حبيبي الأصم الجزء 337

رتاج : ( كدفعو ساعة معامن نتي .. جبل واقف ) بببعد لهيه ... 

عدنان : ( كيقرب ليها كترررر وكيدوز شفايفو على حنيكاتها بدون تقبيل وكيدوي بصوووت خاافت كايدوب فيها آخر عضم ) نزيد نبعد مم !!! ( جبدها عندو بجججهد وتقلب هو للحيط وعنقها عندو وهي شادة بيديها فصدرو مابغاتش تعنقو وهو مشبك يديه تحت ظهرهها حاكمها لعندو ) هادي هي على السلااااامة ... وفين كنتي .... وتووحشتك ... 

رتاج : اواا اسيدي كون جاااوبتي على تيييليفوون فالووقت لي كنت انا مشوشة عليك ومابغاش يتغمضو ليا العننييين .. ولا كون علمتيني ودرتي ليا قييييمة وقلتي رتاج هانا غادي ... كنت دابا حتى انا تلاقييتك ب تووووحشتك وعلى السلاااامة ... 

عدنان : ( بطنز ) واحبسي غير تنفسي شوية هههه !!!! كاع هادشي جامعاه ... 

رتاج : عدناان مككنننضحكككش 

عدنان : ( قرب بشوووية لحنكها بااسسها ورجع شاف فيها ) معندك علاش تقلقي ... ومانعاودش نسمع هاد دير ليا قيمة ...كون تعرفي قيمتك كاع مادوي ...( كيمسح على وجهو بعياء ) مشييييت بلاا عقل وصاافي .... 

رتاج : فيييين ?!!! ماااتقولياش خدمة ... حيت مدخلاتش لرااسي وحنا قبل مانجيو لهنا قلتي ليا راك وقفتي كولشي باش نرتاحو شوية ممم ???? دونك فين مشيتي 

عدنان : ( بقا غير كيشوف فيها هاد الاخت مامعاهاش لكدوب وتاهو ماشي من النوع لي غايتقنهم وقال نقول غير لحقيقة ونزوق عليها ورجع واحد الخصلة شعرها ورا ودنيها ) قسسم ماتوضراتش كيف ما نتوما عااارفين 

رتاج : ( حلات عينيها على ووووسعهم وبدات كتررررمش بحالا كتأكد من آش سمعات عاد نطقااات ) كيفاش ??? 

عدنان : قسسم ..... احم ... ( بعد شوية كيحك على لحيتو ) ملي خرجات ... لقاها واحد خييينا .. مريض نفسي وعلم الله اش كان باغي يدير فييها ... مي حيدها من يدو السيد لي جابها لينا ... وهو هرب .. وانا مشيييت غير نججيبو .... مكانش عندي لخاطر لا نهضر لا والو ......

رتاج : ااااش كتقووووول ??????? اويييلي واااااش داوي بصصصح ( شدات على على فمها عينيها بغاو يبكيو )

عدنان : ماتقوليش ل لامار هادشي ... غير باش ماتبقاش مقلقة على والو .. 

رتاج : ( كتسسرط فريقها وترد شعرها لووور كتمشي وتجي مقداتش تسستوعب ) د دابا كيفاش ??? قسسم ... م فهمتيش !!!!! قسم انت غاتخخطف????? 

عدنان : شششش (جرها من يدها لعندو تاتزخات مع صدرو ) معندكش علاش تخافي دابا ... داك الراجل تكلفنا بيه ....وهو عندمن مشينا انا واسد ... 

ررتاج : ق قتلتوه ????? 

عدنان : ( بقا كيشوف فيها مدة وكيتفكر اش وقع ورجع تنهد العيلات وعاطفتهم ماخصهاش تدخل فهادشي ) نو ..تكلفو بيه الكارد .... صافي بردتي شوية ? وسيري قولييها ليها غاااانحرق لييك هاااد الشفاايف ( جبدهم ليها ) 

رتاج : يااارررربي .... شنو كان غايطرا فالبنت 

عدنان : ( بتذمر ) ودابا ماتجببديييش ليا هاد الموضوع آرتاج الله يرحم باك مننبعد ونهضرو فيه رااااااسي غاايطططرطق 

شافت عندو وقلبات شفايفها كتشوف فيه كيفاش عيان وبدات كتقررب عندو بشششوية وهو متكي على الحيييط 

رتاج : ن نتا ماااططرا ليييك وااالووو و !!!???? 

