة لي كنت كنقرى فيها صدقات ديالي وانا مفخباري ما يتعاود
محمد:من ايمتا؟
مرام:ملي كانت عندي خمس سنين
محمد:(باستغراب)ولكن انا مفخباري والو عليك وما قالو ليا حتا حاجة
مرام:ببساطة لاني ما كنتش داخلة بسميتي الحقيقية
بهاء:احم واحد المرة تبعتك المدرسة وما خلانيش الحارس ندخل وبغا يجري عليا ولكن فاش قلت ليه بلي معاك حتارمني وطلب السماح مني ورحب بيا
مرام:(شافت فيه وحاجبها طالع)ايمتى هادشي
بهاء:(شحال هادي
محمد:(بريبة)فاش جيتي تقيدي شكون جا معاك
مرام:ماما
محمد:(ضحك وهو كيحرك فراسو)هاد ماماك باقا كدير لي فراسها بين هددات المدير
مرام:كفاش هددات المدير واشمن مصلحة عندها
محمد:عندها اهم مصلحة حتا واحد ما يعرف هويتك الحقيقية سواء انا او غيري باش تحميك..على العموم هادو ديهم معاك كيتبتو بلي نتي المالكة الشرعية لجميع ممتلكات رياض بن عمرو وفأي وقت كنتي مستعدة للمواجهة غتلقايني معاك
مرام:(ببتسامة)شكرا اعمو
محمد:ولو هدشي اقل حاجة نقدر نديرها لبنت الغالي
مرام:لهلا يخطيك اعمو..
محمد؛امين ابنتي
مرام:(بتردد)و بَّا سيدي!!
محمد:(فهم مقصودها تنهد وقال)سي منصور مزال مقصح راسو ولكن جداتك غتفرح بشوفتك
مرام:(بفرح)بصح واش نقدر نشوفها؟
محمد:(ببتسامة)اكيد وقتما بغيتي نتاصلو بيها
مرام:واخا عموو😇
بهاء:(وقف وهو كيشوف فساعتو وقال ببتسامة مرحة)سيادنا هدا هو جهد ولي زار يخفف هه
محمد:لواه اولدي مازال الحال وحتا صوابكم ما عطيتو ليكم خدانا الكلام حتا ما حسيناش بالوقت
مرام:(حتا هي وقفات بعدما وقف بهاء)احم غير سمح لينا عمو نعوضها مرة غير هادي انشاء الله
بهاء:وي انشاء الله نعوضوها فالقريب..دابا خاصنا نمشيو
محمد:احم واش عندكم شي حاجة؟
بهاء:اه خاصني نمشي على ود الخدمة
محمد:اه ايوا ما عليش سير وخلي بنتي مرام معايا نيت نتجمع معاها ونوريها تصاور باها والبعض من دكرياتنا بجوج
بهاء:(شاف فيه وهو عاقد حجبانو وقال بهدوء مع بعض الصرامة)لا سي محمد ما يمكنش نخليها ورايا
محمد:(شاف فيهم بزوج بريبة وقال)واش عيشن بزوج!
مرام:(بدات كدور فعينيها بدون رد)
وبهاءالدين(تنحنح بتوتر وقال)احم لا علاش
محمد:من كلامك فهمت بلي عيشين بزوج
بهاء:(شاف فيه وقال)احم لا الحاج غير فدارهم كنكون مرتاح اكتر
محمد:حتا هادي دارهم وانا بحال باها وكتر
بهاء:(بنفاذ صبر)سي محمد ما يمكنش نخليها ورايا والله يخليك بلاما تحكر بزاف
محمد:(هز حاجبو فبه وتحول بنضراتو لمرام وعاود شاف فيه)واش بيناتكم شي حاجة بلا ما تحايل عليا
بسرعة بهاء هز عينيه فمرام لي....
كانت كتشوف فيه وعينيها خارجين كانها كتحدر فيه ما يقول والو لكن هو غمزها ورجع شاف فمحمد لي حاضيهم بزوج واكيد شاف الغمزة علا حاجبو وركز فيه الشوفة وقال بهاءالدين:(ببتسامة)ماكرهتش ولكن هاد جنية ما تصلاح لوالو غير زيدة على وجه الكرة الارضية
مرام:(خرجات فيه عينيها بصدمة من كلامو وقالت بغضب)ياك اوجه الويل ياك...
قاطعها الدقان قبل ما تكمل كلامها وقال محمد
-دخل
تحل لباب وتحل معاه فم جلنار(مرام)كان شاب وسيم دو بنية قوية لابقة ليه كيشبه لباه فلون العينين ملامح قاصحين ونضرات حادة ومعاه شاب فعمر بهاء الدين من ابتسامتو بين عليه شاب مرح بنية متوسطة قوية وشعر بني ولحية بنفس اللون رمى السلام ببتسامة والشاب التاني قالها وهو عاقد حجبانو رد عليهم محمد بحماس وقال
محمد:وعليكم السلام ورحمة الله تعالو تشوفو شكون عندنا ليوم..(مشا وقف حدا ولادو وقال)ياسر رياض هادي بنت عمكم الله يرحمو لي كنت نعاود ليكم عليه
ياسر:(ببتسامة)جلنار ياك
مرام:(هزات عينيها فبهاء لي ما كرهش يدخل فيها بدماغ على ديك الشوفة لي دارت فيهم ورجعات شافت فياسر ببتسامة باش تعصب بهاء الدين)متشرفين ياسر انا مرام او جلنار لي عجبك
مرام:(ببتسامة)عمو محمد كان صديق د بابا الله يرحمو هه
فؤاد:(بفرحة)واو صدفة زوينة هادي هه
مرام:وي ههه شنو كيجيك عمو محمد
فؤاد:he's my father
مرام:متشرفين ههه
فؤاد:(عنقها بفرح)توحشتك فين غبرتي
بهاء:(جرها من بين يدو وهو عاقد حجباانو وجامع اثدو على شكل لككمة)منين كتعرفيه
فؤاد:(ببتسامة)كانت كت...
