نضال:حتى انا الينا كنموت عليك عرفتي منين سمعتك اش قلتي لديك نسيم كنت غدي نقتلك تما مي صبرت ولكن ديك نسيم حسابو معايا هو لخر
لينا:نساه عليك اصلان بسبابو عترفنا لبعضيتنا
نضال:وديك شيطانة ديال هند كتبان وحد بريئة فلقسم ولكن هي فعايلها ديال ابليس 😂😂
لينا:ههه راهم غدي يكونو كيستناوك خصنا نهبطو
نضال:غدي نهبطو مي نلقاك مشيا لعند شي خنشوش والله حتى ندبحك سيري وقفي حدا ولد خالتك متحركيش
اينا:ههههه صافي كون هاني هدوك كانو غير وسيلة باش وصلت ليك ههه
نضتل باس لينا وشدلها فيديها وتم خرجو فهاد لحين سمية كانت حضياهم حيت منين سمعت ديك تهراس لي كان نضال كيهرس جات وبغات تدخل وهي تسمع اش كيقولو وبقات كتصنت عليهم
سمية:اهاه اسي نضال هدي هي لينا لي ديا بلاصتي انا غدي نوريك هد ليلة واش غدي تبقا معاك ولا لا ستنا
نضال ولينا خرجو مشادين يديهم حتى وصلو لبرا وطلقها من يديها باش ميشوفهم حد وهدا كانت فكرة لينا لي بغا هدشي يبقا بيناتهم فهاد ساعة عكس نضال لي صبر غير بزز حيت بغي يصارح وليديه بأنه كيبغي لينا وبغي يتزوجها
نضال:را ولد خالتك سيري حداه نشوفك مع شي قمقوم راك عارفني بلا منقولك ألينا
لينا:وراه هضرنا قتلك راه مغديش نمشي حتى بلاصة
نضال:وهاد لباس من بعد ونهضرو فيه ماشي دبا
لينا:كيجاك لباسي بسلامة
نضال:أش قتلك لبارح متجينيش لابسة لباس مزير
لينا:واش هدشي بلك مزير (لا ممزيرش 😂😂)
نضال:لا يمكن انا غير حيت مكنشوفش وبديت كنتخيل واااش كضحكي عليا شوفي كيفااش
نضال:ولكن حبيبتي فهميني انا راني مكنقدرش نشوف شي حد كيشوف فيك غيري وخاصة بهاد لباس كجي متيرة وجدابة
ولكن هانية حيت نتي ديالي بوحدي
لينا:واااح كنموت عليك
نضال:وحتى انا وكتر منك
يلاه زييدي نمشيو عند جاد
جاد :اممم بالي لعشاق تفاهمو
ليناحشمت وبقات غير كدور فعينيها
جاد لا نتي ولحشما متطلاقاوش حيدي عليا ديك لوجيجه
ودوي فقتاش كنتي ناوية تخبريني ألفعة
لينا:ولحقيقة كنت بغا حتى نتأكد من المشاعر يالي ونقولك رااك عارفني عمرني خبيت عليك شي حاجة
جاد:عارفك ألعمر ديالي عارفك وعنقها
نضال: احم احم يمكن حطيتي يدك على شي حاجة مشي ديالك ههههه 😂😂
جاد:هههه بصاح وديالمن كانت فلول
لينا:ديالك أبيبي هههه
نضال جاد لينا :ههههههه😂😂😂
بقاو كيضحكو شوية جات احلام لعندهم ونضال عرف احلام على لينا حيت هيا كتعرف جاد
احلام:أوووه دبا قولي هدي هي لي بدلاتك 180درجة ورجعتي ضريف هكا
لينا:ههههه علاش كيف كان واش مكانش ضريف بحال هكا
احلام:لا كان ضريف مي لي كان كيديرلو شي حاجة ولا كيبغي يلعب عليه ولا كيبغي يضيع صمعة ديالو مع شي حد كيقتلو ولا كيكرهو فحياتو وكيخليه يكره لاش جا لهد دنيا
لينا تفكرت اش دارت معاه وهي تقول بلا متشعر ولكن انا درت فيه هدشي كامل وباقى عايشة اش هدشي ياربي
سمية :سلام (ودارت راسها مأدبة ومصوابة وحشومية باش تلعب دور مزيان)
لينا:هدي بنت عمتي سمية
سمية :هدي لينا لبنت لي كنب
مخلاتوش يكملها باش دير راسها معرفاش ومنين تشوف لينا لفيديو تيق
سمية:مشرفين ألينا
أحلام : ضيوفنا الكرام ليوم صيبت لولد عمي فيديو غدي تشوفو فيه جميع تصاورو منين كان صغير بما أنكم أصدقاءو كنطلب منكم تشاركون فرحتكم ودبا غدي يبدا الفيديو
كلشي بدا كيصفق
