مصعب تأفأف بصوت مسموع و شاف فكتلة الناار الشاعلة:كون ماسمعناش صوت القنبلة و زربنا هربنا كنا غانكونو كانتشواو لداخل
كنزة كاتبكي بضعف .. حاليا هي فأضعف مواقف حياتها .. ثالث أضعف موقف .. بعدما تخلى عليها تيمور .. و فاش تضرب برصاصة فراسو بسبابها و دابا بنتها اللي معارفالهاش بلاصة .. تكورات على بعضها فالأرض كاتبكي بصووت عاالي و تشههق .. مصعب وقف بالزز رجلو عطاتو الحرييق .. و العافية لهييبها شدلو فيها شوية .. تنهد بصوت مسمووع وحنا عندها هزها بين يدييه بلا مايدوي .. خلاها كاتبكي و تشهق وسط حضنو و هو غادي بيها جيهت الطموبيل .. حطها فوسطها و جبد تليفونو صونا للبومبية باش يجيو يطفيو العافية لا تشد فالشجر و يندلع الحريق كثر و كثر و ركب فالطموبيل جنبها متكي على الڤولون .. تنهد بصووت مسمووع و شاف فيها كايهمس
-غانلقاوها أكنزة .. غانلقاوها
كنزة بنبرة خايفة:لا مالقيتهاش غاندير شي موصيبة فراسيي أمصعب .. إلا سارة و تيمور .. مانقدرش نستحمل تطرالهم شي حاجة
مصعب شاف فيها بسرعة مخنزر .. كادوي معاه ببرود هاكا و كاتقولو راها ماتستاحملش تيمور تطرالو شي حاجة .. شاف قبالتو بعصبية و بلا مايدوي .. ديمااارااا بسرررعة غاااادييي جيهت المزرعة .. و عيينييه ولاو كايشوفو غي الكحولة و الضبابة
وصلو للمزرعة .. نزلات كنزة حالتها حاالة .. مشاو داخلين لداخل .. مصعب تفرق مع كنزة اللي مشات لبيت سارة و هو مشا مبااشرة لبيتو .. دخل كايمسح على وجهو بعصبية .. غادي جاي معصب و مغلغل .. حاااس بقممممة الغضببب فأعماااقو .. حتى صونالو التليفون فجيبو .. جبدو مخنزر و جااوب بانفعاال
-شنووو داااكشي درتيييي أولد القحببببة
المتصل:ههههههه باااااقييي عااايش براااڤوووو
مصعب بعصبية:دايرلي قنبلة؟؟
المتصل:درتهااالها هييي ههههه
مصعب:تااافقنااا مغاتآاااذيهااااش
المتصل:هههههه نتا اللي تافقتي أنا أهم حاجة مباغيهاش تبقى مع ولدي، غدا غانفذ الخطة اللي تافقنا عليها .. و غانتهنى منها فخطرة
مصعب:بلا ماتآاااذيها
المتصل:ماتخااافش
مصعب بصوت خافت:و سارة ؟
المتصل:ههههه راها قبالتي كاتجري و تجاري و داك الهبيل غدا غناخذهالو
مصعب بنبرة جافة:بغيت نصفيهالو بيدي على شنو بغا يدير فكنزة
المتصل ميل راسو:دير اللي بغيتي أنا أهم حاجة عندي .. ولدي ماتقربلوووش ديك الموووسخة (قطع علييه خلا مصعب كايشوف قبالتو بنظرااات ثاااقبة و تمتم بجدية و نبرة هااامسة)
-غانتأكد بنفسي باش مانرجعوش مزال للمغرب و كنزة ديالي .. عمرها مزال ترجع لداك الحقييير دتيمووور 😈
🌤صباح جديد🌤
كنزة كاتمشي و تجي تليفونها فوذنها كاتصوني لرقم داك الحمق اللي كايصوني عليها بيه .. قلبها كايضرب يضرب و الخوف متمكن منها .. مثوثثثرة .. خااايفةةة .. و بزاااف .. عمرها حسات بالخوووف حتى لهاد الدرجة .. النعااس غاادر جفووونها .. باغا تطمن على سارة و معارفة فين .. حتى داك الحمق مكايجاوبهااااش فخطرة .. لاحت التليييفون للأرض مغددة كاتغوووت بنفاااااذ صببببر .. مشات للماريو دساارة كاتشوف فيه بعييينييين حووومر و بنظرة عااامرة حززن .. حلاتو و تكاات على حوايجها كاتشم فيهم ريحتها .. حطات يدها على كرشها كاتحسسها و همسات بنبرة مرعوودة
-خسرت ولدي بسباابو و بنتي حتى هي أنا فهاد الحالة بسبابو هووو .. مقادااش نستحمممل .. ب باغاااهااا تجي خلااص بغيت نشوووفهااا😭😭 .. انا اللي حمارة أصلا خليتها هنااا بوووحدهاااا انا اللي حماااارةةةةةة هئ هئ هئننننننننننن .. ساااارةةةةةةةةة (غوووتات بنبرة مبحووووحة .. صوتها بقوة الغوات اللي غوتاتو فالمدة الأخيرة تبحبح و حلقها ولا كايضرها .. رجعاات راسها اللور حاسة بالدووخة شاداااها .. التعب مزييين جفونها بالسوااااد .. تحت عينييها كحل .. حنات مور تليفونها .. تمشات جيهت الفراش كاتشعلو حيت طفا من الزدحة اللي دارتلو .. غي شعل بغات تصوني على ديك النمرة و هي تطلعلها نمرة أخرى كاتصوني عليها .. رمشات بكثرة كاتشووووف فيها .. صرطات ريقها و جاوبات بالزربة .. قبلل ماتنطق سمعات صووت خشششن فيييه هيييييبة كبيييرة نطق)
قطع عليها خلاها كاتدور فعينييها .. بقات دقااائق كاتستوعب شنو طرا .. حتى جمعات وقفتها بالزربة كاتمسح عينييها .. خرجات بحوايجها دالبارح اللي مابدلاتهمش ماطلاتش على راسها فالمراية .. نزلات لتحت كاتجري و مشات خااارجة كاتشهق و تمسح فعينييها .. وقعلها ضغط نفسييي كبييير .. تيمور اللي مضروب و داخل فغيبووبة ولا بنتها .. كولشي ضدها ركبات فسيارتها و ديماااراات بسرررعة غااادية مباااشرة للكلينيييك .. وصلات فظرف وجييز .. نزلات من السيارة داخلة لداخل كاتجرييي .. وقفات جنب غرفة تيمور كاتنهج .. بانلها عبيد لداخل .. كايشوف فتيمور عاطيها بالظهر، دخلات عندو كاتنهج قلبها غايوقف .. وقفات موراه كاتهمس
-فين بنتي؟؟
عبيد تبسم ابتسامة جانبية خبييثة:هههه أهلا ببنت عبد الهادي
كنزة مغززة على سنانها:بنت فخر الدين
عبيد دار عندها شاف فيها مبتاسم باستفزااز:تربية عبد الهادي .. فحالك نتي مربية سارة .. تتجرإي تقولي عليها ماشي بنتك؟؟
كنزة بنبرة باكية:بغيت بنتي
عبيد:ههههه لا بغيتيها خاصك تخلصيني
كنزة ومآتلو براسها:للي بغيتيها نعطيهالييييك عفاااك إلا بنتيي
عبيد تبسم:هههههه امممممممم بغيت واحد الحاجة معينة ولا مانفذتيهاااش .. بنتك عمرك غاتشوفييها
كنزة حركات راسها بالنفي:ل لااا لااا غاننفذ
عبيد تبسم بخبث و دار كايشوف فتيمور ثاني:مزياااان ههههه اذن متافقين ياك أبنت خويا؟
كنزة صرطات ريقها و قالت بتردد:أ أهه
عبيد:ايوى لاكان هاكااا .. انا بغييتك تمشي من هنا .. عمرك ترجعي و عمرك تفكري فولدي مزال .. حسبيي راسك عمرك عرفتيييه .. خباارك مايوصلوووش
كنزة بقات كاتشوووف فيه مدة طويلة بصمت .. مجاوباتوش
عبيد دار شاف فيها مخنزر:لا بغيتي بنتك
كنزة عينيها دمعو كثر كاتشوف فيه بصمت .. معارفة شنو تقول ولا شنو تختار .. فعلا هي بين ناااارين .. بنتها و الراجل اللي كاتبغيه .. نفس الموقف كايتكرر مرة ثانية مع نفس الشخص غي هاد الخطرة الأدوار تبادلو و فعوض تيمور ولات كنزة اللي خاصها تختار .. يا ترى شنو غايكون اختيارها .. سارة بنتها ولا تيمور روح الروح
عبيد دار شاف فيها مخنزر:لا بغيتي بنتك، نفذي شنو قلتلك
كنزة بقات ساكتة كاتشوف جيهت تيمور .. عينييها حمريين مدمعين، شافت فعبيد كاتعض على شفاايفها بحييرة .. هلكاتهم بالعضان .. شهقااات بقوة حاسة بالغصة بقلبها و همسات
-فين بنتي؟؟
عبيد تبسم باستهزاء:قرارك أولا!!
