باس ايديها ومشا بخطى متسارعة تا خرج من الغرفة الخاصة شبه انعاش ميبرزطها حد وصات عليها على قبلها ...طبعا الى عندك الفلوس راه دير كلشي ...مشا قلب عليها ولكن لقاها غير فالانحاء ممبعداش على ودها حتى وقفها ...
فؤاد"تيشير بايديه لور ونطق صعاب عليه عاقد غوباشتو " : شوفيها باش كتحس
يسرى : مالها واقعة شي حاجة ؟؟"تخطاتو وتمات غادا كتزرب حتى دخلات لعندها لقاتها متسطحة وشادة كرشها حيث بارزة كيف سبق الذكر كانت كريشتها من النساء الي كيكرشو ويبان عليهم الحمل ....
يسرى : يامنة ؟ شنو واقع ...
يامنة : حسيت بيه تحرك اهى ياكما غايطيح ؟
يسرى : لا شمن يطيح يامنة شنو تافقنا ااا ؟ ...ملي تحرك هادي راه بشرة خير ...
فؤاد : كيفاش ؟
يسرى : خهههه متخافش هادي حاجة طبيعية ...الجنين فعمرو اربع شهور وزيادة يعني اسابيع قليلة وتكمل خمس شهور ..الجنين فالمرحلة مابين 16 و 22 كيبدا بالحركة وهاد الحركة كتحس بيها غير الام الحامل ...كتسمى Quickening الارتكاض او التسارع ...غاتحس بيها يامنة
هي اللولة عاد من بعد كتولي تحس بيها نتا الى قستي البطن ديالها من هنا القدام محدو تبارك الله كيكبر محد الحركة كتزاد وكيبان ليا تبارك الله عليه دغيا مزروب يبدا يركل غير استعدي ايامنة ان شاء الله يبدا يضرب فيك ...
يامنة : بصح "بعينين دامعين " هههه مستعدة والله غير يضرب معنديش مشكيل "مسحت دموعها بفرحة ...حتى مشا فؤاد جلس حداها وقبط ليها ايديها كيبوس فيهم بوسات متفرقة ...
يسرى : احم انا نقدر نحس بيها "مشات عرات ليها كرشها مع كانو ملبسينها اللباس ديال المشفى حطت ايدها بحركات هي طبيبة تتعرف كيفاش ديرهم باش تحس بيها ...بالنسبة لهاد الحركة فعلا كتحس بيها الام هي اللولة وطبيب الى كان متمكن " ....
يسرى : هههه وي كيف حساات بيه ..."غطاتها " على العموم بقاي مرتاحة نعسي حتى يكمل سيروم ونزيدك واحد ديال الاملاح والفيتامين باش تقوي مناعتك وترجعي صحتك لان نزيف الي وقع ليك كرفصك خاصك تقوي باش تعاوني حتى نتي تفاهمنا ؟
يامنة : اه اه واخا ...
ابتاسمت ليها وخرجات بفرحة تبلغ يوسف اييييه تبلغ يوسف تتقلب على شي تقنيتة اجا ميفرقو لينا معاها تاني 😐
جالسين متفرقين شي في الجهة لاخرا مخشية فيه مرتو وشي غير جالسة حداه ...ويوسف والياس واقفين كي طلابة ديال جامع دوار حد كرت نهههه ...
صهيب "كيحك جبهتو " : تت ففف كاين شي خبار ؟
يوسف : الي كاين قلتو ليكم ...
الياس : فين الوليد وعمي ؟
يوسف : مشاو يصليو الجمعة ورجعو جالسين لتحت طمنتهم وبزز باش رجعو لازرو مكاين لاش ييقاو هنا اصلا مغاتخليهمش يدخلو غير فؤاد بزز غا خافت يريب لينا هاد دنيا اما ميدخلش هههه
راوية : وراه من حقو الحالة الي دخلت ليها مكتبشرش بالخير عرفتي راه تمشي فيها كون طاح متعلقة بيه بزاااف ...
ايلاف : لك والله لو شفتي حالتها لما احذتهم وجبتهم عالمصحة ولا لا تبكيييي وتنزفي حزن عليهم ...
نجود : ايوى الله يمسخك ...ويمسخ المسخ الي مسخك اقليل الادب ...
