تيمور بعدما خرج من غرفة الأكل مشا مبااشرة للجردة يكمي و يبرد غدااايدو فالذخااان . حتى خلا بقايا ثلاثة دالبوينتات فالأرض بعدما زطم عليهم .. دخل للڤيلا لداخل .. طلع مباااشرة لبيتو جاااااعر مغدد مقاظرش يتهدن .. شخشخو تشخشييييخ و دگدگو حتى حاجة مابقاات فبلاصتها مقادة .. كايهز و يخبببط و يغووووت و يصعععر و يتفكر التعنييقة اللي عنقاات مصععب قدام عينيه .. هضرتها معااه .. شوووفاااتها لييه .. حركااتها .. سااارة اللي جراات عندو و عنقاااتو و قالتلو بابا، كوولشيييي لعببب على أعصاابو لعبب .. حرقهم حرررق .. ولا كايترررعد هبببل و بغا يحمااق .. يديييه گااااع تجررحو و تخبشووو بالزااج اللي تشخششخ .. شعرو تشعكك و اللحيية تشنتفاات .. حواايجو تشندلووو و ذاااتو سخوووونةةة فااايررةة .. ضررب ضرربة أخيييييرة مع الحيييط بكللل قوتو حتى حس أن العظم بغا يتشققلو فيييها و خرج غااديي هاايج .. فكرة أن مصعب كايقيصها و يعنقها و يبوسها فوقما بغاا .. مخلياااه غايهبل .. كنزة من اللول ديالو و غاتبقى ديالو، مكاينش اللي يحيدهاالو .. كنزتووو .. واخا تخلىى علييها إلا انه كان خاايف علييها و دابا حاالف بحلووفو حتى يردهاا ليييه، كنزة دياالو و ربي كبييير ..وصل دايز من قدام بيتها و هو يسمع صوت الغوات وقف بفضوول كايشوف جيهتو بفضول، رجع شوية اللور و تكا بوذنو كايتصنط و يتسمع لشنو كايتقال .. گاااع اللي نطقااتو كنزة من طاااق طااق حتى للسلاام عليكم سمعو .. حتى مللي دوات على عبد الهادي و علي و معاناتها فالسبيطار ديال الحماق .. حتى من اللي قالت عيطات على البوليس و بسباب داكشي هي تحرمات من مرحلة مهمة فحياااتها، حتى مللي دوات على علي و قالت راه بغا يغتاصبها، أعصااابو فااارو كثررر .. عينييه خرجوو كثرر مع كل كلمة نطقاااتها .. خصووصا مللي دوات على عائلتها مع مصعب، العائلة اللي واسااتها بعدما هو خلاها بوحدها كاتعاني .. قلبوو زاااد تزييير و تكممش، كيفاش ماعرفش هادشي؟ كيييفاش ماوصلولوش هاد الخبر مللي عطا اوامر باش يتحراولو عليها؟ علااش عرف انها مشات فقط تقرا على برا لسنوات .. مكانتش شي حاجة من هاد المعاناة مذكورة فمعلوماتها
جووج حرووف كايدوورووو فذمااغو و بدا كايرددهم بصوت غادي و يعلى
-لا .. لا .. لا .. لا .. لا .. لااااااا اععععععععععع
ضلمها، من ديما ضلمها، ضلمها فعلاقتهم .. ضلمها فكرهو ليها، ضلمها حتى فحبو ليها، ضلللمها مللي تخلى عليها، ضلمها من الهضرة القااسية اللي قالهالها فاللخر باش يتفارق معاها، طلع مكايسوااش، حقيير .. هو اللي عطا الفرصة لوااحد آخر يردها مرتو .. هوووو اللي داار كوولشي بيدييه .. هو بوووحدو ماشي واحد آااخر
"علاااش أنا مككلخخ هكااا علاااش .. اعععععععععععع هووووووف"
ضررب بيدوو بقوووة مع واااحد الڤاااز حتى تشخشخ ودااازتلو ديك اليد بالدممم .. علا يدو ثااني زااد ضربها مع الحيييط بقسووة حتى تطبببع بدمووو كايغوووت بصوووت عاالي بزوووج كللمااات
"أنااا مكللللااااااااااخ"
.. تمشى من داك الكوولوااار كاايطييير .. مكايقشعش قبالتو .. باغي ينتاقم من نفسو .. من روحو و من كلشي فييه اللي وصل كنزتو لهاد المعاناة هادي .. بغا ينتاقم من اللي دارو فيها و اللي مداروش .. حيت أي حاجة طرات معاها، هو سبابها .. هو بوحدو اللي سباب گاااع المشاكيل فحياتها .. مع وصل لآخر داك الكولوار و ضرب الدورة مع خرجات كنزة من بيتها كاتدور فعينييها فالأرجاء، شافت فجنابها و فالڤاز اللي مشخشخ .. شافت فالحيط المدمي و هي تعض على شفايفها بقوة كاتمتم فسرها
-ماعرت شكون!!
رجعات دخلات فحالها للبيت .. شافت جيهت مصعب كان هاز سارة فوق حجرو كايلعب معاها و يضحكها .. تنهداات بصووت مسموع و مشات هزات سارة من حجرو كاتمتم
-نتا رتاح انا عندي موعد دابا
مصعب غي ومألها براسو بلا مايدوي .. هي خرجات من البيت غي تسد عليه الباب، بقا ثوااني كايتأكد منها مشاات .. غي تأكد من رحيلها طلق رجلييه مزيااان كايجبدهم و تمتم بصوت خافت فسرو
-مغانعاودش نكذب عليك أكنزة .. من غير كذبة وحدة و اللي هي رجلي .. عمرك غاتعرفيني كانتمشى .. انا مناويش نخسرك مزال، مناوييش (عينيه شافو لبعيييد كايخنزر و تنهد بصوت عالي كايتفكر تعنيقتها ليه أول ماجا و كلمة حبيبي اللي نطقاتها واخا ماشي من قلبها و واخا قالتها متعمدة باش تغيض بيها راجل آخر من غيرو هو عجباتو .. أهم حاجة تقالتلو و هو صبرووو واااسع و غاايصبر علييها شحال ماداز عليهم فاللخر غاتستسلم و غاتولي ديالو بكل ما للكلمة من معنى)
⚡لتحت⚡
نزلات كنزة كاتدوي مع سارة شادالها فيدها و هي كاضحك و فرحاانة و كادوي بصووت عاللي كايتسمع صداه فالأرجاء، مشات بيها جيهت الجردة كاتقلب بعينيها على بقية العائلة حيت مبانلها حد لداخل .. دارت فجناب الڤيلا مستغربة تاايهة حتى بانلها كووخ قريب ليها زاجو مكايبينش شنو كاين لداخل .. شافت فسارة بابتسامة
كنزة:حبوبتي لعبي شوية هنا أنا جاية عندك واخا!
سارة بابتسامة:واخا أمامي
كنزة تمشات بهدووء جيهت داك الكوخ الزجاجي، وصلات لبابو كان مردود شوية .. دفعاتو بهدوووء كاطل لداخل، دخلات كثر كادور فعينيها بفضول فيه .. بانلها فحال كلوپ رياضي جمييع أنوااع الرياضات الحديدية و لي طاپي غولون كاينين، مشات داخلة كثر كاتدور فراسها و هي تسمع صوت الغواات عااالي من واحد الجيه .. دارت و هي تقطب حواجبها بشدة و خنزرات بعينيها بقوة كاتمتم
-الله يجعلك تعطب .. على حمااار كي دااير .. ييييخ
تيموور قدام خنشة طويييلة قاااسية عاامرة بالرمل كايضرب فيها بيديييه و برجلييه وضاارب تخنزيييرة بملاامحووو تشوووفها ترجففف، مرة مرة يزنند كثر من اللازم كايطلقها بغوووتة رجوولية غليييضة كاتجيب الرهبة فالنفووس، بقاا كايضرب و يعاود بيديه بلا قفازات حتى زااادت دماااتلو، و اليد الثانية حمارتلو بقوة بدات كاتجرح حتى هي، رجلو و ركابيه كذلك حتى هوما .. حس بالأعصاااب غايخنقققوه .. غوووت بصررررخة عااالية خارجة من أعماااقو .. مع الغوتة مع نطح داك الكييييس حتى شهقات كنزة بصوت شبه عالي و تراجعات خطوات للوراء، شافتو صقل .. راسو عند الكيس و يديه شادينو بزوج كاينهج و يتنفس بققققوة .. تقلبات دااايرة غاتخرج فحالها من تم و هي تتوقف فجأة على صوتو اللي نطق بصوووت عالللي
-كنننزة آلباشا .. وقفي بغيت ندوي معاااك
كنزة وقفات بهدوء مللي سمعات سميتها من فمو .. زفرات بضييق كاتزيير على قبضة يدها و تشجع رااسها تكون قوية قباالتو .. صطاانعات أكببر نظرة جاافة على وجه الكرة الأرضية و دارت ببرووود شافت جيهتو
تيمور شاف فيها كاينهج .. صدرو و عنقو و ذاتو گاااع عرقاانة .. لابس غي شورط قصيييير و ذرعاانو قشعات فيهم وشاام جداد مكانوش من قبل .. حتى صدرو فيه وشام باللغة الإنجليزية مكتوبين، تقدم عندها كاينهج .. يديييه گاااع عامرين دم .. كان كايضرب بيهم بلا ليگاات و الضربة د الڤااز زاائد الخنشة اللي كان يضرب فيها .. فرع يدييه، وقف مقابل معاها كايحك فحاجبو بصبع يدييه و يشوف فيها بشووق، ميل راسو معاها كايطلعها و ينزلها بشبه ابتسامة ففمو .. وقوفها قبالتو مرة ثانية أشبه بالحلم بالنسبة ليه .. زفر بصوت عالي و تمتم بنبرة حنيين و اشتياق
-مادويتيش معايا فخطرة؟؟
كنزة دارت فيه الشوفة د من نييتك، ربعات يدييها معلية حاجبها و تمتمات باستهزاء وااضح فنبرتها:بصفتك شكوون ندوي معاك؟ ولد عمي! ولا داك الكذاب اللي ضحك عليا؟
تيمور تبسم بهدووء .. ماحسش بالعصبية، أصلا يستاهل ماكثر على ضلمو ليها:اللي عجبك .. أهم حاجة قوليلي شي حاجة خليني نسمع صوتك .. عارف درت حاجات خايبين معاك ولكن...
