الساعة تقريبا العشرة ونص دالليل من بعد مداز الغدا الحمد لله علي خير تحت مراقبة زكرياء ليهم كاملين لانهم اتضح انو الهبال والحماق ديال زينب والمعطي بدا كيعادي الخرين ، فاطنة وخديجة والمختار وجرو المعطي معاهم مشاو للدار وخا شد فيهم زكرياء حتي عيا الا انو فاطنة رفضاات رفض قطعي والبقية خرجهم زكرياء فالعشية دوروهم فالارجاء شوية وهبطهم للسهل الكبير لي فالخرجة دالدواء الغروب تما كيكون واعر بزاااااف الشئ لي خلى روبرت عاجبو الحال وراضي علي الزيارة مرجعو تا وصلات التمنية دليل عاد مشا خالد وزكرياء واسماء ايديرو العشا وزينب جلسات مجمعة معاهم مرة مرة تمشي ترونها فالكوزينة زعما تبغي تعاون تا كيجري عليها زكرياء وترجع تاني تطلق شي سلوگية عليهم ، غير تعشاو وقتارح عليهم محمد باش ايبدلو الجو وغدة الخدمة غتبدا انهم ايديرو شي حاجة لي ايفوتو بيها الوقت حتي يطيب نعاسهم وهاهوما دابة جالسين مجموعين غير الشباب فالگليسة لي فالجردة كيلعبو لعبة تقافة عامة علي شكل تنائياات ، زينب وزكرياء ، خالد واسماء ، ايناس و روندا ، روبرت ومرتو واخيرا هند وهدى ومحمد هو الحكم لي كيطرح الاسئلة وكينقط ليهم
محمد (هاز حاجب وهبط لاخر من جواب زينب): شناهو؟؟؟
زينب: سولتي ماهو اطول مبني فالعالم
محمد : ونتي خممتي وخدمتي قدرااااااتك الدهنية تبارك الله وقلتي برج إيفل لا واللهي ووتقة من نفسك اوي
البنات مقدوش ايحبسوها كتر تفرشخو عليها بالضحك
زينب: علاش ماشي هو؟
زكرياء (جرها سكتها وكيوشوش معصصصصصب فقصاتو بغبائها لي مليهش حدود): العااااار سكتي سكتي النقاط لي جمعت فرتكتيهم وزتي غرقتينا وناااااري علي كلاخ
حمد(غوت): ناااااااقص 5 المجموع عندكم -40 اضعف فرقة
زكرياء (غمض عينيه مفقوص كانو هوما الاولين بمجموع 60 وكلشي اجوبتو صحيحة حتي تقلقت هي قالت ليه علاش مكتخلينيش نجاوب انا وفاش خلاها شوف فين وصلو): لا حول ولا قوة الا بالله
محمد (كيشير بايدياتو وايضحك): سؤال سهل سهل سهل جدا يالله البناااااااات وروتا شطارتكم فوزو عليييهم هااااه ، ماااهو جمع حواااااء
كلشي سكت تبجقلو معرفوش الجواب فعلا فالسهل يكمن الصعب بقاو كيخممو وايعاودو وزكرياء عاد غيجاوب باش اينقص الكريدي لي لاحت عليهم زينب و حيت باينة اصلا غير الخرين معرف شجاهم وهي تنقز ملكة الحسن والجمال
زينب: مدام حتي واحد معرف الجواب واصلا مغيعرفووووهش حيت خاصو تفكير وتفكييير ودكاء غادي نحيدو كل الدين لي علينا
محمد: باغة تحيدي -40 كلها بهاد الجواب ... هممم وخا الالة قولي نشوفو مدام حتي واحد معرف
زينب (هزات مناخرها للسما): جمع حواء .... حَوَّيَاتْ
كلشي تصمك وبقا حال عينيه وودنيه وكيشوفو فيها حتي تسمع صوت قوي موراهم : الحواااااااااااااا ، كان المعطي لي جا جلس حداهم مخرج عينيه وايضحك : اااش شكون بغا يحوي
ناض خالد ايجيري هزو من القب واسماء سدات ليه فمو دخلوه للدار ايجرو معرفوه منين خرج ليهم ولا شجابو هاد الوقت المهم الكلمة المقدسة عندو كتدكر هو خاصو ايحضر
محمد سخف شدوه هادوك لي الله ايدكرهم بيخير التسليييم اريجال البلاد كيتمرغ وايهتهت مشاو البنات ايتغاوتو وايجرو عندو وهدى مصدومة فالمعطي معرفااتو منين خرج ولا علاش قال هكاك ياك قالو ليهم مشا ينعس الضرسة عاطياه الصداع علاش جا بحال الهبيل وايضحك ومخرج عينيه هكاك ، القضية ترونات روبرت ومرتو وروندا تخلعو ناض زكرياء هز محمد بحال الكميشة وعينيه علي زينب كون صاب ايشنقها وايحرقها وايسلقها وايضربها بالرصاص وميبردش هي لي گالسة وتدور فعينيها عرفات شدارت ، داه للبيت حطو وشمموه الريحة حتي بدا يعقل شوية بقاو مدهيين معاه وهو ايهتهت: اااه ااااه الاعراب ، الصرف ، النحو ، جمع مدكر السالم ااااه كلشي كلشي المسخوطة خرجات عليه اااه (بغا ينوض) خلوني خلوووني نمشي ليها يدوووو اااه اااه ايما راسي
زكرياء (رجعو تكاه): الله ايهديك عطي الراحة لراسك شوية امسيو محمد هانتا رتاح اوكي الله اينعل الساعة لي فكرنا اللعبو فيها شي لعبة ، غير رتاح لوكي ونتوما يالله خلوه اينعس شوية ميكون عندو باس
خرجهم كلهم وتفرقو كل واحد مشا لبيتو الا ايناس لي بان ليها زكرياء دخل لبيتو وهي تستغل الفرصة وتبعاتو
دق دق دق
مشا معصب طالع ليه الدم باش ايحل حتي تحل الباب وطلات براسها: مسيو زكرياء وخا ندخل
ايناس(قربات ليه كتتعيوج فالمشية حتي وقفات قريبة ليه وكتشوف فعينيه): ميكون عندو باس (وكتسيبل فعويناتها)
زكرياء (قبط حجبانو كيشوف فهاد الخلقة): هيهيهي ااه ان شاء الله (ورجع اللور)
ايناس(زادت قربات): سمح لينا بزاااااف جيناكم علي غفلة هكا والاوضاع متوترة شوية بينك وبين ختي وحبيبتي زينب
زكرياء (باستغراب): احمم كيفاش متوترة؟
زينب كانت طالعة للبيت وتدور فعينيها وتفرك فايديها مزبلاها خايفة ليخرج ليها محمد ولا زكرياء من شي قنت عاد غتدخل للبيت وهي تسمع الهضرة ووقفات تتسنط
ايناس(شدات فايد زكرياء ): لاحضت تصرفات زينب صراحة كتمادا فيه بزااف ومدايراش بحسابك بمرة قبيلة فالعشية كانت كتعاود لينا شحال كتحماق عليها وهي عاطياك الشحط والنخال باش نتا تزيد تتعلق فيها وتعطيها كتر وكتر من خيرك ، مكتبانوش ابدا كوبل مفاهم كيف هي كتقول ، هي حاجة ونتا تبارك الله (قربات كتر حتي لصقات معاه وهو غير حاضيها فين اتوصل) حاااجة اخرى واعي وقاري ومتقف علي كعسها تماما هي شادة كل شهاداتها من الابتدائي غير بفلوس عمي المختار ، مفششة ومتكبرة بلا قياس هي فعلا صاحبتي ولكن الحق ميتخباش وانا ملازمش عليا نخبي عليك كتر
زكرياء (تبسم ليها وسولها ): شنو مخبية؟
ايناس: قبل تتزوج بيك زينب كانت كتعرف شلا اشكال وانواع كتخرج وتسهر تال اش من وقت وكلهم من الطبقة المخملية وعتارفات لينا واحد المرة انو هادشي كلو علي ود الفلوووس رغم انو ربي جايد عليهم الا انو عينيها ماليهم الطمع عييت نصح فيها ومكتسمعنيشي (وقربات حتي حدي وجهو كتشوف فعينيه وفشفايفو) متديرهاش مني قلت صواب ولكن حيت نتا عزيز بزاف بغيت النبهك
قربات حتي صافي غتحط شفايفها علي دياولو وهي غير كيتبسم ليها ومطلع ايدو مع ضهرها بلطف الشئ لي خلاها تتبورش وزينب حلات الباب شوية وعينيها مدمعين من الشئ لي سمعاتو كيتقال فضهرها فجأة شدها من عنقها بالزربة وبحركة غير متوقعة منو زير عليها حتي خرجو عينيها مخنوقة وهو غارس صباعو فيها كتر وكتر وكيتبسم ليها زداها مع الحيط وقرب ليها حتي مبقا كيفصلهم والو ونطق: تقدر زينب ايكون فيها هادشي لي گلتي كلو وكتر ولكن تيقي بيا التقحبين والتزوميل لي فيك وفدوك الشيخات لخرين مفيهاش وميقربهااااش (زاد ورك حتي زرااااقت وبدات تخرخر وهو گاع دوك الاعصاب والجنون لي فيه مترجمهم فإبتسامة بسخرية): ودابة غتجمعي عليا قشاوشك منشوفكش كتخطري ليا فداري ولا قريب لمرتي والا وحق لي ليه الحق حتي ندفنك ونتي حية الممسوخة (وحيد ايديه لايحها علي الارض بالجهد ودفل عليها)
