يامنة الجزء 64

رجع ساس حوايجو ورجعو استانفو المشي حتى حسو براسهم بغاو يبعدو ويقدرو يتلفو ويقدرو دراري يرجعو ويسولو عليهم مبغاش مزال يزيد يتسبب ليها فشي مشكيل وهما مزال مدارو والو ...فرجعو ادراجهم محتاجوش يسولو دغيا عقلات على طريق حيث مبعدوش بزاف ومكانوش قراب ...

رجعو حتى دخلو وبداو يشمو فريحة القهوة بالعطور المميزة والي عزيزة بزاف عند مالين دوار من بعد اتاي الي فيه سكار بزاااف هههه ....ويشمو فريحة الكيكة نعماس والحرشة والملاوي ...

ايلاف "تيشمشم " : الله شو هاريحة طيبي ..

راوية "تاهي تتشمشم " : ريحة المسمن وكيكة ا ايلاف ...واربي ...

ايلاف : دخلي نشتكشف هههخ ...

دخلو لقاو الكل فصالون تقريبا ماعادا فؤاد الي كان طالع لفوق يكمي ويشرب قهوتو الخاصة ...

شوي لحقو عليهم دراري بثلاثة وجلسو شوي دخل الحاج ومصطفى والتاحقو بيهم دراري وهبط تا فؤاد جلسو فالصالة المقابلة رجال وحدهم وبداو يحطو البنات سارة ورواية الي كتعاون فيهم ويامنة تاهي ممفرطاش ولما لا ودارهم هاديك ....

دخلات راوية الي كتحط لرجال ...ويامنة بتوصية من فؤاد مدخلش عليهم هما رجال هههه ...حطو ليهم گوتي من داكشي تااع دوار نعماس كلشي طبيعي وطري ...تا من زبدة الى دقتيها تتحس فيها طعم اللبن مفرززة وبيضة فحال جبن ...وزيت العود خضر ديال طحنة لولة بلا اضافات ...وزيتون كحل منسم بزعتر ولاخور تاهو كحل ديال دار مشرمل فيه الحرور وتومة وربيع وتحميرة والكامون ....

وخبز مطلوع باقي مترتر بسخونية الدخان خارج منو ...واري ليك الملوي الي طايب بالخاطر والعشق ديال ناس دوار الي تيكون عندهم لخاطر لكلشي ...بالاضافة الى حليوات عااادية جدا غير دقيق وزيت خههخ ووسطهم قرنفلة ولا كوكاوة ههه ...

جلسو جميع العيلات فجيه يضحكو وياكلو ويهضرو فامور خطبة سارة والرجال فجيه ...حتى كسر فؤاد الكلام وحنحن ...

فؤاد "حنحن تا تلفتو ليه " : صهيب شنو قررتي ؟ 

صهيب : صافي غذا فليل صدقة منها نهضرو حنا رجال مع باها ومنها نتافقو على العقد غايكون ملي نرجعو نيشان غايجمع ليا وراقها حيث باقي صغيرة باقي ليها عام وخا هكاك مغانلقاش مشكيل ...

مصطفى : هو كنا نتسناو وليني وحلة مع باها عارفو ميتسناش دغيا يلبقها لشي حد ...

الحاج : وخير البر عاجله صافي الولد نوا الله يكمل بالخير معندهم لاش يبقاو يتسناو عادتها غايديروها ليها لا بغات ...

صهيب : احم لا الوليد غادير غير صدقة داكشي خفيف شوف هما عيالات شنو بغاو يديرو هاد يويمن مهم هي قالت ليا مبغات والو ...

الحاج : ايوى الله يسر اولدي الله يرضي عليك ...

فؤاد : تيسر دغيا نيت "شاف فيه بمعنى باقي تابعنا شلا مورا عقد ديالك " ...الوليد محدنا جبدنا موضوع حتى ايلاف بغا يهضر معاك على قبل راوية ...

الحاج "ضحك بفرحة " : هههه ايه نسيبي جديذ مرحبا ولدي تفضل ...

