هبطات راسها بين يديها كتبكي تااااتبحبحات ... حاسبة براسها خااااوية من داخل بقوة العيا والبكا وبقوة ماطحنت فقلبها .... ناضت بشششوية وهزات البلاطو حطاتو حداها وتخشات فبلاصتها جامعة فمها وجامعة رجليها... دماغها كيبغي كيمشي للجنين لي فكرشها والضمير كايبغي يتحرك فيها ولاكن كتبقى تنفض فراسها باش ماتفكرش فيه وتنسى لاعندها شي جنين وماتولفوووش وماتححنش .. جاها واحد الخوف كبير وبدات كتخيل يكون عنها ولد اخور مع قسم .. واش تقابلو هو ولا هي ولا لخدمة ديالها وكتخيلو تاهو تطرا ليه شي حاجة ولا للقسم .. غمضات بجججهد على عينيها وشدات على راسها ماباغا تفكر فوااااالو باش ماتضعافش ....
اسد وقسم اتجهو لعند البيطري لقاو آيييس مزياااان وهزوه فطمووبيل كتلعب معاه لور وهو كيهضر مع الكارد على ود عدنان لي قالوليه يلاه نزلاتو الطيارة فالمانيا ... ومتبعيين تحركاااتووو ... وعاد زاد ديمارا ورجع لدر جا عندو واحد من المساعدين عطاه الكتب لي طلب شافهم وابتسم هوما نيييت لي بغا.... عاد دخل لدار ....فيه الوووووت ديال النعاس والعيااا وراسو غااايطططرطق .... تاجه لبيت ديريكت ... لقاها نعساااات ومكمشة وفداك الوضعية ... وتنهد مشا بجيهتها وعلا عليها الكوفرلي غطاها وبقا كيشوف فيها مدة .... ورجع ناض لعند قسم هزها وخشا آييس فديريسينغ باش يخليها تنعس ... وحط داك الكتب على الطابل دو نوي حدا راسها باش ملي تفيق تشوفهم ... وبدا كيضور بقسم وكيحاول ينعسها طفا عليها الضو والريدويات وتاهي كانت على سبة ماشابعاش النعاس دغيا ثقااالو عينيها ونعسات ماعدباتوش بزاااف وباسهااا عاد حطها فالكونة حداهم مغطييها ... وحيد حوايجو ونعس تاهو .... حدا لامار كيشوف فيها ناعسة وشعرها مربل عليها وبدا يحيدو ليها ويديرو ورا ودنيها ... متأكد انها غاتراجع على قرار الاجهاض غير راسها ... هي حساسة ومستحيل تقدر تجهضو ... بغاها تقتنع راسها ماشي بسييييف عليها ... حيت لاجا يستعمل العنف غادوز تاني فترة حملها كلها فزكااارة وشد ليا نقطع عليك .... اللهم يرطبها حتى تبغييه هي راسها وترفض الاجهاض ...ويرجع تاني للحيل ديالو معاها ....واخا هاكاك كتبقى فيه وقرب باااسها وخا ناعسة الى انها كتبان مغوووشة ... وعنقهااا عندو خشاها فيه وحط يدو على كرررشها مبتسم وفرحان لي غايعاود يحس باحساس الابوة من جديد .... كيحس بيها تاهي مخربقة وافكارها مبعثرين ...غير الخوف لي داير ليها هاكا رغم انو عارفها مهملة بعض الشيء تجاه المسوؤليات الى انو عمرو شك فأمومتها داكشي علاش متأكد منها غاترجع والامر مغاياخدش بزاف ...... عااااد استسلم لنعاسو وغفاا وهي فحظنو .....