بدا لفيديو ديال احلام نضال عجبو بزااف وحتى لينا ومنين سالا كولشي صفق ولينا هزات كاس باش تشرب وهنا كانت صدمة منين سمعت صوت لكلام دلفيديو
كلشي دار وهنا صدمة وصاعقة لينا
لي شافت الفيديو وكيفاش كيبوسها هي كيحسبلها كيبوسها وهو لعقلتو كان غير كيفهمها ومنين شافتو كيفااش عنقها مهم سمية gادات لفيديو مزيان ورجع بحال لشفتو تقول فعلا نضال كيحماق عليها
لينا بقاات تاكية على الكاس بجهد حتى تهرس الكاس بين يديها وهي بقا كتشوف لفيديو ودموع شلال ودم كيسيل من يديها نضال منين شافها جا عندها كيطير
نضال:أش هدشي درتي فراسك أحبيبة
واش عرفا إلا وقعات ليك شي حاجة منقدرش نعيش بلا بيك
نضال:لينا طلقي لكاس راه زاج كيزيد يدخل فيديك
لينا مكتجاوبش بقيا مبلوكية بحال لتجمدت حتى دربها بواحد تصرفيقة حتى عوجتلها حنكها
لينا بقات غير كتبكي بجهد جا جاد وعنقها وبقا كيسكت فيها
نضال مشا تابعا وكيترجاها وهي مسكينة قلبها كيتقطع وهو كيترجاها وهي مشات بلا متهدر معاه وهو طاح عاى رجليه وبقا كيبكي إييه بكى بكى
أحلام مشات عندو
أحلام :كتبكي حبيبي نضال وقف انا كنواعدك نمشي عندها ونخليها ترجع عندك
نضال شد فيد أحلام وناض ومشا متجه لعند سمية شدها ودخلها لداخل وتبعوه عائلتو وصحابو مشاو بغاو يخليو أمر
نضال دخل سمية وضربها لفوطوي جات على راسها حتى تجرحت وبدا دم شوية كيسيل نضال رجع شدها من شعرها وبدا عليها بتصرفيقات وحدة تلوة أخرى وهو كيردد هدشي غير حساب يد ديال لينا أما على حساب ديك لفيديو غدي نوييك ألكلبة بقا كيعطيها فتسرفيقات حتى مبقاتش حاسة بوجها وشدها وخرجها ركبها فلوطو وداها لواحد دار عندو فلغابة كيمشي ليها غير منين كيكون مقلق ولا بغي يرتاح عرفاكم كتساءلو على علاش مامات وبابات نضال ولا باباه مدارو حتى حاجة ومحاولوش يوقفو نضال وهما عندهوه سمية عزيزة ومخاولوش يوقفوه منن ضربها وجات على راسها وتجرحات وكيفاش مانت كتغوت
بات نضال كان غدي عند نضال باش يوقفو مي أحلام مخلاتوش عارفاكم كتقولو كيفاش مخلاتوش احلام
احلام كانت عارفة نضال غدي يدير لسمية شي حاجة باش تعلم تلعب معاه
لذلك قبل مدخل دازت لكوزينة جابت لموس ومنين شافت عمها غدي عند نضال قاتلو كنحلفلك أعمي وزدتي خطوة وحدة غدي نقتل راسي وراك عارفني معنديش لعقل وبدات كتدخل لموس شوية فيديها حتى سال دم ديك ساع بات نضال عرفها غدي دير شيحاجة ولهذا بقا واقف غير كيشوف
نضال كان عارف أحلام كدير هكا غير على قبلو لهذا بقا كيضرب سمية ومتخلعش عليها حيت عارفها مغديش تآدي راسها
عند لينا لي منين ركبات وهي متكيا على زاج دلوطو وكتبكي جاد كان سايق بجهد باش دغيا يوصل لدار ويدويلها يديها
بقاتعلى ديك الحالة وحتى جاد محاولش يهدر معاها باش يخليها على راحتها
جاد:حبيبتي ضروري خصكي تلاقاي معاه حيت لي كنشوفوه بعينينا متشي ديما كيكون هو لحقيقة
لينا:بعض الأحيان مي دبا وضعية مختالفة كولشي واضح
جاد:مبغاش يزيد يضغط عليها وقالها فكري مزيان غير بلاتي ألينا ومتصرعيش فقرارك يلاه احبيبة نخليك ترتاحي شوية
جاد خرج وخلا لينا ترتاح
جادمشا لجردة ونعس عاى فوتوي وبقا كيتأمل فنجوم
حتى صونا تيلي ديالو نعم إنه نضال
نضال:سلام جاد صافا
جاد:سلام مصافا والو
نضال:جاد سمعني عفاك متقطعش انا والله مدرت حتى حجا داك شي غير لعبة..
