كملو طريقهم مفقوصات غادات و كينگرو، و و وراهم امير و علي كيموتو بالضحك مسكتوش، و كل مرة يلوحو ليهم كلمة كيزيدو يفقصوهم، وصلو للدار، حللو الباب بشوية و دخلو نيشان للغرفة لي ناعسين فيها البنات، غير حللو الباب ضربات فيهم الريحة سخونة و مخنوقة، رجعو سدو الباب سادين نيافهم بيديهم،
خديجة : اووف الله ياا ربي، منقدش ا ختي و الله،
وداد : نزلو نفرشو فالكوزينة حسن،
خديجة : ا ويليي تي بغيتيي ميي دبحناا.. !!
وداد : اللهم الموت و لا هاد الحالة،
امير كان عاد طالع هو و علي و سمع اخر جملة : اش جاب شي موت للهدرة،
خديجة : واش نتوماا مغتنعسووش، نزلوو بحالكم و خلليونا الله ارحم بااكم،
علي : شفتكم نتوما لي ماناوياتش تنعسو، خلليتو الدار و غادين لماعرت فين باش تنعسو.. !
وداد : و ماالناا لخاطرناا، كون لقينا فيين نعسوو مندوروو گاع لشي خلاا،
خديجة قربات كتنغز فيها و كدوي بهمس من تحت حوايجها : سكتيي، سكتي يعطيك مصيبة الى سمعاتك مي مغيعجبنا حال،
وداد بعدات منها و نطقات بصوت عالي : مباقااش تسكتينيي الله ارحم بااك، خللينيي ندويي، ماليي قلت شي عييب..!!
امير : قولي شنو كاين،
وداد : ا سيادنا نتوما لي كل واحد مسرح ليا فبييت، مخلليتوناا فيين نعسوو، گااع البيووتة عامريين، و هاد البيت مجمووع فييه قوم رب العالميين، مستفيين كيي السرديل، واخاا نكونو يهوود حناا گااع اااو، تفوو على بشاار، نتوما نعسوو و تمرحوو و حنا نبقاااو ندورو. هناا مع الجنوون،
امير ابتاسم و قرب ليها و هي راجعة باللور : اممم واخا هادشي فهمناها، و الغوات لاش.. !!
علي جر خديجة من ايديها بقوة حتا ضربات فصدرو، هز راسها باطراف صباعو و و بعد الشعر لي كان مغطي وجهها، كيدقق فتفاصيلها، اما وداد بلعات ريقها و هي كتحس بامير قرييب ليها، نزل ايدو دورها على خصرها بشوية كيتلمس فجسمها و لصقها معاه، صافي السيدة مشات و شداتها السخفة، غير كتبلع فالريق و الهدرة مشات،
امير: مالك سكتي،
قرب ليها كثر حط حنكو على خدها و همس فودنها : سرطتي لسانك..
بدات كدفع فيه بشوية، و لكن مع كل الاسف مكتحرك فيه حتا شعرة، كان حاكمها مزياان، ممخلليش ليها فين تحرك،
وداد : ب بعد، ءءء، بععد،
امير: قلتيي ملقيتو فين تنعسوو.. ؟!
طلعات نفس و تشجعات باش تنطق : ااه، مخلليتوش لينا فين،
امير: صافي لقينا الحل،
هزات حاجبها فيه : اهاه و ماا هو.. ؟
حط ايدو على شعرها كيرجعو ورا ودنيها و كيدوز اطراف صباعو على وجهها : اممم اجي لبيتيي، وااسع و كبيير، اتنعسي مرتاحة،
بقات مصدومة كتشوف فيه ممتيقاش وذنيها شاكة فداكشي لي سمعات : هااااا..!!
امير: اه مالك، حل زويين، هككا كلشيي اياخد راحتو،
وداد : و، و لكن، لا ميمكنش، و خديجة ؟؟
ابتاسم على عفويتها و بعد غير شوية بطريقة خللاها تشوف من حولها علي لي شاد خديجة من ايدها و مقربها ليه، كيدوي معاها و هي كتبتاسم تحت حوايجها مغرقها حشمة، رجع امير قرب ليها و همس فودنها : شفتي بعينيك، غتمشي مع علي، باش ناخدو راحتنا كيف بغينا،
وداد كتفتف : اا اشمن راحة، و و اش بغيناا.. ؟!!
عض على شفاتو التحتانية و ابتاسم، فينها وداد صافي ذابت فيه، طلعات معاها الحرارة....
كتحس بيه قرييب ليها و انفاسهم مخالطين، و قريب لشفايفها، يزيد سنتيم واحد يتلاقاو، تحكمات فنفسها و دفعاتو بكل قوتها، حدها بعداتو عليها واحد الشوية، جهدها على قد الحال قدامو : هاا لا لاا، اش، اش باغيي،
تلفات مبقات عارفة اش تزيد و لا توخر، مشات نيشان وقفات حدا خديجة، لي غير شافتها عاقت على راسها و بعدات من علي،
علي : شنوو تانيي.. ؟
امير غمز وداد : راني قلت ليك الحل،
وداد : لاا سمحليي، هاداك ما حل ما والو، الى بيتو ديرو لينا حل، نعس نتا و خوك فبيت واحد، و البيت التاني نعس فيه انا و خديجة،
هزات راسها شافت فيها : يااك.. ؟
خديجة : ااه بصح كاينة،
علي شاف فامير و طلقوها بواحد الضحيكة، خللات البنات ساهيات فيهم، شدو فراسهم بالسيف باش ميسخفوش قدامهم،
امير: من نيتك ا بنت العبد، نعس اناا و هااد الأخ فبيت واحد، سافا باا لا هههه،
علي: اخر حاجة نفكرو نديروها ههه،
وداد : اواا ا خويا شغلكم هادااك، اصلا اناا و خديجة منقدووش نتفرقو على بعضنااا،
خديجة : مكيديناش النعااس الى متعانقناا،
علي غمز خوه : غنلقااو مشكييلة فهاد القضية،
امير: ههه و بزااف گااع،
خديجة : شمن مشكيلة،
وداد : بنتو ليا نتوما غير مطلعينها علينا،
دورات وجهها شافت فخديجة : ا ندخلوو، و تما غنعسوو، حل واحد هو لي عندنا،
خديجة: و لي لييها لييها، حتا الى جات الموت مرحبا،
شدو فيديهم و حللو الباب، رجعات ضربات فيهم ديك الريحة، حطو ايديهم على نيوفهم، شافو فبعضهم بنضرات تشجيع و كملو طريقهم، سدو الباب مزيان و مشاو، تشوفهم تحلف عليهم غادين محاربين، مشاو لداك الشرجم الكبيير تما كان مسدود، حللوه حتا لخر عاد تنفسو فاش ضرب فيهم البرد، تبتوه مزيان باش ميتسدش، بقاو كيدورو عينيهم، بانت ليهم واحد البلاصة خاوية شوية فيها شي دراري صغار، هزوهم حطوهم فوق ماواتهم، كلشي ناعس ماجايبين للدنيا خبار، و صوت شخيرهم يتسمع من طانطان، حطو فراشهم، غير جاو ريوسهم على مخادهم انتاقلو للعالم التاني، كان فيهم النعاس بمعناه الحقيقي، عياو بزااف هاد النهار داز عندهم طويل،
امير و علي بقاو واقفين برا، متيقوش بللي مشاو نعسو، تسناو شوية و مشاو لغرفهم هما التاليين....
كان متكي فوق سريرو الواسع، و هي فوق صدرو العريض متكية و واخدة راحتها، مدورة ايديها عليه و ايدو تحت خصرها ملصقها معاه، مغطية جسمها العاري بليزار مبين كثر من النص فصدرها، نزل راسو عندها، كانت منتاقلة بعقلها لعالم تاني فسابع نومة، حط ايدو على خدها كيدوزها بشوية بابتسامة، نزل عندها و باسها فوق فمها و بعد كيشوف فملامحها، واخا الضلام كيبقا وجهها منور، حافض تفاصيلها واخا ميكونوش واضحين ليه، حيد ايدو بشوية و جا واقف، هز شورطو لبسو و مشا فاتجاه الدوش، خدا دوش خفيف و خرج لاوي عليه فوطة، و حل الماريو كيقلب على مايلبس، الضلام ماكيبان والو، و مبغاش اشعل الضو و يفيقها، مشا للكوافوز لي جنب راسها باش اهز تيليفونو يضوي بيه، حتا كيحس بيديها على ايدو، جلسات و شعلات الضو بالزربة و هي كتجمع فشعرها و تهز ليزار على لحمها،
فهد : اشراااق،
سكتات، طلعلتو و نزلاتو، كتشوفو مدوش، لاوي عليه فوطة، جسمو مزال فازگ و شعرو كيقطر، دورات عينيها جيهة الماريو محلول : فين غادي.. ؟
هزات راسها شافت فالساعة، الحال معطل بزاف تجمعو الدموع فعينيها دغيا و شدات فيديه، كتشوف فيه بنظرات ترجي و كدوي بصوت مخنوق : قولياا فيين غاديي.. ؟ متمشييش و تخللينيي عفااك، عفااك متمشييش، گااع الناس لي كنبغييهم مشااو، بقيتيي ليا غيرر نتاا،
نزلو دموعها و الصوت وللا كيخرج من حلقها ناشف كيرجف : عفااك متمشييش و تخلليننيي، ا نمووت الى درتييها، عفااك...
