عدنان حيد عليه داك الايزاارر وبدا كيحاول ينوض من ااسرير شاد على قلبو متألم حوايجو غير حداه بغا يوصل ليهم وهزهم وماقادش ... واسد كيشوف فيه غير بنننص عين داير راسو مشغول مراهش تما هو ربي لي عالم .... عدنان حط رجليه بجوج فللارض وبدا كيحاااوول ينوض والو مقادش خاص لي يشد فيه ... تاححس بيه وقف حداه بدون مايهضر ووقفوووو متكيه علييه
عدنان : مكاين لاش ... نقدر نتمشى بوحدي
اسد : زييد باركا ..
وقفو مسندو على كتافو وزاد بيه كلس على واحد الكنابي ومشا هز حوايجو كيعاونو يلبس .. وعدنان غير كيشوف فيه وحابس داك الضحكة وخا تاحاجا مكتستدعي للضحك ولاكن داك الضحكة هي ديال لفرحة بالامور لي كلها توضحات و تصلحات ... عاونو اسد يلبس حوايجو وبدا كيحاول يلبس ليه من فوق ومكاردي معاه الجرح مزير على عينييين واخا صدرو كامل ضاير بالفاصمات والبانضة جاتو تبوريشة من داك جرح ...وطلع ليه سلسلة دسيرفيت .. وبقات صبادرين هو يشدها عليه مايقدرش يخلي خوه يتحنا يلبسها ليه ... ولاكن اسد حيدها ليه من يدو بزز بدون كلام منطقووش كاع .... . ولبسها ليه وعدنان كيشوف معاه كيربط ليه سيووور ... تاسالا ودموع بغاو ينزلو ليييه ... شنو كان غايدير فخووه الصغير و فأحن قلب ... فين غايلقا هو لي يتحنا ويلبس ليه صبادرين ..راجل بلحيتو وهيبتو وتجريدتو لبس ليه صبادرين اسد وقف كينفض فيديه ومعلي حجبانو مغوبش
اسد : نوض تمشا شوية .. ورجع نعس
عدنان غير كيشوف ففيه اسد ماسمعوش رد عليه هو يشوف عندو لقااه كييشوف فيه وعنيه محمرررييييين و كيغزز فسنانو لداخل ... اسد عرفو مالو .. والى للندم كياكل فيه .. هو يمد ليه يديه باش يشد فيها ينوض .. وعدنان شد فيها وزيييرررر لدرججة العروق برزو فالمعصم ديال تاحرقوه دوك اليباري دالسيروم .... واسد تاهو شاد فيه عندهم نفس المعصم سوومررر ورجووليييين ومعررقييين ... زير عليه باش قدر يوقف .... ووقف وهو يقرب بشوية عند اسد وطاح عليه كامل عنقوووو عناق رجولي حااااارر واسد غممممض عييينييييه فااجأووو.. . وعدنان معنقووو بحرااااارة ... شكر .. امتنان .. ندم ... حب ... اخلاص .. اخوة ... عداب .. وفاء ...و اعتدااار ... كولشي طرجمو فداك العناق لي دار ليه خلاه مشوووكي ماتوقعاش منو .... ماقدرش بعتدر لفظا ويطلب السماحة ... ولاكن اختار انسب طريقة .... الا وهي لغة العناق الرجولي ... اسد هز يديه بشووووية تاحسو كيطبطب على ظهرووو ... وعدنان الابتسامة شوية بشووووية كتوسع على فمو وتفرض وجودها ... وشاف لفووووق كيحمد الله لي بادلو العناق .. ورجع طلق منو وبعد كيحك فراسو بتوتر جاهم هادشي غريب .. حركة دارها بدوووون شعووررر واسد كيشوف فيه ...