جاد:مخلاهش حتا يكمل هدرتو وهو يقولو عارفك أصاحبي وعارف أخلاقك واش كنتي كظن أنني مغديش نتيق فيك وانا عارف مزيان ديك سمية تقدر دير كلشي غير باش تبقى معاها
بزااف ومبغاتش حتى تسمعني حاولت نفهمها أن داكشي لي كنشوفوه بعينينا مشي بضرورة يكون هو الحقيقة ولكن هي متيقة لفيديو أش غدي نقولك صعيب أنك تقنعها
نضال:غدي نشوف شي طريقة آه حقا نشيت أنني منين كانت جاية سمية عدنا درت واحد كاميرا مكتبانش حيت كنت عارف مغديش تبقى gالسا وغدي دير المشاكيل بحال ديما غدي نمشي ونجيب لفيديو كامل
نتا عفاك غير حاول تقنعها غدا تجي للمدرسة
جاد:اوكي كون هاني انا غدي نوصلها حتى للمدرسة وغدي نبقى تما ربما تخرج منين نمشي انا بحالي ونتا ستغل الفرصة وهذر وعاها ووريلا الفيدو
نضال:أه أوكي كنشكرك اجاد كون مكنتي نتا معرفتش اش ندير
جاد:يلاه بسلامة
نضال:بسلامة غدا إنشاء الله
جاد:اوكي مي عرف كيفاش تتصرف وخا تخليها تشوف الفيديو بزز حيت صعيب تبقى هائة وتقبل تشوف الفيديو
نضال:كون هاني أساط
جاد:بون نوي
في صباح
كانت اينا داخلا حتى ل 2 ناضت وبدات كتقلب فدار ملقاتش جاد وهي تمشي لجردة ولقاتو باقي ناعس تما لمخدة فجيه وراسو فجيه ولغطا فجيه 😂😂 مشات وبدات كتقادلو لمخدة وغطاتو
وg لست حداه وبقات كتلعبلو فشعرو حتى فاق جاد كيحل عين ويسد عين
جاد:راه خصكي تهدري معاه وفهمي لموضوع راه يقدر يكون داك الفيديو غير مصيبينه وصافي
لينا:اممم خلينا نسدو هد لموضوع دابا كلشي سالا
جاد:ياك نتي لي جبدتيه غير عتارفي راك باقا متعلقة بيه
لينا:كضحك وكتهدر عنيبة زيد تفطر
جاد:شوفي هانتي كضحكي غير جبدت سيرتو واش صايرة تكذبي عليا
حتى من عقلك داهلك أش غنفطر نفطر بعصير
لينا:ههه غير نسيت مع مناعساش مزيان ساين نجبدلك الحلوة
جاد:واش مناعساش مزيان ولا عقلك داوه ماليه
لينا:سكت سكت كون غير خريتي قبل متهدر
صافي سد عليا لموضوع شد تفطر
جاد:إوا مغديش تمشي لمدرسة ليوما
لينا:مالك مدوخ راه هد نهار داخلا حتى لجوج
جاد:آه نسيت
فطرو وسالاو ولينا خملت لكوزينة وgادات الدار ومشات تتفرج بقات كتفرج حتى أذن ظهر مشات صلاتو ولبسات حوايجها وصونات عاى جاد يوصلها
عند نضال لي مشا لدار وصونا على أحلام باش تخرج عندو للباب لورانية كيدخو منها غير الخدم وطلب منها تمشي لبيت سمية وتجبد لكاميرا لي مورا ساعة داكشي لي دارت أحلام مشات وجبدت الكاميرا وعطاتالو عارفكم غدي تقولو علاش مدخالش هو حيت مبغيش يتشابك لا معا مو ولا باه وخاصة هد نهار عمتهم جاية أم سمية
نضال مشا عند لمعلم خرجلو الفيديو أقل من 5دقايق ورجع لدار لي كاينة فيها سمية بدل حوايجو وg اد راسو وتفركس حست هد نهار غدي توليلو حبيبتو وطل على سمية
