حبيبي الأصم الجزء 332

عندلامار .. 

كالسين فالبيرو مع دكتورة وهي كتكب فالتقرير وتقيد 

دكتورة : صافي امادم كولشي مزيااان .. غير اغماء ديال الخخخلعة وربما حتى من قلة النعاس ... يمكن ليك تمشي دابا 

رتاج : واش ممكن عفاك تعطيها شي دوا يهدن ليها حريق الرااس 

كتروة : اهاه ( حنات كتكتب ) هاد دوا مزيااان ومهد فوري ... تفادايه غير فالحمل ماتشربيهش ( شافت عندها ) ياك ماحاملاش 

لامار : لا لااااا 

رتاج : كتااخدي لبيليل ???? *منع الحمل* 

لامار : ها ? ا ... الا .. ا اه 

رتاح : كيفاش لا آه!!! 

لامار : ك كناخدها بعد المرات .... مي را كنشربها ... حيت بنتي باقا صغيرة 

دكتورة : واش مكاتاخديهاش بنظام ?!!! 

لامار : لا راه كناااخدها ....غير بعد المرات كنسااا مكنشربهاش وصافي ... 

دكتورة : لا ضروري نديرليك الايكو .... مايمكنش نخرج ليك شي دواء بدون منتأكد 

لامار : لااااا اش كتقولي ادكتورة انا راه ماحاملااااش .... بنتي باقا صغيرة ومكنحس بوااالو وزايدون ماعندي تاشي روطااار 

دكتورة : امتى كانت اخر دورة ??? 

لامار : ممممم ماعقلتش .. (كتشوف فواحد المنحى وتفرك فصبعانها كتففكررر ) اااه ف 7 من شهر 8 

دكتورة : دورتك مقادة 

لامار : اااه 28 يوم ... 

رتاج : والى هاكاك ازين راه عندك روطار .... 

لامار : ( كتشوف معاها وترجع تشوف فدكتورة بواحد نظرة بحالا كايتاهموها بشي جريمة وهي كتنكر ) ك كيفاش ... لا لااا لا اش كتقولو مايمكنش .... لا بنتي باقااا صغييييرة 

دكتورة : تفضلي معايااا امادام نديرو اايكوغافي ... 

لامار : لا مغااااانمشييش معاك ( تعصبات ورفعات من نبرة صوتها ) انا ماحاملااااااش .. ميييييييمكنش بنتي عاد صغيرة ويلاه مكافيا معاااهااا 

رتاج : لامار وتادابا ماقلنا والو نحيدو غير الشك مالك .... 

لامار : ( نترات يديها منها وغوتات) مغااااااانمشي فيييين ... مستحيل نكون حااااملة انا كناااخد الدوا ديالي اش كتخررربقو نتومااا ... 

دكترة : دابا غير تهدني امادم ... حنا خدمتا غانديروها حيت ميمكنش تاخدي شي دوا الى ماحيدناش الشك ... غير اجي اش خاسرة ... 

لامار : صاافي غير بعدي مني انا مابقيت باغا لا دوا لا والو وراسي ماااابقاش كيحرررقني ....

رتاج : واخا هاحنا غاانمشيييو يلاه ... نوضي يلاه نمشيو وقولي ليا واش غايديك النعااس مزال بالشك .... 

لامار بقات كتشوف معاهم وصدرها طالع هابط والخلعة طلعات معاها دلو ليها الشك اخر حاجة كانت كاتسناها هي هادي ولقات رتاج عندها الحق تنوض تحيد الشك حسن ليها ... استسلمات وناضت معاهم بحالا ماشيا لشي مشنقة ونعسات فوق سرير عرات على كرشها ... والدكتورة دارت الجيل كدوز ليها وهي كتزعزع كلها بالتوترررر ...وعينيهااا فداك الشاششة واخا مكتفهم والو باغة تشوووف 

دكتور : ششششش ممكن ترخاي شوية امادام ماتزيرييش وماتوتريش ... 

بدات كدوز ليها ورتاج واقفة ... 

دكتورة : طلعي امادام النفس ديالك ورخييها ... 

لامار دارت اش كاتقول ليها ...ودكتورة حالة عينيها فالشاشة ... شوووية حطات داكشي وابتمسات ليها ورتاج دارت يديها على فمها من شنو شااافت 

دكتورة : صااافي سالينا ... تفضلي امادام ... 

ناضت لامارومسحات كرشها ودكتورة مشات للبيرو ... 

