يامنة الجزء 62

كان متكي عالكرسي شاد ستيلو كيلعب بيه بصباع ايدو ...حتى دار طرررراق قسمو على جوج ...تگعد فبلاصتو وقرب لعندو مصغر عينيه لاح ستيلو مقسوم على زوج ...رجع كيدوز على لحيتو وكيشوووووف فيه بواحد نضرة وترات ايلاف بجهد ...

ايلاف "حدر راسو كيعض فشفايفو بتوتر " ...

فؤاد "هبط صباعو كينقر فوق المكتب نقرات نقرات نقراااااات ...خلا ايلاف يقول مبقيت بغيت بو زواج غا سمح لينا اسي… ندم هههه ...حنحن ونقر نقرة بجهد قبل ميوقف ويضور جيهة ايلاف ويجلس فالكرسي المقابل ليه فرق رجليه وحط مرافقو كل مرفق فوق رجل وجمع ايديه شابكهم وحطهم تحت ذقنو مقابل معاه كيشوووف فيه " : علاش ؟

ايلاف"هز فيه عينيه " : شوو ؟ 

فؤاد "عض شفايفو حتى ولا فمو بيضضضض " : ع لا ش ؟ 

ايلاف : شو هي علاش ؟ عادي طلبت ايدها على سنة الله ورسوله شو الي علاش ايش الغريب بالموضوع الزواج على سنة الله فيه غرابة ؟ لك والله مفهمت يا فؤاد ...

فؤاد "ساط واحد سوطة حتى وصلو انفاسو سخونة لوجه ايلاف حتى غمض عينيه من حر ديك الانفاس " ....

ايلاف : اي بعرف بدك تعرف ليش طلبتها هي بالضبط ...فؤاد انا بعرفك بتحب دغري صحيح راوية عرفتها صغيرة وانا اكبر منها ربيتها مثلكم فترة بسيطة حبيتها مثل اختي الزغيري ...بس لما صرت بدي اتزوج شفتها كبرت وعجبتني وشفت فيها ست البيت عندي يعني كلشي بالحلال وانت اكثر شخص بتحب كلشي نيشان ودغري ....

فؤاد "دوز على ذقنو وهاد الحركة كيعرفها ايلاف بالي فؤاد صبرو كيتقادا يا طلقني يا غانتصرف نيشان " : سولتك ؟ ايلاف !!! 

ايلاف : اييييش فؤاد ايششش قلت ليك اشنو كاين اخويا يا خيوووو ايش بدك اييييش بعرف ها الحركة فؤاد بعرفها منييييح رفيييقي ما نحنا اخوات ورفقات ...بعرف حركاتك وايش بتعني ...نفذ صبرك ؟ 

طيب انا بدي اختك ...اختك حبيتها من اجيت كان اعجاب كنت بتابعها بسناب وانساغرام لما كبرت وبتابع حركاتها لك والله حبي الها طاهر ولما ما صبرت صار بدي اتزوجها لحتى يصير كلشي حلال ما اخذلك لك انت اخي لحمك متافي من خيرك انت واهلك ...بدييش خون الامانة بديش خون الخبز والملح راوية بشوف فيها ام ولادي وسندي لك 

والله بحميها من حالي قبل كلشي والله كيف ما انت تصرفت بزواجك والله لا اعمل اكثر واكثر ...حتى اني بفكر انو خفف من الصفقات وخفف لا حتى يقل الخطر اكثر واكثر ...بعرف مستحيل نخرجو من هذاك العالم بس خفف والله مثلي مثلك مثل اي واحد بعملنا متزوجين وعندهم عيلي ....بدك تقول ما بقدر احميها ؟ في نضرك الي مريت بيه من وانا صغييييير في بلدي وعملي وفي الغربة هنا وروسيا ...مو كافي يعلمني احمي واتحاما ؟ في نضرك اذا بدك شخص وحبيتو اكتر من حالك ما بقدر احميها ؟ ولا يمكن معندي اهل ما بشرفك ؟ 

قبل ميهضر خبط فؤاد طابلة الي بيناتهم ونقز ليه نيشان عروق نواضرو خارجين طار ليه على ايدو برك ليه على جرحة غرس فيها ضفاااارو حتى غوت ايلاف بحر الالم ....

فؤاد "عينيه ولاو حمرييييييييين " : شنوووو وقع حتى طلبتي زواج ؟؟؟ "عض سنانو حتى بان الفك ديالو كيترعد ...

