من داخل الاسرة المغربية من اغلبية الفئة المجتمع...همهم مابين يسدو الجوع اولادهم و العيش الكريم...
اللحظة الذي يغيب الوعي الحوار و النقاش و التواصل ..و تياخد بلاصتهم الجهل و الصراخ و انعدام تحلليل ...فالوقوع اول مشكلة تنرجعو النقطة 0..حياة فتاتين من العمر الزهور نشوفو معاهم فين يأدي بيهم القدر و المجتمع..
الجنس الغداااار عمررررك تكووولي ليه يااا حبيبي....
الجنس الغداااار مااال طعاااامي مااابغاااا يكررررر
خليت ليه ربي و الطعااام ...الجنس الغداااار
بناادم الحرااامي كلوووو الغدددر
ياااو واانااا صغيرة و ذنوووبي عليه
ايوااااا 💃💃💃💃💃👏👏👏👏👏👏👏
..على الإيقااع جوج الكيسان العنبة و الصينية الاامونيم و اليدين الحااضراات طالعة احسن موسيقى بالتعشااق و الزغااريت
1: هههه يعطيك الصحة جمعة
جمعة: (الزيف طايح على الراس و كحل توتة و السنان مسوكين و و الكحل سايح بالعرق...واااا لهلاا يخطيك اخويتي ههه اوا شنو!! جينا نديرو التعبقة نخويو الهم و نعمرو النشاااط
2: وااازيديناا شي الطرح ..باغة ندردك على ايماانو!! راه من الدخلة انبدااه
3: ااااه مرحبااا بيكم ..مرحباا مرحباااا ....(تتحسب شحال من الوحدة فنفسهاا ) مرحباا مرحبااا ..
...الريحة الرفيسة تتعطعط من لاين ولاين ....الدرب المبخر بالريحة الحلبة و الراس الحانوت...الكصعة الفكاك او التلتيام النفاس او النهار المباركة للزياادة ..من احد ديور الجيران عند النافسة ، مجموعين الجيران قبل العائلة منشطين القضية و واقفين على الرفيسة من اولهاا لاآخرهاا..لالة طاامو الطيابة الدرب و الطبيبة الدرب تولد تداوي على بززلوم تكوي على المكلفة ...و ماهرة فالرفيسة ...
...من العجين التريد لي لعيالات كلها جايبة كصعتها و ضاربة الفوااطة باركة تدلك و تعاود و دوز صحاب الخبيز ... و النصيب الدجاج البلدي و تنقية الحلبة والتومة و الصندوق البصلة على قدو مقشر...و الكاشير لي طالع فالمرقة تتطبخ معمر بالكبادي و الليقامة الراس الحانوت ...
... لالة طامو بدات تغرف و حطات كل الدجاجة فالكصعة و سقات التريد ..تهزو الكصاعي يتحطو العيالات ....
الدقيقة الصمت من الصالون العيالات ...شكون مايحماقش على الرفيسة الطامو لي تعطلات عليها الدم جاية تسخن بالمساخن لي باغة تهز تولد جاية تسخن من الرفيسة ...تتسمع بالصوت العالي يوصل طامو
: الله يعطيك الصحة الالة طاموو ..
: الرفيسة تتهضر الالة طاموو ..(تتكور و ضرب و سخونة) احح
...دوزو الغداا و تبعووه اتاي و الزميطة النافسة و الغريبة و الفقاص و الحلوة الكوك ...و جمعو الوقفة ...خارجين ناشطين الحناك مزنكين و الريحة الحلبة تتقلب منهم ...
جمعة: (داخلة الكوزينة عند طامو) آمي ساليتي نوضي نعكبو؟؟
طامو: (تتحاول تنوض و ظهرها بحال المقسوم) ررربي رببي ....اري جلابتي وراك ..هداا جهد على بنت رشيدة الولدة الخامسة ،تجمع بشونها و دير دوا ...الولد يدخلها الجنة!
رشيدة: (جاية طل عليهم من بعد مامشاو النااس) لالة طامو !! تي فين غادة؟؟
طامو: هاادااا هو خويتي رشيدة ..عقبا السبوع الا كتاب ..راه راسي يزنزن و طينسيو داير مماابغاا...
رشيدة: ياا علياا بالحرام لا مشيتوو اويلي وحدي!! دار قبالت الدار ...جلسو تاندوزو الرجاال بليل و قصرو معانا ..(شافت جمعة) سيري شوفي حميدو و جيبي بناتك واجي والله لا عتبتو من عندنا ..اويلي سايرين دروو فالحشوومة
...فالنفس درب الدار مقابلة مع الدار ..خرجات جمعة تتقاد زيفها و كدمها تيتسمع فالمشية ..بنت البلاد اباا عن الجد وقفتها غير و مشيتها غير مرا ذراع و نص و اليدين يحطو شهاوي البلاد ...داخلة الدار تا تتسمع الغووات من الباب دورات راسها بمعنى مِي مِي..دخلات كوزينة حطات الرفيسة لعاطوها جيران.....جاية عندهم حلات زيف جمعاتو على شعرها و تتحيد فالجلابة ..
نورا: نمشي نخوي عليا المازوط و نحرق راسي ولا عيشتكم ...
...لي مااعندو البنات ماعرفوه باش مات...و لي ماعندو البنات فالحياتو يتعزى..و البنات فيهم و فيهم..ولاهاد النوع !! البنات جمعة الهضرة بالجوج و العشرة بالمية ..دازو شاريع خدات لهجر سليب و دازو خداو شامبوان و دازو الحمام قطعو وراق و دخلو حطو رزاميهم و هزو سطولة و دخلو ...............خرجو سخفانين ...عركوها مياهات و للبسو بيجامتهم و زيف حياتي لاجلابة لا والو ...جاين الدار ...