ايلاف : احم اذا وافقت انا تانا ( هضر بالمغربية حيث الحاج قليل فين كيفهمو ) بغيت نعجل بعقد القيران وبخليها ونضبط اموري لهيه بينما كملت فترة تدريب ديالها هنا ونرجع نديها معايا موسكو ومن بعد على باريس نبقا معاها شوي ونرجع حتى تكمل دراستها ...

الحاج : هي راجعين بالافراح لهيه ...اييه مرحبا الله اودي ...

فؤاد "رفع حاجبو مغوبش " : شنو ؟ بلاتي بلاتي كيفاش تتوافق ؟ علاش هي مزال معطااكش جوابها ولا شنو ؟

ايلاف "حك راسو بحرج " : احم لا بس ...

فؤاد "عيط بجهد تا قفزات راوية واقفة " : راويااااا ...

عيط ليها بداك الصوت الخشن الجدي ممطولش سميتها وفنفس الوقت تتنوض فيك الرعب هاد الصوت ديال هاد النداء بالضبط عارفينو خوتو وحتى يامنة بدات كتميزو وبهاد طريقة باش عيط كتعني بالي الهضرة معاها جدية بغيتك فهضرة جدية ديال موضوع مفيهش ضحك والمزاح ولا غير هضرة عابرة ...

راوية "وقفات تمات غاديا متعاودش تسمع العيطة ثانية تا الى غاتعطل تقوليه هاني جايا ...طارت ودخلات عندهم لصالون شافت فيه " : ن نعام خويا ...

يوسف"حاضيها وتاهي شافتو وحدرات راسها اما ايلاف تحرج " ...

فؤاد : جلسي تما نهضرو معاك ...

راوية "جلسات تترمش " : ن هاني ...

فؤاد "نضف حلقو ونطق بجدية صارمة ...شير بايديه جيهة ايلاف " : السيد طلب يتزوج بيك على سنة الله مدخلش من شرجم "يوسف ضحك بجنب تا شاف فيه فؤاد مخنزر " ...شنو كاين ...

يوسف "خرج عينيه " : هاا غا بغيت نعطس وضحكت لا غير والو كمل سمح ليا ...

فؤاد "خنزر فيه غا باه حنحن وحشم منو تا دخل ليه شك ...نعل شيطان وضار جيهة راوية الي قلبها بدا يضرب من شافت فيوسف " : بغا يسمع واش موافقة ولا لا ...راكي كتعرفيه من صغرك حليتي عليه عينيك ...من جيهتنا منلقاوش حسن منو عارفينو يتهلى فيك ويفوتك لهيه ...باش بلا منبداو نكترو الهضرة ايلاف معروف ...

الى بغيتي يتيسر باش تافقو على زواج وداكشي ..."شاف فباه بمعنى كمل نتا بغا يعطيه الكلام ليه حيث هو ولي امرها " 

الحاج "حنحن" : باش تبداو ابنتي توجدو الخطبة والعقد قبل ميمشي "خرجات عينيها " كنتي موافقة مرحبا مكنتيش مغاديش نبززو عليك نتي مولات راي ابنتي الي بغيتيها تكون ...

فؤاد : شنو قلتي ؟ 

راوية "شافت ف يوسف الي حدر راسو باقي هاز من جيهتها وتفكرات نهار حصلهم ولانها كتكن بداية عشق لايلاف ولانها مبغاتش تغطس راس خوها يوسف فالوحل هو وخوتو " : م م احم مو موافقة ابا ...وناضت حشمانة خرجات كتفتف ...

الحاج "ضحك " : ههه ايوى على بركة الله ...

مصطفى : مبرووك الحاج الله يكمل بيخير ...

ايلاف "ابتاسم وناض بالاحترام سلم عليهم باس راس الحاج ومصطفى وباس ايديهم ...ومشا ل فؤاد الي جرو وتعانق هو وياه وشدو من الكول شنق عليه ونطق بصوت بروسية باش ميفهموهمش " ...طيح دمعة ولا تقاس شعرة منها بلا كتفكر تعيش لقدام ...

