ربيع: دايرين هادشي بااااش يديرلها شي مفاجاة ما نعرفت ليهم المهم دخلي دابا راه الفوق طالقة حلوقاتها و اللي لقاتها كتطيحها كتصرف كيف المجنونة انا كن يدير برأيي يعقوب يديها لبويا عمر احسن ما عندو ما يكجدر بيها
نورسين : زيد قدامي نشوفو هاد الحريرة فين غاتوصلنا
طلعوا فدروج حتى وصلو لبيت دسلمى و بقاو واقفين حداها و هوما يسمعوا صوت سلمى كتبكي و سمعوا صوت تهراس
نورسين شدات فقلبها
نورسين : أرسول الله اويلي اش هادشي
ربيع : اودي نتي عاد جيتي و تخلعتي انا الي كنت معاها فاش تلقات الخبر شدااتني ريشااااتني و عطاتني طرحة د العصا بنت الهم بغيتلها ضربة
نورسين :عرفتي شنو حل نتا الباب انا ما نقدرش نحلو يدي كضرني
ربيع : هههه شنااااااهو شنااااااهو حلي نتي اختي انا اختي خفت نحل تشير على مي بشي قرعة د العطر تصيفطني كومة و انا مزال حتى ما تزوجت
نورسين : وا معدرك قلتي خاصها بويااا عمر
ربيع : هادي راه خاصها تربط بسناسل و شووووف تشوووف وا طلعات واحد المجنونة منها ما كاين انا كن يسعفني داك يعقوب يديرها د بصح و يهرب ليها و يخليها
نورسين : والله حتى خااايفة نحل
ربيع : هانتي قراي الفاتحة و اية الكرسي و شهدي و قولي بسم الله و دخلي برجليك ليمن
نورسين: وعلاش ما ديرش نتا هادشي و دخل
ربيع : وانا كليت حقي د العصا الا جات شي ضربة فيك انا ماسوقيش ودابا غير توكلي على الله ياك كتقولي نتي قوية و ما نعرفت اش وا تشجعي و ورينا القوة ديالك دابا
حطات نورسين يديها على البواني د الباب و غمضات عينيها و حلات الباب لقات سلمى جالسة فالارض و حاطة راسها على ركابيها كتبكي و تشهق نورسين شهقات فاش شافت المنظر اللي هي فيها بقااات فيها بزاف واخا عارفة بلي هادشي غير ضحك بقات فيها بزاااف حالتها تشفي العدا قربات نورسين لودن ربيع و همسات
نورسين :حرااام عليكم بالله شوف كي دايرة حالتها هادا اللعب دالبناية
ربيع : انا براسي غير مقدم كلشي من تحت راس داك الجن د يعقوب و العفريت د جبل
نورسين قربات حتى وصلات عند سلمى
نورسين : سلييمة
سلمى هزات راسها شافت فيها ووقفات طاحت ليها على كتفها و ناضت تبكي
نورسين: شنوو واقع
سلمى: اهئ اهئ داك الحمار و الكيدار و الكلب و الحقيييييييير ديال يعقوب سيفط ليا ميساج قالي انا وياك ما نصلاحوش لبعضياتنا و ما بقيتش باغيك و براتك غادي توصلك حتى لدار اهئ اهئ انا يصحابلي غير كيضحك فاش عيطتلو لقيتو بلوكااااني اهئ اهئ
نورسين: غير ما عطاه الله
سلمى: اختي انا براسي ما عرفتش ماااااعرفتش شنو درت ليه و شنو قلت ليه اهئ اهئ ما عارفاش راسي حتى شنو درت ليه اهئ اهئ والله حتى نحمااااااق أنورسين الا مشا و خلاني والله حتى نتاااااااااااحر
نورسين : راه غير كيضحك معاك يعقوب ما يقدرش يديرها هو راه كبتسطا عليك أ الهبيلة مسحي دموعك
ربيع كيندب و كيهدر مع راسو
ربيع :اوييييييلي وحدي هاد الكنس غادي تخرجليا العقل واش انا كنقولها حمي طرح وهي باغا تصالحهم
بعدات نورسين على سلمى
سلمى : اهئ اهئ ماااااااااا كيضحكش اختي مااااااااا كيضحكش هو عمرو فحيااااااتو بلوكاني ماااااعمرو و البارح حسيت بيه ماشي هو هداك كنت نهدر معاه وهو منفخ عليا اهئ اهئ قلبي كيتقطع اختي فاش هدرت مع جبل يفهمني شو واقع حيت كنثيق فيه و عارفاه ما كيكدبش قالي بلي هو خدا هاد القرار و ما بغاش يتراااجع عليه اهئ اهئ يعني كلشي بصح
نورسين طلقات واحد الحلوق حتى قفز ربيع من بلاصتو
نورسين :اوااااااااااا صااااااافي على الخوينز د يعقوب حتى هو كبرلووووووو شان و ولا يتنفخ على صحيييييبتي مزياااااااااااان تبارك الله هادي مااا تكون غير شي لفعة تلوااااات عليه الرجااااال كنس قصيييييف ما فيهم ثقة *كضرب على صدرها * سولي المجرب لاااااا تسالي طبيب علاه ا نسيتي و ما دوز علياااااا داك جبل عدفلي جرة و اااا كرهت رجااااال و ما يجي منهم اواااااا و داك يعقوب راه صاحبو حتى هو غادي يكووووون بحااااالو راه من عااااشر قوما اربعين يوما صاااااار منهم ياااااا نوضي مسحي دموعك نمشيو لعندو رجلي برجلك نفكوا هاد المنامة
ربيع : هااااا ويلي نتي منين لاحوك يا كنتي صحة سلام نااااري على حلوق عندك ديال طيابات د الحمام
نورسين : نتااااا دخل سوق راسك هادا سوق العيالات الحرات
ربيع : هادشي ما تعلمتي من خالتك رابحة
نورسين :ياااو ماااالها كي جاتك خالتي وليتي حتى نتا تعاير يا فليلو فين ما كان شي مجمع تحشا معانا فيه بقا ليك غير تنقش الحنا ياك حتى تاشيخات كديرها
ربيع : دااااابا مالنا على هاد الهدرة ولات كلمتي بكلمتك يا مشعككة شعر
نورسين حيدات تجاكيط د الكوير
نورسين : انااااا بزاااااف عليك
سلمى : واااااااااااااا سكتوا واش انا ربي اللي عالم بيا و نتوما زايدين فيه اهئ اهئ ياااكما تكون دخلات شي وحدة فحياتو
ربيع :باش نقولهالك من دابا رجال ما فيهم ثقة
نورسين :عندااااك يصحابلك داك يعقوب ديالك ملاك راه قالك رجال بحاااال الفلالس خاصك تربي منهم بزاااااف باش أ الله يصدق ليك واحد
ربيع : يا و العيالات كي لفعات غير وحدة ضربك بسمها تقتلك زعما نتوما فيكم الربح
سلمى كتحرك راسها يمين شمال
سلمى : يعقوووووب ما يديرهاش كاين شي خطأ هو عزيز عليه ضحك اكيد غادي يكون غير كيضحك معايا ياكو ياكو اهئ اهئ
عنقاتها نورسين
نورسين : الله الله عل صحيبتي مسكينة ولات دخل و تخرج فالهدرة لبسي عليك شي حاجة و يالاه نمشيو عندو لدار نشوفو اش واقع و مسحي دموعك خاصك تبقاي قوية اصاحبتي ياك كنقولك تفرجي فرضوى الشربيني
ربيع : بعدا نتي ما كاين اللي مضسرك قدها خرجوا رجليك لشواري يا بنتي يا نورسين
سلمى كتمسح دموعها بيديها
سلمى : ما دارهاش د رجال و الله حتى طلع ما يسواش ما عمري ماشفت شي حد بين ليلة و ضحاها يقولك الله يعاون اهئ اهئ
ربيع : حتى نتي راك ماشي لولة و لا لخرة اللي كيوقعلك هادشي ياما بنات مساكن كيسمحوا فيهم رجالهم بحال هاكا و كيزيدو و يهربوا راه الرجال فهاد زمان دياب و الله و ما حضيتي راسك حتى يفرسوك هانا تنقولها ليكم و بقاو حالين فمكم فيا بجوج كي ضبعات و لكن عندك يعقوب و جبل من بين الرجال اللي يستحقوا هاد اللقب رجاااال بمعنى الكلمة ما كيضربوكم ما كيعايروكم حمدوا الله و تكمشوا كون تشفوا البنات كيفاش كيعاملوهوم رجااالهم اللي حاشااااا واش يكون رجااال كن تبكيو دم
سلمى : لالا والله حتى رجاااال واش من نيتك كدوي كن كان راجل كاع ما يسمح فيا وحنا ما بقا والو لعرسنا و المشكل انا ما عارفاش حتى شنو درتلو اهئ اهئ
ربيع : الظلم صعيب
دور وجهو شاف فنورسين اللي سالت دمعة من عينيها و مسحاتها بالخف
ربيع: شفتك نتي تقطع حسك ياكما فكرناك فشي حاجة
نورسين: احم لا ما كاين والو يالاه نمشيو عند يعقوب لدار باش نفهموا اش كاين *دارت عند سلمى و حطات يديها على خدها * مسحي دموعك ولبسي شي حاجة زوينة و قادي وجهك هانا نتسناك فالطوموبيل
هبطات نورسين فدروج و حااااسة بقلبها كيضرب بجهد و دموعها كينزلو هاد الموقف اللي طرا دابا فكرها فشي حاجة وقعات فالماضي اللي محفورة فدماغها
🔙🔙🔙 فلاش باك
جبل:حتى لهاد الدرجة وليتي كتكرهنيني انورسين علاش كتآدي قلبي هو ما دار حتى حاجة غير انو بغاك وليتي كتمناي الموت بسبابي و المشكل انا ما عارفش حتى شنو درت * طاح لارض و دار يدو على هاد الشكل 🙏🙏🙏 و دموع نازلين من عينيه *كنترجاك أنورسين غير قوليلي شنو درت انا ما عارفش علاش وليتي كتعاملي معايا بهاد البرود كامل ووليتي كتكرهيني حتى لهاد الدرجة وانا ما عارفش اصلن شنو سر هاد الكره شنو درت انا من غير اني بغيتك اكثر من نفسي شنو درت من غير اني بغيتك اكثر من عشرين عام وانا كنتعدب باش فالتالي تجي و تقوليلي كنكرهك
نورسين: اكبر انتقااام غادي نديرو ليك على داكشي اللي درتي هو انني ما غاديش نقولك شنو درتي باش تبقا حياتك كاملة عايش فتأنيب ضمير و هاكا غادي نكونو متعادلين
جبل ناض وقف و شد ليها فخدودها بجوج
جبل: صافي واخا الا ما بغيتيش تقولي ما تقوليش ولكن غير قولي شنو بغيتي ندير باش تسمحيلي
نورسين: واعدني بلي اي حاجة قلتها غادي ديرها
جبل: كنواعدك
نورسين : طلقني و ما بغيتش نعاود نشوف وجهكك
🔚🔚🔚🔚 رجوع
نورسين حلات طوموبيل و دخلات ليها و شريط ديال دكريات الفراق و الهدرة اللي قالتلو مزال محفورة فدماغها و لكن ربما هاد المقلب خلاها تراجع شي حوايح ربما ما كانتش رادة ليهم البال بحال فاش يعقوب قال لسلمى الله يعاون و ما دكرش ليها سبب ديال الفراق فكرتها نهار ما قالتش لجبل شنو دار و عاوتاني ياك هاد غير مقلب وعلاش تيقاتهم سلمى و ما شكاتش فيهم زعما يقدر الواحد يضحك عليك ببساطة و نتا تيقوا نورسين حسات براسها كيضرها من قوة التفكير و حطات الاحتمال ديال ان جبل ممكن يكون مظلوم و ما داير حتى حاجة من داكشي ممكن حتى كاميليا تكون غير كدبات عليها مجرد تفكير فهاد الامر حسات بدنيا كحالت فعينيها و لكن سرعان ما ساست هاد الافكار منراسها و هزات تيليفون ديالها دخلات لبروفيل ديال كاميليا بنيس باش ترضي ضميرها ولقات نفس التصاور ديالها و هي حاملة و اخر تصويرة فالمستشفى و داك طاغ اللي دايرة لجبل الابراهيمي مجرد ما كتشوفو كتحس بالعافية شاعلة فقلبها حطات راسها من فوق الفولون ديال طوموبيل و غمضات عينيها
سمعات الباب ديال طوموبيلتها تحل هزات راسها لقات ربيع
نورسين: فين سلمى
ربيع :هاهي جاية
دخل ربيع و دار سمطة و بدا كيقاد شعرو فالمراية و جبد تيليفونو جلس كياخد تصيورات
نورسين : ناس د سيلفي
ربيع:اوا نتي غير حضيني ما عندك لاشغل لا هم من غير ربيع
نورسين قرصاتو فخدو وقالت
