احمد : اوا يكون خييير ... بقا غير نفاتحوها هي فالموضوع ... واخا بان ليا موحاال تقبل اوليدي ...
عدنان : علاااش ؟ نووو غير كون هاني .. اااحم ... ديجا دويت معاها فهاد الموضوع الى مكنتش خطيت الصواب ؟
احمد : لالا اوليدي ماشي مشكل ... اوااا شوف انا والله مابينات ليا شي حاااجة ( عينيه خرجو منهم القلوبة ) اوا شنووو قاااالت قاااابلة ؟ باغااا تزوووج
عدنان : اححم ( جاتو غريبة يناقش معاه هاد الموضوع ححشم ولا غير كتنحنح ) سي ... هي ققااابلة كنتسناو غ غير .... نهضرو معاك
يلاه كيهضرو ولبناات هابطين كيضضحكو ومشاو كلسو وسفيان و يونس عاد داخلين كانو كيكميو برا ... وكلسو مجموعين وعدنان مقاداه فرحة وكتب ميساج غير من تحت لتحت لرتاج هي سمعات صوت دمسج وفتحات
💌My love : dad told me yes baby❤ ...
رتاج وسعاااات عينيها فاش قرات وشافت عندو مصدومة وهو غمزها وحرك راسو بمعنى آه ....وتحنات كترد عليه تاوصلو لمسج وحلو
💌my heart♡ : ooooh really?!!!!!!!
ضحك ليها وجاوبها
💌my love : Of course ... my beautiful wife👰
قرات الميسااج وعينيها لمعو وهو حط تيل كالس بعقلاااانية بحالا مكاين والو وهي الفراشاااات كيرفرفرو فكرشها لدااااخل ... دوخة شداتها بالفررررحة بغات تبكي وهزات تيل كتباتلو مسج وحطاتو وهو قراه
💌my heart♡ : love you sooo much ❤
قرااه مبتسم .... عينيه فتيييل وطلعهوم شاف فيييها مطووول .... بحالا رد عليها غير بعينيه .... وهي قفزات ومشات كلسات حدا باباها لي عنقها عندو ..... لاحشششمة لا حيا سولاتو
احمد : ( شاف عند لامار لي كتصاوب لالعاب لقسم فطابليط ) اححم ااييه كنا كنهضرو فواحد الموضوع .. يهبط سي اسد ونهضرو فيه رسمياااا ...
رتاج : ( عضات على شفتها ) و واااخا اباباااا ( باستو فيدو ) الله يخلييييييك ليا ... انا موافقة على اي حاجة توافق عليييها
احمد : ههههه تانا من زمان حاس بيكم ابناتي ( شاف تا عند اريج ) غاتكونو محتاجيييين تانتوما لي يههتم بيكم ولو غييرر الاهتمام المعنوي .... عارررف محتاجين للحنان لي فقدتوه فماماكم ... ولي فقدتوه حتى فيا انا مع الخدددمة ...ومحتاجين لي يعوضكم
يونس شاف فاريج بمعنى اش تما ؟ وهي هزات كتافها وعوجات فمها زعما منعرف ....
قلبو راسهم لدروج كان اسد هااابط فدروج لابس غير سيرفيت هابط كيطلع فيديييها .. وكلس معاهم ...
احمد : وها سي اسد هبط .... وكلكم مجموعييين .. اذن غير ندخلو فالموضوع .....
عدنان شاف عند اسد دايرين كي دراري صغاااار كييجنن فيييه زعما هانا دوييييت ومامحتاجش ليك .. واسد علا حجبااانو باستغراب ... زعما يكون هضر معاه ؟؟؟؟؟ ورجع شاف فاحمد ...وقاد كلستو حجبانو ديما مرتافعييين هبتو كتجيب الررعب .... احمد مكيقدرش يطول فيه الشوووفة ....
اسد : اشمن موضوع اسي احمد!
احمد شاف عند عدنان ... وكولشي غير كيشوف مفاهمين واااالو ورتاج حشمانة ....
