يوم جديد غير عن جميع الايام سابقة بالنسبة ليها...يوم لي بدون ما تصبح على عصام و لا يكون في جنبها...يوم لي ملقاتش راسها بين دفئ احضانو كيف عادتو.....
جالسة في صالون لكبير لي مفرش بطريقة مغربية بلدية بطابع فاسي تقليدي....حاطة قدامها تليفون و دموع مبغاوش يحبسو ليها و تخنسيسة كطلع معاها تا كتبغي تقجها.....
اسماء جالسة حداها دايرة يديها ورا ضهرها كتطبطب عليها بشوي: صافي الحبيبة باركة عليك من لبكا راكي من فقتي و نتي تبكي ما فاطرتي ما شربتي دوا ...راكي مريضة زعمة و خويا غادي و كيوصي عليك....
هاجر كتهضر بزز بتخنسيسية لي كطلع معاها: و وعلااش م ما فففيقنيييش من كان غادي اهئ هئ علاش خلاني ناعسة و مشا بلا ما يودعني هئ هئ اهئ.....
اسماء: الله يرضي عليك باركة على هاد لعنين واش هو كره لكن راه كان عارف اتبكي كيف كديري دابا و هو من ايشوف دموعك مغديش يقدر يمشي .....
هاجر كتمسح نيفها لي ولا حمر و مزنكة بكثرة البكا تا تنفخو ليها العنين: علاش مبغاش يديني معاه و مخليني بوحدي هنا اهئ هئ و قلت ليه ما تمشيش وهو خلاني بوحدي هنا اهئ هئ....
اسمأء: يا لهبيلة واش كاين شي راجل مرتو مريضة ويديها معاه يكرفصها راه عندو جوج طيارات اصاحبتي و نهار كامل و نتي معلقة و زيد من كيوصل لجانوب افريقيا راه ساعتين ديال طريق عاد يوصل لشركة ديالو و هو عارف بتمارة ديال طريق و مبغاش يعدبك خصوصا نتي مريضة وزيد عليها كدوخي فطريق و تردي كلشي عقلتي نهار كنتو مسافرين اش درتي كون مشراش ليك كينة كون ما لقا ما يجمع فيك....
هاجر قلبها محروق و بقا فيها الحال بزاف من ناضت و ملقاتوش حداها ولات بحال شي طفل صغير خلاوه والديه ..من فاقت وهي غير تبكي و اسماء تحزر فيها دايرة ليها لخاطر كثر من لقياس.....
هاجر كتشوف في تليفون: وعلاش ماصوناش عليا و لا تفكرني تا بمساج....
اسماء: ايكون مزال في طيارة غير كوني هانية كيف ايوصل ايعيط عليك و صافي باركة عليك و ضحكي شوية متبقايش هاكا راه يسمعك كتبكي يبدا يغوت و يقولك اش درتو ليها راه كيعاملك بحال بنتو و من خرج صباح قالك خاطرك قبل من خاطرنا الالة اوا شنو بغيتي كثر من هاكا ...
هاجر رسمات ضحكة بدموعها و خنونتها: ياك ما غديش يتعطل....
اسماء دورات راسها : لا ما غديش يتعطل غير يسالي امور الخدمة و يرجع طاير اصلا هو ماشي من نوع لي كيخلي مرتو وراه راكي غير كتقراي و مريضة و ما لقا ليك جهد اما كون كنتي مزيانة و متبعاكش لقراية كون راه داك معاه رجلك على رجلو.....
هاجر بدا كيرجع ليها نفس هزات شعرها لواتو على شكل شفنجة و مسحات دموعها كتحاول تصبر راسها و خا جاتها صعيبة تبقى بلا بيه و هي ولفاتو في كل مكان...
و لفات ريحتو حداها و كلامو القليل و شخصيتو المتبتة و لي كطغي على الجو لي داير بيها...توحشات ريحتو و صوتو و لمساتو و دفئو.....مشاعر مبعثرة تملكوها وهي لي عمرها بغات و اول حب ليها كان راجلها......
حب المراهقة كيجي صعيب بزاف كتولي بحال لحمق على شخص لي كتبغي لدرجة انك مكتقبليش بعدو عليك..و رغم هادا حطات حجرة على قلبها و قالت نصبر و ربي كبير....
دخلات عليهم ياقوت كدور في راسها: احححح عليكم يا بنات اليوم ما بقيتو تصبر... دغيا كتبداو تنزلو دموعكم....
هاجر : اوا هادشي لي عطا الله اخالتي.....
الياقوت بلا حشمة عطاتها صبع: ها لي تسواي مني شتي نتي كنصحابك قافزة و فاهمة وعارفة من شفت وعاريتك نهار لي بقيتي معايا راس في راس ..ساعة صدقت غالطة...دوزات يديها على وجها....غسلت يدي منك يا بنتي هاجر....
هاجر كمشات حجبانها: ياك اخالتي كنسوا منك غير صبع و اش درت كاع ياك نهار لول عطيتك غير خو كلامك نتي بغيتي تحطيني تحت رجليك و انا ما بغيتش واش كاين شي عيب فهادشي....
الياقوت كتعوج في فمها: اصلا راكي كلك عجب كنبان ليك غير انا تطايفي معايا بداك لسان ...مالكي ما تبينيش ليا حنة يديك فديك عود طيو لي واقفة لي فوق راسي....
هاجر دورات راسها يمين و شمال: باركة غير ديك نتفة لي عطيتها ما فيا ما نجبد صداع لراسي باركة غير عصام دوز ليا هادي و نزيد نكحل معاه دواصة لا لا اخالتي بيني و بينها تيقار تا راجل لي نتغاوتو عليه ها هو مكاينش و انا ما غادي نعطيها وقت فين تهضر معايا....
اسماء: ما قلتي عيب امرت خويا لواحد هو يدير حدود لراسو و ما يخلي حد يطلع فوق راسو....
الياقوت: شفتي نتوما و الله ما عيالات حرات عرفتو كون انا وقع لي هادشي مع راجلي كون مشحال هادي نحرتها نحير جمل ....
الياقوت: الله يعطيك غمة نشالله لعقل لي تفكري بيه ابنتي مكتكسابيهش بلاصت تنوضي و تشوفي هاديك اش تحت راسها ولي نهار و مطال وهي مخبية ليا فداك البيت تقول كتصنع القوالب تم.....
هاجر: يا خالتي فهمي كلامي لعقل راه عند كل واحد و انا وقت صح طلقايني و وقت لبهلان تلقايني راه دايرة بحال لما فين ما حطيتيني نتوالم....ولعقل لي عندي راه ميكسابو حد ...غير باش تعرفيني مزيان ...ديك المرا لا مشيت تا درت فيها راسي راه مغاديش يطلع عليها نهار و انا ما ناقصني مشاكل هاد ساعة يمشي يطيح ليها الولد و تسميها فيا اوا فين انوصلو ديك ساعة... نولي عند عصام انا هي قتالة ولدو... اوا اش داني لشي قرع نمشط ليه راسو كااااع اتيييييقاااار الالة و لي بغاها ربي تكون باركة غير الحالة لي دار ولدك البارحة قطع عليا لكلام غير ساعة طاح عليا ضيم بحالي تقطع ليا راس.....
الياقوت نسات راسها و نسات ان هادا راه ولدها حبيبها و اغلى ما عندها : مزييناتك عرووووسة يفرحو بيها لعكاايزااات اوا نوضي يا لمدلولة قالك طاح عليا ضيم واش من نيتك يا لعوجة ..راجل ما كيبغيش لمرا المدلولة لي تبقا غير تهرنن عليه و تبين ليه انها متقدرش تعيش بلا بيه..كوني حارة يا ضحكة قبل ما دور ليك هاديك براجل و تخلي يماك جالسة على صبع ....
هاجر خرجات فيها عنيها بجوج : راه ولدك علامن كتهضري اخالتي....
الياقوت كتنكر غير مع راسها : اوا بزااف عليك يكوون ولدي بحال هاكا ولدي راجل و سيد رجال ما يشبهو حد لا فكلام و لا في الافعال مربي من عند ربي الله يسهل عليه فهاد نهار يا ربي... ميات وحدة تمنة غير شوفة فيه و هو عمرو خلا بنت المرا تبان قدام ميمتو لي ديما هاز بيها و مسخن ليها كتافها....
هاجر ما عرفات ما تقول من غير: اوا الله يخليه ليك و صافي....
اسماء غلباها ضحكة: اودي خلينا دابا غير مع ميار شنو حريرتها....
الياقوت دورات راسها مزيان: اوا هااا كلامي فين قلتها ليكم هديك انا لي كنعرفها مزيان لفعة مقطرة و مكتسوااش و ما حدها معانا الا و ادير شي موصيبة كحلة ....
اسماء: و الله تا انا لقيتيني كنفكر فيها زعمة خويا راه حافضها مزيان علاش مخليها وسطنا ..زعمة على ولدو لي حاملة بيه....
الياقوت: انا ما سولت و هو ما عطاني كلام راكي عارفاه عندو كلشي حسي مسي مكتعرفي اش تحت راسو.....
هاجر بقات كتعض في فمها و غير ساكتة و كدور في عنيها و تفكر و تفسر غير مع عقلها لي كيخدم غير فتشيطانيت.....
جمعات الوقفة كتشوف فيهم: انطلع لفوق نرتاح شوي بلا متعطيو ليا لغدا تا نهبط راسي.......
اسماء: سيري احبيبة و متبقايش هكا تهلاي فراسك و را شيفور بطونوبيل فين ما بغيتي تمشي سيري ما كاين لي حبسك....
حركات ليها راسها و طلعات بحالها و الياقوت بقات غير كتشوف فيها متعرضاتش مع كلام بنتها ....كيف تقدر تعتارض و ولدها وصاها عليها و كانت وصيتو هي لخاطر تم الخاطر ليها هو لول .....و الياقوت ما تقدر تهبط من كلام ولدها و لا تنقص منو و كلامو عندها تاج فوق راسها......
طلعات لفوق لبيتها لي فجناحو..بيت فين تجمعات هي وياه اول مرة ..اول نهار لي دخلات فيه عروسة...كفاش كانت سخفانة وهو حيد ليها تكشيطة و مسح ليها وجها من المكياج و خلاها تنعس مرتاحةو لمساتو الرقيقة على جسدها ....
جلسات فوق ناموسية وكل جزء في لبيت كتفكر لحضاتها معاه و ريحتو لي عاطية في لبيت كأنه موجود حداها......وقفات بشوي ...دخلات لبيت تبدال و مشات لجهة ديالو بقات كتلمس في حوايجو بحنية و ابتسامة اشتياق مع نضرة حزينة مرسومة على ملامحها الطفولية .....
هزات وحدة من قوامجو وحطاتها على نيفها كتستنشق ريحتو لي مزال عالقة فيها مزيااان....كأنها كتفدي شوقها ليه فقط بي استنشاق رائحته المميزة مع خليط عبقه المثير......
فقط لحضات فراق خلات قلبها يطلب عصام بجوع و عطش لدفئو و لمساتو و حنانو....مشاعر لا يمكن التنبئ بها استعمرت كينونة جسدها...فأصرت ان لا وجود لها بدونه هو....
هو وكيف لل "هو" ان يقارن بشموخه و تعاليه ليبدو كجبل لا يتزعزع من الخارج .....و في الداخل رجل يحمل من الحنية و الحب ما يكفي للعالم بأسره.....
و ادا بكل هادا الحب يتوجه اليها فقط سيدة اعتلت قلبه و اصرت على ملكيتها لها فأسمت مملكتها بي اسمها لتخلد في جدران قلبه للأبد .......
......هي......هاجر........
.....وهو ...عصااااام .....
عنيها ولاو معسليه كأنها تسكرات بريحتو لي هيجات اول مرة كل عرق من جسدها الدي اصبح بالغاً و اصبح يميز لمسات الرجل و هيمنته عليها....
اجل انه سيدها ..من استوطن اسمه في كل ركن من اركان جسدها ليطالبها بقوة... "اريد لمساته".... كأنه محتاج له كما يحتاج للهواء تماماً.....
بدون وعي منها بدات كتحيد حوايجها بياصة بي بياصة تا بقات عريانة ..طلقات شعرها الاسود كسواد ليل ... حرراتو وخلات مرتاح على ضهرها ....لبسات القاميجة ديالو لي كانت كتشم فيها....
كيف لبساتها نتافض جسدها بي اكملها كأن عصام لي معنقها فهاد اللحضة...و كأنها عارية تماما امامه.....دورات يديها على داتها مع رجفة خفيفة تعلو جسدها الرطب.....
تمشات بي حركات خفيفة طلعات فوق ناموسية و تكمشات على داتها اكثر ....دمعة سخونة هبطات من عنيها و بصوت هامس نطقات.....