بدات كتحل لامار عينيهاا ... كترمش وتعاود كاتلقا راسها مخشية فصدر اسد ... طلعات راسها بانليها ناااعس وفلتات منو بششوية بعدات وكلسات كتفوه وكترمشش غير فبلاصتها مببوقة شافت جيهة بنتها بانتليها غارقة فنعاس والبيبرون طايحة حداها ... وهزات تيل شافت للساعة لقاتها 3 ديال العشية كمشت ملامحها شحال نعسوووو!! .... كان البيت مضضضضلم الريدويات كولشي هابط ... وناضت بتثااااقل دخلات لدوش .. طلقات عليها الرشاش دوشات ولبسات غير بينوار دالحمام بيض حيت مجابتش لحوايج ... وخرجات شعرها فازك ... حلات لباب دابالكون وخرجات... عاد ضربات فيها اشميشة فتقاسيمها العيانين ... وفعنيها الذابلين وفوجهها لي كولو ملامح تأنيب الضميير ... كتبان ذاااابلة ومعندهاش الخاطر .. كتشوف فالطبيعة الخلابة لي قدامها والطيووور وصوت البحر كيفتح النفس .... تفكرات غايكونو فدار مشوشين عليهم الان ماعلمات تاحد ... ورجعات لبيت تهز تيليفون وهوما يبانوليها شي كتوبا محطوطين على طابل دونوي صغرات فيهم عينيها ... هادو مكانوش تما ملي حطات البلاطو !! مع ضلام مابانوش لها ديالاش وهي اصلا فهاد الفترة بالذات محتاجة لشي كتاب .. هزاتهم ومشات لبالكون حطاتهم فوق واحد الطبيلة صغييرة تما وكلسات كتصوني لرتاج حيت هي لي عارفة غاتكون بوحدها لوخرين حدا رجالهم مكتبغيش تبرزط ....
رتاج كانت ناعسة ومانعسات شوية غير بزز ... شافت ابيل منها وحطاتو على ودنها هي بنفس وضعيتها دالنعاس وشادة عينيها
لتخات تيليفون فالاررررض وكلسااات كتبكي وترررعد كلها وجهها ولا حمررر وشفايفها بهااااتووو ....
رتاج شافت لتيل لقاتو طفا .. وتنهدااااات كون عرفاتها غير فين هي تمشي عندها .. فلخر ناضت تشوف عدنان فين هو و واش جا ....لامار جمعات رجليها على داك الكرسي كتبكي وهي باقا بالبينوار .. وهضرة رتاج كتعاود فودنييهاااا ... فيقات فيها واحد الاحساس فششششكل وشافت لسمااا بعيون قاااطرة بدموع
رجعات كتمسح دموعها وتحاول تهدن ... وهي تجي عينيها على داك الكتب وهزات واحد مطلعة حاجبها ... كان العنوان بالخط العريض " الجنين " وعنوان آخر تحتو " من النطفة الى الوضع "
لاحتو على ططططبلة بزززعاف وناضت شادة على خصرها عرفااتها الى دارها بالعاااني وجابو ليها
لامار: علاااااش كيديرلي هاكا علااااش
وبدات تغزز فسنانها كتمشي وتجي وتلعن ..... وعينيها كتمشي لداك الكتاب وفضولها كييتحرك تحلو ... وترجع تبعد وهي كلها كتتتغزل فللخر مشات بجهتو هزاااتو ..... وكلسااات ....فتحاتو من الوسسط وهي طيح فصفحة فيها جنين الست اشهر فرحم الام .... وبدات كتقرا غير بعينيها اش كاتبين ... فهاد المرحلة كيبدى يسمع ويحس بالاصوات .. وانو كيعقل صوت ماماه ملي كتولد ... وبدات كتضور فصفحات وكل صفحة يبان ليها فمممرحلة من التكوين ديالو ...تفكرات غير قسم وركالي ديالها ... ورجعات سداتو لاحححتو بحالا كتصارع راسها ماضعافش وهي تشوف لاخور مكتوب عليه "الإجهاض" ... غززات على شفايفها وهي كتشوف فيه .. فللخر هزاتو بشششششووووية عندها ... اول صصصفحة لقات صورة جنين صغيييييور فيد الدكتوررر ... تجهض فاربع اشهر .... صغرات عينيها شحال صغييييييور ... بدات كتقلب فالصفحات وهي طيح عينيها على طريقة الاجهاض ... وانو كيفرتكووووه ... وكيقتلوووه والرووح فيه نابضة وقلبووو كيضرررب ..حتى قلبها بدااا كيييدددددق بججججهد وهي كتشوف دوك الصوور وتقرا فالمقالات ان من اقبح العمليات لي كيضطر الدكتور يديرهم هي هادي بسبب تأنيب الضمير فما عساك الأم .... ولي هز كيااااانها هو خطاب جنين مجهوض للام ديالو ...داروه خصيصا لاامهات باش يتراجعو .....