هجر: تتحقق شوفة..هداك ماشي كوسطا؟؟
نورا: ازيدي تقاودي !! تاتشوفيش فيه لايتم جاي و يمشي يوقف علينا برهوش خوك ويشريها ليناا
هجر: تتخاف كتر منها ..عطاو لخلفة و دوك جوج ولاد تابعينهم تاوصلهم الدار ...
....على الصباح جاي حميدو من لاكريي (سوق جملة الخضر) لابس سروال باراا مخزن و جلابة قصيرة ..حط موتور قدام الباب وهز القفة لي متقضي فيهاا ..تا ادخل تيحنحن ...
حميدو: تريكة الوقت االفياق هداا؟؟..
البنات: صمت
جمعة: على السلامة خيي..فين سيمو؟؟
حميدو: تيحيد جلابة بالتعب ...بقا فلاكريي مع عمو مزاال شي السلعة جاية ...ديري ليا الما يسخن نتوضا و نمشي اركد..
نورا تتشوف فيه منين تبدااه..هو خدمتو كلها ليل و نهار النعاس..جبد ميكا فيها قوة اوراق و عطا نورا ...
..داخلين سويقة و لبنات فالجنب جمعة..و الخضارة ضسارة بالعلالي..
جمعة: اشحال مطيشة امول المطيشة؟؟
: الفرنك اشريفة
جمعة..زادت تتهضر...هاي هاي على ميطيشة ولات المرا اااانفرنك بالمسرول ..
نورا: ياك جايين على حوت وزيدي لحوت..بقاي تسولي و تزيدي
جمعة: فمي هداا..(وقفات تتشوف) كانت هنا واحد مولات براباندو ؟؟
هجر: لاااش باغااهاا؟؟
جمعة: نشري ليك سليبات اشفرونة!!
هجر: اويلي بااغاا تشهوني 😢😢 انا نشري سليبات من سويقة ؟؟(تتجر ختها ) زيدي رجعو دار ..
...تقضاو الحوت و جمعة جاية و تساوم هما تينكرو و يدابزو ريحة مفاهمة ماكيناش..دازو محل الماكياج عندو سليبات خدات ليهم لي بغاو و زادو الدار ..من الدخلة جمعة تتحيد جلابة ...
جمعة: وحدة تنقي الحوت و حدة تشرملو !!
نورا: وحدة تخرا وحدة تقلب على الكاعيط احسن..انا عاد جيت من حمام ماشي هربت من رفيسة نطيح فالحوت ..
نورا زادت هزات ديك الشبكة لي عامرة و حوايج طايحين فارض من قوة ماعمرات ..دازت هزات تيد وجافيل و طالعة للسطح ساخطة ...
بقات هجر مع داك الحوت ..خوافة من صغرها ماتتقدش على جبهة ..و تخاف جمعة تنوض ليها حميدو ..هكا داز النهار الاحد الشقا و تطيباب ....
هكداا الليااام و الشهور ...تاوصلات آخر السنة و بانو النتائج ..داك النهار السعيد جا الفاكتور تيتاكد من عنوان لقا سيمو شاد تلفون و مكونيكطي ..
الفاكتور: هجر البوري؟
سيمو: ختي
الفاكتور: نورا البوري!!
سيمو: تااهيا!!
فاكتور: نوض عيط الباك ..
سيمو: اايه...ناض تيتبوزا عيط حميدو لي ..خرج عندو شد من عندو النتائج و دخلو الدار ..
سيمو: ارا نقرا ليك الواليد!!
حميدو: نوض خرج عليا بوك الكلب..تقرا ليا على قرايتك..زينة ...حل النتائج عيا يشوف والو..مقاريش اليف من الزرواطة و ارقام عارفهم لاكن مافهامش...يلاه طواهم وو ردهم الجيب ..نازلين من السطح على صباح صبحو يصبنو الكواش و الطلامط الصيف دخل و العطلة ...و سيمو فالدخلة وصلها ليهم
نورا: ارا نشوف بيلتان؟؟
حميد: شناهيا هاد زمر تاني؟؟
هجر: النتيجة اباا ...
حميدو: شيفرونة ..نتي جالسة جالسة ...حارس عام تلااقيتو فالقهوة و كالي دخلها صنعة احسن ..
جمعة: اوا الدتتاكيرة ..شابين بوهم !!
حميدو رما ليهم نتائج ..نورا من الفتحة قرات راسبة فالسيزيام وعندها 18 عام ..كرانتها شدو الباك هيا كل مستوى تسقط ..الدماغ القراية والو ماعندهااش
و هجر طردات تلت سنين فالتاسعة ومابغات طلع ..
حميدو: جلسو بنيااتي تعاونو مكم و نشوفو كي نديرو ليكم
على هاد اخر جملة ..الحرب الغوات الصداع نااض ..مني ليك منك لياا ..بنات ضد الولد و حميدو زاد خلاهم بقاات جمعة تسكت و دور فهادي و تبرد مع هاادي...
