هديل مللي بدا هدرتو و هي ساهية كتشوف بعيييد غير مصدوومة معارفاش باش تبدا و اش توخر، كلامو صدمها و خربقها و تلف ليها دماغها : دبا نتا جاي باش تقولي نتا بابا.. !!
عادل : بنتي سمعينيي
هديل : شووو صافيي دويتيي بزااف دبا جات نوبتيي..
قطعات كلامها فاش سمعات زياد كيبكي و يفركل لخديجة
خديجة : معرفتش مالو، زيااد صافيي زيااد
هديل : ارييه ليا
ناضت خداتو من عندها بشوية و بقات كتراري فيه : صافيي ا ولديي، زيادوو حبيبيي مالنا على الغواات، ياك نتاا ولديي الزوييين
بقات كتخرج لسانها و كتحول عينيها بطريقة طفولية خللاتو يضحك و يبدا يلعب بيديه
هديل : هاداا هو ولديي، حبيبيي نتاا
باستو ففمو ضاحكة و رجعات جلسات قدام عادل لي غير كيشوف فيها : هادا ولدك ؟!
هديل : اه ولدي
وقفاتو قدامها بشوية كتلعب معاه و هو كينقز لوجهها ، تنهد عادل عاد دوا : شكون مولاها ا بنتيي، غير قولي لياا انا عارف شغلي معاه
هديل : شنوو غديير ليه، يااك نتاا داير ما كثر مننوو، اصلا انا معاودتش نفس الغلط لي دارت ماما، هي رباتني باش منديرش بحالها، انا مزوجة غير بلا ميمشي بالك لبعييد
مسخات دموعها كتحاول تقوي راسها : و لا عرفتيي اش فيين كنتيي نهااار تخطفت من وسط دارناا و مشييت بلا هواياا، فيين كنتي نهاار تزوجت براجل مكنعرفووش و بزز منني سنييت حيت الى ما سنيتش على عقد الزواج ا يقتل نااس ما لييهم حتا ذنب، فيين كنتيي فاش عشت فالرعب و ولليت نخاف نقول لااا حيت الى قلتهاا ا يتقتلو رواح بريئة بسباابيي، كوون كنتيي مكاانش يوقع ليي هادشيي كاامل، نسااو هادشيي يااك، فيين كنتيي نهار مبقيتش قادة نكمل حياتي مع راجليي، ولليت باغا نهرب و معندييش لاين، حييت معندي عائلة، معندييش اب ليي نرجع لييه يحميني معندييش، فيين كنتيي فاش جييت كنتلاوح فالمغرب مكاينش فين نحط الراس، فيين كنتيي نهار بغيت نولد و دوزت الجحييم فالسبيطارات ديال المغرب فييين كنتيي غير قولياا، نتا مكنتييش، دوونك مااشي من حقك تجي تقوليي بنتيي، نتا مكنتييش فابسط لحظات حياتيي، دبا باشمن صفة تجي تقوليا بنتي ... خرج برااا..
عادل كان غير ساكت مصدووم من هدرتها، ممتيقش بللي هادي بنتو لي عاشت هادشي و دوزاتو كاامل فحياتها، لسانو تربط و مقدرش ازييد كلمة وحدة، شافت فيه و الدموع نازليين من عينييها، بدات كتغوت بلا متحس : قلت لييك خرح برااا، مبغيييتش نشووف وجهك، خرج علياااا، اناا كنكرهك، كنكرهكم كااامليييين، خرج صافيي خرررج
بدات كلها كترعد بلا شعور، زياد فيديها تخلع و بدا كيبكي، قربات وداد بالزربة جراتو من ايديها و بعدات كتراريه باش تسكتو، مشات لبيت النعاس لداخل و بقات واقفة بيه باش ميوصلوش الصداع، فالصالوون هديل جالسة فالأرض ذاتها كلها كترجف كتبكي و تغوت بهستيرية، جملة وحدة على فمها "خرج عليا و كنكرهكم كاملين" نزلات عندها خديجة معنقاها و كتحاول تواسيها خلعاتها حالتها هي التانية، اما عادل وقف فبلاصتو مصدووم، هدرتها كلها مزال كتزنزن فودنييه، اما شوفتها فهاد الحالة كملات على ما بيه، مابقا عارف ما يدير و كلشي تخلط عليه، قرب بخطوات محسوبة : بنتيي هديل
هزات فيه عينيها الدامعين و دوات بشوية : انا ماشي بنتك، بعد منني، مبغيت منكم واالوو، بغييت غير نرتاح و نساكم كامليين، بعدو مننيي، الله اخللييك بغييت نعييش انا و ولدي بوحدناا، عمري مكان عنديي اب، و حتاا دبا مزاال ما عنديي، الله اخلليييك
سكتات كتبكي و تشهق، شافت فيه خديجة: خرج ا سيدي عفاك ما شتيش حالتها
تنهد بالجهد تحرم من بنتو قبل ما يعرفها و تحرم منها مرة خرى فاش عرفها، مسح على وجهو و خرج محطم مابقا عندو ميزييد معاهم...
هديل بقات شحال كتبكي الصدمة كانت قوية عليها، مزال مامتيقة و هاد الهدرة لي قال ليها فتحات جرووح غاارقة فقلبها حتا حسات براسها داواتها و رجعو تفتحو، بكات حتا فشات و خديجة حداها كتواسي فييها ممنقساش من جهدها، بدات كتهدا بشوية بشوية، مسحات دموعها و ناضت جلسات
خديجة : لي داز عليك ماشي سااهل، بالسيف ا ختيي جا من بعد هاد السنيين كلها كيقولك راك بنتو
وداد : و لكن راه كيبقا باها، حتا هو عند بالو مها نزلات الجنين و هي را حتافضات بيه، اييه هو غلط و لكن مكانش اتخلا على بنتو كون ما الضرووف، كيبقا باك ا هديل
وقفات كتقاد زياد واقف متكياه فوق صدرها شوية : شوفوو غير خرجوو شريو الكساوي باش ا تمشيو فالعشية، الغدا مزاال معطل بالزايد هه، يللاه نوضو مضيعوش الوقت،
مشات تحط زياد فبلاصتو و خللاتهم كيشوفو فبعضهم بزوجات و يدورو فعينيهم، عاد كانت حالتها و دبا وقفات عادي و مشات تشقا بحالة مواقع والو، معارفينش بللي كثرة المصايب لي دازت فيها خللات كلشي يوللي عادي عندها...
داز الوقت، جالسة فالصالون كتفرج و تلعب برجليها مبتاسمة و هي شادة لي زانيم، حاطة فوق فخادها طبسيل ديال البريوات معمرين د الحوت، من نهار عرفات راسها حاملة و هي كتاكل فيهم بواحد الشرااهة ياا سلام، كل شوية كضرب طبسيل غير بوحدها مكتشبعش منهم، سمعات صوتو كيغوت بسميتها، قفزات و وقفات بالزربة، بالخلعة طاح ليها الطبسيل، شافت البريوات ديالها فالارض شداتها البكية و لكن غير سمعات صوتو قفزات كتشوف فيه، كان جاي عندها عينيه حمريين و عروقو باينيين : خلليييتك فالدااار ا بنت العبد بااش تخرجي من وراياا و تبدااي دوري ليااا
اشراق : هااا شمن دوران، ف. فهد.. الله اخلليك هانتا بلا متعصب
فهد : اناا غنوري ملتك العصالب كييف داير، طوالوو لييك الرجليين ولليتي تخرجي بلا شواار....
عادل غير سمع صوت غواتو جا كيجري، شافتو اشراق و طارت تخبات ورا ضهرو : را كنت خاارجة مع عمي عادل و الله، ممشييت فيين ا فهد خرجت غيير معاه
فهد : اجيي لهناا، راك مراتيي اناا و انا لي غتشااوري معاياا قبل ما تعتبيي البااب
اشرااق : راه رااه نسييت صافيي سمحليا فهد عفاك دبا بلا متعصب
مسح على شعرو باغي يهدي راسو و مقادرش خصوصا و هو كيشوف فيها مخبية ورا باه : بلاا متجعري دييلميي و اجيي لهناا قدااميي
عادل : ولديي راهاا كانت خارجة معاياا انا، معندك مناش تخاف كانت غير معاياا
فهد : نتاا مدوييش سمعتي بيني و بيين مراتيي، اشراق اتجي قدامي و لا نجييبك بيديي
بلعات ريقها بعدات بشوية على عادل و هي كتقرب ليه بخطوات صغار كترمش بعويناتها غير بشوية و تشوف فيه شوفات البراءة : فهد حياتي عفااك هانتاا غير تهدن
حط ايدو على جبينو كيماصيه بشوية و كيشوف فيها بنص عين كيف كتمسكن
اشراق : صافيي حبيبي را و الله حتا نسييت ما نعلمك، اخر مرة و الله منبقاش نعاود
قربات كثر حطات ايديها على دراعو مبتاسمة ليه، ابتاسم ليها حتا هو و نزل باسها ففمها بوسة خفيفة : شنوو درتي فياا نتيي !!
اشراق : شنو درت انا ؟!
حط ايدو على حنكها كيدوزها بشوية : هبلتينيي و خلليتيني بلا عقل، هادي اخر مرة تعتبي باب الداار ا اشراق، مكنبغيش نتعصب علييك و لكن نتي كديري علااش
اشراق : شنو نبقا محبوسة هنا
فهد : فاش تبغي تخرجي قوليها ليا و انا لي غنخرجك سمعتي،
هز راسو شاف فعادل : فين مشيتو
عادل : هادشي فاش باغي ندوي معاك
فهد : شنو واقع
عادل : نجلسو بعدا ا ولدي
مشاو للصالون جلس عادل و جلس فهد قبالتو، جر اشراق جنبو و دور ايدو على كتفها و شاف فعادل كيتسناه يدوي : اش كاين ؟؟
عادل سكت غير كيشوف فاشراق، لي بدورها حاضياه كيدويو غير بالعينين حتا رد ليهم فهد البال : واش غتبقاو تشوفو فبعضياتكم هككاا، قولو اش وااقع ؟
اشراق : هانتا فهد بلا متعصب غير كالم واخا
فهد : وا دويييو
عادل : انا نشرح لييك فين مشيت و اش كاين،
بدا كيعاود لييه كلشي من لول بالتفصيل الممل كيفما عاود لهديل، زادو حتا هاد المشية و رد فعل هديل، مخبا حتا جزء حيت صافي فات وقت التخبية و ما بقا عندو ميغطي، دبا هو عندو بنت خاصوو يهز مسؤوليتها، فهد سكت شحاال من بعد هاد الهدرة كاملة، كيحس بعرق راسو تنفخ و كيضرب بالجهد مكرهش انوض اخلط كلشي، تحكم فراسو و دوا بهدوء : كتفلا علياا يااك !!
