يامنة الجزء 86

باس ايدها بوسة طوييييييلة كيستنشق العطر الي توحشو بزاااف ...عاد تسرح فوق ناموسية تجبد حداها وجر ليها راسها حطو على صدرو ...محاوطها بالايد المزيانة كيداعب فخدودها ويلعب بشعراتها ...سااااكتين واحد اللحضاات بمكن نص ساعة وهما ساكتين مخلين ديك الدقائق غير ليهم محاوطها وخا مريض بايدو وهي مخشية فيه وخا عيانة مع الحمل ...مبغاوش هاد الحواجز يكونو بيناتهم ...بغاو يحسو ببعضياتهم مع بعضياتهم ....

هي تصدق انه كاين حداها سندها فالحياة ...وهو يحس بالي رجع لمرتو وولدو الي جاي فطريق وبالي تقريبا سالا الهم الي عندو وغادي يتفرغ لحمل مراتو يدوزو معاها كما يجب يحضر ليها كاي زوج مع مراتو فمراحل الحمل ديالها على حقو وطريقو ....كسر الصمت بكلامو الي خارج بصوت حنين فيه هيبة وخشونة فنفس الوقت كتحسيه تسلل ليك مع جذور عضامك ....

فؤاد : خاصنا نشريو لولد شنو خاصو ...شنو يحتاج وشنو تحتاجي نتي ...شنو كتعرفي فهادشي ...

يامنة "ابتاسمات بفرحة دافية " : معرفتش ولكن خاصني حوايج ليا حيث هادو ضياقو عليا ...

فؤاد "حدر عينيه لقا جلابة حداها الي جات لابسة مطوية تفكرها كانت لابساها كتبان فيها كيوت": شكون خذا ليك هادي ؟ 

يامنة : ماما نجود وخذات ليا بيجامات طوال وعراض ...

فؤاد : مزياان ...نسول طبيبة واش تقدري تخرجي ونمشيو ناخذو شنو خاصك ...

يامنة : نقدر نخرج لكن بالكرسي "دلات شنيفاتها " 

فؤاد "طلع ليها وجهها حيث حس بنبرة حزن فصوتها " ...ماشي مشكيل ...كاينة طوموبيل ...كاين انا ...

يامنة / وكيفاش غادي تسوق ونتا مريض وايدك ...

فؤاد : عارف شنو كندير ايامنة ...غايسوگ بينا شي حد فدراري ماشي مشكيل ...

يامنة : اه وخا ...غانخرجو ليوم ؟ 

فؤاد : ليوم لا تالغذا ليوم غادي تكون حفلة صغيرة وصدقة فيها طلبة ...

يامنة : بصح ؟ علاش ...

فؤاد : على قبل الياس 

يامنة "هزات فيه راسها كضحك وضحك حتى عقد حجبانو مستغرب ليها " : هههههههههههه 

فؤاد "جمع حجبانو " : شنو مالك ؟ 

يامنة / تصاااالحتو نتا والياس هههههه🙊

فؤاد "بقا شحال كيشوف فيها حتى رفع حاجبو " : الياس كيبقى خويا او لا ؟ 

يامنة : ايه خووك ...ولكن نتا كنتي مقلق منو ومبقيتيش بغيتي تهضر معاه نسيتي ...

فؤاد : منسيتش ولكن كيبقى خويا ...الى درت ليه هاكاك ف باش يتربى ويتحمل غلطو ...الناس خاصك تخلي ليها مجال مدخلي فيها متقربي وتخليها هي تعرف غلطها ...ونتي وزهرك ...هو خليتو يتحمل غلط ديالو ...خليت ليه الحرية 

مدام كبير وراشد مدخلتش فيه ملي عرف غلط ديالو صلحو ...هذا ميعنيش انني منعرف خبارو ...كيبقى خويا مسؤول مني وتحت جناحي ...خبارو كتوصلني انا لول ...شد طريقو ومشا فالصح ميتسالني غير نوقف معاه ...

