فاش كيجي الهم كيجي دقة وحدة كينزل على شكل مصائب ممكن تكون غير مصيبة وحدة كتجيب معاها هموم وهموم ...وفاش كيجيو الافراح كيجيو دقة وحدة ...امتا كيجينا الفرح وسط الهم وبزوج دقة وحدة الى كنا فهم وتسلل خيط بيض وسط الضلام حامل لينا بداية الفرح والعكس صحيح ....
الفرح الي بدا كيدخل لهاد الفيلا دخل دقة وحدة شكون قال صهيب وراوية يكون عقد قيرانهم بشريكهم فالحياة زوجية يكون فنهار واحد شكون قال ؟ هادشي علاش تنقول ديما ودائما راه متمشي غيييير فين مشاك الله ....
واقف فار طحين نعماس كيلبس فقميجة كحلة كيعقد فصدافيها ولابس معاها سروال كلاس باش يكم البدلة الي غايلبس كاملة طقم اسود كلاس من طراز رفيع ممشريش كامل وانما فصلو وخيطو عند احسن خياط رجالي معروف ومصمم مغربي عادي ماشي مشهور وانما معروف بدقة فتصاميم الرجالية ونسائية ...مقابل مع المراية من بعد ما حسن شعرو حسانة مقادة محسن جناب ومخلي الوسط شوي طلعو بجيل وفركو بصباعو حتى تقاد ...حتى دق الباب
صهيب : دخل ...
نجود "داخلة بقفطان ديال جوهرة فالبيج ومخدوم براندة فذهبي وزواق الي فيه خيوط مذهبة ديال جوهرة ...دايرة شال بيج مرشوش بذهبي ومكحلة عينيها جايبة معاها مبيخرة صغيرة فيها لفحم ديال شيشة حيث دغيا كيزند ...
قربات طالقة البخور ديال العود ديال الحج رائحة زكية ولما لا وبخور جاي من بيت الله من اجود الانواع ...قربات حداه كتبخر جنابو وتمتم بكلمات ترقيه بيها " : اللهم صلي وبارك على سيدنا محمد وعلى اله وصحبه اجمعين ....اللهم بارك اللهم بارك ...بارك الله لكما وجمع بينكما في خير ....
صهيب : هههه امين ...جاب الله رفعتي صوتك مال يحساب تقولي شي حاجة فحال الالة عيشة البحرية اسيدي عبد الرحمن خههخ "ضرباتو لراسو بخفة " ...ههههه
نجود : الله يمسخك نقص منك ضحك وطنز راك بغيتي تزوج من دابا ساعة ...
صهيب : خايف تقصحني سارة "مزال مكملهاش طار من حداها ومشا لجيهة لاخرا هزت بلغتها شيرت عليه بيها تا جاتو لناضر " اححح ديما ضرابيك كتجيبيهم لاصقين عشقت غا شي وحدة تفلت ...ايييي ...
نجود : الله يمسخك ويمسخ طاسيلتك والله مكتحشم مترمش البغل ...
صهيب : هاناري غا ضحكنا معاك اللوزة البيضة ديالي ..."تم مقرب ليها بدات تبعد فيه ومخنزرة " نشااااعلاه تضحكي ...اري نبوس داك الراس اري ..."باس ليها راسها وهي كتنطر وتلعن فيه على قلة الحيا ....حتى تم داخل مدرم بلا دقان بلا اذن ....شكون هو ؟ عرفتوه سيدي يوسف ....
لابس نعماس تاهو كومبلي اسود غير قميجة بيضة حال صدايفها الفوقيين زوج بغا يعري قاليك على بادرو هههه ...تاهو نيت لا يقل وسامة تاهو بجاذبيتو رمسيسية ...لابس الكلاس وكيكبان فالكلاس نعماس رجوووولة وخا مفروح رجولة طاغية ...
خلا لحيتو كبرات وحسن غير شعرو نقصو وجاي بريحتو الرجالية الخفيفة وفنفس الوقت مجهدة ...وقف عليهم خاشي ايديه فجيابو ونطق " سلام مولاي سلطان ...
صهيب "طلعو ونزلو تيبان بوكوووص وهو العريس على هاد الحساب " : وعليكم مثلها ...اسي العريس مبروك مدرتي ...
