يامنة الجزء 59

وقف مخنزر في الولد الي بقا غير كيشوف مفهم والو ...قفزو بديك الغوتة الي خلعت حتى. راوية حتى كمش ليها فايدها مشابك صباعهم ...

ايلاف : اييييش قلت ..

ايمن "شاف فراوية " : مال هذا هارب من باب الحارة ...

ايلاف "غوت تا كمشت فيه راوية " : اااااشنو قلت ليك ؟. طير من هنا قلتها ولا لا ؟ اااا ...

ايمن : غا شور مالك مالي شنو درت بغيت المعقول اشنو درت لهاد الحالة كاملة الي درتي الاخ ...؟؟ 

ايلاف "هز راسو لسما غمض عينيه بنفاذ صبر وايدو فوق ايد راوية الي زير عليها حتى صباعها بغاو يطرطقو ...تاوهات بغات تفلت ايديها حتى زير عليها اكثر ...ساط حتى صاط قبل ميتحرك ناحيتو طلق من رواية بزربة وشدو من الكول لواه عليه بجهد غفلو حتى هبطو لتحت شانق عليه هذا لتحت شوي وايلاف فوق طلع ليه راسو كيشوف فيه بعينين مخنزرين جغم فيهم لون الاحمر ...

عاود لوا ايدو تاني حتى الولد حس بروحو تجيفت ...الجانب المفيوزي ديال ايلاف بان ...دار في عينيه ان داك الولد فاي لحضة يكون فعداد الموتى استعمل معاه طريقة من طرق التعذيب علاش مدرب والي داز عليه بحسب التجارب ...

راوية "بان ليها دري وجهو زراق بدات كتقفقف " : و واواو وايلاف صافي عفاك ...ط طلقو ..."جات تقرب ليه نطق " ...رجعععييييي فين كنتي ...

راوية : و واخة غير طلقو غايموت ف ايديك ...

ايمن : قغفغغ ش صا ففف قغغغغ. ..

ايلاف : قلت لك منها وفيها زيح من هون ...يعني انا منها وفيها واصي عليها كتر من خوها ...غانفهمك بلهجتكم ...مكتخصكش ماشي ليك بعد منها سوا كنت انا او خوها فحال فحال فهمت ...

راوية : ر راه خويا ا ايمن ...

ايلاف : لقاك قدامها ؟ 

ايمن "كيجاوب بالنفي وباش يهضر قتل ليه السلوكة خهههههه بغا غير نفس مسكين مصابها ..."...

ايلاف : شكووون انا ياك بغيتي غير تفهم ياك بغيتي الي يفهمك بلغتك اوووكي تمام ...

راوية : ا ايلاااف عفاك ..

ايلاف "ضار لعندها مخنزر " : شووو قلت قلت اخرسي سدييييي بوزك ...سدي فمك سدييييييه ...

راوية : وراه مكاين لاش "دار فيها شوفة الكفار وهي تصهط " ...

ايلاف : شو شووووو ؟؟؟

ايمن "رفع ايديه باستسلام " : س سسس سمح قغغغ 

راوية : واااااطلقووووو غايموووووت واااااااااا ايلااااااف ...

ايلاف "كزز شفايفو بعصبية وجهو ولا حمرررر عينيه ولاو حمرين حتى بان لون الاخضر وسط منهم كيشعشع ...مطلقو حتى ولا وجهو بيض وفمو زرق تقطعت فيه نفس عاد كرفطو لاحو خلاه كيجمع نفس وعباظ الله واقفة تشوف كاين الي مشا ليه كيقلب فيه ...شدها من ايدها وجرها بجهد وراه " : تحركي نتي يلاااااااه "بالغوات " حتى دخل لمصحة ودخلها ....

وقف عند الاستقبال ...لكن قبل ضار لعندها ...

ايلاف : سدي فمك منبغيش تعاودي الهضرة ...الي طرا طرااا ...اي واحد يعاود يعتارض طريقة غادي نتفاهم معاك انااا بلاصة خوتك وكنضن راني فحالي فحالهم ...

راوية : نتا ماشي خويا ...

ايلاف : انا اكثر يا حلوي اكثر ...واذا ما سكرتي تمك بسكرو بطريقتي "مخنزر...هو قصد يجمعها معاها ويني هي نواتها عوجة العقل المومسيخ اخت المماسيخ ..." 