يامنة : حتى هو مزيان وضريف وضحوكي وقفو معايا فاش غبتي مخلاو مدارو معايا باش نضحك ونسا ومنبقاش مقلقة ...وهو الي جا قاليا كون بلاصة خويا ونوبي عليه ...

فؤاد "باسها في فمها بوسة خفيفة وتالاها بوسة فجبينها بوسة رضى " : الله يرضي عليك وعليه وعليهم كاملين ...كنغيرو ونتغيرو ونغلطو ويغلطو فينا ...وكنبقاو خوت وعائلة ...والدم عمرو ميولي ما اغزالي ...

كمل الاحتفال باستلام الشواهد او الشهادات الي غاياخذو ...كان هو الثالث فالدفعة ديالو ...الشي الي خلاه ياخذ هاد المرتبة هو اصرارو وتحديه باش ينالها حط فعينيه من نهار ضربو خوه وقطع معاه الهضرة وهضرت معاه نجود تما حلف وجمع راسو وحط بين عينيه طريق الصحيح وينجح بالمراتب الولى كافح على قبل اللولة لكن مساعفوش المجهود والحض فكانت من نصيب اخر ...هذا مكيعنيش انه من اللولين حصولك على الثالثة ليس بالامر السهل ولا الهين ...

كاين الي كيضرب على النجاح وصافي غير باش يتسمى شاد الماستر وصافي ....قدر يفرض راسو ويدير بلاصتو ويخلي ناس تلاحض تغييرو للاحسن والي ما هو وصل ليه الان ...ومكاين ما حسن من هاد التغيير اولا تشد طريق الله ثانيا تحسن مستقبلك وتخدم عليه باش لا طحتي من هنا القدام مغاينفعك غا راسك ...هادشي علاش طريق الله احلى والقراية والاعتماد عالنفس ..

مجموعين فالصالون من بعد ما جاو كاملين من افران الفرحة ضاهرة على وجوههم على زوج المرات فرحة النجاح وفرحة قدوم الغالي كيف ما سماوها هما ...شادين فالياس الي معندو زهر نهار بغا تحضر يامنة قبلات ونهار حضرات حضرو بزوج حتى طارو بزوج ههههه ...

يوسف : تا وخا تكون مسخوط الوالديييين كون زهرك يهرس الحجر ...

الياس : المهم رجع وزهري غا خليه انا عارف نهار نشدو نسد عليه فبيت نتفو زغبة زغبة ...

صهيب : شد غا راسك ونتف غا راسك راه نتا واقف لزهر فعودو ...

الحاج : فرقو عليكم ولدي كبر ونجح ليا وجمع ليا راسو الله يرضي عليه ...

صهيب : تا كلا قتلة ديال الكلاب ...

يوسف : اهنن "جمع ضحكة " خخخخهن ...اربيييييييييييييييييي خليوني نضحك ...

نجود : ومن شدك ومن شاااادك ...كضحك بلا فرانات بلا حشمة ...

زينة " شافت فالياس العقل ديالها " : وتعالى وليدي هنا حبني ونبارك ليك شهادة ...

صهيب"غا كيسمعو ديك حبني تيربطوها بالياس كيبغي زينة كيجيهم الموت ديال فوغييغ " : هههههههههههههههههههه 

يوسف "اصلا الفرحة مخلياه غا يضحك يا على خلاها يا على جلاها ههههه " : 😹😹😹😹 يا حبهااااا هاااا ...

الياس "متسوقش ل حبني ولا كرهني مبقاش باغي يتعصب ولا كيشوف فمي زينة مشروع بنت المصفرط هههه " : هاني نحووووبك احوباااييي

زينة "ضحكات تا دمعو عينيها مسحاتهم بمشوار " : هههههه يعطيك ليعة ااولدي ....هههههه 

مشا عندها وقرض لارض فين جالسة باش ليها راسها وايدها ...هاني اميمتي ...

