الساعة تشير الي التامنة مساءا ، فاطنة والمختار والمعطي وخديجة مشاو فحالهم من بعد متغداو مع زينب وزكرياء ، زكرياء حتي هو خرج مشا للفيرمة ايشوف الخدمة كيف غادة رغم انو عاد تزوج الا انو خاصو ايبقا مراقب الامور ، وزينب ضرباتها بنعسة مفاقت حتال السبعة ونص ضرباتها بتدويشة فاعلة تاركة خلات شعرها هكاك فقط دهناتو بكريم برائحة الكوك ودهنات لحمها بكريم الفانيلا ، لبسات دوبياس وفوقهم شورط قصييييير دجين مغطي شوية من ترمتها صافي مبينها سيكسي بزاااااف و الفوق لبسات شوميز قصيرة حد السوتيام بلا درعان وباللون الابيض شفافة مبينة صدرها كلو محزوم فدوك السوتيامات لي بالكحل فالتحت ، دارت خلخال فرجلها وخاتم زواجها ، كتافات بمسكرة ومرطب شفاه بالنكهة الكوك رشات ريحتها وعاد جلسات تسبغ فضفارها بالگرونة احب الالوان ليها غير سالات وهي تهبط لابسة كلاكيطة بينات رجيلاتها غزالين بيضين وعامرين ومع الصباغة جاو فنييين ، هابطة وكتسوط علي السباغة تنشف مشات للصالون العصري وجلساات قدام التلفازة شعلاتها وقلبات لاغاني كتسمع ليهم وتتمايل معاهم وهي جالسة .. دخل حاني راسو وكيجر فرجليه عيااان خلاهم نهار مشا لقاهم قربو ايحرقو الفيرمة قلبوها سفاها علي علاها شبعهم خسومة ميمكنش ايديرو شي حاجة مزيانة بلا بيه ، لاح تجاكيطو فالعلاقة لي فالبلاكارات لي حدى الباب وفسخ سباطو لبس كلاكيطة ديال الدار شوية شم ريحت زوينة بزاااااف ريحة اول مرة ايشمها وأكيد ريحة انتي فالدار لانو هو مكيديرش ريحت الكوك وحتي الدهنات لي عندو كلهم برائحة العنبر ، مشا تابع حاسة الشم عندو قادتو للصالون مبان ليه حد من غير التلفازة فيها YouTube واغاني بسيستيم تسالي وحدة تبعها الاخرى وريحت المكان كلها كوك دار مستغرب وقف حدي الدروج نفس الرائحة ودور وجهو للكولوار لي جهة الكوزينة مشا بخطئ بطيئة وكيحاول ايستنشق اكبر كمية من الاوكسجين مخلط مع هاد الكوكو لي هبلاتو ، غير وقف عند الباب وخرج عينيه من هول المنضر ، كانت الانسة مصيبة ولي ولات دابة المدام مصيبة كيف مسميها هو كتشطح بطريقة متيرة بزاااااف علي نغمات اغنية اجنبية ، كتلوي فخصرها بطريقة متييييرة وبداك اللباس لي لابسة ومؤخرتها باين فيها النص لانو الشورط تما حدو زادت الباهية ، عينيه تفيكساو علي خصرها كيف نحيف ضهرها مستقيييم وهابط مع انحناءات جسدها حتال حوضها وسبحان من صور هاد الجسد ، حس بشي حاجة مانعاه انو ايتكلم او اينادي ليها شي حاجة مانعاه انو ايشمي ايسكت ديك الموسيقي لي مقربلة الدار باش هي توقف علي شطيحها ،شي حاجة كتقول ليه شوووف وبس ، بقا مدة واقف حاضيها كيفاش كتقطع فمطيشة ورادة البال بشوووية مع الموس وصبيعاتها لتدوز ليهم وتتجبد الي بغات تجبد شي حاجة بلاصة متمشي لجيهتها تجبدها ضحك بخفة علي قمة العگز لي عطاها الله ، بانت ليه قطعات مطيشة صافي وحاطة حداها العطرية كلها والكسارن والمقالي لي فديك الكوزينة لي شاادة النص فالفيلة ومعارفة مدير كتخمم وتشوف فيهم ، تحرك شوية جيهتها وعينيه كيتفحصوها من شعرها الطويل المبلل الهابط علي ضهرها لخصرها لمؤخرتها لساقيها الطوااال والزوينين حتي وقف موراها خشا راسو حدي عنقها ونطق بصوت رجولي خااافت: شنو كديريي
تخلعات مسمعاتوش ايمتا جا ولا ايمتى دخل رجعات اللور بالزربة تعطرات برجلو كانت غطيح حط ايدو بالزربة علي ضهرها والاخري مور رجليها وهزها عندو فالحييين تشدهات من ردت فعلو السريييعة بقات كتشوف فيه وايديها ملويين علي عنقو ، لحضة صمت وتأمل كانت كتشوف فعينيه لي كيتفقدو تقاسيم وجها حتي تفيكساو علي شفايفها لي بحال الشهد باينين كينقطو العسل وعسل حر ، قاليك واحد المتل كان جميلا حتى نطق هي تعت زينب شافتو سهى شفايفها وحتي هي تزير عليها الحال ودفعاتو وهبطات بالزربة وقفات علي رجليها زينب(مخنزرة فيه): خلعتيني الضبع لاش داخل كتسلت بحال الشفار زكرياء (عاق براسو نفض افكارو ونعل الشيطان لي ولا كيخليه ايسهى فشي حوايج لا حولة ولا قوة عقد حجبانو وقال بالنفخة ): داري هادي ياكما خاصني ناخد الادن عاد نجي زينب: دارك اسيدي مبقيتيش ساكن فيها وحدك ولي تدير السوط قبل تدخل زكرياء (تحنى عندها قرب لوجها): علالاش شنو غنشوف متلا الي مخديتش الادن زينب(حتي قربات ) : وكون كنت عريانة دابة فين نصدقو زكرياء : واااه علاش المدام المصونة باقي شي عرى كتر من هدا ؟؟؟ زينب: مشفتي وااالو زكرياء(بعد منها مخنزر): قلت ليك دييييك المرة ردي البال للباسك راه كاين راااااجل معاك فالدار زينب (جمعات ايديها): حوايجي كلهم هكا كوووولهوووم وانا مولفة كنلبس هكا فالدار منقدرش نلبس حوايج كتار كنتخنق ونصهد زكرياء: لا نتي تزنطي عليا هنا وتبردي مع راسك وانا...(سكت فاخر كلمة) زينب (باستغراب): ونتا شنوووو؟ مالك سكتي مالقا باش ايجاوبها شنو ايقول ليها بلي حتي انا راجل ورغم كرهي ليك راه عندي شهوة قوية وكتتغلب عليا احيانا مهما روضتها سنين هادي وانا حارم راسي حيت قاطع وعد بيني مع ربي ومع نفسي قبل نقطع وعد مع مي لي رباتني اني منزني منقرب لشي وحدة من نهار درت عقلي وكفيت من الطيش وشديت طريق الله ، تنهد ودار شاف فدوك الكاسرونات والمعالق ومطيشة لي شادة فوق البوطاجي لي فهاد الجهة علي قدو غمض عينيه كيحاول ايتهدن اعدى حاجة عندو هي الروينة ، هو بطبعو شخص منضم فحياتو وكيبغي كل حاجة متقونة وفبلاصتها زكرياء(دار مخنزر فيها وهاز الكسرونة فاش قطعات زوج ماطيشات وربعين ماطيشة خرى كلهم مشا منهم النص مع الجلفة ): شهاد الروينة؟؟؟؟؟ زينب: كنطيب فيا الجوووع شنو سيادتهم بغاتني نبقا بالجوع زكرياء: مقال ليك حد بقاي بالجوع الكوزينة ايجيري فيها الخيل وايعيا والتلاجة عامرة تكفي قبيلة والبيت لهيه (اشار ليها لباب غرفة مسدود) فيه المؤونة من كل متقدري تحلي عليه فمك ايديك شهر وتقولي ليا تبقاي بالجوع زينب: ولكن.... قاطعها: ولكن شنوو ، ولكن مكتعرفيش الطيبي حيت نتي عندك منطق انا لا اشتغل انا اميرة ، حيت فداركم كانت عندكم سبعين الف خدامة ايوكلوك گاع بايديهم غير متقلقيش ليهم اسمو الاميرة زينب (مرضاتش): بالناقص منو گاع عشا ندمتينا نمشي نجيب مناكل من الحانوت ولا هاد الدل خرجات من الكوزينة مقلقة وهو بقا كيشوف فيها مستغرب هادي هي زينب لي لسانها سليط بكلمتو بكلمتها ايضلو مناگرين ومخاصمين فايت قجها مشا ايقتلها ومتقلقاتش شنو دابة جات علي حيت خاسمها علي الروينة والضياع لي دارت وتقلقات ، سمع الباب تخبط حط داكشي فوق البوطاجي ومشا ايجري داز من قدام الصالون ونطق : stop the music حبسات الموسيقي ومشا حل الباب بانت ليه لايحة عليها غير مونطو قصير وخارجة بداك اللبسة وفهاد الليل ، الدخان بدا ايخرج من ودنيه مشا بالزربة تابعها زكرياء(بعصبية): زييييييينب ، زيييينب قلت ليك وقفيييي زينب (غادة كتسربي فالمشية): سييير فحااالك خليتها لييييك تحرق فيها گاع نتا
زينب (كتدفع فالباب باش ايتحل): هوووف تحل حتي نتاااا زكرياء (جا سااااخط طالع ليه الدم معصصصب شدها من ايديها ودورها عندو): وااااش باااغة تجهليني لدين مك وااااش باغة نهرس ليك هاد الرجليييين فين خارجة فهاد الليل وبهاد العرى الالة هااااا (وغوت عليها حتي دمعو عينيها) زينب: متغوتتتش عليا (كتحاول تحيد ليه ايديه): سييير فحاااالك زكرياء (زير عليها كتر): مال حس جدك هاد العيشة بنتيلي ماشي هي هاديك ياكما سخنو عليك عضااامك والله يطاسيلتك ومدوزي تشي الارض حتي نوريك زينب (نفضات دراعها وبعدات اللور): اصلا نتا شنو كتعرف من غير تخاسم عليا وتضربني وتبيتني فالحباساااات زكرياء: اااانا ، انااااا لي بيتك فالحباسات اااانا لي نفتف بنت حتي غيبات خلصت فيها تعويض لكلبة الخلى متستاهل زبابل الفلوس باش مترفعش عليك قضيو واناااا لي فلقت كوميسير وتاهو زدتها ليه بمصاريف العلاج وزبابل دالفلوس خرى باش حتي هو ايسكت وايضمس القضية ، ومن هادشي كلو تقولي انا لي ديما مبكيك وانا لي ديما مقلقك زينب(سالو دموعها): اهئ اهئ ااااه نتا ونتا لي ديما كتخاااسم عليا شنو درت ليك انا شنووو غير بغيت اهئ اهئ اهئ اهئ غير بغيت نطيب مناكل (وكترمش ليه بعويناتها لي عمرو دموع وحنوكها حمارو ولات بحال شي بيبي صغيور حبستي عليه اللعبة لي كيموت عليها ) زكرياء (حط ايد علي خصرو ولخرى غمض بيها عينيه كيحاول ايتهدن بقا شوية هكاك قبل ايحل عينو وايشوف فيها مبدل نبرة صوتو فالهضرة): زينب مالك همم؟ واش مقلقك شي حد قالك شي حد شي حاجة ؟ زينب (حركات ليه راسها بالايجاب): الصمت زكرياء (قرب ليها شدها من درعانها بلطف): قوليلي شكووون شكووون هو ونمشي ليه نتفاهم معاه نمحي جدو من فوق الارض غير رجعي زينب لي نعرف زينب: ادن محي جدك من الارض حيت نتا لي مقلقني زكرياء (بقا ساكت كيشوف فيها صدماتو عطاتها ليه للوجه معرف ايبكي ولا ايغوت ولا ايسلخها ولا شنو ايدير تنهد ونزل ايديه ): مفقود فيك الامل زينب (دلات شنايفها ودموعها زادو): اهئ اهئ واااااااااااااااع اهئ اهئ اهئ زكرياء (بخوف): ماااااااااااالك؟؟؟؟ زينب: اهئ اهئ اهئ اهئ اهئ بعااااد منييييي دارت تتمشي وتقلب علي منين تخرج لمحات واحد الجهد قصيرة شوية من السور ومشات جيهتها وتبكي وتشهق خلاتو غير حال فمو مفهمش شنو واقع ليها زكرياء : مال هادي اسيدي ربي ياكما حماقت مشا تبعها حتي بانت ليه طلعات شوية كتشنق مع السور بغات تتطلع باش تنقز للجهة الخرى مشا ايجري شدها من خصرها وهبطها زينب (كضرب فيه): بعاااااد متقيسنيييش زكرياء: طرزااان نتي لحسك تبتي الارض فين غادة زينب(مسحات دموعها): سوووقك هااا واش سوووقك غنمشي لاي جايحة كحلة تبعدني عليك تهدن وشافها بلي بصح مكتديرش هادشي بلعاني باش تعصبو وبلي فعلا شي حاجة مهياش واقعة ليها ولكن شنوووو؟؟ زكرياء: هانتي انا غلط اوكي الالة (ورك علي لسانو بزز نطقها) سمم.......... سمحي ليا اوكي منعاودش يالله اجي معاية(ومد ايدو ليها) زينب: كتشوف فيه ورجعات دورات راسها للسور وعاود شافت فيه): متبقاش تقلقني؟ زكرياء (تابعها فهبالها): منقلقكش الالة زينب: ومتبقاش تتعصب وتغوت عليا زكرياء: ايتقطع لساني الي غوت زينب : وتجيبلي الشكلاط و لاكلاص والحلوة دلاكريييم زكرياء (بقا كيشوف فيها مدة حتي شافها خنزرات وتدارك الوضع): نجيبو الالة نجيييييبهم كلهم زينب (تبسمات وحطات ايدها فايدو لي ممدودة): صافي سمحت ليك
جرها موراه وهي تابعاه ومرة مرة كتحس بمغص فكرشها كيجيها بحال هرهر وكيطلقها ، دخلو للفيلة وداها للكوزينة زكرياء (جلسها فوق صال امونجي لي فالكوزينة): جلسي هنا دابة نجي زينب: رافيييلو لي بغيييت زكرياء: وخا وخا مشا حل التلاجة ودور عينيه بانت ليه باكية دالشكلاط غااالية ومداقاتها راااائعة فيها 30 حبة وكل حبة بنكهة وشكل مخالف علي التانية رغم انو ساكن وحدو فالدار محارمش راسو وحتي السعدية عندها بنية صغيرة مرة مرة كتجيبها معاها داكشي باش داير بحسابها وكيجيب السقاطة والمعطي هداك حدت ولا حرج معمر ليه التلاجة لي فدارهم وتلاجو باش فين ما مشا ايلقا وياكل وميمشيش ايطلب الناس فالدوار حيت غير مكيبانش ليه مياكل وايمشي ايهبط للدوار ايدق علي الناس ايقول ليهم فاطنة خلاتو بالجوع وشحال من مرة وكلها ليه زكرياء ووالو لي فراسو فراسو ، هزها وهز قرعة نيتيلا وحطهم ليها ورجع هز الديسير باشكالو وانواعو مقطع فطبسير وحطو حداها وحط اخيرا باطة فيها لاكلاص بنكهة الفريز والفانيلا والخوخ ، ومشا جهة الروينة لي خلات ديال مطيشة كينضف فيها باش ايدير لعشا زينب (القلوووبة كيخرجو من عينيها ): اححح الحب العشق (هزات معيلقة من نيتيلا خشاتها ففمها ) اااممممممممم دار شاف فيها كتاكل وتبنن وتخرج فدوك الاصوات لي عاد مكيزيدو علي مبيه دار متبسم وبدا كيوجد باش ايدير ستيك لحم مشوي فالمقلة مع الهليون مسوطي فالزبدة وصلصة بالبيشاميل للعشاء