كنزة بنبرة خافتة كاتشوف جيهت تيمور .. و ترجف .. طلعات النفس بالزز و شافت فعبيد ثاني بحزم:بنتي بغيتها
عبيد قلب عينيه بقلة صبر .. شاف فيها و قال مخنزر عاقد 111:تفضلي عندك 5 ديال دقايق .. ودعييه هه .. و ماتنسايش .. مور هاد الخمسة غاتنسايه فخطرة فحالا عمرو كان فحيااتك .. تيمور غايرجع صفحة مقطعة فذاكرتك، غاتنسايه فخطرة و غي تشدي بنتك الطيارة غاتكون كاتسناك باش تمشي من هنا و ماترجعيش فخطرة لهنا ولا لحياتنا
كنزة مشافتش فعبيد مزال .. الشوفة فيه كاتحسسها بالإشمئزاز، قربات عند تيمور ببطئ .. چلسات جنبو و عبيد حاضيها .. البكية شاداها .. ماقداتش تختار حبها ليه .. مقاداش تتخلى على سارة .. من غير أنها بنتها اللي ماتقدرش تعيش بلا بيها .. هي أمااانة عندها .. أمانة غالية بزااف .. حطات يدها على يدو .. غمضات عينيها بقووة و همسات بصوت خاافت
-مامكتابينش لبعضياتنا أنا وياك أتيم، أنا كانبغيك بزااف ولكن .. ديما خاصنا نتفارقو .. سمحلي، كانبغيك بزااف .. ديما غاتكون فقلبي و عمرني غاننساك .. سمحلي أتيمور عفاااك (قربات لوجهو .. باستو فحنكو بقوووة كاتنفس أنفاس سخااان، حطات جبهتها على حنكو كاتنهد و تمتمات بنبرة خافتة) كانواعدك عمرني ننساك مزال .. نتا كنتي أحسن حاجة فحياتي .. بسلامة عليك
تيمور صباعو كايتحركو ببطئ جفوونو بداو كايتكمشووو .. هي ناضت من قدامو كاتمسح عينيها و خرجات من عندو كاتبكي بحرقة، بلا ماتشوف وراها مزال عبيد بقا حاضيها مخنزر غي خرجات دار و شاف فتيمور .. غي شاف فيه .. بانولو يدييه كايتحركو مع صباعو تقدم عندو مبتاسم حط يدو على يديه كايهتف
مصعب قطع عليه و ركب فسيارة كات كات لقاها قبالتو .. ديماراا بسرعة و تمشى لجيهة محددة .. فأرجاء الغابة .. قريب للمزرعة و قريب حتى للكوخ اللي تقنبل .. وقف الطموبيل فبابو مشى جيهتو كايدق دقة البوليس .. ثواني و تفتحات الباب .. خرج عندو مارك مخنزر، غي قشعو استغرب
-نتاا؟؟
مصعب جرو لعندو بقوة دافعو لحيط الكوخ من برااا .. عطااه بووونية لحنكوو مخنزررر و غوووت بنبرة عااالية
-بغيييتي تقتللللها
مااارك شاف فيه مخنزر:نتااا حماقيتيي
مصعب عطاه بروسيةة قااسحة:الحمااااار (عااودلو روسية أخرى و بووونية اخررى حتى تزنفر و طاااح الأرض كايلهثث .. مصعب دار كايشوف حواليه عينييه حمرييين مخنزر .. تمشى جيهت واحد الشجرة، نترر منها عووودهاا كااان طويييل و غليض و باينة فيييه قمقووومة قاااسية .. رجع عند داك مارك كايجري و قبل ماييستوعببب داك الأخير ولا حتى يرمش نزل بيها عليييه على عنقو نييييشاااااان .. غررس داااك العوووود نصصو .. مع قمقوومتو قاااسية حااادة دخل نص العود .. مارك خرج فيه عينييه كايفرركل و جسدو كايتهز و يتحط و يفرطط الموووت داااخلااااه و هو يكمل مصعب على العوود .. خشاااهلو كاااامل فعنقو و رجع اللور كاينهج، شاف فيه كايفركل و الرووح قرييبة تخرج و الدمايات كاتشرشررر .. رشااات مصعب اللي بقا كايشوف فييه صدرو كايطلع و ينزل .. رجع خطوات اللور ومشا جيهت باب الكوخ .. حل الباب و هي تبانلو سارة مكوورة على بعضها .. حنا عندها هزها خشااها فيه معنقها و خرج بيها كايجري حطها فالطموبيل ديمارا بالزربة
مصعب بنبرة مرعودة:س سارة حبيبتي .. لا سولاتك ماماك فين لقيتك قوليلها فطريق المزرعة صافي .. (حط يدو على شعرها كايتلمسولها بحنان و كمل كلامو) قوليلها لقيتي الباب محلول و مشيتي كاتجري حتى تلاقينا واخا!!
بقات سارة مكورة على بعضها مكنززة ماتحركااتش و مجاوباتوش فخطرة .. كاترعد و البكية شاداها .. شافت منظر كبييير على سنها و ماشي قد برائتها
🔚🔚
فيقاتو من سهوتو كنزة اللي قالت:غانمشيو فحالنا اليوم
مصعب مصطنع الاستغراب:كيفااش?؟
كنزة هزات سارة و زيرات عليها غادية جيهت طموبيلتها:يلاه نمشيو
مصعب:فييين؟؟
كنزة بهدوء: .. سير نتا للمزرعة و جيب الوراق و اللوازم ديالنا وأنا غانسبقك للمطار مع سارة، مللي تسالي أجي .. ماتقول والو لا لماما ولا لحتى شي حد .. غانمشيو فحالنا اليوم
مصعب ومألها بالايجاب:واخا (شافت جيهت سارة اللي مشافتش جيهتو .. نظرتو كانت فيها شوية دالخوف لا تكشفو)
كنزة تمشات بسارة جيهت طموبيلتها، ركبات بيها و سارة تكمشات على بعضها كاتفكر شنو شافت .. ولات خايفة بوحدها .. كنزة عضات على شفتها التحتية بقوة و ديمارات جيهت المطار .. خلات مصعب مشا جيهت المزرعة، مشات حاسة بروحها معلقة .. مباغاش تمشي ولكن على قبل سارة .. غاتدير كوولشي
سارة بنبرة خافتة مترددة:ما مي
كنزة شافت فيها كاتصوگ:روح مامي
سارة:واس لا ضلبنا سي حد بسي حازة لعنكو و سالو الدم بزااف .. كايموت؟
كنزة شافت فيها باستغراب:علاس هاد السؤال؟؟
سارة بعبوس:هو بابي داالها .. فاش زا عندنا كبايلة، ضلب عمو مارك و خسالو واحد الحازة فعنكو حتى سالو الدم
كنزة وقفات الطموبيل فنص الطرييق مصدومة و شافت فسارة:عاودي شنو قلتي؟؟ مصعب ضرب مارك بشي حاجة فعنقو حتى سالو الدم؟؟ جا عندكم .. ماشي نتي اللي جيتي للمزرعة!!
