يامنة الجزء 63

الفرحة الي حس بيها ايلاف محس بيها من شحااااال ...واخيرا حن عليه الله وغايتجمع بحب حياتو الي حيا فور ما جات العين فالعين ...الحب الي كان قدييييم رجعات ليه الحاة من جديد ....خلا داكشي الي كان كيجمع وخذا صويك الي فيه وراقو دارو فالماريو وسد عليه ...قاد حالتو وباندتو مزيان ...حنحن وخرج من البيت لحق عليهم لطابلة فين جالسين باش يفطرو ...كانت طابلة فيها مالذ وطاب من افطار شهي بلدي يفتح نفس وجو ربيعي صحو ....جلس في كرسي ديالو ...

فؤاد : الوليدة فين راوية ؟ 

نجود : هاهي شوي وتهبط ...

فؤاد : يامنة رخيت ليك على ديك القهوة لا ؟ 

يامنة : مكنقنعش منهااا ...

فؤاد : حيدي داك الكاس وشربي عصير ..

يامنة : ولا "شاف فيها بمعنى بلا منهضر " ...واخا صافي هاااني ..."دارت ايدها على حنكها تكات عليها وايد حاطاها فوق كريشتها تا كبات ليها عصير وبدات تشرب ودوز " ....

حتى تمات هابطة صاحبة الشان والي نايض عليه الرفع ...وجهها تفش ورجع عادي تقريبا غير العيا بان على وجهها ...نازلة ب بيجامة خفيفة ربيعية ...فالبوردو ديال قطن بارد فيها 

ميكي ماوس فالوسط سروالها قطن كحل مكتوب بالبوردو ...جامعة شعرها ودايرة بانضة فالوان بيجامة ...في ايديها مگانة وگورميط ديالها ...هابطة حادرة راسها حتى وصلات عندهم ونطقات بصوت منخفض ...صباح الخير ...

فؤاد "هز عينو شاف فيها وشدها من ايدها " : شوية ؟ 

راوية "ابتاسمت ليه " : اه شوية خويا ...

فؤاد : مزياان جلسي فطري ...

جلسات تحت نضراتهم المتوترة ايلاف باغي يهز عينو يشوفها كيلقا يوسف داير فيه عينين القناص 😂😂....وتيحدر عينيه ...بداو يفطرو هالي بغا حاجة هالي عشق حاجة ...حتى تفتح الحديث من طرف صهيب ....

صهيب : احم خويا فؤاد نقدر نهضر معاك ؟ 

فؤاد "كان شاد جريدة كيقرا فيها مغوبش تا حول نضر ديالو بثبات ليه واوما ليه بعينيه بمعنى تفضل "...

صهيب : احم غذا فالصباح بكري نتيسرو لبلاد عمي ياك باش نفضيو داكشي علاش غادين بخصوص الخطبة "حك قرفادتو بخجل " ...

فؤاد : صباح كونو واجدين كلكم قولها لوليد ونتيسرو باش نرجع سيمانة جايا خاصني نمشي لهيه ...

صهيب : مزيان انا غذا فالليل غايوصلني تقرير طبيب شرعي "مكانش باهم خرج بكري كيف العادة "

فؤاد "رفع حاجب وشير بايد بمعنى كيفاش " : علاش مجاش هاد اليومين قبل ؟ 

صهيب : سي خرج ولكن مبغاوش يعطيوه ليا حتى يعرفو هما لولين شنو فيه دابا راه عطاه ليا طبيب نيشان ليا انا ...

غير المعرفة معاوناني كتقضي ليهم مصالح هنا وهنا من عندي معاون مع هذا وهذا تا قدرت نكسب المعرفة وكيف عارف المعرفة فالبلاد هي الي كتنفع ...

فؤاد : قبل متقراه نتجمعو فالمكتب نشوفوه كاملين ...

صهيب : وخا مرحبا ...

استاذن فؤاد وطلب من نجود يرسلو ليه قهوة فالجردة باش يكمي وناض تا ايلاف تبعو بغا يهضر معاه وداكشي الي كان ....حتى لحق عليه لفين جالس جابد كارو يلاه بدا يشعل فيه حتى جلس حداه تاهو خدا واحد من عندو وشعلو ليه ...