زينة : مبروك اولدي ...وهانتا كبرتي وقريتي وليتي راجل ...

يوسف "بالحس " : تا واش كان بنت قبل ولاو ؟ 

صهيب "تكرشخ بضحك " : كان خنتى خههههههه 

الياس : ايييه اميمتي ...اش بان ليك دابا ...

زينة : حمعتي راسك قديتي براسك دير خدمتك باش دير دارك وتجيب الي تنور قاع دارك وفراشك ...

الحاج : ههههه ..

الياس "خرج عينيه ...اما واحد يوسف وصهيب تشبحو ليهم تما بضحك .." : اووو اه ايه و احم "كيشوف بنص عيني فدراري الي فشلو " : واش المعمول اميمتي ...

زينة : نشوفو ليك بنت ناس اولدي ...

الياس : الي هي اخوتي الي هياااا 😻...

زينة : هههه ومن غيرها الي الى بغيتي راها باقي تقرا هاد ساعة بوها داير ليها الخاطر ايييوى لا كثر عليها القيل وفاتت درهم ( عشرين عام ) تسمى ليه بايرة وبقات ليه فالعنق ...وهم البنات ميهنى تيديها سيد رجال ...واش قلتي ...

الياس "تلاح عليها عنقها " : تا راه الي قالو هاد راس انا معاه ...رشميها وطبعيها وديري طومپو اميمتي ...

زينة "كحزت تا شافت فيه " : ريتيها (شفتيها ) اولد الهم ...

الياس : هي راتني وريتها وداكشي دخل فرية الميمة هههخخ ..."باس ليها راسها وهو يدير حركة هرها وهي من نوع العيالات الكبار الى هرهم شي حد كيطلقو كلام من سمطة لتحت لا اراديا ....واسمعو ماذا قالت امام الملاأ ...." ازين زيني يانا 

زينة "هرها " : ينعل قح* يماك ....

قالتها قدام كلشي ساد الصمت لمدة من الزمن الحاج حدر راسو وناض خرج من صالون مدعي باش يصلي العصر الي باقي ليه ساعتين ...نجود مشات تجيب اتاي الي باقي مكاين ليه الحس ....يوسف وصهيب فرتحو من صالون يضحكو برا ...سارة هربت ....بقات راوية معرفت مادير اصلا خلات ايلاف يرتاح فالبيت ناعس ههههه ايوى بقاو غير الياس وزينة وراوية ....

راوية : نشعل تلفازة نتفرجو فدوزيم 🌚...

ناض الياس مزنگ مشا تاهو خرج خلا راوية ولات مسكينة ناضت وصلت على راجلها تنخشش حداه ولا تخبي راسها ههههه ...يلاه كان غادي خارج حتى سمع سميتو تلاتها تحنحينة وهو يضور ....

الياس : خ خ احم خويا ...

فؤاد "هابط من دروج هاز ايدو بملابس الدار ...تيشرت وشورط وصندالة ديال صبع ...وصل حداه عاقد تخنزيرة مرفوقة بغوباشة المعهودة ....تخطاه ونطق هاز صباعو زوج " : تبعني المكتب " ومشا " ....حنحن ومشا سبقو المكتب ديال باه ...خلاه يصرط فالبيض وتابعو خطوة لور وخطوة لقدام ...حتى جمع راسو وهز راسو وتوجه المكتب بزز من يماه ولا ميعجبو حال هادشي تعلموه اوطوماتيكمون من صغر ...من يعيط فؤاد فلااان يلقاك فوجهو ...هذااا هو ما يسمى بالهيبة من صوت تعطي الاحترام او الاحترام الي خاص يكون بترتيب لاب الاخ الاكبر الي تابعو وهكذا ...احترام الكبير تربينا عليه ....

