جبل نورسين الجزء 19

من تأليف Fatima zahra ouba
2019

محتوى القصة

رواية جبل نورسين

ناضت نورسين و مشات كطير لقات ماكس جالس بعقلو فالارض هزاتو و باستو و حطاتو فجريدة و خرجات كطير تعرض ليها شيفور فالباب 
- لالا فين غادة 
نورسين صغرات فيه عينيها 
نورسين : ونتا مالك نمشي فين بغيت دخول صحة هادا 
-سي جبل موصيني عليك 
نورسين :*ابتاسمت * حلف بالله احح على جبيلو انا بغيت نمشي لدارنا 
- سي جبل موصيني ما نخليك تمشي لحتى بلاصة بلا خبارو المهم نعيطلو و نشوف واش غايخليك 
- نورسين : علاه مالي فالحبس لااا انا بغيت نمشي 
- لا أ لالا ما عندكش الحق هادو هما القوانين و سي جبل موصيني عليك 
نورسين : اوا دابا شنو الحل خاصني نتسناه حتى يرجع عاد نمشي 
- لا تسناي غير نهضر معاه و ديك ساعة تمشي فين ما بغيتي انا براسي غير خدام ا لالا 
نورسين ربعات يديها 
نورسين : واخا يالاه عيط لهاد سيك جبل 
داك شي اللي دار شيفور هز تيليفونو و دوز نمرة و بقا يتسناه حتى جاوبو 
- موسيو جبل الانسة نورسين بغات تخرج لدارهم واش غير نديها ولالا 
جبل : سيدة نورسين ماشي الانسة ديها فينما بغات دوزهالي نهدر معاها 
- واخا اسيدي *مد ليها التيليفون * هاكي بغا يهدر معاك 
نورسين شدات من عندو تيليفون و دارتو فودنيها 
نورسين : وي جبيلو 
جبل : فين غادة ؟ 
نورسين : غادة لدارنا علاش ؟ 
جبل : شنو لابسة؟ 
نورسين : هاويلي على شنو لابسة واش حماقيتي 
جبل :*ضاغط على سنانو * ما تجادليش معايا فالهدرة قلتلك شنو لابسة 
نورسين : الحوايج اللي جيت بيهم فالصباح سالوبيط ديال تجين مع سبرديلة و دايرة من الفوق المونطو نقولك شنو لابسة حتى من لتحت ياء 
جبل : قيدي هادي عندك العقاب كيتسناك أزوينة 
نورسين تفكرات العضة د صباح و حطات يديها على شنايفها 
نورسين : لا احبيبي لا غير كنضحك معاك والله حتى غير لساني سليط ما قادة على عضات 
جبل :*بابتسامة * صوري ليا راسك بغيت نشوفك باش نتأكد 
نورسين : ما كثيقش فيا و لا كيفاش ؟ 
جبل : اش بانلك ؟ 
نورسين : لا و الله حتى زدتي فيه اجي بعدا كيف غادة الخدمة فشركة مزيان 
جبل : مزال ما وصلت راني فطريق بغيتي نجيبلك معايا شي حاجة فالعشية 
نورسين : لا احبيبي غير عنداك تنسا ما تشرب دوا و ما تقلقليش راسك عفاااك *باست تيليفون * تنبغيك أ تاج راسي 
جبل : *تنهد * قطعي و لا غادي ندير بناقص من شي شركة و نجي لعندك يالاه باي 
قطع و ردات التيليفون لشيفور اللي كان جالس ساهي فيها كيفاش كتهضر معاه 
نورسين : هاك أشريف 
- كتبغيو بعضياتكم بزاف ابنتي ياك 
نورسين : *بابتسامة * بزاااف و يالاه زيد باش نمشيو دغيا 
حل ليها الباب و طلعات و سد الباب و مشا لمكان القيادة و قلع و زاد 
نورسين : عارف طريق ديال دارنا و لا غير غادي مدرم 
- أ الله أودي داركم غنية على التعريف ما تحتاجيش توريهالي 
نورسين :كيفاش عاود دارنا غنية على التعريف ما فهمتش نتا منين كتعرفها 
- كنت كندي ليها سي جبل بزااف 
نورسين :*كتصرط ريقها بصعوبة * ممكن توضحلي اكثر عفاك 
- اش غانقولك ابنتي سي جبل كان ديما كيجي للمغرب حيت هو كان فاسبانيا كان كيجي بليل عيااان و كنتعرضلو للمطار و ديما كان كيجي لحدا داركم بليل و كنبقاو واقفين حتى كيطفا الضو فواحد البيت كان كايكون سكران الله يسمح ليه كينزل من اللوطو و كيبقا يعيط بسمية نورسين ابنتي حتى كتنزل واحد المراة شارفة شوية كتهدن فيه عاد كيدخل لطوموبيل و كيعاود.يشد طيارة كيرجع 
نورسين كتعض على شنايفها باش تحبس دموعها حطات راسها على زاجة و كتحس بقلبها كيضرب بجهد 
- بنتي نعطيك تشربي بنتيلي عيانة ياك نتي بخير 
نورسين : * بالم * انا ما بخير والو اعمي ما بخير والو انا ... اهئ اهئ انا غير واحد المكلخة مني ماكاين اهئ اهئ شنو درت فحياتي باش يوقعلي بحال هاكا 
- سمعني ابنتي غادي نقولك واحد الحاجة انا ما عارفش شنو هوما المشاكل اللي كتمري منهم او لا ضروف اللي عشتيهم ولكن الحاجة اللي غادي نقدر نقولك هي اعتابري الاشياء اللي كتألمك هدايا من الله سبحانه و تعالى تفكري بلي الله كيبغيك داكشي علاش كيبتليك باش يطهرك من دنوب باش يقربك منو داكشي علاش قولي ديما الحمد الله ربي اللي كيعلم الحكمة اللي كتوقع لينا من كل حاجة كيقولو بلي كم نعمة في باطنها نقمة و كم نقمة في باطنها نعم كثيرة داكشي علاش ابنتي عمرك تيأسي الله يرضي عليك كلشي كيوقع لسبب فهاد دنيا ما كاينش شي حاجة سميتها صدفة 
- نورسين :*كتمسح دموعها * ونعم بالله