ايلاف : احم بدي قلك شغلي ...

فؤاد : شنو ؟ 

ايلاف : بدي احكي مع راوية وحدنا ...ماتفهم غلط بس بدي حطها بالصورة واخذ رايها مثل ما قلتلي هي صاحبة القرار بس اذا وافقت بدي اعمل عقد قيران بها الايام ...وبعدين بتركها هون بالمغرب بروح شوف شغلي بموسكو وبحكي مع ايشان بقرار راح اخذو ...

فؤاد "طفا الكارو فالطفاية وتگعد كيشوف فيه باهتمام " : كمل ؟...

ايلاف : بدي خفف من الصفقات وخفف من الشغل صحيح لانو مستحيل نخرج من شغلنا بس اذا خففت يعني و لغيت كم صفقة يعني يستافدو هما وانا لا وبهيك بكون نقصت النص عليا باش نقدر نحميها ...وميمكنش نجيبها حتى تكمل دراستها ...وبعدين باخذ رايها اذا بدها تعيش معي بموسكو ولا تبقى هنا (كيخلط المغربية مع فلسطينية ) ...

نجي شهرين هنا وشهر هنيك ولا العكس ولا باخذها معي المهم اي ايشي بتطلبو جاهز وع راسي من فوق ...

فؤاد "كينقر فوق الطابلة وحاضيه مصغر عينيه فيه" : مزياان ...ولكن الى سمعتي قلت ليك باها كاين هضر معاه عاد نسولوها هي واش بغات ...

ايلاف : ههههه يا اخي المهم انت ترضى والباقي محلول ...ومثل ما قلتلك موافقتها اهم شي ...لهيك اذا ممكن باخذ اذنك احكي معاها ع انفراد ...

فؤاد : عيط ليها تجي هنا وهضر معاها ...

ايلاف : اوك تمام ...

ناض فؤاد من حداه وتوجه لداخل فطريقو عيط ليامنة باش تبعو لفوق ومن تما عيط لراوية ووقفها ...

فؤاد : راويااا "عيط بداك صوت الخشن المعروف عندهم غير يعيط ليك خاصك تكوني قدامو "...

راوية : هاا نعام خويا "باقي مكيهضرش معاها يوسف الي ناض وطلع لبيتو لفوق ...

فؤاد : سيري عند ايلاف برا بغا يهضر معاك ...

راوية "قلبها وقف عينيها مبقاوش كيرمشو تصدمات " : شكون ايلاف ..."خرج فيها عينيه بشوي" اا مالو ؟ 

فؤاد : سيري هضري معاه وصافي "قاليها هاذشي ومشا طلع وتبعاتو يامنة شادة فكريشتها طالعة بشوي ...

يامنة : ههههه غير سيري مالك ؟

راوية : ياكما عارف ...

يامنة "شافت الفوق " : سكتي دابا يسمعك كون عارف غايقوليك سيري عندو ...

راوية : وفففف ..."حنحنات ومشات خرجات لعندو مخليا يامنة طلعات تبعاتو " ...

حتى لقاتو جالس قدام طابلة وضارت هنا وهنا لا يشوفها يوسف كترعد ...حتى شم ريحتها وغمض عينيه تااايه مع عطرها الي ولا عندو ليه طعم خاص ويميزو من وسطهم ....وشكون فالفيلا لما يعرفش عطر راوية ديال كارولينا هيريرا ...

ايلاف : عطر كارولينا راح اطلب من شركة العطور تسميه رورو هيريرا مو كرولينا ..."حل عينيه وضورهم جيهتها لمحها كتفتل فايديها وكضور بجنابها " ...مين نده لك تجي عندي ؟ 

راوية : ف فؤاااد ...

ايلاف : لكان شو بك ...قعدي بدي احكي معك ..لك قعدي اخذت الادن لا احكي معك ...