يوسف "مغمض عينيه تيبتاسم " : الله يبارك فيك ...امتا ناوي نتا ...
صهيب "خدامين تيطنزو على بعضياتهم كيف العادة " : وغا تتيسر نتا ويسخر ربي ...
صهيب : اهيااا تتشك في الفحولة نتاعب للمرة ثانية ؟ .... دابا نحنتك ...
يوسف"هز عينيه فيه " : طزز ...
في الجيهة لاخرا ليس بعيدا ...كانت جالسة من بعد ما لبسات تكشيطة فالبوردو مطروزة بالصم نحاسي مرصعة كاملة بالاحجار ...عطاتها ميزة خاصة وفنفس الوقت مناسبة لكلشي ..بما انها غاتدير نقيش خفيف وعقد القيران فنفس الوقت ...جالسة فوق كرسي مقابلة مع كوافوز وواقفة حداها واحد ميكاب ارتيست معروفة عندهم محترفة فهاد المجال ...دارت ليها مشيطة خفيفة وفنفس الوقت ديال عريسات مهزوزة شوي من فوق ومنفوخة من قدام وهابطة شعيرات مدليين ومبوكليين واصلا مشيطة جات كلها مموجة ..ولوسط مابين نفخة لفخونش والمشيطة لور جاي تاج صغير
فيه حجيرات مابين بوردو وذهبي وبيض كيبان لماح كيبري عروسة ولا الف ليلة ...دارت ليها ميكاب
فبعد ما نضفات ليها الميك اب اريتيست وجهها و تخلصات من اثر اي حااجة دايرة لوجهها سواء مكياج او كريماات او حتى ذهون طبيعية .. رطباتو ليها بمرطب مناسب لنوعية البشرة ديالهادازت للخطوة الثالثة و الاهم لي هي البرايمر باش تسد المسام الواسعة ديال الوجه و تثبت بيه الميك اب لفترة اطول .. و كاي ميك اب ارتيست بداات بالعيون بااش ماتلطخش الوجه من بعد و يجييها سااهل تمسح اي حاجة طاحت ليها من العيوون .. استخدماات لييها ضلال العيوون بلون بيج باهت نوعاا ماا و حطات ليها لون غامق غادي للبني فالجفن المتحرك و دمجاتو مزيان باش تبان العين متناسقة عا زادتها في زاوية العين لون نحاسي تيبريي مضوي ليها العين كثر .. و كحلات ليها بالابيض بااش تزيد تكبر ليها العين اكثر .. كي كملات ليها العيوون لسقاات الرمووش لي كاانو من sephora grand lashes لي عطاوها نظرة أجمل و زينو ليها العين ..
و كي كملات ليها انتقلات لاهم مرحلة ..ختارت لها كريم الاسااس لي مطابق للون البشرة تاعها..و تبعاتوو الكونسيلر بااش تخفي الهالات واخة ماكانوش باينين عندها بالزااف .. تبتااتوو بالبزودرة الشفافة و دازت ديريكتومون للكونتور ..لي رسماات و حددات و نحتات بييه تقااسيم وجهها و برزاات بيها العضيمات و كي كملات الكونتوور دارتىلها الهايلايت لي عطااها انعكاااس ضوئي لوجهها .. عاد دارت لها كونتور للشفايف و عكر بالبوردو بلون قفطانها زين و كبر لها الشفايف ..
كانت حداها نجود الي جات من عند صهيب دخلت عندها واقفة عليها ومعاها باش متحسش بنقص الام وخذات بلاصة امها المتوفية وكتبقى نجود صدر راوية الي كيعوضها شوي على امها ...
نجود : تبارك الله وصلاة عالنبي ...عشت تا وصلت لنهار الي كنشوف ولادي كيتزوجو واحد تابع لاخور ...ربي يحفضك ويكمل عليك "نقزت دمعة بالخف تتجري ...شحال فرحانة وفنفس الوقت عزات عليها ممعاهاش امها وحلفات تتقوم بدور الام واكثر ...دغيا مسحت دمعتها قبل متشوفها راوية الي كانت تابتة باش متحركش لبنت الي كتصاوب ليها " ...
راوية : امييين ماما ...فين خوتي ...
