جبل نورسين الجزء 14

نورسين كتسترجع انفاسها و متكية على صدرو و هو ضامها ليه بقوة هبط عندها وباسلها راسها 

نورسين:جبل 

جبل : *بابتسامة *جبل كولو ديالك أملاكي 

نورسين هزات راسها و ابتاسمت ليه و حطات يديها على لحيتو 

نورسين: انا من نهار شفتك فالعمارة عجبتيني عقلتي نهار جيتي عندي المكتبة وقلتيلي اختاريلي نقرا كتاب بدوقك من داك نهار حسيت بشي حاجة تحركات فقلبي حيت انا ما عمر شي حد فعائلتي ما ثاق فدوقي نتا ربما جاتك عادية ولكن انا مانعرفت فرحت و حسيت بيها شي حاجة عظيمة ولكن حاولت ما نفكرش فيك حيت كان كيصحابلي كنت مرتابط بكاميليا ومن بعد فاش نقدتيني و دخلتيني لدارك و كيفاش دافعتي عليا هادشي كلو أثر فيا بشكل كبير كنتي كتعاملني بحال بنتك ديما كتجيبلي لكادو و كتفرحني و كتقولي كلام زوين بحالك بغيتك اه انا بغيتك بلا ما نحس و بلا ما نشعر وليت ديما كنسولك بطريقة غير مباشرة واش نتا كتبغيني و كتقولي حنا غير اصدقاء ما نكدبش عليك كان قلبي كيضرني بزاف و كندخل فاكتئاب فاش كتقول هاد الهدرة ولكن دابا صدمتيني بزاااف حيت عرفت ان إحساسنا متبادل 

جبل بقا كيشوف فيها ببريق فعينيه ما مصدقش بلي كتعتارف ليه بحبها قرب ليه و حط شنايفو على شنايفها منتشي كيحس براسو فاكبر حلم بعد عليها و قال 

جبل : *تنهد تنهيدة طويييلة * نتمنى مانكونش كنحلم 

نورسين: *بدلع* علاش ؟؟؟؟

جبل : حيت من ديما كنت منتظر هاد اللحظة اللي تكوني بين يدي بحال انا هو الموطن و العالم ديالك شحال كنت نبات و نخمم فالسيناريو اللي غادي نقولولك اااااه كن تعرفي شحال كتبت ليك من أشعار ليك بوحدك تصوري أنورسين كن كان العالم كولو فكفة و انتي فالكفة لوخرى غادي نبيع العالم و نختارك نتي بوحدك أنتي هي الحظ الوحيد اللي حالفني فحياتي ماعرفت كيفاش غادينقدرنعبر ليك أملاكي على عشقي * حط جبينو على جبينها و حاس بانفاسو ثقال عليه و كيهدر و يتنهد* بغيت نقولك بلي كنخاف عليك من الحزن عمري بغيت نشوف دموعك خايف شي نهار يضرك قلبك و انا ما عارفش خايف شي نهار نضحك انا و تكوني نتي كتبكي خايف نبعد عليك خايف تكوني شينهار بوحدك و انا ما كاينش معاك كنبغيك بزاااف ولكن خايف يبعد قلبي على قلبك شي نهار في الوقت اللي نكون انا محتاجك فيه 

نورسين حطات يديها على فمو 

نورسين: شووت ما تقولش هاد الهدرة انا ما عمري ما غنتخلا على جبيلو ديالي 

جبل عنقها بقوة حتى تهزات من الارض و حط نيفو على عنقها كيستنشق عطرها و كيهدر بصوت حنين 

جبل : انا ما عمر فرحتي كملات من صغري وانا هاكا ممكن يكون مكتابلي نعيش شقاءمدى الحياة و لكن كنترجاك أنورسين ماتخلينيش شي نهار حيت نقدرنموت نورسين بعدات عليه شوية و حطات يديها على لحيتو 

نورسين:ما عمري نتفرق عليك حتى يهزوني للقبر قلبي دق ليك بوحدك و ما عمرو غادي يدق لشي حد غيرك حتى انا ما نقدرش نعيش بلا بيك أحبيبي 

جبل على إثر هاد الكلمة الاخيرة انفاسو تسارعو و قلبو ضرب بجهد ما مصدقش بلي سمع كلمة 《حبيبي》 من فمها 

جبل : *حط جبينو على جبينها * عاودي آخر كلمة عفاك 

نورسين :*بابتسامة * حبيبي 

جبل غمض عينيه و ابتاسم 

جبل: كم أعشقك عندما تناديني حبيبي وما أحلى الحب وأنتي معي اخخخخ صوتك انورسين فاش كنسمعوا قلبي كيتهز من بلاصتو صوتك كيحسسني بلي كلشي زوين فاش كنسمعوا كنتمنى من ربي ما يجيش نهار اللي يكون فيه صوتك بعيد عليا حيت اكيد قلبي غيوقف و غانموت من بعد أملاكي 

نورسين: علاش بالضبط كتقولي ملاكي 

جبل: حيت عندها قصة فريدة من نوعها و عندها معنى بالنسبة ليا و ليك نتي 

نورسين: امم شوقتيني نعرف شنو هي قصة ملاكي 

جبل: هي قصتي انا و ياك 

نورسين: كيفاش 

جبل: مازال ما جا الوقت باش نعاودهالك

صونا لجبل التيليفون و هو مخدر مرفوع ما كيسمعوش مركز شوفات غير مع نورسين 

نورسين: جبل تيليفونك كيصوني 

جبل: ما هامني حتى حاجة ما دامك معايا 

نورسين: واجاوب ما عرفتي تكون شي حاجة مهمة 

جبل جبد التيليفون من جيبو 

جبل : ألو 

- موسيو جبل خاصك تجي دابا حيت....

جبل تصدم و تشوكا منين سمع الخبر غمض عينو و جمع يدو على شكل لكمة قطع الخط و دوز الخط ليعقوب 

جبل : يعقوب اجي دابا دي نورسين لدار عند سلمى 

يعقوب:علاش ؟ 

جبل: *بالغوات* قلتلك اجي داااابا ما تزيدنيش حتى نتا اللي فيا كافيني هانا غادي نصيفطلك لوكاليزاسيون دابا 

صيفط جبل ليعقوب لوكاليزاسيون 

نورسين حطات يديها على كتف جبل و مخلوعة خايفة تكون واقعة شي حاجة 

نورسين :جبل مالك 

دوز يدو على شعرو و عينيه حومرو جر نورسين لعند و عنقها 

جبل: *تنهد* نتي حدايا و بجنبي ما عندو ما يوقعلي 

بغات تبعد عليه و هو يزير عليها ما بغاش يتفرق منها 

جبل: خلينا هاكا عفاك أنورسين هنا كنرتاح حياتي كلها صداع و مشاكل فحضنك كنسى الهموم كلها عفاك ما تبعديش عليا ما تخلينيش انا بحال داك طفل صغير اللي ما عرف الحنان حتى جيتي لعندو و حضنتيه بين يديك اخخخ انورسين كندوب و كنسى نفسي وانا بين يديك شنو درتي فيا و شنو كديري فيا ما عرفتش اللي عارف هو انا كلشي فيا باغيك و قلبي أكثر واحد كينطق غير بسميتك 

نورسين زادت تحشات فيه كيف شي بنيتة صغيرة كضحك 

نورسين : انا التي تحبك بكل قلبها و أخاف عليك أن تؤديك الدنيا بحزن لا أستطيع أن أحميك منه أخاف عليك من الاحزان الصغيرة و المزاج العكر و الشاي الساخن الدي قد يلسعك *تنهدات *هاد شعركنت كتبتو فاش كنت صغيرةوقلت بلي غادي نقولو لراجل اللي كنبغي و هانا كنقولو لجبيلو ديالي حبيبي و ملك قلبي 

جبل باس ليها راسها و بعد عليه و ركز شوفاتو فشنايفها و هي تصغر فيه عينيها 

نورسين : *هزات يديها دارتها على فمها كضحك* باغي تبوسني عاود هههه عارفةداك شوفات 

جبل: *بابتسامة* غير و حيدة 

نورسين: احح خايبة حتى لمعاودة جبل الابراهيمي كيطلب بوسة فهاد اللحظة ما بقيتيش جبل رجعتي وطا ههههه 

جبل ركز فشنيفاتها اكثر و قرب ليها و حط شنايفو على شنايفها و قبلها بكل حنية و رفق و حتى نورسين بدورها خشات يديها فشعرو و جراتو ليها مندامجين فالقبلة جميلة جامعة أروع العشااق 

فنفس الاثناء وصل يعقوب مع سلمى و ربيع فطوموبيل ووقف يعقوب طوموبيل بعيد عليهم حيت قشعهم مخشعين فالقبلة حط يدو على فمو و بدا يضحك 

يعقوب : قالهالها المسخوط و الله حتى دارها 

سلمى: اوا فين نورسين ما بانتليش 

يعقوب:شوفي لهيه 

حولت عينيها و هوما يبانولها كيبوسو بعضياتهم و هي تشهق و دورات وجهها شافت فيعقوب وبدات تصفق و تزغرت 

سلمى: واااااع قالها الحقيقة قااالهالها لووووولوووووي أخيرا قالها قال أحبك قالها و انا قلبي قلبي قلبي نبض توكض بعدها صلى و سللللم على رسوووله الا جااااه الا جااااه سي محمد الله مع جاه العالي 

ربيع بدات كتديه عينو حيت عيا ولكن بالغوات ديال سلمى ضرباتو الفيقة 

ربيع: أ الحفيظ الله شكون اللي كيزغرت * كيتفوه* ولا ياكما بديت نتخايل العراسات *صغر عينو و هوما يبانلو جبل مع نورسين كيبوس فيها و بدا يحك عينو كيتأكد * هاااويلي اش هاد المسخ اللي كتشوفو عيني 

سلمى دورات وجهها و شافت فيه 

سلمى: بزاف عليك يا كبير الماسخين هديك راه رومانسية اللي ما كتعرفهاش نتا 

يعقوب:*كيحك فلحيتو وشاف فسلمى* هو كان باغي يعتارف فاسبانيا ما نعرفش شنو و قعلو حتى قالها دابا 

سلمى: لا هو كيقصد بالاعتراف فاسبانيا يعني يقولها حقيقتو فصغر و قصتو معاها كبف بدات ما كيقصدش انو يقولها كيبغيك تما راه صبر بزااف راه الا ما اعتارفش ليها كان غادي يحماق 

ربيع دوخوه و بقا كيشوف فسلمى شوية كيضور وجهو كيشوف فيعقوب 

ربيع: هاويلي حاي اينا اعتراف و اينا زمر دوختوني حاس براسي كي صمك بيناتكم توما اش واقع 

سلمى دارت عند ربيع 

سلمى: دابا هوما واخا مزوجين حتى واحد ما قايل لاخور راني كنبغيك فهمتي 

ربيع : هادشي عندكم نتوما فشكل كي نصارة اويلي حاي ياكما جايين من العصر الحجري هاد الزمر هو ما اللي كانو كيتزوجوا بلا حب بلا ستة حمص باقي عقل على جدي الله يرحمو و يوسع عليه كان يعاودلينا نهار تزوج بمرتو قالك جابوهالو فايزار ملوي عليها فاش دخل لبيت و هو يتصدم يصحابلو غير شي جنية 

يعقوب: ها عار الله لما سكت 

سلمى: وعلاش عيطلك جبل منين هو معاها 

يعقوب: الا عندو شي مشكل انا براسي فاش هضر معايا كان مكشكش و معصب و ما عاجبو حال انا يصحابلي واقعة شي حاجة 

ربيع: عليا بليمين الا ديك نورسين أكبر منحوسة عرفتها البشرية عندي احساس بلي واقعة شي حاجة هاديك الزمرة دايرة كي البومة الكحلة 

سلمى: الله يحفضهم مساكن حرام عليك تقول هاد الهدرة فمك لحسو بوبي 

ربيع دار صبعو ففمو و رشم بيه فالزاجة د طوموبيل 

ربيع: اوا عقلي على هدرتي دابا تقولو ربيع قال 

الله يرحمو عليها كلمة

جبل بعد على نورسين و ماساخيش عنقها عندو بجهد ودوز يدو على خدها 

جبل: غادي نسافر 

نورسين: كيفاش؟و علاش؟ ماتمشيش دابا عفاك حنا عاد اعتارفنا لبعضياتنا ونتا باغي تسافر *غرغروا عينيها بدموع * عفاك أحبيبي بقا معايا 

جبل باس ليها راسها بوسات متابعين و غمض عينيه 

جبل: مضطر نمشي أملاكي عندي شي حاجة مهمة نحلها وانا معاك و غدا غادي تلقايني موجد ليك واحد السوربرايز *مفاجأة* 

نورسين تحشات فيها و دورات يديها على خصرو و راسها على صدرو و بدات تشهق و تبكي 

نورسين: ما تمشيش عفاك اهئ اهئ 

جبل عينيه حمارو و قلبو ضرو و عضلاتو تشنجو بزاف هو براسو ما باغيش يمشي و لكن ضروري خاصو يمشي 

جبل:نورسين عفاك ما تكمليش عليا راه انا براسي ما باغيش نمشي وانا عاد باغي نبقا معاك و نعاودلك على شحال من حاجة و لكن كيفما قلتلك انا ما يمكنش نرتاح ضروري يخرجلي شي بلا من جنب *تنهد* الحمد الله على كل حال *هز يديها و حطها على قلبها * انا غادي نكون هنا فقلبك انا ديما غانكون قريب ليك واخا تبعد بيناتنا المسافات *ضربها لنيفها بسرعة و بعد عليها و شاف فساعتو * يعقوب غايكون وصل 

دور وجهو و بانتلو طوموبيلتو بعيدة شوية 

جبل شد فيد نورسين بقوة جرها معاها حتى وصل لطوموبيل ديال يعقوب نزل يعقوب و سلمى كيباتسمو و كيشوفو فيهم يعقوب حط يدو على كتف جبل 

يعقوب: مبروك عليكم 

جبل ربي اللي عالم بيه من لداخل دماغو مشطون بالمشكل اللي عندو خاصو ضروري يمشي لاسبانيا و لكن ما باغيش يمشي حيت قلبو غادي يخليه هنا مع نورسين قلبو كيضرو بواف و نفس كتطلعلو بصعوبة 

جبل شاف فيعقوب و قال 

جبل: نورسين امانة عندكم ما نبغيكومش تقلقوها اولا تخسرو لها خاطرها و اللي بغاتها تحضر *كيزير على يديها * انا مضطر نمشي لاسبانيا دابا و غدا عندنا حفل الافتتاح بلا ما نوصيك 

يعقوب: وعلاش غاتمشي دابا حتا حتى لغدا عاد...

جبل غمض عينو و كيهدر مزير على سنانو 

جبل:يعقووب اللي فيا مكفيني الله يرحم باك ما تزيدنيش حتى نتا 

جبل جر نورسين من يديها حتى تقابلات مع وجهو عينيها حومر و منفوخين بالبكا قرب ليها و باسلها عينيها غير بشوية و تيفها و حط شفايفو هلى شفايفها من الفوق باسها بوسة خفيفة نورسين وجهها ولا حمر حيت كيبوسها حدا يعقوب و سلمى 

جبل :باركة ما تبكي ما نقدرش نمشي و نتي دموع فعينيك *باس ليها راسها * غادي نعوضك على كلشي 

عنقها و ضمها ليه حتى كانو ضلوعها غادي يطرطقو 

نورسين : كنبغيك 

جبل: انا اكثر 

بعد عليها و عطاها بضهر بسرعة باش ما يضعافاش و مشا ركب فطوموبيلتو و كسيرا و زاد نزلات دمعة من عينو ما قادرش يبعد عليها ما قادرش حاس بقلبو غادي يوقف و بما اننا حنا ضعاف فكنعبروا على آلامنا غير بالدموع صورتها ما بغاتش تفارق ليه عينيه و لكن لضرورة أحكام مضطر يمشي دابا فاسبانيا وصا رجالو يحجزلو فطائرة اللي غادا دابا بطبيعة الحال فدرجة رجال الاعمال

سلمى معناقة نورسين كتواسي فيها حيت بقات فيها بزاف نورسين ما هدرات ما تكلمات غير كتبكي حل ليها يعقوب الباب و طلعات حدا ربيع و كسيرا و زاد 

ربيع: ويلي نتي اش هاد الحالة دايرة فراسك 

نورسين حاطة راسها على زاجة و عينيها دايزين بدموع 

يعقوب: ربيع قلب ستة تسعود 

ربيع:*كينغز فنورسين باش دور عندو * اويلي مال هادي تي فين هي نورسين ضحوكية نشوطية ولا قوليلي برج ايفل هجروا لوالديك ههه 

سلمى : بعد منها خليها ترتاح 

ربيع: مالي هاز البندير وجالس نضرب بيه فوق راسها هاهي مرتاحة و جالسة بحالها بحالنا غير هو علاش كتبكي 

سلمى:كن هبطتي كن عرفتي علاش كتبكي 

ربيع: علاه مالي هبيل حتى نهبط لالا اختي انا غير شفت داك بوركابي د راجلها طاحت عليا المادة ما نكدبش عليك آخر مرة نقرب لداك برج ايفل ما شفتيش على ملخة د العصا عطا لهادوك العزارى الي بغاو يتبسلو عليها انا راه يعطيني غير ضربة يصيفطني ناكل كسكو مع جنون *شاف فنورسين * الله الله على صحيبتي ما لها دايرة فراسها هاد الحالة * جرها عندو حط راسها على كتفو * هادي غير شي عوينة و ضرباتكم 

يعقوب: علاه شكون من غيرك اللي تابعهم 

ربيع : سلمى تي أري شي موشوار باش تمسح خناينها غادي توسخلي القميجة وانا غير مسلفها اشداني نعنق الزمر كن غير خليتها حاطة راسها على زاجة 

سلمى جبدات كلينيكس عطاتو ليه و دارت عندها 

سلمى: باركة ما تبكي عفاك راه البكا ما مزيانش صافي دابا يرجع 

نورسين :*كتهدر و تنخصص بالبكا *توحشتو أهئ اهئ 

ربيع : هاي هاي على الخوينزة حتى هي ولات تعرف كلام الحب و الغرام ما تخافيشاي دابا يرجع و ديرو الولاد و دكوا الوتاد و صافي طيبتيلي قلبي ها العار 

منين كتطفا هاد خيتي 

سلمى:خاسرة ليها البوطونة ههه 

يعقوب: نتا فين داركم 

ربيع : حطني غير فشي بلاصة هنا انا غادي نكمل على رجلي 

يعقوب:واخا 

حبس الطوموبيل يعقوب 

ربيع: تهلاو فهاد المخلوقة الله يرحم الواليدين راه داك برج ايفل كان مفششها بلا قياس بقاو تشريو ليها مرة مرة المصاصات و بيمويات و خرجوها باش تنساه شوية يالاه دوزو بخير هانا مشيت 

نورسين : تصبح على خير 

نزل ربيع و زدح الباب و يعقوب كمل طريقو 

يعقوب : سلمى غادي تمشي معاك نورسين لدارك تبات حيت جبل عاد صيفطلي ميساج قالي هي كتخاف بوحدها داكشي علاش خاصها تمشي معاك و لا نتي تباتي معاها اللي بغيتي 

سلمى : انا نمشي نبات معاها ماشي مشكل اصلن ما كنتش غادي نخليها بوحدها صحيبتي هاديك نهزها بسناني 

نورسين : يعقوب عفاك بغيت نهدر مع جبل اهئ اهئ 

يعقوب:*بأسف* اخيتي راه طفا التيليفون ديالو حيت دابا راه غادي فطيارة ما يصلاحش 

نورسين: واش عندو شي مشكل علاش مشا اهئ اهئ 

يعقوب: انا براسي ما قالي والو غادي تكون غير شي حاجة فالخدمة ما تشغليش بالك 

حطهوم يعقوب حدا الفيلا د جبل نزلوا و خرج معاهم يعقوب نورسين دقات حلات ليها منال الباب و مشات كتجري لفوق 

سلمى: بقات فيا 

يعقوب:*دوز يدو على شعرو * انا ما فهمتش علاش غادي يمشي لاسبانيا دابا و فهاد الوقت بالله الا غادي يخرجلي العقل 

سلمى: ونتا زعما مافخبارك والو 

يعقوب: و مصاب كن كنت عارف على الاقل غادي يكون بالي مرتاح دابا دماغي مخربق ما عارفش كاع اش واقع 

