دينا شافت فتيمور باستغراب .. حنات على الورقة هزاتها كاتقراها و شافت جيهت تيمور اللي زير على قبضااتو بزوووج و عينيييه مخرجييين فالأرض قبالتو، بغات تقرب عندو تدوي معاه و هي تقفز متراجعة خطوات اللور من صرررررخة خرجاااات من فموووو حتى العروووق برزززز لووونهم المااايل للأخضررر فكاااامل أنحاااء وجهوو و جسموووو، ولااا حمممر .. عينيييه السوااااد طاااغي عليييهم و نظرة متوهجةةة .. هااااااج كاينهج و صدرو كايطلع و ينزل و كلمااتها كايتعاااودو فوذنو فحال الطنييييين المزعععععج .. فحالا شي حد كايضرسو لدرجة لحممو شوووك شاااد على وذنيييه بقوووة كاينهججج
"سارة ماشي بنتك .. هي بنت مصعب بووووحد ووو، نتا ولدك أول ماعرفت بيه قتلتو و هو فكرشي"
سااااد علىى وذنيييه بقوة و ديك الجملة كاتعااود فذمااغو .. دينا خلعااتها حاالتو كي كاينهج مزيير على وذنييه و كايغووت، تلاااح على فوطوي كان قرييبلو گلس عليييه و تمتم بنبرة مرررعووودة الدمووع محجرين فعينييه و صوتها باقي كايتردد فوذنييه
دينا قربات عندو ببطئ كاتمشى جيهتو و تشوف فحالتو الهاايجة، گلسات جنبو فوق الفوطوي و حطات يدها على كتفو كاتمتم
-تيييم
تيمور شاف فيها كاينهج .. للحضة تخالطاتلو صورتها مع صورة كنزة .. خرج فيها عينييه و تلاح علييها قاااجها كايتمتم بنبرة قوووية ذاات صدى فالبيت:لاااااش قتلتيييييه أااااا؟؟ علاااش ألمجرررمة .. وللللدي ماكانش عليييك تقتليييه .. كنتي تجيبيهلي .. ولديه و عطيهلي و ماتقتليييييييهش .. نربيييه أحسسسن تربيية .. مايحتااااجكش .. ماتشمييييش حتى ريحتتتو .. غانكون لييه الأم و الأب و الأخ و كوووولشي .. غانكووووووون ليييه كووولشي عمرو يقولي بغيت ماما .. عمرووو يحس بالنقص من جيييهتك .. كنت نكووون ليييه أحسن أب
دينا تخنقااات كاتضرب فصدرووو و عينيييها خااارجييين حاسة بالخنننقة .. هوو كايزييير عليييها مخرج عينيييه .. حتى طلق منها فلحضة و تمتم بصوت عاالي كايزفر بصوت عالية
-واخا قتلتيييه مقادرش نتعصب منكك .. باغيييك، مزااال باغيك و غانبغيييك مستحيييل تتهناااي مني مزااال، مغانتهنى حتى نشوووفك حاااملة بولدي ثاااني (شاف جيهت دينا و هو يزييير على راسو بيدييه .. بانتلو كاتشهق و تككح و ترجع نفسها بقوةة .. صاط نفس سخوووون وتمتم بنرفزة .. عاد عرف معامن دوا و شكون قج) عمتي، سمحيلي .. احم خرجي من هنا بغيت نبقى بوحدي
دينا ومآتلو براسها باقا كاتكح و ناضت خارجة من عندو من المكتب بلا ماتنطق بكلمة زياادة .. خلاااتو كايغلي غليي، ناض على غفلة مللي سمع صوت الضحك من جيهت الجردة .. صوت طفوولي .. صوت بنت مصعب اللي فضلات أنها تولد منو عليه هو، حس بقلبو زاااد تزير واقف مور الخااامية حاضيي سارة اللي كاتجري و تضحك و تلعب فالثراااب، .. قشع كنزة قبالتها كاتشوف فيها مبتااسمة .. وذنيه حسهم كايصفرووو و عينييه ممركزين مرةة على الأم مرة على بنتها، حاس بالجحييييم وسط قفصو الصدري .. ماكرهش ينزل عندها دابا يجر طاسيلتها لبيت النعاس و يزرع فيها وليد ولا بنية من عندو هو .. باغي يعوض ولدو اللي قتلاتو و باغيها هي اللي تولدولو .. هي بوحدها تكون أم ولادو
⚡لتحت⚡
كنزة مراقبة سارة اللي بانتلها قنطات وسط حيوط الڤيلا الواااسعة .. خرجاتها للجردة حاضياها و تبتاسملها .. هزات تليفونها كاتشوف فيه، دخلات لأرشيڤ الصور وتنهدات بصوت عالي كاتشوف فصور ليها كانت حاملة .. بشعرها الأسود القصير، كرشها كانت كبيبرة مكورة منفوخة و الفرحة بااينة فعينيييها، كانت فرحانة بحملها بداك الجنين اللي تكون و كبر فوسط كريشتها .. علات عينييها ثاني فسارة و تمتمات بصوت خافت
-كان غايكون صغير عليك بشهر
تنهدات ثاني و حطات يدها على كريشتها كاتحسسها بألم و حسرة .. حتى جا صووت رصااصة عالي فوذنييها .. داك الصوت تعاود من نهار أسود عاااشتو فالماضي، شهقاات و تنفضات من بلاصتها على إثرووو حاسة بحرييق فكرشها .. حرييق وهمييي خللااها تزييير و تكمش ملامحها و عضات على شفايفها بقوة مغمضة عينيها كاتفكر همس من يوم مشؤووم داز عليها
مصعب تبسم و حل يدو كايتسناها تجي عندو، هي نقزات علييه كاضحك و عنقاتو بقوة:الحبيبة دقلب بابي
سارة كاضحك:توحستك توحستك (باستووو فخدوودو بقوة و هو مبتاسم)
خليل بصوت خافت:البنت كاتشبهلك مدايا حتى حاجة من باها
كنزة تبسمات كاتشوف جيهتها و تمتمات:هههههه توحمت عليا أنا كنت طول النهار مقابلة راسي كنت كانبغي ناكل راااسي هههه (تبسمات بحزن كاتفكر أيام فاتو)
شيماء بتسائل:شبانلكم نخرجو نسهرو اليوما مجموعين؟؟ توحشت جمعتنا .. نزيدو حتى جوزيف و تيمور و عذرا لابغاو
كنزة تمتمات ببروود مصطنع:مابغيتش تيمور يكون معانا
خليل زير عليها بذراعو:غاتمشي و بالزز منك وايلاااه ههههه
كنزة تبسمات وضرباتو فيدو نايضة جيهت مصعب و سارة:بلاتي نشوف دوك الزوج علاش قارميين كايتوشوشو (ناضت غادة جيهتهم و فطرييقها خرج فيها تيمور اللي جاي مكايقشعش قدامو .. خنزر فييها بنظرة حاااادة كايغزز فسنااانو باغي يمتالك أعصااابو قبالتها مايسحقهااش بيدييه على فعلتها فولدو .. هي خلاتو على وقفتو مامدااياهاش فيه ولا دااايرة راسها مامداياهاش فيه .. أما النص عين متبعاهالو .. مشات جيهت سارة و مصعب كاتبتااسم .. عاارفة نظرااتو تابعينها .. هزات سارة باستها ففمها كاتهزهزها و تضحك و سارة كاتغووت بصوت عاللي غاتموت بالضحك .. خلات تيمووور يحس بغيييرة كبيييرة جيهتها كايشوف فيهم بنظرة طفل صغييير تحگر .. شافت جيهت مصعب .. ماعرفتش أش جا لبالها ولكن بغاات تحررقو هو وأعصابو بغات تردلو صرف هادي أربع سنوااات و هي مخبياه عندها، طول المدة اللي غاتجلسها معاهم بغات تخليه يموت كل نهار ألف مرة فالدقيقة، الليلة اللي شافتو مع عذرا مرسخة فذمااغهاا .. أكيد كل ديك المدة اللي دوزوها بجوجهم لا كان كاذب عليها فكووولشي و كان غي باغي يضحك عليها .. فهو ماشي حجرة و غايكون حاس واخا غا بإعجااب من جيهتها .. و هي عارفة عصبيتو و جنوونوو و شنو كايطرا لا تبسل عليها و لا قاصها شي حد .. تحناات على مصعب معنقااه مخلية أعصابو يبدااو يفوورو و عينييه خرجو بششششدة ولكن ماوقفااتش هنا لا لا لا .. بغات تفقصو و تفرگعو و تقرطسو غي بالفن .. غمضات عينيها بشوووية و تكات على فمو ببوسة خفيييفة و بعدات كاتمتم بابتسامة
-كانبغيك أحبيبي
فبالكون من إحدى الغرف، خارجة نور كاتطل حاضية شنو كان واقع من الأول للأخير .. غي بانلها تصرف كنزة تبسمات براحة كاتمتم
عذرا قربات عندها كاطل غي شافت لتحت بانولها نظرات تيمور لكنزة .. نفس النظرات مللي كايتغدد و يتعصب و يتنيييرڤا عليها و يبقا يشلض فيها .. عضات على شفتها التحتية بقوة و تمتمات بصوت خافت
-شوفاتو ليها واخا و هو معصب باينة فيه باغيها و كايبغيها
نور تبسمات:هههه شوفي كي كايشوف فيهم راجلك .. أووهوووه لابقيتي فهاد البيت نعرفك بلا نفس .. أجي باني قدامو
عذرا بصوت خافت:لا
نور عوجات فيها فمها:تفو على معقدة .. اوووووف انا غاننزل
عذرا ضمات راسها بقوة كاتشوف فيهم و تنهدات .. بانلها تيمور مادوااش .. غي شوفاتو كفيليين يخلييو كنزة تموووت بالخلعة، حطات راسها بلاصتها كاتمتم
