حبيبي الأصم الجزء 319

رتاج كتشوف لداك الخاتم وترجع تشوف فيه مامتيقاش حالة فمها ... 

رتاج : اا نن .ن ت ا .. نتا اش درتي ؟ 

عدنان : ( جبدها من يدها كتر لعندو وهي حشمانة قدامهم ) اش درت ؟ 

رتاج : ( تززززنكات وكتشوف فيهم كولشي كالسيييين كرشها ضراتهااا بالحشمة وهوما واحد مااامسوق كاع عنددهم عااااادي وفرحانين ليهم ) و .. واش م . (قاست فصدرو جيهة الجرح ) واش نتا مطاري ليك والو ؟ غ غ غير كدوب ( ضارت عند دكتورة ودكتور ) غير كدوب ؟ م .. مااانسيت تاحاجا ؟ ج جرح مغايلتبهش ع عدنان بيخير ؟؟؟؟؟؟ 

دكتورة : ههههه الله يخليكم لبعضياتكم هو خاااطبك ونتي مزال كتفكري غير فصحتووو ... باش تعرفي صحتو عندك اهم من كولشي ... غير طمني هادا غير مقلب دارو ليك ... 

رتاج رجعات طلعات راسها شافت فيه وعينيهااا غايبكيو . واسد حس بواحد الارتياااااااح كبير لي خوتو كاملين طاحو فبنات كيبغيوهم وغايعشيو حياتهم زوينة وتاوحدة مغاتفرق بين الخوت كان هاز هم كبير تدخل شي وحدة بيناتهم تفرق الخوت ...... تهنا على عدنان تاهو دابا ملي عيلاتهم كولهم صحابات....

رتاج : وو .. واش نتا بعععععقلك ؟؟؟؟ 

عدنان : وعلى انا خلييتي ليا شي عقل ... قدامهم كاملييييين وكولشي كيييسسمع ... انا كنقوليييك باغيك لزواج ... من نهار اول مرة شفتك فطيارة .. عجبتني ... ااه منكرش الحقد كان عامي ليا عيني ودخلتك فحوايج معندكش علاقة بيهم وتعدددبتي حتى نتي معانا ... ومع دالك مالقيتش احن من قلبك ... غلطت وتقبليتني باغلاطي .. لا ودزتي نقدتي ليا حياتي من فوق ... واش حسابتك انا محاسش ليك بهادشي لي كاديري معايا ... رتاج .. ليييوما اناا الى واقف على رجلي هادشي رااااجع ليك ... ( رتاج هبطات ليها داك دمعة ) والى انا رجعت لخوتي حتى هو راجع ليك ... وعدنان ليوم برا من كاع الامراض لي كانو فيه .. برا من الحقد ... وبراو الصمامات ... ومابقاش عندو اش غايمنعو عليك .... ومنليوم بغيتك تكملي حياتك كلها معاايااا .... 

رتاج غير مهبطة راسها وعاضة على شفايفها وكتتببببككككي ... 

لامار : ههههه يلااااه ارتاااااج قوليليه موااافقة اصااااحححبتي 

حياة : رتااااج سررررربي باش نديرو العررس انا وياك فنهار وااااااحد ( سفيان شاف عندها بمعنى اش كتقول هادي دابا هو عاود يتسنا تايتزوجو هادو ) 

رتاج غير ساكتة وكتنخصص وهو شاد يديها وكيتسناها تهضضرر وتقول شي حاجة 

لامار : شووووفلك على الكارثة دابا عاد جاتها اللقوة واااهضري ازمر 

حياة : كانت كتبات بلا نعاس ودابا ملي خطبها ضربات طم ....

رتاج جاااتها ضضضضضحكة عليهم والفرحة والدموع والصصدمة وكولشي مجمووووع ...واسد خرج مع دككتور ودكتورة يطمن على حالتو نيشان فالبيرو وتبعو تاسفيان لي جر معاه حياة يخليوهم على خاطرهم ويونس ولامار لي مشات ووكتغمزرر ليها تهضضضر ... 