حبس الشيفور الطوموبيل حدا العمارة ديال الام ديالها و نزلات منها
- بنتي هانا غادي نتسناك باش فاش تسالي نوصلك 
نورسين : لا غير سير اعمي انا عندي طوموبيلتي دابا نجي بيها 
- هادو هوما الاوامر ألالا ما عندي ما ندير 
نورسين :*بابتسامة * صافي واخا فاش نسالي نجي لعندك شكرا 
دورات وجهها بانلها ربيع داخل و هي تعيطلو بجهد و مشات لعندو كطير 
نورسين : ربييييع 
ربيع دور وجهو شاف فيها و هو يقبح سيفتو و رد شعرو لور 
ربيع : اربي سلامة كطيحي كي الباطل مالنا اش وااقع ديما مشوهة ديما ربييييع وااابنادم و ااااجيلالي راه كنسمعك بلا ما تطلقي داك الحلق عندك كي نكافات الله يخليها قاعدة فيك 
نورسين : وغير بالمحبة أرويييبييع * كتجرو من حناكو * توحشتتتاااااك أ جدر
ربيع : *كيبعد و جهو * كحزي لهيه و نتي كتلصقي تفوو امدرا شنو درتي مع الحيبان ديالك زوجك العزيز و قرة عينك و بلغتي انا برج ايييفل 
نورسين : هههه واااع تصالحنا واخا هو مازال ما خرجات من فمو و لكن حاسة بيه مسااامحني واخا انا ما نسواش 
ربيع : عارفة راسك بعدا ما تسوايش 
نورسين : الاعتراف بالخطأ فضيلة 🙄🙄 
ربيع : لواه رشيدة دوزي تحركي دخلي لداركم و نتي شحال عزيز عليك الهدرة فزنقة 
نورسين : نتا شفتك غير ما تلقا ما دير تما جاي لعندنا عندنا الفندق حنا 
ربيع : واش كنجيك لعندك أ المصيبة واش شفتيني جاي كنسعاك حدا باب دارك انا كنجي عند خالتي فاااطمة و اون بلوس جايب شي خبار و حيدي من طريق خليني ندوز 
نورسين : واش على كنزة ؟ 
ربيع : ونتي سوقك أ المشعككة ياء شحال فيك ديال دخول صحة ديها فحياتك شوية 
دخل ربيع و تبعاتو نورسين حتى وصلو للعمارة دقوا فالباب حلات ليهم فاطمة الباب و طارت على نورسين بتعنيقة 
فاطمة : يااااا بنيتي مشيتي و بقا بالي مشطووون عليك يااااو كي بقا وليدي لابس عليه يااا و تصالحتو بعدا و لا والو غير شقيتي راسك على والو 
نورسين :و صباري ندخل اماما و ديك ساعة نهدرو فين هي كنزة بعدا 
فاطمة : راااهاااا فبيتها فرحاااانة و مقاداها فرحة 
نورسين :*بابتسامة * حتى انا و الله حتى فرحت ليها مسكينة شحال و هي تقاتل باش توصل داكشي اللي بغات وهاهو تحقق ليها الحلم فوقاش عيطوا ليها 
فاطمة : عااااد هاد صباح ابنيتي يا بقوة الفرحة كانت غتلاح من السرجم غير ربي حفضها 
ربيع : وا طاااسيلة هادي غير ديال الهبال حيدو خليوني ندخل 
فاطمة : ياااو مرحبا بربيعة هههه 
ربيع : حتى نتي اخالتي زدتي معاهم و الله حتى طحتيلي من عيني فهاد اللحظة زعما نتي بعقلك وصراحة كنت مستغرب كيفاش نتي تقدري تولدي هاد نورسين المسطية و نتي بعقلك ساعة صدقتي اكفس منها معدرهوم قالو الكبير فالكركاع خاوي اوا الله يعطيكم شي عقل 
فاطمة : اوليدي اللي لقا راحتو فالهبال اش بغا بشي عقل زعما اللي عندهم طفروه دخلوا دخلوا ما تبقاوشااي واقيفين فالباب 
دخلو نورسين و ربيع من الباب 
نورسين : كنزززززة واااا كنززززة 
خرجات كنزة من البيت و باااينة فرحااانة بزاف مذات كطير عنقات نورسين و كتردد 
كنزة : واخيراااااا غادي نولي عارضة أزياء اختي شحال و انا نتقاااتل الحمد الله الحمد الله ههه 
فاطمة : ربي كبييير ابنتي ما كيخيب حد 
نورسين :مبروووك عليك اختي و الله حتى فرحت ليك من قلبي 
كنزة : من قبيلة و انا كنعيط ليك باش نقولها ليك ساعة كان تيليفونك طافي 
نورسين : وي عيطت لسلمى هي اللي قلتها ليا 
ربيع : يحسن عوان هاد شركة اللي غادي تخدمك صراحة ما بغيتش نصدمك ولكن فصالتك ماشي ديال العارضات 
نورسين : سكت نتا اش كتعرف * جراتو من ودنو * نتا بعدا واحد الانسان اللي كتعاير بزاااف بنادم زعما نتا مثالي 
كنزة : *هبطات حاجب و هبطات لخور * اناابزاف عليك يا بوسوالف نتا نيت اللي ما عارفناك بنت ماعرفناك ولد غير هاز البندير و طالق حلوقاتك 
ربيع :يااااك أ بنت فاطمة حتى نتي تحل ليك الفم ووليتي تعايري مع سيادك عينيك مطرطقين كي المش الكحل دوي يا طوبة الخانزة نتي بعدا غيردوك على نهارك اللول وهاااا فين قلتها ليك داك لسان عندك سلييييط بلا قياس خاص اللي يقطعوا لوالديك من جدر خلاوها ماليها شافت راسها لاصقة فالحيط يصحابلها راسها جوهرة معلقة فالخيط تفوووو تخرجوا الواحد على طوعو الله يخليها عيشة معاكم يحسااان عوان خويا معاك يا شاطة ماطة ما نعرف اش عجبو فيك لا زين لا للطاي و النفخة من الفوق تريكة هايش مايش 
كنزة : ك..كيفاش يحس عوان خويا معاك ما فهمتش ممكن تعاود 
ربيع : خووويا كان باااغيك ولكن منين خرجتي للعيب حنا ماليه اللي عضك و ما عضتيه يصحابلو ما عندك سنان وانا الحمد الله عندي نيااااب 
ربيع بغا يمشي و هي تشدو كنزة من يدو 
كنزة : كيفاش خويا عجبتيه واش داك البوكص اللي كان داك المرة فسبيطار 
نورسين : كنزة ما تديش عليه راه غير مطوب عليك اويلي راه خوك مزوج و عندو بنيتة واش من نيتك
ربيع :يااااااربي صبر اصلن خويا مصيفطني عند مك ماشي عندك