سلمى: غدا كاين حفل افتتاح الماركةجديدة ياك 

يعقوب: وي غدا بليل اصلن غادي نمشيو كلنا 

سلمى:هاءاوا نقولها لنورسين باش ما تبقاش تبكي على والو ياك غدا غادي نطلعوا عندو 

يعقوب: لا ما تقوليهالش باغي يديرها ليها مفاجاة على ما كنظن المهم تهلاي فيها احبيبتي* قرب ليها و باسلها راسها و عنقها * الله و اخيرا اعتارف ليها هي حتى حنا قرب نديرو العرس 

سلمى :*بابتسامة* من فمك لربي 

يعقوب: غير نجيو من اسبانيا انشاء الله كلشي غادي يتصلح و غادي نديرو عرس أسطوري انشاءالله و ناكل الحلوة اللي كتعجبني الله 

سلمى بعدات عليه و ضربات على صدرو 

سلمى : مالك باسل 

يعقوب:*بابتسامة * واخا باسل كتحماقي عليا 

سلمى : امم عقلتي نهار جيتي كتبكيو تنخصص * كتعوجو* زوجوني لسلمى ولا نتاحر اهئ اهئ كتقطع القلب صراحة 

يعقوب : سري نيت اللي جيت خطبتك اما نخليك فدار باك حتى تولي بايرة يالاه تصبحي بخير خاصني نمشي لدار 

سلمى :*صيفطاتلو قبلة فالهوا * تصبح على خير أحبيبي 

يعقوب: كتكدبي عليا ببوسة فالهوا و لكن نقضيو بيها حتى يحن مولانا يالاه تهلاي

طلع لطوموبيلتو و قلع و دخلات سلمى سولات منال عليها قالتها راه طلعات لبيتها سلمى تبعتها و مشات كدق فبيتها ما لقاتهاش 

سلمى :*كضرب فحناكها * اويلي فين مشات هاد البومة الكحلة خلاها ربيع ناري عنداك تكون دارت فراسها شي حاجة يجي عندنا جبل يقتلنا من الوريد لوريد يا ربي صبر اشداني نقبل نتزوج بشي يعقوب هو سبابي فعدابي دعيتك لله 

سدات لباب و طلعات تقلب عليها لفوق على الله تلقاها 

سلمى: زعما تكون جات لبيت جبل ما يمكنش المهم نجرب *دقات الباب منين ما سمعات حس دخلات لداخل وهي تحل عينيها على و سعهم من هادشي اللي شافت * نووورسين 

دخلات و لقاتها لابسة القاميجة ديالو مع شوط و متكية فوق الناموسية و شعرها مطلوق و حاطة العطر اللي كيدير فنيفها و معنقاه كتستنشق ريحتو و مغمضة عينيها دخلات عندها سلمى كتعتر فجلايلها حيت مازال لابسة تكشيطة مشلت سلمى جلسات حداها فسرير و دوزات يديها على شعرها بحنان و هي تحل نورسين عينيها بسرعة يصحابلها جبل جا لعندها 

نورسين: جبل 

تلاشات ابتاسمة فنورسين فاش لقات غير سلمى 

سلمى : بسم الله عليك هادي غير انا واش حتى لهتد درجة أصاحبتي راه غير يوماين و يرجع 

نورسين: *كتحرك راسها يمين شمال* ما عمرو بعد عليا حتى لهاد نهار ما عمرو بات برا دار ولفتو اختي اشنو ندير اهئ اهئ غير قوليلي 

سلمى: نعسي دابا و رتاحي كلشي غادي يكون مزيان يصبح و يفتح * غطاتها بليزار ديالو * هانا غانبقا معاك هنا الا بغيتي شي حاجة واخا 

نورسين : شكرا 

سلمى: حنا خواتات ما عمرك تقوليلي شكرا كندير غير الواجب ديالي 

نورسين ابتاسمت ليها و غمضات عينيها بتثاقل

حطات طيارة فالمطار الدولي لبرشلونة نزلو منها المسافرين اللي كان من ضمنهم جبل الابراهيمي اللي باينة فيه عيان و متعب و مسخسخ دماغو كيفكر و قلبو مشتاااق لحبيبة قلبو نورسين حاس بفرااغ كبيرو هو بعيد عليها حاس بقلبو غايتوقف فاي لحظة بقوة اللي كيضرو شعرو تخربق و حيد الفيستة ديال الكوستيم ديالو و غادي فطريق ساهي و خطواتو ثقال قاد الوراق و خرج لبرا لقا طوموبيل كتسناه من نوع jeep عطاه واحد الراجل السوارت خدام عندو 

- Hola como estas señor jabal (مرحبا كيف حالك سيد جبل ( 

جبل : y tus hijos Gracias, ¿cómo están tu esposa * شكرا كيف حال زوجتك و ابنائك * 

- Todo bien, siempre preguntan por ti (الكل بخير يسألون عنك.دائما ) 

- جبل ربت على كتفو و ابتاسم ليه و حل اللوطو و ديمارا و زاد فاتجاه احدى اكبر المستشفيات فمدينة برشلونة حبس اللوطو و نزل منها بكامل هيبتو فارض وجودو فين ما مشا و خصوصا فاسبانيا كلشي كيعرفوا حيت كيهضروا عليها بزاف و متأثرين بيه حيت كيتعتابر من اغنى رجال اللي كاينين فالبلاد و ديما كيديروا معاه استجواب و شحال من مرة بان عندهم فالتلفاز داكشي علاش كلشي عارفو و كيحتارمو و كيقدرو دخل لاستقبال هزات راسها ديك البنت و شافت فيه و هي تجمد فلاصتها كتحماق عليه و خصوصا هو انسان مشهور يصحابلها غير كتخايل سهات فيه حتى زعزعها صوتو من بلاصتها 

جبل: كاميليا بنيس 

- pardon *عفوا * 

جبل اصلن معصب و مغدد ضرب يدو على زاجة و قال 

جبل:¿Cuál es el número de habitación en el que se encuentra Camellia Bennis ( شنو هو رقم الغرفة اللي كاينة فيه كاميليا بنيس ) 

هاديك عاد ضرباتها الفيقة و بدات كتقلب على سمية و عطاتو رقم د غرفتها و الايطاج مشا كيجري طلع فالاسانسور حتى و صل لباب غرفتها و هي تبانلو من زاجة مغيبة و غير صوت ديال دقات قلبها اللي كيتسمع فالغرفة و السيروم معلقينو لها المنظر ديالها زعزو من لداخل واخا هاكاك كيبقى جبل انسان حنين و ما كيبغيش يتآدى شي حد بسابو وخا يديرلو اللي داردور وجهو و تكا على ديك زاجة و غمضعينو كيحس براسو غادي يحماق 

جبل: عيييت اربي و الله حتى عييت * تنهد * 

وقف عليه واحد الطبيب عويناتو زريرقين وبيض و شارف شوية اللي شافو يقول عليه اجنبي ولكن مغربي ولد البلاد كيعرف جبل احق المعرفة حط يدو على كتفو و هو يحل جبل عينيه شاف فيه 

جبل: كيوقع ليها حتى وصلات لهاد الحالة ؟ 

- شنو غادي نقولك دابا حالتها مستقرة 

جبل تقد فالوقفة و دوز يدو على شعرو و بقا غادي جاي حاس براسو كيغلي 

جبل: نتا هو المشرف على حالتها واش المخدرات اللي دارتلها هادشي بغيت نعرف 

- كيفما كتعرف سيادتكم كاميليا كانت فمركز معالجة الادمان وداكشي اللي كان تعالجت ما بقاتش كتعاطى لمخدرات ولات غير ساكتة و سادة على راسها ولات منعزلة ما بقات كتبغي تهدر مع حد غير جالسة و كتفكر كنت ديما فاش كندخل عندها كنلقها هازة تصويرتك و كتشوف فيها و كاتكون كتهدرمع تصويرتك غير كندخل عندها كتسكت و كتخبيها تحت راسها كما موفرين ليها كلشي تيليفون ليسي طابليط الكتوبة اي حاجة غير باش تبتاسم و ضحك والو حالتها كانت مأزمة لواحد درجة كبيرة و دخلت فحالة إكتئاب هاد نهار دخلات ليها الممرضة العشا و هي تهز الموس و كتبات جبل فيديها بداك الموس و قطعات يديها او بمعنى آخر إنتاحرت بغات تقطع العروق د قلبها 

جبل دوز يدو على وجهو بالفقصة 

جبل: انا وصيتكم عليها قلتلكم اي حاجة ماضية بعدوها عليها انا عارفها حمقة و تقدر تدير شلا حوايج فراسها واش ما كان حتى حد معاها فالغرفة 

طبيب حركلو راسو بنفي 

جبل ضرب يدو بالفقصة مع الحيط ودخل عندها لقاها متكية قرب ليها و بدات كتحل عينيها شوي بشوي حتى حلاتهم كاملين و ابتاسمت ليه 

كاميليا : جيتي اححح ريحتك شحال زوينة غير شمتيها و انا نفيق غير ريحتك دوا mi amor ههه 

جبل :*حاول يتهدن * كي بقيتي 

كاميليا : *غمضات عينيها و عاود حلاتهم * توحشتك بزاااف أجبل علاش جبتيني لهنا و مشيتي و خليتيني 

جبل ما بقاش قادر يستحمل هضرتها بقا غير كيهنزر فيها 

جبل: شنو هادشي درتي فراسك 

كاميليا : *هزلت يديعا اللي ملوية عليها الفاصمة * هههه انتاحرت على قبلك حيت كن ما درتش هاكا ما كنتيش غادي تجي عندي ياك *غمزاتو * 

جبل : لثاني مرة كتناتحري واش حياتك لعبة بين ايديك 

كاميليا: احح مستعدة نديرها حتى مية مرة باش تجي نتا و تشوفني خليتي مرتك بوحدها مسكينة توتوتو وجيتي تشوفني انا هي انا كتبغيني اكثر منها هههههههههه

جبل كرز على يدو و خنزر فيها واحد تخنزيرة طيحات فيها نص و قرب ليها و شد فكها بيدو بقوة 

جبل:واش نتي ما غاديش توبي درت معاك جميع طرق باش تنسايني و نتي والو حلي عينيك كاينين رجال غير باشارة من صبعك يجيو حتى لعندك و يعيشوك أميرة انا ما عمري ولا غادي نكون ليك انا كنحماق على مراتي و كنتسطا عليها ما عمري قست بنت المراة حيت انا ملكها بوحدها و حتى هي كدلك ملكي 

كاميليا تغرغروا عينيها بدموع و شافت فيه و قلبها كيضرها بزاااف و نفسها كتطلع بصعوبة و بركات على البوطونة اللي حداها بسرعة باش يجيو عندها 

كاميليا : خررررررج عليا كنكررررهك كنكرررررهك 

جبل حل الباب و خرج وزدحو و مشا هز جيب ديالو وقلع فاتجاه لاوطيل اللي كانو حاجزين ليه فيه رجالو دخل لغرفة ديالو و تزدح فوق السرير كيفكر و كيفكر حار مع كاميليا ما عرف شنو يدير معاها فقرر انو يركز غير فحبيبتو نورسين تفكر اعترافو ليها و قبلاتو معاها حط يدو على فمو مستمتع ابتاسم حتى بانتلو ضرسة د العقل جبد تصويرتها اللي ما كتخطاهش ديما باسها و ردها لجيبو و غمض عينو براحة حيت واخيرا اعتارف ليها بحقيقة مشاعرو ولكن ما قالهاش كلشي ما قالهاش بلي هو قتل عمو منين كانت عندو عشر سنين ما زال ما عارفش ردة فعلها كيف غاتكون واخا فتح معها الموضوع ديجا و لكن هدر معاها بصفة عامة ما عمرو هدر ليها على حياتو غير تفكر هاد نقطة اللي معقداه و هو ينوض وقف فالبالكون كيكمي على الله يبرد 

🌤🌤🌤🌤 اصبح يوم جديد فاقت نورسين على صوت د سلمى اللي جالسة كتفيق فيها بسرعة 

سلمى فيقي فيقي 

نورسين :بعدي مني خليني نعس 

سلمى :وافيقي عندي ليك مفاجأة نوضي 

نورسين فاقت مشقلبة بنعاس و عينيها معمشين و شعرها شاد ريزويات و القاميجة دجبل اللي لابسة جاتها كبيرة عليها منظر ها جد مضحك 

نورسين: اوووف مالك على بو نبير

دورات ليها تيليفون ديالها كان جبل فشاشة داير ابيل فيديو باش يشوف لالا نورسين 

جبل: * بابتسامة * صباح الخير الكسولة ديالي 

نورسين تصدمات تدهشرات و حشمات فنفس الوقت ناضت بسرعة دخلات لحمام شافت راسها فالحمام وهي تبدا تندب فحناكها 

نورسين : من أنت أيها الشيطان الماكر *عينيعا غرغروا بدموع و بدات تضرب فحناكها * ويلي على شوهتك يا نورسين *حنات لافابو كتغسل وجهها و قادات شعرها اللي كان طالب العداو * 

خرجات من الحمام كتبتاسم 

سلمى : هاهي جات 

نورسين وقفات حدا سلمى و حناكها غادي يطرطقو بالحشمة 

نورسين: صباح النور * خطفات التيليفون من يد سلمى و مشات جلسات فناموسية * واغير علمني بعدا بلي غاتعيط نتا مقاد الحالة وانا شابفني مشوهة 

جبل :*بابتسامة * انا قابل على حالتك كيفما كانت 

نورسين: وا جير عندك خدام مزيان ما عندي مايسالك هههه 

جبل: لابسة حوايجي و بايتة فبيتي هادشي اش كايعني ا ملاكي 

نورسين تغرغروا عينيها بدموع توحشاتو بزاف واخا ما كاملاش ربعة و عشرين ساعة فاش غبر عليها ولكن قلبها كيضرها بزاف بحال شي طفلة فاش كتكون مولفة باباها واخا كيمشي غير الجامع كتبدا تبكي حيت غتوحشوا وهادا هو حال نورسين فهاد اللحظة 

نورسين : توحشتك اهئ اهئ 

جبل قرب لتيليفون و حط شفايفو عليه و حتى هي نفس الشيئ رغم انهم بعاظ ولكن قلوبهم قراب 

جبل :حتى انا توحشت بنتي بزاف 

نورسين بعدات على تيليفون و شافت فيه 

نورسين : فوقاش غادي تجي 

جبل: نتا اللي غادي تجي عندي أحبيبتي *غميزة * 

نورسين : كيفاش؟؟؟؟

نورسين : كيفاش انا غادي نجي عندك بلاتي بلاتي وحدة وحدة عليا *طلعات من فوق الناموسية كتنقز * دابا انا غادي نجي عندك لاسبانيا ياك أحبيبي 

جبل:*كيحرك ليها راسو بالايجاب و الابتسامة ما فارقاتش وجهو *تماما 

نورسين دارت يديها فجنبها و طلعات حاجب و هبطات لاخور

نورسين: نجي عندك فطران ولا فطوبيس ولا نطلع لطنجة كيقولو سبليون قريبة تما ندبر على شي حد يحركني معاه فالباطو *طرطقات فيه عينيها * تا ساير تطنز ولاداوي من نيتك 

جبل شد على فمو و بقا يضحك يضحك حتى طاحولو دموع من عينو 

نورسين: شفتك ساير تفرنس وراه معاك داوية تا جاوبني شو كيف كيفقصني واش باغي نخرجلك من تيليفون تا جاوبني 

سلمى مشات عندها ا قرصاتها 

سلمى: نزلي من فوق الناموسية أ البرهوشة راكي غاتمشي فطيارة نتي نيت غير وجه الحريك نزلي نزلي باراكة من شتيف 

نورسين :*دايرة يديها فجنابها و كتهز حجبانها كتفقص فيها * هادي ناموسية راجلي حبيبي تاج راسي ندير فيها ما بغيت ياك أحوبينو ديالي 

سلمى: *كتندب فحناكها * شوهتيني مع راجل انا غادة بحالي 

نورسين : كن درتيها من صبااااح و فهمتي راسك زعما كنهضر مع راجلي و نتي جالسة بارزة قدامي حاضية ليا فمي كتفرجي فيا شنو كتسنايني نوض نفرق عليك الغاطو مالك معروضة لعرس 

سلمى: الله ينعل اللي مايحشم هاهي غادة دابا يقطع عليك جبل و ديك ساعة شوفي معامن 

انصارفت سلمى و زدحات الباب 

نورسين: هرسيه نتي كاع *دورات وجهها لقات جبل متكي من فوق ناموسية و ما لبس والو من الفوق و داير صبع صغير ففمو و ساهي فيها * علاش دابزتي مع سلمى 

نورسين : لا أحبيبي راه غير كنضحكو 

جبل : احح على ديك حبيبي كيف خارجة من فمك توحشت نبوس شنيفاتك اللي كيقولو حبيبي و تاج راسي شنو درتي فيا ا ملاكي

نورسين : *كتضحك *انا مادرت ليك والو داكشي مديور ليك من عند الله 

جبل :*بابتسامة*ما تكونيش زعما ساحرالي 

نورسين كتلعب بشعرها 

نورسين: ساحرا ليك بدلالي و جمالي و لساني اللي كيقول غير العسل هههه و باخلاقي *كترمش فعينيها * و عويناتي ههههه 

جبل : *بابتسامة * كتسالي معايا جوابك على طرف لسانك 

نورسين : هي رديتيني كلب ياك اوا الله يجازيك بخير 

جبل: كيفاش ؟؟ شكون دابا اللي دكر شي كلب 

نورسين على إثر هاد الكلمة الاخيرة طاحت لناموسية 

نورسين: ويلي ويلي توحشت الكانيش ديالي كان مسكين ديما كيفيقني باش نمشي لمعهد *ضربات على جبينها بغباء* واقيلة خاصني نمشي للمعهد 

جبل:ما بقيتيش غادي تمشي ليه 

نورسين : هاء كيفاش عاود و علاش 

جبل: غادي نستاقرو فاسبانيا و غادي ندخلك للمعهد اللي بغيتي هنا

نورسين :*وقفات * معامن تشاورتي انا غادي نبقا فالمغرب اشداني لبلاد نصارة و المصيبة ما كنفهمش حتى لغتهم كيقولو صعيبة انا ما قادة على سبليون اللهم قطران بلادي و لا عسل البلدان والا قدرالله شي نهارو دابزت مع شي وحدة فيهم و تبدا تسب و تعرق ليا باسبليونية اشنو ندير ديك ساعة 

جبل: واش ابنتي نتي عوالة تدابزي 

نورسين : اه *هزات كتافها * ما بغيتش نمشي لبو اسبانيا بغيت نبقا فالمغرب و نتا غاتبقا معايا بزز منك بغيتي ولا كرهتي 

جبل :*بغا يفقصها كيهدر و يضحك * انا باغي نبقا هنا صافي خليك نتي فالمغرب باش نلقا شي اسبانية نتزوج بيها طلعلي الوراق اش بانلك *غمزها * 

نورسين تزيرات و عينيها ولا حومر 

نورسين : اوا حربش عليا باليمين وباش كيحلفوا الشلاغيم يا تنكددكوم بزوووج مزياان تبارك الله باغي تجيبلي ضرة اسبانية الا ما ريشتها كي الدجاجة ما نتسماش نورسين بنت فاطمة العيشورية والله حتى ندقدقها تدقديق الحنة فالمهراز و نغسلها غسيلة الكرشة جنب الواد 

جبل غير ساهي فيها و كيضحك كتعجبوا فاش كتعصب و عرف ملاكو كتحول لشيطان ماكر فاش كتحس بالغيرة كيحس بلي كاتبغيييه ديال بصح اللي قرباتلو تنحيها حيت هلوسة الغيرة هي مرض ما كيقيس غير الناس اللي كيحبو بكل صدق 

جبل :* ببرود * كتغيري 

نورسين :*ردات شعرها جنب* بطبيعة الحال داكشي علاش ديما كندعي ربي يبعد عليك بنات الحرام و حتى بنات الحلال و بنات جيران و العائلة ويااااربي اللي قربات ليك تموت يالله 

جبل:*بابتسامة * نموت فلي يغير عليا 

نورسين :*صيفطاتلو بوسة فالهوا *اووف فوقاش غادي نجي عندك 

جبل: دابا يجي يعقوب يديكوم من دابا شوية و فاش تكوني جاية لبسي مزيان حيت كاين البرد هنا 

نورسين : امم كتخاف عليا 

جبل :*بابتسامة* أكثر من نفسي ما عندي حد من غيرك نتي أغلى من قلبي و من كول ما كنملك توحشتتك بزاف تمنيت كن كنت نقدر نخرج عندك من التيليفون 