راوية : بصح ؟ 

ايلاف : لكان بغامر مرة ثانية وباخذ علقة مرتبة ( زعما ناخذ عصيا من داكشي خهه ) ...جلسي ..

راوية : احم هاني شنو مالك ؟ 

ايلاف "حك لحيتو وضار هنا وهنا " : راح نتزوج عن قريييييب ...

راوية "جاها من لاخر كسيرا بتران وخرج فيها بلا ميقول سلام عليكم خههه " : ك كيفااااش ؟. اويلي ...

ايلاف : اويلي ؟ شو اويلي ايييي بحكي صح والله ...المهم اسمعي ( حكا ليها كلشي ) ...

راوية "خرجات عينيها " : و ناااري ناري ياكما عاااق ناري اهى "بدات تولول وتندب فحناكها " ...

ايلاف : لك اخرسي اييييش فيك ...لك لو عرف مكان تركني عايش الحمد الله اجت فيوسف رغم كلشي اتفهم وخبا عليه ...هلا بها الشي الي بتعمليه دابا غايعرف ...شووفي انا طلبتك لزواج على سنة الله ورسوله ...فهاديك الليلة لو ما دخل يوسف كنا انتهينا وهلا ب نحضر لخطبتنا او زواجنا ...

راوية انا بدي ياكي وعارف انك بدك ياني ماا بتنكري يا راوية ...لو ما حسيت بتبادل المشاعر ما طلبتك ...بس بدي قلك على ايشي وهلا بحكيلك وانتي اذا بتوافقي كان بها ما بدك بعطيكي فرصة تفكري ...

راوية "بغات تبتاسم ولكن والو بغات تحافض على صرامة زعماكين خخ " : همم وشنو بغيتي نعرف ؟ 

ايلاف : انتي بتعرفي طبيعة شغلي بلا مندخل فتفاصيل يعني مثلي مثل فؤاد شغلنا صعب وليييكيك شفتي حرمتو عايشي بخير وانتي كمان بتعيشي معززة مكرمة ...بس انا راح خفف شغلي لا حتى صير ملتزم معك اكثر من شغل ...

راوية : و قرايتي في فرنسا ...

ايلاف : ليش انا بمنعك والله لو بدك تبقي لدكتوراه راح ساعدك دراستك عراسي ...اي شرط بدك ياه بوافق عليه ...

راوية : احم نفكر ونرد عليك ..

ايلاف "صغر فيها عينيه " : ليييييييييييش حااااسسس انو بدك تضحكي وطيري وتنقزي وتلعبي بشعرك وفرحتك فايتتني من عندي لعند با محمد وضربت فيه ومشااات ...

راوية : هههه لا لا مانديرش هكا اصلا مزال مقلتش ليك موافقة حتى نفكر ...احم المهم نمشي قبل منطول ...

ايلاف : بعد العشا بحكي مع الوليد ..."ناضت مجاوباتوش حادرة راسها مبتاسمة " ...لك تعي مابدك تبوسيني ؟ 

راوية"تزنگت " : لاااا الماسخ ...

ايلاف : ليييش ؟ راح صير ابن عمك انا ههههه 

طبعا ربي باش يكمل فرحتك الا ومدوز عليك المحاين وتعلم منها وتمر بتجارب الي تخليك تعلم من الذي مضى حتى كتجيك فرحة احسن من الي كنتي متسني ومنتاظرها ...كتنسى شنو مريتي بيه وشنو داز عليك وفالاخير كتقول ربي كبييييييييير ...داز النهار ووصل الغذ ليه فاقو كلهم فوقت ابكر من بعد ما وجدو شنو غايديو ...

وتفاهمو انهم يكملو حتى يمشيو لمراكش عاد ياخذو داكشي دالخطبة الى جانب داكشي الي اختارو ...قررو ياخذو سارة لان نجود الي قالت ليه باش يجيبها خاص البنت تكون فدارهم وتطلب وهي فدار باها هاكا العادة والصواب وفعلا ...