كنزة : ربيع العار عطيني امل واش بصح عجبتو واش كدوي من نيتك 
ربيع : امم كتدلو براسكم حتى لهاد د رجة بااغييين زواج زعما اللي تزوجوا راهم غير عايشين الحياة فالباهامس أ والله لا قفلتي لا فورتي الا ما درتيش علايش ترجعي غير نساااي عليك راااجل 
نورسين : ربييع ودابا هاد الموضوع جدي واش كتدوي بصح 
ربيع : خاااالتي فااااطمة اجي بغيت ندوي معاك اجي 
كنزة : ربييع نتا زين نتا الحمام و دابا غير جاوبني 
ربيع منفخ عليهم 
ربيع : نوريك انا غير بنت و غير شاد البندير والله حتى نكحلك ضواسة معاه و بقاي بااايرة هنا فدار ميمتك ههه 
كنزة : راه غنضربك.سد دلقوشك 
ربيع : غير زيدي عمري ضوسي بانلك خاااوي خاااالتي فاطمة تي اجي بغينا ندويو معاك 
خرجات فاطمة من الكوزينة كتمسح يديها فالفوطة و حطاتها فوق السور 
فاطمة : ياااااو نتااا مااالك طالق حلوقاتك كي شيخة خالتي فاطمة خالتي فاطمة مالي تلفت هانا جاية اش بااغي نتا تاني 
ربيع :جاااي نخطب على سنة الله و رسوله 
فاطمة ضربات على فخدها 
فاطمة : هااااويلي حاي على تخطب شكون كنزة ياو مبااااركو مسعود لوووووووولوووووووي 
ربيع : الله ينجيني تي مالك خاصك غير علايش تزغرتي وا فطيطيمة تي حلي عقلك معانا انا اش غادي نكجدر بهاد البنت عندك لا زين لا لاطاي لا فصالة لا شغال لا فم مسكد كيف العباد 
كنزة :ربييييعة احتارمي راسك 
نورسين : لا اماما هو باغي يخطب ...
فاطمة ضربات على فخادها 
فاطمة : يااااااو ما تقولهاااااش يا وليدي مااااتقولهاش 
ربيع : مزال ما قلت والو راني تقليت 
فاطمة : يااااو جاي باغي تخطبني يانا قد مك يااااو ما حشمتي ما رمشتي ما تقيتي الله و انا كنقولك غير ولدي ربيع نضل و نبات نهتهت بربيع ما كاين غير ربيع ففمي حطوا لربيع هزوا لربيع يااااو وليدي ما ضنيتهاش فيك واااخا يانا صراحة عااااطية لعين فياااماتي كانو يجيوني الخطاب جهد من هنا لاسبانيا ولكن انا ما كنتش نبغيهم حتى جا داك محمد الحرامي عطاني الحلوة يااااو لقاني صغيرة يااااو ضحك عليا و زرب عليا جابني لمدينة ربااااني على يدو ياااو فلخر هاهو زاد و خلاني تزوج بديك الخااانزة المطوطة ديال خديجة انا بغيتها تلقااااهم بجوج انا بغيتلهم كية فقلبهم انااا بغيتهم يتشوااااو كيفما شواااوني دعيتهم لله يااااخد فيهم الحق ولكن اوليدي حتى الا بغيتي تخطب زعما نتا قد ولدي ياااو جيب بعدا غير شي عمك ولا خالك يكون قدي قدو ياااو نضربوا الكحل فالبيض راااه قالك اوليدي اللي هرب من زواج هرب من طاااعة ياااو نا مزال صغيرة و زينة و مالي حتى انا بغيت نعيش الحياة مع اللي يستاهلني اما داك شيبة العاصية غير يمشي يموت بغيتلو الجدام 
ربيع :*حنا على ودن نورسين * ياااوتي منين كتطفا هاد مك قاتلك كانو يجيوها الخطاب جهد من هنا لاسبانيا ياو هاد مك كطلق دوبيرمان ماشي حتى سلوكية ولكن باباك قالك عطاهاالحلوة سؤال اللي كيطرح نفسوا اينا حلوة عطاها ؟ 
نورسين دارت كرااااااخ بضحك اما واحد كنزة غير كتشوف فمها بقات غير مبلقة فيها عينيها صدمتها بهضرتها

فاطمة :*كتشوف فنورسين * تي مالك سااايرة ضحكي كنشطحوا لقرود *شافت فكنزة * ونتي مالك مبلكة فيا عينيك كي موكة مالنا ياك لباس * شافت فربيع * ونتا اللي ساير توشوش لنورسين فودنيها ما حشمتيش قلتي جاي تخطبني وجالس تزلل على بنتي اوا الله يقلل حيااااك الله يقلل حياااك اش كنتي ساير تقولها فودنيها 
ربيع :*صرط ريقو *والو غير سولتها على عمي محمد اينا حلوة عطاك صااافي غرتي أشعيبية غرتي ههه 
فاطمة : *دارت طرف ديالها شانها على فمها كضحك * وااهو الغيرة شوية نييت انا مغيااارة ههه ياااو قلتلك ياااوليدي ياااربيع محمد تزوجني و انا صغيرة كانت عندي جهد ديك عشر سنين هاكاك و هو عشرين عام كان جارنا فدوار اوا يا وليدي ياربيع فينما كنت ندوز من حداه باش نسكي لما يشد ليا فيدي و كيقولي بالله العلي العظيم ما تمشي حتى تمصي المصاصة 
ربيع وقفات ليه و بدا كيكحب و نورسين حتى هي اما كنزة غادي تموت بضحك 
ربيع : تي اراااي الما كح كح كح 
ناضت نورسين عطاتو للماء و شرب وحنا عاود على ودن نورسين 
ربيع : هاد باك طلع ماساهلش كح كح ولد الدينة كان كيعطيها المصاصة السؤال اللي كيطرح نفسو مجددا اينا مصاصة كان كيعطيها سؤال فلفسي يستحق النقاش ؟ 
نورسين : ههههههههه ربيع سكت ها العار خليها تكمل لينا القصة الغرامية 
ربيع : قصة غرامية بنكهة المصاصة هههه كملي كملي أخالتي فاطمة اوا و كنتي تمصي المصاصة 
فاطمة : معلوم كنت كنمصها كانت لديدة مع انا ما كنتش موالفة بيها العفريت عرف يلعب عليا هههه لقاني هويعة ياااو كنت نمشي كنسكي و المصاصة فيدي حتى لواحد النهار دخلت لدار لقيت العدول عندنا فدار قالي با الله يرحمو و يوسع عليه اليوم ابنيتي غادي تجووووجي *دارت شان على فمها و ناضت كضحك * ايييه يا ليام و انا كان كيصحاب ليا الزواج غير لعب يا و تزوجت و مشيت لدار ياااولدت هاد البنيتات الغزالات اللي كتشوفهم قدامك 
ربيع : دابا هاد جوج بروصيات غادي يكونو ربايبي اووو ماي سيدي ربي 😂😂