هاجر: انحماق بلا بيك ...لحمي سخون بزاف و ما كاين لي يطفي سخونيتو من غيرك....
خبات وجها في لمخدة مع شهقة خارجة من قلبها.....و بدون ما تحس بنفسها...شعرات بي يد حنينة كدوز فوق كتفها بطريقة خلات قلبها يتهز من بلاصتو بحال شي عاصفة ضرباتها.....
هزات راسها كأنها ممتأكداش من دوك لمسات و إدا به امامها بجلاله وقدره و بكامل موصفاته.......
حلات فمها ممتيقاش عنيها و هو قرب ليها حط صبعو فوق شفاه ديالها و لمسهم بشوي...هبط راسو لعند راسها و تكلم حدا فمها و انفاسو الساخنة كضرب وجها ...
عصام: توحشتيني.....
هاجر غمضات عنيها و رجعات حلاتهم بي نضرة تحمل كل الاخلاص و الحب و الوفاء له : كثر ما كتصور ساعة وحدة ما قدرتش نصبرها وراك...حطات جبهتها على جبهتو.... شنو درتي ليا وعلاش دمنت عليك بهاد درجة لي بدلاتني و غيراتني......
عصام بنضرات غير مفهومة كيشوف فيها: هاجر انا....
حطات يديها على فمو قطعات ليه كلامو و عنيها في عينو و لونهم الاخضر زاد كيبري كتر و يعطي لمعان خاص....
هاجر: ما تقول والو خليني فقط نفدي هوسي المجنون بك....هزات يديه حطاتها فوق من قلبها بصوت باكي ...شفتي شحال كيضرب..كل دقة منو كيطالب فقط بي اسم عصام لي تغلغل ليا مع دم....وليت مدمنة على اسم عصام و حنة عصام و لمسات عصام..وليت كنتنفس فقط بوجودك قربي و بعدك عليا كيعني موتي ببطئ....
عصام مزال نفس النضرات في عنيه و ملامحو غير مقروئة حيد يدو من وسط يديها و شاف فيها مزيان و نطق بكلام لي خلا جسدها يتنفض من بلاصتو بحالي ضربها ضو.....
عصام ببرود طاغي على ملامح وجهو: هاجر خاصنا نتفارقو......
كل عالمها تهدم فهاد اللحضة و خرجات عنيها فيه بقوة بصدمة لي تعرضات ليها.....هبطو ليه دموع سخان على حناكها و لون عيناها اليقوتيتين يتلئلئات بدموعهم المنسكبة.....
هاجر بصوت مترعد باكي نطقت... لتصرخ بي اعلى صوتها مع اخر كلمة : كنبغييك....كنبغييييييك....كنبغييييييييك. ......
لتتركه في صدمة ضاهرة على ملامحه الرجولية.....
الرجولة عندما تتحدث ...و كيف لا و عصام من يتحدث عن من تربعت عن عرش قلبه و جعلته يدرك الحياة من جديد كأنه طفل ولد يوم دخلت هي حياته.....
في الجناح ديالو
واقفة في غرفة خوها كتمشي و تجي و كتشوف في الجسد لي ناعس فوق ناموسية و سخانة كتحرق فيه...كل مرة تقرب ليها تحط كمدات باردين فوق جبهتها و تقيس حرارتها واش هبطات ......
دخلات عليها الياقوت كتندب و لون مخطوف من وجها : اش غاااادي نقووول لييييه راه داير حالة في تليفون.....
اسماء حطات يدها على جبهتها كتسوط: افففف مصيبة هادي البنت كتموت بسخانة و حنا مدينهاش فيها كون مصوناش عليها هو و مجوباتوش و صونا عليا نشوف مالها كون تا حد ما يصيق ليها لخبار ....شافت فيها...شوفي كي دايرة مسكينة وخا جا طبيب و ضرب ليها ليبرة و دوا و كلشي و ما بغات هاد سخانة تهبط ليها.....
الياقوت: وتا هي بلاصت ديها فراسها جالسة كتبكي عليه وهي عاد خرجات من صبيطار مدتهاش في صحتها كاع اففف اش قلتي ليه بعدا من صونا عليك....
اسماء: اناري شبغيتي نقوليه لا هو خلاني في نهضر غير جاوبتو نيشن قالي فين هيا هاجر من قلت ليه راه فبيتها قالي سيري شوفيها علاش مكتجاوبش على تليفون... و راكي شتي دخلت لقيتها حالتها تقولي ميتة هبطات مني نص بالخلعة وزاد عصام ركب فيا بوصفير ويا ربي يسمح ليا قلت ليه ناعسة اما كون قلت ليه مريضة اتكون مصيبة خرا.....
الياقوت: و باين حاس بيها و عارف كاين شي حاجة راه صونا عليا تا انا سولني قلت ليه مزال ناعسة ما قدرت نقوليه والو و كل مرة يصوني و يسول تا حطيت تليفون في لبيت ما بقيتش كنجاوب....
اسماء خرجات عنيها فيها: اناري ا ماما واش باغيتي تخرجي علينا واش عارفة لا مجوبتيهش ايستنتج ليه داك راس غير لي بغا و يجي يدير شي موصيبة....
الياقوت وجها صفر: و اش غادي نقوليه وهو كيسول غير على الزغبية ما لقات فين تمرض غير دابا و زاد خبيناها عليه اففففف راسي تقلب انمشي نهبط ندير لي شي كاس لويزة نبرد بيها مزاجي....
هبطات كتشالي بقفطانها و تويل غا وحدها و خا ولدها لكن من كيتعصب كتولي تخاف منو هي لولة و متجيش قدامو كتولي طلب معاه غير سلاك وخا هو كيشد في راسو بزاااف و قليل فاش كينوض و لكن لا مشا تا ناض كيجمع القديم و جديد عليهم تا كيجمع كلشي فوق راسهم....
انين هامس شبه خافت خرج من فمها مع تقوس في حجبانها ...زاد انين صوتها كأنها متقلة بشيء لا تعرف ماهيته ....زيرات عنيها بجهد مع ارتعاش جسدها الساخن....
شعرات بيد كتلمسها على مستوى جبينها و هي تقفز بسرعة و عنيها خارجين بجهد و تنفسها حاد كلها عرقانة و شعرها نازل على جبهتها...حطات يديها على قلبها لي كيضرب بجهد.....جلسات قدامها اسماء مخلوعة....
اسماء حطات يديها على يد هاجر: حبيبة شوية دابا....
هاجر كتغمض عنيها و تعاود تحلهم و فمها ناشف كتسرط ريقها بصعوبة ....بقات كدور راسها في لمكان لي هيا فيه بخوف و استغراب ضاهر عليها و بصوت مترعد.....
هاجر: ف في فيين هههو ععصام....
اسماء قربات ليها كطبطب على حناكها: بسم الله عليك احبيبتي سخانة لعبات بيك.....
هاجر بالحلمة لي حلمات ناضت مخلوعة غير كضور في راسها و عقلها ممستوعبش الواقع لي هيا فيه ...مزال عنيها كيضورو في الغرفة تا بداو دموع يهبطو ليها مع تقوس في شفاه ديالها كطفلة باكية....
اسماء بدون فهم كتشوف في هاجر لي كتبكي بحرقة و صوت انينها كيألم..حطات يديها على شعرها: بسم الله عليك اختي راه غير كنتي كتحلمي راه ما كاين والو من هادشي لي كتقولي...
هاجر بسرعة هزات راسها فيها و دموع مع الخنونة هابطين و حناكها حومر بكثرة سخانة لي فيها...خرجات عنيها مزيان في اسماء كتستوعب لكلام لي قالت ليها...
رجعات كدور عنيها اكثر في لغرفة ..دوراتها مزيان ..رجعات هبطات عنيها لحوايج لي لابسة...حلات فمها بجهد من شافت لابسة نفس البيجامة لي كانت لابساها صباح......بدات كترمش بسرعة ..كمشات حجبانها.....
هاجر:شكون عاود لبسني حوايجي....
اسماء بتسائل: راكي كنتي لابساهم صباح اختي تا حد ما قرب ليك و لا قاصك تا من طبيبة لي جات دارت ليك شوكة غير في يديك.....
هاجر مزال ما بغات تستوعب نفسها رجعات كتشوف في راسها: لا انا كنت حيدت هاد لبيجامة و لبست قاميجة ديال عصام و جا عندي قالي انتفارقو هئ اهئ...كتمسح دموعها بحال طفلة صغيرة و شفاه ديالها لتحتانية مخرجاها ... بالدراكولا لاخر تا نشفني من دمي عاد بغا يرميني.....
اسماء من نيتها طاحت فوق ناموسية كضحك تا هي كثر من خوها لعقل لي عندها غادي تخرج عليه هاجر : وناري ميميتي على دراكولا و يسمعك عصام يشتف عليك و يوريك جنون دركولا منين كيخرجو....
هاجر دوزات يديها على نيفها وراسها تقيل عليها كيعطيها صداع و عنيها مبتالين بدموع : اصلا مولفة نقولها ليه ما عندو ما يدير ليا ..لي ما عندو سيدو عند لالاه انوض دابا نجمع حوايجي و نمشي لدارنا و الله ما هتلر و المدلك ولا دركيلا يسوط في دم لي بقا ليا...
من نيتها كتهضر و ناضت جمعات الوقفة و صخفة شادها كتنوض و تعاود طيح بحالي سكرانة ..شداتها اسماء و بزز باش كتحبس ضحكة....
اسماء: و الله اختي راكي حمقة و لكن عسولة مع راسك يا الحمقة راه عصام من سافر ما رجع باين كنتي غير كتحلمي بيه و هو مسكين داير حالة عليك و نتي باغية تخليه محشوماش عليك....
بزربة تكمشات في بلاصتها و خرجات عنيها فيها مبقاش حس سخفة فيها و وجها تنور بحالي رجعات فيها روح
هاجر: حلفي؟!! ..قولي اقسم بالله ما رجع ..دابا كاع داكشي غير كنت كنحلم و صافي ..مقالش ليا نتفارقو ياكي..هو اصلا مكاينش و انا دايرة حالة ياك....
بقات كضحك غير وحدها و تخبي راسها في لمخدة و ترجع تشوف في اسماء و ضحك تا ضحكات معاها اسماء ..غير حمقة و قالو ليها زغرتي و من دخل معاها الحب و شوق تسطات بالمعقول....
اسماء خربقات ليها شعرها كضحك: يا الحمقة واش خويا يقدر يتفرق عليك راه غير من عينو باين كيبغيك الموصيبة و ما يقدرش يتفرق عليك و شوفي تليفونك راه شحال و هو كيصوني عليك و من ما جوبتيهش صونا عليا و كيف طلعت نشوفك لقيتك كتموتي بسخانة و من تم ما بغا تليفون يحبس كل مرة يسول و كدبنا عليه قلنا ليه غير ناعسة ما قدرتش كاع نقوليه راكي مريضة....
كيف قالت صونا عليك ...طارت على تليفونها لي فالمجر ..شعلاتو لقاتو عامر بي ابيل و ميساجات منو..قدات لجلسة تصوني عليه و ضحكة مرسومة من.لودن تا لودن و قلبها كيضرب في تسعين ...
شافتها اسماء بغات تصوني عليه و هي تخرج فيها عنيها...
اسماء: اش كديري المسخوطة....
هاحر ببرائة و حناكها حومر راسمة ضحكة على ملامحها: انصوني عليه فيديو....
اسماء طارت على تليفون خداتو منها: يا ختي غير قلت ليك صونا عليك بديتي تنقزي تقولي ماشي نتي لي كنتي مريضة دابا....
هاجر بصوت حنين : ولكن و الله تا توحشتو كاع هترت و حلمت واحد حلمة خايبة بغيت غير نشوفو و نهضر معاه نحس بيه حدايا بعدا....
اسماء شافت فيها مزيان بنضرة حنينة.حطات يديها على خدها مع ابتسامة: عصام هو اول حب في حياتك ياك....
هاجر ضحكات بجهد تا تهزو خدودها و غمضو ليها عنيها ببرائة:اه اول واحد في حياتي و اول واحد كنبغي... ما عمري بغيت ولا تعجبت بشي حد قبل منو....
اسماء حركات راسها كتلعب ليها في شعرها..عرفاتها غير من تصرفاتها ان خوها اول واحد في حياتها و حيت مزال صغيرة جاها حب المراهقة عليه.....