تقداو ليها داكشي الي غايخص الخطبة ماشي كثير ماشي قليل باش يديرو صواب تالدارهم ويتافق معاهم على صداق الي محللو الله ...حتى هي مطلباتش عرس ومطلباتش سكيتي يكون داكشي خفيف ضريف ...ولكن كيف مكتعرفو فالدواور لازم يفرحو بالبنت وخا غير ضرب بيناتهم المهم يتسمع راه ضريب فين ؟ بنت فلان تزوجات ...وخاااصة سارة تزوجات ماشي اي واحد تزوجات احد اكبر المحامين فسن صغير فيك يا جيهة فاس وحتى انه معروف فمراكش بحكم انه نزق حتى فالقضايا ديالو كلشي عندو بضحك ولكن ولد الهم تيجمعهم بنص بالفن ...

خذاو الوجهة مع الفجر مشاو ثلاثة طوموبيلات ...وحدة فيها فؤاد وعمارة دارو الي مخاصهاش تفرقو ومعاه باه راكب حداه ويامنة بقات مرتاحة لور مزيانة ليها باش متعياش ...ولاخرا فيها يوسف وايلاف وراوية ...الجو مكهرب تما ولكن نجود تعمدات يركبو فيها باش يا يتصالحو ويا يتقلبو تم ههههه 

ولاخرا طبعا فيها سيدي مولاي سلطان بالهمة وشان سيدي صهيب فار طحين السباعي هههه الطولة وتحريدة وخفة اللسان وضحك ونشاط والوسامة والجاذبية وحتى الجدية لا بغيتيها وخا مسكين تيزلق ليه ضحك ...ومعاه نجود ولور سارة و الياس مجبد تاهو شاد ستون فتيليفون ...

مسافة طريق مع مرة مرة راحة حتى وصلو لتما مع جوايه حتى قرب العصر تقريبا مع الوقيف بحكم ترتاح يامنة موصلو تا فقصهم وهو غادي شوي بشوي على ود ولي العهد حتى قاليه صهيب غايسبقو وفعلا سبقوه بشحاال تقريبا ساعتين باش سبقوه عاد وصل ...

يامنة : مييييمة ههههه "حلات الباب بزربة خلات فؤاد كيعيط تا صعر وهي من فرحتها مسمعاتوش مشات كتجري ودخلات لقاتهم فصالون مجمعين " ...ميماااااا عهههههه "مشات لعندها كتزرب تلاحت عليها عنقاتها ...

زينة : واااا سعدي وا فرحي وااا سعدي وفرحي بالفجلة واابنيتي ونور العين والعوينة الي بقات ...تعنق وتبوس ولاخرا تاهي ...

يوسف وصهيب والياس ميتين بالضحك غا ديك الفجلة الي تتقول تتسالي معاهم ...حتى تم داخل فؤاد وباه رماو سلام ومشاو سلمو على زينة ومصطفى الي تلقى ليهم تاهو ...

فؤاد "خنزر فيامنة " : معامن كنهضر انا ؟؟؟؟

يامنة "خلعتها تخنزيرتو تا شدت تحت كرشها " : هاا م مالي ...

فؤاذ "بغا يغوت حتى قاطعو مصطفى بغا يرطب الجو "...

مصطفى : ولدي طلعو ترتاحو بينما وجدو ليكم ماكلة ورا العصر ..."خنزر فيها وحيث عارف دار ضار ومشا طلع بسكات مشربن "...

زينة : طلعي افجيلتي مع راجلك يرتاح وشوفيه اش بغا وسمعي الهضرة راه تانتي راسك قويصح شي وقيتات اش درتي امو المناخر ؟ غا سمعو 

صهيب : ههههههههههههه اش قالت اش ...؟ 

يوسف : مو المنااااخر ههههههههههههههه 

الياس : المناخر عندهم ام هههههههههههههه 

يامنة : هههه ميمة وصافي كاع الالقاب درتيهم ليا ههه هاهما غايشدوها فيا ...

يوسف : داكشي الي كاين زيديها على الفجلة هههععه..