سارة حركات راسها بلا:لااء ماسي أنااا
كنزة بقات كاتشوف فيها بحيرة .. تفكرات سروالو كان مرشوش بالدم .. عاودات ديمارات كاتفكر بحيرة .. كيفاش عرف بلاصتها و علاش كذب عليها؟؟ مابقات فاهمة والو و أصلا رااسها طااايب الگااانة دالتفكير فشي حاجة ماعندهاش .. كملات طريقها للمطار .. بقات كاتسنى مووودة فالطموبيل تفكرات واحد الحاجة .. دارت اتصال على السريع مع واحد الشخص و رجعات تكات على كرسيها ثاني كاتشوف فسارة براحة، حتى بانتلها طموبيلت مصعب توقفات قدامها .. شافت فسارة و قربات عندها وشوشاتلها بكلمات فوذنيها
بعدات منها كاتقادلها شعرها:فهمتيني ياك؟
سارة:اه فهمت
كنزة:غي نعطيك الإشارة ديري شنو قلتليك صافي!
كنزة تبسماتلها و خرجات من الطموبيل دارت عندها و خرجاتها منها .. شافت فمصعب اللي قرب جيهتها هاز شاصيات فيديه
كنزة مشات عندو بابتسامة مزيفة:هادو الوراق؟
مصعب:اه و ليكارط بونكير و كولشي
كنزة ومآتلو براسها و خدات من عندو الشاصيات:أنهزهوم عليك
مصعب تبسملها:نتي بخير؟
كنزة شافت فيه بهدوء:علاش هاد السؤال؟؟
مصعب بابتسامة:والو غي سولت
كنزة:انا بخير 🙂
مصعب:احمم اوكي نشوفو موعد الطيارة
كنزة هزات سارة و شافت فيه ببرود:يلاه
مصعب دخل مستغرب من حالتها و برودها .. مشا سابقها يشوف مواعيد الطيارة لكوريا .. كانت بااقا حتى للسبعة دالعشية و هوما فالطناش دالنهار .. حجزو مقاعدهم و چلسو فالمطار بزوج ..
كنزة شافت فيه مخنزرة:ماقلتيليش من فوقاش ونتا كاتمشى؟
مصعب حك راسو بثوثر:احممم .. غي مؤخرا .. مع الترويض اللي كنت كاندير .. فاش جينا للمغرب وليت كانتمشى، و احمم كنت باغي نديرهالك مفاجئة فالنهار اللي تضرب تيمور
كنزة تبسمات:إذن نتا باقي على اتفاقنا؟
مصعب بتسائل:شناهوا؟
كنزة بهدوء:طلاقنا
مصعب صرط ريقو مخنزر و شاف جيهت سارة كايتمتم:و و سارة؟؟
كنزة:مالها سارة؟؟ بنتنا غاتبقى تشوفها .. حنا غانتفارقو غيي شكليا حيت هذا أصلا زواج شكلي اما صداقتنا غاتستامر
مصعب حنا راسو كايغزز فسنانو:احممم و و غاترجعي مع تيمور؟
شافت فمصعب اللي كايشوف فيها باستغراب .. دقائق و وقف جنبهم راجل كبير شوية فالعمر، كنزة شافتو و وقفات سلمات عليه
الشخص بابتسامة:بونجوغ، احم اذن راكم متافقين؟
كنزة بابتسامة:بيان سووغ .. عطيني الوراق پليز
الشخص جبد وراق من صاك عندو معلق فيه مدهوملها .. هي شداتهم و قراتهم مزياااان و رجعات شافت فمصعب بهدوء،
-اذن راك قلتيلي موافق .. ولا كنتي موافق بصح و كايهمك الرضى ديالي وقع على هاد الوراق
مصعب باستغراب:شمن وراق؟؟
كنزة حطاتهم قدامها كاتوقعهم و تدوي:طلاقنا
مصعب خرج فيها عينيه مصدوم:😳😳
كنزة تبسمات و مداتلو الوراق:هاك .. دويت مع المحامي و هذا طلاق اتفاقي بيناتنا .. قاد كولشي ففترة قصييرة هه، الفلوس كايديرو اي حاجة
مصعب:ولكن .. كنزة!!
كنزة:لا كنت عزيزة عليك
مصعب طول فيها الشوفة .. تنهد كايتمتم:مادمنا غانكونو مع بعضنا ديما، ماعنديش موشكيل (شد الستيلو بصباعو كايترعدو و وقع بالزز منو محاملش راسو ولا مزززنگ و عينيه حمارو، كنزة تبسمات ابتسامة خفيفة و مدات الوراق للمحامي) هاك شكرا .. تقدر تدفعهم للمحكمة
المحامي:واخا أمدام عن قريب غاتكونو تطلقتو بشكل رسمي
دار غادي فحالو و كنزة شافت فمصعب مبتاسمة .. هو تبسملها ابتسامة صفراء .. هزات تليفونها كاتلعب فيه .. و عينيها حاضيين سارة اللي متكية عليها، تنهدات حاطة التليفون بعدما طفاتو و مداتلو يدها،
-تقدر تعطيني تليفونك .. ديالي ديشارجا
مصعب ومألها:اه معلوم (مدولها)
هي خداتو من عندو و دخلات مبااشرة للمكالمات .. بانتلها المكالمة دقبايلة بينو و بين عبيد .. رقمو مسيف باسمو نيت، غززات سنانها و تزيرااات حاسة بأنها تخانت من مصعب .. خانها و تافق مع عبيد .. مشات للميساجات بيناتهم و هي تقرا واحد الكونڤيرصاصيون
عبيد:بغيتهم يتفارقو
مصعب:حتى أنا ولكن خاصنا خطة محكمة
عبيد:ماتخافش كولشي مدروس غي دير يدك فيدي و كولشي غايمشي كيفما باغيين
مصعب:اذن انا معاك
كنزة علات فيه عينيها و تبسمات بهدوء مسحات گاع الدلائل بأنها دخلات للميساجات و الكونطاكط و مداتلو تليفونو
تحنحنات كاتزير بيدها على فخض سارة و هي تنوض سارة كاتمتم
وقفات هازة الشاصي اللي عطاها دالوراق، دارت راسها نساتو فيدها و مشات بسارة جيهت الطواليطات، دخلو و كنزة خلات الباب مشقق .. طلات عليه كان بعييد و مكايبانلهاش .. تحنحنات و هزات سارة خارجة كاتجري من الطواليطات .. مشات بيها جيهت باب المطار و خرجو بلا مايردلهم مصعب البال .. ركبات فطموبيلتها و دارت لسارة الصمطة و نطالقاات بسررعة جيهت الميناء .. مدة طوييلة عاد وصلو بين زحمة السير و المدة الطويلة .. دخلو كايجريو لداخل .. سارة غادة على رجليها، مشات مباشرة كاتشوف سوايع الباخرات و فين غاديين .. مشات فوحدة خارجة داابا غاتمشي لإسبانيا .. قطعات و دخلات بسارة بجوجهم عندهم پاسپوراتهم و لوازمهم .. غي دخلو للباخرة .. مشات لحافتها، جبدات الوراق د مصعب لاحتهم فالبحر و شافت لبعيييد كاتغزز سنانها و تهمس بنبرة خافتة بينها و بين نفسها