فاطمة : *هزات صندالة من رجليها و ضرباتو بيها * ياااو الله يقلل حياااك تا شكون جاي تخطب 
ربيع :*كيضحك*جاي نخطبك نتي ا فطيطيمة تانبغيك اش بانلك نهربوا الليلة و نعيش انا و ياك في سعادة و هناء واش تقبلي بيا نديك فين ما بغيتي نعطيك.فصداقك مليون و نديرلك جوح جوح من الحاجة غير تكوني نتي فرحااانة أفتيتيحة هههه
ناضت فاطمة لعندو و ريشاتو من شعرو
فاطمة : جيييل قيمش ما يحشم مايرمش تا اش ساير تقول راني سايرة ندوي بنيتي معاك 
ربيع : وطلقي طلقي و نقولك الحقيقة 
طلقات منو و مشات جلسات فبلاصتها 
فاطمة : يا لاه دوي هانا كنسمع 
ربيع : انا الجمال و زين و الفلوس كلشي فيا مجموع كنتسنا غير كحلة العيون د لالة فاطمة تقول قابلة باش نخطفها و نديها لداري فين تكون نعيشها اميرة فقصر السلطان ربيع مول السوالف * حنى على ركابيه * اش قلتي أفاطمة أنوارة ديالي 
نورسين و كنزة كيتفرشخوا بضحك عليهم ناااشطين على فاطمة 
فاطمة : دابا واش بنتلك انا قرينتك ساااير تمازح معااايا بحال ما هاكا ادوي شوووف اقسم بالله العلي العظيم و ما هدرتي و قلتي شكون جاي يخطب و الله حتى نوض نكويك 
ربيع طاح لارض وشد.على قلبو 
ربيع : اش غاديري ؟ 
فاطمة : نوض نكوي واااالديك ما بقيتي تحشم 
ربيع : راه نتي اللي ما بقيتيش تحشمي اش هاد الهدرة أ خالتي فاطمة زعما نتي بعقلك

نورسين : ههههههه وااااعباد الله الميمة الا ما باركة صاااافي هنيونا ههههه 
فاطمة : نتا اللي ما بقيت تحشم أ الكنس ما كنضحكش والله حتى نجيب قطيب نحميه مزياااان و نكويك حتى طيب 
ربيع : اهاااا القضية و لا فيها الكوي احم صافي و الله حتى نقولك عااارفك ديريها و تفوتيها لهيه المهم *ناض جلس حدا نورسين * الاخ ديالي فهد اللي شفتيه فسبيطار عرفتيه 
فاطمة : اه داك شهب و طويل و صحيح مالو هو اللي غايخطب ؟ 
ربيع : شاف داك المرة هاد كنزة و قالك عجباتو *شاف فكنزة و خنزر فيها * اوا و خلاوها ماليها لهلا يطيح حبك على حجرة *رجع شاف ففاطمة * القلب و مايريد أ الحاجة اوا و خويا قالي نجي نفتتاحك فالموضوع باش يجيب العائلة و يجي يطلب بنتك المصونة لالا خنزة احم بغيت نقول كنزة 
نورسين : ياااك هو مزوج و عندو بنيتة كيدار ليها 
فاطمة : شنو زعما باغي يدي بنتي ضرة على بنت ناس 
ربيع : لا أ الحاجة خويا مرتو لولة كرهاتو فعيشتو و فالتالي طلقها و تزوجات و مشات على برا و بقا مربي لامار بوحدو مسكين 
فاطمة : شكون هاد لامار تاني 
ربيع : بنتو أ الحاجة و ما نكدبش عليك و ما نشكرش ليك خويا و لكن ضرافة و الحنانة ديالو ما تلقاها فحتى واحد حتى هو ما عندو زهر مع العيالات *شاف فكنزة اللي كانت غتطير بالفرحة * ديما كيطيح فالكسيدات 
كنزة : بزاااف عليك دابا نتي اربيعة غاتولي لوستي و ما عدرهم كيقولو لوسة سوسة والله ما كدبوا ههه
ربيع : بشوية عليك ابنتي بشوية مازال ما درنا فطاجين ما يتحرق مالك كطيري غير نتي عضامك حتى تزاد بعدا و نسميوها سعاد مسبقة الفرح بليلة 
نورسين : و نتا زعما ناطق الرسمي علاش ماجاش هو 
ربيع : صيفطني انا باش يشوفكم بعدا واش موافقين ولالا و نتي كاع اش حرق شطاتك كنهدر مع خالتي نتي اش حشا كرموستك فشريط 
فاطمة : اوا و هاد خوك فاش خدام عنداااك يكووون حتى هو يحالك غير قابط البندير و كيزعرط كي الحمار راه قالك منين داك العويد من داك.شجيرة 
ربيع : اوا الله يخلف عليك.رديتيني حمار فاخر ايامي افاطمة و لكن ماشي مشكل اللي جا من فمك عسل الله يسمح ليك خويا مسؤول كبير فواحد شركة عندو دارو و طوموبيلتو ما يخصها معاه حتى خير واخا ماشي د كمارتها 
فاطمة : اممم اوا اش غنقولك اوليدي شوف هي اش بغات *شافت فكنزة * نتي اش قلتي ابنت كرشي موافقة ولالا 
كنزة :*حنات راسها * خاصني نشوفو بعدا و نعرف عقليتو و نحكم و زيد هو عندو بنيتة و ما زال خاصنا نهضرو فشحال من حاجة عاد نشوف ديك.ساعة واش نقبل ولالا 
ربيع :*كيعوجو ففمو * لا دابا واش من نيتها لقيتيه بعدا و جالسة تنفخي و الله ما كدبوا لقا سفنجة و قال عوجة خودي غير العبرة من قصة ماماك باباك كان فراس مالو غير مصاصة و قبلات عليه و نتي سايرة تشرطي 
فاطمة :ولهيلا اوليدي ما كدبتي جالسة تنفخ انا كن كنت منك كن شديت فيه بسناني و بيدي هاد جيل فشي شكل راه من شحال هادي كانو يلويو العروسة غير فايزار اييه فين دوك ليام اللي كانت البنت تبقا فدار باها حتى كتزوج و تمشي لخيمتها راجل ما كتشوفو لا واش كحل لا واش بيض اما هاد جيل وليتوا دايرين حالة مشااات الحيا و الحشمة 
نورسين : اوا لواه اماما علاه مالها شايطة حتى هي قالت الحقيقة خاصها تشوفو و تهدر معاه و تشوف واش غايتفاهموا ولالا اما زمانكم اماما مشاااا هادا زمن اخور 
فاطمة : نسيت ابعدا ونتي اش درتي مع راجلك مسكين امدرا تصالحتو