عادل : ولديي..
قاطعو فهد : شووو صافيي، دبا نتاا خلليتي الوليدة كتموت فايطاليا على ود هاد الكلبة، لا لااا كنت متوقع تلقاا سبب مقنع كثر
عادل : ولديي هي كانت حاملة ببنتيي، طرف مننيي بحالك، و متقولش على رحمة هككاا
فهد : شنو منقولش علييها كلبة، لا هي كثر من كلبة ملليي تابعة راجل مزوج مذلوولة
عادل غوت بلا ميحس : هي ماشي كلبة عمرك ترجع تقوولهاا، هي من الاساس مكانتش عارفاني مزوج، كانت صغييرة فعمر 16 عاام مزاال طايشة و معارفاش اش كديير، اخر مرة تعايرها قدامي و لا ميعجبك حال
فهد : كاالم الولييد كاالم، مالك شعلتيي، عزييزة عندك هااد رحمة، بغيتييها بزااف، و الوليدة شنو كانت، لعبة بيناتكم، بوجهك حمر كتغوت و تهدد
عادل : نتا اكثر واحد حاس بيا مزياان، نتاا راك عارف هادشيي و مجربوو غير من حبك لاشرااق، ماماك تزوجت بيها على ود العائلة و هدرتهم عمري بغيتها و لكن رحمة حاجة خرى، هاديك هي الوحيدة لي بغييت،
فهد : نتا كدوي على الوليدة دبا واقييلا
عادل تنهد : ولديي، هادشيي فاات ، المهم عندي دبا هو نتا و ختك، براكة عشنا مفرقين سنين طوييلة، مبانلكش جا الوقت باش نتجمعو كعائلة وحدة، ولدي راني كبرت صافيي، بغيت غير نشوف ولادي بزوج فاستقرار تحت سقف واحد باش نرتاح، نتا كرهتيني من صغرك حيت عتابرتيني السباب فموت ماماك، و ختك كرهاتني من نهار عرفات شكون هو الاب، حيت مكنتش حداها، داز عليها جحييم و هي بوحدها، عارف بللي بزوج مقادرينش تسامحوني، و لكن متحرموش راسكم من بعضكم، نتوما خووت ا ولديي
فهد : قلتيي خووت ههه
ضحك جنب، رجع راسو للور و تنهد بالجهد : حتا هي حاقدة علييك، قلتي هي مزوجة و عندها ولد
عادل : ااه، على حساب مافهمت هي هاربة من راجلها، كان مكرفصها فحياتها مقداتش تعيش معاه
فهد : دبا نتا مشيتي عندها و جرات علييك
عادل : راك قلتيها، حقدات عليا، و لكن نتا ا ولديي لاا، نتا الوحييد لي يقدر اقنعها باش تجيي، هي معندهاا حتا وااحد و خايفة من راجلها لا يلقاها، عايشة دبا غير مع شي صحاباتها، منقدرش نخلليها فهاد الوضع هككا ا ولدي، نتا ا تعرف كيف تجيبها
سكت كيشوف فيه، مجاوبوش غير ساهي بعييد،
عادل : صافي ا ولدي ؟!
فهد : غدا ا نشوف اش ندير فقضيتها
عادل : شكراا بزااف ا ولديي، كنت عارفك ا ولديي...
فهد وقف و قاطعوو : صافيي حبس شوية من الصباح و نتا ولديي ولدييي، دير فبالك بلي هادشي خللاني نزيد نحقد علييك، و غندير هادشيي على ود هاد ختيي حيت تا هي عاناات بسبابك، ميمكنش نخلليها لهاد راجلها يدير فيها ما بغا..
خرج كارز على ايدو طلع فسيارتو و كسيرا بسرعة خيالية خللا العجاجة طايرة وراه..
الداخل..
عادل : زاد كرهني دبا
اشراق : متقولش هككا ا عميي، دبا كلشيي يتقاد خاصو غير الوقت را مساهلاش علييه
عادل تنهد : انشاء الله..
دااز الوقت.. ضلام الحال و توسط القمر السما..
بار كبييير وسط مراكش، كاين غير العرا الشطيح و الغنا الاضواء مشعة كضرب و طفا كدور بجميع الالوان، صوت المزيكة صاخب و مجهد بزااف الغوات و الصداع، مسمووع حتا لبراا، فالطابق الفوقاني ، جهة خاوية مسموع فيها الصداع غير شوية، مواصلش بزاف، زوج كنابيات جاو مقنتيبن و قدامهم طبلة صغيرة د الزاج، كان شاد كاسو كيجغم مننو بشوية و اوگدان فوق الكنابي لاخر كيدير شي اتصال، كيسر ساهي بعييد و دماغو خدام كيلاقي الخيوطة، مبقاش كيحبس من التفكير و هادي اول مرة يحس براسو فعلا مربوط الايدين، شهراين على قدها و هو كيقلب عليها، دار المغرب كامل و مزال مالقا حتا نتيجة، معرفهاش فاشمن مدينة بالضبط، كازا قلبها كاملة و ملقاهاش فيها ، واخا كان متأكد بللي مغتبقاش فيها، حتا من الاجهزة الالكترونية لي كانت عندها كااملة باعتها و لا لاحتها، مخللات ليه منيين يتبع اثرها، بعض اللحظات كيشك بللي خرجات گااع من المغرب، و بعض المرات كيقول ممكن القاها فشي عروبية فشي قنتة ممحطوطاش حتا فالخريطة، مل هاد التقلاب، خاصو يلقاها قبل ما يحماق، عارفها ا تكون ولدات دبا حاسب ليها مزيان، وللا كيفكر فيها بالليل و النهار، عندو هدف واحد دبا هو يلقاها ...
خرجو من وسط افكارو شي حد جلس حداه، دور وجهو طلعها و نزلها مزياان و قلب وجهو كيجغم من كاسو، غير وحدة من بنات الليل ممساليش ليها دبا و دماغو عامر، قربات ليه كثر زعمات و حطات ايديها على صدرو، دار شاف فيها بنص عين لقاها مبتاسمة ليه و هايمة فعينييه كدير فيه واحد الشوفة ميقدرش اقاومها اي واحد، و لكن معامن، مهتمش ليها كلها : تهزي من قدامي قبل ما نتيري فيك..
نزل عينو لعند ايدها لي فوق صدرو، يللا بغات تجرها و هو يشد منها مزير عليها و عينييه خارجيين : منيين جااك هاد الخااتم دوييي
كان خاتم زواجو بهديل محطوط فصبع البنت، الخاتم لي تصاوب خصيصا لهديل و على صبعها بوحدها....
قربات ليه كثر زعمات و حطات ايديها على صدرو، دار شاف فيها بنص عين لقاها مبتاسمة ليه و هايمة فعينييه كدير فيه واحد الشوفة ميقدرش اقاومها اي واحد، و لكن معامن، مهتمش ليها كلها : تهزي من قدامي قبل ما نتيري فيك..
نزل عينو لعند ايدها لي فوق صدرو، يللا بغات تجرها و هو يشد منها مزير عليها و عينييه خارجيين : منيين جااك هاد الخااتم دوييي
كان خاتم زواجو بهديل محطوط فصبع البنت، الخاتم لي تصاوب خصيصا لهديل و على صبعها بوحدها...
شافت فيه مبتاسمة و زادت قربات كثر : خاتميي، واش عجبك !!
نترها من ايدها وقفها و جرها دغيا ملصقها مع الحيط، مزير عليها من ايدها شوية و يطيرها من بلاصتها : كضحكيي عليااا، كنقوول لك منيين جااك هاد الخاتم
جر صبعها بالجهد و قابلو مع عينيها : هاداا ماشيي خاتمك، هاد الخاتم كاين مننو واحد منييين جااك،
بدات كترمش و كتشوف فعينيه، الطريقة باش كيشوف فيها كتقولها هادي هي لخرة لييك، بلعات ريقها معندها ما دير بشي لعب معاه : جاابو ليا واحد، بغا ليلة و كان هو خلاصي
زاد زير على ايدها مصغر عينيه : متأكدة ؟!
البنت : و الله ا سيديي مكنكدب معندي لاش نكدب علييك
كيسر : شكون هاد الواحد
البنت : هو شمكار كيعيطو ليه حشيشة ف****
كيسر : اريه
البنت : شنو هو
كيسر : الخااتم حيدييه من ايديييك
البنت : و لكن...
زاد زير كثر شوية و ينثر دراعها مقاطعها : منعاودس هدرتي زوج مرات غتجبدييه و لا نقطع لك صبعك من بلاصتو
هزات ايديها كتجر فيه و لكن مبغاش اخرج صباعها غلاظ على صبيعات هديل غير ضعاف و صغار، عيات تجر و لكن لسق : راه واحل هانتا شوف
بعد عليها و مسح على شعرو بعصبية ، دار عند اوگدان لي مراقب السيناريو فصمت : اتديها تحيد الخاتم، منبغي يوقع لييه حتا حاجة واخا نعرف تقطعو ليها الصبع، المهم الخاتم يرجع كيف كان سمعتيي
اوگدان هز راسو باه و وقف عيط على زوج من لي گارد، هي اكيد رفضات تمشي، هزوها بالسيف و خرجوها من الباب لوراني، تبعهم اوگدان و ناض كيسر يشوف هاد حشيشة خاصو يلقاه اليوم قبل غدا..
كانو جالسات بزوج كيلبسو صبابطهم فرحانات، خديجة لابسة كسوة طويلة فالگري لامع داخل فخياطتو شوية الكحل جا لونو داكن، بلا كمام نازلة و مهزوزة من جهة الصدر، لاصقة من الفوق و واسعة من التحت بزوج فتحات طالعين حتا الفخاد مع كضرب خطوة كيتعراو، الشعر كريبي من التحت و طايح على كتافها مع مكياج خفيف، لبسات معاها صباط طالون كحل طالع شوية بحال البوط و هزات بوشيط فنفس اللون فيديها، وداد كانت لابسة كسوة فالحمر، قصيرة من القدام و نازلة من لور حتا لارض، لاصقة مزيان من الفوق و هازة الصدر، زوج سميطات نازلين على كتفها من كل جهة و عريانة من نص الضهر كامل، لبسات طالون حمر مفتوح من القدام غير شوية و الطابي ديالو التحت فيها خط كحل رقيق و هزات بوشيط حمرة فيديها ، ماكياج خفيف و عكر مااط حمر، اما الشعر ليس طايح على كتافها، وقفو بزوج قدام هديل لي شادة زياد و كتعاونهم شوية، وقفات كتقلب فساكها و جبدات مننو زوج عقود واحد مداتو لوداد و التاني لخديجة : لبسو هادو ا يجيو مع لباسيكم
وداد كان عقدها ثقيل بيض بحجرة حمرة متوسطة الوسط و زوج صغار فالجناب ديالها، شكلو فوت الرائع و باين فيه غالي، التاني كان فالكحل لاصق على العنق فيه حجرة متوسطة وسطو فالرمادي و نازلين مننو سنيسلات رقاق مختالفين جاها زويين مع اللبيسة...
