كتشوف قدامها حتى خرجاتهم بصدمة وقالت وهي كتغطي فراسها
نتا اش كدير هنا وشنو دخلك لبيتي ها؟؟؟خرج من هنا خرج
فؤاد:توحشتك بزاااف جلنار شحال وانا غايب ما قدرتش نصبر باش نشوفك
جلنار(مرام):(مخرجة فيه عينيها)خرج عليا من هناااا ولا غنجمع عليك بنادم
فؤاد:كالم داون بيب جيت غير نطل عليك فرحة بشوفتك(عض على شنافتو التحتانية بتسلية وشهوة)
جلنار:(تعصبات من نضراتو ليها واشمئزات منو ومن نفسها فهاد المنضر لي طاحت فيه ولو كانت لابسة غتنوض تعطيه خلا عشتو قالت بقلة حيلة وعصبية)خرج تق**** من قدامي اقسم بالله مغنفوتها ليك
رشات ريحتها د العود خفيفة وخرجات من بيتها فاتجاه طاولة الفطور لي كانو مجموعين فيها العائلة كاملة من الجد للاحفاد وائد عائلة المالكي محمد ونزهة واولادهم كل واحد منزل راسو على فطورو ومياكل بصمت حتا جات فليفلة وقالت ببتسامة:صبااااح الخيرااات عليكم
مشات عند جدها وقبلات يدو احتراما له وكذلك جداتها ومشات لبلاصتها جنب يسرى قبلاتها فخدها وغمزات ياسر لي كان حاضيها وكيضحك باسة رياض فالهواء محمد ونزهة نفس الشيء وفؤاد شافت فيه شوفة قاصحة كتوعد لو.... حتى حسات بيسرى كتنغزها قربات ودنها ليها
يسرى:(مخشية فيها وكدوي بهمس)تي مال ديك زطيو نح على دوك الشوفات
جلنار{مرام}:شكون فيهم !!
يسرى:تي هاديك لي عندها بلاصة صدر محلابة
جلنار:(هزات عينيها وقالت وهي كتحبس الضحكة)كتقصدي عبير!!
يسرى:(كتعوج وتعيب فيها)عبير..ايه هاديك البقرة الحلوب كون غير زادو شي كرسي حداها تحط فيه صدرها را متقل عليها...اجي واش ديالها ولا فيه دوك الخنشات صغار ديال السيليكون
جلنار:(حبسات الضحكة حتى عيات وطلقاتها خلات الكل كيشوف فيها باستغراب)ههههههههه وناري على مسخوطة الولدين ههههههههه ناري طيرتيني فهاد صباااح خهههههه هي فالصراحة والله مكدبتي هههههه
يسرى:(كدور فعينيها)ناري سكتي شوهتيني
جلنار:احم سوري كملو فطوركم (بهمس وهي كتحبس الضحكة)شتي هديك را واحد الباطرونة شبعو فيها تبزال وعاد معمرا بخناشي د السيليكون😂 هههه
يسرى:اييييييه على الطحَيْبة وديرا لي فيها الشريفة العفيفة...ناريييي نفسي نضرب لمها شي ترييشة ديال الكلاب
جلنار:زيديني عليك مكنحملش فطباسل مها الشعرة ايخ
رياض:(وهو كيشوف ففؤاد)مالك نتا فجبهتك
ياسر:(بالضحك)شكون فلقك المسخوط هه
فؤاد:(باستفزاز وهو كيشوف فجلنار)غير واحد القطيطة قمشاتني
جلنار:(باستهزاء)علاه هاد القطة ما قدرتيش تبعدها عليك..بين ليا هي لي غتجيب اجلك الى بقستس كدور بيها
فؤاد:تَءْ تء تء مستحيل اصلا عزيزة على قلبي واخا دير لي بغات معزتها كبيرة
ما عاوداتش ردات عليه حتى كملات فطورها ناضت هي من على الطابلة هي وعائلة المالكي لي تمناو لعائلة بن عمرو نهار مبروك وتوجهو كل واحد لشغالو يسرى مع جلنار(مرام) توجهو للشركة والباقي كل واحد توجه لاشغالو اما عند عبير لي كانت باركة على الجمر بسبب جلنار لي مكتحملهاش قالت: عنرني شفت شي قليلة الادب بحال هاد خيتي تفو حرمو علينا الفطور
سماح:(لاحت السيغفيط فوق الطابلة بالزعفة وقالت):اصلا ما عرفتش علاش جيبينا لهنا كون خليتونا غير فدارنا
صابر:البنات ا الواليد عندهم الحق حنا لاش جالسين هنا خلينا نرجعو
مصطفى(الجد):اولا حتا واحد ما بزز عليكم تبركو تانيا هادا شغلي وانا عارف اش كندير وبلاما تكترو معايا الهضرة كل واحد غيجلس يكمل فطورو بسلام ويمشي يقضي شغالو..
وصلات مرام للشركة هي ويسرى لي بمجرد ما دخلو للشركة تغيرات ملامح جلنار للجدية ويسرى ضلت ملامحها عادية فحين الموظفين كيلقيو السلام مع ابتسامة لي كتردعا يسرى بكل عفوية عكس جلنار لي كتهز راسها بالايجاب كتحية ومحافضة على الجدية والصرامة وصلات للمكتب ديالها وناضت عندها السيكريتيرة الخاصة بيها فحين يسرى توجهات المكتب ديالها
السيكريتيرة:(هازة مذكرة صغيرة وقلم وتابعاها)صباح الهير مدموزيل
جلنار:(بجدية)صباح النور..جيبيلي القهوة ديالي
سكريتيرة:اوك ميس جلنار(توجهات لابراي الخاصة بالقهوة وبقات واقفة حتا وجدات القهوة وهزاتها حطاتها فوق المكتب ورجعات هزات المذكرة ديالها)صحة ميس
جلنار:ام واخا..جيبي ليا الملفات الخاصة بالسنوات لي فاتو وكلمي ليا يسرى
سك:اوك ميس...خليت ليك الراحة
ناضت وتوجهات لباب وهي كتشوف فجلنار حتا وصلات لباب وقالت(بالاذن)سمحات ليها جلنار بالخروج عاد دارت عطات لجلنار بالضهر وسدات لباب اما جلنار هزات الكاس د القهوة ودارت كتشوف فالزاج لي وراها...