ايلاف : هههه بقتل حالي قبل متوصلني خههه ...

مشا لجيهة دراري باركو ليه ووقف قدام يوسف بغا يسلم عليه وخاف يقمعو حتى جرو تاهو شنق عليه من الكول مسكين شوذروه ...

يوسف "هضر ليه فودنو " : تانا وخا مفهمتش اش قلتو ويني تانا مزال منسيتش اش درتو تاطيحو العقد وديك ساعة نشوف وتانا نشوفها غير كحبت على قبلك نشوييييييييييك اودي ا ايلاف ....

ضحك ليه ايلاف حيث مهما يقوليه عندو صح راه ختو هاديك ومن حقو يدير الي بغا ...مشا جلس ورجعو كيهضرو ويناقشو حتى ناض فؤاد هو وايلاف خرجو برا باش يهضرو ومنها يكميو على برا ....

سارة ولات مشات لدارهم معاها زهور الي مخلاتش باها يقرب ليها ...طلات عليهم ورجعات بداو يوجدو ليها العشوب الي بغات دير باش الصباح تعوم نفس طريقة باش قضاو ليامنة قضاة هي غير الفرق زينة مبقاتش تتعايرها من سمطة لتحت بالعكس كتقاد ليها بالعشق والغنا ونشاط حتى شاط ...غير كملو عطاوها داكشي باش طليه وتشلل والغذ ليه نفس شي تتعوم موراها مباشرة ...

ترد العشا يطيب الي كان عبارة على قصرية كسكسو دايزها الكلام بلحم الغنمي كيف طلب الحاج والبقية للي تقداوه فطريق ووصاو على عجل معاهم باش يتدبح على شرف الزواج ...

خرج الحاج ومصطفى باش يصليو فالجامع وبقاو طراري فصالون كيضحكو حتى تجمعو كاملين يامنة الي جرها فؤاد تجلس حداه محاوطها بدراعو مزنگة ولا بغات تولف ههه ...

زينة : ايوى مبارك ومسعود اوليدي الله يتمم على خير "لايلاف " 

ايلاف : الله يبارك فيك امي ...

زينة : هي نحضر لعرسكم لهيه ولا ماني من المعروضين ولاو هههه 

فؤاد"حك لحيتو بصبعو ونطق بثبات " : الله اودي راس الكبيرة بلاصتها كبيرة ...

زينة : المضنون فيك زين وكلامك قليل ومعناه كبير الله يرضي عليك اولدي وسمح ليا لا شي نهار فت عليك الحد تا ولى خط حمر وكلامنا مافيه صبر ...

فؤاد "ناض باس راسها " : لا مكاين باس الخوف فطرة فكاع ناس ونتي خفتي على بنتك ...بغيتي ليها عيشة الملوك وهي بنت الملوك قبل متزوج ...طلبتي تفرحي بيها وخا داكشي خاص،، منلوموكش غير هو جيلك ماشي جيلها ولا الجيل ديالي ...الحاجة كتبدل مع زمان وكل يعيش وقتو تيفوت عليه زمان ..

ايوى نعام اسيدي قولها وضحك عليها وناقشها وخليها تما لا تكبرها ولا كبرها تصغار انت وجهدك فالنقاش ولا حسيتي غايكون عقيم خليه تما لا تطلقها تسرح ...رجعو كيف العادة تعشاو كل فجيه ...حتى كملو وطلع فؤاد يكمي لفوق ويرتاح تتلحق عليه عمارة الدار ويحوزها ليه ويسرحو عجول لاخرا تيصبح صباح ولكل يوم ...الحاج طلع سرح عجول لاخرة قبل منهم هو ومصطفى الي عطاه بيتو ...بقاو غير دراري من بعد ما بدلو ناشطين النشاط الي مكيخلاش من جلستهم ديما طالقينها تسرح ...

يوسف جالس مربع رجل فوق سداري وشاد تيليفون مكونيكطي مع لالة بنتي الغزالة يسرى ( سلام يسرى خههه ) الي متردع ليها غا بالكشيفة ...فاثناء محادثتهم ...