نورسين : علاش مشيتي لتماك لبارح بعدا و خليتيني كنبكي و نجدب 

جبل: كاميليا بنت خالي انتاحرت 

نورسين ضربات على وجهها 

نورسين: اويلي ياكما ماتت 

جبل: لا مازال عايشة 

نورسين: مسكينة الله يشافيها بقات فيا و ماماها و باباها مساكن علم الله كيف تكون حالتهم 

جبل: ما تديريش فبالك أحبيبتي كيف جاتك النعسة فبيتي 

نورسين: *بابتسامة * عندك صراحة هاد الفراش مريح ماشي بحال اللي فبيتي كنعس عليه كيضرني ضهري *التيليفون ديشارجا * اووف هاهو ديشارجا هاد زمر خاصني نقطع 

جبل : ماسخيتش بيك 

نورسين: دابا نجي عندك يالاه باي 

جبل: تهلاي فراسك 

طفا ليها التيليفون و حطاتو من فوق الطبلة و خرجات هبطات لبيتها بدلات حوايجها لبسات غير بيجامة عادية و هبطات لسفلي لقات طبلة موجدة على حقها و طريقها 

نورسين: سلمى 

دارت عندها سلمى اللي كانت جالسة كتفطر 

سلمى: مالنا صافي جاية لعندي دابا سيري عند داك جبيلو ديالك 

نورسين: وصافي حتى نتي بغيت نسولك واش حتى نتي غادي تمشي معانا 

سلمى: بطبيعة الحال اليوم حفل الافتتاح اللي كيخدموا عليه من زمان و بغيتيني ما نمشيش و الله حتى هبيلة 

جلسات نورسين و هزات كويس د العصير رشفات منو و حطاتو و ربعات يديها 

نورسين: دابا كيفاش هاد حفل الافتتاح شكون غيكون فيه 

سلمى: المشاهير الفنانين اغلبية كايكون اسبان 

نورسين: وهوما لاش دايرينو اصلن 

سلمى: حيت جبل غايطلق مارك جديدة ديال السوايع كان كيخدم عليها من زمان و ضرب فيها تمارة ديال بصح بوحدو تصوري دار كوليكسيون ديال السوايع بوحدو وماشي اي سوايع يعني خاصهم يكونو بواحد الدقة و بواحد الجودة بوحدها ضرب فيهم تمارة و ضروري خاصو يدير هاد الحفل باش كلشي يعرف بيها هو عندو هاد النهار جد مميز

نورسين :*حاطة يديها على دقنها * يااه هي جبيلو ديالي مشهور فالعالم 

سلمى: ما مشهورش فالمغرب بزااف مشهور غير فاسبانيا حيت تما كايخدم اكثر و كايبان عندهم فالتلفازة 

نورسين: حلفي بالله 

سلمى: ودابا رديتينا براهش الا ماتيقتينيش سيري كتبي فاليوتيب جبل الابراهيمي بالحق بالفرونسي ماشي بالعربة غادي يطلعو ليك لقائات ديالو كاملين اللي كان كيدير 

نورسين :*وسعات عينيها * دابا انا مزوجة بانسان مشهور سبحان الله شكون كان يقول نورسين بنت فاطمة و محمد غادي ندي بحال جبل * دمعوا عينيها * انا اللي ديما كنت نسمع خايبة بايرة تصوري ختي كانت كتقولي الاحمق هو التالي ما يشوفش فيك 

سلمى : هاديك غير الغيرة و الحسد حتى واحد ما عارف شنو مكتاب ليه ربي كبييير و كيشوف كلشي و ما كيبغيش الحكرة و نتي صبرتي و دوزتي شحال من حاجة خايبة وهاهو جا الوقت باش حتى نتي ترتاحي و تعيشي كأميرة مع جبل *شدات ليها فيديها * ما نكدبش عليك جبل من أخير الناس ما عمرك تلقاي بحالو تهلاي فيه 

سمعوا دقان فالباب حلات منال و دخل يعقوب لعندهم 

يعقوب: تبارك الله تبارك الله عاد كتفطروا الطناش هادي عولنا عليكم بكري 

سلمى : مالك جاي بعجاجتك 

يعقوب: جبل من قبيلة وهو يصوني قالي سير عندهم ما خلانيش نعس مزيان السيد مزروب اووف عصبني يالاه نوضو تكعدو تلبسوا حوايجكم باش نمشيو 

نورسين الفرحة باينة ليها فعينيها غادي طير ناضت طلعات لبيتها و دوشات بالخف ولبسات واحد لبيسة واعرة جاية كلاس سروال واسع فالغوز مع فيستة ديالو فنفس لون وتحت منها سوفيطمة فالكحل و دارت شعرها كو دشوفال و دارت مايكاب خفيف برز الملامح ديالها ولبسات صباط بيض طالون وهزات صاكها و دارت فيه تيليفونها و نضاضرد شمس و هبطات عندهم لقاتهم كيساينوها 

يعقوب: هانا ثاني على نورسين و الاناقة 

سلمى: اللي شافك يحلف عليك مديرة أبنتي 

يعقوب: اوا هانتيلك على نورسين ياختي طلعات عفريتة هههعع 

كلهم ضحكوا الا نورسين اللي كانت كتخنزر فيهم 

نورسين: كطنزوا هانا غادا عند جبيلو والله ما تبقاك فيكم 

يعقوب: والله يا ختي غيركنضحكوا معاك جبل لا العار 

سلمى: ما تكونيش قد عقلك 

نورسين: تخافو ما تحشموا كي جاتني لبسة غادي تعجب جبل ياك 

سلمى: اودي واخا تمشي حداه بحوايج مقطعة راه كيحماق عليك غير زيدي دابا راه تعطلنا 

نورسين: وفين الباسبور و الفيزا انا راه عندي غير لاكارط ناسيونال اللي داية معايا 

يعقوب: كلشي مقاد وراقك معيا غير زيدو خلاص 

خرج يعقوب و تبعاتو سلمى و نورسين طلعوا فالطوموبيل ديال يعقوب اللي كانت من نوع ميرسديس فالاسود طلعات سلمى حدا يعقوب و نورسين حلات الباب و طلعات لخلف و سدات الباب و ديمارا يعقوب و زاد 

نورسين: اييه فينك أجبل كان مسكين يحلي الباب فاش نبغي نطلع و يسدوا 

سلمى :*كتدير السمطة ديال اللوطو * اختي حنا ماشي جبل كايبانلي فششك بلا قياس 

يعقوب :*كينغز سلمى باش تسكت * سدي حلقك ها العار دابا تبكيها واجا ما فكنا مع جبل 

سمعوا حسها تقطع و دارت عندها سلمى لقاتها بصح كتبكي 

سلمى: لا واش من نيتك مسحي خناينك و نتي خاصك غير علايش تبكي 

نورسين:*دلات شنايفها * بصح هو كان مفششني بلا قياس اهئ اهئ ماكاينش بحالو كيقولي انا باباك و نتي بنتي توحشتوا اهئ اهئ 

سلمى :*دارت يديها على يد نورسين*وصاافي والله حتى عيقتي ها حنا غاديين عندو 

نورسين: نقدر نكون كنجيك مبرهشة ولكن راه هادشي اللي كنحس بيه ما كيحس بيه حتى واحد

وصلوا للمطار و نزلو كاملين دخلو قادو الوراق و طلعوا فالطيارة اللي غادي يمشيو فيها نورسين حاسة بقلبها غادي يخرج من بلاصتو و خاصة انها اول تجربة ليها كانت كتشوف الطيارة غير فالتلفازة هي ما عمرها ما مشات حتى لبحر ولكن دابا غادي طلع كاع فالطيارة وغادي تزور بلاد جديدة عليها كانت غير كتسمع بيها االدنيا كيفما تقدر تبكيك تقدر تضحكك و تخليك فرحان حتى حاجة ما كدوم لا فرح ولا القرح غير الواحد خاصو يصبر و يرضى بشنو عطاه الله و يكون قنوع واهم حاجة يدعي و يحلم حيت أحلامنا ما كنخلصوش عليهم كلشي عند الله قريب حتى حاجة ما بعيدة هو اللي كيغير حالتنا سبحانه 

نورسين جلسات حدا سلمى و كلها كترعد و قبطات فيديها مزياااان باينة فيها مخلوعة نورمال 

سلمى: غير تهدني كلشي غادي يكون مزيان 

نورسين : انشاء الله 

جات عندهم المضيفة كتعلمهم بلي خاصهم يقادو السماطي حيت طيارة غادي تقلع 

سلمى قادات سمطتها و قدات حتى لنورسين معاها حيت عارفة ما غاديش تعرف تركبها نورمال اول تجربو ليها ماهي الا ثواني قليلة حتى بدات طيارة كتحرك على الارض نورسين كتحس بمعدتها كتلوا ما كرهتش تغوت 

سلمى: تهدني غير بشوية عليك 

نورسين: وااااااكنموت اسلمى اشداني لشي سبليون اشدااااني 

ما ارتاحت نورسين حتى استقرات الطيارة فسما 

يعقوب كان مقابل معاهم و كيضحك على نورسين 

يعقوب: تشربي الما 

نورسين: مابغيت والو 

غمضات عينيهانورسين و تكات لور وبدات تنشنش بيديها بجوج على وجهها حتى تهدنات و ابتاسمت باستهزاء 

سلمى: عادي راه ركبة اللولة ديال طيارة ضروري كتخلعي من بعد كتولفي ما يبقاش فيك الحال 

نورسين: لاااا ما بقاش فيا الحال بالعكس فرحت بزاااف ما كرهتش نوثق هاد اللحظة حيت بصح الاحاسيس اللي كنحس بيهم دابا ما كيحس بيهم حتى واحد نركب فطيارة كان بمثابة حلم ديما كنت كنطلع لسطح فاش كنسمع شي طيارة غادة كنبقا نقز و نصفق بيدي واحد نهار بقيت كنغوت بجهد 《 أنقدووووني أنااااا هنا 》 هههه اييه يا ليام عند بالي بلي غادي يسمعوني و طيارة زعما غادي تشوفني و تهبط عندي و كانت ختي كضحك عليا كتقولي نتي عمرك تركبي حتى فطران بقا ليك غير طيارة ولكن انا ما كنسمعش لهدرتها ديما كنبقا ندير نفس الحاجة كنطلع لسطح كلما سمعت صوتها و كندير نفس الحركات و كنقول نفس الجملة حتى لواحد نهار طلعات عندي ماما بصندالة د الميكة عطاتني طرحة ديال العصا و حتى هي قالت لي نفس الهدرة *تنهدات* حتى بصح تيقت بلي عمرني نركب فيها خلاوني نآمن بأفكارهم المتشائمة تصوري بلي بابا واحد نهار قالي الا جا اي واحد الله يجعلو ما يكون حتى شمكار قالي نزوجك ليه و قالي ما عندكش الحق ترجعي حيت فعائلتنا ما كاينش شي حاجة اسميتها طلاق * نزلات دمعة من عينيها * والبنت تاليتها دار راجلها *ابتاسمت باستهزاء * داكشي اللي عشتو مع عائلتي بوحديتو ولكن واخا هاكاك عمري كرهتهم كنت الحاجة نحيدها مني و نعطيهالهوم ماما مسكينة واخا كانت قاصحة هي اللي كانت كتحن عليا فيهم كاملين *دوزات يديها على شعرها * ما نكدبش عليك أسلمى كرهت حياتي كنت كنقول علاش انا من دون ناس اللي نتحط فهاد العاىئلة وبكن كنصبر راسي و كنقول اعوظ بالله من شيطان رجيم اكيد ربي غادي يكون مخبي ليا شي حاجة غير صبري و زيدي فصبرك *ابتاسمت * و ربي ما ضيعنيش رزقني انسان بحال جبل بصح معاها كنسى كلشي عوضني على حنان الام و الاب اللي فقدتوا كيف ندير ما نبغيهش و ما نتوحشوش الا غاب عليا غير ساعة كنبغي نحماق 

سلمى عنقاتها جنب و باستلها راسها 

سلمى: الله يخليكم لبعضياتكم والله يبعد عليكم كحل راس اللهم أمين ما كتوحشيش عائلتك 

نورسين: بطبيعة الحال توحشتهم بزاف انا ما كنحقدش و ما كنكرهش غير الا كان شي غلط كبييير بزاف ما نقدرش نصبر و نقدر ما نعاودش نشوف فجيهة داك شخص هادا هو طبع اللي فيا قبييح بزاف انا واحد الانسانة اللي متسامحة و بزاااف و لكن الا ضربت على الواحد صافي راني ضربت عليه

سلمى: واخا يكون هاد شخص جبل 

نورسين: جبل ما عمرو يدير شي خطأ حيت ثقتي فيه كبيييرة و بزاف 

سلمى : ههههع اختي رجال ما فيهم ثقة 

نورسين: هادوك شمايت اما رجال بحال جبل عمرهم يديروا شي حاجة قبيحة 

سلمى: دابا الا جا عندك شي نهار باباك و قالك يا انا يا جبل شنو تختاري بصراحة 

يعقوب ضربها لرجلها 

يعقوب: اش هاد الاسئلة د زبل 

سلمى: اجي بعدا نتا نوض جيبلينا ما ناكلو 

يعقوب: عاد فطرتي انا مزوج بمراة ولا هيشة 

نورسين بقات كتشوف فيهم و تضحك كل مرة هاهما مناكرين ها هما مصالحين غفات و داتها عينيها حتى حسات بسلمى كتفيق فيها ناضت مدهشرة بنعاس كتمسح فوجهها بيديها 

سلمى: وصلناااا hola * مرحبا بالاسبانية* 

نورسين توكضات ووقفات نزلو كلهم من طيارة و قلبها كيضرب بجهد حيت واخيرا وصلات عند جبيلو ديالها 

هبط معاهم يعقوب المهم دخلو قادو الوراق و خرجوا من المطار لقاو شتا كتنقط و الجو بارد 

نورسين : اووف فين هو جبيلو 

لمحات جبل جاي لعندهم بسرعة لابس مونطو فالكحل و مقاد الحالة و ريحة عطرو سابقاه نورسين شافتو عينيها بداو كيخرجوا منهم القلوبة مشات كطير عندو و طارت عليه بتعنيقة و جبل ضمها ليه بقوة حتى تهزات من الارض 

جبل: على سلامتكم

نورسين معنقاه ما بغاتش ترخي منو 

جبل: توحشت بنتي *تنهد و باس ليها عنقها غير بشوية حتى بورشها كاملة * عاد رجعات فيا الروح منين شفتك 

بعدات عليه شوي بشوي و لكن مازال معنقها عندو حتى تقابلو عويناتهم 

نورسين : *حطات يديها على لحيتو* ما تعاودش تمشي و تخليني 

جبل: *هز خصلات من شعرها و حطها حدا نيفو * الا خليتك نموت انتي روحي ما نقدرش نتخلى عليك حتى يهزوني للكفن * حنا على ودنيها و قال بالهمس* غادي نقولك واحد السر نعاس ما زارنيش البارح وانتي بعيدة عليا فخبارك بلي بليل جيت المطار بغيت نرجع عندك و تراجعت فآخر لحظة بلا بيك كنتخنق *بعد عليها و حطها لارض و طلعها و هبطها * اش هاد اللباس لابسة 

نورسين : ما عجبكش 

جبل قرب ليها حتى ما بقا كتفصلو عليها والو يصحابلها غادي يبوسها فشنايفها حنا وباسها فعنقها بوسة خفيفة نورسين تبورشات و فالوقت داتو تلفات و حشمات 

نورسين: جبل شنو كدير؟ 

جبل هز راسو و شاف فيها 

جبل: عنقك كلو كيبان ياك قلتلك لبسي مزيان شوفي الجو شحال بارد واش باغا تسطيني 

نورسين بدات كتحك درعانها حيت جاها البرد و شتا بدات تجهاد 

نورسين: ما كانش كيصحابلي غادي نلقا هاد البرد كامل 

جبل قرب ليها و عضها فنيفها غير بشوية وضحك 

جبل: وانا اش كندير هنا 

مشا لطوموبيلتو و هز منها مونطو شراه ليها فاش كان جاي فطريق عرفها غادي تجي بشي حاجة خفيفة هزو و خرج و لبسوا ليها بيدو و مرر يدو على خدها 

نورسين: ما تقوليش شريتيه فاش كنتي جاي لا نتا بزاف حق الله *دورات وجهها *ما بانليش يعقوب و سلمى 

جبل : راهم فجنب كيصورونا 

نورسين دورات وجهها جنب عاد شافتهم وهوما يخبعوا الكاميرا و ابتاسمو ليها بحال ما دايرين والو 

نورسين: واش هادو هبال 

جبل: على سلامة عاد عرفتيها *قبطلها فيديها * ما سوقناش حنا فيهم 

جرها موراه و حل ليها الباب و طلعات و سد الباب و مشا جلس فمكان القيادة و ديمارا و زاد 

نورسين: فين غانمشيو 

جبل:*شاف فيها واحد الشوفة خطيرة و عض على شنايفو * كيفاش فين غانمشيو ؟ بطبيعة الحال غادي نمشيو لاوطيل ما باغاش ترتاحي أ ملاكي * هز يديها باسها و بقا حطها على قلبو * 

نورسين : *صرطات ريقها و طلعات معهاها صهدة و بدات تكح* ياك كل واحد و الشومبر ديالو 

جبل :*شاف فيها غير جنب و ضحك* انا و ياك مزوجين حشومة نخسروا الفلوس و كل واحد ناخدولو شومبر بوحدو نتي بلاصتك حدا راجلك 

نورسين كتحس بالخطر قرب 

نورسين: اش بانلك نتساراو فاسبانيا كيقولو عليها زوينة بزااف 

جبل :*باس ليها يديها * اسبانيا زوينة بالليل ماشي بنهار ودابا نتي خاصك ترتاحي احبيبتي 

نورسين بدات كتنشنش بيديها جاها صهد 

نورسين: واقيلة بحال كاين صهد شوية 

جبل ابتاسم حتى بانتلو ضرسة د العقل 

جبل: انا بعدا ما كنحسش بصهد بغيتي نشعل ليك الكليما 

نورسين : لا شكرا بغيت نسولك واحد السؤال 

جبل: عندك شي أسئلة غير الله يحفظ مع الله يستر 

نورسين دارت يديها على فمها و بقات كضحك 

نورسين: هههه لا والله حتى كظلمني بغيت نقولك من فوقاش و نتا كتبغيني 

جبل حبس اللوطو حدا الاوطيل 

جبل:*غمزها* دابا تعرفي كلشي *قرب ليها و حيد ليها السمطة و باسها فراسها و فعينيها غير بشوية وحط يدو على خدها و هدر بصوت حنين * انا ما غادي نبزز عليك حتى شي حاجة نهار تكوني مستعدة انا معاك ديما اهم حاجة عندي هي تكوني مرتاحة 

نورسين حطات يديها على خدو 

نورسين : وحتى نتا راحتك عندي اولى من راحتي 

دور و جهو وباس ليها يديها اللي حاطة على خدو وابتاسم ليها 

جبل: الله يرضي على بنتي

هبط من اللوطو و مشا حل ليها الباب و ابتاسمت ليه و فرحانة حيت كاينة حداه شدلها فيديها و دخلو لداك الاوطيل اللي كان كبير قدو قداش جري فيه الخيل نورسين بقات غير حالة فمها فيه بغا يطلع فالاسانسور و هي تشدلو فيدو و بدات ترعد جبل حط يدو على خدها 

جبل:ملاكي كضرك شي حاجة 

نورسين:ما كنبغيش نطلع فيه كتشدني الخلعة من داك نهار اللي وقع لينا مشكل 

جبل تعصب و حس بتأنيب ضمير حيت هو سبابها حتى ولات عندها فوبيا من الاسانسور حاول يتهدن و جرها عندو حتى ضربات فصدرو 

جبل: سمعني أ عمري اتا معاك نا تخافي حتى من حاجة ما غادي يوقع والو ياك كثيقي بيا 

نورسين حركات راسها بالايجاب 

جبل هزها لعندو ما بين يديه هي بقات غير كتشوف فيه بحال ضربتيها بتصرفيقة جبل ضغط على زر اللي كيكون حدا اللسانسور تحل و هو يدخل نورسين بدات تفركلو فيدو 

نورسين:جبل عفاك لا عفاااك 

تسد الاسانسور و بدات كلها كترعد غير هي و عظامها 

نورسين: اهئ اهئ جبل غادي يمشي يوقف 

جبل هز ليها راسها لعندو و عينيه مركزين فشنايفها و حنا عندها و باسها بوسة طويييييلة باش تهدن و باش يخليها تنسا و داكشي اللي كان فعلا ترخات بين يديه و حطات يديها على شعرو و انغامسو فقبلة فالمصعد تحل الاسانسور وهو يحل عينو جبل لقا ناس واقفين كيشوفو فيهم و كيضحكو اما واحد نورسين ولات كي مطيشة حشمات جبل خنزر فيهم و خرج 