نورسين : تصالحنا و لكن اللي شاطني داك المرض ديالو الحبيب ديالي 😔😔😔 
فاطمة : يا و مسيكين داك راجل عندك شحال حنين اييه حمدي الله ابنيتي عليه و حتى نتي مرضية واخا كنتي سايرة ضلمي فراجل و هو ما دارلك والو 
ربيع : مرضااات داك راجل بجميع الامراض اللي كاينين فالعالم يحسن عوانو معاك 
نورسين :*دارت يديها فجنابها * علاه مالي كي جيتك بسلامة و العافية 
ربيع : غزاااالة خاصك.غير الكرون هانا غانمشي باش نقول لفهد هاد الخبر *شاف فكنزة * هانا نعطيك نمرتو الا بغيتي تواصلي معاه 
كنزة : واخيرا غادي دير شي حاحة زوينة فحياااتك 
ربيع : راه هو اللي قالي نعطيهالك اما انا من جيهتي لهلا يقلب يالاه قيدي عندك 06.... صافي هاديك هي نمرتو عنداك تمشي تفقصيلي خويا راه غير هو اللي نكساب 
فاطمة : اجي بعدا علاه نتوما شحال بيكم د.الخوت
ربيع :كاين فهد هو الكبير و ختي ناريمان مزوجة و انا صغير اخر العنقود 
فاطمة : يا و نتا علاش ما ساكنش معاهم 
ربيع : قصة طويلة أ الحاجة يالاه نخليكم دابا 
فاطمة : ياو جلس تغدا راني دايرة اللحم بالبرقوق اللي كيعجبك 
ربيع : ما فياش و الله خاصني نمشي نعس فليل عندي عرس 
نورسين : احح ناري توحشت العراسات 
ربيع : نتي قتلتينا انا ميكاب ارتيست انا زميرة ما كتخدميش كاااع فلعراسات

نورسين : خديت اجازة و زايدون البرد هادا ناس ما كيتزوجوش بزااف 
ربيع : يالاه تهلاو نخليكم دابا 
مشا ربيع و ناضت نورسين بغات حتى هي تمشي 
نورسين : هانا غادة 
فاطمة : تي بركي لارض فين غادة يااو راجلك خدام اش غاتجلسي ديري فدار بوحدك كي جنية جلسي تغداي و شربي القهوة ياااو سيري 
نورسين : راني غير جيت نبارك لكنزة أماما راكي عارفة دابا خاصني نكون فدار غاااجلي هههه بغيتيه يتقلق مني 
فاطمة :اودي حتى هاداك راجل عندك بحال موكلها مخ ضبع ما كيقول لا طابت لا تحرقات غزاااال 
نورسين : شفتك نتي غير دوري و تشكري فيه مقطر ليك من عويناتك 
فاطمة : ياو زين عندك داك راجل مالي كدبت ياو الله يحفضو من العين و الله يخليه لوليداتو اللي غيجيو فطريق 
نورسين :اوا اختي مازال الحال على الولاد انا مازال باغا نعيش الحياة 
فاطمة : راك نتي واحد المنونخة منك ما كاين علاه شكون اللي كيشد.راجل من غير الولاد 
نورسين : وشفتي اماما و رجال بحال الزواق زعما يصحابلك كيتشدوا بالولاد واخا ديريلهم الكولا الا كان ناوي يدير شي حاجة من مور ضهرك واخا طيري و تنزلي و تكوني نتي هي شارابوفا يديرها يديرها 
كنزة : لا اختي ما تخلعونيش عفاكم 
نورسين : الله يكمل ليك و الله يسخر انا غادي نمشي يقدر يكون جبل فدار كاع و يكون كيسايني 
صونا لنورسين تيليفون لقاتو جبل دوزات الخط
نورسين : وي حبيبي 
جبل : نورسين غادي نتعطل هاد نهار ماغانجي حتى لليل 
نورسين : و علاش فين غاتمشي ياكما ...
جبل : تهدني تهدني ما غاديش عند جوري غير شي حاجة فالخدمة واخا تهلاي فراسك 
قطع و خلاها بلاكة 
فاطمة : تي مالك بقيتي مسمرة فبلاصتك اشكاين 
نورسين : جبيلو ما غايجي حتى لليل اهئ اهئ 
فاطمة : اوا و صافي ها دار ميمتك جلسي معانا حتى تودن للمغرب ياوسيري 
نورسين : واخا 

عند جبل 

بقا غادي بطوموبيل حتى وصل لحدا المطار و نزل و بقا متكي على الطوموبيل و مرة مرة كيشوف فساعة ديالو حيت كينتاضر واحد الشخص اللي توحشوا بزااف و شحااال هادي ما شافو ماهي الا عدة دقائق حتى بانتلو جارة باليزتها و طالقة شعرها كتبان بلي ولات ناضجة اكثر من قبل و كدلك ازدادت جملا على قبل و عويناتها الغري اللي كيعطيوها جمالية خاصة اللي شافها ما كيحيدش عينو عليها شافها جبل و ابتاسم ليها حتى هي قشعاتو من بعيد و ابتاسمت ليه و تمشات بخطوات مسرعة حتى وصلات حداه و عنقاتو 
- جبل i miss you soooooo mutch * اشتقت اليك كثيرا * 
جبل كيمرر يدو على شعرها 
جبل : حتى انا توحشتك ابنتي واغبورات هادي 
بعدات عليه و الابتسامة ما فارقاتش وجهها 
- ههه راك عارف دراسة الموسيقى ماشي حاجة ساهلة و خصوصا فامريكا 
جبل بعد عليها و شاف فشنو لابسة و بدا يضحك 
جبل : الاحمر عوتاني ابنتي ههه 
- *قالت بابتسامة *جوهرة دات الرداء الاحمر هههه عقلتي 