لي مسكينة أش نقولكم كيف رجعات بحال ديك لبغريرة عامرة قراص ديال نمل 😂😂😂 من جميع أنحاء جسمها مشا عندها وطلقها وعطاها لحوايج باش تلبس وخرج وخلاها فنغس لبلاصا مع أصدقائها الجدد نمل وسراريق الزيوت 😂😂😂 ولاو عائلة 😂
ومشا باش يطلاقا مع جاد
نضال:ساط غين
جاد:فهولندا ياك راني gالس حداك🙄😂
نضال:هههه عرفتي لقيت لفيديو كامل مكمول وباين كولشي هد نهار غدي تعرف لينا الحقيقة
جاد:ههه مسكينة صباح تلفتيها باينة درية طايحة فيك طيحة عميا عطاتني نفطر بربع ديال لكاس العصير 😂😂 قالك سير درب دويرة مع فاسد ديال صاحبك
نضال:ههه صاغي رجعتني فاسد 😂 خايف غير متبغاش كفرج للفيديو
جاد:كون هاني أنا غدي نوصلها وغدي نبقا حدا باب ديال مؤسسة حتا توريها الفيديو ربما تخرج ليك وتهرب ديك بنت خالتي ونا عرفها
نضال:شكرا الحبيب كون مكنتي نتا معرفتش كيفاش نوصلها
جاد:هانية حيت فعلا باين كتبغيها وكتبغيك
إوا أش درتي مع سمية
نضال:هههه عرفتي رجعات بخال لبغريرة لي كتصيبهانا مي خديجة إوا ختا بنت عمها دوك برودويات ولماسكات كاملين مشاو هباءا منتورا
جاد:ههههه
سير تلاح لينا كتصونيلي
جاد:واخا بيبي أنا جاي
نضال:سير سير وصل درية باش نوريها لفيديو
عند جاد
لي وصل لينا للمدرسة وبقا تما كيستنا
لينا دخلات للمدرسة كانت خارجة مع ربعا كان عندها الفلسفة ورياضيات دازت أول ساعة عادي قراتها ومن بعد كانت عندها رياضيات دخلت بحال حتى حجا مكينا تقول مشي هدي لي كانت فديك الحالة لبارح دخلات وgلسات أول طاولة فلول مع ريان
نضال منين شافها بتسم بلا شعور وبدا فدرس كيشرح سالا درس وبدا كيسولهم لي مفهمش نعاودلو لينا علات سبعها واخا هي كانت فاهمة كولشب مي بغات تفقسو
عاودلها مرة لولا وسولها واش فهمتي قاتلو لا
عاود مرة تانية وتالتة ورابعة ومنين سولها قاتلو
عرفتي أأستاذ داكشي لي كنت فاهمام مرة لولة
مبقيتش فاهماه منين عودتيلي 😂😂
هو : منين غدي نخدمو تمارن غدي تفهمي مزيان أنا متأكد يلاه نوضي خدمينا تمرين 6 من الكتاب
ناضت لينا وخدمات التمرين وبدات كتشرح للتلاميذ متقولش هدي لي كانت كتهدر قبيلا
نضال:هادشي قولتي مفاهماش وكون كنتي فاهمة أش ديري
لينا:على أأستاذ شكون قالك بسلامة أنا مفهماش
نضال: جا يهدر وهي تصوني ساعة خرج كلشي ولينا بقات كتجمع فأدواتها
نضال:لينا مالك رجعتي باردة هكا واش على ود البارح راه والله حتا كولشي كان كدوب
لينا:داكشي سير قولو لشي بهلول متجيش وتلعب عليا
نضال:راه أنا جبت لفيديو غير شوفيه مخسرا والو ولا متيقتينيش مغداش نبقا تابعك منواعدك
لينا:هههه سير وريه لصحابك ولعائلتك أما أنا قلب عليا
وخرجات ومشات ونضال تابعها
لينا ركبات فلوطو دجاد وقاتلو سير دغيا راه دير فاسد دصاحبك تاعني
نضال:لينا سمعيني بلاما تحاولي راها مسدودة دبا عافاك غير شوفي لفيديو آخر طلب كنترجاك ألينا