دفعات الباب ودخلات عينيها عامرين دموع شافت فإيناس لي فالارض كتكحب بالجهد وطلعات عينيها لزكرياء لي بقا كيشوف فيها معرف ميدير ، مشات عندها بخطى بطيئة هبطات عندها وتبسمات وسط دموعها : ايمكن درت بزااااافت الاخطاء فحياتي ولكن عمرررري عمرررررري لسقت فشي حد وخصوصا راجل مزوج ولكن السلعة الرخيصة ديما كتبقي رخيصة
هجمات عليها شداتها من شعرها وجراتها بدات كتغوت ايناس وشادة ليها ايديها لي كيجرو فشعرها : اهئ اهئ اهئ واعتقو الروووووح بعدي منااااااااي اهئ اهئ
سمعو الغوات هدى وهند وجاو ايجرو اما البقية كانو ناعسين وسادين ودنيهم بالقطن هكا طبعهم اينعسو ، زينب غير شافتهم وهي تزيد تجعر لاحت ايناس برة وهدى وهند كيدفعو فيها خلطاتهم معاها تاهوما لاحتهم برة ومشات جابت ليهم شراوطهم بركات فالبالكون التحت تهز وتلوح ليهم هوما لي محنيين عند ايناس لي قربات تفقد الوعي غير سالات وهي تهبط تنهج زكرياء متدخلش خلاها تفش غضبها والا غادي تنهار تاني الي خلاتو محصور داخلها
زينب (غادة عندهم مغددة): يااااك القحبات يااااااك المعفوووووووناااااات فاخر ايامي ترضوني بحالكم يعيفت النساااااا وحق مولانا الي من اللول عرفت مجيتكم ماشي حبا فيا الله ايقطع جد بوها صحبة الي كان بحال صحبتك دعيييييتكم الله كتسمعووووو دعيتكم الللللللله (خرج خالد واسماء والمعطي كيطلو من الكوزينة ولكن حد متدخل خلاوهم منهم ليها
المعطي: ناري غتحويهم
خالد (قردفو): سكت ابنادم راه بينتبالاك
زينب (شدات فهدى): شنوووو درت ليكم هاااا شنوووو؟ عمركم حملتووووني النيفاق فيكم معشش من ساسكم لراسكم عايشين باش تحتاقرو هدا وتضحكو علي هدا وتتشفاو فهدا ، الدنية مقادااااااكمش الدنيا مسااااايعاااااكمش كرهتووووووني فحياااااتي كرهتووووني فيااااا النهار اللول فاش عرفكم مكنتش هكااااا (كتغوت وتبكي وكضرب فصدرها بالجهد) مكاااااانتش اهئ اهئ مكنتش ، نتوما السباب (دارت عند هند وايناس لي طايحة وكتسمع فيها وخايفة لتجي تكمل عليها) نتوووووما اهئ اهئ اهئ نتوما لي علمتوني كيفاش نتلدد باحتقار الناس بحالكم وكيفاش منرضاش بالقليل وديما نطلب الكتير نتوووما لي كنتو كتجروني معاكم للبيران علي اساس بيناتنا بناات نضحكو ونشطو باحترام حتي تيقتكم وتبليت وليت كنمشي ديما تما نتوووووما لي دخلتوني لداك الوسخ نتووووما لي عييييتو تحاولو طيحوووني باش نخسر راسي وشرفي ولكن منجحتوووووش نتوما لي بغيتو ترضوني وحدة بحاااااالكم ومخلييييتو حتي طرييييقة شنوووو درت ليكم هااا شنوووو (نخضات هدى مزيااااان داتها وجابتها) نتوووووما اهئ اهئ اهئ (طلقاات منها وبعدات حالتها حالة بالبكا كلها تجلخات بالكحل مسحات دموعها بضهر ايدها وهي تشوف فيهم مخنزرة) يالله جمعو عليا شراوطكم برااااا يالله براااااااااااا سيرووووو فحااااالكم مبقااااوش عندي صحااااااباات مكااااانوووش وعمررررهم ايكوووونو برااااااااا
مشات كتدفع فيهم وموهاتي ساكتات صبناتهم مخلات فيهم غير لي نسات جمعات ليهم حب وتبن ، ناضت ايناس كتعرج وتشوف فيها مشاو ركبو فالطوموبيل وزادو خلفة مع الطريق مكسيريين عاد وقفات كتنهج والدموع مبغاوش ايحبسو ، دارت بان ليها واقف فالبالكون كيشوف فيها بنضرات غريبة حدرات راسها ومشات داخلة للدار
الراجل ماشي هو لي ايبين غضلاتو وايستقوى علي لي اضعف منو ، الراجل ماشي هو لي ايمد ايدو علي المرأة وخا تدير لي دارت ، الراجل هو لي ايخدم مخو وعقلو باش ايلقا الحل المناسب لكل وضع وخا ايكون فقمة اعصابو ، وهادشي لي دار زكرياء فعلا انو زينب كتعصبو كتنرفزو كتجهلو بهاد المعنى يعني كتخرجو علي طوعو بتصرفاتها الطايشة والغيؤ مسؤولة ابدا ، ايقدر ايخاسمها ايسبها ميعرف شنو ايدير ولكن هادشي من حقو هو وحدو حيت مرتو زوجتو وحاليا محسوبة عليه اما باش ايجي شي حد اخر وايديوي عليها بديك الطريقة الجارحة او باي طريقة اخرى فهنا سطووووب من حقو ايتدخل وايدير هو شرع ايديه ، الطريقة باش دوات علي زينب ماشي غير عصباتو وفقط ولكن فعلا جرحاتو حيت زينب كيف قال مصيييبة متنقلة كاااارتة ارض جوية وحتي بحرية حطها فالبلاصة تانية تنوض روينة ولكن مااااشي ابدا كيف وصفاتها ايناس ، رغم هاد مجموعة التناقضات زينب القلب الكبير الشئ لي زكرياء حس بيه والقلب الصادق والبيض مكيخفاش وخا مولاه ايتخبا مور الف قناع وايدير الف جريمة ، لحد الان سر زينب لكبير مزال مبان والشئ لي فقلبها مخبياه معارفو حد لا والديها لا لي كانو عند بالها صحابها لا حتي شي حد ومناوياش انو تقولو لحد كيبقا بينو مع نفسها ، عندها فكرة فقرارة نفسها مقتانعة بيها وانو ممحتاجاش توري للناس الجانب الزوين فيها وتبقي تتعامل زوين علي غير طبيعتها لي بغاها ايبغيها هكا ولي معجبوش الحال الباب بيفوت الف جمل .......
دخلا للبيت حادرة راسها لقاتو جالس فوق الفوتوي هاز القرآن كيقرى فيه باش ايهدن اعصابو وايتكالما ، زكرياء رغم انو مدارش شي ردت فعل كبيرة الا انو كان فأوج الاعصاب ديالو غير هو من النوع لي كيخدم عقلو فكلشو حتي فاش كيكون معصب ماشي بحال لي كيتعصب كيتعماو علي عينيه ، مشات جهة الدريسينغ خدات بيجامة شورط و تيشورت سميطات بالابيض وفيهم البيسطاشي لبساتهم ومشات غسلات وجها ومشطات شعرها رجعات كتجر فرجليها دخلات للغرفة عندو باقي گالس كيقرا فخاطرو ، مشافتش فيه مشات ديريكت للناموسية وبانو ليها زوج حبات من دوى الاعصاب لي كتاخد وكاس دالما عرفاتو هو لي حطهم شرباتهم بلا متدوي وهي تتمدد فبلاصتها الجديدة
صدق الله العضيم .... باس كتاب الله وحطو فبلاصتو وناض سرح ايديه وطرطق عنقو حول عينيه ليها بانت ليه مسرحة وعاطياه بالضهر وهي بداك الباس بقا مدة كيشوف فإنحناءات جسمها الخطيييرة ولي مينكرش انها كتعجبو ، حك مؤخرة راسو ومشا متبسم للبلاكار قدامها خدا بونجة ومانطة وايزار شافت فيه شكيعمل اصلا مكانتش ناعسة غير متكية بان ليها كيفرش فالارض مهزاتش راسها متبعاه غير بطرف غير حتي نطقات بصوتها مبحوح بكترة الغوات والعيا حتي الدوى بدا كيدير مفعولو وكيتقل ليها لسانها شوية وكيرخيها الدوي مجهد وخدات منو زوج حبات راه ايقتلها ماشي غير ايرخيها ولكن هادشي باش موصيها الطبيب وعاود اكد الطبيب علي زكرياء
زينب (باقا علي وضعها مسرحة مشافتش فيه): دوز تنعس بلاصتك
زكرياء (كان كيقاد فالفراش حتي سمعها شنو قالت)؛ شنو؟!