كنزة قاطعاتو ببرود:قتليك من قبل كانضن، راجلي مكايبغينيش نسلم ولا نگلس ولا ندوي مع شي حد غرييب .. لاكنتي ولد عمي ولا داك الكذاب .. راك غريب فكلا الحالتين و أنا مباغاش نعصب راجلي حبيبي
بغات تدور تمشي و هي تتجر من يدها بقووة لصقها معاه كاينهج و يشووف فييها بنظرة شيطاااانية .. حط يدييه على شعرها و زيييرو على قبضتو مقابلها راسها مع راسو و تمتم بعصبييية:ماتقوليش راااجلي مزااال لشي حد آاااااخر
كنزة خرجات فيه عينييها بشددة كاتقلب كي دير تضربو شي ضربة تصيفطو لكوما باش يدرق عليها كمارتو:طلللق أزمررر ماتمسنييش بيديييك الموسخييين .. طلاااااق (عطاااتو لصدرو بقبضتها بقووووة ولكن متزحزحش كايزيد يزيرلها على شعرها)
تيمور زيير علييها كايقربها منو أكثر و أكثر .. وجهو كايقربو لوجهها و أنفاسو غير منتظمة .. قلبو كايضرب بسرعة من قربها منو و جسدو كايتحرق بالشوق لضم جسدها أكثر لييه:لا غانمسسسك .. غاااانمسسسك، ماعندكش الحق تقولي علييه راااجللللللك .. نتيييييي ماديالوووش أكننننزةة ماديالوووش
كنزة بنبرة مستفزة كاتغددو و ترجع براسها اللور باغا تبعد من قدامو و لكن هو غي كايحسها غاتبعد كايقربها ليه أكثر:لاااء دياالو أناا .. مرااتو هووو، طوول 4 سنييين و حنا مزوجيين .. طووولهم و هو كايحمااق علياا كايبغييني عمرووو ضحك علياا فحااال شي شماااايت .. طلق منيييي داباااا طلللق كاتعيييفنيييي تفوووو
تيمور زير على شعررها كثثر و حط جبهتو على جبهتها .. ذاتو ولات كاترجف و نظراتو ازدادت حدتها مخرج فيها عينييه بقوووة:عندييي سبب باش درت داااكشي و وليت شمااتة فنظرك .. خليني نشرحلك و نوضحو سوء التفاهم بيناتنا، كنزةة سمعيني
كنزة بحدة مخننرة فيه مزيرة بيديها على صدرو باغا تبعدو:شنووو ماكاان مكايهمنيشششش اللي فااات مااات و الللي دااز عمرروو يرجع .. انا و نتااا كنا و كنتو .. عمرنا مزال نتجمعو مع بعضنا فهمتييي، و زايدون كنتي قلتيهالي بفمممك .. حيت انا بنت عبد الهادي نتا حلفتي فيا و دابا فاش عرفتيني ماشي بنتو جاي فحال الكلللب باغيني ندوي معاااك يااااك هه .. وجهك مقزززدر أخاااي مقااااازدر .. جمع راسك حسنليك و بعد عليا مكاااافشك الموسخييين .. أصلاااا معارفااااااش علاش كاندوي معاك فهاد الموضوع اللي نتا ماشغلكس فيييه .. حسنلك بعد من طريقي طول مانا جالسة فهاد الدار ماتورينيش كمارتك، ماتنساش أنني دااابا دوااااحد آاااخر و نتا دوحدة أخرى .. أنا كانبغي راجلي و نتااااااا اااااخخخ (مع شنو قاالت مع عطاااها روووسيةةة قاااصحة لنيييفها مباااشرة حتى رجع رااسها اللور و حسات بالدم سخووووون نازل من نيييفها، شافت فيييه مخرجةةة عينييها و حتى هو مخرج فيها عينييه كاينهج .. رد راسو اللور بلا ماينزل عينييه و تمتم كايتشفى فيها)
-تستاهلي على شنو قلتيي، نتي عمرك غاتبغيي شي حد غييري انااا .. نتيي دتيموووور بوووحدو
كنزة شدات نيييفها كاتغزز فسناانها .. زيراات بيدها علييه كاتشوف فالدم كاينقط فالأرض .. ماحسات براسها غي مجرورة عندو ثاني و حط كلينيكس على نيفها كايمسحلها الدم و يبرگم
كنزة تبسمات باستهزاء و تمتمات ببرود شادة بالكلينيكس على نيفها و تراجعات شوية اللور محاملاهش يقيصها:مغاتنكرش الواقع أولد عمي المحترم هه .. هاداك راجلي و انا كانبغيه و هو كايبغيني و عندنا بنيتة و ناويين نزيدو فوقها، و نتا ماعندكش حق تتدخل فحياتي .. المرة الجاية جمع راسك عندك .. حاليا مابغيتش نضخم الموضوع و غاننسى الروسية اللي عطيتيني ولكن لا عاودتيها ماتلوم غي راسك (دفعااتو بالجهد غادية خارجة من عندو شادة على نيفها و كاتسب فيه فخاطرها .. مع الخرجة مع ضررب وااحد الماكينة برجلو حتى تشقلباات و مشا غايتبعهااا كايعيط بسميتها بصووووت عااالي)
-كنننننزاااااا وقفيييييي
.. مباغيش يتفااك معاها .. ماعندهاش الحق تقول أنها كاتبغي راجلها، .. غزز سنانو بقووة كايكووور قبضة يدو و يتمتم فنفسو
-عمرك تكوني مرت واحد آخور غييري عمممررررررررك .. كنننننننزةةةةةةةةة رجعييييي لهنااااا (غوت مللي وصل لباب الكووخ .. مع غوتتو مع بانتلو كاتجري من واحد الجيه .. مشا تابعها بكللل جهدووو)
كنزة بصوت عااالي كاتجريي و تشوف وراها:عاااونييي .. ت تيمووور س سااارة ساااارةةةة (كاتجري بأقصى سرعة عندها بالدموع مغرغرين فعينيها و الدم سايل على طووول ذقنها من جيهة نيفها .. كان ضان أنها هااربة منوو ولكنن غييي سمعها كاتغوت بصوووت عااالي و تدور تشووف فيه و تشيرلو جيهت الپيسين عينيييه خرجو فالصغيييرة، شاااف ساارة طاايحة فالپييسين و كنزة كاتجري عندها و تغوت بسمييتها و كادور تستنجد بيه يعاونها خااايفة علييها .. ضاااعف سررعتوو و تلااح فالپييسين قبل منها .. عااام لوسطو و جر سارةة اللي تشقلباات فووسط المااا، عينييها مسدوودييين و مرخيةةة .. جرها حاس بقلبو كاايغلي بيه و طلعها لفوق مادها لكنزة اللي غي شداتها بدات تديرلها الإسعافات الأولية و التنفس الإصطنااعي غاتهبل مسكينة .. عينييها عمرو دمووع و الخووف متكمن من قلبها .. بنتها لا خسرااتها رااها تمووت، حيااتها غاتتوقفف .. ماتقدش بلا بيييها ... بدات تشهق كاتضرب لساارة على صدرها و المسكيينة فااقدة وعيها .. شربات فالما حتى ماقداات و مكاتعرفش تعومم زيادة على الپيسين غارق عليها
طلع تيمور من الما و قرب كاينهج كايدفع فكنزة من قدامها و ينهج و هي كاترعد لاصقة فيها ولات عامرة دم اللي نازل من نييفها و تشعكاات كاتمتم بخووف
-تيموور .. عفااك مباغاهاش تمووت .. لا مشات راني نتبعها .. إلا بنتييي .. إلاااا بنتيييي هئننننن اهئ (تيمور مشافش فيها .. مابغاش يشوف .. ركز غي مع سارة حنا لعندها كايديرلها تنفس اصطنااعي و يعااود و يضغط على صدرها بالقياس مباغيش يفلعصها .. حتى شهقات بقووة كاتكحح بصووتها الرقييق .. كنزةة تبسماات كاتبعد تيمور من علييها و عنقااتها بالززربة و بلهفة كاتبوس فييها و الخوووف قررب يحمقها)
تيمور رد شعرو اللور كايشوف فيها كي معنقة بنتها و متعلقة فيها بزااف، عض على فمو بقوة و تبسم بحنيين كايتأمل تكون بنتو حتى هو .. باغي الفرصة اللي يقدر يتصرف فيها و يدير تحرياتو و يعرفها أنها بنتو، أصلا هو متأكد منها .. عمرها تقريبا من المدة اللي تفارقو فيها .. شاف جيهت يامنة و فخر الدين جايين كايجرييو عندهم مع خلييل حتى هو .. صوتهم و صوت حتى كنزة كان عالي خلا الكل ينتابهلهم .. حتى الجد الحاج عبد الناصر سمع الغوات جاي كايعكز بعكازو و يشوف شنو طاري