يامنة : ياااك هههههه "مشات طلعات تبعات فؤاد تتصرط فالبيض عرفات راسها اش دارت "

ايلاف : شو بتعني هاي مو المناخر ؟ 

زينة "شافت فيه وحققات " : ياتبارك الله على هاد الولد شحال زين شبه ليا غا راجلي الله يرحمو محطوط منطوط ...

يوسف وصهيب خرجو عينيهم والياس تخشا فراسو " : ايمااااااا 

راوية "لسارة بالحس " : ناااري تزعطت ليا فراجل ولا ...

سارة : الاا غير شبه ليها اويلي هههه نااري خخههخ...

ايلاف : ايش المعنى ستي ...احم امي ..

صهيب : تزوج مي زينة دير فيها خير كلشي تزوج سارة الي كتحضيها هاهي غاتزوج دير فيها خير وديها جاهد فيها ف روسيا 😂😂😂😂😂

يوسف : وااااميييي قالت ليك راجلها 😂😂😂🤣..

زينة "كتمازح معاهم " : ههههه انضحك معاك اوليدي غاتنتمازح معاك الله يرضي عليك ويكم عليك ...

ايلاف : اهههه "فشلاتو مسكين " لا لا عادي امي الله يخليكي فوق راسنا ..."بشوي " يا امي مالقيتي غير زوجك ...

الياس : تا حمد الله مقالت ليك تزوج ببنت المصفرط الي بغات تلبق ليا خههخخخخ...

حياه الله تا سمعها ثاني ...

زينة"لالياس " : مناويش اداك سلگوط تشوف بنت لمصفرط نرشموها ليك ؟ (نرشموها هي نهضرو فيها ) ...(طرطقو دراري بضحك والياس خرج عينيه ناري هادي مزال منسات ) ...

ايلاف : ايش قصدت ؟

صهيب : تخطب ليه واحد البنت بزز خخخخ

ايلاف : اوووهاااا استلم هههههههه الله محيوووو 😹😹😹

خلاتو تيبرق فعينيه عاد بغا يشد ف ايلاف صدقت شادا فيه هو اولديييي اش نقوليك ها سد فمك سدو هههه تاهي تيعجبها تمازح معاهم عزازين عليها كتحس بيهم طيبين القلب فروجيين ومهليين فبنت بنتها متعاملين معاها انها ختهم ماشي بنت عمهم ولا مرت خوهم ...الي هو دابا الفوق وهي دخلات عليه لقاتو كيحيد فالقاميجة بغا يدخل يدوش من تعب وعرق طريق ...

يامنة "دخلات تتمسكن ولات حافضة ليه الكود متهضرش توصل شوي بشوي تلبد ليه واصلا عارفاه غير غايعرعر عليها ولكن ديك تعرعيرك راه تتقتل راگد كون تلقا يسلخها ميخنزر فيها تموت فالبلاصة " : فؤااااد "بصوت حنيييين " ...

فؤاد "غير سمعها ضار مشربن لعندها" : مالك فهاديك البسالة ؟ 

يامنة : و والله غير فرحانة والله توحشت ميمة ونسيت ...ماالك ...

فؤاد "عاض سنانو " : يامنة معنديييش مع لعب دراري صغاار ..."مخنزر فيها واحد تخنزيرة خلاتها تفتف " ...

يامنة "شادة كرشها " : سمح ليا والله تنسيت ...

فؤاد "حدر راسو كيف العادة وتيشالي بايديه الفوق حجبانو معقووودين حالفين لا بغاو يتفكو " : داك اللعب مكنبغيهش ايامنة متحاولي تعصبيني عارفاني كيداير ...دابا نتي ماشي بوحدك هازا فكرشك بنادم راعي ولا غادي ندير الي مغايعجبكش ومتخلينيش نوصل لداكشي ( هز راسو مخنزر فيها ) ...

يامنة "دارت صبعها في فمها عينيها غرغرو خلعها كيفاش هضر كتشوف وخا كيهضر بديك طريقة كون مكانت حاملة واهليييي وغير مراعي بالي فدار باها تاهو ...قربات بشوي كتفتف ...رجع هو ضار كيحل فالقميجة ومعصب حتى ضورات ايديها عليه واستقرو فكرشو الي عريانة " : فؤااااد ...