-مغانخليكمش تتحكمو فحياتي .. غانمشيو انا و بنتي و مغاتعرفولناش طريق مزاال .. غي أنا وياها بوحدنااا (زفرات بقوة حاسة بالباخرة كاتحرك بيهم و شافت جيهت الميناء بحسرة كاتفكر فتيمور .. ملامحها تقلبو للإحباط و الحزن و طاحت للأرض مزييرة بنتها لحضنها كاتشهق و تبكي على قدرها اللي محتم عليها تتفارق مع الشخص اللي كاتبغيه و تعيش بعيدة عليه و بلا بيه)
هل سستتحرر أحاسيسنا المحظورة؟؟
أحاسيس كانت مجتمعة .. بعدها انحظرت .. بعدها تمردت و أخيييرا قُمِعت، عاشو قدر منحوس .. لم يحالفهم الحظ في علاقتهم و في حبهم .. لم يكن الحظ الجيد من نصيبهم، حزنو و لم يعرفو للفرح طريق .. ولو مرت أسابيع .. شهور .. سنين و الكثيير من الوقت و الزمن
افترقو و التقوا .. و افترقو مجددا كل هذا مدبر من نفس الشخص .. فارقهم في المرة الأولى و فارقهم في المرة الثانية أيضا .. يا ترى هل سيلتقون مجددا؟؟ هل سيحضون بنهاية سعيدة؟ هل ستتحرر أحاسيسهم المحظورة؟؟ هل سيرافقهم الحظ مرة أخرى أم أن نهايتهم ستضل هكذا .. فراق في فراق و لا مجال للإجتماع🔥
💠 شهور كثثيرة دازت، كانو ففصل الصيف .. رجعو ففصل الشتاء .. الشتا خيييط من السما فالأرجااء .. خارجة من الحمام كاتنهج .. لابسة پيجامة ثلاثة بياس سخوووونة ولكن مهلية فراسها طبعا .. الشعر مجموع كوت شوڤال و الميكاب خفييف منزلي .. شادة على كرشها و الدوووخة شاداها، بانلها زوجها العزيز چالس فوق الفراش شاد الپيسي كايخدم .. مشات عندو ببطئ كاتطلع النفس بالزز و تمتمات
-جوزيييف عيييت عمرني كنت كانضن الوحم صعيب هاكا
جوزيف علا فيهم عينيه مبتاسم .. سد الپيسي و حطو فوق كوافوز جنبو كايطبطب على الفراش جنبو:أجي أعمري ترتاحي .. الطبيب قالك .. فالشهور اللولة ممنوع كثرة الحركة و نتي النهار و ماطال كادوري و تقزقزي
شيماء تبسمات و قربات جيهتو، چلسات فوق الفراش متكية على حضنو كاتهمس:خبر الحمل ديالي هو أحلى خبر عرفتو فحياتي
جوزيف زيرها مع حضنو كثر كايبوس على شعرها مبتاسم براحة:حتانا يااا عيييووني
شيماء بابتسامة:هههههه خاصنا نمشيو لمكناس ياك؟ خليل و صونيا عرسهم قرب
جوزيف ومألها بالإيجاب:اه غانمشيو
شيماء:أحقا تيمور اش دار؟؟
جوزيف شاف فيها كايتنهد:كل خطرة غادي لجيه .. مابقاش كايچلس فالدار و علاقتو مع باه تقطعات فخطرة راك عارفة شنو طرا
شيماء تأفأفات:كنزة مابقا عليها خبر! غبرات فخطرة
جوزيف:هادشي اللي مخلي تيمور غايحمااق .. شحال دالمدة و هي غابرة مباينلهاش أثر .. تيمور قريييب يحرق مصعب و عبيد و گااع الناس اللي كانو سبابها باش طجات
شيماء تأفأفات بعمق و تمخشات فيه كثر .. جوزيف تبسم ابتسامة خفيفة مزير عليها .. تعلا براسو كايطل عليها و هي تهمسلو بنبرة هامسة
-نشاء الله يلقاها و يكملو حياتهم مع بعضهم بسعادة فحالنا أنا وياك, ياك؟
جوزيف:انشاء الله أعمري نشاء الله
💠فمكان آخر💠
چالس قدام شرجم من شراجم دارو كايطل على الشتا اللي كاطيح .. الضبااابة مغيمة الأرجاء .. كايتفكر النهار اللي هربات فيه كنزة من المطار، ست شهووور دازو .. كانو طواال بزااف .. من داك الساع ماخوا المغرب .. حااس براسو تشمت .. توحشها .. باغي يشوفها خلاص، علاش هربات منو؟ ياك وافق يطلقها و كانو غايبقاو على طووول مع بعضهم كأصدقااء .. شنو اللي خلاها تهرب؟ طوول هاد المدة و هو كايفكر فهادشي .. وقف مغدد و تمشى جيهت الزااجة حاط يدو عليها، كايشوف فقطرات الشتاء اللي كايطيحو و كايتضربو مع الزاااجة .. غزز سنانو بقوووة و ضرب بقبضة يدو مع ديك الزاجة حتى تشققات و يدو تجرحااات تمتم بعصبية عاااارمة عرووق يدووو بارزيييين
-فيييينك أكنزة فيييينك .. غانلقااك .. كانقسم بالررب حتى نلقاك و نرجعك ليااا .. بالزز منننننك .. ولو نعرف نهرسليك رجليييك و مانخلييكش تبعدي عليا .. غانلقاااك .. أههه انا غانلقاك و مغانستسلمش حتى تكوني دياااالييييييي
"عينييه تضللللمو و دار غادي جاي تم كايزيير على قبضتوو بكلللل قوتووو حااس بقمة العصبية مغلغلة فووسط صدرو"
🔥ففراش كببييير يتساااع لثلاثة دالناس تقرييبا .. ناعس فووقو، وجهو وسط المخااد .. ضهرو عرياان باينين عضلاتو مفتوولين، شعرو كتييف و مجعد شوي .. لونو فااتح، تقلب ناعس على ضهرو .. بانو عينيه مفتوحيين .. غزز على سنانو و ناض چالس مخنزر جمع نوضتو حااس براسو كايغلي .. مكايقدرش ينعس فالليل .. مكايقدرش ينعس حتى فالنهار، مكايقدر لا ياكل ولا يشرب .. مكايقدر يديير واالو .. خاصو غي يلقاها .. فينها و فين تكون؟؟ غبراات .. ذابت كي الملحة وسط البحر، عيا يقلب .. 