-كون كنت بلاصتك دابا كنت نهرب لآخر الدنيا من داك المجنون اللي كايبغيك غي نتي و عمرو شاف فوحدة غييرك نتي (غمضاات عينيها بقوة و دارت راجعة لبيتها .. رجعات بااردة فردات فعلها، ولات وحدة اخرى تمااما بهاد الزواج اللي تزوجاتو و كاان زواج فالجحيم .. بكل ماللكلمة من معنى)
نور نازلة فالدروج كاتعيييوج و تنضغ فالمسكة بطريقةة مقاااحبنة .. فطريقها للتحت قشعاات جوزيف داخل للڤيلا بعد يوم شاااق دالخدمة .. تمشات جيهتو كاتعوج و وقفات قبالتو غامزاه
-فين أزين .. محتاج شي مساج خفيف يريحك شوية ههه؟
جوزيف معارهاش اهتمام مكمل طريقو لداخل: (الصمت)
نور صغرات فيه عينييها دايرة معاه حاضياه و عضات على شفايفها بقوةة كاتمتم:أوووه سووو هااات اند هاندسم .. حبيييتو و رح جيييبو لعندييي ههههه (كملات طريقها جيهت الجردة كاتدور فراسها على جماعتنا الحرشة و تعوج ففمها)
شيماء تقدمات ناحية تيمور .. حطات يدها على يدو كاتهمس:تيم
تيمور مشافش فيها حاضي كنزة اللي كاتلعب مع راجلها و بنتها .. مشكلين عائلة سعييدة، العائلةة اللي تخلى عليها بيديه و بطرييقة خايبة بزاااف .. تنهد بحرررقة .. كأنو هااز جبااال فوق كتافو و تمتم بسهوة
-يا رييييت😓
شيماء:تيم واش سمعتيني؟؟
تيمور شاف فيها بنظرةة فاارغة .. حااليا هو فأضعف حالاتو .. حاس بالقهرة، الندم، الحزن، الإشتياق، الحنيين، الغضب، الجنوووون كايدورو فوق راسو ولكن گااااااع دوك الأحااسيس تترجمو على شكل نظرة فاارغة
تمتم بهدوء ما قبل العاصفة:أش قلتي؟؟
شيماء:نسهرو اليوما! بغينا نتجمعو كولنا .. نمشيو لشي بواط، واحد زوين بانلنا هنا "36"
تيمور ومألها براسو بهدوء:واخا (مشا بدوك العينين متبعين كنزة مزال .. هو غي مشا كنزة وقفات اللعب مع مصعب و سارة كاتمتم بتعب)
كنزة:عييت صاافي ههههههه .. دابا نرتاحو شوية .. واحد الشوية غانمشيو نسهرو مجموعين أمصعب وجد راسك
مصعب ومألها براسو:واخا أعمري (مشا بكرسيو المتحرك داخل للڤيلا و حااس بفرحة عاارمة من قبلة كنزة ليه .. واخا فقرااارة نفسو عاارف أنها تصرفاات بديك الطريقة غي بااش تغيييض تيمور .. إلااا أننه فررح و كايقنع رااسو أنههها تصررفات هكاااك حيت بدات تميل ليه و أمنيتو بقربها ليه غاتتحقق عن قرييييب)
⏳داز النهار بالعائلة المتجمعةة مع بعضها .. يامنة و فخر الدين جاو من جولة دااروها فمكناس طوول اليوم و يامنة فرحانةة خصووصا بأنها كاتشوف وليداتها متجمعيين، الشبااب كايوجدو راسهم للسهرة الليلية و الكباار موجديين عشا خفييف و جلييسة فالفوطويات بعد العشاء مخططين يتفرجو فالسي دي دالعرس د فخر و يامنة تحت رغبتها هي،
عند الساعة الثامنة مسااءااا .. تجمعو تقرييبا گااع أفرااد الڤيلا لتحت فالردهة القريبة للباب .. ماعدى ثلاثة أشخااص، كنزة و تيمور و مصعب
شيماء سكتات كاتخنزر فيها وتطلعها وتنزلها بعينييها، شافو جيهت الدرووج مع فاش سمعو صوت الطاالوون طايطقطق .. بانتلهم كنزة نازلة من الفوق بكسوة قصيييصرة منمرة و الميكاااب سموووكيييي مع طالون كالعاادةة عاالي و الشعر الأشقر مبينها مثييييرة لحد الجنوون، گاع البنات اللي شافو فيها جاتهم الغيرة .. حتى من شيماء غارت على راجلها كاتشوف فيها كي نازلة و المشية و الزين والفورمة .. ماتكذبش حتى هي زوينة ولكن مؤخرا ولات تهمل راسها وهاملة حتى جوزيف معاها .. و حتى لهاد الخرجة لابسة لباس عاادي فحالا غادة لپارتي عادية .. عضات على شفتها التحتية بقووة و تأفأفات مزيرة على يد جوزييف .. ثواني و تجمعو كاملين ما
عدى تيمور
كنزة مخنزرة:بانلي مجايش و هادي احسن حاجة غايهنيينا .. حنا يلاه نمشيو
غي سالات جملتها .. تسمع صوت وقع خطواتو من على السلالم .. نازل بسرعة و عينيه علييها مبااااشرة .. متااقديين و شااعليين، غي وصل لتحت لقداامهم .. هز سلاااحو كان فخصروو موجهو ليها .. كنزة شافت فيه بعينين خارجين .. جاابها لعندو مزيييرها من شعرها تحت نضرات الصدددمة و الإستغراب من الجمييع و هزها بخفففة فوق كتفو كايتمتم بصوووت مبحوح شوية بكثرة ماابرد غداايدو فالغواات
-يتبعنا شي حد نقرطس زااامل بوووه فوسط الجبهة (خرج فيهم عينيه بالسلاااح و مشا خارج بيها)
كنزةة كاتفركلل و تضربلو فضهرو و تغوت بصوت عاالي:نزللللنيي شكاديير واش حماقييتي .. هييييييييي نزلنييييي
تيمور خارج بيها بسرررعة و كايتمتم بين سنانو:هانا نوريييك حمااقييت كي كاتكووون .. هانا نوريك النص عيييين اللي كاديري فيااا و التعنااق والبووساااان و ولديييييي اللي قتلتييييييه بيديييك ألمجرمة .. اليوم غاتخلصيي كووولشيييييييييي دقة دقة
خرج بيها مخلي الكل فحالة صدمة .. شي وحدين تبعوهم لباب الڤيللا فحال نور جارة عذرا وراها و مصعب اللي بدا يغووت بسميت كنزة و ماعندو كي يدير يوقف يتبعهم و حتى خليل اللي جاي مور تيمور كايجري .. غا حس بيه تيمور وراه .. ضرب برصاصة فالأرض مخنزر فييييه
-حدددد مايتبعناااااا
دااار مكمل طريقو .. خلا الدنيا تقلبات و شيماء و جوزيف بقاو كايتشاوفو مصدومين .. زرب عليهم ماستوعبو الموقف حتى كااان كحححط برواايد الطمووبيل تكحيييطةة خاااايبة غااادي بسرررعة نحو المجهووول
تيمور صااايگ كايتنففس بقوة بلا مايدوي .. كايسمع لصوووتها و ضريبها فباب الطموبيل ولكن مكايدير حتى حركة .. غي صااايگ و كايتفكر هضرتها على ولدو اللي قتلاتو قبل ماتولدو ولا حركااتها مع مصعب .. بوستها ليه قبايلة و التعنااق و البنت اللي والدة منو .. فحاالة هيجااان فكريي و تضااارب دوك الأفكااار الكثيييرة، ضرب بيدووو بقووة مع الگيييدووون و غوووت بصووت عاالي
-سكتييييي .. قطعيييي الحسسسس
كنزة خرجات فيه عينييها كاتنهج .. تلااحت عليه بالززربة ضربااتو لكتاافو كاتغوت:حبسسس الخرىىى .. رجعنييي فحااالي .. بصيييفتك شكووون خااطفنييي هااااا؟؟ بصيييفتك شكووون ألحقييير .. حيواااان (عاودات ضرباتو لكتفو مع الضربة شهقااات مللي هز السلااح لذماااغها و قاال مغزز سنانو)
-ضربي .. الطم
كنزة صرطاات الريق بالزز مخرجة فيه عينييها، رجعات اللور كاتنفس بقوة و تزييير بصباااعها على ناظر عينيها .. بدات كاتدورر فعينيها حاضية الطريق و هو حط السلاح فوق الطاابلو مكسيرييي كثر .. دااازت مدة طويييلة دالطريق كايتسمعو غي أصواات أنفاسهم و كنزة تدور تدور و تشوف فتيمور اللي كايغزز على سنانو و صايگ بلا ماينطق، بعد طووول داك الطريييق حبس الطمووبيل فراااس واحد الجبل .. خااارج المدينة جا .. شاف جيهتها و هز السلاح عليها كايتمتم بحدة
-نزلي
كنزة شافت فيه مخنزرة:واش نتا داوي من نيتك .. شهاد التصرررف أل...
كنزة شافت فيه بانلها متحول مية و ثمانين درجة، ماشي هو داك الرجل اللي كان معاها الصباح .. و اللي تغزل بيها .. حلات باب الطموبيل و نزلات بالزربة .. دورات عينيها بانلها عاد غاينزل .. زفرااات بنفس طويييل و شافت حوااليها غي الشججر و الديوور منعادمين .. صرطاات ريقها بثوثر حاسة بيدو شدات ذراااعها .. جرها معاه بقووةة مدخلها لديك الدار بعدما حلها بالساروت .. دخلها هي اللولة تابعها هو، و السلاح فيدو ..