نجود : يوسف مع صهيب فالبيت كيعاون فيه والياس مشا يجيب العدول وفؤاد مع مرتو فالبيت كيبدل باش يهبط يوقف حدا باك ...واالعيالات بداو كيجيو الي كنعرفو معارضينش على ناس بزاف ...كاين معاهم لالة زينة وام سارة ...
راوية : سارة لبسات ؟
نجود : لبسات قربات تسالي باش تهبطو بجوج لتحت بينما تجمعو ناس وجا العدول باش تنقشو غير يتدفع العشا ويقراو طلبة عاد يتكتب العقد ...
باستها من راسها وابتاسمت ليها كرضى انها بغات تهضر مع خوها باش تصالح معاه لان من داك الليلة مبقاش كيهضر معاها ولا كيشوف فيها ...وخا غايكون الحلال كان خاصو وقت وصافي ...
في واحد البيت مبعيدش على بيت راوية ...طبعا بيت الشاف الكبير على قولة الدراري ...واقفة يامنة كتعقد فحزام تكشيطة ديالها الي كانت بيج فيها حجر مارون ومطروزة بصم نحاسي ...مقابلة مع ناموسية كتعقد فالحزام فوق كريشة الي بارزة شوي ...مضاربة معاه كتعقد فيه مع حزام كيتسد بخيوط ماشي فحال صديفات ...حسات بايدو فوق ايدها كيعقد ليها فيه عقدو وحول ايديه لجنابها كيطلع فايدو ويهبطها عليهم بحركة بورشتها اكثر من انفاسو الي كتحس بيهم فعنقها سخااان ...
فؤاد : مويا جينا ...
يامنة "جمعت شفايها بابتسامة " : لبستي ؟
فؤاد "باسها فعنقها بعضيضة خفيفة وبعد عليها مشا جيهة الكوافوز حل المجر وجبد ساعتو حتى هو اناقتو وحدهاااا طبعا مرفوقة بالهيبة الي فيه عطاتو ميزة من نوع خاص ...بكرمبلي كلاس كلو كحل فكحل غير زاد لمسة انه دار كرافاط كحلة كيبان فداك الكومبلي بالكتاف عراض وديك طولة الملفتة تعضي عليه شفايفك وتسخفي قذامو ...هز عينيه فالمراية شاف فيها ونطق " : شعرك ...
يامنة "مدت ايدها لشعرها الي صايبوه ليها وبوكلاتو من لتحت قهوي والوجه الي ضايرو ومبزوط حنيكاتها حمرين شافت فيه بنضرة طفولية " : صايباتو ليا البنت قبل مدخل تصايب لراوية جاني زوين ؟
فؤاد "حدر عينيه حتى عقد ساعة الفضية ديالو وهز ريحة رشها فايدو دوزها على لحيتو ورش عليه من بعيد كيرش بطريقة تابتة مكاينش ديك تششششششششششش تششششششش تااااششششش ههههه نووو رشة خفيفة من بعيد من هنا ومن هنا قبل مضور لعندها خاشي ايديه فجيابو وغادي عاقد حجبانو كيشوف فيها بنضرة خاصة ...حتى قرب لعندها قبطو بايدو ورجع خشا منخرو فيه قابط خصرها بايدو حتى لصقها معاه من جنب كيشمشم فيها مغمض عينيه وحجبانو راسمين حداش حيث منشوييي مع ريحة كيدخلها مع الاعماق ...داز لوذنيها ونطق بهمس "
زين كلمة قليلة لكاين ما كثر راه قليلة تا هي ...غزالي فعيني كثر من غزال وهادشي الي خلاني ديما فلساني كلمة غزالي ...
يامنة "حادرة عينيها كتلعب بصباع ايدياتها بخجل من هاد الهضرة الي كيقوليها تتجيب ليها تمام ...لسانو حلو وموزون ...نطقات بضحك " : والى قلتي يامنة ؟
يامنة "بغات ترجع لفعايل باش يطيح كواريه صافي بدات تولف القوالب ...مشات عندو وضورات ايديها عليه حطات راسها على كرشو كطلب " : عفااااك عفاااك ندير الي بغيتي ...عفاااك ا احم ا راجلي حبيبي ...