نورسين: جبل صافي نزلني 

جبل :*حط نيفو على نيفها *والا ما بغيتش 

نورسين:واش انت احمق 

جبل : علاه شكون اللي محمقاني من غيرك 

وصل لغرفة ديالو و جبد لاكارط دوزها و تحل الباب و دخل زدح الباب برجلو نورسين صافي هنا حسات بان ساعة الحسم قد دقت بدات كلها كترجف حطها من فوق الناموسية و بغا يلعب ليها على الاعصاب شوية كيعجبوا ينشط عليها حطها و طلع من فوق منها و شاف فيها شوفة خطيرة و حيد المونطو لاحو مم فوق الفوتوي و بدا كيفسخ الازرار د القاميجة غير بشوية 

نورسين العرق بدا يتصبب منها و كتحول عينيها يمين شمال 

نورسين:*صرطات ريقها * احم جبل شنو كدير 

جبل: ياك قلتي كاين صهد ما نحيدش حوايجي 

نورسين : لالالا والله حتى كاين الموت دالبرد لبس حوايجك لا يفرعك البرد 

جبل:*بابتسامة* مالك متوترة 

نورسين: * ابتاسمت ابتاسمة صفرا* انا متوترة ههه لا غير جاب ليك بالك 

جبل فتح الازرار ديال قاميجتو كاملة و لاحها فالارض 

نورسين حطات يديها على وجهها مخبية عينيها 

نورسين:مازال ما مستاعدة لداكشي اللي فبالك جمع حوايجك الله يرضي على ولدي راه غير الحمق اللي كسلوح حوايجو وانت تبارك الله عليك بعقلك ماشي ديال هادشي 

جبل ناض من فوق منها و شداتو الهيستيرية ديال ضحك و دار يدو على فمو و اليد لوخرا على جنبو 

جبل: هههه عجبني تفكيرك صراحة انا غير باغي ندخل ندوش 

نورسين حيدات يديها على وجهها اللي ولا كي مطيشة خنزرات فيه ووقفات قدامو و حيدات مونطوها لاحتو 

نورسين: جالس كتفلا عليا حرام عليك انا خايفة غير انا و عظامي 

جبل حط صبعو على خدها و كيدورو على شكل دائرة 

جبل: ما عندكش مناش تخافي 

نورسين: نتوما رجال كيجيكوم داكشي ساهل حنا العيالات مساكن اللي كنتعدبوا

جبل ابتاسم ليها و باس ليها راسها و شدها من يديها و مشا لبلاكار جبد منو واحد العباية فالغرونة مع شال فنفس اللون 

جبل:لبسي هادو 

نورسين: وعلاش ؟ 

جبل: سمعي الهدرة احبيبتي ولبسيهم الله يرضي عليك *ضرب راسو غير بشوية * قبل ما تلبسيهوم دخلي الحمام و توضاي 

نورسين : يعني عوال عليا هاد نهار و انا مازال ... 

جبل حط يدو على فمها غير بشوية 

جبل: شوووت قولي اعود بالله من شيطان رجيم و ديري داكشي اللي قلت ليك 

داكشي اللي دارت نورسين دخلات للحمام و توضات و خرجات عندو و مد ليها العباية و شال و باس على رتسها 

جبل: الله يرضي عليك 

دخل حتى هو للحمام توضا و خرج عندها و لبس قميجتو و جبد جوج صلايات مزيونين عندو فالماريو و فرشهوم فالارض 

جبل: اجي معايا 

جلسوا من فوق الناموسية 

جبل: انا عارفك ما كتصليش ياك 

نورسين حنات راسها حشمانة و ما راضاتش و حاسة بدنب كبير حيت ديما كتبدا صلاة و تقطعها 

جبل: هزي راسك شوفي فيا بنتي انا نا كتحنيش راسها ديما خاص راسك يبقا مرفوع 

هزات عينيها وشافت فيه و قبطلها فيديها بقوة وقال 

جبل: أنـا عارف انك ااصلا مخنوقة و معصبة انك ماكاتصليش و ماكرهتيش تحافظي على الصلاة ديالك و اكبر دليل انك دابا مزال كتسمعيني ف الداخل ديالك نتي انسانة طيبة و كتبغي الله 😊 الحمد لله ضميرك مزال حي و كيعذبك.... حيث كاين بالزااف ديال الناس ماكايصليوش و مكايفكروش حتا ف الموضوع بالنسبة ليهم الامر عااادي و نتي العكس لأنك انسانة كتبغي الله، لأنك انسانة مزيانة و ماكرهتيش تتبدلي ماكرهتيش تقربي من الله اكثر..... غادي نسولك واحد السؤال، حنا علاش كانصليو ؟ غادي تقولي لان الصلاة فرض و ربي امرنا بيها وااخا انا معاك هذا سبب ولكن عمرك فكرتي فيها ب طريقة أخرى؟؟؟ شوفي .. الواحد ملي كايصمم شي آلة ولا ماكينة .. و هاد الالة تنزلت ف شي مصنع، و هو كل نهار كايجي 5 د المرات يجلس يصلح ف هاد الالة و يصلح الاغلاط لي فيها، و يتابع كلشي عليها، هاد الآلة غادي تتخسر؟؟؟؟ أكيد لا و حتى اذا خسرت شكون اكثر واحد غادي يكون فاهم فيها؟؟؟ اكيد لـي صممها ياك؟ و هو لي غادي يعاود يصلحها ولله المثل الاعلى .. هـو ربي كايعيط علينا 5 مـرات علاااش ؟ واش كايحساب ليك ان الصلاة ديالك غادي تزيد من ملك الله شي حاجة؟؟ و عدم الصلاة غادي ينقص شي حاجة من الملك دياله سبحانه و تعالى؟؟؟ .. لا والله الله عزوجل كايعرض عليك الصلاة 5 مـرات فالنهار باش يصلحك لانه تبارك و تعالى ملي كايكون قدامك ف الصلاة النور ديالو عزوجل كايوصلك، فكايطهر الروح ديالك و قلبك و النور ديالوا غادي يعاونك على الدنيا، اذن علاش تحرمي راسك من نوره عزوجل ..؟؟ شنو هي هاد الحاجة من الحوايج ديال الدنيا اللي تسوى نور من الانوار ديال الله عزوجل ..؟؟ يعني ملي الاذان يقول الله اكبر  <3 ربي كايعيطلك كايقولك: اجي بغيتك توقفي قدامي، بغيت نشوفك شنو محتاجة و نعطيك، و بغيت نشوفك ساجدة بين يديا و كاتقولي " يـارب" ونقولك لبيك عبدي ملي الاذان كاياذن الشيطان كايوقف قدامك و كايقولك ( يا أنا يـا ربك، يا تتسجيب لـ ندائي يا تسجيب لـ نداء ربـك تخيل معايا راسك يوم القيامة و نتي واقفة قدام الله عز وجل و جاب هاد اللحظة: ملي الاذان أذن و الشيطـان وقف قدامك و قـالك يا أنا يـاربك، و سمعتي الكلام ديال الشيطان، كيفاش غادي يكون المنظر ديالك قدام الله؟؟؟ شنو غادي تقولي ليه ديك الساعة؟؟؟ الله رزقك الصحة باش تقدري تصلي و غيرك كان محروم منها رزقتك الدار اللي تصلي فيها رزقتك الماء اللي تتوضاي بيه و ايلا ماعندكش الصحة صلي و نتي جالسة و اياا مالقيتيش الماء باش تتوضاي تيممي ربي سهل لك كل شي باش تقدري تصلي، باش يشوفك و تهضري معاه و تطلبي منو داكشي لي بغبتي ولكن نتي بخلتي عليه 

نورسين كتسمع لهدرتو بتمعن كبير و كتبكي حيت عارفة راسها مقصرة بزاف من جيهة اللي خلقها عنقها عندو و باسلها راسها 

جبل: اتا قلتلك هاد الهدرة ماشي باش نبكيك انا باغيك ديما تكوني فالقمة اولا مع الله سبحانه و تعالى بغيتك تقربي منو و تولي تصلي بغيت انشاء الله فاش نموتو نتلاقاو فجنة فهمتيني يالله مسحي دموعك و نوضي نصليو حتى انا كندير اخطاء و كلنا عندنا دنوب ولكن الحمد الله ربي غفور رحيم 

نورسين عنقاتو وقالت 

نورسين: شكرا 

جبل :*ظوز يدو على شعرها* هادا واجب والا ما فقهتكش انا شكون غادي يفقهك نتي راك بنتي قبل ماتكوني حبيبتي 

ناض جبل و قام الصلاة و بدا يقرا القرآن بصوت رائع جدا ونورسين مخشعة معاه عجبها صوتو و قلبها فرحان عرفات بلي ربي بصح كيبغيها منين حط قدامها مثل هاد الشخص دعات ربي من قلبها باش ما يحرمهاش منو و باش يبقاو ديما مع بعضياتهم سالا الصلاة و هز كفوفو لسما و قال بصوت خشن و جميل فنفس الوقت 

جبل: اللهم اجعلني لزوجتي أباً في الحنان، وأخاً في الطاعة، واجعلها لي أماً في الحنان، وأختاً في الطاعة. اللهم حببني إلى قلب زوجتي وجمّلني في عينها، واجعلنا هداة مهتدين ومن عبادك الصالحين. اللهم إني أسألك أن تجعلني دائماً نوراً في عين زوجتي، وأن ترزقني حبها، وأن تعصم قلبها من الآثام والذنوب.

دار عندها لقاها كتبكي حل ليها درعانو و قربات ليها و تمخششات فيه كتبان كي بنت و باباها ماشي كزوج و زوجتو 

نورسين: كنبغيك بزااااااف 

جبل بعد عليها و ابتاسم ليها 

جبل: انا كنبغيك بواحد الطريقة اللي يقدر عقلك ما يستوعبهاش *باس ليها راسها ووقف و مد ليها يدو * 

هي حيدات العباية وشال و حطاتو من فوق الناموسية بقات فير بسوفيطمة د سماطي وشورط قصير حد الفخاض ديال تجينز 

جبل هزها و حطها من فوق الناموسية و بقا مركز فشنايفها مدة وقال 

جبل: لا تجاديليني في حقوقي بك أنتِ لي و انتهى 

قال هاد الجملة و طار على شنيفاتها وحتى هي جراتو عندها و حشات يديها فشعرو كانو عايشين فعالمهم الخاص عالم نشوة و الغرام عالم توحدوا فيه أجسادهم و قلبهوم و فهاد اللحظة نورسين ولات رسميا زوجة جبل الابراهيمي نورسين ترفعات و تخدرات و جبل اكثر منها هادي هي اللحظة اللي كان كينتاضر من زمان نورسين تولي ديالو و ملكو ويبصمها باسمو وداكشي اللي كان حسات نورسين بشي حاجة قاصحة داخلة فيها حشات ضفارها فضهرو و شهقات بقوة الالم 

نورسين: أيييي 

جبل سكتها بقبلة نساتها فألمها كامل وباس ليها راسها 

جبل : سمحيلي أحبيبتي دابا نتي دياااااالي بوووحدي و اللي شاف فيك كيسني على موتو بيدو 

ابتاسمت ليه نورسين و حطات شفايفها على شفايفو غير بشوية 

نورسين: من نهار تزاديت وانا ملكك أ روحي ولا نقولك دبدوبي ❤❤❤❤ 

حيدات نورسين الشال و العباية و بقات بسروال اللي كانت لابسة فالغوز مع سوفيطمة د سماطي فالكحل من لتحت دارت عندو لقاتو ساهي فيها و كيضحك و قال بهمس و عض على شنايفو 

جبل:دبدوبي❤❤❤ 

نورسين طلقات شعرها و حنات عندو 

نورسين: هيهو جبيلو فين مشيتي سبحان الله 

جبل بقا كيشوف فيها ما قال حتى كلمة غير عينيه اللي كيعبرو على شنو كاين عندو لداخل فقلبو كيحس براسو ضعيف أمامها ممكن العشق يدير فيه هاد الحالة كاملة قلبو كيضرب بجهد و عضلات يدو كيتشنجوا و العرق كيتصبب منو مامصدقش بلي دابا هي حداه و غاتولي مرتو روحا و جسدا من بعد ألم الحب و العشق اللي دوز عشرين عام و هو كيتعدب عشرين عام ماشي ساهلة كان كيشوف نورسين حلم مستحييل و تحقق عينيه حمارو و هو كيشوف فيها نزلات دمعة من عينو بلا ما يحس حيت بالنسبة ليه نورسين بمثابة دعاء و تحققلو بمثابة جوهرة نادرة حصل عليها هو بوحدو اللي عارف قيمتها مالقا مايقول فقط ديك دمعة اللي نزلات عبرات على مدى فرحتو بيها 《 يقولون بأن اولئك الرجال الدين تدمع أعينهم من العشق هنيئا لفتاة رزقت بأحدهم 》 نورسين بقات كتشوف فيه و مسحات ديك دمعة بصبعها 

نورسين:جبل مالك أحبيبي 

جبل شاف فيها مدة و حط راسو على صدرها وهي مررات يديها على شعرو 《 وان ضاقت بك يوما فأحضاني دائما ستشعرك بالأمان في الحب انا أمك و انتَ طفلي المدلل》 قال جبل بهمس وهو بين أحضانها

جبل: كيقولو بلي كل واحد عندو نصف الثاني ديالو و من ديما كنت مقتنع بهاد الهدرة ولكن نتي أملاكي خليتيني نآمن بلي نتي نصفي الاول بلا بيك انا ما نقدرش نعيش ديما كندعي ربي باش ما نتفارقش عليك حيت بصح وليت مدمن عليك بحال شي مخدر او حلم جميل ما كتبغيش تفيق منو كتباني ليا فكل بلاصة غير كنغمض عيني كنتخايلك لابسة فستان أبيض انتي أجمل ما خلق الله سبحانه و تعالى جمالك فتان نتي جمعتي الجمال اللي كاين فنساء العالم انا بصح انسان محظوظ اللي بغيتيني و قبلتي تكوني مراتي كل نهار كنفكر شنو درت باش ربي يرزقني بملاك بحالك شكون نتي و شنو درتي فيا أنتي # ملاكي الطاهر ما تخلينيش *حشا راسو فصدرها و ضمها ليه بقوة * كنترجاك انا بحال داك طفل صغير اللي الا مشات ماماه ما يقدرش يعيش انا بلا بيك جسد بلا روح انا بلا بيك غير ظلام فظلام كنترجاك ما تخلينيش 

نورسين : *باستلو راسو * انا ديما غنبقا معاك حتى نكبروا انا وياك ويولي شعرنا بيض بجوج بينا * دوزات يديها على لحيتو* غادي نبقا معاك حتى تولي هاد لحية بيضة و غادي نبقا معاك حتى نوليو نشربوا سيرو د الكحة بجوج غادي نبقا معاك حتى يولي ضهري محني و نبقا نمشي بالعكاز و ديما غانسولك واش مزال كتبغيني وانت غادي تقولي اكيد كنحماق عليك أشارفة ديالي ههه غادي نبقا معاك حتى يوليو حفايدنا يجيو يسولونا على كيفاش تلاقينا و نعاودولهم أدق التفاصيل كيفاش حتى تلاقينا و كيفاش حتى بغينا بعضياتنا * شبكت يديها مع يدو و تنهدات وقالت* ما أجمل الانتظار حين تكون نهايته أنتْ❤❤❤ 

جبل بعد عليها و باسها بوسه حنينة فشفايفها وهزها من الارض بين أحضانو ووقف و هي دورات يديها على عنقو و دار جبينو على جبينها و بقا غادي بيها حتى وصل لباب لغرفة و حلو وخرج و بقا غادي بيها 

نورسين: أش كدير فين غاديين 

جبل:*دار فيها شوفة خطيرة * فين غاديين فنظرك 

طلع فالاسانسور و تسد وبقات نورسين غير كتشوف و قلبها كيضرب بجهد و كتصرط فريقها و بدات كترعد فيديه 

جبل: *بابتسامة * مالك كترعدي غادي تسخفي ياك صلاة و صليناها ياك دعيت معاك باش ربي يحفظك ليا *عضهامن نيفها * اوا بقا لينا غير الخطوة الموالية 

نورسين:*كتحك فنفيها * احم علاه هادشي فيه الخطوات 

جبل: اوا شنو يصحابليك *غمزها * الخطوة جاية هي أهم خطوة 

نورسين ضربات طم و تحشات فصدرو و كتنفس بصعوبة جبل عارفها مخلوعة كيدوز يدو على شعرها برفق و كيقرا عليها القرآن باش تهدن تحل الاسانسور و خرجوا منو ووقف حدا واحد الشومبر بابها أحمرو مكتوب فيه بدهبي J❤N 

جبد لكارط من جيبو و دوزها فواحد اللعيبة و تحل الباب وبقات نورسين غير حالة فمها فداكشي اللي شافت نزلها جبل و دخلات دارت يديها على فمها و دموع فعينيها كان جناح رااائع الورد الاحمر منثور فالارض و ناموسية كبيرة دايرين فيها قليب بالورد مكتوب فيه te amo *أحبك❤* و النفاخات على شكل قليب معلقين فالسقف و من فوق الناموسية مكتوب فالحيط 

* أتسمحين لي أن أمتلكك روحا و جسدا * قراتها و دموع فعينيها دورات وجهها لقات الجناح كيطل على البحر اللي اول مرة كتشوفو منظر رومانسي بامتياز مشات كطل وحاس براسها فرحاانة بزاااف كأنها ملكات دنيا بين يديها دورات وجهها لعندو و دموع كيبريو فعينيها هادشي كانت كتشوفو غير فالافلام و الروايات و دابا كتعيشوا مع الرجل اللي كتحماق عليه جبل ابتاسم ليها و طلق ليها درعانو و مشات كتجري لعندو عنقاتو و تعلات فيه بحال شي بريهشة دورات رجليها على ضهرو بقوة اللي فرحانة و حشات وجهها فعنقو و دموع من عينيها نازلين شلال جبل دوز يدو على شعرها بحنان 

جبل: فرحانة معايا أحبيبتي

نورسين بعدات عليه و عينيها عامرين دموع ووجهها حمر و نيفها كدلك 

نورسين: *كتنخصص بالبكا * واش هادا سؤال نتا راه الجنة ديالي كي بغيتيني ما نفرحش و نتا معايا قلبي عرف الحب معاك و سعادة معاك شفتي نتا راك الفرحة شخصيا *باستو فعنقو حتى تبورش * كنعشقك ماشي غير كنبغيك 

جبل ابتاسم ليها و حطها فالارض و جبد بواط من جيبو و حلها و جبد منها سنسلة مكتوب فيها J❤N مصممة بطريقة جميلة و رائعة سنسلة من الدهب الخالص شفتها نورسين و حوالو عينيها كتحماق على لكادو للي كيجبليها بقات كتضحك ركبها ليها و باسها فعنقها 

جبل: ما عمرك تحيديها من عنقك *باسلها راسها * بصحتك 

نورسين : شكرا على اهتمامك و شكرا على كلشي درتيه على قبلي شكرا حيت ديما واقف فجنبي 

جبل عنقها عندو بجهد و حاس بقلبو كيضرب و حنا باس ليها عنقها بوسات خفاف حتى تبورشات كاملة و زيرات على ضهرو جبل ابتاسم حيت عرفها بحالو حتى هي نقطة ضعف عندها فالعنق قال بصوت همس 

جبل: المهمة ديالي الاولى ديما نخليك فرحانة و المهمة ديالي ثانية ديما نفششك حيت نتي بنتي و المهمة ديالي ثالثة ديما نتوحشك واخا تكوني قريبة ليا المهمة ديالي رابعة نسيك هموم دنيا كاملة و أعظم وأروع مهمة عندي هي نبقا ديما نبغيك كل نهار بطريقة جديدة أروحي 

نورسين بعدات عليه و بقات كضحك و كتشوف فيه و كتلعب فلحيتو 

جبل:*تنهد* ارحميني راه ما بقيتش قادر 

نورسين:*حنات على ودنو * اليوم انا ديالك ولكن تسناني دقيقة و نجي 

مشات نورسين كطير دخلت للحمام و حطات راسها على الباب كتصرفق فراسها 

نورسين:دابا واش بصح غادي تكون بيناتنا علاقة رسمية ياربي دوز كلشي على خير و بخير 

حسات بشي حاجة رطبة معلقة فالباب دورات وجهها لقات شوميز دو نوي فالحمر دساتان سميطات و مشبكة من صدر هزاتها و ضربات على حناكها 