لامار : غي كتخخخربقو شفتي قتلييييك مكاين والو 

رتاج : ( عينيها كيلمعو ) ممممم ... نوضي .. نوضي بشوية عليك عطيني يديك نعاونك

لامار : ياكما قالوليك مشللة .. خلعوتني على واااااالو فففف ( كتصايب حوايجها )

رتاج : وعلاش لي غاتخلعي ????? شنو فيها الى جا شي بيبي جديد ???

لامار :ماااااحنا على فاااااالك سسسسسكتي 

رتاج حزنات ملامحها ...وزادو عند الدكتورة للبيرو ودكتورة داك الاوردونونص لي كانت كتبات كمشاتها لاحتها فلبوبيل وجبدات وحدة اخرى والابتسامة على فمها 

دكتورة : شفتي امادم لامار بعد المرات الرب كيخبي ليا مفاجآت مكنديروش ليها الحساب ... وكتكون فصاالحنا ولاكن حنا ماعارفينش ... بعد المرات كيعجبونا وبعد اامرات لا ... ولاكن فكل الحال هوما لمصالحتنا .. ومكنعرفوش السر لي وراهم حتا كنتقبلوهم ونعيشوهم 

لامار : ااه عارفة هاادشي ... الحمد الله على كل حااال .... 

دكتورة : دابا البنتية ديالك عندها عام ليوم 

لامار : اااه عاااام 

دكتورة : منهنا تسمع اشهرر .. قل 6 دسيمانات .. غاتكون عندها خوها ولا ختها زوينييييين بحالها وغاتكون اححححسن هدية غاتقدمييييها ليييها فهاد لعيد الميلاد هو تقوليليها خوك ولا ختك جاي فطريق 

لامار :شش .... ش شنوووووو ???????( وقفات ودموع جامديين فعينيها ) لاا لاااااااااا ماااااايييمكنش لا... انا ماحاملااااااش

رتاج : لامار هديييك الله .... واش حماقيتيييي 

لامار : ( بجنون )ل لاااااا لاااا لااااا مابغييييتوووش لاااااااا لاااااااا ( جاتها الهيستيرية ) مااانقدددرش لااااااا .. غانززلووووو منقدرش .. انا وحدة وماقديييتش بيها .. عاد نربي جوج ... لاااااااا مااابغيتش ( كتبكي بجهد ) نززلليييه ليا ادكتووورة دابا عفااااك دابا نزليييه مابغيتوووووش

الفرمليات جاو شدوها وهي كتلتخ من يديهم ورتاج تخلعات عليييها مشات كتحاول تهدنها وعنقاتها ولامار كاتغووووت بججججهد 

لامار : مااااابغيييييتووووووش لا انا ماااااغاااانقدش لاااااا 

رتاج : لامارررر دابا غير تهدنييييي راك كضري فرااااسك اصاحبتي .... منبعد ونهضرو اججي امعايا

كتجرها ولامار طاحت الارض كتبكي بججهد ودكتورة كتحاول تتصل بأسد 

*عند اسد

اسد وصل لكلينيك ونزلو... الصباح كان طالع نازليين تحت عنيهم زورق وفاتحين عينيهم بزززز .... واسد يلاه غايخطو الدرجة يطلع... صونا ليه تيليفون .... غير فتح الخط وهو يمسع الغواات ديالهاا ...هو يدخل بزززززربة كيييجري ... كانو يونس وسفيان عاد كيهضرو بعيييد ... مشا كيجري مارعافش اش وااقع ليها كان ماشي لجناح فين هي ...ساعا سمع الغوات من واحد القاعة حداه وحل لباب دددخل .. لاقاها كاااتنفض فيديهم وتغوووت وطاحت الاررض كتبببكي وهو هبط عنها كيحاول يشششدهاا

اسد : لاماااار ....لاااماااار ( طلع راسو فيهم ) اش واااااااقع 

لامار : مااابغيييتووووش ا اسد مابغيتووووش .. انا غانزلووووو ماااابغيتووووش ... مغانقدددرررش ومغااانهتمش بيييه.... انا أم ماامسووؤلاش انا ماقدييت تاعلى وخدة نقد على جووج .. نزلو دابا قبل مانشوفو مابغييتوووووش ...... 

اسد : ( وقفها وشاد فكتافها ) ودابااااا غيررررر سكتي من الغوات راه مفاهم والو ... سسسسسسسكتي ( بدا كتجمع الغوات ديالها وتنخصصص ) اش كااين ???? 