نورسين:تنبغيك انا
ربيع حط التيليفون و دور وجهو شاف فيها و سد ليها فمها
ربيع : سدي حلقك يا جيفة ما تبغيني ما نبغيك غير بعدي مني يسمعك برج ايفل يعلقني من رموشي
نورسين حيدات يديه من فمها و كتضحك
نورسين : صراحة وقفتي معايا فشحال من حاجة علاه فاش دخلت فاكتئاب شكون اللي كان كيفاجي عليا من غيرك كن ما نتا كن مت شحال هادي علاه فاش بغيت نتاحر شكون اللي فكني من غيرك
ربيع : اوا عارفك غير نص عقل الحب داير فيكم حالة ها باش زوينة سيليباطير ما كتعدب ما كتبغي تناتحر ما كتبات سهران كتشاطي ما كتدخل فاكتئاب و الله حتى بخيييير هاكا مهني مع رااااسي
نورسين: زعما نتا ما عمرك تصاحبتي
ربيع : اودي علاه كاين شي حد عمرو تصاحب
نورسين: انا ما عمري تصاحبت حتى تعرفت على جبل
ربيع: اوا ا فتيتيحة عنداااك الزهر جبتي رااااجل كااامل مكمول ما عندي ما يسالك اش بغيتي بشي تصاحيب يفصل بيك الدروب و يخيط بيك الزناقي و فالتالي و الله ما يتزوج بيك تجيبلو مو بنت خالتو ويقولك الله يعاون أبنت ناس ما نصلاحوش لبعضياتنا انا ما تصلاحليش موسخة بحالك كيفما درتي معايا هاكا ديري هاكا مع غيري
نورسين : اودي ولاد الحرام ولكن ما نعمموش كاين ولاد ناس
ربيع : الا من رحم ربه كتلقاي واحد 10 % مزيانين وواحد 90%ما يسواو ما يصلاحو سوليني انا اللي راجل و عارف اش كاين
نورسين : وايلي على نتا راجل كان كيصحابلي فليلو
ضربها ربيع لراسها
ربيع :والله يا ختي الا مشهيلك شي قتلة د العصا حتى يولي ضهرك رطب من كرشك و لكن دوووماج عندك داك راجلك الا ساق ليا الخبار ضربتك يقتلني و يقطعني طراف طراف و يعطيني لماكس
نورسين : باغا نتطلق ما نقدرش نبقا معاه
ربيع : الا ضيعتيه من يديك غادي تسماااي اكبر حمارة على وجه الارض
نورسين : ورااااه عندو ولد اعباد الله مع مراة اخرى و علم الله فين راها دابا ومن فوق هادشي كااااامل مشا و تزوج بجوري و الاخطر من هادا مجرم و قتال و وحش كيعطيك وجه و هو عندو وجه أخور ما بقيتش كنثيق فيه
ربيع : شفتي انا كن كنت منك واخا يكون عندو حتى عشرين ولد مع مراة اخرى ومزوج باربعة و نكون انا الخامسة مااااعنديش مشكل شفتي يشدني يسلخني و ما نقولش أح واخا انا عارف جبل ما عمرو يمد عليك يديه وقلال رجال بحالو دابا غادي نهدر معاك من نيتي والله حتى حرام عليك كظلمي داك راجل معاك
نورسين ضربات الفولون ديال طوموبيل بيديها
نورسين : شفتي واخا تقيل تشكرو ليا من هنا حتى لصباح و تقولي ما داير والو و غير مظلوم انا شفت الادلة حدا عيني واش انا نكدب عيني و نصدقكم نتوما داك السيد انا درت عليه كروة حمراء
ربيع بقا كيشوف فيها مدة
ربيع : شفتي انورسين والله ما تستاهلي داك السيد
نورسين : *هزات حاجب و هبطات لاخر* شفتك نتا وليتي دافع عليه بلا قياس
ربيع دور وجهو وقال
ربيع : سلمى تعطلات ياكما تكون دارت فراسها شي حاجة
نورسين : اجي بعدا نتا ما عارفش شنو هي هاد المفاجاة
ربيع :ما عرفتش انا براسي المهم نمشيو و نعرفو
نورسين دورات وجهها و بانت ليها سلمى لابسة كسيوة فالبيض و جاي فيها غير كم واحد جاتها مزيييونة بزاف مع صندالة فدهبي و مقادة مايكاب خفيف و دايرة .مونطو فوق كتفها حيت كاين البرد
نورسين : بشاااااخ اليوم يعقوب يدوخ
ربيع : اودي راه دايخ منين مزوج بديك سلمى ولكن جات تيتيزة
حلات سلمى الباب و طلعات فالطوموبيل و زدحات الباب
سلمى : نورسين دغياااا عفاك اختي راه حاسة بقلبي غادي يخرج من بلاصتو اهئ اهئ
نورسين ديمارات و ربيع دار شاف فيها
ربيع :اوا صافي جمعي خناينك و نتي غير جالسة و تهرنني غادي تضيعي لمايكاب و نتي جاية فنة و زوينة غير يشوفك يطيح على رجليك
سلمى : *بفرحة * يااااك غادي نعجبوا و نتصالحوا
نورسين : انشاء الله
بقاو غاديين لمدة نصف ساعة فطريق و شي ما كيهدر مع شي كلها و فاش كيفكر نورسين كتفكر فشنو غادي يكون مصيرها مع جبل كتبان بلي ضاحكة و فرحانة و ناشطة و هي ربي اللي عالم بيها من لداخل اصلن اي واحد كيكون كيضحك بزاااف كيكون كيتألم بزاااف و غير ربي اللي عالم بيه اما سلمى كتفكر غير فيعقوب و كتبكي اما ربيع هاداك همو بوحدو حاط راسو على زاجة و كيتفكر عائلتو اللي ما شافهومش سنين هادي حقا حتى واحد ما عايش هاني فهاد الحياة ضروري من المشاكل شكون هادا اللي ما عندوش الهموم ياك كنخرجوا من بطون امهاتنا كنبكيو و فاش كنموتو كيبكيو علينا و لدلك سميت دنيا كلشي فايت حتى حاجة ما كتدوم
نزلو من الطوموبيل و حل ليهم العساس الباب الكبيرة و دخلو لقاو بزاااااف د الورد أحمر طايح فالارض على شكل قلب كبيييير و مكتوب فوسط منو y❤s سلمى بقات غير مصدومة و كتشوف داكشي
سلمى:شنو واقع هنا غادي نحماق
ربيع :حتى حنا بحالنا بحالك زيدي و سكتي
وصلو لباب و دقوا تحل وهوما يطيروا واحد البالونات فالاحمر و كان يعقوب حاني على ركابيه و لابس الكوستيم و هاز فيدو بواط فيها الخاتم و موسيقى هادئة مطلوقة هز عينو فسلمى و ابتاسم ليها و كلهم بداو كيصفقوا سلمى طاحت لارض و ناضت كتبكي ما مصدقاش شنو هادشي كتشوف ناض عندها يعقوب و هزها من الارض و عنقها بجهد دخلوا ربيع و نورسين من الباب وهي تشوف نورسين جبل لابس كومبلي فالاسود جاه وااااااعر و مقاد شعرو و معنق بجنب جوري اللي كانت لابسة كسيوة فالاحمر جاتها فنة واتتها و طالقة شعرها و كيبتاسمو نورسين غمضات عينيها ما حملاتش داك ديكور اللي شافت دورات وجهها باش ما تبقاش تشوف فيهم و حاسة بقلبها غادي يطرطق
يعقوب بعد على سلمى اللي كانت كتبكي و تشهق مسح ليها الدموع بصبعو الكبير و بقا كيشوف فيها مدة
يعقوب: سمحيلي حيت بكيتك و بلوكيتك هههه *تحنى على ركابيه من بدا و جديد * سلمى واش تقبلي تزوجي بيا و تعيشي ما تبقا من حياتك معايا ونولدو الولاد و ندكوا الوتاد هههه
سلمى ابتاسمت ليه فوسط دموعها و حركات راسها بالايجاب و كلهم كيصفقوا فرحااانين لصحابهم اللي اخيرا غادي يتجمعوا
سلمى :موافقة
يعقوب ناض عندها و جرها لعندو و باسها ففمها قدامهم سلمى تزنكات ولات حمرا بعد عليها يعقوب
يعقوب :كنبغيييييك *دار عندهم * واااااا كنبغيها أعباد الله وااااا كنموت عليها
جبل تقدم لعند صاحبو و عنقو
جبل:مبروووك عليك
يعقوب : الله يبارك فيك أ العشير
طلق منو و عنق حتى سلمى و باس ليها راسها
جبل: بارك الله لكما و بارك عليكما و جمع بينكما في خير
سلمى : شكرا أخويااا بزاف الفضل كيرجع ليك فشحال من حاجة الله يخليك لينا
جبل بعد عليها وقال
جبل: *بابتسامة* تهلاو فبعضياتكم
يعقوب عنق سلمى جنب وقال
يعقوب : ما عنديش غيرها غادي نحطها فعيني
جبل: عارف الله يكمل عليكم بالخير
مشات جوري لعندهم و حتى هي عنقات يعقوب و سلمى و باركت ليهم و ربيع حتى هو بقات غير نورسين اللي ما عاجبها حال خصوصا فاش شافت جبل ما داهاش فيها و كيهدر غير مع جوري كتبغي تاكل ريتها
سلمى : نورسين ما غاتباركيش لينا
نورسين مشات عندها و عنقاتها
نورسين : مبروووك عليكم اختي فرحت ليكم و الله ربي اللي شاهد
سلمى قرصات نورسين حتى نقزات من بلاصتها و طلقات واحد الغوتة من داكشي رفيع
نورسين : اااااااااااي واش حمقة على قرصة
ربيع : فين ما مشيتو دايرين شوهة الله يستر
سلمى : اجي عندي أربيع اجي بغيت نهدر معاك
ربيع وقف حداها و حتى هو قرصاتو حتى غوت
ربيع : اااااااي ناري على مسعورة
سلمى قجاتهم من قرفادتهم و يعقوب و جوري كيشوفو فيهم و كيضحكوا عكس جبل اللي مدور وجهو ما مسوقش لريح اللي داهم ولا ريح اللي جابهم
سلمى : هادوك ما نقدرش عليهم اللهم نبرد فيكم الفقايص نتوما
يعقوب: هاكاك أحبي عطيهم ما تحنيش فيهم ما يسواوش جالسين مطلعينها عليك رادينك حمارة احبيبتي ههه
طلقات منهم سلمى و مشات جلسات حدا يعقوب و عنقها جنب و تخشات فيه كيف شي قطيطة
نورسين ضربات ربيع لضهرو
نورسين: شفتي بلانتك فين كيوصلو آخر مرة نشاااارك معاك فشي حاجة خرجتي عليا
مشات نورسين جلسات فوق الفوطوي اللي جاي اونفاص لجبل و جوري ماااااعجبهااااش الحال بتاتا ما قرا عليها جبل حتى سلام ياك كان معاه فصباح مزيااان شنو تبدل دابا حولات نضرها شافت فجوري اللي كانت لابسة و مقاااادة طاااالعة تيتييييزة بلا قياس مع هي بيوضة واااتها الحمر بقات كتعوج ففمها و كتخنزر فيها حتى نغزها ربيع و هدر ليها فودنيها
ربيع : بااااااركة جمعي عينيك
نورسين كتصرط ريقها بصعوبة و انفاسها تسارعوا و حسات بصهد حيدات تجاكيط اللي كانت لابسة و حطاتها من فوق الفوتوي وقالت
نورسين: غادي نمشي للحمام سمحولي
ناضت نورسين و مشات للحمام و حطات راسها على الباب بقات مدة هاكاك عاد مشات غسلات وجهها مزياااان و شافت فالمرايا
نورسين : هو كيديرها بلعاني اصلن انا ما كنبغيهش اصلن انا كنكرهو يدير فحياااتو ما بغا ما سوقيش يموت هو وياها كاع تهدني انورسين تهدني ما غادي تنزلي من عينيك حتى دمعة حتى دمعة *طلعات النفس و عاودت هبطاتو *
خرجات من الحمام و مشات رجعات لبلاصتها و هي طرطق عينيها من المنظر اللي شافت ما يمكنش يكون هادشي اللي كتشوف بصح جبل معنق جوري جنب و قراب لبعضياتهم بزاااف و هي كتشوف فيه و ضحك و كتلعب فلحيتو و هو كيضحك ليها كمية الالم اللي حسات بيها فهاد اللحظة ماشي طبيعية علاااااش كيدير هاكا علاااااش واش كيتعمدها ولا بصح جمعات يديها على شكل لكمة و عضااااات على شنايفها بجهد داك الحر كولو برداتو فيهم انفاسها ثقالو عليها و حسات براسها كتخنق بدات كتنهج و تقلبو عينيها ربيع جبد بسرعة من صاكها البخاخ ديالها حيت كان حداها و دارو ليها ففمها عاد تكالمات و انفاسها انتاضمو ربيع بقا شاد ليها فيديها