نورسين: وناااري العفريت موجد كلشي عوال عليا *كتعض فضفارها * اميمتي شنو ندير دابا 

تفكرات الهدرة ديال أم سلمى 

🔙🔙 فلاشباك 

سعيدة: سمعيني مزيان شنو غادي نقولك كني لحلاحة عرفي تخدمي لسانك و أنوثتك أصاحبتي تهلاي فراسك عنداك تمشي تشري دوك البيجامات طوال وتبقاي بيهم فدار فاش تكوني معاه ابنتي لبسي غير كسيوات قصار و ديري الماكياج د الفريع ياك شفتي ابنتي انا مازال كنشري الحوايج و لي شوميز دو نوي بحال عاد عروسة جديدة وهاهو عدنان وا كيبقى غير حال فمو فيا يكدب عليك الكداب اللي يقولك العلاقات زوجية كتولي باردة مع مرور الوقت ابنتي المراة هي اللي منها كولشي خاصها ديما تخلق السعادة فدار و تعرف كيفاش تجدد حياتها مع راجلها انا كنقولك هاد الهدرة حيت بنتيلي سطلة فهادشي ديال زواج 

🔚🔚🔚🔚 رجوع 

نورسين شافت وجهها فالمراية 

نورسين: خاصك تقزدري أبنتي هادشي ماواكلش هاد الحشمة ديالي غادي تخرج عليا *هبطات عينيها لقات المايكاب و العطور و الكريمات كاع شنو تحتاج * اربي واش كنحلم ولا فالواقع بشااخ لالا هو موجد كلشي بلعاني داك جبيلو طلع شويطين مع راسو هههه بسم الله توكلنا على الله 

حيدات حوايجها و لبسات داك شوميز دو نوي فالحمر و لقات عكار احمر دارتو لشنيفاتها جاها واااعر و دارت ماسكارا و طلقات شعرها و شافت راسها فالمراية و طلعات نفس و عاود هبطاتها و حلات الباب غير بشوية 

جبل كان واقف كيطل من البالكون فاش سمعها حلات الباب دور وجهو لعندها جات عينيه فعينيها نيشان الوقت توقف فهاد اللحظة بالنسبة ليه ما حس براسو حتى وصل لعندها و هزها من الارض و طار على شنيفاتها بقوة حتى خنقها دورات رجليها على خصرو و بقا غادي بيها حتى وصلها لناموسية و جا من فوق منها و بعد عليها خلاها ترد نفس و حشا راسو فعنقها كيبوسها بوسات خفاف حتى كيحس بيها كتهز من فوق الناموسية بعد عليها وشاف فيها مدة و باسها فعينيها غير بشوية و قال 

جبل: عيناك لم تخلق لتحزن بل خُلقت لتُعشق *باسها فعويناتها * عيناك بحر بهما أغرق 

نورسين تزيزنات و كتحس بداتها سخونة و العرق كيتصبب منها و قلبها كيضرب بجهد قرب جبل لوجهها و باس شنيفاتها غير بشوية من الفوق و قال 

جبل:عندما تغارين علي أحس بقبلات تصادم شفتاي وتهمس ل قلبي انت لي يا هذا. 

نورسين :*كتمرر يديها على لحيتو * واعدني عمرك تشوف فشي وحدة من غيري 

جبل: *كيمرر يدو على كتافها بلطف* انتي تجمعوا فيك نساء الكون ما تقنعنيش وحدة غيرك * قطع ليها ديك الكسوة و نورسين بقات كتشوف فيه و ضحك و بدات كتفتح أزرار القاميجة ديالو حتى حيداتها ولاحتها و مررات يديها على عضلاتو حتى غمض عينو منتشي لاقصى درجة هز يديها و بقا هابط كيبوس فيها حتى كتزير عليه و كتغرز ضفارها فضهرو 

نورسين: *بدلع*جبل 

جبل هز عينو شاف فيها و عينيه نايمين و معسلين 

جبل: ااااه غنموت و الله *كيدوز يدو من فوق سرتها *

حطات يديها على لحيتو 

نورسين: علاش ؟ 

جبل: عاودي قولي سميتي عفااك سميتي شحال زوينة وهي خارجة من فمك ااااه غادي نحماق 

رجع خشا راسو فعنقها كيوزع قبلات هنا و لهيه و يداعب فيها حتى ترخات بين يديه لماساتو خدراتها و نساتها اسمها ومع كل قبلة كيقولها شعر فشكل حتى كيبقى قلبها ينبض بجهد ستسلمات ليه و خلاتو يمتلكها بجموح ويحس بالاكتمال و هي بين يديه و فأحضانو ويعيش معاها اول ليلة اللي كتعتابر أروع ليلة فحياتهم بجوج هي ليلة كيتحادو فيها الارواح و القلوب قبل الاجساد عاش معاها الانحراف فالحلال وبدون قيود وكمل طقوس رجولتو حتى بصم و ختم جسدها باسمو و امتالكو فاق من بحر شهواتو و رغباتو و غريزتو فاش سمعها كتنين بإسمو 

نورسين:جبل اييي كضرني اهئ اهئ 

جبل باس ليها راسها 

جبل: صافي سالينا أ الحب 

ناض من فوق منها و تكا جنب و عنقها عندو جنب و كيبوس فيها حتى ترخات و نعسات 

جبل كيدوز يدوعلى شعرها و كيضحك 

جبل: *بابتسامة كيهدر مع راسو *ابنتي سوفل عندك والو خاصك تعلمي سباحة باش تربي سوفل ما كنشبعش منك *باس ليها يديها * 

ناض من فوق الفراش بانلو دم دعدريتها و ابتاسم و حيد داك ليزار خباه فالماريو و هزها سخفانة حطها فالدوش كان البينوار عامر بالما دافي و الورد حطاه فيه و هي ضربها الفيقة و توكضات 

نورسين ولا وجهها احمر كي ماطيشة 

نورسين:جبل * غطات و جهها بين يديها * 

جبل ضحك عليها عارفها انسانة خجولة خصوصا من مور هادشي اللي وقع بيناتهم 

جبل حنا عندها و حيد ليها يديها من على وجهها 

جبل: سمعيني نقولك واحد الحاجة انا وياك مزوجين ياك و هادشي عادي كيوقع مابين راجل و مرتو فعلاش غادي تحشمي 

نورسين: و دابا خرج خليني ندوش راسي 

جبل ما بغاش يحرجها باس ليها راسها وخرج يدوش حتى هو 

بعد مرور ساعة تقريبا خرجات نورسين لابسة البينوار ولاوية على راسها الفوطة و كضحك و فرحانة كلما تفكرات شنو وقع هزات حوايجها باش جات لبساتهوم مابانلهاش جبل و بقات كتعيط لو 

نورسين: جبييلو فينك 

تحل الباب د الحمام لاخور و خرج منو جبل لابس قاميجة فزيتي لاصقة على عضلاتو جاتو طوب مع سروال كحل و ريحة عطرو سابقاه جا كيحمق نورسين بقات غير حالة فمها فيه وقف عليها و باسها ففمها غير بشوية 

جبل: بصحتك أملاكي 

نورسين:* بابتسامة* بصحتك حتى نتا 

جبل جرها ليه حتى لصقات على صدرو 

جبل: نتي ديالي بوحدي اللي قرب ليك نحي اصلو من دنيا *حط جبهتو على جبهتها * وليتي ديالي روحا و جسدا *حط يدو على قلبها * هدا خاصو ينبض بسميتي *باس يديها* كتحسي احبيبة بشي حريق ولاوالو 

نورسين حركات راسها بنفي 

نورسين: لا عادي غير كيخلعونا على والو هو شوية كيكون الالم ولكن غير دوشت ارتاحيت 

جبل ابتاسم حتى بانولو الغمازات اللي عندو فوجهو و سنينات مستفين بويض كيحمقو نورسين سهات فيه وهو يغمزها 

جبل: *بابتسامة * راه انا حاولت عليك بزاف *عضها فعنقها * مابغيتش نقصح الحبيبة ديالي و ملاكي كنعجبك ياك 

نورسين:*حنات على ودنو و كتهدر غير بشوية * غادي نقولك واحد السر كتبان زوييين بزاف فاش كضحك داكشي علاش كيعجبني تبقا معصب ما باغية حتى وحدة تفتن بيك * تعلات على صبيعاتها وباستو فخدو* 

جبل: شي نهار غادي تقتليني بهاد الهدرة الحلوة بحالك

نورسين: * بحزن * علاش لابس و مقاد بحال عوال تخرج 

جبل: *شاف فساعة ديالو * هادي الخمسة د العشية ومع العشرة غادي يكون الافتتاح أروحي ضروري خاصني نمشي باعتباري صاحب شركة خاصني نشوف واش كولشي هو هاداك باش ما يوقع حتى خطأ 

نورسين: *بحزن* وغادي تخليني بوحدي 

جبل: الا بغيتي تمشي معايا يالاه 

نورسين : واخا 

بغات تزيد وهي تحس بالحريق وبحال ضو ضربها لتحت 

نورسين: أييي 

جبل مشا بسرعة شدلها فيديها و باينة فيه مخلوع عليها 

جبل: نورسين باش كتحسي 

نورسين: كيضرني هنا *حطات يديها على المنطقة الحساسة 🤫🤫* 

جبل هزها من الارض و مشا حطها فوق الناموسية غير بشوية 

جبل:*باس ليها راسها * حيت مزال الجرح جديد داكشي علاش *غمزها * دابا تولفي أ العمر 

*دوز يدو على شعرها لقاه فازك * علاش ما نشفتيش شعرك 

نورسين: نشفتو بالفوطة 

جبل ناض من فوق السرير و مشا للحمام جبد منو السوشوار و خرج عندها برونشاه مع البريز 

جبل: واش باغا تحمقيني واش باغا تمرضي 

نورسين: *دارت فيه شوفة خطيرة* الا مرضت نتا داويني أحبيبي 

جبل ابتاسم ليها 

جبل: اجي أبنتي اجي 

نورسين قالت بدلع 

نورسين: ماقاداش نوض *مداتلو يديها كي شي بريهيشة * هزني أحبيبي 

جبل :*دوز يدو على لحيتو و الابتسامة ما فارقاتش وجهو * والله ما كدبت منلي قلت ليك نتي بنتي وانا باباك 

قرب ليها و هي كتضحك هزها من فوق السرير و باسها ففمها وقال بهمس 

جبل: ولفتي الفشوش 

نورسين: *كتلعب فلحيتو * كنتفشش غير عليك نتا أ الكبيدة ديالي ههه 

جبل حطها من فوق الكرسي وشعل السيشوار و بدا كينشف ليها شعرها 

نورسين:*كتهدر بالغوات باش يسمعها* جبييلو 

حبس السوشوار و حنى عندها 

جبل:نعام 

نورسين: فيا جوع 

جبل حط السوشوار و مشا جاب ليها الشوكولا كانت محطوطة فوق لطابل و عطاهالها 

جبل: هاكي كولي والا ماشبعتيش نقولهم يجيبولك الماكلة أبرهوشتي 

نورسين بقات كتصفق بيديها كيف شي طفلة 

نورسين: ناري الشوكولا شفتي نتا ما منكش زوج باركة عليا غير الشوكولا اش بغيت بشي ماكلة *حطات البلاطو من فوق الركابيه وبدات تاكلو حنى عندها و هزلها راسها * 

جبل: وانا ما دوقينيش 

نورسين هزات وحدة و عطاتهالو 

نورسين: يالاه حل فمك هاك 

جبل:ماشي هاكا كيتكال الشوكولا 

قرب ليها ولحس داك الشكلاط لي كان فجنب فمها و كملها ليها ببوسة حتى عضها عاد رخا منها 

نورسين:اححح قصحتيني حرام عليك 

جبل: *بابتسامة* انا غير كليت الشكلاط الحقيقي اما هادا غير مزور 

رجع شعل السيشوار وكمل ليها شعرها حتى نشفوا ليها و حطوا و دار ليها ضفيرة بحال اللي كتعجب سارة 

نورسين حطات يديها على شعرها حسات بضفيرة و ناضت شافت راسها فالمراية عجباتها بزاااف لا حمقااااتها 

نورسين: واااعرة *دارت شافت فيه* واش نتا كلشي كتعرف ليه 

جبل: عجباتك 

نورسين: بزااف اجي بعدا نتا شكون اللي علملك هاد ضفيرة انا اللي بنت ما كنعرفش ندير بحالها *وقفات حداه و جات اونفاص ليه* 

جبل شاف فيها مدة و مشا حل البالكون و بقا واقف كيشوف البحر و ساهي فيه نورسين مشات كتجري لعندو و حطات يديها على كتفو و بدا يدخلها شك 

نورسين: كنتي كتعرف شي وحدة ياك هي اللي كانت كديرها و علماتهالك ياك * تغرغروا عينيها بدموع * غير قول الحقيقة شكون هادي 

جبل عينيه حمارو و عضلات يدو تشنجوا عليه وبدا كيطلع النفس بصعوبة حيت فكراتو فالماضي بل أكثر من هادا فكراتو فانسانة عزيزة عليه بزاااف اللي هي الام ديالو اللي ما عمرو شافها ما عمروا عرف عليها حتى حاجة الام ديالو اللي هز دنب ديال وفاتها طفولتو كاملة الام اللي ماشمش ريحتها و ماداقش من حليبها و ما عاودلهاش شنو ضرو الام اللي ماكنتش معاه فاول خطوة خطاها و فاول كلمة قالها وفاول سنينة بانتلو 

تغرغروا عينيه بدموع و دور وجهو مابغاش يشوف فيها 

نورسين :*حطات يديها على كتفو* واش كنتي كتبغيها 

جبل: بزاااف 

نورسين جمد ليها الما فالركابي وقالت بغصة فقلبها 

نورسين: *بالغوات* شكوووون هي هااااااادي شكووووون اهئ اهئ 

دورها عندو و حطا راسو على صدرها ودور يدو على خصرها وقال بصوت حزين 

جبل: الام ديالي اللي كان كيعجبها دير هاد ضفيرة المربية ديالي هي اللي علمتها لي حيت انا اللي طلبتها منها بغيت تبقا لي شي حاجة تفكرني بيها واخا حاجة بسيطة ولكن انا كتعنيلي بزاااف د الحوايج 

نورسين دوزات يديها على شعرو نوضاتو من عندها وشافت ليه فعينيه 

نورسين : الله يرحمها الام شي حاجة كبيرة فدنيا ما كتعوضش حتى انا توحشتها بزااف اهئ اهئ 

جبل مسح ليها دموعها بشوية 

جبل: كنواعدك غادي تشوفيها قريبا وجبل الا قال الكلمة ما كيخلفش بيها اجي ندخلو راه غادي يفرعك البرد 

دخلها لداخل و سد الباب 

جبل:*كيشوف فالساعة*خاصني نمشي دابا 

نورسين: ما باغكش تمشي ما عرفتش علاش عندي إحساس خايب *حطات راسها على صدرو و دورات يديها على ضهرو* خليك معايا عفااااك عرفتي عندي واحد الفكرة *حشات يديها فجيبها و جبدات تيليفونها * اش بانلك نطلقوا شي حاجة رومانسية 

جبل باسلها يديها 

جبل: حتى انا باغي ندوز معاك اطول فترة ممكنة 

دخلات نورسين ليوتيب و دارت الاغنية ديال دوزي 《حبيب الروح》 كتسطا عليها نورسين وهي اغنية رومانسية ملائمة لهاد اللحظة اغنية ملخصة قصة عشقهم بامتياز اغنية كلماتها كيحس بيهم جبل كيحكيو عليه حيت كتحكي على ألم الحب من طرف واحد و معاناتو شبك يديه فيديها و حط يدو الاخرى على خصرها و كيتحركوا بانسجام على ألحان أغنية 《حبيب الروح》 

🎵🎵🎵🎵🎵🎵 🎵🎵

عذبتني آنا.. سهرتني آه.. والشوق ما اقواه ياويلي ياويل

من قلبي اهواك.. وان قلت بأنساك.. ودي انا بلقياك

عذبتنى ضيعتنى خليتنى اسهر ما انام

يكفى كفا وين الوفاء؟؟ 

ليش الجفاء والله حراام؟؟؟

احب حبيبا يحب عذابى.. فهل كان حظى عذاب الحبيب

سأشكوه ربى وابدى عتابي

فيا رب هون عذاب الحبيب

متى يا حبيبب تحس بناري وتطفى اللهيب؟

انا فى هواك احن اليك ...رجوت لقاك حرام عليك

سهرت الليالى وانت فى بالى فيا رب هون عذاب الحبيب

حبيب الروح كفانا جروح

وداري دموعي وقلبي ينوح

متى يا حبيب

متى يا حبيب

كفى لا تغيب

🎶🎶🎶🎶🎶🎶🎶🎶🎶

سالات الاغنية ونورسين حطات راسها على صدرو و بدات تبكي و تشهق قلبها ما مهنيهاش *زيرات عليه بيديه* .جبل حس بيها كتبكي هز ليها راسها بصباعانو باش تبانلو 

جبل: علاش هاد الدموع 

نورسين: ما عرفتش علاش قلبي كيضرني ما باغاكش تمشي مازال ماشبعت منك ومن ريحتك ومن صوتك ومن دلالك 

جبل: غادي نرجع عندك أ القطيطة ديالي هادا غير شيطان اللي كيجيبلك هادشي لبالك *حط شنايفو على شنايفها وباسها برفق وبعد وشاف فيها * بغيت بنيتة تكون كتشبهلك أحياتي فعويناتك *باس ليها عينيها *و فنيفك *باسلها نيفها * وفشعرك المبوكل وفتفاصيلك كلها واهم حاجة برائتك و عفويتك اللي ما كاينش بحالها 

نورسين: ولكن انا بغيت وليد يكون كيشبهلك 

جبل قربها ليه أكثر وحط صبعو الكبير على حلمة صدرها حتى بورشها 

جبل: توتوتو انا بغيت بنت الولد ما عندوش الحق يرضع منك 

نورسين حسات بيه حمق فهاداللحظة 

نورسين: لا واش كدوي من نيتك 

جبل: كنهدر من نيتي الا كان ولد غادي نشريلو الحليب من الفارمسي انا بغيت بنت وديما كندعي تكون عندي بنت منك *باس ليها كتفها * خاصني نمشي 

دار ومشا رش العطر ديالو و هي تهزو وبقات تشم فيه ورشات منو دارتو فحوايجها بقات تشمشم فيه 

جبل: شنو كديري 

نورسين: كنرش عطرك باش نتدكرك ونتا غايب 

جبل: ماشي هاكاك كيدار العطر 

هزو ورشو على حوايجو و قرب ليها و عنقها عندو بقوة وقال 

جبل:*بابتسامة* هاكا كيدار خاصني نمشي دابا 

بعد عليها و مسحلها الدمعة من عينيها 

جبل: تهلاي فراسك على قبلي عفاك 

نورسين باستو فخدو و حطات يديها على خدودو 

نورسين: كنبغيييك 

جبل: وانا أكثر 

عم الصمت بيناتهم و كيشوفو فبعضياتهم عطاها بضهر ومشا حل الباب وهي تعيطلو بجهد 

نورسين: جبببببل 

دار عندها جبل و عينيه حومر حاس بقلبو كيضرو بزاف و حتى هي كدلك ربما لحظة وداع ربما من موراها ما غايعودوش يتلقاو شكون عرف الاقدار شنو مخبية ليهم ولكن شنو هو سبب اللي غادي يفرق اجمل العشاق #جبل نورسين 

جبل: نعام أروح جبل و حياتو كاملة 

نورسين صيفطاتلو بوسة فالهوا جبل ابتاسم ليها وعطاها بضهر و مشا بخطوات مسرعة وهي سدات الباب و تكات عليه كتمسح دموعها 

نورسين: كلشي غايكون مزيان أنورسين 

دخلات نورسين لداخل وجبدات تيليفونها و دخلات لانستغرام وبقات طالعة هابطة فالتصاور وهي طيح عليها فكرة كتبت سمية جبل فالبحث وهو يطلع ليها داير تصاورو بقات كضحك و كتبوس فيهم كيف شي هبيلةبقات هابطة هابطة ولكن ما كونش تصاور بزاف قلالين ولكن آخر تصويرة ما عجباتهاش كان جالس هو و كاميليا فواحد الريسطو و مصورين و مبتاسم ليها وحتى كاميليا كتضحك و باينين فرحانين نورسين حسات بقلبها تقبض عليها ما كرهاتش تنوض تشخشخ داك التيليفون ما انتابهاتش بلي تاريخ ديال الصورة قديم بزااف فاش شافت فوق تصويرة لقات مكتوبة l'espagne (اسبانيا) نورسين حسات بالعرق هابط معاها و جنون طلعولها فهادلحظة خبطات التيليفون من فوق السرير وناضت وقفات حدا البالكون تستنشق الهوا شوية على الله تبرد 