احمد : انا دويييت مع سي عدنان ... و والقصد راه شريييف
اسد شاف لعند عدنان وعدنان داير داك الكلسة ديال الغرووووووور كيشوف غير لفووووق بحالا كيقلي ليه السم ورجع شاف عند احمد
احمد : ك .. كيف قلت القصد شريف وماخطيناش الصواب ... وزواج راه سنة .... ونص الدين ... يعني الواحد مايحشمش منو شحال مكان فعمرو
عدنان كمش ملامحو واش هدا شافو شارف ؟ ياكما صافي شرف ولا كيبان كبير ؟ مكرهش هاد ساعة غي شي مراية يشوف راسو ....
اسد : اهاه .. شكون هدا لي غايرفض الحلال ..
احمد : تمااااما اوليدي هانتا هضرتي .... وانا كيف كتشوف راه كبرت ... و والبنات ربيتهم بوووحدي وعممممرني قصصرت .. درت لي فجهدي باش مانجيبش عليهم شي أم لي متححسنش بيهم وتقاتلت معاهم وربيتهم اححححسن تربية ... اوا دابا بنيتي اريج حيدت شوية همها ملي شفتها بدارها ... بقااا ليا الهم ديال رتاج ديالي تاهي فاش كتجي عندي لدارر مكتلقى معامن تهضر ولا لي يقولها تاعلى السلاااامة ... بغيتها تدخل وتلقا دار عامرة ولي ينسيها فتعب طيارات ....
عدنان : ( قرب عند اسد غير بيناتهم ) فين غاتدخل ؟ واقلة هدا يمكن كيحاسبتو غاتخليني فدار وتخرج تشد طيارات ....
اسد : ششش سكتنا ...
اريج : باباااا حبيييبي ؟؟؟؟؟ شنو كتقصصصد راه مزال مافهمنااااااش
رتاج حمراااااات فاريج وكتغمزززز ليها جيهة عدنان واريج عاد وسعااااات عينيها ووفهمااااات وهضرات فوووودن يونس عاد فهمو القضية علاش ضايرة ما سفيان غير كالس وشاد على وجهو وغير من لكلسة دعدنان عرف القضية شنو فيها ....
احمد : قصصصصدي ابنتي مافيه تاشي عيييب ... باباك باغا غير الحلاااااال
اريج : ههههه فرررررحتوني .. لالا متخااافش ابابا كلنا كنبغيو الحلال ... وهداك هو النهااااارررر الكبييييرررر ... انا منعندي غير الله يكمل بالخييييررر
احمد : ههههه هي قوليا اجنيات نتوماااا من زمااااااااان عارفين شنو تما ...
اريج : وايلي ابابا تانتا بقات شي حاجة كتخخخبع كولشي باااااين ... زايدون كيف قلتي نتا مكنبغيو غير الحلال ومكنديروش شي حاااجة لي مااترضييكش ....يااااااك اختي رتاااج ؟؟؟؟
رتاج : ها ؟ اا .. ااه اااه ابابااااا
احمد :اوا بقالنا نشوفو الرأي دلاممااارر تاهو
لامار : (طلعات راسها باستغراب كانت مهبطاه كتشوف مع قسم فطابليت ) نعاااام ،؟؟؟؟؟
احمد : ارييييج سكتيناا ...( شاف عند رتاج ) وملي نتي باغا زواج علاش عمرك فاتحتيني فالموضوع ... وش بيناتكم شي علاقة
رتاج : علاقة ؟ ش شنو هي علاقة بابا ؟ دالحوايج !!!
احمد : دابا رجعتي مكتعرفيش العربية ... علاش انا مافخباااريش ...
عدنان : ( قرب عند اسد ) نقد الموقف اولد الحراام قوليه لاعكستي لينا والله مغانعطيوك الحاجة .... مال هدا ولا عسكري عاد دابا كان نزار قباااني ... حلال عليه وحرام عليا
اسد : شوووف اسي احمد .. حنا فخبااارنا كولشي .. رتاج عندنا عزييييزة وولات وحدة منا .... ( شاف عند عدنان ) وقلنا علاش لي ماتوليش وحدة منا رسميااااا ... مانلقاوش ماحسن منها لعدنان .... وتاحنا راه بغينا غير لحلاااال ....