...الصيف ...صيف و شكون يعرف ليه!! شهرين فيه السبعة و التمنية ..لي مسك عليه الله راه مبحر و مبدل الجو و لي عندو حبابو راه شاد الطريق و لي مصيف فالدارو و مقضيها الخروج و مساارية ...الا عند حميدو و عائلتو و هماا اعددااد منهم فالمجتمعنا الله يحسن العوان ..همهم اسد جوع الوليدات و يخلص الضو و الماا و يتكافا مع المصروف ..السفر و تفوااج و الخرووج و المسارية سامعين بيهاا ومرة مرة متفرجين فيهاا فأفلام و المسلسلات ...صيف عندهم داايز بين الكوزينة و السطح و الكراطة و يلا بغاو يتلفو دورة فالشاريع و يلا بغات الوقت ينزلو عند طامو جدتهم العرويبة لي نص ساعة طريق..
اخيراا هدووء فالبيت ....ناضو جمعو الدار بالخف ..و طرفو حالتهم ..لبسو حوايجهم و نورا طلقات شعرها رطب و دارت كحل عينين هادشي مايكتابو و للبسة كوتشي مزور كولون بيل ديالو حروفها زوينين و بيضة ولاطاي فالحدود معقول ..و هجر صغيرة عليها لاكن فايتاها بطول عندها لاطاي احسن من نورا و حروف رقاق لاكن شعر حرش ..عليها مسمين عليها شيفرونة فاش كانت صغيرة تيحسنو ليها بحال اولد و شعر تيكبر مكركب كي شيفرون...لبسات هاد اخيرة سليم دجين مع بيل و دروات زيف على شعرها مخبعاه و صنادل صبع فالرجلين ..رجلين بيوض من تصبين و فريك الملايات ..لا ريحة لا ماكياج لا صيكان..لاكم نقين و مقبولين...
...خارجين من درب و عينيهم فارض و تيهضرو تحت سنانهم..
نورا: مااينعسوو لا ليل لا نهار يخليها ممماركة..تبركيك
نورا: تمشي تحضي لقواد راجلها...زيدي انطلعو محطة اخرة طوبيس !!
هجر: علاش؟
نورا: زيدي دنمك فرعتي لياا كري بتسوال ....
...شيفرونة مسكينة هيا الوحيدة فالعائلة حميدو لي تتخاف و تحشم ..وصلو سطاسيون ...ماحسو تاوقف عايهم جوج دراري!!
كوسطا: (شاب مقتبل العمر و زعر طويل تامقد ..معاه صاحبو ضاربين كيطمات و سبرديلات ) اوا لالة نوراا ؟؟
نورا: كول غير السلام
كوسطا: ختي هجر بخير ؟؟
هجر: (تتشوف جنابها) لابااس اخويا
كوسطا: العام وحنا تنقراو عليك فالسلام !! ردتيها عليناا؟؟
نورا: اوا هانا جيت !! طلق اش عندك؟؟
كوسطا: (جرها من ذراعهاا) بربي لا تفارقت معاااك اليوم ..زيدي نتحركو من هناا..
نورا: طلللق مني ازبل!! فين نزيد معاك راه والله يشوفني شي احد يوصلها بابا تا يذبحني!!
الولد: نتي هيا هجر !
هجر: 😢😢 بعد مني ..(زادت جهة نورا) يلاه نمشيو ..
كوسطا: (غمز صاحبو زعما بعد منها) هجر نتحركو غير من شاريع ..لهيه.
...كملو طريق بالهضرة و الضحك و هجر تتخنزر فداك الولد و كوسطا لاصق فنورا ..تاقربو بلاصة خاوية ..قهاوي لي يدخلو ليهم غير للرجال والملبنات كلهم فشاريع وحومة صغيرة او المدينة بعيدة عليهم بقى الحل الوحيد الخلا ..هجر مربعة يديها و تتشوف و الولد جابد تلفون تيلعب فيه..و كوسطا موقف قدامو نوراا
نورا: طلقنى اكوسطاا
كوسطا: عيطي ليا كريم ..شنو زعما ماديريش معايا الحل؟؟ وليتي تشوفيني و تقلبي طريق ولا ديري راسك ما تتعرفينش؟؟ خصايل مقوودين..
نورا: شتي هاد خرجة لي خارجة معاك لهلا يوريك كي صنعتها!! تاا راك عارف سيمو يوصلها بابا ..
كوسطا: عاارف عاااارف..مهم كون ماجتيش يوم عواال ندق عليك فداركم !!
نورا: تسطيتي؟؟
كوسطا: من شحال..مهم (جبد تلفون من جيبو شارجور) شدي هااكي هاا تلفون بااش تبقاي تهضري معايا ..انا راجع طنجة عيطو ليا الخدمة ...
نورا: (عينيها قرقشو مع تلفون ) فوقاش ترجع؟؟
كوسطا: تا يعطوني كونجي...وااشوفي فيا نشبع غير منك ونتي حواليتي مع تلفون!!
نورا ...دماغها خدام تتفكر شي الخرجة للتلفون ...عطات هجر شارجة ديرو فجيب و هيا حطات تلفون فالصدرها ..حطاتهم الطاكسي فالفيلاج ..من نزلة الريحة الحمري و الغبرة ...غير شدو هبطة بداو السلام ..هدا عمها هدا معرفة هداا ولد خالهاا ..تا دخلو الخيمة....بانين الباش براا و الكرااسة و الداراري مكفحين تماا ..دخلو الدار و تيتسمع صوت عونياات ..و شطيح ..دخلو نيشان كوزينة عند طامو سلمو و جلسو حداها ...اما جمعة رااها شادة الميزان مع العيالات الفوق ..
...دوزو الماكلة للرجال ..و موراهم العيالات و الجو العروبية باين البراهش تكول والدين. بالتوام ..و العيلات الذراعيات سواقين فالوان و فواطات مطرزين بالرباطي و العكسة الزيف و الحنناني ..شي دااخل شي خاارج...الحلاوة الفرح فالجمااعة .....