زينب (ناضت هازة الباطة ديال لاكلاص وخاشية المعيلقة ففمها كتبنن قربات ليه وطلعات وقفات علي صبيعاتها باستو فعنقو من الجنب بنجااااااتو خلاتو واقف مصدوم ووقفات قدامو عينيها كيبرو ومبتاسمة ): شكرااااااا بقا حاني راسو وهاز الموس بايد والاخرى شاد بيها اللحم وداير بوووز كيحس ببلاصة ديك البوسة كتحرررررق وباردة فنفس الوقت زينب (طلعات جلسات فوق البوطاجي حداه عمرات معيلقة وحطاتها ليه حدى فمو): حيت نتا وليتي ضريف معايا حتي انا نكون ضريفة معاك هاااك هز عينيه فيها كيشوف وممتيقش واش بالصح هادشي لي كيشوف حل فمو بشوية خشات ليه المعلقة ففمو كلاها وخرج ليه شوية جنب فمو مسحاتو بصبعها وهو غير حاضيها حتي حيدات ايديها ورجعات تاكل فلاكلاص وتلدد وكأنو مدارت والو ولا شعلات فيه هاد العافية كلها ، حنحن ووعى تاني علي راسو عاود هز عينيه شاف فيها تبسمات ليه : بغيتي؟ (مدات ليه معيلقة اخرى) زكرياء: لا غير كولي احمممم ودار كيكمل فتوجادو وهي كتوريه زعمة راها عارفة وتبدا تدوي فاي موضوع وتسولو علي اي حاجة شنو هادي شكدير فهادي وعلاش مدرتيش هادي وهو مدطر انو ايجاوبها علي كل سؤال والا تدير ليه ملحمة وتا فاش عصباتو وقال ليها سكتي شوية بداو عينيها ايعمرو دموع حتي بالزربة خشي ليها حبة شكلاط ففمها ورضات بالزربة وزادت تضحك بقا حاير بحال الهبيل مفاهم حتي لعبة ، دازت ربعد ساعة اخرى وهي باقة جالسة فوق البوطاجي وهو واقف بعيد حدي البوطة كيقلي فاللحم ، سهااات هاد المرة هي فيه جات نوبتها رجل ما شاء الله طول بعرض كتافو عراض وضهرو داخل وخصرو نحيف مقارنة مع كتافو باينة كيتريني بزاف من غير تمارة دالفيرمة ، عضلات بطنو كيبانو من تحت التيشورت لي لسق عليه بسباب العرق ، واقف وكيحرك المقلة بواحد اليد والاخرة شاد بيها معلقة ومرة مرة ايرمي السوس فوق شريحة اللحم ، كلشي راضة ليه البال غريزتها الانتوية لي كانت متحكمة فيها ومخلياها تبقي حاضيه مشات لتقاسيم وجهو وبشرتو ملامحو العربية الخشنة وشفايفو الحووووومر لي غير ديال التشلقيم تبسمات علي افكارها وبقات حاضيه دار علي غفلة باش ايهز شوية الملح ايلوحو فالصوص بانت ليه ساهية فيه وكتشوووووف وخاشية المعلقة ففمها وكتلحس فيها شاف فيها باستغراب طفا علي البوطة وهز فوطة مسح بيها ايديه لاحها علي كتفو ومشا مقرب ليها وقف قدامها حيد ليها المعلقة وهي باقة ساهية فيه محيداتش عينيها عليه وعلي شفايفو ، تبسم من نضراتها ليه وهز ايدو حطها علي جبينها زكرياء: ههه حرارتك مزيانة مسخوناش مالك اليوم؟ زينب (سكتات مدة طوييييلة ومن بعد نطقات ويريتها منطقات): عاد شفتك مزياااان ، صدقتي زوين بزااااف وانا مرضيتش البال
زينب (شادة فكرشها): اااااااااااه امممم كرشيييييي اهئ اهئ زكرياء: شتيييي شتييي الشكلاط والكلاص شنو كيديييير علاش عطيتهم ليك انا اصلا علالالالالاش زينب: اااااااه اهئ اهئ اهئ اااااي كرشي زكرياء كنتقططططع زكرياء(وقفها بزز علي رجليها وشادها بايديه فاش شاف رجليها مقاداش توقف عليهم وشاداها السخفة): ششش صبري صبري نمشو دااابة عن.... (بان ليه البوطاجي فيه الدم وحل عينيه كتر فاش شاف شورطها عامر دم) شنن....شنووو...شنوووو هادشييي؟؟؟؟ زينب: ااااااااه اهئ اهئ اهئ ااااااااااع زكرياء كنمووووووت اهئ اهئ معرف باش تبلي ملقا غير ايديها للسبيطار لوي عليها ايزار هز سوارتو وتيليفونو ودفتر الشيكات حطهم فجيبو وهزها لانو مقادراش تتمشي علي رجليها ركبها فالطوموبيل اللور وهي كتلوي وحامياها للغوات والبكي خلعاتو مبقي عرف ميدير بالزربة ركب وخرج طاير لاقرب مستوصف تابع ليه الدوار ، مسافة الطريق وزكرياء غادي بالطوموبيل طااااير وقفو قدام مستوصف رغم انو صغير الا انو مجهز ولاد المنطقة والمحسنين هوما لي تكلفو بتجهيزو بمساعدة زكرياء طبعا اما كون بقات علي الدولة كون بقا فيه الدوي لحمر والحيوط صافي ، دخلها للمستعجلات كيجري هازها وكيغوت علي الفرمليات شي وحدة تعاونوه دخلوها لغرفة ودخل عندها الطبيب المناوب وزوج فرمليات خرجو زكرياء وسدو الباب بقا واقف برة وشاد فراسو كيمشي وايجي بعد 10 دقائق خرج الطبيب زكرياء (شافو مشا عندو طاير ): مالها؟؟؟؟ ياك لاباس شواقع ليها؟ الطبيب؛ تهدن امسيو زكرياء المدام مواقع ليها والو الامر طبيعي جدا زكرياء: كيفاش طبيعي وهي كانت غتموت بالجوع وداك الدم ... الدم بزاااااف الطبيب : تهدن واجي معاية للبيرو نشرح ليك مشا معاه زكرياء للمكتب جلسو وهو علي نار زكرياء: هاهو جلس يالله قول شعندك الطبيب: المدام ففترة الدورة الشهرية شيئ طبيعي زكرياء: كتفلي عليا الدورة الشهرية غدير ليها هادشي كلو الطبيب : فهادي عندك الحق فالنورمال مخاصش اينزل منها ديك كمية الدم كلها وحتي داك الوجع الكتير والسخفة راجع لاسباب صحية زكرياء: مفهمتش ؟ شمن مشاكل؟ بحالاش الطبيب : المدام كتاكل شي دوى معين؟ او كتعيطي شي حاجة ؟ زكرياء: كيفاش كتعيطي واش عارف شكتخرج من فمك الطبيب: هادشي مغيبانش اكيد هكا ولكن هادو اعراض تأتير واحد المادة علي الدم هاد المادة غالبا كتستعمل فالمخدرات او الادوية خاصة ادوية الاعصاب منها زكرياء (بتدارك): اااه كنت سمعت بلي هي كتاكل ادوية اعصاب الطبيب: ادن هوما السبب فهاد كمية الدم الكتيرة لي شفتي ، فاش وصلاتها وقت الدورة الشهرية وخرجات خرجات ليها بكمية كبيرة بزاف وباينة حتي انو مكلاتش الدوى بانتضام مدة هادي لانو كون كلاتو كانت غتكون اقل زكرياء: علاش ياك دوي الاعصاب كيتكال غير فحالة تأزمات حالة المريض الطبيب: هدا خطأ كيقومو بيه بزااافت المرضي ، الدوي خاصك تاخدو وتبعو باستشارة الطبيب حتي فحالة كنتي كتحس براسك مزيان وقال ليك الطبيب كولو يوميا لفترة معينة راه من الخطأ أنك تحبسو وهادشي لي دارت المريضة تماما زكرياء: وشنو المعمول دابة واش غتبقا تتوجع هكاك؟ الطبيب: لا غنوصف ليك شي ادوية تقدر تاخدهم من الفرماسيان لكن قبل خاصك تجيب ليا نوع دوي الاعصاب لي كتاكل باش نعرف شنو نعطيها زكرياء: معارفوش انا الطبيب: ضروري تعرفو ، المريضة ناعسة دابة عطيناها مهدئ سير جيبو واجي او فقط تاصل بشي حد ايبعت ليك صورتو او اسمو زكرياء: وخا شكرا شوية ورجع عندك ناض زكرياء خرج للجردة وجبد تيليفونو صونا لاسماء باش ميخلعش البقية اسماء(بفرح): الووو السلام عليكم زكرياء زكرياء: وعليكم السلام اسماء لاباس اختي؟ اسماء: الحمد لله ونتا لاباس؟ زكرياء: الحمد لله شوفي اسماء غنقول ليك شي حاجة وحاولي تديريها بلا ميحسوش بيك اسماء(كانت جالسة كتفرج معاهم مجموعين فالصالة): احم ماما زكرياء بغا ايسولني شي حاجة فالخدمة غنمشي ندوي الفوق باش نشرح ليه فاطنة: وخا ابنتي سيري المعطي(مخرج عينيه فالتلفازة): ويلي ويلي شوفي غيحويها اسماء (خارجة وضرباتو فراسو ): ششش نتا اعود بالله من كلامك خرجات من الصالة وطلعات لبيتها بالزربة: شنو كاين ازكرياء ياك مواقعة شي حاجة زكرياء: لا والو غير زينب مرضات شوية وجبتها للمستوصف اسماء: شنووووو ؟؟ مالها ياك لاباس؟؟ زكرياء: والو باس متخافيش الطبيب طمني عليها وقال بيخير شوية ونرجعو اصلا للدار متاصلتش بيهم باش ميتخلعوش اسماء: ياك بيخير شنو وقع ليها زكرياء: من بعد نشرح ليك شوفي زينب كتاكل شي دوى دالاعصاب ياك اسماء: اه اه خالتي خديجة كانت تدنيت غتجيبو ليها الصباح حيت فاش جمعو الحوايج نساو مجمعوه زكرياء: مزيان صوريه دااابة وسيفطيه ليا فالواتس اوكي باش نوريه للطبيب اسماء: وخا دابة نصورو ونسيفطو هانتا باش مكاين عاود صوني ليا وطمني عفاك زكرياء : وخا ان شاء الله قطعات معاه ومشات لبيت خديجة والمختار قلبات علي الدوي تا لقاتو صوراتو من كل الجهات وصورات حتي الورقة لي فداخل البكية ولقات حتي ورقة اخرى طبية صوراتها وسيفطاتهم ليه وخرجات فحالها وهي كتدعي باش تفيق زينب علي خير
سايق راجع للدار عين علي الطريق وعين عليها هي كيطل عليها من المراية الامامية دالطوموبيل و تفكر كلام الطبيب من بعد موراه التصاور دالدوي الطبيب: هاد الدوى خطيييير زكرياء(بقلق): كيفاش خطير ؟؟؟ الطبيب: هاد الدوى مسكن قوي بزاااااف كيتعطي للمرضي بالاعصاب لي كتنتابهم نوبات انهيار عصبي حادة وايقدرو إيأدو نفسهم زكرياء: اهاه وشنو المعمول راه تلفت وحق الله تا تلفت الطبيب: تهدن امسيو الراشيدي كنتفهم خوفك علي المدام ولكن لحد الان حتي حاجة مكتستدعي القلق انا غنعطيك المسكن لي كيتماشا مع هاد الدوى زكرياء: وبخصوص مكتبعش دواها قلتي؟ الطبيب: هاد الدوي غااااالي امسيو زكرياء هانتا شوف باكية علي قدها فيها زوج حبات فقط هادشي ان دل علي شى كيدل علي انو مكيتخادش بشكل يومي يعني تخميني فانو قاطعة وهاملة دواها كان غالط المدام اكيد غيكون الطبيب لي وصفو ليها وصاها تاكلو فحالة القلق والانهيار فقط زكرياء: يعني معنا مناش نخافو الطبيب: كون هاني المدام غتولي مزيان (كتب ليه مسكنات الالم وعطاهم ليه) تفضل وغير ايكمل السيروم ايمكن ليك تخرجها زكرياء (شد الورقة قراها وخشاها فجيبو عاد غينوض تفكر شي حاجة ورجع جلس): بغيت نسولك علي حاجة اخرى الطبيب: مرحبا زكرياء: احمم واش هاد ... هاد العادة تقدر تأتر علي مزاج او عادات المرأة الطبيب(تكي علي الكرسي كيضحك): ههههههههههه متخيلش قداش ،(ناض مشا لواحد الجهة حدي واحد الخامية وجرها بان لزكرياء فراش فالارض وصاك دالحوايج) هادي يومين وانا بايت هنا بسباب هاد العادة زكرياء(بصدمة ): لهاد الدرجة الطبيب: وكتر صدقني دازو علي راسي حالات بقيت حال فمي اما الحمل اوهوووو عيشة اوووخرى هاديك ، المرأة فهاد الفترة كتولي حساسة فوق القياس علي اي حاجة تقلق وتعصب وتدير من الحبة قبا تتشهي اي حاجة وتقدر تعجبها الحاجة لي كتكرها فالايام العادية تقدر تضحك معاك دابة والتقلب عليك فنفس الدقيقة ، تقدر تكون كتبكي وشوية تلقاها كضحك ، تقدر تحط شي حاجة باش تاكلها غير تبغي تخشيها ففمها تنفر منها ومتحملهاش هادشي من غير النعاس والاحساس بالاكتئاب والوحدة وزييد وزيييد زكرياء : وشنو المعمول مع هاد الهبال؟ الطبيب: هدا مسميتوش هبال هدا تغير فالهرمونات ومليهش دوي من غير انك تحاول تسايرها حتي دوز هاد الفترة تبسم ودور وجهو كيسوق وهو مستاعد انو ايدير اي حاجة باش ايتفادا معاها الصداع طول هاد الايام
واقفة عند راسو وهازة جنوية شعرها واقف للسما مشنتف بايتة مدابزة غير مع راسها رغم المسكن لي دگو ليها باش تنعس وتكالما مقضي فيها والو زينب (كتحرك فيه بايدها الاخرى): هيييييه افيييق اسي فييييق ناض بشوية كيحك فعينيه وايحاول ايحلهم وايعاود ايسدهم منعس حتال لفجر عاد غفات عينو حداها بايتة مسهراه وهو كتكي فوق الكنابي وخدام ووقت ما تخلعات ولا بدات تبكي وسط الحلمة ولا حتي طلقاها بشي ضحكة من قاع قلبها اينوض مفزوع ايتفقدها وفاش عيا ومبقاش قاد داتو عينو فوق الكنابي زينب: هييييه انووووض اداك الضببببع (وكتحرك فيه) شتك نعستي ليا هنا نوض نتفاهمو نووووووض حل عينيه ديريكت علي الجنوية لي قدها قداش عند وجهو نيشان والمدام مصيييييبة واقفة وكتشوف فيه شوفة الموتة عند بالو فلول غير كتحلم حتي نغزاتو بالموس بشوية ومع دالك تجرح فايدو الجنوية ماضية زكرياء (مخرج عينيه): زينب زينب شكديري حيدي داكشي من ايديك زينب: شنااااااهو (وكتشير بيها فالهوا): عاااااود شقلتييييي زكرياء: زينب حيدي الجنوية اريها ليا دابة تجرحي ايدك (مد ايدو بشوية للجنوية) وندويو فاش ما بغيتي زينب (كحازت اللور مخنزرة): لالالالالاءءء اسيدي غندويو ودااااابة والجنوية فايدي وتمشي حتي تهز صوتك ولا تخنزر فيا نتقبك بيها زكرياء بغا ينوض وهي تحطها ليه حدي رقبو وواقفة قدامو : ششش جلس بلاصتك ولا حركة زكرياء: زينب حماقيتي شهاد الخرى علي الصبباااااح واش لي خليتيه فالليل تكمليه فالصباح خليني غير حتي نصحصح شوية وديك الساعة اري معندك زينب: وماغوااااااااتش عليا متغوااااااااتش زكرياء: فينها البكاية ديال البارح فينها البنت الضريفة والمضلومة صافي جاتني رية وسكينة قلبتيها دبيحة زينب: نقلبها حتي فاشينيستا ونتا مااالك هااااا ، هادي دوزناها وهاااادوووو (مدات ايديها شدات بيهم البيجامة لي لابسة) شكون لبسها ليا هاااااا نطاااااااق ليوووووم نقتلك غفلاتو وهزات الجنوية حتتتاااال الفوق هو شافها هكاك دفعها وهرب طاح الارض هبطات بيها ديريكت علي الكنابي ، خرج عينيه فاش شافها بالصح كون جات فيه كون روحو دابة عند الله ، دارت شافت فيه طايح فالارض وقربات ليه بحال شي هبيلة: صبرت ليك بزاااااف من نهار جيت لهاد الجايحة الكحلة تال دابة كلمن درتي فيا فنخلصو فيييييييييييييك (وعاودات نزلات عليه بالموس وهرب كيجري جات فالارض) زينب: وقااااف نوريك وقااااف خرجات كتجري تابعاه وهو الكلام وقف ليه فحلقو واش من نيتها واش بالصح كتضرب بديك الجنوية ولا هو باقي لحد الان ناعس كيحلم زكرياء (كيجري هابط مع الدروج): وااااا الهبيلة واااا المصييييبة شكدييييييييرييييي خرج للجردة بالزربة حفيااان مشقلب بالنعاس مفاهم والو لي عارف انو الي بقا واقف حداها اتصفيها ليه وقف مخبي مور النافورة الصغيرة لي فالجردة : واش هبلتيييييي واش حماقيييييتيييييييي زينب (واقفة فالجهة المقابلة ومخرجة عينيها حفيانة حتي هي بحالة هاربة من سبيطار الحماق): اااه حماقييييت هبلللللت صاااافي الفريخ طااااار واليوووووووم روحك حتي هيا الطييييييييير مشات تجري جيهتو وهو صافي عيا من الهروب وقف كيتسناها تجي غير قربات ليه شد ليها ايدها بالجهد وبقات محاربة معاه باغة تنزل عليه بيها ، شافتو قوي منها وغيشدها منها وهي تضربو لمعلم برجلها طاح الارض كيتوجع هزاتها حتال الفوق عاد غتنزل عليه بيها وهي تسمع صوت انتوي كتعرفو مزيااااااااان ايناس(واقفة مدهوشة هي وهدي وهند صحابات زينب ): زييييينب تبنجاات بلاصتها دورات وجها بشوووووية لجهتهم وزكرياء غمض عينيه كيتسني الدقة حتي محس بوالو حل عينيه ودورهم وهنا كانت الصدمة ليه فاش شاف شي بنات واقفين وحداهم الوفد الالماني : مستر روووووبرت؟؟؟؟؟؟؟
وقفات زينب بالزربة تقادات بلاصتها وناض زكرياء شدات فيه كتعاونو اينوض تسوس ليه حوايجو وضحك زينب: ههههه كنا ...حنا كنا كلعبووو ياك (وضرباتو بمرفقها لكرشو زواتو) ههههه روووحي نتا زكرياء (شد فكرشو): ااايييي كح كح ااه كح كح كنضحكو ههه مشات تجري سلمات بلابيز علي صحاباتها : اوووه متخيلوووشي شحال توحشتكم زكرياء (مشا حدي الالمانيين ): good morning mr.Robert روبيرت(باستغراب):good morning Mr. Zakarya , you're fine right؟(صباح الخير مسيو زكرياء واش نتا بيخير ياك) زكرياء: hhh yeeeh sure i was just kidding with my wife (اكييييد انا بيخير فقط كنت كنضحك مع مرتي) hhh my lovely wife(زوجتي الحبابة ههه) زينب: اكيد اكيد هههه نتوما احم نتوما كتعرفو بعضياتكم اناس(شافت فيهم ورجعات فيكسات عينيها علي زكرياء بغات تاكلو بعينيها): هههه لا احبيبة تلاقينا فالدخلة دالفيلة زينب: اهااا ههه صدفة صدفة زوينة هادي ياك ا زيكو (دارت شافت فيه بمعني طحنا فمصييييبة) زكرياء: ههههه اكيد زوينة مرحبا تفضلو علاش واقفين الدار داركم هند (كتشوف فروبرت ولي معاه): ولكن متعرفناااشي زينب: تفضلو لداخل وتعرفو كيف بغيتو لتبقاوشي واقفين هايدا مخلاوهمش زادو كلمة اخرى داوهم كيرحبو بيهم الداخل ايناس وهند وهدي حلو فامهم غير من الدخلة دباب الجردة هادي ماشي فيلة هادى راه قصر ودابة صااافي غيمووووتو بالفقصة كيدورو فعينيهم كيف اللبوية هند (كتوشوش لايناس): شووووفلك العقربة فين ساكنة غنمووووت بفقصتييي هدى: غييير سكتي يختي جينا نتشفااو فيها صدقات هي اتشفا فينا ايناس(غادة وكيشوف فزكرياء كيفاش كيتمشي ضهرو العريض طولتو قوامو جمااالو لي كيحمق ولونجلي عندو مسرحة ومن غير هادشي كوووولشي هاد الاخير الكتيييير لي عندو ، تبسمات بتقة ومكر وهي كتشوف فيه): هاحنا انشوفو شكون ايضحك فالاخير
دخلو وجلسو وناضت زينب وقفات زينب : ههه شنو تشربو ايناس: لي جبتي احبيبة علي دوقك هدى وهند : حتي حنا زينب(شافت فالوفد) : ونتوما روندا (لبنانية): بنشرب كمان علي دوقك حبيبتي (دارت عند روبرت شرحات ليه ووافق) وهو كمان موافق محمد (متشوفوش الاسم ومتدوووووش عليه ابدا ابدا ابدا حيت جنس هاد الكائن بشري مجهول مانو محسوب من الرجال ومانو محسوب من العيالات واخد من الرجال الجسد وواخد من النساء الروووح ): احم انا جيبيلي كوكتيل احبيبة (وداير رجل علي رجل وايديه جامعهم فوق رجليه وجالس حسكة ضهرو مستقيييييم) زينب (كتشوف فيه وطلع وتهبط): ووو...وخا ههه ونتي (دارت شافت فلي حدى روبرت) اااه عنا الهنود فالدار عاد رديت ليها البال هههه (نغزات زكرياء ) شوف شوف والله تا هندية وعندها ديك الزبيبة حدي نيفها زكرياء (نغزها ودوي بشوية): ششش فضحتينا راه مرتو هاديك زينب (دارت دايرة ايديها علي فمها وشافت فروبرت): اووووه your husband؟(اووه راجلك) زكرياء (غمض عينيه من الكارتة لي قالت وحدر راسو دوى بينو مع راسو): الله يرزقني الصبر محمد: ديكووولاص ، هاديك راه مرتو ماشي راجلو واش كتشوفي مزيان شمن husband زينب: ياك الزوجة هي husband زكرياء(قرب ليها): الله ايستر عليك الله ايخليك الي كنتي بغيتي تدوزي هادشي علي خير سكتي وبعدي علي لونجلي بليييييز تبسم ليهم وجرها للكوزينة شاف موراه مبان ليه حد ودار مخنزر فيها : قضية القتل العمد ديال الصباح والفضييييييحة لي درتي نتفاهمو عليها من بعد ومن هاد الدقيقة ومن هاد التانية غادي ديري عقلك فمخك وغادي تمتلي دور الزوجة الحنون الحبابة الضرييييييفة والمكافحة لي عاونات راجلها وسانداتو قبل الزواج ومن بعدو زينب (قربات مخنزرة): وفالمقابل نتا نتا غتمتل دور الزوج العاشق الولهان الي دطر الامر تولي روميو وانا جولييت متقصرررررش شفتهم كيف كيدورو عيزيهم فالفيلة اكيد كانو بغاو ايتشفاو والصدمة لولة جاتهم يااااااس اول ضربة ليا تبارك الله عليك ازينب استمري زكرياء: لا مع فضيحت husband. معندي منقول ليك وزايداها كتعايري ليه فمرتو قدامو راه المترجمة رويضة ولا روندا ولا شنو سميتها حداااه كترجم ليه كلللللشي بالحرف العار متخرجيش عليا زينب: صاااافي صااافي سكت انا ندير لي فجهدي باش ايتيقووونا زكرياء: وخا هاحنا انشوفو (دور وجهو كيشوف فالجهة الاخرى حتي بان ليه انعكاس صورتو فالمراية لي ملقصة فالحيط فالكوزينة وبقا حال فمو : زيي...زييييينب زينب (دارت عندو): شنننن...(حلات فمها فاش شافهم كيف دايرين وحالتهم لي تخلع) ووو...واااش...واش خرجنا عندهم ههههكككااا.. زكرياء: اااه وجنوية فيها ميترو ونص زينب (ضربات فراسها ): اخخخ منك ازينب اااخخخ