ربيع : شوية دابا
نورسين هزات راسها شافت واش جبل جا لعندها و مخلوع عليها ساعة لقات العكس تماما جبل كان جالس فبلاصتو و مكاااالمي كان داير صبعو صغير ففمو و ساهي فيها ما سولهاش حتى كي بقات نورسين ما تقبلاتش هادشي اللي كتشوف عينيها
جوري: نورسين واش نتي مزيانة دابا
حولات عينيها شافت فيها و ما قداتش تكبح دموعها ما حسات براسها حتى ناضت تبكي و تشهق كيف شي بريهشة و عينيها على جبل بحال كتعاتبوا و كتقولو شنو هادشي كدير فبنتك؟ جبل كيشوف فعينيها ما كيدوي ما كيتكلم قبط فيد جوري وهي تزيد تجنن نورسين اش هادشي كيدير فيه جبل شنو تفسيرو هي براسها ما عارفاش ؟ ياك عارفها كتغير عليه عارفاه واخا كتقولو كنكرهك كتقصد بيها راني تنحمااااق عليك و ما قادراش نساك ياك عارفاه واخا كتقولو بغيت نطلق منك كتقصد بيها بغيت نعيش ما تبقا من حياتي معاك علاش كيآديها بهاد طريقة البشعة
يعقوب و سلمى كانو فالفوقي سمعوا الغوات و هما يخرجوا
سلمى: نوووورسين مااالك أحبيبة
مشات لعندها كتطير عنقااااتها
نورسين : اهئ اهئ سوليها هووووووو سوليه هووووو باااااااااغي يخرج لي العقل
دارت نورسين و شافت فيه مازال قابط ليها فيديها و كيشوف فيه ببرودة الدم بحال ما داير والو ضربات فالارض بالفقصة و غوتااااات بجهد
نورسين : وماااااااااا تقيصش فيها مااااااا تقيصش فيها
جبل وقف و تمشا بخطوات بطيئة حتى وصل لحداها و حشا يدو فجيبو و قال
جبل:مراااااتي هاديك كيفما عندي الحق فيك عندي الحق فيها حتى هي عندك شي مشكل
نورسين ماحسات براسها حتى حطات يديها على خدو و باستو ففمو و بقات حاطة شفايفها على شفايفو و هي تعضو منهم و بعدااات عليه جبل بقا غير مصدوم حط يدو على شنايفو لقا دم كيسيل منهم دور وجهوا جنب و ابتاسم و عاود شاف فيها
جبل:*حاط يدو على شنايفو* اش هادشي كديري أبنتي *قرصها فخدها * طلعتي مغااايرة ما كنتش متوقعها منك
نورسين بقات كتشوف فيه مدة و حيدات لاستيك من شعرها حيت كانت جامعاه على شكل كعكة حنات و جمعات شعرها على شكل كو دشوفال و طلعات و تقادات فالوقفة و مسحات دموعها ربيع و سلمى و يعقوب و جوري بقاو غير كيشوفو فيها و مصدووومين لدرجة كبيرة من هادشي لي دارت قدام عينيهم مااااعمرهم توقعوا نورسين توصل بيها الجرأة انها تبوسو قدامهم دورات نورسين عينيها كتشوف فردة فعلهم كلهم حاطين يديهم على فمهم و كيشوفو فيها هزات كلينيكس كان محطوط فوق الطبلة و بدات تمسح شنايفها بطريقة عجيبة كيف شي حمقة و فاش سالات مسحات الدموع من عينيها لاحت داك كلينيكس من فوق الطبلة و تقادات فالوقفة و دورات و جهها شافت ليه فعينيه مباشرة و ابتاسمت بشر و حولات عينيها شافت فجوري اللي كانت جالسة و باين البرود فوجهها غير كتشوف تقدمات بخطوات موزونة و جلسات حداها و دارت رجل على رجل و قالت
نورسين: غريييب أمر هاد جوري شافتني بستك قدامها و كتشوف فيا ببرود بحال ما درت والو بحال كنت غير كنلعب معاك حتى من وجهها باين عليه واحد الهدوء رهييب بحال ما بستش حبيب قلبها اوووو هادشي فشكل عندك أسي جبل الابراهيمي *هزات ليها يديها * حتى من الخاااتم ما دايرهاش اش هادشي أسي جبل أول رجل أعمال على صعيد إسبانيا ما عندوش المال الكافي باش يشري خاتم من الالماس او لا دهب اولا غير القصدير لهاد الانسة مسكينة صراحة خساااارة *تنهدات * هادشي إن دل على شيئ فكيدل على أشياء منهم أنكم كتمثلو عليا مثلا *كضحك بشكل هيستيري * هههههههه
ناضت و وقفات حدا جبل اللي كان منزل عينو و جامع يدو على شكل لكمة هزات ليه وجهو بصبعان يديها حتى شاف ليها فعينيها وربعات يديها و ابتاسمت بشر
نورسين : عجبك المشهد ياك كيعجبك تحس براسك عندك قيمة و نتا سي سيد و انا يا مسكينة نبقا نتشوا و نغير و نوض نبكي و نتخنق و نقولك لااااااا نتا ديالي أحبيبي لااااا ما تشوفش فوحدة غيري كتقول بلي مأثرين عليا المسلسلات و الافلام و نتا ما شفتيش راسك انا بعدا حتى الا تفرجت ليهم جات معايا اما نتا باغي طبقهم كااع هههههه صراحة كتزيد تطيح من عيني أكثر و أكثر كاااان عندي الحق فاش قررت نتفارق معاك أكثر قرار صحيح اتاخدتو فحياتي جايب ليا جوري زعما باش نغير هههه و كتقول مع راسك ربما غادي ترجع ليا و نلعب عليها العشرة *ضرباتو لصدرو بضهر يديها * فييييق أشفيييق انا ماااااشي هي هاديك نورسين اللي خليتي عاااااامين هادي اناااااا وحدة اخرى دابا انسانة قوية و ما كتهزمني حتى حاجة ربي دارلي مسلك د الخير حيت تفارقت معاك عااااد عرفت شكون هي نورسين ديااال بصح غادي نعتارف ليك بواحد الحاجة نتاااا كنتي كتهمني فوااااحد الوقت ولكن نتا فهاااااد اللحظة بحال هاد كلينيكس اللي لحت ثقتي فييييك مشاااااات بااااااح نوورسين اللي كنتي تضحك عليها بجووووج كلمات و دوبها بين يديك ماااااعمرها مااااا غادي ترجع سمعتي أ الدكي انا ماشي غبية كيفما كيصحاااااب ليك صراحة كنشكرك حيت كن ما كنتيش نتا ما كنتش غادي نكتاسب هاد شخصية القوية و نبدا نخدم دماغي ما نكرش بفضلك وليت فهاد البلاصة و كن ما كنتيش نتا كنت غادي نكون دابا مزال خادمة فالمكتبة و جالسة كنمسح الكتوب و اللي جا يضحك علياااا ولكن *كضرب فصدرو بصبعها * بفضل الله سبحانه و بفضلك وليت فاعلى المراتب وليت مشهورة و انسانة عندها قيمة فالمجتمع متااابعيني اكثر من ستين مليون على الانستغراااام حتى من سميتي بدلتها zendaya هادا هو الاسم اللي طلقتو على نفسي اكيد غادي تكون عارف هادشي اكثر من سكان المغرب ولاو متابعيني شفتي شحال وليت نااااجحة فاش بعدت عليك يعني نتا هو اكبر عائق كان عندي فطريقي و من اللخر حتى الكره ما بقيتش كنحس بيه من جيهتك ما بقا عندي حتى درة مشاعر ليك
جبل :*تنهد و قال بألم * ع...ع...علاش أنورسين شنو درت ليك ؟ بغيت نعرف
نورسين : شنووووو درتيلي ههههه صراحة درتي بزااااف من اينا وحدة بغيتي نبدا ليك شنو زعما ما زال كتحس بتأنيب ضمير هادشي الا كان عندك طبعا *ربعات يديها * نتا واحد الانسان وحش بالمعنى الحرفي وحش ما كيعرفش الرحمة
يعقوب : بااااااااركة أنووووورسين باااااااركة زدتي فيه
سلمى : اش هاد الهدرة كتقولي
جبل هز يدو بمعنى سطوب ✋✋
جبل: خليوها تخوي شنو فقلبها
نورسين خنزرات فيهم
نورسين : بطبيعة الحاااااال نتوما صحاااابو و كتعرفوه من زمان اكييييد غادي تهزكم نفس عليه و سمحولي خسرت ليكم الجو و سمحولي حيت دخلت لحيااااتكم من الاساس كن غير خليتوني ديك نورسين القبيحة اللي كلشي كيجي و يسبها و كيقولولها باااايرة علاش دخلتوني لعالم ديااالكم علااااش كن غير خليتوني ديك نورسين اللي نية و اللي جا كيلعب عليها دنب ديااالكم نتوما اللي رديتوني هاكا ماااشي دنبي انا
جبل: *بصوت خشن * وليتي مغرورة و قبيحة بزاف ما ضنتيكش غادي تكوني هاكا اش هاد شخصية اللي ولات عندك
نورسين :*شافت فيه و قالت بكل ثقة فنفس *اه انا قبييييحة انااااا غير ضلعة عوجة انا شيطااااان و انتوما ملائكة رحماااان تهنيتو هادشي اللي بغيتو تسمعوا اناااا غادي نسااااحب من حياتكم بهدوء باش تحسوا براحة ياك انا غير سباب المشاكل ياك انا دخلت لحياتكم و رونتها و قلبتها سفاها على علاها اوا هانا غادي نسااااااحب كيفما دخلت ليها غادي نخرج منها و عيش حياااتك مع جوري ولا مع كاميليا وولدكم ما بقاش كيهمني انااا ما غاديش نفني حياتي و انا تابعاك كنطلب طلاقي حنا فدولة الحق و القانون و طلاقي نجيبوا نجيبوا الفلوس كيديروا طريق فوسط البحر
هزات صاكها باش تخرج و هو يشد ليها جبل فيديها
جبل : كيفاش كاميليا وولدها ما فهمتش
نورسين : *زدحات صاكها من فوق الطبلة و شافت فيه و دورات وجهها و زيرات على فكها بيديها * ديييييك هبل تربح ديالك ماااامساليااش ليها داكشي علاش بعد مني احسن ليك مااااااا تعاودش تقيس فيا بيديك اللي كتعرف غير تقتل بيهم مجرم قتااال من صغر دابا غادي تكون وليتي سفاااااح ياااك
ماحسات بواحد مولاتي طرشة حتى دار حنكها لجيهة لوخرى طرشة نساتها سميتها دارت يديها على خدها و دازو دموع من عينيها فاش هزات راسها لقات يعقوب واقف حداها و عينيه حووومر
يعقوب: عرفي شنووووووووو كتخرجي من فمك
جبل كان غير واقف مصدوم ما توقعش يعقوب يدير هاد التصرف و يضرب ملاكو الا كان هو و ما كيقيصهاش يجي صاااحبو و يضربها حدا عينيه هنا جبل تعصب و دور يعقوب لعندو بيدو و عطاااه بونية حتى داز دم من فمو و قجو و عينيه حووووومر كي جمرة و العرووووق د يدو كيبانو و شعر طاحلو على وجهو و غوت عليه بجهد
جبل : شنووووووووووو درتي يا ولد الق*** شنوووو *عطاه ضربة لحنك لخور * الا كنت اناااااااااا و ما كنقيصهاااااش تجي نتا و تصرفقها *عطاه بونية لراس حتى دوخو *
يعقوب وقف وحط يدو على شنايفو وغوت
يعقوب: ولكن ماااااااسمعتيهاش اش كتقول وااااش ما سمعتيهااااش اش كتقول عليك
جبل جرو من قاميجتو بيد و اليد لوخرى دوز بيها على شعرو
جبل : وفمهااااااا هاااااااداك أ ز*** وا تقول بيه اللي بغااااااات و ما سوقكش فيهاااااا ما سوقكش ماااااا دخلش بيناتنا بيني و بينها وااااابنتي هاديك وانا عارف شنو اللي يصلاح ليها و شنو ما يصلاحش *دفعو بجهد * غير جيتيني خووويا اما والله حتى نقتل اللي حط عليهاا يدو
نورسين طاحت لارض و كتبكي اما واحد سلمى فشلو ليها ركااابي عمرها توقعات جبل و يعقوب يدبازو بسباب نورسين حسات بواحد الكره رهييب من جيهتها
طاحت لارض و بقات هاكاك و حاطة يديها على فمها أحسن نهار فحياتها بسباب نورسين ولا أسوء نهار اما واحد ربيع مشا جلس حدا جوري و عنقها عندو حيت بانتلو كترعد ولات صفرا و قالها بهمس