عدنان هوما مشاو وهو قرب ليها كتررر وعلا ليها وجهها 

عدمان : اوا ؟ مغاااتمسعينيش صوووتك 

رتاج : م .. مامتيقاش الى غير كدوب .... خ خفت نكون بلاصة مابغيت نداويك آديييتك 

عدنان : واش نتي حمقة .. وهانتي كاع درتييييها انا غانتقلق منك هاكاك ؟؟؟؟؟؟ وننسا كاع اش درتي معايا ممم ... انا ولد الحرام ؟؟؟؟( كيدوز يدو على شعرها ) حبيييبتي انا واخا ناخليت مادررت فيها ... هي خيفانة تآديني ... فين غادي نلقا بحالك انا فين ...

رتاج : . و . و ولاكن .. علاش .. ( حاولات تمالك ننفسها وضضرباتو لكتففو ) علاااااش ديما عزييييز علييييك تخلعنييي وتععدبني ... حتى باش طلب زواج معددددبني ومبكييييني واش كيعجبوك دموعي ولا كيفاش 

عدنان : ههههه هادشي لي عطا الله ... ( جبدها لعندو وهي مابغاتش تكا برزاف على صدرو على قبل الجرح ) مغااتعطينيش جوابك ادكتووورتي 

رتاج : علاش كتسنا جوااااب ونتا بفمك قلتي ليا بزز عليك غانديك

عدنان : ايه ماكدبتيش ... غانديك غااانديك وبخاطرك ولا بلا خاطرك ولاكن غاتجي حلوة لاسمعت منك كلمة موافقة ... وعلى انتي بعدا اساسا كنتي غاتدي شي واحد من غيري 

رتاج : ( علات راسها لسسسما معععفرة ) مممم ومالها اش فيها .... غير نتاااا لي كاين

عدنان : ( غرس يدييه فشعرها ) غيييرر انا لييي كاين ولي غانكوووون... ( رجع قرب وجهو لعندها مع طوييييل حادر عليها وداير نيفو على نيفها مدددة ساكت تانطق ) عارفة شحال كنبغيك ولا معارفاااااش .. 

رتاج : ( زعزعهااا كتغزز فشفايها وتزير فيديها ودوات ببخجل ) ع عارفة .. 

عدنان : مزيان .... اذن تتي قابلة تزوجي يواحد كيتسطا عليك ......

رتاج : ( كترمش بعويناتها وطلعاههم فيه ) ت .. تاااانفكرررر 

عدنان : ههههههه 

جاتو الضحكة وبعد كيضضحك 

عدنان : عزيييز عللليكم هاد البلانات ... ( مشا كلس على سرير وهي كتشوف معاه حساتو عيا ) اجججي عندي 

رتاج بقات واقفة فلخر قربات عندو وجبدها كلسها حداه معنقها وصوتو هااااامس ورجووولي 

عدنان : شنووو لي غاااتفكري فييه .. مممم ( كيهضر وكيقرب وصوتو بحالا يلاه فايق من نعاس ) 

رتاج : ع عع عدنان .. ش شوف راه ماشي غير اجي وقبل بزواج .. ز زايدون .. انا ... انا كاااااع مكنبغييييك 

عدنان : ( واحد شوفة ديال منيتك ) يااااااك ؟

رتاج : مممم اااااه 

عدنان بقا كيشوف فيها ومقرب ليها وهي راجعة براسها لورر حتا تكالا مع الحديدة دسرير وهو يشد يديييها بيد وحدة زيرهم موووراها ويد شد بيها عنقها وقرب لشفاااايفها ببوساااات خفااااف بدون مايحبس فيه السوفل بزااااف بوسات متقطعين .... وهي غمضات عينيها فرمشة عين تجاوباااات معااااه وهو هبط لعنقهاااا تااشهقاات شعععلللها ومطلعة راااسها لفوووق نوووض فيها العااافييييية وهو معععسسلة عينييهااا تابدات تداركو راه مرييض 

رااج : عع ع .. عدنان ... 

عدنان طلع عينو فيه وشاف بنظرة كادووووووب 

عدنان : قولي ليا كتبغييييني.... قوووليهااا احبييبة 

رتاج : ( بذوبااان فعينيه ) كنبغيييييييييك كتر من رااااااسسي ..

عدنان ضحك ليها وجبدها لعندو عنقهااا وباس على راسها وطلع راسو لفووق كيسووووط بمعنى اخييرررااا وهي معنقااااه.....

على برا .. 

