يامنة الجزء 83

الحال هو الحال ...مخيم نوع من سكون في الفيلا ..القلق بدا كيكتاسح الكل ...دازت يومين بالحساب وباقي مكاينش ليه الاثر ..فين هو واش طرا ليه ...ومزالين كيبحثو ثاني في النهر يومين متتالية فرق الانفاذ كتناوب وهما كيبحثو عليه ....كل مرة كيلقاو حاجة وكيزيدو يشكو انه في الواد ...مرة فاش لقاو الفيست ...والمرة ثانية لقاو صباطو ...والثالثة التيليفون ديالو ....

ايلاف اعصابو تلفات ...بغا يهبل بغا يتصطى ...واقف عليهم تما في جنب الواد حدا ضابط الشرطة مربع ايديه وحاضي البلاصة فين وصلو فالبحث ...كيفكر وعينيه حمرين ...عقلو بغا يخرج قلبو مقبوط عيا وهو يتسنى خبر عليه ...وخا هكاك مزال عندو امل يتلقى بما انهم ما لقاوهش ....كيفكر ويفكر ومستمر تفكير حتى داز فتفكيرو وهي دير ليه طن ...

ايلاف "استاذن من الضابط وجبد الفون دوز ليه رقم نيشان ...تسنا ثواني وجاوبو بصوته المعهود " : ايشاان .."عض شفايفو " 

ايشان : ولدي ايلاف ...

ايلاف : هههه "خرج لسانو وعضو قبل مينطق " بلا منبقا نضورو فالهضرة وكترت الهضرة بلا فايدة ..اشنو درتو لفؤاااد ؟؟؟؟

ايشان "علاش مال فؤاد ؟

ايلاف : كتصطى عليا نتا ؟؟؟ فين فؤاد ؟ 

ايشان : باش نكونو مفاهمين اولدي ...طريقة هضرتك زادت عن حدها ...اولا انا كبر منك ثانيا معتابرني باك والايد الي تمدت ليك وقت الحاجة ...ثالثا فؤاد شنووو وقع ليه ؟ 

ايلاف : لاااا الى وقعت ليه شي حاجة ...اولا غانسى شكون نتا حيث اصلا بديت كنساك وبديتو طلعو لينا الخرا فراس ...ثانيا غانسا المبادئ والقيم علاش تربيت ...وغانسا واش با وينعل بو هاد الايد "كيضرب فصدرو بجهد " الي تمدت ليك تا عاونتيها ....

ضار عينيه حمرين وزادو جغمو بالدم ... ااااااشنو درتو لفؤاد ؟؟؟ الى وقعت ليه ولا عرفت ليكم ايد فهادشي اقسم بالله مغادي ندوزها ليكم ...ميخلعنيش شكون نتوما ولا شنو مكانتكم ...كنعرف حاجة وحدة لقا صاحبي وميكون واقع ليه والو ...

ايشان : وخا تهدن وقوليا شنو وقع ليه بالضبط ...

ايلاف : دار حادثة الي ممكن تكون مدبرة وهادشي كيعتامد على اجابتك نتا واش من فعل فاعل "ابتاسم بجنب " ...دعي لوبك نلقاوه وميكون واقع ليه والو ...والى ملقيناهش غاتلقاه بزز منك ...ولا حسب راسك اااا ا الوليد غادي نعصى الله ونقتلك بايدي ..

ايشان "عقد غوباشتو " : كتهدد فالراس الكبيرة ...هادشي راه حسابو مغايعجبكش ...ماشي اي حاجة وقعات تجي تاهمني بيها ..ولا هذا كيعني انك عارف الى درتو شي غلط كتعاقبو عليه ياك بعدا ؟ 

ايلاف"هز ايدو " : ماااا زلنااااا مدرنا تاااا غلط الشريف ...قلنا ليك مبدئيا شنو كاين ...يعني معاكم ونفس الوقت ممعاكمش ...حل يرضي الجميع ...بغيتي تصفيها ليا تا انا هاني قدامك ...لكن الي نقوليك لحد الام مغاتلقاوش فحالصاحبي يعني مضحيوش بيه وميتضحاش بيه وميتفرطش فيه حتااااااا بضحك....