ايلاف "مغمض عينيه بحر الالم وخا هكاك حاول يصبر بزز وخا راه ربي الي عالم بيييه " : كييييف بدي احكي وانت ماسك ايدي الي بتوجعني كيييييييففففف افففففف ....

فؤاد "زاااد ضغط حتى خرج دم من فاصمة وخرج من تريكو " : ه ض ررررررررررر ..."غوت بجهد " هضااااااااار ...

ايلاف : الحكيكة ( الحقيقة ) الحقيقة اني بحبها والله بحبها وحبي طاهر والله ما صار ايشي قلت لك من قبل جسيت نبضك بالمزح قبل يومين ...

طلق منو فؤاد خلاه شاد ايدو وجهو كامل عرق عاض شفايفو كيتنفس وايدو كتحرقووو ...

فؤاد : طلبك مرفوض ...

قاليه زوج كلمات لا ثالث لهما ...معاودش الهضرة موراها ساس ايدو وخرج من المكتب خبط الباب وراه بجهد خلاه كيترجع ياخذ انفاسو عاد يستوعب شنو قالسه فؤاد وعلاش رفض ؟؟ اشنو بغا مزال جاه نيشان كيف كيبغي ...ايلاف كانت رغبتو هي هادي لو موقع الي وقع ....

بقا حتى تنفس رجع ليه الحريق وناض شاد ايدو خرج من المكتب داز من حداهم ...

نجود "بان ليها كتفو عامر دم خارج من تريكو وهي تشهق " : اويلي ولدي ايلاف اش وقع ليك ؟ ايلاف اييييلاف ...تمات تابعاه تا وقفاتو ...

يوسف وصهيب مكاينينش الياس مشا لسطاج ديالو وقرايتو ...البنات طالعين عند راوية فؤاد خرج من عندو ضار جيهة لاخرا وخرج مشافوهش ....حتى تبعاتو البيت لقاتو جلس وشاد ايدو معصبببب وعينيه حمرييييين ...

نجود ؛ ايلاف ؟ شنو وقع لايدك ؟ 

ايلاف : فيش ايشي سليمة ...

نجود : ولدي شنو واقع ايدك كتنزف ملي خرجتي من عند فؤاد فين هو ؟ 

ايلاف : يمكن راح خرج والله ما بعرف والله ...

نجود : ايلاف شنو واقع بيناتكم ؟ 

ايلاف : فيش ايشي بس يمكن كسرت الايد الي تمدتلي وساعدتني يمكن خيبت ضن اخي ورفيقي فيي بس انا مطلبت ايشي بس طلب مثلي مثل البشر بدي اتزوج حالي حال اي شب ليش في ايشي غلط بالموضوع امي ؟ 

نجود "جلسات حداه وحطات ايدها على كتفو " : الحلال على كلشي زواج الى بغيتي تزوج نتا خيرة الشباب اولدي شكون الي ميبغيكش ونتا راجل يحلفو بيه الرجال من صلب الرجال ؟ فلسطين بلد الرجال والناس الواعية المثقفة ...كبرتي معا دراري فواحد الفترة وعشتي معانا مشنا منك غير الخير ...

ايلاف : بس يمكن كسرت هالشي يمكن غلطت وجريت ناس معي ضلم يمكن كان لازم اطلب هالشي بضروف غير بس والله هاي نيتي من اول والله ...ليش رفض 

نجود : بلاتي شنو طلبتي حتى رفض ؟ 

ايلاف : ليك شووووو احكي وما احكي ...بس لا حتى تعرفي كل ايشي وحطك بالصورة راح احكي لك من اول لا حتى ما بين اني كذاب او منافق ..."عاود ليها كلشي وكيفاش حصل يوسف راوية " ...والله بحبها وبدي ياها حلالي والله امي ...بتشكي اعمل ايشي وبطعن بشرف ؟

نجود "حطت ايدها على فمها " : هادشي علاش كلات دق ؟ ونتا يا ايلاف تحكم فراسك علاش درتي هاكا ؟ طبيعي يديرو هادشي وكثر وكون عرف فؤاد والله حتى يقتلها والله ...

ايلاف : شربت زيادة شوي احاسيسي المكتومة خرجت للعلن ...بس والله طلبت ايدها لزواج والله وبعدها دخل يوسف وصار الي صار ...والله يا امي بدي اياها بالحلال والله ...اذا ما بشرفكم والله راح روح ووجهي عمركم متشوفوه ولكن بالاول شكحو ليا بزااااف ...