بدااو الناس يمشيو ...والبنات عياو بالجلاس و الصهد ..ناضو خرجو برا شافو البنات مجمعين فالخيمة و خ الدراري كاينين لاكن غير العائلة ..يلاه جلسو هو يجيهم كي تتسوناامي...
...من الهضرة باين هناك للقاء مسبق مع حليمة ...ركبات جمعة تتضحك و تسلم و هجر الوسط و نورا من جهة لهيه ..ساقرين ..غير جمعة و حليمة تيهضرو ...و حليمة دور و تشوف فالبنات..لاكن معامن مع بناات جمعة مقرصين و عارفين معامن !! ماهزوش عينيهم لا فالمراة لا فالولد لي صوتو ماتسمعش ......
لقاو حميدو وصل قبل منهم و تيتسناهم ..نزلو البناات بزربة ماشافوش موراهم دخلو الدار...
حليمة: اوا سي حميدو اش كلتي؟؟
حميدو: كولان دمولانا ..يكون خير ابنت خاالي ..
حليمة: مااكلتي الكلام العيب ...البنت عجبااتنا ونا نيت بغيت نزوج الولد ..راك عارف الغربة غير انا و يااه ..ملقاوش حسن منك فالنسوبية رااك ولد خال اباا !؟
جمعة: تتحقق فالولد لي داير كاسكيطا باين عليه ولد خارج و شاد تلفون ..
حميدو: ونتسناوكم ..نشاء الله ..
تفارقو بالسلام ...و مع دخلة جمعة ..بدات تسول فحميدو و تعااود .
سيمو: آري ديك تيليكومند انيسة نورا!
نورا: (رماتها ليه)تطنز عليا اولد كلبة!! والله تنصرفقمك آزْعااكْ (موسخ)
...مر الاسبوع و اليوم الخطاب جاين بالمساء..و الحديت شاغل فالدار هما الخطاب و نورا ساقرة ماتتهضر ماتتكلم اصلا ماحاشها ليها احد وخدا رأيهاا حميدو سمع الخارج بغا يكركب ..البنات كل ليلة مقصرين على التلفون و الهضرة مع كوسطا و كوسطات هما فالفيس ..منين تيطيحو فشي احد معروف من سمية ولااسم ولا تيهضر فرونسي مكاين غير بلوك..و سيمو كما عادتو روينة و روح تطيح ...
...حميدو: السلام عليكم..طامو خاصنا طلب باش تعوكبي!
طامو: والله انسيبي ما نصيب منها هنا لهووك ..
حميدو: انا خاارج مخاصكم والو ..
جمعة: (محزمة بالفواطة و كارفة الزيف حياتي) تادروك هاد الناس نحطو لهم عاا الدجاج و الدسير و ليموناضة و الدسير
حميدو: (تكى بالذراعو على حرف الباب عاطيه بكرشو بحال شادو وجع) اش باغة تحطي ليهم قيمرون؟
جمعة: ارا ليا نخرج ناخد البنت تشامير !! اراا جبد
حميدوو: والله مااعدي ..تا ماخاصك راني خاسر يوم شي سبعالاف ...
جمعة: اوا ديك درية باش تخرج تجلس حدا الناس؟؟ (هازة تتعيبو ) و الله مااعدي و الله مااعدي ..عكوبني معاك اخي لاكْريي نبيع معاك قوزبر و معدنوس
حميدو: يلاه من ليلة ..
طامو: (شادة يديها برااسهاا رااسها و تتغوت نوراا)وااا برطاالة ...
نورا: محشية هيا هجر فالكوزينة تينقيو خضرا الطعام ...(شافت هجر)سمعي حناك اش تتكول لي ينوص يخراا عليها.....وااانعاااااام !!
طامو: طلي شووفي الطعاام و اش فَّاارْ؟؟
نورا: نوضي طلي اختي..مك و باك مرضوني تكولي تيتقاتلو على منيون ..
هجر: (تتغوت بجهد) أحْنِّااا راه فااااار فاااار
طامو كانت ملاهية مع المدابزة تتسمع فاار فار
طامو: واااا قتليه قتلليييه
حميدو نايض تيجري جايب العصاا الكراطة و جمعة تتلبس فصابوها كانت طيح ..تاهجمووو عليهم الكوزية ...فينووو حييدي ..
نورا: (تتغدد و تويل) ووواا رااه طعااك لي فَّااار مااشي فااار
...المندبة كبيرة و طعام فار ....دوز الغداا بالغوات و النحيب ...0هدوء...تا وصلات العشية ..و دار مسيقة مجففة و كلشي نقي ..فانتظار الخطاب
..الكوزينة تتضوي و العشاا واجد..و البراد معمر ..طامو لابسة تشامير و زيف حياتي فوقو زيف جامع جمعيع الوان جالسة محصنة و متبتة جمعة بيجاما طويلة و الفواطة وحميدو كما عادتو يجمع و يطوي فالوراق ...البنات محشين فالبيب و سيمو كي ردار واقف فراس الدرب ...تا تسمعات صوت طموبيل حبساات ..اسيمو قلعهم من طرف..ناض يعلم ديوانة ...