زينب (علي نفس الحال): الناموسية كبيرة تنعس فيها قبيلة لاش تنعس فالارض
زكرياء: واللهي نتي لي هجمتي عليا فبيتي قلت نخليك ترتاحي (بلعاني قالها باش تبدي تتقابح معاه وتنسي شوية شنو وقع لكن هيهاااات متسوقاتش ليه ولا جاوباتو الشئ لي خلاه ايزيد ايتأكد انو بقا فيها الحال بزاف)
زينب: ضبر الراسك
شاف حتي عيا وحتي هي متسوقاتش ليه ولا حشاتها ليه جمع الفراش علي سعدو ووعدو خشاه فالبلاكار ومشا تكى فبلاصتو ، شعور غريب بزاااااف اول مرة من بعد مدة طوييييييييييييييييييييلة تتقاسم معاه شي وحدة لفراش وماشي اي وحدة مرتو هاد المرة شافها عاطياه بالضهر والسقيل تنهد وطفي الضو وعطاها حتي هو بالضهر وتكي ، بقا حال عينيه وكيفكر فكل هاد الاحدات لي وقعات مؤخرا وكيربطها مع بعض حياتو تخربقات وتقلبات 180درجة، شوية كيسمع التنخصيص ومرة مرة تشهق بخفة ونيفها مخنوق ببكاها المكتوم الشئ لي صعب عليها التنفس شوية دار نصف دورة حتي تأكد انو فعلا كتبكي وهو ايدور دورة كاملة بمجرد محط ايدو علي دراعها تقلبات بالزربة عندو كتبكي وتمخشات فيه صدماتو ، حاوطات ايدياتها بيه وحطات راسها علي صدرو كتبكي مخلياه مبنج بلاصتو معرف ميدير زربات عليه ، بعد تواني ستوعب الامر وعنقها بدورو كيطبطب عليها : ششش صافي زينب ششش
زينب (كتنخصص): اهئ اهئ انا ماشي كيف قالت
زكرياء(تبسم بقات فيه بزاف زوج مرات شافها كتبكي نهار الاول جاتها الدورة وهادي المرة التانية ): عارف ازينب عاارف
باس راسها وزاد مخششها فيه معنقاه وكتبكي مخليها علي راحتها حتي نعسات بمفعول الدواء وترخات لكن هو مرخفش عليها بقا ضامها ليه بقوة محسسها بوجودو وقربو ليها حتي ستسلم للنوم بدورو بعد ساعة اخرى من نومها .
زينب (كتنغز فيه بايديها): هييييه الضبع فييق ، افييييق اسييي
حل عينيه ضرب فيهم الشعا لي مضوي الغرفة كلها وعاود سدهم طالعة ليه شوية عاود حلهم تاني ومكالي بايديه مخبي الضو علي عينيه: شكاااين مع الصباح
زينب (حاطة ايديها علي خصرها): مولفة سيادتكم تفيق نتا الاول شسصاير يا ضبع؟ (وغمزاتو)
زكرياء: وهاد الايد لي ماتت عليا مبقيتش حاس بيها من الوجع نعستي عليها بحال التراكس حلفتي باقي لتزحزحتي
زينب: نينينيني (كتعايب فيه) يحصل ليك الشرف اني ننعس حداك اولا وتانيا يحصل ليك الشرف تاني مرة انك تفيق علي وجهنا الكريم وتالتا براكة من الهضور الخاوية ونوض راه ضيوفك فاقو وراهم كيفطرو باش نمشو للخدمة
زكرياء (تفكر الالمانيين وناض جلس ): اخخخ علي صباح ياااخ قالك النضر الي وجهنا الكريم(حك راسو ومسح عينيه) انا بعدة والله مكنفهمك غير البارح جرجرتي ديك خيتي ولختي دوك الشيخات معاها برة وتعصبتي وتنفختي ودايرة لينا فيها منعرف اش ودابة فايقة واقفة عليا كي البوليسي سبحاااااان من يبيته في شأن ويصبحه في شأن
زينب(هزات ايديها كتحسب): اولا زينب ديال الليل ماشي هي زينب ديال النهار هادي ديرها فبالك حيت المرأة بليل كتكون ضعيفة ومحاسيسها كيكونو مخربقين ليهم الفيزيبلات بالنهار عاد كنتوگضو ليكم ، تانيا ا بيبي حبيبي انا نقدر ندفنك ازوجي العزيز بليل ونبكي ونوح عليك ونقلب عليك الدنيا والصباح تلقاني كندور فالمالديف تما فين مدوزة العزى مع شي گاوري عينيه زرقين ، تالتا واخيرا وحق مولانا كون جاوني فالنهار وفضروف اخرى مكنت غندوي مع شي قزديرة فيهم وغنشعل للفيلة بلي فيها بما فيهم نتا ا بب ايتحرق الحزاق كامل ووولا يهمني
زكرياء (مصدوم): لهاااااااد الدرجة
زينب: حق ربي الحبيب الي كتر راك مكتعرفنيش (هبطات باستو حدي شفايفو وشافت فعينيه لي مخرجهم مصدوم) زينب وحدة لي كاينة وهي ديما غتشوف ، زينب ديال البارح حالة نفسية عصبية كتجيني مرة فقرن ومغتعاودش تشوفها
مشات عاطياه بالضهر كتمختر وتتمشا بحال الطاووس نافخة ريشها وكلها تقة فالنفس كتضرب بشعرها اللور : فيق براكة من العگز غنديهم للفيرمة علي بين متوجد
سدات الباب وخلات فمو هو باقي محلول حط ايدو علي بلاصة فين باستو ونطق: مصييييبة
داخل للفيرمة بهيبتو المعتادة لي داز ايتبسم ليه وايرد السلام وكيشوف وايراقب الاوضاع من بعيد من تحت نضاضر الشمس ، واقفة هي وخالد مع روبرت وروندا ومحمد كيدويو معاهم ومرت روبرت فيا مشات مع اسماء توريها بلاصت البقر (تحية للهنود 😂😂) حتي بان ليها جاي داخل بحال دخلات الابطال فاللفلام الهندية خاصو غير شوية العافية من الجناب ودوك لي كيشطحو ، لابس كحل فكحل فكحل مكحلها فعين لعدو الابتسامة مفارقاتش وجهو من فاش دخل للفيرمة كيوزعها علي العمال باش ايعطيهم طاقة ليوم شااااق من العمل ، ستنشقات ريحتو بعمق قبل ايوصل حتي سداات عويناتها وعاودات حلاتهم بان ليها واقف حداها وه اينطق : good morning
روبرت: hello
زكرياء: شفتكم سبقتوني
روندا: زينب خانم هي الي قترحت علينا اننا نسبقك ونشوف الشغل كيف عامل بالمزرعة ناخد فكرة نسبقة يعني
زكرياء: لا هاد الساعة ناوي نقتلك نتي بغيتي توريه كمرات المراقبة علي زين فعلتك السيد باحت فالاصول العربية واللغة وباركة عليه بجمع حواء محويات يحوي ليك الضلوع
خالد (سمعهم وقرب ليهم): علي دكر هاد الكلمة الفاسدة والتي تمس بالحيلء العام العار سكتو دابة ايخرج لينا المع ..مكملهاش حتي خرج ليهم المعطي من حيت لا يدرون
خالد(ايسحابو سبو شدو مع القردافة): ينعل حسك المسخوط وليتي تسب
زينب (بعداتو عليه): طلق منو حتي نتي خليه ايقول شعندو
المعطي: ومك حتي نتي
زينب (هي لي شنقات عليه هاد المرة):: ال
خالد: وعلاش بالسلامة؟
المعطي: وماااا نعرف هادشي لي قالت ليا مك نقول
خالد: مك نتا نيت انا غير مربياني (شاف فزينب) شي حاجة تحت راسها الحنانة
زينب: هاديك العقروشة كتجبد الراكمات
المعطي: وبغيت نمشي بغيت نمشي (وكيجري واقف غير عطاه خالد الاشارة مشا طاااااير تلاقا مع كروسو داخلة بحمارها مشافهاش تخشا فالحمار ديريكت الحمار مع الخلعة هز رجلو حتي هزها عطاها ليه لاحو للجهة الاخرة زينب غوتات ربي لي خلقها : وااااااااااااااااااااااع مااااات عتقووووه ماااااااااات امممم
سد ليها خالد فمها ودار ايتبسم للعمال ولزكرياء: هههه سيربرييييز هههه غير فاجئتها هههههه (قرب ليها وهو باقي ساد علي فمها وهي مخرجة عينيها) سكتينا فضحتينا يعطيك البلا
زينب(حيداات ليه ايديه): وجري عتقو ضرباتو الحما...
مكملاتهاش حتي جمع النوضة ساس خوايجو هز گصبة طلع فوقها زعمة الخيل ومشا طاااااير : ايييييييييهااااااا خلاها حالة فمها مصدومة : مناش مصنوع هاد المخلوق؟
خالد (خشا ايديه فجيابو): صراحة معرفتش سولت نفس السؤال بحالك نهار كلي لانگرى (السماد العضوي) وماماتش ولا وقع ليه شي تسمم
خالد: حق مولانا حتي كلي فيه زوج كيلو وموقع بيه شاي حتي فاش شفناه مصارنا مرضو شدني الاسهال سيمانة وهو صحة سلام بالعكس عاد متفتحات ليه الشهية كتر (تحية لبوشعيب 😂😂)
زينب: بزاااااف
خالد: ايناااا ودي علي بزااف هادشي شوية من بحر الكوارت لي ديما كيدير المعطي
زينب: بحالاش
خالد (تمشاو كيدويو وخلاو زكرياء مشا مع روبرت والبقية ايوريهم الفيرمة): واحد النهار هز صاكو وخرج فقنا الصباح علي غوات مي فاطنة بغاات تحماق فاش فاقت وملقاتوش النهار كامل وحني نقلبو بحال الحماق مخلينا عليه لا حاحة لا ملاحة
زينب (طلعات فوق طوموبيلت خالد وجلسات وخالد وقف متكي حداها): اهاه وفين لقيتوه؟!