حب المراهقة لي صعيب بزاف كتولي تفكري غير بقلبك و العقل كيمشي ليك...كتولي بحالي مدمنة على شخص لي كتبغي وهادشي علاش كيقولو سن ديال المراهقة خايب بزااف و ما كيتسالة تا كتوصل لعشرين سنة.... و هاجر من نوع القبيح مكانتش متسوقة لجنس الاخر بالعكس كان لي قرب ليها تعصيه و تفلق باباه ملقاتش راجل لي يفرض شخصيتو عليها و ضغيان رجولي لي كيملكو شخص بحال عصام لي غير لوقفة حداه تحبس ليك الهوا فما ادراكي ان يكون ملكاً لكي وحدك.....
ملكها بكل حواسها و خلاها تحس بي مشاعر جديدة في كينونة قلبها لدرجة في احيان اخرى كتصرف غير عن شخصيتها المتعودة ...ولات حساسة بلا قياس معاه و غير كلمة منو تقدر دير بيها الاعاجيب...
اسماء عرفاتها من نوع لي ممتقفش على الحياة الزوجية و بي الاخص تعامل بين زوج و زوجته...تكلمات بي هدوء و عنيها على هاجر....
اسماء: نوضي بعدا دوشي و حيدي عليك داك المرض و العيا لي باين فيك و حمري داك الفم و الخدود و لبسي شي حاجة زوينة و خفيفة و طلقي شعرك عاد اجي هضري معاه متبانيش مريضة قدامو اصاحبتي توكدي شوي و بيني ليه الانوثة ديالك راني لاحضتك كتلبسي غير طويل و الحوايح لواسعين و ديك لعكاسة ديما دايراها و مغطيا شعرك من كتكوني معاه علاش.....
هاجر: ولكن راني غير فدار و دوك حوايج كنرتاح فيهم و الله حيت كيكونو واسعين مكيبينوش فصالتي اما راني كنلبس حوايح زوينين من كنخرج....
اسماء حطات صبعها على حنكها: اويييري على مكيبنوش فصالتي لا لا نتي بنتي ليا ما عندك عقل يا المكلخة راه فدارك خاصك تلبسي غير لمزير و تبيني فورمتك و خلي راجلك يمتع عويناتو و يتشهاك بلا جداه....
هاجر هزات كتافها بجوج: اصلا عصام خاصني غير نحل ليه لباب نلقاه و خا نلبس غير خنشة كتبقى مسألة اضواق و صافي و هو اصلا قالي متبدليش خليك كما نتي عاجباني....
اسماء : قالك متبدليش كيهضر على زنقة ماشي في دارو و ضروري راكي عزيزة دابا حيت مزال عروس و جديدة و لكن مع المدة رجال كيملو دابا تشوفو هو ايبقا يقولك لبسي هادي و يعريك بيدو راه ما عندو علاش يحشم ..الوحدة هي دور براسها اصاحبتي و متخلي راجل فين يحل فمو عليك....
هاجر لي فراسها فراسها : راكي غالطة بزاف وخا عرفت عصام غير شوي لكن هو ماشي من نوع ديال دراري ديال هاد الوقت يبغي لمرا تصاوب و تقاد... كيف مكانت هو قابل عليا و باغيني و غير تصرفاتي و كلامي كيجيبو ليه تمام بلا زواق الخاوي و قوة تخربيق يكفي اسم هاجر بالنسبة ليه يتهز قلبو و يغرق تال ودنو...
اسماء : ناري اختي مكتقضايش مهم انا غير وصيتك حيت نتي فبلاصت ختي تبارك الله زوينة و حادكة و عندك فورمة من لفوق كتحمق و لحمك بيض كيشعل خاصك تشري بيجامات قصار و ديال سن ديالك فيهم هلو كاتي و على قد فورمتك ماشي دوك بيجامات دياول جدة لي عندك و كتلبسيهم بوجهك حمر ...ماما لي شارفة و مكتلبسهمش......
هاجر: هادوك ماما خداتهم ليا بالعشق و هما لي مولفة نلبس و لا نلبس حوايج خويا... دابا غا قولي ليا اش دخل هاد شراوط في علاقة بين لمرا و راجلها.... واش شرويطة هي لي اتحدد الحب راجل لمراتو...
اسماء جمعات الوقفة: نوضي احبيبة نتي مزااال مقلوب عليك القفة راه شرواط عندهم اساس ولكن داك لي بين رجليك هو سلطان فيهم.....
هاجر بدون فهم كتشوف في ركابيها: شمن سلطان كتهضري عليه...
اسماء تنهدات بجهد : نوضي ابنتي غسلي حالتك بعدا و انجيب ليك واحد بيجامة جبتها معايا اتجي قدك في غوز بارد لبسيها و قادي حالتك عاد هضري معاه..هزات فيها صبعها بتحدير.....و اخر نهار نلقاك لابسة حوايج عصام اناري اختي كتباني بحال الهداوي كنت كنحشم نقولها حيت كنت نخافك تقلقي اما دابا صافي ولفنا بعضياتنا و الله ما نقولها ليك انا الاولى ...
هاجر بقات غير ساكتة كترمش في عيونها اصلا عصام عمرو قال شي حاجة على حوايجها و اصلا هو شايفها عريانة كاملة يعني كي لبسات لواسع و لا لقصير راه شايف فورمتها علاش اتبقى تزوق ...
تنهدات بجهد و جمعات الوقفة حسات براسها ولات شوي .. دخلات لدوش عمرات بانيو بما بارد تخشات فيه كاملة باش تجدد طاقة ديالها... تنهدات بجهد و كلام اسماء كيتعاود بحال كسيطة في راسها دخل معاها الوسواس و بدات كتفكر و تعاود.....
نشفات حالتها و لوات عليها فوطة و خرجات لقات اسماء كتقاد ليها ناموسية وحاطة صاك صغير فوق طبلة ديال الكافوز....
اسماء شافت فيها: بصحة اوا دابا عاد توردو لخدود و ما بقاش مأثر عليك المرض...هزات صاك..هاكي دخلي لبسي هاد بيجامة اتجيك زوينة و متولة ...
مزادتش معاها الهضرة دخلات بيت تبدال لبسات دو بياص بيضين و هزات بيجامة لقاتها بشورط لاصق و واصل لتحت ركابيها بتريكو ديالها واصل حد لفخاض مزير من جهة ديال صدر و واسع من جهة ديال الخسر .. لبساتها و و نشفات شعرها دوراتو على راسها و عكسات بزيف ..دارت في رجلها صندالة ديال ريش و خرجات قدام اعين اسماء لي كتصفق بي ابتسامة راضية.....
اسماء: برااافو حبيبة اوا هكا نبغيك تلبسي و تقادي خاص غير ديك عكاسة تحيديها مخصرة ديكور....
هاجر : غير خليها دايرة باتشة لشعري....
اسماء من نوع لي عزيز عليهم لموضة و مهليا فراسها و كتلبس غير لواعر و بغات دير هادشي تا مع هاجر ورا ضهر خوها لي مكيحملش يدخل شي حد في حوايج كيخصو مراتو و لا علاقتو بيها يكفي هو يربي و يرد لبال و ما محتاح تا حد من غيرو يربي و لا يعلم زلزالو و لا صاق لخبار لهادشي محااال واش دوز طريفة خصوصا لا تبدلات عليه زلزالو وهو مصاب باش شدات معاه الخط ....
اسماء: حيدي داك زبل و عمرك ديريها راه كطيح شعر من لقدام خلي شعرك يضربو لهوا من دوشي و ينشف بوحدو و ديري غير ضفيرة من تبغي تنعسي كافية و وافية....مهم اجي لهنا...جراتها جلساتها فوق ناموسية حيدات ليها زيف و طلقات ليها شعر..... ناري شعرك شحال زوين و كتقجيه بهاد زيف حرام عليك يا ختي كون كان عندي بحال شعرك تبارك الله كون نبات نحضر بيه على زهير....
هاجر هزات راسها كتموت بضحك: يا ختي نتي و خالتي سلوى كتشابهو غير الله يحسن عوان رجالاتكم معاكم....
اسماء: انوضي من البهلان راه هما لي فرحاتهم بينا كل نهار ديرين ليهم لجديد و نعيشوهم ليلة حمرة تقولي عاد تزوجنا البارح و نتي لي عاد تزوجتي لبارح عمري شتك درتي ليلة حمرة لخويا مسكين و كلشي باين غير من لباسك زين اصاحبتي....
هاجر : دابا عطيني نهضر معاه راني توحشتو و باغيا غير امتا نشوفو وخلي هاد الهضرة من بعد تا يقرب يجي....
اسماء تسرح ليها لسان مع هاجر : سمعيني مزيان البقرة راك مزال صغيرة و كنحاول نقريك شوي راني فايتاك بتجربة و كلشي..تبتي راسك و خدمي عقلك و خلي ديك طيارة متصلاحش لواحد بحال خويا لي كيبغي تباتة و رزانة ....انا عارفك غير اتهضري معاه تولي تبكي و تهرنني وتقولي ليه اجي توحشتك و امتا اتجي و هوا ما دوز تا نهار واحد...وخا تكوني اتموتي بلا بيه متبينيش ولا هو قالك توحشتك قولي ليه تا انا مهم متسبقيش نتي وخا تكوني ملهوفة عليه ما تصونيش عليه تا يصوني عليك هو ..دفعي كبير اصاحبتي ياااه طيحتو دل على البنات غير لي تزوجات و غبر راجلها تبدا تهرنن عليه ..راه وخا خويا ولكن رجال هما هادو يبغيو لي يدفعو عليهم كبير ....
هاجر حلات فمها و رجعات سداتو هي اصلا كانت دافعة كبير في الاول و لكن عصام رطبها غير بشوي و دابا تعاود دفع عليه كبير مجاتش......
بقات كتسمع لأسماء و تسجل كلامها بالحرف و غير ساكتة وخا عندها تخوف حيت عصام من نوع لي مكيحملش هاد نوع لكن ما حد هادا كلام ختو وهي فايتة بتجربة تجرب علاش لا.....
خرجات اسماء بعد ما قراتها مزيان و علماتها اش ادير...هزات تليفون كتشوف في نمرة ديال عصام كانت اتصوني عليه فيديو ساعة ورا كلام اسماء ضربات كلشي في الحيط و رسلات ليه مساج واحد كتبات فيه...
"كنت ناعسة".....
فور ما رسلاتو طلع ليها انه قراه و تم نيت صونا عليها فيديو تا قفزات من بلاصتها و قلبها مشا وجا بحالي اول مرة اتهضر معاه في حياتها.....
هاجر بدات كتسوط: ركزي اهاجر... ركزيييي... شنو كانت كتقول ديك اسماء امم اه اهم حاجة تباتة و لا مبالات ...رخفي نفسك هكا مزيان و هضري عادي بلا زربة و فضيحة....دفعي كبير كيف قالت ليك لوستك و وزني كلامك ...اححم....حنحنات مزيان و خلاتو يصوني جوج مرات عاد شداتو....
ضهر ليها في شاشة متكي و صدرو كلو عريان و شعرو نازل على جبهتو لي مزين بخصلات دهبية و عينو لي قاصحين و لونهم ازرق غامق..داير يدو ورا راسو و يدو لي شاد بيها تليفون دايرها فوق راكابيه ..
شادة ليه كاع جسدو الرجولي و المفتول بالعضلات و مبرونزي بطريقة جد متيرة..بلا جد باباها حلات فمها فيه و خرجات عنيها تا بغات طرطقهم عليه.....
عصام بي ابتسامة زادته وسامة على وسامتو: زلزال ديالي عاد فاق صباح لخير....
غير ديك ضحكة كافية دوبها و زادها ديك كلمة زلزال كتحمقها من كتخرج من فمو بحالي كيدلعها بيها...حولات تبت راسها و ترجع كلام اسماء وخا تلفها بديك الفصالة لي عندو....
هاجر كتحاول تحكم في راسها: كيف وصلتي لباس.....
عصام عض فمو وهز حجبانو فيها مزيااان عاد جاوب: مزيان حمدلله شفتك نعستي بزاف ياك لباس واقعة شي حاجة....
هاجر بتوتر بغات دير معاه فن لا مبلات وهي تهز كتافها: ما واقع والو كلشي عادي بحال جميع الايام علاش كتسول....
عصام بقا ساكت عاد حرك راسو وعاود كلامها بشوي : امممم عادي و بحال جميع الايام ....
رجع سكت و بقا غير كيشوف فيها و تا هي فضلات تسكت بحالو وبقات غير كتشوف فيه تا تزيرات و بدات كتحمار غلبوها دموع و كتحاول متبينيش لكن كلشي تهدم ورا ديك كلمة لي خرج بسلاسة ولي كتحمل كمية شوقو ليها....
عصام بصوت غليض طابع عليه دفئ و الشوق : قلبي توحش زلزالو .....
هبطو ليها دموع بزز منها بدات كتهرنن و كاع قراية ديال اسماء مشات في خوا لخاوي و هي تردد بصوت باكي...