راوية : هممم ؟ 🌚...

دخلو المصحة من بعد ما سول فالاستقبال على الجناح الي كتكون فيه الممرضة تولاي ...نعتو ليه فين ومشا ركب هو وياها فسانسور وغير تسد ...

ايلاف : وين راحو عقلاتك من شوي ؟ 

راوية : هاا ؟ كيفاش ؟ فتا بلاصة علاش ؟ 

ايلاف : تمام تمام "ضور وجهو جاتو ضحكة عرفها مشا عقلها لبوسة باش سكتها" ...احم ...

تحل سانسور خرج هو وياها حتى وصلو لجناح كان خاص باصحاب مرضى السكري ....

سول عليها حتى نعتو ليه بضبط فين كانت فواحد المكتب خاص بالماجورات ...دق زوج دقات 

تولاي : تفضل ...

ايلاف "حل الباب طل براسو وراه راوية تاهي كطل ..." : دخيل رفيقة الحلوة والاه عراسي هالطلة ماحلاتها وها الجلسة ال بتليق بالاكابر خيتوووو ...

تولاي "عينيها تشرعو ليها سنين مشافتو كان بيناتهم غير اتصالات فقط " : ولييييييييييك ابن البلد الرفيق ولييييك الله ما احلى هالطلة ...

ناضت من فوق الكرسي مشات كتجرييييي تلاحت عليه عنقاتو تعنيقة حااااارة بجهد كان الروح رجعت ليها كتشم فيه ريحة الاقصى ريحة البلد ريحة الاهل والحبايب ...

تولاي : لك والله اشتقت ل ريحة حبايبي والله ...والله اشتقت لا ريحة اهلي منك والله ..."جاوها دموع " ...

ايلاف "حط ايدو على شعرها الازعر كيدوز عليه ".: ششش ايييش فيك ...ليش هالحكي والله تزعلينيش منك ..."فصل العناق " ...تولاااي ؟ 

تولاي "مسحت دموعها " : احم والله اشتقتلك والله ...الوحيد الي باقي من ريحة اهلي والله ...

ايلاف : خلص فيش زعل هلا ..فيه ضحك وابتسامة وفرحة ...انا اجيت لعندك حبيت اعملك مفاجئة ...

تولاي : احلى مفاجئة ...احم كيفك "عاد ردت البال لايدو " ليك ايييش صاير بايدك ...؟؟؟ 

ايلاف : فيش ايشي حادث بسيط ...

تولاي : خرجت من الحرب دخلت عا اكفس حرب هي نفسها حياتك مو ملكك ( على المافيا ) 

ايلاف : نصيب "غمز ليها زعما راه معايا البنت باش متخلعش ولكن فاش ضار يعرفها عليها لقاها مكايناش حداه " ...تتت راوية رورو وين انتي ..."ناض وخرج قدام الباب لقاها متكية عالحايط وحادرة راسها" ...راوية ؟ مالك اجي معايا ...

راوية : تت غير بقا نتا انا نتسناك ...

ايلاف : لا تعالي معايا "قبط ايدها وجرها وراه"... احم تولاي ...بعرفك ...رورو ...

تولاي : رورو زغيييري ماهيك ؟ 

ايلاف : ايييه ههههه ...راوية ...

تولاي : واااو كبرتي تبارك الرحمٰن ...

راوية "ابتاسمت ليها بتساؤل " : احم شكرا ولكن ماعرفتكش ...

ايلاف حك راسو ودوز على شعرو كيبتاسم بجنب حيث عارف تولاي شنو قصدات كان ديما كيحكي ليها عليها وبالي متابعها عبر سناب او انسطا ...

تولاي : ههههه شكون الي مكيعرفكش يارورو زغيري "غمزتها" ...

راوية"تزنگت وشافت ف ايلاف مبتاسمة بخجل " : ههههه شكرا ...

تولاي : حلوي وصرتي احلى ...

ايلاف : اييييي لكان ايش اعمل ..اييي تولاي بدي اعمل سوان لجرحي فيكي تساعديني ؟ 

تولاي : اييي اوكي بقا هنا انا نجيب العدة ديال الاسعافات واجي ...

ايلاف : تمام ..

مشات تولاي وبقا ايلاف وراوية فوق فوطوي مقابل مع المكتب ...