بهاء:(من تحت سنانو)دويت معاها هي
مرام:(شافت فيه وقالت بتوتر)احم كنت مدربة ديالو
بهاء(هز حجبانو فيها وكيتحلف عليه غير بعينيه)زيدي نمشيو خصني نمشي نخدمم
محمد:ولدي خايها تبات معانا ليوم الله يرضي عليك
مرام:(كتشوف فيه بترجي)عفاك
بهاء(شاف فيها)لا الحاج ما يمكنش نخليها فدار عامرة بالرجال
محمد:(شاف فيه وراسم بتسامة على وجهو)تقدر تخليها فحمايتي ما تخاف من والو وزيدون غتكون معاها بنتي يسرى وكينة مرتي سو غتحون فامان والدراري ما غيقربوش منها اكيد ما عندك مناش تخاف
بهاء:(بصرامة)لا سمحلي ما يمكنش(شاف فيها)يالاه نمشيو
مرام:(كتشوف فيه ببرائة وترجي لعل وعسى يبدل رايو لكن والو لي قال هو لي غيكون)
بهاء:(قلب وجهو عليها باش متاترش فيه وشد فايدها جرها بعدمااا لقا السلام وخلاهم متبعين ليهم العين باستغراب من غير محمد لي فهم لبلان وعرف بلي طيح فيها حتى النخاع هه خرجو كاملين من المكتب توادعو معاهم وتعرفو حتى على مدام نزهة الفهري مرتو د محمد مشاو خرجو كيتمشاو لباب الفيلا ومرام كتخبط برجليها بعصبية وتنطر من ابدو بعصبية اما هو حاكمها وكيتحلف عليها حتى وصلو لباب لقاو الموطور واقف كيتسناهم وخلاو عينين متبعينهم من لفوق..
مرام:(بغضب وبصراخ اكتر منو)واااا طلق الخرى شعري..وزيدون شوف نتا علاش سمحت فيك ومشيت واش عارف اش كتقول ولا غير كتخور انا ما عنقت حد هو لي تلاح عليا ونتا ما حترمتيني لا انا لا عمو محمد لي تعامل معانا مسكين بحال ولادو نتا لي غالط هنا ماشي انا واخر مرة تحط عليا يدك ولا مغيعجبك حال
-دفعاتو ومشات طالعة فالدروج والجنون كيلعبو فوق راسها اما بهاء زربات عليه بالهضرة والغوات ما ستوعب كلامها حتا كانت وصلات لبيتها وخبطات بابو على حر جهدها يالاه قدم خطوة القدام وهو يصوني لفون ديالو جاوب بعصبية بدون ما يشوف شكون متاصل
بهاء:الوو ما مساليش دابا انا(سمع صوت د بنت كتبكي حيد لفون من ودنو شاف شكون لقا غير رقم عاود ردو باستغراب وقال)الو شكون معايا!!!
#عند مرام
لي خبطات لباب مازال ما بردات ليها سستغربات حيت متبعهاش باش يبرد فيها جنونو قالت يمكن مشا لخدمتو حسات بالجوع حطات ايدها على كرشها وخرجاتراسها كتاكد بلي ما كين حد وفعلا ما سمعات حتى حس عاد خرجات ومشات نازلة فاتجاه لكوزينة
#عند بهاء
كيسمع غير تخصيص د البكا وعيا ما يقول شكون معايا قرر يسول اخر مرة ولا فيقطع
بهاء:شكون معايا ولا غنقطع
.....:(بصوت متقطع)انا خولة بنت زياد
بهاء:(باستغراب)خولة منين جبتي الرقم ديالي
خولة:ماشي مهم منين جبتو اهىء اهىء
بهاء:ومالك كتلكي اخولة
بقا كيسول فيها وهو واقف فبلاصتو عاطي بالضهر للدروج ما شافش مرام لي كانت كتصنت عليه حتا سمع صوتها وهي كتقول بغضب
مرام:(بصراخ وغضب)الى خايف عليها لهاد الدرجة سير عندها وما نبقاش نشوف وجهك عندي هناااا
شاف فيها باستغراب وقال بعدما قطع بقوة التوتر
بهاء:من نيتك كدوي
مرام:(كدفع فيه)اه سير عندها دير عليها حكامك انا عطيني تيساع ما بقيتش بغا نشوفك خىج عليا الغدار خروووووج
بهاء:مرام را مكين والو من داكشي لي فهمتي هادي غير بنت مول شي
بهاء:(قرب عندها وقال ببتسامة)اقسم بالله ما بيني وبينها شي حاجة الى بغيتي نعطيك دوي معاها
مرام:كداب
بهاء:(زاد قرب ليها)كتغيري عليا!