وقفو وسط ديك الدار اللي كانت صغيورة مفتوحة على بعضها .. الصالون و الكوزينة كاطل عليه نيت البوطاجي فوسط الصالون و الحمام بابو باين و فراش جا فواحد القنت .. مكاينش بيت النعاس .. دارت شافت فيه كاتحاول تتهدن فهضرتها و تمتمات
-علاش جايبني لهنا؟
تيمور طلعها و نزلها بعينيه و قرب عندها بالسلاح فيدو كايتمتم:علاش قتلتي ولدي؟ علاش فضلتي بنتو هو على ولدي انا؟
كنزة صرطات ريقها حاطة يدها على كرشها بقوة و تمتمات بصوت خافت:كرهتك و كرهت أي حاجة منك
تيمور وقف قبالتها يدو حطها بسلاحها .. كايشوف فيها بنظرة عتاب عينيه مدمعين:هو مكان عندو حتى دخل أكنزة .. علااش قتلتييه علااش أشششش ذنبووو!! واش حيت ولدي أنا، علاش درتيها علاش
كنزة غمضات عينييها بقوة كاتسترجع أنفاسها .. عززاات سنانها بقوة و شفايفها حلات عينيها بواااحد الحدة كاتشوف فيه .. قربات عندو بشجاعة كاتمتم بسرعة و بعينين خارجين فعينيه:و كاتسولني مزاال؟؟ علااش نتا مللي هرستي كل حاجة كانت فيا زوييينة، مللي خليتيني بقايا من اللاشيء و مللي لعبتي بيا و دخلتيني لديك المصيييييدة حتىى ولييت سادة على قلبييي بقففل خايفة لايعااود يتهررس .. علااش ماسولتيييش راسك هاااد السؤاالل .. أشش ذنبي حتى انااا .. علااش تخلييينيي كارهة رااسي و كارهة أي حاجة مسيتيييها فيا و خليتيني نكررره حتى داكشي اللي كان ولدك نتاااا
تيمور خرج فيها عينييه كايتمتم بحدة:ولديييي ماااشي دااااكشي أكنزة .. ولديييي ماشي داااكشييي
كنزة بنبرة كااارهة:ولدك كان مجرد خطأ وأنا صححت داااك الخطئ .. ماتصوررش شحااال كرهتتك .. فكل نهااار داااز عليا فمدة خمس سنيين .. قبل مانعس كنتت كانتفكرر شنو قلتييلي داك النهااار و كانزييييد نحقد عليييك، ماكرهتش نقتلك و نتهنى منك و نطفيييي النااار اللي عنديي شاااعلة فصدري هنااا (ضرباات على قلبها كاترمقو بنظراااات عااامرة غللل) .. نتااا خاااين و كذااااب .. نتاااا من أحقققر الناااس اللي عرفتتتهم فحياااتي كاااملة .. فخبااارك حتى من عبد الهادي اللي كنت كانقوول أننه هو أخيييب واااحد فهاد الدنيا و ماعندو قلبب .. صدقتي نتااا كثر منووو، استغلااليييي .. مكاتحسسش .. عدييييييم الضمييييييييير (غوتااات بصوت عالي فآخر كلمة صدرها كايطلع و ينزل بقوووة)
تيمور عض على فمو كايزيد يقرب عندها و يتمتم عينيه فعويناتها بنظرة متألمة من هضرتها القاسية بالنسبة لقلبو:ياااااه .. كاتكرهيني حتى لهاد الدرجة هادي؟ ولييت بالنسبة لييك وحش لهاد الدرجة أكنزة أبنت عمي
كنزة ومآتلو براسها و شافت جيهت يدو اللي هازة السلاح:آاااه نتااا وحش و مكاتسواااش .. كانكره النهااااار اللي عرفتك فيه .. كانكره أي حاجة كاتعلق بييك، (سكتات شوية حاضية يديه كايزيرو على السلاح، تبسمات بالجنب و شافت فعينيه الذابلين فيها) عرفتي شنو! ماكرهاش نقتلك دابا و بداك السلاااح اللي فيدك، ماكررهتش قلبك ينزففف دم قداامي وتمووت وانا كانشوووف فييييك هكااا .. بغيتك تحس باش حسيت هادي 4 سنيييين من اللي عتارفتييلي بلعبتك اللي لعبتيها ضدي .. كان قلبي ضااارني و نتا بغيتك تحس بضوووبل داك الإحسااس
تيمور تبسم ابتسامة حزيينة كايشوف فاللرض عينييه تغشااو بالدمووع .. هضرتها قااسية بزاااف .. علا يدو بالسلاح و شاف فعينييها بنظرة متألمة .. تمتم بصوت مقهوور:لا كنتي كاتكرهيني لهاد الدرجة .. هاكي شدي (مدلها السلاح .. هي بقات كاتشووف فيه باستغراب، مد يدو ليدها جرهالو و حط السلاح فوق يديها كايتمتم) قتليني دابا و بهاد السلاح هذا .. حققي أمنيتك دابا أكنزة
كنزة جبدات فيه عينييها هو بقا حاطلها السلاح بين يديها .. بغات تطلقو زيرلها على يديها و تمتم كايزعمها
-ماتخافيش .. لاكنت غانموت على يديك غانكون فرحاان
كنزة كاتجر يدها:وااش حمااقييتي
تيمور بإصرار:لا غي كانحققلك أمنيتك
كنزة باغا تطلق من يدو و من السلاح:بعد منييييي ألمسطييي بعااااد
تيمووور هزلها يدها بالسلاح قادهالها مباشرة معااه و تبسم كايتمتم:أنا هو تيمور اللي ضحكت عليك و لعبت بيك و خليتك تكرهيه لدرجة قتلتي ولدو و هو فكرشك بلا رحمة .. قتليني يلاه شكاتسنااي .. حققي إنتقامك لراسك .. قتليني و شربي من دمي كيفما تمنييتي يلاه شكاتسنااي .. خللي قلبي يضرني كيفما ضرك نتي قلبك واخا راه ضارني كثثثثر منك نتي بأضعاف
كنزة عينييها دمعو كاتصعر و تجر يدها من عندو و تحرك راسها بالنفي:لااا بعععد يددك عليااا مابغييتش .. طلللق من يديييي
تيمور غوت فوجهها:لا بااغا نتييي باااغا .. أصلا هاد الرصااصة مغاتقتلنييش قد الفعلة اللي درتي فولدي .. مغاتقتلنييش قد ديك البوسةة اللي بستي راجلك قبايلة قداااام عينييي، مغاتقتلنيييش أكنزةةة آل باشاااا .. (بدل نبرتو من عاالية للينة ملين نظرتو فعويناتها) تت خاصني نقولك قلب قلبي ياااك
كنزة غززات سنانها .. زيرات على عينييها بقوة حتى تعصرووو بالدموووع مزيييرة على السلااح بين يدييها .. رجعات خطواات اللور هاازة داك السلااح عليييه و كاتتنفس بقووة، هو بقا على حالتو حاضيها مستني الرصاصة اللي غاتهنيه من العذاب اللي عايش فييه .. ثانية مرت .. زوج ثواني، ثلاااثة ديال الثوااني كووولهم كنزة استرجعاات فيهم ديك الليلة المشئوومة فاش تخلا علييها تيمور .. حلاات عينييها حمرييين فييه وبلا ماتردد ولا تفكر ضغطاات على الزنااد بإصرااار كاتشووف فعيينييه .. صوت الرصاااصة خرررج عااليييي غادي مبااشرة لجسم تيموور .. غمضض عيينييه بقووةة من ألم الرصاااصة اللي دخلااتلو فصدرو مبااااشرة .. شدد علييه بقووة و ابتسامة خفييفة ترسمات فوجهو كايتمتم بنبرة خافتة
-رغم كولشي، أنا كانبغيك و غانبقى نبغيك حتى لآااخر نفس فحيااتي (شهق شهههقةة قوووية وطااح للأرض كاينهج شاد على صدرو بيدو المضمدة .. عمراااتلو دممم وعراااق كايشوف فيها .. هي اللي تصدماات فعملتها و السلاح اللي كان بين يديها .. رخاااااااتو بهدووووء حتى طاحلها للأرض و هي طاحت قدامو على ركابيها مخرجة فيه عينيها بصدمة)
⚡أحاسيسي المحظورة، ترفض الإستسلام⚡
تلك الأحاسيس القديمة التي تريد الإنصياع لذلك القلب المسجووون .. هي مجرد أحاسيس محظورة .. تارة أراها تنجرف له .. و تارة أخرى تهرول عااائدة لمكان حظرها، إنها صارمة نوعا ماا .. تحن نوعا ما .. تشتاق نوعا ما .. لكن في الأخيير هي ترفض الإستسلام و تضحى عااالقة في سجنها .. رغم تلك المشاعر المترااكمة .. إلا أن الكررره يغلب ذلك الحب الحقير بأضعاااف، أنا حقااا حائرة مع هاته المشاعر .. مع هااته الأحااسيس وهاته الآهاات العاالية .. أريد قتلها لأرتااح .. لكن إن قتلتها .. سأمووت أنا أيضا معها و هذا ما لا أريده حاليا، لا أريد الموت بسبب حبه الحقير .. أريد فقط الإحتفاظ بنفسي لنفسي
كنزة ناضت كاتجري كاتقلب على شي لعبة تداويه بيها ولكن واالو، شافت فيه مفافية كاتمتم بقلب كايخفق بسرعة:خاص ناخذك للسبيطاار .. أجي عندي (قربات عندو وتحناات باغا تهزو و لكن هو ثقيييل، مرخييي و كايهسهس بكلمات مامفهوومينش و مامعرووفينش .. ولات كاتغززل و حتى هي عرااقت كاتبكي بالشهههقة و صدررها كايطلللع و ينزلل بقووة .. شداااتو بكلل قووتها كاتستخدمها معااه كاتنوضو و تمتملو)
تيمور كايخلف بالزز و خارج عن وعيو .. مميل علىى كنزة اللي شاداه بقوة كاتمشيه لبراات الداار، وصلو للباب كان ثقل عليها كثر .. علات راسها للسما كاتجاااهد نفسها باش تزيييد تهزو معاها .. غادية بيه بكل بطئ حتى ماقداتش مزال تصبر غلب عليها بزاااف طاااحو بزووجهم للأررض بقوووة تخبطو جنب بعضياااتهن .. هو ثقييل و طويييل و هي غي على قد الحااال ضعيفة و صغيرة و دااانينو (قصيورة) .. تعصراات كاتنفس بقوة شادة على قلبها .. شافت فيه هو ماشي فوعيو .. وقفات كاتنهج بالجهد و تحناات عندو ثاني كاتهز فييه .. حتى هزاتو مزيان و مشات بيه خارجة لبرا و هو باقي كايهلوس و هي كاتنادي غي بسميتو مباغاهش يغيب فخطرة ..