هديل : داك الحمر كان جابو ليا كيسر، لبسيه غير يبقا. عندك و صافي غالي عندي بزااف،
وداد : متخافييش ا ندوز بيه الحفلة و نرجعوو ليك كيف كاان
هديل : عارفة داكشي لاش عطيتو لييك
وداد قربات عنقاتها من الجهة التانية بعيد على الايد لي هازة منها زياد : شكرا بزاااف
هديل : راكم خواتاتي دبا اولى، اصلا انا لي خاص نشكركم، يللا سيرو راكم تعطلتو بالزايد
لبسو عبايات كحلين فوق حوايجهم و لواو شال فنفس اللون غير بينما شدو طاكسي ميقدوش ادوزو من الدرب هككا، سلمو على هديل و قبل ما يمشيو جلسو يوصيو باش متحلش الباب و تسد عليها الساقطة الفوقانية، ترد البال الولد و شللا كلام، ماخرجو غير بالسيف حتا سدات الباب فوجوههم خللاتهم نازلات كيضحكو..
دخلات لداخل محاملاش تبقا بوحدها و لكن ما بيدها ما دير مبمبغاتش تخسر ليهم فرحتهم..
دازت هاد الليلة و صبح صباح جديد، قادات الفطور مزيان و صاوباتو معليها دبا غير تسنا البنات اجيو، كانو علموها بللي غيباتو من بعد حيت سالات حفلتهم فوقت معطل بزااف، سمعات صوت زياد كيبكي، تنهدات و مشات هزاتو، كان مخسر ملامحو و كيغوت، معندو كيدير افركل و لا يتحرك و هي مگمطاه، مشات هزات كضحك و تجر فنيفو و هو مكمش عينيه و عاطيها للغوات، حللاتو ليه و جابت كوشة و الحوايج بدلات ليه و لبساتو، عاد نزلات كتبوس فييه حتا بدا يغوت تاني، هزاتو كضحك : و دباا نرضع حبيبيي ا يكوون فييك الجووع يااك، تانا فيا الجووع و بزااف،
تمات غادة بيه جيهة البيت فين حطات الفطور، مافيها ميتسنا البنات قاتلها الجوع، يللا غتجلس سمعات صونيت فالباب، شافت فزياد : هااء، ها خالتو وداد و خديجة جااو، نمشيو نحللو الباب هو لول
مشات حلاات الباب و هي حادرة راسها كتلعب مع زياد، مع هزات راسها تبلوكات : نتاا ! نتا شنو كديير هناا ؟!
فهد طلعها و نزلها، شاف زياد فيديها و ابتاسم : نتيي هدييل
هديل : ماشي اناا الباب غالط
حطات ايدها على البواني و دفعات الباب باش تسدو، كان قوى منها و رجع حللو بلا هواها بهاد الحركة عرفها هديل : لاا حشومة ماشي هككا خاص تستقبليي خووك
هديل : شمن خوويا شكتخربق نتاا ؟؟
فهد : ولد عادل ليي بااك حتا نتييي، واخا عمري توقعت نقول هاد الهدرة
فهد : عرفتيي اش غديريي، نوضي جمعيي حوايجك و تبعيينيي معندا لاش ندخلو فشي نقاش معندو معنى
هديل : انا مغنمشي معاك لحتا بلاصة فهمهاا، الى بصح دايرني ختك، خرج من حياتي و خلليني نعييش فالراحة مبقيت قادة لا على صداع و لا مشاكيل، باغا غير ولديي كافيينيي
شد راسوو و تكاا على الطبلة على مرفقو : بغيت غيير نعرف كيفاش كان كيسر صابر علييك، رااك ختيي دميي هو دمك، مغنخلييكش لييه ا بنادمة يدير فييك ما بغاا، واخاا عمريي عرفتك و لكن صافي راك وحدة من هاد العائلة بالسيف عليينا كامليين
هديل : و دبا شنووو ؟!
فهد : صبر ايووب يا ربيي، نوضيي جمعي حوايجك خلااص، الى لقاك كيسر عولي على راسك متبقايش تشوفي ولدك هادشي الى مطارش ليك الراس على فعلتك
هزات فيه عويناتها مدمعين شاداها البكية : لاا هو ميدييرهااش، هو كيقولي دييما كيبغينيي
فهد : واحد قاتل مراتو لولة منضمنولكش
هديل : لااا هو قتلهاا حييت هي لي داايراها قد رااسها، انا ماشيي هي
فهد : يا لاالة نتي ماشي هي غير نوضيي جمعي حوايجك
هديل : نتا اصلا كيفاش عرفتي هادشي
فهد : عرفتها نهار قتلها، عندك شي سؤال مزال ؟!
هديل : صافيي هانا ساكتة
فهد : وا تهزيي من قدامي بلا تمرضين
هديل : لا عرقتي اش انا غنفطر ليا، الى بقيت حاحاضياك ا نموت بالجوع..
هزات الخبز كتقاد فيه، تنهد كيشوف فيها معندو ما يديير غير يتسناهاا، هزات راسها فيه : فطر معايا الى بغيتيي
فهد : فاطر غا خشيي
هديل : ماباغي والو ؟
فهد : قهوة قاصحة كاينة
هزات راسها باه : انقادها لييك
ناضت للكوزينة صاوباتها ليه بالخف و رجعات مداتها ليه عاد جلسات تكمل فطورها، شرب من قهوتو شوية و بقا حاضيها، نزل عينو عند زياد حال عويناتو و كيلعب بيديه و رجليه مزال صغيور بزااف و لكن حركي من لول، حط الكاس فوق الطبلة و قرب هزو بين ايديه بشوية ، ابتاسم بلا ميحس و هو كيشوف فيه، هديل الدغمة وحلات ففمها، بقات متبعة ليه العيين و قلبها كيضرب
فهد : زيااد، زويين بزاف، عينيه بحال كيسر
هز عينو شاف فيها موقفة الدغنة ففمها ما مضغاتها ما سرطاتها، كدير فيه شي شوفات فشكال ناضت داك الساع جراتو من ايدو بلا مدويي و بقات شاداه : انا ماغنمشيي معااك فيين غير سير الى باغيي تمشيي،
تنهد و وقف فهم بللي ولدها خط احمر غير من التصرف لي دارت،
فهد : فالعشية غندوز عليك نلقاك واحدة، بلا متفكري تبقاي هنا
خرج و خللاها جلسات فوق السداري كتخمم : ياا ربيي شهاد الزهر عندي واش نخرج فوحدة نطيح فالتانية، على قلة العائلاات، مطحت غير فهادي تكون عائلتي صافي فهد لي بقا باش اكمل ليا ما بدا كيسر..
وصلو قدام باب الدار زوج طوموبيلات وقفو متابعين، فيراري ديال امير و وراها بورش ديال علي، فسيارة امير، معافر مع وداد كيف العادة لابسين حوايج عاديين خداوهم من حياة ميقدووش ارجعو بكسلوي الحفلة ...
وداد : دبا كيندير نزل شووف ناس الدرب كاملين كيشوفو فيينا دبا ا نزل هككاا من قداامهم ، ا يبداو اقولو علياا كيحطوني الطوموبييلات و يعلم الله فين بايتة باش احطها على الصباح و شللاا هدوور
امير : و دبا حنا مالنا و مال هدرة الناس
وداد : يااك ا سيديي، اناا رااه بنت و الهدرة لي تقالت علياا را كتهمنيي، واش كتفهم و لاا لاا رااه سمعة عادي
امير : خلليي كلشيي يعرف بلليي انا لي موصلك، حتا حد مكيهموو هادشيي، و مزياان نييت اعرفووك ماشي راسك
غمزها و خللاها كدور عينييها رجعات شافت فيه : مافهمتش
ابتاسم و تحنا جبد شي حاجو و شاف فيها : اري ايدك
وداد : لااش ؟!
تنهد و قرب حتا لوجهها، فمو قريب ليها شوية و يتحط على فمها، جر ايدها بشوية و نزل عينو كيسد ليها كورميط فيديها هي عاد ردات ليه البال : شنو هادا
امير : ديالك نسيتيه عندي
غمزها و باسها فوق فمها خللاها مخرجة عينيها مصدومة، بعد بشوية شاف فيها مزال فبلاصتها مكتحركش، ضحك جنب و قرب ليها باسها مرة خرى و لكن هاد الرة مطولا و هو كيلعب بشفافيفها، هي غير كترمش و دور عينيها كيحدهم ليها فمرة عمرها تخيلات راسها شي مرة ضعاف قدامو هككاا، ديما هي البنت القوية قدامو كتولليي وحدة خرى، بعد عليها و حط صبعو على فمها كيدوزو بشوية مبتاسم و ساهي فيها : شحال بنيينة
وداد : هاااا
سكت حتا عيا و بدا كيضحك و هي غير كتشوف حتا عاقت على راسها خنزرات فيه و دورات وجهها للجهة التانية، هزات ايديها كتشوف فالگورميط و غوتات : ياااااي متقوولش ليااا خللييتها عندك، نااااريي شحال قلبت علييها
امير : خلليتيها فالفيراري، فريفرة مع راسك دغيا نقزتي ليها
ابتاسمات كتفكر داك النهار : و راه بغيت غير نتصور فييهاا، عرفتيي درناا البووز دااك النهاار فالسنااب كلشيي بدا كيسول كييف درنا لييها هههه
امير : كون قلتيييها ليا منقولش لاا، نصورك كتسوقيها الى بغيتيي
دارت عندو بلهفة : بصح بصح ؟!!