فؤاد "خرج عينيه ...بعدها عليه تا شافت فيه حناكها مبرگعين بالحمورية ها الفجلة جااات " : عاودي شنو قلتي ؟.؟
يامنة "جمعت فمها تا كتبغي تقولها وترجع وعاودت قالتها باش توصل لشنو بغات " : ر راجلي حبيبي ....
مخلاش ليها فين تحشم دغيا جرها لصقها معاه بشوي على قبل كرشها هز ليها وجهها من دقنها وشاف فيها بنضرات هايمين فيها قبل ميقرب بشوي ويحط راس شفايفو على شفايفها باشر بقبلة خفيفة قبل ميحولها لقبلة فرنسية خاشي لسانو في لداااخل واعماق فمها كيحوم على جنابو ويجبد ريقها لعندو حتى ضارو ايدو وراها وهبطو لتحت عجنو مؤخرتها تا زاد لصقها معاه
ماطلق منها تاحس بنفسها تحبست وريقو وريقها في فامهم لاصق ...حتى قالت صافي غايبغي وهو يهبط لودنيها مص ليها شحيمة الي تما واستقر فمو عند ودنها كيدي مباشرة لطبل ديال وذنها
فؤاد "نطق بهمس " : كتمسعيني مزيان هاكا يامنة ؟
يامنة "على نيتها " : اه كنسمعك ...
فؤاد : بغيتي ديريه اجنة ولادي ؟
يامنة "بابتسامة فرحااات " : اه ومنكترش والله ...
فؤاد : لا ...زاد كيكمل لباسو خلاها تتقلب على شفارها باش ترمش عاد تستوعب بالي راه قال لا ...
اخر اللمسات كتدار ل لالة العروسة الثانية الي تاهي كان زواجها مقرر من شحال هادي وتاهي فجاة حتى هي غاتولي حرم راجل من رجال ديال زمان راجل تعول عليه فشدة والفرح وفكل حاجة فحياتها ...جالسة فبيت يامنة اللول فين كتنعس ديما ...كتدير ليها البنت الي جات مع ميكاب ارتيست تاهي تتصايب ليها تاهي دايرة ليها مشيطة غير الفرق خلاتو ليها مطلوق من تحت ومبوكلي ومنفوخ من فوق وتااج بين القصة الي منفوخة من قدام وبين نفخة اللور الي مخلية شعرها طويل وكحللللل هابط ...
ملامحها قاصحين ملامح كحلة حجبان عراض ومطراسيين وعينين كبار كحلين ومشفرين ووجهها باقي صغيرة ولكا لا وهي اصلا عندها سبعطاش لعام ...فرحانا ومصدومة ومتوترة جا صهيب الي ضل تعاير هي وياه الي مكانوش يتشامو هاهما غايتزوجو !! يا سبحان الله ...تاهي ...
بعد الخطوات الرئيسية .. لي طبعااا بدات بيهم دازت ليها مبااشرة بعد ما رسماات الحجباان.. للعيوون لي خدماتهم بالوان نيوود .. باهتيين .. لكنها عكاتها الحياة باللون الذهبي لي حطاتو في مقدمة العين و جرات خط ديال ايلاينر من زاوية العين حتى للمقدمة على شكل حوتة .. كحلات ليها عويناتهاا بالاسود الغااامق .. بعد مااا دارت المسكارة للشفاار التحتية باش يباانو كثااف دوزات قلم اخضر رقييق بالكااد تيبااان .... بعد ما كملات ليها العيوون دازت للفونديشن و الكونتوور لي يلييق بتقاسيم وجهها .. دارت لها كذلك هايلايت ذهبي بااش يضويي ليها وجهها .. عاد دازت لشفايف لي خدماتهم لبها بغوز باارد زادت عليه لمعة ضوااتوو
وصلات الوقيتة وتجمعو العيالات هبط فؤاد لتحت حدا باه كيستقبلو ناس واقف مبند خاشي ايديه فجيابو كيعطي سلام غا براسو الى كان راجل كبير كيبوس ليه راسو وايدو ...الاحترام مكيخطاش دار رمسيس ابدا ...حداه عمو ونسيبو فنفس الوقت وبات سارة ...حتى تم جاي ايلاف لابس طقم اسود ...كلاس تاهو قميجة بيضة وبابيون كحلة ...مرجع شعرو لور بان فشكل مبقاش مخليه مخربق ...محيد الباندة من ايدو ....حتى وقف عليهم من بعد ما سلم عليهم ووقف حدا فؤاد ...