فين فؤاد نسر موسكو ...كل ما طالت المدة كل ما صبري كينفذ ...

ايشان : لو عرفت او لو تسمح ليا نعرف مغاديش نقوليك ...لاخر مرة تمادى فهضرتك نقدر لحقك عليه الى فعلا مات ولا نسبقك عليه الى باقي ما مات ....

قطع عليه تيليفون خلاه بغا يتشتت ...زادتو يومين وهو على اعصابو والاخوة ديال فؤاد مبرزطينو والي حالهم اكثر منو ....

الي تاهما تزيرو اكثر منو ...اعصابهم تلفت يوسف مبقاش شاف شركة ولا كالس غير فبيتو تا الى هبط كيهبط غير باش ميتيرش القلق ...فينما يصوني ليه تيليفون يطير يخرج يجاوب بسرعة فانتظار خبر بريح بالو لكن لاااا حاجة جديدة لا حتى معلومة صغيرة وخا تكون غير مهمة المهم تخليهم يطمئنو عليه ...ولااا شيء ...دازت يومين ويامنة بدات كتقلق ...وبدات تفكر وتدي وتجيب ....

جالس فالجردة فداك الليل مقابل مع لبيسين الي شاعلين ضواو عاطين واحد المنضر كيخلييييك تسرح فافكارك ونتا كتشوف فداك الما كيدي فيه ريح ويجيب ...سكووون تاااام وسط منو صوت زواي الليل كيغوت ....حتى جا جلس حداه صهيب تاهو كيشوف ...

صهيب : شنو غادي نديرو يوسف ؟ سارة سكتتها دغيا ملقيتش مشكيل راوية تاهي وخا حمرت فيها ...نجود كتسول حيث يامنة بدات تقلق ...الياس ملهي مع توجاد المناقشة ديالو الي قربات ...وهو مزال ملقاوهش ...

يوسف "كيشوف وكيسمع ليه داير رجل فوق رجل ومربع ايديه سارح ...نطق بصوت بطييييئ" : ياااامنة ...

صهيب : شنو غادي نديرو معاها ؟ مقلقاني بزاااف ...

يوسف : على مقالت ليا يسرى مبقاش عليها خطر حيث سمعات الهضرة وطبقات داكشي الي خاصها دير ...ولكن خاص تعرف تعرف ...والى عرفت يقدر تحمل يقدر ما تحملش ...

صهيب : الايام كدوز ومزال لا خبر ...وكتر فيها تسوال وخا عارفانا معندنا منعرفو وخا هكاك هضرت مع الوليدة قبيلة لقاتها مقلقة كتسنى فيه يعيط ليها ...

يوسف "تگعد وجلس داير ايدو على حنكو بغا يهضر معاه حتى صونا ليه طار على الفون جاوب بلا ميشوف " : خوويا فؤاد ؟...

ايلاف "معارف ميقول " : يوسف هذا انا ...

يوسف : امضرا ؟ 

ايلاف : لساتو الحال كما عليه... النهر طويل وتيارو قوي بيعملو الي عليهم ...

يوسف : حتى لامتا ؟ 

ايلاف : لساتو عنا امل يوسف على الاقل ...

يوسف : بغيت نرتاح راه تقهرنا ...مراتو بدات تقلق وهي مريضة شنو غادي ندير ...

ايلاف "هز راسو لسما وزفر نفس حاااااارقة هازا بزاااااف تعب خوف رهبة انتظار ...تلف اعصاب تفكير ..." : يوسف بدك تسمعني ...بما انو انت الاخ الاكبر من بعد فؤاد ...