يوسف '' شنو كديري دابا ''

يسرى : ههه دابا غير جالسة فدار كنتفرج ...

يوسف : فاش فرجينا معاك ازين ...

يسرى : سيري ( سلسلة ) ...

يوسف : هممم وشنو سميتها ؟ 

يسرى : هههه تييين وولف ( الي بغات تفرج فيه راه فيه الي درتو يوسف نيت هههه تيتحول لمستذئب خهه ) ...

يوسف : هنم كيعجبك الوولف ...گووود ...

يسرى : كنحماااق عليهم والله وخصوصا سيريز (سلسلات ) ديال supernatural (خوارق الطبيعة ) ...

يوسف "عض على شفايفو نساااااا راسو بن زغبي راه وسط واحد الكيادر الي انضم ليهم ايلاف حالين فيه فامهم وهو قرب يهز العلام ومحاس خههه " : و مكنعجبكش انا هههه 

يسرى : رسلات 😊 زعما حشمات ...

يوسف : قولي ليماك ...سوسو نملة ديالي ...

يسرى : دابا انا نملة ؟ 

يوسف : نميلتي خههه نبجغك منخلي الي يبجغك خخخخ

يسرى : حرام عليك ههههه ...

يوسف : هههه دابا الزين شوفي معايا حل وخلينا نديرى حل باش نديرو الحلال وديري معايا الاستذئاب فعش حبنا على رقبتي من هنا ومن هنا يا حتى نولي ذيب جاعر ومصاص دماء خطيييير انعجباااااك ...

يسرى : ههه الله يمسخك حشومة عليك صافي ...

يوسف : سيري ليماك تنجي ليك ونتفاهمو على الاستحمار تانا بينقول الاستذئاب ععع ...

يسرى : واااخا يلاه نخليك كتعيط ماما نجاوبها واخا ...

يوسف : وخا الحب سيري سلمي على نسيبتي وبوسيها من راسها وبوسي ليا راسك من فمك خهه متقدريش تنجي ونوريك كيفاش بفمي خخ ...بونوييي ...

خرج من الواتساب وسد تيلفون جا يهز راسو ملقا فين يهزو لقا الريوس فوق راسو تا غوت بالخلعة حتى تنشرو ...

يوسف : وااااااعوووو ...

زينة "هزت راسها " : ارسول الله ...

يوسف : خرااا خرااااا اش كاين نعل ديل حياة بات مات مكم ...لقاهم تيشووووفو ...

يوسف "عينيه خرجو تا بغاو يفلتو " : تت ت لاااا لاااااخ ...تتت لاااااااه لاااااه لااهع ...خ خ الااااو ...ت تكونوش قريتو اش كتبت ؟ 

صهيب : حرف بحرف حتى المستذئب تاهو يا بالمستحمر ...

يوسف فشلو ليه الركاااااابي هااااا الي يضل يشد فصهيب هاهو جات نوبتو يا الله استلم ابا يوسف استلم وتلقى وزاد مك تا ايلاف تاهو يالله حلال عليك وحرام على لالة بنتي راوية ...وشد ركنة وسكت ...

يوسف : العاااااار لما فوتو جرتي نتوما بغيتو دخلو لقفص الذهبي انا مزال عازب… أُجرب حضي ...

الياس : تا انا عازب يا اخي ...

صهيب : لا نتا راجل بنت المصفرط ...

الياس : راجل خرية ...

صهيب "هز ايدو بغا يصليه " : طليها ...دبا نطرش مك ...

ايلاف : عااادي عاادي ابو سوس ( زعما يوسف ) ...

يوسف "خنزر فيه " : سير نتا مخاصم معاك ...

ايلاف : لا نشوف مشكلتك بعدين بنرجع نتخاصم ...