#فأمريكا_اللاتينية
كانت الساعة حوالي10ليلا فمكان شبه مهجور موقف سيارتو امام مصنع مخرب بالباكمل وقدامو جوج سيارات سوداء من نوع هامر فيهم الكارد وسيارة على هوندا كبيرة فالخلف..شاد سيجارة كيتنشوا بيها وهو عاقد حجبانو وطالق موسيقى كلاسيكية ديال بيتهوفن حتى بانو ليه اضواء سيارات كيقربو جبد سلاحو كيتاكد منو ودارو ورا ضهرو وخرج من السيارة وقف متكي عليها نتر اخر نترة من السيجارة ولاحها فالارض عفط عليها وعينيه كيدورو فالمكان وقفو عدة سيارات من نفس النوع "jeep" الا وحدة لي كانت من نوع ميرسيدس بينز كلاص نزلو الرجال لي فالسيارات وكذلك خرجو رجال اسد هازين الشلاح فايديهم عاد خرج رجل اربعيني من المرسيدس سلم على اسد بالانجليزية
جلنار:(ضرباتها ضربة خفيفة)اللع يمسخك زيدي زيدي براكة من كترة الهضرة تي سارطة كسيطة
تمشاو لاقرب مطعم للشركة وهما مناغرات ومرة مرة يشدو فشي موضوع حتى وصلو طلبو غذاهم وهما كيدورو عينيهم على الاجواء د المطعم وكيف اي جوج صحابات قراب لبعضهم فاش كيشوفو شي حاجة مكيخليوهاش فالتيقار ضروري يشدو النميمة ويعطيوها لكريتيك باش يضحكو بيناتهم وصافي
#نرجعو_لامريكا_اللاتينية
الرجل الاربعيني:(مخرج عينيه)اش هادشي..شكون بلغ البوليس
اسد:بحالي بحالك..اكيد كين شي خائن بيناتنا كارلوس
كارلوس:(بعصبية وهو كيجبد سلاحو)فاااااك اش هاد زبل
اسد:(كذلك جبد سلاحو وقال)بلانك خاوي اصحبي
الرجال ديالهم كذلك هزو السلاح وتجهزو للاشتباك لي بمجرد ما قربو رجال الشرطة بداو كيتيريو فيهم وكذلك اسد لي كان منبه رجالو ما يقتلو حد ويخرجو باقل الاضرار عكس كارلوس ورجالو لي كانو غير كيتيرو يا ربحة يا دبحة والاهم يحميو البوس ديالهم
كارلوس:(بالغوات وهو كيتيري فرجال الشرطة)امنو ليا نخرج من هنااا
كارلوس تزاد معاه الزايد فاش شاف رجالو كيطيحو فحال الدبان فحين اسد ورجالو ستغلو انشغال رجال الشرطة مع كارلوس لي كان كيتيري هو ورجالو وخرجو من المكان بدون اي ضرر داو الفلوس وخلاو السلاح لي ستولاو عليه رجال الشرطة بعدما اطاحت بكارلوس ورجالو لي كانو قلال وما كانوش ضاربين لحساب لهاد المصيبة كيف سماها كارلوس..
الشرطي وهو كيدير الاصفاد لكارلوس لي تصاب فرجلو خلال الاشتباك كيتنطر ويسب فالعقرب وفالشرطي لي زير عليه وهددو باش يلتازم الصمت حتل المركز او غيتعامل معاه بطريقة تانية
#نرجعو_للمغرب
عند البنات لي كملو غداهم فجو من الضحك والنميمة
يسرى:(شادة فكرشها)الله عاد رجعات فيا الروح
جلنار:هههه بصحتك ابيب
يسرى:دبا اش غنديرو محاملاش نرجع للشركة😣
جلنار:زيديني عليك تشهيت غير شي حصة د الرقص ياختي شحال هادي ما رقصت
يسرى:(بخجل..وتحت سنانها مع ابتسامة)احم جلنار بب حشومة..(شافت فسامي)مديش عليها راه ديما مزروبة هيهي
سامي:معليش (جبد كارط ديالو مدو ليسرى)هدا الرقم ديالي اذا كنتو مساليين نديرو شي وقيت ونخرجو مع بعضنا
يسرى:افكورس بون تهلا فراسك باي
سامي:باي
جلنار ناضت بدون ماتسلم حطات فلوس باش تخلص و تمشات فحين يسرى عتادرات على تصرفها معاه وتبعاتها خرجو من المطعم وجلنار عاقدة حجبانها..
يسرى:بسس
جلنار:(بحالا كانت كتسناها غير دوي)واخا تكوني عمرك شفتي الزين ادحشة المدلولة غير دوا معاك وحليي فمك ريوغك طاحو سيري انا بغست ليك الساحق واللاحق يا الخانزة المطوطة سيري انا اش بغيت ليك..بغيت ليك تلاتة جوج يشدوك واحد يخلي دار بوك يالجيفة يا...