6 شهوور كااملة و مااامن أخبااار .. مشا لحوايجو، لبس سروالو فوق البوكسر اللي لابسو و زاد پيل لبسو كذلك و مشا خارج من ديك الغرفة .. داز لغرفة أخرى .. دخلها، كانت مضلمة .. حط يدو على النگاصة دالضو .. تشعل و هو يبان عامر بصورها، بقا كايشوف فيهم بحسرة .. كايواسي راسو بتصاورها، مواعد راسو باش يلقاها و فمدة ست شهور، عمرو فقد الأمل من ملاقاتها .. تمشى جيهت واحد الطابلو عندو فالغرفة .. كانت فيه مرسومة .. دوز يدو على رسمتها .. حاس بالحرقة و الحسرة و گاااع دوك الأحاسيس الخاايبة اللي كايكونو غصة خااايبة فصدرنا .. داز لصورة أخرى كانت صورة مكبرة ليها، بقا كايشوووف فيها .. نظرة حزيينة من رجل عااشق حزيين على بعد محبوبتو .. دار لمجموعة صور أخرين مجموعين مع بعضهم .. كانو عبارة عن صور بعاااد .. ديال كاميرات المراقبة .. صور آخر نهار ليها فالمغرب، فاش خرجات من المطار مع سارة و فاش مشات للميناء .. إسبانيا فلاها و مالقاهاش .. دوزات مدة أسبووع خرجات گاااع الفلوس اللي عندها فالكارط بونكير كل نهار كاتخرج مبلغ حتى كملاتو، و من ديك الساع غبرات، عيا مايقلب .. باقي عاقل على آخر نهار سمع فيه صوتها .. قالتلو راها كاتبغيه .. باه فارقهم مرة ثانية .. كان مابين الوعي واللاوعي .. مع فطن من غيبوبتو سمع دوك الكلمات .. من داك الساع و هو مبري من باه لدرجة قطعلو الحالة المدنية اللي كانت جامعاهم و مابقاش مزال زار المزرعة .. هو فطنجة و بالضبط الڤيلا اللي كانت شاهدة على حبهم .. تنهد تنهيييدة تهزز جبال .. خرج من بيتو .. تمشى بخطوات بطاااء حاس بالعيا، وقف فراس دوك الخمسة دالدريجات اللي كايطلو على الصالون .. تفكر بزااف دالأحداث دازولهم فداك الصالون و أكثر حدث عاقل عليهم .. فاش شطحاتلو تما، و فاش تخلى عليها المرة اللولة بسباب باه و هي حاليا تخلات عليه بسباب باه حتى هي .. المشكلة أن الحرقة فقلبو مغاتخمدش حتىى لا لقاها .. حيت الشخص اللي كايدير المستحيل باش يفارقهم هو بااه .. و ديك القرابة هي اللي مخلياه مكتف و مانتاقمش منو، تنهد مرة أخرى و طلع لبيتو .. هز تليفونو و خرج من الڤيلا حاس بالضياع .. الدنيا كحالت فعينيه، غي ركب فطموبيلتو .. جاه ميساج فتليفونو .. غي دخلو عينيه خرجو .. قلبو ضرب بقوووة و بلا مايفكر زوج مرات مزال .. صيفط ميساج آخر لداك اللي صيفطلو الميساج و نطالق بسيااارتو بسسسرعةةة قسسسوى بلا مايزيد يفكر مزال
🎈فمكان آخر🎈
بالضبط فالڤيلا اللي فمكناس .. فخر الدين و يامنة چالسين مع خليل و صونيا و دينا و الحاج عبد الناصر
خليل:ماكنتش باغي ندير عرسي بلا كنزة .. أجلتو بزاف ولكن هي گاع مافكرات فينا حتى باتصال
يامنة تنهدات كاتدور فعينيها:يعلم الله بحااالها دابا
فخر الدين شاف فيها بشك .. هضرتها ماشي فحال قبل يوماين دازو .. كانت تصبح و تمسي كاتبكي عليها باغا يتجمعو ثاني ولكن دابا لا!! .. كاتدوي بهدوء و كولما تجبدات سيرتها كاتقول نفس الكلام "يعلم الله بحالها دابا" .. تأفأف بصوت عاالي و شاف فخليل
ناض واقف و مشا من جنبهم .. حتى هو مقصح من جيهتها مادوزش معاها وقت كثير و مشات .. شحال و هو كايحلم يتجمع معاها، فاللخر غبرات بلا خبر .. خلاتهم كاملين بلا حتى ماتسلم عليهم
دينا تنهدات:بفڤففف انا اللي بقا فيا فهادشي كامل هو تيمور .. حياتو تعنكشات حتى عذرا طلقها و من داك الساع ماسمعنا عليها خبر .. فاق من غيبوبتو مدوخ و زاد تدوخ بغبورها، وعاد علاقتو بباه زااادت تكفسات ..و حتى باه غبر مابقا بانلو الأثر .. مشا فحالو من آخر مواجهة دازت بيناتهم فالكلينيك مللي جرا عليه تيمور
الحاج عبد الناصر تنهد:ولادي و حفايدي ترشو و كلا و فين شد طريق وانا حاس براسي قريب نودعكم، متمني أمنية وحدة، غي يتجمع شملنا ثاني
يامنة:انشاء الله غاانتجمعو أعمي
الجميع بصوت واحد:انشاء الله
عكس الشتا الغزيييرة فالمغرب .. فأمريكا و بالضبط فمدينة نيويورك كاين الثللللج، البرررد .. و الموووت دالبرد .. خارجة من سيارتها بكبوووط كبير مبطن فاللون الموڤ و سروال جينز زرق مع ليبوط دالريش فلون الكبوط و طربوش كبيييير مريش فراسها، شعرها مباينش .. باينة غي بشرتها البييضاء و تقاسيم وجهها .. حنيكااتها حميييمريين و عويناتها الزورق مبتاسمين ولكن فيهم لمعة حزن .. لمعة اشتيااق و حنييين، مشات جيهت الدار الصغيرة الحجم اللي كانت فوسط فمنطقة تقريبا خاااوية .. الديووور فيهم قلاااال، و الأغلبية جنبها غي الجباال .. شافت فداك المنزل المثلث .. الثلج الأبيض مغطييه من كل الجوانب
حلات الباب بيديها اللي فيهم قفازات صووفية ساااخنة و دخلات لداخل .. سمعات صوت قهقهة طفوولية .. ابتسمات كاتقلع قفازاتها و الطربوش اللي لابسة .. بان شعرها أسود اللون .. قصير .. قطعاتو و بدلات اللوك ثاني .. قلعات حتى الكبوط على حسب الدار سخوووونة .. و البوط حتى هو .. بقات ببودي دالعنق كحل و السروال الجينز .. مشات ببطئ كاتسلت جيهت صالون المنزل .. بانتلها بنت شابة فمقتبل العمر بلباس الخادمات .. ومآتلها براسها كاتديرلها إشارات تسكت و تمشات بكككل بطئ جيهت الشقية ديالها اللي كاتفرج فالرسوم و كل خطرة تقهقه باستمتاع، قربات عندها لدرجة كبيييرة واقفة موراها و همساتلها فوذنيها
-شكون الكبيدة د ماامييي
دارت الشقية الصغيرة .. شافت كنزة و هي تنقز لحضنها زيراات عليها كاتهتف:ماماااتيييي
كنزة ضحكات بصوت عالي معنقااها:هههههههه ياكما شطنتي لوسي معاك و شاغبتي بزااف!
سارة بابتسامة:ههههه لا لااا .. بكيت غييي كانتفرز
كنزة تبسمات بهدوء:مزيااان أعمري
لوسي بنبرة رسمية:مدام بدرية
كنزة شافت فيها مبتاسمة:ياس؟؟
لوسي:العشا واجد لا بغيتي نحطولك!!