اشراق : عفااك متمشييش و تخلليننيي، ا نمووت الى درتييها، عفااك،
كان واقف مصدوم من هدرتها و تفكيرها فين كيمشيي بيها، جلس جنبها و شد من ايديها، مسح خدودها من الدموع و مسح عويناتها الحومر، حط ابتسامة على وجهو، ابتسامة طمأناتها : اش كتخربقي نتيي، ميمكنش نخللييك ا اشراق، واش عارفة راسك اش كتقولي، نتيي جزء من حياتيي دباا، ميمكنش نخلليك تبعديي حتا خطوة، هادا سميتو انتحاار ا اشراق، منقدش نديرها،
طمأنها كلامو و بدات كتحبس دموعها و كتنخصص : وااخاا، و فين، فين راك غاديي. ؟
فهد : عندي شيي خدمة، خاصها تقداا ضروري،
اشراق: خدمة فهاد الوقت، واش بعقلك ما شتييش شحال فالسااعة ؟
فهد : شفت، عندي واحد النوع من الخدمة كيتقضا غير بالليل،
اشراق: اشمن نوع هادا تانيي.. ؟؟
فهد : مكتقادايش من الاسئلة،
اشراق : صافيي سيير، الله اعاونك، و حاول ترجع بكري شوية،
رجعات شعرها ورا ودنها باهمال و نظراتها مشتتة : المهم زعما و صافي،
ابتاسم و وقف كيجبد فحوايجو، حيد الفوطة و بدا كيلبس قدامها، و هي عينيها غير على المعلم مخرجة عينيها و حاضياه، تبع عينيها و ضحك : فاش كتشوفي.. ؟
ضحك حتا بانو ضراسو، كيلبس سروالو و كينعت جيهة المعلم : على هادا زعماا، نسيتيي شحال كوااك هههه،
اشراق : نتاا زعما عمرك تبدل،
جلس جنبها من بعد ما لبس : علااش ا نتبدل، مبقيتش عاجبك ا مراتي العزيزة هككا،
اشراق : هاا لا لااا ماشي هككا، زعماا بيت نقول.. اووف...
فهد : هي كنعجبك،
هزات عينيها فيه و رجعات نزلاتها بالخف : و صافييي..
دار ابتسامة جانبية و نزل ليها راسها خربق ليها شعرها : مراتيي عمرها دير عقلهاا،
اشراق : عهه و لاا صافيي رصاا، فهد لاا شعريي،
بعد منها كيشوف فيها : خاص نمشي
هزات راسها كتشوف فيه و كتقاد فشعرها، ابتاسمات : متعطلش صافي، انا غنتسناك،
قرب طبع قبلة على جبينها و شاف فيها : لا مكاين لاش تسناينيي، غير نعسيي،
زعمات و باستو على خدو : ميحلاليش النعااس الى محطيتش راسي على صدرك،
قرب جر ليها نيفها : صدري مخدة ديالك ا الاستغلالية،
عضات على شفايفها : ياك صدر راجليي، منستغلوش هه،
حدرات راسها بابتسامة خفيفة حشمانة، قرب باسها على فمها و مص شفايفها مزيان كيتلذد بيهم، رجع بعد و مسح على شعرو : الى زدت معاك دقيقة مغنقدش نبعد منك، مكنسخاش بييك 😉..
اشراق: ههه سيير سيير الله اعاونك،
وقف كيضحك هز تيليفونو، خرج و سد وراه الباب، اما هي جبدات تيليفونها كتخنشش فييه، نييت طار منها النعاس....
صبح صباح جدييد، حللات عينيها على شميسة وصلة لقاع الغرفة، حللات عين بشوية و رجعات سداتها كتستاعد باش تفيق، جلسات كتكسل بشوية بابتسامة على وجهها، حللات عويناتها كتشوف فالغرفة و طلعات نفس براحة، حاسة بنفسها فرحانة هاد النهار، دخلات للحمام، غسلات و خرجات، هزات كسوة قصييرة فالحمر لبسااتها، كمام و فيها كتبة الوسط بالكحل، جاتها لاسقة على جسمها و مبينة مفاتنها مزيان.....
حللات الباب و نزلات مع الدرج، كتقلب عليه بعينيها، كان كلشي مجموع على الطبلة كيفطرو، و لكن هي مغاراضها بحتا واحد، دورات وجهها، بان ليها واقف كيدوي فالتيلي، ابتاسمات و مشات عندو كتجري، تلاحت عليه و عنقاتو من اللور، حاوطات بيديها الصغار خصرو، حس عليه، و غير من ريحتها عرفها، قطع الاتصال و دار عندها ببطئ، ابتاسم فاش شافها،
هديل : صباحووو،
حط ايدو على شعرها لي طايح فوق وجهها كيرجعو لوور : كيصبحتيي،
هديل : لاباس و نتاا،
كيسر : مزيان بشوفتك،
عضات على شفايفها و قربات عنقاتو، خللاتو مستغرب تصرفاتها، دور عينو على الطبلة، شاف كلشي حاضيهم، خنزر فيهم و نزل راسو عند هديل لي مبتاسمة و كضحك غير بوحدها، قرب و همس فودنها بصوتو الخشن و بحتو المعهودة : شفتك ناشطة اليوم ، اش وقع،
بعدات كتشوف فيه : والوو غير فرحانة، يمكن حيت تصالحنا، و يمكن شي حاجة خرى،
قرب باسها فوق شفايفها كيمص فيهم، و شحال شتاق ليهم، تجاوبات معاه، واخا فورصا عليها و ورك على شنايفها قرب ياكلهم، قطع فيها النفس و لسانو كيتسارا فانحاء فمها، بعد بهدوء كيمسح فمها لي وللا حمر و زاد تنفخ : كنبغييك،
ابتاسمات و نزلات راسها بطريقة طفولية : و انا كثر،
كيسر: يللا مناوياش تفطريي،
هديل : اه يللاا،
شدات من ايدو و شابكات صباعها الصغار بصباعو، فرح و قربها ليه كثر عاحبو الوضع هككا و هي قريبة ليه، جلسو فوق الطبلة و جلسها فوق رجليه، الأنظار كلها عليهم، و هما و لا فهاد العالم، ممسوقينش لحتا واحد، بيدو وكلها و الايد التانية كدور على انحاء جسمها لي نصو عاري!!
اوگدان : احم احممم، واا سياادناا..
كيسر هز راسو فيه بتثاقل، و داار فيه نظرة حادة، شوفة ديال الموت : باغي شي حاجة.. ؟!
اوگدان : لاا لاا، غير هو صاحبيي، تكايسوو شوية، معاكم نااس محافضيين فهمتينيي،
كيسر: مراتي، و حلالي، نجي نتشاور معاك باش نقيسها..!!
اوگدان : لاا لااا ماشي هككاا، غير زعماا...
كيسر خنزر فيه بمعنى غير سكت حسن ليك، رجع نزل راسو عند هديل و عينيه هايمين فيه، مشات ديك النظرة الحادة، دبا كاين غير بحر وااسع، لو فكرتي تقراه تغرق وسط عمقو، هديل ابتاسمات و هزات الفورشيط عمراتها و قرباتها ليه كتوكلو، كلاها من ايديها بابتسامة و زادتو مرة خرى، لاول مرة مكانت مسوقة لحتا واحد و كتشوفهم غير هما بزوح، نسات الدنيا كاملة، باغا تعيش هاد اللحظات جنبوو، شوقها و عشقها ليه كباار، و الحمل كمل عليها و خربق ليها كلشي فاحاسيسها، اما كيسر فغير مللي سامحاتو، و رجعو زوج كيف لول، واعد نفسو عمرو يخلليها تآذى و تبعد مننو مرة خرى، حتا هي كتفكر فقط باش تبقا تحت جناحو، مناوياش تبعد مرة خرى، هما كيفكرو و يتمناو، و الاقدار كتحقق لي بغات.. !!