نورسين: تهدني هوما ماكانت بيناتهم حتى علاقة هي غير بنت خالو وهو ولد عمتها و انتهى لا اقل و لا اكثر اكيد غادي يكونو غير اصدقاء شهيق زفير *طلعات نفس و عاودت هبطاتو* ومشات جلسات فوق الناموسية و هزات تيليفونها خرجات من البروفيل ديالو بقات طالعة هابطة حتى طلعات ليها واحد الصورة ما خافياش عليها شهقات و تصدمات فاش شافت صورة د أنور 

نورسين: اواااااه حتى استاد أنور عندو تصاور بشاااخ 

دخلات لبروفايل ديالو و هي طيح فتصاورو بزااااف بقات هابطة هابطة حتى تصدمات عاود فاش لقاتو مصور مع كاميليا بنيس دخلات لصورة و بقات تكبر فيها 

نورسين: واش هاد خيتي كتعرف كلشي *ضربات راسها 

بغباء* اكيد هو مايكاب ارتيست و كاميليا حتى هي اكيد غادي يكون زملاء عمل وانا مالي من هادشي كامل نمشي نهدرمع ربيعوو هههه 

دخلات نورسين لجيهة د الميساجات وهي تطرطق عينيها على وسعهم 

نورسين: ميساج من انور لا والله حتى بزاف هاد نهار 

لقاتو مسيفط ليها 《سلام 》دخلات جاوباتو 《وعليكم السلام》 وهو يصيفط ليهاميساج فالبلاصة 《 نتي بخير》 نورسين 《حمد الله ا موسيو انور وانت》 انور《 حمد الله واش ممكن تعطيني نمرتك بغيت نهدر معاك بخصوص شي حاجة فالمعهد 》 نورسين 《 انا ما حافظاش نمرتي صيفطهالي نتا و نعيط ليك 》 داكشي اللي دارأنور صيفط ليها نمرتو و عيطاتلو 

نورسين: وي موسيو أنور 

انور: نورسين لابس علي قالولي هاد نهار ما مشيتيش للمعهد ياك لابس 

نورسين: لا مسافرة لاسبانيا 

انور: شفتي على صدفة حتى انا كاين هنا 

نورسين:مزيان 

انور:جيتي بوحدك ولا مع راجلك 

نورسين: بطبيعة الحال مع راجلي قالي جبل بلي قدمتي الاستقالة ديالك واش كاين شي مشكل ؟ 

انور: ما بغيت نخبي عليك والو زوج ديالك هو سبب فالخروج ديالي من المعهد هو اللي قطع لي رزقي حضي راسك منو ا نورسين هو ماشي بديك ضرافة اللي كيبين ليك نتي بحال صديقة ديالي وخايف عليك منو 

نورسين: *بصدمة*كيفااااش؟؟ 

انور: انا مشغول دابا من بعد ونعيط ليك 

قطع عليها و خلاها مصدومة مشوكية مشات جلسات من فوق الناموسية و هدرتو كتكرر فودنيها و كتحرك راسها يمين شمال و ناضت بقات غادة جاية فالبيت و كتعض فضفارها كي الحمقة 

نورسين: لالا اكيد كاين شي خطأ فالموضوع جبل ما يقدرش يقطع رزق واحد أخور جبل ما كيآدي حتى نملة اكيد غير كيكدب *كتعض فضفارها * جبيلو ديالي ضريف بزاااف جبل ملاك اه اه ما يمكنش واصلن علاش غادي يخرجوا من الخدمة ما يمكنش *مشات جلسات و حطات يديها على راسها * غادي نحماق بقوة التفكير اووف 

سمعات دقان فالباب و مشات حلات الباب لقات كاميليا واقفة فالباب و عينيها منفوخين بالبكا و باينة فيها عيااانة بزاف تحت عينيها كحل وجهها زرق بحال شي حد عاطيها دقة د العصا لابسة جاكيطة د الكوير و سروال كحل مع صباط د طالون 

نورسين: كاميليا

على اثر هاد الكلمة الاخيرة طاحت على كتفها وبدات تبكي و تشهق و عينيهاعامرين حقد و كره علم الله شنو مخبية فقلبها و اينا خطة موجدة ليها و اكيد كاميليا معروفة بدكائها و تحراميات اللي فيها ما كاينينش فابليس ما كدير الخطوة حتى كدرسها مزياااان من جميع نواحي والا دارت الحاجة فراسها توصل ليها توصل ليها 

كاميليا: عاونيني اختي الله يرحم ليك الواليدين اهئ اهئ 

نورسين بطيبوبة اللي فيها و برائتها و قلبها الابيض بقات فيها بزااف واخا مزال ما عارفاش علاش جات عندها غير من حالتها باينة عندها مشكل شنو هو الله اعلم جراتها نورسين معاها لداخل و كاميليا حاطة راسها على نورسين و نورسين معنقاها جنب 

نورسين: اجي معايا تهدني 

جلساتها فوق الناموسية و مشات نورسين تجيب ليها تشرب كاميليا هزات راسها شافت البيت كي مزين وفيه الورد دورات وجهها لقات عبارة 《 أتسمحين لي ان أمتلكك روحا و جسدا 》عرفات بلي جبل نعس مع نورسين زاااادت تجننات و داتها بدات كترعد غير هي وراسها الحقد زاد عما عينيها كتشوف بلي نورسين دات بلاصتها هي اللي خاصها تكون فهاد البيت و مع جبل اللي كانت كتمنى غير يبوسها شي نهار ما عمرو داها حتى فيها نورسين باش احسن منها ياك هي اجمل منها ياك هي عندها طاية واعرة عليها ما كرهاتش تنوض تشخشخ داكشي كامل و تشعل فيه العافية علاش ماشي هي ؟؟؟هادشي اللي كيقولها عقلها الحسد عما عينيها 

♤♤♤♤♤♤♤♤ 

يقول الله عزوجل 《 ومن شر حسد إدا حسد》 الحسد ليس خرافة ولا وساوس أمهات ولو لم يكن ضارا لما إستعاد منه رسولنا صلى الله عليه و سلم فأحذران تكون سبابا في أذية الناس وتدكر دائما أن حتى أحلامك لها حساد فأنظرالى قول الله عزوجل 《 لا تقصص رؤياك على إخوتك فيكيدوا لك كيدا 》 

♤♤♤♤♤♤♤♤♤

جابت ليها نورسين كاس د الما و عطات ليها تشربو هبطات عليه و عطاتو ليها و حطاتو فوق الطبلة و مشات نورسين جابت كرسي و جلسات مقابلة معاها 

نورسين: كاميليا مالك أختي واش عندك شي مشكل *مدات ليها كلينيكس باش تمسح دموعها * 

كاميليا شدات ليها فيديها 

كاميليا : اهئ اهئ صراحة انا جيت نقولك ردي بالك نتي عايشة مع أكبر وحش اهئ اهئ 

نورسين : اش كتخربقي إينا وحش 

كاميليا : اهئ اهئ جبل 

نورسين ضربات الوقفة و صرفقاتها و بدات كتغوت عليها 

نورسين: نووووووووضي خرجي عليااااا نووووووضي هاداك اللي كتقولي عليه وحش راه راااااجلي أبنادمة بزاااااف عليك يكون جبل وحش ماكااااينش شي وحش قدك نتي نيت يااااالاه نوضي خرجي 

نورسين جراتها من كتفها و هي تطيح كاميليا لارض و شدات ليها فرجليها 

كاميليا : اهئ اهئ غير سمعيني عفااااك اعتابريني ختك و سمعي ليا بعدا و حكمي انا حاااملة و عياانة ما تكمليش عليا اهئ اهئ

نورسين غير سمعاتها حاملة جمد ليها الما فركابي تفكرات صورة اللي شافت فالانستغرام ديال جبل مع كاميليا ضاحكين نورسين حسات بدنيا كدوخ بيها و كتحاول تبعد الفكرة ديال انها تكون حاملة منو ما يمكنش بعدات عليها و مشات جلسات نورسين من فوق السرير مرفوعة و دموع محجرين ليها فعينيها و شدات على راسها و قالت بالغوات 

نورسين: دوووووووي خلاااااص 

كاميليا ابتاسمت بشر عرفت بلي الخطة بدات تنجح ليها مشات جلسات حداها كاميليا و دموع تماسيح فعينيها 

كاميليا: اهئ اهئ انا كيفما كتعرفي جبل ولد عمتي تربينا من صغر مع بعضياتنا اهئ اهئ وكنت كنبغيه و كنحماااق عليه اهئ اهئ و حتى هو كان كيبغيني حتى جا نهار اللي تقدملي و خطبني من عند واليديا 

نورسين هنا تصمكات ولات كتحس بدوخة شاداها اش هاد الهدرة كتقول هادي واش بصح كتهدر على جبل ولا واحد أخور 

كاميليا: والا ما تيقتينيش غادي نوريك تصاور 

جبدات كاميليا التيليفون من جيبها و بدات توريها تصاورها مع جبل كانو ضاحكين و فرحانين نورسين شهقات و دموع محجرين ليها فعينيها دماغها مابغاش يستوعب هادشي ولكن ها هوما دلائل حدا عينيها بدات كتحرك راسها يمين شمال و حطات يديها على ودنيها و كتردد بفمها 

نورسين: ما يمكنش ما يمكنش 

كاميليا : كنا كانبغيو بعضياتنا لواحد الدرجة كبيرة كان مغرقني بلي كادو و الكلام الحلو و شي بعض المرات كان كيكتب شعر على ودي وكان كيفششني بحال شي طفلة صغيرة انا تقت بيه و تزوجت بيه تصوري هداني نهار زواجنا رانج روفر فالاحمر 

نورسين هزات عينيها فيها وشافت فيها يعني داكشي كولو اللي كيدير معاها كان كيديروا حتى مع كاميليا كيفاش هادشي حاسة براسها غادي ينفاجر و دموع من عينيها نازلين شلال و قلبها كيضرها بقوة قالت 

نورسين: ك...م...ل...ي (كملي)

كاميليا : اهئ اهئ دوزنا ليلتنا الاولى ولغد ليه جبل تحول 360 ودرجة ولا كيضربني و كيغوت عليا اهئ اهئ تصوري الماكلة كان قاطعها عليا و مع دلك كنت كنبغيه اهئ اهئ وواحد نهار اكتاشفت بلي هو عندو مرض نفسي كيعجبو يتزوج بالمرأة و يعدبها اهئ اهئ هو اللي كان صارحني بهاد المرض و قالهالي اهئ اهئ ما طلقني حتى عدبني و دوز عليا الجحيم شي حوايج ما تقدريش تصوريهم اهئ اهئ قالي عمرك تحلمي تفرقي عليا اهئ اهئ انا دخلت فأكتئاب حاد وليت غير سادة عليا فالبيت اهئ اهئ وليت كنتعاطا لمخدرات و شراب غير باش نسا داكشي اللي دوز عليا اهئ اهئ عقلتي على نهار اللي شفتيني معاه فالعمارة هو اللي كان جا عندي و داني معاه وعاملني كيف شي عاهرة اهئ اهئ ما خلا ما دارلي اهئ اهئ ومن بعد إكتاشفت بلي انا حاملة منو 

نورسين تزيزنات و دموع هابطين من عينيها و ساهية فنقطة وحدة ولات كيف شي جسد بلا روح غير كتسمع شنو كتقولها 

كاميليا :والبارح عيطت ليه قلتلو بلي انا حاملة والا ما تيقتينيش هاكي شوفي *جبدات تصوار ديال البيبي و حطاتها ليها فيديها * هاكي شوفي اهئ اهئ 

نورسين هبطات عينيها و شافت دوك تصاور و دموع من عينيها نازلين شلال ما كتهدر ماكتكلم 

كاميليا: جا عندي البارح بليل حتى لهنا و قالي ديري الاجهاض ولكن انا مابغيتش وشوفي شنو دارلي *حيدات جاكيط ديال الكوير اللي كانت لابسة نورسين دورات وجهها شافت فيها و هي تشهق كانت يديها عامرين ضرابي بالموس و اسم جبل محفور فداتها نورسيين بدات كتدوز صبعانها على سميتو و كتبتاسم كتصرف كيف شي هبيلة 

كاميليا: اهئ اهئ هو اللي دارلي هادشي البارح قالي الا ما بغيتيش تطيحي هادشي اللي فكرشك كلما شفتي سميتي فيديك غادي تفكريكاع شنو دوزت عليك وغادي تجهضي الولد بسيف عليك اهئ اهئ وانا ما بغيتش اهئ قالي الا ما بغيتيش غادي نقتلك 

نورسين هزات عينيها شافت فيها 

نورسين :*كتحرك راسها يمين شمال* اهئ اهئ هادشي كدوووب كدووووب اهئ اهئ 

كاميليا شدات ليها فيديها 

كاميليا : انا قلتلك بلي هو وحش اهئ اهئ ما كيعرفش رحمة فلول كيبانلك كيف شي ملاك ولكن تيقيني من بعد غادي يولي يتعامل معاك بقسوة اهئ اهئ وغادي يكرهك فحياتك ثيقي بيا انا باغا ليك الخير حيت عرفتو تزوج بيك و حتى نتي غادي يدوز عليك نفس هادشي اللي دوز عليا و انتي بحال ختي صغيرة و انا خايفةعليك ما بغيتكش تأدايا اهئ اهى هو راه مجرم و قتال منين كان صغير فعمرو عشر سنين قتل عمو اهئ اهئ

نورسين :كيفاااش اش هاااااادشي كتقولي ماااايمكنش جبل ما كيآديييش هاااادشي كدووووب اهئ اهئ 

كاميليا : هادشي بامكانك تسوليه عليه بنفسك و تأكدي منو هو قتال خطير و كيآدي ناس تصوري واحد صديق ديالي مشا عندو لدارو و هددو بالفردي 

نورسين طاحت لارض و كلها كترعد حاسة بدنيا كتدور بيها 

نورسين: نتي كدابة 

كاميليا جبدات الفيديو لي عندها فاش مشا جبل لعند أنور لدار و هز عليه الفردي و عطاتو ليها ما فيهش صوت 

نورسين شافت بصح جبل هاز الفردي على أنور ار جمد ليها الما فالركابي يعني هادشي كولو اللي كتقولها كاميليا صحيح و ما فيه حتى غلط يعني جبل ماشي ملاك طلع شيطان كيدعي عليها البراءة و هو اكبر مخادع نورسين كتحس بداتها كلها كترعد و كطلع نفس بصعوبة ما بقاتش قادرة تستحمل كاتحس براسها كيعطيها حريق فضيييع 

كاميليا : عفاك أختي تهدني و سمعي هادشي اللي غادي نقولك باباك تشلل بسبب جبل 

نورسين هنا بحال ضربتيها بتصرفيقة خلاتها كدور فبلاصتها مية دورة بحال كبيتي عليها سطل د الما بارد اش هاد الاخبار و الصدمات اللي طاحو عليها دقة وحدة 

نورسين :كيفاش بابا تشلل بسبب جبل اهئ اهئ اش هادشي كتقولي 

كاميليا : نهار العرس د ختك مانعرف شنو مشا قالهم و باباك ولا مشلول والا ما تيقتينيش *وراتها تصاور ديال باباها فسبيطار مشلول * 

نورسين كدوز يديها على صورة دبابها صافي هنا طلعوا ليها جنون و عينيها حمارو ما حسات براسها حتى سخفات فوق السرير و كاميليا عاجبها الحال منين قدرات توصل لداكشي اللي بغات عرفات بلي واخا تنطبق السما مع الارض عمرهاباقي تسمحلو ولا تشوف فيه بدات كترشها بالما حتى فاقت و عنقاتها عندها 

كاميليا :ما تخلعينيش عليك اختي اهئ اهئ 

نورسين ساهية كتشوف فنقطة وحدة ولات بحال جبدتيها من القبور و قالت بصوت همس 

نورسين:*صرطات ريقها * كيفاش وقع هادشي 

كاميليا : نهار عرس ختك قال شي حاجة لباباك حدا العائلة و طاح فقلب العرس شداتو أزمة قلبية و الحمد الله فاق منها و لكن لقاو عندو شلل الا بغيتي نوريك الفيديو ...

نورسين : مابغيتش باركة عليا غير هادشي وعلاش نتي كاينة فهاد الاوطيل 

كاميليا: البارح فاش جا عندي جابني لهنا اهئ اهئ ودار داكشي اللي عاودتلك عليه 

نورسين:*كتهدر بصعوبة *وكي درتي عرفتي بلي انا هنا 

كاميليا: البارح هو اللي قالي غادي يجيبك لهنا اهى اهئ وقالي غادي ندوز عليها نفس العداب ديالك من مور ما نعس معاها قالي هاهي ضحية جديدة اهئ اهئ ولكن انا بقيتي فيا اختي 

نورسين: عفاك خليني بوحدي 

كاميليا: عفااك ما تقوليلو حتى حاجة من هادشي اللي قلتلك راه غادي يقتلني 

نورسين: قلتلك عفاك بغيت نبقا بوحدي 

كاميليا ناضت لبسات جاكيط دالكوير ديالها و مشات سدات الباب و خرجات و جبدات التيليفون ديالها 

كاميليا : منال تبارك الله عليك داكشي كولو الللي قلتيلي صدق هو هداك عطيتيني معلومات نفعوني بزاااف فلوسك غادا يوصلوك لكونط

ردات التيليفون ديالها لجيبها و مشات 

عند نورسين 

مستلقية على سرير و كتشوف فنقطة وحدة احساس الخدلان احساس الخيانة احساس ديال انك طلعتي دمدومة الاحساس ديال انك تبغي شي حد بصدق و يطلع اكبر مريض و يآديليك عائلتك و من فوق هادشي قتال وعندو ولد من مرأة أخرى جميع هاد الاحاسيس كتحس بيهم نورسين فهاد اللحظة كتحس بقلبها غادي يخرج من بلاصتو شداتها الهيستيرية ديال البكا شحال قبيح تثيق فشي حد ثقة عمياء و يطلع يهودي مقطر حقا هو شعور كيحرق القلب فاش كاتعتقد أن ليك قيمة كبييرة في قلب شي شخص ثم يأتي موقف مضحك يخليك تضحك على سخافة ظن ديالك والمؤلم من هادا انك تألم على يد أشخاص عمرك بغيتيهم يحسوا ولو بدرة ألم كل شي يقدر يتنسى الا خيبة أصابت عمق الوريد 

نورسين شي ساعة و هي تبكي حتى نشفوا دموعها ناضت بتثاقل من فوق الفراش و مشات للحمام ووقفات حدا المراية طلقات الما ديال لافابو و بدات تضرب وجهها بالماء وكتغوت كيف شي مجنونة 

نورسين: واااااااااااااع لاااااااااااااااااااا 

هزات واحد القرعة هرسات ديك المراية و طاحت لارض كتبكي و شريط دكرياتها مع جبل كيتعاود حدا عينيها 

نورسين : كلشي كدوووووووب كلشييييي اهئ اهئ علاااااااااااااش أجبل علااااااااش *حطات راسها على الباب و كتفكر * 

🔙🔙🔙 فلاش باك 

جبل : هادا هو المشكل انا ما نقدرش نضربك نتمنى تقطع يدي قبل ما تحط على لحمك انا ماشي شماتة باش نهز يدي عليك انا ما عمري تعاملت معاك ببرود انا باغي نشوفك مسؤولة فحياتك و ماشي لي ضحك ليك فوجهك راه حبيبك خاصك تمشي فحياتك بهاد المبدأ أنورسين ماشي اللي عرا لك على نيابو راه كيضحك ليك راه يقدر يكون ديب باغي غير فوقاش ينهش لحمك انا قلبي ضعيف انورسين و الاعمار فيد الله تصوري شي نهار نموت و تبقاي بوحدك راه و الله حتى يلعبوا عليك العشرة انا باغيك توعاي انورسين 