ماوصلو للطموبيل حتى بغات تمووت من ثقلووو و عاد غادي و يترخى علييها .. حلات الباب و لاحتو لداااخل مدخلالو رجليه حتى هوما و ضربات الدورة لبلاصة الساائق كاتنفس بقوة و تدور فعينيها كاتسترجع انفاسها، شافت جيهتو كاتاكل و تعض فضفاارها .. قربات بالزربة كاتقلب على سوارت الطموبيل فجيابو .. لقاتهم عندو فالسروال .. هزاتهم دغيا و دورات الطموبيل منطاالقة بأقصىى سررعة وسط ديك الطرييق و تيموور كايحل عينيه و يسدهم كل شويية مزيير على صدرو بيدييه .. طرييق طوييلة و هي غادة و كاتدور عينييها لا تلقى شي كلينييك .. غادة و قلبها مزير عليها و مقبوووض حتى بانتلها عياادة عاادية كااينة فمنطقةة عاامرة ڤيييلات قرات سمية الدكتورة فالدخلة عندها و كان الضو شااعل فييها .. نزلات من الطموبيل بالزربة و مشات كاتجري طلعات لفوق يديها عامرين دم و كاترعد و تقفقف .. حلات الباب بالزربة مللي دخلات لداخل مع كان غي مردود .. بانولها واحد الزوووج خداامييين بووس فوق واحد الكاامة دالفحص .. ضرباات فالبااب بقووة كاتمتم بنبرة مرعوودة
-عتقووني عفااااكم عتقوووني
دار الراجل الطاعن فالسن اللي كان مع بنت صغييورة و قليولة .. باينة عندها شي 18 عام .. علا فيها حاجبو كايطلعها و ينزلها بشوفاات شهوانية .. هي عااقت بيه خرجات فيه عينييها و تمتمات بنبرة عاالية
-غاتعااوني ولا نجي نقتتل دينمك أداك بوبريص
وقف داك الرااجل مخنزر و قرب عندها:لاا .. مغانعاونكش .. سيري قاودي يلاه (بغا يدفعها)
كنزة تنييرڤات كثر ما هي منيرڤية .. دارت يمين و شماال براسها كاتمتم بعصبية:هاحنا غانشوفو غاتعااوني ولا لااا (قشعاات واحد اللقااط قريبلها .. حناتلو بالززربة كاتغزز سنانها وتلاحت علييه حااطة يدها باللقاط على عنقو) غاتعاوني دابا ولالا؟؟ أش قلتييي يالشارف
الشارف ولا كايقاقي بوحدو مخرج فيها عينيه .. صرط ريقو بالزز و شاف جيهت البنت اللي كانت معاه غادة كاتسلت خارجة بحالاتها .. علا راسو بالإيجاب كايصرط فريقو:و واخا .. آمري ألالة شنو بغيتي؟
كنزة جراتو معاها من كول الطاابلية و اللقاط فيدييها كاتهد عليه بيه .. خرجو لبرا خداتو للطموبيل و حلات على تيمور الباب .. كان فاقد وعيو فخطرة .. تحسساتلو وجهو بخوف و تمتمات بقلب مقبوض:مضروب برصاصة لصدرو .. م ماشي جيهت القلب .. ش شوف واش تقدر تخرجها و تنقذو و نعطيك شحالما بغيتي .. غايكونو عندك الأدوات ياك .. نتا طبيب .. غاتكون كاتفهم فهادشي؟؟
-لا لا سمحيلي هذا بانلي خاصو كليينييييك حالتو خااايبة وانا ألالة أنا راني ما اختصاصيش فهاادشي!! أه سابقلي داير عملية ولكن فسبيطار و بإشراف طبي عااالي .. ماشي هنا .. راه يقدر يموتلي بين يدي
كنزة بنرفزة مخرجة فيه عينيها:تعطيييني غي الأدوات و ندير أنا كولشي بيديي .. عاونييييي ماباغاهش يموت ماشي دابا خاصو يموت عفاااك .. راه لا بقينا حتى وصلنا لأول سبيطار قريييب من هنا غايموتلي فالطرييق .. نتا هو القريب للمنطقة اللي كنا فيها عفاااك عاوني عفاااك مابغيتوش يموت اهئ مابغيتووش .. نعطيييك شحااالما بغيتي دالفلوس .. شحال مااا بغيتيييي كاتسمع
الشارف بعد مدة من التفكييير ومألها براسو:واخا زيدي ندخلو .. نديروها فيد الله و صافي، بعدا كي طرالو
كنزة بنرفزة:أجي عاوني فيه وبلا هضرة زاايدة
داك الطبيب شاف فيها مستغرب، قرب عندها و شد معاها تيمور مخرجينوو من الطموبيل .. واخا تعاونو عليه بزوووجهم جاااهم ثقيييل مع ترخى كثثر، مشاو داخلين بيه لداخل و كنزة قلبها كايضرب بسرعة و بخوف .. مابغاتش تكون هي السباب فموتو .. واخا كان هو سبب كبيير فمعاناة كبيييرة ليها .. إلا أن قلبها مايطاوعهاش تقتلوو تبقى بذنبو فعنقها طووول عمرها، دخلو بيه لداخل .. حطوه فوق الكامة فين كان داك الطبيب خدام مع ديك البنت، و قطعلو القاميجة اللي لابس كايطل على الجرحة و عمقها .. شاف فيها معلي حاجبوو
-والاااباس بعدا بانلي ماغارقاش بزااف و لكن نزف بزاااف
كنزة صرطات ريقها كاتمتم بنبرة مرعودة باكية:لا عتقتييه غانعطيك اللي حليتي عليها فمك .. عفاك غي عتقو .. إلا تيمور مابغيتوش يموت، إلا هو اهئ .. مايموتش .. تيمور مابغيتوش يمشي و يخليني
بدا الطبيب كايديرلو العملية .. واخا هادشي ماشي إختصاصو ولكن كايحااول يدير كولشي مثقون .. واخا دار عمليات كثار فكلينيكات قبل مايدير عيادتو الخاصة إلا أنه توثر حاليا من حالة هاد المريض .. و فنفس الوقت كايدير معاه كلما فجهدو خصوصا أن كنزة باينة فيها لاباس عليها و كاتقولو نعطيك اللي حليتي عليها فمك، جاه عرض مغري .. بدا كايخرج الرصااصة و كنزة جنبو كاتعااونو .. ملصق فذراعو سيرووم و الطبيب دارلو إبرة مسكن .. تقريبا ثلث ساااعة و هو مع العملية .. عرق حتى هو و كايشوف حالتو غادة و تولي خطيييرة خصوووصااا مع النزييف الحاد اللي نزفووو .. الرصاصة تحيدات و الجرحة تعقماات و تخيطات .. رجع اللور كايشوف فكنزة و يتمتم
-خاصو الدم .. بانلي خسر دم بزااف
كنزة بلهفة:انا نعطيه .. راني بنت عمو .. نقدر ننفعو
الطبيب:ماعرفتش دابا انا هنا ماعنديش الأجهزة الكافية غي عيادة ماشي كلينيك
كنزة بتسائل:ناخذو لشي كلينيك دابا؟ .. ش شوف شوفلي مع شي صاحبك طبيب يوجدلي الإمكانيات .. حنا عائلة لاباس عليها و نعطييييكم بزوجكم عشرة دالمليون أش قلتي
الطبيب صغر فيها عينيه:غاتجيني غي خمسة دالمليون انا .. خصوصا داك صاحبي حتى هو يبغي نصيبو و داكشي اللي غايجيبو غالي .. ماجاتكش قليلة؟؟
كنزة:10 للواحد ؟
الطبيب تبسم بانتصار:واخا غاندويلك مع واحد الصديق (دار عاطيها بالظهر و جبد تليفون من جيبو داير اتصال .. خلا كنزة شدات فيد تيمور .. كاتشوف فيه بخوف على صحتو و تمتمات بنبرة مرعودة)
-كون بخير عفاك أتيمور .. على قبل قلب قلبببك، لا كنتي كاتبغيني بصح غاتبقى بخير
تيمور حل عينيه بشووي و عاود سدهم راسو ماايل للجنب .. حطات يدها على كرشو هامسالو فوذنو بنبرة خفيييفة:ماكنتش باغا ندير فيك هادشي نتا السبب أتيموور .. نتا اللي ضغطتي على أعصابي و فكرتيني فحاجات كايخليوني نبغي نقتل راسي اللي بغيتك .. نتا سبب كولشي
جا عندها الطبيب مبتاسم:صافي دويت مع صاحبي .. غايجي لهنا و غايجيب معاه الأدوات اللازمة وحتى كميات الدم .. مانحتاجوش نمشيو حنا، بنتيلي مباغاش البوليس يعرفو بهادشي و لا مشا للكلينيك ضروري مايتعلمو البوليس و يتصرفو فهادشي
كنزة شافت فيه بهدووء بلا ماتدير ردة فعل و قلبات وجهها للجنب بلا ماتجاوبو
-فمكان آخر-
عذرا فوق فراشها كاتشوف فتليفونها و بالها مشغوول .. كاتفكر و تعاود .. فين يكونو وصلو! شنو يكون وقع، كانت عاارفة ديك الشوفة اللي دار فكنزة وراها إن .. كانت عاارفة غايحلفها فيها و يخرجها منها .. و حد مايقدر يعرف نظرات تيمور الشرييرة من غيرها هي، تنهدات بصووت عاالي مسمووع و حطات التليفون جنب الفراش متكية فبلاصتها و تفكر فين يكونو واصلين بنقااشهم .. أما فغرفة قريبة لغرفتها كاين مصعب اللي غادي جاي فبيتو مغدد .. منظر كيفاش جا و هزها قدامهم و بديك الطريقة كايدوور فذماغو ويفتل .. خايف لا يكون أذاها بداك السلاح اللي عندو .. صاااط بقوة و صوت عاالي و شاف جيهت الفراش فين نعسو الليلة الماضية جنب بعضهم .. مد يدو ليه گالس فوقو كايتحسسو و يتمتم بنبرة خاافتة متوعدة
-و دييني و إيماني مانخليك ليه مرة ثاانية ولو نعرف ندير كييفما طرااا لكلييير و سي گي مللي ختارت واحد آخر على داك المجنون .. و ديني و إيمااني يا كنزة نقتلك نتي وياااه