خالد: قدام قصر الملك فاكادير حلف ليهم حتي يدخل
زينب: ههههههههههههههههههه لا ميمكنش
خالد: داك النهار لونكيط مناش دزت انا وزكرياء وزكرياء بالخصوص ميعلم بيه غير الله اكترية فاش شهد فينا بلي حني لي قلنا ليه ايدخل للقصر
زينب(شدات علي فمها): ناااااري مسخوووووط ايخرج عليكم
خالد: جاب الله هههههه جاب الله زكرياء كيعرف شي حد واااصل فالداخلية هو لي دوا معاهم وطلقونا تي راه كانو ايلبقو لينا عمل ارهابي ولا منعرف
زينب: وشقال ليه راسو حتي شهد عليكم
خالد: منعرف والله لدابة باقي كنسول علاش قال ليهم هكاك
زينب: هههههه علالالام هاد المعطي غيكون كلاها من عند زكرياء
خالد: لا بالحرام ممسو حيت عارف فاطنة غدير الواجب فاش ايعاود ليها ، علقاتو من رجليه فالنخلة لي قدام الدار بايت معلق تم و جلول كيدور وايلحس فيه
بقاو ساكتين وكيشوفو فالخدامة حتي بانت ليهم اسماء غادة للادارة وتسمعات تنهدية ديال خالد شافت فيه زينب متبع ليها العين حتي دخلات وهي تنطق: بغيتي اسماء؟
خالد(دار شاف فيها بلهفة): اه اه اه
زينب: عندي ليك شرط
خالد: امري وانا النفد
زينب: سوارت گاراج زكرياء دالطوموبيلات
خالد: شنوووووووو؟!
زينب (حركات ليه حواجبها): ايفيت اشكم (نعم حبيبي)
خالد (برفض قاطع): لا ابدا تبدا مستحيييييل تي راه مستحيييييل والله زكرياء حتي ايهرسني هادشي الي مقتلنيش بغيتي تمشي لاغلى حاجة عندو الحاجة لي كيحماق عليها كتر من راسو وشكووووون نتييييي؟ لا والله تا يجندخني
زينب (كتجري وهو غادي ايجري معاها): لاالالالالالالاشششش كتجريييييي واااامااااي (حدرت راسها دازت ليها حجرة من فوق الراس)
المعطي: حواااااااااااكممم فرحاااااانين و كتجرووووووو اييييهاااااا الحماااار السريييييع
سبقها طاير وهي حفيانة كلمن حجرة واش دخلت ليها فرجليها ولكن متسوقاااتش الي مشا حتي شدها ايرضها كفتة ، الخدامة غير شافوهم ايجرو كحازو للجنب وعطاوها للضحك منضرهم ايفشل بالضحك كلشي خرج ايتمنضر المعطي كيجري واحد الجرية عندو يا سلالالام مسبق كرشو علي اللولة وموخر راسو عاد تابعو خالد وكينقزو من الحجر ليجي فيهم وفلخر زينب جاية كتغوت بحال الكزبيطة دالنفير العمال شدو فكرشهم وكيضحكو حتي من روبرت ومرتو وروندا عطاوها للضحك ومحمد شاد فراسو وكيشوف فهاد الحماق باستغراب
سيفط حجرة جات لزينب فترمتها بنجاتها فبلاصتها وقفاات بالجهد مزادتش حركة وحدة لحق عليها هو كينهج مخنزر ومستغرب علاش وقفات دارت بشششششووووووية لعندو معععععصصصصصصصبة لاحت صنادلها للارض وكتشوف فيه قربات ليه وهزات صبعها فوجهو : عمممممممرك تقيس المرأة فسر سعادتها (وجمعات رجلها حتال الفوق وعطاتو للمعلم طاح فالبلاصة الارض كيتلوي ) وهادي باش تبقي عاقل
مشات وخلاتو كيسب وايرعرع ليها جاب الله كان تما خاوي مشافو حد : والله حتييييي نقتلالالالالالالاكككك زيناااااااااااااااااااب
جالسين فالصالون مجموعين كلهم مور العشاء ولي عتادرو من فاطنة انهم مغيحضروش ليه من العشية حيت عندهم الخدمة بزاااااف وبزز قنعوها وشرطات عليهم غدة ايجو للعشا والا تتقلق منهم وقبلو ، الوراق فكل بلاصة والبيسيات كل واحد بديالو والتيليفونات مكيسكتوش خدامين وكيخططو وايتناقشو علي الاعلان كيف غيكون خصوصا انو طاقم التصوير غدة غيجي للفيرمة ، حاط مخدة صغيرة علي حجرو وجالس متكي شوية علي الفوتوي مقادش ايتحني حجرو عاطيه الصداااااع من الدقة شاك گاع واش تكون هرساتو ليه مبقي ليه غير يبكي من الحريق ، وهي جالسة قدامو علي جنب ومكالية علي الجنب لاخر لي جات فيه الحجر تنفخ ليها وحتي هي عاطيها الحريق وواحد ميشوف فلاخر مغددين من بعضهم
شوية صونا تيليفون روبرت وجاوب (بالالمانية) : وي .... كيفاش؟؟؟؟... لا ميمكنش مستحيييييل واش حني كلعبووووو هنااااا..... صاااافي فسخ العقد مع الشركة الله ايعاونهم لي مبغاش ايلتازم بهضرتو معندي مندير بيه انا ....لالالالا صاااافي دوييييت
لاح التيلي معيييصب حتي هو وحمااار كينهج
ايفا(حطات ايدها عليه ودوات ): شنو كاين ؟؟
روبرت(شد فراسو) : العارضة لي كان مقرر انها تدير الاعلان مبقاتش جاية
اسماء: ضيعات فرصة كبيرة صراحة خصوصا انو هاد الاعلان شراوه بزاااااافت القنوات من قبل حتي ميتصور وهادشي لسيط زكرياء وانجازاتو المعرووووفة وحتي مسيو روبرت من بين الافضل فميدانو
زينب(تأفأفات ونطقات بالجهد): وايجيبو شي وحدة ممشهوراش وايتهناو
كلشي سمعها ودار شاف فيها هي لي كانت حادرة راسها غير سمعات السقيل وهزات راسها لقاتهم حاضيينها : شنوووو؟
زكرياء (حرك راسو بالنفي): لا مستحييييل مسحو هاد الفكرة من راسكم
روبرت (من بعد مشرح ليه محمد شنو قالت زينب لانو مفهمهاش): علاش لا (ناض وقف قدام زينب وشدها من ايدها نوضها ودورها قدامهم ) علاش هاد الجمال كلو حدانة وحني مراضينش البال
زكرياء (طلعات ليه بالبيان وعروقو تنفخو)؛ مكااااين جد بو عقل والله لا متلات فشي حزاااااق ولا بربي حتي نلغي هاد تاقواديت كلها وكل واحد ايلحق عليا خربتوووووو
زكرياء: الالة منسيييتش ولكن راك كتحملي كنيتي ووليتي محسوبة عليييييا وانا ماشي زامل ولا ديوتي باش نخلي مرتي تتعرض فالمجلات وفالقنوات باش بنادم ايزهى عليها
زينب: شهاد التفكييير دالعصوور الوسطيييي تبارك الله واعي وقاري وتجي تقول هكا
زكرياء: والله عجبك معجبكش سوقك هداك انا هكا داير ولا علاقة للقراية والوعي بهادشي كنبغي راااااجل والراجل لي ميغارش علي عائلتو ماشي راجل راك ناهيك انك وليتي محسوبة عليييييا ، لحد الان مكنحاسبكش فلبسك وكنخليك تديري لي بغيتي وتضحكي معامن بغيتي حيت مبغييييتش نزير السمطة ولكن هادشي مبااااااانش ليا فيه وكتقلبي علي خلي دار عشتك وقريييب غتلقايه علي مبان ليا
بقاو مناگرين مني منك مني منك وكيتشايرو بايديهم ، ولاخرين واقفين فالصالة كيطلو عليهم من الزاج لكن مكيسمعو والو
ايفا: اوووه بقاااو فيا
روبرت: مبغيناهمش ايتخاسمو ولكن راه فعلا فكرة جد جد رائعة انو زينب لي تقدم الاعلان زوينة ومناسبة للاضواء عندها كريزما غتعجب المشاهد
محمد (حاط ايدو علي فمو وكيفكر): هممم عندي الحل
دارو عندو مستغربين كيشوفو فيه هو لي غمزهم وحرك راسو مبتاسم بمعني ا
من بعد مشادات ومناگرات وشد فيا نقطع ليك وبسة وستين مليووووووون كشييييفة قنعو زكرياء انو ايمتل الاعلان مع زينب ، رفض رفض قاااااااطع وحلف بلي كيجبل الما متل لا هو لا هي ، هي دوات حتي عيات وطلعات فحالها للبيت خلاتو معاهم دازت نصف ساعة تحل باب البيت ودخل وسد موراه ، بانت ليه مسرحة فوق الناموسية لابسة شورط قصييييير و ديباردو بلا سوتيامات صدرها كيبان التحت طلع حاجب وهبط لاخر كيشوف فيها ، متسوقاتش ليه دايرة الكيت ومغمضة عينيها كتسمع الموسيقي باش تتهدن وتلوي فواحد الخصلة من شعرها ، ستغفر الله ودور راسو مشا للدريسينغ خدى شورط فسخ عليه كلشي ولبسو ، خلا صدرو الملط ولي كيبري مع دييك السمووووورية دبشرتو عريان وعضلات بطنو بقلالالالللللاوة صافي 😍😍 رش عليه ديدورون ومشا للدوش غسل سنانو وغسل وجهو وكب الما بارد علي راسو كيحاول ايتناسا داكشي لي شاف هبط عينيه للتحت ونطق معصب: توقف نتا نقطع ملت مك من الجدر