عدنان : اا ... ح حسيت بدوخة .. و وشديت فيك
اسد : ممم.. ( جاتو من الجنة والناس يخرج من داك لعاطفة لي كتفضحهم وتبينهم على حقيقتهم وتبين وجههم الحقيقي الحنين و الرطب و الطفوولي وهوما مكيحملوش يبان كيبغيو دابا يبقاو بقناع الصلااابة والصرامة والحرشوية) وي .. راني عرفت ....مزيان لي كنت واقف ومجيتيش فالارض .. مرة اخرى رد لبال ...زيد دابا لاباغي تمشا ...
عدنان تكا على دراعو معكز بيها وزادو بشوووية وهوما قلووبهم عالم بيها غير الله ......
خرجو من الشووومبر كيتمشاو بشووووية فالكلوار واسد جار ليه سيروم بيد ولوخرا شادو بيها وعدنان الخطوات ديالو ثقال شاد على الجرح بيديه وساااااكتيييييين واحد الصمت غامض ..تابان ليه غايعيا حييت القوة والو وهو يكلسو فواحد الكرسي
اسد : رتاح ماتفورصيش على راسك
عدنان : ( بعد مدة وطلع فيه راسو ) نتا لي كتقول هاد الهضرة ا اسد
اسد :مافهمتش ؟؟؟؟؟
عدنان : رتااح ..... باغيني نكون مرتااح ؟
اسد : وعلاش مانبغيكش ترتاح ؟.
عدنان : ياك نتا لي منديما كتقول ليا باغي نعدبك ؟
اسد : ودابا راك مرتاح ولا معدب ؟
عدنان : معدب
اسد : دونك وصلت لداكشي لي بغيت ... دابا لابغيتي ترجع ترتاح رجع .. معنديش مشكل ...
عدنان : هه!!! قووووليا آ اسد... امتى ناوي تعقل هههه واش ماباغيش تكبر ... باقي نتا هو اسد لي خليتك فالماضي
اسد غير ساااكت وكلس حداه
اسد : تووحشت دوك اليااام
عدنان : مغاايتعاودوش دوك ليام ... زوينة تكون وسط عائلة .. و واب وام ....
اسد : منقدرش نكون كنعقل بحالك ... ولاكن كنعقل ملي كان يتقطع ضو كنا نتجمعو كلنا على شمع ... واحد للاحساس غرييب
عدنان : هههه على فين عمرو بقا ليينا الشمع معاك بعدا .. الواليدة كانت كتشعلو عشرة دالمرات فدقيقة ... تغفلها وتسوط عليه طفيه وتكلس تصفق بحالا درتي انجاز هههه كنا كانبقاو فضلام بسبتك
اسد : ( ارتسمات على شفايفو ابتيااامة ) هههه ماعقلتش على هاد تفاصيل ....
عدنان : انا باقي عاقل عليهم ههه عرفتي كيفاش كنتي ؟ بحال بنتك تماما واحد البسالة خطيرة .. غير ضلمتي مراتك وتقول بنتك شبهات فيها .. را بالله تاشبهات فيك ههههه .. انا ديما كنت كناكل العصا فالمدرسة بسباب الكتوبا ديالي لي كنمشي بيهم كولهم مرونين ومقطعين
اسد : هههه ماتزيديش فيه .
عدنان : والله تاداوي بصح .. عمرني مادرت معاك شي كتاب صحيح .. اصاحححبي شحال كنتي باسل ...
اسد غير كيضحك وعدنان مرتاح لي بدا يكسبو شوية بشوووية ...
عدنان : كان عزيز عليك تنبش بزاف وتبقشش مكاينش شي مجر مكتحلوش ديما محشم الواليدة فديور ناس ههه .... ويلا زعف عليك شي حد مكترجعش ليه لطريق دغيا واخا يبات يحزر ... انا كنت كلقا ليك طريقة من داكشي .. كنقوليك غير اجي نعطيك ورقة فاش ترسم .. كتنسا كووولشي ... صاحب حاحتك ياوليدي ههه
حبيبي الأصم الجزء 317
محتوى القصة
التنقل بين الأجزاء