يوسف : سوق مكم هااا ؟ اش تسالوني هااااا ؟ 

صهيب : داكشي الي عطيتيني نردو ليك حسن من هاد الكريدي كاين ؟ 

يوسف : اش درت ليك ؟ 

صهيب : نعاود على ملي خطبت سارة ونتا وهاد وجه الكرشة ديال خوك لاصقين عند خنشوشي كي الحلاقم ؟ نبدا تانا "شد صباعو " نبدا نعد ليك ونحسب ؟ هااا ؟ 

يوسف : انا مدرت والو انا غير تنهضر معاها ...

صهيب : انا بغيت نقلل الاحترام فالناموسية "ضرب على صدرو " جاااااات معايا نعمااااس هضرة ترجال هضرة ديال نبين فيها فحولتي وما ادراك ما فحولتي ...اييييه ونتا ...

ايلاف "دار طز بفمو " : يا حسرة قال مستذئب قال في حدا كيشبه راسو بذئب حيواااان يا يوسف ...

صهيب : تا راه شاك فيه من مغتصبي حمارة سيدي قاسم يحيدهاش طبيب ...

الياس : حشومة ولد عائلة رمسيس الولد الثاني من بعد شاوينا الكاوينا العاطي ليمانا علاش نقلبو يقول بغا يرجع ديييييب حشوووومة ...

يوسف "بقا حال فمو صدموه وقلبو تيدير زدف ردف ضورووووه واش جا ميفكو منهم وهاهما شدوها عليه " : حمارة سيدي قاسم ...

صهيب : ماشي بعيد نتا الي سرحتي ليها القادوس وافتضيتي بكارة الحمارة تا جاو من وراك ...

الياس : كيفاش غوتات الحمارة ...

صهيب : هرط نسمع ؟ 

محسو غير بيه ناض واقف مع كانو جالسين فصالون مقابل مع الصالون لاخور جاب الله وحدهم دراري جالسين تيتسناو فدكة اتاي الي تتوجد ليهم نجود بايدها ...

يوسف "هز رجلو وبدا يقبس فالي جا قدامو ايلاف خاف على ايدو جمع الوقفة ومشا خرج يخطوي ميت عليهم بالضحك ...

صهيب : اشور يا بلاتي انفهمك عااا تنضحكو عماك اناري لا اهياتا ...

الياس : غير نخرج حمباك الله تنهرط انا غا طلق انا طلق واااناري ايلاف مقدر عليه وحنا حگرنا ...

يوسف "استعرض عليهم عضلاتو مبقاو لقاو سلاكة ميتين بالضحك ويطاكيو فدقة صعروه وعرفو كي صعروه مرضاش خههه في حين هو يشد فناس وميبغي الي يشد فيه ...تال يردوه حيوان لا اهاااانة ....

بقا يعطي فيهم تا استغفرو الله ....

صهيب "تيشرت طلع ليه لفوووق تبانت كرشو كلها تاهو عندو حقو فالعضلات ...الياس تاهو تيشرت ديالو لاحو ...حيث قطعو ليه من شي بلاصة وحيدو ....

مغادخل راوية لقاتهم وجاههم حمرين وكلشي مخربق صهيب نص فسداري ونص فلارض ميت بضحك والياس سخف فلارض تنشر ويوسف جالس متكي عالسداري رجل مسرحها ورجل ثانيها وحاط ايدو على ركبتو وداير حناكو متكيهم عليها كيلهث ....

راوية "حلت فمها " : اااناري اش واقع ؟ 

صهيب : والو اختي غا طرطقت رعدة فهاد جيهة 

الياس : موقع باس سيري ترگدي نتي سيري ...

اصبح يوم جديد على اصوات المعروفة فالبادية والي سبقت ذكرتها منها اصوات البهايم والديوك وحتى صوت بيبي ...معلنين بداية صباح جديد ...كيف فاقو وجدو الفطور على حقو وطريقو حيث ناوين يجلسو ايام تما بينما كملو الخطبة والصدقة ...ويستغلو الوقت الي عندهم فتوجاد ...وعلى ذكر الاستغلال ...استغل اب سارة تواجدهم فقرر يدير غذا على شرفهم فيه غير رجال نيت جايين عندو قبل باش يطلبو ايدها بالصواب والعادة وقرر باش يعرض على رجال صافي ويهضرو ومنها يعتاذر لمصطفى ويصلح الوضع ...