مرام:(بغرور)شكون كدب عليك
بهاء:ما كدب عليا حد عينيك فاضحينك
مرام:(شافت فيه وقالت بانفعال)ارا داك لفون لهنا
بهاء:(شاف فبها وقال بهدوء)ما تيقاش فيا
مرام:لاااااا تقة فعتيقة نتوما رجال ديلكم غير كيدور
بهاء:(تقرس من كلامها بردها وقال بعدما تنهد)اوك هاكي..
خدات من عندو لفون وبدات كتبقشش دخلات الواتس والميساجات وليزابيل وطلعات ليها نبم اللخرة يالاه غدوزها باش تصوني وهي تعيط فنفس الوقت ضحكات بشر وقالت ليه هاك جوب ودير سبيكر
حرك راسو باستسلام وشد لفون وجوب
بهاء:الو
خولة:بهاء الدين ياك لباس مالك قطعتي
بهاء:احم والو غير....
مرام بعدات خطيوات لور وقالت بصوت انثوي مغري
بهاء الدين حياتي لعشا واجد
بهاء:شاف فيها مصدوم من حركتها وصوتها لي خلا قلبو يرتعش وعاصفة من الاحاسيس تحركات فيه هزات حجبانها بجوج مع ضحكة خفيفة بلع ريقو وكمل كلامو مع خولة لي بمجرد ما سمعات الصوت د مرام جنون الدنيا و الدين كيلعبو فوق راسها وقالت بنبرة عصبية بدون ما تحس
خولة:شكون معاك
مرام:(خطفات لو لفون وقالت بانوثة طاغية)الو شكون نتي احبيبة لي معبطة لراجلي فهاد الوقت
خولة:(صدماتها)راجلك
مرام:yes
خولة؛احم من ايمتا ونتما مزوجين فالسيفي ديالو عازب
مرام:هاء ودخول الصحة هدا حتى من السيفي ديالو قلبتيه..ايواا سمعي نقولك بعدي من بهاء الدين ولا ما يعجبك حال معايا
خولة:(تصدمات ولسانها بلعاتو ما لقات ما تقول من غير تقطع)
بهاء:(جرها عندو عنقها من صدرو على ضهرها ودقنو على كتفها وقال بصوت رجولي كيفشل)بغيتي تكوني مراتي هم
مرام:(بتبات)لا
بهاء(بنفس الوضعية وقرب من ودنها):وعلاش كدبتي على السيدة همم
بهاء بقا كيشوف فيها للحظات والابتسامة على وجهو بدون سابق اندار تلاح على شفايفها كيطبع قبلاتو على شفايفها حتى تحبس فيهم النفس بزوج بعد وشاف فيها كينهج وقال
بهاء:(بعينين كيلمعو)كنبغيييك المصيبة كنبغيك ههه
مرام:(بعد لحظات قالت ببتسامة وحطات ايدها على خدو الملتحي)حتا انا كنبغيك..(وقالت بنبرة تهديد)ولكن اهر مرة يوقع بحال هادشي اخر مرة والا غتشوف معايا التالي
عنقها وقبل جبهتها بكل حب ومشا خرج اما هي دارت باتجاه الكوزينة دارت حاجة خفيفة كلاتها ومشات لبيتها تنعس....
#فمنزل_محمد_الفهري
مجموعين على مائدة العشاء كيتحدثو ويتناقشو فشتى المواضيع حتى نقز ياسر وقال بمرح
-وطلعات بنت عمي رياض الله يرحمو تيتيزة ههه
فؤاد:( تنهد)بزااااف
رياض لي كان حادر راسو على ماكلتو هزو فيهم بزوج وركز ففؤاد لي كانو عينيه كيلمعو فاش تدكر اسمها صاط بالجهد وناض من على الطابلة
-بصوت مهياب)سمحولي غنطلع نعس غدا عندي الخدمة بزاف
نزهة:سير اولدي ترتاح تصبح على خير
رياض:وانتي من اهل الخير
الكل:تصبح على خير
رد عليهم ومشا فاتجاه الدروج لكن وطالق ودنيه معاهم فاش سمع حوارهم عليها حتا طلع فالدروج وبعد على الصوت دخل لبيتو شاد لفون ديالو وجاه اتصال عقد حجبانو وتمتم بكلمات دليل على عصبيتو وقطع الخط طفاه وطفا الفايوز حداه وبقا كيفكر حتى داه نعاس
#نرجعو_لعند_بهاء_الدين
وصل وحط دراجتو النارية فالمكان المخصص ليها ودخل ايديه فجيبو وعاقد حجبانو عينيه فالطريق ما حس غير بخولة قدامو
خولة:(ببتسامة وغنج)بهاء الدين صافا
بهاء:(ببرود)الحمد لله
خولة:(بغِل)سمحلي على قبيلة اذا جبدت ليك المشاكيل مع حبيبتك
بقات على نفس الوضعية حتا بدا كيصوني ليها بهاء الدين هزاتو وجاوبت وهي كتبكي
بهاء:(صوت الموسيقى مسموع)الو حياتي
مرام:(بالدموع)كنتقطع ابهاء غنموت اهئ اهئ
بهاء:(تسقط الدم فوجهو وقال بخوف)حبيبة مالك شواقع ليك
