مشاعر و احاسيس كثيرة تملكوها و هي في احضانو...قلبها كيضرب بجهد...و يدو كتلمسها في جسدها بي امتلاك و شفاهو على ديالها كيتدوق ريقها بي استمتاع لدرجة ان كل داتها تنملات عليها و العقل لي تفكر فيه طار ...
عرف كيفاش يلعب ليها على احساسها و رغبة ديالها ففي الأخير كتبقى انثى و كتضعاف قدام امتلاك شخص مثل عصام......
فمو على فمها همس ليها من كل قلبو: كنبغييك...
فور ما دخلات الادن ديالها هاد لكلام حلات عنيها بجهد و رجعات الوعي ديالها...حطات يديها على كتافو كتحاول تبعدو و فمها وسط فمو مقداش تهضر...
زاد زير عليها كثر خشاها في حضنو.. كيفرس ليها فمها بعضات حنان... كمش حجبانو من تدوق طعم مالح في فمها.... بعد منها و انفاسو لحارة كتضرب في وجها.... شاف دموعها هابطين كترعد ما بينات يدو ....
هاجر بصوت باكي: لااا عافك لاااا مكنبغيكش هئ هئ لاااا....
بقا جامد في بلاصتو و عنيه مغمضين بحهد و كتعاود كلمة"مكنبغيكش" فعقلو.....رغم ذالك مبعدش منها و انما قربها ليه كثر و هي كتدفعو بكل قوتها..
هاجر :لااا عصااام عفاااك لااااااا.....
دخلها في صدرو مزير عليها و فمو حدا ودنها: ششششش ما ايوقع والو متخافييييش ششششش......
هاجر كتبكي فصدرو: وااعدتيني متقيصنيش واعدتيني هئ هئ....
عصام مزير عليها حاط فمو فوق راسها: مغاااديش نعاااود سمحييي ليا....مسح ليها دموعها...صافي ششش
بزز باش سكتات ليه وهو حاط ليها وجها في صدرو مزير عليها ...هاز راسو لفوووق مغمض عينو و كيتنفس بشوي كيحاول يبعد رغبة لي تملكاتو اتجاها.....بعدات منو و عنيها في الارض و حناكها حمرين كيف لمطيشة عاضة فمها من لتحت...رغم ان لبيت مضلم الا ان غير ضو القمر لي مضوي في لبيت خلاه يشوف كل ملامحها.....
بلا متقول والو حلات لباب و خرجات وهو محبسهاش ...كيف سدات لباب وراها هبطات كتجري نفس وحدة تال لكوزينة عاد وقفات صدرها كيطلع و يهبط...وقفات وسط لكوزينة و الخجل مزال مرسوم في وجها...دوزات صبعها بشوي على فمها فين باسها و هبطاتهم بشوي تال عنقها فين كان كيتنفس و يهمس ليها....
عاقت براسها وهي تبعد يدها ..غسلات وجها بما بارد يهبط ليها سخونية لي طلعات معاها....بقات مدة طويلة وهي غير فالكوزينة ساهية و فمها محلول نص حلة عاد ستوعبات راسها....
سخنات ليه لعشا و رجعاتو لبلاطو و طلعاتو معاها بشوي كل درجة كتزيدها و قلبها كيزيد يضرب باغي يخرج من بلاصتو هي بنفسها معارفاش سبب دقاتو....وقفات قدام لباب بحنيكات حومر عضات فمها من لتحت و دخلات عنيها في الارض...
محساتش بالوجود ديالو عاد هزات راسها ..طلات بشوي في دوش ملقاتوش عاد تنفسات سعداء ... جلسات على طرف ناموسية حاطة يديها فوق قلبها....
هاجر:اففف يا ربي شهادشي واقع ليا...شافت في بلاطو لي فيه عشاه...و الله ما نديه ليه لا فيه جوع يجي يديه راسو....
دخلات لبلاصتها كتقاد لمخدة تنعس و هي تعاود تنوض تاني كتسوط متناقضة غير مع راسها....
هاجر: ولكن راه ما كلا والو من جا..رجعات نعسات..و انا مالي سوقي....غمضات عنيها و رجعات حلاتهم....زعمة يكون كيتسناني نطلعو ليه و انا مخشية هنا صافي اهاجر تا نتي يجيه جوع و يهبط ياكل...
طلات على لبلاطو و هي تنهد و جمعات الوقفة لبسات بينوار طويل مغطي ليها كلشي و دارت زيف على شكل حجاب...كلها مغطيا كيبان غير لوجه و ليدين...هزات بلاطو و خرجات من لبيت بشات عندو لجناح ووهي كتهضر غير مع راسها....
هاجر: غير نحطو و نخرج منشوفش فيه كاع....
حلات لباب بشوي و دخلا غير راسها كطل مبانش ليها و هي دخل بزربة حطاتو فوق طبلة و رجعات كتجري ... توقفات مخرجة عنيها من بانت ليه قاميجة ديالو عامرة دم مرمية في الارض
فور ما شافت دم في قاميجتو قلبها تزدح بحال شي حاجة طايبة تحطات فوق قلبها كيحرق فيها....هزات لقاميجة بيدين كيترعدو.... القاميجة لي كانت كلها بيضة ولات حمرة بدم لي ملظخ فيها...شعور الخوف و الفزع تملكها...دورات راسها تالفة و صوتها ماقدارش يخرج فقط حالة فمها و كتمتم بي اسمو....
هاجر: ععع عع عصصااااام......
بلا متشعر دموع تكونو ليها على طرف عنيها و هبطو على شكل خط ....فقط انها تصور عصام تضرب او واقعة لي شي حاجة تقسم قلبها على جوج...و هاد لمشاعر لي هاجموها دقة وحدة هي بنفسها معرفاش علاش و شنو لي خلاها تخاف عليه لهاد درجة..عقلها ممصتوعبش التغيير لي وقع لجسدها و قلبها فور ما كتكون مع عصام كتغير كأنها كتولي وحدة اخرى .....
خرج من دوش لاوي عليه لفوطة و قطرات من لما كتهبط على صدرو بشوي تا كتغبر في لفوطة لي مدورها على خسرو....شاف فيها مكمش حجبانو من شاف دموعها هابطين...قرب ليها كيقيص حناكها ...
عصام: قلت ليك مغديش نقرب ليك علاش كتبكي....
هاجر هزات قاميجة لي فيها دم قدامو و عنيها كتبحت في جسدو بخوف مكانت فيه تا ضربة او جرحة صغيرة هي لخرة ما فيهش....
حلات فمها بتسائل:منين جا هاد دم....
عصام خدا منها لقميجة رماها في الارض مخنزر..حط يدو على حنكها: ماشي ديالي.....عطاها بضهر غادي لبيت تبدال عاد كمل هضرتو...غدا غادي ترجعي تقراي و انا لي غادي نديك.....
هاجر خرجات عنيها مصدومة شافت في لقاميجة و هي تبعو كتجري وقفات عليه: متقولييش بشيتي لعند استاد لي قلت ليك جرا عليا...
شاف فيها مجوبهاش و رجع كيلبس حوايجو قدامها هو اصلا عندو عادي و هي مادات ما جابت...
هاجر قربات ليه كثر شادة ضحكة: نااااري واااش ضربتييه حلف بالله تا ضربتييه...هز فيها حجبانو وهي دغيا بدات كضحك..يعني انرجع نقرا بلا ميذير ليا صداع تاني....
عصام مورك على سنانو و نضراتو ممفهومينش :مغديش يقريك هوا و مكاين لي ايجري عليك و انا كاين ..هز فيها صبعو...و اخر مرا تخبي عليا شي حاجة ليوم اندوزها ليك مرة خرا لا....
هز صلايتو و خرج باين معصب بشا لجهة لي ديما كيصلي فيها بحال جامع صغير دايرو في بيتو.... بقات هي غير كتشوف فيه...
سالة صلاة ديالو وخرج كيمسد راسو لي بدا كيضرو بمفعول لكارو لي قطعو ...هز عنيه بانت ليه جالسة كتشوف فيه وحاطة ليه لعشا فوق طبلة....
هاجر: اجي تعشا....
هز فيها حاجب و هبط لخر كيشوف فيها عاض فمو من لتحت...جلس في لكرسي قدامها و عينو غي عليها كان كيضن اتخبا تاني و دير راسها ناعسة كيف لمرة لي فاتت او تخرج من لبيت و تمشي لببت لي كانت فيه وخا كان معول لملقاهاش ايمشي يجيبها تنعس حداه....لكن تفاجئ من لقاها مزالة قدامو...هز يدو بشوي حطها على زيف حيدو ليها و طلق ليها شعرها....
عصام: مديريش زيف من تكوني معايا.....
حركات راسها متبعة معاه و هو كياكل بالمهل بشوي عليه معندوش مع زربة بحالها ....
هاجر كدور في عنيها: دابا واش بشيتي عند الاستاد دابزتي نتا و ياه حيت جرا عليا ولكن كيف فين عرفتيه كيسكن بعدا....
عصام: اي حاجة بغيت نعرفها كنعرفها و اي حاجة ديالي مكنبغيش لي يقيصها حيت انحيه ...
هاجر بلا فرنات بدات كتهضر تاني: متخافش عليا اصلا كنعطيه علاش يدور عمري سكت ليه و ديما كان كيجري عليا....
عصام كمش حجبانو: يعني ماشي اول مرة هادي...
هاجر: لاااا هاد لعام كامل و هو شاد معايا ضد حيت كان جا خطبني و مبغيتوش وكان ديما كيحڭر عليا باش نقبل بيه و انا كنقوليه زواج مداخلش ليا راسي و مبغاكش... و من شافني تزوجت بيك جرا عليا و قالي عاد لقيتي لوقت ديال زواج و الله تا ندمك و هو يرميني هو وكتوباتي و من بشيت عند لمدير قالي نتي مفصولة و منعاودش نشوف وجهك هنا حيت دابزت انا و ولدو لي مبغاش يعطينس تيقار و شحال من مرة نوضتها انا و ياه و غير قبب لعطلة دمغت مو تا طوش دم و هربت لدارنا.....بدات كضحك غافلة لملامح ديال عصام لي ولاو كحلين و تزير ولا حمر.....ولكن دابا من ضربتيه بردتي ليا غدايدي فيه كنت ديما كنبغي نقولها لخويا جواد و حليمة لي كانت كتقولي صبري و كملي هاد لعام بلا مشاكل و هو لصق بحال لكولة مبغاش يتفرق مني كان واقيلة مزال حاط عليا لعين و من عرفني تزوجت عرف صافي عمري نكون ليه .....هزات فيه عنيها حسات بيه ماشي تال لهيه......مالك....
عصام عاض فمو من لداخل مزير بزاف : علاش قلتي ليا غير جرا عليك و ما قلتيش ليا هادشي....