عدنا : ( طلع يدو ) هانتي كتشوفيني واقف قدامك .... 

ملي علا يدو لمحات البانضة فالمعصم ديالو وهي تحل عينيها وشدااات يدو عندها كتأكد بعيون مخلوعة ..... وهو يطلع راسووو لفوق ....عيا مايخبي تفرررش 

رتاج : وشنووووو هادشي هاااا شنوووو ????? 

عنان : تاحاجا غير ضربتها مع الحيييط ( سلت يدو منها ) وصااافي والله تاعييياااان ميييكي راه غاضربة صغيييرة 

رتاج : ححححلف ليا تاضررررربة صغييررررة ?????

عدنان : ( كيدوز يدو على وجهو عيااان ) .... وصااااافي رررررخفي .... رخفي عليا .... 

رتاج : ( مدة غير كتشوف فيه حتى تلاحت عليه عنقاااتووو مخششية فصدرو ومزيررة عليه) ماتعاوودش تبقى تلوووح رااسك ديمااا للخططططر الى مكتخافش على راسك خاف عليا اش غايوقع ليااااا .... وعلاش مشييييتي بوووحدك .... وعلااش كضرررب فيديييك هاد العصبية مغاتبردش فيك ولا شنووو...علاااش كضرررب علاش

عدنان : ( عنقها تاهو ) وعلاش نتي مااااابغيتييييش تعطنييي بوووووسة علااااااااااش مابغيتيش علااااش

رتاج : ( جاب ليها الضحك وطلعات راسها كتشوف فيه وهو مبتسم ) نووو مانعطيهالكش ... باش مرة اخرى ماتعاودش ديرليها هاكا وتخليني مخلوعة 

عدنان : منعاااووودش .. ... وااااعيطططيني بووووستي ...رررزقي اعباد الله

رتاج بداات غير كتشوف فيه من تحت رموشها وراسها هابط وهو بدا كينزل راسو لعندها بششششوووية ووببطئ وهي كتعلا لعندو على صبعانها يلاه يتقادو شوية فطولة ... تاحسات بشفايفو تحطو على شفااايفها سخاااانييين شدات عينيها باش يكتمل احساسها .. وحسات بيدو تخللات شعررهااا مقربها لعندو كيببووس فيها وشاد شفتها تحتااانية ..هزها وحطها فعاااالم آخرر نساا كل ماجرا ولا لي غايجرا .....و انسجمات معاه تاهي ....غير حسها كتبادلو التقبيل .... تقلبات وتييرتوو و ولات عنييييفة .... وهو هاكا داير عنيف فشي حاجة سميتهاا الغريزة ... شدها مابغاش يطططلق ورجعها هي للحيط جا قداامها باش يتحكم فيها نييشاااان وهي شافتو سسسخن دياااال بصصصاااح ... كتبعد رااسها والو تاهبط لعنقها كيبوس عاد خلا ليها مجال فين تهضر وهي معلية راسها عاضة على شفايفها ماحليتها للنشوة ولا للعافية لي نوووض فيييها ولا للخوف يجي شي حد ...

رتاج: عدناان .... ع عدنان 

طلع راسو وشاف فيها منتشي مقققررب ليها وجهو حاط جبهتو على جبهتها حاااني لعندها 

عدنان : ( بصوت مجبببد ) ممممممم

رتاج : ح حماااقيتي ولا شنووو ... غايجي شي حد 

عدنان : ( كيدوز يدو على وجهها وهبط باسسهااا بوسة خفيفة وشد يديها ) يلاه نمششيييو لدار ..