جبل : ما نقدرش نسا نهار اللي دخلتي لحياتي 
جوهرة : توحشت جدي و جداتي بزاف 
جبل : وي عارف غانديك عندهم حتى انا توحشتهم 
جوهرة : امورك نتا غادة مزيان 
جبل : الحمد الله هاد.ساعة 
جوهرة : نورسين لابس عليها سلمى يعقوب كلشي هو هاداك 
جبل حرك ليها راسو بالايجاب و حل ليها الباب 
جبل : دخلي باش ما يضربكش البرد 
جوهرة : واخا 
دخلات جوهرة و سد الباب و مشا جلس فالمقعد الخاص بسياقة و قلع و زاد 
جوهرة : كيف غادي مع نورسين مزيان ؟ 
جبل : مزيان غير هو مازال باغي نربيها شوية على شنو دارت 
جوهرة : ههه اللي دار الخطأ يستاهل العقوبة 
جبل : طبعا 
جوهرة : جيت على قبل العرس ديال سلمى و يعقوب مسكين عيطلي قالي الا ما جيتش عمري نهدر معاك كي بقا هو مزيان كيف غادي مع سلمى 
جبل : عاد كنت معاه ريكلنا واحد المشكل فشركة المهم راكي عارفه حتى هو زيديه على ديك الحمقة اللي عندي فالدار ضاارب دنيا بركلة المهم عرسو قرب ما بقالوش بزااف 
جوهرة : غادي نغني اغنية فعرسو نتمنا تعجبوا 
جبل :*بابتسامة * اش بانلك نديروا ديو 
جوهرة : اوووو بصح غادي يطلع واااعر 
جبل : غير كنضحك ما نقدرش 
جوهرة : علاااش ما تقدرش ياك عندك صوت زوين 
جبل : عندي صوت زوين ؟ ما كنظنش غير كيجيب ليكم الله ما يكونش بحال صوتك 
جوهرة : انا عارفاك واحد الانسان اللي متوااضع ما كتبغيش الاضواء يتسلطوا عليك بزاااف سعدات نورسين بيك نتا شخص ما كاينش بحالك كنقول هاد الهدرة فغيبتك و فوجهك نقدتيني من الزنقة و ربيتيني و ما خليتي ما درتي ليا و دابا حققتي ليا الحلم ديالي كنشكرك بزاااف على كلشي درتيه على قبلي 
جبل :هاداك واجب اي واحد كان غايتصرف نفس تصرف و كلشي مكتاب ربي اللي حطك فطريقي انا خديت فيك الاجر و نتي لقيتي اللي يحميك حنا بجوج مستافدين من بعضياتنا امورنا كلها مرتبة عند الله سبحانه و تعالى حنا كنظنوا بلي كنختاروا او لا كنقرروا ربي كيقول غير 《كن فيكون 》و كنعرفوا بلي حنا غير ضعاف الله سبحانه و تعالى اللي كيعرف الخير فين كاين سبحانه 
جوهرة:عندك الحق
مسافة طريق استغرقات عدة ساعات باش يوصل للمزرعة ديال جدو و جداتو جبل حبس اللوطو و حيد السمطة لقا جوهرة نعساات 
جبل : جوهرة وصلنا 
ناضت جوهرة بشوية عليها كتفوه حلات الباب و دارت شافت فيه 
جوهرة : نتا ما غتنزلش 
جبل : لا مشا الحال و نورسين غاتكون كتسايني غادي نعاود نرجع سلمي عليهم و قول لهم غادي نجي عندهم انا و نورسين 
جوهرة : انشاء الله *بقات كتشوف فيه بحال باغا تقولو شي حاجة * جبل ..
جبل : نعام باغا شي حاجة 
جوهرة بقات ساكتة مدة و فالاخر حنات راسها و هبطات 
جوهرة : والو غير حلي الكوفر بغيت نخرج لفاليز ديالي 
جبل نزل من اللوطو حل ليها الكوفر و نزل منو الشانطة 
و مرر يدو على شعرها 
جبل : تهلاي فراسك