هاجر كضحك: قلت ليك غير جرا عليا و شوف شنو درت ليه غير من داك دم لي فالقاميجة ديالك علم الله شمن عاهة درتي فيه اما كون قلت هادشي كامل كون قتلتيه هههه...
قالتها غير بضحك لكن فور ما شافت ملامحو لي كيخلعو سرطات ريقها بزز ....
عصام حل فمو يهضر و هو يرجع سكت غمض عينو و تنهد بدون صبر: سيري تنعسي......
كيف قالها ليها جمعات لوقفة باغيا غير تهرب مم قدامو كيف وصلات لباب بغات تخرج و هي تلقى راسها مهزوزة بين يديه حطها فوق ناموسية ديالو ...حيد لفوقية بقا منو لشورط و نعس حداها و هي لسانها تربط مقداش تهضر كدور غير في عنيها.....
دور ييدو عاى خسرها و جبدها عندو كثر حط وجهو في عنقها و ضهرها ملاصق مع صدرو و يدو شادة في يدها بقوة ...فور ما حسات بدفء ديالو نعسات بزربة بينما هو بقا ليل كلو فايق بنضرات مكيفهمهم حد من غيرو....
مجموعين فوق طبلة لفطور و عصام مترأس طبلة كيشرب غير قهوة كحلة و الياقوت في جنبو ليمن و هاجر في ليسر..كيفطرو و ساكتين ....
الياقوت مصغرة عنيها من شافت ولدها لي حافضاه مزيان ماشي تال لهيه وخا كلامو قليل ولكن الام كتعرف ولدها و غير من ملامحو باين معصب....
شافت في هاجر كتهضر معاها غير بالعنين بمعنى : مالو؟؟؟؟
هاجر هزات كتافها بمعنى : معرفتش ...
الياقوت عوجات فمها و كدور في راسها بمعنى : عيالات اخر زمن....
هاجر دورات عنيها لعصام بمعنى: سوليه هو ....
بجوجهم كيهضرو غير بالاشارة كيحاولو ميبينوش قدام عصام و تا وحدة فيهم ما قالت ليه شنو وقع في غيابو...
الياقوت ما قالت ليه مراتك قلات عليا لحيا و هاجر ما قالت ليه مك دوزاتها عليا و نتا غابر..لي عندهم شدوه لبعضياتهم بيناتهم. الياقوت صعيبة و هاجر قالت ليها ما كتعرفي والو ما تحتاج عصام لي يجي في صفها اما الياقوت عارفة طبع ولدها هادشي علاش مكتقول ليه والو و كتكلف غير هيا و هادشي شافتو مع مراتو لولة اما تا هاجر و خا الحق يتقال فمها مبري منها لكن في مقابل مرتو لولة فنقولو عليها عسل.....
الياقوت: سيدي عصام فين كنتي لبارح تعطلتي بزاف عيت ما نتسناك تا داتني عيني....
عصام باس ليها راسها: غير شي شغل كان عندي و بشيت قضيتو و رجعت معطل شوي....شاف في هاجر...ساليتي فطورك....
حركات ليه راسها و هو يجمع لوقفة كان لابس حوايجو بقميجة بيضة ومن فوقها تريكو خيط اسوط مع سروال توب و داير نضارات طبية على عنيه....شد ليها في يديها مشبك صبعانو مع صباعها مزير عليها و خاشيها فيه كتبشي في جنبو ملاصقة معاه...حل ليها سيارة ركبات و ركب هو لجهة ديال شيفور ديمارة طونوبيل شد طريق نيشن ليسي ديهالها و هي حداه كتشوف في طريق ساكتة لابسة كلشي بيض و لاوية عليها زيف قهوي مع ساك في نفس لون تريكو و صباط.....
وقف طونوبيل خرحج هو وياها كلشي كيشوف فيهم و هو جارها من يديها مدخلها ليسي ...كانت 10 ديال صباح كلشي خارج استراحة و حيت هاجر معروفة في ليسي كلشي حل فمو فيها و فراجلها لي معاها بوسامتو وهيبتو...كان تا قسمها قاري فهاد لوقت طلو عليها من لفوق مصدومين فيها و فلي معاها بقاو متبعين ليها لعين تا دخلات هي وياه الادارة.....
بنت1 :واش هادي هيا هاجر زلزال لكاسولة لي مكطلعش فوق 10 في لمعدل و لا كدبت....
بنت2: هي المصيبة هي شتو بعدا هداك لي معاها لعااار متقولوش ليا هو لي تزوجات بيه ....
بنت3: جيبو ليا ديك لحمارة لي قالت داتو شارف تجي تشوف شارف كيف ديار و ناااري على زهر عندها بنت لحراام جمعات زهر كاع لمغربيات داتو ليها بوحدها....
بنت1: الله يعطينا زهرها يا ربي نحطو غير في لفيترينا نخضر بيه عويناتي ...
داخل لادارة جالس فوق كورسي حاط رجل فوق رجل و هي جالسة في لكرسي لي قدامو كدور عنيها في مكتب لمودير و المدير بتوتر هز كلنكس كيمسح حبات لعرق لي تكونو في جبهتو....
لمدير بزز باش خرج حروف مقادين خصوصا عارف عصام واصلة يدو مع ناس لي شادين لبلاد: سي بن جلول شنو سبب هاد زيارة لمفاجئة.....
عصام حاط يدو فوق لبيرو كينقر بصباعو بشوي مخنزر فيه هز صبعو كتحدير: مراتي ترجع تقرا و بنفسك اديها لقسم عتادر منها قدام كاع تلاميد ومن هنا ساعة نلقا اعلان مكتوب بخط كبير فيه اعتدار ليها.....
لمدير بتوتر شاف في هاجر ممتيقش: مراااتك...رجع شاف في عصام...سي بن جلول ربما مفاهمش لموضوع مزيان هاجر عليها تقارير من استاد لفيزيك و هادشي....
عصام ضرب يدو مع طبلة...قفزها من بلاصتها مخلوعة... قاطعو معصب: ادير لي قلت بالحرف لا باغي تبقا في بلاصتك...خنزر فيه...ولا راك عارفني فين نقدر نوصل....
مدير سرط ريقو بصعوبة وهبط راسو بزز منو: وخا لي بغا سي بن جلول...شاف في هاجر لي دايرة بحال الاطرش في زفة....كنعتادر منك ابنتي على كل الحوايج لي قلت لك و نتمنى تسمحي ليا ....
هاجر حلات فيه فمها ممتيقاش بينما عصام جمع لوقفة شدها من يديها و تم خارج وهو يوقف مكمش حجبانو ...
رجع دار عند لمدير و نضراتو ممفهومينش: عيط ليا على ولدك بغيتو....
المدير خرج عينو فيه: ولكن ولدي راه غير....سكت من شاف عصام زاد في تخنزيرتو كثر بلا جداه جبد تليفون عيط على ولدو يجي عندو ....
هاجر مدورة يديها على دراع عصام و يد لأخرى مشبكة مع يدو و غير كتشوف فيه بينما هو مكمش حجبانو غير مخنزر مزير على سنانو....
دخل ولد لمدير شاف هاجر وهو يخنزر: جيتي ازلزال ياك جرينا عليك اش جايا ديري بلاصتك مبقاتش هنا سيري ديها فراجلك لي قبل بيك و ....
جاتو رجل لكرشو طيراتو من بلاصتو تا تخبط مع لحيط و طاح على ركابيه مزير على كرشو و نفس تقطعات ليه بضربة لي زواتو.....
عصام وقف عليه بحال ملك الموت نزل عليه بطرشة جمع ليه حنك و ودن ..شاف فالمدير و هاز صبعو كتحدير: ليوم هضرت مرة خرا اندير.....
جر هاجر و خرج مخنزر في كلشي دور يدو الى خسرها لصقها معاه ممصوقش فلي كيشوف فيه....بينما هي عنيها فقط عليه ركبها في طنوبيل و شد طريق و هي مزال كتشوف فيه وخا ما فاهمة والو لكن فلداخل ديالها حاسة بواحد لدة غريبة من شافت لمدير كيطلب منها سماحة و كفاش بكلمة وحدة سكت كلشي...
اول مرة تملكوها احاسيس غريبة....دورات راسها لجاج حطاة يديها على قلبها لي كيضرب بجهد و حنيكاتها كساهم لون الاحمر....حست بيدو ورا خسرها و جرها عندو كثر باسها في راسها ساكت يد كيسوق بيها و يد مدورها على عنقها قريبة ليه كثر.....
عند لمدير هاز كيس ديال ثلج حطو على حنك ولدو لي تورم و بانو فيه خمسات صباع كاملين مطراسين فيه.....
ولدو حاط يدو على كرشو فين تضرب مخسر سيفتو مقصح: شكون هاد رموك لي صاط فيا و الله تا ندم مو و نرسلو فين يتربا...
لمدير مخنزر: كمدها في عضامك و سكت قبل ما يربينا هو نيت....
لمدير كيتنهد: اترجع تقرا بسيف عليا و عليك وعلى كلشي و لي فينا راجل يقول ليها دابا شي حاجة و نلقا والديك نتا هاد لمرة كدور بيها انا لي انحفر ليك قبرك قبل ما يجي هو يحفرو ليك....
ولدو: كفاش اترجع تقرا نسيتي شنو دارت و شحال من تقرير مجمع عليها و شكون يكون هوا كاع في ملك الله....
المدير: هو عصام بن جلول و هي مراتو و مناسب مع وزير تعليم كلمة منو طيرنا كاملين من هاد لبلاصة وراه طير نيت منعيم حيدو ليه رخصة تعليم وراه ناعس في كلنيك كلو مضروب و مهرس من شلا جوايه...
ولدو خرج عينو فيه: وهي مراتوووو....
المدير: اييه مراتو و قالها بفمو و جا بنفسو فحسن ليك بعد منها راه يدو واصلة بزاف و عندو معرفة صحيحة و زيد عندو وسام من الملك حنا منقدوش عليه و وقت ما بغا يطيرنا تصال واحد يرجعنا في لقاع.....
وقف طونوبيل قدام مول كبير خاص غير بالهداية.....
دخلها معاه و هي كدور في عنيها ما فاهمة والو
هاجر:علاش جينا هنا....
عصام: متوحتيش والديك....
دغيا رسمات ابتسامة على محيا وجها و شدات ليه في دراعو كتنقز في بلاصتها بحال دري صغير: اديني لعندهم ياك..ياك.😍..
عصام قرص ليها خدها بشوي كتعجبو من كتصرف معاه بطفولية: اه انديك ليهم هادشي علاش جبتك هنا خودي ليهم شي حاجة ديها ليهم كنت بغيت ناخد بنفسي لكن مكنعرفش دوق ديالهم فجبتك نتي تختاري...
