حبيبي الأصم الجزء 322

ديك العادل بقا غير يضور فعينوو وحااابس الضحكة عمرو مشاف شي عريس بحال هدا ... ووراه فييين وسينياا وعطا ستيلو لحياة كيومي ليها سفيان تسني وهي غير شاداه 

العادل : لالة حياااة فاضيل ... ( حياة شاف فيه ) واش قاابلة بسفيان القحطاني .. زوج لك على سنة الله ورسوووله 

حياة شافت لعندو وهو كيتسناها ... وابتسمااات بكككل حب وعينيها لمعو ... وترجع تشوف لداك الورقة وترجع تشوف لماماها وخواتاتها لي كالسين ... وللامار ... وتفكر نهلر هربات لهنا ... ورجعات غمضااات عينيها شحااال كتحمد الله على هاد القدرر لي عرف يلععب لعبتووو مزياااان ولقااااهم بربااااط قووي ومتييين ... ورجعات حلات عينيها لي ولاو حومر 

حياة : اكيد ... قااابلة 

وهبطات سنيياااات وسفيان عاد تننننفسسسس فرررحااان ضضضحكة مرسومة على وجهو ... وحطات ستيلووو ... ناضو كولشي كيصفق فرحانييين ليييهم وهي غير ضااااحكة وسفيان عنقها باس ليها راااسسسها ... ووقف تا اسد ... سلم عليهم بثقالتو المعهودة ...

اسد : بالرفاااه والبنييين ..

حيااة : ششكراا اخويااا .. 

بداو كينوضو عندهم كيسلمو عليهم ويباااررركوو .. وهو ماطلقش من يديها ... ومشاو هوما لعند عدنان باش ماينوضش لعنهم وباركو ليهم ... ومبارك غير كتنغز فيه طامو ويغمز ليها تسسسكت ... وكلسو مجموعييين .. 

رقية : الله يججججعل كولشي مباااررررك ومسعوةد .. الله يكمل ليكم بالخير اوليييداتي ( شافت عند عيشة ) علاااااش كتكببيكي عللاااااش .... واش نتي بنتك عطييتييهااا لسفيااان ... الله يعمرهااا دااااررر مايخصصصها خييير علاش كتبكي 

عيشة : لكككبببدة اختي لكككبدة وماحرها 

ناضت حيياة لعنها وكلسات معنقاها كتبكي تاهي 

رقية : وهانتي بكككييييتي درييية معاك دابا ... 

عيشة : ( شافت لعند سفيان ومعنقاها ) تهلا فيها اولدي ... انا عارفة بنتي صعييييبة و مغنانة ولاكن راه ماحن من قلبها ماكينش وقلبها بييييض ... صبر عليها اوليدي ةصبرو على بعضياتكم 

سفيان تبسم ليها وناض حداها باس فيدها ومبارك غير كيشوف مكبرين غير بيها وهو ماحاسبينوش ... 

سفيان : ماتحتاجيش توصيني .. بنتك ولات بنتي ... وغيررر تهناي عليها ... 

عيشة : الله ييبعد عليكم ششر الحاااسسسدين اولييدي .. 

مبارك : ا احم .. اا ... امبارك ومسوعود انسييبي .... وان شاء الله العكوووبة للعرررس 

سفيان : ان شاء الله ... ( تنحنح ) مهم ... بنسبة لعرس معنديش مشكل فوقاش ماكان غاندييروه .. غير هو انا كنطلب منكم للادن اني غاناخد مرتي تعيش فدارها من ليوم .... 

طامو : ومزيييناتو نسييييب .... على وليدي هادي فيها لااااادن ... 

مبارك : هادي دابا مرررتك .... مابقات محسوووبة علييينا ... 

عيشة : غير هو اوليدي مرة مرة عود تجيبها 

سفيان : فوقتاش مابغات تشوفكم نجيبها راه قريب الحال ... ( حياه غير معنقة ماماها وكتسمع ) 

رقية : اوا منزيدوكم غير الصلاة على النبي ... 

بدات هي وطامو كيصليييو على نبيي ويزغرتو وقسسم كتصفق وضور تشوف فعمها زعمااا شوووف ... وتضضضحك تابغاا ياااكلها بجنون لي كدير عنها ضحيكة كتنوض جنوون فالواحد ....

رتاج قربات عند حياة 

رتاج : هادي هدية بسييييطة مني نتمتى تععجججبكم ...

شداتها عليها حياة وشكراتها كان ظرف وطامو ومبارك مقلشين عينيهم ... فتحاتو وضحات كانت حجزات ليهم فافخم اوطيل فايطاليا اسبووع ... حيت غارفاه غايمشي حتى ليها .... 

حياة : ( عنقاتها ) شششكراااا احبييييبة ربي اخلييييييك .... 