مسكين كان كيهدر ودموع كيهبطولو آه نضال العمراني لي عمرو نزل شي دمعة من عينو دبا نزلهوم على لينا
لينا منين شافتو مقدرتش تحبس راسها وهي تعنقو وبقات كتمسحلو دموعو وكتقولو عفاك راك كتعدبني بلا هاد دموع أنا راني كنت من لول متيقك أنك متقدرش دير هدشي غير بغست نعرف أش غدي دير باش تقنعني وااش من نيتك أنا غدي نشك فيك زعما واش كاين شي حب بلا تيقة
نضال:غوت شنوووو واش دبا هدشي كامل كان غير تمتيلية وأنا لي مكنتش نقدر نعاس بسباب هدشي وااش من نيتك أش هد تبرهييش
لينا:صاافي بلا متعصب عارفة راسي غلطت ولكن منين شفتك أش درتي على قبلي عجبني الحال وعرفت قيمتي
لي مفهموش كيفاش لينا سمحات لنضال أجي تفهمو أتيتيز 😍😍
فلاش باك🏵🏵
نهار الحفلة لينا كانت لابسة واحد سنسلة عزيزة عليها حيت كان هداها ليها جاد نهار عيد ميلادها
وكانت طاحتلها
منين كانو مجمعين هي وجاد ونضال واحلام مشات تقاد شال ديالها وهي تشوف أنه سنسلة ديالها مكيناش فعنقها
لينا:لباس شوف خويا سمير انا دبا فدار ولد خالتي وهند معايا ياك وهي مسكينة نسات دفتارها فدار وممكملاش درس ديال لبارح ولأستاذ نتاع الرياضيات قالها غدا إلا مجبتيش درس مكملاه غدي نوريك وهي نسات دفتارها ومعندهاش منين تنقل درس
لينا:لا خويا سمير أنا بيدي غدي يجري عليا معاها لا مكتبنش حتى أنا مكتباش ولبنات مبغاوش يعطيونا ودبا ليل ونتا عارف ميمكنش نرجعو لدار نجيبو دفتر
سمير:واش ضروري خصها دفتر
لينا:آه كون مكنش ضروري منصدعكش أخويا
سمير: أه صافي أنا كاتب دروسي كاملين وأصلان أنا ديما كنكتب وخطي زوين وغدي تفهمو صافي نجيب لكوم دفاتر ديالي وندوز نجيب من دار هند دفتارها
لينا: شكرا خويا سمير سمحليا إلا عدبتك راه هند لي قلتلي نقولالك
سمير:هانية مي علاش مبغاتش تدوي هي
لينا:(طرررر وشحال فيك دأسئلة وديال تعناب ) هدشي مع راسها
سمير:وييي وا لينا فين
لينا:أ أ لا خويا غير كنت كنسمع أش كتقولي هند نقولك بلمناسية هي راها فدوش ومقدرتش تهدر معاك هي لحقيقة كانت بغا تهدر معاك مباشرة حيت قتلي عندها عزيز وتوحشاتك
درية بقات غير كتشوف وساكتة وهو يجمع معاها بواحد تصرفيقة صااااط
لينا :نضال أش كدير هنا
نضال:وااش عد دبا شفتيني أش باليك جاي ندير
كنت كنبيع لعطر وانا نقول أجي نشوف هد فيلا واش كاين لي يشري مني وااش من نيتك أش غدي ندير أنا هما جيت عند صاحبي
لينا:هههه اه
جاد:نضال دخل أش بقي تدير فلباب
نضال:علا بنت خالتك قتلي دخل
لينا:كنت غدي نقولالك دخل دخل
بينها وبين راسها أش جاي دير هنا زمررر دبا لا جا سمير وقالهم لينا عيطتلي هد نهار آخرتي مع نضال اوووف أش داني ولكن نستاهل أنا لي دايرة دجاج نخصني نقب من كلشي إوا دبا نقبي تفووو على زهر عندي بحال لخشب اععع