نجود : الله يهديك الحلال كيقوليه شي حد لا ؟ وعلاش فؤاد يرفض ملي معارفش ؟ 

ايلاف "عاود ليها علاش كيفاش سولهم بضحك " : كانت نيتي بالاول اول ما شفتها نية حلال ...دخلت من الباب ماشي من شرجم كيف ما بتقولو ...اجيت دغري ما عملت حركة اللف ودوران ...

نجود : غير صبر وتهدن ...دابا نهضر مع فؤاد ونشوف علاش وتانتا صبر ميكون غير الخير انا من جيهتي والله منكرهك ليها ولكن دير فبالك راها ختهم الوحيدة راه شافو على قبلها الويل تا رباوها بلا متحس بنقص اللم يحساب ليك انا الي ربيتها ...انا كبرات على ايدي ولكن هما يوسف وفؤاد داروها بنتهم ...يمكن صعيب عليه يزوج ختو يمكن بغاها تقرا ...

ايلاف : ليييش ؟ انا راح امنعها ؟ بالعكس تعيش احسن بوفرها لها كل ايشي محتاجتو ويمكن بتركها تدرس براحتها بس تكون على زمتي ...لك بالحدث بيقول " يا معشر الشباب من استطاع منكم الباءة فليتزوج " شفت حالي 

يمكن طيح بالحرام طلبت ايدها تاكدت انها كبرت وصارت عروس حلياني بديش ضيعها من ايدي لك والله كنت حابس حالي قبل بالغربة بس لما شفتها تحرك الحب من ناحيتها كان دفين وطلبتها بالحلال ...

ولا لاني مقطوع من شجرة اهلي ماتو بالحرب صرت وحيد مبشرفكن ...عادي والله عادي يمكن حرام اتزوج لانو اهلي ماعندي طبيعي بدكن الي بالاصل وابن اصل ...لك مهما عشت معن بضل شخص غريب والله عادي الله يسهل ...بكرا راح ارجع والله يسر لها والكن ..

كان كيعاود ليها وغافل على واحد شخص الي كان جاي يفضي الحساب حتى سمع الي سمع على وذنييييه ...

نجود بقات تشوف فيه بقا فيها بزاااااف صعيييييب تعييش بلا اهل وخاصة اهلك ماتو قدامك في الحرب وخلاوك وحدك الي عشتي وتقاتلتي وحدك حتى وصلتي فين وصلتي ...هكا ايلاف عاش ناجي من الحرب وجا المغرب لاجئ حتى قرا وهو صغير ووصل فين وصل دابا بعرق كتافو غير المكاتيب الي رماتو لهذاك المستنقع باش يعيش فضل يتاجر فالاثارات على انه يتاجر فالمخدرات الي كتقتل ولا في تجارة الاعضاء الله هاكا ولا هذاكشي ...

نجود : عمري نسمع منك هاد الهضرة عمري ...ايلاف نتا فحالك فحالهم راك عشتي معانا عانيتي معانا تا طلعنا درجة درجة نتا مننا وفينا دراري خوتك نتا مغريبي بالعيشة والعشرة اما فلسطين كتبقى بلادك الام ...الى مشيتي بالله حتى نتقلق منك ...والى على زواج يبرد فؤاد ونفهم منو ...والى فعلا هضرتك صحيحة بالله حتى راوية الي تكون ليك وخا يتقلق فؤاد ينطح راسو مع الحايط ...

الزواج راه باها كاين والراي كيبقى ليها الى بغاتك معندو ميهضر ...

ايلاف : لك امي...

نجود : تزيد كلمة نتقلق ...ايوى لاش قاليك مقطوع من شجرة وانا ؟ صرفقت فيك تا عييت ؟ اش كندير ...

ايلاف "ضحكاتو بزز " : هههه تصرفيقك عراسي هههه وها "باس ليها راسها وايدها " حقك عراسي انا مغربي فلسطيني هااا ايش ثاني ؟ 

نجود : ونسيبي جاي هههه ...نوض داوي ايدك براكة عليها راه طيبتيها غادي تسبب لراسك فشي كارثة لاش عزيز عليكم تاكلو دق غا هكاك طيبتوني ...نوووض 

ايلاف "ناض متوجه لدوش " : تمام تمام غير تهناي ...