- ما ذنبي ? هل اتعبتك أمي ? لمذا ترغبين في التخلص مني ? أعدك ان اكون طفلا مهدبا لكن ارجوك امي لا تطرديني من رحمك ... انا طفلك ..ونطفة منك انت وأبي .. انا اعتدت ان اسكن رحمك الدافئ لا تطردينني للخارج .. اريد العيش معك ..وان ارضع من حليبك ... اعدك ان لا ازعجك في فترة الحمل ... وان اكون لطيفا ... انا احبك لماذا تكرهينني ? لماذا ترغبين في اجهاضي ? ما ذنبي اذ احببت ان تكوني أمي ? ما ذنبي في ظروفكم ... من دنب جسدي الصغير ان ينهك ويتجزأ بأدوات الطبيب .. ( لامار كتقرا وكتششششهق وشادة على كرشها ) ...سأتلم كثييرا ان قطعت يداي يا امي .. سيقطعون رجلي ... ثم يسحقون رأسي ... سيتوقف قلبي عن النبض ... لا تتركيهم يا امي ان يفعلوا هذا بي ... انا اخاف كثيرا ...
لاحت داك الكتاب قبل ماتكككمل .... ماقداتش كاااااع .... وبدات كتغووووووت بججججججهد شااادة على ودنيييييها واسد ناض مفزوووع بالغوات ... شاف جيهتها مابانتش ليه كيسمع الغوات جاي من لبالكون وناااض بزززربة بالححفة كييجررري ...
ددخل لبالكون ...لقاها كتبكي بهيستيييرية وجنون كبيرررررر.. وكتضضضرب فراسها ومشا عندها كايججججري عننقها عندووو وهي كتتلتخ وتطلع وتهبط فيديه وهو معنقهاااا مززيررررر عليهاااا وشاد ليها يديها لوووررر وهي كتبكي بجججججهددد وشاف داك الكتب لي مليووحييين عاد عرف ماالها .... ككطططلع وتنززززل باغاااا تحماااااق وهو معنقهااا عندو شادها وحاكمها باش ماضرب راسها .... تابدات كتثقااااال وشاف عندها لقاها غاتسسسسسخف وهزها دغياااا دخلهااا لسرير حطاها وخوا واحد الكاس دالما كان على طابل دونوي كولو على يدو يغسل ليها وجهها مخلووووع عليها... وهي قربااات تسسسسخف كتحل عينيها وتشدهم بتثاااااقل
اسد : شششش لامار .... بششوية علييك ... ( شافت فييييه بعينون غاينهارو وهو يجبدها لعندو عنقها وزيرات عليييه تاني كتتتبكككي خلاها تبررررد قلللببها بكات بزاااااف وهو غير حااااظنها بدون كلااااام ... تاحسها بقات غير كتنخصص وتشهق وجبدها قدامو وكلس على ركابيه قدامها ويدا كايمسح ليها فدموع مأززززم لحااالتها لي كيتقطعو من داااخل ...
لامار : ( كضور اسها بالنفي وعينيها حووومرررر وعيانييييين ودوات بنبرة بحوووحة بالبكا ومنهااارة ) انا والله مااااقتااااالة .... بغييييتو .. ولللددددي ... مكرهتتتتش نشوفوووو ... بغيييتو .... و ولكن خايفة عليييييه ( كتنخصص بابكا ) خايفة عليه هو ... خايفة مانكون ليه ام مسؤوولة خاايفة يتزاد وتوقع ليه شي حاجة .... بنتي كنت غانخرج عليها بإهمااالي ... كنت غااانعدب اسرة على قدها ... انا ونتا وعامماها وجداتها .... كنت غاندير كارثة فهاد العااائلة ... خاااايفة بزااااف ... خايفة يجي ولد اخورررر ونتلها عليها ولا نتلها عليييه ... علاش مااابغيتوش تفهموووني ... ( بدات كككضربووو لصدررو ) علاااااش كاتبغيييو تعدبوووووني هاكا علااااااش بحالا انا لخاااااطري ... ( كضرربو وهو مخليييها ) علاش جبتي ليا دوك الكتوبا علاااااااش كتعدبني علاااااااش
رجع جبدها تاني عندو عنقها كييسكتها وهي كتبكي ... ونوضهاا بشوية دخلها لدوش كيغسل ليها وجهها ... لتخ ليها وجهها بالما بارد تاشهقاااات بججههههد بحال شي حد كيفيقها من سهههوة ... وبدا كيمسح ليها وجهها .. شااااف فيها مطططول ورجع شد وجهها وقررربها لعندووو تاتحط النيف على النيف
جرها معاه غير كيتنهد على حالتها وخرجها لبالكون .... ولاح دا الكتب باش ماتشوفهومش وتنهار عاوتاني ... وكلسها .. وكلس قدامها على داك الطبيلة وشد يديها عندو وهي غير كبتكي ودموع مابغاينش يحبسو
اسد : فااااهمك ... وفاهم خوووفك .... ولكن احبيبتي يكون لي يكون ماخصكش تقولي هاد الهضرة ولا حتى تفكري فيها مجرد تفكير ..... اجهاض رااه قتل ... وابشع انواع القتل ... حيت غاتقتلي روح برييئة مدات واااالو .... ( طلع ليها راسها ) شوووفي فيا ... ( حاول يبتسسسم شوية وعينيه دمعو تاهو ) فررررحت بزاااف .... مغانهبيش عليك فرررررحت ليه ... بغييييتو الاماار ..... علاش تحرمينا منو ??? ...