لامار : مننقددددرش ... منقدرررش .... غااانزلووو مستحيييييييل 

اسد : شنو غاااتنزلي ددددوي ماااتحمقيش ديييييلمي ??????? واش باغاني نتسطا انا هاد صبااااح ... اش كااااين ?????? 

لامار : انا مااقابلت حتى قسسسسسم .. قسم وماااقابلتهاش... وكانت غادي تمشي لينا ... عفااااك خليييني نزللووو منقدش نررربييييه انا مااااشي ام منصلاحش نكون ام ( شدات وجهو كولها كتبكي وتنخصص وصوت مشا ليها كاع ) عفاااااك اسسسسد قوووليهم يزلووه مسسستحيييييل نولدوو

اسد : شش شنو ?????? وو ..... واش نت حاااااملة ?????? لاااماررر واااش حاااااملة?????

انفجرات تاني بالبكا وطاحت على صدرو كتبكي وهو عنقها و كايشوف معاهم مااامتيييقش ...

اسد : ( جابها قدامو وشد وجهها ) شششش تهددني ... لامار شووفي فيااا 

لامار طلعات فييه راسها وشافت فيه وهي كلها ححمرة وكتنهج 

اسد : تنننفسي ... كااااالم .. مواقع والو صااافي .... كالم ... ( كترمش فيه بعينيها وكتحاول تتفس ) مزياااان ...رتاج ديها لشومبر انا جاي ... 

لامار : اسسسد انا مااا( قاطعها بصوت منخخخفض وحنييييين شاد فوجهها ) 

اسد : شششششش ... تا كلمة ... تبعي رتاج يلااااه .... ( جات ماشية ) ايييييييه ( ضارت عندو ) ماااانسمعش غوااااتك .. يلاه سيري 

مشات معاها لان طريقتو فالكلام والبرود والهدوء باش دوا فهمات منو انه الى عاود الهضرة جوج دالمرات غاترعف .... حيت عيا بما فيه الكفاية والموري تحط على الزيرو .... وهي داتها رتاج وباقا كتنخصص وتبكي ... وهو شاف عند الدكتورة وشاف فوق لبيرو بانليه الايكو وهزو شافو ودار واحد التبسيمة عياااااانة على فمو 

دكتورة : الف بروك عليكم ... 6 دالاسابيع 

اسد : طو ڤا بيان ? 

دكتورة : لالا كولشي مزان ولاكن لابد ماترجع عند دكتور الخاص بيها للمتابعة .. هاهوما بعض الادوية يساعدوها وكدالك باش تهدن شوية ... 

هز داكشي وخرج وهو كيتمشا بشششوووية وكييشوف ل ايكووو وتبسيمة على فمو .... شي حاجة مكانش دااايرها فالحسااااب .... وهي حمل جديييد وشي بيبي آخور بحال قسسسم ... ماحسش براسو كاع امتى وصل لشومبر وعينيه فيهم واحد الفرررررحة واخا مابيناش عليه ... حل لقاها كالسة على سرير وباقا كتتتببكي ورقية حداها والبنات واقفين والضحكة عليهم باينة فرحاانيبيييين ... ويونس وسفيان عاد دخلو 

يونس : ارييج .. يلاااه نوضي نمشيو ...

رتاج : ( كتشوف معاهم ) فييين عدنان 

اسد: ( داخل ماشي باتجاه بنتو ) عيطو ليه من المغرب على ود شي اجراءات فخدمتو 

رتاج : اء ????? وعلاش مقاليا والو 

يونس : ... ر را غير حيت مشا زززربااان ... 

رتاج بقات غي كترمش واسد كلس حدا بنتو كيمشط على شعرها وهي ناعسة وكيمع غير التنخصيص دلامار وقرب عندها سفيان 

سفيان : واااخلاص واش باقا كتتتبكككي ... هاهي بنتك حداك بااركا من البببكااا ..

اسد : سفيان دي معاك الحاجة وسيروو ترتاحو راه مشا الحال وكلنا دوزنا ليلة ثقييييلة ... سيرو ترتاحو .... 

خرررجو كاملين ورقية كتهضر معاها بالحححس وتهدنها واحمد يلاه طلع من الكافيتريا ومشاو ولاكن فين هاوا العقل بااااقي مع عدنان اش دار ... 