كملو فطورهم فجو ناشط، كل كوبل مجموع واخد راحتو، و البسمة على شفاه الكل، حتا من سمية نسات كلشي و رجعات كضحك معاهم بحالة موقع والو، واخا بقا الكل محسس منها و من تصرفاتها، و لكن تناساو، تقبلو الوضع و حتا هي عتاذرات من هديل على تصرفها الطايش...
كان جالس فالصالون، حاط البيسي قدامو و خدام بكل تركيزو، مهزش عينو من عليه، واضح عليه الجدية فخدمتو، كانت كدور كتقلب عليه، لابسة شورط دجيين قصير، مع ديباردور بيض، محلول من جيهة الصدر و مجموع غير بخيوطة، و جارة كلاكيطة فرجليها، شافتو جالس فالصالون، مشات بفرحة عندو حيت وقت و هي كتقلب عليه، جلسات جنبو او بالاحرى تلاحت حداه، هز عينو فيها مخنزر : غا بشوية ا البگرة،
دينيس: بزااف علييك، البگرة هي جدااك يللااه،
انس رجع عينو على البيسي كيحاول يركز : تهزيي خلليني نخدم، و لا غير شدي لرض و هنيناا،
ربعات ايديها، كمشات فمها و جمعاتو : صافيي هاناا ساكتة،
سكتات واحد الشوية، تبتات راسها بصعوبة، و لكن لي فيها ممهنيها، مكاملة حتا عشرة الدقايق و رجعات كتعلق و طل على البيسي باغا تعرفو اش كيدير و الفضول واكلها، منطقاتش، غير مخشية فيه و كطل بلا حس، دارت ليه الازعاج بمعناه الحقيقي و مبغاتش ترصا، زفر بزعف و سد البيسي : راني قلت ليك باغي نخدم اش كااين،
دار ابتسامة جانبية دالة على السخرية : بحالة استحقرتينيي دبا لاا.. ؟!
شدات فمها و خرجات عينيها عاد عاقت على راسها : هااا، لاا لاا و الله ما قصدت، لاا متفهمنيش غلط، مكاين لا استحقار لا حتا حاجة، غير، دبا هو غيير زعما الى كنتي مترجم ماشي خدمة لي اتخلليك خاشي فالبيسي و كتخربق فداكشي لي معرت اش مفهمتوش، را و الله ما قصدت شي حاجة،
ابتاسم و نزل ليها راسها خربق شعرها : تيقتك صافيي، مكيجيييش معاك الحلووف ههه، انا ماشي مترجم، مهندس طيران، داكشي لاش مفهمتي والو فداكشي لي كنت كنخدم،
هزات راسها كتقاد شعرها مع كان منزلها : اواااه، دبا نتا مهندس، مباينااش علييك ا الاخ، و اخر مرة تخربق لي شعري، عارفني مكنحملش لي يقيسو،
انس: و انا كيعجبني نخربقو عندك شي مانع،
عقدات غوباشتها فيه : ايييه عنديي مواانع ماشيي غير وااحد، بشاار كييف داير،
رجعات شعرها لوور و حللاتها بسرعة : دبا صبر، كيدرتي ليها من مهندس لمترجم،
زرب عليها و جرها من ايديها وقفها ، وقفات كتشوف فيه و تلعب بشفايفها بطريقة طفولية خللاتو يسها فيهم : امم لاا لاا، مغنمشيش، ماشي وقت الخدمة هادا ا صاحبيي، نووض خللينا نخرجو و لا شي حاجة راا قنطت فالداار،
هز اييدوو بحركة استسلام كيدور وجهوو على ارجاء المكان : شهديي على رااسك، نتيي ليي باغانيي نخرجك، سيريي عند خووك هو يضبر لراسو معااك،
هزات عينيها بدون اهتمام و مشات جراتو من ايدو و حيدات ليه البيسي : وا صاافيي بلا دييك الهدرة، يللا نخرجوو را مللييت حاسة بالخنقة فالداار،
قرب كيقيس ليها راسها : يمكن غير السخانة هادي، فين غنخرجو، شوية لاباس، بغيتي خوك يدبحني و يقطع ليك رجلييك لاا..!!
خنزرات فيه كتأفأف : اووف خوويا رااه مقابل مرااتو، فيين داهااا فياا، صافيي بلاااش زعماا غير لي بغا يعول علييك،
مشات خارجة حتا كتلاقا اوگدان و اسماء نازلين و لابسين، اسماء هازة ساك صغير مشابكين الايادي و غادين خارجين، ربعات ايديها كتشوف فيهم : فيين غاديين بالسلاامة و العافية.. ؟!!
اوگدان هز حاجبو : من نيتك، لا لااا بلااتي كان خاص نتشاور معاك ا ماماا.!!
دينيس ابتاسمات : مثلاا، مالك تجيي معايا الاموومة،
ضربها على راسها بشوية : تشيرتيي ا دينييس مفيهاش، الامومة فهمناها، و لكن على واحد كبر منك مجاتش😕،
ضمات ايديها بترجي و كتشوف فيه بنظرات براءة تنهد و نطق : صافي صافيي، بلا دوك الشوفات مكيجيوش معاك، يللااا معانا، واخا فالحقيقة كنت باغا شوية الخصوصية مع اسماء،
دورات وجهها شافت فانس واقف جنبهم، متكي على الحيط كيخربق فتيليفونو، جراتو من ايدو معرف باش تبلااا : اتمشي معانا ا انس ياااك،
بقا كيشوف فيها، دور وجهو كيشوف فاوگدان، معرف باش خاصو يجاوب، و باشمن صفة ا يمشي معاهم، هو اصلا معارفش راسو حتا اش باقي كيدير فهاد الرياض، قلييل فين كيترجم شي كلمة، معندو دور غير جالس، هادشي لي كان كيدور فراسو، خشا تيلي فجيبو و شاف فيهم : لاا كنظن بلاش، غير سيروو مكاين لااش،
بغا يمشي سمع صوت اوگدان : يللا معاناا، اصلاا خاص تكون معانا، الى بغيت نتواصل مع اسماء اش ندير،
دينيس : اه بصح، اصلاا غتمشيي على قبلي حييت انا لي طلبتك يااك،
مشات كتنقز فرحانة، اما اوگدان شاف فانس و نطق بجدية مموالفاش ليه : دااز عليها بزااف، حتا خفنا منبقاوش نشوفوو ضحكتها مزال، نتا اكثر واحد كتفرح فاش كتكون معاه، كثر منا كاملين، بغيت نبقا نشوفها فرحانة بحال هككا ديما، فهمتيني يااك.. ؟!
انس هز راسو باه لا اكثر، ساهي كيفكر فكلامو و فمعانيه المختالفة، معرفوش شنو كيقصد بالضبط، و لكن مهما كان معناه، فراه مكيتفلاش فيه، مسح على شعرو مباغيش افكر فهاد الموضوع دبا، مزال عليه الحال، غتسولوني على اسماء، واقفة بحال الصنم وسطهم، مكدوي مكتحرك، غير كدور فعينيها، مفاهمة والو من كلامهم،
هديل : لاا، غير سيرو، حتا نلحقو عليكم، انا و كيسر،
دينيس : لي عجبك، يللا مشينا،
اوگدان هز راسو باه و خرجو مجموعين، قرب بشوية همس لدينيس فودنها : العجب، هديل وللات كتشاور مع كيسر و كتسمع لكلامو،
دينيس : واييه تاناا جاتنيي غريبة مموالفاش ليها، زعما تكون دارت عقلها ههه، و عرفات كيف تعامل راجلها،
اوگدان : معرفتش، و لكن هادشي لي خاص يكون، مبقاتش بنت صغيرة و داك البهلان لي فايت القياس منافعهاش مع كيسر،
كملو طريقهم، كيف العادة، اوگدان مشا مع خطيبتو و دينيس مشات مع انس فسيارتو.....
نرجعو لهديل، غير خرجو طلعات عند كيسر، كان كيدوي فتيليفونو و واضح عليه معصب معاجبوش الحال و غير كيزفر، شوية و يهرس التيلي فيديه بقوة ممزير عليه، قطع و سد عينو بنفاذ صبر، طلع نفس قوي و خرجو، هز عينو شافها قدامو ابتاسمات و قربات حطات ايديها على صدرو : مالك، شفتك معصب، اش واقع.. ؟
دور ايدو على خصرها و زاد قربها ليه هايم فعويناتها : انا و اوگدان بزوج هنا، مكاين لي يقابل الخدمة ورانا، و كل واحد كيدير ما بغا فغيابنا،
قرب همس ليها بصوت خافت فودنها، صوت بورشها و هو كيحاك لحيتو مع خدها : و لكن غير غنرجع، انتحاسب معاهم واحد واحد، غيندموو كامليين، حيت فاش كنتعصب، مكنرحمش.. !!