نجود : مزويناتك ملي تهضر بلهجتنا ...بقا هنا رتاح يكون خير ...

ابتاسمت ليه وخرجات مشات لمطبخ عاد تشوف شنو دير فهاد الحريرة ...لو مكانت هي راس الكبير والعقل الحكيم كانو قتلو بعضياتهم ربي مكيعطيك الحاجة الا وفيها حكمة ...غير هي خرجات تسناها حتى مشات ودخل البيت جلس فوق الفوطوي حاط رجل على رجل كيتسنى فيه يخرج على راحة راحتو ....

في جردة جالس صهيب تاهو كيفكر فهاد الحريرة الي واقعة وكيحسبن ويفكر مسكين جاو تا بغا يخطب وناض رفع فينما يبغي يتيسر يشوف شي بنت ناس يوقف الفاس فراس هههه من قبل ميتزوج فؤاد كان ناوي تقلب ليه مو على بنت ناس بالمواصفات الي بغا مباغيش يطيح فالحب يكفي انه مر بتجربة فاشلة ايام الجامعة ...كاي شب مر بيها …ف اكتفى واقتانع انه الزواج تقليدي انسب ليه 

حتى ربي كتب عليه سارة جاه حب وزواج تقليدي خطرة وحدة وهنا ثاني ربي كبير فاش كنمرو بتجربة فاشلة كيعوضنا الله وكنساو تماما الي داز علينا ....

صهيب "فالفون" : امتا خرج ؟ مزيااان عطيني كوبي رسلو ليا تنجي ...طبيب شرعي ثقة هذاك البق ميزهق عليه والله ميعقل عليهم ...مزيان مهم رسل ليا الملف باش نشوف شنو خرج فتقرير طبيب شرعي ..وعليه .."قطع وهي تبان ليه سارة واقفة بعيد مربعة ايديها .." بسسس اجي لهنا نتي 

سارة : لاااش ؟ 

صهيب"خنزر فيها " : اجي لهنا قاليك لاش ..اجي جلسي حدا خطيبك خههه ...

سارة "تزنگت " : لا قول من تم ...

صهيب : تجي ولا نجي ؟ 

سارة : وناااري هاني "مشات لعندو وجلست مقابلة معاه بعيدة " ...

صهيب : لاش بعدتي اجي قربي حدايا ...

سارة : لاااا ...غاتهضر ولا نوض ...

صهيب : وعلاش هادشي ؟ راه غانولي جاوجك حلالك ديري مبغيتي عريني بوسيني ك..احم ..."جات نايضة. وهو يشدها كيضحك " اتعالي هنا لمك هههه ...جلسي صافي ...

سارة : واااهضر ...

صهيب : هههه "جبد من جيبو بزطامو وجبد منو كارط گيشي اخرا حطها ليها " ...هاكي هادي تقداي منها الي خصك في دهاز ولا معرفت مهم راه وصيت الوليدة تقدا معاك هي ويامنة وراوية ...فاش نجيو نديرو العقد تكوني موجدة كلشي غايديكم شيفور لدار حطي فيها داكشي و ها "مد ليها ساروت " هذا ساروت دار غايبقا ممعاك ...تيليفون غاناخذ ليك واحد جديد حسن من داك شقف الي طيبتيه بدوك ضفار حتى ولا طاكتيل تشوفهم وتبرك على راسها راسها...

بقات تشوف فديك لاكارط وساروت مزعماتش تشدهم جاها كلشي بزربة وخا هكاك حسات بالفرحة ولكن باش تشدها مزال مزعمتش نهائيا محسات غير بايدو ساحبة ايدها وحطهم ليها فكف ايدها وكمشها ليها عليهم ...

صهيب : ايام وتولي على ذمتي اسارة هادشي طبيعي وحقك ...هاهي الكود ديالها 7078 غاتعاونك تا الوليدة الي خصاتك متردديش فيها الي يكفيك ويبقا معاك تاتقنعي والي خصاتك نزيدك ...دابا اي حاجة ديالي غاتولي ديالك ...حاولي تعودي على هادشي ...تفاهمنا ؟ 

سارة "جاوبات براسها كعضعض فشفايفها حشمات بزاف صحيح لسانها ماضي معاه لكن وقت الجد كضرب طم " : هنممم ...