يوسف "حدر راسو " : سمحي ليا 😐
صهيب : ههههههههههههههههههههههههههههههه
خرجات لعندهم يسرى بتعب عيات تقريبا اكثر من ربعة سوايع وزيادة وهما كيتسناو وهي معاها قبل ميدخل فؤاد وهي على اعصابها كتر من يامنة ...تعاملت معاها كانها راسها ...تضغطات وبركات على نفسها حتى من الماكلة مكالتهاش لا غذا لا فطور وهي مقاتلة معاها فينما تحس بالخطر كتلقاها عند راسها بالكشيفة باش استقرت حالتها وجسمها بدا كيعطي طاقة الايجابية الي كتمشي لجنين نيشان وترجع ليه الحيوية ...وخا هكاك باقي شوي هابط ...يعني ممكن يشد بلاصتو ولكن مع اقتراب الولادة فاي لحضة غاتولد ....عاد خرجات وجهها صفر لا فطور لا غذا ...
يسرى : احم مكاين لاش تبقاو هنا الحالة استقرات ايوسف معاها راجلها ...
نجود : واش مزيانة بعني مكاينش شي خطر ؟؟
يسرى : تت لا اخالتي حاليا مزيانة ..متقدروش دخلو عندها ملقيتش كيفاش نقوليه يخرج متشبت بيها وهي مبغاتش تطلق منو دونك كيتسناها تنعس عاد يخرج ...
يوسف : واش بيك شي حاجة يسرى ؟ مال وجهك ...
صهيب "كحز حدا الياس وايلاف " : ورقو ليا على با يوسف تيطمئن ...
ايلاف : حالتها ما عجبتو لك والله وشا اصفر ...
الياس : وراه صفر ويوسف غايخضرو ليها بالحشمة ...شو تا شوووو ايواااا حط ايدو على كتفها ...
صهيب : ليطمئن ...
راوية "تخشات تحت باط ايلاف تطل تاهي " : ناري يوسف خههننن ...
يامنة : همم واخا ..."باسها وعاود باسها وباسها مبغاش يتفرق عليها كتعز عليه حيث عارفها متعلقة بيه بزاف لدرجة مكترتاح الا لما كان هو ...اييييه فؤاد الي يخافو منو اغلب المافيوزيين الي معاه كيبث فيهم الرعب هاهو الان مصدر اللمان ليامنة ..."
اول ما خرج عند باب الكلينيك هز الفون ودوز الخط لايلاف ...
فؤاد : ساعة لقاك تما ...
ايلاف "كان متكي راوية بغاو يباشرو معرفو منين نزل عليه " : ليش هلا ؟ مخلاهش يسول قطع عليه وهنا تگعد ايلاف ساخط حيث بدا يديماري ونزل عليه كي سعد مولات سالف الي سعدها تالف ههههه
ركب فسيارة ديالو ...اول ما ركب فبلاصة القيادة ...نزل راسو لجيهة لومبرياج ...شاف هنا وهنا مع فالمغريب ضروري ميشوف ويحضي ...هبط هز من الجنب الفردي ...حل وحسب الرصاصات الي فيه ...وتاكد انه عامر ...عاد كسيرا لوجهة فين داير مع ايلاف والي جات مابين ازرو وفاس فواحد الخلا ...
ايلاف "كيلبس فحوايجو كان عريان من الفوق " : انا رايح هلا ...بعدين بنكمل ...
راوية : فين غادي شكون عيط ليك ...
ايلاف "ساخط " : في نضرك مين عندو جراة يقطع اللقطة الحميمية بيناتنا ...لو كان يوسف كنت قتلتو ...صهيب علقتو ...الياس مابيقدر ...
راوية : ههههه فؤاد ...تاحد ميقدر عليه ههع ..
ايلاف : فففف "لبس قميجة كحلة مطرطقة عليه وسروال فصالة تقاد دغيا ...ضار لعندها باسها فراسها وبجغ ليها فمها" ....همممن لك والله ما بسخى بها شفايف الحلوين ...
فؤاد "خرج من سيارة طالق ديك مولاتي تخنزيرة ونواضرو تعرقو حيث عارف علاش جاي " : فين هو ؟
ايلاف : بالحفض وصون ...بس مو بكير ...
فؤاد : سير انا تابعك ...
معاودش معاه الهضرة كانو قدام واحد پتي فيلا ديال فؤاد قديمة باقي ممصلوحاش شاريها بثمن رخيص بحكم المنطقة خالية تما مفيها حد وكتخوف ...كانت تقريبا التاسعة مساءا ليل ليِّل وضو القمرة باين منور قداش ...
دخل ليها ايلاف من بعد ما حيا رجال وعطاهم اشارة زوج صباع فعينيه متاجهين لنواحي بمعنى ردو البال ...
دخل وراه حتى هبط بيه لتحت لاكاف ديال ديك دار وحل ليه الباب ...لقاه واقف ورابطينو بسلاسل ...حتى وقف قدامو فؤاد كيشوف فيه بنضرات كي القرطاس ...
داني "ضحك بجنب " : ههههه علاش مكبلني ؟ خايف ؟
فؤاد "رفع حاجبو " : صمت ...