لصقات فيه لصيق غير كضحك و عنيها كيخرجو منهم لقلوبة فهاد لحضة عزاز عليها كثر من لقياس من غادي يديها لدارهم...بقات كدور معاه في لمول و هو داير معاها لخاطر كثر من لقياس و اصلا واخد كونجي من لخدمة مخلي غير لموضفين في شركة يتكلفو اما هاد الاسبوع قررو يدوزو معاها راس في راس باش تولف عليه كثر....خدات كدويات لكلشي وخا حولات تاخد حاجة رخيصة ساعة لقات غير لي يزدحك و عصام ماشي من نوع ليل يدو مطلوقة مع حبابو فكيفاش على مراتو لي كلشي ولا ديالها كيف هو ديالو.....
خلات لخدمات كتصاوب داكشي لي خدات في كراطن مزوقين بي الاحمر م ...شافت جهة دياز تليفون دخلات كتبقشش فيه تا بان ليها pc صغير شوي و زوين في لهزان بي الاسواد و خفيف..بقات كتبقشش بيه تا وقف عليها عصام...
عصام: بغيتيه...
هاجر: لا غير عجبني شكلو و صافي انا اصلا مكنعرفش نخدم بيهم غير تفكرت خويا ايوب و صافي....
عصام: خوديه ليه لكان ايحتاجو في قرايتو....
هاجر : لا لا غير جيت كنقلب و صافي اصلا جواد داير يشري ليه واحد غير كنلقاو دوك لكبار و هو بغي بحال هادا صغير ساهل في لخرجة انمشي نقوليه كاين بحال لي بغا و يجي جواد ياخدو ليه من هنا....
عصام عض فمو من لتحت كيشوف فيها...هز ليها يديها باسها بشوي و هز لبيسي و جرها ملصقها معاه و هي مخرجة عنيها فيه ...شافتو حطو قدام لموضفة تقادو مع خوتو وهي حداه حناكها حمرين عاضة طرف لسانها....
هزات فيه عنيها كيبريو: شكراً.....
خلص و حط كلشي فكوفر طونوبيل ..في طريق دازو على مخبزة خدا منهم لحلوى و شدو طريق نيشن لدارهم وهي باغيا طير بالفرحة.....كيف وصل لحي ديالهم و وقف قدام دارهم نزلات بزربة خالاتو مزال فطونوبيل بشات كتجري لحانوت عند باها ترمات عليه تعنق و تبوس تقول عام ما شافتو تا بدات كتبكي ليه دموع و لخناين هابطة.....
خرج وهي معلقة فيه سلم على عصام و طلعو لفوق بترحيب كبير من طرف حميد و حليمة لي اطير بالفرحة بي بنتها و نسيبها.....
عصام بقا في صالون كيهضر مع حميد و هاجر مخشية مع حليمة و سومية لي لقاتها في لكوزينة كيعمرو اتاي....
سومية: ناااري يا ختي شحال جا معااك زواح زيانيتي....
هاجر: ههه درت عقلي ياكي...
سومية: زين زيانيتي و لعقل مانعرف....
حليمة: اوا ابنتي كيف دايرة مع راجلك و كفاش كيتعامل معاك....
حليمة: الله يسهل عليه شتي شنو قلت لك راه متلقايش ما حسن منو يصبر على هبالك و حلان لفم ديالك .....
هاجر:و هو صراحة مزال مدار والو باش نحل عليه فمي و لكن صراحة منكدبش و ربي شاهد عليا داير خاطري فوق خاطرو....
سومية :اوا ربي مخيبكش و جاب ليك سيد رجال وخا نتي في لول طلبتي غير شمكار هههه..
خرجو هازين صواني ديال اتاي و الحلوةو الكيكة في الاشكال ...حطو فوق طبلة و عصام عينو على هاجر لي ضحكة مغبراتش من وجها و عنيها كيبريو فرحانة.....
هزات بنت ختها اريج كتبوسها بجهد باغيا تاكلها و كتهضر معاها بطفولية: وييينو على خالتو كبلاات و زيييانت و دالت سنينات تا هي..
غنقاتها و جلسات حدا ختها و عقلها غير مع اريح و سنينات لي نوضات كتحماق عليها من كضحك.....
سومية حطات يديها على فمها كتهضر بشوي: ديري عقلك شوي راكي تبرهشتي بلا متحسي.....
هاجر بهمس: مالي شارفة مزال صغيرة و نتبرهش كيف بغيت....
سومية كتشوف في عصام لي عينو غير على هاجر: نحلف ليك بالله تا طايح فيك بالمعقول و الله تا كيبغيك المسخوطة نيت...
هاجر: باش عرفتيها....
سومية: شوفي غير كفاش كيشوف فيك و عينو منزلاتش عليك و غير من شافك هزيتي اريج و كتهضري بديك طريقة تبسم بلا ما يحس....
هاجر: ناري يا ختي بركاكة ما كتزكلي تا حاجة...
سومية: لا متيقتيش دوري عينك غير بشوي عندو و شوفي كيفاش كيشوف فيك راه مسحور بيك و كيبغيك بزاف....
هاجر عضات فمها من لتحت...دخلات اريج في صدرها و هزات عنيها بشوي في عصام لقاتو كيشوف فيها تبسمات ليه بلا متحس و هو كذالك تبسم ليها بلا ما يحس و نضراتهم متشابكة ببعض مكيشوفو تا حد من غيرهم...خبات وجها في اريج حشمانة و قلبها كيضرب بجهد غمضات عنيها بشوي و احاسيس غامضة تملكوها فهاد لحضة....رجعات هزات فيه عنيها لقاتو حيد نضادرو شاف فيها مزيان دور لسانو بشوي على فمو وهو يغمزها... هزات حجبانها بجوج مخرجة عنيها فيه صدمها ...
خدود حمراء و حياء مرتسم في ابتسامة عدبة و خجل قد كسا ملامح وجهها دا الحروف العربية الاصيلة ليزيدها جمال عن جمالها جمالاً....
راكبة حداه حاطة يديها على قلبها لي كيضرب بجهد مدورة راسها لجاج كتشوف نجوم لي فسما العالية....غمضات عنيها بشوي مع ارتجاف طفيف فجسدها من حسات بلمساتو الدافئة و الحنية فوق يديها .....
عصام قرص ليها خدها بشوي: مالكي....
دورات راسها لعندو كتشوف فيه و يديها على حنكها فين قرصها: والو غير فرحانة حيت شفت والديا و بقيت معاهم طول نهار عجبني لحال بزاف مكرهتش نبقا معاهم ديما انا كنت كنصحاب ماغديش نبقا نشوفهم بزاف كاع....
عصام حرك راسو بشوي و عينو في طريق كيسوق برزانة و بهدوء معندوش مع سرعة و قوة زربة: عائلتك هديك مغاديش نشدك عليها و وقت ما توحشتيهم يجيو هما عندك ولا نديك انا ليهم....
هاجر عضات فمها بشوي: شكراً بزاف على الكادويات لي خديتي عجبوهم بزاف.....
عصام شبك يدو مع يديها مزير عليها: بصحتهم و كلشي ديالك خودي لي بغيتي.....
كيف قال هاد لكلمة رسمات ابتسامة كبيرة على وجها فقط من بعض الكلمات كيزيد يقربها ليه و تولفو كثر وهي بلا ما تشعر كتلقا عنيها تابعينه و مركزة على كل حركاتو الرجولية و كلامو لي قليل و شخصيتو لي مغايرة على كل رجال لي عرفات .....
وصلو لفيلا دخلو بانت ليهم الياقوت جالسة بوحدها في صالون كتفرج....باس ليها عصام راسها و يديها خلا معاها هاجر و طلع هو لفوق لبيرو ديالو....
الياقوت كطلع و تهبط في هاجر لي كلسات قدامها: من صباح و نتوما غابرين فين بشيتو....
هاجر: كنا غير فدارنا شدونا نتعشاو معاهم عاد جينا....
الياقوت: اوا كون غير قلتوها ليا نبشي معاكم راه عيب تبشي عندهم في سبعيام ديالك بلا ناس راجلك....
هاجر هازة فيها حجبانها: وراجلي لي داني انا مكنتش عارفة ...ديك ساعة قوليها ليه نتي راه ولدك و كتعرفيه اما انا مزال مكنعرف والو لي كيقولها كنديرها....
الياقوت كدور في راسها: عليا انا هاد الهضرة احياني عليك العافية كنت غالطة فيك و نتي حنش يطلق سم و يخرب لبيوت و يبدل نفوس و تكرهي واحد في واحد...
هاجر طلعات ليها دم: اعود بالله الحاجة عطيني تيقار الله يرحم ليك لوالدين ما قربت ليك ما أديتك تا داكشي لي درتيه خليتو بيني و بينك و ما وصلتها لولدك فالله يرحم جدك عطيني تيقار و لا غادي نتسيف عليك تاني راني شادة معاك طريق هاد ساعة تزيدي تزبلي معايا سوايع نتقلب عليك....
جمعات لوقفة معصبة خلات الياقوت من وراها كتنكر تا هي غير وحدها ... بجوج طاح الحك و صاب غطاه وحدة ما كتسرط لخرا وخا يغمسوهم في لعسل ميدوزوش.....
دخلات لبيتها كتسوط هزات بيجامة و دخلات لدوش بدلات فيه حوايجها و قدات غرادها ....خلات شعرها مطلوق و الاعصاب مزال لاعبين عايها نسات كاع نهار لي دوزاتو صباح بقات ليها غير الياقوت لي بينات عنيها كتعصب فيها...و هاجر من نوع لي مكيتحكمش في اعصابو وخاصها ضروري تخرجهم لوجود متخليهش فلداخل ديالها.....
خرجات من دوش وقفات قدام لمرايا لي عندها في لبيت كتشمط شعرها..توقفات ليها يديها فوسط شعرها من شافت عصام وقف وراها خدا منها لمشطة بشوي كيشوف فيها من لمراية و كيمشط ليها شعرها بشوي.....
هاجر غمضات عنيها و تنهدات بجهد: غير خليني انا غادي نمشطو راسي الله يرحم ليك لوالدين....
هاجر كتسوط: اففف ما كاين والو بغيت نمشط شعري بوحدي واش فيها شي عيييب....
عصام هز ليها راسها وعنيها تقابلو مع عنيه : هضري بشوي و مترفعيش صوتك و ما تخبي والو جيني نيشن اهاجر ... نهار كامل فداركم و نتي ضاحكة و كيف كتجي لهنا كتبدلي كلك علاش....
هاجر مخرجة عنيها معصبة : ها نتا قلتيها هديك دارنا و هادي دارك... فدارنا اخويا كنلقى راحتي و حريتي اما هنا كنتقج كنتخنق كنمرض....