فؤاد "حدر عينيه مغوبش لايديها " : حيدي ايديك وهبطي لتحت ...

يامنة : الااا حتى نوجد ليك حوايجك باش دوش وترتاح ...

فؤاد"عض شفايفو " : يامنة هبطي ...

يامنة : الاااا منهبطش وخا ضربني ...

فؤاد "غوت تا قفزت " : ياااامنا هبطيييي ..

يامنة "طارت ونزلت " : اهى خلعتيييني اهى اهى ...امم اهى شدات تحت كرشها حتى ضار وشاف فيها خرج عينيه ومشا قاصد كرشها بايديه كيقيص فيها ...

فؤاد : شنوو مالك ؟ 

يامنة : تخلعت حتى حسيت بيها تقلبات اهى اهى ...اففف اهى ...

فؤاذ"بخوف ندم لاش غوت " : شنو شنو نديك لكلينيك هضري ...

يامنة : لا لا غانجلس تما ( فوق ناموسية ) نرتاح ونرجع عادي غير تخلعت ...

فؤاد : يامناااا ...

يامنة : والله ...غير فاش تيغوت شي حد دغيا كنتخلع ويتقلب ليا هههه ...غير نتنفس ونولي بيخير ...

فؤاد "بقا كيشووووووف فيها فالاخير مشا جلس حداها وعنقها من كبتفها حازها ليه نخششها باس راسها وهز ليها وجهها تتقابلت معاه كترمش فيه " : متبقايش تخلعيني عليك ...

يامنة "بابتساامة خجولة " : هههه وخا ...

فؤاذ "سهاا فيها وفداك الغنج الي ولا فيها مع بدات كتبزوط يعني تبومبا تغلاض بالحمل نهار على نهار حتى لقا راسو حاط شفايفو على شفايفها ...الشفاه الفوقانية لعب فيها بحب وانتاقل لثانية وايدو تلقائيا هبطات بحركاتها ماااشيا حتى استقرت لصدرها كتعبز فيه حتى نسا راسو ومغطها تما طلع فوق مها خشا وجهو فعنقها بغا يبدا حتى قاطعهم دقان ضار مخنزر " 

يامنة : شكوون ؟ 

راوية : احم يامنة قالت ليك مي زينة هبطي بغاتك ...

فؤاد : جداك علاش كتقلب ...

يامنة : هههههه غير توحشتني وخا نمشي ...

فؤاد "ناض مشربن باغي يتيري فزينة وسط راس توحش الفردي نييييت " : سيري ..

ناضت يامنة كتقاد فحوايجها مشات تا جبدت ليه مايلبس فدار حيث الغذ ليه عاد كاين الخطبة حطتهم ليه وخرجات كضحك ليس لما دارت زينة وانما لخدعة الي دارت ليه بالي تخلعات وهي راه مابيها والو ...

يامنة : هههههههه

الحاج كيف ديما غير كيشوف خوه كيخرجو يسرحو مكيجيو تيفوت العشا الخوت هكا دايرين مع بعضياتهم وزادتهم فرحة قدوم حفيدهم المشترك والعاهد الي كمل على خير والمبتغى الي بغا الحاج تقريبا وصل ليه وفرحتو كملات بلا ميخسر خوه الي كان هاز الهم لو رفض فؤاد وطلقها لو متقبلش لو لو ...بصريح العبارة الحاج دخل فرهان كبييييير كان عارف يا غايخسر فيه ويخسر خوه معاه ولا يربح رهان ...وربي مخيبوش واختيارو ليامنة كان صحيح وكانت الانسب لولدو من دمو ولحمو وطبعها يجي مع طبعو ...