مشاو بالزربة طلعو ايجرو بدلو عليهم لي لقاوه قدامهم لبسوه وهبطو عاود للكوزينة وجدو ليهم المشروبات زينب (هازة الصينية): الله يسر لنا في هدا وارزقنا وانصرنا علي القوم الضالميييين زكرياء (كيشوف فيها): اييه غادية تحرري القدس ولا شنو زينب: غنحرر عيشة قنديشة لي ساكناني ونحرق هاد الحزاق كامل اصلا بديت تنعيا من دابة الي مزتيش وسكتي زكرياء: صافي صافي ونتي شاعلة غير وحدك زيدي مشات كتمختر بمشيتها دخلات للصالون لقاتهم جالسين وشي كيشوف فشي زينب: ههه مرحبا بيكم ، نماستييي ، مرحبتييين ، هوشكااالدنيييس هاهية حتي بالتركية هههه ايناس: هههه جا معاك الزواج ما شاء الله زينب: اوووه (مدات ليها الصينية تهز العصير) متخيليش قداش واخيرا تجمعت مع حب حياتي هدى: حب حياااااتك؟؟ علاش من ايمتا ونتوما كتعرفو بعض حتي ايكون حب حياتك (قرصاتها ايناس من التحت للتحت)هههه من ناحية الفضول كنسول زينب (مدات العصير لمحمد لي كيشوف فيها وهاز منيخراتو لسما ): من شحااال ا بب انا كنعرف زكرياء من خمسة السنين زكرياء (كان كيشرب عصيرو حتي وحل ليه وساطو خرج من فمو ونيفو فالارض): كحكحكحكككحح كحكحكحكحك زينب (كملات الدورة عليهم سمعاتو شرگ ليه حطات الصينية ومشات تجري عندو كتخبطو فضهرو): صحة حبيبي صحة (وكتضرب) زكرياء ؛كحكحكككح صا...صافي كحكح صافي هرستي ضهري (ودار مخنزر فيها) ايناس(كتشوف فزكرياء وزينب): باينة بيناتكم حب كبير زكرياء (هز منديل مسح فمو): pardonne احمم.. اه حب كبير (شاف فروبرت) i know my wife from 5 years a go , and from the first Time I saw her I seed this's the girl who I looking for روبرت (بإعجاب): ohhh that's soo romantic , you I mean both of u look's amazing زكرياء: hhhh thanks that mean a lot to me زينب (نغزاتو): شرح شرح مفهمتش زكرياء (قرب ليها) ؛ ماشي خديتي الباك بممتاز جدا علي الاقل تكوني جبتي فلونگلي 19 زينب : اااه جبت فيها 19 وشنو ايسحاب ليك هانتا سمع سمع زكرياء(كتقرص فيها): شش زينب زي.... زينب: هههه احم احم (زكرياء غمض عينيه وحدر راسو) ماي نااايم اار زينب اي واز توينتي تري يووور زووولد (البنات شادين الضحك بزز واحمد خرج عينيه فيها) نايس تووو ميييت يووو ههههه روندا: ههه ميرسي حبيبتي الهندية غير كدوح براسها دايرة كيف الاطرش في الزفة مفاهمة والو غير كدوح بداك الراس كتابت ممفيكسيش عندها احمد: شمن ميرسي حتي نتي شمن ميرسييييي مسمعتيهاش بجغات اللغة يشويني فيها زينب (خرجات عينيها ودوراتهم ببطئ لجيهتو): نعاااام زكرياء (شدها عتق الموقف): ههههه خلونا من هادشي هههه احم ههه انا نعرفكم بالاول علي بعض (شاف فالبنات) ميستر روبرت مدير اكبر شركة للاعلانات فالمانيا وهدا مسيو احمد المستشار الاول لمسيو روبرت ومختص فمجال التقنيات والتكتيك فالشركة محمد: محمد ماشي احمد اولا وتانيا نيسي اني باحت مختص فاللغة العربية واصولها زكرياء: ياااااه بالصح ههه مكانتش فراسي ، احم وهادي زوجة مستر روبرت ايفا هندية الاصل وهادي روندا المترجمة الخاصة بمستر روبرت ايناس: متشرفين انا ايناس وهادي هدى وهادي هند صحاباات زينب وسيدات من الطبقة المخملية فالمغرب محمد: واااضح حبيبتي من لباسكم واناقتكم وتصرفاتكم وااااضح مواح مواح مواااح (سيفط ليها بوسات فالهوى) زينب (بغاا تنوض وشدها زكرياء ، دوات من تحت سنانها): طلقني طلقني عليه نقطع ليه شلاقو علي اساس ناقصني كانو تلاتة ولاو ربعة زكرياء (شدها): تببببتي الارض تببببتي
زكرياء: مرحبا بيكم كاملين الوقت قدامنا ونتعرفو كتر علي بعض هههه ايناس: اكيييد روحي غنتعرفو غنجلسو معاكم هنا تال نهاية الاسبوع نشبعو وحشتنا من صاحبتنا روندا: هههه تصادف حلو ونحني كمان راح نجلس لاخر الاسبوع ايناس: اوووه خمس ايام مع بعض زينب (دورات راسها بشوية شافت فزكرياء وحتي هو شاف فيها ): مشيييييينا فيها محمد (كيشوف فزينب معرفش علاش فاش دخل محملهاش وسبحان الله حتي هي محملاتو مقبلاتو ، القلوب تحس ببعضها): همم خمس ايااااام (وسد عينيه كيشوف فيها) زينب (دورات وجها لعندو وتبسمات بالفقصة )؛ ههه خمس ايام هدى: ايييه زينب مقلتيش لينا كيفاش تلاقيتو زينب وزكرياء فنفس الوقت: كاليفورنيا ، كازا بقاو كيشوفو فيهم باستغراب هند: كاليفورنيا ولا كازا؟ زينب: هههه كاليفورنيا فگازا هههه تما تلاقينا ياك ا بب (وشدات ليه فايديه) محمد: وجهك ديال درب سلطان صراحة متأكدة كاليفورنيا زينب (شافت فيه مغددة): وانا كنقول ايمكن فين فايتة شايفااااك ماشي نتا لي خورووك فدرب الكبير كلشي خرج عينيه فزينب تعصبات ومعقللاتش علي راسها ايمتي قالتها محمد: mais quoooiiîiiiiiii زكرياء: هههههه زينب بغات تقول واش نتا من درب الكبير ياك احبي هههه زينب (كتشوف فيه باقي): والله هو عارف شنو قصدت محمد (بقا كيبادلها نفس النضرات): وااااه انا لي عااارف زينب: مزيان (ودورات وجها لعند هدى) تعرفنا فكازا فكاليفورنيا ا بب وقعات اكسيدون وتما اول لقاء كان هدى: وكيف كان يعني شنو وقع بالضبط زينب: كنت غادة فالطريق ودخل فيا واحد الضبع اااااااي (زير عليها زكرياء) زكرياء: هههه بغات تقول دخل فيها واحد مشافهاش او بالاحرى هي لي مشافتوش ولكم ان تحزرو شكون هو هاد الواحد ايناس: نتا؟ زينب: ههههه تماما هوواااا تما عرفت انو حبييي ونصفي الاخر ، الرجل لي غنقدر نأمن عليه حياتي ونكمل معاه تال الاخير ، زكرياء اكتر من مجرد رجل (دور راسو شاف فيها شنو زعمة اكتر من مجرد رجل هاد الجملة معناها كلو علي بعضو ملاوط مفيه ميتلبق) بغيت نقول زعمة انساااااان محمد: ياااااه بالصح عند بالي كائن فضائي زيدي كملي زينب (متسوقاتش ليه): يعني نبيل باخلاق عالية كأنو بطل مكاااافح منقدي حبيبي زكرياء (كيجر فيها تسك وايوشوش): العار صافي صافي متزيديش كلمة خرى فضحتينا زينب: يعني اكتر من مجرد رجل محمد: سؤال زينب (مع نفسها؛ اللهم صبر ايوووب ، دارت جيهتو): وي تفضل محمد : رجل اكتر من مجرد رجل كيف كتقوووول وخا هاد الجملة بالحرام عليا فهمتها احمم كلنا كنعرفوووه مشهووور رغم انو مكيبانش فمواقع التواصل الاجتماعي لكن حنى كنعرفوووه فوسط العمل شنو درتي يا ترى باش تستحقيه زينب: شنوو بغيتي تقصد محمد: سؤالي باين شنو درتي باش ايتزوجك ايناس وهند وهدى لقاو جنتهم جاهم هاد السؤال بحال رحمت الله شافو فبعضياتهم بمكر وكيتسناو جواب زينب لي من وجها حمااااارت وعيشة قنديشة هاد المرة بالصح اتخرج
زكرياء (حاوطها بدراعو وجرها لعندو وشد بليدو الاخرى ايدها لي فيها الخاتم ): السؤال الاصح شنو درت انا باش نستحقهى ، (دار كيشوف فعينيها) اول مرة شفتها حسيت بشي حاجة غرييييبة فالاول دفعات عليا كبير ههه وتكبرات عليا ولكن طبيعي الي متخلاقش ليها التكبر وعزت النفس مع كل هاد الجمال والروح الطيبة لمن ايخلاق (شاف فصحاباتها) لاقل منها متلا (رجع شاف فيه هو لي كان محاملش الموقف) هدا هو السؤال لي خاصك تسول ، مرتي شرفي وعرضي ومن غير هادشي كل البنت لي حطيت فيها كامل تقتي وأمنتها علي قلبي هاهي حداية متخيلووووووش مقدار الحب الكبير لي كنحس بيه من ناحيتها ولي كيكبر نهار علي نهار (رجع شاف فيها لقاها مصدومة مكترمش وباس ايدها بلطف صافي كملات بنجها) انا المحضوض ، انا لي ههه انا كيقولو عليه مزغرة عليه امو باش ياخد زينت البنات ، اناقة جمال رقة لطافة حنان القلب الابيض حداكة و تقافة وتعليم تواضع وغيرو الكتير تجمعو فيها هي ، هي وحدها (دار شاف فروبرت لي باينة فيه مأتر لانو روندا كترجم ليه كل كلمة ) صراحة حتي انا فالاول مكنتش كنشوف هادشي كلو فيها كتخبيه تحت شخصية قوية باش حتي واحد ميقلل منها او ايستصغرها ولكن انا قدرت اني نشوف هادشي كامل
ايناس (بغااااات تمووووت بالفقصة تبسمات بزز): ههه بزاااف هادشي علي الحب
هدى: ضربت معلم هادي هههه (قصدها السحور)
زكرياء (طلع حاجب وهبط لاخر): والله هادشي كتير علي لي عمرو عاشو او حس بيه (وشاف فهدى) وضربت معلم كدالك علي لي موالف ايمشي ليه
زكرياء: ولو مرحبا كتبقاي صديقة زوجتيييي (وورك عليها) تفضلو معاية
ناضو كاملين داهم وراهم البيوتة ايناس وهند فبيت وهدى وروندا فبيت ، روبرت ومرتو فبيت ومحمد فبيت ، هبط للكوزينة هو وزينب مشا سل الخضرة من بيت المخزن لي جات طرية مع الصباح وداز ايغسل فيها وهي هازة تفاحة تاكل فيها ومتكية علي التلاجة
زينب : صراحة كانو خاصهم ايعطوك جائزة اوسكار فالتمتيل علي شوية كنت غنتيقك
زكرياء (دار مخنزر): متيقيييش ا زينب متيقيييش خير ليا وليك (هز الصينية دالخضرة ومشا للبوطاجي لاخر اينقي فيها) اي حاجة قلتها برة كانت تمتيل فتمتيل (دار هاز موس عندها) عرفتي اول مرة شفتك باش حسيت
زينب (خدات لقمة): بالصدمة وبالانبهار من جمالي اكيد
زكرياء(تبسم): بالاشمئزاز وبالقرف وبلي اكييييد كنت غنمشي للحبس مؤبد حيت قتلتك وشوهت معالم الجتة لدرجة معرفوش بالضبط باش متي
زينب (بصدمة): ياااه لهاد الدرجة حاقد عليا
زكرياء (عض ليها من التفاحة لي فايدها وغمزها): وكتر
رجع كينقي فالخضرة وهي كتشوف فيه مغددة
زكرياء: كون كانو عينيك قرطاس كون واااا خدني مت ودابة دوزي تعاونيني عنا سعتاين باش نوجدو غدة لفرقة دالكورة
زينب (لاحت التفاحة ومشات وقفات حداه): غنتفاهمو علي هادشي من بعد ماشي دابة نوريك تحقد عليا وانا غير ولية لا حول لي ولا قوة
زكرياء (حرك راسو بالايجاب): همم اوكي متقصريش من جهدك الولية ودابة جبدي ديك الكوكوت الكبيرة لهيه
عطاتها ليه وبقات كتدير لي كيقول ليها وخا عصباتو عطاها تقطع مطيشة وهو مشا ايوجد فاللحم كيقطعو شرائح
زكرياء: واللهي كون كنتي مرة ونص كون هاد السؤال انا نسولو ليك
زينب(بانفعال): نينينيني فالح غير فالمعيور بحال لوليات متقدرش تجاوب بلا تعليقاتك لي كيف السم اححح ايييي
زكرياء (دار شاف فيها): مالك؟
زينب: اييي اهئ اهئ اهئ ضربت صبعي اييي اهئ اهئ
مسح ايديه ومشا عندها شد ليها ايدها وبغات دفعو خنزر فيها : رصاي الارض
تبتات ولكن حاضية معاه مشاو جهة لافابو كب عليه الما وجاب علبة الاسعافات دار ليها بيتادين و هي غير كتوحوح وتتلوي فقصاتو ، لوي ليها الفاصمة علي صبعها : رصاااي ابنادم لصقها ليك
جبد ليه الجبادور كان بالكري مخيط بالدهبي ، لبسو ليه جاه قدو نيشان مع حتي هو طويل وعامر صراحة حساااان من الكومبلي (رجع خالد اللور) صراحة كنت حاگرك طلعتي حتي نتا بخبيزتك
دار ليه جيل دالشعر عاد سالة معاه خلاه جالس ومشا ايجري لبس وتقاد طول عمرو انيق ومهتم بلباسو ومنضرو الخارجي جا كيحمق حتي هو ، شد فايد المعطي وخرجو ركبو فالطوموبيل وكيقري فيه وايحفضو باش ميخرجش عليهم
سالا زكرياء الطياب وطلع دوش وبدل عليه لبس سروال بالخزي وتيشورت بالبلومارين قاد حالتو مزيان وخرج من بيتو مع الخرجة تلاقا مع ايناس حتي هي بدلات عليها لابسة شورط قصير ايطرطق عليها وشوميز مفتوحة كتافها و صدرها كلهم عريانين طالقة شعرها والمكياج والريحة دايرة ليهم قتلة