سفيان : ( لا هنا تفررركع بضضضضضضضحك كاايهضر معاه غير بشوووية ) هدااااا زوااااج ولا مقاااايضة ههههه هانتا اعمي احمد دااايرين بروموسيون هههههههههه ( ماحس تاجات فيه مخدة من عدنااان )
لامار : ( عاد فاقت تاني من الصدمة ) ماااماااااا ؟؟
اسد : لغلاااط عادي راه كيوقع ....( شاف لسعتو) وكنضن الجوج ديال ليل هادي ماشي وقت هاد المضووغ بالدات
عدنان : ( حممررر فيه ) وووقتو ... سي اححمد كيف قال خويا الاغلاط كتوقع مافيها باس .. نتا باغي الحلال .. وحتا حنا باغين الحلال ... اذن راك اكتر واحد غاتكون فاهمني وفاهم السطريس الكبير لي كيكون فاش كانبغيو نفاتحو الاهل فالموضوع ( شاف عند رتاج وهي كتشوف بيه معنى نقد لي غايتنقد ) بنتك انا .. نقدر نقوليك هادي عام ملي عاجباني .. ولاكن مكنتش مستقر باش نطلب يدها لزواج ... وهاد الشهر انا دخلت رسميا للمغرب ... واستقريت .. ومالقييتش شي فرصة حسن من هادي لي نطلب يد بنتك على سنة الله ورسوله ( اسد وسع عيييينو صصصدمو كيييعرف ييههههضر بقا غير كيحرك راسو زعما برافو عليه ) وماغاتكونش فشي انطوغاج لي بعيد عليها او غريب عليها ... راه عائلة وحدة ... ختها عندنا ولامار تاهي بحال ختها .... ( كايشوف فرتاج ) انا منكدبش عليك اسي احمد باغي بنتك ... وباااغيها فالحلااال ....
احمد : ( كيييتنهد وكيشوف الارض ورجع شاف فيه ) اش غانقوليك اولدي ... قصدتي الحلال مغانردكش .. والقرار لول واللخر راه ديالها
رتاج : ابابا يهيديك الله كتشوفني قربت نسسسسسعر .. ماااتسوقش ليا انا دابا غازوجني بيه ...مواافقة ولا بززز ولا غصبا عليااااا ماااااشي مشكل هاااااانية
لامار : لا مناحية هادشي هناك الله والله اعمي وتديها لسينيما تاتنوض تخملها ليهم ... شفتي ريسطو ؟ ولله تاتجمع معاهم الططططبلة ..راه بقوة الحداكة راه فالفرماج كتغسلو ... والله تا الكومبيوترات ديالك اعمي تاتصبنهم ليك وتنشرهم .. راه لاحيدتي غير الفيست ديالط من صهد تمشي ترقدها فجافيل ... انا اعمي عمرني بقا ليا شي سروال كحل معاها ديما كنت لبسو حمر .. راه بقوة التاويل لي عنها لاجبتي ليها بوكيه دالورد غاتربطو بلاستيك وتعلقو فالحيط ... راه تلاجة عنها لداخل مفرشة بسرابت بسفيفة ... ماما راه طيب ليييك بوووشيااااررر فجزر الهاوااااي اعمي
لاماار : واااااش ماما كيحطو عليها الراس ... ماما راااه غااتقسموو ليك على ربعة اعمي
احمد : ل الا غير كيجيب ليك الله الحاجة ضرافات والقلب الكبيؤ ومعقولة ... وكيف قتليك حنا كنكبرو ... والراجل كيقوليك لامات وهو مامزوجش كيموت الموتة ديال الكلاب حاشاك .... وانا باغي نموت فداري مجموع ... والوقت كايجري والكار كيفوووت مواليه
لامار : الكار كيفوت ؟؟؟؟؟ ااااعممممي نتا ماباغيش تموت ميتة الكلاب .. ولاكن را لاتزوجتي ماما راه غاتعيش عيشتها اعمي ..... وداك الكار مغايفوتكش راه غااايدخل فييييييك لاديتيها .... هني راسك اعممممي را انا بنتهااااا وعارفاها ....والله وتديها لميريكان تاتكره كريستوف كولموبس على نهار لي كتشفها
احمد : ههههه ضحكتيني الله يعطيك شي خير ههههه اوا على الله تقبل ... غايكون هداك هو النهار الكبير .. ومن ناحية خوتك ماتهزيش الهم .. انا ماعطانيش الله الولاد ... نديروهم ولادي الى وافقات .... ( حط راس بنتو على مخدة ووقف ) ياالاااه نخليكم ابنياتي تصبحو على خيييرر تعطل الحال تانتوما نوضو تنعسو
رتاج : واخا ابابا تصبح على خيررر ...