رتاج : شنوو !!! ا اشمن در يهدييييك الله دوز نكككلسو ههههه

عدمان : ( كيبعثر قبلاتو عليها ويهضر ) عاام .... عام ونص ارتاااج وانا صااااابر 

رتاج : اوا غي زيد صصبررر ... ( جابليها الضحكة ) وهاحنا مشينا لدار شنو غاديرر مثلاا هههههه ....

عدنان : وايلاه وغااتششوووفي 

رتاج : ( قربات ليه كترررر وتعلات على صبعااانها وشدات وجههو بيديها وصوت محححلوووون زااااد شواااااه ..اول مرة تهضر معاه هاكا ) اييييه .... انا رتاج الباني ... دخلت لديسكو دخلت لنوااادي .. وكنلبس لي بغيت .... ومتححررة ....ولاكن عسسسكرية فععقلتي .....مغاااادوقهاش قبل زوااااج ( زادت قربات ووركاااات عليييها ) احبيبي ... ونهار نكونو مزوجين كون على يقييين انا لي غانبداااك ماشي نتا ونقلب الآية هههههه 

بدات كضحك ليه خلاتو غير كيبرقق وتسلتات منو هربااات بجيهة فين كالسين كضحك وتمص فشفايفها من ريقو .... وهو تكا على الحيط كيخرررربق فشعرووو وتبببسم من هضرتها داكشي نيت لي كان باااغي لقاااااه فيها... مافيها داااك الحححششششمة وهو شخصيا كيكرهها لانو ماشي شي واحد صغير ... خااترر ووزان وكيبغي لي تعيييش معاااه .... وهو من الناس لي كتعجبهم الجرأة و المراة الوااااثقة من نفسها ... وداكشي لي خلاه يطيح فيها عمى .... شاف لجيهة سروالو مع لابس غير السيرفيت دغيا بااان منفوووخ تحت سروااال 

عدنان : ( طلع راسو لفوق وزفر) شيييييييت !!! ...

تنهد مطووول كيدوز يديو على وجهو و تاجه لحمامات يخوي عليه الما على الله يبرد ومايبقاش معيق فسروال ... رتاج مشات كضحك لقاتهم فساحة مع الخيييل .. وسفيان مرركب حيااة مخرجين غير جوج خيول آركان و واحد الفرس ... لمعو عينيها ملي شافتهم وحلات السياج دخلات متجهة عند داك الفرس البييييضة ... وبدات كداعب ششعررها 

رتاج : واااو ... شحااااال زويييينة .... بغيييييت نررركب ...

الفارس اشار ليها بآه وعطاها الخوودة ركباتها وعاونها طلعات واسد كيشوف فيها الى عجباتها ...وشدات اللجام عندها وكتشوف فسفيان وحياة ...

رتاج : شي سباااق 

سفيان : ديري عقلك هههه 

رتاج : هههههه ... كتخااااف نررربحك 

حياة : لا لااااا واااااياكم ... صبرو نزل بعدا .... الى جرا بيا يسسسكت ليااا لقققلب 

سفيان : مكرهتش نوقفك على كلامك ولاكن ( خشا راسو فعنقها راكبة قدامو معنقها ) معايا خوااااافة ... 

بدا كيضحك ونزل ونقزات عندو حياة شدها ... ورتاج ضربات فالفرس وزادت بيها كتجري وهي كضحك وشعرها تحت من الخودة كيتطاااير ويونس واسد كيهضرو وأريييج كتصووورر ... ولامار ضربات فكتف اسد قالبة شفايفها وشاف فيها 

لامار : علاش مااجبتينيش لهنا شحال هاااادي .... ودابا بغيت نررركب 

اسد : ههههه ماشي مششكل مرة اخرى (جرها من يديها وزادو لفين ناعسة قسم ورقية حداها كتشوف مع مروان فطابليط كايوريها لي فيديو ) 

اسد: ( ضور ليها راسها لعندو ) ماتشووفيش لتما ..

لامار :والله تاتججنننت 

اسد : تااايتزاااد ان شاء الله واجي نتي وياااه ... ماعيتيش احبيبتي نمشييو !! 