سكتات غير دقات قلبها لي تزادت، عارفاه مكيدويش فالفراغ و الى قال الكلمة كينفذها، بعد كيشوف فيها، حيد ليها الشعر لي نازل على وجهها بابتسامة : باغا تقولي شي حاجة.. ؟
ضربات على راسها : ااه ياا ربي نسييت، كلشي مشا للڤيلا، على ود البيسين حيت هنا مكاينش، عرفتيي الموووت د الصهد، خلليينا نلحقوو عليهم،
كيسر : امم باغا تعوميي، واخاا نمشيو،
هديل : ياك مسالي متابعك لا خدمة لا والو،
حط نيفو على نيفها و يدو كتسارا فانحاء جسمها : ماشي مهم، لي كيهمني هو تكوني فراحتك،
ضحكات و عنقاتو : انا اصلا غير نكون معاك، كنكون فراحتيي، بلا حتا حاجة،
بعدات شوية كتجمع شعرها ورا ودنيها، نزلات عينيها على لبسها : اووف خاص نطلع نبدل تانيي باش نخرج يااك،
بعد شوية كيشوف فيها : غير نتي و وجهك،
هديل : مفياش ميبدل، المهم صافي بلا متقول شي حاجة انا ا نمشي نبدل،
ابتاسم : ماشي مشكل جيبي غير باش تعومي و نزليي لتحت،
خرجات كتنقز فرحانة و هو متبعها بعينيه حتا خرجات، مشات لغرفتها حيت تما فين باقين حويجها، اما هو تاكد من تيلي فجيبو، هز الكونطاكط ديال السيارة و نزل سابقها.....
نمشيو لفهد و اشراق، فاق معطل على وجه حبيبتو، كيشوف فبراءة ملامحها، ساهي فشفار عيونها، فشفايفها الحمرين، لي مزال منفوخين من أثر ليلة البارح، خدودها الطالعين و الموردين، خصلات شعرها الشقراء، كل ما فيها كيحرك بزااف فيه، حط ايدو على حنكها كيدوزها بشوية، حسات عليه و حللات عويناتها بشوية على اشعة الشمس لي ضاربة فيها مبرزطاها، جلسات كتكسل و ابتاسمات فاش شافتو قدامها، : صباح الخيير،
فهد : صباح النور،
حطات ايديها على فمها كتفوه : امتاا جيتي،
فهد : مع جوايه 5، لقيتك ناعسة فوق تيليفونك،
اشراق : اه محسيتش، كنت باغا نتسناك الساعة مقديتش غلبني النعاس، فيا الجووع، يللا نفطرو،
فهد : ههه را وقت الغدا هادا ماشي الفطوور،
وقفات كتكسل و فنفس الوقت شادة ليزار بيديها : مشغلييش، نفطروو بعدا عاد نشوفوو الغداا، اصلا منعستش بكري،
فهد : واخا نوضي دوشيي بينما وجدو ليك الفطور،
وقفات لوات عليها ليزار و مشات كتجر رجليها فاتجاه الحمام، بعد مدة قصيرة خرجات لاوية عليها فوطة، حتا من ليزار كيف العادة بقا مليوح فالحمام، دورات عينيها على الغرفة مبانش ليها، تنهدات و مشات كتقلب فالماريو على اش تلبس، كان جالس فالشرفة مشافتوش، من بعد عطاتو بالضهر، رجع دخل للغرفة مراقبها مللي طيحات الفوطة حتا لبسات اخر حاجة، متكي على الحيط و حاضي كل حركاتها، سالات و دارت كتلقاه قدامها مبتاسم و كيشوف فيها،
اشراق : نااري متقوولش لياا كنتي حاضيني و انا كنبدل،
فهد : علاش اش فيها، ياك اصلا شايف كلشي 😉..
قربات عندو و ضرباتو على صدرو : بااسل و الله،
بدون سابق انذار شد من ايدها لي كانت على صدرو و لواها وراها حتا كان ايهرسها ليها، شهقاات حيت غفلها و معرفات باش تبلات،
اشراق : ف فهد نتاا شنو كديير،
عضات على شفايفها ايدها كضرها وجعاتها بزااف، شافت فيه كانو ملامحو ممفهومينش، و نظراتو مكيتقراوش، مفهمات والو و سرعان ما تجمعو الدموع فعينيها، نزلو حارين فوق خدودها، غير شاف دموعها رخف عليها بلا ميحس و هو ساهي فيها، قرب كيمسح الدموع لي نزلو من عينيها،
غير طلقها بعدات و هي شادة ايديها، الحيرة و عدم الفهم واضحين فشوفاتها : مالك شنو واقع لييك، واش حماقيتي.. ؟!!
فهد : يمكن حماقيت، معرفتش،
بلعات ريقها و هي كتشوف فيه مفاهمة والو : واش نتا بكامل قواك العقلية!!
مجاوبهاش على سؤالها، دور ايدو على دراعها و جرها لعندوو : مديريش فبالك، نساي و يللا تفطريي،
تبعااو و هي مفاهمة والو فهاد السيد و حالتو تنهدات و وكلات امرها لله، مشاو للشرفة كان الفطور مقاد، جلس و جلسها فوق رجليه، حاسة براسها جالسة على اعصابها، هو كياكل و شاد تيليفونو فيدو، هادي هي عادتو كل صباح، كيعرف اخر الاخبار على الفطور، اما هي غير كتنقب شوية و دماغها ممعاهاش، مزال مقادراش تفهم هاد السيد، كانت كتفكر بللي دبا وللا كيبغيها، و تزوجو يعني هاد التصرفات لي كان كيدير قبل ا تبدل، و لكن كانت غالطة بزاف، حس عليها، دار تيلي فجيبو و حيد ليها الشعر دورو لجهة وحدة، خشا راسو فعنقها و همس بصوت خافت : مالك مكتاكليش؟
قادات الطوسط و بدات كتاكل، رجعات دارت عندو و شافت فيه بنص عين : نتا مخدامش ليووم ؟!
فهد : شنو باغا تهناي مننيي،
اشراق : لاا ماشيي هككا، اصلا هادا اول صباح من بعد زواجنا خاص ندوزوه بزوج اولاا ؟
عنقها من لور و زاد زير على خصرها : اه غندوزوو مع مراتيي، بوحدنا بلاا ميبرزطنا حتا واحد....
كانت جالسة جنب دينيس، لايحين رجليهم فالما كيتحتو و كيضحكو بيناتهم، هديل لابسة مايو بياس وحدة كم فالأسود، و عريان كامل من الضهر، اما دينيس لابسة مايو فالڤيو غوز دو بياس و الكريشة عريانة، كيسر بعيد عليهم فالما كيعوم مسترخي، اما اوگدان بوحدة هداك مع حبيبتو، هازها فوق ضهرو و كيعوم بيها حيت مكتعرفش، باغي يعلمها على ايدو، بحكم ان البيسين كبييير، ممكن الى عمتي فجهة ميبانش لي التاني فالجهة لي مقابلة معاها،
دينيس: اييه هو مرتااح مع راساتو، ناوية تصدعييه يااك ،
هديل : ههه اوا ضرووري من شوية الازعاج،
وقفات كتحيد الشعر من على وجهها : واخا نمشي هانيا ياك،
دينيس : اه غير سيريي، انا غنمشي نشوف انس،
هديل هزات راسها باه و مشات عند كيسر، اما دينيس شافت فانس، مللي جا و هو شاد البيسي خاشي راسو فيه، معام متحرك من بلاصتو، مشات عندو و بدون سابق إنذار حيدات ليه البيسي و سداتو، وقف ساخط على الوضع : دينيس اريي داك البيسيي،
هزات راسها بلااا : الخدمة مغتهربش واخااا، حنا جايين نعوموو و نضحكوو، ماشيي تجلس هنا مقرض بوحدك،
مسح على وجهو كيأفأف: واا بنادمة، مفياش ميعوم واش بالسييف،
دينيس : ااه بالسييف،
مشات كتجري هي و البيسي هربانة و هو تابعها حتا وقفات جنب البيسين، غير وقف حداها ياخد البيسي غفلاتو و دفعاتو حتا جاا وسط البيسين بحوايجو، ضحكات و مشات رجعات البيسي بلاصتو، رجعات عندو كان يللا خارج من الما، جلسات كضحك عليه، بقا كيشوف فيها شحال و كيشوف فحالتو فالتالي ضحك، نزل عندها مبتاسم و هزها بين ايديه، بدات كتفركل ليه و تغوت، و لكن معامن، لاحها فالما بقوة، و تلاح حداها، بدات كتركل بيديها و رجليها مع مكتعرفش تعوم مزيان و لاحها فجهة غارقة غير كضرب فالما، هو عارف هادشي، داكشي لاش نزل و جرها و هي كتلتاقط انفاسها، تكات فوق كتفوو و ضرباتو على ضهرو : نتاا بااسل بااسل،
عنقها لعندو هازها شوية من الما : هههه نتي لي لحتينيي، الى مكتعرفيش تعومي لااش كتلعبي هاد اللعب،
دينيس : اووف خرجنيي من هناا،
انس : لاا حتا نعومو شوية، مجاتش عاد دخلنا،
دينيس ابتاسمات : وااخاا، و لكن تبقا هازنيي حيت مكنعرفش،
بادلها بنفس الابتسامة : واخاا، و لكن بقاي شادة فيا مزيان،
هزات راسها باه بابتسامة...