يوسف "مبااااغيش يسمع هاد الكلمة كيحس براسو راه مات وهو غايكون موراه بما انه الثاني فالولاد ...ناض على وقفتو بجهد تا خلع صهيب الي بغا ينوض ...كينفي براسو يمين شمال " : ولاااااااا

هو الي خويا الكبير انا ما نكونش بعدو مانجيييييييييش بلاصتو ايلاف ...مااانجييييييييييش خووووووووويااااااا حي ..."عينيه جغمو بغا يبكي اصلا عيا وتقهر وهو كيتسنى " ....يومين وانا بلا نعاس ا ايلاف ...

ايلاف "غوت ليه فوذنيه باش يتوگض " : يووووووووووووسف ايييييييش فيك ؟؟؟ انت بعدو فغيابو كنت مكانو مستلم زمام امور العيلة ؟ ايش تغير لساتو كل ايشي على حالو ...مو لاني قلت لك ها الكلام معناه انو راح ...لك اسمعني والله فؤاد ما بيتركنا بس يمكن اعصابنا تلفت لهيك صار ....

يوسف : ياربي ياربي ميخليناش ياااااربي "زلقت ليه دمعة كتجري قشعها صهيب الي غمض عينيه وكمممممششش عليهم " ....ياااربي ...

ايلاف : ايي هيك بدي ياك ...طالما الغالي ما نلقا يعني امل كبير انو حي يمكن نسبة فايتي سبعين بالمية ...بدي يااااك تسمعني ...تتذكر يوم ما قلك تعا جيب مرتو ؟ 

يوسف :"غمض عينيه عيااان طوا عنقو بتعب صوتو ثقيييل " : عفاااك هضر بدارجة ...

والله مبقيت فاهم والو قلبي على خويا كيتشوى 

ايلاف : وخا ...سمعني ...تعقل نهار كلفك انو تجي تاخذ مدامتو وخلاها امانة عندك ؟ اشنو درتي فاش كاين غايب ديك المدة وقاليكم متعيطوش ليا ياك ؟ 

يوسف : اييييه وسالا امورو وعيط ليها هي لولة فتيليفون وقاليها بالي غايجي من يسالي ...ورجع عيط ليا باش يتاكد بالي هي مزيانة وخلاني نقنعها باش تصبر حتى يجي وبالي هاكا حياتو دايرة معانا ...

ايلاف : هاااا ممتاز ...فهمت علي ...ودابا هاهي امانة عندكم ...يكون يقدر يقنعها متقلقش ودير عقلها ومتسولش حتى يهضر هو ياااك ...

يوسف : نهضر معاها ؟ 

ايلاف : في عندك حل غير هيك ؟ 

يوسف : وعلاش نهضر ياك غادي نلقاوه ...

ايلاف : اذا طول البحث ؟ هااا واذا مثلا لقيناه مضروب الله لا يقدر ...يوسف انتا شخص واعي وعقلاني يمكن حنيتك الي بتخليك تخاف وتعمل هيك ...ويمكن هاد الغالي مو اي شخص ثاني ...بس انت المسؤول بعدو ...انت خاصك تكون شخص العاقل الي غادي يفيقهم ويصبرهم ويخليهم مينهاروش ..

يوسف : مفهمتش ..."حك عينيه بتعب " 

ايلاف : والله ما بعرف ايش بدي قلك بس لازم حطك بالصورة ...النهر طويييل ...اذا مالقوه ووصلو لاخرو من هون لاسبوع كامل ...حتى يوصلو لاخر النهر ..

يوسف : يعني امل ميلقاوهش وهنا غايكون حي غير تجلى فشي بلاصة ...

ايلاف "باش يطمئنو وصافي وغير باش يبقى موگض معاهم " : ايييه ...وفاش يقدر يتحرك اذا كان واقع ليه اي اصابة غايرجع يهضر راسو ...

يوسف "بشبه ابتسامة " : ايييه يااااربي ياربي ...صافي كون هاني انا غادي نطلع صباح نهضر معاها باش متبقاش تسول اما لوخرين ولفناه اصلا كيغيب شهور ويرجع يهضر هي الي ولفات معاه وحداه وولفها نيت هو ميقذرش يخليها ..