<< خرج من دوش عريان كيقاد فلصقة ديال فاصمة وجهو ولا بيض حاس بفمو ناشف وعياااااان حاس بروحو مريضة وفحال بغا يمرض مع الخرجة حتى لقاه جالس حاط رجل على رجل بشكل متفرق ....

ايلاف "بنفاذ صبر " : لك والله ما الي خلق والله ضربك وكلامك القاسي عراسي والله انا الغالط فكل ايشي بس البنت والله ما الها ذنب والله ...

يوسف "حط صبعو على صدرو " : انا دويت دابا ؟؟

ايلاف : لا بس والله تعبااان ما بدي اعمل اي ايشي ما بدي اتخانق معاك مبغيييييتش نضاربو منقدرش نزيد نضربك الى ضربت راه غير على وجه اختك لانها ماتستاهل الحالة الي درتي فيها ...يوسف اي ايشي حقك عراسي انا الي ذنبي مو انت ..."عينيه كطيح عليهم ضبابة عيا بالمعقول مع ديك جرحة الي مخلاهاش تبرا ...كيغمض عينيه ويحلهم " 

يوسف : سمعت شنو قلتي الوليدة ...فنضرك لو دخلتي ولقيتي ختك فهذاك الوضع اشنو ممكن ضن ؟ 

ايلاف : بقتلها مابخلي سمعتي تتلطخ ..

يوسف : هاااا اذن عندي الحق ...

ايلاف : بس في حالة اختك هي مو ذنبها سماع مني (عاود ليه البلان ) يعني انا الغلطان ...انا الي لازم تقتلني ...

يوسف : منترددش ...ولكن نيتك مزيانة ...غير هو صعيييييب باش نسا داك المنضر في حالة وحدة ...

ايلاف "كيحل عينيه باغي ضبابة تحيد " : شووو ...

يوسف : الى وافق فؤاد على زو...مجا فين يكملها حتى طاح ايلاف قدامو واحد طيحة تا تزلزلت لارض تحت من يوسف بديك الخبطة مع صحيح وطويل لكم ان تتخيلو ....حتى ناض يوسف على وقفتو عينيه خارجين فيه ...

يوسف : ايلاااف ..."مشا لعندو كيجري " ...ايلاف اش واقع ...اناري مالك ؟ "شاف فجرحة باقي تتنزف محسش براسو حتى طار كيعيط لطبيب ...

بانت ليه نجود وصهيب داخل هو وسارة كيضحكو ...

يوسف : صهيب دخل عند ايلاف شوف مالو انا نجيب طبيب بزربة ...

صهيب "خرج عينيه " : شنوو. ؟ شنو واقع مالو ؟ ...نجود شمعاتو مشات كتجري عرفاتو من ديك جرحة ومشات كتجري لعندو وحتى صهيب تبعها ....ويوسف خرج يجيب طبيب ...

راوية ملي فاقت وهي جالسة في بيتها مخرجاتش كتجيب ليها غير نجود متاكل مقدراتش تخرج ...غير كتفكر وتبكي ...اما واحد مولاتي يامنة فسيدي فؤاد عيط ليها وهبطات لعندو وداها لواحد البلاصة فين يبقى غير هو وهي ...وملقا من غير ديك الريسطو الي فديك الغابة الي كانو مشاو ليها من قبل ...كان جو زويييين ....خذا ليه كاس قهوة محلة مبعد باش يكمي وهي خذا ليها عصير الحامض وكيك الايسكريم الي طلبت ....

يامنة "بان ليها مقلق وغير كيخمم " : فؤااااد ...

فؤاد "ضور وجهو كيشوف فيها " : نعام ...

يامنة : مالك مقلق ؟ 

فؤاد "ساط دخان حتى صغر عينيه " : شنو بان ليك ...

يامنة : هههه مقلق ...اشنو واقع ؟ 

فؤاد : الي واقع مكان عالبال ولا يطيح فالبال يمكن عادي ولكن باش تقبلو صعيب والوضع صعيب بزاف عليه ...

يامنة : مفهمتش ...

فؤاد "حك راسو من لور وساط بفمو " : ايلاف بغا يتزوج راوية ...

يامنة "بفرحة " : بصح ؟ حلف حلف 😍😍...

فؤاد : لااا ...