لامار كالسة حاطة على رجليها قسم و حياة كالسة حداها والرجال لداخل كيهضرو مع دكاترة 

حياة : شششفتي ششششفتي

لامار : ششششفت اختي ششششششفت 

حياة : الله يعطينا العما .. قاليك عدنان معققد .. مكاين المعععققققد قد هذا لي عندي انا 

لامار : نتي بعدا طلبك لزواج ... انا راه عيت نتسنا مشيت طلبتو انا 

حياة : ششششششفتي شششفتي كيفاش دار ليها ... والهضرة ياااااختي كييييدوب ماشي بحالنا غير القميييييع والطننزز

لامار : سسسسكتي خليييييني نبردها ... 

حياة : سمعتي فاش قاليها خاتمك ضضضضرني طول هاد سينين ودابا غايررررجع لييييييك..... اويلي اويلي ... واش متأكدة خووووهم 

لامار غير كتحرك فرجليييها بتوتر وقسم عاجبها لحال كتبوووورض كطلع وتنزل وتضضضحك 

حياة : ناض ياختي من الفراش كيييعككزز ومقادش غيييير باش يركب ليها الخاتم ومامسوق لحد وكالس كيييتغززززززل وكتبانلو غير ههههي ..... اااااااح ... 

لامار : وااايييه والحححنية اصاحبتي الحنييية ررررررصااااي اقسسسسسسسم تزيدني على فقصة بااباااك تاانتي ...

فمكتب الدكتور

اسد : وامتى غايديرها !!!!!

دكتورة : مافيهاش شي خطورة لي نستعجلو .. من الاحسن حتى يسترجع مناعتو و يرجع صحتو ... وغانقومو بيها باش التنفس ديالو يولي ممتاز ... حنا غانسقو مع دكتورة رتاج ونقومو بيها منهنا شهر هاكاك 

يونس : ياك مافيها تاشي خطورة ؟ 

دكتورة : لا لا ابدا غايستغرق الوقت واحد ساعتين فالبلوك غانقومو ليه بالزرع .. الى جات معاه مزيان مجاتش نحيدوها ونديرو وحدة اخرى تانلقاو لي تلائم مع جسدو .. 

اسد: وامتى يخرج 

دكتورة : يزيد ليوما مزال على قبل المناعة .. وغدا ولا بعدو يخرج ان شاء الله حنا ندوزو نديرو ليه الكنترول ونقررو .... غاياخد واحد ريجييم ضروري لمدة سنتين .. ياخد دواء ديالو منتظم ومعندو مناش يخاف 

سفيان : بنسبة لرياضة ادكتورة وخدمتو ... هو عندو الخدمة شوية صعيبة كيسافر و كيتمشا بزااف حيت باحث فالاثار الامر مكيخلقش ليه مشكل؟ يقدر يزاول خدمتو 

دكتورة : لا لا عادي بالعكس الرياضة مزيانة ليه غير تكون بانتظام ومع كوتش خاص بالحالة ديالو على الاقل حتى يركب الصمامة الاخرى ... بنسبة العمل ديالو غايرجع ليه عادي طبيعي بحس بشوية دالعياااء ولاكن منبعد غاسترجع طاقتو 

دكتور : لاهم هو مابقاش معرض للخطر والسكتة القلبية ... غير هو يحاول ما امكن يبعد على الكحول والتدخييين باش يساعد راسو فالعلاج .. 

يونس : حنا عارفين الكارو صعيب يقطعو فخطرة وحدة .... الى خدا البديل الطبي عادي!! 

دكتور : لا عادي ياخد السجائر الطبية الخالية من النيكوتين باش يقطع بيها ولاكن واخا هاكاك يرد معاها البال ومايكترش يستعملها غير وسيلة لي تشفي لغليل ديالو فاش يكون محتاج لسيكاغيط ...

اسد : ( كيشوف فداك الملف ديالو ويقرا ) مغايخد لا هادا لا هاداك ... غايرد لبال لصحتو راه رجع من الموت .... ( وقف وسلم عليه ) شكرا على المجهوودات ...

دكتور : ولووو اسي اسد هذا وااااجبنا ...وعائلتك عائلتنا ..

سلم تاعلى يونس وسفيان وخرجو لقاو لامار و حياة كيترادو غير شافهم هوما يقلبو عينيهم مقلقين .. 