قرب حيد ليها الشعر من فوق وجهها : اه بصح، علاه شحال عندي من وداد غير وحدة
بدا كيضحك و كيشوف فيها كيف كتغنييي اش جا ما طفاهاا دباا مغتسكتش ليه، دور وجهو و خرج عينيه فاش شاف فهد خارج من العمارة، شافو دار نضاضرو فعينيه و غادي فاتجاه سيارتو لي من الجهة التانية، جر وداد من ايدها بالجهد : هاداااك شنو كيديير فعماارتكم
وداد : ا ويليي تا شكوون ؟
شاف فيها مخنزر و هي دارت تشوف شكون بان ليها فهد حل لوطو و طلع، كسيرا بقوة غادي طاير
امير : قلت لييك اش كيديير عندكم ؟!
وداد : ها حي الى خرج من عمارتنا راه كان عندنا حناا، رااه تبارك الله خمسة الطوابق واحد كينطح التاني و زوج برطمات فالطابق
امير : و اش غيجيي يديير فعمارتكم بالضبط
بلعات ريقها كتفكر : نااريي هدييل، ا ويليي ياكماا هو
امير : شكون هو ؟!
دارت تحل الباب بلا متجاوبوو لقاتوو مسدوود : حل دغياا عفااك حل
حل ليها الباب خللاها نزلات كتجري، دار نزل حتا هو سد الباب و طلع تابعها، خديجة و علي كانو حتا هما عايشين فعالمهم الخاص غير شافوهم كيجريو نزلو مفاهمين والو و طلعو تابعينهم ...
وصلات وداد هي لولة و بدات كدق بالجهد لحق عليها و امير و وقفو كيتسناوها، حللات ليهم الباب كتجمع فشعرها : ا ويليي ا ودااد غا بشوية، على بونت تفرعيي البااب
امير : شكون هادي ؟
دخلات وداد و هي كدويي : شكوون هادااك لي كان نازل من العماارة واش جا عندك كنت شفتوو فالعرس دااك المرة تي قووليي، ياكماا رااجلك !!
هديل : ا ويلي على راجليي لااا ماشي هو، هاداا يا ختيي قالك خويا
خديجة وصلات مع اهر كلمة : شكوون خووك ؟!!
هديل : ولد هادااك لي جا عنديي الباارح ا ختيي، قالك باغينيي نمشيي معااه صافيي هادشيي لي بقاا، تهنييت من واحد جا يكمل عليا لاخر
مشات عند ولدها لقاتو ناعس هزاتو بين ايديها بشوية، شافت فالدراري و ابتاسمات ة نتوما امير و علي ياكوو، دخلو متبقاوش فالبااب هككا، ا نحط ولدي و نجيب ليكم شي حاجة تشربوها
مشات للبيت و خللاتهم كيدورو عينيهم، وداد و خديجة جلسو فوق السداري و تنهدو
علي : ممكن نفهمو شواقع هنا شكوون هاديي
خديجة : قصة طويييلة
وداد : هادي صاحبتنا و صافيي، خرجات من دار راجلها و جات عندنا ساكنة معانا دبا و صافيي
امير هز حاجبو : و فهد خوهاا !!
وداد : من الاب، عاد عرفاتو البارح، المهم قضيتها مرونة شوية عرفتوو شغدييرو دباا سيروو براكة من الاسئلة
امير مشا جلس و تبعو علي جلس مقابل معاه كيشوفو فالطبلة د الفطور بسييطة قدامهم و داكشي برد بالمدة الطوييلة لي تحط فيها، رجعات هديل مبتاسمة فوجوههم طلعوها و نزلوها كتبان مزال صغيرة لا على الزواج و لا على مسؤولية الحبالة و الولادة
هديل : فهد هو العدو لول ديال كيسر، مبغيتش نقولها قدام الدراري باش ميعرفوش كيسر، و لكن هما بزووج مكيتلاقاوش، و نهار يتلاقاو كتنوض الحرب، تخيلي مراتو صاحبتي و مكنقدوش نتلاقاو بسبابهم، و دبا انا خت فهد، الحمااق هاداا صافييي، ميمكنش نمشيي معااه اوووف غنحمااق بالتفكييير
خديجة : لااا صافيي كملاات دباا
وداد : الحماق بصح هادا.. !!
جالسة فالبيرو كتلعب بستيلو فيديها و دماغها بعييد ممعاهاش نهاائيا، تحل الباب بالجهد حتا قفزات و طيرات الستيلو من ايدها بلا متحس، هزات راسها مخنزرة فييه عرفاتو غير من الدخلة العجيبة ديالو..
كايلي : واا بناادم واش مكتعرفش دق البااب قبل ما تدخل
جلس فوق البيرو قدامها كياكل من تفاحة فيدو : مالك كتغوتي على الصباح ا مالنا
كايلي : نسولووك نتاا، الباارح على بونت و نخسروو الصفقة اش داك لعب البراهش لي كتخدم واش باغي خوك يدوز علينا بموس حافييي
كريس : و لكن راه خدينا امتيازات زايدة، البورصة مغامرة خاصك تزعم فيها،
كايلي : كناا غنربحووها فجمييع الاحوال بلاا داك العجب لي خرجتيي فاهر لحظة و زايدوون ديك المغامرة كانت غتسيفطنا للقبر زعامتك خلليها عندك
كريس: نتي عارفة بللي مكناش غنربحو هادشيي كامل كون تبعنا خططك التقليييدية
كايلي : انا بعدا مكنتلاحش لشي حاجة كبر منني و كنمشي على قد الخدمة لي عنديي ماشي باغاا نطيير، و المرة الجااية ا تلتاازم بالخطة كييفما هي سمعتيي
غمزها بابتسامة : منظمنلكش
زفرات بعصبية : اووف يا ربيي معامن انااا
كريس : زعم تاكل اللحم، الى مغامرتيش غتبقا فبلاصتك و عمرك توصل، مباغيش خدمة ثانوية هنا و معاجبانييش هككاا، خاص نكونو فمستوى كبر
كايلي : و مخفتيش طير ليك هاد الخدمة فمرة
كريس : مغطير لحتا واحد فينا، ثايق فراسي و حتا نتي ثايقة فيا
كريس : قاديت الامور ا نخلليها تمشي دقة وحدة بلا منخسرو عليها و يكون ربحها كثر
كايلي : اهااه و باش حتا الى شداتها الشرطة الدولية تشدها كاملة فمرة واش نتاا حمق واش عارف شحال دياال الفلووس تمااا و لا معارفش، واش كتقلب على موتك بيدك
كريس : عارف خدمتي و انوقف عليها برجلي مغيفلت لي والو، الى مشيت فيها ا نمشي فيها بوحدي، حتا فاش ا توصل عارفها فين ا تمشي و فين ا تباع
كايلي : ضبر لراسك، المهم شنو مزال ؟!
كريس : واحد المادة مشات ليا سميتها الصراحة
حط ايدو ورا راسو و ابتاسم : المهم شي حاجة خايبة بزااف منها ثلاثة البكيات،
كايلي : و علمتي كيسر
كريس : كيسر ممساليش و مكيفكرش فالخدمة، علمت اوگدان بكلشي و قاليا الى وقع شي مشكل نقتل راسي قبل ما نموت على ايديهم و لا على ايد البوليس
كايلي : بلا متمشيي ا كريس عفااك
قرب حط ايدو على خدها : نفهم راك خايفة عليا
كايلي : اااه و بزااف بلا متمشيي
ابتاسم : متخافش عليا قاد براسي و عارف اش كندير، عندي فرصة وحدة باش نبين لكيسر راني قاد مبغيتش نضيعها
باسها على جبهتها و خرج خللا قلبها معلقا معاه، عضات على شفاتها كتفكر فهادشي لي ناوي بدير، غير الحمق لي يديرها، خايفة هاد المرة بصح لا تخسرو فمرة...
داز الوقت كانت كتنعس فولدها بالسييف باش نعس ليها، يللا جات تنوض تحطو فالبيت سمعات صوت الفيكس كيصوني، تنهدات و حطاتو غير فوق السداري كالاتو بالمخاد و مشات تجاوب، يلاه غتهز السماعة، سمعات الصونيت فالباب، خللاتو و مشات للباب حللاتو، كان واقف قدامها بعد مدة ماشي طويلة و لكن بزوج دازت عليهم ساعات فكل دقيقة، تجمدات فبلاصتها و هي كتشوفو قدامها شعور فشكل، مقالت والو، و حتا هو مقال والو، حدرات راسها و وسعات الباب خللات ليه منين يدخل، مشات هزات الفيكس تجاوب و خللاتو سد الباب و وقف مقابلها
هديل : الوو
ربيعة : بنتيي هدييل علااش مكتجاوبييش شحال من مرة و انا كنعيط لييك، بنتيي راه راجلك جاا لعندناا، بقاا معاناا حتااا قلنا لييه فين رااك، سمحييلياا ا بنتيي را مكان عنديي حتا حل اخر مقدرتش منقولش لييه
هديل : صافي ا خالتي
ربيعة : واش جا عندك راه معاك دبا
هديل : اه
رببعة : لا حولة و لا قوة الا بالله، الله اكوون معااك ا بنتيي شغنقوولك سمحييلياا هادا جهديي بسلامة علييك
هديل : بسلامة
قطعات معاها و دارت كتشوف فيه مزال واقف فبلاصتو حاضيها..
كيسر : ولدتي !!
تنهد فاش مجاوباتش و كمل : هانتي هربتي، شنو ربحتي فلخر، عارفاني ا نلقااك واخا طيري و تنزليي
حدرات راسها و سكتات ملقات متقول و معندها حتا كلمة تقولها ، قرب ليها و دفعها على الحيط ملصقها معاه : علاش درتي هككاا، علاااش ا هديييل
نطقات بصوت خافت : مقدرتش
زير على سنانو : شنو كاان ناقصك، لي حلليتيي علييها فمك كتلقاايها قداامك، شنو لي طلبتييه و. مجبتووش لييك
هزات عينيها بشوية مقابلاهم معاه : نتا مغتفهمنييش، انا بغيت الراحة هي لي ملقيتهاش، عييت ا كيسر، عيت من الخوف عييت من الاسرار عييت من القتييل و سيرة المووت، نتاا عمرك تفهمنيي اش باغاا ا كيسر عمرك تفهم
هديل : على الاقل رتاحيت واحد المدة بلا مشاكيل ا كيسر
سد عينييه بنفاذ صبر حتا كيسمعو بزوج صوت زياد فاق و بدا كيغوت، دارو بزوج عند مصدر الصوت، قلبو تهز و هو كيسمع صوت ولدو لاول مرة، بعد منها و مشا عندو نيشان، ابتاسم كيسوف فيه هادا ولدو طرف مننوو، شاف عينيه الزروق و قرب هزو بشوية بين ايديه كيحاول عليه، عارف كيف يهزو ديجا عندو تجربة من بنتو اللولة، هز عينيه لقاها واقفة عند راسو قلبها كيضرب بالجهد و غير كتبلع فالريق خايفة بزاف، رجع زوج خطوات بعد عليها و رجع شاف فولدو مبتاسم و ضاحك ليه، بدا كيهز فيه غير بشوية و يراريه سكت دغيا و حل عويناتو كيشوف فيه و يتلاح عليه ، باسو على راسو و نزل باسو فحنيكاتو بزوج و نزل كثر كيشم فريحتو الطفولية، ممتيقش بللي هادا ولدوو لي بين ايدييه ...