مرام:اهئ اهئ فيا الوجع ابهاء ما قادراش نهضر اهئ
فعلا بدات كتفشل وتنفسها تقال عليها ترخات وطلقات لفون ما عندهاش لقوة باش تهز شي حاجة او تهضر
بهاء:(عقلو بغا يخرج ما فهم والو قلبو تسارعو دقاتو كيدوي بخوف)الو مرام حياتي شواقع جوبيني عفاك..الووو مرااام...انا جاي عندك دابا احياتي عفاك صبري قطع لفون وركب دراجتو بدون ما يعلم شي واحد مسافة الطريق وكان عندها ما عرفش كفاش دار حتا وصل بديك السرعة كانو عينيه معميين وودنيه فيهم غير صوت بكاها خلا الموطور وحل لباب باليوارت لي عندو وطلع كيجري غيخرج ليه العقل مشا نيشان لبيتها حل لباب بلا عقل حتا تخبط مع الحيط مشا عندها كيجري حان فيضان ديال الدم تحتها وهي فاشلة عينيها محلولين لكن الجهد باش غدوي ما كينش مشا عندها كيجري رجليه ما هازينوش بالخلعة وكلو كيترعد شد فيها تالف
بهاء:(وهو كيرجف)حياتي مالك شعندك
مرام:(كدوي بزز) الحرررييييق
هزها بين يديه كانت ديك الساعة 2h د الليل خرج هازها ومنو حضو تلاقا مع جارهم جاي حتى هو وعاد كيبلاصي لوطو
بهاء:(بخوف ومرام بين يديه فاشلة ودموع كينزلو من عينيها)عمي احمد الله يخليك ديني لشي كلينيك ولا سبيطار مرام كريضة بزااف الله يرحم للليك الوالدين
ع.احمد:(شاف الدم وتخلع وقال ليه)لا ولدي سمح ليا ما نقدرش نهز الدرية فهاد الحالة والى ماتت نوحل فيها انا
بهاء:عمي احمد الى زدنا تعطلنا عاد فين غتموت الله يرحم ليك الوالدين دير فيا هاد الخير عمرني نساه ليك
احمد:شوف اولدي سير شد طاكسي انا را مغنديهاش ما نقدرش
بهاء:(بسخط وصوت يزعزع الحيوط)قلت ليك دينا داببباااا ولا اقسم بالله ما تبقا فيها شي حاجة صحيحة
احمد:زعزعوو صوتو وقال بخوف)واخا ولكن نتا تحمل مسؤوليتك
بهاء:(بصراخ حتى خلاه يقفز من بلاصتو)سربيي
دخل العم احمد للسيارة وبهاء كدلك فالخلف وحط راسها على رجليه وكلو كيرجف بالخوف وحل دقيقة كيغوت عليه باش يزرب فالطريق اما مرام صافي عينيها بداو كيتسدو وقوتها خارت شافها هكاك قلبو حس بيه وقف بدا كيصرفق ليها فخدها بشوية وكيقول بكلام مخربق
-حياتي فيقي مرام ما تغيبيش بقاي معايا...(شاف ف احمد وقال بالغوات)وقف قدام اقرب كلينيك وسربيي ولا نزل تق**** انا نسوق
احمد:(صافي فشل بالخوف خصوصا فاش سمعها غيبات فرانا فجنب طريق وقال بخوف)خرج سوق نتا انا اش داني لهاد زبل كامل اش داني نخرج كاااع
بهاء:(حط ليههها راسها بشوية وقال ليه)رجع لور وما تشوفش فيها
عروق جبهتو برزو وعينيه حمارو وخارجين برك فمكان السائق وديمارا لوطو بسرعة جنونية مشا لاقرب حلينيك خرج وهزها بين ايديه دخل بيها كيجري شافوهم هكاك وجاو عندو جارين السرير المتنقل د المرضى حطوها فيه ودخلوها لغرفة الكشف... اما هو بقا كيضور فبلاصتو تالف ما عارف فين يحط الراس حتا خرج دك ومشا عندو كيجري
بهاء:(بخوف)شنو شنو عندها اش وقع ليها
دك:خاصها الدم خسرات بزاف ديال الدم...
بهاء:بتوتر)اه واخا نعطيها انا
دك:عندك o+
بهاء:لا ما عنديش
دك:خاص شي واحد يتبرع ليها والا نقدرو نخسروها
بهاء:(شنق عليه وخرج فيه عينيه وقال بنبرة تهدبد قاصحة)شكون غنخسرو ها شكون والله حتا نقتلك..دير خدمتك حسن ليك وليا خا غنخسر حتا ق***
دك:(زعزعو)واخا خليني نممشي نكمل خدمتي وعيط لشي واحد كتعرفو عندو نفس الزمرة
بهاء:(جبد لفون ببدون ما يجاوبو كيقلب فريبيرطوار بانت ليه غير نمرة زياد تاصل بيه وهو خايف حتا جاه الرد وقال بكلمات سراع ما خلاش لوياد الفرصة فين يدوي)الو سي زياد الله يخليك محتاجك توقف معايا..