رجوووعا لكنزة و تيمور
الطبيب الثاني جا أخييرا كيفما خبرها داك اللول .. دخل عندهم بالعدة الطبية ديالو .. قناع الأوكسيجين .. سلوكة و صمام القلب .. وأكيااس دم ... إلخ
تقدم عند تيمور كايفحص فيه و كنزة مراقباهم، هو شاف فالجرحة و عاود صواناها ليه كثر .. و تضمداات من أول و جديد .. علقلو كيس دم من بعدما عرف زمرة دمو .. لصق فيه دوك السلووكة و الأجهزة و قناع الأوكسيجين و شاف فكنزة كايتمتم
-الجرحة مكانتش غارقة لحسن حضو و حتى الطريقة اللي دار بيها محسن العملية مزيانة و ماتعطلتوش بيه بزاف، حالتو حاليا مستقرة ولكن غانبقى معاه من هنا للصباح .. و نشوفو شنو يطرا
كنزة ومآتلو براسها و جلسات قريبة لتيمور كاتهزهز فرجليها و تشوف فيييه حااضياه .. عينيها على داك التخطييط دالقلب و حاسة براسها فوووسط العاافية، فعلا إحسااس لا تحسد علييه .. قلبهاا ضاارها و كاترعد .. الترعيدة ماحيداتش منها فخطرة ... عيونها كل شوية كايدمعو ماغمضااتش فخطرة ولا قدات ترمش على خاطرها .. كاتشوف فيه بتأنيب ضمير و اللقطة اللي طلقات فيها الرصااصة كاتلعنها ألف مرة فالدقييقة .. ديما متسرعة ديما دييييمااا يديييها سابقيينها، تنهداات بصوت عالي مميلة راسها بتعب .. رمشات بعينيها بشوووي النعاس كايغلبها حتى حلات عينيييها على صوت تصمييم القلب فعوض داك الطنييين المتقارب سمعات طييييييين وحددة طويييييلة .. و خط مستقييم ترسم فديك الشااشة .. وقفات وقفة وحدة مقربة عندوو بخوووف و عينييها مخرجييين فيه دمعوو كثثر .. و التقفقييفة زاادتلها .. حطااااات يدييها علىى يدييه و تمتمااااات بصووت عااااااليييي
-عااااونووونيييييي، تيموور لا لا ماشي داابا .. ماتمووتش عفااك لااا أتيموور لااااا ماديرهااش .. عفااااك ماتخلينييش نموت ألف مرةة فالدقييقة عفااااااااك أتيم .. ع ع عفاااك أحبيبي عفاااك ماتخلينييييش 😭
كنزةة بصوت عاالي كاتغووت خاايفة .. مثوثرة .. مخلوووعة .. قلبها باغي يسكت مع قلب تيمور:لا لا تيموور لا عفااك ماتمووووتش دابا .. عفاك لا تاااااايم هئ هئ😭😭 تيمووور، ماتخلينيييش .. ماتخلااش علياا ثااني .. ياك نتا كاتبغيني يااااك .. خاصك تبقى معاايا .. خاصك ماتخلاش عليااا اهئ، (علات راسها كاتغوت بأعلى صوت عندها) عاااونووونيي فييينكمممم .. أجيييو لهنااااا .. لاماااات غااانقتلكووووم بيييييديييي .. بالرررب حتى نقتلكووومممممم (غووووتااات بأعلى صوووت عندها .. عروق عنقها برزوو كايبااانووولها خووووضرررر و عييينيييها حمااارو) أدووووك القحاااااب أجييييو لهناااا عتقوووووه
دخلو دوك الزوج اللي عالجو تيمور بسرعة على صوتها و غواتها .. مفعفعين من عز نومتهم جاب داك خينا اللي جا اللخر داك الجهاز ديال الصعقات دالقلب كايقاادو، صايبوو كايعلي للڤوولط دالصعقة و حطو على قلب تييييمور حتى تهز جسدو و تحط
كنزة قلبها حسااتو حبس فديك اللحضة اللي طلع صدر تيموور و نزللل، ولكن رغم ديك الصعقة العااليةة و الكبييرة إلا أنه ماستاجببلوووش، شااف الدكتور فصاحبو و شاف فكنزة اللي خرجاات فيهم عينييها كاتشههق .. مقاداش تتخايل أن تيمور يموت، مداخلالهااش لذمااغها .. عينييها تبعوو الطبيب اللي عاود لتيمور صعععقة ثاااانية و ثااالثة و تيمور مرخيي فكل خطرة جسمو كايتهز و يتحط .. قلبو ساااكت و مااا من إستجابة منووو .. شاف فكنزة مرة ثانية كايحرك راسو بالنفي
-والو مابغا..
قاطعااتو كنزة بصوت عاالي مخرجة عيننييها:عاااااود .. عااااودددلوووو بغييييتو يعيييييييش .. تيمووور مغاايمووتش .. لا لااا لاااااا .. لاماات هو انا غانتبعوو .. لااا عفاك ماتقوليش مغايعيييشش😭😭😭 (قرباات عندهم كاتبكي و تشهق و تمسح عينييها بقسوة بكمااامها ماكاتصورش الدنيا بلا بيه كي غاتكون .. شكون غاتكره ثاني؟ شكون غاتستافز؟ شكون غاتوحش فالسر؟ شكووونن؟؟؟ .. قلبها كايتقطع، كاتشوف فيه بعينييها المدمعين، قالت بنبرة كاتحرق فالقلب) عفااك عاودلو عفااااك .. و حياة أغلى ما عندك عاودلو
الطبيب تنهد كايشوف فصاحبو اللي ومألو براسو عزات عليهم المسكينة .. مع حالتها و غواتها و بكاها .. عاود قاد داك جهاز الصعقاااات و بڤوولط عااالي و الطبيب اللول شد واحد الشوكة دقهاالو فالسيروم .. حسب الطبيب الثاني لحد ثلاثة و حطلووو الجهااز عند قلبو .. مع الصعقة مع تهز و تحط .. مع فثااانيتها رجعو دقات القللب كايضربو ببطئ و هدوء .. النبض رجعلو و قناع الأوكسيجين تضبب بأنفااسو .. كنزة فشلاات أول ماسمعات داك الصوت المنتضم لدقات القلب طاحت فالأرض كاتمسح دموعها و تبكي بحرقة، علات فيه عينيها ثاني ذبلاانييين و نفسها مهدوود .. بانلها على حاالتو نااعس .. ناضت وقفات كاتشووف فييه بنظرة حاادة و تمتماات بصووت عاالي
-الله ياااخذ فييييك الححق و نتاااا عااايشش معذبني و نتا قريب تمووت معذبنييي .. علااش أنا أتيمووور علااش، علاش كانبغيييك هكا واخا شنو درتيي فيااا .. الله يلعننك ألحمااار .. الكلللب، الحقييييير .. واخا كانبغيييك إلا أنني كانكرهك كثثثثر، هادشي اللي كانحسو فهاد القلب .. غي أحااسيس محظوورة و عمرهم يعااودووو يتحرروو .. عمرهمممم (مشات كاتنهج خااارجة لبراا مخلياا تيمور على حاالتو و الأطباء كايشوفو فبعضهم مستغربين مافهمو فيها والو .. متناقضة غي بوحدها .. أو يمكن هي كاتعذب غي بوحدها! حد محاس بالنار اللي مستوطنة صدرها .. نااااااار و عاااافية شااااعلة شااااخدة .. مجهههدة، خلاوه بوحدو و خرجو فحالهم .. كنزة خرجات لبرات العيادة .. وقفات فالزنقة كاتشووف فأول خيوط الصباح كايبانو، و يتسللو للسماء تنهدااات بصوووت مسموووع ضااامة راسها كثر وتمتمات فنفسها)
-ليلة أخرى فالجحيم بسبابك .. أصلا حياتي ولات جحيم بسباابك نتا بوحدك و شكون من غيرك، تيموور الحقييير الله يعطيك العذااااب و لكن و نتا عايش .. بغيتك تعيش و تتعذب فحالي و كثر مني حيت لا متي نتا غاترتاح و أنا اللي غايزيد عذابي كثر و كثر
تنهدات راجعة لداخل .. مشات للغرفة فين كاين تيمور قربات عندو بشووية كاتدور عينيها على ملامحو التعبانين كي ناعس بلا حول ولا قوة .. هذا هو داك القاسي اللي تخلى عليها زمان بطريقة فطرات قلبها و تزوج من بنت خالتوو، خلاها كاتعاني بوحدها وحييدة مع جنين فأول أيامو .. حطات يدها على يدو كاتدوز غي قرون صباعها ببطئ و همساتلو بنبرة خافتة
-الموت هو اللي مغاتشوفوش، باقي عندي ليك صررف كثيير خاصو يرجع أتيمور .. نتا مغاتموتش دابا بااقي وقتك
غززات سنانها كاتمنع رااسها من الانصيااع لأفكاارها اللي كايمليو عليها تعنقوو بقوووة و تملي شوق سنيين منو، واخا كرهاتو طوول سنييين إلا أنها توحشاتو بقدر كرهها ليه .. ولكن فحالتها هي مامخدمااش حاليا قلبها و أحاسيسها و مشاعيرها، مخدمة غي عقلها اللي كايقولها كرهيييه و زيدييي كرهيييه طول مانتي كاتشوفي فيييه و تتفكريي گاااع دوك الذكرياات الخاايبة معااه غي كرهيييه
⏳بعد مرور وقت طوييييل⏳
حلات عينيها على وسعهم على صووت رصااصة رن فوذنيييها .. حطات يدها علىى كرشها كاتشهق و تدور فعينييها حواليها، شافت فالفراش مباشرة فتيمور اللي مقابل مع الكرسي اللي گالسة فيه .. بانلها حال عينه بتعب .. كايشوف فيها بنظرات تعباانة و يرمش ببطئ .. خسرات سيفتها أول مبانلها فايق و تمتمات باستهزاء
-هه ضروري ماتفيق و نشوف فدوك العينين😒