ضرب الحيط وخرج حاني راسو والما كيقطر عليه وهابط مع صدرو عطاها بضهرو ووقف قدام المكتب كيشوف فشي وراق ، حلات عين وسادة لاخرة طلعاتو من لتحت للفوق وستقرات الفوق كتشوف فضهرو وعضلاتو الكبار والمشدودين سهات فيه وعضات علي شفتها لا اراديا غير حسات بيه غيدور وهي ترجع غمضات عينيها وكدندن مع الموسيقي ، هز بيسيه ومشا للناموسية تكي حتي رجل مسرحها ورجل طاويها هو حط فوق فخدو مخدة صغيرة وحط لابتوب شعلو وبقا خدام فيه ومرة مرة ايسرق نضرة بطرف عينو جيهتها ، بعد مدة حلات عينيها دورات وجها جيهتو لقاتو منغااااااامس فالخدمة ومدوااااش معاها ولا تسوق ليها كتسناه ايعتادر منها حيت غوت عليها قدام الضيوف ولكن هيهااااات معاااامن تلاقااااات ، ناضت وقفات حطات التيلي فوق الكومودينو ومشات علي صبيعاتها وصوت الخلخال كيتسمع مع كل حركة لرجلها ، كان حادر راسو مركاااااااز فالخدمة حتي وقفات ووقفو معاها اشياء اخرى خس بقلبو تزير وعينيه تعلقو بيها مبقاش قاد ايرمش واش ايشوف فشعرها الطويل ولي كيضرب فضهرها ولا فخصرها الممشوق ولا مؤخرتها البيييوضة الكبييرة المكورة والمشدودة ولي كملات الباهية فاش دخلات فيها الشورط ولا ساقيها الطواااال صافي حس براسو مقادرش ناض لاح الابتوب للجنب وتبعها للدوش
دخلات للدوش مشات لافابو وحطات ايديها عليه كتشوف فالمراية طالعة ليها لالة عيشة البحرية ، رخات الما رطبات ايديها ودوزاتهم علي عنقها محسات الا وهو دورها وزداها مع الحيط بشوية وفنفس الوقت غفلها معرفات باش تبلات وسعات فيه عينيها كان لاصق معاها صدرها الشبه عريان ولي كلو باين واقف مقلز علي صدرو العريان ، حاط ايديه علي خصرها النحييييف وكيحركم بشكل دوائر حتي كيوصل لضهرها وجهو عند وجها وعينيه كيشوفو مرة فعينيها مرة فشنايفها لي حلاتهم تتنفس منهم
زينب (توترات من قربو وحطات ايديها علي صدرو كدفع فيه بشوية): شش..ش شكدير
زكرياء (زاد لصق معاها كيتحكك عليها ومخدم صباعة لي غير مزايدين وكيتلمسو فيها بدل ميخدم ايدو علها جاب ليها التبورييييييييشة وتلف ليها الكارت ميموار دمخ مخيخها): شنو مبقا حد ايغار علي حاجتو
زينب (صدمها بكلامو ولا قلبها كيخبط فالمية والتمانين ): كي..كيفاش
زكرياء (نزل راسو بشوووووية لجهة عنقها تحت ودنها شم عطرها لي عيعجبووو وباسها بوسة خفيييييفة حسات بيها حرقاااتها شوطاااااتها ): كيف سمعتي (ونزل شوية باسها بوسة اخرى تحت هاديك حتي تهزات وتحطات ولات كتفيبري)
بغات تدفعو ولكن معااامن عااااد مزاد زيرها معاه وقرب ايبجغها مع الحيط واقفة علي صبيعاتها وغير هو لي شادها بالاصح ايمشي حتي يطلق تجي مربعة فالارض رجليها خواو عليها فيها غير المقابحة واللسان الطريل فوقت الصح مكتبقا عارفة ما تقدم ما توخر
زينب (مغمضة عينيها بالجهد اول مرة فحياتها تتحط فهاد الموقف وخا دوزاااات بزااااافت العلاقات ولكن عمر شي حد قرب ليها او حط ايدو عليها غير كتشوفهم سخن عليهم راسهم كتشبع ملتهم سبان وتزيد داكشي باش جاها شعور غرييييب اول مرة تجربو): زكرياء عا...
ششششش... حط صبعو علي شفايفها وحيد راسو من عنقها لي طبعو ليها خلاه كيزوي وبدا يزراق هز عينيه معسلين فيها كانت مغمضة عينيها وحالة فمها كتتنفس منو وشفايفها حمرييين كانت عاضة فيهم : نتي كتجهليني فات الفوت
عرفات راسها دارتها بايديها ووخا تطير تنزل بالله لا قدات عليه وهو عضمة علي عضمة ايدير منها 30 ، فجأة وبدون سابق اندار هجم علي شفايفها وكانو كان تايه فالصحراء غيمووووت من ضمؤو وبانت ليه واحة وسط ديك الصحراء ، جمع ليها شنافتها الفوقانية وسط شفايفو وصمها بالجججهههد حتي تأوهات ليه وسط فمو وحاوطات عنقو بايدياتها ، هبط للتحتانية نفس الشئ مضها و عضها بلطف حتي زادت حلات فمها ودخل لسانو كيستكشف تغرها لي جااااه احلي واعدب من العسل ، مص ليها لسانها وبقا مدة خدام فيه وايمص وايعض مرة فيه مرة فشفايفها ، ايديه محبسووووش فبلاصتهم هبط حتي وصل لمؤخرتها غبزها بالجهد حس بملمسها رطييييطب بين ايديه وبرك ايعجن فيها وعلي غفلة منها هي لي محاضراااااش هيا مشات عند سيدها ربها الحبيب كتعوووم وسط السحاب والفراشات كيتساراو فكرشها والتبووووريشة طالعاها من صبع رجلها الصغير ، هزها عندو رفعها لمستواه لوات رجليها علي خصرو وصباعها خشاتهم فشعرو من اللور مفصلووووش القبلة ، كانت فرنسية بإمتياز عرف كيفاش ايخليها تتجاوب معاه بسرعة كبيييرة ، مغنقولوش هي امية ومخلياه هو يتحكم حيت مكتعرفش دابة الفلام مخلاو حد معارفش اما هي فكانت گاع ساكنة برات البلاد مكاين غير ارا برع ، خلاتو المتمسك بزمام الامور فقط تجاوبات معاه بدورها ومتنكرش انو لعب ليها فالاول علي الوتر الحساس وهو عنقها كودها لي خلاها تتحل ، مكانتش ابدا تتخيل انو شي نهار غتوصل معاه لهاد المواصيل او غتمنحو شرف ياخد اول بوسة ليها فما بالك هاهو دابة الان كيروي عطشو وعاااايش معاها اللحضة بحدافرها ، حطها بلطف فوق الناموسية معرفاتش كيفاش حتي وصلات لهني وطلع فوقها خلي ليها الفرصة شوية فين تتنفس وهبط كيوزع قبلاتو علي عنقها نزولا لصدرها فبالو حاجة وحدة الليلة يوشمها باسمو وايخلي فيها طابع ملكيتو
ولكن سبحااااان الله تهب الرياح فيما لا تشتهي السفن ، ديما الحاجة لي كنكونو مشتاقين ليها وكنتاضروها بفارغ الصبر فاش كنختالاو بيها وكنقولو واخيرا غتصدق لينا كتخرج لينا شي حاجة من الجنب كترون لينا كلشي تخلينا غير واقفين كنشوفو مكتوفين الايدي وما باليد حيلة ، نفس الشئ وقع لزوجي الحمام دياولنا منغاااامس زكرياء فاشغالو ايديه كيطلعو الديباردو شوية بشوية باش ايحيدو ليها وفنفس الوقت خاشي وجهو فعنقها كيمص وايجر حتي كيخلي البلاصة حمرة كتزوي وايدوز لاخر وهي بايد شادة فشعرو والايد لخرة عاضة فيها من حر الشهوة مبغاااااتش تتأوه عارفاه غيجعر كتر وكتر وكتر ، فجأة تسمع صوت التيليفون كيصوني ولكن شكوووون تسوق ليه ، بقا كيصوني وايعاود ايصوني وايعاود ووالو محاضرييينش شوية تزاد الصوت فاش تيليفوناتهم بزوج ولاو كيصونو ، زينب بدات توعي شوية طلات شوية لقاتو فسخ ليها واحد الجهة وخرجات واحد البزولة عاد غيحيد ليها الجهة لاخرة وهي تنطق باسمو : زز..زكرياء ااااه
شاف فيها وطلع سكتها ببوسة طوييييلة كيخشي لسانو وايجر حتي غمضات عينيها بغا باش ايهدنها ورجعات تكات راسها شدات فشعرها ونتفاتو فاش باس راس بزولتها تبنجات مبقاتش قادرة تدوي دورات رجليها علي خصرو وجراتو بيهم شوية طلع راسو وشدات بايديها وجهو وهي هاد المرة لي تجرأت وباستو ، بقاو علي داك الحال حتي سمعو الصداع والدقان بالجهد فالباب وعاو علي راسهم ودور زكرياء راسو للباب وزينب سرحات راسها كتشوف فالسقف
عقد حواجبو مستغرب حتي عاود سمع الدقان والتعياط هاد المرة اسماء : زكرياء اهئ اهئ المعطي الداوه الجدارمية
ناض جمع الوقفة وزينب خرجات عينيها بالزربة ناضت كتشوف فزكرياء لي مصدوم
مشا باش ايحل الباب حتي جراتو زينب وخنزرات فيه لتحت : شووف
هبط عينيه غير زرواطة وواقفة صاااافي كان كنفوخ بزااااف وباااين من الشورط خبط ايدو مع الحيط وزينب بالزربة قادات الديباردو ولاحت عليها بينوار دارت شافت فيه : سير لقا حل انا غندوي معاهم
مشا بالزربة للدوش رخا الما بااااارد كيهبط عليه محسسسسش بيه من درجة السخووووونية لي كانت فيه الما ولا كيهبط دااافئ ولحمو كيفور خارج منو الضباب ، هي جمعات شعرها مسحات فمها بايديها وغمضات عينيها خدات نفس عميق ومشات حلات الباب
زينب : شواااقع مالو المعطي
خالد (مدا مجاب كانو ملهيين ): المسخوط المسخوووووط شدووووه الجدارمية
زينب(بصدمة):: وعلالالاش؟؟ شنو دااار !!!!