هو ومشااا وحياة نقزات جات حدا رتاج
حياة : ماااحشميتي ماااستحيييييتي ... قلتي هااكاك هدا باباك ؟ نقول حداه هاكاك يلوحني من السطح
رتاج : وتانتي بابا عندو عادي ... ارا غي مانديروش شي حاجة قبيحة ... وااها صرااحة درناها وفتناها لهيه الله يسمح لينا ....
اريج : شوفي سبحان كنا غير صحابات وولينا عائلة ....
حياة : رتاااج بلييييييز قولي لعدنان نديرو عرس فنهار واااااحد
رتاج : سيري بعدي مني نتي عرسك بقالو غير جوج سيمانات وانا راه باقي مادرت تاخطوبة .
حياة اوا جوج سيمات ديري لعجججب ...عفااااااك
اريج : غاتجي واااااعرة جوج عروووسااااات
رتاج : انا مابغا بو داك قوة اللباسي وغانحرم عليك نتي
حياة : تانا مابغاهمش اصلا تافقنا انا وسفيان غانديرو غير لاغوب لبييييضة .. وليلة الحنة بوحدها بلدية ...
رتاج : زعمااا ؟؟؟؟؟
حياة : ومالها اش فيييييهااا ...
لامار : انا الفكرة عجججبتني ...
رتاج : او ايكون خير ( عنقاتها ) علاش ماندير عرسي مع هاد البطييييييخة ديللي ههههههه شحال جاااا معاك الحجااااااب ههه
يلاه كيهضرو واسد دخل هز تيليفونو من على طبلة وهبط عند بننتو لي كتلعب فالارض باسها خلاها كتغوت من موراه باش يهزها عرفاتو غايخرج ...
اسد : شششش لا كلسي مع ماماااا ابنتي هانا جاي .... لاماااار هزييها عندك ....غانهبطو لبححر شوية ونجيو
لامار : وااخا سيرررررو ... تاحنا مزال فايقييين
اسد : مزاال راسك كيحرقك ؟
لامار : شوية دابا .. ( وقفات ) غانمشي نصاووب قهوة
اسد : واخا .. شديييييهاااا راه مابغيتش نديها البرررد عليها .... وطلعيها شوفي كيدري تنعسيها مشا الحال ... كتبكي غير من قلة النعاس
هز تيليفونو وخرج ولامار ماشية لكوزينة
لامار : لبنات تشربوووو قهوووة
البنات : ( مجمعين كيضحكو ) لاااا غير بصصحة
لامار : ( طلات على قسم بانت ليها خرجااات كتحبو كي شي فارة اسررررع من الضووووء كااااطيييير.. تابعاه وايس موراهااا ) اسااااااااد هااااهي تاابعااااك ... راه مغاااتكلسلييشش ملي شافتك ديها معاااك ....