لامار : ( كتنخصص ) مغاانقدش ا اسسسسد
اسد : شكون قاالها ليك ??? ... شكوون ?
لامار : حييييت بسباااابي كنا غانخسرووو قسسسم
اسد : وخسرناها ?!!!! لااا ... واش عارفة علاش ? ( لامار ضورات راسها بالا وهي كتبكي ) حيت كاين الله فوق مني ومنك ....لي حاضيها ... اما حنا كانحضيو غير 1% ... حيت كون مكانش الله لي حاضيها وحافظها ... تقدر دابا ( كيوريها وهي ضورات راسها تشوف من الزاج دالباب ) تنوض من داك الكونة ... وتبغي تنقز وتجي فالارض وتقدر توقع ليها اي حاجة اخرى ويمكن داك اابريز لي حداها يططرطق !!!..ولاكن مكيوقعش هادشي .....حيت الله حافظها ... تكون قسم ولا جوج ولا تلاتة ولا عشرة منها.... ربي حاااااضيهم ماشي نتي ... وربي مادارهم الى وحاضيهم بعينيه لي مكنعسووووش الى نتي كتنعسي هو راه لا تأخده سنة ولا نوم .... اما نت غاتفرطي فحاجة وحدة ... الى قتلتيه فكرشك .... اما نتي واجبك كأم راكي كديريه وكتررر ... حملتي قسم تسع شهور وتحملتي كوولشي رداااان والمزاجية وبلاااا منهضر على حريق الولادااة لي حاضر ليه ..رضعتيها وسهرتي معاها وحميتيها .... وولدك لي هنا ( قاس فكرشها ) كيتسنى منك غير هادشي ... اما حاجة اخرى ....ربي راااه حااااافظو .... كتقولي ماباغاش نولدو باش مايتآدى ... ماعرفاش الاذى لي غايتآداه دابا ... ماماه مابغاتوش وقتلاتو فرحمها !!!?? ( شد يديها وباسعا عندو وكيهضر بخخفت وبشوووية ) انا عااارف ماشي لخاطرك ونتي ماشي هاكا ... ماااتحرميييناش منو .... انا باغيه منك ... وتايق فييييك .. وباغيك تربي ليا ولادي ... وختاريتك من دون كوووولشي .. تكوني ام لولادي ... نتي قااااادرة ... وام مثالية
لامار : ( كضور راسها) لاااا لااااا اناااا ماشي ام
اسد : أم ... نتي ام والجنة تحت رجليك ... حيييت غاتحمي ولدك وتخليه فكرشك وتكبريه ... وتوليديه ... وملي تشوفي فعينيه .. غاتفكري فاش كنتي باغا تجهضيه... غااااتندمي بزااااف على هااااد اكلام ... وراك غير كتتخربقي ... غير غندخلك لداك البلوك راكي غاترررفضي ... حيت عندك هنا قلب ( قاس جيهة قلبها) مستحييييييل تفرررطي فولدك .... قطعة منك ومني .......
لامار بقات كتررررمش فيه وهو باس يديها بجوج فالكف ديالهم
حبيبي الأصم الجزء 334
محتوى القصة
التنقل بين الأجزاء