ايلاف : فين دراري ...
الحاج : هاهما هابطين ...
في هاد الاثناء راوية سالات حتى تدق الباب ودخل عليها كيشوف بنضرك عادية حتى شافتو من المراية وهي طلب من البنت تخليهم وخرجات خلاتهم بزوج واقف كيشوف فيها ....حتى ناضت لعندو ...
يوسف : هاني شنو بغيتي خاصاك شي حاجة ؟
راوية "مقالت مهضرت حدها وقفت قدامو هازا جلاليها شحال تتبان زوينة وشحاااال كبرات راوية الصغيرة لابسة طالون وخا طويلة يلاه جات قريبة ليه شافت فيه بعينين مغرغرين مدوات ماتكلمت نيشان تلاحت عليه معنقاه ومضورك ايديها عليه حاطة راسها على كتفو ..." : راوية خويا وبابا عفاك متبقاش مقلق مني والله مدرت شي حاجة الي تخليك تحني راسك والله
يوسف : لا رد ...
راوية : والله مدرت شي حاجة والله ايوسف الله يخليك سمح ليا والي درتيها قابلة عليها مبغيتش نتزوج ونتا مخاصم معايا والله تنتفقص "بداو دموعها كينزلو حتى نقز بصبعو كيمسحهم ليها ونطق " ...شششش غاتخصري هاد لوحة الي فوجهك غاتبقا فيا ...
راوية "ضحكات وسط دموعها ودفعاتو من كتفو " : دابا هاماك غير لوحة ؟
يوسف : غايبقا فيا بيكاسو الي صايبها ليك حيث خنشوشك صعيب ترسم فوقو ...
راوية : خنشوشي 😿...
يوسف : ايييه خنشوش فيه منعرجات ...تت زيدي لمك هنا بوسي خالك ...
راوية "عرفات انه سمح ليها وصافي مدام دارت الحلال يعني شرفو باقي عالي وهادي راها ختو عرضو ميبغيش يشوفها فداك المنضر ...تلاحت عليه باستو فحنكو تا طبعت ليه وقشعها من المرايا " ...تي مال مك قلت ليك بوسيني ماشي ديري ليا شبوهات مع المدام ييييخ ...
يوسف "خجر عينيه " : كيفاش ميحيدش. ؟ والله يا زيتونة لمك لا سنيتي على داك العقد ومحيدتيه بالله ...
تجمعو العيالات فجيه فصالون لاخور الي كان كبيييييير نييييت وفالصالون لاخور كاينين رجال ومع صالونات مكيشوفوش فبعضياتهم واحد فجيهة ولاخور كاين فضورة يعني ميحتاجوش اصلا يفاصلو بين رجال والعيالات وطايب كانو طباخات كيطيبو فالملحق والسرباية مفرقين فوج شباب وفوج شابات باش كل فوج يسربي على واحد فيهم ...
بداو طلبة كيقراو القران وجالسين دراري وسطهم الياس تاهو بقميجة بلومارين وسروال دجين وصباط موكاسان بلومارين موقف شعرو بجيل مسكسف عالحالة ضارب الحطة من داكشي بجنبو يوسف وصهيب وايلاف جالسين حانيين راسهم كيسمعو لطلبة كاين سمط كيتسمع غير صوت طلبة كيقراو ....جات نقاشة نقشات لسارة غير رجليها نقشة خفيفة وايديها مزال حنتها جديدة هي وراوية من الي نقشو فدار سارة
بلا ذكر تفاصيل مملة ...دازت الصدقة كما يجب بالفرحة من جيهة العيالات الي من سكتو طلبة بداو يهضرو وشي يشوف العريسات الي هبطو بزوجات كل وحدة تنسيك فلاخرا ...والي كيشوف فيامنة مرات الولد الكبير ...الي كانت جالسة وطايح عليها سر وخا مدارتش مكياج ولكن غير مشا دارت شوية العكر قالت مع العيالات مغايدخلش تتبغي تخرج وتمسحو هههه ...تابعة هرموناتها ديال الحمل وصافي ...