ايلاف : الله محيي اصلك هيك بدي ياك لكان روح هلا بعدين اي جديد بقلك ياه ...

قطع معاه وضار قال كلشي لصهيب الي نوعا ما ارتاح وخا غير بصيص امل المهم خاطرهم يتهنى ...طلعو بزوج كل واحد فيهم ينعس ...

حتى صبح الحال ...مع حلات عينيها بجهد كانت تقريبا ستة الصباح ...حتى ناضت تگعدت قلبها كيضرب بجهد وبنادم فكرشها كيتقلب حتى حطت عليه ايدها كتلهث ....

يامنة : ااا ...ياربي سلامة ...ففففف فففففف ....شافت فكرشها ونطقات ....شنو واقع ليك اولدي ؟ مالك كدير هاكا ؟ 

هزات عينيها كان الجو مشمس حيث الحال سخن تقريبا بغا يدخل شهر يونيو ...تقادات بشويييييي عليها حتى حطات رجليها فلارض عاد حطت ايدها تحت كرشها شاداها ...ونضات عليها بشويييييي وبدات تمشى حتى دخلات لدوش وقضات حاجتها توضات وخرجات ...هزات عباية لبساتها وهزات شال دارتو عليها ...غطات رجليها وجلسات فوق ناموسية ....

وتقادت مع القبلة وبدات تصلي ...حتى كملات وهزات كفوفها لسما ودعات ....

يامنة : ياااااربي سمع مني وريح ليا خاطري ...يارربي عمرني نقطع صلاة غير فرحني وحيد هادشي الي فصدري كيضرنيييي بزاااف ...بغيت نسمع صوته بغيت نشوفو ....ياااااااربي هادشي الي بغيت ماعرفتش علاش كنطلب هادشي ...نتا الي عالم علاش كنطلب بلا منحس اربي ....ياااربي راه بدا يتعطل عليا وبديت نتقلق 

ياربي راني حلفت ليه باش نصبر على قبل ولدنا ومبغيتش نحنت حلوفي يا سيدي ربي ياااربي سمح ليا الى حنت بحلوفي ياااربي صبرني يااااربي عطيني صبر من عندك ياااربي ...ياااربي "بدات تخسر ملامحها ودموعها على سبة حتى استسلمت لبكا ...." يااربي معمري حسيت بهادشي حتى لهاد المرة معرفتش علاش اهى اهى ماااعرفتش ماعرفتش 😭😭😭....

كملات صلاتها وحيدات عبايتها ورجعات تكات شادة تيليفونها ...كتفكر ومترددة وخا وصاها متعيطش ليه تا يعيط لكن خوفها والاحساس باش كتحس غمة فصدرها وحرقة كتشوي فيها ...مخلاهاش تصبر وتمشي لرقمو لمسجل باسمو ...لكن فالقلب راه راجلي حبيبي ...حطات الفون على وذنيها كتسنى فيه يصوني لكن وقع العكس كان رد من العلبة صوتية بالروسية ...عاودت تاني نفس الشيء ...

يامنة "غوبشات " : علاش طافيه ؟ يكون فاجتماع ؟ 

حدرت راسها ...وقالت ...واخا نصبر ماشي مشكيل ...رجعات تكات حتى داز الوقت ووصلات تمنية ...حتى دقات عليها نجود دخلات ليها فطورها وبقات معاها تا فطرات وعطاتها دوا ديالها شرباتو ...عاد هزات البلاطو ونزلات خلاتها....

في هاد الاثناء كان يوسف عاد خارج من دوش ...مشا لماريو جبد حوايجو لبسهم عبارة عن سورفيت سروال وتيشرت زرقين ...نشف شعرو ورجعو لور ولحيتو حتى هي نشفها ...هز الفون كيشوف واش عيط ليه ايلاف لكن مزال مكاين حتى جديد ...