يامنة شدات على قلبها كاتشوف فسارة:واش طاحت فلاپيسين؟؟
كنزة ومآتلها براسها بالإيجاب مزييرة على بنتها بقوة و تمتمات بصوت خافت:كنت غانخسر آخر أمل بقالي فالدنيا اهئ اهئ😭😭
تيمور تنهد بصوت عالي و حط يدو على سارة اللي مكمشة فماماها كاتعنق فيها و تمتم بصوت خافت
تيمور غزز سنانو و وقف كاينهج حس بتأنيب الضمير .. كل كلمة كاتنطقها كايحسها كاتقال عليه .. كايحس براسو خايب بزااااف كايحس أنه سبب فعذاب كبييير ليها .. شاف جيهت خليل على غفلة بانلو مخنزر فيه .. داز من قدامو ضارب فيه، خلاه حااضيه بنظرة حاادة .. نزل عندها و نوضها و هي معنقة سارة
خليل بحنية:كنزة .. ها هي بخير دابا عفاك تهدني
فخر الدين:بنتي الحبيبة .. عفاك ماديريش هاد الحالة فراسك
يامنة عنقاتها بالجنب بقوة و الحاج عبد الناصر وقف قدامهم أخييرا كايتمتم
خليل عنقها حتى هو من الجنب لاخر:الحمقة .. واش كاين اللي تكون عندو أخت فحالك و مايبغيهاشش أممم؟؟
كنزة تبسمات كاتمتم:غانمشي نبدل لسارة و ندوشلها .. عنداك تمرضلي
يامنة شدات فيها:يلاه زيدي أحبيبتي أنا نمشي معاك
مشاو داخلين للڤيلا لداخل .. غي مابقاوش بانو وقفو جوج سيارات دقة وحدة دخلو للڤيلا .. نزلو من السيارات امرأتان جميلتان.. اللولة كانت فيها دينا و الثانية فيها بنت أخرى جمال باين كولو مصطنع و الشر كايبان طاغي فملامحها
دينا قربات جيهتها:نور هادي نتي؟
نور تبسمات ابتسامة صفراء:اممم انا
دينا:جيتي تشوفي عذرا؟
نور:غانگلس معاها واحد المدة
دينا بهدوء:واخا .. مرحبا بيك
نور تبسماتلها و مشات سابقة دينا داخلة لداخل
دينا تنهدات كاتمشى بهدووء غادة داخلة بحالها و تمتم:ربعة و عشرين ساعة و غانتأكد بنفسي منها .. أكييد هي بنت تيمور، لا كانت بنتو هداك هو النهار الكبير .. هههه من شحاااااال باغا نشوف وليداتو
كنزة ويامنة مع سارة فبيت خاص بالأطفال الصغار .. فيه ديكور خاص غي فالصباح قادوه لسارة باش ترتاح كنزة كثر مع راجلها فبيتهم
تنهدات بصوت عالي كاتشوف فسارة نعسااات:الحمد لله اللي ماطراتلهاش شي حاجة خطيرة
يامنة جااتها دوخة خفيييفة تحنحنات و تمتمات بصوت خافت
-غ غانمشي نشرب دوايا و نجي عندك
كنزة بصوت خافت:واخا أاماما و رتاحيلك شوية بنتيلي عيانة
يامنة تبسماتلها و زيراتلها على يدها .. خرجات من البيت مع خرجتها بانلها خليل عند الباب مربع يديه .. كان كايتسنا فيها تخرج، غي بانتلو خرجات و سدات الباب .. تجاوزها و حط يدو على الپوانيي بهدووء
يامنة تنهدات بصووت مسموووع و خطات خطوة غاتمشي مقاداش تنطق ولا تتناقش، الدوخة كاتزاااد و قلبها تقبض .. توقفات للحضة شادة راسها كاتزفرر بقووة .. خليل بقا واقف بلاصتو حاط يدو على البوانيي ماحل الباب ولا دخل .. تأفأف بصوت عالي و دار على غفلة .. مع الدورة مع بانتلو يامنة غاطيح بالزربة قرب لقفها بيدييه و زييير عليها مخلوع
خليل هزها بين يديه مخلوع تمتم بصوت عااالي:يلاه زيدي للبيت شكاتسناااي
كنزة مشات كاتجري لبيت يامنة سابقاه .. حلاتو و دخلات .. خلات خليل وراها داخل كايجري حتى هو .. حطها فوق الفراش و هي مشات جيهت واحد الكوافوز .. حلات المجوورة .. كاتحل و تسد مفاافية، حتى لقاتو فالمجر الثالث .. هزات القريعة الصغيرة و دارت عندها .. لقات قرعة دسيدي علي منزلة فوق الكوافوز ديما كاتكون مرافقاها، قربات عندها كاتشربلها الدوا و يامنة كاتحرك راسها ببطئ و ألم باينة فيها .. شربات الدوا كاتشوف فولادها .. حالة عينيها بتعب، حطات يديها بزوج كل يد على حنك واحد فيهم و تمتمات بصوت خافت
-لهلا يحرمني منكم أوليداتي
خليل باستغراب:ديالاش هاد الدوا؟ باش مريضة؟؟
كنزة تنهداات بصوت عالي و تمتمات:نخليكم بوحدكم باش تدويو على خاطركم .. نمشي نشوف سارة لاتفيق
يامنة تبسماتلها بعينيها و شدات فيدين خليل بادية حديثها:أنا أولدي ماخليتكش بخاطري .. كانو ظروف أقوى مني، تخطفت و تغتاصبت .. باباك طلقني فاللول و...
بدات تعاودلو شنو طرالها فالماضي من الأول و خليل كايتصنطلها بهدووء .. كنزة خرجات من البيت من عندهم كاتلاوح فخطواتها بتعب، حطات يدها على الپوانيي دباب سارة و حلاتو .. مع الدخلة مع بانلها تيمور فوسط البيت كايدوز أناملو على شعر الصغيرة مبتاسم، عينيه كايشعو بالحب ليها و قلبوو حاسو فرحان بوجودها فهاد الدنيا .. زعما هاد الكميشة الصغييورة تكون بنتو، هو يكون أب .. وسع ابتسامتو كثر و حنا باغي يبوسها و هو يحبسو صوت كنزة الجاف
-براكة
دار بشوي لعندها شاف فيها بقنت عينو .. هي قربات عندو ببطئ وبرود مربعة يديها:براكة .. بنتي ماعندكش الحق تزيد تقيص فيها
تيمور باستنكار:ههه بنتك!! متأكدة أنها بنتك بوحدك؟
كنزة وسعات ابتسامتها و تمتمات بهدوء:لا ههه بنتي أنا و راجلي مصعب
تيمور غزز سنانو بقوة حاااس بطعم الصدى ففمو، جرها من يدها ببقوووة كايشووف فعينييها بنظرة حااادة و يتمتم
-شووفيييلي فعييييني و قووليهااالي .. يلاااه جاوبييني سارة بنت من؟؟
كنزة بابتسامة مستفزة و نبرة هااادية واااثقة من نفسها:بنت مصعب (حطات يدها على صدرو كاتدوزها بهدووووء و بطريقة مثيييرة عينيها فعينيه) ماتبقاش تطول عليا يديييك .. ماتنساش أنك مزوج و أنا مزوجة و هادشي حرام أسي ولد عمي
تيمور أنفااسو خاارجييين مرعووودين .. زيرها معاه كثر و حط جبهتو على جبهتها و نيفو علي نيفها مركز فعينيها .. نظرتو ليها كاتذوب الحجر تمتم بنبرة حنيينة خاافتة .. باغيها ترحمو خلاص و تخلي قلبو يرتاح:علاش كاتكذبي أكنزة .. سارة بنتي أناا ياااك بنتييي .. قوليهالي و هني قلبي راني غانموت بقوة ماقلبي كايتقبض كولما كاتقولي أنها بنت داك الزا**
كنزة كاتغزز سنانها من هاد القرب بيناتهم و من هضرتو و بنرة صوتو .. كولشي منو نافراااه .. غمضاات عينييها بقوة و تمتمات بهدوء:ماتسبوش هداك راه نتا مكاتسواش حتى الربع فرجولتو، بسبابو أنا عايشة لدابا .. حيت كان معايا راجل و وقف معايا فالحلوة و المرة .. أنا أه كنت حاملة منك فاش تخليتي عليا و بينتي على وجهك الحقيقي المزور معايا ألفرعون...