دخلات لكوزينة توجد قهوة خدمات لاماشين واقفة حداها شادة على راسها جاتها من الجنة والناس لي دا معاه قسم يلاه تكلس تسسنط لحريقها وتهضم هاد الخطابة ديال ماماها لي جات على غفلة .. وجد الكاس ديالها وخرجات عندهم كلسات معاهم
حياة : نديرلك شي مساج !!!!
لامار : لا لا دابا يفوتني الحال يمكن ملي عمنا قبيلة بزاف تحت الشميش وزدتها بصداع قبيلة ...
رتاج : فين بببنتك نعستيها ؟
لامار : تبعاات باباها ...هاديك واش غاتكلس ليا ملي شافتو ....نيت هناني من صداعها ( شادة على راسها ) راسي غايطرطق البنات ... والغمممممة نازلة على قلبي
لامار : لا لا غير خليهم ... فاش كيكون ضحك بزااف خاكا كيوقعلي بحالا كنخاف نهجروه ...
رتاج : اويييلي سككككتي شهاد الهضرة خلينا ناااشطين حماقيتي .. شربي قهوووتك وسيري ترتاحي وباركا من للافكار الخايبة راه كلنا كتجينا هاد الحالة غير يمكن لي غيكل قربو يجيوك ..
لامار غير سااااكتة وكتشرب فقوهتها
*برا
اسد خرج لبرا كانو يونس وسفيان وعدنان سبقوه كيتمشاو تالحق عليهم هابطين للبحرر .... وقسم خرجات ورا باباها كتحبو ومرة مرة توقف باش هبطات الدريجات ... وآيسسس موراها ماشية فواحد المممر طويييييل كولو أشجار مع جنااااب طواال .. تاوصلات البوابة لكبيرة الكارد كييههضرووو وهي فالارض ماردوش ليها لبااال خرجات مع رجليييهم تابعا الحس دباباها وعمامها ...ماكتغوت مكتعيييط غاماشيا كيتسمع منها غي صوت التنفس ديالها وصوت الخطوات د آيسسس ....
دخلات للغابة .. حيت مابين للفيلا والبححر غاابة ..ولي بغا يهههبط لبحر كايدوز من طريق الاخرى المختصرة اما من الغابة طويييلة .... كتتحبووو تحت من ااسماااء لي الضو الفجججرر بدا كيبرز خيوطوووو فيها .... وكل مرة تككلس وتنفض فيديها من وراق الشجررر لي كيلسقو فيها وآيسسس كيلحححس فيهم ... وترجع تنووض كتحبببو وتستكششف والضو كيبان ضئيل حيت البوطويات ديال ضو بعااد والمنارة لي وسط البحر كايوصل ضو ديالها قلييييييل ... ناضت على رجيلاتها كتمشى كيشي بطططة ... كل مرة تشد فشي شجرة وترجع تحبو تاني ... تاسمعات حس شي خطوات جاين على الوراق اليابسة وضضضضحكات وضارت بجججهة الضوت كتتتقفزززز فرحانة حسابتها باباها ولا شي حد من عمامها بحالا باغا تصصصفق فرحاااانة ... كتقلب على آيسسس بعينيها مابانش ليهااا فين مشااا... وهي طلع راسها مع الراجل لي وقف حداها ومخبع وجهو بالماسك وهي تخخخخخلع تابياضو شفايفها وهو كيييضضحك بششششررر لانو لقاها ساااهلة دراااعو كييانو عريانيييين كلهم وشاااااامااات خصوصا العلامات الماسونية وعلامات عبدة الشيطاااييين... وقسسم تخلعاااات مسسسكيييينة تالغوتة تحبسااااات فيهااا يلاه بغاااات تغوووووت تاكان هزها بييد وحدة ودار ليها واحد زيييف على نيفها دووخهااا طاحت بحال شي ثوووب على يدو هااازها على كتافو باقا بداك لاغوووب ديالها وتاجججها طاح ليها فالارض ورويسة ديالها مددددلية .....