جبل:انا كلما كنحاول نخليك مراة قوية و عندها مكانة فالمجتمع كاتجي نتي و ضربي كلشي فالزيرو علاش ما فهمتش واش باغا اللي جا يضحك عليك أنورسين نتي مازال عاد قلتي بسم الله فالدنيا نتي ما عارفاش دياب اللي كاينن فيها ما عارفة والو انورسين نتي قلبك بيض وهاد دياب هادشي اللي كيبغيو كلما لقاوك نية كيستغلوك و كينهشوا لحمك كي الوحوش ماشي لي ضحك ليك راه صاحبك لا انورسين خاصك تعلمي تغربلي من حياتك ناس اللي غادي يخرجوا عليك و يديوك للهاوية 

🔚🔚🔚 رجوع 

نورسين شداتها الهيستيرية ديال ضحك 

نورسين: هههههههههه من ديما كتقولي حضي راسك من الوحوش و الدياب و طلعتي نتا هو اكثر وحش كنكرررررررررررررررهك كنككككررررررهك 

دخلات لدوش و طلقات عليها الما بارد وبدات تحك فصحتها كيف شي حمقة و كتردد 

نورسين: كداااااااااب كداااااااب الله ياخد فيك الحق اهئ اهئ 

خرجات من دوش كلها كترعد و تزدحات من فوق الناموسية و جمعات رجليها عندها و تكمشات ولاو شنايفها زورق و شعرها فازك و كتشوف فنقطة وحدة وعلى فمها كلمة وحدة 

نورسين: كنكرهك 

سمعات دقان فالباب ناضت بتثاقل و حلات الباب لقات سلمى طارت عليها بتعنيقة 

سلمى : توحشتك أ الكلبة فين غابرة 

نورسين غير طالقة يديها ما بدلاتهاش العناق نهائيا دماغها مرفوع ولات كتكره كلشي نفسها ما بقاتش حاملاها ما بقات حاملة حتى واحد كرهات العالم بسباب شخص واحد اللي ماداير حتى حاجة فقط ضحية 

نورسين دورات وجهها و دخلات لداخل و تبعاتها سلمى 

سلمى: نورسين *دوراتها لعندها* مالك مال وجهك واش كنتي كتبكي جاااوبيني مال حوايجك فازكين 

نورسين شافت فيها بعينين دبلانين و مشات تكات فسرير حتى دموع نشفوا ما بقاوش كيهبطوا من عينيها 

سلمى: نورسين واش مريضة واش دار ليك شي حد شي حاجة 

نورسين شافت فيها 

نورسين: قلبي كيضرني بزاااف اختي اهئ اهئ ماكرهتش ربي يهزني عندو و نرتاح شنو درت فحياتي باش نتعدب حتى لهاد درجة 

سلمى عنقاتها 

سلمى: قولي اعود بالله من شيطان الرجيم واش جبل قالك شي حاجة 

نورسين: علاش جيتي عندي 

سلمى بعدات عليها و شافت فالبيت لقات الورد و كلشي زوين و هي تبدا تضحك 

سلمى: جيت باش نسولك على داكشي كي داز مع موسيو جبل هههه غادي يكون شبعك شعر و رومانسية انا اللي عارفاه ههه يا ختي سعداتك عقبة ليا حتى انا فرحت ليكم بزاااف 

نورسين ابتاسمت باستهزاء و بقات ساكتة و ساهية 

سلمى: نووورسين مالك اختي حالتك ما عجبانيش واقيلة نعيط لجبل يجي عندك 

نورسين: انا بخييير انا بخيييير ما تعيط لحد 

سلمى: واش اصاحبتي مازال ما وجدتي راسك راه الحفل قريب يبدا جبل هو اللي صيفطني عندك قالي سيري شوفي شنو خاصها و عرفتي يالالا شرا ليك واحد الكسوة و صيفطها باش تلبسيها مصممة ليك خصيصا مع المجوهرات داكشي كايحمق اجي معايا باش نوجدوا شنو خاص 

خرجوا من تماك و مشاو لغرفة فين كاينة سلمى و دخلو ونورسين مرفوعة ما كتهدرما كتكلم غير كتخمم 

سلمى: دخلي دوشي ورتاحي و انا غادي نصاوبليك كلشي 

نورسين حركات ليها راسها بالايجاب و دخلات للحمام وهي سلمى تجبد تيليفونها و دوزات نمرة لجبل 

سلمى: جبل واش نورسين مريضة 

جبل: لا علاش واش كتحس بشي حريق 

سلمى:لا غير سولتك وصافي ما كاين لاش تخلع عليها حيت فاش مشيت عندها لقيتها كتبكي 

جبل: يمكن تكون مقلقة مني حيت مشيت قبيلة المهم ما تخليهاش بوحدها و تهلاي فيها راه غير هي اللي عندي الله يرضي عليك

سلمى: يا خويا ما عندك مناش تخاف ونتوما كيف غادي داكشي عندكم 

جبل: كلشي مزيان ناس كلهم حاضرين و صحافة جات بقيتو غير نتوما فاش تسالي نورسين عيطي عليا نجي نجيبكم و كنقولها و نعاود تهلاي فالاميرة ديالي ويااااك أسلمى تكثري ليها المايكاب انتي المسؤولة 

سلمى:كن هاني 

قطعات سلمى و حطات التيليفون وفنفس الاثناء خرجات نورسين من الحمام باينة فيها مهمومة و كتقوي راسها بزز باش توقف حيت كتحس بدوخة وفاي لحظة تقدر تسخف 

سلمى:واش كتحسي براسك مزيان 

نورسين: قلتلك اناااااا بخييييير أسلمى 

سلمى: هاهي الكسوة اللي جابلك جبل *كتشير بصبعها لناموسية *طويلة و عريضة و فلون الاحمر و ستايل ديالها واعر تبينك إنسانة راقية 

نورسين: ما بغيتش نلبسها 

سلمى: راه جابها جبل ماشي اي واحد ومصممة خصيصا ليك واش كتحماقي عليا 

نورسين كتهدر بالغوات 

نورسين: ووومن بعد هاااااهو جاااابها هاد جبل شكووون بغا يكون فملك الله 

سلمى: نورسين رجوع الله واش كتهدري من نيتك 

نورسين : واش بنتلك كنتفلاااا ما غاديش نلبسهاااا 

سلمى: الا ما لبستيهاش غادي يبقا فيه الحال بزاااف حرام عليك 

نورسين:*تغرغروا عينيها بدموع *ما سوقيش عطيني نلبس اي حاجة الا هاد الكسوة 

سلمى: آخر هضرة عندك 

نورسين: اه ما كنتفلاش 

جبدات ليها سلمى واحد الكسوة زوينة سماطي وطويلة فالغوز و دارت ليها شعرها على شكل كو دشوفال ودارت ليها ما يكاب خفيف 

سلمى: غادي تندمي والله على هادشي اللي كديري حشومة عليك واخا تكوني مقلقة منو كيبقى جبل انسان ضريف وما يستهلش 

نورسين : من فوقاش وليتي نسيمة الحر وليتي دخلي بخيط بيض من هنا لفوق ما سوق حتى واااااحد فيا سمعتي حتى وااااحد واخا يكون هداااك اللي على بالك 

سلمى تصدمات من هدرتها 

سلمى: نورسين اش هاد الهدرة كتقولي نتي ماشي هاكا اش هاد الاسلوب د الهدرة باش وليتي كتهدري 

نورسين: هادي هي انا و ماسوق حتى واحد فيا 

سلمى بقات كتشوف فيها وناضت عيطات لجبل باش يجي يديهوم 

سلمى: يالاه نوضي نمشيو راه جبل غادي يجي يدينا 

نورسين:كن غير عيطتي ليعقوب 

تقدمات نورسين لامام و سالت دمعة من عينيها و تبعاتها سلمى كتشوف فيها كيفاش تبدلات دخلاها شك من تصرفاتها خرجوا لبر لقاو جبل واقف دور وجهوا جات عينو فعين نورسين مشا كيجري لعندها و جرها لعندو و باسها فخدها و هي ساهية فنقطة وحدة ما حاملاش تشوف وجهو بعدات عليه 

جبل : نورسين مالك ؟؟ 

نورسين هزات راسها شافت فيه و دموع محجرين فعينيها 

نورسين: شكوون نتا ما كنعرفكش 

جبل تصدم و تشوكا بقا غير كيشوف فيها شوية بقا كيضحك و حط يدو على خدودها بجوج و باسها من فمها غير بشوية 

جبل: انا حبيبك ما عرفتينيش اش هاد الهدرة كتقولي بغيتي تضحكي معايا ياك * باس ليها يديها و طلع فيها و هبط * ملاكي علاش ما لبستيش لبسة اللي جبت ليك *ضمها ليه بقوة *مازال مقلقة مني 

جرها من يديها و حل ليها الباب ديال اللوطو و طلعات و سلمى طلعات فالمقعد الخلفي دار جبل عند سلمى 

جبل: شكرا على اهتمامك بأميرتي 

نورسين دورات وجهها شافت فيه و الدموع نازلين من عينيها شلال كلما قال ليها شي كلمة قلبها كيضرب اكثر من اللول كيف غادي تقدر تنساه و تكرهوا و تبعد عليه ولكن فاش كتفكر شنو دار كتبغي تخوطر دورات وجهها لزاجة ما كتشوفش فيه ديمارا جبل و زاد هز يدين نورسين باسها و حطها على قلبو 

جبل: نورسين شوفي فيا 

نورسين كتحاول تحيد يديها من يدو و ما بغاتش تشوف فيه غير الدموع اللي هابطين من عينيها جبل قرصها فحنكها غير بشوية 

جبل: نطلق لملاكي الموسيقى امم باش ما تبقاش مني مني 

شعل الراديو وهي تطلق أغنية زادت تراقصات على أوجاع نورسين الاغنية الللي كتهدر على إحساسها فهاد اللحظة 

🎵🎵🎵🎵

عمري ظنيت أعز إنسان

يمشي ويبيع عشرة سنين

ظلم قلبي وخلاني ولهان

باعني رخيص وخداه غيري

عمري ظنيت أعز إنسان

يمشي ويبيع عشرة سنين

ظلم قلبي و خلاني ولهان

باعني رخيص وخداه غيري

كذب. كذب عليا و مابغاني مشاا

وخلا قلبو لي تاني بعيد

بعيد عليا خلاني

ياريت انا ماعرفتوش

تمنيت لو ما كنت بغيتوا في قلبي

أنا ما خبيتوا وعشت معاه

وشحال وريتو

دنيا معايا كيف تتعاش

وعلاش يا دنيا تبكينا

في هواك وتخلينا تدينا

مقهورين بسباب الغرام

عمرو الغرام حن علينا

وعلاش يا دنيا تبكينا

تدينا في هواك

بسباب الغرام وتخلينا مقهورين

عمرو الغرام حن علينا

كذب. كذب عليا و مابغاني مشاا

وخلا قلبو لي تاني بعيد

بعيد عليا و خلاني

يا ريت انا ماعرفتوش

تمنيت لو ما كنت بغيتوا في قلبي

أنا ما خبيتوا وعشت معاه

وشحال وريتو

(music) ... دنيا معاها كيف تتعاش

ما شي حرام عليك تنساني

وتمشي لتاني وتخلي قلبي وحيد

كل شي خسارة فيك قلبي خسارة فيك

كيف هنتك عليك انا مشيتي الله يهديك

كذب. كذب عليا و مابغاني مشاا

وخلا قلبو لي تاني بعيد

بعيد عليا خلاني

ياريت انا ماعرفتوش

تمنيت لو ما كنت بغيتوا في قلبي

أنا ما خبيتوا وعشت معاه

وشحال وريتو

دنيا معاها كيف تتعاش 

🎶🎶🎶🎶🎶🎶

وصلو لمكان الحفل و نزلات نورسين هي لولة ما باغاش تشوف وجهوا باغا غير تهرب دخلات كتجري سولات على مكان الحمام و دخلات غسلات وجهها مزيان و شافت راسها فالمرايا 

نورسين : كيف ندير نكرهو كيف ندييير اهئ اهئ كيف ندييير نساه كيف ندير اهئ اهئ ياربي شوف من حالي يا ربي اهئ اهئ كيف ندير نتخلا عليها وانا مازال ماشبعت منو 😭😭😭😭😭😭 كلشي طلع كدوووب حبوو ليا كدوووب عندو ولد اهئ اهئ وهو سبااااب فمرض بابا *طاحت لارض * ما نقدرش نبقااااا معاه اهئ اهئ 

💔💔💔💔💔 

هل جربت يوما ان تشعر بحرارة دمعك في قلبك عوضا ان يكون أثره على خديك ؟ هل جربت كيف تبدو صلبا جدا من الخارح بينما أنت تتهاوى بك الحياة من الداخل ؟ 

خرجات من الحمام و لقات سلمى واقفة كتساينها تخرج حيت صيفطها جبل باش تطمئن عليها 

سلمى: مالك أختي الله يعطيك مانويتي فخاطرك قوليلي مالك 

نورسين طاحت على كتافها كتبكي و تشهق 

نورسين: اللي تمنيت فخاطري عمري نلقاه اختي تمنيت نبقا قريب منو و لكن ما نقدرش اهئ اهئ آداني بزاااف و انا كنبقى غير بشر ضعييف اهئ اهئ عمرك جربتي ثيقي فشي حد ويطلع وحش اهئ اهئ ولكن نتي كتبغيه و كتحماقي عليه ما قدراش تخلاي عليه و ما قدراش تكر هيه ااااه غادي نحماق كنحس براسي كنموت اهئ اهئ 

بعدات عليها و دخلات لداخل لقات بزااف د ناس و الممثلين و المشهورين و صحافة كتصور نورسين حاسة براسها غادي طيح سمعات كلشي كيصفق هزات راسها و عينيها مضببين بدموع شافت جبل واقف فالمنصة و كلشي كيصفقلو جا عندها واحد النادل 

- لالا قالك موسيو جبل تفضلي تجلسي فالمكان المخصص ليك 

تقدم نادل و مشات معاه حتى داها لواحد الكرسي فالوسط جاي فالصف الامامي و جاي شكلو استثنائي كيف ديال الملوك جبل ابتاسم ليها و بدا كيلقي الخطاب ديالو فضل انو يهدر بالدارجة باش تفهم نورسين شنو بغا يقول و الحضور دايرين كلهم الكاسكات فودنيهم ديال الترجمة باش يفهموا اش كايقول كان جبل واقف بكل هيبتو و وسامتو لابس كوستيم فالاسود جد انيق لحيتو مقادة و شعرو متول قرب لميكروفون و بدا كيهدر بصوت خشن 

جبل: اولا كنرحب بالحضور اللي كاين هنا و كنشكركم حيت استاجبتو دعوة و جيتو باش تحضروا معايا فاسعد يوم فحياتي هاد نهار جد مميز حيت اليوم غادي نطلق الماركة جديدة ديالي اللي سميتها 《My angel *ملاكي 》 هاد الاسم عندو تأثير كبير فحياتي كنعشق و كنحماق على واحد الشخص اللي بلا بيه انا ما كنتش غادي نكون هنا كيفما كتلاحظوا المجموعة ديالي كلها مرسوم فيها اغصان شجرة ليلك تحت من هاد شجرة بضبط تلاقيت بملاكي اللي هي أكثر حاجة كندعي الله صباح و عشية باش ما يحرمنيش منها قصتنا غريبة بعض شيئ ولكن فريدة من نوعها كنفضل ما ندخلش فتفاصيل حيت عندي كتاب خاص عليها و قريب نشروا اللي غادي يحمل اسم 《 هوسي أنت يا حبيبتي 》 *شاف فنورسين اللي كتبكي بحرقة علاين تسخف * ملاكي كاينة معانا هنا اول انسانة و اخر انسانة بغيتها من اعماق قلبي ما كايناش شي بنت المراة اللي كتضاهيها فالجمال بالنسبة ليا انا ملاكي كيف شي لوحة مرسومة ملاكي اسم على مسمى هي كاملة ما فيهاش الخطأ * كيهدر و كيشوف فيها بحب * بزاف د ناس كتهدر على الحياة و السعادة و نعيمها ولكن السعادة ديالي هي نورسين تلاقينا بعضياتنا بطريقة مختلفة لقيت فيها حبيبتي صديقتي و الام ديالي هي الوحيدة اللي بغاتني لداتي بادلاتني الوفاءو الحب لقيتها في شدة قبل الرخاء لقيتها في الحزن قبل الفرح لقيتها فسقم قبل الهناء نورسين انسانة مختلفة استثنائية نورسين خجولة ولكن جريئة فنفس الوقت طيبة القلب ولكن متمردة فبعض الاحيان دكيةو بريئة فنفس الوقت انسانة هادئة اشياء بسيطة كتضحكها و اشياء بسيطة كتبكيها فعيني انا دائما غادي تبقى بنتي اللي ما كاينش شي حد فبرائتها و عفويتها 

نورسين باختصارهي ليست الانثى التي أقيس عليها معايير الجمال بل هي معايير الجمال التي أقيسه على الاناث وقدام هاد الحضور كامل بغيت نقولك شكرا ليك أملاكي حيت خليتي هاد القلب *اشار لصدرو * يتفتح لابتسامتك كنقولك شكراااا بزاااف من أعماق هاد القلب صغير فأعدريني ان قصرت في شكرك يا أميرتي

نورسين حسات بقلبها كيضرب بجهد و داتها كترعد و عينيها نازلين منهم دموع بغزارة وقفات و شافت فيه و مشات بغات تخرج جبل تعصب من ردة فعلها علاش باغا تزيد تعدبو واش دار ليها شي حاجة هو ما عارفهاش هبط من المنصة و كلشي وقف كيصفق على كلامو جبل مشا كيجري بغا يتبعها وهو يلمح شي راجل شاد ليها فيديها كيهضر معاها و جبد كارط فيها نمرتو و عطاهالها جبل شعلات العافية فصدرو و تعصب و العروق د يدو برزوا ما بقاش كيقشع قدامو كانت واحد القرعة دشراب محطوطة فوق الطبلة هزها و مشا تلاح عليه كي شي ثور هايج ضربوا بيها لراسو طاح داك راجل لارض و بقات دماياتو كتشرشر و نورسين شهقات و حطات يديها على فمها بقوة الصدمة نزل عليه جبل بالبوني و بركيل هو اصلن معصب خاصو غير فيمن يبرد غدايدو جات الصحافة كتصور و يعقوب مشا كيطير كيجرو من عليه وهو والو ولاو فيه عشرة وشعرو نزل على وجهو و العرق نازلو 

يعقوب: باااااااااااركة أجبل تهدن أصااااااااحبي 

جاو لكارد بغاو يفاكو يعقوب دار ليهم اشارة بيدة باش ما يقربوش 

يعقوب : جببببل راه صحااااافة كلشي كيصور أصاااااحبي تهدن باااااركة 

نورسين:باااااااارااااكة صاااااافي حبس اهئ اهئ غادي تقتلو 

ماوقف جبل حتى سمع صوت ديال نورسين عاد حبس وشاف فيها ناض وقف وقاد الفيستة ديالو وعطاه يعقوب كلينيكس مسح بيه يدو من الدم وبقا داك راجل طايح تما حتى جاو لكارد هزوه داوه قرباتلو نورسين و عينيها عامرين دموع وضرباتو فصدرو بيديها بجوج 

نورسين: نتاااااااااااا قتااااااااااال و مجرررررم ووووحش ندمت حيت بغيييييت واحد بحااااالك ما كيستاااااهلش ماااااااا كيستااااااهلش كنكرررررهك الله ياخد فييييك الحق اصللللن اش غاااااادي نستنا من واااااااحد قااااتل عمو منين كاااانت فعمرو عشررر سنين دابا غادي تكون وليييتي سفاااااح ياك 

جبل عينيه كيوساعو كلما كيسمع هضرتها عينيييه حماااااااارو و العروق ديدو برزوا عليه اكثر حتى كانت غتقطع ديك القميجة اللي لاصقة على صدرو و انفاسو تساااارعت و بدا كيحس بقلبو كينغزوا اما واحد يعقوب و سلمى بقاو غيرمصدومين جبل قرب ليها و شد فدرعانها بجوج 

جبل: أششش هااااااد الهدررة كتقوووولي أش هاااااااد الهدررررة أنورسين * كيمخضها بيدو * جاااااااااااوبيني اش هاااااااااااد الهدررررررة * طلق منها و دوز يدو على شعرها* شكووووون قالك هاااااادشي انااااااااا ماشي قتاااااال سمعتي انا ماشي قتااااااااال 

جرها معاه و داها لطوموبيل و زدح الباب بغات تخرج وهو يطلع و بلوكا الباب وديمارا وزاد بسرعة فائقة 

نورسين :نزلنييييييي نزلنييييييييييي و مابقييييييتش بغاااااااا نشووووووف وجهك وااااااش كتفهم 