وصل لباب المكتب دق زوج دقات حتى حنحن ليه ودخل ...

الياس "داخل حادر راسو حتى قرب ونطق " : هاني خويا .."بصوت ضعيييف" ...

فؤاد "كان متكي عالرسي مسرح رجليه بطريقة رجولية ...حاط ايدو فوق المكتب شاد ستيلو كينقر بيه على المكتب ...نطق وعيني فلارض حجبانو معقودين بصوت خشن فنفس الوقت مرزن وثابت ..." : گلس "شير بصباعو الي شادين ستيلو جيهة الكرسي " ...

الياس "جلس فالكرسي " ...

فؤاد "فاش جلس هز راسو كيشوف فيه مصغر عينيه فيه عندو بزاف ديال الكلام لكن كيقلب على جملة او كلمة الي تختاصر ليه البلا بلا كيف مكيسميها هو ...نطق " : مزيااان ...

الياس "شاف فيه " : ها...

فؤاد "حط ستيلو ودار ايدو على ذقنو حك شوي شوييي " : مزيان هادشي الي وصلتي ليه والي وليتي عليه ...

الياس "حادر راسو " ...

فؤاد : الغلط الي درتي عالجتيه راسك "بغا يهضر الياس خرج فيه عينيه ورجع حدر راسو " ...مزيان تعلم راسك بلا ميعلمك حد ...مزيان تجمع راسك حيث نهار طبح غادي تنفع راسك ...يقدر نفعك انا يدر يوسف يقدر الوليد ...يقدر راوية ختك ...لكن هذا مكيعنيش انه ممكن طيح شي نهار ومتلقى حد ....وهاد نهار الي غاطيح فيه الى مكناش حنا ...دوك رباعة السلاگط غايديروك ندغة فاهمهم ويضورو عليك وجاههم ...وديك الساعة غادي تندم فالوقيتة الي مينع فيها ندم ...

الياس "حادر راسو مهزوش فيه حيث عارف هضرتو صحيحة " : عندك صح وعلى هاد الهضرة جمعت راسي ومزال نجمع راسي كثر الماستر وهادشي الي بديت ماهي الا بداية ...مزال ندمر ونكافح اولا باش نعتامد على راسي ...باش نهار نطيح لقا راسي ...وباش نرفع راسكم وترضاو عليا ...

فؤاد "حك لحيتو وجمع فمو شحال عاد نطق باشارة من ايدو " : مزياان ...ترتيبك لهاد الامور بهاد طريقة مزيان ...هاكا بغيناك وهكا خاصك تكون ...خدم لراسك وقرا لراسك حيث غاتنفع راسك والى طحتي مكاين الي يعاونك ...وحنا مدايمينش ليك ...

الياس : عارف اخويا ...

فؤاد : نوض اجي هنا عندي ...

الياس "شاف فيه " : هااا ...اه واخا ...

ناض كيتفتف ...مشا وقف حداه ..بقا جالس فؤاد حتى ناض بزربة وقع عطاه دقة بايذو ليسرى ....حتى جا لارض جالس ...

فؤاد "هبط لعندو وشنق عليه بايدو من الكول " : هذا مكيعنيش انك تحت جناح باك وجناحي اخويا صغير وولدي ...مبروك والله يرضي عليك ...

الياس "غا كيسمع الله يرضي عليك عرف خاص يعنقو مترددش ...عنقو عناق اخوي ابوي فشكللل ...عينيه غرغرو حس براسو دار اكبر انجاز من الماستر الي خذا وهو رضى خوه الكبير عليه ...عاد حس براسو نجح نييييت " : خووويا ....الله يبارك فيك ....

فؤاد "دفعو وتخطاه ماشي خارج " : جمع راسك ونخطبوها ليك ..."مشا خرج وخلاه هو فؤاد المعنى ديالو هو جمع راسك وتزوج كيفك كي دراري معارف والو على تا وحدة قالها ليه غير باختصار بشكل عام زعما " ....