تيمور بنبرة خفييفة و صوت باااح:ماتوحشتينيش زعما! ماخفتيش عليا؟
كنزة وقفات مقربة عندو مخنزرة فيه .. حطات يدها على يدو اللي كانت فوق كرشو و زيرااتلو عليها، تيمور تبسم ابتسامة خفييفة حاس بالراحة من المسكة ديدها تبسم ابتسامة واااسعة و تنهد تنهييدة عميييقة .. جرات يدها عندها أول ما استوعبات أنها حطات يدها على يدو .. فحالا كاتقولو ماتخلينييش أتيمور باقا محتاجاك .. أه خفت عليك و توحشتك .. أه كنت غانموت وانا كانشوفك كاتموت قدامي .. تحنحنات كاتلولب فعينيها و تمتمات بصوت خافت:عمرني توحشتك فحياتييي كاااملة و عمرني نخاف عليك حيت نتا بالنسبة ليا غي كذاب مايستاهلش خوفي
تيمور تبسم باستهزاء وغمض عينييه بتعب كايتمتم:أنا طول هاد الربع سنين كنت موحشك .. عمرني نسيتك عمرني ننساك و عمر قلبي يبغي وحدة غيرك
كنزة تحنات عندو براسها كاتدوز يديها علىى وجهو و تشوف فعينيه بنظرة عامرة شوق .. كاتصرف بدون إرادتها و فنفس الوقت دايرة راسها باغا تستافزو .. أردفت ببرود
-هادي كذبة قدييمة .. دازت عليا فواااحد المرة ولكن دابا لا هه .. هادي اللي قدامك كنزة اللي كاتكره تيمور ماشي كنزة اللي كاتبغيه .. هادي كنزة اللي عارفة حقيقتك و خبثك و مكرك و الخداع اللي فيك و فقلبك
تيمور بصوت خافت همسلها:مغانتهنى حتى تولي ديك كنزة اللي كاتبغيني
كنزة وسعاات ابتسامتها ورجعات براسها اللور كاتقاد شعرها و تمتم بعدم اهتمام:لا عندك عشرين مليون عطيهالي دابا
تيمور عقد فيها حواجبو:شناهوا؟؟
كنزة علات كتوفها:باش نعتقك خاصني نخلص 20 مليون .. و ماتسنااش مني نخلصها من جيبي .. دبر راسك معاهم فلوسي مشايطينش
تيمور تنهد بصووت مسموع حط يدو على سروالو اللي باقي لابسو كايقلب .. جبد دفتر الشيكات اللي مرافقو ديما فجيبو .. مدولها كامل و تمتم بنبرة خافتة:هاكي عطيلهم شحال مابغيتي .. ويلاه نمشيو بحالنا
كنزة تبدلو ملامحها:ولكن نتا باقي مريض (شافتو تبسم .. قبل مايدوي قاطعاتو) ههه ماتفرحش بزاف .. غي مباغا حد يعرفني ضربتك هاد الضربة
تيمور حافظ على ابتسامتو و ناض گالس بالزز شاد على صدرو كايكح بتعب .. تزييير و توجع من النوضة اللي دار ولكن حاول يقاوم، تمتم بصوت خافت:حد مغايعرف غا تهناي .. فين قاميجتي؟؟
كنزة ببرود كاتشير بدفتر الشيكات فيديها:تقطعات .. فالطريق شري شي لعبة (خرجات من قدامو خلاتو متبعها بعينيه و مبسم غا بعينييه بهدوووء .. غا غبرات همس بصوت خافت لراسو)
-مغانتهنى .. حتى تعوضيني على ولدي اللي قتلتيه (عض على فمو بقوة و تنهد بعمق كايشوف فصدرو المضمد و يتمتم) صدقات محلفة عليا نييت ههههه .. قلب قلبي الزوينة حتىى أنا محلف علييك (تفكر تقربها من مصعب قداامو عينييه تضلمو مزييير على قبضة يدووو بقوووة و زفررر زفيييير سخوووووون كايتسناها تدخل عندو ثاني) محلف عليييك بزااااف
فمكان جنب الطريق، موقفة سيارة مرسيدس آخر موديل جنب محل من محلات الملابس الرجالية .. تيمور متكي على الكرسي لابس غا سرواال حاط يدو على صدرو اللي مدور بضمادة بيضاء اللون .. بعدما عقمولو الجرحة و عطاوه مسكنات للألم باش يستحمل شوية الطريق الطويلة للڤيلا، جالس جنب مقعد السائق و كايتسنا فكنزة اللي دخلات من مدة ماطوييلاش، خرجات بعد مدة قصيرة بقفيفة فيدها .. كاتمشى مشية الغزال الخاصة بيها بنظراتها الواثقة .. خلات تيمور يتبعها بعينيه بغيرة من الفستان اللي لابساه، جات فيه مثيرة لحد الجنون .. مخلياه باغي ينوض يتگعد و يغطي مفاتنها كااااملين مايخليش جنس آدم يشوفلو فيها ، علاش هي زوينة هكاك علاااش؟ علاش كاطيرلو عقلو و قلبو من مجرد نظرة خاطفة فيها! .. حالتها ديجا قاداتها قبل مايخرجو من ديك العيادة .. بنفس كسوتهها المنمرة باقا و نظراتها الواثقة .. حذائها العالي و شعرها المطلوق على طول ضهرها .. وصلات للطموبيل فتحاتها و دخلات لمقعد السائق .. شافت فتيمور اللي كان حاضيها هااايم فيها و سااااهي .. مداتلو القفيفة معلية حاجبها
-هاك .. شريتلك شوميز زوينةة على ذوقي
تيمور شدها من عندها بلا مايدوي، جبدها كايشوف القاميجة اللي شراتلو .. كانت ثوبها زوين فاللون الأسود .. .. تجي مريحة فاللبسة .. تبسم بهدووء و بغا يلبسها ولكن توعت فكرشو ماقدرش يمد يدو و يعلييها .. عض على شفتو التحتية مكمشها بيديه و شاف للجنب مباغيش يشوف فيها و يبينلها انه زعما محتاج مساعدة
كنزة بقات حاضياه بعينيها شافتو وحل فاللباس ديالها و فحالا دار بالناقص، نتراتلو القاميجة من يديه و نفضاتها بالشوية مخنزرة بعينيها و معلية خنافرها للسما .. حتى هي مراضياش تبينلو انه بقا فيها
تيمور تبسم ابتسامة مبايناش غا بعويناتو الصغيورين .. و مدلها يدو .. هي تعلات شوية فالكرسي .. لبساتلوو الكمام بزووج كاتجبد معااه و بدات تقاادهاالو مع جسمو .. رجعات اللور كاتقاد الصدفات و بدات تسدهوملو وحدة بالوحدة مركزة فخدمتها بلاا ماتشوف فيه و لا تعلي فيه حتى نص عين ..
تيمور تنهد تنهيدة عمييقة حاضيها بملامحها و ابتسامة خفيييفة عند ثغرو غادي و كايقرب عندها بشوووية عينيه عند عينيها رموشها .. حنيكاتها .. شفايفها .. عض على شفتو بقوووة ممركز عينيه عند دوك الشفايف المكتنزتين المنفوختين، مع سلاتلو سدان الصدفات علات عينييها فيه مع علاتهم مع جبداتهم فييه من القرب اللي كان مقربلها بوجهو .. حسات بيديه تحطو عند خصرها بتملك و راسو مميل قريب لراسها عينيه فعينييها بنظرة حنووونة .. أنفااسهم تخاالطو و فمو قريييب لفمها لدرجة كبيييرة، إحسااس بالدفئ حساتوو من هاد القرب اللي بيناتهم .. قلبها ولا كايضرب ببطئ .. دقة بدقة .. خفقة بخفقة، نفس بنفس .. العينين مقابلين و الأنفااس سخاان كايبورشووو .. ذبلات عينييها فيه حتى هي كاتشوفو كايقرب عندها بشوووية .. وقف عند شفايفها الحميمريين كايشوف فيييهم برغبة و إشتيااااق كبااار .. ميل راسو معاها كثر كايقربلها طلع يد وحدة من خصرها على طووووول ضهرها .. لمسة بورشاتها و خلات جسمها يترعد و ينتفض بطريييقة غرييييبة .. حط يديه ورا عنقها كايقربهالو كثر و غمض عينيه بهياااام، يلاه غايحط فمو على فمها حتى حسها بعدات كاترجع اللور و تحنحن .. شافت قبالتها مخنزرة فالطريق و بلا ماتنطقق صطماات على الڤيييتااس بسرعة مديمااارية كاتفكر ديك اللقطة اللي كان قريييبلها .. مخاصهااش تضعف ليه .. لا عمرها غاتضعف مزال لقربو منها .. مغاتستسلمش ليه أبدا لا هي ولا أحاسيسها غايستسلمو
👑في مكان آخر👑
سارة خارجة من بيتها بعدما دوزات الصباح كاامل بوحدها فبيتها .. شعرها شوية مشنتف ولكن هو كايبقالها بوكلي جاها زوين مع دوك العوينات الزريرقيين و الكسيوة دالنعاس اللي باقا لابساها، ماجا عندها حد يبدلها ولا يصبح عليها حتى مصعب مشوش علىى بلاصة كنزة و تيمور ماطلش عليها، تمشات معبسة جيهت الدروج باغا تنزل لتحت .. بانتلها واحد اللعيبة طايحة فواحد الجنب .. نزلات باش تهزها و هي توقف وراها المسماة بنور مبتاسمة بشر كاتقرب عندها .. تمتمات بنبرة خبييثة
-مكانحملش البراهش أنا أصلا (قربات جيهتها بشووية و الصغيرة قريبة للدروج .. يلاه وقفات كاتلعب بديك اللعيبة اللي لقاتها فاللرض و هي تحس براسها مدفوووعة من ضهرررها بقوووة حتى غوتااات بنبرة عااالية)
-ماااااااااميييييييي
سارةة حساات براسها تدفعاات بقووة غوووتات بصوووت عاااالي بكلمة "مااامي" .. كانت غاطيييح تتكركب فدوك الدريحات لولا يد لقفاااتها بقوة و جرااتها عندها