عصام ملامحو ممقروئينش و كيهضر بشوي خلاف عن الغضب لي متملكو: هادي ولات دارك دخليها لراسك اما دار باك ولات غريبة عليك... هادي هي دارك و خاصك تولفيها بزز منك...غمض عينو بجهد كيسوط من نيفو....شنو بغيتيني نديير معاك ا هاجر كل ما كنقرب ليك كنلقاك كتبعدي عليا كثر عارفك خايفة و لكن الخوف ليه حدود داير معاك فوق من صبر وخا انا ماشي من نوع لي كيشد لخاطر لشي حد و معاك شديتو بزز مني حطيتك بين عيني شنوو بغيتي كثر من هكاا شنوو....
هاجر صدرها كيطلع و يهبط مخنزرة: ماا بغيت منك واااالو عطيييني غييير تيقااار و بعد من ساااحتي اخويا بعد منييي انا مكنبغيييكش مكنبغيييكش دخل هاد لهضرة راسك و فهمها ....
خرجات من لبيت خلاتو بوحدو مكوانسي في بلاصتو و عنيه حمرين.....ضرب دورة تبعها و ملامحو مكيبشروش بالخير....
دخلات لبيت لي ولفات تنعس فيه من كان مسافر كلها كترعد و حبات لعرق متكونين فجبهتها و تنفسها حاد و متسارع ... قلبها كيضرب بجهد..كلشي مخلط عليها تلفات و ما عرفات اش تعمل كدور غير في بلاصتها بحال الحنش لي مقطوع ليه راس......
دارت مخرجة عنيها في لباب لي تزدح بجهد ايطير من بلاصتو.....دقاات قلبها زادو تسارعو من شافتو قدامها مخنزر...قرب تال عندها عينو في عنيها....
هاجر بتوتر: بغيت نبقا بوحدي....
عصام شدها من دراعها زير عليها بجهد تا خسرات ملامحها من شدة الالم...
هاجر: اااي طلق راك قصحتيني..خرجات فيه عنيها من زاد ورك عليها...وطلاااق ازبل علاش تابعني طلاااااق ....
عصام نضراتو كيخلعو مورك على سنانو: من حدك دايرة في بالك عمرك تبغيني علاش قبلتي تزوجي بيا علاااش كنتي كتبيني ليا حاجة و دابا كتوريني حاجة خراا علاااش....
هاجر خلعها بحدة صوتو لي كتخلع بزز باش خرجات حروف مقادين: اا اانا مممابغييتش نتزوج هما لي بززو عليا و كرهوني فكلشي و درت في بالي اول واحد ايجي يخطبني انقبل بيه و نتزوجو ...من جيتي نتا لول قبلت بيك وخا مكنبغيكش حاولت نتقرب ليك و لكن قلبي مبغااكش ....
عصام غمض عينو مزير بزااف ايطرطق طلق يديها و رجع خطوة لور مبعد منها كيسوط بجهد هز فيها صبعو مخنزر : من ليوم هادا هو بيتك ما بقات بينتنا تا حاجة من ليوم وليتي محرمة عليا و لخير لي اندير فيك ابنت ناس مغديش نطلقك و نتي عاد تزوجتي و هضرات ناس اتكتر عليك و نهار يوصل وقت طلاق هزي لي خاصك و سيري لداركم....
كيف خرج و زدح وراه لباب طاحت على وقفتها عنيها خارجين في لبلاصة لي كان واقف فيها ....هزات يديها بشوي قاصت حناكها لي مبتلين بدموع...دورات راسها لمرايا كيبانو ليها دموعها كيهبطو بدون شعور على خدها و قلبها كيتقطع ...
هاجر بدون استعاب: علااش كنبكي علاش هاد دموع كيهبطو ياك انا لي مبغيتوش ياك انا لي بغيت نرجع لدارنا و نسكن مع با و مي و منخلي تا حد يقرب ليا ....حطات يديها على قلبها لي كيضرب بجهد....علاش كتألم لهاد درجة شنو دار ليك هاد عصام باش تقطع و تقطعني معاك.....
تلاحت فوق ناموسية كتبكي بقوة خاشية وجها في لمخدة تا داها نعاس و نعسات بدموعها.....في منتصف ليل تحل عليها لباب بشوي و دخل بهدوء.... دوز صبعو بشوي على اطراف عنيها لي فيهم دموع....غطاها مزيان و خرج بملامح جامدة ما تعرف اش تحت راسو.....
في بعض الاحيان اشخاص كيدخلو لقلوبنا بلا منشعرو كنولفو وجدهم لي ضاف نكهة خاصة في حياتنا ..مكنستوعبوش دوك المشاعر و الاحاسيس لي كنملكو تجاه شخص و لكن فور ما كيبعد كتبذا تبان ليك بلاصتو لي خلا وراه..في داك الوقت عاد كتعرف بقيمتو و لكن للأسف كتلقى لوقت فاتك و لي تهرس عمرو يتصلح....
عصام لي معروف بشخصيتو القاصحة و ملامحو لي جامدة ولكن معاها تخلا على كلشي عطا حنيتو و طيبتو ليها عاملها بحال شي جوهرة نادرة كتزين حياتو بلمعانها...بغاها من اول نضرة و هو فطونوبيل فقط حركاتها طفولين لي دارت فجاح طونوبيل ديالو خلاتو يباتسم لبرائتها و ابتسامتها و حركاتها...ملكات قلبو فداك الوقت و عطاتو لون جديد و نهار حطات يديها بينات يديه عطا وعد لنفسو انه عمرو يخليها و يعيشها ملكة في دارو كيف هي ملكة في قلبو ..
وعود كتيرة خالجو كيانو تجاها... لكن اليوم كلشي تهرس بكلامها سممات قلبو ...بكلامها رجعات شخصيتو الجامدة كأن هاجر الان بنسبة ليه ولات غريبة ولات محرمة عليه فور ما نطق "طلاق"
بعد مرور ثلات ايام ..خرجات من طونوبيل لي كتديها و تجيبها من لمدرسة لابسة طبلية و دايرة شكارة ورا ضهرها ....دخلات لفيلا مكمشة حجبانها من سمعات الهضرة كتيرة ..طلات في صالون وهي تبتاسم من بانت ليها اسماء هي و الياقوت كيهضرو....غير شافت اسماء بشات عندها كتجري طارت عليها بتعنيقة غير كضحك....
اسماء كتشوف فيها: وينووو على صغيورة ديالنا و شكارتها هههه جيتيني بحال شي وحدة كتقرا في ابتدائي... اجي بعدا جلسي و عاودي ليا كيف جاتك لعيشة هنا...
الياقوت : كيف بغيتي تجيها عايشة ملكة مع راسها واكلة شاربة مكسية ناعسة شنو بغات كثر من هاكا....
اسماء جرات هاجر جلساتها حدها: اماما هداك كان في زمانكم اما دابا الالة كنبغيو نعيشو رومنسية و الحب خلينا من لماكلة و نعاس....شافت في هاجر لي غير ساكتة...عنداكي مديهاش على ماما راه كدوي فالخاوي و عاودي ليا فين وصلتي نتي وخويا....
هاجر جاتها لقوة معرفات ما تقول و غير كدور في عويناتها: ما وصلنا فين حنا باقيين هكاك....
اسماء: احياني عليك العفريتة اتكوني حمقتي ليا خويا هو من نهار شافك باين طاح فيك اما دابا من وليتي ديالو محال واش يخليك عند يغرك راه غير مكيبينش فلداخل ديالو و مافيهش لهضرة بزاف اما هو حنين بزاااف و قلبو بيض كيف لحليب خاصك غير متعكسيش و ديري بهضرتو يهزك فوق راسو ...
هاجر : لا هو كيعاملني مزيان غير انا...سكتات عاضة فمها من لتحت مكملاتش هضرتها....
الياقوت هزات فيها عنيها: احياني عليك اللفعة شي حاجة درتيها ليه ما حدو ثلت يام و هو خارج معرفتو فين بشا تا من تليفون ديالو مكيجاوبش...
اسماء: صافي ا ماما شنو اتعملو هيا كاع و زيد خويا فين عمرو قال لينا فين غادي و لا فين جاي ....
الياقوت كتشوف في هاجر حاسة بشي حاجة كاينة: اوا انا غير قلت و صافي نخاف غير تكون بحال مرتو لولة تعيشو لمرار تاني....
هاجر كتشوف فيهم: علاش مرتو لولة كانت خايبة....
اسماء و الياقوت بجوج خصرو ملامح وجهم محاملينش.....
اسماء: منقولكش يا لحبيبة شحال كانت خايبة عرفتي كانت نهار كامل خارجة و ما كتكي تال ليل وعمر خويا جا و لقاها في دار و كانت كتجيب صحاباتها تسهر هي وياهم من ون هو مسافر و ماما كانت كتخبي عليه و ما تقول والو تال واحد نهار جا بلا ميعلمنا لقاها دايرة حالة في دار ...وبلا منقولك كيف ولا مكاينش شي بلاصة لي مهرسهاش و كون ما تحنات ليه على رجليه تزاوك
فيه وطلب كون سيفطها لقبر ديك ساعة....
هاجر حالة فمها: وعلاش صبر عليها هاد سنين كاملة علاش مطلقهاش نهار لول....
الياقوت تنهدات بشوي: ولدي مسكين حنين و هي كانت يتيمة حس بيها و تكفل بيها و خا لمصائب لكحلة لي كتدير متخلاش عليها خلاها تصرف كيف بغات وخا بعض لمرات كيغوت عليها لكن هي محشماتش وهو حس براسو مسؤول عليها زاد صبر ....
كملات اسماء الهضرة: اوا هاد صبر كامل كتصحابو هي كيبغيها و ميقدرش يتخلا عليها و هي ديرها قد راسها و هديك هي لي خلات خويا يكفر عليها و يطلقها تم نيت .....
هاجر عضات فمها من لتحت و جمعات الوقفة : انطلع نبدل حوايجي و نهبط....
دخلات لبيتها بدلات حوايجها و جلسات فوق ناموسية مغمضة عنيها و كتنهد بشوي.....هزات تليفونها بغات تعيط عليه و هي تطفيه كتسوط حطات يديها على وجها و قلبها كيضرب بجهد....
هاحر: افففف مالي وليت هكا يا ربي شوااااقع لياااا.....
خرجات من بيتها مهبطة راسها و كتكر في رجليها تا طلعات معاها ريحتو خلات قلبها يضرب بجهد..هزات فيه عنيها بزربة لقاتو واقف قدامها...حلات فمها تهضر و هو يدوز من حداها ما هضرها ما كلمها خلاها بلاكة في بلاصتها....دورات عنيها ليه كتشوف غير ضهرو تا غبر من قدامها
واقفة في لكوزينة كتصاوب لغدا و اسماء حداها كتعاونها و كيهضرو غير بشوي.. دغيا حطو راس على راس و توالمو...