جبل كيحرك راسو يمين شمال و داتو كلها كترعد بمجرد ما كيتفكر باغا تخلا عليه كيحس بقلبو غايوقف هز يديها كيبوسها كيف شي حمق 

جبل: نوووووورسين سكتي 

نورسين: ماااااااااغنسكتش ماااااااغنسكتش نزلنييييي ما بقيتش باااااغاااااا نشوف وجهك كررررررهتك و كررررررهت نهار اللي شفتتتتك فيه كنكرررررهك *كتفك يدومن يديها و هو مزير عليها ما باغيش يرخي منها * طللللللق مني طللللق منييييي ماااااتقيصنيش بيديييييك اهئ اهئ 

جبل: ملاااااكي انااااااا كتبغيني ياااااك غير كضحكي معاااايااااا يااااااك هادشي غير كدوووب يااااااك غير تمثييل يااااك أحبييييبة * بدا كيضحك بهيستيرية كيف شي حمق * ههههههههههههه قوليلي غير كضحكي معايا *طلق من يديها و بدا يضرب فالفولون ديال طوموبيل * قووووولي غير كضحكي قوووووليها 

نورسين : نتااااااا غير احمق و هبييييل انساااااان مرييييض سمعتييني وانا ما شي حمقة باش نبقااا مع وااااااااحد بحاااالك نزلنيييي غادي نمشي بحاااالي انااااااا وياااالاك سااااااليييينا واااا سااااالينا واش كتفهم 

جبل على إثر هاد الكلمة الاخيرة ضرب واحد الفران سيك حتى مشات طوموبيل و جات و نزل من طوموبيل و مشا حل ليها الباب و هزها و نورسين كتفركل فيديه كيف المجنونة 

نورسين : واااااااا بعد مني بعد اهئ اهئ 

جبل معنقها و ضامها بقوة حتى كانو ضلوعها غادي يتهرسو و كيبوس فوجهها كامل بهيستيرية 

جبل: ما تبقايش تضحكي معايا هاد الضحك الباسل * باسها ففمها * واش مزال مقلقة مني أحبيبة من قبيلة امم * باسها فعنقها * انا مشيت غير على ود الخدمة كنواعدك فين ما مشيت غادي نديك معايا من هنا لفوق ما غاديش نخلي بنتي تبقى بوحدها

نورسين كتبكي و كتفركل فيدو و كل بلاصة كيبوسها فيها كتمسحها بيديها جبل بقا غادي بيها حتى وصل لواحد الجردة عامرة بأشجار الليلك و طريق كلها مزينة بالورد و الاشجار مزينين ببولات صغار عاطيين لمكان رونق خاص و تحت من واحد الشجرة منقوش فيها ملاكي طاهر بواحد الخط واعر و تحت منها طبلة فيها مالد و طاب من الاكل نورسين غير شافت البللصة شهقات و دموع ما بغاوش يحبسو من عينيها 

نورسين : هبطنيييي هبطنيييي 

جبل : واخا ولكن ما تبقايش مقلقة مني أملاكي 

نزلها و هي دور تشوف فيه وعينيها حومر طاحت لارض و هزات راسها جات عينيها فعينو نيشان جبل نزل عندها و بقا كيمرر يدو على شعرها و حط راسها على صدرو 

جبل: صافي انا عارفك سمحتيلي بلا ما تكلمي بلا ما تهدري اناعارف ملاكي قلبها بيض * باس ليها يديها * هاد البلاصة صوبتها ليك وكتبتها ليك بسميتك شوفي شجر اللي كاين هنا كلو من نوع الليلك تحت من هاد شجرة بضبط تلاقينا عقلتي ياك كنتي لابسة فستان ابيض و طالقة شعرك المبوكل اللي كيحمقني ياك عقلتي أحبيبة كانت فعمرك خمس سنين كنتي جالسة كترسمي تحت من هاد شجرة بضبط كنتي مع ماماك وانا كنت مع طاتي ليلى انا ما كان حتى واحد كيبغي يلعب معايا ولكن نتي الوحيدة اللي بغيتي تلعبي معايا عقلتي ياك * شد وجهها بيدو و حط جبهتها على جبهتو * وقلتيلي انا غادي نكون ماماك ياك عقلتي قلتيلي ما عمري غادي نخليك عقلتي ياك فاش قلتيلي نتا دبدوبي ياك * نزلات دمعة من عينو * وانا قلت ليك ملاكي 

نورسين بعدات عليها ووقفات كتسوس فحوايجها و مسحات دموعها 

نورسين: *كتصفق بيديها * وااااو طلعتي مؤلف قصص مقنعة صراحة وااااااش نتا احمق ولا هبيييل واش يصحابلك غادي تأثر فيا بهاد الحجاية ديالك وااااش كادير هادشي كامل باش نثيق فيك نصيحة مني سير تعاااااالج حيت انت أكبر مرييييض شفتو فحياتي كلهاااااا داكشي اللي درتيه فيااااااا مااااااا عمري نسمحلك عليه واخا تديرلي اللي درتي سمعتي نتااااا سبااااااب فكلشي بسباااااابك تفرقت على عائلتي بسبااااااابك تخلاو عليا و مااااا خفي كان أعظم دوزت معااااااك وقيييتة زوينة ماااعرفتش صرااحة شكون اللي كان كيتسلى مع لاخور ضحكتي عليا و لعبتي بيا كيف بغيتي ما عندي ما يسالك الحاجة الوحيدة اللي غانقولك انا ثقت فيك و عطيتك قلبي وروحي اهئ اهئ كان كيصحابلي انا عايشة مع انسان ساعة صدقتي اكبر كداااب مخاااادع منااافق مرييض نفسي مجرم وأكبر وحشش ياااااا ريت كن مت و ما تلاقيتش بواحد بحالك منين دخلتي لحيااااتي وهي مرونة لعبتي عليا دور زوج صالح ياااك كنتي كتسنى دوز هاد الليلة و دوز عليا العداب كيفما دوزتيه على اللي قبل مني جاابلك ربي وحدة هبيلة بحالي دغيا تيقتاك الا كان كيصحابلك راسك بلي نجحتي باش تخدعني فما يصحابليكش انا غبية ولكن كنت كنثيق بيك لواحد الدرجة ما تخيلهاش 

جبل حاس بدنيا كدور بيه مع كل حرف كتقولو كيحس بلي قلبو غادي يوقف فأي لحظة و الغريب فالامر هو ماعرفش راسو حتى شنو دار ليها باش تقول ليه هادشي كامل شحال خايب فاش كيظلموك اعز ناس على قلبك هو عمرو أداها حتى بالهدرة ياك ماشافت منو غير الخير علاش تبدلات عليه حتى لهاد درجة تساقطوا دموع من عينو احساس الخدلان احساس ديال انك تكون كتبغي شي حد اكثر من نفسك و يجازيك فالتالي بهاد الكللم احساس ما كيعرفوا غير اللي مجربوا كيحس بقلبو بحال كيدخلوا فيه خنجر مسموم فاي لحظة يقدر يطيح مغمى عليه حاول يقوي نفسو ووقف من الارض و قرب ليها و جرها لعندو و حط جبهتو على جبهتها و دموع فعينو 

جبل: نورسين شنو درت ليك باش تقوليلي هاد الهدرة شنو درت ليك واش هادشي كامل حيت عرفتي انا قتلت عمي فاش كنت صغير واخا ما عارفش شكون الي قالك هاد الهدرة غادي نجبدوا من تحت الارض بغيتك تعرفي بلي انا ماشي مجرم و ماشي قتال و ماشي وحش كيفما كيصحابلك فاش كنت صغير دخلت لبيت لقيت عمي كيغتاصب المربية ديالي فاش بغيت نبعدوا عليها ما قدرتش وانا نضربوا بالموس انااااا مااااشي قتال * كيحرك راسو يمين شمال * حرااام عليك بغيت غير نعرف علاش تبدلتي حتى لها. درجة نتي ماشي نورسين اللي كنعرف علاش ما بقيتيش كثيقي فيا واش درت ليك شي حاجة ما عرفهاش واش آديتك فشي حاجة واش قلت شي كلمة جرحاتك وانا ما عارفش ياك قبيلة كنا مزيانين شنو وقعلكي ااااه نورسين قلبي كيضرني وحاس براسي غنموت ااااه أنورسين علاش كتعدبيني هاكا غير قوليلي شنو الخطأ اللي درت عفااااك وانا مستعد نصلحو

نورسين بعدات عليه و ضربات فصدرو 

نورسين : وحتى نتاااااا ماشي جبل اللي كنعرف حتى انا بغيت نعرف شكووون نتا شكوووون نتا كنتي كتقولي ديما ثيقي فيا اهئ اهئ وطلعتي أكبر ديب * كضرب فصدرو بصبعها * عرفتي شنو ولات الامنية ديالي و الهدف ديالي من هاد الحياة هو نتعلم نكرهك لغيت نكرهك كيفما بغيتك الكره سهل ولكن كيولي صعيب فاش كيتعلق الامر بيك نتا انت كيف داك المرض اللي كينتاشر بصحة و ما كيبقى حتى دوا نافع ليه من غير الا متي عاد كترتاح منو و انا هادشي اللي كنتمنى نتا كرهتيني فالحياة بسبابك ما بقيت كنثيق فحد علاااااش دخلتي لحيااااتي علااااش 

جبل حط صبعوا على فمها بمعنى سكتي 🤫🤫🤫

جبل:حتى لهاد الدرجة وليتي كتكرهنيني انورسين علاش كتآدي قلبي هو ما دار حتى حاجة غير انو بغاك وليتي كتمناي الموت بسبابي و المشكل انا ما عارفش حتى شنو درت * طاح لارض و دار يدو على هاد الشكل 🙏🙏🙏 و دموع نازلين من عينيه *كنترجاك أنورسين غير قوليلي شنو درت انا ما عارفش علاش وليتي كتعاملي معايا بهاد البرود كامل ووليتي كتكرهيني حتى لهاد الدرجة وانا ما عارفش اصلن شنو سر هاد الكره شنو درت انا من غير اني بغيتك اكثر من نفسي شنو درت من غير اني بغيتك اكثر من عشرين عام وانا كنتعدب باش فالتالي تجي و تقوليلي كنكرهك 

نورسين: اكبر انتقااام غادي نديرو ليك على داكشي اللي درتي هو انني ما غاديش نقولك شنو درتي باش تبقا حياتك كاملة عايش فتأنيب ضمير و هاكا غادي نكونو متعادلين 

جبل ناض وقف و شد ليها فخدودها بجوج 

جبل: صافي واخا الا ما بغيتيش تقولي ما تقوليش ولكن غير قولي شنو بغيتي ندير باش تسمحيلي 

نورسين: واعدني بلي اي حاجة قلتها غادي ديرها 

جبل: كنواعدك 

نورسين : طلقني و ما بغيتش نعاود نشوف وجهكك 

جبل بحال تصمك فهاد اللحظة و تزيزن غير الدموع اللي كينزلو من عينو كيعبروا على داكشي اللي ما قادرش يقولو 

جبل: لااااااااااا انورسين لااااااا ما تدكريش الفراق على فمك لااااااا بااااااغاااااني نحماااااق واااااش باااااغاني نموت لااااااا الا هااااااد القرااااار بلا بيك ما نقدرش نعيش لا ما نقدرش نتنفس عفااااااك لا نديرليك اللي بغيتي نوفر ليك اللي بغا خااااطرك اي حاااااااجة بغيت عائلتك والله حتى نديك عندهم اي حااااجة اي حااااجة عفاااك الا هاد القرار * عنقها عندو * عقلتي على نهاراللي قلتيلي الا تفارقنا شي نهار شنو غادي تكون ردة فعلك ياك قلتلك انا كنترجاك آخر مرة دكري كلمة غياب او فراق او تخلي على فمك هاد الكلمات كيخنقوني و ما نقدرش نستحملهوم نتمنى الموت ألف مرة على أنني نتفارق معاك نتي منين دخلتي حياتي عاد وليت كنعرف شنو هي تضحك و تبتاسم من قلبك نتي اللي علمتيني معنى راحة نتي اللي لونتي حياتي والا كتاب شي نهار و قدر الله و مشيتي حياتي غادي تولي كلها كحلة و ظلااااام كتسوليني شنو ندير الا مشيتي أكيد غادي نحماق و نقدر نبقا غادي فزنقة و كنعيط بسميتك نقدر نكتب سميتك و نرسمك فالحيوط ديال دار كلها نقدر نمشي و نبقى نغني فالزناقي أغاني الفراق شعري غادي يكبر و لحيتي حتى هي و تحت عيني غادي يولي كلو كحل حيت اكيد النعاس ما غاديش يزورني غادي نولي كيف شي بوهالي او أحمق غادي نولي نتعاطا للمخدرات بكثرة و نسكر بكثرة و مع قلبي ضعيف شكون قال نقدر نموت كاع هادشي كامل بسبابك لدلك آخر مرة تدكري هاد الكلمة عقلتي ياك انورسين عفاااااك ما تديريهاش 

نورسين طلقات منو و بعدات عليه 

نورسين : باركة من النفاق ديالك و الكدوب حتى حاجة من هدرتك ما بقيت كنثيق بيها هدرتك ولات كدخل لي من هاد الودن و كتخرج من هاد الودن بلا ما تحمق راسك انا الا قلت الكلمة ما كنرجعش فيها صاااافي سااااالينا عرفتي نتا وليتي كتخنقني والا بقيت معاك غادي نتاحر و اللله حتى نتاااااحر 

جبل : * بالم و كيهدر بصوت متقطع * آخر كلاااام عندك أنورسين 

نورسين: * كتبكي و تشهق* ااااه اخر كلام ولا رجعة فيه اهئ اهئ 

جبل: غادي نقولك واحد الحاجة نقدر نكون ماشي أفضل شخص داز فحياتك ولكني متأكد غادي يجي نهار اللي فاش غادي تيمعي فيه سميتي غادي تضحكي و تقولي " جبل كان مختلف عليهم كاملين " سوى بغيتي ولا كرهتي غادي تعرفي بلي انا شخص مميز داز فحياتك و انا فرحان حيت على الاقل عشت معاك اروع و اجمل ايام حياتي اللي ما نقدرش نساهم وانتي غتبقاي ملاكي طاهر اللي ما كاينش بحالو * باسلها راسها و همسلها فودنها * يوما ما ستعلمين ان حبي لكي لم يكن أبدا من الحب الرخيص الدي يباع على الأرصفة لقد كان ثمينا جدا فكم سهرت من الليالي وأنا اغرسه في تفاصيل حياتي وفي زوايا روحي وفي أحلامي وفي أفكاري وكل شيئ يخصني كنت أراكي أنيقة شكلا وروحا و سلوكا تملكين روحا جميلة و اخلاقا عالية و مازلتي يا حبيبتي ولهدا كله أعاملك بطريقتي الخاصة لانني لا أتعامل الا بكل نبل وانت بلا شك تستحقين

نورسين ابتاسمت ليه باستهزاء و دورات وجهها لمحات سلمى و يعقوب واقفين برا كيشوفو فيهم حيت فاش خرج جبل تبعوا يعقوب بطوموبيل كانو حاضرين على كلشي و كيسمعوا كلشي سلمى كانت كتبكي و تشهق على كتف يعقوب اللي حتى هو بدورو بقا فيه الحال على هادشي اللي صدر من نورسين بلا سبب علاش عدباتو و قاست عليه حتى لهاد درجة هادا هو السؤال اللي كيطرح نفسو واللي جبل و يعقوب و سلمى ما عارفينش الاجابة ديالو ؟ مشات نورسين كتجري لعندهم 

نورسين : دييييوني من هنا عفاااااكم اهئ اهئ ما بقيتش باغا نشوف وجهوا 

جبل مشا وقف حداها و شاف فيها بواحد نظرة كلها حزن و الم و كيمسح دموع بيدو وشاف فيعقوب 

جبل: ديها للمغرب و بقاو معاها حتى توصل و ردو ليها البال عفاكم هي اللي عندي * شاف فنورسين اللي كانت مدورة وجهها و كتبكي وتشهق دور ليها وجهها بيدو باش تشوف فيه * انا عطيتك قلب ألف مخلوق يحلم بيه ونتي جازيتيني بجرح آلف واحد ما يقدر يداويه * دار يدو على هاد الشكل 🙏🙏* شكرا على كلشي * جرها و عنقها ودمعة هبطات من عينو * انا ديما غنبقا نتسناك انا متأكد غادي تكوني نا جحة فحياتك بغيتي نبعد عليك واخا غادي نبعد عليك ولكن الا عرفت بلي ارتابطتي بشي حد من غيري غادي تلقايني حداك و غادي نقتلو عيشي حياتك كيفما بغيتي ولكن ما تحلميش تفرقي مني انا نبهتك راه اللي قربلك نحروا و غادي يجي واحد نهار غادي تندمي على هادشي كامل و لكن انا واخا هاكاك ما مقلقش منك حيت الاب ما كيتقلقش من بنتو والا شي نهار احتاجيتيني غادي تلقايني واقف بجنبك انا ماشي بحالك كنتخلا بسهولة * بعد عليها و باسها ففمها غير بشوية و قالها فودنيها * كنبغيك ابنت قلبي 

تمشا بخطوات مسرعة حتى وصل لطوموبيلتو و ديمارا و زاد و رد راسو اللور و دموع من عينو نازلين شلال و كيحس بقلبو كيضروا بزااااف حاس براسو كيتخنق وفاي لحظة يقدر يودع حل الصدايف ديال القاميجة ديالو و طلق الراديو و جهدلو باش يهرب من الواقع ولكن مع الاسف كلشي كيفكروا فيها حتى من الاغنية اللي طلق اش هاد الزهر و اش هادشي كتاب عليهم الفراق حاجة صعيبة بزاف ما كيعرف بحقو غير اللي مجربو {صعب أن ينتهي الحب الصادق نتيجه لأمر تافه، والأصعب أن يستمر الفراق لأن كل طرف ينتظر إشارة الرجوع من الآخر. بعد الفراق أصبح كل شيءٍ بطيء، أصبحت الدّقائق والسّاعات حارقة، وأصبحت أكتوي في ثوانيها.} 

🎵🎵🎵🎵🎵🎵🎵 

تينا حياتي أنا مليت نبقا عايش وحيد تينا روحي أنا قلبي أنا ولف عليك تينا عمري أنا عقلي يانا غير كيفكر فيك بلا بيك أنا عايش وحداني فضلمة و ضيق وعلاش أنا نبقا بوحدي سيدي ربي غير عطيني فرصة غير تبقا معايا ولا تبعدي ما غاديش نغلط فحقها عطيني فرصة بلا ما تقولي علاش عطيني فرصة نصلح لي درت معاك عطيني فرصة نعوض لي فات عطيني فرصة راني كنبغيك واخا عييت صبر و خلاني صهرت ماشي خسارة فيك واخا ندوق المرار غلطت فحقك بزاف تعدبت أنا ختارت قلب كبير أنا ما عندي زهر غير قولي واش كتبغيني حياتي بقاي معايا ولا تخليني بغيت غير تعطيني أنا فرصة حبيبا أخر مرة ولا تجرحيني عطيني فرصة بلا ما تقولي علاش عطيني فرصة نصلح لي درت معاك عطيني فرصة نعوض لي فات عطيني فرصة راني كنبغيك حبي ضاع ما عندو علاش نعيش غير قولي لي ماياش حياتي حاسة أنا كل دكرة ديالي كنحس ليام ما عمرها ما غادي تنسى عطيني فرصة بلا ما تقولي علاش عطيني فرصة نصلح لي درت معاك عطيني فرصة نعوض لي فات عطيني فرصة راني كنبغيك 

🎶🎶🎶🎶🎶🎶 

جبل حبس اللوطو حدا واحد الجرف و كيحس بقلبو كيضرو بزاااف و سريط ديال دكرياتو معاها كاملين كيتعاود قدام عينو ما يقدرش يبعد عليها ما يقدرش واخا تنطبق السما مع الارض ما يقدرش يخليها و لكن علاش هي تبدلات عليه علاش ولات كتكرهوا حتى لهاد الدرجة و كلما كيتفكر كلامها كيحس براسوا ما بقاش قادر يطلع نفس و قلبو كيعطيه الحريق لواحد درجة رهيييبة بقا شاد فقلبو ولكن الحريق غيرما كيزيد يجهاد هز تيليفونو بسرعة عيط لاسعاف حيت عرف راسو غادي يسخف و ما كاين اللي يجيب خبارو وهو فهاد الخلا 

جبل: Estoy muerto (كنموت ) 

قال هاد جوج كلمات و طاح التيليفون من يدو 

نهاية الموسم الاول

يتبع...