من بعد ما قضات كااع شغاالهاا رجعاات للداار محملة بأكيااسهاا و عينيهاا كيبريوا بفرحة كبييرة ..
يالاه فتحات لباب و دخلات لقات مهى و مريم قبالتهاا لابسين عليهم و مقاادين الحالة و مهى هاازة الشااكوش فيديهاا .. حركات راسها باستغرااب و خااطبات مريم
خولة: لفين أخالتي ؟ ماشية لشي بلاصة ؟
مريم: ايواا هااذا هو الوقت ابنتي .. الله يرحم من زاار و خفف
خولة: سخيتي بيناا ؟ عااد جيتي بااقي ما جلستي تا ضياافت النبي .. و بااقي ماا فرحت بيك عندي فدااري
مريم: لوااه جلست لخير و البرااكة و نتي درتي لي عليك .. رااك عاارفة لحااج كيعيط و ختي و رااجلها كيعيطوا على بنتهم لمهم عندي تصاافات القلوب
خولة: و الله تاا عواالة عليك تزيديناا معانا شي ياامات بااقي تاا ما جلسناا براحتنا .. كنتسنى غير ماما تجي و نديرلكم عشية بجوج بيكم و نحني ليكم عندي ( تحني هي تنقش ) و نقولوا ليووسف يخرجناا يساارينا شوية .. تانتي تفوجي معاناا و تبدلي عليك الجو (قبطات فيديها بابتساامة ) وجه الله لماا جلسي .. لباارح كنت مريضة عليها ماا بقيتش معااكم بزااف
مريم: بحال يلا درتيهاا ابنتي و الله ماا لخااطري نعوضوهاا مرة أخرى ان شاء الله
خولة: صبري نعيط ليووسف يمشي عندوو يجيبوا تاا هو و أميرة .. ويلي وااش حناا غرااب !!
مريم:(غوتات بلا ما تشعر ) واا صاافي قلنا لك لا
خولة:(بقات غير كتشوف فيها و ترمش )
مريم:(عاد عاقت براسها و رطبات صوتها ) قصدت أبنتي .. الحاج ما غيبغيش و يسحاابوا غير أناا لي خليتكم تجيبوه و غيتقلق علياا
خولة:(هزات حااجبهاا بمعنى من نيتك !! ) ااه و يلا كان هكاا مااشي مشكل .. خااطرك
مريم:(سلمات عليها بالوجه ) يالاه خليناالكم الرااحة .. سلمي على يووسف
خولة: يسلم عليك الخير
مهى: بسلامة (فتحاات لبااب و داازت وسطهم .. خرجات )
خولة: لا رد
مريم: ااه قبل ما ننسى عاارفااك بااقي يالاه جديدة فالكوزينة و ما تعرفيش تقااديه و راك عاارفة اليوم الجمعة و يووسف كيحمااق على سكسكو .. لمهم رااه هو فالكسكااس مغطي .. تاا تسخنييه .. و عاارفااكم لبناات كتسطااو على الحلاوة رااني درتلك زبيب بالتفااياا فكااسرونة بوحدو .. تا تاخذيه .. تسنينااكم شحاال و تعطلتوا و كليناا حناا حقناا
خولة:(عيباتها) و صاافي قلناا لك لا نينيني مااشي دوجهك ياا الشاارفة القاارمة ييخ بلحااق الحق فياا لي مكبرة ببوعجراان
هزاات سااشيااتهاا و طلعاات للبيت .. حطاات كلشي فالارض داايرة يديهاا على نصهاا و كتفكر و تهندس فرااسهاا ..
مشاات أول حااجة لديك الطاابل الصغيرة لي فالباالكوون جرااتهاا بالشوية عليهاا هي و كراسيها تاا دخلاتهم للبيت .. داارت عليهاا منديل فالأبيض .. حطاات الحلوة فطبسيل وسطهاا و ضوراات بيهاا الورد و شميعاات صغاار و كيطلقوا روييحة كتحمق .. خذاات ديك السبيبط الصغييور مجموع باابيوون صغيورة تاا هي على شكل هدية و حطااتوو جنب .. مقاابل معااه من الجهة لووخرى تصااور دالايكوو .. و سيدي مصور فيه بيبي صغيير كيضحك ..
كملات من الطبلة و ضاارت للبيت و الناامووسية كتقااادهم و ترش الورد و شي توااشي شرااتهم .. تاا كملاات و صفراات كتسفق على رااسهاا فرحاانة بالنتيجة النهاائية ..
هزاات ساشي أخوور لي بقى لهاا تماا جبداات منوو شي قلوومة و عكااكر و شي أدوات دالمكيااج .. رطباات وجههاا و بداات كتقااد و ترسم من هناا و تمسح من هناا ...فرحاانة برااسهاا خصووصاا من زماان ماا تحط على وجههاا .. من نهاار رمااه و حلف عليهاا .. ماا بقات قاصتوا .. سالات و داازت لشعرهاا صوبااتوو بالبلاك دغياا تاا رجع كلووا نازل ..
شاافت السااعة بااقي ليه تقريباا سااعة و نص .. حساات بالجووووع و وااحد العيااء و نعااس رهييب ..
خولة:(حطات يديهاا كتلعب بصبعااتها بالشوية فوق كرشهاا )
~ جااك الجووع أماامي همم .. نمشي نااكل اناا و ياك ما نذوقوا حد 😇 ...
دوزاات على لساانهاا بتلذذ فااش تفكرات التفااياا .. كتخيلهاا حدااهاا و كتااكل فيهاا و العسل كينزلهاا من الجنب .. غير مجرد التفكير خلاها تغمض عينيهاا و ريووكهاا ساايلين
~ اححح
هبطاات بالشوية عليهاا و فنفس الوقت كتمشى بخفة بااغاا غير فوقاش توصل .. دخلات و عراات على سكسو .. طلعاات معاها ريحة دالمرقة و الخضرة و عيباات وجههاا مبعدة .. عااد باانلهاا الزبيب فكااسروناا بوحدهاا فوق البووطاجي ..
خذااتوو بفرحة هاازة معيلقة فيديهاا و جلساات فوق الطبلة كتااكل فيه و تهضر مع البيبي و كتبنن بمذااق الحلاوة لي حمقهاا و خلاهاا غير كتمصمص ففمهاا .. ماا حسااتش كااع كي داارت ضرباات ديك الكااسرونة كااملة .. تاا بقااو جووج معاالق بالحسااب و حبساات شاادااها البكية ..
~ تساالاات 🥺 (ضربات على جبهتهاا ) ماا خليتش تاال يووسف بففف ( عااود هزات كتاافهاا كتجااوب راسهاا ) علاه فين عمرك شفتيه كيااكل لحلاوة و السكر !! بفف نعيط ليه يجيبلي الزبيب معااه (بلا عكز عليهاا دوزات ليه الأبيل بقى شوية و جااوبهاا باانتلها طونوبيل عاامرة .. حيداات المعلقة من فمهاا و العسل ناازل لهاا شوية من الجنب .. ضحك على حاالتهاا و قاال )
يووسف: وي خولة آمري ؟
خولة: شكوون معااك ؟
يووسف: غير صحاابي .. رااني رااجع فالطريق ماا بقاليش بزااف .. نص دالطريق تقريباا ( حرك رااسووا بأش كااين )
خولة:(عضاات على فمهاا ) توحشتك .. بغيتك حدااياا دااباا 🥺
يووسف: هههه جااتك الحالة عااود (همسلهاا ) تاانجي و نننن (غمزها ) طلقيناا دااباا (حرك رااسوا بمعنى النااس ميصلاحش نهضر )
خولة: ما تعطلش و جيبلي معااك الشكلاط و زبيب ديك البلدي لي كتكون الحبة كبيرة و مكورة و حلووووة و حاامضة اححح مهم فهمتي يااك
يووسف: ااه ااه يالاه .. الله المعين ..
خولة:(ابتااسمات ) الله يوصلك على خير ياا ربي
خولة(قطعات معااه و طلعات كتكسل ) اووف ننعس غير نص ساااعة و ننووض نلبس علياا .. وليت خمااارة أناا فينماا مشيت كنغييب السلامة ..
طااحت فووق بلاصتهاا معنقة تيشوورط ديووسف كتشم ريحتوو و تبتااسم كتخيل رد فعلوا فااش يسيق لخباار .. أكيد غيطير بالفرحة و هو لي مقتاارح عليها الفكرة و متحمس ليها كثر منهاا .. غمضاات عينيهاا و مشاات على إثر هااذ الفكرة ..
مدة مااشي طويلة بزااف و فااقت كلهاا عرقاانة حااية بمساارنهاا للتحت كلووا كيتقطع عليهاا بالحريق و هي كتنهج .. حطاات يديهاا على كرشهاا عااضة على فمها بقوووة
خولة: اوووف يااا ربي ..
أول وااحد جااهاا لبالهاا هو يووسف لي ديماا كيقولهاا يلا تزيرتي و لا وقع معااك شي حااجة أول حااجة قرااي القرأن و حااولي تتنفسي مزياان .. داارت كيفماا قاالهاا و بدات كتقراا فأية الكرسي
حبساات كتوجع و ديكشي غير ماا كيزيد بحاال لموااس كيدخلووا فيهاا و يقطعووا أشلائهاا كتحس بقلبهاا مع كل مغص كينغزها .. ولات كلهاا كترجف و تترعد بالخووف لي بداا كيتسلل لقلبهاا و هي كتحرك رااسهاا بالنفي و كتعااود فكلمة وحدة
~ ولدي ولدي 😭😭
بركاات على رااسهاا بزز و وقفاات متكية على الكاادر كتنهج و دمووعهاا ساايلين تخلط عليهاا كلشي خصووصاا فااش باانلهاا ليزاار بيض ولى كلووا حمر ..
حاالتهاا فهااذ اللحظة ماا عاالم بيهاا غير الله .. فووبياا من الدم كيخلي التنفس يتقطع عليهاا و هيستيرية تشدهاا .. الخووف على ولدهاا و شنوو وااقع معااهاا .. و عااد الحريق دالغصب لي كتحس بيه كينغزهاا فعينيهاا ..
رجليهاا ماا بقااتش حااسة بيهم .. ماا قادرااش توقف عليهم .. كأنهم من عجيين كيلعبوا بيهاا .. تحناات على ركاابيهاا كتزحف بالشوية تاا وصلات لتيليفوون و دوزاات أبيل عاادية بالزربة ليه بزز هاازااه .. كيطيحلهاا و تولي تهزوو .. و يديها عرقاانين كيغزلوا
يووسف:(دخل معااه الصح و سمح فكلشي و خرج كيجري ركب فالطونوبيل و قلع بالجهد تاا تسمعاات بحاال الصووت دشي أكسيدوون ) صاافيي هاااني جاااي عشرة دقاائق و أناا معااك .. تهدني و تنفسي مزيااان اووكااي
مااشي كيطير تاا وصل و وقف بالزربة .. نزل مخلي لبااب مفتووحة و طلع فالساانسوور .. تحت أنظار العسااس لي سدهاا و وقف حدااهاا مستغرب من حاالتوو ..
أماا هو غير وصل فتح لبااب و طلع بجرية وحدة .. اول حااجة باانت ليه ديك الناامووسية و دااك الدم .. قلبوو تهز من بلاصتوو و مشى بالزربة عندهاا فين جاالسة فالارض موسعة رجليهاا و كتنهج كتتتقطع ..
غير شاافتوو و طلقااتهاا بكية وحدة و فااتحة يديهاا ليه بحاال شي بنيتة صغيرة أخييراا جاا باباهاا و كتبكي و تشكي عليه .. عنقهاا كيدوز على ظهرهاا و يهدنهاا
خولة: ماا بقييتش قاادرة نصبر ايووسف 😭 (هزاات يديه و حطااتهاا جهة كرشهاا لتحت شوية ) هناا كااين ولدناا .. ولدي أنا و يااك متخليهش يمووت عاافااك 😥 ماا بغيتش نفقدوا😭😭
تصدم صدمة حيااتوو و بالزربة لوى يديه تحت فخااذهاا و هزهاا عندوو خاارج بيهاا كيطيير مخلي بااب د الداار مترعة لآخرهاا .. ماا بقى عااقل و لا منتاابه لتاا حد هموا كلوا فيها هي .. نزلوا للتحت و ركبهاا فبلاصتهاا و طاار جيهتووا خاارج بسرعة خطييييرة طوونوبيلات لي شاافوو كيبعد على طريقوا و يقول الله يحضر السلامة عندااك غير يمشي يتقلب .. بااين شي حد محشش و لا شاارب لي صاايك بديك الطريقة ..
أماا هو عين فالطريق عيين فيهاا .. لي غير كتنزف و تتوجع .. نص سااعة بالحسااب عااد وصلوا لوااحد لكلينيك بريفي .. دخلهاا بالزربة لجهة الاستقباال ..هضر معاها و شرحلها الحاالة بالزربة كيلهث و عينيه خاارجيين
موظفة الاستقبال : وااخا اسيدي تقدر تخلص و حناا ندخلوهاا نتكلفوا بيهاا على ماا تساالي طبيبة دالنساء و التوليد .. حيت عندهاا عملية داابا .. و الدكتوورة الثاانية كوونجي ..
يووسف : تاا تمووت عااد تجي من نيتكم !!! كلينيك على قدوا فيه جووج دالأطباء !!!
موظفة الاستقبال : اليوم الجمعة رااك عاارف العشية كيكون
سمح فيهاا كتهضر و خرج طااير لكلينيك آخر .. وقع معااه نفس البلان .. كااينين غير لي سطااجير و الفرملياات أغلب الأطبااء خاارجين كوونجي .. و لا ساالتين فالعشية جاامعينهاا مع الويكااند .. حس بيدييه مربطين و هو كيشووفهاا كتمووت قدااموو و مرة مرة كتبداا تغيب تاا كيهضر معااه .. بقى ليه حل وااحد لي ماا حااملووش لكن ماا عندوو ماا يدير .. اللهم مستشفى عموومي و ينقذوهاا و لا يبقى يدوور بيهاا من وااحد لوااحد .. قلب الطريق و مشى طااير و فنفس الوقت مدوز أبيل
~ خووياا ابرااهيم عتقنيييي واااقف علييك .. داااابااا دااابااا تكوون عندي .. طلب لي بغييتيي يحضر .. مهم دااباا نلقااك فبااب الطبيييب (مسح على وجهوا ) وااخاا لمشكل هو ( شرح ليه شنوو وااقع لخولة )
ابراهيم : صاافي .. سير دااباا قلهم من طرف الدكتوور ابرااهيم *** أناا غنعيطلهم دااباا بااش غير توصل يوجدوهاا للعملية .. أناا خاارج دااباا .. الله يعااون
يووسف: وااخاا اخووياا شكراا بزااف
قطع معااه و داار عند خولة كيضرب فوجههاا بالشوية .. هي لي ولات صفرة و عينيهاا كيتسدوو .. خلعااتوو و ديك شوية دالصبر لي بقى ليه تبخر و طاار مع الهوااء ..
ماا عرفش كي داار وصل عندهم و هضر معااهم .. لقى صااحبوو ديجاا علمهم .. مبااشرة طاارووا بيهاا مدخلينهاا للبلووك .. و هو لاسق فيهاا .. فتحاات عينيه فيه بالشوية و حركات شفاايفهاا بلا صووت
خولة: كنبغيك
بصعوبة هزات يديها و شيرات ليه ببااي بااي و تسد لبااب فوجهووا .. مخليينووا موورااهم منهاار كلياا .. و بين عينيه غير ديك اللقطة دالودااع .. ماا حسش كيفااش نزلات من عينيه دمعة حااارة ملخصة بزاااف دالمشااعر كاابتها فقلبووا المحرووق عليهاا .. تاا باان ليه صااحبووا بلبااس العملياات دااخل هو و الطااقم دياالوو وقف عندوو و عنقوا و يديه كيضربوا على ظهروا ..
يووسف:( تنفس .. آخر همووا دااباا وااش غيدخل عندهاا رااجل و لا مرأة حيااتها أهم ) عاارف .. عتقهم أخووياا
حرك رااسوو بالايجاب و برك فوااحد البوطون و تفتحاات لبااب و دخل فحين يووسف طااح فووق الكرسي جاالس عينيه الحووومر مركزين فالبااب
فحين يووسف طااح فووق الكرسي جاالس عينيه الحووومر مركزين فالبااب .. حااس بدموو سخووون و معصب و خاايف عليهاا لأقصى درجة .. كلوا كيفيبري و قلبوا مقبووط .. كااع ديك الخلعة رجعاات عليه و طيحات ليه ليد مع الرجل ماا بقااش قاادر يتحرك .. عينيه مفيكسيين غير فالبااب و فووقااش تشعل لبولة لخضرة و تخرج ساالمة غاانمة ..
حط رااسوو على الحيط و السينااريوو كيدوز ما بين عينيه .. كيفااش عيطااتلووا فالصبااح و الفرحة غتتقز من عينيهاا .. و فالعشية كتشهى عليه و تااكل و تضحك بحاال بنووتة صغييورة .. و كيفااش فلحظة كلشي تقلب و رجع لقاهاا غاارقة فدمهاا ..
كيفااش حركات شفاايفهاا البوويض و الياابسين .. بكلمة .. كنبغيك .. لي أول مرة يكره أنوا يسمعهاا منهاا .. حسهاا حرقااتوو بيهاا بحاال شي جمرة كتكوي فقلبووا .. ماا بااغيش يفكر بلي هااذاا ودااعهاا ليه ..
حيت مجرد التفكير غيخليه ينهااار و يخرج عن داائرة الصمت لي هو فيهاا .. و لي مبردهاا غير فشفاايفوو لي رجعوا كلهم مدميين و يديه لي تفلحوو و هو كيضربهم مع الكرسي دالحديد حدااه بقلة صبر .. داازت سااعة بالضبط و خرجاات الفرملية عندو كتجري ..