كنزة:لا مافياش الجوع انا، ليان تعشات؟
لوسي:وي مداام
كنزة ومآتلها براسها:تقدي تمشي
مشات لوسي خلات كنزة كاتشوف فسارة اللي رجعات كاتفرج سهاات فيها كاتفكر فحياتهم بزوجات .. لا كاتسائلو على بدرية و ليان، هوما أسماء مستعارة .. حيت بدلات هوياتهم بزوج باش تقدر تعيش بعيدة بلا مايزعجها شي حد .. بغات تبعد قدر المستطاع و مايلقاها حد
تحنحنات فايقة من سهوتها على صوت تليفونها كايصوني .. شافت المتصل تبسمات و جاوبات
-غاتبقاي كل نص ساعة تصوني عليا أماما .. قتلك راني بخير ماتخلي حتى شي حد يعيق بيك .. عفاك ماتخلينيش نندم علاش صونيت عليك باش نطمنك على حالنا
يامنة بحرقة:موحشاك أبنتي و التليفون واالو مامحسسنيش بأنك راك جنبي
كنزة تنهدات بصوت مسموع:أنا موحشاك كثر ولكن ماعندي ماندير، خايفة على بنتي من دوك الضباع .. مصعب .. عبيد .. بزوووجهم باغيين يآذيولي بنتي وانا باغاها تبقى معايا و مايصيبها حتى مكروووه
يامنة تنهدات بحرقة:آااااخ يا بنتي راني خايفة عليك و نتي فبلاد غريبة مع ناس غراب
كنزة بابتسامة:ماتخافيش عليا .. انا ماشي صغيرة أماما
يامنة:غابر حتى هو .. معارفينو ميت ولا حي .. من اللي فاق من الغيبوبة و قبل حتى مايتشافا مزياان ناض كايقلب عليك .. طاح جوج خطراات خطر بقوة الحركة اللي فيه .. حتى كان قريب يموت فواحد الخطرة ولكن تعتق
كنزة:عنداك تنساي دواك أماما عفاك .. مباغيينش تعاودي تمرضي .. الحمد لله اللي تشافيتي بعدا من داك المرض
يامنة بابتسامة:الحمد لله على كل حال
كنزة تنهدات:بسلامة
يامنة:في أمان الله
تقطع الخط .. كنزة وقفات كاتنهد و تمشي و تجي فالأرجاء .. كاتشوف فسارة قبالتها .. تنهدات حاسة بقلبها واكلها .. باغا تصوني على تيمور .. تطمن عليه واخا تسمع غييي صوتو، ولكن خوفها على بنتها أكبر من اشتياقها و حبها ليه .. تأفأفات بنبرة حزييينة و مشات للتلفزة طفاتها
كنزة:وقت النعاس دابا .. نوضي
سارة بعبوس:مااامي غايبدا البرنامز ديالي دابا
كنزة بنفي قاطع:لا مايمكنش، أجي عندي
سارة دلات شفتها التحتية و تعلقات فيها .. كنزة تبسمات و هزاتها غادة بيها لبيتهم .. كاينعسو فغرفة وحدة بزوج .. بدلاتلها حوايجها و غسلو سنيناتهم بزووج .. هزات قصة من رف كتب جنبها كاتقراهالها حتى حسات بيها نعسااات، سدات داك الكتاب دالقصة و غمضات عينيها كاتمتم
-ماتنسااايش أكنزة أنه تخلى عليك من قبل .. واخا كايقولك كانبغيك مغاثيقيهش مزال .. درتي اللي كان خاصو يدار .. بعدكم على بعض هو أنسب حل
غمضات عينيها بعممق و نتاقلات لعالم الأحلام جنب بنتها
__________________________________
كنت كانضن عمرني نشوفو مزال .. عمرني نسمع صوتو .. عمرني نشم حتى ريحتو اللي أول ماشميتها حسيت بوجودو .. ولكن بشوفتو قبالتي حاليا، نظراتو .. تقاسيم وجهو .. طولتو .. گااااع تفاصيلو .. خلاوني نحس بداك الشووق تزاااد و بلا مانفكر زوج مراات .. مشيت كانجري جيييهتو و تعلقت فيه معنقاااااه بقووووة .. حاسة بالروح رجعات فيا بشوفتو و بصوت دقات قلبو اللي حاطة عليه راسي حاليا
فلاش باك
🔙قبل ساعات🔙
🌤صباح جديد🌤
حلات عينيها حاسة بالبروودة داخلة معاها مع العضام .. ناضت حاسة بالبرد .. شافت جيهت باب البالكون .. كان محلول، مشات جيهتو بالزربة سداتو كاتشوف باستغراب
سارة حلات فيها عينيها عابسة:مابغيتس نمسي للمدلسة خاايبة🥺
كنزة باستغراب:و علااش، ياك كانت كاتعجبك؟؟
سارة بعبوس:داك الدلي اللي زا زديييد كاينتفتي من سعريي و يضحك عليااا .. كايكوولي أنا مسعكةة و عزية😠
كنزة:هااء شكون هذا اللي يقول على بنتي حبيبتي مشعكةةة و عزية .. نمشي ناكلو ناكلو ناكللو (بدات كاتهرها و سارة كاتضحك و تقهقه بصوووت عاااليي عاجبها الحال، كنزة وسعات ابتسامتها و غمزاتها كاتتنفس بقوة) يلاه نوضي و نمشيو نتفاهمو مع هذا اللي مزغرتة عليه مو يقول لغنوجتي انا مشعكة
سارة ومآتلها براسها و ناضت بتكاسل جيهت الحمام .. كنزة معلماها كيفاش تغسل وجهها و سنانها و تقضي حاجتها .. مشات كنزة للماريو ديالها .. جبدات تريكو مصووف عندو الكوول كبييير و العنق مكايبانش بيه لبساتو فالكحل .. و لبسات معاه سروال كحل مع مونطو طوييل فالخضر ملكي .. و ليبوط نفس لون المونطو .. جبدات لسارة سروال و بودي و كبوط و طربوش حتى هي قاداتهوملها فوق الفراش و مشات كاتقادلها الكارطابل .. كاتقرا فالروض حاليا .. المدرسة العام الجاي غاتبدا أولي ابتدائي هي زايدة عام فالوراق على حسب فكوريا كايخلقو الوليدات الصغار كايحسبولهم عندهم عام .. وجداتلها داكشي و وجدات لراسها حتى هي .. دارت دار أزياء خاصة بيها فالسونطر دالمدينة .. سارة خرجاات من الحمام هي هاديك كنزة جمعاتلها شعرها كايعجبها كنزة البوكلي ديالو .. شافت فشعرها هي قصيور مكاتعرف كي ديرلو غي تخليه على راحتو .. دارت واحد الفيليلات دسارة فراسها و رشات كولونيا عليها هي و سارة و شداتلها فيدها
كنزة:هاحنا واجدات .. و فالعشية غاتجي موراك لوسي فحال ديما صافي! عنداك تمشي لشي بلاصة ولا مع شي حد آخر
سارة بابتسامة:كوني هانية أمامي لاني كبلت دابا بلا ماتوصيني
كنزة بتسائل:ولا جا عندك شي حد و عطاك حليوة شنو غاديري؟
كنزة قاداتلها توست و كونفيتير كانت الطبلة واجدة مقادة، فطرو بهدوووء كنزة كاتبغي أومليط دالبيض و قهيوة .. حتى لوسي كاتفطر معاهم فالطبلة .. سالاو و ناضو كنزة و سارة جيهت الباب .. كايتفاهمو باللغة الانجليزية .. سارة فروضها كاتقراها و تزيد تدعمها حيت مكاتفهمهاش مزيان أما كنزة من زمان و هي عندها اللغة
نطالقات كنزة بسيارتها غادة فالطريق .. المنطقة فين ساكنين خااوية .. مافيهاش الغاشي بزااف .. وصلات سارة هي اللولة لروضها