راوية : احم ...منين كتعرفني ...

ايلاف : بحكيلها عنك ...

راوية : هاا يعني كتعرف دارنا وخوتي ملي كنتي كتجي عندنا وعشتي معانا ياك ...

ايلاف : ايي هيك بس كان تركيزي بس عليكي انتي ...

راوية : وعلاااش. ؟ 

ايلاف : انتي التمييز المميز عليهم ...

راوية : هي هاد تولاي مهمة عندك بزاف ...

ايلاف"حابس ضحكة كيبردها غير بسنانو كيحك بيهم شفايفو " : واكثر ههه.. شو ؟بدك تعرفي مين هي بالنسبة الي. ؟ 

راوية : تت لا ماشي مهم عادي ...

ايلاف : ايي اوك تمام ...

راوية "بقات ضور راسها هنا وهنا والفضول كياكلها عيات ضور عنقها وتحك فايديها وتكمش صباعها وشفايفها كيتحركو ...بغات تهضر ومقدرات بغات تسول بريستيجها ميسمحش ...ايوى نعماس اش المعمووووول ....

ايلاف : بقيها (بقي البحصة الي بحلقك بمعنى خرجي شنو واحل ليك فالحلق بغيتي تقوليه " ...قولي ؟ ... انا نقوليك هي اختي بالرضاعة وصديقة طفولتي بالقدس رورو ...

راوية : هههههه هاااكاك غير صديقة وختك يعني محرمة عليك ..."خرجت عينيها وهي ضور وجهها مزنگة كتولول " ...

ايلاف "مبقاش صبر طرطق بالضحك " : هههههههههههههههههههههه لك الله يحرق حريشك يا بنت ...والله انتي مو معقولة هههههههه

كيف مشا طاااير لشركة صاعر مخلاوهش يدوز الويكاند ديالو براحتو ويرتاح ليه مع راسو ...طلعو ليه دم خاص كلشي هو يكون واقف عليه وحيث اصلا هو مكيثيق فحد من غير راسو وصهيب كلشي كيبغي يكون واقف عليه بنفسو ....حيث ثقة وصلاحية تعطاتو من فؤاد ووخا خلا ليهم كلشي حلفو تيدمرو على ود باش يحافضو على رزق خوهم ....

كمل شنو دار عطاهم شنو بغاو ووقف على داكشي حتى نضاه ....عاد خذا تيليفونو ودوز لايلاف...

يوسف : نكمل شي حاجة ونجي ليكم ...

ايلاف : خود راحتك ماشي مشكيل ...

قطع عليه ودوز الاتصال ليها ...

يوسف : زين زيني يانا والفن فني يانا ...

يسرى : ههه واش نتا مسالي معندك خدمة ...

يوسف : الخدمة ازين نهار الاحد ؟ 

يسرى : هههه ومنعرف ...

يوسف : توحشتك ...

يسرى "ابتاسمت بخجل " : احم ههه شكرا ...

يوسف : وقمعاااااا تقمعت ...

يسرى : والله ما قمعة هههه 

يوسف : هممم فينك ؟ 

يسرى : انا في فاس دابا عندي شي غراض ...

يوسف : هاااح والله تا في فاس انا فينك نجي عندك ...

يسرى : مكاين لاش نقضي غراضي راسي شكرا يوسف ...

يوسف "تقرص " : اييه واخا ماشي مشكيل تهلاي ..."جات تجاوبو حتى قطع عليها " ...

يسرى : نوووو بفففف تقلق والله مقصدت شي حاجة ناااري ..."عاودات صونات ليه مبقاش بغا يجاوبها .." يووووسف بليييييز جاوب ناااري وتقلق وانا بحرا لقيتك ...ناااري يتقلق ومشا ليا الاعجاب ديال شحال غايمشي دقة وحدة ...بكلمة مقصدتهاااش ..."خبطت رجليها كتهرنن على زلة لسانها الي جابتها ليها ....

يوسف "دارها ليها بلعاني باش نيت تنجر معاه ويديرو حل مباغيش تاهو كترة الملاقية باغي حتى هي ترضخ باش الى نوا المعقول ميلقاش اشكال ..." : الى جاوبتك هاني لما عذبتك راني ماشي ولد رمسيس احم ...

في الكلينيك ...جابت ليه العدة ديال الاسعافات ...