~ غنفقدووا المريضة .. نزفاات بزاااف ... و الدم دياالهاا ماا كااينش .. غتطير تمشي لبنك الدم و تااخذ 2.5 ديال دم .. الزمرة AB موجب
وقف مغذذ بااغي يقوول شحال من حااجة و لكن فضل يسكت حاالياا .. بااش طبيب على قدوا و دااخلين لعملية و ما عندهمش الدم !!! من نيتهم و لا من ريتهم !! طلعلوا لخز كثر ماا هو طاالع و مشى طااير فين نعتاات ليه .. هضر معااهم و شرحلهم شنوو كااين بالضبط
الفرملية: ااه غتمشي من هناا و دوور أول بااب مبااشرة غتدخل عندهم يااخذولك دم .. شووف شي نااس يكملوا معااك ديك جوج ليترو و نص .. و جيب لي الورقة عااد نعطيك
يووسف:(جرها من الكوول و كشااكشوو خاارجين ) وااش كتخرااي علياا هناا (ضرب فالكونطواار و غوت على حرو ) كنقوولك لمرااة فالعملية كتمووت و نتي كتريكلي علياا . شمن تبرع ولا ق***
الفرملية : طلقني اسيدي كندير غير خدمتي .. هااكاا كضيع غير الوقت
طلقهاا كيسب فنفسووا و التيشوورط لسق عليه بالعرق .. كيباان من بعيد واازن 90 و بقااليه شوية و يطرطق .. مشى بالزربة فين قااتليه .. لقى صف دالبشر وااقف .. تنهد بخنق حااس برااسوو ضاايع و يديه مربطين .. دااز عليهم وااحد بوااحد كيهضر معااهم تاا كيبح و يرغب فيهم يخليوه يدووز حلقوا تسد بقوة الهضرة ..
ماا دخل تاا غفر ليه الله الذنوب جلس كيجبدوا منو و فنفس الوقت كيدوز التيليفوناات لصحاابو و عائلتوا لي عاارفهم قرااب دغيا يوصلوا عندو .. عيط لثلاثة دالنااس و هو الراابع .. بااش يحيدوا لهم الدم ..
رجع عندها عطااهاا ورقتوو و رغبها بانسانية تصوفيه غير على ما يجيوا و يجيبلها لي بغات .. لكن تعكساات معااه ماا بغااتش تعطيه الدم تاا يجيبو لوخرين .. تماا صاافي طرطق عليهاا و نوض قرباالة فالطبيب بغى يدخل يخنقهاا بيدييه و لا كلووا كيترعد و حنجورتوا خرجات و هو كيشووف هااذ عديمين الضمير و الاحسااس .. تيليفووناات ماا حبسووش من التعيااط دااير لهم الاراارة .. و فيه الدووخة دالدم لي جبد مع ما رتااحش نهائياا ..
بقى غاادي جااي و هو كيهضر و يوصي من هنا و من هناا و يشووف أقرب حل لعرووق فرااسوا قربوا يطرطقوا عااد دخلوا صحاابوو كيجريو بلا هضرة بلا جووج جرهم لجهة فين المكتب .. خلاهم كيحيدوا لهم و وقف على فرملية تماا عطاات ليه ثلاثة دلي روسي .. عااد خرج كيطير و عطااهم ليهاا ..
الفرملية : غتخلص **** درهم
جبد فلووس لي فجيبوا كااش كاملين لقااهاا ما عندوش كااملة و هااز غير لي كاارط .. تاا تحطاات يد على كتاافوو لقاه صااحبو نبيل .. جبد هااذ الأخير من عندوو و لاحهاا لهاا باستحقاار .. كرههاا فهااذ اللحظة و هااذ المعااملة دالويل .. اما هي غير شدااتهاا و عطالتولهم دالزمرة دياالهاا .. و مشااو بيه لجهة دالبلووك كيطيروا .. خذات من عندووا و و دخلات و هووب تسد بااب البلووك فوجهوا مرة أخرى .. و هو واقف كيلهث عقلوا كلوا معاهاا و كيفكر ديك كمية دالدم لي خسراات تزيد شوية لمووت نيشاان .. ماا بقااش قاادر يهضر .. كيحرك غير صبعوا بالاشااراات .. حلقوا مشى كلياا بقوة الغواات و الهضرة .. تاا طلع ليه عبدوو كيعيط .. و تنهد عطااه لنبيل يجااوب .. نعت ليه الطبيب و قطع ..
نبيل: أجي أخوياا و تفهم أنا براسي ما عارف والو
بعد مدة وصلات عاائلتهاا .. عبدو .. نوال .. لالة سعاد و أخيراا محمد .. الأب .. كلهم وجههم صفر و مخلووعين لكن حاالتهم ماا توصل ليه تاا فالربع ..
كيهضروا معااه و هو ما كااينش هناا عينيه غير على لبلووك و عقلووا غاايب و أصلا تاا الحلق بااش يهضر ماا بقااش ليه .. بقااو وااقفيين جنبواا بقلة حيلة و سعااد كتبكي بحرقة على كبدتهاا .. نهار كامل و قلبها كينغزها و مخنوقة داابا عاد فهمات من أش .. و مداام هو وااقف حدااهم فإذن بنتهم لي مضروورة ..
داازوا سااعاات على هااذ الحال .. ماا تفتح لبااب تاا قرب ينووض يهرسوا عليهم .. تاا حد ماا خرج تاا وااحد ماا طمنهم .. حااسهم كيستفزوهم و يلعبوا على أعصاب أعصاابهم ..
أخيراا خرج ابرااهيم كيحيد الكماامة من وجهوا و فيديه منديل صغير فالأبيض .. تلموا عليه كااملين مجرد ماا شاافووه .. من غير يووسف لي بقى مبعد شوية كأنوا خاايف يسمع شنوو غيقوول و متنبأ بهضرتوا كااملة .. خصووصاا فااش طااحت لعين فالعين و رمقوا بنظرة كلها أسف .. خلاهم بلا ما ينطق بحرف و توجه عند يووسف
ابراهيم: سمحلي بزااف .. درت فووق جهدي معاهاا و لكن هي حاالتهاا أصلا كاانت فالحضيض .. (فتح ليه يديه و حط ليه دااك المنديل ) للأسف ما قدرنااش ننقذوا الجنين ..
يووسف:(شاف فيديه و رفع عينيه فيه بحال جغمة دالدم ) هي حالتها كي داايرة دااباا ؟ كيفاش وقعلها هااذشي و هي كاانت صحة سلام (ضرب فرااسوا بالجهد و غوت بصوت مبحووح نص كلاموو ما تسمعش ) رااني غنحمااق ههههههضر
ابراهيم: هي حاالتهاا دااباا مستقرة و لكن ضروري تبقى هااذ 48 سااعة تحت العنااية المركزة .. نزفاات بزاااف .. و جسمهاا ما متحملش .. (شاف فيه بجدية ) ضروري ماا نخبر البوليس ايوسف السيدة فدمهاا عينة كبيرة من سم .. و هو السبب الاساسي فالاجهاض .. الجنين باقي فمرااحلوا لولة مال قدرش يستحمل بحالهاا ..
هنااا شهقوا كااملين بماا فيهم يووسف لي وسع عينيه على الأخر
ابراهيم: رااها محااولة قتل .. ضروري ما يتفتح المحضر .. غير تفيق و يهضروا معاها .. بااش نحيد المسؤولية على كتاافي .. دااباا نخليكم .. الله يجيب الشفااء ..
مشى مخلي وااحد كيشووف فلااخوور .. تاا خرجوا خولة بحاالة مزرية و وجههاا صفر لوااحد الدرجة خطييرة و كلهاا ضاايرة بالسلووكة و الأجهزة لي لاسقين فلحمهاا .. و مشااو بيهاا طاايرين ..
هناا لالة سعااد ما بقااتش كتقشع و العفااريت كيشطحوو قدامهاا .. باانلهاا غير يووسف و مشاات شنقاات عليه و دمووعهاا هواادة ..
لالة سعاد: ديتيهاا بلارة كتضوي و شووف معااك فين وصلات حالتهاا .. هضرت معااك قبل و نبهتك .. قتلك مك و عاائلتك غيجيبوا نهاايتكم .. و كيفماا وصلووهاا لسبيطاار ما مرة ماا جووج غيديروا كثر .. هااذ الخبث كاامل فيهم !!! علاش هاذشي كاامل !!! سم (غوتات بالجهد كترجف ) سم اعبااد الله !!! بغااو يقتلووهاا و يرزيوني فيهاا بغااو يحرقوني على كبدتي !!! تاا لهناا و سطووب دوزت لك و دوزت لك
بلا ماا تحس بقاات كتحااسبووا و فنفس الوقت كتسرسب كوولشي و بااهاا كيسمع بصدمة حتى غوت بسميتهاا عااد انتاابهاا ليه و سداات فمهاا مترقبة رد فعلوا ..
أماا يووسف فمجرد ماا طلقاات منوو خرج من تماا منهاااار على الأخر .. وصل لطونوبيلتووا و فتحهاا و جلس .. جبد دااك المنيدل لي عطااه الطبيب و فتحوو ..
كاان فيه الجنين هكااك صغيير لوااحد الدرجة رهييبة .. بااقي أعضائوا يالاه ترسموو .. ماا قدرش يكمل فيه الشووفة حيت بصح منظر خاايب بزااف و خصووصاا يلا كاان من لحمك و دمك .. قطعة منك تشووفهاا هكااك ..
منظر خلاه ينهاار كلياا و كااع دااك الصبر و الطاقة ديال الجري من هنا لهناا تساالات ليه حاالياا .. عمروا وصل لهااذ الحالة كلهاا من الضيااع و الدماار النفسي ..
دموع حاارة نزلوا من عينيه وحدة تابعة لوخرى بلا ماا يحس .. المنظر شووكااه على الآخر ..
بقى شحاال و هو هكااك ماا قدرش يتحمل ديك المنظر لحموو شوك عليه و دموعوا غير ناازلين .. حااس براسوا فأقصى حالات غلياانووا .. رد الجنين لدااك المنيدل و حطوو حدااه فالكووساان .. شمر و مسح دموعووا بالجهد و عينيه خاارجين منهم الشراار ..
~ غااا نقتتتتتتلك ابنت *** غاااا نقتلاااااااك
داار اماارش و زااد مع طريق .. وجهتوا الدار دياال مهى و هو كيتوعد لها فنفسوا بالأسوء .. وصل و نزل كيفرع فالبااب بالجههد .. تاا خرجاات أمهاا مخلووعة .. فتحاات ليه و دفع لبااب تاا لسقاات مع الحيط مخرج عينيه فيهم كينهج
~ فين هي ديك الق** (غوت) فيييييين
الأم: جمع رااسك من تخساار لهضرة .. حشوومة كااع .. علامن كتهضر ؟
يووسف:(قربلهاا الجنوون طاالعينلوا ) القتااالة دبنتك فين هي
الأم: مهى !! ما كااينااش .. مسافرة
يووسف:(دااز فيهاا و دخل كيقلب فالصاالونات و البيووت و الحمامات .. المهم ماا خلى تاا قنت و لا وجوود لهاا .. تماا رجع لعند أمها .. دفعهاا على لحييط تاا لسقاات معااه .. و زير بيديه على عنقهاا كيخنق فيهاا و عرووقوا خاارجين غيطرطق ) غتجبدي أصل مهاا فينماا كاانت ولا ليووم نقتل طااسيلتكم وااحد وااحد .. بربي تاا نذبحهاا و نشرب من دمهاا ..
رجعات حمممممرة و تخنقاات كضرب فيديه يرخيها ما قادراش تهضر و هو غير ماا زاايد كيزير تا باانت ليه زراقت شوية و تودع و هو يطلق منهاا و طااحت كتنهج للأرض و دموعهاا داازوا فجنااب عينيهاا .. الخلعة وقفاات لها القلب .. حسات برااسهاا شافت لمووت و رجعاات
الأم:(كتنهج حاانية راسهاا للأرض كترد النفس ) ما عاارفاش فين هي ما عارفاش
يووسف:(حركهاا برجليهاا تاا رفعاات عينيهاا فيه .. هو لي حرك فكوو مغذذ ) قسماا بالله تاا نجبدهاا وااخاا تكون فسااابع أرض .. قسماا بالله تاا ندوز عليهاا السرااط المبين .. و يلا كنتي عاارفة فينهاا و سااكتة رااك جنيتي على رااسك معااياا .. بغيتوا غير نقودوهاا هاا نتووماا غتشووفوا التق** على أصوولوا
الأم:(تنهدات برجفة بااقي ما قادراش طلع نفس مزياان ) سير حااسب مك هي لولة .. قبل ماا تجي عندي و تتطااول علياا .. و لا جيتك أناا حيط قصير قلتي سااهل نقزوا ..
يووسف:(وقف فبلاصتوا مشوكي كيفاش مو !! لا لا مستحييل دير فيه هي هااذشي .. ما كااينة تا أم فالعالم تقدر ديرهاا .. ما تقدرش تقتلوا و هو حي .. ما تقدرش تدمرلوا حياتوا .. ما توصلش بيها لهاذ الدرجة .. مستحييل يتغذر من أموا مستحييل .. اول و أخر وحدة جات لبالوا هي مهى .. لا قلبوا لا عقلوا يقدروا يستوعبوا هااذشي لي كتقول هااذ السيدة .. لا و ألف لا ) ختك ياا حسرة !! عاارفة شنوو كتقولي .. ختك اعاائلة المجرميين ..
خلاهاا هكااك و رجع غاادي بلوور كيشوف فيهاا و يحرك رااسوا بالسلب .. هضرتهاا ماا بغاتش دخل ليه لمخوا .. نزل بالشوية و كيضحك ببلاهة على راسوا ..
يقدر حقدهاا يعميها لهااذ الدرجة ؟ لا مستحيل .. ما تقدرش ديرهاا .. تقتلوا هو و ماا ديرش فيه هااذشي ..
حط رااسوا على لفوولا ساااكت كيتنهد .. تاا ارتااح و رفع رااسوا بملامح جاامدة و مشى طااير لداارهم .. طلع و دق عليهم .. فتحاات ليه أميرة و تعلقات فيه مبتااسمة بااستوو .. تسناها تاا بعداات و دخل .. كاان السكاات فالداار ..
يووسف:(بصوت مبحوح ) كااين الواليد ؟
أميرة: لا .. كاينة غير ماما رااها فالكوزينة
يووسف: وااخاا .. سيري لبيتك و سدي عليك
تسنااها مشاات و قلب طريق لعند مريم .. دخل و سد لباب عليهم بجووج .. تاا ضاارت عندوو شاافت فيه و ابتااسمات زاادت عنقااتوو و هو رااخي يديه ما مباادلهااش .. استغربات و بعداات حاطة يديهاا على وجهوا
مريم: ماالك اولدي
يووسف:(بعد وجهوا و ضحك باستهزاء ) ولدي !! عندك قلب نتي بعداا ؟ عندك كبدة ؟ (تغرغروا عينيه ) كتحسي اميمتي !! بصح أناا ولدك ؟ وليت شااك قسماا بالله تاا شااك وااش توجعتي علياا و ولدتيني !! علاش ولدتيني من لول يلا كنتي غتوصليني لهااذ الحاالة !! و تخرجي علياا و تدمريني !!
مريم:(جاتها البكية من طريقة كلاموا و الحرقة الكبيرة لي فقلبوا ) كااين شي أم كتبغي الضرر لولادهاا ؟ أناا شنوو همي من غير تكونوا فرحاانين و مرتااحين فحيااتكم ؟
يووسف:(ضرب بيديه على فخااذو ) مرتاااح و عاال لعال شفتيني شحاال فرحاان بقالي شوية و نشطح و نغني !!
يووسف:(بقى شحال كيشوف فيهاا ) فخباارك حااجة وحدة كاانت مصبرااني عليكم كااملين و كنتسنى نهاار و ليل فوقاش تحقق و نتهنى
مريم:(حركات رااسهاا بلا )
يووسف: هي نهاار لي نسمع فيه مراتي حااملة و نجي نفرحكم .. و نقوولك اميمتي غترجعي جدة .. و ولدك غيجيه وليد صغييور من صلبوا .. غاا يتسالى كااع الصدااع بينك و بين خولة و غتعيشوا عاائلة سعيييدة .. علاش شكوون غلى من ولد لولد ..
(مسح على وجهوا و دموعوا سالوا ) و ليووم سمعت هااذ لخباار .. و ياا ريت ماا سمعتووا .. بااش موورااهاا بساعات قليلة من الجهااد .. و ما لاقيش تاا الفرصة و الوقت فين نفرح بيه و نحس بدااك الاحساس زوين ديال أي أب فهاذ الدنياا .. هووب كلشي يتبخر .. يمدوهلي ميت بين يدي ..
( جبدوا من جييوا مكمس فداك المنيدل و فتحوا بالشوية و بحذر كبير و غير طااحت عينيه عليه نزلوا دموعوا لي كاان قاابطهم ) ميت اميمتي و انا باقي ما فرحت بيه .. ميت مسكين و هو باقي ما جاا تال الدنياا .. بااقي صغييور هااكاا .. شفتي قدااش !!
مريم:(طااحوو دمووعهاا من المنظر ) الله يرحموو اولدي و يصبرك .. غيكوون طير من طيور الجنة خصك تفرح ليه
يووسف:(مسح على وجهوو و حطوو فكميمستوا فووق الطبلة ) ميت بسبااب سم لي كلاتوا و لا شرباتوا ماماه و بقى كيقطع فمساارنهاا و فذااتهاا كااملة .. سم لي درتوهلهاا و خرجتوا بلا احساس بلا ضمير .. نفس السم لي رااك قتلتيني بيه و كيطلع و يهبط فصدري .. و نفس السم لي غتقتلي بيه أي حااجة كاانت كتجمعنا شي نهاار (شهق و سكت مغمض عينيه و مكاابر على رااسوا ) بغيت نفهم غير كي قدرتي ديريهاا !!! مهى نقولوا برهووشة .. نتي رااه كبيرة و بعقلك (غوت بقهرة ) نتي رااه ميييي راااه حفييييدك حفييييدك لي قتلتووه قبل ماا يشووف النوور
مريم:(وقفاات منهاارة و دموعهاا سايلين بغزاارة و كتحرك رااسهاا بالنفي بهستيرية ) لا اولدي لا شكتقوول وااش اناا حمقة نقتل ولدك .. (ضرباات ففخااذهاا ) اويييليي على نقتل حفيييدي اوييليي وحديي وااش هبلتييي .. الله يرزيني فصحيحتي ماا عاارفة هااذشي لي كتقوول اول مرة نسمعووا .. بغييت ربي يهزني عندوو ليووم قبل غذاا يلا أناا قتلت شي حد .. اناا مااشي قتاالة اولدي .. وااش اناا ما عنديش القلب و ماا عنديش لولاد لي موجعة عليهم و حااسة بحرهم بااش نديرهاا 😭😭😭
يووسف:(تخربق و ما بقى فاهم واالوو .. شد على راسوا بالحريق ) يلا بصح ما درتي واالو علاش خرجتي من عندي هاذ النهار ؟ علاش جيتي لهناا و نتي قايلة بفمك تجلسي أيام معانا !! و علاش ختك غاادي تتااهمك غير هكااك هااا !!؟
مريم:(كتبكي بالجهد تاا كيتقطع فيها النفس ) والله ماا فخباري حااملة و لا فخبااري .. و الله ماا درتلها شي سم و لا شي حااجة .. نحلف لك بااش ماا بغيتي
يووسف:(غوت ) مررريم بااركاا من البهووت (ضرب على صدروا ) وااجهيني و ما تكذبيش فوجهي .. دااباا لي عطى الله عطااه .. أناا بغيت نفهم غير شنو درتولهاا بالضبط ؟ بغيت نعرف غير هااذ لبنت فاش أداتكم ؟ ندمت على النهاار لي رجعت فيه لهااذ المغرب و وريتكم وجهي .. أناا لي حماار و ماا نسوااش .. قسماا بالله تاا بقاتلي شعرة وحدة و غنكرهك حياتي كااملة .. عطيني غير سبب وااحد .. الله يرحم لك بيهاا الواالدين لماا هضري .. ما تقتلينيش و أناا حي .. ماا تخلينيش نكفر كثر من هااكاا .. العاافية شااعلة فياا قتلتيني اميمتي والله تاا قتلتيني .. ما همنيش ولدي .. يقدر كاان يموت بأي حااجة .. تقدر غير طيح و لا تعصب و يمشي .. و لكن بااش يمشي بسباابك نتي هي لي ماا قاادرش نستوعبهاا
مريم:(طااحت حداا رجليه و هو جاالس فووق الكرسي كيشوف فيها بقهرة كبييرة .. حطات يديها على ركاابيه كتحرك رااسهاا بهستيرية ) اناا اناا نشرحلك كلشي اناا والله ماا درت هااذشي اناا والله ماا نقدر نقتل تاا نااموسة حرااك بناادم .. (مسحات دمووعها بالجهد و قبطات وجهوو بين كفووفهاا كتبكي ) اناا ما بغيتكش تمشي و تخليني ماا قدرتش نتقبلهاا قلبي كاان غيسكت 😭😭
يووسف:(دفعلها يديها ) و هاانتي غتخسريني حياتك كاااملة
مريم: لا لا لا .. اناا جيت نبداا معااها صفحة جديدة .. حااولت نتقبلهاا .. ما غنكذبش و نقوولك بغيتها دقة وحدة .. بين ليلة و نهاار .. و لكن درت جهدي .. اناا ما سحاابنيش هااذشي مهى لي قااتلي مهى 😭
يووسف:(وسع عينيه و شدها من ذرااعهاا مزير عليها ) شنوو قااتلك !! شنوو درتوو هضريييي !!!!