اسماء كتهمس بشوي: قولي ليا مالكي نتي وخويا بان ليا قبيلة ما عجبنيش تا من تلقاك في دروج مسلمش عليك....
هاجر صرطات ريقها بصعوبة ما عرفات ما تقول من غير: مدابزين و صافي....
اسماء: ناري المسخوطة و علاش دابزتو...
هاجر لي زوين فيه مكتعاودش لناس شنو عندها : غير شي نقاش داز بيناتنا و صافي....
اسماء كدور في عنيها: ها حنا انشوفو و الله ما نبشي هاد نهار تا نصالحكم...
هاجر هزات فيها عنيها مصدومة: لعار اختي ما ديري والو و خليني منو لراسي...
دورات راسها بشوي تا بان ليها داخل لكوزينة غير بسروال كيطمة و لفوق عريان و صدرو عرقان و شعرو هابط على جبهتو باين كان في لصال كيتريني ...
بشا نيشن جيهة ديال تلاجة مكيشوفش جيهة ديال هاجر ... هز قرعة لما تكا عليها كاملة ...هز وحدة خرا و تم خارج تا وقفو صوتها...دار عندها هاز حجبانو
هاجر بلا متحس : نصاوب ليك عصير...
عصام شاف فيها بغرابة و ردد بشوي: عصير...
هاجر حراكت راسها : اه و ندير ليك فيه لفوكا زوينة بزاف ناس لي كيترينيو و كول تا روز زوين كيطلع لفورمة و حق الله انا مجرباه....
عصام بقا غير كيرمش قدامها خربقات ليه لعقل لي كيفكر فيه يعيا ما يشد معاها لخط و في لخر ضروري تجيب شي حاجة كتلفو هو نيت...جر لكرسي جلس عليه و حط قرعة فوق طبلة دارها ليها قد فمها....
عصام: اوكي ديري عصير...
اسماء خرجات من لكوزينة بشوي حابسة ضحكة على مرت خوها و خوها لي تالف معاها....
هاجر تبسمات ليه تنسات ما وقع بيناتهم و الكلام لي خرجات و هادشي لي خلاه مستغرب و عاقد غوباشتو كيشوف فيها مبتاسمة كتقاد ليه لعصير و مرة مرة تشوف فيه و تبتاسم ..
ابتسماتها لي ساحرة و حناكها لمطبزين كيطلعو لفوق و يغمضو ليها عنيها كتبان كيوت بحال شي تربية صغيرة بلا ما يشعر بنفسو لقا راسو متبع ليها جميع تحركاتها و الابتسامة لي من شافتو قدامها مختفاتش من وجها.....
تكونسات في بلاصتها من حسات بيه وراها و يديه حاطهوم فوق بوطاجي و هي وسطو...حطات يديها بجوح فوق صدرها و قلبها كيضرب بجهد...غمضات عنيها بشوي من حسات بي انفاسو الساخنة كتضرب في عنقها.....
عصام همس ليها بشوي حد ودنها : شنو تحت راسك ا هاجر....
كمشات حجبانها بدون فهم من كلماتو بغات دور عندو و حيت وجهو كان حدا كتفها كيف دارت جا فمها على فمو ...خرجات عنيها مصدومة و هي تبعد بزربة و حناكها حمارو بغاو يطوشو بدم و من شدة لحرج و لخجل ديالها و نضراتو لي كتحس بيهم عليها خبات وجها في صدرو و يديها محطوطين بجوج على كرشو.....حسات بجسدو كلو تصلب و دقات قلبو متسارعين كيف دقات قلبها ....
عصام مكوانسي في بلاصتو و جسدو كلو تصلب تحت تأتير لمسة وحدة منها خلات رغبة لي كتجتاحو تجاها تشعل و هو يا ربي يقدر يتحكم في راسو و يتريني باش يفرغ طاقتو و ما يقربش جيهتها...
هز راسو لفوق مغمض عينو كيسوط تا قدر يتحكم في راسو عاد هبط راسو لعندها....بان ليه غير راسها و وجها مخبي في صدرو ...كمش حجبانو بدون فهم ..مفهمهاش يعيا ميحلل و يستنتج مع راسو لكن ضروري خاص تصدمو بشي فعل......
هزات راسها بشوي من صدرو و عنيها في عنيه كتشوف فيه بحال شي قطة و حناكها حومر و مطبزين......هز يدو بشوي دوز صبعو على حنكها لي حمر...كيف تفكر كلامها و هو يحيد يدو بزربة و قبل ما يبعد.....شدات ليه يدو و حطاتها على حنكها مغمضة عنيها ....
قربات يدو بشوي لحدا فمها باستها و هو واقف مصدوم فيها و فشنو كدير....
.حلات عنيها بشوي شافت فيه و دمعة نزلات من عنيها كتجري ...شافت فيه بنضرات مليئة بلحب و بصوت باكي يشيه الهمس نطقات اسمو ...
هاجر:عصام
فور ما نطقات اسمو بداك شكل هدمات كل الدفعات ديالو ...قرب ليها كثر ...جسدو ملاصق مع الجسد ديالها..حط يدو على خدها الاخر كيدوز صبعو بحنية على طرف عنيها كيمسح ليها دموعها بكل حنية و حب.....
حط جبهتو على جبهتها و كيستنشق انفاسها بكل حب لي كيملكو تجاها باس ليها نيفها بشوي و هبط بشوي كيقرب جيهة ديال فمها و عينو مغمضة..كيف حط شفاهو على شفاها..تدكر كلامها لي دخل كيف سم و سمم ليه عقلو..بسرعة بعد منها و خرح من لكوزينة مكيشوفش وراه...
بقات واقفة في بلاصتها مصدومة
بحالي طرشها بلفعل لي دار ...جسدها كلو كيرتاجف من شدة الاعصاب بانت ليها صينية عامرة كيسان ..جراتها بشوي شتاتها مع الارض و بكل برود كتشوف في جاج كيتهرس كما تهرسات هي فهاد اللحضة ....
دخلات اسماء كتجري لكوزينة من سمعات صوت تهراس شافت دنيا كلها عامرة جاج و هاجر واقفة كتشوف بواحد نضرة تبكي لحجر لا شافها....
قربات ليها اسماء مخلوعة: هاجر ختي مالكي شواقع...
هاجر توكدات كتحل فمها تهضر و تعاود تسدو كأن الحروف نقارضو من حلقها : والو غير طاحت ليا هاني انجمعهم دابا...
قبل ما ترد عليها اسماء تحنات كتجمع جاج و دموع مضببين ليها الرؤية و قلبها مجروح.....هزات جاج بيديها عريانين و بكمية الالم لي خالج كيانها في كل مرة كتهز جاج كتورك عليها بجهد تا كيطوش دم من يديها ......
دخلات اسماء لي بشات تجيب شطابة و بالة تحيد جاج ..كيف شافت يدين هاجر لي عامرين دم رمات كلشي من يديها مخلوعة تحنات عند هاجر حيدات ليها جاح من يديها و وقفاتها بزز.....
هاجر كتحرك بحال الميت محاسة بوالو.....كيف شافت اسماء الجرح لي فيديها وهي تخرج عنيها من شافتو غارق بزاااف.....جراتها معاها خرجاتها كتغوت بي سمية خوها....
اسماء تملكها الخوف من دم لي مبغاش يحبس و لون هاجر لي ولا صفر بدات كتغوت بجهد: عصااااام...عصاااام هاااجر كيسييل منها دددم.....
وقفات الياقوت مخلوعة من سمعات غوات بنتها كيف شافت هاجر تخلعات قريات ليها تشوف مالها تا كيبان ليهم عصام هابط كيجري مخرح عنيه....
فور ما شاف دم في يديها تصدم و لأول مرة كيتملكو الخوف و ما عرف ما يدير....جرها من ختو دخلها في حضنو مخلوع عليها و مخنزر في ختو....
عصام كيغوت : مالها علاااش تجرحات....
اسماء كتفتف خلعها: ممم مععرفتش ككانت في كوزينة تتتصاوب لغغدا و تتجرحاات...
عصام مدخلها في حضنو و كاع حوايجو تطلاو بدم... عنيه ولاو حمرين : قلت لييكم نهااار الاول لكوزيينة مدخلش ليها ..مدخلش ليهاااااا هي مزاال صغيييرة بغيتووو لي يطيب ليكم خودوو خدمااات ولا دبرو راااسكم ...هز صبعو في مو و ختو معصب مكيشوفش قدامو.....ااااخر مرة نلقااها في لكوزيييينة ....
هاجر في حضنو هبطوليها دموع خبات راسها في صدرو كلها كترجف بصوت باكي نطقات اسمو: عصاااام...
عصام زاد قربها ليه كثر مدور يدو عليها مخلوع: شششش متبكيش هاني معااااك...
هزها بين يدو طلع بيها بسرعة لفوق نيشن لجناح ديالو ..حطها فوق ناموسية شد ليها يديها كيتحقق من لجرح..بغا ينوض يجيب دوا و هي تشدو بيديها مجروحين تكات فوق ناموسية و جراتو لعندها تا طلع فوق منها و جسدهم تلاصقو ...
عصام مكمش حجبانو فيها : هاجر يد....
حطات يدها على فمو سكتاتو و عينيها لمدمعين في عينو ....حطات يديها لي مجروحين بجوج على خدو ....قربات ليه كثر فمها حدا فمو و عينيها كيتحققو في ملامح وجهو همسات بشوي...
هاجر بصوت باكي: متخلاااش علياا......
حطات فمها على فمو و شفاها كتحركو برقة فوق شفاه ديالو ..فور ما حسات بي الاستجابة ديالو زاد جسدو ضغط على الجسد ديالها و فمو كيلتاهم شفاها بلدة....قبلة حارة خلاتهم بجوح يغيبو عن وعي و يغوسو في لدة شفاههم...
بدون وعي تبعات قلبها لي مكسور لي الاف القطع و هي ممستوعباش هاد تغيير الجدري لي كيوقع ليها...من نهار قالت داك لكلام لعصام و هي معدبة و نفسيتها مدمرة كتفكر فيه غير هو... رغم انها كتشغل نفسها بحوايج خرا الا وانها كتلقى راسها ساهية و عقلها كيتدكر لحضاتها معاه...هي بنفسها مفهمتش راسها ولات كتبان ليها هاجر اخرى غير على ديك لي كانت قبل ما تعرف على عصام.....
من شافتو قدامها كأن روح رجعات ليها و فقط وجودو سقا روحها التي دبلت وهو بعيد ..قلبها دق دقات متسارعة من تغلغلات رائحتو الرجولية في الهوء لي تستنشقها بي اشتياق غريب...