كنزة:بوستي و تعنيقتيي
سارة نقزاات علييها .. عنقاااتها و باستها بقوووووة و حلات باب الطموبيل .. نزلات بقات كاتشيرلها .. حتى كنزة دارتلها باي باي .. حتى دخلات سارة عاد نطالقات فوسط نيويورك سيتي فين عندها دار الأزياء الخاصة بيها
وصلات اخييرا بعد مودة طويييلة دالطريق، دخلات لداخل مبتاسمة كاتمتم باللغة الإنجليزية
-گوود مووورنيينغ
دارت بنت شقراء الشعر شافت فيها بعويناتها الزريرقات و تبسمات:اوووه .. اهلاا مدام بدرية
كنزة بابتسامة:كي صبحتي اليوم باقا عيانة؟
-لا شربت دوا و صبحت بخير
كنزة بابتسامة:الحمد لله هههه (مشات جيهت واحد الكطالوگ هزاتو كاتفرج فيه و البنت اللي معاها .. مشات كاتخيط فواحد الكسوة كاتقادلها واحد الوريدة .. هي مساعدة لكنزة .. اسمها روزا .. كنزة مشات لمكتب خاص بيها چلسات فيه كاتمتم) أش دارو فالمعمل؟
روزا:قالو اليوم غايسيفطولنا كولشي
كنزة بابتسامة:مزيان (هزات ورقة و قلم كاتخطط فيها)
دازتلها مووودة فالخدمة .. ساعاات كثاار، حتى سمعات صوت تليفونها كايصوني .. جاوبات بلا ماتشوف المتصل و هي تخرج عينيييها لداك الصوت اللي رن فوذيناتها ببحتو الرجولية
-لا بغيتي بنتك .. خرجي دابا من الدار غاتلقاي سيارة مرسيدس كحلة .. ركبي فيها و أجي تشوفيها
كنزة بنبرة مرعودة:علاششش رااجع لحياتي ثاني علاااش اووووف
شافت فتليفونها مخنزرة دارت النمرة دالروض دسارة كاتغزز سناانها و تجمع شعرها بيديييها:بنتييي ليااان شكووون خداااها من الرووض، شهاااد الإهمااال هذا .. غانرفع ضدكم دعووة قضائية
مديرة الروض باستغراب:مدام بدرية .. لا بنتك خداتها المربية ديالها و فالوقت المحدد ديال ديما .. خداتها من عندنا و مشات بيها
كنزة قطعات علييها مغددة و دارت نمرة لووسي .. هزات مونطوها دارتو فيدها و تمشات خارجة من الدار كاتسناها تجاوب، عيا يصوني و يعاود و ما من جوااب ..وصلات لباب الدار شافت فالأرجاء بانتلها مرسيدس كحلة جنبها شيفور .. تمشات جيهتها كاترعدد غي وصلات لقدام الشيفور حلها الباب هي ركبات باقا كاتصووني على لوسي ولكن متلقاااتش خببر .. بغات تتصطى، دازت مودة و هوما فالطرييق .. ضفااارها كلااتهم بقووة الأعصاب اللي ركبو فيها، هي مباغاش ترجع .. مباغاش تشوفو ولا حتى تسمع صووتو .. مبااغا واالو .. باغا غي تعيش هي و بنتها بخيير و حد مايهددها بيها .. وقفات السيارة قدام أوتيل .. خرجات كاتشوف فالأرجاء مخنزرة و شافت فالشيفور اللي نزل كايجري باغي يفتحلها الباب ولكن هي سبقاتو و نزلات
كنزة بعصبية:سيدك هنا؟
الشيفور شارلها بيدو جيهت باب الأوتيل:تفضلي معايا أمدام
مشا سابقها و هي تبعاتو حاسة بالثوثر .. بالعصبية .. الحييرة .. و البعثرة، مشاعرها .. أحاسيسها .. قلبها .. روووحها .. كوولشي فيها متبعثر مشتت .. مثوثر .. خااااايف .. كل خلية منها كاتتبورش و تتشوك كولما خطات خطوة .. ركبو فالأسانسور و كولما طلع لإيطاج كاتصرط فريقها و تزفررر بقووة .. تمشى الشيفور سابقها اول ماحبس بيهم الاسانسور فطابق من الطوابق .. مارداتلوش البال .. مشات لواحد الجناح، فبابو كانو واقفين عدة رجال .. تحل الباب أول ماوقفو جنبو و دخلات بوحدها لداخل .. صوت طالونها هو اللي مسموع كايتطقطق مع الأرضية الخشبية و قلبها حاساه غايخرج بقوة الخفقان
🎈بلسان كنزة🎈
داخلة لداخل، عيني كايدورو فالأرجاء، ريحتو مالية المكان، ديك الريحة اللي غي كانشمها كانحس بنفسي فوسط النعيم .. كانحس بحضنو احتواني .. و قبلو هدئو مني .. روحي حاسااها غاتخرج من الجسد ديالي .. مواجداش نشوفو، مباغاش نشوفو، خاايفة .. على بنتييي .. و على قلبي اللي غايتهرس ثثاني لا عاودنا تفارقنا .. وصلت لصالة داك الجناح بانتلي لوسي فوق واحد الفوطوي ناااعسة ولا مخدرة .. المهم ماشي فوعيها، دورت عينيا فالأرجاء .. حتى سمعت صوت سارة فوذني .. درت بلهفة جيهت ديك الغرفة اللي سمعت منها صوت بنتي .. حليت الباب و دخلت مزرووبة .. غي دخلت بانلي واقف قبالتي .. قلبي و عقلي و روحي و جسدي .. كولشي فيا تكوانسا كانشوف فيه .. كنت كانضن عمرني نشوفو مزال .. عمرني نسمع صوتو .. عمرني نشم ريحتو اللي أول ماشميتها حسيت بوجودو جنبي .. ولكن بشوفتو حاليا قبالتي .. نظراتو .. تقاسيم وجهو .. طولتو .. گاااع تفاصييلو .. خلاوني نحس بداك الشوق اللي كنت دافنااااه فوسطي تزااااد و بلا مانفكر زوج مرااات مزال .. مشيت كانجري جيهتو و تعلقت فيه معنقاااااه بقوووة .. حاسة بالروووح رجعات فيا بشوفتو و بصوت دقات قلبو اللي حاطة عليه راسي و وذني حاالياااا
بقاو معانقين دقاائق طوااال .. محااسينس بالعاالم حوااليهم، هو مزيرها مع صدرووو بقوووة كايستنشق ريييحة عطررها حاس بأنو مااالك الدنيا وسط حضنها .. و هي معلقة فيه و معنقااه .. توحشاتو توحشاااتو توحشاااتو .. شوووق كبييير ليييه .. مادواااوش فخطرة، غي معانقيين .. ماحسو غا بيدين صغييوريين معنقينهم من رجليهم .. شافو لتحت كانت سارة .. كنزة تبسمات عينيها دامعين و علات فيه عينييها .. الدمووع تحقنو بكثثثرة فعينيها و هو كايشوف فيها بصمت .. باغيي يروي عيونو بشوفتها .. توحشها كثر ماتوحشاتو هي .. حبو ليها فاايت الهوس .. فايت الإدماان .. فايت بزاااف .. بقاو كايتبادلو النظرااات .. نظراات الشوق و الحب مودة طويييلة حتى دارلو وجهو بصقلة مفاااجئة من عندها .. شهقااات عينييها سااايلييين بالدمووع و دفعاتو من صدرو كاتشهق و تحل فمها و تعاود تسدو، باغا تدوي و معارفة ماتقول .. باغا تخرج شنو فقلبها ولكن خايفة .. خايفة من وقوفهم قبالت بعضهم حاليا
.
.
.