اسماء : اهئ اهئ كان كااان شاد بنت القايد (مقدراتش تكمل)
زينب(خرجات عينيها): كي...كيفاش شاد بنت القايد
خالد: فينو زكرياء عيطي لييييه نشوفو هاد المصيبة لي طاحت علينا مشا فيها بن السلگوووط لاخر هادي هي لخرة ليه
زينب (غوتات)؛ وشرحووووولي شكاااااااااين علالالاش شد بنت القاااايد
خالد (بانفعال): وبغاااااا يحوييييييها صااااافي عرفتيييي
حطات ايديها علي فمها واسماء شافت فخالد مصدومة والدموع واحلين فعينيها زكرياء جا بالزربة كيلبس وايقاد فحوايجو مع كلام خالد رجليه فشلو عليه رجليه شد فالحيط مخرج عينيه : شش..شنن...شنووو؟!
خالد (عض علي فكو): زكرياء العااار زيد نمشو عندهم فاطنة خليناها سخفانة فالدار الروينة كحلة نايضة اصاحبيييي عييييييينا نصووووونو لييييكم فين كنتوووو فيييين
زكرياء مقدرش ايستوعب طلع ليه الدددمممم علي الجهد دفعهم ومشا ايجري تبعو خالد واسماء زينب مشات ورجعات مبقات عارفة مدير ملابساااه عليها والضياف كينعسو ايطيحو دودة مكيعقلوووش دخلات بالزربة لبسات اول حاجة لقات قدامها هزات تيليفونها وتيليفونت زكرياء بانو ليها سوارت الطوموبيل لي مولف كيخرج زكرياء Audi وسمعات صوت طوموبيل خرجات بالجهد من الفيرمة عرفاتهم مشاو فطوموبيلت خالد هزات السوارت ودفتر شيكات زكرياء وبزطامو بالدقعة نسا كلشي ومشا ايجري ، لاحتهم فصاكها وهبطات تجري مشات للكاراج حلات الطوموبيل وركبات لاحت الصاك للجنب دارت السمطة غمضات علي عينيها كتبت راسها كتحس براسها تخربقات غير شوية هادي كانت بين ايديه كيشبك وايشكل فيها كيف بغا ودابة طاااار ايمشو ايعتقو المسخوط لي دارها قد راسو وبنت شكوووون بنت القاااايد صافي كملات ، ديمارات وخرجات من تم و خرجات من الفيرمة كلها ، لاقرب مركز درك ولي عارفاه هي مزياااااااان وسبق ليها مشات ليه وتشرفو بزيارتها الكريمة
دخلات كتجري فنصاصات الليل لمركز الدرك لقات ديجا طوموبيل خالد واقفة برا بان ليها زكرياء من بعيد شادين فيه خالد وشي جدارمية كيغوت وكيسسسسب علي حر جهدو جاعر ديال بالصح وواحد من الجدارمية مضرووب وسخفاان ولخرين ضارين بيه مشات تجري لعند زكرياء لاحت صاكها لاسماء ووقفات قدامو شداتو من وجهو: زكرياء زكرياااااااااء ششوووووف فياااا صااااافي
ولاو فيه اضعاف اضعاف اضعاف حجمووو دفو كيفووووور ولا حمر حمر حمر وعينيه كيف قطرة الدم وكشاكشو خارجين كيخلع دفعاتهم كاملين كتغوت: طلقوووو منوووو غيقتل شي حد (طلقو منو وهي كدفع فيهم حتي بعدو وشدات ليه وجهو بايديها بزز ) صااااافي صاااافي تهددددن
زكرياء (هز ايديه مبغاش ايقيسها والا الي غير شد فيها ايقدر ايهرس ليها ايديها عينيه كانو بحال شي وحش كيشوفو فالمعطي لي كيبكي الداخل ضربو هداك الكلب لي فرشخ زكرياء خلا روحو غتطلع ): بعدييييييي بعديييييي (كيقوووولها وكينهججج وكشاكشو خارجة )
حد عينيه شاف فيها حطات جبينها هلي ديالو وغمضو عينيهم حتي حسات بيه تهدن شوية بعدات عليه شوية وهو كيتنفس بالجهد، شوية دازو مخرجين المعطي من البيرو حنكو مسكين حماااار بالطرش لي عطاوه كيبكي وايقول مبكيت شاف فزكرياء وبغا يمشي عندو مخلوووووع : اهئ اهئ اهئ اهئ زكرياء زكرياء عتقني اهئ اهئ اهئ والله محويتها اهئ اهئ هوما هوووما لي بغاو ايحووها اهئ اهئ زكرياء
جدارمي (ضربو لراسو): زييييد وسكت
زكرياء (نقز عليه وخالد شدو بزز غوت حتي هزهم كااااملين): مضربووووووووووووش ، متقييييسووووووش
خالد (شاد فيه بزززز ): صاااافي اصاحبي تهدن شويااا صاااافي
زكرياء (كيدفع فخالد)؛ وطلالالالاق الخرىىى طلالالاق بعاااااااد والله يا القواااادة مك حتي نقتلالللللاك متقيسوووووش
اسماء وزينب مشاو ايشدو فزكرياء لي ناض جعر عليهم تاني ، هبطو المعطي للسيلون سدو عليه غدة غيتعرض علي وكيل الملك وخلاو زكرياء كيطبخ ويغوت الفوووووق
الساعة الرابعة صباحا تقريبا دخل للدار عيااان كانت ليلة شاااقة واعصابو لدابة كيحس بيها منفوخة غطرطق ، باتصال واحد قدر انو ايخرج المعطي ومبقاوش هبطوه التحت ولا عرضوه علي وكيل الملك لا والو ، القايد بنفسو فاش جاه اتصال من مجهول مشا ايجري عند زكرياء وعتادر منو وباس راس المعطي لكن هايهااات المعطي حلف لا سكت وعاود ليهم لي وقع بالحرف ووصف ليهم هادوك لي كانو بغاو ايتعداو عليها والمعطي غير جا فديك اللقطة وهربو هوما وتسبات فيه هو ، مكان عليهم غير انهم ايصدقوه وايطلبو السلاك مع زكرياء لي كون زاد شو كان غيحرق الحزاق كامل واينوض .... دخل للبيت بانت ليه ناعسة ومكمشة بلاصتها حتي هي عيات قبل سعتاين باش سيفطها بزز منها هي واسماء وصلهم خالد ورجع لعندو رفض انو شي حد ايبقا تما وحتي هي بزز باش وافقات جات شربات دواها دالاعصاب ونعسات اما هو. بقا تما حتي خرج المعطي هو وخالد وداوه لفاطنة لي غير شافتو وعطاتها للبكا والنحيط بستة وستين كشيفة حتي سكتوها وتفرق المجمع مشا كل واحد ايحط راسو اينعس شوية الحال قرب ايصبح ....
فسخ عليه بقا بالبوكسووور صااافي تخشا بلاصتو وطفا الضو شاف فيها لقاها ناااعسة مجايبة للدنيا خبار تنهد وتفكر شنو وقع بيناتهم ترسمات ابتسامة خفيفة علي شفايفو ، جرها بشوووووية لعندو قربها ليه ونزل راسو شوية طبع بوسة صغيرة علي شفايفها ومخششها فيه حط راسها علي صدرو محاوطها بايديه وغمض عينيه نعس ...