لامار: خلينا مزال ... نتعشاو هنا عاد نمشيييو ..

اسد : داااكوغ...

عدنان جاي كيشوف لتييل لي عاد خداه ... لاخور شقفووو .. يلاه كيقاد لي باغاميطخ ديالو ... وهو يسمع صوت ضحكاتها مع صوت دالخيييل .. شاف لساحة وهي تبان ليه .. الفرس زااادتها من ششخصيتها قوة .. وهو ابتسم لا ارادايا .... فجأة فاش تلقى نفسك وليتي كتكتر من الابتسامات .. كتسهى وتضحك ...كتفيكسي عينيك على داك الشخص ومكتبقاش تشوف اش ضاير بيك آخر ... .كتفكر فيه كتر مكتفكر لرااسك ... وملي تولي كتصرف تصرفات ماشي ديالك.... عرف الى راه الحب دق بااابك لكبيرة واقتحم قلعتك .. شحال ما شديتيها وكترتي فاسوارت والجيوش المانعة.. كيتسرب كيف الهوااء ..بدون اذن يكفي انك تحس بيه فقلبك دق وجيشك كيرفع الراية البيضة .....

قرب لعنهم... هي غير شافتو ضحكات ليه ... وكتومي ليه بيديها بمعنى آجججي ... فتح لباب دسياج كان اركان مع لفارس كيمشط له شعرو ... وخداه عليه ركككب وهي غمزاتو بمعنى سبقني ... وتاهو اننططططلق... جاااو هو واركان متشااابهين نفس السمرررة ونفس الهبة والفخامة....و العنق مرررتفع ... و الشعر قوي حريري ...ومفتووولين العضلات ... عياات تجري بالفرس.... تالقاتو حداها وصل عليها وشد للجام عندو بش يقلل السرعة اركان تاعلا رجليه القداميين ... 

وضحكليها مع غمممزة 

عدنان : تواااضعتي دابا معانا ولا مزال 

رتاج : (كاتشوف عندو وتشوف قدامها ) مااتفرححححش ... مزال ماسالييينا رااه خط النهاية فين هو .... مزال مابان شكون الرابح من الخاااسر ...

سمعها وضور راسو كايضحك وقرب لعندها بالحصان ومد يدو ليها 

عدنان : اجي اشنيولة اجي وباركا نن الفهامات ... تهدي شوية 

رتاج : ( كتشوف ليدو وضضحكات وهو كيومي ليها تجي ... ووقفات على ظهر الفرس وتلاحت لعندو شدها دارها قدامو ..... عاد ضرب بالحبال وزاااد بيهم اركااان كيصصهل ... وهي كضضضحك وخشا وجهو فعنقها همس بكلمات حنان 

عدنان : بيني وبينك مكاينش خاسر ولا رابح .. خسارتنا نخسروها بجوج.... وربحنا نربحوه بجوج بجوج ...

ابتسمااات لهضرتو تالمعو عينيها ... عاضة على شفافيها وكضحك مهبطة راسها هز كيانها بداك الكلام ....

اريج كتصور فيهم وفرحااانة لختها لي لقات نصها التاااني وحب حياتها .. والبقية رجعو كلسو ولامار غير شادة على راسها تاقربها اسد تكات على صدرو وكيلعب فخصلات شعرهها ويدلك ليها فروة الراس يحاول يقلل ليا من الصداع ... 

اسد : سي احمد مشا !? 

يونس : وي مشا ... راه بلغ ليك سلامو تاهو مشغووول الوقت والو ... 

اسد : وامتى غاترجع نتاا للمغرب ?

سفيان : باقي وااحد جوج سيمنات .. نجيبوها مع العرس نيشان ههه حيت موراها غاتبدا هاد خيتي لقراية ( شاف لعنها وشد يديه عندو وهي مبتسمة )

اسد : داكووغ ..