تيمور تبسم ابتسامة واااسعة و تمتم بصوتو الجوهري بفرحة:ب ب بصاح!! اذن هي بنتي يااااك ب بنتيييي
كنزة غززات سناانها بقوة عينييها قربو يدمعو كاتمتم:قلتلك كنت حاملة منك كووووونت
تيمور قوص حواجبو باستغراب:المعنى؟؟؟
كنزة حطات يدها على صدرو و دفعاتو بقووة متراجعة اللور و تمتمات مغززة سناانها .. كللل كلللمة كاتضغط على نفسها باش تنطقها:المعنى أنني جهضت داكشي اللي كنت حاملة بيه منك
مع شنو قاالت مع عطااها بظهررر يدو بقوة حتى تناااثر شعرها الأشقر و غطااا على وجهها .. الصمت دار بيناتهم، كايتسمع غي صوت أنفاسهم العالي و نظرات الصدمة من عندها و عندو حتى هو .. كيفاش جهضات ولدو .. كيفاااااش دارتها، بقات لثواااني هكاااك جامدة بلاصتها حاضية نظراتو الحااارقة ليها .. نظرات الصدمة و نظرات عدم التصديق .. حتى علاات فيه عينييها ثاني بدووون ماترسم ملامح على وجهها رداااتلو الكفف بظهر يدها حتى هي حتى تجرحلو حنكو بخاااتم كانت لابسات فصبعها كاتمتم بكره
-حقيييير .. واااااياك تتجرأ مرة اخرى و تمسني واااااايااااااااك
تيمور شد حنكو على اللي تجرح كايتحسسو .. شاف فقطرات الدم اللي سالو على صبعو الخنصر بحواجب مقرونين و رجع شاف فكنزة بنظرة ناارية و قال بصووت غلييض قاااصح
كنزة بصوت شبه خافت:ماتعليييش صوتك غاتخلع بنتييي راها ناعسة و مريضة
تيموور تلاح عليها مزيررر على كتووفها و تمتم بصوووت عاالي كايغووووت بهيجااان .. أنفااسو سخاااان و الدفاال كايتطااااير من فموووو بقوة مامغلغل .. العرووووق ترسمو فجبهتو و عرق فعنقو كايبااان كايزززدح تنفخ:ساااارةةة بنتيييي براكة من الكذووووببب
كنزة غمضات عينيها بقوة باغا تدفعو و ترجع اللور:انا ماشي فحااالك كذااابة .. كانقوولك الحقييقة .. ساارة مااشي بنتتك .. هي بنت مصععب بوووحدووو، نتاااا ولددك أول ماعرفت بيه قتلتو و هو فكرشييي مستحييل كنت نقبل بشي حاجة منننك غاتبقى معااايا حيااتي كووولها .. ماتصووورش شحااال كانكرهك أتيييمورر .. كثر مكاتخيييل .. مكانحممملكش، لا نتااااااا ولا أيييي حاجة دوزتهااا معاااك .. حقييير كذااااب مكاتسواااش .. استغلاااليييي .. شمااااااتةةةةة .. ماصدقتيييش رااااجل، بععععد منيييي (دفعاتلوو يديييه بقوة و هو لاصق عليها)
تيمور زيرلها على شعرها بقووة كايدييه و يجييبو مغلب علييها و علا يدوو عاطيها جووج تصرفييقاات دوخووووها، طبعا قوتو ماشي هي قوتها و غالبها بطولتو حتى هييي .. مشاا دفففعها على الحيييط مخرررج عييينيييه و تمتم بصووت متشحرررج حسس بالخنقة من هضرتها
-كانعررفك كثثثثر مكاتعرفي رااسك و عارفك مغاتديريهااش، عارفك مغاتقدريييش تقتلييي ولللدناا .. ولدك من لحمك ودمك مغاتقدرييش و سااارةةةة
قاطعااتو بثقة بصوت عالي كاتنهج .. حاسة بوذنيها تصمكو من دوك الطرشات:لابغيتي دير تحليل لا دي إن و تأكد
تيمور غزز سنانو بقوووة و تنتر منها راجع خطوات اللور كايشوف فيها بواااحد الشووفة كانت كاتسناها منو من فترة طوويييلة .. شوفة انكساار و تحسسسر .. شوفة حزن كبييير و قلب كايتقطع .. تراجع خطواات كثثر باقي كايشوف فيها و هي شدات وجهها كاتحسسو .. حمرلها الحنكييين، خنزرات فيه بعصبية و قربات عندو بالزرربة محلفة علييه .. كاتشوف فشوفااتو لييها .. وقفات قبالتو و تعلات على رجل وحدةة و ڤنننننن .. ضرباتو بركبتها لحجروووو حتى تحنى بظهرو عليييه .. شدو بيد وحدة مزززنگ .. هي علات علييه صبعها كاتمتم بصووت عالي
-حماااااار و مكاتسواااش .. عمرررك باااقي تقرب جيييهتي فهمتييي، أنا مابقيتش هاديك كننزة الساذجة اللي بغاااتك .. ضحكتي عليااا فالماااضي ولكننن أنااااا مغاانخليكش تضحك عليا حتى دابا .. أي حاجة كانت جامعاني بيك حيدتها .. حتى داك الولد قتلتو و عوضتو بسااارة .. سارة اللي غييير ولدتها حسييت بالدنيااا فرحااتلي و ضحكااتلي .. نساتني فگااع داكشي الخاايب، سارة هي أصدق حاجة فحياااتي و مانبغيييكش تذكرلي أنها بنتك حيت هيي أبدا ماشي بنتك من صلبك مكاتشبهليييكش و عمرها تشبهليك نتااا
تيمور بقا كايشوف فيها بديك النظرة و ديك الطريقة، مانطقش .. دار دورة وحدة و خرج من البيت من عندها .. مع خرجتو مع خرجاتتت زفيييير عاااالي و دارت تشوف فبنتها .. بانتلها فااقت مكمشة على بعضها خايفة .. كانت حاضياهم أكييد صوتهم فيقها، قربات عندها مبتاسمة و گلسات جنبها كاتدوز يدها على شعرها
كنزة بابتسامة حنينة:كبيدتيي .. فيقناك من النعاس ياك؟
سارة دلات شفتها التحتية و حطات يدها على حنوكها كانو مزنگين بالطرش .. تمتمات بصوت خاافت:ضلببك داك الخااايب 🥺
كنزة تنهدات و حاوطاتها بيدها معنقاها:حتى أنا ضربتو و سلختو عصا .. هو خااايب ماتبقايش تدوي معاه ولا تقربي عندو
سارة عنقاتها بقوة:اه مغاندوييس معااه .. ولا قلب ليك ثاني غانضلبو حتى انا
كنزة تبسمات ابتسامة وااااسعة و زيرات عليها كاتمتم:ااااخ انا محظوووظة بوجوودك فحيااتي .. الله يخلييك ليا على طوول العمر أحبيبتييي (باستها بقوووة مزيراااها عليييها و غمضات عينييها على ذكرى زارتها فلحضة حنيين)
🔙
كنزة كاتهرنن وتجدب و تضرب على كرشها و تنتف شعرها القصيير:مااابغييتووووش مابغيييتوش .. مصعب مابغييتوووش بغيت نقتلو .. لا لا مابغيييتوووش هئ هئ لاااا .. مبااغاش ولد من هداااك مباغاااهههش
تنهداات بقووة كاتزيير على سااارة بين يديها و تمتمات بصوت خافت
-نتي بنتييي أنا .. بنتييي حبيييبتيييي بوحدي
⚡فغرفة من الغرف المجاورة⚡
عذرا كاتشوف فوجهها فالمراية حاسة بالحريق فسااائر أنحااء جسمها و الغمة شاداها فقلبها .. جات ختها نور اللي كانت گالسة فوق الفراش حطات يديها على كتوفها كاتمتم بنبرة خاافتة
-ماتستاسلمييش مالك وليتي ضعييفة هاكا هااا؟؟ ياك نتي اللي حاربتي على قبلو .. بغيتيييه و خديتييه علاااش طلبتي منو الطلاااق
عذرا بصوت خافت:أ أنا، ياريييتنيييي ماحاربتش على قبلو😭 مابقيتش باغاه .. حياتي ولات عذااااب أنور .. هو مكايبغينييش كايبغيها هي، حااولت و حاااولت و حاااولت ولكن فاللخر كنت كانجيبها غييي فعضاااامي .. شنو ستافدت مللي خديتو أناا، واالو .. حتى قلبو ماقدييتش ناااخذووو
نور تأفأفات بصوت عالي و تمتمات:نتي خاصك تتقراي مزياان .. أنا اللي غانصلااحلك .. و ديك اللي تبغي تاخذلك راااجلك من بين يدييك .. محييها من الوجوود .. يا حسرة أنااااا الصغيرة و نتي الكبييرة و راك مكلخة .. شوفي، تيمور راه راجلك .. كاتبغييه .. تحركي قدامو .. بينيلو راسك، بينيلو مفاتنك .. خليه ي...