..نازل من طموبيل لابس سروال دجين و قميجة سبور و لاكوسط فالرجل الطولة العادية وحروفو كحلين لاكن بيض و ضارب كاسكيطا..و مو نازلة من جهو اخرة ضاربة جلابة خضرا و زيف ديكور و قوة قجاقل باين من طيارة جالية مغربية ..جايين طووال ..وجيران شادين ردار من كل جوايه....دقو فالباب و فتح ليهم حميدو ...رحب بيهم و سلمو على جمعة و سيمو و طامو ..بدا الحديت الاحوال و الهضرة تجبد الهضرة ها الفلاحة ها البيع و شراا ....حطو ليهم العشاا و غير تيرحبو بيهم..لاول مرة الدار حميدو الهدوؤ ..وخ العصابة راهم تيتقاتلو سيلونص فالبيت ....
هزو العشاا و حطو الديسير و جمعو و طواو ..الطياب طامو لذيذ كلاو وبردوو ..
حليمة: اوا ولد خالي !! ندخلو معقول ...
حميدو: (تقاد فالجلسة ) احم مررحبا ابت خاالي و الف مرحباا ..
حليمة: شارت الولدها لي صوتو ماتسمعش...هدا ولدي الكبير او لي نكتاب مع خوتو البنات
حميدو: الله يخليه ليك ...ياك هدا هو طفل لي كنتي تجيبيه فالصيف دوار..رضى؟؟؟
حليمة: ااايه هدا هو رضى ..البارح شاف بنتك بالصدفة دااخلة...جا عندي تم نيت ...كالي امي بت بن هاديك؟؟...سولت كالو ليا راها بنت حميدو
رضى: 😊😊😊
حليمة: عجباتو تقيلة منين دخلات ماخرجات ..اوا الا بغى الله وكمل علينا بغيت البنت الولد
حميدو: (بتفاخر و صوت مغلظ) لا والو انا مااعديش البنات يخرجو ولا يديعو ..الدار و يلا خرجو راهم مع جمعة ..
رضى: شحال فعمرها اسي حميدو؟؟
حميدو: (تلف و دار عند جمعة ..هزات ليه بيديها بالله واعلم) و الله اولدي مانكذب عليك هيا الكبيرة موراها هجر عاد سيمو. ..تكون عدهااا 18
جمعة: اايه تمنطاعش...
رضى: تتقرا؟؟
حميدو: الا حبستهم هاد العام ..الصغيرة تبرا فيا الحارس العام باش نخرجها و نورا (شار راسو ) اناا ججلستهاا
حميدوو: ااامرحباا ..داكشي علاش تنقلبو نيت المعقوول ...مهم هو الكاغيط ..ضرب كاغيطها و الله يسهل..تي راكي شفتي حنا تريكة كبيرة و الولد يبغي يخرج و يدوي مع البنت اناا يضرب كاغيطهاا وتحسب مراتو و الله يهنيهم..
حليمة: كاااينة سي حميدو ..واش انا برانية عليكم عارفة هضرة ناس و دوار ..الكاغيط هوو اول...
...مر الاسبوع ..و الخبار وصلات فين بغاات بنت حميدو الكبيرة جاوها الخطاب من الخارج!!...سيمانا كلها حميدو طلع و هبط تيوجد ليها لاكارط نااسيونال و جد ليها اوراق العقد ..
حميدو: اااجمعاااا جمعاااا
جمعة: انعاام !!
حميدو: يلاه كطعت مع حليمة !! غدا نتلاقاو عند العدول ...خاصنا العشاا ولا االغداا
حميدو: طل عليك عزرايل يهنيني مننك...اناا لي تنحكم و اناا لي تنآمر ..انا تفاهمت مع بت خالي ..الكاغيك هو اول .....وقف خرج خلاها دايرا يديها على حنكها و تخمم ....تادخلات عليها نورا و هجر
جمعة: غداا وسيري شوفيه و يشوفك..لبسي حوايجك نخرجو الشاريع
نورا: لي سمع لبسي حوايجك يكوول ضرب عطيه لشرواط ..(دخلات بيت تتحل ماريو و تتقلب و تشوف) يلاه شاريع ملقيت مالبس...تفووو الفقر ...لبسات شي من شرق و شي من الغرب ...خرجو بتلاتة للشاريع ...نورا عينيهاا تالفين مع الحوايج غير تتنكر على 500درهم باغة و بااغة و بااغة و شيفرونة غير تتضحك مامهولة لا حوايج لا زواج ...
جمعة: ززمي علياا دلقوشك !! ختي بغيتي طيري تي؟؟ من نجيب ليك هادشي لي باغة واش باك موظف راه بياع شراي فالمعدنوس
نورا: خواتاتو يجبد و يعطيهم و حنا يتحسب لينا ريال ...قواد
..حرام واش سكتات ولا قدرات ظروف ...شراو جلابة واجدو و صنيدلة و ديبادوغ و شورط بيجاما قصيرة مكاين غير حوايج ريكلام ...رجعو الدار ..لقاو حميدو جاب التقضية للغداا و غير تيلهت و يسب فسيمو لي غابر ..جمعة من زنقة للكوزينة تغسل دجاج تبدا توجااد ..
.....العشرة الصبااح الدجاج كان طايب و للحم فالطريق تابعوو..طامو الستة صباح كانت عندهم و مشمرة فالكوزينة ..و 9الخبزة عجناتها جمعة و طيباتها فران الدار ...الدار تتشعل ..8الصبااح شيفرونة و برطالة مصبحين على كراطة و جفاف و روح جافيل بيجابتهم كلهم مطبعين ....
.. جالسين على طبلة الفطور ..جمعة و مها و بناتهاا ..و هضرة تجيب الهضرة ....و طامو تسول و تعاود ..تادخل كي العاصفة
جمعة: وْليدي و ليديي يعيشك !! عااايجي نتفاهم معااه يرد ليك رزقك ..(تتحلف و تشد فيه ) و الله يااا ناا ياااا هوووو ..