كيهضرو وعدنان ورتاج جاااين كييضحكو وكلسو مجموعين 

يونس : كنهضرو على عرس سفيان .... نتا امتى ناوي 

عدنان : كون جات عليا كون درتو ليوم هههه مي نمشيو بعدا لدارهم (شاد يدها عندو مشبك صبعانهم ) ويكون خير 

حياة : خووويااا عفاك شحااال رغبت فرتاج ... نديرو عرس فنهار واحد ????? 

عدنان : م مااعرررفتش ... ( شافعند رتاج وعنهم ) لي باليكم ... انا معنديش مشكل ....

اسد : انا مكرهتش كولشي تجمعووه فنهار واحد تسناو تايتزادو ولاد ينووس وديرو كولشي فنهار ...راه ماكيان لي كياكل معاكم الدق قدي ... 

لامار : هههههه كيوووض عاى نبوري بلهلا يطريييه ليه ههههههه 

رتاج : ان شاء الله يدييير الله خير 

اسد : فين غاديروه ? 

سفيان : فدااررنا .. 

عدنان : ممم تما حسن 

اسد : اشمن دار ? ... دارك ? 

عدنان :الاا اشمن داري ...

اسد : دارك نتا ???

سفيات : ادارنا اصاحبي 

اسد : دااااري اناااا ?????? ( حركو ليه راسهم بآه ) وااااش انا مغااتعطيوش التييييقار لديييلمي!! والدكم واااقلة ???? 

سفيان : هذاا عطا الله ... 

لامار : اسد نهار العرس غايغني زوجت وليدي وحيدت اللومة عليا ههههههه عرفتو راه فرحتكم نص وفرحتنا حنا نص زوجناااكم وسالينا هههههه كيف داك الام والاب لي كايزوجو ولادهم ويلاه يتفرغو لراااسهم هههههه 

اسد : شيبتووونا بلا وقت ... سيرو عاوتاني تزوجو واجيو بالواحد كتشكاو ... داك الدار من قاعة الفراح ل محكمة الاسرة مغااتهناااش ... 

يونس : ههههه على فين هي دار لي جمعاتنا ???? فين لي كنقولو عليها دارنا ... وفين دار لي لقينا باباها مفتوحة لييينا فكل وقت .. فين كنضحكو ونتجمعووو ... اشمن دار كنتفكروها هي لولا ملي كتنزلنا طيارة .... واخا مافيهاش الواليدين ولاكن الله شاهد الى دايرين فيك اواليد ديالنا 

اسد : ( شاف عندد عدنان ) لا كنت الواليد هداك شغايكون 

سفيان : هذاك دا الجد لي الى مانفع مايضر كنطلبو براكتو وصافي ههههه 

رقية : والله يخلييييييكم ديما مجموعييين ويتاوي بيناتكمم بالخير ويبعد عليييييكم ولاد الحراام يااااربي ... 

حياة ناضت كلسات حدا رقية كتصايب ليها فجلابتها والفولار 

حياة : يخليلي زيوووونات ...ونتي اخاااالتي ... ماتبغيش نديوليك شي عراااااسية 

رقية : هاويلي كووون تححشمي هذا مابقا لخالتك ....

اريج : هههههه ومااالها اشفيها .... مالك كبرتي عليييها ... 

رقية : هاادا زمانكم نتوووما ما انا زمانييي سلاا وداز مگوازو وتهرس عكااازو ( معنق عندها حياة ) براكة عليا غير نفرح بيكم وبوليداتكم .... والله شاااهد الى كامليين وليداتي 

سفيان : (باس يديها ) تاحنا داريينك فقااام ميييمتنا الله يرررحمها ... 