ربيع: غير بشوية عليك و نتي غادي تموتي لينا هنا
جوري حاطة يديها على فمها
جوري: جبل و يعقوب دابزو ما يمكنش اهئ اهئ هادشي كامل بسبابها
ربيع : بغيتلها ضربة بنت الهم جهلت غير جالسة و تعاير فسيد طلعات واحد اليهودية مقطرة غير بلاتي على والديها دابا نضربها ليها بنتفة عالمية ما كرهتش نوض نهز شي مقلة نزل بيها لراس حتى توكاض نوريها الوحش و السفاح غزااا فيها ديك طرشة تستاهلها ما تسواش
جبل نزل على ركابيه و حط يدو على خدها بانلو ولا حمر
جبل:كيضرك
نورسين : ماااااااااااا تقيصنيش مااااااااا تقيصنيش حيد يديك يا القتال ياااااا الوحش المجرم كلكم ياارجااال بحااااال بحاااااال كلكم الله ياخد فيكم الحق كتحكرووني لقيتوني غير مراة اممم صراحة كاميليا كان عندها الحق نتا ما تسواااش و غير احمق مريييض اهئ اهئ
جبل : عندك شي ادلة على هادشي اللي كتقولي عليا ولا غير كتخربقي عارفة راسك بلي كاتهمني و كتقولي عليا شي هدرة اللي نتي ما عارفاش شنو العواقب ديالها نورسين :نهااااار اعتارفتيلي بالحب ديالك و مشيتي لاسبانيااااا عقلتي ولا نفكرك مشيتي تقول لكاااااميليا طيح لبيبي اللي عندها فكرشها منك وفاش ماااا بغاتش ضربتيها و أديتيها و كتبتي ليها سميتك فيديها بالموووووس أجبل بالمووووس واش نتا بنادم ولا حيواااان نزيدك ولا باركة
جبل طاح لارض و بقا كيغزز فشنايفو و جمع يدو على شكل لكمة و العرق بدا يتصبب منو وهز عينو شاف فيها
جبل: اهاه زيدي شنو آخر
نورسين : انووور نهار قلتيلي بلي قدم إستقالتو ياااااا الكداب ياااااا المنافق نتا مشيتي عندو لداااارو و هزيتي عليه الفردي و هددتيه انااااا لحد الان مازال ما متيقة كيفاش كنت عااايشة مع شخص عندو سلاح فداااار أجبل بابا تشلل بسبااااااااابك فالعرس د ختي و كنتي مزوج ببنت خالك من قبل و مااااقلتيهاليش و من بعد ليلتكم لولة ديتيها و عدبتيها اجبل وراتني داتها كلها مزوقة بضرب كلها حاااااشا واش تكون بنادم الوحش و احسن منك وهااااادشي كامل وراتني الادلة عليها كلشي شفتو بعيني يعني هي ما كتكدبش
جبل : *كيتكلم بصوت حزيين فيه خيبة أمل كبييرة * شنو آخر درت
نورسين : قتلتي عمك منين كانت عندك عشر سنين دخلتي لحبس من صغرك و كتقول بلي لوااااه انا غير دافعت على المربية دياااالي وااااش بنتلك بالغرون كدووووبك مليتو و هااااادشي اللي خلاني نكرهك و نتفارق عليك حيت مع الاسف نتا مريض و مجرم ووحش و حقييير من لفوق بغيت ورقة ديال طلاقي بغيت نتحرر منك ما بغيت تبقا رابطاني بيك حتى علاقة
جبل تنهد و عينيه حمارو و دور وجهو و دوز يدو على وجهو كيحس براسو عيااااااان و متعب من ألم العشق
مل من هدرتها من اتهاماتها اللي ما كيتقاداوش دور وجهو و شاف فعينيها واحد نظرة قبيحة بزااااف ديال شخص تجرح بزاااف و مابقاش قادر يتحمل شخص تظلم بزاااف من اقرب انسانة لقلبو وهو ما داير والو لا بيديه لا برجليه فقد الامل منها ما كثيقش فيه حتى لهاد درجة لدرجة انها صدقت اقوال انسانة فصفة شيطان الهدف ديالها من اللول تفرقهم وهاهي و صلات لشنو بغات زعما الا قالها بلي انا ماداير والو غادي تيقوا هي مآمنة بلي هو سبب فكلشي مآمنة بلي هو وحش قتال مجرم فين العدالة الا قالها الحقيقة و تيقاتو و رجعوا لبعضياتهم بسهولة هو انسان تجرحات كرامتو لاقصى درجة ما خلات ما قالت عليه ولكن صابر و مستحمل حيت كيقول ربما غادي تعرف خطأها فاش رجع من اسبانيا كان كيقول ربما الا عاملتها مزيان غادي تبدا تفهم شوي بشوي بلي انا ماشي وحش وانا احن انسان عليها ولكن لا هي مازايدة فيه قال جبل بصوت متقطع و العرق كيتصبب منو
جبل: الا قلت ليك بلي انا ما داير والو من هادشي غادي ثيقي بيا
نورسين بقات كتشوف فيه و ابتاسمت بشر
نورسين : بطبيعة الحااااال غادي تنكر واخا دير اللي درتي كتبقا فعيني شخص وحش كنكرررررهك كنكرررررهك واخا تموت قدااااامي ما نحنش فيك غادي تقول وليتي انسانة قلبها كحل و خنزييرة ما تسواش اااه انا قبييييحة و خصوووصا فاش كيتعلق الامر بيك نتا قلبي زطمت عليه و حطيت فبلاصتو حجرة اكثر انسان مبرهش شفتو فحياااااتي كاملة باش تجيب بنت باش تخليني نغير و نرجع ليك حتى لهنا و باركة بينتي ليا شحال نتا واحد منحط
يعقوب : جببببل قوووولها تسكت مااااا بقيتش حاااامل نسمع اتهاماتها ليك قوووولها الحقيقة و هنينا
نورسين :*هزات راسها شافت فيعقوب*كنعرف حقيقة وحدة هاد السيد مريض كيعدب العيالات و هو سباب المشاااكل فحياتي كاملة ما بقيتش باغا نشوف وجهو دابا ما فهمتش علاش دايرين عليا هاد التمثيلية كلها
جبل : *تنهد وسالت دمعة من عينيه * ضنيتك وردة حمرا و طلعتي جمرة فنيت عمري كامل وانا كنبغيك نعاس ما كنتش ندوقو قلبي مرض حيت بغيتك دليت براسي شحال من مرة واخا نتي اللي غالطة رجعت عندك و كنعاملك بحال ما وقع والو ضلمتيني هنتيني ما خليتي ما قلتي فيا ديما كنحاول نعدرك باااااش ما نكرهكشك مليت من اهمالك و اتهاماتك اللي ما كيساليوش ما غادي نحاسبك على حتى حاجة و ما غادي نلومك على حتى حاجة ما غاديش نغوت فوجهك ما غاديش نعطيك شرف انكي تهدري معايا مرة اخرى انا ما حاقدش عليك ما كنحس بوالو من جيهتك فهاد اللحظة عييت ما نقولك بلي انا ماداير والو و كاميليا غير كتكدب الهدف ديالها رئيسي هي تفرقنا و هاهي وصلات لشنو بغات عارف واخا غادي نقولك الحقيقة غادي تقولي كداب بطبيعة الحال حيت داكشي ما حافظة سيادتكم نهار اللي اعتارفت ليك ووصلني اتصال قالولي بلي بنت خالك انتاحرات لمرة ثانية حيت هي اصلن كتعاطى لدروك باغاني نكون ليها و ربي كبير فاش مشيت لاوبيطال لقيتها مضروبة فداتها كاملة قلتلك هي اصلن كتعاطى للمخدرات كضربها راسها بلا ما تحس و انا عمري ما فشي بنت المراة من غيرك و انور....
نورسين : *كتصفق بيديها *وااااااو واااااو زيد شي كدبة اخرى على الله تقنعني بكدوبك اللي ما كيتسالاش
جبل: عارفك ما غاديش ثيقي حيت عمر الاعمى ما كيشوف النور نورمال نتي مقتانعة بداكشي اللي قالتلك داكشي علاش غادي نقولك واحد الحاجة الثقة مشااات بيني و بينك نتي هي آخر وحدة كنت متوقع منها تفقد ثقتها فيا كان كيصحابلي فاش غادي يكدبوني نااس كلهم ملاكي هي اللي غادي تيقني ولكن خاب ضني ما غاديش نعاود نقولك انا محتاجك ما غاديش تشوفيني كنتألم مرة أخرى ما غاديش نعاود نتخاصم معاك غادي نكون هادئ لللحد اللي غادي يخليك تحسي بلي انا مابقيتش كاين فحياتك كنت باغي نبقا فجنبك بايطريقة ولكن نتي ما فهمتنيش عشتي فالاوهام كنت كنتقاتل على قبلك ساعة لقيت راسي انا اللي تقتلت جرحتي قلبي جرح عمييق أبنت قلبي *طلق يدو *هاد اليد غادي ترخي منك غيبي شحال ما بغيتي هاد اليد ما غاديش تشدك مرة أخرى و نهار تندمي على هادشي ما تجيش لعندي تطرقي بابي و تقولي سمحلي حيت ما غاديش نغفر ليك ورقة طلاقك اليوم توصلك قبل غدا
*باس ليها راسها *تهلاي فراسك
وقف من الارض و خرج و زدح الباب حتى مشات دار وجات نورسين بقلت غير مصدومة ما توقعاتش غادي يتفارق عليها بهاد سهولة واخا كانت باغا طلاق ماشي بهاد السرعة ولات مترددة بزاف فقراراتها غمضات عينيها و ناضت هزات صاكها و دموع من عينيها نازلين شلال حلات الباب و خرجات و كتمشى بتثاقل شافت جبل ركب فطوموبيلتو و ديمارا و زاد لمحات واحد الغورميطة طاحت ليه من يديها مشات بتثاقل وطاحت على ركابيها و هزاتها لقات فيها قليب فالوسط و كيتفتح فاش حلاتها لقات تصويرتها من لداخل شهقات و حطاتها حدا قلبها و بدات تبكي ناضت و بقات غادة ساهية سرحات بيها داكرتها للماضي نهار تفارقت عليه
🔙🔙🔙🔙🔙 فلاش باك
نورسين : دييييوني من هنا عفاااااكم اهئ اهئ ما بقيتش باغا نشوف وجهوا
جبل مشا وقف حداها و شاف فيها بواحد نظرة كلها حزن و الم و كيمسح دموع بيدو وشاف فيعقوب
جبل: ديها للمغرب و بقاو معاها حتى توصل و ردو ليها البال عفاكم هي اللي عندي * شاف فنورسين اللي كانت مدورة وجهها و كتبكي وتشهق دور ليها وجهها بيدو باش تشوف فيه * انا عطيتك قلب ألف مخلوق يحلم بيه ونتي جازيتيني بجرح آلف واحد ما يقدر يداويه * دار يدو على هاد الشكل 🙏🙏* شكرا على كلشي * جرها و عنقها ودمعة هبطات من عينو * انا ديما غنبقا نتسناك انا متأكد غادي تكوني نا جحة فحياتك بغيتي نبعد عليك واخا غادي نبعد عليك ولكن الا عرفت بلي ارتابطتي بشي حد من غيري غادي تلقايني حداك و غادي نقتلو عيشي حياتك كيفما بغيتي ولكن ما تحلميش تفرقي مني انا نبهتك راه اللي قربلك نحروا و غادي يجي واحد نهار غادي تندمي على هادشي كامل و لكن انا واخا هاكاك ما مقلقش منك حيت الاب ما كيتقلقش من بنتو والا شي نهار احتاجيتيني غادي تلقايني واقف بجنبك انا ماشي بحالك كنتخلا بسهولة * بعد عليها و باسها ففمها غير بشوية و قالها فودنيها * كنبغيك ابنت قلبي
تمشا بخطوات مسرعة حتى وصل لطوموبيلتو و ديمارا و زاد نورسين ما قدراتش تحمل سخفات و طاحت لارض سلمى شهقات وقالت بالغوات
سلمى: نووووورسين اهئ اهئ
يعقوب هزها بسرعة من الارض و طلعها لطوموبيل ديمارا و زاد و سلمى مخلوعة كضربها غير بشوي لوجهها باش تفيق
سلمى: الما أيعقوب الما اهئ اهئ
مد ليها يعقوب قرعة د الما و بدات ترش عليها باش تفيق
سلمى: نورسين حلي عينيك اختي
نورسين بدات تقبح وجهها و كتفيق غير بشوية و الدموع فعينيها ووجهها ولا أحمر حلات عينيها لقات راسها متكية على رجل سلمى ناضت و شدات على راسها وتفكرات شنو وقع ردات راسها لور و دورات وجهها كتشوف فزاجة و دموع من عينيها ما بقاوش بغاو يحبسوا
يعقوب: نورسين شوية
سلمى :*حطات يديها على كتفها * نورسين باش كتحسي