يسرى:(وهي مصدومة)واناري تي مالك واخا نكون عدوتك ما تقوليش فيا هادشي را درت غير صواب
جلنار:(شافت فيها مخؤجة عينيها)غير صواب واجي لهنا نوري لبوك صواب شحال كيسوى(بغات طير عليها وهي تهرب ليها)
يسرى:لعااار اختي بلا شوهة حميييمتك هننن
جلنار:والله فمك لبقات..اويلي على غدايدي على المكبوتة غير شافتو حلات فمها هاويلي ياويلي...
مشات رطبات فسيارتها وهي كتعير فيسرى لي غير كتبلق فعينيها وركبات فلوطو ورادة لبال لتريشها اما جلنار فديمارات وتحركات فاتجاه المدرسة الخاصة بعائلة بن عمرو
اسد:(باستهزاء)بقا فالمداهمة كلشي خليتو كنضن انا اهم من هادشي كامل
العقرب:(بلع الفقصة وقال من فوق قلبو)اكيد اولدي
قطع اسد وخلا العقرب غياكل جنابو بالفقصة..اما اسد فضحك حتا بانت لو ضرسة العقل وقال
-انا لي غنجيب اخرتك وعد مني ليك
ناض وهو مؤتاح نوعا ما هز حوايجو وركب فالهيليكوبتر الخاصة بيه والوجهة هي المغرب
-اما جلنار فوصلا للمدرسة بدلات حويجها بحويج رياضية مريحة وتوجهات لصالة الرقص نفس الصالة لي كانت فيها هي وبهاء قبل خمس سنين نفس الصالة لي بدات غيها معاه بتحدي رجعات بيها الذاكرة لنفس داك نهار.....
🔙ميرو:تبارك الله عليكم المستوى كان راقس وكنتو هوت نيفو(شافت فبهاءالدين لي كان فاخر الصف وقالت)مسيو بهاءالدين بقيتي غير نتا
ميرو:(قرات التوتر بملامح وجهو وقربات منو ببتسامة وقال بغرور وبصوت خافت سمعو غير هو) اليوم غيحسن ليك الشرف ترقص مع فاتنة الدرب هه
بهاء الدين كان فتضارب مع نفسو قلبو لي ولا كيضرب فالالف وباحاسيو لي فاضو فدقة بزز باش قدر يتحكم فصوتو وحافض على برودو
-(مد يدو وقال بنوع من السخرية)ليلي الشرف الالة الفاتنة
ميرو:(داقت السخرية فكلامو وشدات فايدو بهدوء عكس العصبية لي تملكاتها من سخريتو)تفضل نبداو
بهاءالدين:(ببتسامة كانو قرى كل حرف فمجلدها المغلق)اها مرحبا
🔚🔚
دازت الذكرى فلمح البصر قدام عينيها شيء لي خلا قلبها يكاد يتوقف من الخفقان حسات بالحنين ليه للحظة تمنات تشوفو قدامها تلومو وتعايرو وضربو ولكن فالاخير تخشا فحضنو لي كان مصدر الامان والحنان..فيقاتها من سهوتها يسرى لي شافتها ساهية وعينيها عامرين دموع...
يسرى:(بحزن)مازال ما نسيتيه ياك
جلنار:(شافت فيها والدموع مجموعين فعينيها)لهاد الدرجة بين بلي عمرني نساه
جلنار:(حركات راسها)ام هنا كانت اول رقصة لينا بزوج وهنا كانت اول مرة نتحداه ويبدا الاحتكاك بيناتنا
يسرى:(بتردد)جيلنار نسولك وكنتمنى تجاوبيني
جلنار:اوك
يسرى:احم واش الى رجع شي نهار تقدري تسمحي ليه
جلنار:(شافت فيها بغضب)لا عمرني نسمح ليه بسبابو مات لي ولدي بسبابو تخرمت من احساس الامومة وبسبابو تخرمت نجرب حلاوة الحمل ونهز مولودي بين يدي هادشي يكفي كدافع بدون ما نذكر استهزاؤو بيا والتلاعب لي لعب بيا لا وطعني فكرامتي..وليت كنكرهو ما بقيتش كنحمل فيه الشعرة مجرد الاسم ديالو كيخلي الشياطين يلعبو قدامي (لفون كيصوني جبداتو وشافت المتصل وقالت)الوو حبيبي
باست ريحانة جداها ومشات طلعات لبيتها وكذلك عبير كل وحدة طلعات توجد راسها اما واحد جلنار ويسرى فشطحو حتا ما بقا ليهم جهد دوشو وشدو طريق لفيلا بن عمرو لي مسافة الطريق وصلو وبمجرد ما فاتو الباب ودخلو لداخل الفيلا استغربو من من الخدم لي غاديين جايين يسرى شافت فجلنار وقالت:
طلعو لبيت جلنار حيدو سبابطهم بدلو حويجهم لبسو بيجامات فنفس ستيل غير الاوان لي مختالفين عبارة على شورط قصير وطوب مرسوم فيه ميكي ماوس تلاحو على سرير واحد كل وحدة مخشية فلخرى كيتعاودو ويضحكو حتا داهم نعاس بزوج...
طاحو دودة تقول كانو فالحرب....دازت العشية بالزربة والكل كيوضعو اللمسات الاخيرة سواء الطباخين لي كل واحد مشغول فحاجة اولا عائلة بن عمرو من ناحية الشكل والاكسيسوارات ..
______________________________________
عند اسد لي حطاتو الهيلكوبتر فسطح الاوطيل لي مستاقر فيه حاليا جبد لفون شاف الساعة لقاها 8:30 دوز الاتصال لجلنار لي حانت حالة فمها وكتشخر وديرا لفون سيلونص
"ان مخاطبكم لاويجيب حاليااا المرجو الاتصال لاحقا" حيد الفون من ودنو وعاود الاتصال لمرتين نغس الرد من المجيب الالي خشا لفون فجيبو ومشا للسويت لخاص بيه دخل نيشان للدوش حيد حويجو وتخشا تحت الرشاش كينزل عليه الما دافئ وكيفكر فالعقرب والانتقام لي بداه.....