بقا شاد لفون كيلعب بيه فايدو ويضورو ومرة يحطو على فمو ..حتى قرر يتدخل ويدير الي عليه ...تشجع وخرج من بيتو في اتجاه بيتها ...

دق زوج مرات حتى سمع صوتها ...حل الباب حادر راسو حنحن مكيشوفش جيهتها ...

يوسف : ختي يامنة نقذر ندخل ؟ 

يامنة "فاش دق حتى تغطات وقادت راسها عاد سمحت ليه يدخل " : اه يوسف دخل "صوت ضعيف " ...

يوسف "ابتاسم ودخل حادر راسو حتى وقف حداها وشاف فيها ...قرب حتى باس ليها راسها " : صباح الخير مرت خويا العزيزة هههه 

يامنة : ههه صباح الخير ...

يوسف "ضار شاف كرسي جرو وجلس مقابل معاها معارفش منين يبدا " : كيف صبح عمو البطل ؟ 

يامنة : مزياان دابا ...

يوسف : مزيان مزيان ؟ "جاوباتو بابتسامة " ...مزياان ...عرفتي هاد البرهوش مخرجها منا دابا متني ومتلت ...ولا باغي يحشم ...

يامنة : ههههه هانتا تشوف ...مخرجها منا كاملين ...

يوسف : بلاتي على ملتو يتزاد لما تناوبت عليه انا والعصابة روديو والديه ...ضصارة معندناش ...

يامنة : هههه عنداك غير هو يروديكم ههههه 

يوسف : هههه تشوفي فيها بعينيك راه بادي يرودي فينا من دروك جن ...ويني ان شاء الله يطلع شديد فحال باه راجل ...

يامنة "حدرات راسها " : ان شاء الله ...

يوسف : احم "غمض عينيه وحلهم " ما هضرش معاك فؤاد ياك ؟ 

يامنة "بحزن " : لا يمكن غايتعطل ...معرفتش علاش مهضرش وهو ميقدرش يدوز يومين وميهضرش 😞...

يوسف "عض شفايفو مغمض عينيه ورجع حلهم ...كيصبر راسو هو لول باش مينهارش عاد باش يصبرها هي ...حط ايدو على ايدها " : احم ختي يامنة نتي الغالية مرات الغالي وبنت عمنا ...غادي نكون معاك صريح كيف ولفتيني ياك ؟ 

يامنة "بخوف " : اه علاش و يا ياكما "زيرات ليه على ايدو " و واقعة ليه شي حاجة 😰...

يوسف : تت لا لا ان شاء الله مواقع والو ...غير هو نتي ولفتيه يكون معاك ديما وهو ولف يديك معاه ...ولكن حيث متقدريش تمشي معاه داكشي باش هو سافر وحدو ..

يامنة : اه ..ولكن مهضرش ...

يوسف : خاصك تعرفي كنت قلتها ليك شحال هادي ...فؤاد فاش كيتعطل عرفيه راه غايتعطل بزاف "زيرات عليه " يااامنة ماشي حيث واقعة شي حاجة تت حيث خدمتو صعيبة بزاف يقدر يغبر مدة عاد باش يهضر ...بلايص كيمشي ليهم كيكون ريزو منعادم ...راه فايت ليك سافرتي معاه ياك ...

يامنة "جاوبات براسها " / اه ...

يوسف : كيكونو عندو اجتماعات طوال وميقدرش يحل تيليفون ...فاش قبل ميتزوج كانت هادي عادتو ...كان كيغبر شهر وزيادة عاد كيعيط ...

يامنة"بدات تبكي " : لا انا دابا كاينة ميقدرش يغبر كتر اهى اهى ...ميقدرش ايوسف ...اشنو واقع ؟ ...

يوسف : مواقع والو انا غادي نقوليك شنو كاين ..."خاصو يختالق شي كدبة والا الامور مغاديش تسلك " ...احم دابا هو قبل ميمشي وصاني عليك كيف ديك المرة ...وقع ليهم شي مشكيل كبيييير فالخدمة واضطر يمشي مبغاش يقوليك هادشي حيث نتي غادي تقلقي ...