قاطعاتها عذرا بصوت عالللي وقفات كاتشخشخ فگااااع داكشي اللي فوق الكوافووز:سكتيييييي أنووور سكتييييي، واااش مكاتفهمينيييش .. أنااااا مكااايشوووفش فياااا حتى نص شووفة .. كااارهني و كررهنيي حياااتي، مابقيييتش باغاااه .. بغيييت غي حيااتييي
نووور جرراتها عندها مغززفة و عطااتها صقلة حتى دااار وجهها .. جرااتها عندها ثاني و تمتمااات بصوت عاللي:ديك الصقلة باش تتوگضي بيها ودابا غاندوييييو أنا وياك مزياااان، واش عااارفة شكااتقوولي .. عااارفة شكووون هذاااك؟ هداااك راااجللك .. هداااك تييييموووور .. الفرررعووون .. أي وحدة تحلللم بييييه، ماااتخلييييييهش يضيع من يديييك .. واش نتي حمقة .. غاتخليهلها ثاني؟؟
عذرا دفعاتتتها من قداامها كاتمتم بصوت خافت:مغاتفهمييينييييش أنووور نتي كايهموك غي الفلوس و المظاهر، مغاتفهميييي وااالو من هادشي اللي حاساه انا .. ماشي نتي اللي اذا تجرأتي و شديتيلو غا فيدو كاينهض فيك و يقدر يقجججك حتى يتقطع نفسك على ديك الشدة .. ماشي نتي اللي اذا بغيتي تطلبي منو حاجة بسيييطة يندددمك علاش باغاها .. يعرف يلوحها و متاخذيهاااش .. ماشي نتي اللي كليتي الدق اللي كليتو و مااااشي نتي اللي تعذبتي العذاااب اللي تعذبتو .. غا سكتي دابا حيت هضرتك هضرة ديال وحدة غي سامعة معايشااش شنو عشتو انا .. غي سكتي أختي غي سكتي
🏮🏮🏮🏮🏮🏮المسااااااااء🏮🏮🏮🏮🏮🏮
فغرفة وااااسعة من غرف الڤيييلا، چالس فالضلمة .. كايشوف قبالتو بحزززن شديييد، مجموعة من الصور طااايحين فالأرض مشتتين، خرررج صوووت شهههقة متحسرة من فممو .. تنهدد بصووت عاالي و شههق ثااني .. حاس بقلبو مقبووط، مايمكنش .. كانت كاتبغييه، شخصييتها ماتخلييهاش تدييرها حنيتها و قلبها الكبييير .. قلبببها مايقدررش عليها، هي ماشي من النوع اللي تديرها و تقتل ولد من صلبها .. لا أكييد كاتكذب .. كذبات عليه باش تعذبو فحال اللي عذبها .. أكييد كذبات
وقف بالزربة كايشوف فدوك الصور .. كانو صور ليها بوحدها و صور جامعينهم بزوج .. فأحدااث كثاار دازو علييهم، تنهدد بصوووت مسموع و تمتم كايحرك راسو بالنفي
-لا كنزة ماديرهاش، لا لا كذبات عليا .. أكييد كذبات .. غاندير تحليل ال DNA و بالتخبية عليها .. مستحيييل نثييق أنها ماشي بنتي .. سارة بنتي أنا (مشا خارج من بيتو بسرعة .. داز للغرفة دسارة .. دخلها مالقاهاش. . تأفأف و خرج فحالو غادي جيهت بيت كنزة .. حل الباب بالزربة بلا مايدق ولا والو مع الدخلة مع خرج عينييه .. بانتلو كنزة كاتعاون مصعب فاللباس و هو تقريبا عريان كامل .. ماردولووش اللبال مللي حل البااب، غزز سنانو بششششدة و شعط عليهم داك الباااب بقوووة حتى قفزو بجوج و شافو جيهتوووو باستغراب)
كنزة:شكون هذا؟
مصعب باستغراب:ماعرفتش
كنزة:يلاه ننزلو لتحت .. خاصك تگلس شوية مع العائلة و تتعرف عليهم
مصعب تأفأف:يلاه ..واخا محااملش يكون داك تيموور تما
كنزة علات حاجبها و تمتمات فنفسها:الحمااار لااخور تفو علاش ثاني نطلاقاااه .. اففففف
مشات جيهت الباب .. سابقة مصعب الللي جا وراها بالكرسي المتحرك .. خرجات كاتدور فعينيها يمين و شمال مبانلها حد، كملات طريقها كاتقلب بعينيها و تشوف .. من الريحة اللي شمات فالأرجاء متأكدة أن تيمووور اللي شعط عليهم الباب .. غززات سنيها كاتحلف عليه .. نزلو لتحت مع حطات رجلها على آخر درجة بانتلها سارة كاتضرب فتيمور اللي حاني عندها معنقها بقوووة باغاه يطلقها و هو مسامعلهاش، يلاه بغات تدوي و هي تسمع صوت مصعب العاالي
تيمور غمض عينييه بقوة باغي يستجمع أعصاابو و تمتم بصووت غلييض كايغزز سنااانو باغي يسمعلها صووتو غي هي:غاتبغيييني .. غاتبغيييني بالزز منهاا و غاترجععلي .. هي بنتييي و حتى نتي غاترجعيييلي .. بزووجكم دياالييي هدااااك المعاااق مايستاهلكمشش
مع شنو قاال مع عطااتو كنزة بكفف قاااصح حتى ترسمو صباااعها فوووجهوو .. تسمعو شهقات عالية من دوك اللي مجموعين فداك الصالون كايشوفو فكنزة و تيمور اللي عندهم اليوم العالمي للطرش هه.. عييينييين تيمور كايشوووفو فعينييها ماتزحزحش أنفاسهم فايرين .. حاس بعيينييه كايدمعوو .. حاس بالألم كبييير فقلبو .. مباغييش هادشي يكون طاري صح، كنزة و سارة طاااامح أنهم يرجعوو لييه لو شنوو مكان الثمن و بالمقابل هي هضرتو خلاتها تشعل .. ماحساتش براسها غي صاقلاه
كنزة تمتمات بعد صمت طويييل و توااصل نظريي طوييل بيناتهم و العائلة اللي تجمعات عليهم كايشوفو باستغرابب لهاد المشاحنة القوية بيناتهم .. تمتماات بصووت عاالي معصصبة:نتاااا المعااااااااق بديييك الفكريةةةة المعاااقة اللي عندك فذماااغك .. مصعب بزااااف علييييييك .. حماار كي داااير .. واااياااااااك تعاااود تقووول عليه ديك الهضرةة حيت مغايبقاش عاجبك الحاااال مزال يال.... أاااا أااااي
مع تصرفها و شنو قاالت .. الصقلة اللي صقلاتو و الصوت العالي اللي دوات بيييه .. جا داك الحاااقد عليييها كاايجرييي فحال الثووور جيهتها، قاطع هضرتها صرخة وجع منهااا على إثر الجرة اللي تجر شعرررها بققوة و تدفععاات للأرض شادة كرشها حساتها تزوات على إثر ضربة بغمرة يد عبيد اللي جا مع الطرشة اللي طرشاات ولدوو و تمتملها بصووت عاالي مخرج فيها عينيييه
صمت .. مجرد صمت رهييييب عم فالأجوااء و نظرااات حااامية موجهها عبيد لكنزة .. أما هي فشادة على كرشهها اللي زواها ليها بغمرة يدو و مألللمة كاتنهج .. حاسة بكرشها تزوااات نيييشان، فجأة قفزوو جميييع سكااان الڤيللااا من سااارة الصغيرة للحاج عبد النااصر كبيرهم على إثرر صوووت تيييمور الللي خرج عاااااااااااليييي و شد عبيييد من كوووول حوااايجوووو مزييير عليييه و معلي قبضة يدو قدام وجهو مخرج فييه عينييييه
-آاااااااااااخر مرةةةةةةةةةة (عبيد شاف فيه مخرج عينييه بدورو .. تصدم من ردة فعلو و هو نوا يدافع عليه .. تييييمووور دفعوو بقووة كايتمتم بصوتو العاالي) كووون ماكنتيييش باااااااا كنت غانتصرررف معااك بطرييييقة مغاتعجبك لا نتا ولا حتى شييييي حدد .. إلاااااا كنزة فهمتيييي .. إلاااا هي
فخر قرب عند خوه مخنزر فيه كايتمتم بنبرة جادة:كون ماكنتش عاذرك لشنو طرا زماان ماكنتش غانسكتتلك .. بنتي فداااارها .. هادي ماشي دارك بوحدك .. داري حتانا و دارها حتى هي
دار جيهت كنزة اللي معنقااها سارة و مصعب شدها من يدها هو و يامنة و شيماء و حتى خلييل اللي باينة فيه معصبب
تيمور تخطى الجميع و حنا عند كنزة .. يلاه بغا يشد فيها جرات يدها و جمعات وقفتها هازة بنتها و تمتمات نفسها خارج مرعوود و شوفة حااادة عاطيااها لعبيد
-مصعب يلاه نمشيو بحالنا
تيمور قرن حواجبو بشدة:كن...