حتى وقف الياس على نجود وطلب منها تعيط لراوية وسارة يتحولو البيت باش يجي العدول وخوتها والعرسان لعندهم ...وبالفعل داكشي الي كان حتى دخل عليهم العدول بدا فالمراسم ..
بدا بسارة وصهيب هما اللولين وحداه باها ...بعد الكلام الخاص بهاد المراسم عطاها شحال غايحط فصداق وكدا الخ وسمع موافقتها وموافقتو … حتى وصلو لامضاء كل واحد سنا فيهم وهما يزغرتو تلاتة تزغريتات عليهم ...وجات نوبة راوية وايلاف تاهما بداو فالمراسم ديالهم ...حتى شاف ايلاف ففؤاد الي رمقو بنضرة ديال ختي امانة غالية بزاااف حاول اصاحبي حاول متوصلها تاحاجة ...غمض عينيه وحلهم باش يطمنو ...
كان ولي امرها طبعا باها الحاج مدام فالحياة ...تاهما سناو وها زوج الكوبل تلاقاو فالحلال ...تعالاو زغاريت والمباركات حتى سلم العدول وبارك وداوه لعند رجال باش يتعشاو مشا الحاج ومصطفى تاهما بقاو غير دراري والعروسات فالبيت ...كيهضرو ويضحكو خلاو كلشي الي معروضين يتعشاو وهما بقاو فالبيت ..بقاو دراري مجمعين كل كوبل حداه مرتو ...كيباركو لبعضياتهم شوي حتى ناضو يتعشاو ومن بعد ما سالا العشا بداو الناس يمشيو ودنيا كتخوا ...بقاو غير هما ...يوسف مشا هو والياس يوصلو العدول لدارو ودار معاهم شي يومين باس يجيو العقد ياخذوه وبقا فالبيت غير صهيب وسارة وايلاف وراوية حداه ...جالس صهيب حداه سارة حادرة عينيها الخجل طاغي عليها بجهد باقي صغيرة وعروسة كلشي جديد عليها وخا قويفزة على يامنة ولكن كتبقى كتعيش سنها الصغير ...صهيب باغي يهضر معاها وشايفها حشمانة ...ناض ايلاف واستاذن باش ياخذ راوية يهضر معاها فالبيت بينما يوصل وقيتة باش ينعسو ...بقا غير صهيب وسارة وحدهم
صهيب "شاف فسارة حادرة راسها متوترة لاقصى درجة ..." سارة مالك ...
سارة "كتفتف " احم م مماليش ..."غمضات عينيها بالم" ...
صهيب : و شحال اختي تتبقا فيك ياك غير ليوم لا ؟ ....
سارة : س ب ع احم سبع ايااام
صهيب : قد العطلة ديال دورة لولة اختي ...."ضار وتم غادي تيضرب اخماس فاسداس مع وحدهم فداك البيت الي فحال صالون تاهو غير فيه بلازما فين كيتفرجو لا بغاو " النحس النحس ...واااااااااخا يكون بويا دابح عليا كلب يهودي ...
مشاو العيالات ومشاو الناس بقاو غير القلة الي جالسين كيضحكو مع نجود ويباركو ليها ...فؤاد ناض من وسط شي رجال صحاب باه وصحابهم ...عيا بغا يطلع يرتاح ويدير اتصالات خاصة كتكون فديك الوقيتة ...جاي وكيقلب عليها بعينيه حتى بانت ليه …
فؤاد "كيقلب على مرتو بعينيه من بعيد حتى تمات جايا هازا جلاليها لابسة بليغة بصم ذهبي حادرة راسها ...كيشوف فيها مرتو يامنة الحب العشق عمارة دارو الي فاش كيقولها كيعنيها ن
خاطيه من حبيبة وحبي وداك الحب الرومي عندو كلشي بلدي حيث كيحس بيه انه ديال زمان بصح كيكون خارج من القلب اما شي لاخور غير ديال دراري صغار ...جايا من بعد ما مسحت فمها من العكر تماما وخا مدارتوش معيق غير كلوص خفيف صافي عشقاتو ...حتى وصلت عندو ونطق بين شفايفو بلا صوت ...." : كاتيوووشا ...