وقاليا غادي يطفي تيليفون الى تعطل نبلغك بالي يقدر يغيب كتر ممكن سيمانة مممكن خمسطاش ليوم ممكن شهر ...

يامنة : لا لا ميمكنش علاش كتقول هادشي ؟ هادشي كدوووووب اهى هى واقعة شي حاجة متقولش ليا وااااااقعة شي حاجة اهى ....

يوسف "ناض وقف كيهدن فيها " : شششش مواقع والو ايامنة ...هو هادشي خدمتو نتي هادشي عارفاه ...شنو بغيتي تقلقي على والو وتوقع ليك شي حاجة ولولد وملي يرجع يلقاكم ممزيانينش ؟ اااا هذا هو الوعد الي عطيتي ؟ ...

يامنة : اهى اهى ...

يوسف : يامنة نتي قربتي تولي ام عندك ولد وقريب يجيك ولاد خاصك تكوني مسؤلة ومتحملة المسؤولية ...وعارفة شنو كديري وتصبري ...متبقايش معولة عليه دابا خاصك تعولي على راسك لان جايكم ولد وولاد ...كوني نتي مثال ليهم ...مخاصش هو الي يتحمل كلشي ايامنة ....

يامنة : مايفة تكون واقعة شي حاجة اهى ...

يوسف : انا هادشي قلتو ليك ماشي حيث واقعة شي حاجة ولكن حيث عارفينو فاش تيدير هاكا كيكون مطول لان الخدمة صعيبة ونتي اكثر شخص عاش معاه هادشي ..فؤاد لو واقعة ليه شي حاجة توصل توصل ...وميوقع ليه والو كيف قدر يتجاوز الازمة القلبية قادر يتجاوز ازمات ....

فؤاددابا عندو نتي وولادكم الي جايين بزز منو يبقى على قبلكم ...ونتي فاش يرجع فرحيه ماشي ديما هو يفرحك ...

يامنة "مسحت دموعها بطرف كمها " : شنو ندير 😢...

يوسف "حد راسو شحااال تا جمع شنو يقول ورجع شاف فيها " : رجعي مراتو قوية وتحملي على قبل الولد الله يجعلو ميغيب تا شهرين باش ملي يرجع يلقاك موجدة ليه ولد من صلبو ومفرحاه بيه ...هادشي الي غاديري غايخليك تكبري فعينو ويعرف انك كديري شي حاجة على قبلو متقهريهش عليك متنسايش راه مريض وعاد خرج من ازمة ....

قدر مبدئيا ينفسها ويقنعها ...قدر ينفس عليها شوي من الغمة وعطاها درس انها تعلم تعتامد على راسها متبقاش معولة غير على فؤاد وخا الكلام سهل لكن التطبيق فهاد المسالة صعب ...داز اليوم ولا خبر داز الغذ ليه ونفس الشيء بدووون خبر ....حتى كملات سيمانة والاعصاب تقريبا عيااات ماشي غير فلتات ...صحيح الكلام فهادشي عادي لكن باش تعيشو راه صعيب بزاااف ...وغير مصبرين راسهم حتى بدا الكلام والسؤال عليه من طرف باه ونجود الي لاحضت شحال من حاجة ....حتى من يوسف خدمتو مبقاش مشا ليها صهيب غير كيطل الياس باقي مجاش مسايق لخبار لوالو ....زينة مراة كبيرة كتسول والي عطاها جواب كيف ما كان كتقول مزيان الله يسر صاافي ....

نجود : يوسف ولدي بغيت نسولك ؟ 

يوسف : ايه ميمتي مالك ؟ 

نجود : واش واقعة شي حاجة ؟؟ 

يوسف : ف في اش اميمتي ...

نجود : فؤاد مهضرش مع مرتو ؟ مدواش كاع سول عليها ؟ شنو واقع ...