داني : تواجه معايا نيشان لاش رابطني خفتي نغلبك ولا ندير شي حاجة ؟ اممم ؟
فؤاد : صمت ...
ايلاف : لا حتى تفهم لازم نعمل هيك ...
داني ؛ ديها فك*** نتا
ايلاف : ك*** هو الي غادي يوريك نجوم سما فعز الشمس ...المواجهة ديالك الاخ ماشي ديال تفاهم جربنا معاك شلا طرق اما لاجينا نخدمو فحالك "شير ناحية فؤاد " فلحضة متعرفو امتا دوز عليك وطلع لسما عند مولاك القوم الملعون ...
داني "عض سنانو " : تااا دابا يطلقني نتفاهمو ...
ايلاف : ماشي هو الي قتل ختك تقرير راه تقريبا برئو خاص غير تحكم المحكمة الاخ ونتا لصقتييييه ؟ فاش عينك ...
فؤاد "حك لحيتو وعض شفايفو تا بغا ينقز دم " : طلقوو ...
ايلاف "ضار جيهتو وشاف فيه فؤاد بنضرة خلاتو يمشي يفكو بلا ميناقش " : ليكاك ...تفضل ...
فؤاد "حط الفردي لاحو ليه ايلاف خرج عينيه " : "هز ايديه " دير الي عجبك ...
شوي بدون سابق انذار ضورة الي ضار مشا ليه هز رجليه نزل عليه لوجه نيشان حتى تيمعت طرااااق من منخر داني حتى غوت ولكن ماشي غوتة فؤاد الي زلزلت ديك دار ...محتال يقلب متخرو تا كان نازل عليه برجل لاخرا
دم ديال منخرو وفمو طار رشريش ...نوضة الي غاينوض عاود نزل عليه ...عندو طريقة كيغفل بيها بنادم مكيعرفش كيفاش داكشي نزل عليه ...
عاود هبط لعندو كيعطيه برجلو مكاينش ليدين حتى استقر ليه على كرشو كاع منضر يامنة كيجيه فبالو وهو سباب تا وقع ليها هاكا من نهار دخل فالخط داني وهي كتعاني ...
ايلاف "بغا يرجعو والو مقدرش عليه " : فؤاد خلص فؤااااد ...بقا ينزل عليه ينزل ينزل تا عروقو تنفخو ليه وايديه كنززو عليه ....مجرو عليه تا كان طايح لارض دماياتو دايزة ...هبط لعندو بغا يطرطق ليه عنقو حتتفكر اوه محتاجو ...عاود ضربو ...
فؤاد "كيلهث " : هذا هنا يبقى نهار نبغي نمشيو لهيه فكو من بعيد ...زيد فحالك دابا خليه يتكلفو بيه هنا ...
خرج هو وايلاف حتى لبرا ...كل ركب فسيارتو ....غادين ورا بعضياتهم …ايلاف "هز لفون كيرسل لراوية ميساج بالي تسناه هاهو جايها هههه وقف سيارة فجنب حتى رسلو ليها ...هز راسو باش يكسيري حتى تهرس عليه زاج ديال شرجم بغفلة واحد ضربو لناضرو تا داخ وحلو الباب هزوه مرابعة ركبوه فسيارة كحلة رباعية الدفع …كان فؤاد وراه فرانا بجهد مخرج عينيه هز الفردي وخرج من سيارة بغا يضرب حتى خرجو شي سيارات وسط الخلا طالقين الفار كود (ضو مجهد)ودعقوه مقدرش يضرب بغا ينيش نيشان لروايد ولكن كانو اسرع ...
فؤاد "جبد ايديه تا جبدهم لتحت عينيه ولاو فحال جمر خطفو ليه صاحبو قدام عينيه راجل ختو ومدار تاحاجة هادي رفعت ليه العافية فراس فحال شي واحد شعلتي فيه العافية ولا خويتيها عليه سخن ليه راسو ": ااااااععععععععععععععع "هز لفردي لفوق متسوق لتاحد طلق رصاصات فسما وحدة تابعة لاخرا ...
يتبع...
التتمة حتى لغذا اسفة جدا ولكن راه مخي تبلوكا حق الله كنبغي وقيتة نرتاح باش نكتب بحماس من جديد ...
التتمة غذا ان شاء الله مع احداث جديدة نلتقي 😍😍
يامنة الجزء 71
محتوى القصة
التتمة حتى لغذا اسفة جدا ولكن راه مخي تبلوكا حق الله كنبغي وقيتة نرتاح باش نكتب بحماس من جديد ...
التتمة غذا ان شاء الله مع احداث جديدة نلتقي 😍😍
التنقل بين الأجزاء