#ففيلا_بن_عمرو
كانو الجدين وابنائهم واحفادهم في الاستقبال من غير جلنار ويسرى لي كيشخىو ومجيبين للدنيا خبار
الجد:(وهو كيشوف فالساعة)غريب ماشي من عادتو يتعطل على المواعيد
صابر:الواليد شكون هادو لي جايين
الجد:هدا الشريك جديد لي شرا الاسهم د الشركة لي كنا باغين نبيعو
سيف الدين:اه واش مسيو الزيراوي؟
الجد:وي هو هداك نبغي كلشي يكون هو هداك راه غيبقا معانا واحد المدة
عبير:(بهمس لسلوى لي كانت حداها)اووف كون يحسابلي على هادشي كون خرجت ولا درت شي حاجة
خرجو عندو قدام الباب كيستقبلوه والجد ما قاداه فرحة معارفش بلي مدخل خلاه للدار ولي غيجسب ليه اجلو قبل الوقت بانو ليكارد هما اللولين عاد حلو باب المرسيدس بينز ٢٠١٨ وخرج منها الشخص لي كيتسناوه ولي مبانش ليهم لانو الكارد ديرين بيه ومدرقينو حتا وصل عند الباب عاد بعدو من قدامو والبنات حلو فامهم فيه اولا تصدمو لانهم كانو متوقعين راجل كبير فالسن عكس الشاب لي واقف قدامهم
.....:برسمية)بونسواغ مسيو بن عمرو
الجد:(مد يديه)بونسواغ مسيو الزراوي صافا
م.الزراوي:وي الحمد لله...
الجد:(كيعرفو على عائلتو)هدي مراتي لالة نسرين..وهدا ولدي صابر ومرتو فاطمة وبنتو ريحانة وبنتو سماح..هادي عبير بنت بنتي وهادا ولدي سيف الدين وزوجتو ليلى وولدو ياسين
م.الزراوي:(حرك راسو بمعنى تشرفنا)
الجد:تفضل اولدي دخل لداخل سمح لينا خليناك برا
م.الزراوي:نو عادي ولو
دخل الجد وتبعو مسيو الزراوي لي خلا اعين بنات عائلة بن عمرو غياكلوه من شدة الاعجاب ووحدة كتبين مفاتنها وجمالها على لخرى وناويين يطيحوه فشباكهم..تبعوه صابر وسيف الدين وزوجاتهم والاحفاد كذلك الجدة توجهو للصالون لي كان مغربي اصيل 100% بركو وجابو ليهم الخدم الضيافة لي كانت عبارة عن حلويات مغربية واتاي وبلشو فمواضيع الخاصة بالخدمة وفبعض الاحيان سياسية وثقافية حتا وصل وقت العشاء ناضو مشاو لبلاصة لي كياكلو فيها وكانت الطابلة فبها كل ما تشهاه النفس من الماكولات المغربية بركو كل واحد فالمقعد ديالو كيف العادة رب العائلة فراس الطبلة والجد فجنبو اليمين كذلك ابنو المتوسط صابر فجنبو ليسر وحداه مرتو قبالتو سيف الدين وجنبو مراتو والاحفاد تفرقو كل واحد فين جلس اما بهاء فجلس فالراس التاني لي كان قبالة الدروج
الجد:(ببتسامة)مرحبا بيك اولدي تفضل وما تحشمش حسب راسك فداركم
م.الزراوي:لهلا يخطيك الحاج ترحب بيك الجنة
الجد:انا ونتا والجميع انشاء الله
الجدة:بسم الله كول اولدي غتكون توحشتي اكل المغرب
م.الزراوي(بنبرة رجولية):بزاااف الحاجة هه
بداو الاكل فصمت ومرة مرة الحاجة ترحب بالضيف لي طير العقل للبنات اما لالاهم جلنار كتحرك فالسرير عاد طفات عليها الشمعة وحركها غير الجوع ناضت من السرير مقلوبة بالنعاس وخاسرة لبسات بانطوفتها بلاما تغسل وجها خرجات من البيت كتحك فعينيها نزلات مع دروج مشعكة والحالة حالة الله نزلات للدرجة لخرة هزات راسها تشوف واش كين شي واحد وهي تحل عينيها على وسعهم ما مصدقاش اش كتشوف غمضات عينيها وعاود حلاتهم باش تاكد بلي مكتحلمش ومكتخايلش قلبها حسات بيه غيخرج من بلاصتو
#فالمائدة
بارك كياكل بشوية عليه هز راسو باش ياخد الماء عينيه تفيكساو عليها بتاسم بفرح ودقات قلبو تزادو وعينيه ولا فيهم بريق خاص بشوفتها (فتفسو:توحشتك المفدعسة باقا نتي هي نتي)
بهاءالدين بتاسم بفرح وعض على شفايفو بقوة الشوق لي حاس بيه من جيهتها متناسي الحاضرين كلهم حتى نطق ياسين وجه اللفتة
ياسين:زين د العائلة صافا؟؟
بهاء:(دور راسو ببطئ لجيهتو وهو هاز حاجب ومنزل لاخر شافو كيشوف فيها ضرسة العقل كتبان ليه ورجع شاف فيها عاد سرات معاه اش لابسة عقد حجبانو وكرز على يديه بغضب وعينيه عليها كون كانو قرطاس كون ردوها غربال اما هي فبقات كتفتف للحظات وطلعات كتجري بدون ما ترد على ياسين ولا على الجد لي دوا معاها حتى وصلات للبيت وحلاتو بالجهد حتى تخبط مع الحيط لور شيء لي خلا يسرى تنوض طافجة...