اسد : آمااالنا ؟؟؟؟؟ 

حياة ولامار مكيردوش عليهم 

سفيان :ماالكم اش واقع ؟؟؟؟؟ 

حياة : ( شافت فيه ) ششششفتي ولا ماشفتيييش 

لامار : ( شافت فاسد ) ونتا ششششفتي 

سفيان دوز يدو على شعرو كيدعي الله يصبرو واسد مشا هز قسم على لامار 

اسد : اجي ابنتي اجججي .. هااااد ماماك عمر الشمس ماشرقات عنددددهاااا اججججي ابنتي ... 

هز قسم عندو ويونس كيموت عليهم بضحك ..وحلو وحلة ديال الكلاب 

لامار : كككضضضحك يااااك ؟؟؟؟؟ غاااابلاتي غابلاتي انا غااانعاود ليها كولشي وبالتفصيل ..... 

يونس جبد تيليفونو من جيب لوراني طفاه وردو ...

يونس : خوووودي رااااحتك دابا .....

لداخل

هو معنقها عندووو وهي حاطة راسها على صدرو 

رتاج : عدنااان .... ( طلعات راساها فيه هو كيشووف فيها ) عدنان واااعدني .... واعددني عمرك تخلا عليا ولا تمشي تخليني .. كيف موالف ... واعدني مايكونش هادشي غير حلم عاوتاني وتفيقني ...واعدني 

عدنام : وووعد مني عمرني نخليييييك .. وكوولشي داكشي سالا ... باغي نعيش معاك حيااااتي كلها دابا ... ( كيلعب بشهرها على جهها ) بغيت منك ولييييدات ... بغيت كل مانفيق لقاك قدامي .. مليييييت نكون بووحدي ارتاج ...مليت الوحداااانية كنبقا كول ليام بوحدي تاكنسا كيفاش الهضرة كتنطق ... ( هز يديها باسهم ) بغيت نرجع معاك الحياااة ارتاج .. بغيت ندير معاك الاسرة لي كنحلم بيها ولي فقدتها... نعيش الدفئ لي تحرمت منو ... بغيتك تكوني عالمي كااامل ... معااااك نتي .. بغيت نرحع عدناااان لي تخلات عليه مووو وهو صغير وفرقوه على خوه ... نتي بوحدك لي قدرتي ترجعيه وغاتقدري تحافظي عليه وتعوضيه .... عارف احبييبة آدييييتك بزاف وعارف بلي قلبك سااااامحني واخا انا مزال مسامحتش لراسي ... ولاكن عدرررررني لي مريت منو .. كيخلي القلب يتححججررر بلا خاطرو .. 

رتاج : صااافي نسااا شوية الماضي متعاودش تجبدو ... حنا دابا ولاد ليوم وخوووك هاهو حداك ... وعندك خوووت اخرييين .. كون ماماك مامشاتش وماتزوجاتش كان غايكون عندك بحال يونس وسفيان ؟ ... غاااااتعيش وسط عااائلة كبيييرررررة .. مزال غايجيو ولاد يووونس .. ولاد سفيان ... ولاد اسد .. ولاااادددك ... تيقني ( شدات وجهو ) نسااا الماضي وكل مداز عليييييك .... وبدا صفحة جديدة نتا تستاهل تعيش ضااااحك ...

عدنان : ( قرب باسها فراسها مطووووووول كتحمقو بهاد طيبة ) بقاااي غير نتي معايااا ... نتي معامن قادر ننسااا كولشي .... 

رتاج ضحكات وحركات راسها بآه 

رتاج : على انا عارفني آ لحمق غادي نبغي شي حد من غيرك ولا نخلي غيىي تديك ...... ولاكن .. زعما كون خليتيها لشي وقت اخور نتا عيان خصصك الراحة و كتخطب من لفوق هههههه 

عدنان : مكاينش ارتاج شي نهار حسن من هدا ... عرفتي علاش ؟ 

رتاج : وعلاش ؟

عدنان : حيت ليوم عيييد ميلادك آ لمقلوووووبة ( هز يدها لي فيها الخاتم باسها ) ومالقيتش شي كادو حسسن منوو 

رتاج : ( صدمها ) هاء ؟ حححللف ( شدات على فمها ) لو كانز ليوما ؟؟؟؟؟؟؟ 

عدنان : هههه آه ... كيف ما تزادتي فبحال هاد نهار .... بغيتك تزوجي فييه .... باش نكره والديك على نهار لي تزادييتي فيه هههههههه