زياد:(تخلع)اش واقع اولدي
بهاء(دموع تجمعو فعينيه ففاش تفكر حالتها)مرام كتموت محتاجين الدم ما نقدرش نخسرها ما نقدرش
زياد:تهدن اولدي وعطيني لعنوان انا جاي عندك دابا
بهاء:انا ف*********
زياد:اوك مسافة الطريق نكون عندك اصلا قريب من تما..قولي اشمن زمرة عندها o+
زياد:واخا..(بعد لحظات صمت)رد لبال اولدي وما ديرش فبالك انشاء الله تكون مزيانة
بهاء:انشاء الله الحاج
حيد لفون وتفكر احمد خرج كيجري لبرا كيقلب على امل تكون عندو نفس الزمرة ويتبرع لكن لقاه غبر هو لوطو ديالو رجع كيتحلف عليه وخائب الامل وقف لعدة دقائق حدا غرفة الكشف حتا تمو مخرجينها من الغرفة بلباس المشفى وهي مغيبة تبعهم بخوف وكيسولهم حتا واحد ما بغا يجاوبو حتى بدا كيهلل عليهم عاد وحدة قالت ليه بلي غادي غير يغيرو ليها الغرفة باش ترتاح اكثر وبلي لقاو المتبرع فرح وحمد الله فسرو وعاد رجع فيه اللون تبعهم وبقا واقف حدا الباب حتى بان ليه زياد جاي وكيقاد فالشوميز لي لابس من جهة اليد وكيلبس تجاكيط د الكوستيم
زياد:السلام عليكم
بهاء بتعب:وعليكم السلام
زياد:امضرا كيف بقات
بهاء:الحمد لله لقاو شي متبرع الله يجازيه بالخير وتبرع ليها
زياد حرك ليه راسو بالايجاب وربت على كتفو وجرو لكرسي يبرك فيه لانو بين فيه التعب والخوف من فمو لي بياض بركو بزز وبقا كيحرك ركبتو بتوتر حتا خرج دك ومشا عندو
بهاء:نقدر نشوفها
دك:خاصها الراحة دبا ما يمكنش دخل عندها
بهاء:واخا تقدر تشرح لي شنو وقع لبيها خليتها مزيانة
دك:ما تخافش الانسة جاتها الدورة الشهرية بالاعصاب يمكن تعصبات وشربات شي حاجة سخونة وهي لي دارت ليها ايموراجي حتا فقدات الدم بزاف
مشا دك وبهاء برك بتهالك على الكرسي حط راسو على الحيط وغمض عينيه وكيتنفس بسرعة وزياد كيشوف فيه حتا رتاح وناض حدا باب الغرفة وحلو ودخل وسدو وراه مشا حداها كانت ناعسة ولونها شاحب معلقين ليها كيس د الدم وقف كيشوف فيها وكيف كانت حالتها بين عينيه عنقها بكل جهدو وقال بتعب
-غتقتليني نتي اخرتي على يدك..روحي بغات تخرج فاش شفتك هكاك سمحيلي احياتي خليتك بوحدك وما جوبتكش فاش تاصلتي بيا المرة لولة سمحيلي عفاك سمحيلي اخر مرة نبعد عليك اخر مرة..عمرني خفت لهاد الدرجة ما عمرني حالتك بقا بين عينيا كل ما كنتفكرها قلبي كيبغي يخرج من بلاصتو (باس يديها وبرك حداها كيشوف فيها)
#فمكان_اخر
الدار البيضاء/اوطيل رياض السلام/بعين دياب/سويت رقم385
لابسة دوبياس سيكسي وواقفة ورا ضهر شخص مبين من بركتو الرجولية انه شخصية وعندو وزن فالبلاد كدير لو مساج فكتافو وضهرو العريض بحركات مغرية
بدون ما يشوف فوجها لاحها من فوقو حتا جات للارض وناض بكل هيبة عاقد حجبانو وملامحو جامدين ما كيعبرو على حتا شي حاجة شدها من شعرها ونوضها قبالة السرير وعليه لاحها كان بحال شي الة كتحرك طاح عليه بحل شي ذئب جائع ولقا الفريسة ديالو مارس عليها شتى انواع التعديب الجنسي وهي رغم انها كانت كتالم الا وفراسها شحال المبلغ لي غيعطيها من ورا هاد تسخسيخة لي دار ليها وبدون ما تنسى الشخص لي هيبتو تخليك تنحني ليه بدون ما تحس ويقشعر بدنك من مور ما تشوفو كانت معجبة بكل تفاصيلو سواء بهالة الرجولة او الوسامة كل ما يتعلق فييه.....قاطعو صوت الهاتف هزو وشاف شكون ناض من فوقها بدون ما يعيرها اهتمام لبس بوكسر وتلقا الاتصال
(ملاحظة:الكلام باللاتينية)
.....:نعام
....:السلام عليكم بعدا
.....؛وعليكم السلام
.....:كيف وصلتي
......:مزيان...اش كين
......:اسد راني باك زعمة حتارمني
....:من اللخر شنو
.....: بنت بن عمرو بانت ورا غيجي عندك واحد من الرجال غيعطيك ضرف فيه شنو غدير
-قطع لفون بنرفزة و غضب ورجع شاف فخولة لي غير مبلقة عينيها ما قشعات والو من كلامووو خنزر فيها ومشا لدريسينغ حل كوف صغير كان فالحيط بين الحويج وجبد مبلغ من المال ومشا فاتجاهها ولاحو على وجهها وقال بنبرة قاصحة:
-خرجي ومنعاودش نشوف وجهك عندي هنا
ناضت كتهز فحويجها بالزربة وكل مرة طيح ليها حاجة من ايدها بالخلعة لي ركب فيها بنبرة صوتو الجدية حتا زعزعها بصوتو لتاني مرة هزاتهم ودخلات للدوش لبسات وعاود خرجات هزات ساكها والمبلغ لي عطاها وتوجهات لحال سبيلها
#فالكلينيك
كانت الشمس بدات كطلع وبهاء بارك فكرسي ناعس وراسو على ايد ميرو لي بدات كتفيق وهي كتنين دورات عينيها فارجاء الغرفة وعرفات بلي راها فسبيطار حدرات عينيها للجهة د بهاء شافت فيه وبتاسمات متناسية الالم جبدات ايدها بشوية بدون ما يحس وحطاتها على شعرو كدوزها بكل حنان على راسوو
حس بلمساتها على شعرو وهز راسو فيها وهو خايف لقاها كتبتاسم ليه ببرائة تنهد بضيق وقال بتعب وحزن
-كون وقعات ليك شي حاجة كنت غنتبعك..قلبي كان غيسكت بالخوف عليك عمرني حسيت بالضعف لهاد الدرجة صورتك بين عينيا(غمض عينيه بعنف وعاود حلهم) ونتي فديك الحالة كل ما كنتفكرها كنتخنق..(قبل يديها بحب)سمحيلي خليتك بوحدك فالوقت لي كنتي محتجاني فيه عمرني نخليك بوحدك هادي اخر مرة
مرام:(ببتسامة وبصوت هادئ متخللو التعب)شششش ما وقع والو هنا حداك وكنشوف فيك ومزال نوض ليك الشيب قبل الوقت هه..