هاجر: تا انا توحشتك بزاف ..توحشك بيتك و فراشك ....توحشاتك مراتك و قلب مراتك اتاج راسي و سيد قلبي وعمارة عيني لي من مشيتي وهي خاوية و مكاين لي يعمرها في مكانك ...ضلامت عليا دنيا بلا بيك و وليت نحلم بيك بليل و بنهار بحال الحمقة ......
صدمات عيشتو بكلامها خلات لحمو يتشوك عليه ...كلام لي خلا قلبو يتهز....حط يدو على وجهو كيتنهد بجهد و هضر بهمس....
عصام: اااااه ا زلزالي و ما درتي فيا....
بتسمات بخجل و كتمسح عويناتها بدموع و حنيكاتها حومر كتبان بحال شي مشماشة تشها غير تاكلها....بقا كيشوف فيها عاض فمو كيقشرو من جناب و حجبانو معقودين مع ضهور حرف زين في خدو الايمن زادتو جادبية مع الابتسامة لي راسم.....
عصام كيطلع فيها و يهبط: شنو واقع!!؟....
هاجر بدون فهم: ما واقع والو علاش....
عصام: بنتي ليا ماشي هي هديك..سكت شوي كيحقق فيها بنضراتو عاد نطق...مريضة.....
هاجر خرجات فيه عنيها : لاااا غير عاد فقت من نعاس و مزال ضايخة بيه و صافي....
عصام معاودش سولها كتفة فقط انه يحرك راسو بينما هي ولات غير كدور في عنيها كيجيب ليها الله بحالي مخلي عنيه هنا تا حاجة ما كيزهقها الله يستر....
عصام: مشيتي لطبيبة....
هاجر: تال غدا عاد انمشي ليها و نشوف نيت ميمتي شعيبيتي و ندير ليهم صداع عاد نجي ههههه...
بتاسم لي ابتسامتها: حلي داك المجر لي حداك طبقة الاولى فيه كارط بانكير ....
هاجر تسرحات قدامو فوق ناموسية كتجبد للمجر لي قال ليها تا شدها تليفون كاملة و خلات عصام يتفرج كيف بغا و عنيه كيديرو ليها فحص بسكانير و ملامحو مبقاوش مفهومين ......جبدات لكارت كتشوف فيها.....
عصام شافها جبداتها: هاديك ديالك لكان خاصك شي حاجة خوديه بيها و لكود **** ....
هاجر عاجبها الحال: ياااه فتحتي ليا تا انا كونط و لاو عندي لفلوس ☺ ندير بيهم ما بغيت اححح على الايام كنت نضل نطلب و نرغب في هتلر على عشرين درهم نديرها كونكسيو و ما كتعطيها ليا تا كترجع بابايا جفاف تقول سعيتها......
عصام حط يدو على خدو و ساكت غير كيسمع ليها كتسالي معاه من كتنسى راسها و تبدا غير تسرسب في لهضور بحالي ركبو ليها لبريز اما من كتقول لمها هتلر هادي كطير ليه لعقل و كيفكر غير كيف عاشت زلزال مع هتلر طول هاد الوقت و شمن مصايب دارو باش كل وحدة تسمي لخرا بهاد سميات لعجيبة ....
عصام حنحن : نتي مراتي دابا وكلشي لي عندي عندك فيه حق ديري بيه ما بغيتي و انا مغاديش نحبس رزقي عليك خودي لي بغيتي بلا حساب....
هاجر ضحكات تا تغمضو ليها العنين : اصلا عمرك جمعتي عليا يديك ديما مضفق عليا خيرك ولي حليت عليها فمي كتجيبها ليا ...اصلا لفلوس زايدة ناقصة عندي باركة غير نتا كتجيب لحاجة قبل ما نطلبها و خيرك سبقتيه في اول نهار خديتيني....عضات فمها و بإحراج ضاهر نطقات ديك كلمة و طاغية عليها الحشمة...ح ح حبييبييي.....
خبات وجها بين يديها و لتاني مرة كتطلعو تال سما و تخبطو مع الارض بداك لكلام لي عندها عمرها قالت ليه حبيبي اول مرة و تا هو بعيد عليها عاد طاح عليها هاد الحب و رومنسية اما من كيكون حداها كتقطع عليه لما وضو و كتقوليه ديك كنبغيك غير من كدير شي زبلة باش تبردو و دابا مسكين ما لقا جهد غلبو كلامها المتول ....
حط يدو بجوج على وجهو كيطلب الله في سرو يمدو بصبر ..دور يدو على راسو كيسوط و عينو كيبريو عليها....
هاجر بواحد صوت فيه كمية دلع مكتصورش نطقات سميتو و طولاتها : عصااااااااام.....
عصام دور لسانو على شفاه ديالو بقا ساكت شوي عاد هضر: اوكي سيري عندهم و من توصلي صوني عليا نهضر مع والديك....
هاجر: وخا ونيت غادي نمشي من تم ليسي شحال هادي مطليت عليه و ما شفت صحابي و واحد سمير(هو كونان) ايكون مسكين تسطا بالبكا عليا كثر ما هو مسطي....
عصام بتسائل: سمير ؟؟؟!...
هاجر كضحك: هادا غير واحد دري كيحماق عليا مسكين كان كيقولي نتي مراتي ونهار تزوجت بغا يموت بالبكا اما دابا من غبرت عليه ايكون تسطا ههههه....
بقا غير كيشوف فيها و مزير على لفك ديالو لي عراض و نضراتو ولاو كيخلعو و فمو رجع على شكل خط.....
هاجر شافتو تبدل بحالي مزير: عصام مالك....
عصام تنفس بجهد و هضر غير بشوي كيشوف ساعة لي فيدو: غدا و نعاود نعيط عليك...
قبل ما تقول كلمة قطع عليها تليفون خلاها مبلوكية في بلاصتها و فمها محلول حساتو بحالي قمعها و طرشها على لحنك ناسية اش قال فمها ...هي نواتو عادي و رجال عمرهم ينويو هاد لكلام عادي .....
شنو بغيتي يقولك ونتي داكرة ليه سمية ديال راجل اخر بحالي مدرتي ليه تا اعتبار ..بحالي هو زايد ناقص عندك ..فعلا عارف كلامك على قد فهامتك و كلشي عندك نية و لكن لبقات لي تقولو يدوزو بحالي مقالت والو راه صافي ولفات و الولف مصيبة كيضرب مولاه تبقا تخرج لكلام بلا ما تحس و لا ضرب ليها حساب ...
دابا قالتها غير بيناتهم و مرة تانية من ايسكت ليها اتقولها قدام ناس بدون شعور ..هي نوات عادي و ناس ينوي غير الخايب ..و عصام رجولتو و نفسو و كرامتو هما اساس كلشي في حياتو ولا برهوشتو بقات فهاد الجهة خاص يزيد يزير سمطة و يربي من جديد تا تقاد بلا خاطرها.....
جمعات الوقفة غير كترمش في عويناتها ما فاهمة والو و لكن ما دات ما جابت.....لبسات كلاكيط ديالها و رجعات عكسات راسها و هبطات كتنقز فدروج لي يشوفها ميقلوش راها مريضة...
شافتها اسماء جاية تنقز و هي تبدا ضحك: هاي هاي على ناس شافو لحبيب و مبقاوش ساهلين هادي غير كنتي مريضة العفريتة شتيه و نتي تصحاحي....
هاجر جلسات حداها مع غمزة: لحبيب يا ختي دوا ما يعرفو غير لي مجربو.....
تهزات اسماء من بلاصتها كتموت بضحك: الله الله على لي داق و مجرب احياني عليك ...قربات ليها...اجي ياك درتي داكشي لي قلت ليك عليه....
هاجر كدور في عنيها ضرباتها بنكرة: واش لعب دراري صغار هادا متخافيش ما قلت ليه توحشتك تا قالها هو و ما بكيتش كاع والله....
اسماء: اوا هكا نبغيك وخا تموتي عليه دفعي كبير و تهلاي فراسك ...شافت في عكاستها...اففف يا المصيبة كنقولك تبقا تحيدي هاد العكاسة راني كرهتها يا ديري زيف مقاد يا تحيديه.....
هاجر حيداتها و طلقات شعرها: ها انا اختي حيدتها اففف شحال فيك....
فهاد الوقت دخلات عليهم ميار لابسة كسوة خفيفة بي الازرق مع سندالة بلا ..طالقة شعر و مصاوبة الوجه و كتمشى بشوي عليها تصرفاتها متولين و كتعرف كيف تلبس و تقاد راسها وخا ضعيفة بزااف لكن مهلية فراسها و غير من الجلسة كتبات فيها كمية الانوثة ظاغية عكس هاجر لي مكتصوقش لهادشي وعندها كلشي بحال بحال......
بقات هاجر غير كتشوف في ميار لي دايرة رجل فوق رجل معريا على سيقانها بيضين ..هازة مجلة كتقرا فيها و كتشرب مرة مرة من كاس لعاصير لي جابت معاها مدارتش كاع لجيهتهم ولا قالت تا سلام دارتهم بحالي مكينينش و تا هما زايرين نفس الحاحة واحد منخل الاخر.....
دخلات الياقوت هازة صينية فيها قهوة كحلة معشبة بطريقة سوسية ريحتها عاطية: تبارك الله نتوما تحلسو و انا نتسخر عليك كيف الخدامة....
هاجر على نيتها جمعات الوقفة: غير كنت في بيتي كون عيطتي عليا نوجدها ليك انا بلا ما تعدبي راسك..
خدات منها صينية حطاتها فوق طبلة و مشات لكوزينة تجيب طباسل ديال لحلوى و الفاكية كتحط ليهم ساكتة كيف عادتها من كتبدا دير شغلها ما فيهاش قوة نكير و الهضرة شغلها متول و كتديرو بسكات ما تقول عيت ولا بارك وهادشي عرفاتو الياقوت نهار لول من بغات تشوف حنة يديها كان شغلها متقون و متقولش اححح.....
بقات الياقوت غير كتشوف فيها و الفرق لي بين هاجر و ميار و خا هاجر صغيرة و عقلها و فمها خارج عليها لكن باين قلبها بيض و نيتها سابقاها و غير لي جبدها عاد كتجبد سمها اما لي عطاها تيقار راه كتعامل معاه مزيان و ديرو فوق راسها و كون الياقوت ما بغات ديرها تحت رجليها نهار لول و عاملات هاجر مزيان كون هاجر ما خرحات كلام من فمها و دير شغل بساكت و تهز حماتها بينات عنيها ....
جلسات حدا اسماء دارت مخدة قدامها و كاس قهوة بين يديها و عنيها على ميار لي مبغاتش تسرط ليها حاسة شي حاجة من وراها...
قربات اسمأء حدا ودن هاجر: شوفي كيف دايرة وشنو كتلبس و كيف كتجلس و تصرف شتي هادي راه هي مرت خويا الاولى ديما كتلبس ليه غير لواعر و عمرها شدات معاه ضد و ديما ديرها قد راسها و تبقا تشكي ليه بدلع لي فيها تا كيسامحها مفيهاش داك قوة لغوات كتحل مشاكلها معاه غير بالحوار و كتوزن كلامها عاد كتخرجو ماشي غير جي يا فم و قول....
هاجر هزات فيها عنيها : وعلاش كتقولي ليا انا هادشي هي كون كان فيها الخير كون كاع ما يطلقها و يتزوح بيا انا.....
اسماء: هي فعلا قبيحة معانا و لكن معاه كتكون وحدة خرا و ماما مكانت كتقول ليه والو كانت كاع كتخبي عليه شنو كيوقع فدار وحيت هو فداك الوقت يالله بدا كيطلع في شركة ديالو مكانش كيبقى في لمغرب بزاف و نهار كيرجع كتقابلو هي بكلشي ليه و تشوفي فمها كيولي غير لعسل يتشاير وخا تعصبو غير تقوليه انا يتيمة كيسمح ليها تم نيت و كون مدارت ديك مصيبة محال كان يطلقها.....
هاجر تقرصات ولات حمرة : دابا شنو بغيتي تقولي عصام تزوج بيا وهو باقي باغي مراتو ولا شنو....
اسماء: اناري واش من نيتك خويا من لعام تاني بان لي قلبو برد من جيهتها غير هي بنت لحرام كانت كتعرف تلعب على ديك كلمة اليتيمة و من هادشي كامل لي بغيت نقولك هو تهلاي فراسك و كبري عقلك شوي متبقايش بحال ضبعة اصاحبتي قراي و اجتاهدي و ديري شي حاجة راسك لي ترفعي بيها راسك بلا راجلك و بيني تا نتي صلبك مناش متكون .....