هديل : مبغيتوش يعيش فديك الحياة لي عايش نتا، مبغيتش ولدي يكون هككاا ا كيسر، خايفة عليييه بزااف،
خنزر فيها و دوا تخت سنانو : خلليييك ساكتة حسن لييك، مزال متفاهمناا على هادشيي، كنتي ناوية تخللييه اعييش بلا اب
هديل : انا غير مبغيتش اخرتو تكون بحال بنتك لولة
كيسر : مزال مناوية تنساي ديك القصة
غوتاات بلا ما تحس : انااا عمرنيي نسااهاا واااش كتفهم، هاداااك رااه ولدييي كبدتييي طرف مننييي راااه نحماااق الى وقعااات لييه شي حااجة وااش كتفهم، ا نتسطااا الى تآذى واخاا غييير شوية
زياد فاش سمعها كتغوت تخلع و بدا كيغوت حتا هو، رجع كيسر كيراري فيه و لكن والو مابغاش اسكت لييه، قربات خداتو مننوو بشوية و جلسات فوق السداري جبدات البزول و بدات ترضع فيه، شافت فعويناتو دامعين، مسحات دميعة نازلة ليه بشوية : شووو حبيبيي صافيي
كيسر : هو ولديي حتا اناا، مغنخلليييهش يتآذى كتفهميي
هديل : فداك القصر غيتآدى، ميمكنش متوصلو حتا حاجة، انا خايفة على ولديي غير على ولديي الله اخلليييك فهمنييي
جلس القرفصاء حداها و حط ايدو على راس زياد بشوية : انا غنحميه باخر نفس و نتي عارفة هادشي ....
كيسر : هو ولديي حتا اناا، مغنخلليييهش يتآذى كتفهميي
هديل : فداك القصر غيتآدى، ميمكنش متوصلو حتا حاجة، انا خايفة على ولديي غير على ولديي الله اخلليييك فهمنييي
جلس القرفصاء حداها و حط ايدو على راس زياد بشوية : انا غنحميه باخر نفس و نتي عارفة هادشي
هديل : كيسر قلت ليك مغتفهمينييش
كيسر : واش انا ا نبغيي لولدي شي حاجة خايبة، راه ولديي ولديي دخليبها لراسك، غير مقال ليك راسك خلليتي كلشيي ورااك و زدتيي، شنو عند بالك مغنلقاكش واش عارفة راسك اش درتيي، ناويا تحرمييني ولديي
هديل : كيسر الله اخلليييك راه مابغيتش نحرمك و لكن انا خايفة علييه راه نمووت الى وقعاات شي حاجة لولدييي ، نصبر لكشيي كنت نصبر لكلشيي معااك نمووت و مندوييش و لكن ولدي لاا، راه نقتل على وددوو مدازش عليا الساهل ا كيسر فهمني واخا غير هاد المرة
كيسر : شهراين ا هديل شهراين و انا بحال الحمق قالب عليكم الدنيا باش تجي دبا تقوليليا خايفة علييه، راه ولدي و الى نتي تقتلي واحد على ودو انا راه نفنيي الدنياا و متقاسش مننوو شعرة
وقف كيمسح على شعروو و يزفر : نوضي جمعي حوايجك ا تمشي معاياا دباا، تزيدي كلمة وحدة منظمنش لييك اش نديير حيت صافيي فششتك بالزااايد
بعدات البزول على ولدها و سكتات كتشوف فيه ناعس وقفات بشوية محاولة علييه و مشات للبيت حطاتو قادات ليه البلاصة و غطاتو، قبل ما دور لقاتو واقف عليها، جلسات فوق السرير حادرة راسها حتا تنهد هو : ا تجمعي حوايجك و لا بلااش اصلا الى خاصاك شي حاجة ناخدوها من جدييد
هديل : منقدش ، مغنمشيش معاك
دار شاف فيها بنص عين، جرها من دراعها وقفها و خرجها من البيت، زدحها مع الحيط حسات بضلوعها تشابكو و جا قدامها راسو كيفور : الخااطر مبقااش نافع معاااك نتييي، و لكن انا لي عاطييك الحرية فووق القياااس، غتمشيي بالخااطر و لا بالسييف مجايش نتناقش معااك انا كنقولك اش غديريي و بلا متحلليي فمك، فاش ا نرجعوو ا نتفاهموو مزياان على هاد طولة الرجلييين لي فييك، ا نشوفوو واش تقديي تهربيي تانيي
سمع صوت الصونيت فالباب بعد منها كيمسح على شعرو طالع ليه الدم و مباغيش يرتاكب فيها شي جريمة : سيري حللي الباب
متحركاتش غير كتشوف فيه و ترمش، غوت حتا قفزها : غبريي من قدااميي
طارت من حداه و مشات للباب حللاتو، تكوانسات فبلاصتها فاش شافت فهد واقف قدامها : ف.. ف فهد
هز حاجبو : فهد مالك صفرة
بقات غير كتشوف، معرفات تسد عليه الباب و لا دخلو، قبل ما دوي دفع الباب و دخل للدار كيدور عينو بان ليه كيسر لي غير كيشوف فيه مصدوم حاس بالدخان خارج من ودنيه، محس براسو حتا جا قدامو شانق علييه دخلو فالحيييط كيدوي تحت سنانو و عينيه حمربن : نتااا شنوو كديير هنااا، اش جاابك لهناا
هديل سدات الباب و جات عندو كتحاول تفك ايدو مننوو : كيسر بعد انا نشرح لييك
طلق مننو و شدها من دراعها مزير علييها : واش باغا تحمقي جد ديلمييي هاداا شنو كيديير عندك
كيسر بعد كيشوف فيهم و كيضحك : لا صافيي كتفلاو علياا، منيين نزلتيي ا السيي خووها مراتيي معندهاش عائلة واش كتفهم
دار كيشوف فهديل ساعر و جنون الدنيا و الديين كيلعبوو فوق راسوو : هربتيي مننيي و جاياا عندوو
بغا يمشي لييها وقف فهد قداموو : متقربش لييهاا، سالا داك الوقت فاش مكان عندها حتا واحد، دبا كاين اناا
كيسر : شكوون نتااا اصلاا
فهد : خووهاا خاص نعاودهاا
كيسر : لا متحتاجش حييت انقتلك مافييهااش
هديل : فهد خويا بصح، هو خويا من الاب، انا لقييت عائلتيي ا كيسر، مبقيتش بوحدي بحال شحال هادي
كيسر ضحك جنب كيشوف فييهم بزووج : دبا هو لي ا يحمييك مننيي ، واش عند بالك لقيتيي عائلتك ا تبدل شي حاجة، نتيي ديالي و بدون نقاش و لي فيدو شي حاحة فيكم يدييرها الى قد
خنزر و دار مشا للبيت نيشان، جلس حدا ولدو و شد من ايديه الصغيوريين، باس على راسو و نزل لعندو كيشم فريحتو و يلعب بيدياتو بشوية ماباغيش افيقو و يخسر ليه نعاسو، ابتاسم و باسو مرة خرى، مزال ما برد شوقو لولدو و لكن عارف مزيان ماشي وقت الهدرة دبا، رجع غطاه مزيان و خرج لقا هديل فالباب حاضياه وقف قدامها و همس بشوية : ا ترجعيي لدارك بغيتي و لا كرهتي، مكيهمنيش عائلتك و لا غيرها حيت صبري معاك سالاا، هاد المرة انا لي ا نهز الولد و نخللييك تحمااقيي و متلقاايهش ديرييها فبالك
هز راسو شاف ففهد لي حاضيهم من بعيد خنزر فيه و خرج زدح الباب وراه و نزل بحالو قبل ما يريب فوقهم ديك الدار، هديل غير خرج طاحت للارض، محساتش غير و دموعها نازلين عيات صابرة و حابساهم قدامو، متنكرش فاش شافتوو مكرهاتش تلاح علييه تعنقو و تقول ليه شحال توحشاتو، مكرهاتش ترجع معااه و تنسا كلشيي معدبة راسها و معدباه معاها ، مفخبارهاش بللي حتا داك الولد لي دايرة على قبلو هادشي كامل حتا هو ايتعدب معاها ، فهد بعد كيشوف فيها فضل ميدخلش و يخلليها على راحتها، بكات حتا شبعات مسحات دموعها و مشات عندوو : غيير سير بحالك اناا مغنمشي معااك فيين،
فهد : واش كنبان لك انا هو كيسر
هديل : مشغلييش، سيير فحاالك انا مغادااش معااك،
فهد : مزال ماباغا تفهمي، كيسر مغيخلليكش بعيدة علييه دباا صافي لقااك و الى مبغيتييش تمشيي معااه ساهلة ا ياخد لييك ولدك و صافيي ودعيبه و عمرك تحلميي تشوفييه
هديل : لااا كيسر ميدييرهاش واخا قالهاا لاا هو ميدييرهااش انا عارفااه مزياان ميمكنش اخللينيي نتشواا على ولدي هاكداا
فهد : نتي و هزيتي الولد و زدتي مشفتيش وراك علاش هو ميديرهاش، دخليييها لمخك نتي خاصك لي يكوون معااك و يوقف جنبك، بوحدك مغتقدي ديري والوو
جلسات فوق السداري كتخمم، مجاوباتوش و مقالت والوو، دخلو البناات عاد جايبين التقدية ديال السيمانة و جلسو معاها، عاودات ليهم كلشيي و لقاو بللي احسن حل تمشي مع خوها حتا تشوف اش ديير، فعلا مشات جمعات حوايجها و حوايج ولدها، لقات راسها مثقلة على البناات و براكة غير مادارو عليها، خافت كيسر يحيد ليها الولد و يخلليها بحال الحمقة كيف قال، معندها حتا حل اللهم تمشيي، هزات غير ساكها لي جات بيه و واحد الباليزة صغيورة جمعات فيها حوايج ولدها معندهاش داكشي كثير، لبسات زياد و لواتو فمانطة مزياان على البرد غطات ليه حتا راسو و قاداتو، تسالمات مع البنات و مافارقاتهم غير بالكشاايف، مقداتش تبعد عليبهم ولفاتهم و خيرهم عمرها تنسااه، هز ليها فهد الباليزة و الساك و خللاها وراه هازة ولدها و مزال كتسمع وصايا البنات، نزلات لقاتو واقف حال ليها باب لوطو لور متقدش تجلس معاه القدام بالدري، طلعات سد وراها و دار طلع مكسيريي ...