يسرى:(هزات حاجب ونزلات لاخر)ايوا الله يعطيك الساحق واللاحق والرصاص المتلاحق اوجه التيمومة فين غتشوفيه وهو غارق حتل ودنيه فالحباسات لعالم الله كيف دير حالو لا لا نتي بين ليا اترو فيك الدكريات ديال قبيلة
جلنار:(بركات فالارض)هووووف كنتمنى نكون غير كنحلم ولا نكون مقلوبة بالنعاس
يسرى:(بىكات حداها فالارض)اكيد هادشي لي كين غير حيت درتيه فبالك ليوم وفكرتي فيه بزاف
(سمعو تبجغيط د الكرش عرفتو داك الصوت لي كيكون فاش كيجيك الجوع وبداو كيدورو عينيهم فبعضياتهم حتا نطقات يسرى:فيا الجوع
نزلو بزوج كيتمخترو يسرى سلمات عليهم كاملين حتى من بهاء انا جلنار فسلمات على جدها وجداتها وبركات فبلاصتها لي كانت فجنب بهاء الدين لي معبراتوش حتى نطق جدها
الجد:بنتي سلمي على سي بهاءالدين الزيراوي
جلنار:(هزات حاجب وخلات لاخر وقالت)الزيراوي
الجدة:نوضي سلمي على الولد
جلنار:(قالت بصوت خافت سمعو غير هو لي حدر راسو وغطا فمو بايدو وضحك حتا شبع عاد هز فيها راسو)يولدو من عينيه
بهاءالدين:(ببتسامة وصوت رزين رجولي بامتياز)بونسواغ مدام جلنار بن عمرو
جلنار:(شافت فيه ببرود وقالت)مدموزيل الله يخليك
ياسين:جلنار توحشتك المسخوطة غبرتي هاد نهار حتى داز كلو ممل
جلنار:(ببتسامة جذابة وصوت انثوي)غير مع الخدمة جست عيانة طحت كاو تيكنيك هه
ياسين:هي شي سهرة ليوم بما انك شبعتي نعاس
جلنار:معرفتش على حساب الوقت هه(صونا لفون ديالها)سمحولي واحد دقيقة
ناضت ودازت من ورا بهاءالدين لي بقا ليه شوية وينفاجر بالفقصة لكن حتى داك شوية ما بقاش فاش قالت بصوت خفيف وبينا فيها فرحانة
جلنار:الو حبيبي
خرج عينيه بصدمة وشياطين كيشطحو السامبا فوق راسو وكيوسوسو ليه لاح السيغفيط بعصبية شي لي خلا كلشي كيشوف فيه لكن سرعان متدارك الامر بسرعة وقال ببتسامة
-سمحولي طواليط فين؟
عبير:(نقزات من وسط جماعة)انا نوريك اجي معايا
بهاء(وهو كيصوط):لا غير خليك غير نعتي ليا نمشي بوحدي
يسرى:خويا سير نيشان ودور على يدك ليمن قبل من لباب لي كيخرج للجردة غتلقا الحمام
بهاء:واخا شكرا
ناض بسرعة ومشا فالاتجاه لي نعتات ليه يسرى لي اصلا تعمدات تنعت ليه الباب د الجردة حيت عرفاتو باغي يتبعها وما هامو لا طواليط لا غيرو..مشا فالاتجاه لي نعتات ليه وبانت ليه جلنار شادة لفون وكضحك من قلبها خرج بخطوات سراع لعندها ما بقا الا بعض سنتمترات الى رجعات خطوة لور تلصق معاه واقف وكيصوط وعينيه ولاو حمرين كيف نقطة د الدم...
جلنار:(لي معلبالهاش بوجودو وما حاساش بداك البركان لي وراها)وا حبيبي را حتا انا توحشتك والله...ماشي لخاطري را جاو عندنا ضياف الكبدبد..(عوجات فمها)حتا نتقاشعو ونعاود ليك ابوقال...نضت من العشاء ونتا..همم واخا صافي هانا غنرجع ناك...
-قبل ما تكمل كلامها كان لفون منتور من ايدها وهي مخشية فيه ومزيرها وكان على ودنو اما هي كتركل ليه بين يديه لي كانو حاكمينها وكل مرة كيزير عليها
جلنار:(وهي كتركل وكدوي بشوية باش ما يسمعش خوها الغوات)وا طلق الزبل طلق الله يعطيك الهرس وا طلق را وعتيني
بهاء:(صافي وجهو ولا حمر خبط داك الفون مع الارض حتى تشتت ودورها قبالت وجهو بعنف وقال بغضب)شكون هاد ولد(شتيمة🙊)
جلنار:(كتشوف فيه كفاش معصب وقالت)سوقك..اش دخل حمارك لاسبوع الفرس
بهاء:(بغضب)جاااوبي قبل ما نفرشخ والدين مك(ورك على الحروف)
جلنار:(ببرود تكس رجفة الخوف لي فيها)حبيبي لي كيبغيني وكيموت عليا وكيخاف عليا من نسمة الريح الى ضربات فيا..بغيتس تعرف هانتا عرفتي وطلقني دبا وسير فحالك خرج من داري
بهاء:(صرفقها حتى دار وجها وقال بتهديد)نقتلك ونشرب من دمك الى باقي شفتك كدوي مع شي ولد(شتيمة🙊)
جلنار:(بغضب)ونتا اش دخلك ها سووقك..شكون نتا بعدا لي كدوي معايا وباشمن صيفة كدوي معايا(كضرب بضهر ايدها على صدرو لي كان كيتهز ويتحط بعنف)ديها فراسك الى كان يحساب ليك راه مازال غتكون شي حاجة بيناتنا فراك كتحلم وبالكولور وحتا الى كانت شي حاجة غتكون مجرد كره وحقد شي حاجة تانية مكيناش
بهاء:(صدماتو لدرجة فشلو عليه يديه وقال بصوت هامس)واش لهاد الدرجة حقدتي عليا؟؟؟؟