هاجر هزات فيها حجبانها: ونتي دايرة هادشي لي كتقولي ليا عليه....
اسماء: قبل ما نولد ولدي اه كنت مقابلة شغلي بيدي وشفتي داك صالون لي كتمشي ليه عمتك وهو لي قديتي فيه نهار عرسك راه ديالي اصلا غير مخلية الخدمات يتكلفو و انا كنمشي ليه مرة مرة بحكم ولدي مزال صغير وخاص لي يراقبو تا يولي يمشي لمدرسة عاد انرجع ليه.....
هاجر بقات ساكتة كتسمع ليها و عنيها على ميار كتلاحض من طريقة لبسها الا طريقة جلوسها ..نسات لكلام لي قال ليها عصام خليك كيف نتي متبدليش و كلام اسماء لعب ليها فراس و الغيرة ديالها من ميار خلاتها تفكر فهادشي بلا متشعر....بقات ساكتة تا رجعات كتشوف في اسماء....
هاجر: كنت انمشي لدارنا هاد ليامات و دابا درت مناقص تا يجي عصام و نمشي معاه اش ضهر ليك نمشيو غدا نتقداو حويجات لي خاصيني لدار....
اسماء بتسمات: اوا هكا نبغيك تهلاي فراسك و عرفتي بدلي تا لون شعرك و قطعيه شوي ايجيك طوب خلي تا لمن بعد و نديك لصالون عندي يقادوك مزيان يرجعوك وحدة خرا تماماً....
اسماء: غير على عصام مقلناش ليه البنت مريضة و خفت غير يعرفها يدير لينا حالة....
فهاد اللحضة هزات ميار راسها فيهم و تكلمات بصوت هادئ معندهاش مع الغوات: عصام من نوع لي مكيبغيش لي يخبي عليه شي حاجة باين ايتعصب منكم بزااف....
اسماء: اختي هو و مراتو مسوق حد فيهم و زيد شتك هاد ليام غير سادة عليك اش واقع تاني و ما بقيتي كاع رجعتي لطبيبة تفحص ليك لولد.....
ميار سكتات مرداتش عليها كاع و وجها تخطف منو لون...جمعات الوقفة مشات لبيتها سدات عليها وخلاتهم بوحدهم...
اسماء دارت مع هاجر غدا يتلقاو و تافقو غير بيناتهم ناسين داك طرف تالت لي مشا تا رجع ايرجع بتسونامي لي ايجمعهم كاملين و غير الله يلطف مع الله يستر و صافي .....
💫بعد مرور اسبوع💫 ...خرجات من سيارة لي كديها و تجيبها من المدرسة ...هازة صاك و دايرة كتوبة بين يديها ...لابسة كسوة طويلة بي الازرق و دايرة نضاضر ديال شمس و مخليا بعض الاجزء الاولى من شعرها باين و الاخر مغطي...داخلة كتمشى بتاويل بصباط طالون و صوتو كيتمسع في ارجاء الفيلا..دايرة ميكاب خفيف لوجها بارزين ملامحها اكثر....
حطات الكتوبة فوق طبلة وهزات كاس ديال لما كتشرب منو كترجع نفسها ....
الياقوت: هاي هاي هاي من ايمتا وليتي كتعرفي تلبسي و تقادي بحال هاكا....
هاجر جلسات فوق كرسي حداها سخفانة: اففف سخفت وخا جيت فطونوبيل لكن غير من وقفت في المكتبة كنت غادي نموت بهاد الحرارة ..هبطات عنيها في راسها و رجعات كتشوف في الياقوت.... اوا سولي اسماء هي لي علماتني هادشي.....
الياقوت: اممم دابا عاد عرفت مالكم كل نهار خارجين راس في راس اوا الالة بصحتك جا معاك هاد لبس حسن ليك من ديك شوهة لي كنتي كديري.... اجي صونا عليك عصام ولامزال....
هاجر تنهداات بجهد و عنيها تملأو بدموع : من داك نهار ما عاود صونا و كنصوني عليه كاع مكيجاوب دابا ربعيام ماعاودت صونيت عليه كون توحشني كون راه جا و لا يسيفط غا مساج بعدا ....
الياقوت حسات بيها و بغات تخفف عليها شوي : اوا راه خدمتو صعيبة كتصحابي طرف الخبز ساهل و زيد خدمتو فيها الغش بزااف لموقفتيش على شغلك بنفسك راه يديو ليك كاع رزق باين ايكون مشغول بزااف و ملقاش وقت ......
هزات هاجر كتوباتها طلعات لبيت لي حدا بيت الياقوت بحكم كتخاف في الجناح بليل حيت كبير و خاوي عاطي لجيهة ديال برا و كلو جاج متقدرش تبقى فيه بوحدها.....
حطات كتوباتها فوق لبيرو لي عندها و طايح عليها ضيم توحشات عصام بزاف وخا دايرة فيها عزة نفسي من كلام اسماء لي دار فيها نفس وتا هي مبقاتش كتصوني عليه و حابسة راسها بزز....
شافت ساعة بانت ليها سبعة ديال عشية ...هزات بيجامة قصيرة و مزيرة كتبين فورمتها بي الابيض ملسة ديال نعاس ..دخلات لدوش طرفات حالتها و لبسات حوايجها...طلقات شعرها لي بدلات ليه لون لأشقر غامق مع خصلات بنية جاها واعر بزاف و فتح ليها وجها اكثر ولات كتبان وحدة جديدة مغايرة على هاجر لي كيعرف عصام من لون شعر تال طريقة لبس كلشي تبدل فيها و غير الله يستر مع الله يحفظ على هاد تغيير و صافي....
خرجات من دوش خلات شعرها مطلوق يضربو لبرد لبسات سندالتها و هي خارجة سمعات تليفون ديالها كيصوني...
قلبها تهز كامل ولا كيضرب بجهد..مشات جيهتو كتجري ..هزات تليفون بيد مترعدة كيف شافت سمية وهي تنهد بجهد من شافت اسم كونان....
هاجر ساطت بجهد و شدات الخط:اااش كاين تاني ياك خليتك في لمدرسة ورايا ...نهار كامل و نتا لاصق فيا اش مزال خاصك تقول ليا...
كونان بصوت باكي بحالي مضروب كيهضر بخوف و صوتو متقطع غير مفهوم و لي فهمات غير : كيضربوني ..كيضربوني....
هاجر خرجات عنيها بجهد: شكوووون لي كيضربك فييينك نتا دابا سميييير جااوب ...ششش متبكيييش هاني معاك و هضر بشوي...
هاجر: شششش صافي انا انجي واش شربتي دواك ولا مزال و فينك نتا.....
كونان: انا هربت ليهم هما بغاو يضربوني و انا هربت و دوا خليتو عند ماما ..هما لي بغا يضربوني و الله انا ما درت ليهم والو و انا ما بغيتش نسيل ليهم دم هما لي ضربوووني ....
كيدخل و يخرج في لهضرة بطريقة مجنونة خلعها و من قال سيل ليهم دم جمد ليها لما في ركابي.....
هاجر: سمير هانتا قولي غير فينك انجي عندك دابا و ماكاين لي يقرب ليك غير مديرش شي موصيبة و بقا مخبي انجي دابا....
كونان بصوت مترعد: انا ققق قدام داارك ..مممخبيي ف ف فلباااب باااش ممميشوووفني تاا حد و ميققربوووش للليا اااناا جججيييت عععندك نننتي كككتحاامي ععليا منننهم ه هما ووووحححوش ضضربوني....
هو كيهضر وهي شادة معاه الخط و كيف قال ليها مخبي فباب داركم عرفاتو تبعها..خرجات كتجري بنفس الحوايج و شعرها عريان و مطلوق و رجليها حفيانين و قلبها كيضرب بجهد....
نسات كلشي و غير صوت لبكا ديال سمير خالعها و ركب فيها رعب خايفة يكون دارو ليه شي حاجة وهو عندها عزيز بزاف واقرب واحد ليها ثلت سنين ديال صحبة ما يجمعها غير لفم لقات فيه لي ملقاتوش في صحاباتها لبنات .....
نية و ضحوكي و زوين ومهلي فراسو وخا طاير ليه لفريخ ولا بحال طفل صغير لي كيعاني من توحد غير هاجر لي كينساجم معاها في المحيط لي ضاير بيه وهي الوحيدة لي عجباتو و رتاح ليها قلبو في كل لبنات لي عرف ....
ما فيه حسد ولا غيرة و هي حسباتو بعقلو ماشي هبيل هادشي لي خلاه يتعلق فيها كثر ولي وقع ليه كيقولها ليها ما كيخبي عليها والو...
وقفات حدا لباب لبراني ديال الفيلا حلاتو و صدرها كيطلع و يهبطو ....بقوة جرا لي جرات طلع ليها تريكو ديال بيجامة لفوق وخسرها عريان وهي ما جيابة خبار....كيف حلات لباب لقاتو جالس مقنت لحيط و مدخل وجهو بين رجليه و كيبكي بصوت متردد و كينطق غير سميتها كأنها الملجئ ليه.....
بزربة هبطات عندو خشات ليه راسو في عنقها مزيرة عليه بجهد...
هز فيها عينو لي لونهم اخضر فاااتح و ملامحو رجولية بزااف و لكن تصرفاتو كأنه طفل بي عمر الست سنوات....
سمير دور يدو عليها كيترعد وزاد خشا راسو في حضنها بااين مخلوع بزاف و فهاد اللحضة ديال ناس لي بحالو فهاد الحالة الا و شي حد دار ليه شي حاجة خايبة بزااف...زادت زيرات عليه كثر و الخوف بدا كيتملكها ما قدارت تسولو اش واقع وهو فهاد الحالة...
سمير بصوت مخنوق: ضربوني بزاااف و بغاو يكتفووني و يدييوني بعييد....
هاجر: لا ما عندهم فين يديوك انا معاك ما غادي نخلي تا حد يقرب ليك صافي ششششش فين هو دوا ديالك ....
سمير هز فيها راسو كيبكي: ماما قاتلي سير بحالك عيتيني بهبالك انا و الله ما كنت هبيل هما لي هبلوني و الله انا مابغيتش نضربهم همو لي ضربوني لولين....
حطات يديها على حنكو كتسمح ليه دموع : صافي من لبكا لا مبغاتكش انا بغياك و ماكين لي يبعدك عليا ششششش نوض دخل معايا ترتاح لداخل....
قبل ما ينوضو وقفات عليهم سيارة لي تسمع صوت لمكابح ديالها بجهد مع الارض و ضو ديالها مضروب فيهم...... سمير مخشي في احضان هاجر لي سادة عنيها بكثرة اشعة ضو لي ضربات في عنيها.....
كيف حسات بي الباب ديالها تحل و حط رجلو على الارض و قبل ما تحل عنيها طلعات معاها ريحتو لي ميزاه عن الكل ..ريحتو لي مخلطة.مه عبقو الرجولي..بصوت متردد نطقات اسمو مع لهفة اشتياق مرت على جسدها...
هاجر: عععع عصاام....
حلات عنيها بشوي وادا به امامها وااقف بكل شموخ و تعالي و ضو ضارب في جسدو العملاق مكيبانوش ليها ملامحو بضو لي كيضرب في ضهرو ولكن بمجرد نطق بلكنة غاضبة ..قاصحة.... خلعها تا قربات تبول في سروالها....
تصمكات في بلاصتها بي اثر صوتو الهائج لي رعب معاه تا كونان لي بدا كيرجف و يدخل فيها بحال طفل صغير كيهترت بكلام غير مفهوم و نضراتو مشتتة في كل مكان.....
وقفات بي جسد مترعد و يديها شادة في يدين سمير لي جالس حدا ركابيها مكمش على راسو...
عنيها خارجين في عصام و الخوف تملكها لي اقصى درجة ...كتحل فمها تهضر و مكتلقاش صوت لي يخرج تكونسات في بلاصتها نيت و دموعها دارو طريقهم امام حبروته و اشتعال عينيه باللون الاحمر كالجمر....
هاجر: عععصام مممتضلمنيييش ما كاين وووالو فداكشي لي فراسك....
عصام ملامحو مضلمين كيقرب ليه و كل خطوة كيخطيها كيزيد لهوا ينساحب من رئتين ديالها كيف وصل عندها قطعات نفس برهبة كبيرة و لون مخطوف في وجها .....وبلا ما تحس بنفسها حسات بيدو تحطات على خدها بقوة تا تسمعات "بااااق" ...
طاحت على وقفتها و ودنها كيعطيها صفير تلفها على القبلة بديك طرشة ونيفها دايز بدم...هزات عنيها المملوئين بدموع منكسرة من اثار كلماتو لي نزلو عليها بحال سوط...