الياس "فهمها غير هي وصافي " : واااايلي بنت المصفرط نجوى النشوى 😻....

بعد الهم والغم ضروري ميكون الفرج والفرح ...اللون البيض حل على دار رمسيس ...بعد نجاح احد افرادها ...الان هما في انتظار قدوم اول حفيد ليهم فالعائلة كلها ...الحفيد البكر ...الي شيبهم وهو مزال فالكرش ..ولد الابن البكر البكر ...تجمعو الناس من بعد صلاة العشاء ...فرحانين برجوع فؤاد من الحادث الي كان ممكن يكون مميت بالنسبة ليه ...ونجاح احد الابناء باحدى الشهادات العليا ...واش حسن من هادشي ...؟ ...

في بيت فؤاد ...واقف بكريشتها من بعد ما لبسات قفطان فالبيج فيه طريزات خفاف ديال طرز الرباطي ...بزز باش خلاها تعاونو ...

يامنة : عفااك غير نسد ليك صدافي ...دغيا قبل ميجيو طلبة راه دوا العشا ...

فؤاد : يامنة سيري تجلسي لاش واقفة ؟؟؟

يامنة : وخا هاني ...

مشات جلسات فالناموسية حتى سد صدافيه راسو ...كومبلي اسود كيف العادة لكن بدون فيست غير قميجة وسروالها ...كان هاد ايدو باقي مدايرش ليها بلاكة ...هزها من فوق الكوافوز وجابها ليها تحنى على ركابيه وتقابل معاها ...

فؤاد : صايبيها نتي ...

يامنة "بالفرحات بدات تفرتس شدتها وصايبتها ليه ..." : ههههه عقلتي فاش كنتي كتصايبها ليا نتا ...

فؤاد : عقلت ...

يامنة : كنتي كتلبسها ليا وتلبسني ود..."حبست الهضرة تزنگات وهي تحدر راسها جامعة شفايفها كتعوج فيهم طلعت معاها سخونية ...اصلا شحال ممارسو علاقة جنسية حتى ولفات نسات يمكن هههه ..."

فؤاد "كيشوف فايدياتها كيصايبو ليه الباندة " : وكندوش لغزالي ...نعومها ...ولبسها حوايجها ...

يامنة : هاا اه ...احم ...

فؤاد : هادشي ولفناه عادي علاش هادو "هز راسو باسها فحنيكاتها وبقا مخلي شفايفو على حناكها حس بيهم سخااان ...حتى غمضات عويناتها"...علاش هادو باقين كيديرو هاكا ...

يامنة "ضحكت حتى حس بيها من قرجوطتها لي قريبة ليه " : ههههه ...ماعرفتش ...

فؤاد "شاف فيها وخطف قبلة من فمها بخفة " : شوية ليك وشويا ليا ...فمرضي وقفي معايا وفمرضك تلقايني حداك ...انا ونتي واحد لي ضراتني ضراتك والي ضراتك عذباتني ..."باس راسها وناض " ...يلاه اجي باش نهبطك لتحت عندهم متخرجيش كاينين رجال الي خصاتك راهم معاك بغيتيني رسلي ليا ...

يامنة : واخااا ...

ناضت بشوي شادة كرشها وعاونها حتى ناضت لبسات فرجليها بليغة مارون ...ومشات هي وياه مقادين الحالة بزوج ريحتو تعطي طيح زرزور وريحتها تسلب روح ...حتى هبطها بشوي ديك ساعة باقي مجاوش رجال حتى يمشيو يصليو العشا عاد يدخلو بطلبتهم ...ركبات فكرسي حتى وقفات عليهم يسرى ...