طامو: (تتعكد فالزيف و مغزفة عليه ) ضسررريه يركب علييك ..شنكار لاخر ...هاااويلي هااويلي ..البواال
نورا: ديهااش فيه احناا ..
سيمو: (بغا يطير عليها) اناا راه نخسر لمك ديك كماارة لي فرحانة بيها ابرطاالة ...قلبي عليا نحيد لمك عينيك
نورا: (ناضت تعاطى معااه ) والله ازعااك مااتقااود من قداااامي تنخرج انا و يااك فجورناال ..
..كما العادة المدابزة و الغوووات جمعة تسكت سيموو و طامو و نورا يعاايرو فيه ..ماسكت تا تدخل حميدو و نوضهاا معاه تاهوو ..الحيوط تيتزعزعو من غواتهم ..ما سكتهم غير تليفون حليمة تتخبرو راهم عند العدول لي حدا البلدية ...
....لبسات نورا جلابتها و صندلة لي شرات طلقات داك سالف كحل ورمات عليه شال خفيف ..و جمعة جلابتها لي تكساب و خارجين مخلية طامو مع هجر
حميدو فالباب تيقلب و يعااود فالكواغط عقلو ايخرج و سيمو واقف حدااه تيغرنك ....خرجو زايدين مع الطريق ..تاوصلو العدول ..نورا حلفات تاحقق فولد حليمة ...مع الدخلة لقاتو جالس مع حليمة و داير رجل على رجل و شاد سورات و تلفون طلعاتو و هبطاتو و قلبات وجها ...ناضو تسالمو بيناتهم و خلطو عليهم عمام نورا و شي رجال من طرف العائلة حليمة ..واقفين على العقد تيتوتق ...من بعد طرح الاسئلة للعرسان و اعطاء الموافقة ...و حطات ليها حليمة 5000درهم صداق ..ناض امضى هو اول و تبعاتو هيا عطاهم العدول التوصيل زواج....ختموها باالدعاء ..و تباركو و نورا سخفة شداها ...تاقرب عندهاا رضى
: مبروك عليك انوراا !!
نورا: (شافت فيه فعينيه الكوحل ..دارت تتشوف شكون تيشوف فيها ..كلهم ملاهين) : علينا و عليك !!
...ختموها بهاد الهضرة ..وخرجو وقفو مدة مع العائلة امام العدول و حميدو تيعرض عليهم ...لاكن قلبوها من الغدا حتى العشا ..نورا شادة فمها و حادرة عينيها لا يجي يهضر معاها تااني ..تفارقو و تسالمو ...
...راجعة جمعة و حميدو ...هما يهضرو و يعااودو و من دبا تخمام فالعرس و الصداق معمرش العين للجمعة و جميدو تيقمعها ....وصلهم الدار و رجع خررج ..مع الدخلة طلقاتها طامو بواحد تزغريتة و جمعة تتضحك ..
طامو: مبرروك عليك أبنيتي؟؟
هجر: صاافي تزوجتي ..
..دخلات البيت و رمات الشال وجلسات فارض و طلعات جلابة و بدات ضرب فخادها و حناكها اويلها هيا تزوجاات
جمعة: درتيهم و جلستي عليهم ..تسطيتي .نوووضي جمعي علياا خنااينك
نورا: واااا بعدددي مني .اااه اربي (تشد شعرهاا و تنفوو و تشد فراسها و تغوت عوووك عووك
هجر: 😐😐
طامو: رشيها بالزهر تغيق راه غير كتتاب
جمعة: زهر لقيتو للعمري....نووضي دروك يجي باك و الله تيملخك ...
نورا ترخات و حطات راسها على سدااري و تتلهت و تشوف فالفراغ ....جابت ليها هجر تشرب و جمعات شعرهاا و جلسات تتشوف ...خرجو جمعة و طامو وخلاوهم بجوج
نورا: عيطي كوسطا كوليه ختي تزوجات
هجر: و الله مانعيط ناخد دعاوي ديالو ..عيطي نتي !!
نورا جراتها من شعرها داتها و جابتها اخرى تغوت ربي لي خلقهاا ..وجاو يفكو تااني ...طرطقو جمعة القلب تتحس براسها اطيح ..و خايفة من شوهة مع النسااب ..عندها تريكة هبيلة
...تمسى الحال ..و جمعة من كوزينة صالون للبيت و اعمامها و خوالتها و رجالهم و بزبيز جاو ...طامو دايرا كي العسكري فالكروزينة الما هو التالي ياخدو تصريح من عندهااا..
..الهضرة و توشويش ...
فوقاش العرس ؟؟
شحال عطا فالصدااق ؟؟
اوا هاا حميدوو زوج البنات !! بقات هجر دبا طير !!
واش يديها معاه؟ وقيلا تيعرفها علاش مطوية عاد يطلع الوراك !! راه لخاريج هدا!! تعود دير وراقها و تعيط جبد
..جالسين فراشهم و اكلين الطعامهم من الدمهم و اللحمهم و نميمة فيهم ...و يضحكو الضحكة الصفرا و يباركو المباركة البايتة و عينيهم فيعنين جمعة ضاحكين ...واش ياا بت مَّا و بَّا و خوالي و عماامي ركبتوو علياا و شفوتني فاش عايشة ؟؟ حسيتو بتنهيدتي !! لا رااجل مكَاد لاولاد يحمرو الوجة لا هما كانة السكويلة والا الصنعة ....الفقصة و الغمة هما اولين ..هكذاا جمعة قرات عيونهم و حسات بيهم و هكذاا كان جوابها ليهم فخااطرهاا ...يااا لي حااسديني اش تزاااد علياا ...