هوما مشاو واسد ناض لعند لامارو وهي طلعات عينيها فيه وكتبكي وهو غير كايشوف فيها 

لامار : مااابغييييييتوش 

اسد : اش كتخربقي دابا اش كتخربقي ? ... شنو لي مابغيتيش ... ولدك ???? مممم 

لامار : انااااا مغاانقدددددش 

اسد : مغاتقديييش ??? علاااش ? ( كاييدوي معاها بهدوء ) 

لامار : انا ماشي ام .... ماااااااشي ام ... ( كتبككككي بجهد تاني ) قسسسم وفرررطت فيها هو مغانقدش علييييه ( اسد بدا يسسسعرررر ) من الاحسسن نزلو قبل مايكبر ونولدو .... 

اسد : ( عوج راسو لججنب كيييحاول يتمالك اعصابو ورجع شاف عندها ) لامااار .. حضري معايا عقلك الله يرضي عليك ... واش فعمرك 14 عام وانا مافخباااريش ????? 

لامار : مغااانولدوش هي مغاااانولدووووش ( كتبكي ) 

اسد : غااااااتولديه ... ولوحيه ... مهم هو تووولديييه ... وانا نرربي ولادي وقاااااد بيهم الى نتي مقاداش ... ولاكن راه نسمع منك كمة نزززلو بحال الى ولدي انا ولد الحرام وتقتلي ليا ولدي لي جا لدنيااا .... راه مغاااااندووووزهاش ليك .... نوضي قدااااامي نتي بعد المراااات مكنعرفش اش كيوقع ليك 

لامار : ( نترات يديها منو وهو داك نترة لي دارت ليه بحالا عاوتاني شعلاااااتو ) وااااااش مكككتحححش ?????? واش مكتحسش بيااااا ???? انااااااني كتبغي غير راااااسك .... انا متأككدة غير غاتزيد واحد اخورررر غاضررربني برككككلة فخطرة وحدة... غير قسم وشوف كيفاش وليتي كتعامل معايا .... وليت انا فدررررجة تاااااالتة كاع .. بعد ما كنت من اولوياتك وليت من ثنوياااااتك ... نتااا كتفكر غير فولادك ... واناا ?????? 

اسد : شنوووو خصك نتي مافهمتش???? ياااااكماااا نجيييب لي تقابك تانتي وتحضيييييك ولا نوجد ليك البيييبرون ?????? واش مريضة ولا بععععقلك ??? ... ولادي ????? ولادي انا بوووووحدي ????? لاااماررر رحمي لي بقااا فيا راه ماعنديش جهد لي نزيد... ونووووضي قدامي تحححركي ...

لامار : ( هزات مخدة وخشات فيها راسها كتبكي ) مناااايضاااش بعد مني بببببببببعد .. تاااااااحد ماباغي يفهههمممني بعععععد مني 

اسد ناض وقف كيييتنفس الصعداااء .. كيحاول ما امكن ييييتهدددن .. تالفرحة ماكملات ليه بهاد الهضرة ديالها ورجع تحنا عنها طلع ليها راسها حيد ليها داك المخدة 

اسد: باغياا تقتلي ولدك فكرشك ??? مممم ? ... علاش ? على ود هاد الفشوش الخاوي لي ماعرفتوش منين نزل عليا ... باااقي مدوزناااش الاهمال ديال قسم ... باغا تبداي بإهمااال اخر ...غااازيدي غررقي فضواسااا ( لامار كتتتبببككككي تاقربات تسخف الطاقة مشات منها ) راه هادشي لي باغا ديري دابا هو لي كيتسمى بقلة السؤوووولية .... ونتي عارفاااااني واكثر واحد عارف اانعدام لمسؤووولية شنو كتعنيلي هو نت .. وعارفة بلي دوزنا حملك بقسم كولو كنحااااول نرد منك أم مسؤوولة .. تجي تعاودي لديلمي دابا السينتة ملووور ?????? ( زاد حنا عندها ) قسسم راه كتعيط ليك ماماااا .... ماااماا... عارفا الام شنو كتعني ??? وهدا لي فكرشك راه واخا باقي متزاد واخا باقي ف6 دلاسابيع راااه تاهو كيقول ليك ماما وراكي أم حتى ليه هو ... اوا ديري وووواجبك كأم وقطعي عليا حسسسسك .... 

لامار : ( شافت عندو ) وصافي غير قسسسم بااارررررركاااا ... علاش نزييييدو مغانقدرش نقابل جووووج انااااا مغانقدررش

اسد : وتاا انا ماقلت والو .. مااااتقااابليهمش ... ولديه ليا انا نقابل ولاااادي مواقفينش عليك ... وليديه لياااا وعطيييه تيسسسسساع .... ولا ياكما مغاتقديش حتى تحمليييه فكرشك ????? ...