تولاي : تقدر تشيل ملابسك فوق ؟ 

ايلاف : اييه بشيل (نحيد ) ...

راوية : احم انا غانخليكم تتكمل ليك ونرجع وخا ..."جات نايضة وهو يشدها من ايدها كلسها بزز بجهد تا ضحكت تولاي ..." 

ايلاف : جلسي معندك فين غاديا هاهي تكمل اصلا نتي عالجتيها بنفسك المرة الي فاتت ...

تولاي : ههههه ماشي مشكيل اختي عادي ...

جبدات ليه القطن والمعقم وبيطادين واللوازم الي تحتاج حتى دق الباب ودخلات واحد الفرملية ...كتبلغها بالي حالة مستعجلة بحاجتها هي ودكتورة المختصة ...

تولاي : تمام انا جايا ...ايلاف خلي راوية تعقم لك انا بخلص وبجي ...تمام ...

مخلاتش ليهم فرصة فين يهضرو دغيا طارت ...

ايلاف "كيحيد فالقبية " : ساعديني شيلها ..

راوية : هااا غير تسنى تتجي لاش نشيلها ...

ايلاف : لك ساعديني وخلصي حكي مابتسكتي انتي ساعديني ولا بشيلها راااسي ...

راوية "غوبشت فيه " : وغا بشوي مالنا تتغوت ...

ناضت لعندو كتعاون فيه حتى حلت ليه الباندة حتى حيدتها وحيد القبية ...بقا عريان من الفوق ...وهاهي تاني داخت بداك صدر المبندر المزغب وستيلو مذهب خخخخخ ....

ناضت كترعد تقابلت معاه وضار جيهتها فوق الفوطوي ...جبدات القطن اول شيء حلات ليه الفاصمة من بعد ما خوات عليها لالكول باش ترطاب وتحيدها دغيا ...حطتها جنب ...وبدات تعقم ليه وتنضف فيها ...عينيه هبطو لفمها نيشان كيشوفو فيه كيترعد ....صرط ريقو وعض شفايفو ...

ايلاف : ليش بتعملي فيي هيك ؟ 

راوية "هزات فيه عينيها " : شش شو احم اشنو درت ؟ 

ايلاف : ليييش ما قدرت انساكي يا حلوي ليييش ...ليش صورتك ببالي حتى تناسيت ببلاد الغربة رجعت شفتك جعلتي الميت حيث والحي طالع لسما ...لك شو ليش رجعت ليييش ...

راوية : الله مفهمتك ...اش كتقصد ؟ 

ايلاف : ليييش انتي خميلة "مكلخة " ....لك فوق ما راسك قاااااصح ابنتي فيك كلخ دنيا والدين ...هادشي الي قلت كلو ما فهمتي ايشي ...

راوية : راه تتخلط الفلسطينية مع المغربية ا ايلاف كلامك شي نفهمو شي لا ...هضر بدارجة ديالنا راه مكنتفرجش فالمسلسلات باش نفهمك كاين بعض الكلمات مكنفهمهمش ...

ايلاف : شكون هذاك الحمار ديال قبيلة ؟ 

راوية : اينا حمار فيهم ؟ 

ايلاف : ليش كم حمار كان ...

راوية : كانو جوج خخخ "ضربها لراس تا غوتت " ...مالك مالك راه راسي هذاك ...بغيتي تهرسو ...

ايلاف : بكسرو وبعيد تصليحو لا حتى تفهمي ...شكون هذاك الحمار ؟ فين كتعرفيه ؟ 

راوية : وراه كان كيقرا معايا ملي شدينا الباك كل وخذا الاتجاه فين بغا يقرا هو كيقرا هنا القانون وانا مشيت لفرنسا ....

ايلاف : وليش بدو يتزوجك ؟ 

راوية : بغا فحالو فحال رجال الي مباغينش شرجم ياغين يدخلو من الباب ...

ايلاف : وشنو قلتي ليه ؟ بغيتي ؟ 

راوية "تدهات مع سوان الي كدير " : ففف راك سمعتي وقجيتيه على شوي تقتليه ... لا بغيتي الجواب ...

ايلاف : بدي اسمع منك ....

راوية : مبغيتوش مغانبغييييهش مباغاهش واش غانبغي واحد معندوش مسؤلية دابا ...يلاه كيقرا شنو غايعيشني من مصروف باه ؟ خوتي مغايبغيوهش غايبغيو راجل مسؤل وقاد راجل فحالهم يحنتهم هما ...