دوزو الگوتي فضحك ونشاط سارة ممشاتش لدارهم وانما امها الي جات عندها هي وزهور ...الي كانو مباغينش ليها داك زواج ولكن صهيب عريس فرحهم راجل كامل مكمول خلا امها تفرح وتبان لناس هازا راس وشانها كبر بالي غاتناسب تاهي مع ديك العائلة وتهنى على بنتها ...وتافقو الغذ ليه يديرو ليها حنة العروس بالحمام الي غايمشيو ليه غير هما البنات كيف دارو مع يامنة اصلا ملي عرفت صهيب بغاها وهي كتوجد ليها من داك نهار ...والغذ ليه يهضرو وبعدو غاتكون صدقة بالطلبة وضريب صداق تيجمع ليها الوراق ويديرو العقد في ازرو ...

يامنة طلعات عند فؤاد تشوف شنو بغا وسارة بقات مع امها ودراري خرجو يتسركلو فدوار تاتجري عليهم تاني شي صروفة تردهم لدار ههههه ...بقاو يضورو حتى عيا ايلاف بايذو وقرر يرجع تالغذ ليه فصباح ويمشي معاهم لمراكش يضورو ويتقداو شنو خاص ....بقاو هما برا …حتى بانت ليه راوية واقفة قدام الباب ...

ايلاف : شو بيييك رورو ...

راوية : بغيت نخرج تا لهيه سبقوني لقيتكم مشيتو ...

ايلاف : بتعرفي طريق ؟ 

راوية : علاش ؟ 

ايلاف : بروح انا وياكي صدقيني عجبني الجو ...تعي نروح قبل ماتغرب شمس ...

راوية : وخا نقولها لخويا ؟ 

ايلاف : انا بحكي معو "جبد تيليفون وهضر معاه " ...راوية بغات تمشي غير هنا حوالين البيت نلحق الشباب نروح معهم... تروح معي ؟ مافي مشكلي ؟ 

فؤاد : متبعدوش الى لقيتو دراري سيرو معاهم ملقيتوهمش رجعو فحالكم دغيا ...

ايلاف : تمام "قطع معاه " ...يلاه منبعد اصلا ما بعرف هون دراري الي قربوني هنا حتى جيت اما مابعرف ...

راوية "بدات تمشا هي وياه " : اصلا الى بعدنا نعطيهم سمية يجيبونا حتى لهنا كلشي كيعرفهم ..

ايلاف : ناس طيبة والله ...اهل الجود والكرم كل يوم بعرف انو المغرب بلدي عن جد عوضني عن اهلي ...الله محي الاصل ...

ابتاسمات ليه وتحركو بداو يبعدو حتى دخلو وسط الفدادن كان الشمس بدات تغرب حتى ضار هنا وهنا وخذا ايدها بزربة غمق عليها وشابكهم ...حازها وسط شي شجر ديال زيتون ولصقها مع شجرة وقرب ليها حتى خرجت عينيها ...

راوية : ايلااااف عوتاني غاتخرج عليا ...

ايلاف : خطيييبتي بعمل شو ما بدي 

راوية : شكون قاليك وافقت ؟ مزال كنفكر ومن هنا لتما مدير والو غاتبقى تقلب تيحرموني عليك فؤاد وراك عارف كيداير ...

ايلاف "طلق منها ولهاااان " : انت كم لازمك وقت لا تفكري ؟ شو بدك استنى ؟ قديش استنى قديييش ...

راوية : نفكر بثقالة وثبااتة ...صبرتي حتى كبرت ايوى صبر لك شوي ...

ايلاف : الايام بتمر والثمن بيكبر راح تدفعي ثمن هالشي والله ...

راوية : و و واشنو هاد الثمن الي غاندفع "تترمش فيه فهماتو شنو قصد راها طيييير " ...

ايلاف "كينفض ف القبية شاف فيها بنص عين ورجع شاف قدامو " : راح اعمل جسدك ارض فلسطين والعب في ارضك دور الصهيوني واستعمر كيانك واعمل حروب وانتفاضات مالها اول ولا اخر ...

راوية : هنن والمعنى ...

ايلاف : شوووفي لا تصيري تحتي احح بدي قول لا تصيري حلالي بشرحلك حبة حبة ....يعني بمليييكي وحدة وحدة ...تمام ...

راوية : الله يمسخك ..

ايلاف"غمزها " : كااانبغيييك هههه 

يتبع...