قاطعاتو كنزةة بعصبية:سكتتت نتااا .. من أول ماعتبنا هاد الدار ماحملتونا لا نتااا ولا بااك المحترم هه، أنااا مغانبقاش هناااا .. لا انا ولا بنتي ولا راجلي .. المعاملة النااقصة ماعندنا مانديرو بيييها (بغات تتجاوزو و هو يجرها حاط يدو على يدها .. شاف فيها بنظرة متوسلة و تمتم نبرة رجولية رخمة)
-عفاك بقاي مزال
كنزة طولات فيه الشوفة مخنزرة .. دورات راسها لعند مصعب و شافت فعبيد و بنتها اللي مخشية فيها .. شافت فماماها و خوها و باباها و جدها و باقي أفراد العائلة تأفأفات و قبل ماتنطق بقرارها الحاسم .. أردفت يامنة
-بنتي عفاك .. بغيت ندوزو مع بعضنا واخا غي 15 يوم .. راك عارفة الوضع ديالي .. محتاجة هاد الجو هذا .. غي على قبلي أنا
كنزة صرطات ريقها و رجعات شافت فتيمور .. كان باقي شاد فيدها و كايشوف فيها بديك النظرة .. جرات يدها عندها ببرود و تمتمات هازة راسها
-ولكن هاد الزوج مباغاهمش يدويو معايا انا و عائلتي الصغيرة .. الأب و ولدو كايتشابهو واحد أساء ليا ولاخر لراجلي .. يكون فعلمك نتااا (شافت فتيمور بحدة) راجلي حسن منننك بميات مرة مانسمحلكش تهييينو فهمتي .. وقف معاايا فأسووء لحضاات حياتي و كان سند ليا .. مقاارنة معااه .. نتا هو المعاق
تيمور زير على قبضة يدو و دور عينو عليها مشااافش جيهتها .. تنهد بصووت مسموع و مشا طالع الفوق، خلا عبيد كايشوف فكنزة بنظرة عامرة شر و كررره .. عمر ولدو تعامل معاه هكا و اليوم بسببها دااار اللي عمرو دارو .. يدو تهزات عليه، نشررر سنانو مع بعضهم نشيير و مشا طالع لفوق تابعو
خليل قرب عند كنزة عنقها من كتفها:واش ضاراك كرشك؟
كنزة تبسماتلو وحركاتلو راسها بالنفي:لا
الحاج عبد الناصر:كانعتاذر منك ابنتي نيابة على عمك هو غير...
نور عوجات فمها للجناب و حولات عينييها جيهت شخص جا مقابل مع عينيها تبسمات بشر و عضضات على شفتها التحتية حاضياه:ااااح شحال تيتيز هههه .. وزييير الفرعون .. أوووهوووه حبييتك ازين و بانلي غانرمي عليك صنارتي هه
جوزيف شاد فشيماء جرها معاه بعاد علىى داك الصداع و گاع العائلة نتاشرو فالصالون .. مصعب گلس مع الحاج عبد الناصر و كنزة و فخر و يامنة كايدويو، دينا شادة قنت مكونيكطية بتليفونها و خليل جنبها عين فتليفونو و عين فماماه و ختو و باه .. عذرا و نور گالسين فقنت آخر كايتوشوشو و شيماء و جوزيف خرجو للجردة مشابكين يديداتهم مع بعضهم
جوزيف بتسائل:واش مشوشة من شنو طرا فالسبيطار؟
شيماء تنهدات بحرقة:اه و بزااف، الطبيب اللي مشينا عندو كايقولنا ماعندنا حتى موشكيل ولكن علاش أنا تعطلت .. ربع سنييين قاصحة بزااف، بغيت حتى انا تكون عندي بنيتة ولا وليد .. شفتي سارة شحال زوينة .. بغيت نولد حتى انا وحيدة فحالها تونسني فنهاري
جوزيف بهدوء:انشاء الله غاتكون أعمري .. نتي غي دعي لله و مايكون غي الخير .. أصلا انا و ياك عايشين بخير كانو الدراري ولا مكانوش .. أهم حاجة مرتاحين مع بعضنا و كاانبغيييو بعضنا
شيماء تنهدات بصوت مسموع و تمتمات مبتاسمة:انشاء الله ياربي شبانلك غدا نسهرو .. ناخذو معانا تيمور و كنزة و خليل و ندوزو شي سهرة واعرة
جوزيف غمزها:ههههه باغا تجمعي بينهم و هوما كل واحد و حياتو فين بناها؟ هو مزوج و هي مزوجة .. مجاتش كانضن
شيماء تنهدات كاتمتم:بقاو فيا .. حتى واحد منهم مابغا هادشي يطرا .. باينة كايبغيو بعضياتهم من عينيهم مي معارفاش السبب باش تفارقو، نتا عارف شي حاجة؟
جوزيف تبسم بهدووء و جرها لحضنو معنقها:براكة مانفكرو فغيرنا و أجي نگلسو لهييها و نتفكرو أياماتنا ههههه توحشتك ديلمك
شيماء تبسماات بخجل مزيرة عليه و مشاو چلسو فكرسي كاين فالحديقة .. شكلو زوين و حتى الموقع ديالو زوين .. چلسو كايتحابو و يتعاشقو تما .. البوسان و التعناق عاطيينلهم عشرة لزيرو ههه
🏮فمكتب موجود فالڤيلا🏮
تيمور چالس فوق فوطوي داير رجل على رجل .. كل شوية كايغزز فشفتو التحتية باغي يطرطق من لون بشرتو اللي ولات حمراء .. شاد صيگار بين صباعو كايجر منو و ينفث الذخاان فالهوااء و كل اللي شااغل بالو حاليا .. هي و شكون من غييرها "كنزتو" .. مدايهاش فباه اللي چالس قبالتو بنفس چلستو و حتى هو هاز سيگار بين صباعو
عبيد بصوت شجي .. كايدوي مفقوووص:واللهيلا .. تقولها لعدياني يتشفاو فييااا مزيااااان، عشت و شفت .. ولدي و ظهري اللي كنت نتباهى بيه ولا يعلي يدو عليا حيت دافعت عليه و ماعجبنيش الحال اللي شفت كلبة دالخلا طولات عليه يدها و سباتو
تيمور مركز حدقتي عينييه فحدقتي بااه، حتى كمل هضرتو عاد نطق هو بصوت جاف و ببروود .. كي الجلييد:الظاهر أنك معارفش أن مرتبتك عندي ولات قريبة لعدو حاليا!!
عبيد خنزر فيه:هادشي كولو على قبلها؟؟ بنت رباااهااا عدوووو ليييناااا .. الرااااجل اللي قتل مكك قدااام عينييينا .. الرااجل اللي ولدووو كان سبب فمووت ختتتك الصغيييرة (عينييه حسهم دمعو .. زير علىى صيگارو بحسرة) وااش محاااسش بالناار اللي فصدريييي شاااعلة و ملااقيييش كيفاااش نطفيييها
تيمور تكاا بالغمرات ديديه على ركاابيه كايشوف فيه بنظرة كتتذوب الجلييد من شدة حمورية دوك العينين، قال بطريقة متقطعة:نتا .. عارفها .. ماشي .. بنتووووو .. (غوتت مغدد و جر من الصيگار حتى صاط الذخاان مكمل هضرتو بعصبية و نرفزة) هيييي بنت خوووووك .. هي مضلوومة كثر من أيييي واااحد هنااا .. داك النهار فاش تقتلاات ماااا .. هي اللي عيطات للبوولييس .. هي مااشي فحال اللي رباااها .. هي بريييئة .. بريييييييئة و محگووورة وأنا زدت حگرتتها بالفعلة اللي جبرتييينيي نديييييرررها (غوووت بحسرة كثر من باااه و لاح ديكور كان محطووط فوق الطبللة صدرو كايطلع و ينزل بقووة) عمممرنيييي عرفت كلمةة ندددم حتى لهااااد اللحضة هاااديي .. ناااااادم .. قلببييي كايتقططع .. كووون ماكنتيش هددتيينيي بحياااتهااا .. كناا غانكونو أنا وياها مع سااارة داابا .. مكانتش غاتقهررني فكل خطرة كاتنطق بكلمة راااجلي قداامي لواااحد آاااخر ..