سفيان : كون بلا معدبتي راسك اختي 

رتاج : على هادي هضرة تكووولها دابا ( ضرباتو لرجلو ) بصصحتكم واستمممتعووو ... 

لامار جابت ليها لماسعدة واحد صينية فيها دي بوااااط ... وعطاتهم ليها ... واحد بواااطة كحححلة كبييييرة فيها انسومبل دالالماااس راااااااقي غير حلاتووو الشعا ديالو ضضرررب خطييررر وطامو حلات فمهاا على قدوو 

لامار : هذااا من عدنااااان ... 

حياة : ( ضارت عند عدنان ) ششكراا اخووياا زويييين بزاااف والله كييييححمق 

عدنان : بالصصصحة والراحة 

وحلات بواط اخخخرى كروونة فيييها عققد خطييررر تاهو كتسوطو جوهرة فالاخضضر من اغلى الجوااهررر الخضراء منحووتة بدقة .. وحداها بواط اخرى فيهاا زجاجة عطططررر فخخخمة على اسم ماركة لامارفلاور 

لامار : هذا مني انا وقسم ههه .. اول بارفان تطللق ديال البيلسان يشرفني تكوني اول من ترشي منو ... نتمنى يعجججبوك ( طامو غير كضووررر فراااسسسها وتغدد * 

حياة : ووووواو .. ماالقيييت ماااننقووووول ... واااعريييين ... 

بانتليها بواط اخرى وحلاااتهااا لقات بغااااسلي من الحججرر الاسوووود نسائي ومعاة واحد رجاااالي ... وفيهم نفس العلامة دما لانهاية ومنقوش عليهم اسماااائهم كيوووووت وشبابيين ديال ليكوووبل .. وبواط اخرى فيها حلقااات من نفس نوع الحججرر غير عاضة على شفايفها وكتشوووف 

لامار : هادو من يونس واريييج ... 

حياة : زززويييينين بزاااااف ... كوووولشي زويييين ... 

كان ظرف اخوررر محطوط تما هزاااتووو وشافت عند اسد حيت هو لي بقا عرفاتو ديالو .. وضحكات وتاهو غبر بادلها الابتسامة وحلاتو وهي توقف شهقاااانة عينيها لمعو بالفرحة وبعفووويييية عنقاااااتووووو بحال شي اخ كبيرررر او عم ... 

حياة : ( هبطات ليها دمعة ) ححححلمي ححققتتتيه ..... شكرااا ... شششكرا بزااف اخويا ... كان حليمي نوصلللهم لداااك المقااااااام ... شكراااا 

اسد : هههه عادي الله يديهم على خييررر ... 

ضارت شافت فمامها 

حياة : ماما رااه خويا اسد مسيطفكم فالحج الجاي نتي وبابا فرررحلة خااااصة ( بفرررحة فعيينيييهااا ) 

عيشة : ( شدات على قلبها ) الله يااااااااربي .... شنو غانقووولك اوووووولييييدي ...

رقية : هذاااا هو وليييدي لي الله يحححفظو ليااا كيفكرر فالوليدييين قبل من ولاااادهم .. 

عيشة : الله يزييييدك من عندو اوليدي هذا مانقولك الله يححححفظكم ( كتبكيي ) 

اسد : ل الا لااا ... مابغيناش البكا ... بطول العمر حتى توصلو ل تما 

طامو شافت عند مبارك غير بالحس 

طامو : فين غاتمششيووو ؟؟؟ 

مبارك : ( ضاحك تالضررسة ) للحج 

طامو : ها ؟؟؟ وووبلااا ماطلع فيكم القرررررعة ؟ 

مبارك : تش شششمن قرعة ششششمن

حياة : صغري كامل وانا كنححلم نقرا ونخدم غير باش نديهم للحج ونفرررح مامااا .. شكراا بزااف اخويااا ( اسد غير مبتسم ليها ) 

سفيان : اوا وفين ديالي ؟؟؟؟؟ شفت عطيتوها غير هي .... الفرزيات مامعاناش الاخواااان .. لي كادو ديالي يتحطو مالها تزوجات غير بوحدها 

لامار : شوف على مغيااار راه بحالك بحالها 

سفيان : لااا شكون قالها ليك ... فليكادو مامعاناش 

بقااو كيضضضحكو ويقشبووو واسد على عادتو غير كالس بتبسيمة خفيفة وصبعو صغير ففمو ... حتا هجرو ليهم وناض 

سفيان : يلاه انا نخليييكم .... امسية سعيييدة تالغدا ان شاء الله ( كيومي لحياة تكعدد وهي كترمش ليه مفاهما والو ) 

لامار : فين ماشي ؟؟؟؟؟؟ 

سفيان : فين ماشي ؟ لداري امرات خويا ههه ... يلاه احياااة 

رتاج : اولي بقاو غير تاتعشااااوووو ... 