مريم: هي جابت وااحد الدواء و قااتلي اااه ياا ربي 😭😭 و الله ماا فنيتي
يووسف: واا هضري
مريم: قااتلي بلي سولات عليه ففرمااسياان و عطاه لهاا .. غير معلقة منوو اتخليها تحس بحال شي مراة موحولة .. و تبداا توحم و الردة و الدووخة .. (ضربات وجهها بهستيرية ) و هااكاا غاعرف بلي راها حااملة و غتبقااو حداياا و على ما تأكدو بصح من الحمل غيكون ربي جااب التسير معااكم .. هي هي قااتلي تديروا فالزبيب حيت حلوو و نتاا مكتااكلووش
يووسف:(غمض عينيه فاش تفكرها كي كاانت كتاكلو و تلذذ و تشهااتوو هكااك بلدي و كي كتوصفوا )
مريم: اناا خليتهاا كتصوب فيه و مشيت لبست علياا .. دوااء مزاال عنديي اناا متأكدة مااشي سم رااه قرييتوو مال فيه تاا ضر 😭😭 والله ماا كنكذب عليك اولدي يلا هااذشي لي فبالي .. اناا غير بغيتكم تكونوا حدااياا .. وااش اناا نقتل حفيدي .. وااش اناا نوصل نقتلهاا تاا هي (هبطاات وجهها بظفاارهاا و كتبكي ) ماا درت واالوو و الله ماا درت شي حااجة
فنفس اللحظة تفتح لبااب من طرف أميرة لي كاان وجههاا صفر .. رفع يووسف عينيها فيه معصب يالاه غيفتح فموو يغوت عليهاا و هو يتدفع البااب و دخلات لالة سعااد و مورااهاا عبدوو و 6 دالرجال لي غير شافهم يووسف عرفهم بوليس من طياارة ...
أميرة:(وجهها صفر ) خوياا
يووسف:(حرك لها يديه ) صافي سيري أ أميرة من هناا
سعااد:(داازت فيهم و مشاات عند مريم لي عااد كتوقف و كتشووف فيهم مخلووعة .. غير وصلات عندهاا و جمعاات معاها بطرشة تاا داار وجههاا ) شفتي فين وصلتيناا الكلبة
عبدوو:(شااف فيووسف بأسف ) ما عندي ما ندير اخويا .. نتاا و تكون فبلاصتي غادي دير كثر .. سمحلي
يووسف:(شاف فيه و قلب وجهوا عااطيهم بالظهر متكي على البوطااجي و شااد على رااسوو كيسمع لغواات سعااد )
سعااد:(جراتهاا من شعرهاا ما كتقشعش و طيحااتها للارض و طلعاات فووقهاا كتضرب فيهاا و تبكي ) ياا قلال العفة ياا المجرمييين بغييتووا ترزييوني فبنتي بغييتووا تقتلووهاا الله لهلا يسهل علييكم ياا وجووه الحبس
طاارت أميرة تاا هي كتفك امها و نااضت لهاا سعاد تاا هي و شبكاات القضية بينااتهم ماا خلات فيهم بالسباان غير لي نساات .. و تاا حد ماا تدخل و لا هضر .. تاا من يووسف عااطيهم بالظهر و سااكت ماا بقاش قاادر تاا يشووف فيهم .. ما عندوش لوجه و لا الطاقة لهااذشي لي كيعيشوا هااذ النهاار .. هااذشي بزاااف عليه يتقبلوا .. مزال الصدمة و الحرقة لاعبة عليه .. ساكت و كيشوف كيفاش حياتهم تقلبات سفاها على علاها بين ليلة و نهار
عبدوو:(تدخل اخيراا فااش شااف ديكشي زاد على حدوو .. جر سعااد من كرشهاا عندوو حاكمهاا و هي كتترطى و تغوت )
سعااد: طلقنييييي طلقنييييي نقتل اصل مهم طلقنييي .. يااا بنت الكلاااب درتييهاا تحت السباااط و ماا هضرتش و خلييتك ديري ما بغيتي قلت شحال ما بقيتي غترااجعي رااسك و تتردعي (ضرباات فصدرهاا بحرقة ) بنتيي اعبااد الله بنتييي كنت كنغوت و ندوور فيهاا على وددددك و فلخر مسيفطينهاا للسبيييطااار مجبدة كتمووووت .. الله ينعل نهاااار لي دخلتكم فيه لداااري و فتحت لكم البااب بغيييت ربي يسمعني خبااركم ليووم قبل غذاا 😭😭😭 كيمااا حرقتووني و حرقتوو ديك البنية و هي بااقي ماا شاافت ماا تشوفاات فحيااتهاا بغييت ربي يحرقكم حيين .. بغييت ربي يوريني فيكم نهااار حسبي الله و نعم الوكييل فيكم حسبي الله
تنتراات منوو و تماات مااشية لهاا تاا عااود جرهاا .. أما مريم فراه غير كتبكي و مخبعة وجههاا كلهاا كترجف و بنتهاا معنقااهاا ماا فااهمة واالوو و مخلوووعة من لي وااقع و كتبكي معااهاا تاا هي
أميرة: خووياا 😭 هضر معااهم يبعدوو من ماماا
سعااد:(شاافت فيهاا و فيووسف ) يلا عندوو لوجه لي يهضر بيه .. يسمعني صووتوا .. هاا نتاا وقفتي على هضرتي (شيرات ليه كتبكي و هو ما كيشوفش فيها أصلا غير كيسمع ) نتااا هو المسؤول على هااذشي كااامل لي واااقع نتاا السبااب 😭 الله يااخذ فيكم كااملين بلحااق (مسحاات دمووعهاا بالجهد و دفعات عبدو عليهاا و وقفات حدااه بعينين حوومر ) بلحااق يلا ماا سيفطتهمش وحدة وحدة فين يترباااو رااني بنت الحراام مقققطرة .. يلا ماا رديتلكمش كل دمعة طااحت منهاا و كل قطرة د دم ضااعت منهاا و كل عذااب قاساتوا هناا فينماا تشووفووا وجهي تفلوو علييه .. ضورتوهاا بينااتكم كيماا بغييتوا داايرين الحمية .. داايرينلي عصااباات هناا .. لقيتووهاا بووحدهاا 😭😭 حسبي الله و نعم الوكيل فيكم
شاف عبدوو فالرجال و حرك راسوا جهتهاا .. و بعدها مشااو جووج عندهاا يشدووهاا .. هي لي غير شاافتهم جااتهاا السخفة و ماا بقااتش حااسة برااسهاا عينيهاا ولاو جغمة دالدم و كضرب فوجههاا و تغوووت ما حسااتش برااسها كي طيراات الفولار و كتجبد فشعرها و تغوت بغاات تحمااق و أميرة لااسقة فيهاا كتبكي تاا هي و تغوت غير ب " مااماا "
يووسف:(فتح عينيه لي كاانوا جمرة و ضار عندهم كيشوف بتأسف من المنظر و الحالة لي وصلات راسها ليهاا .. تمرميدة ما تبغيهاش لعدوك حرااك لأمك .. قلبوا حرقوا عليهاا و فنفس الوقت ماا قادرش يوقف فصفهاا حيت مزال شااك ما باغيش يتدخل عيى من الخاطر لكل وااحد ... راهم وااعيين و لي داار شي فعل يتحمل مسؤوليتوا .. صافي غسل يديه عليهن بالمعقول واخا أميرة عيات تضرب فصدرو كتبكي و تنعت ليه لمريم لي جارينهاا و هي كتغوت و تنثر
عبدوو:(قطعات ليه قلبوا بالطريقة لي كتهضر بيهاا و نحنح بجدية و نوع من الحنية عليها ) ما تخافيش غير غتمشي للتحقيق .. و يلا ما كانت داايرة واالو .. غترجع عندكم ... (شاف فيهم ) ديوهاا من هناا
أميرة:(مشات عندو قبطات فيديه كتهضر بالزربة ) هي ماا درات واالوو عاافااك طلقووهاا ماا تخليهمش يدييوهاا عاافااك 😭 على وجه ختي نواال ماا تديوهااش
عبدوو:(غمض عينيه بضيااع تاا هو .. بقى سااكت ملتاازم الصمت و هماا مخرجينهاا )
يووسف عض على فموو بالجهههد و عينيه تغرغروا .. ما باغيش يضعااف فهاذ اللحظة و لكن هاذشي بزااف عليه .. تاا حد ما يرضى يشوف واليديه فهاذ الوضع .. تا حد ما يبغيهم يتكرفسوا و يتمحنوا ..
غمض عينيه بقوة قالب وجهووا ماا قاادرش يشوف فيهاا و فنفس الوقت ما متيقش هضرتهاا .. ما بقى عاارف بمن يتيق كلهاا كيلغي بلغااه فهاذ اللحظة .. و شكون لي صحيح و شكون لي كاذب الله و علم .. قلبوا كيقولوا ما ديرهااش و مهى و أمها بااغيين غير يجروها معاهم .. يلا مشاو فيها يمشيو كااملين .. و عقلوا كيقولوا حااجات أخرى .. قرب يتسطى بالتفكير ..
داازت دقاائق خرجوهاا من الداار تاابعااهم أميرة كتبكي يطلقوهاا و سعااد كتشوف فيها مشفية و باغى لهاا ماا كثر .. كيفماا حرقووهاا ماا كرهااتش تشدهم تجمعهم كرجة و تشعل فيهم العاافية و تجلس تتفرج ..
بقى يووسف بووحدوا فالداار و معااه عبدوو بجووج بيهم سااكتين و كيتنهدوا . كلهاا و فااش كيفكر و تاا حد ما حاس بوجود الأخر .
عبدوو:(حط يديه على كتاف يووسف و زير عليه بمواساة .. حااس بيه و عاارف الجمرة لي كتكوي فقلبوا دااباا .. تجمعاات عليه من كل جهة و طريق .. ) الله يصبرك
يووسف:(ضاار عندوو كيشوف فيه بجدية ) غتمشي تهز تاا أمها ديال ديك *** (جبد ستيلوا و مشى كيقلب على ورقة كتب ليه العنواان ديالها ) هي لي غتوصلنا ليهاا متأكد بلي عااارفة بنتهاا فين و سااكتة (زير على لكول دياالوو ) جبدووهاا اعبدوو فينماا كاانت و جيبهالي قبل من تاا حد .. بغييت أناا لي نتحاااسب معااها (طلقووا )
عبدوو:( مسح على وجهووا ) يكون خير ... هي رااه الدنياا مقلووبة عليهاا و معلومااتها كااملة عندنا غتشد غتشد شحال ماا بقاات .. خصك تمشي معاهم للداار بااش يديروا لبحث دياالهم .. و يشوفوا منااش هااذشي .. على ما تفيق خولة و تعطي أقوالها ..
نزلوا بجوج لتحت لقااو طونوبيل دالبوليس ديجاا مشات و دااوهاا بقاات غير سعااد وااقفة كتسنى ولدهاا .. و أميرة لي كتبكي معنقهاا باباهاا لي عااد وصل و كيحااول يفهم شنوو وااقع .. حدووا لمح يووسف فديك الحاالة .. بداا تيتأكد من شكوكوا و يفهم هضرة أميرة و سعاد نوعا ماا .. عيط ليه بااغي يهضر معاه و يفهم منوو كثر ..
لكن اكتفى الأخير يهز ليه يدو بمعنى من بعد و ركب فطونوبيلتوا حااك الرواايض مع الأرض و مشى
نفس الشيئ لعبدو و سعااد .. هااذ الأخيرة غير ركباات و ضاارت عندو كتشوف فيه بجدية مطلقة ..
سعاد: غنقولك جوج كلمات .. بنتهم ماا تزيدش عندك تاا دقيقة و إلا عمرك تعااود تشووف وجهي فيه .. نهاار نمووت و يدفنووني ماا تجيش ترحم علياا .. سيفطهاا لداارهم ليووم قبل من غذاا .. قبل ماا ندير شي حااجة نندم عليهاا عمري كاامل .. ماا بقيت بااغياا تاا حاجة من دوك العاائلة دالمجرمين .. القتاالين
عبدوو:( تزير ) يااك اسعااد !! و هي شنوا ذنبهاا فهااذشي كاامل !! و أناا أميمتي ماا فكرتيش فياا !!
سعااد: ذنبهاا هي بنتتتتهم ... ماا بقيت بااغاا نشووف تاا حد من ديك العاائلة لا هي لاا خووهاا (سكتاات شوية و رجعات كملات بعينين مغرغرين ) ختتتتك شنوو ذنبهاا هااا شنوو داارت بااش تتعاااقب ؟؟ ختتتتك لي مليوووحة فالطبيب و حاالتهاا خطر شنوو ذنبهااا هااا !!! يلا نسيتي نتاا هااذيك لي بين الحياة و المووت شكوون و شنوو داارت على جاالك و شنوو حااسبااك بالنسبة ليهاا .. أناا ما نسيتش ماا نسييتش 😭😭 (حطاات وجههاا بين كفووفهاا كتبكي بحرقة )
عبدو: ماا نسيتش اميمتي ماا نسيتش و عمري ننسى .. هااذيك رااه ختي و بنتي و صاحبتي و بزاااف .. ماا نسيتش و لكن هاذشي لب كتقولي (تنهد و سكت و رجع قال ) على هاذ الحساب يووسف شنو غاادي ديروا معاه ؟ رااه تاا هو مرااتوو و تاا هو محرووق عليها !!
سعااد:(نزلات الشرجم و تكاات فالجنب كيضرب فيهاا الهوااء مغمضة عينيها ) هضرتي قلتهاا .. هاذي لاخيرة ليكم مع ديك العاائلة .. وااخاا تكوون وااكلة خرااه ما ترجعش ليه .. لي خلقوا خلق غيروا ما كاينش غير هو فهاذ الدنيا .. و بنتي غتبقى حدااياا و مستحيل نولي نعطيها ليه (ضربات بيديها ) صاافي سااليناا .. المرة الجااية يسيفطهاالي مكفنة .. الله يستر
عبدوو:( تنهد ) الله يصوب
سعااد: مهم هضرتي هااني قلتهاا ..و الا قسماا بالله ما أنا مكم ما نتوما ولادي .. و حسبوني ميتة .. ديك السااعة ديروا لي بغيتوا ..
عبدوو:(جرلها يديها و بااسهاا ) الله ينجيك اميمتي .. دااباا رااك معصبة .. هااذ الموضووع مااشي وقتوا دااباا .. تفيق خولة و تصح و يكوون خير .. و تاا نتاكدوا بعداا من شكون داارلها هاذشي .. ماا بغيت نظلموا حد
نااعسة فالسرير و صوت الآلات ماالي المكاان لي كاان باارد و ماا فيهش حس الحيااة .. وجههاا شااااحب و شفاايفهاا بووويض .. لابسة غير لبااس دالطبيب .. يديها عرياانين و فيهم ضراابي زووورق .. عااد ليبااري لي مغروزين فلحمهاا و الاوكسجين مخشي ففمهاا و هي ساادة عينيهاا غاايبة ..
وااقفين عليهاا جووج دالفرملياات كل وحدة من جهة كيقلبوا فيهاا و يتأكدوا من سلامتهاا و فنفس الوقت كيهضروا مع بعضياتهم بصوت خاافت
الفرملية 1 : حاالتهاا خلعاتني
الفرملية 2 : زيديني عليك اختي .. لوون ما بغااش يرجعلهاا .. وجههاا غير دالموت الله يستر
حركوا رااسهم بالايجااب عند هاذ النقطة .. و بدااو كيحااولوا يفيقووهاا و يوكدووهاا من تأثير لبنج .. وااخا هي أصلا كانت كتسمع هضرتهم كااملة و كتجيهاا تقيييلة و طويييلة .. لكن فنفس الوقت ماا قادراش تفتح عينيهاا أو تهضر و تقولهم رااني ساامعااكم ..
أما فالخاارج فرااه وااقف محمد الاب دياالهاا مور الزاج كيشوف فيها بحسرة كبيييرة و دموعوا فعينيه على الحاالة لي وصلات ليهاا و هو فدار غفلون و ماا عاارف واالوو على معانات صغيرتواا المفششة ديالوا .. لي غير يلا غوت عليهاا و لا نهض فيهاا شي حد فيهم كيديرلهم حااالة .. فماا بالك هااذشي لي سمع من عند سعااد و لي خلاه يكفر كفرة وحدة عليهم كااملين .. من يووسف تاال سعااد و لأي وااحد كاان عندوو لخباار و خلاه بحال البهل بينااتهم ..