جلنار:(بغضب كبير وبصوت مرتافع)اه حقدت عليك كرهتك وليتي نقطة كحلة فحياتي عمرني نسا الشمتة لي شمتيني وعمرني نسا شنو وقع لي بسبابك لو رجع لوقت لور كنت غنعدبك ونخليك تحس بدل الوجع اضعافو غنهرسك ونهرس اي حاجة زوينة فيك غنضمرك
بهاء:(شد فايديها وقرب ليها كتر وقال بصوت خفيف مليه الندم)الله يخليك سمحيلي وخليني نشرح ل
جلنار:(بعدات جوج خطوات لور وشافت فيه بحقد وقالت)ما عمرك تحط عليا يديك كتسمع تعاود تحطها نقطعها ليك..وما تشرح لي ما نشرح ليك عطيني تيساع وما نشوفش خليقتك قدامي مرة تانية (هزات صبعها فوجهو وقالت بنبرة تدل على مدى انكسارها وانو جرحها اعمق من العمق نفسو)كنواعد ا بهاء الدين من ليوم لا من هاد اللحظة غتولي لاشيء فحياتي حتا داك الحقد مغيبقاش شتي نطفة احساس ليك مغتبقاش كنواعدك
بهاء:(الدموع تجمعو فعينيه وقال)مرام خ
جلنار:(بصرامة ورسمية)اسمي جلنااار مسيو بهاءالدين الزراوي ماشي مرام..مرام بح مشات ماتت ما بقاش ليها اثر فهاد الدنيا
جلنار:(دفعاتو بكل قوة وصرفقاتو حتا دار وجهو وعينيها خارجين فيه)قلت ليك متقيسنيش
جلنار ما عطاتوش فرصة سمحات فيه ودخلات للدار نيشان لبيتها بخطوات سراع وتبعاتها يسرى لي سمعات وشافت كلشي فاش كانت جاية باش تقولهم يرجع باش ما يشكوش فيهم وفاللحظة لي صرفقاتو شهقات بصدمة ورجعات لور بخطوات سراع وخلاتهم بزوج يصفيو حساباتهم..هي اكثر وحدة عارفة صحبتها اكثر وحدة حاسة بيها بيناتهم كاملين فحين عائلتها ما تحرك فيهم حتا واحد تبعو ليها العين حتا غبرات وكملو عشاهم عادي كان شيء لم يكن فاش رجع بهاءالدين لي خلاتو وراها فالجردة مكسور مهموم هاز جبال وجبال من الحزن والخيبة..طاحو دموعو بضعف اه بكا بكا من فسوة محيوبتو عليه بكا لانو امالو تحطمو وبكا حيت كيف قال كلامها دبحو وختارق شرايين قلبو ندم ولكن تعطل وعاد حس بديك المقولة "الندم من حيث لا ينفع الندم " بقا للحظات على نفس الحال حتى برد ومسح دموعو ودخل لداخل كيقلب عليها بعينيه ولكن ما لقاهاش برك فالطابلة كيشوف فنقطة وحدة سارح بافكارو لي نهشو كيانو وضميرو لي زاد كمل عليه الباقي...
مشات لبالكون وبركات فالارض خلات دموعها ينزلو على راحتهم اما يسرى شافتها هكاك مشات عنقاتها وخلاتها كتبكي على راحتها حتى بعدات عليها جلنار وقالت وهو كتبكي وتشهق
جلنار:انا انا ضربتو وسبيتو اهئ اهئ
يسرى(باسى):عارفة اختي شفت كلشي
جلنار(وهي كتشهق بين كل حرف وحرف):اهئ اهئ عييت اختي عييت حاسة بقلبي مثلج ولكن العافية شاعلة هنا(كضرب فصدرها)كتحرقني اهئ عرفتي اختي بشوفتو شنو وقع لي رجعني خمس سنين لور اهئ اهئ رجع قلبي حيا من اول وجديد اهئ اهئ بشوفتو رجع لي شنو وقع قبل خمس سنين(شافت فيها وقالت)كنقسم ليك ديك مرام لي شفتي قبيلة طلبات مني قوة وجهد كبييييير انا اهئ اهئ انا عمرني نسيتو انا كنت كنتناساه لكن عمرني نسيتو كنحلف ليك اختي اهئ شحال من مرة مشيت للدار لي جمعتنا بزوج بكيت وشكيت فيها اهئ (هزات عينيها فيسرى لي عينيها شلال كتحسر على صاحبتها لي هازة هاد الحمل كامل ومهبياه وراء ضحكتها وشقاوتها المزيفة) انا كنكرهو..كنكرهو بزاف خلا حياتي تمحور غير عليه اهئ اهئ حاسة بلي عمرني نحس بطعم السعادة اهئ اهئ كل نهار كنزيد نكرهو ونكره راسي حيت بغيتو ماشي غير بقلبي بغيتو بكياني وهبتو روحي اهئ اهئ كل ليلة كنسد فيها عينيا كيجي قبالتي كدوز حياتي معاه ماملة قدام عينيا كل تفصيل فيه مذكراه ما نسيت والو اهئ قلبي كيضرني بزاااف اهئ اهئ (هزات راسها لسما وقالت بصوت عالي) ياااااا اللله....
عند بهاء لي ناض من السفرة بعدما خذا الادن من عند الجد لي سمح ليه يختار البيت لي بغا وبالصدفة داز على بيت جلنار سمع كلشي سمع شحال تعدبات وشحال كتبغيه مكرهش يدخل يعنقها ويقول ليها هانا قدامك ديري لي بغيتي مغنهزش فيك العين شهق بعد ما سمع {ياااا الله}وحس بكمية الوجع والحزن لي على الكاهل ديالها تراجع بخطوات سراع من تما وهو حاط ايدو على صدرو خرج من الفيلا وركب فسيارتو فاتجاه المجهول..