ايناس (قربات ليه كتسبل فعويناتها): مسيو زكرياء
زكرياء (تبسم ليها): نتمنا تكونو رتاحيتو
ايناس (كتحلون وشدات فدراعو العريضة كتلمس فيه): قمممممة الراحة صراحة جامي شفت شي راجل بحالك شخصية وهمة ومستوى عالي فالاخلاق والتقافة وكلشي ههه تبارك الله عليك معندي منقول وفوق من هادشي هاز لينا الهم وكتسول علي راحتنا نتا رجل ممنكش زوج
زكرياء (شاف فايديها لي شادة بيهم فدراعو وشاف فيها مزيااان): همم
مشا وخلاها خبطات رجلها مع الارض : والله متبقي فيك ا ايناس والي بقات فيا عكري ليا بالجاوي
مشااات لبيتها كتسلت ميشوفها حد هزات شي حوايج والمكياج و لي غيلزمها وقفلات البيت ومشات قادات داكشي فبيت زكرياء حيت دابة الدار عامرة ميمكنش كل واحد اينعس فبيت ، دارت ليها جهة فالدريسينغ حطات فيها حوايجها وحطات شيتها دالسنان ومشطتها وشي تخربيق وكريمات فالدوش حدى داكشي ديالو وحطات مكياجها حدى روايحو فوق المجر الكبير لي بمرايتو فالبيت باش ايبانو فعلا زوجين ، شدات ريحتها رشات منها شوية فالبيت عاد تهنات ومشات تبدل عليها
طنطن طنطن
صونا باب الفيلة كان كلشي مجموع وكيجمعو من بعد مفاقو و رتاحو من السفر
زينب (جالسة مخشية فزكرياء وتقلي السم لايناس لي حاضيا زكرياء): انا نوض نشوف شكون اكيد ماما فاطنة لي جات
ايناس: شكون فاطنة
زكرياء: الواليدة
ايناس القلوب بداو ايخرجو من عينيها شافت فهند وهدى وغمزاتهم
مشات زينب حلات الباب وحلات معاه فمها : اووووووهاااااه
دخلو كيتمخترو ، فسخو سبابطهم ودخلو للصالة تسالمو معاهم وعرفهم زكرياء علي بعض جلس مو حداه وسبقات ايناس جلسات حداهم وزينب بقات غير كتشوف مغددة وجلسات قدامهم
زكرياء: الوليدة لاباس؟
فاطنة: الحمد لله اولدي ونتا بيخير (شاف فيهم) تبارك الله عليه نشوفو مرة فشحال خدمتز مكتساليش
روبرت(هو كيدوي وروندا كترجم ليهم باش ايفهمو) : بطبييعة الحال زكرياء شخص عملي ونشيط بزاااااف
فاطنة: ولدي تربيت ايدي هههه اسماء بنتي طلعات كتشبه ليه حتي هي نشيطة بزاف
زكرياء (كيشوف فمو كيف كدوي عجبو الحال اصلا ديما محمرا ليه وجهو فالمناسبات المهمة لي كيديها معاه فيهم ): ايخليكم ليا (وباس ليها راسها)
ايناس: تبارك الله عليك الحاجة كتباني باقة صغيرة
فاطنة (شافت فيها وجمعات الضحكة): همم وشعند بالك سحابني بحالكم بنات هاد الوقت شارفاات وتصغرو راسكم وليني بعدى بنتي زينب ماشي بحالكم زينة من عند الله والزين عنا سلالة من العمة للخالة
ايناس (جمعات الضحكة عطاتها للقلب ديريكت): ااه ما شاء الله (وتبسمات بزز)
زينب (جالسة حدى اسماء وتبسمات): ايخليك ليا يا احلي عميتو
هند(بدهشة): كيفاش عميتو؟
خديجة (تبسمات ليها): فاطنة راها لوستي و عگوزة بنتي فنفس الوقت
زكرياء شد الضحكة اما زينب مقدراتش تحبس الضحكة فلطات ليها تا نغزاتها اسماء تسكت ، حسات ايناس بالدنية تدور بيها تبسمات بزز شوية سمعو الصوني ناضت اسماء تحل الباب تحت انضار محمد لي من فاش دخلات وهو ايشوف فيها عجباتو قلت ليكم فالاول مخلوق مجهول الجنس متعرفو محسوب علي الرجال ولا العيالات
حلات اسماء الباب وجات نوبتها تحل فمها واقف قدامها خالد بابهى حلة راجل ونص مأنتك وضاير بالحالة وغير ريحتو تقوم بالواجب ، حنيكاتها حمارو وهو بدورو بقا كيشوف فيها هبلاتو
المعطي: غتبقاو تشاوفو هنا سيرو لهيه وتحواو
خالد (دار مخرج عينيه فالمعطي ): غتسكت نتا ولا نصمك حسك
اسماء(بقلق كتشوف فالمعطي شادة فيه هدى وتتلمس فيه وفاطنة مخرجة عينيها فيهم مصدومة): ممم...معرفففتش، مبقاتش دابة فالمعطي
زينب: نااااري فاطنة كتشمر علي ايديها غتنوض
عاد غتنوض فاطنة تهجم وهي تنوض زينب وقفات بالزبة وغوتات: يالللللللله نوووووضو اااا يالله ههه داااابة (وكتشير بايديها) غتنووووضو داااااابة
ايناس: ومالكي كتغوتي
زينب: اااا ؟ هههه غير باش تسمعوني صافي يالله نوضو نوضو
نوضاتهم بالزربة قبل تنوض شي روينة مشاو خرجو مستغربين للجردة فين وراهم خالد ايتغداو
زكرياء (قرب لزينب): حسابك هو اللخر والله متبقا فيك طبيب جراااح هااا انا نوريك الجراحة كيف كتكون
خرج شاد فالمعطي ميغبرش علي عينو وخلاها كتنهج دارت شافت ففاطنة لي باقا جالسة
زينب: واش حماقيتي كنتي غتخرجي علينا
فاطنة(مخنزرة): لا غير وحدة لصقاات فزكرياء ولاخرة مطرطزة عينيها فخالد و التالتة لسقات ليا فالهبيل لي نكساب كي اللفعة فاش سمعاتو طبيب
زينب: ونتي شبغيتي ديري قلتي اجي نوض نريشهم كاملين
فاطنة: ياااا سع راه ولادي هادوك
زينب (جالسات حداها ): فاطنة ديري عقلك راه والله تا كنتي غتخرجي علينا هادو ما فقلوبهم رحمة ايضربو ليك الطر فافريقيا كلها الي غير جرحتيهم ، وولدك هااا هاد ولدك لي كبرتيه وشوفي فين وصل بغيتي تخرجي عليه وتضحكي فيه العديان ، هداك الالماني غادي ايعاون زكرياء باش ايوصل الفوووووق الفووووق الفوووووق وايتشهر وايفقص العديان داكشي لي ديما كتدعي معاه بيه اما الي مشينا حتي درنا روينة راه كلشي ايضحك علي زكرياء وايتشفي فيه واش تبغي ليه المسخارة؟
فاطنة (ملقات متقول ): لا منبغيش
زينب: هي لدرتي عقلك معرفتش شنو دار زكرياء حتي خلي المعطي ايسكت ولكن راه خاص هاد الغدى ايدوز مزيان وبقاو اربع ايام ايسالو خدمتهم وايمشو وهاد الملعوقاات خليهم ليا انا نعرف ليهم كابرة وسطهم
فاطنة: وخا هاحنا غنشوفو شغديري
ناضت زينب غادة وشداتها فاطنة: اجي فين غادية
زينب: نمشي نتشمش مع راسي واش هبلتي غنمشي نحطو الغدى
فاطنة (طلعات حاجب وهبطات لاخر): السروااااال فين هو عند بالك نسيت
زينب: لا والله استسلم واش مكتنسايش
فاطنة: شوفي يبنتي يزينب غنقول ليك زوج كلمات منفوتهمش هايما السروال غدة الصباح ايكون عدى ولا انا لي غندير شرع ايدي
زينب : هووووف عييت ديري لي بغيتي مكاين جد بو سروال واش حني فاش ونتي فاش
الفلاح الوسيم الجزء السادس
محتوى القصة
التنقل بين الأجزاء