مقاابلة معااه من الجهة لوخرى نوال لي جاالسة ياابسة فبلاصتهاا و دموعهاا هي الاخرى ساايلين بغزااارة من اللحظة لي عيطااتلهاا فيها أميرة منهاارة .. كتعااود لهاا شنوو وقع مع مريم و كترغبهاا تهضر مع عبدوو يخرجهاا بغات تحمااق و ما قدرااتش تستوعب ماماها بعيدة عليهاا .. قطعات معاهاا و هي كتهدنهاا وااخاا بدورهاا محتااجة لي يحتاضنها و يطبطب عليهاا و يقولهاا كلشي غيكون بخير ..
تاا تم دااخل يووسف لي يكفيكم تتخيلووا حاالتوا كي داايرة .. وااخاا شنو ماا قلت ماا نقدرش نوصف معانااتوو و حاالتوا المدهورة على آخر ... وقف حداا محمد حااط يديه على الجااجة كيشووف فيهاا و يدعي معااهاا فسروا تقووم بخيير و على خيير ..
ما منتاابهش لعينين محمد لي كينقز منهم الشراار و الغضب مسيطر عليه كلياا منين شاافووا .. و لنواال لي غير شاافتووا وقفاات بلهفة بااغاا تعرف شي خباار على مريم و تفهم منوو .. لكن قبل ما توصل ليه و تهضر معااه .. كاان محمد قاابلوو بنظرة كلهاا عتااب .. و بصوت جوهري قوي حااد نطق ..
محمد: تبعني لبراا داااباااا
قاال كلاموو و سبقووا .. أماا يووسف فزدح رااسوا بالجهد مع الحيط و زفر النفس بالجهد .. آخر حااجة يبغي يسمع دااباا محااضرة من عندهم و لوم و حسااب .. لكن ماا عندووا ماا يدير قلب الطريق على سعدوا و وعدوا تاابعوا .. تاا حبسااتووا نواال ..
نواال:(بعينين مدمعين ) بصح هااذشي لي سمعت !! بصح رااجلي دخل ماما للحبس و نتاا خليتيه يديهاا !! خيليتي مك بووحدهاا لا حنين لا رحيم ..
يووسف:(بعينين صغاار و حووومر ) السؤال لي خصك تسوليه هو وااش بصح ماماك داارت فياا هااذشي ؟ وااش بصح قلبها طااوعهاا ؟ (ضربلها على كتاافهاا بهدوء ) راجلك رااه ختوا نااعسة تماا .. كن كنت فبلاصتوا و نتي لي مضرورة واايليي شغنديير (حرك راسوا بسخط ) كنتمنى ما يوقعش ديكشي لي فباالي .. كنتمنى ..
نوال: ماماا ماا تقدر دير واالوو .. حراام عليكم كااملين ضرتوا ليهاا .. اكيد كااين شي خطأ .. كن غير عطيتوهاا فرصة (ضربات فصدروا كتبكي ) وااش جاالس هناا مرتااح و مك مخشية بين المجرمين و قطااع طرييق 😭
يووسف: مرتااح !! (حرك فكوا باستهزاء ) كوني هانية رااجلك راه غيتهلى فحمااتوا و ماا يحطهااش مع المجرمين .. (طبطب على حنكهاا بالشوية ) كلهاا و كيحصد لي زرع .. تاا حد ما قاالهاا تحط يديهاا مع ديك بنت خالتك .. لي حاشى واش تكون من لحمناا .. و تا دااباا رااها غير فالكوميساارية باقي ماا مشات لا لحبس لا لواالوو ..
نواال:(عنقاتوا كتبكي ) وااخا هكااك هي مااشي ديال تماا .. عاافاك دير شي حل رااني غنحمااق 😭 غير على وجه ديك تسع شهور لي هزااتك فيهاا .. وااش ما تستااهلش .. عاافاك ايووسف ..
يووسف: حرقااتني أختي حرقااتني .. ما قادرش نشوف فيها دااباا .. خلي غير تباان لوخرى و تبان الحقيقة .. و يلا بصح ما دايرة والوا .. ما غنخليها تزيد تا دقيقة .. عرفتي فااش كتكون حااط تقتك كاملة فواحد الانسان و متأكدة من معدنوا .. و فأخر لمطااف كيصدق هو أكثر واحد مأديك و مدمر لك حياتك
يووسف:(ضحك بقهرة ) و المشكل هو يلا كانت بصح بهاذ الحقد كامل عمرهاا تتراجع .. و منين تخرج غادي ترد لومة كااملة لخولة و بلي هي سبابها تا تمرمدات و دااز عليهاا لي دااز ..
نوال:(حركات راسها بالنفي ) هااذيك ماماك .. ما تقدرش .. نتاا عاارفهاا شحال ماا نغراات و هضراات و وااعدات .. كيجي تاال التطبيق و ماا تقدرش تأذي تاا حشرة .. حرااك بناادم .. ما تقوليش كاانت باغى تتهنى من خولة و ما كانتش عاارفاها حاملة .. علاه شكون ليه الاحقية وااش خولة ولا لبيبي .. رااه الذنب دالبيبي يقدر يتنسى مع الوقت .. أماا كن جات الله يستر فيها هي تاا حد ماا يسمحلهاا و عمرهاا تلقى الهناا .. هي ماا تقدرش تتكلخ تاا لهااذ الدرجة .. ماا تقدرش تهز هااذ الدنب على كتاافهاا حياتها كااملة .. ما تقدرش تأذيني و تأذيك و تدمر زوااجناا .. اصلا شمن زوااج بقى داابا منين وصلنا لهاذ لموااصل (مسحات عينيها بحرقة ) كلشي ضااع .. كلشي
يووسف:(هز يديه بقلة حيلة ) للأسف ماا بقيت عاارف واالوو .. و ماا بقيت فااهم واالوو .. غتزيدوا شوية غنهز رااسي و نهزهاا و عمركم تعااودوا تشوفوا كماارتناا و لا تعرفوا خباارناا (بعد عليهاا ) ماا تزيديش تضغطي علياا .. ما بغيتش ننفااجر فوجهك و نتي ماا عندك ذنب .. جلسي كيفناا كااملين و تفرجي شنو غيوقع .. هااذشي لي نقدر نقولك دااباا ..
خلاهاا و زااد مع الطريق كيطرطق فعنقووا .. تلاقى فنص الكولواار سعاد و عبدو مااشيين عندهاا .. داازوا حداا بعضيااتهم وااحد كيشوف فلاخور فصمت و كلهاا كمل لوجهتواا ..
خرج للجردة دالطبيب غير صغييرة و فيهاا شي كرااساا دالحديد لي بغى يرتااح و لا يتسنى شي حد .. باانليه محمد متكي على وااحد السوور قصير .. تمشى جهتووا و وقف حدااه .. هاذ الأخير لي غير حس بيه جنبوا داار و جمع معااه بكروشي تاا داار وجهووا .. حرك راسوا بسخط و هو حااس بمذاق الدم ففمو و مع ذلك ماا داار تاا رد فعل بقى سااكت و حاني رااسوو للأرض .. مزييير على يديه تاا بيااضوو ماا بااغيش يدير شي حااجة يندم عليهاا ..
لكن باهاا الغضب مسيطر عليه كلياا .. شنق عليه من الكوول دالتيشوورط مقربووا منوو و مخرج عينيه فييه ..
محمد : نهاار لول لي جيتي عندي شنو قلتيلي ؟ غتكوون ملكة فداارهاا .. غنوفرلهاا لي فتحاات عليه فمهاا .. غنحاافظ على أمانتك و غنحطهاا فعيني .. زيد شنوو أخر ؟
يووسف:(نفض ليه يديه و رفع رااسوا فيه مخنزر ) بنتلك فرحاان بهااذ الحاالة ؟ بنتلك أناا السبااب فهااذشي يااك ؟ (ضحك مغذذ ) وااش بنتلكم مصبااح السحري لي يوحل يجي عندي ؟ أناا حلال المشااكيل ؟ رااك عاارف الزوااج فيه المشااكيل و الصدااع و خصوصا فالعام لول .. لكن دقة دقة كلشي كيتحل بالصبر و التفااهم و الاحتراام و زيد و زيد .. تاا حنا دوزنا حقناا و حاولنا ما أمكن نحاافضوا على علاقتناا برغم من كااع الضروف .. بجوجنا تضريناا ماشي غير هي بوحدها ..
وااش فنظركم أناا فرحان لهاذ الوضع ؟ و لا كنت عاارف شنو غيوقع و خليتهاا توصل لهاذ الحالة ؟ (ضرب على فخااذو و حط راسوا على الصور ) أناا رااه بناادم من لحم و دم .. عندي قلب و كنحس و كنمرض و كنتحرق كنتعصب .. كنبكي .. كنبغي و كنفرح و و و .. بحاال اي بناادم .. راني مكنعلمش الغيب !! و مااشي من حديد تاا لحديد كيدوز وااحد الوقت و هووب كيفسد و كتسالى صلاحيتوا (شاف فيه بعيااء ) و الله تاا لي فياا مكفييني دااباا .. تقدروا تعتاابروني ماا كااينش و ما كتشوفونيش وااخاا غير لأسبوع ؟ أسبووع غير نعرف فيه راسي من رجلي !!
محمد:(عطاه بالظهر ) لو كنتي قد المسؤولية غتقدر توفق بين عائلتك و بين مرااتك و تعطي لكل وااحد حقوا .. ماا كنتيش غتوصل لهااذ الموااصل ..
يووسف: نتاا رااك ما عارف واااالوو
محمد: عاارف حااجة وحدة .. نهاار لول شرطت عليك نهار بنتي ترجع عندي و تشكيلي بيك و دمعتها على خذها غيكون نهاار لخر بينااتكم ..
يووسف:(تنهد و غمض عينيه و نطق بحرقة ) تا دابا منين تفيق يلا طلباات الفرااق .. غنخليها على راحتها .. ما غنزيدش نعذبها و نضيعها معايا كثر .. لي طلباتوا بنتك و ارتااحت فيه أنا معااهاا فيه .. و يلا بغات تبقى معااياا غنمووت معااهاا .. بزز على أي وااحد كيفماا كان يكون .. القراار لول و لخر لبنتك و نتمنى تحط رااسك بلاصتي .. فاش كتكون القضية بين مك و مرتك رااه ماا عندك ماا دير .. جربت الحلول كاملين لي بانولي و تا حاجة ما نفعات .. شغندير كثر ؟
ماا جاوبوش خلاه بلاكة و مشى بحاالوو .. و يووسف مووراه وااقف كيشووف بفرااغ ... تاا باان ليه وااحد الدري صغير كيبيع لكااروا و شير ليه جاا عندو .. خذاا من عندوا بريكاا و بااكية ... و شعلووا كيسف فيه و يزيد يحرق فدموا ..
عمرواا حطوا ففموا و لا كمااه تاال هاذ النهاار .. بغى غير شي حااجة تريحوو و ينسى بيهاا كااع لي وااقع .. متمني لو يكون هااذشي كلوا كاابوس و تاا حاجة ما وقعات .. متمني لو ماا رجعوش من سفرتهم نهاائياا .. و مزال عايشين السعادة بين دوك الجبال و هاذي مجرد غيمة مرات فوق راسهم و مشات
أماا فالدااخل فغير لمحات سعااد .. نوال كحلات بالعمى .. شاافت فعبدو بنص عين .. هااذ الأخير لي توجه عندهاا جاارهاا من ذرااعهاا للخاارج .. تاا وصلوا لوااحد الجهة خااوية و تنتراات منوو عينيها مغرغرين
نوال: كيفااش قدرتي دير فياا هااذشي .. ختي ذبحااتني فااش قاتلي بيديك مشيتي و خرجتي ماما مدلولة قداام كلشي .. رااه ماما هااذيك كيفماا كانت تكوون 😭 ما قدرتيش دير تاا بوجهي
عبدوو:(عصبااتوو و غوت بحدة ) و هي داارت بوجهك ؟ داارت بوجهي أناا ؟ داارت بوجه ولدهاا ؟ عرفتهاا مك .. و لكن نتي يمكن لي ماا عارفااش بلي ديك الانساانة لي تماا رااهاا ماشي غير ختي .. رااهاا بنتي و اكثر وحدة كتفهمني لي ما يدوزلهااش النعاس يلا ما كنتش فالدار و بخير و لي قلبها ديما معااياا و فينما احتااجيتها كنلقاها فجنبي .. لي كتحيد من لحمهاا على ودي و تعطيني المهم غير نكون أنا بخير .. فخبارك هاذيك اكثر وحدة قلبهاا بيييض و ماا تقدرش تأذي و لا تناافق شي وااحد .. و فخباارك مين تفيق و تعرف هاذشي كاامل وااقع على ودها غتنسى رااسهاا و تسبقنا حناا عليهاا و غتساامح بكل بسااطة وااخاا هي لي جاات فيهاا ..
نوال:(غير كتبكي على كلاموا و على حالتهاا و على امها تا هي كيفماا كان الحال كتبقى مهاا و ما تقدرش تكرههاا )
عبدوو: و لكن مستحييل نخلي حقهاا يضيع يلا سمحاات هي أناا ما غنسمحش و لي داار الذنب يستااهل لعقووبة وااخاا تكون تاا مك .. هاانا فين قلتهاالك .. ماا تجيش تلوميني من بعد حيت غتشووفي وجهك فالمرااياا ..
ماا حدي عاايش عمري نخلي شي حااجة تقيسهاا .. و غنجيبلهاا حقهاا بسنااني .. أناا لي غاالط ماا درتش هااذشي من زماان .. لكن تاا دابا باقي الحاال .. ختي انفديهاا بدمي و رووحي و تستااهل كثثثر و كثثر ..
و دااباا غنقوولك حااجة وحدة ابنت النااس عجبااتك هااذ الهضرة و بغيتي تكملي معااياا غتضربي على شي حااجة سميتها الناظور و تنسااي عائلتك على الاقل حدا دارناا و عمرك تجبديهم .. و عمرهم يوصلوني .. تبارك الله ما عجبكش .. الحل لي بانلك أنا معااك ..
ضرب فيهاا مخليهاا مصدوومة حااطة يديهاا على فمهاا و الدمووع مغرغرين فعينيهاا .. فحين هو خرج جهة الجردة بان ليه يووسف و مشى عندوا .. خذا تاا هو كااروا و شعلوا كيبرد فيه الناار لي شااعلة فيه .. كلهاا و همووا و بجووجهم سااهيين و ضاايرة بيهم غماامة من الضبااب ديال الكااروا ..
أكبر عقبة كيدوزوا منهاا لي كوبل بجوج بيهم خااصة خولة و يووسف .. هااذ الاخير لي أكثر وااحد وااكل فيهم الدق و صااابر .. كتحسيه وااقف على رجليه بمعجزة ..
مدة طوييلة و هماا فحاالة صمت تااامة .. كلهاا كيفكر فهموا .. تاا نطق يووسف بثقاالة كيسووط الدخاان من فمووا و يهضر
يووسف: شنوو درتوا مع مريم ؟
عبدوو:(تنهد و سااط هو الأخر ) مشيناا جبناا تاا ختهاا و بجووجهم دااباا فالتحقيق .. ماا بغيتش نتدخل أناا .. من الأحسن ليناا كااملين نبقى بعيد ..
يووسف:(ضحك باستهزاء ) باانلك بقى شي احتراام لي غادي دير بيه ؟ كلشي تخربق .. كلشي تشبك مع بعضوا .. ما بقات رجعة من الأصل
عبدوو: للأسف .. ما غنلومكش نتاا و ما غنلومش ختك حيت بعااد على هااذشي و لكن كنتمنى من الله ماماك ما يكون عندها دخل .. و إلا ساعتها أنا براسي يدي غيكونوا مربطين (تنهد ) تا علاقتي مع ختك فديم الحالة من سابع مستحيلات تكمل ..
يووسف: عاارف .. حاجة وحدة غنقولك .. ما ديرش شي حاجة تندم عليها من بعد .. فالوقت لي ماا تتفعك نداامة
عبدوو: كنفكر لمصلحتهاا كثر من رااسي .. فنظرك جدة و الواليدة و خواتاتي يعرفوا ماماهاا دمراتي داارت فختهم و بنتهم هااذشي و بسبابها وصلا للموت .. غيسكتوا لمراتي ؟ رااه يدوزوا عليهاا المراار و الدكاااكة و ماا يكون فيدي ما ندير .. بحااالك تمااماا .. ايوا ؟ يرجع يتعااود الفيلم من لول و جديد ؟ حناا فووقاش غنرتااحوا على هااذ الحسااب ؟
يووسف: نتاا بالذااث ما تهضرش على الرااحة
عبدوو : الحل ديال هااذشي كاامل فيد ديك *** .. نهاار تقبط و تتحااكم و يباان كلشي .. سااعتهاا كل وااحد غيكمل حياتوا على حساب شنوو وقع .. لا نتاا لا خولة .. لا أنا و نوال (كز على سناانوو معععصب ) برهوووشة دالخلى ملعبااناا على صبااعهاا و خاارجة على جووج عاائلات ببروودة .. ااخخخ فووقااش تشد .. رووحهاا نطلعهاا (حرك راسوا مغزف ) غير تجي بين يدي
يووسف:(حرك راسوا بالنفي ) شنو غنقولهاا و هي غاارقة فدمهاا و ما مسوقااش لرااسهاا كتفكر غير فولدهاا ؟ بشمن وجه غنقوولهاا فقدتييه !! ماا قدرتش نوفي بوعدي .. ماا قدرتش ننقذوا ؟
عبدوو:(ضرب على ضهروا ) قضاء و قدر ماا عندك ذنب .. درتي لي عليك و الله عندوا حكمتوا من أي حاجة كتوقع معانا .. المهم دااباا هو تولي بخير و كلشي يتعوض
يووسف: ما عندي ذنب ؟ فنظرك كن ماا فتحتلهم دااري و دخلتهم كاان غيوقع هااذشي كاامل ؟ أكييد لا .. كلشي مني .. هي ماا بغااتهمش و طلبااتني و اناا شنو درت ؟ غوت عليهاا على ودهم .. كلشي مني كووولشييي .. وااليديك عندهم الحق .. أناا السبااب .. أناا
عبدوو: شنوو عرفك نتاا ؟ رااهم عاائلتك اصااحبي شي حااجة عااادية تستقبلهم .. وااخاا تكونوا مقااطعيين كااع و جااو لباابك ماا غتقدرش تجري عليهم .. اووووووف وجهكم مااشي دهااذشي .. قسماا بالله ما دهااذشي (زير على كتاافوو ) زيد دابا قدامي من الهضرة لخااوية .. نتاا اكثر وااحد محتاجة ليه خولة دااباا فهااذ الفترة ..