ايلاف : كيفاش يحنتهم ... 

راوية : يعني يكون حسن منهم باش يتهناو عليا ...هادشي علاش غانبقا بايرة حيث مكاين تا راجل حسن من خوتي ههههه ...

ايلاف : ليش اخواتك انخلقو من طين من ذهب ...ابوكي حيوانو المنوي مغطس بالالماس مثلا ...

راوية "خرجت فيه عينيها مزنگة " : الله يمسخك مكتحشمش نتا ...

ايلاف : ليييش ؟ راح قولها لفؤاد هيك عيني عينك هههه ...قال لازم يكون احسن من اخواتي ...طيب ممكن كون انا مثلا ...

راوية : انتا ههههههههههه ...

ايلاف : ليييش ؟ حيوان المنوي تبع بييي مر بحروب الاقصى وتخطى حدود الصهاينة حارب وتحارب لحتى لحق عالبويضة وجيت انا ...لك المعنى الحقيقي رجال من ضهر رجال ضهر من وسط الحرب لحتى خلق وصار رجال ...

راوية : اينا حرب ؟ 

ايلاف : والله في حرب الاقصى وحرب الفرشة (الفراش خخههه ) ...الثانية اكثر بس لذتها شكل ثاني ...

راوية : المعنى ؟ 

ايلاف : اذا كان نصيب راح نجربها ...

راوية : الى فهمت بغيت ليا الباسر ...

ايلاف : خههههههههههههه في قلة ادب وسفالة احسن لك ما تفهمي ....

بقاو فالمصحة يتناكرو حتى لحقات عليهم تولاي ...بقا معاها شوي كيضحكو ويشد فراوية وشقاوتها فالصغر حتى وصل يوسف وعيط ليهم يهبطو ...توادع مع تولاي واكد انه غايرجع عندها محدو باقي فالمغرب زيارات غاتكتر ميمكنش ميجيش عند اختو فالرضاعة البنت الي بقات ليه من ريحة الاهل ...هبطو عند يوسف ركبو معاه وانطالق بيهم لفيلا ...طول طريق تيليفون يوسف ماسكتش كانت يسرى كتعيط وهو حلف لا جاوبها ...منها نيت باش متحسش انه رامي عليها راسو ....خاص يكون كلشي متبادل ماشي غير هو الي يلوح راسو عليها ...ماعرفتش راسها فيمن طاحت ....مشاو حتى تغذاو فواحد ريسطو عاد قبطو طريق راجعين ...

مسافة طريق حتى كانو داخل الفيلا ...كان العصر اذن بشحااال قريب المغرب ....دخلو لقاو شي فصالون شي فالمطبخ ...

حتى تمات جايا نجود ...

نحود : ولدي ايلاف سوانيتي ؟ 

ايلاف "باس راسها" : اييي يا ست الستات ...

نجود : شوية بعدا ؟ 

ايلاف : بنتحسن شوي الحمد لله غاديا مزيان فتحسن ...

نجود : الحمد لله...اه قاليك فؤاد لا جيتي دوز عندو نيشان لمكتب ديال باه بغاك هو اللول ...

ايلاف : تمام ...

دخلو طلعات راوية لبيت تبدل وتهبط ويوسف نفس شيء ...اما ايلاف ف مشا ديريكت لمكتب دق على فؤاد ودخل لقاه كيكمي قدامو قهوة كحلة ...

فؤاد : ايدك ؟ 

ايلاف : الحمد لله درت ليها سوان غاديا فتحسن ...

فؤاد : مزياان ...شفتيها ؟ 

ايلاف : هههه ايي شفتها مزيانة بتسلم عليك ...

فؤاد "حنحن " : دوا معايا ...يومين ويخرج ليا تصريح باش نمشي لهيه ...عندي غير اسبوع بضمان من عندهم ...

ايلاف : والله اي ممتاز ...بس علاش بغيتي تمشي وانا نبقى ...

فؤاد"ساط دخان وعطاه سيجارة ولاح ليه بريكة باش يشعل " : تقدر تقول عرفت خلاص نتاكد ...ماشي ساهل من نهار خرجت بكفالة وانا خدام ...ماشي انا الي نستسلم ...