دازت ديك الليلة على ابطالنا جحيم كل واحد فيهم كيفكر فلاخر مرام لي مسندة على المسند ودموعها شلال وبهاء لي كان قدام البحر كيشوف فيه وساهي لي يشوفو من بعيد يقول هاز هم الدنيا والدين..بقا على نفس وضعيتو حتى سمع اذان الفجر تنهد وناض فاتجاه مسجد الحسن التاني توضا ودخل صلى وهو متخشع كيناجي واستنجد بالخالق هو الوحيد لي غيفك كربتو
#اصبحنا_واصبح_الملك_لله
فاقت جلنار خاسرة وراسها واجعها لانها اصلا منعساتش وليل كامل وهي كتبكي دخلات لحمام على غير عادتها دوشات فالسكات لبسات اسود فاسود دليل على نفسيتها لمأزمة طلات على يسرى لقاتها ناعسة وغارقة فالنعاس دارت نضاراتها وخرجات فالباب تلاقات مع بهاء يالاه غيحط ايدو على جرس الباب بين فيه مناعسش ليل كامل هاز تجاكيط حاطها على كتفو وشادها بجوج صبعان هز راسو مع الحلة د الباب بانت ليه واقفة شاف فيها مطولا وقال بصوت مبحوح كانو ضاربو البرد
بهاءالدين:صباح الخير
جلنار شافت فيه بصرامة وتحركات من قدامو بدون رد وخلاتو متبع ليها العين حتا ركبات فسيارتها لي كانت من نوع رونج روفر سبور وديمارات فاتجاه الشركة اما هو فتنهد بضيق ودخل للدار فاتجاه البيت لي قدام بيت جلنار دخل وسد الباب وراه لاح جاكيط لكوستيم ودخل نيشان لدوش وهو كيحيد الشوميز....
#فأحد_المطاعم_بشاطئ_عين_دياب
دخل رياض لمطعم راقي كيف عادتو ومن خلال الترحيب لي كيتلقا مبين انو كليان قديم ومعروف عندهم جلس فطابلة بعيدة على الناس كيشوف فالبحر لي كان هادئ وصوت الامواج والعصافير كي٨لي النفس ترتاح بقا متبع الامواج حتى سمع صوت بنت رقيق وخافت بالسيف باش كيتسمع
......:صباح الخير سيدي اش حب الخاطر؟
رياض:(هز عينو فيها ونزلها لبادج لي ديرا فصدرها)صباح النور ميس الغالية الله يخليك بغيت فطور كومبلي كيف العادة
الغالية:(بصوت خفيف طفولي )اممم انا ما عرفتش شنو كتاخد حيت جديدة هنا
رياض:(ببتسامة)قولي ليهم فطور د مسيو رياض هما غيعرفو اش يوجدو..
الغالية:واخا سمحلي
رياض حرك راسو بالايجاب وهو متلع ليها العين وقال بينو وبين نفسو...
رياض:هاد البنت ما نعرف فين شفتها
#ففيلا_المالكي
مجموعين على طابلة الفطور كاملين نزهة محمد وفؤاد وياسر
فؤاد:(باستغراب)فين هي يسرى؟؟
ياسر:هاديك اللفعة نساتنا واخة على والديها
محمد:ها والديها قدامك اش كين
ياسر:(شاف فيه وقال ببلاهة)ها..!والو هيهيهي
نزهة:والله يعميها ليك
ياسر:وا را تعمااات ليا الواليدة ههه
فؤاد:وا الاخوان تما فين هي البنت ما بقيتش كنشوفها فالدار
نزهة:مع جلنار را مبقاوش كيتفارقو دوك جوجات
ياسر:بالسيف الواليدة وهما جميع مصائب الدنيا والدين جامعينهم
محمد:ومن بعد خليهم سوقك نتا؟
ياسر:لااا ما سوقيش..عنداك غير شي نهار يعيطو ليك من شي كوميسارية تولي غادي تجرري وتجاري
نزهة:تف تف فالك مفلول اوليدي مالك على هاد الفال
فؤاد:(قال بجدية مع القليل من الحشمة بعدما حط داكشي لي فايدو )احم محدكم مجموعين بغيت نفتح معاكم واحد الموضوع
محمد:خبار الخير
فؤاد:غير الخير الواليد..المهم انا بغيت نخطب
ياسر:(شاف فيه وهو مطلع حاجب ومنزل لاخر حط الكاس من ايدو وقال باستهزاء)وشكون هاظي بالسلامة
فؤاد:(شاف فيه بغضب وقال بتفاخر)جلنار
نزهة(بصدمة):واش جلنار جلنار
فؤاد:يس مااام
محمد:(باستغراب)واش متاكد
فؤاد:واااه مالكم مصدومين هكا!!!!
ياسر:لانو ببساطة جلنار مستحيل تقبل تزوج بيك او بغيرك
فؤاد:هادشي كيبقى عليك ابابا نتا لي تقدر تقنعها الله يخليك..