لاار : ( متكية على صدر اسد وكضحك ) الى كنتو حاسين اسد باباكم وماما ماماكم .. هي مااما ضررررتي هههههههه 

رقية : ( ضرباتها بالمخدة ) الله يقلل حياااااك

بداو كيهضرو ويضحكو شادين فبعضياتهم تاجابو ليهم لعشا تعشاو ... وناضو شدو طريق اسد ولامار رجعو لدااار ليكانو فيها بعد ماوصاهم يخليو داك الفرس لرتاج .. ولوخرين مشاو لدار لوخرا ... ورتاج كتنقز بالفرحة على دا الفرس لي جا عندها الفارس وقاليها ديالك ... حيت اسد حس انو خصو ليها شي شكر من بعد كاع داكشي لي عاوناتو فيه ... وفلخر نسات كولشي وبدات صفحة جديدة مع خوه .. كيكن ليها واحد المحبة خااااصة ...
دخل اسد قسم ناااعسة فييدو داها لبلاصتها نعسها ولامار دخلات تاخد دوش ... نصلات حوايجها كاملين وكانت تما واحد المرايا طوييييلة وبقات تشوف فراسها وتقيس بصبعانها فككرشها وداكرتها مشااات للحمل د قسسم تفكراتو كوولو ... وتفكرات الى شوية غاتبدا تحس بركالي ديالو تااهوو ... بدات تبسمة تشكل على فمها شوية بشششوية وهمسات
لامار : .. سمحلي اولدي ... م ماماك كانت مشوشة بزاف ومعاارفاش كيفاش تفكر ولااش دير ... سمح ليا عفااااك ...
تنهدات وطلقات الما ودخلات تحت رشاااش كترتاااح و الما دافي كيهبط عليها هدن ليها شوية حريق الراس .... اسد دخل لدوش آخرر ... كيدوش وكيتفكر منظر اسيييل ... واخا هاكاك مابردش ليه القلب نهائيا ... مكرهش كون قطعها طرااااف على انو يبقى يتفكر حرقة بنتو اش كانو باغين يديرو فيها .. ورجع خرج من دوش لابس غير شورط بسيور بيض ...نشف شعرو بفوطة لاحها على لكانابي وبقا شعرو مخررربق على جبهتو حيت عندو قوي من القدام ...اما لاما مزاااال ... هو الدوش ديالو غير جوج دقايق كيكون سالا ... وتكا على سرير داير يدو موراه ويد شاد بيها طيليكوموند ...تاخرجات من دوش ديال شومبغ رادا شعرها لجنب كتنشف فيه بالفوطة والروائح دالمعطرات فايحة منها كيف لعادة لابسة بينوار بيض قصير وهو مراقبها بعينيه وهي كتمشى فأنحاء البيت كدندن وبعد المرات كتغني بصوت منخفض كتقلب فالحوايج لي جاب وتقيس عليها قدام المرايا من فوق من البينوار .... وهو عينيه عليها والفيلم خدام غير بوحدو... وكيتصصنط لداك دنديين ديالها شحال شحال زوين اول مرة يتمعن فصوووتها ... هزات واحد الكسيوة دنعاس جابها ليها بسميطات توب حريري فالموڤ ودونطيل من فوق كيبان صدر كولو ... وحيدات البينوار حداه وهو كيتشوا كانت لابسة لي دو بيس ديجا كوحل ... وهو غير كتعري على داك لاطاااي كطلع معاه السخاااانة .... وكتلبس بغنجها المعهوووود و انوثتها الطاغية ودنين ديالها كيتسمع .... باغنية كاظم الساهر احبيني بلا عققد وتيهي في خطوط يدي ... وكتقاد شعرها وتمص فشفايفها على مهل ...وهو كيتقلا غير بوحدو .. تاضارت عندو وابتسمات ...
لامار : عرررررفتي فيا الموت دننعاااس
اسد : ( جاتو اضحكة وضور راسو بداك تبسيمة المجنبة ) اهاه ... هو فييقيه ونتي نعسي ....
لامار : شنو قلتي ?
اسد : ( مد يدو )أجي عندي ..
قربات عندو على كتمشى على صبعانها على عادتها فاش كتكون حفيانة وخلخالعها لي مكيفارقهاش مزين الرجل اليسرى ... وتكات حداه وبقاو رجليها فالارض بحالا غير كالسة ... وهو دار يدو ورا ظهرها وحط رسو على صدرها كتلعب فشعرووو ...
اسد : حححبي
لامار : ممم !!!
اسد : غني ليااا ...
لامار : هههه !!!!!( جاها العججججب ) شنووو !!!!!

يتبع...