مرام:(بمزح)هممم اذا بركتي حداية اش غنوكلو البجاغط لي غيجيو(وغمزاتو)
بهاء:(شاف فيها للحظات ورجع راسو كيضحك بققهقهة رجولية وتفاحة ادم كطلع وتنزل حتا النفس تقطعات فيه عاد شاف فبها وقال)هممم براي ليا بعدا وفاش تخرجي نبداو مباشرة فالمشروع (عض على شفايفو بطريقة مثيرة وغمزها)
بهاء:(شاف فالساعة لي دير)مزال الحال يالاه 5:15 د صباح
مرام:(شافت فيه وقالت)اجي حداية باش ترتاح بين عليك العيا بزاف ووجهك صفر
بهاء:(ببتسامة وقبل يديها)يخليلي لي يفكر فيا..وغير خليك مرتاح هكا
مرام:(بعناد)لا اجي حداية
بهاء:مرتاح هكا غير تهناي احياتي
مرام:(كتمسكن)اجي حداية بغيت نحط راسي على صدرك ما مرتحاش هكا
بهاء:(شاف فيها مطولا وقال بقلة حيلة)واخا ناض وتخشا فالفراش وهزها فوقو وغطاها حط دقنو على شعرها وبدا كيلعب فشعرها لحظات صمت حتى نطقات مرام
مرام:بهاء الدين
بهاء:(وهو مغمض عينيه)همم
مرام:كتبغيني!!
بهاء حل عينيه وبقا ساااكت حتى دخل ليها الشك وبلعات ريقها بصعوبة حتا غرغرو عينيها وقالت(بصوت خافت):صافي نسا عتابرني ما قلت والو
بهاء:(هز ليها راسها حتا تقابلت معاه بدون ما يجاوبها او يقول حتا حرف نزل على شفايفها وقبلها قبلة طويييلة من خلالها وصل ليها احساسو وشعورو اتجاهها بعد عليها ولقاها مغمضة عينيها وكتنفس بسرعة وقال ببتسامة وصوت رجولي
-الى قلت ليييك كنبغيك غنضلم احساسي وقلبي بزاااف
مرام:(بعدم فهم)كفاش !!!
بهاء:كنموت عليك روحي رخيصة قدامك نفديك بيها بدون ما نتردد ولو لحظة وحدة
دازت ثلاتة اشهر على يوم الحادثة خرجات مرام من المستشفى و بهاء ما خلاهاش ولو دقيقة وحدة حتا ولات كتجري عليه يمشي يخدم كيمشي بالنغير هه والوصايا لي حفضاتهم مرام..ومنساوش العلاقة بين عائلة الفهري ومرام وبهاء الدين....