يامنة : علااااش ؟ 

فؤاد : علاش نتي فرحتي ؟ 

يامنة"ببرائة" : عاادي واحسن حيث نتا قلتي ليا بغيتو ليها الي يكون حسن منكم وهو كان عايش معاكم وصاحبك يعني هو احسن ليها ونتا كتعرفو مزيان ...

فؤاد : خدمتو فحال خدمتي في نضرك غايقدر يحافض عليها ؟ 

يامنة : اه حيث الى بغاها راه غايقدر فحالك نتا والله وخا فحال خدمتك راه يقدر والا مغاديش يبغيها يتزوج بيها وقالها ليك حتى عرف راه يقدر ...نتوما كتعرفوه مزيان وكتعرفو محتارم وشحال من حاجة دارها على قبلك ...شوف انا عاقلة فش تزوجنا هههه مكنتيش باغي ولكن مبقا وقع والو كلشي داز مزيان ومكنتيش باغي سكونو عندنا الولاد والله حطو فطريق وهانتا بغيتيه …كان كيقوليا با وميمة اي حاجة ابنتي يامنة طرات ليك فيها حكمة وخير ليك مكنتش كنفهمها ولكن من هادشي الي وقع بديت كنفهم شوي بشوي ...

فؤاد "كيسمع ليها حاط صباعو على فمو ومركز فيها اشنو كتقول واش كتحكي " : الزمان كيدوز والراس كيدوزو عليه المطارق والهموم كتكبرنا وتعلمنا ...امتا كبرتي اجنة ولادي ؟ ...

مشا يوسف جاب طبيب بسرعة من الكلينيك دغيا وجا دخل هو وياه شرح ليه حالتو بالي مغرز على ايدو ولكن لحد الان راهم معارفينش بالي مضروب برصاصة ...كيقولو ليهم غير حادث وصافي ...حتى دخل ودخلو لبيتو لقا نجود كتمسح ليه العرق سخانة طلعت ليه ...وكيهتهت ....

يوسف : هاهو ...خويا معتز ....

معتز "كيجبد فاللوازم " : وخا خرجو عفاكم غير نفسوه بينما شفت جرحة ...

يوسف : وخا ...خرجهم يوسف ...بقاو شحال كيتسناو ...شي ساعة تقريبا وهو معاه لداخل ...حتى خرج لعندهم كيسد فالشكارة ...

نجود : كيف بقا ...

معتز : دابا مزيان الجرحة التهابت ليه بزاف مراعاش ليها حتى تفكو الغراز ...دابا عطيتو شوكة تهبط سخانة وعطيتو سيروم علقتو ليه فيه دوا ضد الالتهاب ...ملي شرح ليا يوسف جبتو معايا درت بالحساب ...غير يكمل ليه حيدو ليه يوسف ولكن غير بشويييي باش متنزفش ليه بلاصة فين دگيت ليه سيروم فايدو ....

يوسف : وخا شكرا ...راه با عبدو غايوصلك وشكرا خويا معتز...ابتاسم ليه ومشا خرج فحالو ...

يوسف "عض شفايفو " : الوليدة ديري ليه شي حاجة يشربها ولا ياكل ...قاليها هاد الهضرة وخشا ايديه فجيابو ومشا خرج لجردة حتى تبعو صهيب من بعد ما غمز مو باش دير شنو قاليها ووصا سارة طلع عند راوية تشوفها ومشا تبع يوسف ...

لقاه واقف داير ايديه وراه وكيشوف فلابيسين الي خاوي سارح بخيالو ...حتى حنحن ...

يوسف "شاف فيه بمؤخرة عينو " : صهييييب مرانيش فمزاج الي نهضر فيه والله ...

صهيب : واش انا دويت ؟ 

يوسف : غا قلت وصافي هنيني ...

صهيب : لاااا نعرف فاش كتفكر ...

يوسف "ضار مخنزر فيه " : اش بان ليك ؟ كنفكر فيك ...

صهيب : ورااه طبيعي انا راه الحب الكبيدة ...

يوسف : سير راه غانملخ مك ...

صهيب : ماااالك دابا ضور دورة وتملخ مي مالك مملختيه فالح غير فيا انا وختك لاش هادشي علاش؟ بغيتي خوك يعرف ؟ 

يوسف : ههههه كون عرف مغانعيش لا انا لا هي لا هو ...اوديييي حمد الله لقيت داكشي انا ...

صهيب : شنو دخلك عندو ...