نورسين ما حاساش كاع بآش واقع غير ساهية فزاجة و دموع من عينيها نازلين كان البرد و الزاجة ضببات قربات حدا زاجة و بدات تسوط بفمها و بدات تترسم وجه حزين غمضات عينيها و كلام كاميليا كيتردد فودنيها قالت بصوت متقطع
نورسين:ب...ب....بغيت نرجع للمغرب دابا
يعقوب: ما يمكنش خلي حتى لغدا حيت خاصني عاد نقطع و غادي يكون مشا الحال
سلمى عنقات نورسين جنب
سلمى : خلي حتى لغدا منها نيت ترتاحي
نورسين ما هدرات ما تكلمات بقات كتشوف فطريق حتى وصلوا لاوطيل و وقف طوموبيل يعقوب و نزلوا
سلمى بقات معنقة نورسين جنب حتى وصلو لاوطيل و طلعوا فالاسانسور و سلمى جرات معاها نورسين لشومبر ديالها تكات نورسين من فوق الناموسية بحوايجها و داتها كلها كترعد سلمى ضرها قلبها عليها بقات فيها بزاف واخا ما عارفينش شنو هو السبب اللي خلاها تصرف هاكاك مع جبل و هو ما داير ليها والو
سلمى: نورسين نوضي بدلي حوايجك و نعسي
نورسين حركات راسها بنفي و بقات ساهية ما كتهدر ما كتكلم
نورسين :*حطات يديها على ودنيها و داتها كلها كترعد * قولو يبعد مني قوووولو يخرج اهئ اهئ كنسمع صوتو فودني هااااهو كيلمسني قولو يبعد منيي كنكرهوااااا وحش اهئ اهئ
سلمى عنقاتها عندها و زيرات عليها
سلمى: قولي اعود بالله من شيطان رجيم ا ختي رجوع الله تهدني تهدني كاينة غير انا وياك غمضي عينيك و نعسي
نورسين: بغيت نمشي بحالي كيبانلي فكل قنت ما بغاش يخرج من قلبي ما بغاش اهئ اهئ علاش كيعدبني هاكا علاش اهئ اهئ انا ما درتلو والو
سلمى: جبل اختي ما دار والو ما فهمتش شنوواقع بيناتكم
نورسين: سميتوووووووو ما نسمعهاااااش ماااااا نسمعهااااش اهئ اهئ ولا نتاحر ولا ندير فراسي شي مصيبة كحلة
سلمى: صاافي اختي غير تهدني وا غير قوليلي شنو دارلك باش نعرف
نورسين بدات كلها كترعد و كتحس بأنفاسها ثقالو عليها و بدات كتنهج سلمى حسات بيها ناضت و عطاتها تشرب عاد رجعات فيها الروح و غمضات عينيها و نعسات
سلمى بدات كتمرر يديها على شعر نورسين
سلمى : ياربي شنو وقع لهادو ياك كانو صحة سلام
ناضت سلمى و قادات نورسين فبلاصتها و عيطات ليعقوب ما كيجاوبهاش عيات تعيط كتلقاه طااافي
سلمى :اووف مال هاد عاود
مشات تحشات حدا نورسين و نعسات
🌥🌥🌥🌥🌥 أصبح يوم جديد
سلمى سمعات شي حد كيصوني فالتيلفون هزاتو لقات يعقوب دوزات الخط بسرعة
سلمى:وي يعقوب
يعقوب: خاصنا نمشيو للمغرب نورسين حداك
سلمى:وي مزال ناعسة
يعقوب: فيقيها خاصنا نمشيو دابا باش نعاود نرجع
سلمى: علاش غادي ترجع
يعقوب قطع عليها و خلاها مصدومة
سلمى: خلالي هدرتي ففمي تفو
ناضت سلمى و بدات تفيق فنورسين حلات عينيها اللي كان تحت منهم الهالات السوداءوجهها صفر باينة عيانة بزااف
سلمى:نورسين يالاه باش نمشيو
ناضت نورسين بتثاقل حطات رجليها فالارض و هي تحس بدوخة وردة مشات كطير للحمام و تبعتها سلمى بقات كترد و هي شادة ليها فشعرها حتى سالات و غسلات فمها ووجها و حطات راسها على كتف سلمى
سلمى: مالكأحبيبتي شنو واقعلك واش عندك شي مشكل
نورسين: ما كرهتش نموت و نتهنا منو ما بقيتش باغا نشوف وجهو وما تسولينيش علاش عفاك سميتو كتخنقني اهئ اهئ
سلمى: واخا يالاه تبدلي حوايجك باش نهبطوا عند يعقوب كيساينا لتحت
نورسين: بلاش بغيت نمشي دابا
سلمى: واخا
هبطات سلمى و نورسين لتحت لقاو يعقوب كيساينهوم بطوموبيل حل ليهم الباب و طلعات سلمى لقدام و نورسين لور و حطات راسها على زاجة و كتفكر نهار اللي استقبلها و اول ليلة ديالهم كيف دازت كلما كتفكروا كتحس بانفاسها ثقالو عليها و صدرها كيطلع و يهبط ماساهلاش داك شخص اللي كنتي تبغيه كي الحمقة تفدي روحك على قبلو يتحول لوحش بين ليلة و ضحاها راه تبغي تخوطر دار عندها يعقوب و شاف فيها بأسف
نورسين دورات وجهها و شافت فيه و عاودات دورات وجهها كتشوف فالزاجة و كتسوط فيها و كترسم وجه حزين ديمارا يعقوب اللوطو و وصلو للمطار قادو لوراق و طلعوا فالطيارة اللي كانت الوجهة ديالها للمغرب طريق كاملة نورسين ساكتة ما كتدوي ما كتكلم تزيزنات
يعقوب بقا فيه صاحبو بزاف علاش تعاملت معاه هاكاك شنو دارلها بسبابها كيعاني و مازال كيعاني حس بالكره اتجاهاه فهاد اللحظة غمض عينو و دار يدو حدا فمو و كيعض فشنايفو مكره
سلمى: يعقوب مالك؟
يعقوب: قلبي ستة تسعود عفاك
رجع راسو اللور و غمض عينو بقاو هاكاك سي ما كيهضر مع شي حتى وصلو للمغرب حطات طيارة و نزلوا كاملين قادو لوراق و خرجوا من المطار لقاو واحد الشيفور كيسيانهم طلعوا فالطوموبيل كلهم و ديمارا وزاد
سلمى : تاكلي شي حاجة
نورسين : مابغيتش اختي ما بغيت والو بغيت نرجع لحياتي طبيعية مليييت من هاد الحياة بغيت ماما بغيت نرجع عند عائلتي بغيت نرجع نخدم فالمكتبة و نتهنا من هاد العداب نتهنا منو حيت بصح عييت ما كرهتش نفقد داكرة باش ننساه اهئ اهئ *حسات بأنفاسها ثقالو و بدا صدرها كيضرها و كطلع نفس بصعوبة *
سلمى : يعقوب الما عفاك
عطاها قرعة د الما و شربات ها نورسين و داكشي اللي شاط غسلات ليها بيه وجهها و حطات راسها على كتفها وقالت بتعب
نورسين: فين غادي تديوني
يعقوب:*دار نضاضرو 😎* عند ماماك و ختك
نورسين : ك...ك..كيفاش؟
حبسات الطوموبيل حدا الفيلا ديال جبل و نزلو منها نورسين غير شافتها و بدات ترعد كتفكرها فيه اي حاجة ديالو كتجيب ليها ضيقة و الخنقة بدات كترعد ودموع كيدوزوا من عينيها و كتحرك راسها يمين شمال
نورسين: دييييوني من هنا عفااااكم عفااااااك اهئ اهئ
سلمى: يعقوووب علاش جبتيها لهنا
يعقوب : حيت هنا كاينة مها و ختها
نورسين :ك..ك..كيفاش كاينة هنا مي و ختي فهموني راه غنحمااااق غنحماااااق *بدات كتريش فشعرها و تنتف فيه كي الهبيلة * اععععععع اهئ اهئ
سلمى ضماتها لصدرها و بقات مزيرة عليها باش تهدن
سلمى: بسم الله عليك يعقووووب خاصنا نديوها لطبيب حالتها ما عجبانيش
نورسين بدات كتهدن شوية بشوية فيديها و بقات ساهية فنقطة وحدة
سلمى: شنو كيديروا ماماها و ختها فدار د جبل
يعقوب :*دوز يدو على لحيتو * دخل بعدا تشوف مها و ختها و من بعد نشرح ليكم كلشي
سلمى عنقات نورسين جنب و قالت
سلمى : اجي معايا اختي اجي
نورسين : مابغيتش نحط رجلي فهااااد دار مزال مااابغيتش
سلمى: وراه كاينة هنا ماماك و ختك واش ما بغيتيش تشوفيهم
نورسين : *كتحرك راسها يمين شمال* لالا ما نقدرش ندخل ما نقدرش اهئ اهئ غادي نلقاه تما و غادي يعدبني و يضربني ااااه غادي يضربني كنكرهوا غادي يديرلي بحالها لالا هو مجرم قتال ما نقدرش ندخل
يعقوب : نوووورسين اش هاد الهدرة كتقولي واش حماقيتي
نورسين هزات فيه عينيها كانو حومر و تحشات فسلمى من مور ضهرها و داتها كلها كترعد
نورسين: قولو يبعد مني هو بحااالو هو و صاحبو بحال بحال اهئ اهئ رجاااال كلهم خايبين كلهم كيعدبوا عيالاتهم اهئ اهئ
سلمى بقات غير مشوكية و مصدومة من هاد الهدرة اللي كتقول نورسين سلمى شافت فيعقوب
سلمى: بالله العلي العظيم الا خاصها طبيب البنت تهزات فدماغها شنو واقع ليها
نورسين : بغيت ماما بغيت ماما ديوني عند ماما ما بغيتش نشوف وجهكم نتوما صحابو غادي تكونو بحالو كلكم قباااح كلكم غير ماما اللي زوينة ههههه بابا واخا قاصح ولكن زوين كان كيضرب علينا تمارة و كيجيب لينا ما ناكلو و اختي واخا كانت كتعايرني زوينة احسن منكم كاملين هههه بغييييت ماما اهئ اهئ *طاحت لارض و بدات تضرب فوجها بيديها بجهد حتى سخفات *
سلمى ضربات على فخادها
سلمى: اويلي ياكما البنت مشيرة
يعقوب هبط لعندها و هزها من الارض و دق فالباب حلاتلو منال
منال: *ضربات على صدرها * ويلي مال لالا نورسين
يعقوب داز فيها و حطها فالصالون
يعقوب: جيبي لما سربي
مشات منال كطير جابت الما و يلمى بقات جالسة حدا راسها و حتى هي كتبكي على الحالة اللي وصلات ليها نورسين جابت منال الما و بداو يرشوا عليها حتى توكضات عطاوها تشرب عاد حسات بأنفاسها نتاضموا
وقالت بصوت متقطع
نورسين:ب....ب....بغيت م....م...ماما
يعقوب:*شاف فمنال * فين هوما دوك ناس اللي هنا
منال: راهم أسيدي لفوق ناعسين
يعقوب: سيري قولي ليهم بنتهم جات دغيااااا طيري
مشات منال لفوق دقات فالباب لقات فاطمة كتسبح و كنزة ناعسة من فوق الناموسية
منال: لالا
هزات فاطمة راسها و حطات تسبيح و ناضت وقفات حداها
فاطمة :نعام واش جات بنيتي راه كبدتي كتشوا عليها بغيت نشوفها
منال: راها لتحت الالا
فاطمة بالفرحة طاحو دموعها و سجدات كشكر لله واخيرا غادي تشوف بنتها اللي ماشافتها شهوور هادي توحشتها بزاف شحال توحشات تعنقها و تشم ريحتها عارفة بنتها غير نية عارفة بنتها مضلومة قلب الام ما يقدرش يكدب قالت لمنال بلهفة
فاطمة : ديني عندها ابنيتي الله يرحم الواليدين
ناضت كنزة بتثاقل حيت سمعات صداع
كنزة: ماما شنو واقع
فاطمة : نوضي تشوفي ختك جات ابنتي جات
كنزة بحال ضربتيها بتصرفيقة باشمن وجه غادي تلاقا بختها حسات بقلبها ضرها و ندمات على شنو كانت تقولها وعلاش شنو كانت تدير ليها ندمات اشد ندم خيانة علي ليها خلاتها تعيد نظر فشي حوايج بحال دنوب د ختها خرجوا فيها و حتى هي تستحق شنو وقع ليها حتى هي كانت طاغية و متكبرة و ديما كتعاير ختها و كانت كضلمها بهدرتها بزاف فبعض الاحيان كيوفعوا لينا شي حوايج كيخليونا نراجعوا نفسنا مزيان
خرجات فاطمة بسرعة و نزلات فدروج و شافت بنتها غير من ضهر عرفاتها دموعها كينزلو شلال من عويناتها الفراق صعيب بزااف خصوصا الا كان بين الام وبنتها الله لا يحرم شي حد من ميمتو و اللي ماتت الله يرحمها والام عمرها ما كتموت ديما كتبقى عايشة فقلوبنا ❤
♤♤♤♤♤♤
حبيبتي أمي...