يووسف: يلا ما كرهاتني من الأصل !! (شد على رااسووا كيشووف لبعييد و هماا ساااكتيين شي ربع سااعة هكااك عااد هضر ) سير عند الدكتور ابراهيم *** اتطمن على حاالتهاا .. شوية و نجي
عبدوو: اووك .. خااطرك ( داار يمشي بحاالوو تاا سمعوا عيط عليه و وقف كيشوف فيه بتساؤل )
يووسف: يلا فاقت تا وااحد ماا يجبدلها الموضوع .. بغيت أنا لي نقولهاا لهاا (بتأكيد ) تاا وااحد
حرك رااسو بوااخاا و مشى يسول فالاستقباال على بيروه فين جااي .. مخلي يووسف جاابد تصويرتهاا مبتااسمة من قلبهاا و غماازاتهاا وااضحيين مزينين وجههاا .. مع عينين كيبريو بلمعة خاااصة كتحكي بزااااف .. ضحيكتهاا ردااتوو بعقلوا لزمااان .. نهاار سولهاا على أمنيتهاا فهااذ الدنياا .. غمض عينيه كيتفكر اللحظة و كلامها كيتعااود بين وذنيه ..
كنتمنى ما يبقاوش الحروب و التعاسة .. تكون الحياة كلها فرح و سعادة .. كل وااحد فبنا يبغي لخير لغيرو لحال نفسوا .. نعيشوا فسلم و امان
فتح عينيه كيشووف فتصويرتهاا و يقول فنفسوا كيفاش لوااحد يقدر يكره هااذ السيدة لهاذ الدرجة و هي همهاا كلووا تضحك مع هذا و هذاا .. تخلي البسمة مرسومة على شفااه اي وااحد دااز فنهاارهاا .. تكوون ايجابية و لي يشووفهاا و يهضر معاهاا يحس بوااحد الطااقة و وااحد الايجاابية كبييييرة ..
و نهاار توصل بيهاا للعظم تسد عليهاا و تكتاافي بمواساة راسهاا براسها .. يلا ما سعدااتكش ماا تكونش سبب فحزنك .. بقى غير كيشووف و ما مستوعبش هااذ الكمية دالحقد الغير طبيعية لو فقدهاا و مااتت بسباابهم عمروا يساامح رااسوا أو يساامحهم ..
نفس اللحظة تكررات مرة أخرى .. لكن الفرق داابا هو فديك الوقت كاان هو لي خطر و دابا هي .. ابتااسم فعز حزنوا و هو كيتفكر كلامها ..
~فاش سمعتك تضربتي حسيت بروحي تسحبات منؤ .. خفت خفففففت بزااف نخسرك و نبقى حياتي كاملة كنتعذب مع قلبي لي ايتحرب و مع عذاب الضمير .. كنت أنموت موراك
و لا كل جزء فيا كينادي باسمك .. و قلبي كيخفق غير ليك (تنهدات كأنها هازة جبل فوق ظهرها ) كنبغيييك ايووسف كنبغيييك .. ما نقدرش نتخيل حياتي بلا بيك .. عليك حليت عيني و عليك باغا نفتحهم عمري كاامل تا يدي مول الامانة أمانتوا .. و كنتمنى نكون قبل منك حيت ما نقدرش ما نقدرش نصبر (حركات راسها بلا و هبطوا دموعهاا بلا ما تحس ) احساس خايب بزاااف بزاااف .. تكون بلاصتك بااااردة .. احسااس كيوجع و يقتل بالشوية
يووسف:(فتح عينيه كيشوف فالتصويرة و يدوز عليها صبعوا بالشوية ) عندك الحق احسااس خااايب بزااااف اخووخة احساااس كيذبح فيك شوية بشوية و كيتلذذ بعذاابك ..
صونااليه التيليفوون شااف شكوون و تنهد .. آخر حااجة ممكن يفكر فيهاا فظل كااع هااذ المشااكيل .. تاا كاان غيطفيه و رجع جااوب بالفرنسي ( غنكتب نيشان بلا ما نترجم )
يووسف: وي أكييد باقي عند وعدي .. دااكووغ سيفطلي فالجيماايل لكونطراا نقرااهاا و نسني عليهاا و نسيفطلك .. اووك غنتسنى لبيي دالطياارة .. لجووج دالنااس .. رااه المعلومات كااملين عندك .. غير هو ماشي داباا .. عندي شي مشاغيل .. من هناا لجوج سيمانات هكااك ان شاء الله غنكون معاك .. تمااام .. شكراا بزااف ا جااك ..
قطع معااه و خشااه فجيبواا و داار جهة المستشفى دااخل عندهم يشووف الجديد .. وااخا ديجا صاحبوا علموا بلي هااذ 48 ساعة حد ما يقدر يدخل عندهاا و لكن على الأقل يشوفهاا فااتحة عينيها و رااجعة فيهاا الرووح .. هذاا الربح و ما فيه ..
يالاه غيبرك على لاسانسور بااش ينزل عندوو .. تفتح و خرج منوو عبدوو طفجاان و تاالف .. غير باان ليه و جروا من ذرااعوو معااه بالزربة كيهضر ..
عبدوو: مهى تشداات .. فك رااسك اصااحبي دغياا
💫💫 فالكوميسارية 💫💫
فوااحد من البيرويات جاالس كل من عبدو و يووسف هااذ الاخير لي غير كيفيبري برجليه فلخر وقف و دفع الكرسي لوور بالجهد تاا تقلب .. حااط يديه على نصووا و مااشي جااي كيغزز فشفاايفوو ما بقااش قاادر يصبر
يووسف: عيط شووفهم فين وصلوا خلااص
عبدوو: غير جلس بااقي على الأقل وااحد الساعتين و لا ثلاثة عااد يوصلوا رااك عاارف المسافة من طنجة لهناا
يووسف:(ضرب فالبيرو ) فاااك
عبدوو:(كز على سنانوا ) بنت لحراام كن ما تشدااتش فالكار فالدخلة دطنجة عمرهاا تتشد ..
عبدوو: بزاااف .. تاا أمهاا فرعات لهم رااسهم لتحت بالغوات تخرج
يووسف: هي معاامن جاات !!! كن جات علياا يتجمعوا كاملين فبيت وااحد و يااكلوا قتلة دالكلاب تاا يطيبوا و ديك سااع غينطقوا بزز منهم
عبدوو: كن هااني .. كنتسنااوهاا غير هي و غيتهلاو فيهم
يووسف:(غمزوا ) تبغي تلعب ههه
عبدوو:(حرك راسوا بمعنى شنو )
🚩🚩 بعد مدة
متكي يووسف على لبيرو مربع يديه كيشوف فعبدوو لي مدخل خالتووا معااه للمكتب و داار سد عليهم بثلاثة ..
يووسف:(بضحكة جانبية ) مسااء الخير !!
ماماها دمهى :(مشات عندوو مغزفة قبطاات فالكوول كتجروا منو ) قولي نتاا لي موور هااذشي كاامل .. بسباابك أناا هناا .. ماا قدكش ديكشي لي درتي .. مجرجرني تاال الكوميسااريات على آخر أياامي
يووسف:(شااف فيديهاا لي شاانقة عليه و هز يديه تال السمى و نزل عليهاا تاا طاحت الارض حاطة يديهاا على حنكهاا و كتشووف فيه مصدوومة و هو مخرج فيها عينيه و هااز سباابتوا بتهديد ) اااااخر مرة تولي تحطي يدييك المووسخين عليااا كتسمعي ؟ و لحد دااباا بااقي ماا درت واالوو .. بااقي مال شفتي واالوو
عبدوو:(عض على فموو ما باغيش يتدخل )
ماماها دمهى :( عينيها تغرغروا و ما رضااتش ) كضرب خاالتك !! نسيتي شحاال ربيت و كبرت فيك .. دااباا صافي تقاادو لكتااف وليتي تهز يديك علياا
يووسف: لي وحلات ليه يجي يقولي هااذ جوج كلماات .. كن غير ربيتي بنتك بعدا أما أنا قاادر براسي و حد ماا كاان معاياا فياامي لمكفسة و حد ما عاونني تا وقفت على رجلي و رجعت يووسف لي قدامك .. تا دااباا بلا ماا ت*** علياا .. مي و ماا غنرحمهااش حرااك نتي
عبدوو: من لخر و بلا دوران التهمة لاسقة فيكم و عندناا الدليل صوتاا و صورة ..
يووسف:(شاف فيها بحدة ) حمدي الله لي باقي دااير بوااحد الشوية د الدم لي جاامعناا .. ماا بغيتش فهااذ العمر تمرمردوا فالحباسات وااخا تستااهلوا القتيلة
عبدوو:( بجدية ) عندناا التسجيلات لي تدينك حيت ببسااطة عااونتيهاا و درتي يديك معااهاا .. و غضربي سنييين فالحبس المخير لي بغيتي
يووسف: و هي مصورة عندي منين داارت السم ليها فالمااكلة تاال منين خرجاات يعني ماا عندهاا فين تهرب و نزيدك راها تشداات .. هاا السبت و الاحد .. الاثنين غاادي دووز عند وكيل الملك ..
عبدوو: من هااذشي كاامل نتي و ختك لي غتمشيو فالرجلين و ما تقدروش تصبروا تماا تاا نهاار .. هااذشي رااني عاايش فيه و عاارف شنو كنقول .. دااباا عندك فرصة وحدة تنقدي راسك و تخففي العقوبة عليك .. يلا اعتاارفتي و تعااونتي معااناا
ماماها دمهى :(ناضت كتبكي )
عبدوو:(شاف فساعتوا ) ما عنديش الوقت ليك .. غتعتاارفي و تبدلي أقوالك ماا حدوا باقي الحال .. و لا اتحملي مسؤوليتك و شحال ما تحااكمتي غتنفديه و حد ما يقدر يعاونك
ماماها دمهى :(مسحات دموعها و تنفسات ) وااخا أنا نقول لي عاارفة
يووسف:(غمز لعبدوو لي ضحك ليه بلا حس و خرج عيط لوااحد الظابط كيهضر معااه و هو شاف فيهاا ) فعوط ما ترديلها عقلها نتي زدتيلها فيه .. عجبك داباا فين وصلتوا !!
ماماها دمهى : كلشي من مك هي السبااب فهاذشي كاامل .. هي لي وصلاتناا لهناا .. لو ماا طمعاتهاش بيك النهاار لول و خلاتهاا كتحلم ليل و نهاار بيك .. و فوقاش تجمعوا .. ما كناش غنوصلوا لهناا .. كلكم زدتوا فحياتكم لقداام من غير بنتي لي خرجتولي عليهاا .. نتاا و مرااتك و مك كلكم السبااب .. مرضتووهاا فصحتهاا و فعقلهاا الله يااخذ فيكم الحق ..
تفتح البااب قبل ماا يجااوبهاا هو لي كاان كيشوف فيهاا بكره و حقققد و صدمة من كلامهاا .. ما كذبش فاش قاال هااذ النااس وااخا شنو ماا دير معااهم عمرهم يتردعوا و عمرهم يفكروا بلي رااهم هماا لي غاالطين .. ديماا غيبقااو يشوفوا راسهم بريئين و كلشي ضدهم ..
يووسف:( تمتم و هو كيشوف فعبدوو و الرجال لي معاه لي غيعااودوا يااخذوا أقوالها و يبدلوا فالمحضر ) ضحااياا مسااكن !!
خرجوا يووسف محيث ممنوع يحضر معاهم و بقااو هماا كيستجوبوهاا و هي كتهضر و كتعااود لهم لي عاارفة فالأخير سناات على أقواالهاا و خرجوهاا مرجعينهاا للتحت ..
عبدوو:(تنهد و خرج عندوو )
يووسف: شنو قالت ؟
عبدوو: ماا نطقات بحتى حاجة على بنتها .. فبالهاا عندناا تسجيلات دهضرتهم من بعد ما هربات و بديكشي باش اعتاارفات بلي عاوناتها بااش هربات و كانت فحالة خاايبة ما قدرااتش تسولها شنو وااقع .. و شي تخربيق أخر ..
يووسف:(غمض عينيه بالجهد و رجع فتحهم ) ما جبدااتش لوخرى
عبدوو:(فهموا شكون قصد ) لا .. حاالتهاا متدهورة بزااف منين جاات و هي منهاارة .. يلا بغيتي نخليهم يجيبوها تشوفها
يووسف: لا
عبدوو:( تنهد ) تفرجت فالتسجيل فااش هضروا معاها و استجوبوها .. و من هضرتها و حالتهاا نبصم لك عليها ما كتكذبش .. دوزت سنيين فهاذشي و حفضت بناادم غير من الشوفة .. مستحيل نغلط فيها .. غيكونوا لعبوا عليها لا غير .. ما تقسحش قلبك بزااف كتبقى ماماك .. شوفها و هضر معاها طمنها شوية
يووسف: شكون كذب عليك ؟ ما بقاات عندي عاائلة !! مقطووع من شجرة أ خويا و هانا هااني فمخي (بقى شحال ساكت و رفع عينيه فيه بحدة ) خليهاا تتربى و تفكر فشنو داارت
عبدوو: الله يهديك هذا ما نقوول ( تفكر ) حقا منين جاتك فكرة دالكاميرات ؟
يووسف:(حك فراسوا ) ديجاا كان وقع وااحد لبلان معاها نيت و تشدات فبيتي و جمعتهم عندي و فضحتهاا .. يعني أمها ما غتشكش بلي غير مطلعينها عليها بالفن
عبدوو: كن غير كاانوا بصح غادي نختااسروا على رااسنا بزاااف دالطريق و حريق الراس و العصاب
يووسف: عندي فالمكتب لا غير .. ما جاتنيش لباالي نهاائياا نركبهم فالداار كاملة .. تاا ختك يلا شافتهم غتقول غير كنتجسس عليها و ما تايقش فيهاا
عبدوو: اوووف
داازوا سااعات عااد وصلا الطونوبيل لي جاايبين فيهاا مهى .. داازت من حدا عبدوو لي كيشوف فيهاا بحقد و كراهية و شااد فيووسف لي بااغي يطير عليهاا يقتلهاا بيديه ..
مهى:(ابتااسمات بطريقة مستفزة ) حرقتك و نتاا حي و مزاال لخير لقداام هههه
فهااذ اللحظة بالذاث حس كااع دااك الأعصااب لي جمع هااذ النهاار و كان كيحااول يسيطر على رااسوا وصلوا للحد ديالهم و نفااجروا .. ماابقاش قادر يضبطهم .. دمووا كيغلييي غلياااااان و هو كيشووفهاا كضحك بشمااتة علييهم .. حااسباهم كلوون حدااهاا .. فرحاانة بإنجاازهاا ..
دفع عبدوو بالجهد لي عطاه الله تاا لسق مع الحيط و مشى ليهاا و جرهاا من شعرهاا بقسوة تاا بعدهاا عليهم و حكمهاا ما عندهااش فين تفنفن .. غوتاات غوتة وحدة و هو لاسق عليهاا كتحس بانفاسووا كتحرق كتضرب فيهاا و شعرهاا غيتقطع من بلاصتوو شادة فيديه و مبعدة رااسهاا و كتنين و تشووف فيهم يفكووها لكن عبدوو حبسهم مخلي كلشي كيتفرج .. بااغيهاا فيهاا و هو برااسوو غير يساالي غيدوز يكمل عليهاا و ماا تبردلوش الحرقة لي شااعلة فقلبووا ..
يووسف:(غوت بالجهههد و جمع معاهاا ببوونية نيشاان لفمهاا تاا دااز بالدم و طااحت تحت لرجليه و عااود طلعهاا عندوو من شعرهاا )
~ أناا لي غنحرق الق** دمك يااا بنت الكلااااب ااش يحساااب لدييلمك غتقتلي ولديي و تهربي !! ماا نلقااكش و نشرب من دمك هااااااه !!!!
( رجع عطااهاا بكلااك لوجههاا تاا قلبهاا ) مدخل لفففعة لداااري !! جاااية تلعبييناا على صباااعك هااا طااالبة الصلح و السلاام و نتي نيتك هي هاااذيي
دخل فيهاا برااسوو تاا طااحت للارض وجههاا كلوو كيشرشر بالدم و بداا عليهاا بالركل كيضرب فيهاا من نيتوو بحال يلا مقااتل مع رااجل .. ماا بقااش كيقشع بين عينيه غير خولة و حاالتهاا و ولدوا لي شكلوا كيقطع فالقلب و يخليك بلا هوااك تبكي وااخاا تكوون من حجر و ماا كتحسش .. غير تشووفوا غتنهااار على الآخر ... حمد الله مياات مرة منين جاات غير فيه هو أماا كن شافتوا خولة غتمشي فيهاا نيشاان و عمرهاا تقدر تنسى هااذشي لي وقع ..
يووسف:(تحنى عندهاا على ركاابيه و لواا معاها بالتسرفيق وحدة تاابعة لووخرى تاا بدات تجيهاا الدووخة و عينيهاا يتشدوو .. حبس و شدهاا من فكهاا خااشي فيه صبااعو حاسااه غيتقبوو )
~ بربي تاا ندمك على النهاار لي تولدتي فيه .. بربي تاا نخليك تمناااي لمووت و ماا تلقاايهااش .. بربي تاا نخرج منك كل نقطة د دم ضااعت منهاا .. كل دمعة و كل وجعة قطعاات فيهاا .. غنننننندمك قسمااا بالله تاا ندمممممك
لتخلهاا رااسهاا مع الحيط مراات متتاابعة تاا حسهم جرووه من لوور مبعدينوا عليهاا لا يمشي يقتلهاا و هو كيتهز و يتحط باغي يرجعلها .. مزاال ماا شفى غلييلووا تااا ربع فييهاا .. مزااال ماا حساات تااا بالثلث ديااال ديكشي لي داااز علييهم بسباابهاا ..
جروهاا و هي رجعاات كلهاا مجرتلة و دماايااتهاا غير كتسيل دغدغهاا نييت .. ياالاه غيدخلووهاا للمكتب فين أيستجوبوهاا و هو يغووت بالجههد تاا داار كلشي كيشووف فيه
~ يلا كاانت مك ما عرفااتش تربيك أناا لي غنريي ديييلمك الكلبة .. غيير تسنااي و شووفي شنوو غيوقع فييك .. الشااطر هو لي يضحك فلللخر
دخلووهاا بحاالهاا كيرشوا عليهاا المااء تفيق و توكد .. فحيين عبدوو رااه بقى مع يووسف كيقنعوا يمشي بحاالووا و أي حااجة طرات غيعلموا بيهاا .. شحفووا بالهضرة عااد قبل يخرج من تماا .. شد طااكسي نييشاان للداار ..