واقف كيف جبل لابس كلشي كحل و ملامحو مضلمين بي اثار ضواء ديال طونوبيل لي كيضرب غير في ضهرو و عطاوه مضهر كالوحش تكلم من تحت سنانوي و باين الغضب واضح في كلامو....
عصام: هادي هيياااا تييقة لي عاااطيك اهاااجر هادااا هووو جزائي فالمعاملة لي عاملتك...غوت بحر جهدو تا قفزات من بلاصتها....هداااااا هووو جزاااااااائي تطعنيييني فضهرييييي ا هااااجااااااار....
هبط بحقد غرس يدو في شعرها ناسي الوجود و ما فيه ..غير هي لي بين عينو حاليا باغي يضرب ويسيل دمها عمرو نوا تغضرو وفين فدااارو يا حصرة..هبط عينو فيها و طلعها بحقد في ملابسها وشعرها لي مطلوق و بضلام مكيبانش لونو.....
هاجر: شدات ليه يدو كتبكي ولات حالتها حالة: اهئ هئ عافك فهمنيييي ....شافت يدو اتحط عليها بقوة والخوف لي فيها طارت عليه تخشات في صدرو مزيرة عليه...
هاجر: وااااع ولا ولااا اهئ هئ عااافك مضربنييييش الا ضرب لااااااا مااا بغيييتش نخاااف منك تا نتا اهئ هئ و الله ما كنشوووف شيي حد من غييرك و لاعمر قرب لي ولا قاصني حد مممن غيييرك حياااتي كلها ليييك بوحدك اععع كح كح كح مضربنيييييش مضربنيييش ا عصاااام اناااا دياالك بوووحدك اهئ هئ سمحلياااا سمح ليااااااا عمريييي نعااااود .....
مخشية في صدرو مزيرة عليه و كترعد وسط منو و كتهضر بي هستيرية و خوف ..بينما هو كيتنفس من منخارو بحال ثور و صدرو كيطلع و يهبط ....
عنيه خارجين و عروقو منفوخين ايطرطقو...بعصبية حط يدو يبعدها منو ممستحملش يسمع حرف واحد منها ...
كيف حسات بيه بغا يبعدها و هي تلصق فيه كثر كتركل في بلاااصتها: ولااا ولاااااا اااش دررت ليييك حرااام عليييييك مديييرش ليا هادشي و الله تا كنعتابرو بحال دري صغيير و ما عنقتو تا عااارفة اش طاري لييه في حيااتو اهئ هئ ..هزات راسها فيه ولات حمرة ونيفها كيسيل بالما و دموع هابطين ، حطات يديها على حنكو بترجي ...و الله تا بغييت نديير عقلييي كيف طلبتي ولكن ما عرفتش انا هكااا اهئ هئ منقدرش نتبدل عاااافك اعصاااام مضلمنيييش و الله ما عمري لعبت ورا ضهرك كنبغيك غير نتا بوحدك و لكن هو خويا منقدرش نسمح فيها هئ هئ....
هي في احضانو كتبكي بتوسل وهو مزير على يديه و عينو كيتسراو و على ملامحها البريئة و دموعها لي بحال شلال....مزال كيقرا ملامحها تا حس بضربة في ضهرو كملات عليه الباهية لي هو فيها.... معصب و زاد من شاف كونان لي ضربو و كلو مفافي مسكين...
كونان شاد عصا في يدو باغي يخلع بيها عصام : حححيد ييدك ممن ههاجر مممضررربهاااش ..ممممرااتي هههديك...
مزال ما كمل تا كلمتو ناض ليه عصام معول على خزيت ليوم ايشتتو بالمعقول و كونان غير شاف عصام نايض طار طيرة وحدة تخبا ورا هاجر لي دارت يدها من وراها كتحميه من عصام و كلها مسكينة كترعد و دم نازل ليها من نيفها و وجها صفر....
هاجر: لعاااار ا عصاااام ضربني و شتف عليا انا كيف بغييتي غير متقيصوووش هئ اهئ راه خواف الله يرحم ليك ما عز عليك الا ضرب ما ناقصو راه لحمو حالتو باركة غير خوتو قاتلينه بالعصا هئ اهئ عااافك ا عصااام برد و نقولك كلشييي.....
كونان مخشي ورا ضهرها لاصق فيها و معوج راسو و كيشوف في جهة بعيدة على عصام لي خلعو....
عصام داير يدو على خسرو و جمع نفس تا جمعها و طلقها سخووونة عض فمو من لتحت مغدد تا بغا يطيرو من بلاصتو و عينو حمرين فيها و فلبسة لي لابسة زادت كملات عليه.....
مزادش معاها الهضرة قرب ليها جرها من كونان لي هرب لجهة خرا من شاف عصام جاي لجهتهم...حيد الفيستة ديالو دورها على كتف هاجر.....
عصام بنضرات صارمة و صوت غليض: دخليييييي...
هاجر كتشوف في كونان وكلها كتعرع مقطوع ليها نفس : ولكن...غير حمر فيها عينو وهي طير من قدامو نيشن لفيلا.....
عصام قرب لعند كونان شدو من كول القاميجة بحال الفلوس جرو دخلو معاه الفيلا و كونان بالخلعو فشل مسكين ....
دخل كيف الاعصار داز فيهم و طلع نيشن عندها البيت و كونان بين يدو كيديه و يحيبو بحال شرويطة ...اسماء غير شافت ملامح خوها و هي طير من بلاصتها تخبات و بقات كتويل في بلاصتها.....
دخل لبيت دفع كونان و سد لباب برجلو تا قفزو بجوج من سمعو حر الخبطة لي عطا لباب.....
كونان غير شاف هاحر بشا كيجري عندها ... معاق براسو تا تهز كامل و تخبط مع الارض بحر ضربة لي جاتو لعنق تلفاتو مسكين و شتات ليه ريقو و داك لعقل شوي لي كيكساب.....
هاجر خرجات عنيها مزيان و صرطات ريقها بصعوبة بدات كتشهد على روحها ..الحمدلله لي دغيا تغطات و دارت زيف غطات ديك شوهة لي دارت لشعرها اما موتها كان ايكون ليوم هي و اسماء ...
هز كونان بيدو كيف ريشة رماه فوق الفوطوي و ضار كامل عند هاجر كيحيد قرافط و غير لا الاه الا الله بدوك نضرات لي كيرسلهم ليها ....رما كرافط فوق ناموسية ورفع كمامو و هز راسو تالسما ساط مزيان....
عصام بصوت غليض بحال رعد: هضرييي....
هاجر كتمتم: هههو غغغغير كونان لي دووويت ليك علييه ديك نهااار و سميتو الحقيييقية هي سسمييير هو مرييض و هههرب ممن دااار وجا عندييي ححيت خووتوو ككيضربووه و كيجرييو عليه ممن داار وو ما كيعرف تا حد من غيري مو ماتت وهو صغير و مرت باه لي رباتو و كضربو و كتحرش عليه خوتو ديما ضاربينه وهو ولف ديما كيجي عندي من كيضربوه كيبات مع خويا ايووب و دابا ععرفني ساكنة هنا وو وجا عندي و و انا خخفت ممن عععيط عليا و قالي ليا دم و خرجت عندو كنجري بديك الحالة ناسية رراسي ووو الله ما ككدبت عليك...
كمش حجبانو كيحك لحيتو و كيتفكر نهار لي دوات ليه على كونان ..بدا كيربط كلامها غير بوحدو...دور عينو لجهة ديال كونان لي كيتمتم في بلاصتو....
جر لكرسي و جلس قدامو تا قفز كونان من بلاصتو مخلوع و عينو بلون الاخضر خارجين في عصام و مرة مرة كيمشيو عند هاجر كيطلبها تعتقو من هاد الوحش لي قدامو.....
عصام بملامح غير مقروءة: سميتك سمير....
سمير هز عينو في هاجر شداه البكية مخلوع.....غير شافتو هكاك بقا فيها و هي تمشي جلسات حداه و عنيها على عصام كطلبو من عنيها ما يدير والو قدانو و تا يكونو بوحدهم و يدير ليها ما بغا و يربيها كيف بغا.....
هاجر شدات في يدين سمير وركات عليهم مزيان كتحاول تبتاسم و تهضر بلا مترعد: سمير شوووف هادا عصام و هو راجلي ضريف بزااف و حنين ما تخافش منو...
سمير بصوت باكي حط صباع يدو على خدها بحال شي طفل صغير: هههو خخخايب ضضضربك هو وووحش.....
هاجر ولات حمرة و دموع تشكلو على عنيها ..تزيرات و هزات عنيها في عصام و دموعها نازلين: لا هو ماعمرو ضربني هو كيعاملتي مزيان و كيبغيني بزااف هو لي ديما داير ليا الخاطر و عاطيني وقتو الكامل ..هو لي كيخاف عليا كثر ما كنخاف انا على راسي ...انا لي غاالطة نسييت اني وحدة مزوجة و تصرفت بلاعقل و هو لي وصاني ندير عقلي ونتبت كلامي.....نزلو دموعها وعنيها في عنين عصام...لكن شنو ندير انا هكا حمقة بيه و بيه بوحدو ......
غمض عينو بجهد و صوتها كيدوز بحال ماء العدب في ودنو...هبط راسو و رجع هزو فيها...شد ليها يديها مزيان و جرها عندو بقوة معطهاش فورصة تفهم شنو واقع لقات نفسها جالسة فوق حجرو و عنقها مخشي في عنقو و يدو كتطلع و تهبط على ضهرها مزير عليها في احضانو....
كانت فقط محتاجة منو هاد العناق لي تخرج فيه كل دموعها و بكائها و اشتياقها الدي دام طول الاسبوع....تعلقات فيه كثر كتبكي بقوة و كنزيد تخشي راسها في عنقو و هو مزير عليها ..حاط فمو على خدها فالبلاصة لي ضربها .....
سمير غير سمعها كتبكي تا هو بدا كيهرنن بغا يجي يعنق تا هو هاجر و هو يجمد في بلاصتو من خنزر فيه عصام..ضرب طم و شد ركنة حابس البكية....
عصام خشا راسها في عنقها: ششش باركة عليك من البكا.....
هاجر: اااااع اهئ اهئ ضربتيييني اهئ اهئ ......
عصام خشاها فيه كثر : مغديش نعاود اخر مرة....
هاجر كتهرنن : انا خاايبة ياااك عارفة مكنعرفش نلبس و مكنعرفش نهضر وتا ليلة الحمرا عمري ضرتها ليك و عارفة راسي برهوشة وما عندي عقل ولكن و الله ما نقدر نشوف شي حد من غيرك ....نتا معمر ليا عيني و مدفي ليا جنابي وهاز ليا راسي ..نتا بوحدك لي كنبغيك...
حطات فمها على ودنو و تكلمات بصوت هامس ووهادئ مع انفاس ساخنة لعبات بيه على مشاعرو كاملة و هدأت البركات لي كان شاعل فيه ...
هاجر بصوت حنين هامس: واش كاين لي عندو هاد نعمة ويشوف غيرها ...
الجميل في الامر انها بسرعة كتعترف بي غلطها و كتعتادر بصدق و كلام كيخرج بدون شعور ....داك الكلام لي كيخلي عصام ينزل من اعلى مستويات الغضب ديالو و تخلي قلبو يضرب دقات غير متناهية....تنفس بجهد في عنقها و باسها بوسة خفيفة و يدو كطلع و تهبط على طول دراعها.....
عصام كيهضر بشوي حدا ودنها: متعاوديش....
هاجر حركات راسها وسط صدرو: عمرني نعاود اخر مرة نلبس هكا و لا نخرج بلا خبارك😥...
هز ليها وجها بصبعو و نضراتو مزال قاصحين هوما هوما مبغاش يرطاب..مسح دمعة لي نازلة ليها و دم لي كان في جنب نيفها...غير شاف كونان دم في يدين عصام وهو ينقز بجهد كيترعد و يغوت غير وحدو...
قفزات هاجر من بلاصتها مخرجة عنيها فيه جمعات الوقفة و شداتو من يديه كتحاول تهدنو...
هاجر: مكاين والو سمييير شوف فيا انا هاجر مكاين لا دم لا واالو...
كونان شاف عصام جاي ليه وهو يبدا ينقز من لقنت لقنت بحال لهبيل خايف و في فمو غير دم ساعة ما لقا معامن يطلق حماقو غير مع عصام لي شدو من كول تريكوه هزو بحال قنية و سمير كيتركل في يدو و كيكحب تخنق...
عصام جلس كونان فوق كرسي و خرج فيه عينو ميتململش ..عطاه كاس لما واقف عليه مخنزر تا شربو كامل عاد خداه منو.....
عصام رجع كيخنزر فيه مربع يدو وسط صدرو: شكون لي ضربك....