يسرى : انا نديها لداخل عند البنات والعيالات الي تما ...كيف بقيتي شويا ؟ 

فؤاد : امتا عندها الكونطرول جاي ؟ 

يسرى : سيمانة الماجيا ...نورمالمون اخر فحص ليها كانت مزيانة الامور غاديا فاستقرار تام غير هو فاخر شهور الحمل ممكن تولد فاي لحضة ...

يامنة : كيفاش "خافت " 

يسرى : هههه يعني على حسب الفحوص ممكن تولدي طبيعي بسهولة كيف كنقولو بلغتنا ماشي طبية وانما دارجة الحكاك عندك يعني منطقة الحوض واسعة هادشي علاش كنتي ديما على وشك الاجهاض ...ناهيك على العوامل الي مريتي منها ....

فؤاد : مغاديش تعذب ؟ 

يسرى : ان شاء الله الى بغا الله نعاونها باش متعذبش غاندير الي فجهدي ...

فؤاد "حنحن عاد نطق " : العلاقة ممكن متاترش عليها ...

يسرى "زنگها " : اههه الى كانت المحاولة طبعا ...احم "حكات راسها " ماشي مشكيل لكن بمراعاة ...طبعا هادشي كيختلف من سيدة لاخرى ..."يامنة بغات تبكي هههه ...اصلا هو قالها بطريقة مؤدبة بعقلها نطقها بمجرد كلمة تلخص كلشي والفاهم يفهم " ...

يسرى : غير تنتابه لراسها ومتفورصيش على راسها ...بعدا صحكة رجعت ليها هادشي فصالحها مرتاحة البال داكشي مناش كنا خايفين تقريبا تلاشى ....منوصيكش غير متفورصيش على راسها ...اخر فحص عندها كلشي مزيان ...علاش درت ليها كرسي متحرك ...كيف كنقولو المشي كيسهل عملية الولادة بزاف ...هي اصلا عندها سهولة ممكن يتقبل فاي لحضة ...

فؤاد "مربع ايديه ...بجگ فمو شوي ونطق " : مزيان ...انا ....

يامنة : ن احم نمشيو لصالون 😥....

قبل متجي عندها يسرى تحنى عليها ...فهماتو يسرى وكحزات شوي حتى تعطيهم راحة لكلام بيناتهم ...خشات وجهها فتيليفون تترسل ميساج ليوسف اصلا باقين مشاحنين غير بغات ترسليه بالي جات وصاف زعماكين ههههه ...

فؤاد "حنحن حادر راسو مكيشوفش فيها كاحترام زعما " : انا نجيبها ...تسناي عند باب صالون 

يسرى : وخاا "مشات وخلاتو مع فجيلتو غزالو " 

فؤاد "نطق ليها قريب ليها عينيه فعينيها الوحيدة الي كيحقق فيها شوفة وميشبعش منها اما الباقي مكيركزش فيهم شوفة ولا مكيشوفهمش كااع ... حسات بنمل طلع معاها وهبط انفاسو سخونة ...مقرب لشفايفها اكثر كيشوف فيهم هااايمين عينيه فيهم معسلين تايهين حتى تنهد موحشها فوق القياس وباغي ينفارد بيها ولباس ...ولازم يحاول عليها ويشور ...نطق كيمهد ليها ويجمع فشتات الكلام باش يفهمها انه توحشها فالفراش ليوم قبل غذا ...." : شوقي ليك كيزيد ...مانعني عليك الشبل اغزالي ودرت ليه حساب ..." كيشوف فيها 

كيحضي ملامحها وحناكها الي سخنو ...عرفاتو لاش كيلمح ...الليلة نشد مك منطلقك جاء العفو الملكي خههه ..." 

يامنة "شدات كريشتها هي اصلا طالبة عليها ولكن يغات تعتق موقف قبيلة مرگات من راسها " : كيتحرك ليا بزاااف ...(والله يا مك لا فلتي ههه )....

فؤاد : ماعليش اغزالي تحملي وجيعاتو باش تشوفي عويناتو ..."وغمزها " ....

يتبع...