يوسف : كنت جاي نتفاهم معاه حتى سمعت بودني هضرتو مع الوليدة ...وعاود ليا هو ...

صهيب "ربع ايديه " : ايه ؟ شنو قال ...

يوسف "عاود ليه كلشي " : شنو بان ليك ؟ 

صهيب : هاهو بغاها لحلال اصحبي مالكم فهاد تعقيد واش غاتلقاو ماحسن منو يحن فيها غااا عطيني لوجيييييك ها عار الله ...مفهمتش هاهو باغيها لحلال اقسم بالله كون شي حد كون هرب وغا قوليا بحسب مقلتي ليا شنو قاليك ....

يوسف. : ديك الوضعية قليلة الادب منقدرش نتفكرها ...

صهيب : اتزوج وتولي غا تعاويد وضحك والله ايوسف انا كتر منك والله كون معرفتو راجل ومعقول اقسم بالله تنقتلو راه ختي هاديك وشرفي حتى انا هي صعيبة وليني لوجيك هو هذا بغاها لزواج مرحبا راه باغيها من قبل كون فيه دغل كون تفلى شحال هادي ماشي تالدابا ووسط دارهم ...

هانتا بفمك قلتيها جاب الله نتا وتانتا كون تحطيتي فهاد الموقف مع يسرى ؟؟؟ شنو دير ...

يوسف : باغيها لزواج اصلا ناوي معاها لحلال فاتحتها ولكن دابا مكنهضروش تنسالي المعمعمة ...

صهيب : هااااا اذن تاهو نفس شيء واش حلال عليك مع بنات ناس وحرام عليه هو ؟ واش هو جا قاصد الباب ايوسف والله متلقا ما احن عليها منو بالله من صغرها وهو لاقي عليها ضرب وهاهي كبرت ومزال كيلگا عليها وفاتح خوك نيشان مراوغش ...

يوسف هي مغالقاش حسن منو تا دابا لا بغا فؤاد والوليد متسالني غير نفرح ليها 

صهيب : هاااالمفييييد ...

يوسف : شنو درتي نتا مع سارة ...

صهيب : هاني فالمفاوضات عطيتها تقدا وتوجد راسها ...

يوسف : امتا دخلة ...

صهيب : سوقك ؟ 

يوسف : نوجد راسي ؟ 

صهيب"تيقلب على شفارو باش يرمش " : تا مال مك باغي ندخل عليك نتا ؟ 

يوسف "قوس حجبانو تيرمش فيه " : ممستعدش نفسانيا ...

صهيب : كيفاش ؟ اويلي طليتو خضر ...

يوسف : ممستعدش للاستكواء ...

صهيب : هااا ...

يوسف : والاستأواااه ...(الاااه)...الاستحواح ...

صهيب : اممم ؟ 

يوسف "غوت مشربن " : ونتاااااا مستعد لهادشي ...

صهيب : تا مالك تتغوت مستعد من دابا.... تتشك في فحولتي ؟ نوريك ؟

يوسف : وماعرت ماااعرت افار الگبص ...

الراحة هي راحة البال ...الى كان بالك مرتاح ميهمكش الباقي الى حطيتي راسك على المخدة ونتا هاني البال ميهمكش الباقي ...لا لقيتي بالك هاني هاديك دنيا ومافيها ....ولراحة البال وباش ميزيدش صداع ...دازت يومين وهو مريض حتى حس براسو مزيان وهاهو ناض صحتو كي الجبال ...يومين محسش بيهم بحكم سخانة وتوصية طبيب ميتحركش لان الالتهاب ماشي حاجة يستهان بيها ...يومين فترة كافية باش يرتاح وفتزة كافية باش كل واحد تفكيرو يرتاح ويفكر مزيان ومع مرور الوقت كل حاجة كتوضاح والايام الي كتداوي الجراح 🙅🏻....

مع الصباح تقريبا ...دق عليه الباب ...

ايلاف "واقف كيجمع في وراقو في واحد الفاليز حتى اذن " : تفضل ...

تحل الباب ودخل بخطواتو الي فيها هيبة بمشيتو الخاصة رجولية الي خاصة بيه ...مشية كبير عايلة رمسيس ...فؤاد النسر الي يشك ويشك وتاحاجة متخفا عليه ...ويعطيك فرصة باش تقوليه راسك بلا متجيبها لراسك ...دخل بحجبانو المعقودين وزادو غوبشو اكثر ملي شافو كيجمع فاشيائو ...