مدة الطريق و نزلو من الطوموبيل دخل قدامها حط الڤاليز و الساك ديالها و دخل، هي بقات كدور عينيها و واقفة فالبااب حتا جا عادل لعندها مبتاسم فرحان و مقاداه الدنيا فرحة : مرحباا ا بنتيي مرحباا بييك فدارك
شافت فيه ابتاسمات من باب الصواب و لكن مجاوباتش، مساهلش عليها تقبلو بين ليلة و ضحاها، تفهمها و رجع كمل : دخليي ا بنتيي جلسي ترتاحيي ا تكوني عيتيي بالطرييق، تبغيي شي حاجة يجيبوهالك ؟!
هديل : لا شكرا،
مشات جلسات و جلس قدامها كيشوف فيها باغي يشبع من شوفتها
هديل : واش اشراق مكايناش ؟!
عادل : نتي كتعرفيي اشراق ؟!
هديل : ااه من شحال هاداا، كنا تلاقينا فروسياا
عادل : ياك كنتي فايطاليا ؟
هديل : اه كنت فيها و لكن مشيت لروسيا مع راجلي،
عادل : اااه ا بنتي هككاا، راها فبييتها شوية و تنزل، مزيان مللي كتعرفو بعضياتكم ا تفاهموو
هديل دارت بابتسامة كتشوف فييها، اشراق غير شافتها غوتات بلا متحس : هديييييل
مشات عندها طايرة عنقاتها هي و زياد فدقة و حتا كرشها تجمعات معاهم، بعدات كتشوف فييها و تسول : غبرتيي يا ختيي توحشتك، امتاا ولدتي ا الزغبية و اش لي جابك لهناا
مشاو جلسوو حدا بعضيااتهم و هديل خدات ولدها قدامها بداو يتعاودو و يخبروو و عادل قدامهم عاجبو الحال غير مللي شايفهم ضاحكات و ناشطات بزوجهم،
اشراق : قالي عميي هربتيي من راجلك، اش وقع لك ا الصگعة
هديل : قصة طوييلة من بعد و نعاودها لك
اشراق : اواا على خاطرك
هديل : اجيي بعداا شحال عندك
اشراق : ماشي بزاف باش كملت 5 شهوور
هديل : كرشك منفوخة من دبا
اشراق : واييه هانتيي تشوفيي، كيقييل فهد يضحك علياا، كيقولي متجي ضربي شهرك التاسع حتا توصل لفمك
هديل : ما شتي انا كرشي قداش كانت كنبغي غير نتحرك مكنقدش، عرفتي اش عندك بعدا ؟؟
اشراق : ااه عنديي بنيتة
هدييل : اواا مبروووك علييك،
اشراق : الله اباارك فييك
سكتوو بزوجات فاش جات امنية و جلسات فالكنابي حداهم دايرة رجل على رجل : مرحبااا مرحباا بلالة هديبل ياااك
هديل هزات حاجبها معجبهاش كيف كدوي، تنهدات : اييه هدييل، نتي لي شكون ؟
امنية : معرفتينييش ؟
هديل : و باش ا نعرفك !!
اشراق : هاديي خالت فهد، هي لي ربااتوو بحال ماماه الله ارحمها
امنية : و نتي بنت هادييك لي كانت سباب فموت ختيي
هديل : الاعمار بيد الله ، ماما ما كانت سباب فموت حد، و هي على هادشي خللات كلشي و زادت بحالهاا،
امنية : المهم راها خطافت رجاال
هديل كتشوف فيها بنص عين، مبغاتش تجاوب حسن ما تخرج فيها ، شافت فزياد بدا كيسد عينو و غير يدويو يقفز مع الهدرة : اشراق كاين شي بيت نطلع لييه ، زياد خاصو ينعس
وقفات و وقفات معاها اشراق توريها البيت غادين و كيدويو
اشراق : مديش عليها هي ديما هككاا تانا كدير لي ما كفس ولفت علييها دبا
هديل : باينة محاملانييش و الحمد لله تاناا محملتهااش
اشراق : رااه انا لولة مكتحملنيش ههه سلكي معاها و صافي تانا غادة معاها على قد عقلها
هديل : اوا صافي هي لي ناقصاني بالحساب، فينو داك راجلك
اشراق : اش باغاه
هديل : معرفتش، غير شفتو غبر
اشراق : عندو شي خدمة راه فالبيرو التحت خدام
هديل : اوا خلليه و ياللاه معاياا نتعاودوو شوية راني توحشتك و توحشت تقرقيب الناب معاك ههه
اشراق : ما شتي انا، النهار كامل و انا سادة عليا فبيتي باش منتلاقاش ديك امنية
دخلو للبيت و بداو يتعاودو تاني غير هاد المرة واخدين راحتهم و كيقولو كلشيي بلا تزواق...
داز الوقت، بيت كبييير وسط الڤيلا د كيسر، جالس فوق السرير و الدنيا مقلوبة حداه كلشي مشخشخ مخللا حتا حاجة فبلاصتها و مزال مبردات العافية لي شاعلة فييه، و موحالش تبرد بالساهل، مزال كيشوفها بين عينيه و هي ورا ضهر فهد، هو لي كان حاميها و هو لي كانت كتخبا وراه هو قااد يحميها و لكن طرا ما لم يكن في الحسبان ، ناض للحمام غسل وجهو مزياان بحالة كيحاول يستوعب هادشيي لي جاري، خرج و نزل للبيرو عند اوگدان لقاه خدام فشي وراق، مشا جلس بلا ميقول حتا كلمة و شد راسو، اوگدان بعد الوراق و بقا كيشوف فيه كيتسناه يهدر، فلخر تنهد و دوا هو : اش غدير معاها دبا
كيسر : معرفتش، معرفتش، مباغييش نجييبها بالسييف ا اوگدان، لاول مرة كنحس بيديا مربوطيين واش كتفهم، خطفتها مرة و جبتها بالسييف عرفتي شحال باش تقبلاتني دبا لا ميمكنش نعاود نفس الحاجة،
اوگدان : متقولش ليا ناوي تاخد ليها الولد
كيسر : واش حماقيتي، هاديك اخر حاجة نفكر فييهاا، انا باغييها هي و ولدي خاصهم يرجعو بزووج، راهي كلشيي فحياتي ا اوگدان، منقدش نخلليها بعيدة كثر
اوگدان : فنظري خاص دوي معاها بشوية ، هي را عاشت فالرعب بما فيه الكفاية، حاول تقنعها واخا دبا فهد خالق مشكل غا راسو
كيسر : مطيهمنيش فهد انا، ريب الدنبا فوقو الى دخل مرة خرى كتسمع، غدا ا نمشي نجيبها
اوگدان : غدا فهد داير حفل عمل
كيسر : مزيان نتلاقاو فييه دونك
وقف و تم طالع بحالو دماغو مخربق، مشا نيشان عمر كاس و جلس فالصالة كيشوف بعييد و يفكر مزال كيتخايلها واقفة قدامو و جاية عندو بابتسامة بحال قبل، شير بالكاس بعيد حتا تشتت و وقف ساخط خرج نيشان لسيارتو و كسيرا
جا نهار جدييد، كانت فالدوش جالسة و جامعة رجليها عندها، مزال الما كيقطر من وجهها و ساهية بتفكيرها ، كتشوف راسها فين واحلة، خايفة على ولدها و مباغاش تخشيه وسط هاد الروينة لي فيها، يكفي ما داز عليها، خايفة عليه من كيسر من فهد و ولاتت خايفة حتا من راسها، عياات تفكر و تفكر مخرجات بحتا نتيجة، فلخر قررات تخرج من وسطهم كامليين، الى كانت تبقا مع فهد حسن ليها راجلها على الاقل ا يهتم بولدو و يديرو فعينيه، اما فهد مزال مكتعرف عليها والو متقدرش تحكم اش ممكن اجي من وراه، هادشي فاش كانت تبني و تهدم غير راسها، دمعو عينيها رغم كلشي حاسة براسها وحدها، قفزات فاش سمعات صوت شي حاجة تخبطات، تفكرات زياد قلبها مشا و جا من بلاصتو ناضت كتجري لوات عليها فوطة و خرجات طايرة مخلوعة و وجهها صفر تخطف بالخوف، شافت اشراق هي لولة قدامها، كانت هازة زياد فيديها و كلها كتفتف حتا من شفايفها كيترعدو و يرجفو دموعها نازلين بلا حس، زياد ناعس و كيتقلب فيدها و يكمش عينيه بحالة خسر فنعاسو، هديل ركزات على عينين اشراق فين كتشوف، غير نزلات راسها شافت امنية طايحة للأرض و راسها مضروب مع القنت ديال الكوافوز، قدرات تشوف الدم لي نازل من راسها عينيييها خرجوو و رحعاات كتشوف فاشرااق مصدوومة : اشش وققع ؟!!!
اشراق : و، و الله ما درتهاا بلعاانيي رااه راااه.. هدييل تيقيينيي انا مقصدتش هديييل عفاااك
هديل نزلات للارض كتقلب فيها و شادة الفوطة فيدها بزز : اشراق قوليلي اش وقع ؟!