كان بعيد شوية شاد هديل من خصرها و مقربها ليه، و لكن عينو عليهم، مراقبهم كيف كيضحكو و كيفاش انس قريب ليها بديك الطريقة، و ١٠٠ فكرة و فكرة كدوور فبالو، كيخطط و يرسم فدماغو........
نرجعو لخديجة و وداد، فاقو بكريي عجنو مسيمناات، و قادوو الفطوور، نوضوو كلشيي يعاونهم فجمييع الداار حرموها فييهم، اما امير و علي غير جالسين كيتفرجو، قادو الغدا و صاوبووه متول على حقو و طريقو، هما غير شاف كيدورو على البنات لي گفدو ايديهم كاملات، حطو الغدا و مشاو اعيطو عليهم يتجمعو، قسموه على زوج غرف، الصالون الكبير فيه زوج طوابل وحدة للعيالات و التانية للرجال، حيت بنادم كثير فالدار، و بيت صغيور جلس فيه كمال و ولادو، السعدية و بنتها حياة، يللا غيبداو اياكلو شافت السعدبة مع جنابها : فينهما وداد و خديجة،
حياة : معرفتش ا ميي، من البارح فاش جاو سلمو عليا مشتهم،
السعدية : علاه تي فين كتخرجي من داك البيت من الساس،
مشاو جلسوو كيطلو على امير و علي بنص عين، و كيشوفو فكمال معرفوهش، كياكلو عادي بكل لباقة، عكس حياة لي غير كتخشي و تمدغ بالصوت كتخللي كلشي ملفت جيهتها، عياو اغمزو فيها و ينغزو و هي مكايناش هنا لا حياة لمن تنادي، السعدية دور دوور و تحط قدام الدراري و تقولهم "كولو" وداد و خديجة غرقو فحوايجهم، محاملينش الوضع هككا، سلاو و تسوخرو لوور، بقات غير حياة مزال كتخشي، نطقات خديجة باش تسرسبها زعما : حيااة، نوضيي جيبيي العصير من الثلاجة، و جيبيي معاك الكيسان راهم فووق البوطاجيي،
وقفات حياة منفخة و تبعاتها وداد كدفع فيها قدامها و كدوي بهمس سمعوه غير بزوجات : واخا فمووك على هاد الشوهة، ا بلااتيي، هادي هي لي غيزوجوها،
السعدية بابتسامة مخبية وراها الفقصة : اا مدييوش عليها ا وليدااتي، ما مافطرتش مزياان،
كمال : لاا لا خلليها بصحتهاا،
علي همس فوذن باه : الوليد قلنا ليك شوف شي وحدة خرى، مبانت ليك غير هادي، حس الانوثة ما فيها..!
جاوبو بنفس الهمس : سكتناا شوية،
دار كيشوف فالسعدية : الحاجة يمكن خاص ندويو فوقت العرس، مكرهتش اكون قريب، مكاين لاش نعطلو كثر،
امير : واااه الولييد مالك مزرووب ههه،
السعدية : احم، وا غاا شربو العصير و استاراحو، عاد ندوييو،
كمال : لي عجبك ا الحاجة،
خديجة : ميي، شكون هو العرييس بعدا، هاد الزووج (امير و علي) مكيبانش عليهم المعقول بعداا،
غوتات فاش حسات بقرصة طالعة معاها، اكييد من يد نبع الحنان السعدية : سكتييي شوية يا هاد البنت، هااهو العريس قداامك، سيي كماال،
خديجة شافت فيه و حللااات فمهااا : دبااا هادا هو لي غيتزوج حياااة،
امير : ههههه علاش مال الولييد معجبكش.. ؟
السعدية : ااه ا بنتي، شافهاا هادا شحاال و عجباتو و راه ناوي معاها غا الحلاال،
خديجة كدوي بلا ما تفكر : لاا لاا واش من نيتك ا الولييدة، واش ولادو كبر منها، شمن حلال و لا حرام، هو حتا شاب عاد ناوي يتزوج،
كمال غير ساكت كيشوف فيها، امير مشاتلو الضحكة، و على خنزر فيها كارز على ايدو : غتسديي فمك لااا، بحالة هاد ختك مطفرااه، راك شفتيها كييف كانت كتاكل، و اصلا هي براسها موافقة على هاد الزواج، بلا متخشي راسك،
خديجة : تاكل كيفما بغات تاكل، منسمحش لييك تنقص منهااا، مزال صغيرة و مكتعرفش ماشي تلصق فيها باااك،
بغا ينوض ليها حس بكمال جرو من ايدو جلسو كيحاول يهدن فيه بنظرتو، : صافي بلا هاد الهدرة دبا، مناقصنا صداع،
السعدية حتا هي جرات خديجة كتسكت فيه و هي عاد مزايدة فيه باغا طلع للسما : لاا سمحلياا ا عميي، لقيتو ميي مرا درويشة، و ختي غير هبييلة لا منسمحلكمش،
هاد المرة السعدية جراتها بقوة حتا تردخات على السداري، نطقات من تحت سنانها : هادييك ااه جمعيي فمك، ماشيي نتيي لي غتورينيي اش نديير، ما نتي مها ما نتي باهاا، و اناا قلت غتزوج بهاد السيد هي ا تزوج بييه بلا كثرة الهدرة، شنو را 25 عاام و قفلتها، بغيتيها تبوور ليا هنااا،
جلسات خديجة محاملاش راسها، شاداها البكية و حاسا بللي ختها تحگرات، و غترزا فشبابها، عاد جات وداد هازة فيديها الصينية د الكيسان و وراها حياة هازة كاس د العصير، بقات معطلة فالكوزينة كتوصي فيها كيف تاكل و كيف دوي، قرصاتها مزيان، دخلو لقاو الجو مكهرب مفهمو والو، جلسات وداد جنب خديجة كتشوف الدمعة فطرف عينيها و مراقبة علي بحقد كبيير، بلعات ريقها و منطقات بحتا كلمة، خوات العصير، شافت علي وقف مشا، و تبعو امير و كمال، عاد نزلات دمعة من عين خديجة خرجات حتا هي كتجري نيشاان لبيت مها،
وداد : اش واقع هناا، مال خديجة ا خالتيي،
السعدية : خلليها سرهاا، گالك معجبهااش عرييس ختها، و كتقول فيها قداموو،
وداد : اه فكرتييني شكون عرييس حياة،
السعدية : سيي كمال،
وداد : اهااه و شكون هو،
السعدية : ا ويلي السيد لي كان جالس دباا، باات امير و علي،
حياة : ااه و مالو حتا ميعجبنيي، السيد بخدمتوو، لاباااس علييه، يعيشنيي كيف بغييت و حسن گاااع،
السعدية وقفات : اواا سمعتيي، راني ما بززت على حد،
خرجات و خللاتهم،
وداد : هااا ويليي على غدايدييي، ياا ا الطميمييعة، واا صدقتي ما سااهلااش، على قلة الرجال دويي،
حياة وقفات كتهز و تحط و تنفخ و تفش : هادااك هو لي بغييت انااا، سيديي كمااال، اصلا ماباينش فيه كبير بزااف،
وداد وقفات و جراتها من شعرها غادة و جاراها معاها : اناا نورييك سيدي كماال اش كيسوا،
بقات جاراها حتا وصلات لبيت السعدية، لاحتها فوق السرير و شافت فخديجة لي كتغدد مفقوصة حتا هي، فهماتها بللي هي لي باغاه، و تحاماو عليها بزوج، ها لي تنتف ها لي تعض ها لي تقرص، بردو فيها غدايدهم و هما كيسبوو، و هي كتبكيي و تغوت ربيي لي خلقها، حتا تجمعو عند الباب، السعدية كدق و امير كيهدد بللي غيهرس الباب، بعدو منها و قادات وداد حوايجها : دبا الى بغيتيي تزوجيي بيه،
خديجة : معندناا كينديرو نحبسو هاد الزواح، و لكن المهم بردناا فقصتناا، حلليي على هاد الزمر ا ودااد صدعوني،
بقات كتنتر منو و هو جارها حتا خرجو لعلى برا، رخا منها و شاف فيها : مالنا نتيي اش كااين لاش كتغوتي ؟؟
وداد : و كتسولني مزال، ا وييليي غدايدي، تا واش بصح عند بالك حياة باغا باك، راا غا طمع، الطماعة لاخرة،
بدا كيقرب ليها و هي راجعة بلور، تعكلات بحجرة و كانت طايحة كون مشدهاش من دراعها و جرها بقوة حتا ضربات فصدرو و لصقات عليه، حط ايدو على وجهها كيحيد الشعر لي نازل عليها : اهاه و من بعد، خلليها طمع، مالك غايرة منها، ا تعيش فالڤيلات، وسط الخدامات،
وداد : نغار منها، لا ربي ربي واش من نيتك.!! هاديك را بنت خالتي، بحاال ختيي، ماشي فقصة نشوفها غتزوج بواحد قد باها،
امير : و من بعد هما مفاهمين و نتي اش دخلك وسطهم،
بعداات عليه فاش حسات بيه قرب بزاف و بدات كتجمع شعرها : عندك الحق انا مشغليش،
هزات راسها شافت فيه اخر مرة و دخلات للدار بحالها كضرب برجليها على الأرض مفقوصة، مشات للغرفة لقاتها مربعة رجليها كتبكي و تغبن، و السعدية حداها شادة حنكها، خديجة غا بزز باش جالسة صابرة عليها، دخلات و سدات الباب : اا دييك وجه النحس براكة ما تهرنطي عليا تم بحال الحمااار، نوضي غسلي ديك الحالة، يلااا تگعديي قبل لاا نكمل على ما بييك.!!