ايلاف "شاف فيه مشافوش يومين هادي او يمكن محسش بيه ملي جا عندو وهو مريض " : فؤاد ؟ 

فؤاد "طوا كمايم قميجتو وجلس فوق الفوطوي مقابل معاه دار رجل على رجل ساس فوق فخدو بشوي فحال كيزيح شي حاجة وجمع سروال عندو دار ايدو راس كفو على ذقنو وصباعو على حنكو حول صبع منهم فوق فمو " : شنو كدير ؟ 

ايلاف "حدر راسو وحنحن " : احم راجع عاا موسكو ...

فؤاد : ايه وشنو تافقت معاك ؟ 

ايلاف : والله اتفاقك عراسي ...بس الاحسن نمشي اخي ...

فؤاد "مصغر فيه عينيه " : ولاش هادشي ؟ شنو سبب ؟ طلبتي زواج مكاينش نصيب ماشي سبب يخليك تمشي من هنا ...تقدر تبقى فدار صهيب عادي ...

ايلاف : عادي مقلت والو بس لازم روح هيك الانسب لا حتى صداقتنا واخوتنا متروح صدقني اخوتك وصداقتك ما بقدر استغنى عنها والله ...

فؤاد : اخر مرة غانسولك كاينة شي حاجة مكنعرفهاش ؟ 

ايلاف : ايييه ...

فؤاد : الي هي ؟ 

ايلاف "هز كتافو وحطهم عطاه الصراحة بطريقة مضرش الطرفين وفنفس الوقت حقيقة " : عملت ايشي يمكن كان كافي باش يخرب صداقتنا درت شي حاجة الي مخاصنيش نديرها ...بغيت اختك وحبيتها للحلال ودفعت انا وهي ثمن بس هي ما الها ذنب ....

فؤاد "زير على ايديه مشعرش حتى ناض شنق عليه شنقة وحدة ايلاف طلق ايدو وخلاه على راحتو " : كتقولها فوجهي هكااااك "مكشكش وعينيه بغاو يضربو ف ايلاف لهيه "....

ايلاف : حقك …بس انتا بدك الصراحة انا قلتها ليك… ليييكاك… استلم ...

ضربو ببونية تتلاح فوق ناموسية كيمسح في فمو ...

فؤاد "ضار كيلهث ووجه بصبعو ليه " : البنت بنتي قبل متكون ختي ...صداقها غالي بزاف صداقها راجل يكون حسن مني انا وخوتها راجل الي يحامي عليها منا ...نتا فاش تقابلتي معايا… وتواجهني على قبلها ...مغادي نقوليك غير البنت مزال عندها باها ...هو مول راي وشوار قبل مني ...عاد نسولوها هي وقصدو هو الى بغا "هز ايديه " متسالنا غير مبروك عليك ..."مشا ليه شنق عليه " ...طيح دمعة من عينيها تقيسها شي حاجة صغيييييرة ...بلا منهددك داكشي الي عشتيه معايا كافي وموفي يجاوبك ...

ايلاف "هز ايديه " : وانا مستعد افديها بدمي حياتي كلها عا حساب سعادتها وحياتها ...

فؤاذ "دفعو ومشا خارج كيهضر " : رجع عند دار صهيب بقا فيها ... حتى تمشي معانا نخطبو ليه ... ورا العقد ديالو نشوفو معاك نتا ...خرج وسد الباب خلاه كيبرق ...

ايلاف : ايش يعني راح اتزوج رورو زغيري ...ههههه لك والله صح ...ياااا روحي انا ...ههههه لك والله لا اتزوجك وفرغ شوق سنين بتمك ...الي طعمتو لساتها بتمي (فمي ) ...

احم استغفر الله العضيم ...لييييك والله و تجي عندي بفدي فيك ايييش بتقولو بالمغربي ...همم ايييه 

نفدي في مك القديم وجديد ...يالي حبك في قلبي كبيييير ومكانو بوج بوج ( يلمع لمع هههه ) ...بس لا تصيري حلالي والله فرشتنا لا تصير فيها حروب وحرووووب هههههه ...

تحل عليه الباب ...كان فؤاد 

فؤاد : معامن كتهضر . ..يلاه تفطر دغيا باش تشرب دواك "وسد الباب " 

ايلاف "وجهو بياض " : مع حالي مع حالي يبعث لي حمة ...

يتبع...