حياة غير كتشووووف شي منقذ ينقدها 

لامار : دابا غايحطو العشااا كلس 

سفيان : لا لا غي بصصحتكم ... 

حياة : سفيييان ( بترجي ) ؟؟؟ 

شفيان : اشنوو ؟؟؟ ... ماباغاش تمشي ولا هههه 

عيشة : لواه ابنتي نوضي تبعععي راججلك 

لامار : وكلس عفااااك نعشاو مجمووعيييين هااااء 

اسد : لامار خليييه على خاطرو ... معاش عندك الفواياج 

سفيان : تالعشية راه غانتسناوكم غدا فصباح نفطرو مجموعييين عندي داكوغ ؟؟؟ 

حياة وقفات مسكينة دموع تجمعو ليها فعينيها غفلها حسابتليها يبقا تايتعشاااا ... والمساعدات مشاو يهبطو ليها حوايجها من لفوق اما هو غير كضحك مقااااد يصبررر حتى دقيقة مزال ... 

هبطوو حوايجهاا وهو ودعهم بعد مأكد عليهم يجيو كلهم ....وتاجه لطموريل معاه اسد كيهضرو والكارد كيدير الحوايج فالكوفر و هوما واقفين كيكميييو ويهضرو 

سفيان : عارف اصااجي لي كاين ... تاهي تبدلاااات ولات عارفة زكير مكاينفعش ... خصوصا ملي شفتها دابا بالحجاب 

اسد : مهم انا غير هضرت .. مانبغييش نسمع مزال راه ضربني ولا تعدا عليا ... البنت صغييرة وحاول تعامل معاها فسنها وماتفرضش عليها شي حوايج مغانقبلهومش ليك ... مرة تنازل نتا مرة هي وديرو التوازن فحياتكم .. والى تخاصمتو شي نهار جيلها لهنا وبعدو شوية و لا اجي نتا .. 

سفيان : ان شاء الله اخووويا كوون هاااني ... غانتسناااك فصباح اجييو كامليييين .. 

اسد : يكون خير ( وما الكارد يجي عند و) ججيب داك الراجل الكبير لي كاين لداخل ... 

سفيان : اووووووه مشاالي من بالي 

اسد : نتا علاش دابا كولشي مشا من بالك .. 

جا مباارك لعنهم ضاحك 

مبارك : صافي اوليدي غاتمشيو .. واش ساكنين بعاد ولا غار هنا

سفيان : لا ا ماااشي بزاااااف ديال طريق ... ( حل لباب جبد واحد الشيك ) هذااا صداق ديال حياااة .. بنسية ليها هي كولشي خداتو ... غير باش لابغيتي تعاون بيه شي حاجة ملي يقرب العررررس 

مبارك : ( شاف لعندو ووحل فمو هادا مبلغ غير ديال يتعاون هذا راه يعيش بيه وسرط ريقو فرحاان ) . ا الله يخلف 

سفيان : انا عاارف حياة غلا من هاديشي عندكم .... والفلوس عمرهم مايكونو ثمن لشي بنت ... ولاكن عارف غاتحتاج فالعرس وغير معاونة بسييطة وواجبي كمغربي مسلم عليا نأديه ... بنسة الحياة بلا متهز ليها لهم داكشي لي غايخصها راه خداتو لي بقا غاناخدو ليها ... هذا غير مبلغ بسيط تعاون بيييه 

مبارك : للهلا يخطيك واليدي عارف ليييي كااااين هدا هو لمعقول ... 

رجع جبد واحد للملف صغير عطاه ليه 

سفيان : هادا من اسد ....واحد الدار ... خلاها ليكم فالمنطقة لي انا ساكن فيها ....الى شي نهار بغيتو تسكنو قراب من بنتكم ....بقا غير تسنيو على شي وريقااات وتولي ديالك نتا و الاالة عيشة 

مبارك : ( كيفتح ويشوف ويديه كيترعدو بالفرررحة تصاور ديالها ابارطموون واااااعرررة فاقامة رااقية ومأتتة وشاف عند اسد ) شنو غاانقوووولكم ... مالقيت ماانقوووول هادشي بزاااق الله يكتررر خييركم وزييييدكم من عندووو ..

اسد : غدا ان شاء الله سيرو شوفوها ووقعو على الملكية 

مبارك : الله يزيييييدكم من عندووووو .... 

عينيه تحلووو بغا غير يبوس راس عيشة لي ولداتليه حياة .. ولي طول عمرو هاملها بحكم والدة غير لبنات وطمع ولد الحراااام دابا خلاه يبغيييييهااا

يتبع...