لقااهاا كلهاا مقلووبة سفااها على علااهاا و بااقي شي وحديين من الشرطة العلمية تماا عااد كيجمعوا حواايجهم و ماطريالهم يمشييو بحاالهم .. دااز فيهم بلا ما يهضر ما عندووش الجهد بااقي .. طلع نييشاان لبيتهم و تماا وقف مبلووكي و عيينييه مفيكسيين فبلاصة وحدة ..
ماا شاافش جهة النااموسية ما بااغيش يمرض رااسوو كثر لكن لي صدموو و ما نتاابهش ليه نهاائياا من قبل .. هو شكل البيت .. لي مقااد بوااحد الحب كبيير كتحس بلمسة خولة الخااصة واضحة فديكووغااسيون خصووصاا فالطبلة .. شااف لاطارط و ديك الأشكاال لي معلقين على شكل حويجاات للبيبي عااطيين منظر و لا أروع .. تمشى بالشوية لتماا كأنوا غادي على الجمر ...
تا وصل و تحنى هز دااك السبيبط لي جااه صغيييور فيدييه .. دوز عليه صبعووا بتأني و بحناان كبيير كأنوا كيقيس فرجيله دولدوا .. مااشي مجرد سبااط .. تبسم تبسييمة كلهاا ألم و انكسااار .. تبسيمة مخبي مورااهاا مشاااعر كثيييرة حسهاا فهااذ اللحظة .. كأنوا كلماا كيحااول ينسى كيجي شي موقف و كيرد ليه كااع الذكرياات الأليمة .. لكن هااذشي كاامل ماا يجي وااالوو فااش شااف السيدي و دااروا فالتلفاازة كيتفرج فالتسجيل دالايكوو كي كيتحرك الجنين بالشوية و بااين فكريشتهاا صغيييور بزااااف .. ياالااه بداا يقوول بسم الله فهاذ الحيااة .. غمض عينيه بحرقة و هو كيسمع صووت دقاات قلبووا و كيعييش مع خولة اللحظة من أول و جدييد تمنى لو تاا هو فرح بصوتهم قبل غير تماما على دااباا كل دقة كيسمعهاا كتخلي قلبوا يتهز من بلاصتوا باحسااس رهيييب
وقف بالزربة و أول ديكوور باان ليه سيفطوو على التلفاازة تاا تهرساات و سكت الصووت لكن فوذنييه بااقي كيتعااود مراات عديييدة .
مشى لمااريوو كيجبد الفاالييز و يجمع الحواايج تماا مكمشهم بااغيي غيير يخرج بحاالوو تاا كمل هاز كااع لي غيحتااج ماا خلى واالوو .. داار نظرة أخييرة على لبيت و زدح لبااب موورااه بالجهد و نزل. لقى السهااات و السكاات لتحت عرفهم مشااو بحاللهم
شااف فكل شبر و موضع بتأنيي كيدووز من هناا لهناا .. و هو كيتخيل خولة كتضحك و تجري و هو تاابعهاا مبتااسم معااهاا .. و هي مخشية فييه و متكية على كتاافووا حااطة فيه كل ثقتهاا .. و هي كتدلع فيه و كتعتاارف بحبهاا ليه فكل لحظة سنحات ليها .. ما هي مااشي من نووع لي كتقدر تخبي لهضرة فقلبهاا أو تقمع احاسيسهاا .. لي فقلبها على لساانهاا .. و هااذي أكثر حاجة كيبغيها فيها ..
داازوا بين عينيه كااع لحظااتهم و ذكريااتهم الزويينة .. و اخييراا فتح لبااب و ابتااسم ابتساامة غرييبة كأنووا كيودع لمكاان و آخر مرة يرجع لييه .. و هووب سدو و تم ناازل و فنفس الوقت خياال من الذكريات كيدووز حدااه و كيتعااود السينااريوو فااش جااو أول مرة لبيتهم .. داازت بين عينيه أول خطوة خطااتهاا .. ملامحهاا لي كيدلوا على الاعجااب .. كلمااتهاا ليه و لي بااقيين محفورين فقلبوا قبل من عقلوا ..
عرفتييوا فااش كتجيكم الرغبة أنكم تهزوا رااسكم و تمشييو لبعييد .. لبلاصة تاا حد ماا يعرفكم فيها تسمحووا فكلشي و عمركم تدوروا موورااكم .. هااذي حاالتووا دااباا وصل لمرحلة لا ترااجع و قطع وعد فنفسوا بلي غيهز رااسوا و عمروا يرجع يضرب الضربة فهاذ المغرب .. لكن حااجة وحدة لي مربطة ليه يديه هي خولة .. كيتسناهاا غير تفيق و تولي بخيير .. و يدير هاذ الخطوة .. اااخخ من خولة حااسهاا هي لوحيييدة لي بقاات ليه .. هي لوحييدة لي كيتيق فيهاا حاالياا و عارفها ما غاديش تخذلوا .. ماا عرفش كيداار تاا وصل لعندهاا و هضر مع صااحبووا بإلحااح كبيييير يخلييه يدخل لعندهاا .. و هاا هو جالس حدااهاا هااز يديهاا لي باااردة و عروقة زوورق مطرااسيين فيهاا و بااينيين .. خشااهاا بين يدييه مدفيهاا و تحناا بااسهاا لهاا قبل متفرقة .. كيشووف فحاالتها و وجههاا الشااحب و هضر بصوت خااافت
~ توحشتك .. توحشت صووتك .. توحشت هباالك و نغييرك .. توحشت عصبيتك ..توحشتك كااملة اخووختي .. حبقلبك توحشك .. فيقي خلاص من الفشووش .. عاارفك بااغى غير تحسي بقيمتك عندي .. غير فيقي و غنعوضك على كلشي .. غنبعدوا على هاذ الناس كااملين .. نبقى غير أناا ويااك نفديلك كااع لي دوزتيه و نسيك فكل حاجة خايبة
فلحظة سكت من كلاموو فااش حسها زيراات على يدييه
لن أقع إلا في حب طفلة .. تلك الناضجة بقلب طفلة .. التي تحب الخير للغير .. العاقلة التي تقدر التضحيات .. التي تسير على خطى قلبها .. التي تهتم بالفكر أكثر من مساحيق التجميل ..
فلحظة سكت من كلاموو فااش حسها زيراات على يدييه .. فتح عينيه على الأخر و هو كيشوفها كتحرك صبااعها بالشوية و مكمشة حجبانها بألم كتستااعد أنهاا تفييق ..
بعد معاانات طوييلة .. أخيراا شي حااجة قدرات دخل لفرحة لقلبوا و تبهجوا و لو غير شوية .. تخليه متلهف فووقااش تفتح عينيهاا و يلمح زمردهاا الصاافي لي كلماا كيشوف فيه كيحس بلي الدنياا بخيير و كلشي غيكون مزياان ..
مزيرة على عينيها بالجهههد و كتفتحهم بالشوية و هو هاازلهاا يدييهاا كيقبل فيهاا بحب و فنفس الوقت كيحااول يشوف شي فرملية تعيط للطبيب بلا ماا يطلق منها ..
بااغي يكوون أول وااحد تفتح عينيها عليه فاش تفيق .. باغي يقوولهاا هضرة كثيييرة .. بااغيهاا فووقااش ترجع ليه و يحس بحضوورهاا .. يحس بلي رااهاا بااقي عاايشة .. ماا تبقااش بااردة لهااذ الدرجة كأنهاا قطعة من جليد .. ماا تبقااش شااحبة و وجههاا عياان .. ماا بغااش يشووف جسمهاا لي منقط ببلايص حووومر و لي شرح ليه الطبيب أنهم بسبب تأثير السم .. و غيكونوا عندوا مضااعفات أخرين .. و غدووز عليها هاذ الفترة لولة قااسحة بزااف لا نفسيا لا جسمانيا .. و بلي خصهم يحمدوا الله لي تنقداات و كاانت و لا زالت متشبثة بالحيااة و كتقااوم بكل قوتهاا .. و إلا كاانت جنازتهاا تقاامت و دابا كيترحموا عليهاا .. غير هاذ الهضرة و يتخيلهاا مدفوونة تحت الترااب و هي بااقى فهااذ لاج .. كيخليه يحقد على كلشي ..
تاا مريم لي فوقما يحن قلبوا و يقول نمشي نشوفها و نكلف محامي يداافع عليها .. بااش ما تمشيش بين الرجلين .. كتجي صورة خولة بين عينيه و كيترااجع .. محملهاا جزء كبيير من المسؤولية .. حيث فنظروا لو ماا جابتهااش معاها و لو ما حرجاتوش بديك الطريقة و هي عاارفة المشااكيل لي بينااتهم .. تاا حاجة من هااذشي ماا غتوقع و عمروا كاان يخلي مهى تدخل بينااتهم و تدير لي داارت ..
نفظ عقلوا من هااذ الافكاار و حول نظروا لخولة لي فتحاات عينيهاا تحتهم كلووا زرررق و داااخليين صغااار .. كتشووف فيه بواااحد النظرة قطعاااتلييه فقلبووا .. نظرة كتترجاااه بييهاا .. كتستعطفوا ماا يقوولهااش شي حااجة خاايبة على كبدتهاا لي بااقي ياالاه فرحاات بيهاا سااعاات محسووبة على رأس الأصاابع .. بااقي ماا شااركهاا فرحتها بيه .. بااقي ماا دوزاات فترة الوحم دياالهاا كيفما تخيلاتهاا .. بااقي ماا تفششاات عليه و خلاتوا بلا نعااس يجيبلهاا لي تشهااتهاا .. بااقي ماا حساات بيه كيتحرك و كيتجااوب معااهاا .. باااقي و باااقي بزااااف دالمتمنياات و المخططاات رسمااتهم مع طفلهاا .. بااقي ماا حققاات تاا حااجة منهم ..
عينيهاا كيلمعووا بنظرة عمروا شاافهاا فعينيهاا نظرة ملخصة بزااااف بالنسبة ليهاا .. خصووصاا أنهاا ما قادراش تهضر أو تتحرك .. ياالااه قدراات تفتح عينيهاا و تحرك يديهاا شوية .. أماا بااقي جسمهاا تقيييل عليهاا و حااسة بتعب رهييب بحاال يلا وااكلة سلخة دالعصاا .. خصووصاا من كرشهاا للتحت ..
الشيئ لي زااد رعبهاا و زرع الخووف فقلبهاا .. هزات يديهاا بصعووبة محيدة الأوكسجين بااش تهضر و رجعاات رخااتهاا بتعععب .. حاطاهاا على نصهاا فوق رحمهاا بشوية .. عينيهاا كيدوروا على ملامح وجهووا بلهفة بااغى تااخذ جواب على أسئلتها لكثييرة لي كدور فباالها حالياا .. بللات حلقها و فتحات فمهاا بزز نطقات بصوت خاافت و تعباااان بسييف كيتسمع
خولة: و ول احح ولدي
💫💫 نوال 💫💫
بعد ماا خلاهاا عبدو فالطبيب .. جلسات فبلاصتهاا ياابسة و عينيهاا خاارجيين بصدمة تاا حسات بالدمووع كيقطروا على حجرهاا .. وقفاات بانكساار فااش شافت الناس كيوشوشوا عليها .. تمشات بالشوية و كتمسح فعينيها .. ما قدرااش تستوعب هااذ كمية المصائب لي طااحوو فووق رااسهم من بعد ماا كانوا هاانيين فحيااتهم و عاايشين السعاادة ..
داوها رجليها جهة الانعااش بقلب محطم كلياا و بخيبة أمل كبيرة جاراها معاها .. بانتلها سعااد و تمشاات عندهاا .. بغات تعنقها و تبكي و تشكي عليهاا .. لما لا و هي من ديما كتعاملها بحال بنتها او كثر .. تقدر تنهر فخولة و نوال لا حيت كيفما بقى الحال هاذيك بنتها و متقبلاها كيماا هي أما بنت الناس ما عندها تا حق عليها .. و ماشي كلشي كينسى ..
فنواال ما شافت غير لوجه الزوين دسعاد و عمرهم احتكوا أو تنااقشوا فشي حااجة كلهاا وااخذة تقاارها و الاحترام التام بينااتهم .. هااذ الأخيرة لي غير شاافتهاا قلباات وجههاا بطرييقة مفرووشة .. كأنها كتقولهاا شنوو مزاال كديري هناا !! بعدو مناا و عطيوناا شبر دالتيقاار !!
حركتها ضراتها بزااف و فالبلاصة تمات راجعة باللور بالزربة كترجف حتى بعداات عليهاا و شدااتهاا جرية وحدة تاا خرجاات بحالهاا .. لقاات الطااكسيات فالبااب ركبات فوااحد و عطاتوا العنوان .. و هاا هي وااقفة مقاابلة مع باب داار وااليديها .. الداار لي دوزاات فيها ذكرياات كثيييرة .. منهاا الزويينة و منهاا الخاايبة .. الداار لي خرجاات منهاا و حنتهاا كتلمع فيديهاا .. دااباا رااجعالهاا و دمعتهاا هي لي كتلمع فعينيهاا راافضة أنهاا تنزل من عسلها المنكسر ..
دقاات فالباب و تسناات شوية و تفتح من طرف أميرة لي هبطاات وجههاا بالضرب و النديب مخلية علامات واضحين فحناكها .. منين مشااو و هي كتبكي غتحمااق .. بين عينيهاا غير ديك اللحظة لي خرجوا مريم فيهاا و كي وقفاات و شيراتلهاا بحال يلا كتودعهاا و عمرهاا ترجع تشووفهاا .. غير هااذ اللقطة لي كتعااود بين عينيهاا خلاتهاا تهبل و قلبهاا يتزير لوااحد الدرجة رهيييبة ..
حدها شاافت ختهاا و شهقات برجفة كأنها أخيرا لقات الصدر الحنوون لي يطبطب عليهاا .. طاارت عليهاا معنقااها بقوة كبيييييرة .. نفس الشيئ لنوال .. دخلاتهاا من البااب و هي خااشيااها فيهاا و عينيهم كيقطروا بالدمووع .. وحدة كتبكي على أمهاا .. خااصة سنهاا الصغير و تعلقها بيها ما خلاهاش تتقبل الوضع .. و وحدة على أمها و على زواجهاا و حياتهاا لي كتشووفهم كيتهدموا قبالت عينيهاا و ما قاادرة دير وااالوو ..
نوال:(مسحات لهاا دموعهاا و شدااتلهاا وجههاا بين يديهاا مركزة فعيينيهاا ) أمييرة صااافي باااركة .. ماا ديريش هااكاا .. غااذي ندييك تشووفيهاا .. هي ماا بيهاا واالوو داباا غير كيهضروا معاها لا غير ..
اميرة:(كتشهق ) هما هما 😥😭😭
نوال: شششش و الله ماا بيهاا شي حااجة .. كتيقي بياا يااك ( هزهزات راسها بأه ) إذن مسحي دمووعك و أناا غذاا أندييك تشووفيهاا
أميرة: و وااخاا
نوال: الله يرضي عليك ( دورات عينيهاا فالدار ) فين هو بابا ؟
أميرة : قالي ايمشي يقلب على يووسف يهضر معااه حيت كيعيط عليه ما كيجااوبوش ( جمعات فمهاا بأسى ) تانا كيقطع علياا .. هو خلاهم يديوها و ما داار والوو .. عييت نبكي عليه و نغوت يجيبلي ماماا و ماا بغااش 😣
بابا مشى يشوفهاا فالكوميساارية ما خلاوهش قاالوليه ممنووع (شافت فيها بترجي ) غتهضري مع عبدو يخليني نشوفها يااك 🥺
نوال:(تنهدات بحرقة فااش ذكراتولها ) وااخا احبيبتي .. داابا طااح الظلام خلي تاال غذاا .. و لكن بشرط ما تبقاايش تبكي و غتااكلي كااع لي غنحط لك و مبااشرة تخشااي فبلاصتك ترتااحي .. بااش غذاا ماما ما تقلقش منك منين تشوفك هااكاا ؟
أميرة:(مسحات دموعها بالزربة و حركات راسها بالايجااب ) وااخا
~ السلام المهم بلا ما تشوش عليا راني جيت لدارنا منقدرش نخلي أميرة و بابا بوحدهم فهاذ الحالة
تسناات شوية باانلهاا قرا المسج و ماا جاوبهااش .. تاا هي حطااتووا و نااضت للكوزينة تشوف شنو تخربق لأميرة .. متبقااش بجووعهاا من الصبااح تاال ليل ..
💫💫 عبدوو 💫💫
أما عند عبدوو فرااه ياالاه خرج من الكوميساارية .. وجهوو حمممر و معععصب غيطرررطق .. عضلاتووا مزييييرة لوااحد الدرجة كبيييرة .. هااز المنديل كيمسح بيه يدييه من الدم بالنترة عااايف ..
حااس بدمووا كيغليي عمروا تعصب تاال هااذ الدرجة .. لكن كلام مهى بااقي كيتعااود فوذنييه .. استفزااتووا فالاستجوااب لوااحد الدرجة دالقتييلة
لو ما خاافش من الله أولا و على منصبوا .. عاائلتوا و مستقبلوا ثانيا .. كاان يجبد يتيري فيهاا و يهني الشعب منهاا .. زير على يديه كيتفكر شنوو قاالت فأقواالهاا
مهى:(ضحكاات و مسحات فمهاا من دم )
~ هههههههههه ماات ؟ ايواا الله يرحموو مسكين .. درت فيه خير كبيير قبل ماا يجي لهااذ الدنياا و يلقى عندوو واالدين بحاال هااذووك .. ماا كرهتش كن مااتووا بجووج و هنااوناا من سمهم ولاد الكلاب
ضربهاا تاا تقلباات من فووق الكرسي و شدووه هو صحاابوو كيغغغوت بااغي يقتلها و هي كتشووف فيه و تضحك
~ ضرك خااطرك على ختك ؟ هااذيك أكبر بنت قحبة عرفااتها البشرية و تستااهل كااع لي طااري فيهاا .. لا هي و لا رااجلهاا (حركاات فمهاا بألم ) يسحاابلهاا غندوزلهاا الضرب لي ضرباااتني و الهضرة لي سمعااتني و لا دااك نص روييجل دياالهاا لي جاالس كيتهز و يتحط علياا قداام كلشي و خاارج لياا على حيااتي ( داارت يديهاا بين كفووفهاا كتبكي ) بسباابهم حيااتي تدمراات ... خرجووا علياا .. كلهم يستااهلووا القتييلة من جدي .. ليه هو .. لمرااتوو .. لموو .. و لبااباا .. كيفماا عذبووني (ضحكاات ) نتااقمت منهم و مزاال غيتشوى قلبهم كيفماا شواااوني
فيقوا من سهوتوا صوت التيليفون لي وصل ليه مسج .. جبدوا لقااه من عند نواال قرااه و رجعوا لجيبوا .. عقلوا مااشي معاها حاالياا ..