رتاج : ياااااك معول عليها بعدا ههههه .. عرفتي مشا من بالي والله 

عدنان : و انا لا ....اي حاجة كتخصك منقدرش ننساها .... باقي عاقل على لانيفيغسيغ ديالك لي فات بحال لباارح اشارفة ديالي

رتاج : اااه ... كانت لامار قرباااات تولد باقا هاقلة جات بكرشها كبيييرة ودابا قسم هايا معانا ... وكان اول نهار جا سفياااان لمغررب .... ونتا دابزتي داك نهار نتا واسد ..( حزنات ملامحها) ففففف مغانساش كيفاش داز ... لاغدا نتا تضررربتي بالقرطاس من الكارد داسد.... فاش تواجهتو نتا وياه فلباطو داك ليلة متنسااااليييتش كنت كنرعد بالخوووف .... سبحان الله بحال هاد ليام كنت معاك فالبلوك كنحيد ديك الرصاصة ... دازت عام على داكشي وباقا كنتفكرو تفصيل بتفصيل ... ملي تضربتي برصاص ودااااك اسد لاسبانيا وشحال كان مخلووووع عليييك ... موراها ملي رجعنا كنعقل غير شي يوماين عيدنا العيد لكبير ... نتا عيدتيه فالكليييينك فاسبانيا ... فففففف ممتيقااااش لادازت عام ... بحالا لبارح .... شوف غير فعام واحد اش طرا .. عام الجاي علم الله اش يكون 

عدنان : العام جاي غااايكون ولدنا ولا بنتنا ايما معانا ولا فهاد الكريشة ... 

رتاج : ههههه نتا مشيتي لولاد هلينا غانقبلو زواج بعدا ههههه والله تاطارت لياااام .. واخا كانت صعيييييبة علينا كاملين .. 

عدنان : كتنصحيني نسا الماضي ونتي مفكراه بتفاصيل 

رتاج : ( مسحات دموعها لي سالو بلا هواها ) صاااافي مغانعاودش ندكرو ... كنشوف ليام كيفاش كتبدل مكنعرفش شنو مخبيا لينا مزال ... غير عيد ميلاد لي فات عطيتيني سلسة كادو وقلتي شي هضرة فداك الورقة لي عصصبببببتني ... ودازت عام وعطتني الخاتم والهضرة لي فالورقة فرحتني واخا كاتبقى بنفس المعنى ...... غير حيت القلب والخاطر صفاااااو .. اكفس عام داز علينا كاملين .... ( مسحات دمووعها للمرة الاخيرة وتنهدات وحاولت ترد ضحكتها ) هي تاعيييد مييلاد قسسسم قرب ... غايكون ورا العيد باقيلها يمكن شهر هاكاك ... ( كتحسب فصبعانها بسعادة وعدنان متبع معاها كيلعب فشعرها ) حنا سيمانة جايا كاين العيد .... ( شافت فيه بعيون لامعة وضحكة ) اول غيد ليك مع خوووك بعد ماكبررررتو ... وموراها بششششهر كنضن غادير عاااام الفنيكييييشة ... انا متأكدة باي غير الافراح لي جاااييين باركا غير عام ديال معاناة لي دوزنا ... عيد ميلاد قسم .. عرس سفيان .. سبوع يونس ...ياااااي .. 

عدنان : وفييين هو عرسنا امادمووزيل ؟؟؟؟؟؟ 

رتاج : (طلعات راسها تاني لفوق معععفررة كدير فيه جنون ) وتااااااانفكرررررر 

عدنان ضحححك وتلاااح عليها كايبوس ويععععض وهي كتتتتضضضضحك بجججهد 

رتاج : ططططططلق عدنان ططططططلق حماقييييتي عدنااااااان طططلق راك مرييض هههههه

عدنان : ياااااك ادكتووووورة ... باغا تخليني مععلللق ... غاتنوضي دابا تمشي توقعي الورقة لي انخرج بيها باش نزيييد وااالديك لعدول .. نديرك مرتي والعرس فاش تبغي دييريه ....عرضي عليا 

رتااج : ياااااك ؟؟؟؟؟؟ غاااااتزوجني بلا عرررس ولا شنوووو

عدنان : ودابا خرجييني من هاد لكلينييييك ويكون خيييررر هههه ....

يتبع...