مقدراتش تستحمل من رفضها بديك طريقة حسات بنفسها تهانت و الم شديد كيعصر قلبها العدري الدي لم يدق حب رجل يوماً.....
حطات يديها لمجروحين على حناكو كترجاه بتوسل ميتخلاش عليها.....لتمنح نفسها له غير ابهة لمخاوفها ...تلاقات شفاههم لتتشكل موجة عاصفة من المشاعر الجياشة بينهم ..شفاه فوق شفاه يتضوقون عسل بعضهم بلدة غريبة.....
مقدرش يزيد يصبر نفسو وهي عاطياه الضوء الاخضر تاق في نضراتها تاق في ترجيها تاق في دموعها...نسا راسو وهو فوق منها و من قلبو كيتمنى متصدوش و متقاوموش و تعيش معاه اللحضة كيف هو عايش معاها....
خاشي راسو في عنقها كيقبلها بكل رقة و حنية كأنه خايف يأديها و كابح رغبة ديالو بقسوة فقط باش ميخلعهاش.....
حس بجسدها لي تحت منو كيترخا بشوي ..هز راسو كيف شاف وجها لي ناشف من اي قطرة دم حس بقلبو حبس و رجعو دقاتو بقوة ...بيد مرتجفة حط يدو على حناكها كيقيصها بشوي و هي لا حياة لمن تنادي...هبط عينو ليديها كيف شافها تصدم بسرعة جمع الوقفة حاط يدو فوق راسو كيشوف فيها كيف شي جثة بدون روح و يديها لي رجعو لفراش حمر بدم و مزال كينزل ليها محبسش.....
هزها بين يديها هبط بيها كيجري مكيشوفش قدامو و ختو هي و مو تابعين مصدومات من شافوه هابط بديك الحالة وهاجر بينات يدو مغيبة.....حطها لور ركبات معاها الياقوت ... شد طريق لأقرب كلنيك طاير في طريق..صدرو كيطلع و يهبط كارز على سنانو و عنيه حمرين كيخلعو وشعرو مبعتر فوق جبهتو.....
دخلوها فوق البياص بسرعة لبلوك وهو حبسوه في باب لغرفة مسمحوش ليه يدخل..بقا غير كيدور بحال لحنش لي مقطوع ليه راس..مخلوع عليها و معصب على راسو لي خلاها فديك الحالة نتسي راسو....
الياقوت بقات غير كتشوف فيه متبعة ليه عنيه و ساكتة معرفات باش تبلات من شافتو مهبطها بحال الميتة و تا باش تسول ولدها مقدراش حيت عارفة شخصيتو كيف دايرة و من تيكون متوتر بحال دابا حسن لك بعدي من ساحتو و ما حدو عاد قطع لكارو فماغديش يتفاهم لقرب ليه شي حد..هادشي علاش شدات كرسي و جلسات مكونة...
الياقوت: مزال مخرجوش من عندها....حطات صباعها على جبهتها.... هاد لبنت من نهار دخلات و هي جايبة معاها غير لمشاكل منحوسة يا ربي سلامة...
اسماء: حرام عليك امي طلبي الله يشافيها راه هي لي جات فيها دقة شوفي غير حالتها كيف هبطها خويا تقولك كلها صفرة و ناشفة ....
الياقوت: هديك انا لي عارفاها تمرض قبيلة و هي ما يوقع ليها والو و انا و الله لا سمحت ليها على دوك كيسان لي هرسات سنين و هما عندي جات هي هرسات كلشي تقول يديها مفالجين ماشي خوت....
اسماء: افففف اماما واش دوك جوج كيسان يجيو في مقامها عند خويا و دوك الكيسان الالة انا اناخدهم ليك جداد غير بعدي من طريقها لبنت مزال صغيرة و خويا قالك راها صغيرة كيوصي وخا هو ممولفش كاع يديها فشي حد و خا هكاك وصاك عليها حيت كيتيق فيك راه نهار يعرف ما دوزتي عليها و هو مسافر ديك وتشوفي وجهو تاني...
الياقوت: اللفعة دارت ليا بولدي غيراتو عليا تا يولي يهز صبعو عليا و هادي عمرها كانت ليه كان ديما حاطني فوق راسو و بينات عنيه و عمر بنت لمرة خلاتو يهز صبعو فوجهي تاليها هي المسمومة....
اسماء هزات يديها لسما ما عرفات منين تشدها: خويا راه في عمرو 38 عام راه كبير و شارب عقلو مغديش تجي بنت لبارح تنسيه في مو الله يخليك اماما ديري لما منين يدوز راه كان معصب من شاف حالتها و هو راكي عارفاه مكيحملش لي يعارض كلامو وخا يكون لي كان و هو قالك نهار لول مدخلش لكوزينة و جاب لك الخدمات و قالك واعد باها تعيش كيف عاشت في دارها و في لخر دوزيها عليها مسكينة و هي لحنة مزال في يديها ....
الياقوت معصبة : شتك غادة معايا كلمة بكلمة نوضي من قدامي قبل ما ندير معاك شي طاب و شي ما طاب...
بعدات منها كتسوط معجبهاش الحال حيت كتشوف هاجر ديك لبنية لي تزوجات و هي صغيرة مزال معاشت حياتها كيف يالله اتقول بسم الله في لحياة دخلات لمنزل الزوجية لي فيه مسؤوليات كثار و كيتبدلو عليك بزاف لحوايج في ليلة و نهار كتلقاي نفسك مع ناس غرباء وخا خوها عصام يعيشها ملكة في دارو و ميحرمها من والو لكن خوفها كيبقى من مها لي واعرة بزااف هي بنتها و كتشهد في وعارية ديالها و خايفة على هاجر منها و من عصبيتها و حبها تجاه ولدها لي هي بالنسبة ليها ان وحدة خرا داتو ليها و بدلاتو عليها من هز صبعو فوجها.....
تنهدات بجهد و قربات حدا خوها لي جالس مفرق رجليه و مشبك يدو لوسط كيعض فمو من لتحت كيقشرو تا كيطرطق ليه بدم و حجبانو معقودين لوسط....كيف خرج طبيب جمع الوقفة ما هضرش كاع سولو غير بعنيه و طبيب دغيا فهمو...
طبيب: معندكم علاش تخافو البنت راها حمدللة ما وقع ليها والو غير فقدات شوي ديال دم بجرحة لي كانت ليها في يديها و قاصت ليها شوي لعرق لكن ماشي شي خطورة و هي حاليا ناعسة بفعل المهدأ يمكن ليها تخرج من يسالي سيروم لي علقناه ليها.....
عصام هز راسو لفوق و ساط بجهد.. عاد نتضمات دقات قلبو لي كانت متسارعة....مزال طبيب كيهضر معاه داز فيه و دخل عندها مدهاش كاع في لممرضات لي معاها بشا نيشن لعندها...هبط بشوي لعندها كيتحقق في ملامحها و فمها لي ناشف و حنيكاتها لي كانو ديما حمرين دابا كيشوفهم.صفرين باهتين....باسها بشوي في جبهتها و حط راسو على راسها كيتنفس حدا فمها
...
هز ليها يديها لي مدوزين عليهم فاصمة...باسها في مكان الجرح و عنيه مغمضين.....خرجوها لطاج لفوقاني في الغرفة لي مخصوصة ليها هاد ليلة و هو غادي معاها مطلقهاش طول الوقت وهو في جنبها وراسو تقال عليه و عطاه بصداع و لعرق منفوخ ليه....
دخلات عندو اسماء قربات حدا هاجر باستها في جبهتها و بعدات كتشوف في خوها...
اسماء: هادا صاك فيه حوايجها بقا نتا معاها و انا اندي ماما معايا....
حرك ليها راسوو معندوش لخاطر يهضر ولا يتكلم....حط راسو فوق البياص و يدو فوق يديها ما حس بنفسو تا داتو عينو....
صبح🌅 صباح جديد و خيوط شمس مضوية لغرفة ...حلات عنيها بشوي و بقوة ضو رجعات سداتها مكمشة ملامحها..
حسات بلمسات حنان فوق راسها و كيهبطو شوي على شعرها...ستحلات دوك لمسات و ضهرات ملامح الراحة في وجها....حسات بي شفاه فوق شفاها و هي تحل عنيها بزربة...جات عنيها نيشن مع عنيه....حط يدو على خدها كيحرك صبعو بشوي....
عصام: كيف بقيتي....
هاجر بقات غير كتشوف فيه كانو عنيه كيحملو واحد الحنان تجاها في شكل خلا قلبها يضرب في بلاصتو و بسرعة خدودها حمارو و رسمات ابتسامة على محيا شفاها : عصام😄....
عصام تبسم لإبتسامتها لي زيانات احرف وجها كيف كيبغيه هو: شوية دابا باش كتحسي....
بغات توقف نسات راسها و هي تكالي بيديها...كيف حطات يديها على لفراش طلع معاها ضو و هي تخرج صوت بحال لمشة : هئ هئ كيضروني بجوج 😭...
عصام بقا غير كيشوف فيها كيف دغيا دموع هبطاتهم دور يدو على شعرها رجعو لور: ششش متخافيش دغيا غادي يبراو ....
قاد ليها لمخاد ورا ضهرها و جرها من خسرها قاد ليها لبلاصة باش تجلس مقادة و هي
مدلية شفاه ديالها بحال تربية و عنيها كبار كيرمشو بزربة و كتشوف فيه غير من تحت عنيها و هو كمش حجبانو مبهور بشكلها طفولي و كيتسنى شغادي تقول....
هاجر: بغيت طاجين ديال لخليع بالبيض....
عصام بقا مكوانسي في بلاصتو حل فمو فيها و رجع سدو غمض عينو و رجع حلهم كيشوف فيها و عاود سولها كأنه كيتحقق: شنو....
هاجر بطفولية: فيا جوع بغيت ناكل .
بقا غير كيشوف فيها تا هبط راسو كيضحك بلا جداه....وهي حالة فمها فيه اول مرة كتشوفو كيضحك و بلا متحس بدات كضحك تا هي....
حط يدو على وجهو لي ولا حمر اول مرة كيضحك لهاد درجة و معامن مع تربية لي هي مراتو و يعيا ما يشد معاها طريق خاصها ضروري تخرج ليه من جنب و تخليه مكوانسي في بلاصتو....
الواحد هو ميفرطش في كرشو وخا تكون فيه الموت و هادشي لي دارت هاجر لي يشوفها يقول بايتة كتحلم بالخليع..و بلا جداه وصا على كاع لي بغات جابو ليها تال قدامها.....
خرجات عنيها و ريوقها كيسيلو كتحماق على الخليع و زاد جوع لي فيها يخليها تاكل نص خروف غير وحدها....هزات يديها كتشوف فيهم كانو مدورين بي الفاصمة و معندها كيف تاكل و هو جالس حداها حاط صباعو تحت دقنو و غير متبع ليها العين..لحد الان ملقاش حل لتصرفاتها مرة كتكون زوينة و طفولية و مرات اخرى كتغير لوحدة قبيحة مكتعرفش اش كتقول....