مهى: ااه كنعتاارف بلي حااولت نقتلهاا هي و ولدهاا و مريم *** هي لي عاوناتني فالجريمة .. تاا هي متهمة بحاالي بحاالهاا ( شافت فيه بحقد ) كيفماا حرق قلب مااماا غنحرق قلبوا على مووا .. يسحاابلك نمشي فيهاا بووحدي تء تء تء غنجرهم كاامليين معااياا (ضربات يد مع يد ) أناا حيااتي ضاااعت و ماا غنمشي تاا نخربهاا عليكم تا نتوما .. تاا من ديك مرااتك لي حيااتهاا كااملة وااقفة ضدي و مبعدااني على خووهاا .. كن ما تدخلاتش كن رااني مزوجة بيه و عاايشين هاانيين .. تاا هي تخلص على أفعاالهاا .. غندمكم كاامليين
هناا نفض يديه منهم و طاار عليهاا بالضرب ما كيقشعش قدااموو نهااائياا .. زااد كمل عليهاا لي خلاه يووسف و حمد الله لي مشى بحاالوو أماا يسمع هضرتهاا يقتلهاا فبلاصتهاا ..
💫💫 خولة 💫💫
عينيهاا كيدوروا على ملامحووا بلهفة كبيرة .. كتتسنااه بفاارغ الصبر ينطق بشي كلمة تبردهاا .. بااغى غير قلبهاا يتطمن على فلذة كبدهاا .. لكن هو كاان كيتهرب من عينيهاا ماا بااغيهااش تعرف دااباا على الاقل حتى صح شوية و جسمهاا يقدر يتحمل الصدمة ..
منين فقداات الأمل فيه يهضر فتحاات شفاايفهاا لي كلهم بوويض و ياابسيين .. بللات حلقهاا شوية و نطقاات بصووت عياان على الأخر بزز كيتسمع
خولة: و ول احح ولدي
تسنااتوا يطمنهاا بكلاموا الرزيين كعاادتووا .. لكن ما فتحش فموا ما نطق بحتى كلمة .. كاان كيشووف فيها بحاال يلا جااياا من شي عاالم أخر ... نظرة غرييبة مميزة بلمعة خطييرة خلاتهاا تشك فرااسهاا و تحرك حجباانهاا بمعنى " شنوو ؟ ماالك ؟ "
حساات بيديه دااافية تحطاات فووق حنكهاا و اليد الثاانية ردااتلهاا الاوكسجيين و بصوت غاالبة عليه اللهفة نطق
يووسف: ما تجهديش رااسك رتااحي احبيبتي ( تحنى و باسلها رااسهاا ) الحمد لله على سلامتك ( خولة ابتااسمات ليه كتشووف فيه بترقب ) أنعيط لطبيب يشووفك و يطمنناا عليك و نجي صاافي
خرج بالزربة كيقلب على الفرملياات لي مخليهم متبعين حاالتهاا يمشييو يعلمووه بلي رااه فااقت و أخييراا .. تاا لقااهم و سيفطهم عند الطبيب يعيطوا ليه و هو تم رااجع عندهاا بلهفة .. تلاقى بسعااد و محمد .. وقف عليهم و هماا قاالبين وجههم عليه و نطق بصوت غاالبة عليه الفرحة
يووسف: خولة فااقت .. خولة رجعاات ليناا
داازوا من حدااهم الفرملياات و الطبيب دااخلين عندهاا بالزربة يشخصوا حالتها و يشووفهاا و هماا براا وااقفيبن كيتسنااو على أحر من الجمر .. و سعااد معنقة محمد و مخشية فيه كلهاا كتشهق و تبكي و بين فمهاا جووج كلمات كيترددوا
سعاد: الحمممممد لله الحمممممد لله ... ياااا رب
خرج الطبيب و طمنهم على حاالتهاا .. لكن ضروري و مؤكد تزيد 24 ساعة أخرى فالعنااية عااد ينقلوهاا لغرفة عادية و منع عليهم الزياارة نهاائياا تاا من يووسف مشى حيد لبااس دالطبيب و جلس حدااهم كيتسنى .. من جهة ارتااح أنها فاقت و من جهة ثاانية قلبوا كيتقطع من دااباا على حاالاها فااش تعرف شنوو وقع ..
قراار طبيب جاا فصاالحوا .. لأنوا حاالياا ما عندووش العبارات لي يبردوا عليها و يواسيوها .. ما عندوش الكلمات لي يبررولها شنو وقع .. ماا عندووش الطاقة لي يصبرها بيهاا و يقولهاا بلي كلشي غيدووز .. و بلي الحيااة بحال لبحر مرة كااالم و مرة كتهييج دقة وحدة .. و بلي كلمااا قسات عليهم و اشتدات غيجي وااحد النهاار و غيتحلوا كااع الكرب لي كيمروا منهم و يرجعوا غير تعااويد .. و بلي الله ماا كينسااش عبدوا نهاائياا .. مجرد اختباار بسيط كيمروا منوا ..
على ذكر الله .. حس برااسوا مقصر ليوم من جهتوا بشكل كبيير .. تنهد و وقف مخليهم متبعينوا في صمت عقل كيقولهم يستااهل و هو لي وصل بنتنا لهاذشي و أخر كيقولهم عذروه هو بدوروا مجرد ضحية و رااه متحمل فووق طاقتوا لهييه..
مشى للحماام توضى و رجع دااز حدااهم مرة اخرى .. مااشي لوااحد الغرفة صغيرة داايرينهاا للصلاة تماا نيت كبر و بداا كيقيمهاا و كيجود الأياات بصوتوا الراااائع لي كيجيب التبووريشة .. خذاا وقتوا الكاافي فالصلاة و دعى الله يفااجيها عليهم و استغفروا بزااااف لعلها تكون ساعة استجابة .. ماا حاسش نهاائيا بشحاال من ساعة قضاها فهاذ الغرفة الصغيرة متضرع رحمته و عفوه سبحانه و تعالى ..
خرج عندهم لقااهم بااقي جاالسين فبلاصتهم لكن الفرق عبدوو معااهم حاالياا هااذ الأخير لي بااين على ملامحووا العيااء التاام .. نحنح و هو كيشوف فيهم و نطق بهدووء
يووسف: كنظن ما كاين لاش نبقااو كااملين هناا .. سيرو ارتاحوا لكم و نعسوا .. غذا ان شاء الله ايكونوا نقلوها لغرفة عاادية و تشوفوها ديك السااعة .. دااباا غير غتعدبوا رااسكم
سعاد: لا مستحيل نخلي بنتي هنا و نمشي .. رااحتي من رااحتهاا
محمد :( اكتفى يحرك رااسوا مؤيدها فهضرتها )
شاف عبدوو فيووسف و غمزوا بمعنى اجي معايا دقيقة .. و بالفعل وقف و خرج من تماا و لاخور تاابعوا بالشوية تاا بعدوا عليهم و وقفوا حداا وااحد الشرجم كبير كيضرب فيهم الهوااء سااكتين
عبدوو: اعتاارفات بكااع لي داارت
يووسف:(كينصنت ليه باصغاء كبييير ) أ هااه !!!
عبدوو:(عااودلوا كااع لي قاالت بالحرف و هو مزير على يدييه و معصصصصب لعباات عليهم و استفزتهم لدرجة الغليااان .. خواا كااع الحصيصة لييه و عااد داار شااف فيه هو لي ما كانش قل منوو بتااتا بلعكس أعصاابوا محرووقة كثثر و كثثثر ) غتخليهاا تحرق قلبك على ماماك ؟ غتخليها دخل للحبس بلا ذنب .. من غير أنها كاانت كتبغيهاا و تايقة فيهاا ثقة عميااء !!
يووسف:(حط يديه فجياابوا كيسمع ليه ووكيشووف لبعييد و هوااء خفييف كيضرب فيهم )
عبدوو: غنقولك حاجة وحدة .. هو يلا مشيتي تا فرطتي فيها غتندم أشد ندم .. مسألة وقت و كلشي يتصلح .. لكن نهاار يعلموك راها ماتت فالحبس و قلبها مقهوور عليك و نتاا مخليهاا و ماا عطيتيها تاا فرصة .. غتكمل ما تبقى من حيااتك نااادم و كااره رااسك
(ضرب على كتاافوا ) يلا على غير تربى و دير الرااس رااه هاذ التمرميدة دهااذ النهاار و 3 ايام الجااياا غادي ديرلها العقل و تندم على كااع لي داارت .. بصرااحة تستااهل و لكن من جهة أخرى بقاات فياا يكفي هااذشي لي حااساه دااباا .. و يكفي بناادم لي غيصدمها فيه و عااد غتشوف حقيقتوا كي داايرة و كيفاش ديك السيدة لي كاانت غتسطى عليهاا و دايراها بحال بنتها .. رااهاا كتحفرلها فين طيح و كارهها كره أعمى لدرجة لايحاها للعاافية بيديهاا و بكل بروودة ..
يووسف: يكون خير
عبدوو: دابا الأحد جااي فيديك .. الاثنين غيدوزوا عند وكيل الملك و من بعد انشوفوا شنو يوقع
يووسف:(حرك رااسوا بالايجااب سااكت )
💫💫 بعد مروور 24 ساعة 💫💫
أخيرا خرجوا خولة من العنااية لغرفة عاادية و سمحولهم بالزياارة .. دخلوا عندهاا كلهم .. محمد .. سعاد .. عبدو و أخيراا يووسف لي بقى مبعد شوية متكي على الحيط كيشووف فيهم متلميين عليهاا و معنقينهاا كل وااحد كيبوس من جيه و فرحاانين برجوعهاا .. و هي عينيهاا كيدوروا غير عليه .. تاا شافتوا و جمعاات فمهاا بحال الدراري الصغاار و عينيها دمعوا
خولة: ما بغيتيش تشوفني 🥺
فتحاات ليه يديهاا بشوق كتسناه يجي عندهاا من بعد ما بعدو عائلتهاا و عطااوه الطريق منين يدوز .. هو لي مجرد ماا وصل عندهاا نسااهم كااملين و هزها كلهاا عندوو مكمشهاا فحضنووا كيشم فريحتهاا و كيهمسلها بصوت هاادئ
يووسف: كنت كنحسب الدقاائق و الثوااني فووقااش تفيقي و نتي كتسوليني وااش ما باغيش نشوفك ؟ كن كناا بوحدناا نوريك قدااش توحشتك ( بااسها فالنبض لي فعنقهاا تا تهزات كااملة و تزنننكاات كدور عينيها و تقرصوا عاد بعد ) ابريهيشتي
خولة:(شافت فيه و ابتااسمات و هزات يديه حطاتهاا على كريشتهاا و شاافت فيه ) ما غنبقااش بريهشتك بووحدي غيجي لي يزااحمني هههه ( هزات رااسها فيهم كااملين ) أنشرفكم و نجيبلكم لي يعطلكم جدوو و جدة و خاالوو ههه
باانوولهاا ملامحهم فثانية تقلبوو من فرح لحزن كبيير تاا من يووسف شااف فيهاا بنظرة عاارفاهاا مزياان شنوو كتعني و فووقااش كيديرهاا و بحال يلا بداات تفهم نوعاا ماا و حركات رااسهاا بالنفي
خولة:(ضرباات على صدرو بقوة ضعييفة ) هضضضر .. ماا تبقااش ساااكت ... ما تخلعنيش عاافااك
يووسف:(شدلهاا وجههاا بين كفوفوا ) وااخاا تهدني و سمعيني
خولة:(حركات عينيها بواخا بلا ماا تزيحهم على دياالوو )
يووسف: ممكن تخليوناا بجووج
الكل حرك رااسوا بالايجااب و خرجوا مخليينهم الرااس فالرااس .. بقاات متبعااهم تاا تسد لبااب و رجعات ركزاات فيه بعيون مترجية ..
يووسف:( تنهد بقوة و قبط فيديها مزييير عليهاا ) هااذ اليومااين داازت أكفس يوماين فحيااتنا كااملين .. حمد لله لي فقتي لناا نتي بسلامة و أي حاجة أخرى غاادي تتعوض ان شاء الله ..
خولة:( حركات رااسها بالنفي و الدموع نزلوا لها بلا ما تحس )
يووسف: درناا لي فجهدناا .. لكن ما اكتاابش ليه أنوا يتزااد احبيبتي .. ربي غيعوضنا خير ان شاء الله .. المهم نتي تكوني بخير و البااقي كلوا ماا كيهمش
خولة:(نترات يديهاا منوو و حطااتهاا على كرشهاا كتبكيي بقهرة ) نتااا كذاااب .. ماا تكذبش عليااا 😭😭 عاافااك (شدااتو من الكوول بيدين مرخيين ) هااذشي مااشي دالضحك .. أنا انا قاتلي الطبيبة هو بخيير و فأحسن حاالااتوو .. هو كاان كيتحرك و يتنفس مزيااان .. أناا بنفسي سمعت قلبووا قويي و كيضرب بالجهههد .. ماا يمكنش يمشي و يخليني غير هكااك 😭 هو متشبث بالحيااة كثر منيي .. ماا يمكنش يمووت غير هكااك ايووسف ماا يمكنش 😭😭😭
مسحاات دمووعهاا و نتراات السيروو تاا طوشات يديها بالدم و حيداات الغطااء بااغاا تنووض .. تاا حساات بيووسف مزير عليهاا تجلس .. بداات كتغوت و تنثر ليه من يدييه ماا قدراش تتحرك
~ خليييينييي و طلاااااق طللللللق منيييي 😭😭
يووسف:(زير عليهاا و خشااهاا فصدرو و هي كتبكي و دفع فيه بطااقة جد ضعييفة بااقي عيااانة مسااالية ) عاافاك اخولة تهدني
خولة: ماا تقوولييش تهدنييي .. خرجنيي من هنااا .. هااذ الطبيييب ماا كيفهم وااالوو و غيير كيخربق .. ولدييي ماا غيمووتش غير هكااك ايووسف و الله ماا 😭😭
سكتاات فااش تفتح لبااب و دخلات سعااد دمووعهاا مغرقيين وجههاا .. غير شاافتهاا خولة و هضراات بترجي
خولة: ماما قووليه يطلقني قبل ماا نخسر ولدي قوولييه يخليني نمشي من هناا 😭 أناا غنعتقووا اااه غنعتقوا .. هااذوو غير كزاارة هناا .. أناا لي عااارفة ولدي بخيير ( شافت فيه بانكسار ) عاافاك خليني .. يلا ما تيقتيتيش سول غير طبيبة عندمن دوزت تقوولك (شداات فلحيتوو ) ياا الله ندييك عندهاا و تسمع على ودنييك
سعااد:(شداات فيديهاا بقوة ) بنتي لله ما أعطى و لله ما أخذ .. الله يااخذ الحق فمن كاان حيلة و سبااب .. غيااخذوا حساابهم .. غير نتي وقفي على رجليك و ما ديريش هااكاا (مسحات لها على شعرها ) صاافي ابنتي
سعاد: خليهاا تعرف فدقة حسن ماا نقتوولها شوية بالشوية .. خليهاا تعرف بلي كااينين نااس كاارهينهاا لدرجة يعطيوها السم بااغيين يقتلووها هي و ولدهاا و يتهنااو
خولة:( شافت فيها و ضحكاات ببلاهة ) هههههه كضحكي معااياا يااك ؟ (شاافت فيووسف لي سااكت و بااين من ملامحوا ما كيضحكووش و تقلبات الضحكة لبكية كتقطع فالقلب ) قوولي ما كااين واالوو من هااذشي 😭
يووسف: لا رد
خولة:(غوتاات بحر جهدهاا و تهزاات من بلاصتهاا داافعة ليه يديه ) واااا هضضضضضرووو
فهااذ اللحظة دخل تاا محمد و عبدوو كيجريوو .. نيشاان مع هضرة سعاد
سعااد: شنو ايقولك ؟ بلي بنت خاالتو داارتلك السم فالمااكلة بااغيا تقتلك .. و بحاال واالو موو تاا هي مشااركة معاهاا !!!
خولة:(بقاات غير كتشووف فيهم ببروودة و دمووعهاا كيقطروو بالجهههد .. قبل ماا تنطق بصووت كلووا مقهوور ) علاش اناا شنوو درت لهم فااش أديتهم ؟ شنوو صرفت فيهم خاايب بااش يكرهووني ؟ ( شافت فيه كتمسح فدموعهاا و هماا غير ما كيهبطووا ) يااك درت جهدي معااهم .. شنوو ذنبي ؟ شنوو ذنب ولدي ؟
شهقاات بالجهههد و حطاات يدييهاا على وجههاا حاانية رااسهاا كتبكي من قلبهاا خلاتهم كااملين يبكييو معااهاا و قلبهم يتقطع عليها .. بقاات مدة هكااك كتبكي و تضرب فصدرهاا بالجههههد تاا حساات بيد تحطاات عليهاا رفعاات عينيهاا لي رجعووا جمممرة و عرووقهم غيطرطقوا بالحموورية .. شاافت نييشاان فيد يووسف و دفااعتهاا بكااع قوتهاا .. هاازة سباابتهاا فوجهووا كترججف
~ مااا تقيسنييش 😭 ماا تحطش يديك علياا .. كلشي مننننك .. (ضرباات فكرشهاا بالجهد ) رجعليييي ولدييي .. ولدييي لي باااقييي تاا مااا فررحححت بيييه .. بااااقيي بااااقيي كنااا غنديييروو بزااااف أناا ويااااه .. ردليي ولديي لي خدااوه (شنقاات عليه من الكوول كتديه و تجيبووا و تبكي ) قلتهااالك و لا لا .. رغببببتك رغبببتك ماا تدخلهوومش لداااري 😭 قتلللك نيتهاا خااايبة قتلك منااافقة و نتاا جيتي من صفهم و خليتيهم ضد فياا 😭 ( طلقاات منوو و بداات تضرب فرااسهاا ) حراااام عليييكم (شاافت فسعااد ) و مااامااا بغييييت ولدييي اماااماا 😭😭 طريف صغيييور منييي أناا ... وااا مااامااا طااوعهم قلبهم يقتلوو ملاااك صغييير 😭😭 حرااام عليييهم ماا أذااهم فواالوو هو باااقي صغييور بزاااف بااش يكرهووه ياالااه بداا يكبر و يديير بلااصتوو .. قتلووه قبل تاا ماا نفرح بيه امااماا 😭😭
ماا بقااتش عااقلة على رااسهاا نهاائياا شنوو كديير و كلهم شاادينهاا من غيروا و هي كضرب فرااسهاا و تتهز و تحط كااملة .. تاا شااف يووسف الدم ناازل بين فخااذهاا .. و دفعهم مشى عندهاا و بزز منهاا عنقهاا مزييير علييهاا و هي كضررررب فيه و تبكيي
خولة: عمريييي نسممممحلكم عمرييي 😭😭
يووسف:(غوت بالجهد ) عيطوو لطبييييب شكتسناااااو
خرج عبدوو بالجرى جااابوو كيطييير و دخل عندهاا هو و الطااقم دياالوو كاامليين .. و خرجووهم بالزربة سااديين لبااب فوجهم ..