عذرا تبسماتلها كاتدوز يدها على شعرها:حبيبتي الصغيورة .. عفاك ماتشكيش بيها هي حمقة شوية .. و خااايبة كانت غي كاتلعب معاك و صافي
سارة خنزرات فنور:غانكولها لپاااپيييي هووو اللي غايضلبك (خلاتهم غادة كاتجري و نور خرجات عينيها فختها)
-واش من نيييتك نتيي .. علاش ماخليتينييش نقتل مهاا هاديكك راها بنت عدوتككك
عذرا علاات يدها حتى علاتها و نزلات عليييها بيدها حتى داارلها وجهها للجنببب:الحماااارة لووخرى مغااديرييش عقللللك .. باغا تقتلي بنت صغييرة ماعندها ذنب لا وماشي غي هاااكا .. بنت كنزززة، وااش باغاا تييمووور يقتلللناا أااا؟؟ مافخباركش الڤيييلا عاااااامرة كاميييرااات .. كانشك واش هاد التصررف شافوو و نتييي خداامة بلا عقلل أبنت الكلللبة .. كاتقلبي على موووتك، تيموور مامعااهش اللعب .. هو ولد خاالتك أه وللللكن توصلييلو لكنزة رااه يوليي وحششش معاااك
نوور دفعااتها مخنزرة غادة جيهت بييتها كاتدوي بصوت شبه عاالي:نتييي ماالك وليتي هاكاا بلا شخصصصية .. ماالك خوواافة و هضرة زووج تيموور يدييرلي و يفعلي .. مالو كايقطع الريوووس ولا شنووو، تيموور راه بناادم كييفك كيييفو و ماعندووو مااايدير من اللخر .. مغايقتلش بنادم .. جهدو يملللخك عصااا
عذرا غدداتها ختها كي كادوي ببرود مستاهنة بيه و بجبروتو شدااتها من شعررها كاتنتفها و تطررشها .. دخلااتها لبييتها و هي كاتعطيي فيها مغددة:هاااا غايملخخك عصااا .. أناااا اللي غانملخك عصاا يالقحبة أما هو غايعطب دينمك من شي قنت و تووولييييي بهلوولة .. البنت صغيييرة أش ذنبها ألخرىىى واش معارفااش نتي معاامننن أاااا معارفااااش؟؟؟
نوور ضربات عذرااا حتى هييي و عذرا كاتضرب و نور تضررب حتى ولاو بزوووج مجرتلات و هادي تضرب فهاادي حتىىى تهلكووو و چلسو كايكمدو فحناكهم اللي حمارووو و شعرهم اللي تشعكك
نور بعصبية كاتنهج:تفو على كماارة .. جايا نعاونك و نتي تكولختتي
عذرا شدات علىى صدرها كاتنفس بقوة:اوووف تفوو على حماارة مللي كان العقل كايتفرق نتي فين كنتي ألمكلخةةة
نور:بقرةةة
عذرا:حيوانةةة
قلبو وجااههم على بعضياتهم كل وحدة كاتشوف فجنب و تمتمو بعصبية دقة وحدة
-تفووووو
💡لتحت💡
شيماء و خليل مجمعيين فواحد الگليسة فالجردة
شيماء:تعطلو .. شنو يكون وقع .. انا ذماغي مشوش عليهم بزاف
خليل بنرفزة:غي يجي نتفاهم مع موو .. ختي راها مابقاتش درااسها دابااا .. هي مزوجة و هو مزوج التصرف اللي دار راه يتحاسب عليه، بالزز باش غطيت غيابهم بزوج على الواليدة و الواليد
شيماء تنهدات:پفففففف تخايل يتصالحووو (شافت فيه بانلها ضرب فيها تخنزييرة قفزاتها) اوووف غا دويت و صافي .. بعدا بنتيلي تصالحتي مع ماماك و باباك
خليل ومألها براسو بالإيجاب:أه راه عاودولي شنو طرا وانا تفهمتهم خصوصا مع وضع الواليدة .. راها مريضة
شيماء باستفسار:باش؟؟
خليل:السرطان
شيماء جبدات فيه عويناتها:لااا .. أوووو مسكينةة، الله يشافيها ياربيي .. مبايناش فيها والله ماضنيتهاش تكون مريضة .. انشاء الله تتعافى عن قريب
خليل تنهد بحرقة:آاااميييين ياربي مصاااب (جا إشعار لتليفونو .. جبدو يطل عليه و علا حاجبو بهدووء)
خليل غمزها مبتاسم:معرفة ههههه ديجا تعاملنا مع بعضنا فواحد الپروجي
شيماء:هادي عارضة ياك؟؟ سميتها صونيا!! كنت شفت تصاورها فواحد المجلة و كانت ديجا ملكة جمال المغرب ياك هي؟؟
خليل ومألها براسو:داااكشي و مؤخرا جات للمغرب مع كانت على برا .. غاندير معاها پلان و نتعشاو أونسومبل
شيماء بابتسامة:اوووووه .. تديرها زوينة صرااحة .. عجباتني حتى أنا .. غزيولة
خليل تبسملها:ههههه نتي البنت اللي كانعرفها كاتعجبك
شيماء غمزاتو:باغيا نفرح بيك خلااص و نحضر عرسك ههههه
خليل تبسملها:اممممم هادي مكانضنهاش تصلاح للزواج .. هي مشهورة و عارضة أزياء و رااك عارفة حياتهم و مكايبغيوش الزواج و داك التخربيق و عاد الدراري انا باغي نتزوج ندير وليداتي و هوما مكايبغيوش يولدو
شيماء غمزاتو:هي تشوف العائلة تولي باغا تتناسب معانا ههه .. زايدووون نتا بطرقك الخاصة تخليها معاك و ماتبقاش فديك الخدمة .. خاصك غي تعرف تتصرف معاها .. أهم حاجة تكون عاجباك و مقتانع بيها
خليل ومئلها براسو بالايجاب:دااكشي اللي كاين.. (سمعو صوت الرواايد دشي طموبيل تكحطو فاللرض .. مع دارو مع بانتلهم كنزة خرجات من مقعد السائق و مشات داخلة بلا ماتزيد تشوف فتيمور .. اللي بقا مدة قصييرة كايسترجع أنفاسو .. شاد على صدرو عاد حل الباب و خرج كايحاول يتمشى طبيعي و مايبينش أنه كايتألم .. خصووصا مع المسكن مشا مفعوولو و الجرحة بدات كاتعطييه الحريق لا تحرك بزاف)
خلييل غي شاافو لاح داك التليفووون، وقف متاجه عندو مخننزر غادي جيييهتو كااااايجري خلا شيماء غي مبرققة عينيها فيه .. مع وقف قباالتو مع عطااااه بوووكس لوجهههو حتى تراااجع تيمور خطواات اللور و شد فكو اللي كلا الدققق،
رجعع شاف فيه تيمووور مخنزررر الأعصااب تجمعوولو عند رااسو عينييه حمااارو فييييه .. ماحس براسو غا تلاح عليه حتى هو ببوكس للعيين نيشااان .. خللييل خرج فييه عييينييه و ضربو حتىى هوو، بقاو ضربة لياا ضربة ليييك و شيمااء بيناتهم كاتغووت و تفرق فيهم فنفس الوقت خااايفةةةة تجي فيها شي دقة .. حتى جااو ليگاارد و بداو يجرو فيهم كاايفكو و يفاارقو و تييمور صاااعر بالمعقووول .. يقدر يتغااضى على كووولشي إلا يقوولو على كنزة أنها دوااحد آخر فوجوووودوووووو هووو .. تجمعاات الجووقة بيناتهم .. كنزة رجعات خرجات كاتجري هي و يامنة و دينا و فخر و عبيد و حتى الحاج عبد النااصر .. أما من الفوق كايطلو نور و عذرا من صوت الغوات و حتى مصعب كذلك معاه سارة .. مصعب غي شافهم مشاا نازل عندهم مخلي ساارة تابعااه كاتبكييي و تهرنن من الصباح و هي كاتشكي عليه فعلة نور و هو مامدايهااش فيها ماسمعلها و لا حس بيها بالو غي مع كنزةةة و تيمور .. فين يكونو و كي دوزو الليلة .. خايف لا يكونو يتصالحو .. وصلوو لتتتحت و هو غاديي جييهت الجردة و هي تاابعااه كااتجري
مصعب مكايتصنطلهاش كايقلب على وجه كنزة اللي وقفات بين خليل و تيمور مفرقاهم و غوتاات بعصبية
-برااااكة واش مكاتقاضاااووش
تيمور كاينهج كايشووف فييها وجهو مخسر و الكدمات حمرين فحنكو و جنب فمو و عينو حتى هي .. حس بالجرحة دالرصاصة عطاتو الحرييق من المجهود الكبييير اللي دارو غمض عينو و حلللها بقووة حاس بالدوووخة .. حط يدو على بلاصة صدرو تحسسو بيدو بانلوووو فاازگ .. زفرر بقوة مدوز يدو على نيفو اللي فيه شوية دالدم و نطق بعصبية
-قولي لخوك يدخل سوق مخووو و مايقولش هضرةةة تخليني نبغي نقطعلو داك اللسااان
خليل بانفعاال واحد العين ولاتلو زررقة:و بااقييي كايدويييي الحمااار لاااخرر .. انا غاننن (يلاه غايتلاح عليه ثااانييي .. سمعو صوووت البكاا العااليييي د ساارة اللي غي سمعاتها كنزة داارت مع الدورة مع بانلها قباالت عينييها مباااااشرة مصعبب دفعها و هي مع قريبالو .. غي دفعها طاااحت على وجهها بقوة تضربات مع كرسيوو و تزدحاات مع اللرض حتى تقطع صووتها معاودش خررج .. غا شافت فعلتو نقزاات عندهم كاتجريي كاتغوت بصوت عالي)
-سااارة بنتييي .. ساااااااارةةة