كونان شاف في هاجر ببكاء: اننننن😥....
عصام بعصبية غوت بجهد : هضااااااااار....
كونان تجمد في بلاصتو و وجهو صفار و لا غير كيدور في راسو ... دموع كيهبطو شلال و عنيه خراجين كلو كيترعد و بزز باش خرج الهضرة .....
كونان: خخخخ خووووييييا...
عصام كمش حجبانو وجهو ما ضاهرين تا رحمة او شفقة على حالت كونان فقط مخنزر: علااااش....
كونان كيلعب بي يديه بتوتر و ممركزش نضرو في بلاصة وحدة و انما مشتت هنا ولهيه وراسو عوج: حححيت ضضربت ممرت بااا.....
هنا دخلات هاجر مخرجة عنيها دازت في عصام بحال زلزال و وقفات على كونان : اش دارت ليك هاد حنو قريش تاني ياك كنقولك فوتها ولا ناضت ليك خرج من دار و اجي عندي بلا مدابز معاها ياك كنوصيك الموصيبة دابا غير جيني نيشن و قولي شمن دم سيلتي عاد هربتي عندي هنا.....
عصام جرها من عنقها رجعها حداه مقصح شوفة فيها خلعها تاهي كثر من كونان لي ركب فيه رعب مسكين ولا غير كيبكي بلا صوت...
عصام : عارفة دارهم فين جات....
هاجر حركات راسها ليه و فمها محلول.....
عصام دور راسو يمين و شمال طرطقو مزيان عاض فمو من لتحت و نضراتو مضلمة ...هز كونان من دراعو بحال رابعة ديال لحم ..وخا كونان ربي عاطيه صحة وخا لعقل ما بقا يكسابو ولكن مع عصام ولا كيبان بحال ولد صغير لي شادو باه.....كونان بقا غير كيشوف في هاجر و يرغب بعنيه بحال ولد صغير متخليهش مع هاد تسونامي....
هاجر بالخلعة طارت على ماريوها هزات جلابة لبساتها و هبطات كتجري تابعة عصام ركبات لور حدا كونان و هو مقال والو من غير طونوبيل لي طايرة في طريق..واخد كاع الجو لي تشحن في طونوبيل ولا كيبان ليهم راسهم صغار قدام برود و شخصية ديال عصام لي غير سكاتو و تخنزيرتو دارت فيهم حالة....
وقف عصام طونوبيل قدام دار لي بينات ليه هاجر...خرج هو بكامل جسدو رجولي و القامجة لاصقة عليه و مبينة لفورمة ديالو و ضهرو لي عريض و صدرو منفوخ و بعض شعيرات هابطة على جبهتو ....
كلشي بدا كيطل من شراجم من شافو طونوبيل لي وقفات في حومتهم الشعبية و راجل لي بحالو مكيدروش فهاد جوايه كاع بنات خرجو كيطلو من لباب و هو داير يدو في جييو ماعرف كيف تسلطات عليه هاجر لسقات فيه مخنزرة في لبنات...
عصام شاف فيها بنص عين : هادي هي دار....
هاجر كتشوف في كونان لي مخبي ورا ضهرها: اه هي هادي بلاتي اندق انا....
دقات و عصام واقف حداها و مخليها هي فجنب غير سمع صوت مرا و هو يتنحى من امام الباب و خلاها هي توقف في بلاصتو.....
المرأة من ورا لباب : il y'a quelqu'un !!....
هاجر صرطات ريقها بصعوبة سطلة في الفرونسي و مبغاتش تشوه قدام عصام ..بزز باش قدات الكلمة و هي ترد عليها بكل تيقة في النفس...
هاجر : il y'a deux quelqu'un .
عصام بالعرض البطيء هز فيها عينو و فمو محلول نصف حلة و رجع هبط عينو و بقا ساكت بحالي ما سمع والو يكفي شوهة ديال ربعة في الجهوي بلا ما يهضر حسن ليه....
مكفاتو الفقصة ديال قبيلة و هي مع راجل اخر غيرو ولو انه شاف حالت كونان و عرف انو نوعاً ما متأخر عقلياً..لكن نفسو و رجولتو مبغاش يدوز ليها هادشي و حالف تا يربيها و يعلمها اش كتعنى لمرا متزوجة و تحت دمة رجل ..دير عقلها و تبت كلامها ..بينو و بينها عادي تصرف كيف بغات ..اما مع ناس تبت و تفرز كلامها و تعرف اش كتخرج من فمها....
هادشي لي كان كيدور في راسو و هو واقف قدام لباب و عينو عليها و على كونان مخنزر و معصب و عروقو تنفخو فين بغاو معول على خزيت ولي جبدو ايخرج فيه بركان هائج و غير الله يستر و صافي.....
وقف في الجنب بعد ما سمع صوت المرأة و هو ساكت كيتسنا عمارت دارو ترد عليها و يا ريت ما ردات و يا ريت ردات غير بدرجة و مديرش هاد شوهة و هاد المجزرة لي قدمات في حق اللغة الفرنسية مسكينة...
بصدمة هز فيها راسو و عقلو غاب عليه للحضة و رجع خدم و هي بكل تيقة واقفة هازة راسها تقول دارت انجاز ..مهم عندها متحاشمش مع عصام و كوون عرفات الحشمة الكبييرة هي من سمعها قالت ديم الكلمة لي هو براسو لي كان ديما كيجي الاول و عمر و لد لمرا فاتو و كيهضر بخمس لغات عالمية منهم اللغة العربية متقونة و بالغة و معامن حابو الله مع جليج شخصيا الكسل و بزاف عليها مبري منها الى يوم دين .....
بزز منو رجع هبط عينو بينات رجليه ما خرجش حرف واحد قدامها اش ايقول ورا كلامها و هي بكل تيقة قالتها و مفتاخرة براسها .....اش ايقول مزال و هي جاتو نيشن بديك ربعة في الجهوي جاتو من لخر و يا حسرة نهار الاول دارت ليه لقوق بالقراية باغيا نكملها و زيد و زيد وهو قالك لبنت قراية و باغية توصل و مزال صغيرة منوقفش فطريقها نخليها دير ما بغات و من تسالي يدير ليها شي مشروع لي تعرف ليه و تبين راسها و تكون داتها ساعة يا ربي معامن مع زلزال لي زلزلاتو من نهار تزوج بيها وهي كتصدمو و طير ليه لعقل و لا بحال البرهوش معاها ومن كيكون قدامها كينحي عقلو على الخدمة باش يا ربي يفهمها.....
تحل لباب خرجات بنت غليضة في اوائل العشرينات و دايرة تاتو لحجبانها كحليين و شعرها مزعراه و طلقاه كتبان بحال شيخات .....هزات و طلعات في هاجر لي واقفة....
-اش حب لخاطر اختي شنو جابك عندي ...مشات عنيها لكونان.....اااش كدير نتاا هنا يا المسخووط جاي بوجهك حمر..........
هاجر هزات قنات جلابة حطاتها تحت من باطها هي اصلا بنت حي شعبي و هاد الهضور مولفاهم عكس عصام.....
هاجر دخلات فيها طول و عرض دفعاتها و جرات كونان دخلات لدار كتعرعر عليهم و عصام مكمش حجبانو تبعها دخل و لبنت غير شافت عصام تحلو ليها العنين و هي تبعو كتقزقز ......
-البنت: هيييه نتي اااش كتصحابي راسك مدرمة عندي هنا واش كتصحابيها دار باك....
هاجر : شوفي نتي اشبيهة طراكس مغديش نهضر معاك كلمي ليا ديك مك هي لي معاها الهضرة و سدي داك ضرقوم عندك راك عارفة هاجر لعسكري اش كتسوا لعدب قبل منخرج نيابي فيك و بعدي من قدامي .....
هبطات مرا هازة جلايلها و تا هي بحال بنتها غليضة و دايرة ديكاباج لشعرها طالع لفوق داير حلالة كتخلع....
هاجر : منين جاتك اختي دارك هادي داار باه و هو اولى بيها عليك و لي ايخرج من هاد دار هي نتي ....
سعاد: هاجر خليك بعيدة شحال من مرة تبريت من باك و مبغيتي تحشمي كل نهار جايا دايرة ليا هنا شوهة هنا ...بقاي تبعاه راه غير حمق كان غادي يقتل خوه بحجرة غير الله حفضو....
هاجر كتغوت و عصام مربع يدو و واقف في جنب غير كيشوف و يسمع مغاديش يدخل في سوق لعيالات في اخر يامو يكفي هاجر دخلاتو فشي حوايج لي عمر ضن نفسو يهبط لمستواهم....
هاجر: هاا نتي قلتيها هو حمق ادا علاش دايرين راسكم فيه و تنوضو ضربوه اش دار ليكم كاع... عنداك تصحابوني ناعسة على راسي و معرفاش اش كديري ليه راه كلشي كيوصلني لكنتو نتوما كتقولو عليه حمق ف انا لا بعقلو و حسن من تريكة بحالك اجلاخة.. نهار و مطال و نتي ضربي فيه و تجري عليه و تحرشي عليه خوتو يقتلوه بالعصا و تقولي ليهم تحرش ليا بهاد البوطة ديال بنتك وهي ما باين لورها من قدامها كلها منفوخة و كمارتها طالبة منها شرع لي شافها مياكلش شهر بقا غير يتحرش بيها الله يعطيكم موصيبة فهاد نهار اتريكت شيخات منين تسلطووو منيييين.....
صدمات عيشتهم و الوان طيف دازو في وجهم و هي بحال رعد صوتها واصل الزنقة و كلشي عارفو صوت زلزال حيت اصلا عايشين في حومة وحدة و زلزال معروفة في الحومة كلشي تجمع كيسمع من لباب لي محلول و كيتفرجو كأي ناس شعبيين لي قاتلهم تبركيك....
دخلو جوح دراري من لباب كيدفعو في ناس بزز باش دخلو لدارهم و عندهم شبه كبير بكونان غير هما كبار منو .... و واحد فيهم داير فاصمة على راسو و من جيهت عنيه..كيف دخل بان ليه كونان وهو يشعل.....
-فيين كنتي اولد لحرااام ليوم نتفركع على ديلمك الحمار هادي هي تربيتي فييك تحرش بي بنت مرت باك و ضرب خوك لي رباك....
كونان غير شاف خوتو ولا كيترعد و يتخبا و را هاجر هي الوحيدة لي كيلجئ ليها و عارف مغديش تخلا عليه ....
جاي عندو مكشكش معول على خزيت وهاجر مخرجة فيه عنيها و دايرة يديها ورا كونان متخليه فين يدوز....
هاجر: و الله لا قصتيه و لا حطيتي عليه يديك و سرك نيت ديك ضربة لي عطاك شمن خوت نتوما لي ديرو هاد لحالة فخوكم لي خلات ليكم مكم وهو صغير بعقلو و حمقتوه بزز منو لطليت على لحمو انلقاه مزوق بكثرة ضرب لي كل نهار و هو فيها معاملين بحال الحيوان لي جا يمسح رجلو فيه و وبوجهك حمر كتقول ربيتيه شمن تربية هادي...
مروان: هاجر حيدي من طريق راه صابر ليك غير على وجه خوك جواد اما راه نخلط مك نتي و ياه....
مزال كيهضر تا وقف عليه جسد غطي هاجر ورا ضهرو ...جسد لي دار عليه ضل بطولتو و عرضو...جسد لي معرف منين نزل عليه بملامح يا ربي مكيبشروش بالخير...
عطاه بروسية دقة وحدة زلزلات ليه لمخ تا مشا و جا في بلاصتو و دم نزل من نيفو طاح على وقفتو سخفان خلا كلشي مصدوم و عصام ما جا لي يبردو هاد ساعة...هبط كيعطي بالبونيات رجعو كلو دميات و كلشي كيتغاوت و رجال ديال جيران دخلو كيفكو هما و عيالاتهم و عصام مكيتزعزعش و من عادتو كيضرب بلا غوات ..كيفرشخ بنادم في صمت تام.....
خوهم لكبير بغا يحامي على خوه لي كيكل دق ساعة شركهم بجوح تحت منو..حس براسو ماشي قد عصام و هو ينوض كيجري لكوزينة خرج بي موس ديال العيد كيجي بيه و يعرعر و يبين رجولتو بسلاح....
سعيد: واجي خرك معايا دابا لسميتك رااجل ...كيمشي و يجي فبلاصتو عاض فمو و ناس كيتغاوتو و يبعدو و لعيالات كيطيرو على يدو بغاو يحيدو ليه لموس و هو داير فيها راجل كيعرعر بداك الموس لي فيديو و يشاري بيه هنا و لهيه على عصام .....