يوسف : راكي عارفة فاش كيكون عندو الخدمة ملي تطلق سراحو مشا لقا الخدمة متراكمة بزاف وعندو اجتماعات خاصة داكشي باش حدو دوا مرة سول على مرتو والوليد وصافي مبقاش هضر تيسالي وغايضهر ...

نجود : ماعرفتش علاش حاسة بالي غير كتقوليا هاكا وصافي واش كاينة شي حاجة ؟ جايا دابا سيمانة وايام مجاش ؟ يامنة مقلقة ماكلتها قليلة وغير كتكابر على قبل الولد ...شحال من مرة كلقاها عاد باكية وكتمسح دموعها كتقوليا غير توحشاتو والحمل لاعب عليها ...جات يسرى دوزت ليها ولات سمحت ليها تحرك وخا هكاك مبغاش تخرج من بيتها ....

راوية كلقاها غير كتفكر ...صهيب تاهو مهموم ...قوليا شنو كاين اولدي هادشي ماشي عادي كيف ولفنا وخا كان كيغيب علينا ...

يوسف "تيليفونو كيصوني شاف ايلاف " : وخا الوليدة دابا نكملو غانهضر مع واحد السيد بغا شي سلعة وهاني معاك ...

نجود "تنهدات " : واااخا ولدي ...

ناض يوسف مبعد عليها وجاوب ...

يوسف : ا خويا امضرا ...

ايلاف "كيتسمع صوت تنهيداتو وحدة تلوى الاخرى ..." : يو "بصوت مبحوح مقجوج " يوووسف ...انتهينا ...

يوسف "كان داخل صهيب بسيارتو فهاد اللحضة ..." : ا اخويا ...فرحني الله يخليك ...

ايلاف : م مالقينا اي ايشي ولا ايشي ...

يوسف "صرط ريقو " : يعني عايش ؟ هااا ؟ عايش ياك قوليا الله يرحم ليك ميمتك ...

صهيب "جاي صهيب كيزرب حيث شافو طاح على وقفتو الما طاح ليه فركابي ...موصل ليه تا بغا يفشل " ....

يوسف : اااخويا اش كاين ...ريحني وخليني نريح مرتو ...اشنووووووو كاااااااين ....

ايلاف : مالقينا جثتو بالنهر ...

يوسف "صعر " : مااااااااتقوووووولش جثة ماااااتقوووووووولش الخرااااااااا ...خويااااا فؤاد مماتش ا ايلاف....

صهيب "شاف باهم جاي وسمع اخر مقال يوسف حتى بان ليه صفار سيد وبغا يفشل ناض كيجري لعندو ...للاسف يوسف مشافوش كاع …عينيه عماو… ودنيه الي خدامين باغي غير يسمع امل ...حتى بان ليه طاح على وقفتو فوق الكرسي جاب الله شدو صهيب ...

ايلاف : "باغي يقول والكلام وقف ليه باغي يصرط باش مينهارش ويبكي كيصبر راسو بزز باش يقدر ينطق ويقوليه شنو كاين ...خصوصا انهم ايام وهما فالبحث تا وصلو لاخر النهر ...وملقاوش ليه اثر ...فرح ايلاف انه كاين امل " : يااااااااااااالله ...اخوك ورفيقي الغالي يمكن عاااايش 

يوسف "ممصدقش واحد راحة نزلت عليه سرحت ليه فذاتو فحال نمل ...لدرجة خلاتو غير مكمل فهضرتو الي قالها وصافي ههه" : غا قول اخويا غا ريحني الي كان ...بصح بصح ....

الحاج مبقاش سمع شنو اخر الكلام وذنيه ولاو يصفرو شد فايد صهيب وهز فيه عينيه مدمعين ...نزلت دمعتو قطرة شاقة طريقها كتجريييييي ...: ياكما غادي يجيبو ليا بكري وعيني باش كنشوف ف صندوووق اولدي ااا ؟؟ هادشي علاش زوجتو باش منشوفش هاد نهار اولدي ...

يتبع...