تقربو من بعضهم ومرام ويسرى ولاو صديقات قراب لبعضهم ورجعو كيمشيو لافاك بجوج بما ان مرام ستئنفات الدراسة ورجعات لروتيناتها وهواياتها وجرات معها حتى يسرى لي عشقات الرقص.. اما الشباب رياض وبهاء الدين وياسر ولاو صحاب وتقربو لبعضهم وما بقاوش كيتفارقو من نهار ناض صداع بين بهاء الدين ورياض بسبب مرام وتوضح سوء الفهم لي كان بيناتهم و فؤاد لي باقي حاط حاجز بينو وبين بهاء بسبب مرام ومزال كيحاول يتقرب من مرام رغم معرفتو بانها على علاقة مع بهاءالدين...وولات كتمشي حتا للشركات د باها بعد ما تعرفات شكون وتدخلات محمد كمحامي ديالها والوكيل على املاك بن عمرو ناضو بزاااف د المناوشات والطعن فنسب مرام لانهم ما تيقوش بلي بنت رياض وولاو فالدباز لكن فالاخير تقبلو وجودها نضرا لاوراق تبوت الابوة وعاد الحالة المدنية لي كان فيها صورة رياض..لكن واش فعلا تقبلوها او غير وراوها قناع العائلة الحنونة!!! هادشي غنعرفوه مع الاحداث
#الحاضر
ليوم عيد ميلاد مرام 21 والكل مجموع عند عائلة الفهري من كبيرهم لصغيرهم واكيد بهاء الدين كين تما من غير اميرتنا ويسرى لي جراتها باش تبدل اللوك وتلبس شي حاجة لي زوينة تبين بيها انوثتها اكثر وما تبقاش غير باللباس د سبور والكاجوال بصعوبة قنعاتها ودازو لمول خداو ديسواغي وتاجهو لبيوتي صانتر كل وحدة مشات لبلاصة وتكلفو بيهم البنات لي تما من جميع الجوانب لي سوان د فيزاج حتل لبيديكير والشعر المهم ما خلاو حتا حاجة مداروهاش ليهم خرجو بحال اميرات ديزني لاند وحدة تنسيك فلخرى ركبو فسيارتهم ودخلو للدار كان فيها سقيل
مرام:(باستغراب)شفت ما كين حد
يسرى:ما عرفتش فين غيكونو مشاو ما فهمت والو..ما علينا خليهم حتا يجيو على خاطرهم يلاه تمشيو للجردة
مرام:واخا ههه
مشاو لبنات وكل وحدة شادة فلخرى فاتجاه الجردة لي كانت مزينة عالاخر وضواو طافيين وحتى حس ما كين
مرام:ناري يا مك شفت ما كين حد عنداك يكون ياسر دير لينا شي مقلب بحال ديما
يسرى:هههه داك المطنغ مساااافر غيرر تهناي ههه
غير حطو رجليهم داخل الجردة وهما يشعلو الضواو د الجردة وتسمعات بصوت موحد جوايوزاني فيغسييييغ جلناااار
كانت الجردة عامرة بالعائلة وشركاء العمل والاصدقاء..
تصدمات فالاول لكن فالاخير ضهرات بتسامة كبيرة على ثغرها حتى بانو غمازاتها بجوج جات عندها يسرى وباست خدها وقالت وهي كتعطيها الكادو د عيد ميلادها
يسرى:(ببتسامة عرييييضة)جويوزاني فسغسييييغ حبيبتي كل عام وانتي بالف خير
مرام:(بفرح)شكرا بزاااف ههه
تقدم عندها محمد و زوجتو نزهة قبل جبهتها وتمنى ليها سنة سعيدة وكدلك نزهة لي عنقاتها وباركة ليها سن 21..تقدم رياض لي كان مبتاسم وقال
كبرتتتي ا شنيولة ههه(عطها كادو)هابي بيرث داي ميس
مرام:(نزلات عليهااا الحشمة دقة وحدة هه)هه شكرا
ياسر:الفردة شرفتي كنت ناوي ندير معاك الولاد الساعة شرفتي وقريب تهتري هههه
الكل باركو ليها من غير واحد الشخص لي كانو عينين مرام كيقلبو عليه بين الحضور بلهفة قرب حداها ياسر وقال
-كتقلبي على كينكو ديالك ها
مرام(شافت فيه شوفة د كنجمع ليك غير سير)
طفا الضوء وكلشي بدا كيوشوش ما فهمو والو حتى شعل الضوء فواحد الجهة وكان واقف سيد رجال بابهى حلة كان يطير العقل لفت انتباه الحضور والعدييييد من الفتيات لي معروضين للحفل وبداو كيتغامزو عليه كان واقف وقفة رجولية كانه كيقول ليهم انا جبل وما يهزني ريح بتسامة مقدودة لكن مثيرة قال بصوت بنغمة شديييييدة الرجولة تخليك طيح فيه للاخر وقال وهو هاز المايك
قلبي تعلق بطفلة صغيرة بافي نعقل اول مرة تلاقيتها بدينا بالخصام لا بل تجراة وضرباتني لاخطر بلاصة ههه كنضن كانت عندها شي 12سنة او 11سنة رغم الالم لي كنت كنحس بيه كنت ساهي فعويناتها وطريقتها فالكلام او بالاحرى السبان ههه (كلشي بدا كيضحك)كنت فينما نشوفها نزيد نغرق فحبها وكنت كنضن فديك الوقت غير مراهقة وغتفوت لكن لا كانوحب طاهر وبريئ كنت كنحميها وكنوقف معاها من بعيد لبعيد واخا ما كانتش حتا هي ساهلة ولكن رجولتي مكتسمحش ليا نخليها فالوقت لي هي محتجاني فيه داز الوقت وديك الطفلة اصبحت مراهقة فاتنة كنت ديما مضارب مع صحابي على قبلها وهي ولا على بالها فينما كانت كتجمعني بيها الضروف كنا كندابزو تقول غير ساحرين ليها عليا مكانتش كتحملني لدابا معرفتش علاش توالات الايام وزاد حبها تغلغل فاعماق قلبي وكيف العادة كنت كنبقى بعيد عليها واحساسي فقلبي معارفو حتى حد حتى جمعاتنا الوقت والايام وقساوة الضروف يمكن كان الحادث لي وقع كان مجرد سبب باش نتقربو من بعضنا ونخليها تبغيني بدون ما نكون عارف وكيف كيقولو للقدر حكمة حتا واحد معارف اش كيتسناه وحتا حاجة ما مستحيلة... عانيت معاها بلا قياس عاد حنات فيا وقبلات تكون حبيبتي واليوم قدامكم جميع(كيقرب ليها حتا وصل عندها وتحنا على ركابيه بكل جنتلمانية وكمل وهو مبتاسم وحبو بين من خلال شوفاتو ليها)باغي نقول ليها كنبغيك ونفديك بحياتي عمرني نتخلا عليك ولو يبقا فيا عرق يضرب ونسبق مصلاحتك وراحتك على كلشي ولو على حساب راحتي ومصلاحتي..بغيتك تكوني مرتي حلالي قدام كلشي ونعيشو الخيب والزوين مع بعضنا نفرحو ونجيبو وليدات لهاد الدنيا ونساو الماضي ونبداو صفحة جديدة مليئة بالسعادة...(سكت للحضات وقال)ميس جلنار بن عمرو قدام الكل (خدا نفس عميق)واش تزوجي بيا وتكوني كل ما عندي فهاد الدنيا فالحلال!!!!