جات عينيها فعينيه من قالها عرفات شنو نطق وهي تضحك وحدرت راسها وقفات حداه كيشوف فيها بنضرات ماشي غير غزل نضرات فشكل باغي ياكلها جاتو عليها ثاني ...مراتو حلالو فينما توحش يعشقها يمشي ليها بلا عُقد ......
شدها من ايديها شابكهم مزيااان وضغط عليهم بصباعو حتى جرها لواحد دخيلة تما تحت دروج ضايرين بيها سواري جات فحال البيت ...عشق يقنتها تما كيزيد تقنات حلاوة العلاقة مافيهاش باس يترهق معاها شوي ههههه ...
هز عينو شاف البلاصة ممواتياش وعاود شابك ايديها وهي كتبتاسم وتابعاه غادي بيها بشوية كيحنحن حتى دخلها لمكتب ديال باه وسد الباب ...وقف وضار لعندها شد ايدو ورا خصرها وقربها ليه كيطلع فايدو ويهبطها بطريقة هرتها لمساتو قاصحة ولكن حنيييييينة كتخلي والديك تبورشي تتبغي تبولي ....
ايد على جنبها وايد شابك بيها صباعها باس ايدها وحول صبعو وهو مشابكهم لحنكها كيف العادة كيطلعو ويهبطو على حنكها بشويييي عينيه كيشوفو غير فشفايفها حتى كيبانو ليك نضراتو فحال نسر الي بانت ليه فريسة وجاي قاصدها من سما وعينيه منيشين عليها باش يهزها ويطييييير ....هاكاك دار بسرعة مشا لشفايفها نقز عليهم هازهم بشفايفو بقبلة ثقييييييييلة
بالكاد كيخلي شفايفو يقيصو شفايفها حتى كيغفلها ويجرهم بزربة ويطول فجرة حتى كتقول جبدهم لمعرفت فييييييييه ...ايدو خذامة تتماصي ليها جنبها وهو خدااام يبوس ويشلقم ويخرج لسانو حتى كيلحس ريق الي فجنابها ويعاود يخشي فمها وسط فمو على عضها حلت فمها ودخل لسانو كيغوص فالاعماق وناسي راسو
راه كيتحاكك معاها ويتحكك عليها حتى بدا كيسخن غا ضرباتو الفيقة ولكن صااافي بدا كيسخن يعني لا مجال لصبر ...غادي كيبوس فيها قبلات خفاف على وجهها حتى ضار عليه وغادي حتى وصل لوذنيها ونطق بصوت هامس فيه بحة ثقيييييييلة وخشن كتسمعي صوت مدعدع وغلضي وخا هامس مجهد ...
فؤاد "لحس ودنها ونطق بانفاس سخوووونة " : كوني عروسة ليا ليلة من جديد ...
يامنة "عينيها مجبدين بابتسامة زوييييينة فشكل طايح عليها سر الحمل كتشوف فيه ومرة مرة تهرب نضراتها لا تشوف فوجهو وترتابك ...هيبتو الرومانسية الحرشة طاغية ديما كتخليها تحشم وترتابك " : م مفهمتش ...
هبط بصبعو هبطة بجرية من كتافها حتى لجنبها وضار حل كف ايدو وضار حتى حطهم على مؤخرتها عاجنها بصباعو الخمسة مقربها ليه
حتى جا وجهو قريييييبب لوجهها بزاف شفايفهم قراب يتلاصقو ونطق ...
فؤاد : تشهيت غزالي ففراشي ...كاتيوشا تكون ليا ديافوشكا ( بنت او عذراء زعما يعني بالمفهوم بغا ليلة تاهو يحس براسو هو وياها عرسان جداد وبطريقتو غايرجعها فحال الى اول مرة تنعس معاه وهي بنت ههه) ...
يامنة "بقات ترمش فيه في حين حناكها ولاو كل حنك فيه مطيشة " : همممم شنو هي دياڤوشكا ...
فؤاد "كيف العادة وصل لودنيها وهمس " : ديري الزينة(مكياج) الي بغيتي فوجهك وكوني ليا عروسة ...وخليني نمحنك بالمهل ..."طلع وجهو لوجهها شافت فيه عض شفايفو بطريقة تجهل وضرب ليها اكبر غمزة بالخف " ...
يامنة الجزء 66
محتوى القصة
التنقل بين الأجزاء