اشراق غير كتبكي ماعارفاش راسها اش كتقول : فهد ا يقتلنيي ما فييهااش، هاديي هي لخرة لياا معااه صافييي ايحفر قبريي بيدوو
هديل قاست النبض مزال دايز ليها و لكن السيدة مغيبة مراهاش هنا، وقفات جرات زياد من ايديها و جلساتها بشوية فوق السرير : اشرااق هانتيي قوليليي اش وقع، اش درتيي باش نعرف كييف نتصرف
اشراق : دبا هانتيي دخلت، دخلت للبييت فاش شفتها داخلة حيت مرة مرة كنطل على زياد عارفاك فالدووش، اييي.. ايييواا لقييتها هازااه بطريقة خايبة شوية و يتقلب من اييدها ياااك ا هدييل، فااش فااش جييت نحيدو من ايدها دفعاتني من كتفيي و عايراتنيي، و كيبان لياا الولد ا يتفلعص فييدهاا بكييف راها شادااه خفت علييه بزااف و هي ممسوقاش بحالة ناوية تهرسو، جريتو من عندها بزز و دفعتهاا حيت منقدش نخلليه عندهاا رااه دفعتهاا و هي طييح نييشاان فالكوافوووز.... مدرتهااش بلعاانيي ا هدييل تيقييينييي صاافيي فهد ا يدبحنييي
هديل : و اش ا ندييرو نخللييوها هناا راهااا ا تمووت بين ايدييناا، رااك مراتوو واخا كلشيي مغيقييسكش
اشراق نزلاات عند رجلييها كترغب : لااا الميييمة لااا لهلاا يعلمك اش مدوز علياا مكاين لا مراتو لا واالو الله اخلليييك ا ختييي
هديل نزلات عندها : ا انقولوو انا لي ضربتها هاداا راه ولديي انا و نتيي غير حميتييه صافيي ا نقولييه انا لي دربتهاا
اشرااق : لااا ويااك نتي مكتعرفييش فهد هو اصلا حاقد و تزييد تكمل داك السااع يدوزها علييك، و زايدون غير تفيق ا تقولييه اش كاين و نقفروهاا بزووج داك السااع، هو كيعتابر موك هي السباب فموت موو و دبا يولليي دايرك السبااب فخالتو لاا منخللييكش
هديل : و اش ا نديرو دبا منيين خرج ليينا هادشيي تانيي يا ربيي
اشراق نزلات كتشوف فالدم و شهقات بالجهد : ا تمووت بااينة صافيي مشات على عينيينا ضباابة
هديل : اييدنا فاكبر تب اوووف
اشراق خرجات عينيها : كتخسري الهدرة ا بنت العبد
هديل : وااش ديلمنا دبا فتخسار الهدرة، السيدة كتمووت و نتي كتقولي تخسار الهدرة
اشراق : عندنااا حل واااااحد
هديل : لااا متقووليش لياا داكشيي لي فبالي
اشراق : راه الى ماتت ايدنا فيبه بصح و بمعناها الحقييقي، غير نوجدو لجنازتناا
هديل : و لااا ا صاحبتييي لاا رااه ماشي حل هاداا
اشراق : و الموت حل زويين خاصناا نهربوو من هنااا قبل يسيقوو الخباار مزال ا ختيي باغا نعييش باغا نولد و نشد بنتي فيديي،
هديل : يا ربيي حتا انا منقدش، ولديي هو كلشيي لاا بصح مخاصش نبقااو هناا حيت الى وقعاتلو شي حاجة نتسطا
اشراق : اش نديرو دباا
هديل : ا نلبس حوايجي و نرضع ولدي و نتي سيري جيبي شي وراقيك المهميين و شي فلوووس، جرييي جمعي كلشيي فسااك و اجي دغياا باش نشوفوو اش ندييروو الله افكها على خيير و صافيي
اشراق هزات راسها باه و مشات جرية وحدة تنفذ اش قالت لييها
اما هديل حطات ولدها فوق السرير، غير حطاتو بدا كيغوت صمك الدنيا، مشات سورتات عليها الباب و حللات الماريو دغيا من بعد ما تخطات امنية و هي عايفة، جبدات اول حاجة بانت ليها و مشات لبساتها، طاحت فشورط دجينز زرق غامق مقطع من التحت مع تريكو قصير فالكحل سامبل، ملبساتش الطريكو حتا رضعات ولدها و تكاتو على كتفها شوية عاد حطاتو فبلاصتو لبسات تريكوها و مشات لبساتو بالخف و لواتو فمانطة صغييرة مزياان، مشات هزات ياكها مزال مجموع فيه وراقها و كلشي خاص بيها، حيدات مننو شي حوايج ماشي مهمة و عمراتو بحوايج ولدها ليكوش و الرضاعات دكساتو مزياان و هزاتو معندها حتا حل اخر، جات عندها اشراق في ساع كدق بشوية، حللات عليها الباب كانت مزال لابسة كسوة قصيرة فالحمر سامبل بحزام خفيف من الوسط، هازة ياك باج فيبه شغلها حتا هو عامر،
اشراق : اش ا نديرو دبا
هديل : شي بلاصة ما فيها حد نخرجو منها
اشراق : ا نخرجو من الباب لوراني ديال الخدامات
هديل : شوية لابااس كيغنديرو لييهاا راه ا بعرفووك و نتفرشوو، سمعي اش انقولك، ا نهز السيكان بزوج و انخرج من الباب د الخدامات مغيعرفونيش انا، و نتي هزي زياد و خرجي عادي من الباب مغيهضروش معاك
مدات ليها زياد بشوية : ا نسبقك للشاريع و نشد طاكسي صافي واحد خمسة الدقايق عاد نزلي
اشراق هزات راسها باه و جلسات فالبيت سادة عليها و مقابلة مع امنية غير كتبلع فالريق و قلبها كيجري، ولاات عرقانة و خايفة من لي جاي، زياد كان ساكت غير كيشوف و يلعب بشوية فيديها، دازت خمسة الدقايق بالحساب، بالنسبة ليها را دازت بحال شي ساعة، هزات زياد فيديها مزيان و عارفة كيف تشدو، نزلات نيشان واقفة قدام الباب كتشوف فيه، مسحات العرق من جبهتها و شجعات راسها مشات دافعة الصدر هازة راسها و رافعاه، وقف الگارد قدامو حادر عينيه : لالة....
قاكعاتو قبل ما ينوي يهدر مخنزرة كتسوط و راسها للسما عرفات تمثلها : حيد من قداامييي الى شافك فهد واقف عول على راسك تحت القبر، ياللاه حيد و حل داك الباب عندي ما يداار راك ا تعطلنيي،
شافتو نتململش و هي تخرج عينيبها و غوتات فوجهو : وااش مصمك ياللااه تحرك حل داك الباب خلااص مكنبغييش نعاود هدرتيي
الگارد شاف حتا عيا و حل ليها الباب خرجات هازة راسها و زياد فيدها، فاتت الدار و مشات كتزرب بعدات على الفيلات و الديور لي دايرين بيها حتا خرجات للشاريع، تما مكاين كاميرات مكاين لي تابعهم، شافت هديل كطل عليها من الطاكسي و تشير بيديها، طلعات حداها عطاتها ولدها و قالو لمول الطاكسي يزييد .....
شافتو متململش و هي تخرج عينيبها و غوتات فوجهو : وااش مصمك ياللااه تحرك حل داك الباب خلااص مكنبغييش نعاود هدرتيي
الگارد شاف حتا عيا و حل ليها الباب خرجات هازة راسها و زياد فيدها، فاتت الدار و مشات كتزرب بعدات على الفيلات و الديور لي دايرين بيها حتا خرجات للشاريع، تما مكاين كاميرات مكاين لي تابعهم، شافت هديل كطل عليها من الطاكسي و تشير بيديها، طلعات حداها عطاتها ولدها و قالو لمول الطاكسي يزييد .....
تنفسات بالراحة منين لقات راسها تفكاات من لي كارد بهاد السهولة ودارت عند هديل لي كانت معنقة ولدها بين يديها وعيونها تيدورو فراسها
إشراق كدخل وتخرج فالهضرة : ه هديل دابا صافي مهيلقاوناش ه هنهربو مهيلقاونااش وهنمشيو انا هنولد بعيدة هنرجع لداري لا لا ويلي بغيتي فهد يلقاني لا لا انمشيو لمدينة خرى عرفتي هدييل عندي واحد بنت خالتي فالرباط
هديل دوخاتها بكثرة الهضرة ماحيلتها لتخمامها ولا ليها : إشرااق صافي أصااحبتي ماشي وقت هاد الهضرة دابا تاال من بعد وغمزااتها فااش لاحظاات بلي مول الطاكسي راد مع حديثهم البال
بدلو الموضووع دارو رااسهم مفبالهم ميتعاود ومع ذلك شيفوور بااقي طالق وذنيه على جموع لعيالاات
هدييل تنهداات بنرفزة باغا تسمعو جوج هدوور تنقيلو وذنيه .... حتا كيتسعقو بالفيرااري لي جاات بسرعة تخطات سيارة الأجرة ووقفااات ليها فالطرييق شيفوور بسرعة فرااانااا تا تحااكو الروايض مع الأرض عااد وقفات لوطو باقي مطلق من البولة حتى كيلقااه وااقف قدامو كي الموت
هز فيه راسو تيقفقف مقادش ينطق تا كلمة حتتى هو مامدايهاش فيه حل الباب للورااني ونطق موجه كلامو ليهم بزوجات
فهد ببرود : هنحسب حد 3 نلقاكم بزووج فالوطو تزيدو ثانية حسابي معاكم عسير يالاه
إشرااق تخلعاات البولة تحبسات ليها وهي تتشوف فيه معصب عروقاتو خارجيين
هديل تا علامة مترسمات على وجهها من غير خيبة الأمل هادشي ولفااتو وعندها لي يدير كثر منو حمدات الله منين ماشي كيسر لي لقاهم ما هاد المرة يدي ليها الدري لا محال
داكشي نيت لي دارت وهو دار عند مول طاكسي لي كان تيشهد من شكل فهد وقفتو والحديدة لي كان راكب عرف راسو مهدوزش بيخير حيت هادشي هو ولفو ها فالأفلام دجري عليا نجري عليك
نطق ببرود عكس الأعصاب لي باينة عليه :
-هتغبر وجهك ولا مهيعجبك حاال
الشيفوور جاتو من الجنة والناس مقدر يقول واالو قلب الطرييق وزاد وكل مرة تيشوف وراه واش تابعو ......
فهد رجع للسيارة وركب بلاما يقول والو وهوما نيت ساكتات خايفين على عظيماتهم ما قادين على صدااع داهم لداار مدة طريق وصلو نطق بحزم : هبطو
إشرااق دارت عندو خايفة : ف فهد خالتي امنية هي لي بغات ت تت زز ...