هاجر دورات عنيها عندو و هي تبتاسم.من لودن تال لودن : وكلني😄...
عصام دور لسانو بشوي على شفاه ديالو و جلس قدامها كيوكلها و هي فكل دغمة كتخرج اصوات يا سلاام خلاتو كيعض فمو و يتحكم فراسو بلهلا يطريه ليه.....كمشات حجبانها من لقاتو غير كيوكلها و هو محط تا حاجة في فمو....
هاجر: متوكلنيش غير وحدي كول تا نتا....
عصام تبسم ليها بهدوء: بصحتك انا مابغيتش.....
بقات كدور في عنيها و بعض المرات كيطيحو ليها شي افكار كتصدم بيهم راسها و ناس لي معاها....وحيت يديها مجروحين متقدرش توكلو و هي طيح ليها فكرة فراسها...
حط ليها دغمة في فمها شداتها بين سنانها و قربات فمها ليها....هز فيها حجبانو بدون فهم... دورات يديها بزربة على عنقو و جراتو عندها حطات فمو على فمها و دفعات ليه دغمة بلسانها لفمو و بعدات منو كضحك و حناكها حومر ....
هاجر : لمكلتيش معايا انوكلك من فمي بحال هكا ....
بدا كيمضغ بشوي و كيشوف فيها بنضرات ممفهومينش اما تا لعقل لي يفكر بيه طيراتو ليه ..دارتها قد فمها كيف وكلاتو في لول وكلاتو في تاني وهو غادي معاها بشوي وحابس راسو عليها بزز.....
كلات تا شبعات عاد بعد منها لبلاطو هزها دخلاها لطواليط و خرج خلاها تاخد راحتها...وخا لممرضات كينين لي يقابلوها لكن ما خلا تا حد يقرب ليها و هو لي تكلف بكلشي....كيف خرجات رجع هزها لبلاصتها و هي عاجبها الحال معرفاش علاش و لكن فرحانة من هو حداها حاسة بسعادة غريبة كتخالج قلبها بقربو ليها وهادشي لي كيخليها دير شي تصرفات مكتعيقش بيهم و اولهم انها ولات غير متبعة ليه عنيها ولات كتركز مع كل حركاتو مسحورة بيه و لأول مرة ولات كتلاحض تضاريس وجهو الوسيمة و شكل جسدو الجداب و صوتو الغليض الخشن لي زادو اكثر رجولة اما شخصيتو فهي حكاية خاصة.....
قرب ليها من لاحض انزعاجها على شعرها لي كيغطي وجها و من كتبغي تجمعو كتقصح بجرح لي فيديها....دورها لعندو بشوي مكمش حجابنو و كيجمع ليها شعرها على شكل شفنجة معوجة معرفش يصاوبها....فهاد اللحضة دخلات عليهم لممرضة مبتاسمة....
لممرضة: مدام بن جلول هادا وقت دوا ديالك خاصك ديري شوكة....
هاجر حركات راسها بشوي و بدات كتعرى على يديها تا وقفاتها لممرضة: لا ماشي تم هادي كندقوها لتحت...
هاجر بدون فهم: فين لتحت...
شارت ليها لممرضة لجهة ديال المؤخرة و هي تخرج فيها عنيها و بزربة دورات وجها لعصام حالة فمها.....
قرب ليها بشوي دورها عندو و حط ليها وحها في صدرو ...هبط ليها سروالها بشوي و هي بالحشمة زادت خبات وجها فيه و كيف دقاتها ليها عضاتو بجهد في صدرو و هو صابر خاشي صباعو في شعرها و كيبوسها بشوي في ودنها ...
هزات راسها لعندو و عنيها كيلمعو و جبهتو عل جبهتها كيتنفس انفاسها و بصوت تقيل هامس قال...
عصام:تبشي معايا....
بلا متسولو فين فقط حركات ليه راسها بي" اه " و رجعات خبات وجها في صدرو كتستنشق ريحتو بكل كيانها لي تملكو...
كتجري في حافة البحر و رجليها كيقيصو الما و كيتراقصو بي اشعة الشمس لي كضرب فيهم طالقة شعرها و مخلياه حر كيطير مع الهواء و لابسة فقط كسوة بسميطات بيضاء خفيفة و طويلة هزاها من لقدام و كتجري بي ابتسامة على محيا وجها و كل مرة كدور لشخص لي وراها داير كسكيط مدورها لور مع تيشورط و شورط قصير بي الاسود... داير يدو في جيبو و نضاضر ديال شمس تابعها بشوي و هي كتجري قدامو و صوت ضحكاتها مسموع كتوصل لأدن ديالو بحال شي لحن عدب و مغري.....
قرب ليها و دور يدو على عنقها مزير عليها شوي:مزال تهربي مني....
هاجر هزات فيه عنيها مسدودين بشعا ديال شمس: غير ضحكت معاك و نتا بحال لميت و الله ما بغيتي تبعني....
عصام حيد مضادرو دارهم ليها فوق عنيها من شافها سداهم : يديك مزال مبراوش و كون تبعتك غادي دخلي ليا لما و اضرك لملوحية في يديك...
هاجر دورات يديها على خسرو معنقاه و مدلية شفاه ديالها: عييت هزني في ضهرك......
عصام تنهد و دور ضهرو بلهلا يطريه ليه يركبها : نتي من صباح و كتجري مزال تا مبريتي بسيف ما تسخفي...
هاجر طلعات فوق ضهرو كضحك دورات يديها على عنقو مزيرة عليه : كتسحابني شارفة بحالك جوح خطوات و نعيا...
هز حجبانو و دور راسو ليها : دابا انا شارف....
قربات فمها كثر عضاتو من ودنو عاجبها لحال: غير كنضحك معاك نتا راه انا نشرف و نتا تبقى صغير...
عصام عض فمو من لتحت بديك العضة لي دارت ليه: بغيتي نمشيو نتغداو ولا نمشيو لفيلا تا تبدلي حوايجك...
هاجر: لا لا عيت ما بقا عندي جهد لخريج خلينا نمشيو غير لفيلا نطيب شي حاجة نتغداو بيها....
عصام مكمش حجبانو: كتعرفي طيبي؟؟...
هاجر قفزات فوق ضهرو و قربات ليه كثر حطات حناكها على حناكو: وشنو كيسحاب ليك راك تزوجتي بمستر شاف شخصياً.....
عصام تبسم بزز منو من تفكر لمساج لي سيفطاتو ليه اول مرة في الفيس من قالت ليه راك كتهضر مع لالة البنات....
دخلو لفيلا و هي مزال معلقة فيه ما رتاحت تا دخلها لبيت عاد هبطات و كتشوف راسها في لمراية...
هاجر : شوف لحمي كيف ولا كحل كاع ديك لبيوضة رجعات كحلة ....
عصام مكمش حجبانو : من جيتي هنا و نتي في لبحر وخا يديك مجروحين كديري غير لي فراسك.....قرب ليها كثر كيشوف لحمها ولا حمر بحالي تحرق....انمشي نجيب ليك دوا و نرجع خاصك شي حاجة....
هاجر: جيب ليا لكلاص و لبطيخ مشهياهم بزااف و الله....
حط يدو على حناكها و باس ليها جبهتها : رتاحي تا نرجع و متخرجيش اوكي....
حركات ليه راسها و خرج هكاك بحوايجو لي كان لابس خدا سوارت طونوبيل و خرج خلاها بوحدها في لفيلا.....
فهاد الوقت تقربات ليه كثر و زادت عرفاتو كيف داير و هو عرفها كيف دايرة وخا بعض لمرات كتفاجئو لكن داير في بالو صغر سنها و هادشي علاش مكيبغيش يزير عليها او يحرمها وخا هو مكيعجبوش تلبس حوايج قصار لكن من شافها كتلبس قدامو عادي خلاها على خاطرها كيدير معاها خطوة بخطوة مبغيش يخسر ليها لوقت لي هي مستمتعة ببه ...مقدم راحتها على راحتو و هادشي لي خلاها ترتاح ليه كثر و تحيد لحشمة بيناتهم ولات كتهضر معاه نيشن تسرح ليها لسان قدامو و خا بعد لمرات كتزيد فيه لكن صابر كثر من لقياس و مكيقول ليها والو ....
كيف خرج مشات هزات بيجامة ديالها خفيفة مع دو بياس و دخلات كتدوش بما بارد بحكم لحمها تحرق بشمس و كتحاول تبردو بالما بارد ...دايرة ميكة على يديها باش ميقيصهاش لما....
خرجات ملوية عليها لفوطة و كتمسح شعرها بفوطة صغيرة ...سمعات تليفونها كيصوني هزاتو كيف بانت ليها سمية و هي تبتاسم....
هاجر: الو خالتوووو توحشتك الكبيدة...
سلوى: احياني عليك من نهار تزوجتي ما تفكرتيني و خا عليك....
هاجر: وينو على سلوى كتغيير الالة هههه و الله اخالتو راكي ديما في لبال غير كنت مشغولة شوي و صافي...
سلوى: كيف بقيتي من يديك بعدا قالت ليا حليمة راكي مسافرة مع عصام فين داك....
هاجر: هادي سيمانة و حنا هنا من نهار خرجني من سبيطار جابني لأصيلة كرا واحد لفيلا هنا كندوزو فيها لوقت صراحة بلاصة واعرة و خاوية جات بين طنجة و اصيلة بحرها زوين واعر ماشي بحال داك لي بشينا ليه داك نهار انا و ياك....
سلوى: اوا بصحتك ابنتي و كيف كيتعامل معاك عصام عاودي لعمتك متحشميش....
هاجر غير كتسمع سميتو حناكها كيوليو حمرين و كتبتاسم بلا متحس و كتهبط راسها بين كتافها حشمانة: صراحة اخالتي ضريف بزااف و كيعاملني زوين و كيتهلا فيا و مكيخسرش ليا لخاطر والله ...
سلوى: اوا شفتي شنو قلت ليك راه ولد الله يعمر ليه دار و كنعرفو مزيان غير لكنتي هبيلة ضيعيه من بين يديك ...او قولي ليا واش وليتي كتبغيه...
هاجر بقات مصدومة من سؤال خالتها...بقات ساكتة شوي عاد جوبات: معرفتش اخالتي هو عزيز عليا بزااف و كيعجبني تعامل ديالو و دابا هنا كلشي مزيان و لكن كيف كيقيصني قلبي كيتزلع من بلاصتو و كنكره كلشي....
سلوى: هداكشي غير خلعة كلشي كيدوز منها غير حاولي و خليه يتقرب منك راه راجلك و نتي مراتو و هداك حقو متبقايش حرماه راه لصبر حدود و راجل لملقاش داكشي في دارو غادي يقلب عليه برا....