-عمممرنيييي عرفت كلمةة ندددم حتى لهااااد اللحضة هاااديي .. ناااااادم .. قلببييي كايتقططع .. كووون ماكنتيش هددتيينيي بحياااتهااا .. كناا غانكونو أنا وياها مع سااارة داابا .. مكانتش غاتقهررني فكل خطرة كاتنطق بكلمة راااجلي قداامي لواااحد آاااخر .. مااكنتش غانتصرف انا معاااك بهاد الطريييقة دااابا .. ماااااكنتش غاانوووولييي حاااس بالعجججز بهاااد الطرييييقة (وقف وقفة وحدةةة قاالب دييك الطببلة اللي كانت قدااامو و أعصاااب الدنيا و الديييين مجموووعيييين فيييه .. بررووود كنزة معااه كايقتلو .. تجااهلها و هضرتها و شوفاتها اللي كايبينولو أنها كاتكرهووو .. كولهم تصرفاات منها .. كاايقتلوووه و كايحسسووو بقمة الضعععف والألم و الحسرةةةة)
عبيد وقف حتى هو مخرج فيه عينييه و غوت بصوت أعلى من ابنو:مستحيييييل نقبل بيها فهمتييي، هاديك هي اللي مستحييل نعتارف بيها فرد من عااائلتيي، هادييييك غي كاتمثل .. تصرفااات دااك الحيواان تزرعو فيها و غاتزرعهم فديك البننت اللي عندها .. نتااا غاسلاالك ذماااغك .. بسباااابها عليييتييي علياااا يدييييك و غووووتي و زدحتيييي و كون متأكد أنك لا فكرتي تتقرب منها مرة اخرى .. غانديير كل جهدي نبعدها عليك .. حتى لا اضطرييت نطلع روووووحها (دار باغي يخرج فحاالو و هو يتوقف فجأة على صووت رصااااصة خررجات من مسدس إبنو و دااازت من قدااامو ضربات فالباب اللي كان غادي ليييه)
تيمور مغزز سنانو كايتمتم بكل كلمة على حدة .. كلماتو كايخرجو كي اللهيب ديال شي ثنيين، جاهل مزيااان:هذا .. اللي .. كاتهددو .. داااااابا .. ماشي ولدك، هذاا عاااشق .. هذااا رااااجلللل عاااشق .. هذاااا فرعووون عااشق، ولا تجرأتييي و مسييتيييها بنبشةة وحدة .. كون متأكككد أنني مغاديش نهددك .. غادي ننفذ فييك داك التهدييييد مباشرة .. ديك القرطاسة، فعوض البااااب غاتجييييك فوسط الراس مباشرة .. إلاااا كنزة .. إلااا كنننننزة ديالي إلا هي حيت لا تآذاات كون متأكد مغانرحم حتى وااااحد .. حتىىىىى مخلوووووق (غوووت حتى تطاير الدفال من فمو .. نواظرو مورميين و عيينيه خارجين و كايتنفس بسرعة قريب يتفرگع)
عبيد بقا وااقف لفترة على حااالتو كايشوف بلاصة الرصاصة اللي فالباب .. حتى خرج نففس طويييل من فمو و تمتم بنبرة جاامدة كايغزز سنييه:هاحنا غانشوفو أولديي، هااااحناااا غانشوووفووو
خلاه و مشا مكمل طريقو .. مع حل الباب مع لقا نوور فوجهو .. كانت باغا تصنط عليهم، صوت القرطاسة ولا الغوات ماتسمعش .. الحيوط دالمكتب عااازللين للصوت .. فقط المكتب لا غير أنا بقية الغرف لا
عبيد خنزر فيها باغي يتخطاها حتى سمعها تمتمات
-شبانلك نتعاونو انا وياك و نجريو على ديك الكنزة أعمي؟؟
عبيد طلعها و نزلها بعينيه و تمتم ببغض:مناقصش براهش أناا (خلاها و مشا مكمل طريقو وهضرة ولدو ركبااات فييه الجنووون ماكرهش يمشي دااابا يقتل ديك الكنزة اللي بسبابها ولدو مابقاش محتارمو .. ولكن حاااليا حاس براسو خاصو يتمهل و يحسب خطواتو حيت بانتلو ديجا كنزة كاتكره تيموور و مكاتحملوش و أصلا مغاطولش معاهم كثر من جوج سيمانات و ترجع للجايحة اللي جابتها .. ولا شاف منها شي حركة زايدة ولا بانولو تقربو من بعضهم .. غايتصرف و يعاود شدار فالماضي .. ولكن حاليا مقرر يقتلها و مايخليهاش مزال عايشة و منغصة عليه حياتو من عائلتو منغصةةعليه حتى النعسة فدارو و فبيتو فكرة انها متشاركة معاه نفس الاوكسيجين كاتحسسو بالخنقة، كرهو لكنزة فاايق الحدووود)
🌤نيو مورنيينغ🌤
في صباح يوم جدييد، كنزة حلات عينييها على حركة كثييرة من طرف داك اللي ناعس جنبها، شافت فيه سادة عين و حالة عين .. بانولها رجليه مستقيميين أما طرفو العلوي مااايل لعندها و يديه شادين فيها معنكشها فنعستها عي .. داير نعسة غريبة عجيبة باش يقربلها كثر، شداتلو يديه بهدووء و بعداتهم مقادالو نعستو، تكسسلاات كاتنهد و ناضت گاالسة حاسة براسها ضاارها .. تمشات بخطواات ثقاال جيهت الحماام كاتحك فشعرها و تتفوه .. دخلااتلو و سدات عليها الباب ناوية تدير روتينها اليومي المعتااد من ماسكااات و تدوااش و گااااااااع دوك التفاصييل دالماضي باقا عليهم .. كاتحمااق تكون نقية و بشرتها كاتلمع .. و كولشي فيها مقااد .. مكايعجبهاش تشم فراسها ريحة خايبة ولا شي حاجة تخلي بنادم ينفر منها .. كاتقدس شي حاجة سميتها نظااافة و اعتناااء بالنفس .. نيت هادشي كايزييد ثقتها فنفسها و يخليها واثقة من أنها زوينة و مكاينش اللي تتقارن معاها
فغرفة أخرى .. تيمور مانعس ولا شافو، خصووصا أن المرأة اللي كايبغيها و قلبو مكايدقش إلا ليها .. ناعسة فدار وحدة و بيت واحد مع واحد آخر .. مع راجل آخر و فسريير وااحد و هي مرااات داك الراجل .. طووول الليل و فكرة أنه يهز السلاح و يمشي يخويييه عند راااس المدعو بمصعب كاتدوور فذمااغو .. أبدا مقادرش ينعس ولا يتهدن .. مشااا صااعر جيييهت مرااية قبالتو طوول الليل كااامل كان كايشوف فانعكااسو فيييها حسها كاتستافزو، انعكاسو فيها بانلو فحالا كايضحك عليه و يستافز فيييه و يبينلو أنه واحد ضعيييف ماقدرش يحافظ على حبيبتو باش خداها واحد آخر و منعسها معاه فنفس البيت و نفس الفراش .. ضربها بقووة بقبضة يدوو ليمنيا و زاااد ليسريةةة حتى تشخشخااات ديك المرااية و يديه تفرعووو مزياااان .. غوووووت بصووووت عاالليييي حاااس بقلبوووو معصوووور
-أوووووووووووووووووووووووووف (دار للحيييط قداامو ضرررب فيييه رااسو بقووة و رد راسوو اللور و عااود ضررب رااسو ثاااني .. مقادرش يتهدنن .. مقاادرش يضببط اعصاابو .. الغيييرة .. الغيييييييرة و ناااارها شااعليييين فييه .. فكرة انها طوول أربع سنواات كاتنعسسس جنبوو .. طووول أربع سنوااات كايعنقها .. كايبوسها .. كايتصررف معاها بحميييمية، فكرة باغا تقتلو و هو حي .. فكرة مخليااااه يحس براسوو بااغي يبكي و فعلا دمعةة نزلات من عيينو من حررررررر دااك الإحساااس الخاااايب .. دار براسو جيهت واحد المجر .. حلو و جبد سلاحو الخاص بيه .. هزو و زيير عليه فيدو مطول فيه الشوووفة .. قرر قرار و لاااا رجعة فيييه
خاارج برات البيت .. مشاااا بحااالتو هاديييك لبراات البييت .. خرج منووو بصدرو عريان و يديه بزووج جاريين بالدم ولا رااسو اللي ولااا حممممر مطنبق و عينيه الحمرين بقلة النعااس و العصبية، ذاااتو كاتفوور بالسخووونية و هاالة قوية منباعثة منو مخلية الرجفة كاتسري فعروووق مخو .. غاديي نيييشان لبييتها هي وداك اللي مسمياه "رااجلها" اللقب اللي كايفقصو و كايشلو .. مغايصبرش مزال .. غايقتلو و يشررب من دموو .. مغايعقللش عليييه .. غاديييي يييي....