خديجة : بصح ا ميي، و هي مزال صغيرة شهوة منها بنت، واخا هبيلة عاطية للعيين و الف واحد يتمناها،
السعدية تنهدات : اييه و مالي ا بنتيي كرهت فييه، راكم عارفات ختكم، كطيير مع الطيوور، فاتت البهلان لهييه، كوون ما تثقاف لي ثقفتها و هي صغيرة، كوراها والدة ليا شي ترينگة هناا مافيهاش الشك، بغيتيني نبقا مربعة ايدي كنشوف فيها حتا ضييع من ايديي، اللهم نزوجها و نسترها،
وداد : فهادي عندك الحق ا خالتي، ديك المرة لقيت عندها الفنيد ديال منع الحمل، و كون غا كتعرف ليه، شاربة حبة من كل نهار بعييد،
خديجة : نية بزااف و خاصها غا امتا تحل رجليها، اوووف، انا ا ميي نضبر ليها فعريس من المدينة، ها عارت البزيزيلة لي رضعاتنا ا مي، متزوجيهاش ليه،
السعدية : واا تيي علاه اناا كرهت، را هي قالت لك نموووت و نخلاق من سيي كماال، و من غيرو منتزوج، اللهم نزوجهاا، و لا نبقا جالسة مربعة ايدي هنا حتا ديرها بياا، حتا من التثقاف راها حكاتو مزيان، و تثقاف الصغر دغيا كيتحل،
وداد : اش غنقول لييك ا خالتيي نتي تعرفيي،
السعدية : يا بنتيي مكرهتهاش تكون قافزة غاشوية بحالكم، و تكون عارفة اش ديير، نتوما صغر منها و عقلكم كبيير عليها، راني معولة غير علييكم تهزو ليا راسي الفوق، اما لكانو غير هادوو، را طيحو علياا الذل لي مكاين،
نرجعو للجماعة من بعد ما عامو مزياان و دوشو، تغداو و تجمعو فالصالة مجمعيين، كل كوبل بوحدو، و صوت انس و دينيس كاسر الدنيا بالضحك و البهلان، كيسر بعييد كيشوف فيهم و كيدرسها مزيان، حتا وقف كيدوز ايدو على شعرو : انس تبعني دبا للبيرو الفوق، طلع و كلشي دار كيشوف فانس لي بدورو بلع ريقو و تم تابعو مفاهم والو، دخل للمكتب ورا كيسر، شافو جالس فكرسيه متكي عليه و ايدو ورا عنقو، سد الباب و دار ليه كيسر اشارة بيدو باش اجلس، فعلا جلس و بقا كيدور فعينيه، حتا نطق كيسر ببحتو المعتادة و صوتو لي فارض نفسو و كيبث الرعب فكلشيي : عارف شكون هي دينيس.. ؟!
كيسر : عارف شكون هي دينيس.. ؟!
انس : ختك،
كيسر رجع حط ايدو على البيرو بنظرة مخيفة نطق : اه ختيي، و اخر واحد لعب بيها، راني حفرت قبرو بيدي،
انس سكت كيشوف فيه و غير كيبلع فالريق : اناا، معنديي لاش نلعب بييها،
كيسر : انا غير قلت، باش حتا الى كانت كدور فراسك شي حاجة، تحيدها، هادشي الى بغيتي تبقا عايش،
انس: معنديي لاش نآديها ا سي كيسر،
كيسر : ختي دازت من بزاف د الحوايج خايبين، عانات بزاف، و دبا منبغيش دبانة تقرب ليها، مكانتش كضحك حتا شافتك، و نسات كلشي داز فرمشة عيين، الى كنتي غتبكيها مرة خرى، بعد من هنا حسن ليك، مفهووم.. ؟!!
انس تشجع و نطق : لااا مفهمتش،
شاف فيه بنظرة استغراب و نطق : مفهمتيش، كنعرفك ذكا من هككا،
انس طلع نفس قوي : دبا نتا واش كتقول ليا بعد من دينيس و متقربش لجيهتها، و لا كتقولي بقا جنبها و متآديهاش، هادشي لي مفهمتش،
كيسر اكتفى بابتسامة جانبية حاملة فطياتها عدة معاني، شاف فيه بعينو لي كتلمع، ماشي اي لمعة عادية : انا قلت ليك الى آذيتيها، حسب راسك مع الاموات، مكيهمنيش واش تبقا و لا تمشي،
انس سد عينيه كيحاول يشجع نفسو و يدوي عادي : واخااا انا عمري نآديها، و تقربت منها حيت فعلا باغيها، و نتا زعما تقبل بهادشي،
كيسر : باش ؟
انس : زعما انا و دينيس، راك فاهم،
كيسر : تكون بينكم علاقة،
انس: اه اكزاكطومون،
كيسر : امم انا غير ماباغيهاش تآدى داكشي لاش كنقول ليك الى باغي تفلا، غير شهد على روحك،
انس : لاا لااا سي كيسر، مكاين لا تفلية لا والوو، احمم، الصراحة زعماا، انا من لول كتعجبنيي دينييس، و و.. كنحس براسي بديت كنبغيها، داكشي لاش لو تكون بيناتنا علاقة رسمية، غتكون احسن حاجة، اه و مكنتفلاش نهائيا، مناويش نآديها كيف قلتي لي داز عليها كافي،
كيسر : واخااا، نفكر،
انس : فاش ا تفكر ؟
كيسر : فهاد العلاقة لي قلتي، و لكن بقوانين و شروط،
انس : اي حاجة باش نكون مع دينيس انا موافق عليها،
كيسر: اول حاجة متقربش ليها محد سميتك مزال متحط على سميتها، مكيعجبونيش العلاقات هككا و خاص ديرو عقدكم فاقرب وقت، و اهم حاجة، الى نزلات دمعة وحدة من عينيها بسبابك، و لا سمعت ابسط شكوى، مغنرحمكش،
انس : غنديرها فعينيي كون متأكد، و غنخاف عليها حتا من راسي،
انس : دبا صبر قبل من اي حاجة، نعتابر راسي دبا خطبت دينيس من عندك،
كيسر : و شنو كنتفلاو دبا ؟
انس : لاا لا غير هدرتك كلها غموض فهمتيي، شنو هو الحل لي كنتي قلتي، فالخدمة،
كيسر : عندي شي فروع ديال الشركات فايطاليا، مخللي وحدين مكلفين بيهم بحكم قليل فين كنمشي، و تما فين مستقرة دينيس بالاساس و كتقرا، نتا تكلف بالفروع باش متبعدش و تبقاو جنب بعض،
انس : احم، سي كيسر سمحليا و لكن منقدرش نوافق، اول حاجة انا ميدان خدمتي بعيد على هادشي، و عاد نتا خو مراتي، سمحليا منقدرش، الحياة لي عايش راضي عليها، و الى بغات دينيس ا تكون معايا كيفما انا،
كيسر : واش فنضرك كنتشاور معاك، انا غير كنقول ليك اش غديير، عزة النفس ديالك خلليها بعيدة،
انس : و لكن،
كيسر : مكنحملش نعاود الكلمة زوج مرات، صافيي تقد تمشي،
انس وقف و تنهد : واخا ممكن طلب،
كيسر دار ليها اشارة براسو باش ادوي و كمل انس كلامو : متقول لدينيس والو على هادشي، حتا ندوي معاها و نتأكد بللي فعلا غتبغي هاد العلاقة،
كيسر : هاد الزواج، كنقولك معنديش مع العلاقات، اكيد رأيها هو لول، و غنتسناها حتا توافق،
انس هز راسو و خرج، فنفسو فرحان حيت كيسر وافق على علاقتهم، و فنفس الوقت متخوف من لي جاي، عارف بللي كيسر ماشي شي واحد يصلاح معاه اللعب... مع خرج لقا دينيس واقفة قدامو مخلوعة : اش قالك، علاياش دويتو، قولي دغيا راكم خلعتوني، اش بغاك كيسر عفاك قوليي، علاياش ناويي،
شد من ايديها بزوج كيحاول يهدأها و هي شوية متنزل الدموع لي تجمعو فعينيها : شووو مكاين لاش تخافيي، حنا غير دوينا عادي و صافيي،
دور ايدو على كتفها و جرها لعندو منزلها : معندك لاش تخافي عليا، يللا نزلوو....