وصلات كنزة عند ساارة قلبها مخطووف و گااع العائلة ثاني قربو عندها مشوشيين .. أولهم تيمور اللي واخا الوجع اللي حسو إلا أنه كايحس بسارة فحالا راها بنتو بصح، حنا عندها مع كنزة اللي غي دورااتها عندها شهقااات مصدوومة من كمية الدم اللي كاتسييل من فمها .. شافت فتيمور بعينيها خارجين برعب ذاتها ولات كاترجف .. رجعات شافت فمصعب صدرها كايطلع و ينزل بخووف و غوووتاااات بصوووووت عاااليييي حاااسة بقلبببها غايووووقففففففف لدرررجةةة عرررق برز لووونوووو الأخضضضضر فعنقهاااا و تنفففخ
يامنة قربات عندها بخوف:مالها كيي طراالهاا .. شنو وقع .. الله يا ربي الله على بنيتي الصغيورة
كنزة خنزرات فمصعب كاتمتم بعصبية:قتلتيييهاا بنتييي نتتاا قتلتيييها بنتيييي لا لا عفاااك لااا مباغاش نعييش هااد الإحسااس ثاانييي .. ت تيمووور (شداات فييد تيموور كاتررعد بالخووف) ب بنتييي .. ساارةةةة هئ هئ م ماااتت ماااتت 😭😭😭
تيمور ضمها من كتفها بقوةة باغي يهدنها و يدو الثانية تحسس بيها نبض سارة:ششششش كنزة راها عاايشة .. سارة عاايشة غي تهدني عفااك تهدنيي شششششش
كنزة شافت فييه شادة علىى قلبها:ع عاايشة ياااك عااايشةة مكاتكذبش عليا اهئ (شافت فمصعب بنظرة كااارهة بانلها باقي مصدووم من فعلتو هو من تشوييشو على كنزة ماحسش براسو شنو دار حتتى دففعها .. وقفااات بالززربة باغا تهز سارة .. تيمور وقفها و شاف فخلييل)
-هزها نتاا .. ختك راها تقدر تطيح بيهااا
خليل هزها بالزربة و كنزة كاتنطر من تيموور بااغا تهز بنتها:طلااق منيييي بنتييييي بنتتييي لا لاا عنداك تموت خااصني نبقى معاااها .. ا اهئ ت تيمووور طلاااق منييييي (دففعاااتو من صدرو بقوة كاتنتر منوو حتى عگرااتو .. وجهوو رجععع حمرررر ولكن واخا هكااك شدها باغيها تتهدن لا تجيها شي كرييز و تحمااقلو .. و هي غي كاتضرب و تنتر و تغووت) .. ع علااش الدم خاارج من فممهاا أششنو بييييها .. (شافت فمصعب بنظرة شراانية)
شافت فمصعب بنظرة شراانية:.. نتااا قتاال والله و تطراالها شي حااجة حتى نقتلك بيدييي هااادوو .. والله حتتى نقتلااااااك (تلااحت علييييه كاتطررش فيييه للوجه هو فعفعاااتو من صدمتو الكبيييرة بداك الطررش، وگضااتو حتى شاف فيها بعينين دامعين كايتمتم بفمو)
-أ أ ان
كنزة كاتجرو من حواايجو و تديه و تجيبو و تغووت:والله و تكووون فحااالة خطيييرة .. أقسم بالله حتى نتبعك لييييييها .. هادييييك كبدتييييييي .. كبدتيييييي
حساات براسها تجراات من طرف تيموور غادي بيها كايجرييي جيهت طمووبييلتو و هي غادة معااه و كاتغوت على مصعب مخرجة فيه عينيها ..
رغم أنه حاااس بوووجععع كبيير إلا أن خوفو على سارة كااان أكبببر .. ركبو فالسيارة بزوج هو فمكان السائق، صااگ تابع طموبيلت خليل اللي سبقااتهم من زمااان و بقية العائلة بقاو كايتشاوفو مصدومين .. كولشي طرا دقة وحدة، كانو فتيمور و خليل صدقو فسارة الصغيييورة ذماغهم بغا يتصوطا
نور نغزات ختها فالبالكون كاضحك:ههههه ماحطيتش فيها يديا بعدا كانت مكتابالها هههه
عذرا خنزرات فييها معصبة مغددة و داارت خارجة من البييت نازلة لتحت بالها بقا مشوش مع سارة
وصلو لأقررب كلينييك قرييب للڤيييلا مع جوج سيارات تابعييينهم دالحراااس، تييمور خرج شاد على صدرو و كيكح بقووة .. صدرو تخرشش مسكيين .. الدووخة و الضباابة غشاتلو على عينيه كايتمشى بالزز و يلوح الخطاوي متبعثريين .. كنزة خرجات سبقاتو لداخل مادااتهااش فييه .. بالها مشغوول غي على سارة مباغاش سيناريو ليها قدييييم تعاود تعييشووو .. ماابغااتش تخسر بنتهاا .. منظرها عاامرة دمم وهي مكاتحركش فاقدة وعيها و باقا صغييورةةة قد هاكاك ترسم فمخيلتها خلااها تتصرف بدون وعي منها، تيمور تكا على واحد الحيييط جنبووو عرقاااان و حماااار .. حاس بنبضاااتو كاتضعاااف و الجرح غاديي و يزيييد فالنزييف، ولكن واخا هكاااك كمل طرييقو كاينهج .. باغي يطمن حتى هو على الصغيرة البرييئة .. كنزة كاتجري فالكوولواار اللي دلاتها ليه واحد الممرضة .. مشات كاتجري عند خليل اللي خارج غرفة العمليات وجهو مزررق و حاالتو حالة حتى هو بالمصارعة الحرة اللي دارها مع تيمووور
تيمور تكا على واحد الحيط جنبووو عرقاااان و حماااار تزنگ، حاس بنبضاااتو كاتضعاااف و الجرح غاديي و يزيييد فالنزييف، ولكن واخا هكاااك كمل طرييقو كاينهج .. باغي يطمن حتى هو على الصغيرة البرييئة .. كنزة كاتجري فالكوولواار اللي دلاتها ليه واحد الممرضة .. مشات كاتجري عند خليل اللي خارج غرفة العمليات وجهو مزررق و حاالتو حالة حتى هو بالمصارعة الحرة اللي دارها مع تيمووور ..شداتلو فيدو كاتبكيي و تشوف جيهت باب غرفة العمليات
كنزة باستفسار:س سارة هنااا؟؟؟
خلييل ومألها براسو:أه هناا
كنزةة قلبها كايضرب بسرررعة:غبرررت نص نهااار أخلييل .. غيي نص نهاار و مللي جييييت بنتيي على حاالة لقيتها فيها .. عرفتي لامااتت بنتييي غانتبعهها والله حتى نتبعها اهئ .. مانتخايلش حياتي بلا بيييها .. لا لاا لااا مانقدررش هئ هىئ (طاحت فاللرض حاسة بركابيها فشلو بيييها شداات على فممها و منظر سارة معااود فذمااغها مترسسخ .. ولات كاااترررعدد بالخووف .. حسات بيدييين خلييل حاوطووها كايهدنها .. جلس جنبها فالأرضية و ضمها لصدرو وهي كاتشههق و تزيير علييه .. تهداات و عيااات و حيااتها بلا بنتها مكاتخاايلهااش)
تيمورر باقي جاي لعندهم .. يتمشى جوج خطوات و يرتااح .. جرررحوو حاس بالعاافية شااعلة فيييه و قلبو وااكلو على سااارة .. دقااائق من التقلااب بانولو كنزة و خليل .. تمشى جيهتهم ببطئ كاينهج و يطلع النفس بالزز .. غي وصل قدامهم طاااح على ركابيه گالس كايزفر بقووة قبالت كنزة اللي حتى هي جالسة فالأرض
-اففففففف .. كننننزة ك كي بقاات س سااارة
خليل شاف فيه باستغراب .. بانلو حالتو حالة و عرقاان عرقان عرقان .. حمررر و عينيييه كايتسدوو مررخيي .. على بويييينت غايفقد وعيو، شاف جيهت كنزة اللي علات فيه عينيها .. بانتلها حالتوو .. رمشات فيه عويناتها بعدم استييعاب ونقزاات عليه بالزربة شدااتلو على جرحوو بلهفة وخوف .. غي شافت فيدها لقاتها عاامرة دم .. شهقااات و شافت فخلييل
-ك ك ك كاينزززف حتى هو غايموت ثاني .. لا ماتخلاوش عليا بزووجكم تيمووور عفااك حل عينييك فيااا (شدات وجهو بين يدييها كاطبطب على حنوكو .. كان سخووون فاااير و مرخيييي) تيموور .. تااايم .. فين الأطبااء واش كلينييك قد الخلاا و مافيييه حتى شي طبييييب .. خ خليييل عيط عيط لشي حد يعاااونااااا (عنقات تيمور لحضنها و زيرات عليه كاتبكي بحرقة و ترجف .. دخلات فحالة هستيرية من الخوووف)
خليل مفافي .. قال موجه كلامو لتيمور:نتا مااللكك .. أششش طاااريلك
تيمور متكي على كتف كنزة .. كاينهج شاد على جرحو و نطق بوهنن و صوت ضعييف:خ ختك المحترمة ضرباتني بالسلااح .. بالرصااااااااص هه
خليل شاف فكنزة بصدمة و رجع شاف فتيمور يلاه بغا ينطق خرج الطبيب من غرفة العمليات .. كنزة طلقات من تيمور و وقفات مقربة عندو .. الدكتور شاف فيها فكنزة و رجع شاف فتيمور باستغراب لحالتو .. هو اللي تكا على الحيط حاط عليه راسو كايطلع النفس بالزز و يكح بصعوووبة دور عينيه لخليل كايتمتم باستغراب
-مال ه..
كنزة قاطعاتو ملهووفة كاتدوي بالزربة قريبة تهبل من خوفها:كي بقاات بنتيي؟؟ عايشة ياك .. داك الدم علاش كان كايسيل من فمها و ووووو هداك خ خااصو عناية غي البارح تضرب برصاصة و حالتو خطيرةةة بزاااف غايموووت .. جااوبنيي عفااك مالك سااكت
أحاسيس محظورة الجزء الرابع
محتوى القصة
التنقل بين الأجزاء