في البيت عند يامنة وسي فؤاد الي واقف مغوبش مباغيييش يمشي ويتحاك مع شي حد ولكن فوجه خوه غايحضر ...ولما وهو راس الكبير من بعد باه ...كيعقد فساعتو الجلدية ...من بعد ما لبس كومبلي اسود فاسود بصباط لامع اسود غايتغداو ويزگيو كيما العادة ديال الخطبة ...

يامنة "واقفة تتعطيه وهو تيلبس ويتقاد " : انا غادي نتغذا مع خالتي زهور عندهم وخا ؟ بغاو يجيبو نقاشة باش تنقش سارة ...

فؤاد : بقاي گالسة متحركيش والى عييتي رجعي فحالك ...

يامنة "بابتسامة " : وخاا ههه ...

فؤاد "من بعد ما قاد راسو ضار لعندها وجرها لخصرو حاوطها من ضهرها وهبط باس عنقها وقال " : منبغيييش تمشي هنا ولا هنا ديك الهضرة ديال فلانة عيطت ليا تشوفني منبغيهاش الي بغاك يجي عندك تفاهمنا "خنزر فيها " 

يامنة : لا مكاين فين اصلا غادي ندخل نعوم ورا سارة توحشت الحمام ديال هنا ههه 

فؤاد : متعطليش فيه باش متسخفيش ...

يامنة : مغاديش نتعطل غادي تحك ليا غير زهور ولا وحدة فالبنات ...

فؤاد : المهم هضرت ..."باسها في فمها ورجع تقاد وخرجو تا هبط لتحت كانو دراري تاهما كيوجدو وفالصالون لتحت واقفة راوية مع ايلاف كتعاونو يقاد الباندة ديالو تاهو لابس غير قميجة بيضة حال صدايف الفوقانيين حيث مزيرة عليه وسروالو فصالة كحل ...

راوية : احم لبس فيست ولا شي حاجة فوق هاد القميجة ...

ايلاف : تت لا هيك احلى ...

راوية : غايضربك البرد ومزال الجو شوي بارد ...

ايلاف : اذا مرضت داويني 

راوية : ولاش نداويك قلت ليك رد البال الى ضربك جبتيها غا فراسك انا مالي ...

ايلاف : ويسخا عليك زوجك حبيبك ابو ولادك يا ام الولاد ...

راوية : امتا ولدنا هاد الولاد بسلامة وامتا تزوجنا بسلامة والعافية ؟ 

ايلاف : زواج تقريبا انتي زوجتي يعني انتي حكيت فيكي قدام اخواتك وانتي خطيبتي ايام وتصيري حلالي ...الاولاااد "ساس سروالو " 

موجودين بس لازمهم تخطيط التخطيط وخططت صار كلشي جاهز هلا اييييش لااازم ؟ 

راوية : التطبيق ...

ايلاف : اييييهاا عليكي نور التطبيق ..."ضار هنا وهنا خوتها اصلا خرجو برا وهو عيط ليها غير باش تعاونو يهز الباندة وقالها ليها حداهم ...قرب لودنيها خطف عضة من شحمتهم ونطق بزربة " ...

بس لو نطبق يا حب قلبي والله لا خلي اهاتك بالعلالي وصراخك لا اعلى تلالي والجبالي هههههههههه 

راوية "شرعت عينيها دارها بيها ثاني " : وانا الي مجمكة دايرة فيك راسي يا الممسوخ ..."قاصتو فايدو عاصة سنانها بالفقصة تاغوت " ...هالغوات بالعلالي كيداير شتييييه ...يلاه كمدها كمدهااااااا ..."خرجات خلاتو بغا يسخف هههههه ...