لامار : ( بالغوات ) قالوووووولك انا حجججرررة مقاداش عليه مكيعنيببش انني ماابغيتووش ... لامشيت حتى ولدددتوووو راه غايولي حياتي اشمن نعطيه ليييك .... ولاكن عااارفة راسي مغانقددددش ببييييه اوا احترم قراري وخليني نزلو ملي تكككبرر قسسسم شوووية وتعول على راااسها نزيد واحد اخوررر...اما دابا ماابااااغاهاش اعبااااد الله 

اسد وقف كيرد شعرو لوور ويتنهد وحدة مور وحدة وصوتو عيان ونظررتو عيااانييييين 

اسد : لامار .. لامار الله يرحم ليك الوالدين لاما نووووضي يلاه قدامي ... راااني ماشيي هو هداك وغانفوت فيك شي ضضضضضربة ... ياك انا مكنضربكش ???? ولاكن على هاد الفعاايل وعلى هاد نزل ولد من كرشي يلاه بغا مسكين يجي لدنيا ... و وولدي ملفوووووق بررررب فهادي تاااالسسسسسقك مع الحيييط حتا يطيررو من والديك هاد الفشووش .. مانحملش مانولدش مانربيش .. شغاااااااديري ?????? شكون غيولد ليا ولادي انا ????? نووووضي تكككعدي دغيا بلا ماااتجهليني راه مغاااانعجبكش 

لامار : ( بعصبية والغوات ) راه قتليييييييييك مغاانمشيش معاك ومغااانخرجشش من هاد الكلينيك تاننزلو ليا صافي ... واااش مكتسحش بيااا .. راه يلاه رجعااات ليا بنتي لي كنت غانخسرها بسبب اهماااالي نزيد ولد اخووور ?????? اححححترم رغبتي راه ماشي ولادك بووووحدك .... مااااااابغيتوووش .... بغييييتيه سييييررر قققلللب لي تولدو لييييييك انااااا مغاااانوللللدش ومغاانربيييهش وماااابغيتوش.. باركا قااادة بقسسسسسم .. مغانوولدووش.. والى مانزلتيهش ليا هنا .... ( طلعات فيه راسها بتتحدي) اناااا غاانززلو بطططططريقتي 

مع غواتتها مع قسسم فاقت مخلوووووعة كتغوووووت مع اسد سمع داك الهضضرررة عضض على شفااااايفوو وهبببط عليهاا بتصريييييفقة لحححنك تاااتصمممكات ودنها طططرقات عييينيييييها مااامصدقااااش يلاه طلعات راسها فيه هوو يهبط عليها بوحدة خرا جابها نااااعسة نييشان على داك السرييير ومشا عندد ينتو كيييينهج بالاعصاااب وهزها عندو

اسد : ( كينهج بالاعصاب ) شششش صافي ابنتي صاااااافي ... هااااهو بابا صاااافي ... 

شاف فلامار لي كتبكي بججججهد فوق سرير

اسد : وااااقعطي علياااا ححححسك دابببااااا 

لامار : ( بالغوات ) خرررررررررررج عليييياااااااا كنننكككررررررررهك 

خنزر فيييها و خرج هاز قسسسم لبراا يسكتهااا.. مخلوعة وزادت الغوااات ديالهم ... 

ولامار بقات كككتبكي تماااا بججججهد وضرب فراااسها وتججججنن وتعض فالمخاااااد بغااااات تحماااق ... واسد عياااان ماعرفش تاكيفاش يتتتصررف ولا اش يدييرر ... كييسكت فقسسم ومخخنززر وااازن التسعيييين ... تاسكتااات وشفيراتها فااازكين طاحين بقات غير كتنخصص ... عاد كلس تما على واحد الككرسي ووقفها على رجليه ... بمجرد كيشوف فيها كيتهدن شووووية ... 

اسد : صااافي ابابا ( كيمسح ليها دموع) اش هاد دمييييعات ...تتتخلللعتي ابنتي ... كتخااافي حدا باباااك ??? ( كيبوسها فعينيها ) شششششش ....

قسم: يييي ننن ناا ععع م م ماامااا 

اسد:داك ماماك ابنتي شي نهار غاتخرج فباك شي شيب بلون اخور منغير الابيض ... والموووصيبة كنضربها وكتبقا فياااا ..