نضال من صالة كيهدر
وااش نتي غدي تباتي تما
لينا:ههه هاني جاية
لينا مشات لعندهم وg لسات حدا نضال هوما كيهدرو وهي ساهية أش غدي دير إلا سمع نضال أنه هي لي جابت سمير
نضال:لينا أش وقع ليك
لينا:لا والو غير كنفكر فوقتاش غدي تجي ماما توحشتها
جاد:آه حقا قالك بعد غدا جايين وغدي تجي معاهم جدا
لينا:مزيان أنا نمشي نشوفواش لعشا طاب
هند:سايني نمشي معاك
لينا:قبل متكمل هند قاطعاتا لااااا بقاي هنا
زعما بغيت نقولك غير رتاحي أنا غدي نصيب ونجي
لينا مشات لكوزينة لقات طاجين طاب طفات عليه وخدات تيلي باش تصوني على سمير وتقولو بلا متجي ومعا زهر الجميل وزهر لي ديما معامل معاها ومميخليهاش بوحدها لقات تيلي ديال سمير طافي 😂😂😂
ملك أبيض :لينا لا أش كديري نتي غدي تجبدي لمشاكل ليك ولهند ونتي ماشي هما
شيطان:نتي ألينا غير بغا تجمعيهم معا بعضياهم نتي مكديري حتى حجا خايبة نتي عمركي ستسلمتي يلاه ألينا
ملك أبيض: لا ألينا هداك بغيلك غير شر متصافعيهش ألينا
اعععع سكتو شوية خليني نفكر
بعد التفكير
ليناأنا عمرني ستسلمت ولا غدي نستسلم أنا نيتي غير نخليهم يعتارفو لبعضيتهم
شيطان:أش قلتي ألينا معامن نتي شكون غدي تبعي
لينا:نتا يا مفكر سمحليا يا ملك أبيض مي أنا بغا نلاقي عصافير الحب نفخات عليه هووو طار 😂😂😂
رجعات gلسات حداهم مي هد مرة بابتسامة تفقت مع ابليس
شوية وتسمع دقان ناض جاد باش يحل وهي توقفو
لينا:نون بيبي غير خليك أنا نحل دفعاتو رجع لبلاصتك
مشات حلات وهي تلقا لي كانت متصنيه نعم سمير
لينا:سمير سلام
س:سلام cv
لينا:cv
لينا:دخل متبقاش برا
س:انا جيت
ل:قطعاتو دخل وعاد نهضرو
دخل سمير وسلم عليهم وg لس
سمير:هند لباس
هند:لباس ونتا
سمير:منين شفتك وليت لباس
لينا:أنا نحط لعشا ومنها نيت تعشا معانا
لينامشات قبل متسمع تا ملمة باش مضيعش ليها الخطة
جابت كولشي لطبلة وقاتلهوم يلاهو تعشاو
سمير:هاكي أهند دفاتر أنا غدي
هند:ديالاش دفاتر
لينل شافت لقضية حماضت وهي تحر سمير من يديه وداتو لكبلة زيدو تعشاو من بعد وهضرو لاش جا
هي مضحك وقدامها بركان لي غدي ينفجر من تصرف لي دارت وشدتلو فيديه نضال كيشوف غير بنص عين وميخنزر أما واحد جاد إن لله وإن أليه لراجعون كون كانو براكين كون نفاجرو
لينا متاكل وكضحك مع سمير وسمير كيتقرب من هند لينا منين شافت جاد باقي فبلاصتو ومدار تاحجا مدات لهند لخبز وقاتلها عطيها لسمير 😂 وسمير شد من هند الخبز وبقا شاد فيديها وشد فلخبز وهند مسكينة حمرة حيت هي كتخاف من هد المواقف 😂😂😂
جاد منين شافو حط كاس ديال لمرا ومشا هزو من طبلة وعطاه جوج بونيات حتى سال ليه دم من نيفو
المجتهدة وأستاذ الرياضيات الجزء الثالث
محتوى القصة
التنقل بين الأجزاء