هاجر كترعد مخلوعة و كتجر في عصام من قاميجتو يرحع لور و خا مولفة بالمدابزة عمرها شافت شي حد هاز موس ..طلعات معاها صهدة و الخوف على عصام تملكها و لات غير كتكبي هي و كونان هي تجر في عصام و كونان يجر فيها ....
هاحر مخشية في ضهر عصام كتجرو: عافك ا عصام خلينا نمشيو بحالاتنا هي اهئ هاز للموس موووووس اهي هئ....
عصام دور يدو لور شد ليها يديها و ورك عليها مزيان باش متخلعش من حس بيها كترعد .....
سعيد مزال كيشايل بالموس في وجه عصام و كيتحلف على كونان: جايب اولد لحرام لي يدافع عليك دايرها قد راسك و جاي عندي نقتل ديلمك طراف لا نتا لا هاديك لقح.....
مزال ما كمل تا كلمتو لي كانت باينة علامن دخل فيها عصام طول و عرض ... شد يديه لي فيها الموس مزيان و حط يدو الاخرى على الفك ديالو مزير عليه باغي يهرس ليه فمو بديك الكلمة لي كان ايخرج....
لوا ليه يدو مزيان لي فيها الموس تا سمع "طراخ طراخ" ديال العضم تهرس عاد طلقها ليه و بدا عليه بالكروشيات متصوق لتا واحد و شكون يقدر يفك و هما ما قدرو على عصام ...يحطو يد عليه كيشركهم معاه تا كيسيل ليهم دم عاد يهربو كيقفقفو و يكمدو في عضامهم....ما بعد منو تا خلا ليه دروسو مشتين ليه مع دمهم عطاه غير لفم لي خرج ديك كلمة تا شخشخو ليه مزيان و محال يزيد يسكد لكلام بعد هاد ضرب ....
وقف عرقان بحال الوحش خلاهم كلهم في دمياتهم شي مغيب و شي كينين بي الم بحالي داز عليه وحش ماشي بنادم....تحرك بي حركة تابتة لجهة ديال هاجر حط يدو على ضهرها و حرها معاه هي و كونان خارج و لو حرف واحد نطقو.....
سعاد بغات دير فيها واعرة مع هاجر طارت عليه من لور بغات تهبطها بي نتفة...وقبل ما تقيصها دار عصام بجهد ضرب مها بضهر يدو بتصرفيقة تا طارت من بلاصتها طاحت على وقفتها شادة حنكها و رؤية مشوشة ليها ...داكرة تفقدات ليها بديك ضربة كونساتها.......
متصوقش في بنادم غير مخنزر خلعهم حيت دار ليهم بحال تسونامي شتت كلشي بدون حرف واحد..عمرهم شافو شي حد كيضرب و مكيغوتش بحال عصام لي و لا كيبان ليهم بحال الوحش....
جر عندو هاجر حطها قدامو لاصقة في جنبو مغطيها من كل جانب و لي بغا موتو يقرب ليها...شد كونان من دراعو مبغاش يخليه معاهم بعد هادشي لي شاف و سمع دار عندو مخنز ....
عصام بصوت غليض: فين وراقك....
كونان كيترعد ما فهم والو من غير هاجر لي بزاف المرات حات عندهم هنا كتحيح عليهم من كيضربوه... هزات صبعها لواحد لبيت....
هاجر: تم كينين حوايجو و دوا ديالهم هما و وراقو و وراق طبيب.....
كونان غير مخلوع من عصام وراد معاه لبال لا يزدحو تا هو بشي ضربة: وووو عععلاش....خنزر فيه عصام وهو يدخل كيجري و كيتعكل في حواجو و يجمع كاع لوراق يحطهم في شكارتو..رجع دار عند عصام و هاز صبعو لماريوه...وحوايجي.....
عصام هز فيه حجبانو خدا ليه شكارة وجرو من حوايجو تا داتو عينو لواحد راجل كبير في السن ناعس فوق ناموسية كيشوف فيهم و فمو عوج و دموع هابطين ليه من عنيه و كيشوف غير في عصام و نضراتو كيحملو بزاااف الحوايج يكفي دموع لي مهبطهم كافين يفهم منهم عصام كلشي ...
سمع كونان حداه كيعيط لراجل بي "بابا" ....هز جوج صباع على جبهتو دلكهم مزيان عاض فمو من لداخل....
كانت نضرات اب سمير واضحة بزاف لعصام..نضراتو مكيحملوش تأنيب على لعصى لي عطا لولادو قدام عينو و انما نضراتو و دموعو كيطلبو بتوسل يتهلا فولدو كونان لي هو كبر و شد لفراش و مبقاش قادر يحميه ولا يهضر و يجيب حقو قدام خوتو ....
صوتو مشا ليه و كل نهار كيشوف ولدو كياكل لعصا قدامو و ما كيقدر يدير والو...كيشوف بنت مراتو كيف كتحرش بكونان و شحال من مرة كتبغي تحيد ليه حوايحو وهو كيهرب من دار و يمشي عند هاحر يضل يعاود ليها و تجي بحال تسونامي تعاير تا تشبع و ديه معاه تبيتو مع خوها......
راجل عيا و كبر بزاف بقا كيتسنا غير موتو تحضر و غير ولدو لي كيتو مزالة فيه كان نعمة العقل و لقراية هو الاول ديما و حمق ليه ما عرفوه سحور و لا صدمة موت مو ولا حماق لقراية كيف قالو..كل واحد يشرق كيف بغا و يقول ما بغا...و غير الاب لي كيتحرق في ركن ديالو لي طيب ليه جنابو بكثرة مكيتحركش و ضعف جسدو الكتير.....
عصام واقف في بلاصتو و سبحان الله ديك شخصية لي عندو كتخلي الواحد حاير فيه و تبقا الاعين غير عليه و كلشي كيقطع الصمت لصمتو هو...
هز عينو في كونان و رجع ليه شكارة و قال كلمة لي صدمات كل ناس لي حاضرين....
عصام: جمع تا وراق باك كاملين و دواه.....
كونان مبقاش كيسول علاش لي قال ليه عصام كيمشي يجري يديرها و تبارك الله ذكي غير يشوف الورقة يعرفها ديالاش و يخشيها فشكارة تا من الضرائب لي كان كخلص و لوارق لي كيخرج باه من البنكة من كتوصلو خلصة التقاعد ديالو جمعهم و دخلهم في شكراتو......
عصام بقا واقف دار اشارة بعينو لهاجر ...جات حداه لصقات فيه لصقة مخلوعة و عنيها فاضحين كلشي.....بينما هو دور يدو على عنقها خشاها في صدرو وحط فمو على راسها ..ما مصوق لتا حد ..هي مراتو و ديالو و من حقو معندوش مع بنادم و لي بغا يديرها كيديرها وخا تكون مو قدامو .....
وقف عليهم كونان معنق شكارتو و عنيه خارجين بلونهم الاخضر عكس لون لي عند عصام لي بالازرق مع بعض رمادي كتزيد في وحشية نضراته بحال شي دئب....
عصام ببرود على ملامحو دخل لصالة لي فيها اب كونان...هبط عندو بشوي باسو في جبهتو و هضر بشوي....
عصام بجدية: رتاح ليك دابا جا ولدك لي يهزك.....
هزو بينات درعو بحال لكميشة ضعيف بزاف و خرجو قدام اعين ناس لي مخرجينهم فيه و كيتشوشو بيناتهم...قاد ليه بلاصة في طونوبيل لور حدا كونان لي عنق باه و كيبوس ليه راسو...
ركب هاجر حداه و ضار بلاصتو ركب و شاف في لبوليس من شرجم لي تا كيوقع لي وقع عاد كيجيو مخنزر فيهم و هما عارفينه مزيان....
عصام بعصبية: ديرو خدمتكم و غدا انجي بلا متعيطو عليا.....
طار بطونوبيل خلا ليهم غير لعجاج و لبلانص كتجمع في هدوك لي خرج فيهم تسونامي ديال عصام شتتهم.....وناس جيران كل واحد داير جميعة بوحدها و كيعاودو لناس لي محضروش....
-وراه قتلهم بلعصا باين راجل هاجر بنت لعسكري ....
-يا ربي واش هي زلزال و هو تسوناني كيف دارو هادو تا تجمعو تحت دار وحدة....
-كون تشوفو مخلا لي يقيصها ولا لي يحل فمو عليها ..من كانو عيالات كان ساكت و مخلي مرتو لي تهضر ولكن غير دخلو رجال بغاو يبينو راسهم عليها و هو يخرج فيهم طول و عرض فرشخهم...
-اودي ديك هاجر راه غير بوحدها تحدها ليهم زعمة هي كانت اتسكت ليهم راه مها و خرجات منها شيب بقا غير تحير فدوك جوج و ديك البوطة ديال سعاد و بنتها....
-راجل باين بعقلو و مرزن عكسها هي اودي لفول يعطيو غير لي ما عندو دراس هديك لي قلنا عمر شي حد يشوف فيها راه خدات سيد رجال بخيرو و خميرو....
- وشوفي بعدا هي صدقات مرا منساتش خير كونان لي كانت ناجحة غير من وراه و دابا ها راجلها هزو هو و باه باين ايتكلف بيه راه لباااس عليه دييما كنشوفهم كيهضرو عليه فداك ديسفوك....
-الفيسبوك اختي اوا هي لي تزوجات وزيد ديك خالتها هي لي جابتو ليها ماشي بحالنا بناتنا يضلو يخرجو يشطبو زنقة من القنت لقنت و تقول واحد جا هضر فيهم و هاد هاجر لي نهار و مطال و هي تجر فرجليها مع دراري فين ما كان شي جميعة طلقاها وسطها كيف عزري دواو و شوفو شكون خدات....
-اوا فرحاتها بيه ما كرهت راجل بحالو مهلي فراسو و لابس مزيان و زينو عاطي و حرش و خا زعر ولكن ملامحو شرقية كيخلع.....
-هداك فايت قريت عليه باه ريفي و مو شمالية و راكي عارفة دوك المناطق معروفين بزين اما رجال ريف كيكونو واعرين و حرشين مكيرحموش....
-بعدا هي داير ليها بحال ولد صغير حنا كون كانو رجالاتنا زعمة يديرو ديك الحالة علينا احياني على زهرنا المكفس.....
-شلا معامن قارنتي رجالتنا بهادا بطولتو و تجريدتو انا بعدا نحشم نقارنو مع شي واحد هنا شوفي غير هو كيف هضر مع البوليس ممصوقش و منفخ مكيتصرطش دافع كبيير بزااف...
-علاه هادو باش فايتينه اختي راه لي راجل راجل عنداكي تصحابي تولد لباس عليه راه دازت عليه و ماعندو تا باه ومو لي كبراتو هو و ختو و هو وخا كان صغير كان يخدم و يقرا فزنقة تحت بوطويات ديال ضو حيت دارهم مكانش فيها ضو و خا هكاك حارب و قرا و خرح برا زاد قرا و خدم و كون راسو و تشوفي دابا كيف معيش مو تقولي غير ملكة ماشي هي لي كانت كتبيع الخبز في المدينة القديمة اما ختو زوجها بوزير على قدو ....كاين اختي لي باغي يوصل و كيحارب و كاين لي يضل نهار كامل ناعس في دار ما تفرقيه بينو ولا بين مرا و يتسنا لخدمة تجي دق عليه...
-لا نتي منين عرفتي هادشي كامل عليه....
-وراجل راه معرووف غير لمغرب لي ممعروفش بزاف حيت مكيبانش في الصحافة و مكيدير معاهم تا لقاء راكي عارفة صحافة بوزبال لي عندنا وراجل بحالو و بكامل موصفاتو يدير لقاء مع صحافو لي شهرو دام اكشوان اكنوان فحد داتو راه اهانة ليه و المستوى لي واصل ليه... ..سيد داقن شغلو وعارف كيف يخدم راسو كون تشوفي الصحافة الاروبية ديما كتهضر عليه و المانية دارت برنامج واقعي على الحياة ديالو حيت تم فين كمل قرايتو و عندو جنسية المانية و كلشي عرفتو من ديك القنات تا من كيولي يهضر راسو عامر مكيهضرش في لخاوي....
-اوا يا ربي بيمن تزوج بوحدة ما تفرق واحد من جوج تقول كلاخ كيتمشا في طريق....
-اودي رجال كيعحبهم شخصية لي كتكون عكس شخصيتو من عند الله كيطيحو حبهم غير على العكس ديالهم... كان راجل مرزن كيدي وحدة مفروحة..كان راجل خارج طريق كيدي وحدة متدينة و متبتة.....
-والله ما كدبتي فهادي تقول كيبغيو العكس هما راسهم....
إنها زوجتي الجزء 12
محتوى القصة
التنقل بين الأجزاء