ايلاف : ايييه ؟ 

فؤاد : خاصني نتاكد من شي حاجة ...كنتسنى يوصلني فالبريد عندي نشوف ...غادي نقارن ...طبعا المدام عندي غادي تعاوني ...

ايلاف : هي الوحيدة الي غاتميز ليك الريحة ...

فؤاد"جاوبو باه براسو ...شوي هز صبعو " : من قبل شمتها فالحفلة ديال اخر مرة كانت معايا ...

ايلاف "تگعد باهتمام " : حفلة جيفيتوف بموسكو ؟ ايه كمل ...

فؤاد : جاني ليست ديال الحضور الي كانو كلهم .تما ...دابا خاص نتاكد ولكن باش ناخذ الاعتراف خاصني نمشي ونكون تما نكمل فاقل من اسبوع ....

ايلاف : بمين شكيت ؟ 

فؤاد "عوج فمو قبل ميعض شفايفو " : الشخص الي كان ليه عداوة مشتركة معايا انا والي كان خطيبها والسبب هو انا ...

ايلاف "كيتفكر حتى قفز " : لاااا متقولها لااا ما يمكن يكون هو الشخص ؟ 

فؤاد : هو الي عندو مصلحة ...

ايلاف : مصلحة بس هو حاول يدمرك ...

فؤاد : بالغلط هو عينو فيا انا ...هادشي منتاكد منو تانعرفها من فمو هاد الشخص ...

ايلاف : والله ما كانت بببالي والله ما طاحت ليا على البال والله ...بفففف ...كيف عرفت ...

"خنزر فيه " ....ايييه صحيح قلتي لي الريحة نفسها ديال الجريمة كانت في الحفلة وهي نفسها مولاها الي عندو هدف من هادشي ...لك ايييش هالجنون ايييييش ....

فؤاد : ماشي مشكيل ماااشي مشكيل من هنا لديك ساعة ليا حساب ...

بدلات حوايجها من بعد ما غسلات وجهها وحالتها ...حطات ضرف في المجر ...رشات ريحة كترشها فدار ...وخرجات من البيت غادا حتى تلاقات بيوسف وخا كتهضر معاه حاس بيها مقلقة من تصرف الصباح ...حدرت راسها وتمات غاديا حتى وقفها ...

يوسف : اجي لهنا لملتك ...مال مك ؟ 

راوية : مماليش ...

يوسف : شوفي فيا ؟ 

راوية "هزات فيه عينيها "...

يوسف : هههههه اتنضحك مع جحشة ديال ختي ...اجي بوسي خالك ...(تقولها ليها ديما هي ولا اجي بوسي خوك ) 

راوية : هههههه "تلاحت عنقاتو " ....

يوسف : ااح على بنتي اح على زيتونة مرات باباي خخخ..

راوية : وحشومة عليك ...اهى ...

من بعد ما تعشاو وجمعو الطابلة استاذن اب يامنة باش يمشي ينعس حيث الغذ ليه فاسق بكري باش يرجع لبلاد ...عاد يجيو هما من بعد يومين يطلبو ايد سارة ويخطبوها من دارهم ...

يوسف "طل على نجود في المطبخ " : الوليدة ...عفاك واحد دكة الله يرضي عليك بغيناها في جردة جالس انا وفؤاد ودراري ...

يامنة : فؤاد نقصو ليه من سكار في اتاي غاندير ليه قهوتو كحلة احسن ؟ 

يوسف : تاهو بغا اتاي امرات خويا العزيزة ...

يامنة : ههههه واخا ...

يوسف : فاش يوجد داكشي رسليه مع راوية ...

داكشي الي كان وجدوه ليهم وعيطات نجود لراوية ...

في جلسة رجالية بامتياز ...من بعد سنوات ما رجعو تجمعو عليها ...من بعد ايام وسنين مبقاو عاشو هاد اللحضة ...الخوت من الكبير لصغير فيهم كانو كيتجمعوها وديما مترأسها كبيرهم الي هو فؤاد ...بالهيبة ديالو الا انه مكيمنعش عليهم هاد اللمة ضروري ميعيشوها شي نهار وخا كان الايام كتفرقهم وسنين ضروري يعيشوها ...يضحكو يناقشو يعرفو احوال بعض على المباشر وليس بوسيلة تواصل ...