طرررن طرررن ،،،، طرررن طرررن
مد ايده سكت الريفاي لي بجنبو وحط صبعو علي عينيه مكمشهم مشابعش نعاس وحاس براسو غيتشقق عليه وكلو مطحطح ، نزل عينيه شوية ليها كانت ناعسة ومدورة ايديها علي صدرو العريان مكمشة فيه ، باسها فراسها وحط ايديه علي شعرها كيدوز عليها بشوية حتي بدات كتفيق ، غير حلات عينيها رجعات غمضاتهم بالزربة حيت الضو كان ضارب بزاااااف فالغرفة كمشات ملامحها ورجعات حلات عينيها وعات بلي ناعسة عليه وحسات بايديه كيدوزو علي شعرها متحركاتش بقات علي نفس الوضع ، كتشوف ناحية البالكون ونطقات : علي سلامتو
زكرياء (نزل عينيه كيشوف فيها ورجع بلاصتو متكي راسو ): الله ايسلمك
زينب : كيف درتي حتي خرجتيه؟! ياك قالو بلي غيتعرض علي وكيل الملك
علي طاولة الفطور مجموعين كااااملين خالد واسماء وروبرت مرتو وروندا ومحمد وزكرياء وزينب كيفطرو وايتنافشو فأخر التجهيزات
روبرت : طاقم التصوير جا الصباح بكري وعطيتهم الادن يدخلو يجهزو كلشي باش غير نمشو ونبداو مباشرة تأخرنا بزاااااف
زينب: شنو باقي عنوان الاعلان يعني كيفاش غادي يكونو التصاور
محمد : غادي ناخدو ليكم صور مختلفة غادي تبانو فيها كوبل زوين والترجمو الحب لي بيناتكم فهاد الصور وفنضراتكم لبعضياتكم ، غالتصورو فالادارة وفالحقول دالزيتون و الليمون وفوق الخيل و بلايص اخري ، غتلبسي لباس تقليدي مغريبي ومسيو زكرياء نفس الشئ باش تزيدو جمالية للصور
زكرياء (معاجبوش الحال غير مسايرهم ايسالو هادشي ايمشو فحالهم مبقا قاد علي صداع): اوكي يالله الي فطرتو تفضلو
ناضو خرجو رفقة زكرياء و زينب طلعات للبيت تجيب صاكها بقات اسماء وخالد فقط ، اسماء كتسني زينب وخالد بلعاني تعطل باش ايدوي معاها
خالد (التكا علي الحيط جامع ايديه كيشوف فيها ): بيخير
بقات كتدور فراسها يمين وشمال معرفات مدير وغااارقة فحوايجها بالحشمة
خالد: شوفي فيا علاش مدورة وجهك
بقات مدورة راسها قلبها غيخرج وعاطياه بالجنب ، ناض بلا عگز قرب ليها وحط صباعو علي ايديها مطلعهم معاها بشوية جاب ليها التبوريشة حتي قفزات مخلوعة ، تبسم وزاد طلع صباعو حتي وصلهم لعنقها حيد شعرها للجنب الاخر وقرب بالزااااف خشا راسو فعنقها شمووو غمض عينيه و طبع قبلة علي عنقها من الجنب حتي حسات بالضو ضرب فيها وغمضات عينيها مزيرة علي ايديها ، مد ايديه حاوط خصرها ودورها عندو بشوووووية حتي قابلها ولصقها معاااه ، هزات فيه عويناتها كيبرو وخدودها حمريييين غيطرطقو بالحشمة ، سهى فيهم كيشوووف فعينيها وايقرب شوية بشوية حتي حط جبينو علي ديالها عينيهم تسدو وانفاسهم تسارعات متوازية مع دقاااات قلوبهم ، دام الصمت تواني قليلة ونطق بصوت خااااافت سمعاتو ضرب ليها بحال الزلزال لقابها): فكرتي؟!
مبقاتش قدات توقف باقي حطات ايديها علي معصمو علي مدور ايديه عليها شادة فيه مزيرة مقدراتش تجاوب
خالد (تبسم شوية ): انا نعاونك باش تاخدي قرارك دغيا
هز ايد وحطها علي رقبتها محكم فيها وميل راسو شوية كيشوف فشفايفها المنفوخين ولي كيترعدو وهي مغمضة عينيها مبنجة ، قرب ليها بشوووووية دوز شفايفو علي ديولها بلطف وكأنو كيستأدن قبل ايفتح فمو ايخشي الشفة التحتانية بين ديولو وايجرها بلطف ، بعد من التحتانية وطلع للفوقانية كيمص وايجر بكل لطف وحنان ، خشا لسانو داخل فمها عاطي طابع فرنسي لقبلتهم وجر لسانها كيلعب بيه داخل تغرها ، لعابهم تمزج وارواحهم توحدات داااابت بين ايديه وستحلالالالاات لمساتو ليها ايدو وحدة شاد فيها عنقها متبتو والاخرى علي خصرها ملسقها معاه ، خدى شنوفة كيمص فيها وايجر حتي تنفخات وبزات كتزوي ومشا الاخرى عضها بشوية حتي تأوهات بصوت خافت وزيرات علي ايديه ، بعد شوية وتبسم كيشوف فيها مغمضة عينيها يعني ممعتارضاش وعااااجبها الحال ورجع كيلتاهم شفايفها لكن بوتيرة اكبر من قبل....
كانت هابطة مع الدروج كتشوف فتيليفونها حتي هزات عينيها علي داك المنضر لي صدمها بقات حالة فمها فيهم وهوما فداك الوضع حكات عينيها و عاودات حلاتهم كتشوووف ، شورات حتي هزات تيليفونها وصوراتهم بلا ميعيقو تبسمات كتشوف فالتصويرة بخبت ونطقات بشوية : مالني غير انا لي نتگيد وتزوجني فاطنة حتي طيور الحب تزوجهم ونتگيدو جميع ههههههه
اسماء (دفعاتو بالزربة فصلات القبلة فمها كيزوييييي حمر كيف نقطة الدم و دورات وجها كتقاد فشعرها لي تشتتف متوتررررة )؛ شش..شنووو هانا هناااا
زينب (هبطات عندهم كتشوف فيهم خالد كان متكي علي الحيط متبسم وكيشوف فاسماء لي كانت غارقة فحوايجها وحنوكها حمرييين ايطرطقو): خالد شباقي كدير هنا
خالد (شاف فيها ): كنوطد العلاقات ، شغنكون كندير هنا متلا
زينب(قربات ليه): العلاقات القحبونية لحسك
خالد (حتي هو كيوشوش): قلنا منفعتينا فوالو نديرو شرع ايدنا (وغمزها)
زينب: كتفرشها العشير كتفرشها
خالد(شاف فيها بقلق): زعمة؟!
زينب: العشية فاش ايسالي التصوير نتلاقاو فالخرجة دالفيرمة نمشيو جهة جنان القايد نتفاهمو
خالد (تبسم ودار كيشوف فاسماء لي واقفة بعيدة وحادرة راسها عاطياهم بالضهر): مشاات
زينب (كتشوف فيه وفاسماء): منكونش سميتي الي دار الشهر ومكانتش فدارك بالخاطر بازز غتكون فدارك
خالد (خرج عينيه شاف فيها): شكتقووووولي
زينب: لي طرالي مع الضبع ايطرا ليها معاك وخا هو انا والضبع مكنا نحملو الشعرة فبعضياتنا ولكن نتوما غيييير حيت كون اسماء مكانتش كتحملك او مكتكن حتي مشاعر ولو صغيييورة ليك مكانتش اتخليك تقرب ليها
خالد: بمعني
زينب: بمعني وجد المقابل ديال هاد الخدمة الكبيييرة لي غندير ليك (غمزاتو ومشات عند اسماء) حبيبة ياالله نمشيو (دارت شافت فيه) ونتا غتمشي ولا تبقا شاد ليا فالحيوط
مشاو خرجو ساقلين لتاحقو بالاخرين للفيرمة ولي كانت اليوم زايدة فيها الحركة والنشاط علي دي قبل ، طاقم التصوير و كرافانات كبار تابعة للطاقم ، اضواء وناس تمشي هنا وهنا ، غير مشات حداهم وهي تشدها ايفا من ايدها كتجر فيها وتدوي بالهنيدية مفهمات والو شافت فزكرياء واقف بعييد مع واحد خيتي جاية مع طاقم التصوير قرطااااااااسة وهي المسؤولة علي الازياء
زينب (خنزرات فيها وحاضياها كيف كتتبحلس عليه وتضحك وهو كيضحااااك عاجبو الحال ): هيييييه وااااا قوم لووووط
دارو شافو فيها ، البنت كتشوف باستغراب وزكرياء باقي متبسم جامع ايديه وواقف جنب هاديك خيتي لي حاطة ايدها علي دراعو
زكرياء (تبسم بمكر فاش تفكر فلاش الصباح ودار شاف فيها): زينب عاملة عندي فالفيرمة وهي لي غادي تصور الاعلان معاية
سارة(عوجات صيفتها)؛ همم مفيهاش المقومات المطلوبة كلها، وحتي انو باينة معصبة غير وحدها ومكتعرفش تتعامل شهاد الطريقة باش دوات معانا؟!