..وقفات طموبيل امام الدار ...نزل منها رضى ضارب ليك سبرديلة تتعيط من بعيد و حليمة و خواتاتها كلشي فاكنس مكاين غير "فازي""وي".....من بعد السلام و المباركة و الهضرة جيب الهضرة ...قسمو العيالات و الرجال ..بداو يحطو فالعشاا ..حميدو تايتسخر باليديه على الرجال اما سيمو ملح و ذاب و جمعة غادة جاية و ضْحك و ترحب بلا يكزيه ليهاا بالضياف ...
***فالبيت. البز داخل خارج عليهم ..نورا مكاين غير صلي الوجه و الزك ..
نورا: تفوو جاني جووع
هجر: الصمت
نورا: معاك تنهضر اشيفرونة ..
هجر: اااابعدي مني ...ماتنهضرش اناا
نورا: قربات تا فمها و دوزات ليها صبع...لهلا فين تهضري ....بقاو مني ليك منك ليا تادخلات عليهم جمعة ..
جمعة: خرجي بغاتك عكوزتك و راجلك
نورا: و الله مانخرج عندهم !! سيري فووتيني ..
جمعة: (نذبات حنكهاا) هااويلي على بنت الحرام !! دوزي قداامي و الله تنغوت لبااك
نورا: غوتي حتى على باه من القبر ..
يلاه كملات كلمتها دخل عليها حميدو ناوي خزيت
حميدو: و الله تنمرمقها مع مك اتريكة لافارر!! دوزي خرجي عد رااجلك ..مزيان تبارك الله ديري ليا اناا شوهة !!
..خارجة لابسة بيجامة نقية ..و دموعها واقفين جاتها بحال عنصرية ...كلمة راجلك مابغات دخل ليهاا....دخلات الصالون حانية راسهاا..كلشي مشا بقاو غير عائلة حليمة ....غادي طرطق بالحشمة سلمات على العيلات بالوجه هما يطلعو و يهبطوو ..وصلات ليه حناات راسها لا سلام لا كلام و رجعات جلسات حدا حميدوو
حليمة: تباارك الله على نورا كبرات !! مبروك عليكم ابنتي
نورا: راسها فارض...الله يبارك فيك اخالتي
حميدو: اوا بت خاالي ابنت ابنتكم !! مكاينش الفوارق
حليمة: فعينيا او ولد خالي..اوا راه دبا باش نتافقو حنا بقات لينا غير شي 15اليوم و رجعو فرنسا...لاكن شهر عشرة نشاااء الله رجعو و نديرو العرس!! اش كلتي اولد خاالي ؟؟
حميدو: آيااااه بت خالي تاهداا نظر !!مرحبا و الله يجعل كلشي مباارك مسعود..
رضى غير ساكت و تيسمع و عينيه مرة مرة تتمشي نوراا ...تا شاف فحليمة بشوفة فهماتو ...
حليمة: اوا هادا هو ولد خالي!! غداا انااا عارضااكم لعشاا ...
حميدو: الله بت خالي وااش بيناتناا العرااضة ههه مرحبا بيكم اي وقت ..
...طوالت الهضرة و الكلام و جمعة ماعندهاش القدر تسول ولا تهضر و حمميدو عاطيهم حلاوة اللسان تا مااقد ....جمعو الوقفة و تسالمو و مشاو بحالهم...
...لليل كلوو نورا تقلب فراسها ما بغا يدوز ليها نعاس ولا تشوفو ...تفكرات تلفون و ناضت صيفات ميساج كوسطا ..اتصل بيها فالبلاصة ..
كوسطا: شي حمار مات فدوار هههه لباس عليك انورا؟؟
نورا: (تتهضر بهمس) انت بخيرر؟؟
كوسطا: هاحنا تنسلكو تمارة قتلاتنا !! تنعديو وصافي
نورا عضات على شنايفها و عينيها دازو بدموع..و كظات راسهاا ..لا هيا بنت المدير ولا بنت لاستاذة لي تعطي رأيهاا ..فيها مايتسنى كوسطا لاكن شكون خلاك واش لي يعز فيك ريال ايسمع ليك فالزواج هو سمع خارج زكوو تحل ...
كوسطا: الوو!!
نورا: كريم !! انت عارفني ماعنديش مع دخول الخروج فالهضرة ...جاوني الخطاب و ابا عطاني ليهم !!
كوسطا: (كان متكي ناض وقف) ااشنووو!! خطااب؟؟ الا كان شي بلان باغة تزربي عليا... غير ارتاحي راني باغيك لاكن اليد العين بصيرة و اليد قصيرة!!
نورا: الصمت
كوسطا: شكون هاد خينا؟؟
نورا: ولد خالة ابااا ...من لخاريج
كوسطا: (ضحك ضحكة مريرة على زهر لي عندو !! عندوو ..رجع جلس و دوز يدو على راسو صدمة ولا في الخيال ..) بخخخخخ ااااش نكوليك الا كان فيه الخير الله يسهل عليك ..هداك باك باغي يطير الله يدير شي تاويل الخير
نورا: سمحلي كريم كنت باغة نتسناك ..لاكن راك عارف الحالة ...