أنا آسفة جدا لانني ما زلت أعتمد عليكي
رغم أنني كبرت كثيرا
وأحملك مجهود العناية بي كأنني طفلة دلك الزمان
لكن حنانك لديد يا أمي
وعطفك جميل
وكلامك قريب من قلبي و منطقي
ما باليد حيلة يا أمي
ستبقين أمي دون فتور
وسأبقى ابنتك دون شروط ❤
♤♤♤♤♤♤♤♤
فاطمة : بنتيي
نورسين غير سمعات صوتها وقفلها زغب د راسها دارت بسرعة و ضبابة ديال دموع فعينيها و حاسة بقلبها كيضرب بجهد ما حسات براسها حتى وقفات و مشات كطير عنقات ماماه ايييه الفراق صعيب ولكن اللقاء كينسيك فمرراة الفراق نورسين طاحت على رجلين ماماها بايتهم و عاودات طلعات عنقاتها و باستليها راسها
فاطمة : الله على بنيتي و شحااال توحشتك اهئ اهئ
نورسين :حتى انا توحشتك بزااااف
فاطمة طلقات منها و شدات فخدودها
فاطمة: ياااااوشحال تشويت عليك فراااقك يا بنيتي جاني صعييب الله ياخد الحق فلي كان سباااب ابنيتي
نورسين مافيقها من سهوتها غير صوت الكلاكسون اللي كان مجهد ديال طوموبيل بالهزة باش كتهز راسها كضربها طوموبيل طاحت لارض وتخشات ليها واحد الزاجة كانت فطريق طلقات واحد الغوتة فاااعلة تاركة نزل من طوموبيل واحد الشخص زعر و طويل و العضلات نعام سيدي ولحية مطراسية لابس مونطو فالكحل و قفازات فنفس اللون وباين فيه شخصية شافها وهو يتشوكا و بقا واقف فبلاصتو
- نوووورسين
هزات راسها شافت فيه و الحريق كيقطع فرجليها و طرطقات فيه عينيها وقالت
نورسين : فهد
جبل غادي فطريق بسرعة فااااائقة حتى خرج على المدينة كيحس بقلبو كيضرو بزاااف صافي مل منها و من تصرفاتها حتى لامتى غادي يبقى يسامح حتى لامتى وهي غير ما زايدة فعماوتها ما كثيقش فيه حتى لهاد الدرجة ولات كتكرهو حتى لهاد درجة شخصيتها قبحات حتى لهاد درجة صبر كيضبر وهو بقا صابر صابر ولكن حتى هو كيبقا إنسان عندو كرامة واخا تهان ما مرة ماجوج و كيزطم على قلبو و يرجع يصالحها ولكن حتى لامتى غادي تبقا علاقتهم متوترة حتى لهاد درجة راه بزاااف تقهر لدرجة انو نزلو دموعو حداها وهي غير ما زايدة فيه حتى لهنا و سطوب خاصو يربيها بلمزيان خاصها تندم على كل حرف خرجاتو من فمها خاصها تربى مزيان حيت السيدة نورسين عاد ولات عايشة المراهقة ديالها كانت محرومة من شحال من حاجة وفاش لقات الحرية ديالها ولات متمردة و قبيحة خلاوها ماليها الله ينجيك من المشتاق الا داق صعيب الواحد فاش كيكون فقير و كيرجع لابس عليه شخصيتو كتبدل و كيولي متكبر قليل اللي كتلقاه باقي فصباغتو وهادشي اللي وقع لنورسين تغرات و نسات أصلها خاصها تعدب و خاصها تعاقب واخا دوق غير ربع من داكشي اللي كيدوقو هو
حبس جبل طوموبيل حتى تحكو روايضها مع الارض نزل و زدح الباب طلع نفس و عاود هبطها باش يتهدن كيحس براسو مخنوق خاصو يخرج شنو فقلبو خاصو يشكي همو لاقرب ناس ليه هاد المكان بالضبط كيخلي نفسيتو تجدد و كيطيحوا عليه أفكار جهنمية كيوافقو الجو ديال الفيرمة فين عايش جدوو جداتو تقدم بخطوات ثابتة و مع كل خطوة كيتنهد حتى وصل لباب دق و حلاتلو الخدامة و دخل حيد المونطو اللي كان للبس و عطاه للخدامة و قال
جبل: فين هما جدي و جدتي
-راهم الفوق أسيدي
جبل : واخا شكرا
تقدم بخطوات بطيئة و طلع فدروج و ما حدو كيقرب و ما حد ريحة د العود و ماء زهر كتجهاد حتى وصل لبيتهم و دق ما جاوبوا حد فتحوا و لقا جداتو و جدو جالسين من فوق الصلاية و شادين القرآن كيقراوه مع بعضياتهم عجبوا المنظر اللي هما فيه بقا واقف كيشوف فيهم و كيقول مع راسو زعما يقدر يجي نهار اللي تبغيه نورسين و يجلسوا بحال هاد الجليسة و تكون زوجة صالحة و يقراو ما تيسر من القرآن و يحظاو بأطفال و حياة كريمة و سعيدة شكون عارف شنو مخبي القدر يقدر كلشي يتصلح فرمشة عين كيفما تهدم فرمشة عين
سبحان مبدل الاحوال
ياسمين سالات قراءة القرآن و عبد المالك حتى هو و ناضت ياسمين غير بشوية عليها بحكم كبر سنها و حطاتو من فوق الرف و مشات جلسات حدا عبد المالك و نوضاتو غير بشوية عليه و عاوناتو حتى وصلاتو لسرير ديالو تكا و عطاتو الما شرب و عاودت حطاتو من فوق الطبلة و هزات يدو و باستها و بقاو كيشوفو فبعضياتهم بابتسامة حتى قال عبد المالك
عبد المالك : الله يرضي عليك بغيت فاش نموت نتلاقاو بادن الله فجنة بغيت كيفما كنتي جنتي فدنيا تكوني جنتي حتى فالاخرة صبرتي معايا و بغيتيني بقلبك كيفما بغيتك الله يخليك ليا
جبل كان كيشوف فيهم بحب حتى دمعوا عويناتو مفتاخر بزااف حيت عندو جدو و جداتو كيبغيو بعضياتهم حتى لهاد درجة كيعطيوه امل فالحب داكشي علاش كيعجبو يجي لعندهم بزااف كيعطيوها طاقة إيجابية دخل عندهم عاد انتابهولو
ياسمين :جبل
ناضت لعندو غير بشوية
جبل:غير خليك مرتاحة انا غادي نجي لعندك
تمشى حتى قرب ليهم و باس ليهم راسهم و عنقهم
عبد المالك : كح كح واغبورات هادي أولدي
جبل جلس حدا جدو و هز يدو و باسها و تنهد و قال
جبل : غير فالدنيا و المشاكل اللي ما كيتقاداوش
ياسمين : كي بقات نورسين رجعتو لبعضياتكم أولدي
جبل شاف فيها و ابتاسم بحزن و حرك راسو بنفي
جبل : نورسين اللي بغيت انا ماتت تبدلات بزاف لدرجة ما بقيتش عارف شكون هي
عبد المالك : كح.كح واش قلتيلها الحقيقة
جبل: ما عطاتنيش الفرصة حتى نشرح ليها شنو كاين ما فهمتش داك الانسانة باغا تحمقني غادي تخرجلي العقل *دوز يدو على لحيتوو تنهد * كنحس براسي عيان بزااف داكشي اللي دارتيلي محال واش نقدر نساه ما خلات ما قالت
ياسمين : وشنو درتي معاها
جبل شاف فجداتوو غمض عينو و عض على شنايفو و هبط راسو و قال بالم
جبل: قلتلها ورقة طلاقك توصلك
ياسمين :واش كتهدر بصح
جبل : عصباتني لدرجة مابقيتش كنعرف اش كنخرج من فمي كتقولي نتا وحش مريض احمق لدرجة انها قالتلي واخا نشوفك كتموت قدامي ما نسمحش ليك ما بقيتش قادر نصبر على اهانتها و اتهاماتها اللي ما كتساليش
عبد المالك شد فيدو بقوة
عبد المالك : لا أولدي طلاق ماشي هو الحل الا بعدتي عليها غادي تمرض اكثر و اكثر نسيتي شنو كان وقعلك فاش بعدتي عليها انا عارفك ما تقدرش
ياسمين : نتا اولدي ما يمكنش تخلى بهاد سهولة نتا عارفها غير نص عقل
جبل : اش غادي نقولكم بصح ما نقدرش نتفرق عليها ولكن ما نقدرش نسامحها بسهولة زطمت على قلبي ما مرة ما جوج و كنحاول نخلق ليها اعدار ولكن الهدرة اللي قالت دابا والاتهامات دياولها خلاني نعيد نظر فتصرفاتي معاها
ياسمين :نورسين اولدي غير نية راه واخا تقول اللي قالت راه الحب اللي كتحس بيه من جيهتك كبيير باينة من عينيها و نظراتها ليك ما تخليش شيطان يدخل بيناتكم نتا مول العقل
جبل : وي عارف بلي هي نية داكشي علاش لعبات عليها كاميليا العشرة ولكن بزااف على هادشي والله المهم غادي نوض نرتاح فبيتي شوية
ياسمين :واخا اولدي الله يرضي عليك
خرج جبل و حط يدو على البواني ديال بيتو دور وجهو و بانلو البيت اللي كانت كتنعس فيه نورسين فاش كانت هنا معاه ما حس براسو حتى وقف حدا الباب و بدا يمرريدو على الباب و فتح الباب غير بشوية ودخل لبيت و ضهرات الابتسامة على شفايفو سد الباب و مشا جلس من فوق الناموسية ديالها و شد على راسو بيدو و كيحرك راسو يمين شمال هز راسو و شاف المخدة اللي كانت كتنعس عليها مرر يدو عليها و ابتاسم بحزن و قال
جبل: من ديما كنت كنتمناك أبنت قلبي ولكن القدركان عندو كلام أخور كنحس بلي كلشي باغي يبعدني عليك أملاكي ما عرفتش شنو دنب اللي ارتاكبت فحياتي ربما ربي كيعاقبني على الجريمة اللي ارتاكبت فصغري *تنهد * اولا المؤمن مصاب اكثر حاجة بغيتها من قلبي هي نتي ولكن عدبتيني معاك بزاف و جا الوقت باش دوقي ولو شوية من شنو درتي سمحيلي ولكن اللي دار دنب يستاهل العقوبة *ابتاسم * غادي نشوفو شكون غيربح انا ولا انتي أملاكي طاهر *حط نيفو على المخدة و غمض عينو كأنو كيستنشق عطرها * ما نقدرش نكرهك و ما نقدرش نسمح فيك ولكن نقدر نربيك أبنتي حتى تشدي معايا طريق 😉😉 الا كنتي ضلعة عوجة انا نديرلك ترويض حتى تقادي ضسرتك بلا قياس ابرهوشتي حتى وحلت فيك ولكن كنبغيك بكلشي فيك ماتقدرش نطلقك واخا تنطبق سما مع الارض
صونالو التيليفون دوز الخط
جبل : نعام
يعقوب: سمحلي أصاحبي والله ما قدرت نتحكم فراسي
جبل : آخر مرة أيعقوب آآخر مرة انا ما حرتش نشدها و نعطيها العصا حتى تطيب ولكن ماشي هاكاك كيتحلو المشاكل شكون انا اللي نبين قوتي على المرأة ..