مرام تصدمات...
بقات مرام مصدومة للحظات عاد بدات كتستوعب شافت فيه وقالت بفرحة
-قابلة..قابلة...والله حتا قابلة هههه
الكل ضحك على سداجتها وطفوليتها ركب ليها بهاءالدين الخاتم وباس يديها ووقف باس جبينها بقبلة طوييلة وهو مغمض عينيه كان رجل رومانسي هالة الرجولة تحوم حوليه انيق وسيم كل ما كتمناه اي بنت فيه شي لي خلا بزاف د البنات يغيرو منها وكتوصل بيهم لدرجة الحسد...ما قداتهاش غير ديك الضحيكة وفرحتها كانت اكبر من ذلك خلاتها تلاح عليه بغفلة منو بتعنيقة وتعلق فيه حتا رجع خطوات لور كون ما تحكم براسو كانو غيطيحو بجوج قالت وهي كتهمس ليه فودنو
-سمح لي حبيبي ما قدرتش نصبر بغا نعنقك ونبقا معنقاك
-ماكرهتش..ولكن حشومة نخليوهم وهما ديرين هادشي كامل على قبلنا
بهاء:(نزلها من فوقو وقال)ابوا نزلي وخلينا هانيين حسن ما نسبقو الدخلة قبل الوقت ا شنيولة
نزلات وهي كضحك وفؤاد غير كيشوف فيهم قلبو شاعلة فيه العافية عينيه فيهم الدموع وقف حداه شاب طويل وعريض خاشي ايد فجيبو والتانية شاد بيها كاس شمبانيا وقال ليه بسخرية
-كتبغيها
فؤاد:(شاف فيه باستنكار وكيحاول يرجع رباطة جأشو)علامن داوي
الشخص:(وهو مركز فجيهة وحدا وشير باصبع السبابة فاتجاه مرام بنفس الايد لي هاز بيها الكاس)كنقصد الانسة
فؤاد:(شاف فيييهه)ونتا مالك
الشخص:الحاجة لي عارفها ماشي ديالك غير بعد من جيهتها ولا غتعدب فحياتك
فؤاد:غير كيبان ليك
الشخص:قال بمرح مصطنع)نصيحة من وزارة الصحة
غمزو ومشا بعد عليه شد قنت بعيد على الناس ووقف حاضي مرام واحساسو فشكل اتجاهها...
قاطع تفكيرو ولحظات تأملو صوت لفون لي كيصوني جبدو بمجرد ما شاف نيم عقد حجبانو وجاوب ببرود جليدي وبصوت مهياب
الووو
....:(بغضب)واش نتا حمق ولا كتفلا عليااااا اش قلت ليك انا..ياك قلت ليك تصرف من بعيد لبعيد وما تبانش فالصورة
......:سي العقرب كل واحد عارف خدمتو خليك بعيد على خدمتي ومدخلش فيا
العقرب:(بترجي)اسد ولدي الله يرضي عليك كون تسمع الكلام وخرج من تما
اسد:(ببرود عكس الفضول لي كان واكلو)اوك الواليد غير رتاح انا غنخرج من هنا..ولكن ضروري نعرف علاش ما بغينيش نبان ليهم..
العقرب:(بتوتر)واخا غير خرج من تما
قطع عليه بدون ما يجاوبو هز راسو فاتجاه مرام وركز فيها الشوفة وقال بتوجس وصوت ضعيف
-شنو علاقتك بالعقرب وعلاش حاقد هاد الحقد كامل
حط لكاس للنادل لي كان ديز من حداه وعطاه هدية على شكل صندوق خشبي باللون الاسود ومكتوب بالذهب الخالص جلنار وقال لو يعطيه لاميرة الحفل ومشا بدون ما يلتافت وراه خلا اعين الفتيات تابعينو وكيهضرو فيه وكين لي خلا قلبها معلق بدون ما يعير اهتمام لاي واحد ركب فسيارتو المازيراتي زاج فيمي وديمارا فاتجاه الاوطيل ووراه جوج سيارات دفع رباعي فيهم ليكارد....
#نرجعو_الحفل
يسرى:اجي اش بان ليكم ترقصو شي رقصة ليكم بزوج
مرام:(شافت فيه وضحكات وقالت)ههه لا ويلي
بهاء:(تفكر نهار رقص معاها وكانت حاكراه غمزها وقال علاش لا)نرقصو نفس الرقصة لي رقصناها شحال هادي
إبنة الجار الجزء الخامس
محتوى القصة
التنقل بين الأجزاء