فؤاد:(ناض من كرسيه وجلس جنب محمد وشد فايديه وقال بترجي)عفاك ابابا والله ما نقدر بلا بيها محتاج ليك توقف معايا..7سنين وانا كنتسنى هاد الفرصة قبل ما تعرف بهاء او غيرو كنبغيها ا بابا غنتسطى بلا بيها انا بعدت هاد السنين كاملة على قبل نخليها على خاطرها ولكن فاش عرفت بلي تفارقت معاه جيت وردني خوها ومع دلك ما ستسلمتش وبقيت كنمشي عندو
او والو مبغاش بقات ليا غير هاد الفرصة صافي الله يخليك ا بابا والله حتا ندير شي حاجة فراسي
ياسر:(لي كان متبعو من الاول وعاقد حجبانو)اش كتخربق نتا واش بعقلك ولاومتكسابوش الى كان خوها ردك وعاود ردك فنضرك هي لي كتموت على بهاءالدين غتقبل بيك فين هو اللوجيك فكلامك ايه فهمنا بلي بغيتي توصل بلي نتا احق بيها من بهاء ولكن نسيتي المعنية بالامر نسيتي واش باغاك ولا مبغاكش....؟؟؟؟ بابا دوي قول شي حاجة ما تبقاش ساكت وكتشوف فيه هكا..
محمد:(تنهد باسف وقال)سمحلي اولدي ياسر عندو الحق البنت مستحيل تقبل تزوج وبالخصوص داكشي لي وقع ليها لحد الساعة مازال متاترة بيه سمح لي ما نقدرش ندخل بيناتكم
فؤاد:(بعصبية شاف فياسر)نتا دخل سوق راسك ولا مغيعجبك حال حتى واحد مسولك على رايك..(شاف فماماه وقال بترجي وعينيه عمرو دموع)ماما كنبغيها دوي معاه يدخل ليا بخيط بيض والله حتا نموت الى مكانتش ليا كنقسم ليك
نزهة:(لمس ليها الوتر الحساس وماي ام حنينة فولادها نصاعت لقلبها)محمد عفاك دير شي حاجة الولد كيبغيها
محمد:(بصرامة لانو عارفها مع ولادها)نزهة دخلي سوق راسك وخرجيني من هادشي..الى بغاها وبغاتو مغنخليوهش بوحدو غنوقفو معاهم بزوج حتى يتجمعو ولكن باش تمشي عند البنت وانا عارف شنو فقلبها لا تم لا ما يمكنش نستغل محبتها ليا باش نضغط عليها را الزواج هدا حياة هادي فاش غتقرر را ناشي غتاخد قرار فالخدمة ولا فحياتها الشخصية لا هدا را قرار مصيري سووو الله يرضي على ولدي تكلف نتا وخرجني من هاد المعماعة
فؤاد:كلامك اللخر
محمد:(الصمت)
ناض فؤاد من طبلة زاعف ومعصب لاقصى درجة خرج من الدار وكل خطوة كيدير فيها عشرة ركب فسيارتو وكسيرا فاتجاه المجهوووول
#في_المطعم
شاد لفون كيختش فيه حتى وقفات عليه الغالية بالفطور ديالو لي كان كلو صحي حطاتهم ليه وقالت لو ببتسامة
:صحة فطورك سيدي
رياض:الله يعطيك الصحة
دارت باش تمشي بعد ما ستادنات وهو يوقفها وقال
رياض:مدموزيل ممكن نسولك
الغالية:وي تفضل اسيدي
رياض:واش فايت لي شفتك فشي بلاصة
الغالية:(وقفات كتشوف فيه بتركيز شيء لي خلاه حتى هو يركز معاها ويبتاسم بتسامة صغيرة كانها كدكر واش فايت ليها شافتو للحظات وقالت)ممكن ولكن ما ممتاكداش
رياض:واخا لالة سمحيلي عطلتك على خدمتك اي بون جوغني
الغالية:(ببتسامة)طوا اوسي مسيو رياض
هزات راسها كتحية ومشات اما هو بقا متبعها العين وكيحاول يتذكر فين شايفها فالاخير نزل راسو كيفطر....
#عند_بهاء_الدين
دوش ولبس عليه كوستيم وخرج بخطوات سراع لقا العائلة كتفطر صبح عليهم وتم خارج حتى ستوقفو الجد ببتسامة
الجد:ولدي صبح الخير
بهاء:(خاسر بقلة النعاس..بصوت باح)صباح النور
الجد:جلس تفطر اولدي
بهاء:لا ما فيا لي يفطر حتل الشركة المهم نهاركم مبروك
مشا وخلا الاعين عليه ركب فسيارتو وديمارا فاتجاه شركة جلنار بن عمرو بعدما قال ليكارد باش ما يتبعوهش..مشافة الطريقة وكان تما لقاها خارجة مع باب الشركة وكتسنا فالسيكيريتي يجيب ليها سيارتها اما هو صغر عينيه فيها وقلبو كيضرب بالجهد خايف يكون داكشي لي فبالو هو لي كين بعد لحظات وقفات سيارة امبرغيني فضية :تحل لباب وركبات ببتسامة سلمات على اسد بلابيز وعنقاتو بالجهد بحالا كتحاما فيه وهادشي كلو داز تحت انظار بهاءالدين لي النفس ما بقاش قاد يطلعها بقوة ما قلبو كينبض بوحشية حل الكرافاط بعصبية وهو كيصوط بقوة لكن غيرتو عليها خلاتو يضرب لكمة يدو مع الفولا بقوة حتى طرطقات تحركات لومبرغيني وتحرك بهاء وراهم بعصبية حتى وصلو لمطعم راقي طلبو فطور كومبلي ليهم بزوج واسد غير حاضي جلنار لي كانت غير ساكتة على غير عادتها حتى نطق بعدما شد ليها فايديها
اسد:الماستي مال
قبل ما يكمل كلامو كانت طابلة مرفوعة لسما و جاه كلاك لوجهو اما جلنار فوقفات مخلوعة من داك المنضر لي قدامها او داك الوحش بمعنى اصح كان بهاء لي تبعهم وشافو فاش حط ايديه على ايدها رجعات لور رجليها مهازينهاش
إبنة الجار الجزء التاسع
محتوى القصة
التنقل بين الأجزاء