قاطع دوك الأفكااار الكثييرة و التخطييطات .. خرووج الطفلة الصغييرة ذات الثلاث سنوات و النصف من غرفتها بروب النوم .. شاف فيها كاتحك فعينيها هازة مونيكة صنع يدوي و شعرها مضفوور كاتشووف حواليها تالفة .. زرب و خبا السلاح مور ظهرو مكاليه بالشورط اللي لابس، نزل عندها كايشوف فيها بحنييين و همسلها بصوت خافت
-الكميشة ديالي .. غااتكوني نتي بنتي ياك ماماك غي كذبات عليا باش تعذبني فحال اللي عذبتها أنا .. جاوبيني أحبيبتي .. جاوبي و طفي شوية من النار اللي فقلبي!!
سارة تعلقات فيه عنقاتو كاضحك:يلاه زيبولي داابااا هههه زيييبوليييي
تيمور تبسم و وقف بيها باغي يمشي بيها لبيتو .. مع خطا خطوة مع تحل باب البيت و خرجات كنزة من بيتها، غي خرجات و قشعاتو هاز سارة سدات الباب بالزربة غادة جيهتو منرزفة
كنزة علات فيه عينييها بحدة و نتراتلو يدو:هه كاتحلم بزاااف ألغزال .. و ديك قلب قلبك ماتبقااش تقوولها ليا حسنليييك
تيمور ميل فمو بابتسامة حانبية و همسلها:قلب قلبي
كنزة خنزرات فيه:حقييير .. كذاااب .. مخااااادع مكاتسوااش .. تفوووووو على گنس كي داير
تيمور شد على قلبو مامدايهاش فهضرتها: غيي بشوية على قلبي .. مالك على هاد الجمال كولو على الصبح
كنزة خنزرات فيه:ييييخ على عنيبة، و زايدون قولها لراسك .. فيييين كانو عينيي زماان .. لا زين لا مجي بكري و اللحية كي داايرة كي الشطااابة دالعاشور طويلة .. تفو كاتخلع
دارت غاتمشي و هو يجرها بقووة لصقها معااه و سارة بيناتهم هي اللي مفارقاهم .. همسلها:زمان كانت كاتعجبك هاد اللحية و كاتغزلي بيها
كنزة طولااات فيه الشوفة .. حطات يدها على يدو اللي شاداها و نتراتها بقوة .. علااتهااا قدام عينييها كاتشوف فيها .. سايلة بالدم .. للحضة شتت انتباهها خاتم فيدو، غي شافتو شافت فيه مجبدة عينيها
-ب باقي
تيمور جر يدو عندو مبتاسم و همسلها:باقي .. أي حاجة كانت عندي منك زماان بااقاااا كيفما هي، غي نتي اللي مابقيتييش
كنزة خنزرات فيه و تمتمات بكره:خدعتك مغادوزش عليا هاد الخطرة و هاد التمثيلية القديييمة مغانثيقهاش، ثقت مرة ولكن دابا لا و داك الخاتم أحسنلك لوحو .. حيت أصلا مافيهش سمية مرتك
تيمور بابتسامة هاادية:مغانلوحوش حيت واعدتك مغانحيدوش من يدي، يكفيني فيه سميت قلب قلبي
سدات عليه الباب فوسط وجهو .. مع السدةة مع حطات بنتها فالأرض و تكات على الباب مقوسة حواجبها بقوووة، رغم أنها كاتتظاهر ببرووود و بأنهااا مامداياهاش فيه، إلا أن قلبها كل خطرة كايشوفو .. كايبغيي يتحرر من القيوود و السلااسل اللي رابطاااه بيهم .. ولكن مع هاد السنين الطواال اللي دازو .. و دييك المعاناة اللي عاشتها ولات كاتعرف كيفاااش تتحكم براسها و مشاعرها و قلبها .. وتخلي أحااسيسها محظووورة كيفما واعدات راسها
⚡ دازو بعض من السويعات، .. بعدما فطرات العائلة مجموعة ناقصها عبيد و تيمور اللي مشا أولا للسبيطار يدو تفرعات فرعة خايبة كل خطرة ضاربها مع شي حاجة ولات مجرتلة، وحدة غرزها و الثانية غي تضمدات حيت مجروحة جرحة عادية .. من بعدما خرج من السبيطار مشا مباشرة للشركة .. مبغاش يرجع للدار و يشوفها مع مصعب .. عارف مغايتحكمش فأعصاابو و هو كايتسنى غييي الوقت المناسب و غايتصرف كيفما باغي و غايردها ليه .. هادشي بااش كايهدن رااسو
متكي على كرسيو فمكتبو .. كايطبطب على قلبو بقوووة و يتنفس بصوووت عاالي .. كايهدن قلبو اللي كايصرخ بسميتها .. باغيها جنبو حالياا ماكرهش لو كانت بين يديه و ملكو بوحدو .. تنهد بصووت عاالي و همس بسمييتها بحنييين و شوق كبييير
-كنزززة (عااود تنهيدة ثااانية و ثاالثة و رااابعة حاس بالضيق، تأفأف بصوت عاالي و ناض بنفااذ صبر كايتمتم) توحشتك غي فهاد الوقت القصييير أااااااخ يا قلببيي ٱاااااااخ (خرج من المكتب ديالو غادي للأسانسور الخاص بيه .. تكا بيدو المضمدة على الطابق السفلي و حط صباعو على ناظر عينييه، حاس بالضغط و التعب .. باغي يتهنى خلاص ولكن مغايقدر يتهنى غي مع حبيبتو و رووووح قلبو .. كنزتوو)
مسافة الطريييق من الشركة للڤيييلا .. مسافة كانت طوييلة علييييه . . قلبو مقبووض و ماعرفش علااش .. ضااارو و إحساااس خاايب مرااودو .. وصل للڤيييلا أخييرا .. نزل من الطموبيل كايلوح فرجليه بتعب و عينيه كايدوورو على مااالكة قلبوو .. ملكتو و أميييرتو الصغييرة، بغا يشوفها .. باغي يعنقهم بزوووج و يضمهم لصدرو .. مع الدخلة ديالو لداخل تجر من يدو بالزربة .. شاف فشكون جارو كانت دينا غادة بيه جيهت المكتب ديالو الفوق و فيديها جوا فاللون الأبيض .. مبتاسمة و متحمسة
تيمور باستغراب:دينااا؟؟
دينا بابتسامة:أجي معايا و سكت
تيمور باستغراب:ماالك؟؟
دينا وصلات بيه للمكتب دفعات الباب و دخلات و دارت شافت فيه بابتسامة كاتنهد و توريه الجوا:درت تحليل لا دي إن لسارة معاك
تيمور علا حواجبو:كيفاش؟
دينا غمزاتو:كولنا عارفين بعلاقتك مع كنزة فالمااضي . . عارفين شنو طرااا و انا شكيت فأنها كانت حاملةة منك و سارة بنتك
تيمور عينيه لمعو مبتاسم:و النتيجة؟؟
دينا مداتلو الجوا:أنا ماحليتهاس حتى تشوفها نتا أول واحد
تيمور خداه من عندها بالزربة و حلووو متلهفف .. قادو قدامو كايقرا فيييه بعينيين مخرجين و كايغلييو .. الثوثر، إحساااس أول مرة يحسو .. كولما كايقرا كلمة كايزييييد يتوثر .. قرا التحلييل بالكاامل و ملامحو مقلصيين .. عينيه منكمشيين و حجبانو منقضييين، علا عينييه فدينا اللي كاتسولو بعينييها بحماس .. لاح ديك الورقة من يدو و دار عاطيها بالظهر كايتمتم بنبرة مرعوووودة و قلب منفطر
-ماشي بنتيي، سارة .. ماشي بنتي أنا
يتبع...
سرسورة ماشي بنت تيموررر إذن هي بنت،،، .. اححححح على أحداث غدا .. ناري و شنو غاتشوفو .. من دابا وليت كانترعد لهادشي اللي جاي ..
أحاسيس محظورة الجزء الثالث
محتوى القصة
التنقل بين الأجزاء