كوسطا: مااعندي مانعرف!! مكتاب الله تيتصرف ...منين هزيتي تلفون و كلتيها ليا و ماطعنتينش الله يسهل عليك و يشوف من الحاالي ......دام الصمت للدقائق
اتقطع الخط و تقطعاات قلووب معااه ..هل نحن مخيروون ام نحن مسيروون !!؟؟ الخير فيما ختاره الله..كوسطا ربي لي عالم بيه خلاها الوقت و الخالق و نورا رداتها دمووع ماشي حزناا على كوسطا ولا على رضى حزناا على راسهاا .......
🌄🌄🌄🌄
..صبح الصباح و نهار غاادي بالسوايع سريعة و حليمة منين فاقت و هياا دور غير بجنابهاا و الغووات الغووات ..سيمو دااخل خارج فقص شيفرونة هيا تجفف و تسيق و هو غايزطم .....
نورا: تووماا لي بغيتتوو !! انا منمشيش عند ناس مبهدلة داك ولدها منعرفت اش حاسب فالكروو !!
جمعة: رااه راجلك ..سيري طبيعية و بحقيقيتك
نورا: (شافت هجر تضحك..) كاليك حقيقة ههه زيدي مع جمعة ...
هجر: سامحيني ههههه الحقيرة اجمعة
جمعة: انااا راااني هااجراااه معااكم دنياا و دييين ...
.....خرجات هجر و هيا ختهاا للشارع محلات حوايج و تيشوفو شنو الجديد جاية نورا عارفة شنو باغة ولو قلة شي متبعة لامووض...شرات ليها دجين بوي فراند و بيل لاصق مع صمطة كوتشي و سبرديلة ..و عطات هجر 200درهم دكوسطا و شراات هجر بحالها غير الوان مفرقين (ماتعرف تشري ولا تختار )...رجعو الدار دخلو دوشو بجوج و ضربوها بفركة...
هجر: (شعرها قفة و حليتيها) 😥😥 اش داني نغسلو يوميان عاد ينشف ..عيات مانبكي على ترطيبة حلفو لا شراوها لياا
نورا: هداك ورتك من حميدو شابها ليه شعر كرد ...شوفي اري ندير ليك ظفيرة !!
هجر: سيري طنزي عليا مك ابت قحبة ...😭😭😭
نورا: خاصك كيراتين !!
هجر: هاديك زبدة كيراتين ياكي !!تتباع عند العشاب ؟؟
نورا: (بقات تتشوف فيهاا ) لبسي!! لبسي حوايجك و صوني على حفصة تجيب لينا بلاك !!
هجر: اري نصوني و الله تاتجيبو لياا ...
عطاتها تلفون و اتصلت بيها و فعلا قسم مكانة كانت عندهم ودات معاها تبركيكة زواج نورا و مشات ...نورا حدادت ليك شعر على طولو و للبسات الحوايجها جات تضرب على الشعا زينة و هجر لبسات تاهياا و دارت زيف تخبع شعكاكة ...خرجو عند جمعة بقات غير تتشوف شللو ليها للسان ..
جمعة: عاد جاتكم مراهيقة !!؟؟
نورا: لا سن الشرف !! انا مزوجة دخلكش فياا
هجر: اناا باا تيحكم فياا ..
جمعة: ايه بنيااتي حبيباتي ...الله يعطيكم الطير ....تااني و راابع قلبوهاا كومباا و سببان و معيوور تاا دخل سيمو شد الشدة الاعمي فشيفرونة منين جاوها الفلوس ..خسر ليها داك زيف و قمشها فيديهاا ..و حماوهاا غواات ..شفااعة مولانا مع هاد تريكة !!!
...وذن المغرب و شمس غربات....واجدين مقاادين ....حميدو فالباب متقل شمنك ادسير شمنك الموناضا و عطا جمعة فلوس تشري حلوى فطريقهم ...حليمة فالنفس البلاصة قريبة عليهم ...وصلو فين نعت ليهم حميدوو لقااوه واقف فالراس درب ...
...صوناو نزلات حليمة ترحب و تعاود ..وطلعو فالدروج الطبقة التانية ....لقاو تريكتهاا سلمو عليهم ...و حليمة فرحانة بيهم ..تادخل عليهم رضى اسلم و رحب بيهم وجلس حدا حميدو يذاكرو و البنات وحدة دااخلة فالوحدة ة تيتهامسوو ...حطات ليهم العشاا الدجاج و الشلايض و الزعلوكة فالطباسل و حطو ليهم الموناضة لي جابو و ديسير ...
...بقات الهضرة تجيب الهضرة و طولو الجلسة ...تاناض رضى و خرج الكلوار و غوت لمو ..ناضت خارجة عندو ....
رضى: (مقرب وجها و تيهضر بهمس) الواليدة هاد المراة ماهضرت معاها ماتكلمت معاها ؟؟ شوية و ينوضو يمشيو !! خاصنا تاني عرض عليا نعرض عليك فالديور !!
حليمة: لا االولدي انااا نهضر مع حميدو ....
رضى: انا نشوف دنيا من صباح هيا تصوني..
.دخلات عندهم بابتسامة ...و تترحب ..تاوقف حميدو
: بت خاالي هوو هدا الله يخلف
حليمة: لوااه باتو معانا و قصروو !!
جمعة: و الله مانصيبو الولد بوحدو و حميدو دبا غادي يرجع لاكريي ..
حليمة: وخ ولد خالي ..اجي نهضر معاك .....خرجو تا البوصدار ...خويي دبا البنت بنتنا و عروستي وكي شتي حنا مابقى لينا والو نمشيو و بغيتها تبقى معانا مونسانا ...منها ترصي مع رااجلهاا
قصة الكاغيط
محتوى القصة
التنقل بين الأجزاء