غااادي بيييها بشششششوية علييييييه مكييييييخاااااف من واااالووو شيطان مااااطر كيتمشى على الارض ولي اختارو راه عرررررف مزيان شكون يختار ...مرييييض نفساني مهووووس بالتعديب والقتل بدم بااارررد ....ومن اخطر السفاحين وديما منفي من الدول وآخر دولة كان كينشط فيها تاهي تنفااا منها ...ماااشي وكيضحااااك متللذذذ بشنووو كااايديير... اما ايسسس فهو دوخو بواحد لابرة دكها ليييه وبقااا مسكين غير كيصصدر واحد الصووووت خاااافت مقادرش يتحرك ...... هنا واحد الراااجل كان كيتمشى .... لابس سسرفيييت زرقة ودار يدو فجياب ولابس القب فوق راسو كولو كيقطر بالعرق وااضح انو كان كيجري وكيلهت .....جججسم ريااااضي منحووووت .....وملامح كيبانو اتحت للقب مغوووووبشيييييين بحالا طالع ليه الدددددم جاي كيبركككم غير مع راااسو وعينيه حوووووممرررر بالاعصااااب خصو غير معااااامن .... الهالات تحت عينيه كتوضح انو مشافش النعاااس .... ومفورصي على راسو .... وهو يبااان ليه الخيال ديال واحد كيددددك الابرررررة لنمممررر صغييير ... وشاف للقطة لي هز بيها البنت وكيفااااش تخخخلعات .... شاف عند النمر ورجع شاف فيه وتبعووو وهو يزطم على شي حاجة هزها بانليه تاج ديالها صغر عينو كيبان ليه شووووية بساب الضو لقليل هو يقرا سميتها منقوشة تما عرف بنتمن هادي ..... واصلا غير شاف نمر صغير عرفها شكون من غير بنت الروكان ....هز دااك تاج ومشا متخخختل يشوووف شكون هو هدا وشنو كييديير ؟؟؟؟ ... ضرب يدو لور لقا راسو هاز معاه سلاااحو .. حسابتو نساه .... ورجع تبعو يشوية كيتخبا ليه ورا الشجر .... كل مرة داك السفاح يوقف لانو كيسمع تخرخيش دالخطوات وييضوررر يشووف ... داك الشخص كيتخبا ليه .. مكيبان ليه حد ويرجع يككمل ... حيد القب على راسو كيبان باقي صغيييير فلاج ديال يونس وسفيان .... صغرررر عينيه فالوشامات ديال داك الراجل وهو ييييجمع البووونية بججهههددد وضضربها غالشججججرة تاسال الدم من مفاصل صبعانو .. سعررررر باابيااااان .. لانوو عررررفوووو وعندو معاه حسااااب قديييييم وكان هارب ليه .... وبقا تابعو كيتحححلف عليه ليوووووما طيح روحو .... تاابعوو وهاداط كيتمشى وزايدها بتدنين والغنا .... تابدا يصوني ليه تيليفون وجاوب بضضضحك كيضحك بجاااهد كي شي حمممق عاد نطق بالاسبانية
- البنت فيدي
اسيل : كيف درتي لييييها؟؟؟ شافك شي حد
- ههههه نتي باقي مكتعرفنيش يمكن .... جاتني سهلة بلا عداب ...دابا شو بغيتي ..شلاضة ولا ديسير
اسيل : دير فيها لي بغيتي ... هاهي بين يديك هدية مني .. غير هو صورها فيديو ..بغيت نسيفط لواليديها فيلم زويييين يشاااهدووه ونحرق ليهم القلب كيفما حرقوه لياا .. بغيت نحرققققهم ونتفرج فيهم ...
قطع عليها تاكان وصل قدام واحد الكوووخ قصصصبي كولو من للقش ... ودخل ليه كان موووجدو ... وداك الولد لي تابعو وقف حدا الكوخ كيوشف معاه وهي تبانلو حداه شجرة وطلع عليها كيف شي قرد وتلاح فوق سطح الكوخ ... ويدا يدوز القش بشوووية كيطل باش يبانليه شنو كاين لتحت ...
حبيبي الأصم الجزء 328
محتوى القصة
التنقل بين الأجزاء