دازو ايااام و اسابييع، ليوم النهار الموعوود، عرس اوگدان و أسماء، ليموزيين بيضة طويييلة كتشعل واقفة فراس د الزنقة، خلاات كلشي ملفت كيطل، كلشي حال فمو و حتا حد ممتيق عينيه، رجال و نسا و دراري صغار مصافين كيتفرجو، واقف قدام الباب اوگدان بلباسو الأنيق، كومبلي بيض، بشميز فنفس اللون، بابيون صغيرة فالكحل و زيف اسود فالجيب ديال الكوستيم،، لاصقة عليه و مبينة جسمو الرياضي، فيدو ساعة بيضة غالية فاليد اليسرى و صباط كحل كيلمع، جنبو كيسر بكوستيم فالكحل كامل حتا من الشميز، لاصق مزيان مع صدرو العريض، ساعة فالأسود و خاتم زواجو لي كيلمع من بعييد، مشابك ايدو مع مراتو و حبيبتو هديل، لابسة قفطان واسع و طوييل مجرجر على زوج بياس، التحتاني ديالو فالبلون كاسي و الفوقاني بالذهبي مطروز مزيان من الفوق بمضمة ذهب محجرة بأغلى القطع، فعنقها سنيسلة رقيقة و فيدها گرميط رقيوقة، و اكيد خاتمها لي تحلف عليها كيسر متحيدو من صبعها، ماكياج ثقيل على وجهها، و عكر گرونة ماط، مخلية شعرها مطلوق حريير واخد راحتو فوق كتافها، و منساوش الطالون فالذهبي عاالي خللاها تطوال شوية و تقرب لكيسر لي ديما مبينها قزمة قدامو، من الجهة التانية واقف انس لي هو التالي زاز بالكومبلي فالأزرق، تمات خارجة لالة العروسة و وراها الزغاريت د رقية لي كترش من المرشة ورا العروسة و ريحة المسك كتعطعك فرحانة و مبسمة، حتا هي لابسة قفطان ملكي فالأخضر مطروز كامل من الفوق و كيتجرجر، سنسلة ثقيلة د الذهب فعنقها و دبالج من كل جيه، طالقة حتا هي الساالف و مزعراه، و مكياج ثقيل بين تقاسيم وجهها كيف قالو مشا الزين و بقاو حروفو، تشوفها تقول ام العروسة مفروحة مع كلشي و شابعة من خير اوگدان، اما لالة العروسة لابسة قفطان بيض مطروز من جيهة الصدر و محجر ثقيل، اما من التحت نازل سامبل، فوقوو سلهام بيض كيشعل ببياضو، سنسلة من الذهب الأبيض مزينة عنقها و حلقات بنفس الموديل فودنيها، تاج صغير كيبري فوق راسها و قب السلهام فوقو، مكياج ثقييل مع عكار حمر ايميد شوية، على ليمن ديالها دينيس لي لابسة سواري فالبيض بستيل قفطان، لاصقة على جسمها و نازلة بسفيفة ذهبية من الوسط، مع مضمة رقيقة الوسط فلون السفيفة و من جيهة الصدر واسعة بحال الفراشة و نازل الفوقاني ديالها، هازة بوشيط ذهبية فنفس الايد لي دايرة فيه خاتم خطوبتها، خاتم غالي ختارو انس بنفسو و خلصو، من بعد ما تقدم ليها قدام كلشي و وافقات بفرحة كبييرة عمرها لامساتها حتا لداك النهار...
فالليسر ديال العروسة شادة منها سمية كانت لابسة قفطان حتا هو فالبيض لاصق على جسمها و مطروز من التحت بوريدات صغار، لابسة زوج سناسل ذهب ثقاال و نازلين على الصدر، و مضمة حتا هي ذهب عامرة، و الدبالج و الخواتم كلشي ذهب، و كيف لا و اوگدان عاطيهم كارط گيشي واخدين الحرية ياخدو اي حاجة بغاو، مكياج ثقييل و شعرها الأسود مطلوق فوق كتافها...
خرجو بالصلى و السلام و الزغاريت، اوگدان مد ايدو لعروستو بابتسامة مفتوون فالجمال لي عطاه الله و مصدووم فيها فنفس الوقت، جات لوحة فنية خللاتو ضايع فتقاسيمها، حل ليهم الگارد باب ليموزين، و خوا الطريق، دخلات اسماء هي لولة و تبعها اوگدان عاد تسد الباب، كيسر جر هديل و مشاو للفيراري ديالهم، حل ليها الباب طلعات بتكشيطتها، تخيلوها بقفطانها داخلة للفيراري، دار كيسر من الجهة التانية و كسيرا تابع ليموزين، انس حتا هو شد دينيس من ايدها و قبلها بلباقة ساهي فجمالها، جرها و طلعها فسيارتو، طلع حتا هو و كسيرا، سي احمد لي كان لابس فوقية زااز طلع فالسيارة لي خللا اوگدان جنبو مراتو و وراه سمية و شي زوج عيالات من المقربين، غادين للقاعة لي غيتقام فيها العرس، حيت بقاو غير هما اما الناس و الضياف تجمعو ديجا...
كانو داخلين مصدومين فداكشي لي قدامهم، قاعة فخمة كتخللي اي واحد كيفما كان يحل فموو، استقبلوهم بالتمر و الحلييب و المكسرات بأنواعها الغالية، غير كيدورو فعينيهم عمرهم حطو رجليهم فشي بلاصة بحال هادي، جروهم الداراري جلسوهم فطبلة مجموعين، وداد و خديجة جلسو حدا بعضهم، امير جنب وداد و علي جنب خديجة، عاد حياة جنب خطيبها كمال، جاو من قلعة سراغنة باش احضرو لعرس اوگدان الأسطوري، حياة لابسة قفطان سامبل فواحد الخضر بااارد، و تحتو بالبيض، بمضمة مذهبة وسطها وريدة، جامعة شعرها شفنجة زوينة و مكياج خفيف قاداتو ليها وداد، حيت اكييد هي مكتعرفش لداكشي، كيف و هي بنت بسيطة عاشت حياتها كاملة وسط الغنم و البگر و العروبية، ماشي بحال وداد و خديجة كابرات فالمدينة مع بعضهم، مللي كانو اهل وداد مزال فالحياة، من بعد ما ماتو هادي تقريبا شي سنتين و لا ثلاثة باكسيدون مقدووش ابعدو على الدار لي كبرو فيها، و بقاو فيها عايشات بفلوس التقاعد ديال اب وداد، واخا قليل كافيهم، بقا ليهم من بعد و حتا التأمين استافدو منوو، من غير السعدية لي كل ما تجيها فرصة تسيفط ليهم شي حاجة د الفلوس على قد الحال، وداد لي كانت لابسة قفطات فالزرق من جهة الصدر و من التحت نازل واسع فالبيض، و مطروز بالزرق، مكياج خفيف على وجهها و شعرها كريبي من التحت نازل على كتافها، ساعة فالگري فالايد بينات رقيها، اما خديجة فكانت لابسة قفطان فالباج بطرزات مورديين كباار من جهة الصدر، كذالك ساعة فالايد بنفس لون القفطان و مكياج خفيف، اما امير علي و ابوهم كمال، كلهم لابسين الكلاص و حطات كاينين خللات البنات اتلفتو ليهم و يبقاو حاضينهم، لا من المغاربة و لا الگور، عرس ميكس مخلط فيه كلشي، سمعو الصلاة و السلام و كلشي وقف تاني، هادي لالة العروسة داخلة بالدقة المراكشية، خاشية ايدها فايد حبيبها و داخلين، الأنظار كلها عليهم، نظرات مخلطة، منهم نظرات إعجاب نظرات حب او حسد او غيرة، كلشي مخلط، كانت العمارية محطوطة و جنبها رجال بالفاقي و السلهام بيض، عاد النگافات مصافين وحدة جنب التانية، جاو عند أسماء دارو بيها و طلعوها للعمارية و الدقة المراكشية وراهم مزال خدامة، هزوها فلول بشوية و هي البسمة ممفارقاهاش ا طيير بالفرحة حتا تهزات فوق كتاف الرجال بسلهامهم.....