تقادو الرجال سكسفو على الحالة من الكبار الي لابسين جلالب نعماس والشباب بالكوستيمات وشي بالقوامج حاضرين ناضرين ...تسناو تا هبط فواد لحق عليهم وتمو غادين تابعين مصطفى داهم غير دار الي بجنبهم غادين دراري والبنات ديال دوار حاضينهم والقلوبة فعينيهم وشي ريوگو طاحو ...حتى وصلو عند باب دار تلقى ليهم بات سارة وخوه عند الباب وشي رجال كيسلمو ويرحبو بيهم ...

اب سارة : مرحبااا مرحبااا شرفتونا اس مصطفى ...

مصطفى "كيشوف فيه غا بنص عين " : لهلا يخطيك ا العربي ...

العربي : مرحبا تفضلو "كان لابس جلابة مسكية ديال بزو تحت منها فوقية بيضة وداير طربوش حمر فيه ريحة ريفدور من عام رگدو " ...

سلم عليهم وزاد قدامهم كيوريهم فين يدخلو داخلين دراري حادرين راسهم وصهيب تاهو الا فؤاد الي مطلع داك الحاجب وغادي مخنزر فارض هيبتو تما ...حتى دخلهم كانت ساحة قدام دار شوي كبيرة بحكم دار ضاير بيها سور ...حتى لقاهم موجدين طوابل ديال ربعة الحطات ...

شير ليهم لطابلة فين بغا يجلس عارفين بالي كاينين رجال عمام سارة وولاد عمها ...وكلهم غير الكسابة الكباار مالين الكاميويات الي كيهزو البهايم ديالهم والعجولة والثيران يبيعوهم ...لقاو عليهم سلام شي ردها وشي شير غير براسو حتى استقرو فطابلتهم ...

الياس "ليوسف وصهيب " : احم شوا نعماس ريحتو تعطعط ...

صهيب "حط ايدو على كرشو " : ايمااا استغفر الله عليها كلمة تا واش تتهضر بصح ولا منخرك خسر ...

يوسف : عندو صح تا را زرود نعماس ...هالي تنبغي عبرتي ابا صهيب الي بغيتي تزوج من هنا ...انعطيك شااابو ...

حنحن فؤاد وهما يسكتو حيث بغا يبدا يهضر الحاج باهم حتى ...

العربي : بليمين مكاين هضرة تنتغذاو ونضربو شي دكة معتبرة عاد ندويو مرحبا بيكم اتوما مالين الخير ...

الحاج : الله يكبر بيك الحاج العربي ...

العربي : هههه الكبير غالله ..."عيط " واسمحمد وتا جيب الغسيل وسربي يلاه ...

بداو مراسم الحطان الغسيلة وحطان الخبز والموناضة حتى تحط كل طابلة طبسيل طويييل فيه نص خروف مشوي مرشوش فيه الكمون ومحمر مزيان وبجناب ديالو طباسل الكمون والملحة ...

طايلتهم كانو جالسين فيها هما وبات سارة كيتسخر ومعاهم شي ثلاثة رجال كل واحد غلض من لاخور غاتحط طبسيل وبداو يلغفو ويهضرو ...ممسوقينش لهادوك الناس الي حداهم ...

المعطي "كيلغف اللحم مع شحمة ويهضر. " : وا متمت"كيندغ " وتا شخبار الضروبات الي بعتي ...الناجي ...

الناجي "طلقها بتگريعة مع شرب موناضة هي لولة تگرع تا عينيه خرجو وعينين دراري الي دارو بناقص " : وااا گوووووععع ...بعتهم اگعععرررع ...جابو ليا جوج المليون ...

المعطي : هء. البهايم طلعت هاد اليام ...

الناجي : واشنو ربحنا بعدا ...تگرع واحد من طلبة بجهد تا قال گووووووووعععع 

يوسف "هز ايدو تيشالي " : اااعطي لوالديه ولا تفرط 

صهيب : سيييييييييير ...

فؤاد "خنزر كيغزز فسنانو ضور وجهو كيحاول ينعل شيطان " ...

الياس : اشاااو ..

ايلاف : لك الله يحرق طينتك ...

محسو حتى سمعو خبطت طابلة تا ضارو رجال كيشوفو كلهم ....

يتبع...