هاجر خرجات عنيها : كفاااش لا لا اخالتي نتي مكتعرفيش عصام مزيان...هو بفمو قال ليا كيبغيني ميمكنش ليه يديرها ....
سلوى:راكي بحال بنتي و مني انا تسمعي... رجال هما هادو قد ما هو كيبغيك قد ما غادي يكرهك بسباب داكشي و ينفرك و شنو فيها لعطيتيه حقو ياك عاجبك و معمر ليك عنيك و مسخن ليك كتافك ....
هاجر : افففف اخالتي انا مقلتش لعكس ولكن راه كيف كيبين ليا بعينو بأنه باغي داكشي كنهرب من حداه...راه كتشدني رعدة من صبعي صغير و هو كيحس بيا و مكيقربش لجيهتي و الله اخالتي كنحاول و مبغيتش نبعدو عليا و لكن مقدرتش و الله....
سلوى تنهدات: شغادي نقولك ابنتي سيري دوي مع راجلك و قولي ليه شنو عندك بلا متخليه يفكر منو لراسو و يستننج غير بوحدو راكي عمرك تلقاي بحالو لي يتفهمك و يحطك بين عنيه وخا واعر متنازل على شحال من حاجة قدامك غير حيت باغيك اما كون كان شي واحد خايب راه نهار لول يرسلك عند حليمة....
قطعات على خالتها و حطات تليفون تحت دقنها كدور في عنيها و كتفكر مع راسها...تنهدات بشوي و لبسات حوايجها دغيا متكونين من شورط قصير حد لفخاض بي الابيض و تيشورت ديالها لاصق على صدرها و خسرها كيبين ليها طايتها كاملة...
دورات لفوطة على شعرها و دهنات وجها بكريم ..لبسات كلاكيطة في رجلها و هبطات نيشن لكوزينة كتقلب شنو دير فلغدا وخا تعطل لحال و هدا وقت لعصر ...
شافت لحوت كبير كاين وهي تهزو قطعاتو على شكل دوائر و شحرات لبصلة و تومة بربدة و دارت معاهم صوص طوماط مع لعطرية عاد حطات فوقو لحوت و دارتو في لفران يطيب على خاطرو ...هزات لخص و لخيار كتقاد صلاد و كدندن بشوي مع راسها ساهية في شغلها و عطياه لخاطر...
هي اصلا من نوع لي كيحماقو على طياب و الكوزينة كيعجبها طيب و تختارع من راسها و تزوق طبلة بي الاشكال..ناسية راسها و شنو لابسة وخا كاين عصام لكن غير هاد لوقت لي دوزو مع بعض مبقاتش كتحشم منو...
لأنك من كتولف شخص في حياتك و قريب ليك و كتعايش معاه فكلشي و نهار كلو و هو معاك بدون ما تحس كتقلص لمسافة بيناتكم و كتقربو لبعض كثر و هادشي لي واقع لهاجر لي ولفات عصام في حياتها و كتلبس قدامو لي بغات لقات راحتها غير هيا و ياه فدار و كدير لي بغات تنعس وقت ما بغات و تفيق و قت ما بغات ولي قال ليها راسها ديري كديرو واخدة حريتها فكلشي و زادت معاملة عصام ليها و الفشوش لي كيفششها زاد اعجابها ليه بشكل كبير و بدات كدير معاه شي تصرفات مكتحسبش ليهم في عقلها و منهم ولات كتعنقو عادي و تعضو في ودنو تبوسو في خدو او فمو او تشاد معاه بضحك ....
كل هادشي مكضربش ليه لحساب و محساش بعصام لي رغبة محناتو و سلات معاه و مزال صبرو كبير و عاطي لخاطر ليها عمرو رفع صوتو او غوت عليها على حقو شرعي...طالق ليها لعب وكيقول دابا تفهم راسها....
دخل بشوي و هادي عادا فيه مكيديرش صوت كلشي عندو بالحس....هاز ميكة في يدو ..دخل عندها لكوزينة وهو يوقف في لباب مكوانسي في بلاصتو و كيحرك عينو بشوي عليها ..
عندها جسد طاغي لأنوثة وكلشي في بلاصتو ..رجليها بيضين وحمارو بالبحر و و خسرها نحيف و وسطها واسع ....وصل لعنقها لي طويل و بعض لخسلات فازكين نازلين على عنقها...
غمض عينو عاض فمو من لتحت و كيتنفس بشوي كيحاول يسيطر على راسو...حسات بيه وراها و هي دور عندو بزربة و نص صدرها باين....تمات جايا عندو و صدرها كيطلع و يهبط و عينو عليهم كيف قربات ليه دور وجهو لجهة الاخرى كيسوط...
هاجر خداتهم منو حطاتهم فوق طبلة: تا نتغداو و دهنهم ليا....هز فيها حجبانو و هي دير اشارة لضهرها...عندي لحرقة في ضهري مكتوصلش ليها يدي....
حرك راسو بشوي بقا ساكت ما عرف ما يقول ليها..حط ليها لكلاص لي جابو ليها هو و البطيخ....
خدات منو كلشي و رجعات كتقاد في شغلها و هو حداها شاف يديها لي مجروحين و هي تبقى فيه...
عصام: بغيتي نعاونك....
هاجر : لا بلاش دغيا غادي نسالي بقا غير لبلا انجبدو من لفران و نحطو لغدا....
عصام حيد ساعتو حطها فوق طبلة: يديك مزال مبراو متجهديش راسك غير قولي ليا و انا اندير شنو بغيتي...
هاجر شافت فيه مبتاسمة: اوكي غسل ليا هاد لماعن و انا انكمل هاد صلاد بزربة....
قرب لماعن عاقد حجبانو عمرو غسل لماعن ولا عارف كفاش يتغسلو ...شافتو هاجر تالف و كيشوف في لأوني و في لماعن و هي تقرب ليه..
هاجر: هانتا دير اوني شوي و رغويه فديك بونجة و دوزها على لماعن و حطهم في هاد جيهة عاد شللهم و حطهم في سلة و صافي....
دار ما قالت ليه بالحرف عاقد حجبانو و كيغسل من نيتو داير ليهم لخاطر تا هما وخا قوا اوني و كلشي رغواه بقا مكمل...شلل كلشي و حطو في شبكة و غير من راسو نقا ليها لبلاصة من لوسخ ديال لخضرة لي كانت رمياه في جهة ديال لبوطاجي....شاف لبطيخة لي بغاتها هزها غسلها و قطعها ليها في طبسيل و دارها في تلاجة تبرد....
وقف وراها حط يدو على لبوطاجي و راسو حطو على كتفها كيشوف اش كدير و هي ساهية بشغل لي فيديها...
عصام حدا ودنها: كتعرفي تصاوبي هادشي..
هاجر كانت كتقطع ديسير و تصاوبو على شكل وريدة في طبسيل: امممم من كنت كنمشي عند خويا لأكادير كان ساكنين معاه جوح دراري و واحد فيهم خدام فهادشي كيصاوبو واعر و هاد دري لي تعملت منو....
عصام كمش حجبانو كيشوف فيها: كنتي كتبشي عند خوك و ساكنين معاه دراري...
هاجر حركات راسها: اه في لعطلة مكنتش كنحمل نبقا مع حليمة حيت كانت كتسلخني هادشي علاش مرة نهرب عند خالتي و مرة نهرب عند خويا ندوز معاه صيف....
عصام قريب ليها بزاف حدا ودنها و شاد معاها الخط: وعلاش كانت كضربك...
هاجر ملهية مع داكشي لي فيديها و غير كتسرسب ليه: وهو الحق يتقال عمرها ناضت و ضرباتني غير هكاك..كنت انا لي كنجيب ليها صداع عمري دخلت لدار و مجبتش ليها تبرية ....
عصام تبسم و دور يدو على خسرها و باسها بشوي في عنقها كيضحك غير وحدو عرفها كانت قبيحة كما قالت ليه مها نهار لول..عود باسها في خدها: كنتي قبيحة بزااف....
هاجر دارت عندو كضحك: ومزال قبيحة خاص غير لي جبدني يلقاني ....بعدات منو بشوي بلا متعيق و خا هو حس بيها و بعد منها.....
عاونها في لحطان لغدا فوق طبلة و هي كتعاود معاه و ضحك مطلوقة....خدا طرف لخبز ضاق من طاجين لي صوباتو في لفران لقاه لديد بزااف...
عصام: تبارك الله عليك مكنتش كنصحابك كتعرفي طيبي بحال هكا....
هاجر: حكرتيني ياك كتصحاب واخد شي معكازة...
عصام هز فيها حجبانو: لا غير تزوجتك و نتي كتقراي قلت مكانش عندها وقت دخل لكوزينة ...
هاجر كتحط ليه فطبسيل: اصلا حليمة دخلاتني لكوزينة من كنت صغيرة و علماتني طياب و كلشي غير تشها عليها ازماني نوجد ليك لي بغيتي....
عصام بقا كيشوف فيها و هو يهز ليها يديها باسهم ليها بجوج: الله يرضي عليك....
عصام بين اعجابو لطيابها و فعلا جا لديد و عجبو لحال معاها بزاف وخا بعد المرات كتصدو لكن معاها عاش حوايج عمرهم عاشهم و اولهم تصرفاتها الطفولية قدامو و الماكلة لي وجدات ليه و طيبات بيديها و الماعت لي غسل ..بالنسبة ليه معاش هادشي مع مرتو الاولى لهادا كتبقى هاجر اكثر وحدة خدات قلبو و وقتو و نضراتو لي مبقاو كيشوفو تا حد من غيرها
.....
بلا ميتكلم حط يدو ورا عنقها و قربها ليه كثر ..حط فمو على فمها نساجمو في قبلة حنينة و دافئة و كيف شعر بي الاستجابة ديالها تبسم وسط فمها و بسرعة تحولات لقبلة من حنينة الى قوية كيفتارس شفاه ديالها بلذة...جرها عندو كثر فرق ليها رجليها و حطها فوق حجرو ودور ليها يديها على عنقو ....و يدو مدورهم على خسرها مزير عليها...
عض ليها شفاه لتحتانية بشوي حلات فمها و دخل لسانو كيكتاشف خبايا حلاوتها و عسلها...سخن بزاف و صبرو تقاضة فهاد اللحضة ...فصل القبلة و خيط ريقهم متاصل بين شفاهم..حط جبهتو على جبهتها و كيحرك يدو بحنية على حناكها لي سخان و حمرين و انفاسو لحارة كتضرب في وجها...باسها في جهة ديال فمها و همس ليها بي استسلام...
إنها زوجتي الجزء الخامس
محتوى القصة
التنقل بين الأجزاء