قسم : ممم كككيييدا شي مامااا شي نيني

اسد : ( ضحكاتو فعز عصبيتو بهضرتها المرونة وكتعبر بيديها وتشرح) اش كتتتتخربقي هههه كيييفاش هاد ماماك تاكرهات تجيب برااااءة بحالك ... انا راه تكونو عندي عششششرة وغااانبقا كنتسطااا عليييكم ( خشا راسو فكرشهاا كيدغدغها وهي كضضضحك ) غزالة دباباها لي كتتتببرررد ليه اعصااابو ... شكوون يكرهككم ... غير نتي لي كتتتتهدنيني ... 

قسم : ( كضحك وضحكها مسرسرة وسنينات كيبانو ) ههههههه باباااا 

اسد : ( كيبوس فيها ) حبيييييبة باباها وحياااااتو .... 

قسم : ( كتشير يديها لشوومبر ) اااتييي مشيي مامااااا 

اسد : تمشي عند ماماا ههه ... اججججي تقووووليك اجججي (كيقرب لودنها وكيهضر بالهمس ) ماما غاتجيب ليييييينا واحد البيبي صغيييووررررر بحااالك الى هداها الله... وغادي تقولي ليه خويا وا ختي ... قوووولي خووويا ... خووويا 

قسم : كك كووويا 

اسد : ههه لا خخخ خووويااا 

قسم : ككككوووويا 

اسد : هههه كووووية هي لي خاصة لداك ماماك تررررجججع لطريييييق ... ( تنهد كايشوف لفوق ) ماماك ابنتي مااااكتفهمش بالعصا .... ماماك خصها الحييلة تااااني ونرجعو لبلانات لقدااام .... 

عنقها عندو و كيتنهد وكلس مدة تماااا كيييفكر ويرتب افكارو وقسم فوجات عليه شوية ... ودغيا نزلات عليه الندااااامة علاش ضررربها وتنننهد بببعممق بحالا لاح كاع الطاقة السلبي ....وناااض تاني بعد مابرد شوية ... وحط قسم تمشا على رجليها معاه ... ومشاو بجيهة ااشومبر ديالها ... فتح لباب لقاها كتنخصص بالبكااا والمخاد رداتهم فااااازكيييين بدموع وهي كولهاااا ولات زززقة وحالتها حااااالة ... ووجهها زراااااق بالبكا لي بكات هاد الليلة ... وشد لباب خلا قسم كتلعب وقرب عندها غير شااافتو وهي ضوور راسا لجججنب لاخور 

لامار : خرررررج عليااااااا ماااابغيتش نشوووفك 

اسد : ( كلس حداها وشد وجهها وهي كتقلبو ) لااااامار ... لاامااار ( شافت عندو ) صافي .. لي بغيتي هو لي يكون .... مابغيتيش تولدي ? ... دااااكوغ نزلووووه 

لامار : ( ضارت بزربة عندو كترمش فيه ) ك كيفاش 

اسد : ياك بغيتي تجهضي ... دااااكوغ 

لامار : (علات حاجبها ) دااباااا 

اسد : مايمكنش دابا ...( كيرد خصلات شعرها ورا ودنها ) الدكتورة دخلات لواحد لوبيراسيون ..... وقالت ليك ماميكنش ديري اجهاض دابا حتى ترتاحي شوية حيت بكيتي بزف وراك عيانة ومغاتحمليش ... نديك ترتاحي شوية ليوووم وغدا نجيو نزلوووه ... صافي ?????? 

لامار : ك .. كك تهضر ببصح مكككتكدبش علياااا 

اسد : عمرني كدددبت عليك ???? ( قرب بشووية لحنكها باسها ورجع لاخور بلمسات حنان تاهو وهي غير كترمش ) مغاااانعاودش .... كنت معصب وماحاسش براسي اش كنديير ..... ( كيمشط فشعرها ويسرحو على كتافها بيديه وكيشوف فيها ) نمشيو احبيبة ترتاحي ? 

لامار مارداتش عليه ... ونزلات من سرير وهي تبان يها قسسسم كتمشى شادة فالكانابي ومشات عندها هزاتها عنها وهو ينوووض

اسد : انا نهزها عليييييك نت عياااانة .... ( ماابغاش تهزها وهي ثقيلة ) 

لامار : ااالااا ... قادة بنتي 

اسد : مابقينا عارفين منين نشدوك هههه ..

يتبع...