بداو كيدورو بيها و يلعبو مدة و هما هازينها، حتا رجعو حطوها، وقف اوگدان قدامها ماد ليها ايدو، شدات منو و نزلات، مشاو جلسو فالبلاصة المخصصة لييهم من بعد ما قادوها النگافات لي كيدورو بلبسة موحدة، مشات هديل و كيسر، انس و دينيس جلسو فطاولة وحدة بعييد على بنادم شوية مراقبين العرسان من بعييد،
هديل قربات لوذن كيسر و همسات بشوية : شفتيي النااس شفتيي، شفتي العرس كيف دااير، كيتيي ياناا، مزال معرفت راسي واش مزوحة نيت و لا غا ضاحكة على راسي،
قرب كثر نزل راسو عندها و طبع قبلة دافية على عنقها بورشاتها : امم دبا مراتيي باغاا العرس، عاد تفكرتييه هه،
هديل : ااه عاد تفكرتو، بغييت العرس هي بغيتوو، مالي تانا معلياش الله، ممنحقيش نعرس كيف بنادم، شووف تبارك الله على عرس داير صاحبك، شوف مرتوو كيف فرحانة و غطيير من فرحتها، ماشيي بحاليي اناا، معنديي زهر، لا فالزواج لا فغيرو هننن، مالي ياناا منطلعش فووق العمارية كييف البناات، و منلبسش سبعة اللبسات هننن، اااه و منلبسش الكسوة البيضة، و نقطع الگاطوو تاناا،
كيسر بعد و تنهد تنهيدة طويلة، عارفها الى شدات فشيي موضوع مكطلقوش، و الى بدات فالنگير و التغبان مكتساليش، مبقاش عندو الراس للبهلان ديالها لي كملو ليها الحمل و الوحم، هككا هما الرجال ديما صبرهم قلييل، شافت فيه و فبرودو و نطقات : مالك سكتيي، مالي قلت شي عييب، و لا معندك ما تقوول ليا ياااك.. ؟!!
كيسر : ولديي بعدا و نشوفو قضية هاد العرس،
هديل : اااه لقيتيينيي غير بوحديي، ما عندي اهل و لا عائلة، مكاين لي يدافع عليا و لا يحميني، و مكاين لي يتشرط لياا قبل زواجي بييك.....
نخلليوها كتفش قلبها و نمشيو لواحد الكوبل عاد دخل، مشابكين الأيادي و مبتاسمين فوجوه بعض، مرة مرة يهز ايديها يقبلها بحنان و يرجع يشوف فعويناتها و يهمس ليها، اشراق كانت لابسة قفطان بيض، سامبل، نازل بسفيفة رمادية و حجيرات صغار فالخضر، شعرها الأشقر مسدول فوق كتافها و مكياج ليلي ثقيل على وجهها، دخلات كدور عينيها اول ما شافت هي هديل لي كانت مزال كتنگر مخلية كيسر شاد من راسو جنبها، طلقات من ايد فهد و مشات عندها بخطوات متسارعة حتا وقفات قدامها : هدييييل !!
هزات راسها بابتسامة حيت عرفاتها من صوتها، غوتات و وقفات عنقاتها دااك السااع، و بعدو كيتسالمو و يسولو فأحوال بعضهم، كيسر وقف سلم على فهد لي لحق عليها من الايد : فكيتييني منها ا صاحبيي،
فهد غمزو : علاش مالك يللا تزوجتو، دغيا طلعات ليك فالراس،
كيسر : لا ا صاحبي قاتلاني على موضوع العرس، مبغاتش تسدوو،
فهد : متفكرنييش حتا انا فارعاة ليا راسي بييه،
دارو بزوج شافو فيهم ما هماش هنا، جلسو جنب بعض كيتحتو و يتعاودوو فرحاناات، دينيس مشافتش جيهتهم نهائيا، مغرقها انس فالرومانسبة و الغزل غير من بعيد، بلا ما تسولوني على العرسان باين الوضع كيف ا يكون بينهم، هاهيا اسماء تاني وقفات تبدل لبستها خارجة هي و اوگدان، مشات تبدل و تابعينها النگافات بالصلاة و السلام، تبعاتها رقية باش تعاونهم و تكون جنبها، سمية راها واقفة بعييد هي و واحد الروسي، باين عجباتو و حط عليها العين، كيف لا و هي بقفطان إيڤازي مغربية ١٠٠٪، شدو الحتيت و الضحك ناسيين الدنيا جنبهم...
خرجات عروستنا تاني بالزغاريت، لابسة قفطان مذهب و مضمة ذهب نييت، تاج كبيير فوق راسها و عقد ماس فعنقها، و اوگدان شاد من ايدها، مبدلش واخا عياو فيه كان هادا هو شرطو الوحيد، محاملش كل شوية يبقا يبدل، داوها نيشان للعمارية جلسات و رجعو الرجال هزوها، اما اوگدان رجع جلس كيتسنا فعروستو لي مقاداها فرحة...
داز الوقت، دبا الهدووء و السقييل، موسيقى خفيفة لي كيرقصو عليها العرسان، اسماء بكسوتها البيضة، هادشي من بعد ما كتبو عقدهم و قطعو الگاطو، نخلليوهم فراحتهم و نمشيو لواحد الطبلة، جالسين كاملات، هديل و اشراق، وداد و خديجة و حياة، خللاوهم الرجال مجموعات هنا و مشاو بعيد كيدويو فامور الخدمة بينهم، اما دينيس كترقص بعييد مع خطيبها بلا صداع، وداد غير شادة حنكها و كتشوف فواحد المخلوقة كتنهش فالحلوى قدامها نهش، خديجة عيات متنغز فيها و فلخر سلمات امرها لله، اشراق و هديل كيشوفو فيها بابتسامة خفيفة مراقبينها و كيتفكرو نفوسهم فبعض اللقطات، اما واحد زوجات جنبهم، مغربيات و جالسات كيضحكو، شوية بداو ينمو و يسبو فيهم بلونگلي،
البنت 1 : شوفي يا ختي كيف كتاكل هههه، اش هاد الأشكاال كيجيبوو لهناا،
البنت 2 : ااه تقولي شهر ما كلاات، و لا ذاقت النعمة،
البنت 1 : اووف على ماركة، اش كدير وحدة بحال هادي هنااا،
بقاو بلا بلا مسكتووش، خديجة و وداد كيشوفو فيهم بنص عين فاهمين هدرتهم و لكن صابرات و عاضات فالصبر مباغينش الشووهة فبلاصة بحال هادي، يكفي غير الشوهة لي بادية ليهم حياة بلا ميكملوها هما، و دوك الزوجات مزال مسكتو و غير مزايدات فيه، حتا خبطات هديل بالطبلة و خنزرات فيهم، نطقات بالداريجة : ا لاالة ا البشاار، خللي السيدة تاكل كييف بغاات ا ويليي، عمركم شتو شي حد كياكل، عيقتوو گااع،
جاوباتها البنت بالإنجليزية : وا را غيير بنات العروبية هادووك اش غيفهموو گااع من نيتك، اصلا مشغلكش،
نقزات وداد بنفس اللغة الاخيرة : غيير خلليها ا ختيي خلليها تفش قلبها، الهدرة ماشي هنا دبا، الهدرة فاش غنخرج و نشدهم بزوج،
روح الموت الجزء التاسع
محتوى القصة
التنقل بين الأجزاء