غوت فوجهها : هبطييي
هبطات تابعة هديل لي سبقااتها ... تتعض على صباعها وعلى وحلة طاحو فيها وهوما معارفين امنية واش ماتت ولا ااش طراا ليها
هو كمل طريقو للخدمة لعشية عندو عشاء عمل خاصو يكون مساالي وفبالو عاارف ااش طااري عند بالهم راه مهيوصلوهش لخبار بلي خرجو بعيونو شافهم راكبين فالطاسي كيتسلتو فاش كان جاي يعلمهم بلي لحفل كاين ... قرر يتبعهم وصلو اتصال من الكارد علموه بحالت امنية جابو ليها طبيب بذكاؤو فهم لبلان وعرفهم داروها قد راسهم وباغين يهربو زائد داك الساك لي شافهم هازينو زااد تأكد من خلالو بلي مزوج هبيلة وختو كثر منها ميكسبوش تا غرام دلعقل
...
داز الوقت
دخل لعندو للبيرو لقااه باقي خداام على شي ورااق كيفش أعصابو فالخدمة هاد الوقت حيت إلا بقا غالس معندو باش يتشغل موضوعها بوحدو لي هيدور فبالو وهيزيد يتغزف عليها وهو مكيبغيش يخسر ليها الخاطر من غير هاد الوقيتة لي دااز منها خلاتو يفقد صبرو وهي بعيدة علييه
وقف قداامو تيشوفو مكونسونطري ممسوقش لي كيدور بيه مهزش غاع راسو يشوف شكون دخل
أوكدان : مالك أصاحبي متتحركش
هز راسو ببرود وشاف فيه شوفتو المعهودة : أشكاين ....
أوكدان بحال ديما عارفو تيبغي المهم : احم العملية لي دار كرييس
كيسر بدون تعجب هز فيه حاجبو ... زعما نطق .
أوكداان بابتسامة كاتمها : نجحاات
كيسر مغريباش عليه هاد الهضرة حيت عرااف خوه ااش تيسوى واخا عاد تعرف عليه لكن درس حركاتو كلها : مزياان
أوكداان هز واحد الديكوور صغير من فووق المكتب تيلعب بيه وجلس بلاصتو : ولكن عرفتي الغرييب أنو غاامر كنت تنضن مهيرجعش فيها الخطة لي دار كانت هتوصلو للموت على يدك قبل من يديهم كن خطئ خطأ واحد ولكن صدق يعتمد عليه ....
كيسر بابتسامة جانبية : صدقات ليه ...
أوكداان جمع راسو ووقف : اوا عنداك تنسا الحفل لي داير فهد ليوم
كيسر ببرود عكس أعصابو لي كتغلي فيما تفكر هاد القضية الجديدة دالأخوة بين فهد وهديل : وي مفكر
أوكداان : إوا نخليك يالاه نوجدو راسنا باش نمشيو رااه قرب لحاال .....
وخرج
كيسر نااض شعل سيجاارة وخرج للبالكو يكمي وهو تيشوف بعييد وعقلو تيضرب الحساااب لشحاال من حاجة ... فظل تفكييرو زارت مخيلتو صورت ولدو زيااد فاش شافو داك النهاار بدون شعوور ابتساامة صغيرة ملأت محياااه ... ثوااني عديدة رما ديك السيجارة من يدو مزعوف دعسها برجلو هاالة غضب تكونات جوارو خلاتو ينطق جملة وحدة لاغير : عمري هنخلي شي حد يآذيكم أهديل
خرج من البالكوو غادي لبيتو يبدل علييه بااش يحضرو للحفل لي داير فهد بمنااسبة الشرااكة الجديدة مع واحد المقااول معرووف فالمغرب كتهم الفرع لي عندو فالمغرب ولي مقابلو ليه بااه ......
كانو جالسين فالصالون و ديك أمنية مهبطااتش من بيتها نهار كامل ماعرت لاش تتخمم
إشرااق : والله أعمو عادل مدرتها بلعاني
عادل : وا تيقتك أبنتي نهار كامل ونتي تحلفي وزيدون عارفين ديك أمنية خبيتة ديرها وتفوتها لهيه
هديل جالسة وحاطة ولدها علا رجليها تتراري فيه يالاه رضعاتو : تقرب لولدي مرة أخرى ديك ساعة انا لي هنديرها بصح
إشرااق : ااه أ لا لا ياك أعمي مهتعاودهاش هه
تتحاول تهدئ فالأوضااع
عادل : لا أبنتي متخافييش هدا راه حفيدي وغالي عليا منرضااش تقيصو نملة
هديل هير تتسمع ... لقات السكات حسن ليها
إشرااق : عمي ديالاش هاد الحفل لي هيكون ليووم
عادل : ايااه دبال واحد الشراكة جديدة بين فهد ومقاول معرووف فالمغرب وهنستاغل الفرصة باش نوري لنااس بنتي لي لقيتها بعد أعواام خاص الناس كاهم يعرفو بلي عندي بنت يكفي السنين لي كانت بعيدة عليا فيهم
هدييل هير تتفكر كاين حفل عند فهد يعني كيسر لابد ميجي وهي عارفاه متيفلتش الفرصة باش يوقف لفهد كي الحسكة قدامو بقاات تتفكر مخااصهااش تحضر غااع هيشوفها هيدير شي حاجة ولا هيحاول يدي ليها ولدها مهيخليهاش تعيش هانية بعيد عليه
بقااات سااهية تتفيقها هضرت باها
عادل : ياك أ هدييل .. هدييل بنتي
هديل فاقت من سهوتها : هااا
عادل : بنتي سمعتيني قلت هتحضري للحفل ضرووري باش نبينك بلي نتي بنتي لي لقيتها بعد سنين
هديل بغات تنفي هضرتو مخلاوش ليها مجاال : سس
عادل : متقولييش لااا ابنتي الله يرضي عليك راني شحاال وانا كنتاظر هاد اللحظة متحرمينيش منها
بغات تدوي عاود سكتوها
إشرااق متخمميش لزيااد أنوصيو ليه على مربية تقوم بيه ليوم
وهو يسد فمو منين شافهم خارجااات من البيت لابسات ومقاداات وحدة تنسيك فلوخرا لابسين صوارياات ديال لفريع جاوهم لووز هو وعلي بقااو احاالين فامهم فيييهم تا دواو لبنات :
- مشينااا
ناضو الدراري من بلاصتهم كل واحد شد محبوبتو من يديها على وقف حدا خديجة وباس على يديها بجنثلمانية : جيتي زوينة
خديجة حنات راسها حشمانة : شكرااا
اما أميير فوقف على وداد كي العجااجة : شي نهار نغتاصب مك ... همس هاد الجملة فودنيها خلاتها تسهى وبسرعة تتحكم فراسها وتقول
ودااد ضرباتو على كتاافو : سير تلعب
أمير : واخا على مك
علي وخديجة خرجو سابقيينهم وهوما تبعوهم
هبطو لتحت كلا ركب فاووطو وكسيرااو فتجااه دار فهد ....
أما لاخرين بقااو مناغريين الطريق كاملة وأمير شد فيها مزياان تيعجبو الحال يعصبها
.........
حطاات الحلقاات فوذنيها تتشوف إنعكاسها على المراايا الحباالة ولولاادة منقصات منها والو بالعكس عاد زادت زياانت كانت لابسة كسيوة قصيرة فالغووز فتوحة من جيهة الصدر بززاتها عليها إشرااق حيت عادة هي تتلبس هير لكحل تيحمقها .... ومع كيجي معاها لوون لاخر بقات علييها تا قنعاتها بزز شعرها كالعاادة مسرحااه على طولتو ...
دارت جيهت الناموسية تهز الصويك لي جاها مع الكسوة يالاه هتاجه للباب باش تخرج تشوف ولدها واش نعس خايفة عليه يهملووه ليها ... حلات الباب لقااتها فوجهها لابسة كسيوة دالحوامل فالغوز بارد كلاااس وسامبل من غير لقصة دالكتاف مصايبة شعرها الأشقر بوكلي ودايرة عقد ألماسي كان هداه ليها فهد بحلقاتو طلعات بدورها زويينة
هديل خوات ليها طريق : يالاه كنت جاية نشوف زيااد
إشرااق : راه نعس مهدن تبارك الله دغيا تيولف الواحد والمربية لي جبناها ليه باينة رزيينة وعندها خبرة شفتها كتبان فسن 40 معندك مناش تخاافي اصلا شكون يتجرأ ويقيسو بنبشة
هديل تنهداات من أعماقها عل أقل رتاحت نسبيا على ولدها : ااه يالاه نهبطو الضيووف باقي موصلو ياك ؟؟
تتسول باش تعرفو واش وصل متخوفة من لقائهم وبزاف
إشرااق جراتها : لا عاد هيبدااو يوصلو يالاه نييت نشدو شي قنيتة زوينة
دااز الوقت وكلشي وصل ونااس تخالطو كلا وتيهضر مع لي حدااه كيسر بدوروو كان واقف مع مدير أعماال صاحب الشركاات لي هيستتمر معاهم فهد لي بدورو واقف معاهم واوكداان جنب كيسر واقفين بشموخ محيدش عيوونو من هدييل تيدوي وتركيزو مع حركاتها باانت جداابة بدك السوارية محملش راسو يشوفها زوينة قداام الناس كلشي تيشوفها تيزيد يجمع ليها كثر هي متسوقاتش ليه او بالاحرى تتحاول تبعد عيونها المشتاقة عليه لا تفرش مدة زمنية حتى تيسمعوو صوتو وااقف شاد فيدو كاس دالعصير خاوي ومعلقة تيضرب فيه بااش يلفت انتباه الحضوور عم السكوون تيتسنااوه يدخل فالموضووع
عادل حمحم وقال : احم أعزاائي كيما تتعرفو جمعناكم اليوم احتفالا بالشرااكة دياال مجمووعة شركاتنا مع شركة السيد اادم الطاهيري هاد المقااول الشااب لي استاطع يطور رااسو ويزيد من أعمالو داخل المغرب وهاد الشراكة هتخولو يستتمر تا فالخاارج بالتوفيق ليه وليينا والموضووع الثااني هو وأخيرا بعد سنين شوق وانتظاار قدرت نلتقي ب .....
باقي مكملهاااش حتا تيسمعو صوت القرطااس جاي من الجردة والقيامة نايضة
الحضور تدهل وفهد داار لعند واحد من رجالو باش يحااوطو المكان ... خرج الكاارد متااجه لجردة فالوقفة دالباب تضرب بقرطااسة لجبهتو طااح امام الملئ والدم داايز
هنا تاضح بلي الأمر كبار من هدشي العيالات لي فالحفل خايفين هديل جامدة فبلاصتها واشرااق مخلووعة تتشوف لقتيلة قدامها وصوت القرطااس فودنها قرباات ديرها فسروالها ولا تسخف
روح الموت الجزء 14
محتوى القصة
التنقل بين الأجزاء