ايلاف "كيكمي " : لك والله اشتقت لها لمة ...

صهيب : لمة الاحباب زينة ...

ايلاف : وعريسنا وسطنا ههه 

يوسف : عريس الغفلة هو هذا هههعع ...

فؤاد "غير حاضيهم داير صباعو على فمو متكي عليهم " ...

صهيب : ونتا مناويش ازين ؟ 

يوسف : مزال تنرودي ...

صهيب : باغي تزوج بالبنت ولا بحمارة سيدي قاسم ؟ 

الياس : هههههههههههههه "غاتيضحك مقادرش يهضر حيث فؤاد كاين مزال واخذ منو على خاطرو " ...

صهيب : نتا اخويا ايلاف مناويش ...

ايلاف "قاس ليه العرق النابض تاع هاد الموضوع هههه " : مابعرف لسا بكير ما بعرف بحسب النصيب ...لازم ضبط اموري ...

فؤاد : الى كان قد المسؤولية "شاف فيه بمعنى اخر " علاش لا ...

صهيب : ههههه يكون خير ....

واحد شوي حتى تمات مخرجة ليهم راوية صينية اتاي هي لولة حطاتها ليهم فوق طابلة ...ورجعات خذات من عند يامنة الفاكية وشي لعيبات معاها ...حطاتو ليهم هاديك تمد ولوخرا تشد ....

فؤاد "استغل الفرصة راوية كتحط دراري شادين يتيلفون ويوسف كيشد من عند راوية ...هز عينيه فيامنة شافت فيه باسها من بعيد وغمزها ...حتى تزنگات وابتاسمت ليه حتى بانو سنيناتها صغيورين هههههه ...."....

كملت الحطان واستاذنت منهم شاف فيها ايلاف وابتاسم حتى حدرت راسها ومشات ....

يوسف : دابا نتا ايلاف تبغيها مغربية ؟ 

ايلاف : وفي احسن منها بعد بنت بلادي ...

يوسف : تاهنا بلادك اخويا راك كبرتي معانا غير الغربة بعدتكم ....

ايلاف : الي فيه النصيب بيصير ...

فؤاد : صهيب من هنا سيمانة جايا غادي نمشي لموسكو ...يوسف سيمانة جايا يامنة عندها موعد مع طبيبة ...ديها معاك ...

يوسف : ايه مرحبااا على الراس والعين ...

فؤاد : في امانتك ...

يوسف : توصيني على ختي ومرت خويا ...

فؤاد : عارف ومتاكد ...

صهيب : تصريح خرج ليك ؟ 

فؤاد : يومين ويخرج ...

صهيب : دير فبالك غير استثناء يعني توصل لمدة وترجع باش ميوقعوش مشاكل يعرقلو القضية ...من جيهتي غانجيب معلومات نجمعهم ...ونكمل الملف ...

فؤاد : معنديش شك فيك ...

بداو يتناقشو ويهضرو ويضحكو تاني موضوع يجبد موضوع هالي مهموم وسرح بخيالو وهالي مشوي وكيخوي ما فخاطرو ....

ايلاف : يوسف عن قريب يتزوج اذا صار نصيب ...صهيب الله يتمم لك على خير فؤاد ولي العهد جاي عن قريب ....الياس ...

الياس : مزال تنكمل قرايتي ونخدم نكون راسي نولي كاپابل خليوني غا نشهد ليهم ونحضي ليكم دراري صغار ...تيسر غا نتا ...

ايلاف : طب بزمتكن بزمتكن مثلا لو اجيت بدي اتزوج وطلبت منكن تخارولي عروس من عندكن يعني احم من عندكم من عائلتكم تقبلو ؟ 

فؤاد "كان متكي على ايدو " : الى قدرتي على مسؤليتها ...شوف نتا حياتك كي دايرة وعليها تيسر ؟ (كيمعني ليه على خدمتهم ) ...

ايلاف : قدها وقدود نتحمل ونفوتها لهيه ماهي غاتولي مرضي عرضي وشرفي وحرمتي بفديها بدمي وبسناني راح تكون تحت جناحي ...مراح يوصلها شي ...

فؤاد : عارف عارف ...

ايلاف : مثلا لو اتزوجت اختك راوية مثلا ...

يوسف : ايوااا ...

صهيب : اوپلااااا ...

يتبع...