يعقوب : وراه ما عرفتش انا براسي شنو وقعلي والله ولكن ما قدرتش نصبر على هدرتها راه عصباتني بلا قياس
جبل : صافي نسا ما بغيتش نهدر فهاد الموضوع علاش عيطتي
يعقوب: على قبل نورسين
جبل وقف و قال بخوف
جبل: مالها ؟واقعة ليها شي حاجة ؟ هدر أيعقوب مالك ساكت؟
يعقوب: بشاااخ اللي شافك قبيلة ما يقولش غادي تحن فيها اودي يا ودي عولنا عليك بكري لواه نطلقك لواه نعطيك براتك وطايح طيحة خايبة ابا جبل
جبل: نورسين شنو واقع ليها
يعقوب: ما عرفتش كيفاش غادي نقولها ليك ولكن خاصني نقولها المهم نورسين دارت أكسيدون
جبل :ك...ك..كيفاش داااااارت أكسيدون كيييييفاش
يعقوب: تهدن اصاحبي راه ما واقع ليه والو غير تجرحات شوية فرجليها
جبل : صيفطلي لوكاليزاسيون دااااابا أيعقوب داااابا هانا جاي
قطع و خرج من من البيت و هبط فدروج حل الباب و خرج زدح الباب و ركب فطوموبيلتو ديمارا الطوموبيل و قلع بسرعة كبيرة باش يوصل دغيا لاوبيطال حاس بيدو كترجف و قلبو غادي يوقف
♤♤♤♤♤♤♤
أخاف عليك من الحياة ...من كل شيئ بدوني ...
اخاف عليك من الحزن من المصائب من كل شيئ
أخاف عليك أكثرمن نفسي
لا أريد أن يصيبك هم ولا حزن
ولا أريد لأحد أن يخدلك او ان يقسو على قلبك المرهف
لاأريد لأي كائن كيفما كان أن يمسك بسوء لا من قريب ولا من بعيد
أخاف عليك من برد يتعبك و مرض يرهقك وأي شيئ يؤذيك
أحبك بهدا القدر و أكثر و أكثر مما تتصور
♤♤♤♤♤♤
مسافة ديال طريق كانت طويلة و لكن بسرعة اللي كان جاي بيها جبل ولات قصيرة باغي غير فوقاش يوصل شحال من أكسيدون كان غيدير و منع منها واخيرا وصل ضرب واحد الفران سيك حتى تحكو روايض مع الارض نزل من الللوطو و زدح الباب نسا ما سدش حتى طوموبيل بقوة التلفة دخل لاوبيطل و كولو كيترعد وجهو صفر كلما كيتدكر بلي دارت اكسيدون كيحس بقلبو غيتوقف سول الاستقبال و عطاوه رقم شومبر اللي كاينة فيها مشا بسرعة لشومبر حلو و دخل لقاها متكية من فوق السرير ولابسة البدلة اللي كيعطيوها للمرضى ولويين ليها الفاصمة فرجليها نورسين دورات وجهها شافت فيه و عوجات فمها تقدم بخطوات سريعة و طار عليها بتعنيقة و بعد عليها و دوز يدو على شعرها غير بشوية و قال بصوت حنييين
جبل: نتي بخير
نورسين بعدات عليه
نورسين : انا بخييير غير تجرحت
جبل :*حط يدو على خدها *كي وقعلك شنو قال الطبيب
نورسين: *حيدات يديه عليها * قالي كلشي بخير شكرا على زيارة
جبل : *باسلها راسها * الحمد الله الحمد الله ياك ما كتحسي بوالو احبيبة
نورسين غمضات عينيها و عاودت فتحاتهم و قالت
نورسين: اووف قلتلك انا بخير غير عدبتي راسك على والو
جبل :*كيمرر يدو على شعرها * ياك تهلاو فيك ياكما محتاجة لشي حاجة قوليها لي
نورسين :واااا مامحتاجة لوالو *دورات وجهها *
جبل :فين طبيب ؟ علاش نتي هنا بوحدك
فهد: لا انا معاها كلشي مزيان ما عندك مناش تخاف
جبل هبط حاجب و طلع لاخور و دور وجهو شاف فيه و خنزر فيه طلعوا و هبطو و قال بصوت خشن
جبل: ارتاحيت صراحة حيت نتا هنا ما عندي مايسالك
قايم بالواجب
فهد ابتاسم ليه و هو يقول جبل بصوت مرتفع
جبل : شكوووون نتا أصلن ؟ وااااش نتا طبيب
فهد: لا
جبل :اوا علاش كتقول كلشي مزيان فحصتيها
فهد: انا غادي نشرح لك ..
نورسين :فهد خليني انا نشرح ليه
جبل دور وجهو شاف فيها
جبل: أها و كتعرفي سميتو من الفوق شكوووون هاد خينا عاود
فاطمة بعدات عليه و هزلها يديها باسها و راسها فاطمة دمعو عويناتها وحطات يديها على لحيتو
فاطمة : الله الله على وليدي ياو مالك صفر يااااواقيلة ما كاتكلشاي مزياااان يا ماكلة زنقة غادي تخرج عليك يااااوليدي ياوشكون اللي مقابلك ياااو شكون كيطيب ليك يااااا وليدي خلعتيني عليك يااااونتا لهيه وانا قلبي كيتشوا هنا من نهار جمعتيني ببنيتي وانا ندعي معاك ياااو من نهار فكيتينا من زنقة عرفتك ولد صااالييح يااااو ما كاينشاااي بحالك الله يرحم من ربااااك يااااا والله يرحم من قرااااك يااااو الله يعطيك يا وليدي مااانويتي فخاااطرك يااااو الله يسهل عليك نقيل و نبات ندعي معاك و ربي اللي شاهد عليا انااا بغيت اللي قلقك و خسرلك خاطرك الله يعطيه غير ضربة تلفوا على القبلة يااااو الله يعطيه غير تشتية ياااااوليدي معزتك فقلبي كبيييرة و ربي اللي شاهد نحطك يااااوليدي فعويناتي ياااا وكنحمد ربي و نشكروا اللي لقانا بيك و عرفناك سير يا وليدي الله يعطيك نصر و العز بغيتلك الستر اللي ما يبلاو لا يخسر
جبل اكتافى انو يبتاسم ليها و قال
جبل: امييين أ الحاجة
كنزة وقفات حدا ختها اللي كانت مدورة وجهها ما كتشوفش اللي جيهتهم
كنزة : واش كضرك رجليك
نورسين : مصاب كن غير رجلي جرحي عميق ما عندو دوا اختي
سلمى وقفات حداها واخا مقلقة منها كتبقا صحيبتها
سلمى : كي بقات رجليك
نورسين شافت فيها و ابتاسمت ليها و طلقات يديها باش تجي حداها
نورسين : اجي أسليمة عارفك مقلقة مني ولكن الخواتات ماكيدابزوش ياك واصلن المشكل عندي مع جبل انتوما اش دخلكم
سلمى :*عوجات فمها *امم وراه خونا هداك ضروري تهزنا نفس عليه
نورسين : ودابا خلينا من جبل *طلقات صبعها بحال داكشي د البراهش 😂😂* الله يسامح غير لحظة غضب هانا بردت
سلمى هزات صبعها و قسات بيه صبع نورسين و باسوه و ابتاسمو لبعضياتهم جا وقف حداها يعقوب لي كان هاز بوكي د الورد فيدو و حطو حدا راسها وقال
يعقوب: سمحيلي اختي ما كنتش قاصد
نورسين : *غمزات سلمى * لا اخويا ما مسامحكاش كادب عليا بجوج وريدات فعوط ما تجيب لينا ما ناكلو جايب ليا الورد معزة انا هههه
يعقوب :ههه واهو نيت نتي معزة بقالك غير ديري مااااع ههه
سلمى و كنزة دارو كرااااخ بالضحك و نورسين خنزرات فيه
نورسين : دابا فعوط ما طلب سماحة زايد فعماوتك
يعقوب: وراه قلنا ليك الله يسامح نتي اللي هازة خنافرك لسما مالنا ما نخافوش يصحابلك انا هو جبل
نورسين ناضت و تقادت فالجلسة وقالت بصوت مرتفع
نورسين : لالا نتاااا خاصني نحطك فلائحة سوداء
دارت عندهم فاطمة و جبل
فاطمة : ياااا ونتوما اش سايرين تقولو كي الحماق فرعتو لينا راسنا بالهدرة الله يخليها قاعدة فيكم يااااونتي يا بنت كرشي كتشوفي راااااجلك واقف و سايرة ضحكي مع رجالة دوي
فاطمة : شناااااااااهو يا مشعككة الشعر اشمن طلاق واش عظاااامك كاياكلوك وااااش راجل على مزيناتو و نتي سايرة تطلبي فطلاق راني تنحتارم هاد سيد اما كن راني عطيتك تصرفيقة تاااايميل حنكك لديك جيه نوريك طلاق مزيااان تبارك الله ...
جبل جامع يدو على شكل لكمة وكيغزز فشنايفو و شاف فنورسين ورجع شاف ففاطمة
جبل : كلشي بالخاطر أ الحاجة حتى حاجة ما بسيف
فاطمة : واعندك الحق أوليدي خلاوها ماليها اللي ما جاب بمحبة مااا يجي بحزارة اوليدي هاد نورسين كانت شهوة منها و تسمعلي غير ما ولا فيها نسيتي ياماتك فاش كنتي تقولي راجل اللي جا نديها دوي يا دابا فاش لقيتيه جالسة تنفخي عليه راه اللي تنفخ على اللبن دابا يشتاقو خلاوها ماليها
جبل :*شد فدراع فاطمةو قال بصوت حنين * ما تجرحيهاش أ الحاجة صافي تلاقينا خوت نتفارقو خوت ما كاين لاش تجبديلها الماضي كلشي فات كلها و شنو مقسم ليه ربي كلشي مكتاب علينا الا ربي ما كتبناش نبقاو مع بعضنا هو الي عارف شنو يصلاح لينا و شنو ما يصلاحش
نورسين خنزرات فيه وقالت
نورسين : باااركة ما تمثل بلي نتا ملاك
جبل دور وجهو وشاف فيه
جبل: شكون قالك انا ملاك؟ انا غير انسان عادي كيخطئ مرة مرة ولكن ما نوصلش لحجم أخطائك طبعا نتي محطمة رقم القياسي ظلم اللي تعرضتلو و مازال كنتعرضلو غادي تحاسبي عليه أنورسين ربي كيشوف شحال آديتيني وانا متأكد العقاب ديالك جاي فطريق
نورسين : بعد منييي واش مزال ما بغيتي تفهم
جبل : وشكون قالك غادي نعاود نتقرب منك مرة أخرى انا ماشي بهادالقدر من الغباء باش نتلقى منك صفعة أخرى للمرة الثانية الصفعة الاولى ديالك مزال لاصقة هنا *أشار بصبعو لراسو * ما زال لاصقة فعقلي ما نسيتهاش و ما غاديش نغفرها * قرب ليها و سند يدو على الحيط و كيشوف فيها بنظرات ثاااقبة و مخيفة * يا خسارة حبي ليك ما قدرتيش تحمي عشقي ليك حشومة على الناس يقتلوه بهاد طريقة حرااام عليك تيقتيهم حراام عليك أنورسين *خبط بجهد على الحيط حتى قفزو كاملين * غاااادي نتسنا نهار اللي غادي نوقف أمام الله و غادي تكوني حتى نتي واقفة ومعانا ناس اللي فرقوا بيناتنا وربي غادي يتكفل بيكم كاملين و داك الوقت ما غاديش نغفر ماااااا غاااااااديش نغفر لحتى واااااحد فيكم
نورسين سالت دمعة من عينيها و قالت بصوت مخنوق
نورسين : دنب دنبي حيت بغيتك ..ودنب د الحب ما كيتغفرش ...دنب دنبي حيت إختاريتك نتا و بغيتك و خدلتيني شكرا
جبل :* هز خصلة من شعرها و قربها لنيفو * سمحيلي
نورسين : علايااااش ؟ على إن وحدة نسمحلك فيهم
جبل : حيت توحشتك سمحيلي حيت انتاضرتك كل نهار و حيت تسنيت نكون بجنبك حيت كنحزن فاش ما كنلقاش سمحيلي حيت كنفكر فيك كل ليلة سمحيلي حيت بغيت نخليك فرحانة سمحيلي حيت بغيت نحقق ليك أحلامك سمحيلي حيت بغيتك اكثرمن راسي *تنهد وقال * آسف لأنني إعتقدت أنكي أحببتيني فعلا فأنتي لم تحبيني وهدا مؤسف جدا 💔
كلهم كيشوفو فيهم بحزن شديد و فاطمة جبدات واحد الزيف كتمسح بيها دموعها دورات عينيها شافت فهد واقف كيشوف فكنزة و كيبتاسم
فاطمة : يااااا وليدي شكون نتا
جبل على إثر هاد الجملة بعد على نورسين و دار شاف ففهد وحول نضرو شاف ففاطمة و عاود شاف فيه
جبل : هادا هو اللي ضربها بطوموبيل ما فهمتش شنو مازال كدير هنا واش باغي تموت