دخل للطوموبيل و سد الباب و ضرب دورة و رجع فطريق و صورة د نورسين ما فارقاتش بالو غير كيتفكر غادي يلقاها فدار من بعد هاد تعب كااامل كيحس بقلبو غيخرج من بلاصتو اخيرا رجعاتلو حبيبتو و ملاكو فطريقو شاف واحد المحل ديال بيع الشوكولا اللي كيعرفوا مزياااان حيت فايتلو شرا منو الشوكولا لنورسين حبس اللوطو جنب الطريق و نزل منها تمشا بخطوات بطيئة حتى وصل للمحل و دق فالباب وهو يتحل و ابتاسم لداك الرجل العجوز صاحب المحل 
جبل : العم عثمان ياك 
عثمان كيشوف فيه كيحاول يتدكرو 
عثمان : نتا اللي كنتي جيتي عندي مع صاحبك الا كان عقلي ينفعني 
جبل : *حرك لو راسو بالايجاب * مشاء الله عندك داكرة قوية 
عثمان :*بابتسامة * الكليان العزاز ما كيتنساوش دخل أولدي دخل 
دخل جبل و سد عثمان الباب و دخل 
عثمان : جلس اولدي جلس حتى انا كان خاصني معامن نهضر 
جبل ابتاسم ليه و جلس 
عثمان : تشرب اولدي شي حاجة 
جبل : لا انا جيت غير ناخد شي حاجة و نمشي مازال عندي طريق طويلة 
عثمان جلس فالكرسي اللي مقابل معاه و ابتاسم ليه 
عثمان : كتساينك المدام واقيلة 
جبل : راك عارف * دوز يدو على لحيتو * امورك نتا غادة مزيان 
عثمان :*ابتاسم بحزن * هانتا كاتشوف اولدي كبرت و ما عندي لا ولاد لا حفاد هانا جالس فهاد الحانوت حتى يدي مول الامانة امانتو 
جبل : ما بغيتش ندخل فامورك شخصية و لكن راجل كبير بحالك و مازال ما تزوجتيش شوية غريبة هاد القضية 
عثمان : * تنهد * ماشي لخاطري اولدي انا قصتي قصة واحد حب وحدة و خلص ليها حياتو كاملة * ابتاسم * كيف ندير نتزوج من غيرها ما نقدرش اولدي ما نقدرش ايييه يقولون و ما الحب الا للحبيب الاول و الله ما كدبوا اولدي بصح هاد القلب فاش كيعشق شي وحدة ما كيقدرش يشوف غيرها منين كانت عندي عشرين عام اولدي و انا كنبغيها و دابا راه عندي ستين عام 
جبل : اربعين عام و نتا كتبغيها 
عثمان :*شاف فيه بحزن * اه اولدي مازال صورتها بين عيني مازال *تنهد * ولكن مع الاسف ما كتابش اولدي تزوجات راجل واحد اخور و لحد الان فاش كنشوفها قلبي كيضرب بحال اول مرة غادي نشوفها بحال شي مراهق تصور اولدي كتبت مجلد ديال شعر فكل ليلة كنكتب ليها ااااخ اولدي الحب صعيب ما كيعرف بحقو غير لي مجربو 
جبل حس بالحزن من جيهة العم عثمان نورمال حتى هو مجرب هاد الاحساس عاشوا نفس القصة الفرق اللي كاين جبل معاها دابا و لكن عثمان ربي ما كملوش هادي هي الحياة ماشي اي حاجة كنبغيوها ديما كنوصلوها 
جبل : مازال كتشوفها لحد الان 
عثمان : *حاني راسو و كيهدر * مزال اولدي كنشوفها كتسكن غير هنا سميتها ياسمين و زوج ديالها سميتو عبد المالك 
جبل بحال كبيتي عليه سطل د الما بارد اش هاد صدفة صدق العم عثمان مغرم فجداتو ما عمرو تخايلها عض جبل على شنايفو و هز يدو و طبطب عليها
جبل : ما عرفت ما نقولك من غير اني ندعي معاك يخفف الله سبحانه و تعالى عليك الم العشق حيت ما كاين ما صعب من انك تبغي شي شخص و ما تكملش القصة و تجمعوا انا اكثر واحد حاس بيك حتى انا عشرين عام و انا كنبغي مرتي و الحمد الله ربي كتب و كملات القصة و تزوجنا و لكن ربي ما غاينساكش انا متاكد و كنحييك صراحة الاشخاص بحالك قلالو اللي كيعرفوا معنى الوفاء للشخص اللي كيبغيوه 

♤♤♤♤♤♤♤♤♤♤♤♤ 

ثق بأن الله ألطف من أن يحزن قلبك ثم ينساه 
وأكرم من أن يعطيك حزن كبير ولا يعقبه فرح 
الله أعظم من أن يزرع فيك أمل ثم يميته 
الله أكبر من همك

♤♤♤♤♤♤♤♤♤♤♤♤♤ 

خدا جبل من عندو باكية د شوكولا و الورد احمر 
جبل : شكرا 
عثمان : شي نهار اجي نتا و ياها لعندي و تهلا فيها الله يرضي عليك 
جبل : ما تحتاجش توصيني على روحي * باسلو راسو و خرج* الله يعاون