سعااد كتبكي على بنتهاا .. محمد محرووق عليهاا و كيسكت فمرااتوو .. عبدوو غااذي جااي فالكوولواار غيكلاطي .. أما يووسف شاادينووا الأعصااب د الدنياا و الدين .. مشى مبااشرة لسعااد مخرج عينيه فيهاا
سعاد: ما غتخافش على بنتي كثر مني .. كلناا مرضنا معاها و تعصبنا مااشي غير نتاا .. اللهم تبكي و تتفقص دقة وحدة و تنوض تجمع رااسهاا و لا حناا نبقاو كل مرة صادمينها بحاجة .. عمرها تنوض من داك الفراش ياك ؟
يووسف: هاكاا ماشي غتبرا و تنوض هاكا غتصفيهالها دقة وحدة .. ما قتلكش كذبي عليهاا و لا ديري شي حاجة ما كايناش على الأقل خليهاا غير تولي شوية غييير شوية و أناا نهضر معاها و نقولها لها .. بطريقتي مااشي ب (تنهد و سكت ) دابا لي عطااه الله عطااه بلا ما نحرقوا أعصاب بعضياتنا كثر .. الله يهديك
خلاهاا و ضرب الضوورة وااقف حداا لبااب كيتسنى بفاارغ الصبر لا هو لا عبدوو لي كل سااعة كيصووني ليه تيليفون و يقطع .. تاا تفتح لبااب و خرج ابراهيم مخنزر
~ زربانين تقتلوها و تديروها تحت ترااب لا ؟ المريضة يا الله خرجات من المووت .. باقي جسمها ما قادر يتحمل وااالوو ( شاف فيووسف ) هضرت معاك زعماا و شرحتلك خطورة حالتها .. رااه رااشية لدرجة تسووط عليها الطييح .. يلا بقيتوا هاكا غنمنع عليها الزيارة نهاائيا تا تحسن حالتها شوية على الأقل
يووسف: ابراهيم
ابراهيم :(شاف فيه و تنهد ) السيدة جاها انهياار عصبي دااباا راهاا ضربنالها مهدئ عاد تهدناات شوية .. تاا النزيف حبس و لكن ماشي فصاالحهاا نهائيا تزيد تخسر الدم .. حااولوا على بنتكم الشرفة .. الله يجييب الشفااء (شاف فيووسف ) تبعني نهضر معاك نتاا
يووسف: وااخاا
خلاوهم و مشااو بجووج للمكتب يزيد يجبد ليه وذنيه على حالتهاا .. فحين هماا تنهدوا حد ما هضر مع الأخر .. دخلوا لقااوهاا بزز فااتحة عينيهاا كتشوف فالسقف و الدمووع نازلين لها من الجنااب و وجههاا على حاالتوو ..
وااقفة عليهاا وحدة من الفرملياات كتقااد شغاالهاا .. تاا كملات و تمشى عبدوو جلس حدااها و هز يديهاا عندوو كيشووف فيها بحزن و أسى .. تحنى بااسلهاا رااسهاا و بقى شحاال حااط شفاايفوا على جبهتها كيهضر بصوت خاافت
~ حبيبتي .. صغييورة ديالي .. الحميمقة و الحنينة و العريفة دخوها .. كنقسم لك بربي لي عاالي و عاالم .. طوول ماا عمري عاايش ما بقيت نخلي تا شي حاجة خايبة تقيسك .. سمحيلي بزااف حيت ما كنتش معااك .. نسمعك و نصحك و نوقف فجنبك بحال ديماا .. سمحيلي بزاااف .. غنااخذ لك حق احبيبتي غير وقفي على رجليك و رجعي خولة القوية لي ما يهزها ريح .. خولة لي مكتسمحش فحقها و تجيبوا بسنانها .. نتي مااشي ضعييفة .. نووضي و كاافحي على حقك .. و كوني أكيد خووك وااقف مورااك و مسخن كتافك و عمروا يخلييك
سمعات كل كلمة قالها لكن ما قدرااتش تجاوبوا .. كاانت مرخية و زاادت ترخاات نهاائياا بداك المهدئ بزز حركات صبعانها و زيرات على يديه كجواب على كلاموو .. تا هو هزهالها و بااسهاا و رجع حطهاا و خرج .. مااشي مبااشرة للمحكمة لانوا ليووم غيتعرضوا و خصوا ضروري يحضر و يعرف شنو غيوقع .. تلاقى مع يووسف فالبااب شاافوا فبعضيااتهم بأسى هو دخل عندها و لاخور خرج لوجهتوا ..
جلس حداها بهدووء كيشوف فيها و بنبرة تعباانة نطق
يووسف: عندك الصح فكل كلمة .. عاارف شنو ما قلت ما غنواسيكش .. حااس بيك .. تانا فاش عرفت دزت من نفس الحالة و يقدر كثر كاع .. على الأقل نتي لقيتي لوقت لي تفرحي بيه .. على الاقل نتي عائلتك دايرة بيك و وااقفين فجنبك .. و خسرتي من جهة وحدة لا غير .. ( تبسم لها بانكسار ) عارف هاذ الكلمة ما عندها ما تزيدك ما عندها ما تنقصك .. و لكن سمحيلي على كااع لي وقع .. سمحيلي حيت أنا السبااب فكااع هااذشي .. كلكم عندكم الحق (تحنى و باسلها راسها ) سمحيييليي
خولة:(بصوت هاادئ و بزز كيتسمع ) هديتك ضيعتها ايووسف .. مشى من يدي و ما بقيتش غنلقااه .. مشى 😭💔
حركات راسها بتساؤل و دموعها غير كينزلوا بلا انقطااع .. هز يديه و مسحهم لها و جبد لها شفايفها على شكل ابتسامة
~ أكبر كادوا تقدري تعطيه لياا هو نشوف هااذي مرسومة على شفايفك .. ضحكتك عندي بالدنيا و ما فيها
يووسف: أكبر كادوا تقدري تعطيه لياا هو نشوف هااذي مرسومة على شفايفك .. ضحكتك عندي بالدنيا و ما فيها
تبسمات ليه بحزن و غمضاات عينيهاا مرخية .. تاا هو بقى حدااهاا تاا حس بيهاا نعساات و ارتااحت .. عااد وقف و خرج لحق على عبدوو للمحكمة .. تلاقى فالبااب مع نوال خاارجة منهاارة و وجههاا صفر كلياا .. تاابعهاا باباها من لوور ..
جمع حواجبوا بقلق فاش بانت ليه مااشي هي هااذيك و كتمشى فالطريق بحال شي سكراانة و زااد شكوا تأكد مجرد ماا وصلات عندوو و نطقات بسميتوا " يووسف " و جاات طاايحة سخفاانة ..
شدهاا فأخر لحظة عندوو مزير عليهاا كيضرب فحنااكهاا تفيق و واالوو فالأخر تحنى و هزها كلهاا عندوو خاارج بيها قبل ماا يعرف شنوو وااقع و بااهم تابعهم بخوف ..
يووسف: سير عيط لرااجلهاا يجي دغياا
الاب: وااخاا
رجع أدرااجووا كيقلب عليه تاا لقااه و علموا و خرجوا كيجريوا ركبوا مع يووسف لي قلع بلا ما يهضر نهاائياا .. باتجااه الطبيب ..
مدة و هاا هماا وااقفيين بقلق فبااب الغرفة .. عبدوو و الأب غادين جاايين غيااكلوا حواايجهم بالفقصة و الخووف .. أما يووسف فشدااتوا الضحكة و كيفما كنقولوا كثرة الهم كتضحك ..
يووسف:(حرك رااسو بلا حول و نطق بصوت مهموس ) خصناا نعلموهم يشدولناا بيووتة هناا بلا ما نتعذبوا كل مرة مااشيين جاايين ..
تفتح لبااب و خرجاات الطبيبة تجمعوا عليهاا بلهفة و تسااؤل فحين هي ابتااسمات لهم باطمئنان و نطقات
يووسف:(شاف فيه و تنهد ) 4 اياام كااملة تبقى تماا أعبدو
عبدوو:( فهموا ) ما كاينش حل أخر .. ما يقدروش يرجعوهم للكوميساارية .. مدة و تفووت ان شاء الله
يووسف: صاافي غير سير عندهاا من بعد و نهضروا .. الوااليد مشييناا
الأب: يالاه (شااف فعبدو ) مبروك مرة أخرى
خرجوا من تماا لوجهتهم فحيين عبدوو فتح لبااب و دخل عندهاا كاانت قالبة وجههاا للجهة لوخرى .. جلس حدااهاا و دور لها رااسها جهتووا .. بانت ليه كتبكي و كتشووف فيه بحرقة ..
عبدوو:(جبدها عندوو تا جلساات و عنقهاا ) لاش هااذ الدمووع دااباا .. خصك تكوني فرحاانة أو لا ؟
نواال: كي غندير نفرح و ماما لاحوها فالحبس و ما عاارفة شنوو يقدر يوقع معااهاا .. حمااتي كرهااتني تا أناا و محملاني تانا المسؤولية .. و رااجلي مخيرني بين عائلتي و بينوا و ساامح فياا ماا عطااهش خااطروا تاا يسول علياا وااش كليت وااش نعست وااش رااني ميتة كااع 😭
عبدوو: ماماك مسألة وقت و غاادي تخرج .. حمااتك غير خاايفة على بنتهاا و الغضب عاامي عينيها غير تشووف خولة وااقفة و بخيير و تسمع الخبر (حط يديه على كرشها ) غتنسى كلشي بحاال عمروا كاان .. و رااجلك الخاايبة (ضربها لجبهتها ) قرب يقطع رااسوو من لهناا لهناا كنطيير .. نتي بعدا مأمن عليك فدااركم و عارفك غتكوني بخير (ضحك باستهزااء ) وليت بحال شي دجااجة كتقااقي
نوال:(بعدات شوية كتمسح دموعها و كتشوف فيه ببراءة منزلة شناافتها ) زعماا ما كرهتينيش تا نتا و كنتي غتخليني .. جاابك غير لبيبي يااك 🥺 كن ما هو عمرك تولي دوور بياا 💔
عبدوو:( هز حاجبوا ) علاه هو لي جرني ليك نهار لول ؟ كن ماا كنتيش كتهميني و كنبغي حسك .. وااخا تولدي تاا عشرة والله ماا نديهاا فيك و لا نحركك من بلاصتك
نوال:( هزات كتاافها ) تا دااباا لوحني و ما توليش تشوف موورااك .. بنتلك ديكوور محطووط ( عوجات فمها ) قالك ما نحركك من بلاصتك .. ايوا مشي
عبدوو: رااه غنصليها مع مك واش أناا كنهضر فالشرق و نتي كتفهمي فالغرب
نواال: ايوا ما عرفت
عبدو: كنبغيك الحماارة و دااير جهدي بااش نصلح الأمور على ودك و نتي كتزمري عليا
نوال: و ناااري على حب عندك (شافت فيه بحب ) تانا تنمووت عليك .. سمحلي يلا داك النهار قلت شي حاجة ما عجباتكش .. ختك على راسي و راه عندي فوق عزيزة لهييه و لكن ماما رااه كتبقى ماما ما قدرتش نصبر و انا كنتخيلها مدلولة هكااك .. ( شافت فيه بترجي) عافاك خرجووها 😭 هي ماشي دهاذشي
عبدوو: نقولك هضرة و ما يبقاش فيك الحال ؟ عادي تقبليها .. كيفماا حناا كااملين متقبلين أغلاطنا و عارفين الصالحة و الطالحة فينا .. تا نتي خوذيها بصدر رحب و ما يبقاش فيك الحال ..
نوال: وي قوول بلا ما تحتاج تاخذ إذن ..
عبدوو : ماماك لاصقها الغلط من راسها لرجليها و لو جات علياا لي داار الذنب يستاهل لعقوبة و تستاهل تتحك و تحس بذنب بنات الناس لي هازاه فوق كتافها .. لكن المشكل كتبقى مكم و ما نقدرش نخرج معاها لموااصل خاايبين
نوال: ماما ااه غالطة ما قلتش لعكس و لكن دير فبالك من لول كانت باغية عروسة يووسف تكون ريفية و الأساس تكون مهى .. ما قدراتش تتقبلها .. و هي من نووع لي بو وذينا .. يعني لي قاالها شي هضرة كتأثر فيهاا و كتلعب فعقلهاا ..
عبدوو: هاذشي فنظرك كيبرر تعاملها مع خولة ؟ سمعت من لالة سعاد كلشي و عرفت شنو عاشت فهاذ الفترة و مع ذلك ما هزاتش تا تيليفون تعيط و تبكي عليا و تعلمني بشنو وااقع معاها وااخا عاارفاني بنص كلمة منهاا نكون حداها .. عرفتي علاش ؟
نوال:(حركات راسها بمعنى لاش )
عبدوو: حيت خاافت من هااذشي لي وااقع داباا بالذااث يوقع .. خاافت ينووض صدااع كبيير بيناتناا .. خاافت نرد فيك نتي لحر و نقلب عليك قلبة وحدة .. بزوااجنا بربعة تربطنا ربطة وحدة .. أدنى حاجة كتجي ديرها كتفكر ميات تخميمة و تخميمة .. على ودي و ودك .. و نتي لو كنتي فبلاصتهاا قسماا بالله ماا تصبري و لا تصبريهاا
نواال: لا بالعكس نصبر ع
عبدوو:(قاطعها بيديه ) نتي مرأة كبيرة ما قدرتيش تصبري عليها نهاار وااحد ؟ لالة ملاك و ما قدرتيش تتقبلي هضرتها و تصرفاتها فنهار وااحد .. غتقدري تصبري أشهر ؟ ( شاف فيها ) لالة ملاك عااودات لياا كلشي فااش وصلتهاا من عندنا أخر مرة .. حاجة وحدة لي غير لمحات عليها هي علاش هاذشي .. لكن دابا فهمت مزيان
نوال: أنا ما قلتلهاا واالوو ماا نويت فيهاا واالوو .. فهمت فلخر المسج لي بغات توصل لياا .. بلحااق رااه كتبقى فمثاابة جداتي و ماا نقدرش نقلل منها
عبدوو:(رفع حاجبوا ) اكيد ما تقدريش !! و ما تفكريش فيهاا تا التفكيير .. كيفماا هي درت فيهاا شحال من مرة على ودك .. رااه تتمس و لو بنبشة ما نعقلش عليك .. هااذيك هي قلبناا كاامليين هااذيك هي الروح و البهجة و البركة دالعاائلة لي لكبير و الصغير كيحمااق عليها بغوااتها و نكيرهاا بقلبها الكبير و حنيتها بهضرتها و قواافيهاا .. و مع ذلك على ودك داابزت معاها شحاال من مرة .. عرفتي و كن جيناا على المنطق ديالكم .. رااه تا هي ماا بغاتكش من لول و تا هي نفرااتك .. بحال ماماك تمااماا .. يعني هااذشي كاافي يخليها دير فيك لي دااروا فخولة ؟ أكييد لا
نواال: أكييد .. عندك الحق و أنا ماشي معااهم فهاذ القضية حيت انا براسي حيااتي كاانت غتتدمر بسبااب تقاليد خااوية .. ما كنعطيهاش أعذاار مي بغيتك تفهم هي كيفاش كتفكر .. أما جداتك ربي شااهد علياا يلا وااخا شنو ماا دير معزتهاا غتبقى كبييييرة فقلبي و ماا يهزهاا ريح .. يكفي أنهاا بيناات فمواقف كثيرة بلي حاسباني منكم و متقبلاني
عبدوو:( ضحك ) و رااه هااذي هي قمة التنااقذ !! هي ما باغاش خولة و لكن باغاني اناا و ما عندها تا مشكل معايا !! على اساس أنا جااي من المزمبق و لا مور الشمش .. ياك تا انا فاسي و خووها من الفووق !! حسبيني دري دخمس سنين و شرحيلي هااذ النقطة !!
نوال:(بقات شحاال كتشووف فيه فالأخير هزات كتاافها ) من غير انها باغية بنت ختها ما عندي تا تفسير .. ما عرفت !!
عبدوو: لا حول و لا قوة إلا بالله .. شفتي ايخاان كي دااير .. من هااذشي كاامل بغيت نوصل لك بلي غاالطة و غاالطة بزااف .. يلا ما تردعااتش و حاولات تصلح علاقتها مع ختي و تتقبلها و تخليها تسمح ليهاا .. عمرهاا تضرب عندي الضربة بااقي ..
نتي تبغي تشوفيهم سيري عندهم .. لكن حنا ريحتهم ما توصلناش .. و كنظن ماا قلت عيب .. نتي و خوك و باك ما عندكم ذنب و على راسي من فوق لكن شي لاخور أبداا .. هي بصح بقات فياا و ما بغيتلهااش هاذ الحالة و غنجري على ودهاا تا تجمع مع وليداتها فدارها معززة مكرمة .. و لكن يلا ماا صلحااتش رااسها و شفتها بصح عارفة حجم غلطها و باغا دير المستحيل تصلح الوضع .. عمري نتناازل على قراري .. ختي ماا رخيساش عندي تاال هااذ الدرجة .. (شاف فيها ) فخبارك خولة كن داارت راسها فيهاا .. و ورااتها خولة دبصح بالله ما تضرب معاها الضربة و ماا تقدر تفتح فمها بكلمة .. كنت طوول عمري كنتمنى تبدل و تنقص من فعاايلهاا و طول لساانهاا و شخصيتها القوية .. و دااباا ندمت اشد ندم و كنقول ياا ريت ترجع كي كانت .. حيت عمر شي حد يقدر يطااول عليهاا ... كل واحد كتقيموا بأفعالوا معاها و تحطوا فمكانوا المنااسب .. (مسح على وجهوا ) الهضرة بزااااف و السكات حسن الله يدير شي تاويل دالخير و صافي
القسمة والنصيب الجزء 11
محتوى القصة
التنقل بين الأجزاء