فهد : بغيت نطمن عل حالة نورسين و نمشي بحالي
جبل تمشى بخطوات بطيئة حتى وصل حداه و دار يدو فجيبو
جبل :*طلق يدو بمعنى تفضل * بامكانك تمشي الباب وسع من كتافك والا كنتي باغي طمن على نورسين راك كتشوفها بخير والا كانت عينيك فشي حاجة أخرى نتقبها ليك
نورسين : * كتمسح دموعها * جبببل بعد منو زدتي فيه و اصلن ما سوقكش هاداك كنعرفو ضيف ديالي عندك شي مشكل
جبل دور وجهو شاف فيه و ميل راسو شوية و هز حاجب و هبط لاخورو دار فيها ديك شوفة ديال اهاه وقال
جبل : منين هو ضيف ديالك أش بانلك نكرموه حنا مسلمين و رسول صلى الله عليه و سلم كيوصينا على ضيف *شاف ففاطمة *ياك أ الحاجة
فاطمة :*بابتسامة*ايييه اوليدي عندك الحق الله يرضي عليك
يعقوب غلباتو ضحكة عرف جبل غادي يدير شي حاجة ما هياش
تقدم جبل بخطوات بطيئة حتى وقف من مور ضهر فهد و بحركة سريعة منو لوا يدو على عنقو و زير عليه حتى حمارو عينو نورسين طرطقات فيه عينيها و فاطمة ضربات على فخادها اما سلمى و كنزة و يعقوب بقاو غير مصدمومين
فهد :*كيضرب يد جبل باش يبعد عليه ما قدرش *كح كح ط......ل......ق كح كح
ربيع كان واقف حدا الباب منين شاف فهد بقا مصدوم ما توقعش يشوف خوه هنا بقا مخبي فركينة فهد ما نتابهش ليه حيت كان ساهي فكنزة و مع هي كانت لابسة مزيااان و مقادة وجها زيااانت و حتى هي طوالها شعر فهد بقا غير حال فمو فيها و كيحس بقلبو كيضرب بسرعة حس بشي حاجة زوينة فداخل ديالو شعور واااعر ممكن يكون حب من نظرة الاولى من يدري؟
ربيع فاش شاف جبل شانق على خوه بدا يولول و يضرب فوجهو
ربيع : ويييلي ميمتي مشاااااا فيها خوياااااا مشاااا كاااااان راجل مزياااان وااااش ديك المصيبة د نورسين باغا تخرج عليا بنت الهم دااابا خويا اللي ضرب داك المشة الكحلة نااااري ضبرتي عليها يا فهد دابا غادي تولي غير جرو منين جاك فهد منين شو كي قاااجو ناااري برج ايفل مشا يرزيني فخويا الله الله
فهد دار بغا يعطي بونية لجبل وهو يخويلو و زاد لوا ليه يدو حتى كانت غتهرس
ربيع طلق واحد الغوتة وخرج من مور الباب
ربيع : وااااااا خويااااا هاداك الميمة لما بعد عليه العااااار
جبل كان غادي يضرب فهد و فاش سمع صوت ربيع دور وجهو و شاف فيه و حتى فهد بقاو كيشوفو فبعضياتهم
وهو يقول جبل
جبل : كيفاااش خوك ؟ كييفاش ؟
نورسين : ربيع جابك الله فين كنتي
فاطمة : يا ويلي اش هاد روينة هنا كيفاش خوه اناري
كنزة : علاش ربيع عندو خوه ؟
سلمى :علاه يصحابلكم مقطوع من شجرة
نورسين : ودااابااااا غير سكتو عصبتوني واش انا عيااانة و جيتو تكملو عليا
فهد بقا كيشوف فخوه مدة و بقا مصدوم ما حس براسو حتى جرو لعندو عنقو بقوة حتى كان غايفلعصو ربيع دمعو عويناتو و هز يدو بتثاقل و حطها على ضهر فهد غير بشوية و دموع من عينو بقاو هابطين شلال و قال بصوت مخنوق
ربيع :توحشتك اخويا
فهد بعد عليه و قال بصوت حنييين و تنهد
فهد : ربيع *ابتاسم ليه * علاش مشيتي و خليتينا علاش
ربيع :*كيمسح دموعو * كي بقات الواليدة
فهد: مريضة من نهار مشيتي
جبل ربع يدو و دور وجهو شاف فنورسين
جبل : شنو هادشي واقع هنا
نورسين : هاداك فهد خو ربيع شحال هادي ما شافو بعضياتهم و من الصدفة هاد نهار صدق هو اللي ضاربني بطوموبيل
سلمى : ونتي منين كتعرفيه
جبل : هادا هو الاهم ممكن نعرفوا كيفاش كتعرفيه
نورسين : اوووف طيبتوني بالاسئلة ديالكم ماشي سوقكم هي مليار
فاطمة : تي دوي يا مشعككة شعر منين تعرفي هاد خوه تنسولوك جوبينا كني تحشمي شوية
نورسين : اووف و قصة طويلة المهم باختصار واحد نهار كنت خارجة انا و ربيع و شفناه فالمول و ربيع اللي قالي خويا هاداك و من زهر خدمت فعرسو و عقلت عليه و صافي هي فين قلتلو راني كنعرف ربيع و تعرفت على ماماه و على خوتو كاملين الله يعمرها سلعة و من تماك بقات العلاقة بيناتنا
فاطمة :وااا العجب هادا يا نتا يا وليدي ربيع عندك عائلتك
ربيع شاف ففاطمة
ربيع : علاه يصحابلكوم انا مقطوع من شجرة راه عندي عائلتي
فهد عنق خوه جنب
فهد : ما توحشتيناش أخويا
ربيع : *تنهد * توحشتكم صراحة ولكن راك عارف المشكل اللي عندي مع الواليد ما نقدرش نرجع لدار
كنزة حنات على ودن نورسين
كنزة : كيفاش خدمتي فعرسو عاود كتعرفي داك تيتيز كامل و مخبعاه على ختك ياك أ الحرامية
نورسين : ونتي اش بغيتي بيه راه سيد مزوج
كنزة : يا ختي عينو زايغة من قبيلة و هو يشوف فيا
نورسين : غير كتخايلي اويلي راه سيد مزوج و عندو بينتة كتحمق سميتها لامار فنيونة مشاء الله
كنزة : *قبحات وجهها * تفو كن غي بقيتي ساكتة السيد مزوج ووالد مابايناش عليه ما زال صغير
جبل ربت على كتف ربيع و قال
جبل : انا ما عارفش علاش نتا مخاصم مع عائلتك و ما بغيتش نعرف حيت هاديك حياتك الخاصة و انا ما غاديش ندخل فيها الحاجة اللي غادي نقولك رجع عند عائلتك و تسامح معاهم ما كاينش ما احسن من العائلة ما كيعرف بحقها غير اللي ما عندوش انت بصح ما مقطعوش من شجرة و لكن كاين بزاف اللي مقطوعين من شجرة بحالي * ابتاسم بالم و انكسار * و حتا الحب ما عنديش زهر فيه
تمشا بخطوات ثابتة حتى وصل عند فاطمة و باسلها يديها
جبل : تهلاي فيها أ الحاجة انا غادي نمشي دابا غادي نشري دوا اللي خاصها و نصيفطو لدار بلا ما تعدبي راسك
نورسين : ما بغيت منك والو
فاطمة : ما كيهدرش معاك أ الضبعة تيهدر معايا تي منين جايبة هاد الادب منين *شافت فجبل* شوف اوليدي بلا ما تعدب راسك
جبل : *كيشوف ففاطمة * بالعكس غادي نتعدب الا ما طمئنتش عليها و خديتلها دوا بيدي القلب و ما يريد أ الحاجة ما نقدرش نمشي و نخليها هاكا
فاطمة : اش غانقولك اوليدي الله يغطيك و يفرشك برضا دوز اليوم عندنا لدار تعشا معانا
جبل :* بابتسامة * ما نقدرش أ الحاجة غادي نسافر
فاطمة: شوووف قلتلك اليوم تجي تعشا معانا وربي كبير ما تردهاليش فوجهي الله يرضي عليك و يحن عليك
جبل : *عض على شفايفو و دور وجهو شاف فنورسين * واخا ما نردهالكش فوجهك أ الحاجة ممكن تكون آخر مرة تشوفني فيها
نورسين بدات تصرط فريقها و ضرها خاطرها بزاااف
نورسين : فين غاتمشي
جبل : *بابتسامة * انا براسي ما عارفش
باس لفاطمة راسها و خرج من لاوبيطال بعدما هدر مع طبيب و طمنو على حالتها ركب فطوموبيلتو و قلع حتى وصل لواحد المحل كيبيع الكاميرات بقا واقف بطوموبيلتو حداه و هز راسو شاف فيه و ابتاسم بانكسار و خرج زدح الباب و دخل لمحل خدا واحد الكاميرا و رجع لطوموبيلتو و قلع بسرعة
عند نورسين
خرجات من المستشفى و داهم يعقوب فالطوموبيل و فهد مشا حالو حيت واعدو ربيع فاش غيكون مستعاد غادي يمشي يشوف عائلتو و مشا ربيع حتى هو معاهم فالطوموبيل
فاطمة: بقيتي ترطاااي حتى جبتيها فراسك
ربيع : بسبابها كان غادي يقتل خوياااا بنت الهم
نورسين : بعدوا مني خليوني عليكم الله يرحم باكم
فاطمة :تي مالك غير جالسة و منفخة علينا و ما عاجبك حال ياكما كتوحمي
فاطمة :ما كدبتيشاي ابنتي و الله حتى مريضة ماشي فصحتها فدماغها و دابا غير قولي اوليدي يا يعقوب واش كاين شي حد يسمح فداك راجل كي الخير شهوة منو يا الادب و الصواب يا و ما يهزش عينو من الارض يااا وديك طولة و ديك تجريدة
نورسين : دابا نتي معانا ولا مع غانا
فاطمة :انا مع وليدي جبل
ربيع:راه خاصنا نديرو لهاد بنتك رقية
فاطمة : ههههه ها باش تتعجبني يا وليدي ياربيع يا تتفهمني حتى انا قلت الله و اعلم يكون فيها داك الجن العاشق هو اللي مكرهها فيه ياو الله اعلم دكرنا سمن و العسل
نورسين : لواه الزمر اشمن جن عشق لواه عيشة البحرية
يعقوب: سمعت بواحد الراقي فبركان واعر نديوها يفوسخها على الله هههههه
كنزة : هههه حرام عليكم بعدولي من ختي
نورسين : شفتي اختي جالسين مطلعين عليا طوبية *شافت فمها * انا داك جبل هو اللي ما نرجعلوش واخا تنطابق سما مع الارض
فاطمة : نيت ماشي د كمارتك أ البوهالية
ربيع : خالتي فاطمة ما يكونش داك جن اللي ساكنها كيهدر فعوطها يعقوب طلق لينا عيشة مولات جدبة نشوفو داكشي اللي فيها واش غادي يهضر
وقف يعقوب الطوموبيل حدا العمارة و نزلو و دخلو كاملين لدار و هي تقول فاطمة ليعقوب
فاطمة : هاد نهار جلسوا تعشاو معانا أوليدي
يعقوب : واخا أ الحاجة و لكن دابا عندي الخدمة مشغول حتى نجي مع جبل فالعشية
فاطمة : واخا اوليدي الله يرضي عليك
يعقوب:نجيبلك شي حاجة معايا
فاطمة : غير سير اوليدي راه كاين ربيع دابا يتسخرلي
يعقوب باسلها راسها و خرج
نورسين مشات تكات فالبيت و حداها سلمى و ربيع بقاو مجمعين
سلمى : واش دابا بصح غاتطلقوا
نورسين : اش بانلك
ربيع : نوض نمشي عند خالتي فاطمة الا بقيت معاكم غادي نوض نضربك
نورسين :اوا حربش قيس فيا
ربيع : اودي الا قستك مشيييت فيها لالا اختي ما قاد على صداع مع برج ايفل انا اللي شتو بعيني جيف خويا حتى كانو عينو غادي يخرجوا و ضرب يعقوب قدااام عيني لالا اختي ما شايطاش عليا صحيحتي
ناض ربيع و خرج بقات غير نورسين و سلمى فالبيت
نورسين : ياك تصالح يعقوب مع هداك
سلمى حركات ليها راسها بالايجاب
سلمى : اصلن هوما ما عمرهم دابزو مصاب غير تصالحوا نتوما و ترجع لمياه لمجاريها انا طبت فعوطك اختي
نورسين : نوضي طفي داك ضو حتى يوجد العشا و فيقيني جبل صفحة و طويتها
سلمى : منين جبتي هاد القسوة كاملة
نورسين : من القلب اللي رحم كلشيو ما رحمو حد
تغرغروا عينيها بدموع و عطاتها بضهرو نعسات ناضت سلمى خرجات و خلاتها ناعسة
جبل نورسين الجزء 17
محتوى القصة
التنقل بين الأجزاء