زكرياء (دار كيشوف فيها كتتعافر مع ايفا گاع واش قمشاتها مبغاتش تتطلع للكرافان لي غيقادوها وتلبس فيه ، و نطق بصوت خااافت ممسموعش) فيها المقومات المطلوبة وزيادة
تحل باب الكرافان وكلشي دار ايشوف فجهتو لانو تعطلو علي موعد التصوير لي حددو بنصف ساعة ، كان واقف لابس بلغة بالگرة من الدان و فوقية رجالية بالخزي مخدومة بالگرى جاتو كتحمممق مع سلهامها فالگرى مبرة نازل للتحت ومعقود بشاشيات عند صدرو ، شعرو مقاد بجيل وريحتو فايحة ، رفض رفض قاااطع ايدير اي نوع من مساحيق التجميل علي ود التصوير ، جامع ايديه وواقف بوقفتو الرجولية عضمة علي عضمة الرجولة كتحسي بيها كتدفق منو مخنزر وكيتسناها تخرج عزيز عليها تتعطل وتخلي عباد الله ايتسناو فيها ، ماهي الا تواني حتي خرجات من الكرافان شادة فيها ايفا ومهبطاها بشوووووية من الدريجات لطيح ، كلشي حل فمو فيها كانت لابسة تگشيطة بلدية 3 بياس بالاخزي ومخدومة كدلك بالكرى ، ديكورها سااامبل ولكن خطيير فيها رشامي فالصدر والقعادي من الصدر هابطين تال التحت ، جاتها مع طايتها كتهبببببل بينات فصالتها من داكشي ومع طويلة لبسات اسكاربان عااالي زادها طولة ومع دالك بقات التكشيطة كتجرجر ، شعرها خلاوه مطلوق فقط بوكلاوه من اللحت وجمعوه ليها من القدام دارو ليها ضفيرات فكل جنب وزادو الفوق تاج كبييير بالدهب اللابيض مرصع بالالماس كيبريييي مع عقد وحلقات وبراسليات كدلك من الالماس ، المكياج داروه ليها سموكي باش ايبينو ليها ملامحها اكتر واكتر الشئ لي خلاها تبان بشخصية قوية و عطاها جمال خااااص وخاااص جدا ، غير وقفات قدامهم وبداو كيصفقو عليها تبسمات ليهم عاجبها الحال حتي دورات وجها وجات عينها فعينو وحسات بقلبها بدا كيضرب بالجهد واتاه البلدي وجا معاه كيحمق ، المرة التانية لي تشوفو فيه من بعد يوم الخطبة ، مشات حداه كتقرب ليه هازة جلايلها وهو حاضيها كيشوف فيها من الفوق للتحت وابتسامة مرسومة علي شفايفو بدون ميشعر غير قربات حداه ووقفات كتشوف فيه
دارو وتقادو امام الكاميرا واخيييييرا بدات الجلسة التصويرية علي انغام اغاني عربية واجنبية معروووفة كتزيد اومبيونس ونشاط للجلسة ، الوضعيات كانو واضحين وباينين خاصهم ايبينو مدا انسجامهم وحبهم لبعض من خلال نضراتهم وطريقة لبسهم وهادشي ماشي غير فبلاصة وحدة بل فمختلف المناطق فالفيرمة باش تبان جمالية المكان ، طلقو الدرون كيصور من الفوق باش ايديرو فيلم قصيييير ايزيد تشويق وميخلو حتي فرصة الا ويستغلوها ، ابطالنا فالاول مكانوش حاملين البلان وكانو معصبين وكل ساعة المدابزة نايضة حتي خداو استراحة فعشر دقائق الاولي دواو بزوج علي انفراد وقررو ايخلو خصامهم علي جنب باش يسالو هادشي دغية وكلها ايلحق دارو اليوم باقي ، لانو الي منفدوش شنو كيقولو ليهم مدة جلوس روبرت ولي معاه غتطول داكشي باش دارو عقلهم فراسهم ورجعو مهدنين ومكالميين ، خداو ليهم صور كتييييرة وبوضعيات مختالفة مرة ضاحكين مرة كيشوفو فبعض بكل حنان وعطف ، مرة هازها ومرة جالسين فوق طبلة تحت الشجر وكياكلو وهادشي اكييييد من بعد مكيبدلو وكل بلاصة بلبستها.
وصلات السبعة ونص مساءا وقت الغروب ، حط ايديه علي خصرها هزها وهبطها من فوق الخيل قربها ليه كيشوف فيها وحيد واحد الخصل من علي شعرها باسها فراسها وهي غير كتتبسم وعاااايشة اللحضة ، هزات عينيها فيه سهاو فبعضهم حتي سمعو "كاااااااااااات" انتهي التصوييييييير ، وبدا التصفاق والتصفييير كلشي كيسفق عليهم وكيمشي ايسلم عليهم وايهنيهم
سارة (قربات لزكرياء ): تبارك الله عليك
زينب: الله ايبارك فيك
سارة(شافت فيها وحولات عينيها لزكرياء شداتو من ايدو وكتتبسم وتسبل فعويناتها): عرفتك غتكون عييتي يالله بدل عليك ونمشو عند خالتي فاطنة توحشتها بزاااااف كنتي قلتيلي غادي نتعشاو عندها
زكرياء: وخا يالله (عيط لخالد) خالييييييد (سمعو وقرب ليه كيجري) وقف معاهم حتي يجمعو الماترييل ويمشو وجيب روبرت ولي معاه مي فاطنة عارضة علينا للعشا ونودعوهم قبل يمشو راك سمعتي روبرت قالت حجز فاول طيارة ولقاها الليلة باقي
خالد: كون هاني اصاحبتي غير سير (وطبطب عليه)
مشا زكرياء ايبدل عليه وسارة غادية معاه وكتضحك معاه و خلات بركان موراها غادي اينفاجر كيتسنا غير لي ينبشو
خالد (دار شاف زينب مخنزرة وكتشوف فيهم): زينب ؟!
زينب (هزات ايدها فوجهو معصصصصصبة والعروق تنفخو فوجها): ولا كلمة
خرجو عينيهم وسرهم اصلا هوما لي كيجبدوه كيكون غير ساكت حتي كينبشوه كان مركن وساقل حتي قلبو عليه راه لقاوه
سارة (حمارة ومبقات عرفات متقول): احمممم
زكرياء (حدر راسو ونطق بشوية): اعود بالله
طنطن طنطن
فاطنة (بغااات تتلف الموقف): ههههه هاهوما ضيوفنا جاااااو غنوض نحل ليهم ، مشات تجري خرجات وتتحلف علي المعطي والقتلة لي غتعطيه ، حلات الباب وبانو ليها كلهم جاو سلمات عليهم وترحب بيهم ايدخلو عجبهم الحال وتسرسبو واحد تابع لاخر دخلات معاهم اسماء لي بقات حتي مشا طاقم التصوير و خالد نفس الشئ عاد لالة مولاتي هي الاخيرة حادرة راسها مقندشة دخلات مدرمة حتي شداتها فاطنة: مدرمة لوالديك داخلة للرحبة
زينب (مدات ليها الكاس لي قرب ايخوا)؛ هاهوااا شربتو قالت ليا سارة كتاخديهم من عند بوشعيب كيهدنو المسران حتي توريهم ليا ناخد منهم
فاطنة (هرب ليها الدم من وجها): ششش شنووو؟! شربتيييه؟!
زينب (حطات الكاس خاوي من بعد مشربات اخر جغمة): هاهو لحسيه (ومشات خارجة مع الباب) هاني غادية نقول ليهم عشرة عشرة فالطبلة لي عندها شي بعلوك تديرو قدامها ولي تعشا ايطلع للسطاح
مشات وخلاتهم كيشوفو دارت اسماء عند مها وبدات تطل عليها كانت مخرجة عينيها مكترمش وبحالا مصدومة
اسماء (حركاتها ): ماما مالك؟!
فاطنة: نااااري مشات فيها
اسماء: كيفاش شكون مشا فيها
فاطنة(دارت خارجة تهتهت وشرات لاسماء): حطي حطي العشا غنمشي نحضيها لطير علي شي حد
مشات فاطنة وجلسات فالصالون حاضية زينب لي كانت جالسة وكتلعب فالتيليفون ومرة مرة تهز عينيها تخنزر فزكرياء وهاديك الكولة سبيياال ، حطات اسماء العشا بمساعدة خالد لي مبغاش ايخليها وحدها وحتارم انو فدار فاطنة مقرب ليها مكلمها مخليها علي خاطرها ، سبقو ليهم الدجاج محمر وتبعوه اللحم بالدغميرة معسل وتلاوها بالديسير مشكل ومنوع وفالاخير ختموها ببراد داتاي مشحر جمعو شوية بيناتهم من غير فاطنة لي حاضية زينب لي ممسوقااااش ومجايبة للدنيا خبار ، بعد نصف ساعة ناض روبرت ومرتو وروندا ومحمد تواعدو معاهم شكروهم والتافقو علي موعد الاعلان الشئ لاخر خالد ايتكلف بيه ومشاو ركبو فطوموبيلاتهم وزادو وزكرياء وسارة وزينب وخالد بدورهم خرجو يمشو فحالهم
فاطنة(شدات فيها): بنتي زينب كون غير بتي عنا
زينب(شافت فيها بمعني من نيتك): كتفلاي افاطنة
سارة: متخصريش ليها خاطرها بغاتك تباتي عندها
زينب: باش ايخوا ليك الجو متكونش ليك ا بب
فاطنة (شدات فيها) ؛ والله ابنتي كون غير بقيتي
زينب (كتدفع ليها ايدها): وتي سيري دخلي لخربتك قالك كون غير بقيتي
الفلاح الوسيم الجزء السابع
محتوى القصة
التنقل بين الأجزاء