تيمور شاف فيها بنظرة شوق .. ميل راسو معاها للجنب و قال بنبرة خافتة
-توحشتك
كنزة كاترجف و تشوف فسارة و ترجع تشوف فيه .. زفراات بقوووة كاتستجمع الكلمات فحلقها و تمتمات:علاااش؟؟
تيمور ميل راسو للجنب و قال متأكد من السؤال: علاش قلبت عليكم؟؟ ولا منين عرفت بلاصتكم؟
كنزة بنبرة مرعودة:ب بزوووج
تيمور تبسم حتى بانو سنيناتو و همسلها:حيت كانبغيكم أولا و من خلال مكالمتك مع ماماك ثانيا
كنزة بعصبية:و علااااش
تيمور علا فيها حواجبو:حيت توحشتكممم
كنزة ضرباتو لصدرو بيديها كاتمتم بنبرة عاالية:ماعندكش الحقق تعرضنااا أناا و بنتيي للخطر هاااكااا .. انااا خليييتلكممم كوولشي و جيت لهنااا بادية من الزيييرو .. علاااش رجعتي لحياااتي علااااش (دفعاتو من صدرو بقوة كاتنهج) جااااااااوبنيييي علاااااااش (وقفات كاترعد كاتشوف فيه بعينين خارجين) ماعندكش الحق تديير فيا هكااا
تيمور خنزر فيهااا شادللها يدييها ملصقهم مع صدروو .. حط جبهتو على جبهتها كايغوت حتى هوو بقلب مقبوض:و نتيييي علااش سمعتييي لكلااموو و هربتييي .. انا نقدددر نحميييك .. درتييي نفس غلللطيييي .. و بسبااااب داك الغلطط دوزنا تقريييبا خمس سنييين و حنا بعااااد على بعضنا
كنزة كاتشوف فعينيه كاتنهج و هو كذلك مركز فعينييها .. تمتمات بنبرة مخنوقة:علاش لعبتي بيا أتيمور .. كون ماكنتيش تخليتي عليا شحال هذا كنا غانكونو أنا وياك و سارة و حتى سيف الدين .. مكانش غايموت .. م م ماكنااش غانضطرو نعيشو هاد العذاب داباااا ماكانش غايطرالنا گأاااع هادشي
تيمور علا يديه لوجهها .. حاوطو بيديه كايشوف فيها بحرقة .. نزل عندها بوجهو كثر مغمض عينيه كايشم فريحة أنفاسها المرعودة .. حل عينييه معسليين ففمها اللي قربلو و بلا مايتسنى كثر لصق شفاايفو مع شفايفها بقبلةة مشتاااقة .. خلات كنزة بلا خاطرها تغمض عينييها حتى هي، عنقااتو بيدييها بزووج محاوطة وجهو حتى هي بيديداتها .. مصو مع بعضهم شفايف بعضهم بشوووووي .. حتى سمعو صوت عطسة من سارة جنبهم .. بعدات منو كنزة بالزربة شادة على فمها حاسة بأنها كاتخرج عن السيطرة .. شافت فسارة اللي كانت كااطل من واحد السرجم فالغرفة مداياهاش فيهم
تيمور بنرفزة:خليني نكمل حتى للخرر و ماتقاطعينييش، أنااا أكنزة عشت نفس الموقف اللي عشتييه مللي خيرك الواليد بيني و بين سارة
كنزة بتسائل:باش عرفتي هادشي هذا؟؟
تيمور مخنزر:سمعتكم .. كنت فحالا واعي و مواعيش، سمعتك قلتيلي كاتبغيني و عمرك تنسايني (تبسملها .. هي خسرات فيه سيفتها كاتشوف لبعيد فحالا مارضاتش) أنا زماان كنت مواعد عبيد باش ننتاقم من عائلة عبد الهادي كااملة .. حيت راك عارفة هو كان غتاصب مااا قدام عينينا و قتلها و عاد ختي كان ضحك عليها علي و لعب عليها و وهمها باللي كايبغيها من بعد تخلا عليها و هي نتاحراات....
(كنزة عضات على شفتها التحتية مغوبشة بنظراتها .. تنرفزات مللي تفكرات داكشي .. و أكثر شيء أنه هو دار كولشي على قبل عبد الهادي اللي هي مكاتقربلو بحتى علاقة و أصلا تعاقبات حيت بغات تعاونو هو و عائلتو .. عقاب قاسي بزاااف .. تيمور كمل على كلامو كايشوف فكامل تقاسيم وجهها) من بعد داكشي حلفت فبنت عبد الهادي (كنزة خنزرات فيه حتى تبسم ابتسامة خفيفة و شدلها يدها زييير عليها مقبلهالها من االباطن تنهد بحرقة مكمل على كلامو) .. كنت كانكرهك فاللول مكانحملكش .. فلقائاتنا اللوالة راك شفتي كي كنت كانتعامل معاك و بفمي كنت بينتلك انني كانتصرف معاك هكاك على قبل ديك العائلة، كنت حلفان حتى ندير فيك كيفما دار خوك مع ختي .. ولكن من بعد ... كولشي تبدل، مشاعري تطورو .. الكره تبدل لحب .. وليت باغيك .. كنت كانقااااومك بكل ماعندي من قوووة ولكن ماقديتش مزال، أحاسيسنا تشابكو .. تحابينا .. عتارفنا لبعضياتنا و الله شاهد عليا، مشاعري كاانو و مزالو صادقين جيهتك، (كنزة قوصات حواجبها و فمها بحزن .. كاتفكر أياماتهم زمان .. توحشاتهم بزااف) دازولنا دوك الأيامات مزيانين حتى لخطوبة جوزيف و شيماء .. (كنزة تزيرااات مغمضة عينيها بقوة أول ماتفكرات ديك الليلة الكحلة) عبيد ساق الخبار ليك و لعائلتك شكوناهي بفضل عذرا بنت خالتي .. خيرني بين حياتك أو موتك و نيت فالحفلة كان شي حد غايضربك بالقرطاس لا ماكنتش ختاريت حياتك .. قالي نطلقك و نتخلى عليك و نذلك و نخليك تبكي ولا غايقتلك .. انا اكنزة عمرني عرفت الضعف حتى لداك النهار و ديك اللحضة (جرها عندو كثر ضامها ليه من خصرها كايشوف فعويناتها اللي دمعو و شفايفها كايرجعو ونيفها حمااار كاتفكر فديك الليلة اللي كانت أسوء ما مرت فحياتها) .. تبلوكيت داك النهار ذماغي وقف، ماعرفتش نفكر مزال .. ختاريت حيااتك و تخليت عليك بطريقة ملي كانتفكرها كانبغي نخنق راااسي من الندم .. تزوجت بعذرا باش نعاقبها و نعيشها جهنااام نخليها تمنا المووت و ماتلقاهاش حيت خلاتني نتفرق انا ويااك .. هي السبب الأول و فعلا .. عاشت أكفس أعوام حياتها معايا مللي تزوجنا .. تخليت عليك بديك الطريقة حيت كنت باغي نحميك أكنزة ووعمرني بغيتك تتآذاي من داك الشخص اللي ولدني .. حيت كنت نقدر نقتلو لا أذاك
كنزة بقات كتشوف فيه لمدة طويلة .. حاسة بالعافية شاعلة فوسط قلبها، سرطات ريييقها و مشات من قدامو متحررة من يديه اللي كانو مزيرينها معاه .. بقات غادة جايا .. تيمور بقا كايشوف فيها موودة كايحنحن معارفش ردة فعلها شكاتعني .. هي علات فيه عينيها ثاني و قربات عندو كاتبكي .. عنقااتو بكلل قوتها كاتمتم بنبرة مخنووقة
-نمووت وانا معاك .. حسن من أعواام الجحييم اللي عشتهم وانا بعيدة عليييك، علاااش ختاريتي حياتي لاكنتي قتلتيينيي مياااات مرة واانا بعييدة عليييك علااش 😭😭 علااش القدر فارقنا زووج مرات بسباب باااك .. واش ماعندووش قلب .. واش مكايحسش .. قولي أتيمور عفاك علاش ختاريتي حياااتي بعيدة عليك 😭 مانسيتكش و عمرني ننساك .. تزوجت بمصعب غي حيت شفت خبر زواجك نتا .. حسيت بطعنة عميييقة فقلبي داك النهاررر هئ هئ😭😭 أ أنا ك كانبغيييك و توحشتك، واش سمعتينييي .. انا كانبغيك بزااااف و توحشتك بزاااااف ألحماااار😭😭
تيمور تنهد بقوة مزيرها مع حضنو و غمض عينيه بعمق و فرحة لكلمة كانبغيك اللي عاود سمعها من فمها من أول و جديد
أحاسيس محظورة الجزء الثامن
محتوى القصة
التنقل بين الأجزاء