طلع فطوموبيلتو و قلع مسافة ديال طريق استغرقات عدة ساعات هز تيليفونو باش يعيط لنورسين لقاه طافي وصل حدا الفيلا ديالو و نزل مدكدك عياااان طريق هلكاتو هز الورد و البوكي د الورد و دخل لداخل دق الباب ما حلو حتى واحد حشا يدو فجيبو باش يحل بالساروت و هي تحلو نورسين الباب وطاااارت عليه بتعنيقة ما عرف راسو باش تبلا 
نورسين : جبيييلو واخييرا جيتي شحال و انا نتسناك 
جبل : *بابتسامة * داز هاد نهار طويل بزاااف حتى انا كنت كنتسنا غير فوقاش نوصل 
بعدات عليه و حطات يديها على خدودو بجوج و باستو فعويناتو بجوج و هبطات باستو فنيفو و بعدات جبل غير كيضحك و مع كل قبلة قلبو كيرجف 
نورسين : انا بلا بيك كنتلف حق الله دخل دخل بعدا راه كاين البرد 
دخل جبل من الباب و هي تشوف فيدو الورد و باكية د شوكولا 
نورسين : بااااباااااا جاب لبنتو شوكولا و الورد ياااي ارا داكشي ارا 
عطاه ليها و دخل حيد المونطو و علقو 
نورسين :* حلات البكية د الشوكولا و دارت وحدة ففمها * فين كنتي زعما هادي كلها خدمة من العشرة حتى لتسعود د الليل امم 
جبل قرب ليها و جرها لصقها مع الحيط و حيد ليها الباكية د الشوكولا و الورد حطهم فوق الطبلة و رجع عندها و حط يدو على شنيفاتها 
جبل : نتي انانية فخبارك ؟ 
نورسين هزات يديها حطاتها على لحيتو 
نورسين : * بدلع * علاش شنو درت 
جبل : * كيهدر بصوت حنيين و كيضغط على شنايفها * كتاكلي شوكولا غير بوحدك و باباك محروم منو ماشي عيب عليك 
نورسين : ههه راه هو فوق الطبلة كول حتى تشبع 
جبل : هاداك باسل بغيت هادا اللي ففمك 
نورسين بقات غير كتشوف فيه و قلبها كيضرب فالالف 
جبل : واحد العقاب عندك من قبيلة نسيتيه 
نورسين هزات يديها حطاتها على فمها 
نورسين : لاااااا انا مادرت والو ما عندي حتى عقاااب شنو ناوي ديري تعضني عاود 
جبل كيقرب ليها و حيد يديها من على فمها 
جبل : البسالة هادي علاش كتحطي يدك على فمك فاش كنقرب ليك 
نورسين حيدات يديها من على فمها و بدات كتهدر 
نورسين : لااا ماشي هاكاك غير....
قبل ما تكمل هدرتها جبل جرها ليها و حط شنايفو على شنيفاتها بقات هي غير مصدومة حشا يدو فشعرها و كيزيد.يجرها لعندو باش تجاوب معاه داكشي اللي دارت حتى هي هزات يديها بجوج و دوراتهم على عنقو و تعلات فيه حتى دورات رجليها على خصرو جبل حس بيها و بدا يبتسم و بعد عليها و بدا ينهج و كلو كيتصبب بالعرق و حط راسو على راسها و قال بهمس 
جبل : شنو كديري فيا ؟ شكون نتي ؟ و علاش نتي اللي كتخلي قلبي يضرب حتى لهاد درجة ؟ علاش ربي لقاني بيك فاصعب الاوقات اللي خلاتني نعشقك غير نتي ؟ نتي بوحدك اللي كاينة هنا * هز يديها حطها فقلبو * نتي بوحدك اللي عندك سورات ديال هاد القلب بوحدك ؟ ربيتيه على يديك هاد القلب بغاك منين كانت عندو عشر سنين حتى ولات فعمرو ثلاثة و ثلاثين عام حبي ليك كبير بزاااف هزيت حمل ما كان هازو حتى واحد كنت كنتعدب فاش كنت كنشوفك و ما كنقدرش نلمسك باش نطفي نار عشقي ليك عشقي ليك فات مرحلة الجسد و تعداها بحدود انا بغيتك نتي بغيت روحك بغيتك حيت بفضلك انا عايش بفضلك املاكي ما عمري نسا نهار اللي هدرتي معايا تحت شجرة ليلك حتى واحد ما كان كيبغي يهدر معايا كلشي كان حاكرني لدرجة فكرت نتاحر * مرريدو على شعرها *عقلتي احبيبة و لالا 
نورسين حركات راسها بالنفي و ابتاسمت 
نورسين : احسن حاجةدرتها فحياتي هي هدرت مع بوكوص بحالك ههه هااااح شوف يا صاحبي المكاتيب 
جبل :*ابتاسم ليها * كان عندي امل بلي غاتفكري ولكن ماشي مشكل المهم هو انا معاك دابا * باسها بوسة خفيفة فعنقها * ياك احبيبي ياك *كيحرك نيفو على عنقها كيهرها * 
نورسين : هههههههه و صافي كتهرني لحيتك كتكني 
جبل هز راسو شاف فيها 
جبل : بصح ما عاقلة على والو 
نورسين حطات يديها على لحيتو 
نورسين : هااء وا دابا نتا كانت فعمرك عشر سنين و انا كان فعمري خمس سنين كي بغيتيني نعقل وانا عندي داكرة على قد الحال مصاب نعقل غيرشنو كليت قبيلة 
جبل بقا ساكت كيشوف فيها مدة و حشا شعرها من مور ودنيها وقال بهمس 
جبل : العسيلة ديالي علاش نتي حلوة حتى لهاد درجة امم 
نورسين : حيت انا عسيلة نورمال نكون حلوة او لا ههه وعلاش نتا زوين و حنين حتى لهاد درجة و رومانسي امم عرفتي واحد الحاجة اول نهار شفتك فالعمارة مع هاديك اللي ما كتسماش بنتيلي قاااصح و لكن عجبتيني جيتيني كيووت بزاااف 
جبل :*بابتسامة * دابا انا بقدي و قامتي جيتك كيووت 
نورسين :ورااك كيوت مالي كدبت شوف كيفاش كتهدر و كيفاش كتشوف فيا بعويناتك هاااح بحال القطيط و كنحمااااق عليك 
جبل : عليها خليتيني عااامين على قدها لا باينة كتبغيني و كتسطاااي عليا

نورسين :* عبسات و جهها * هانتا بديتي كتقباح عاود و صااافي نسا نساااا 
جبل بعد عليها و هز المونطو ديالو و عطاها بضهر و بغا بطلع و هي تمشي كتجري لعندو و شداتلو فيدو 
نورسين :فين غادي 
جبل : ندوش و نرتاح راني عيااان باغي غير نعس 
نورسين : ما كنتيش كتعيا بحال هاكا من قبل كان فيك جهد على دابا * مررات يديها على قلبو * نتا غادي تبرا انا متاكد احبيبي شربتي دوا ياك 
جبل حرك ليها راسو بالايجاب 
نورسين : واخاصك تبقا دير رياضة 
جبل : هاد العضلات اللي كتشوفي قدامك باش درتهوم بنعاس مثلا خدمي دماغك 
نورسين : لااااا و ما تبقاش تلعب الحديد واش حمااااقيتي قلبك راه ما غاديش يتحمل الرياضة العنيفة واش باغي تقتل راسك و تقتلني معاك * تغرغروا عينيها بدموع * والله توقعلك شي حاجة حتى نتبعك ما نقدرش نعيش بلا جبيلو 
جبل :* مرر يدو على شعرها * يكون خير انشاء الله 
طلع جبل و هي تعيطلو نورسين 
نورسين : جبيييلو 
دور وجهو شاف فيها و قال بتعب 
جبل : نعااام 
نورسين : *دلات شنايفها * بغيت نصوب العشا و... 
جبل : حرقتيه 
نورسين طرطقات فيه عينيها 
نورسين : باش عرفتي 
جبل : كنشم ريحة الحراق فدار فين هي انا كنعرف نطيب و ما كاينش بحالي عولنا عليك بكري ابنتي 
نورسين : و دابا غاتبقا تعايرني من لخر انا ما كنعرفش نطيب صافي ونتا خاصك تقبل عليا كيفما انا و اصلن الرسول صلى الله عليه و سلم قال 《 تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا 》 كاين هادشي ولا ماكاينش 
رجع جبل هبط فدروج و دار يدو فجيابو و ابتاسم ليها 
جبل :كاين عندك الحق 
نورسين :*دارت يديها فجنبها * اوا ما قالش لطبخها سمعتي أبيبي سمعتي اصلن انا ماشي مفروووض عليا نطيب ليك 
جبل :*دوز يدو على لحيتو و دور وجهو جنب و ابتاسم و شاف فيها * واش انا قلتلك مفروض عليك تطيبي لي انا قاد براسي و ديجا انا قاري على طبخ و عندي مطعم فعلاش غانتسنا منك طيبي لي انا نقدر نعلمك الا بغيتي غير ما تقلقيش أ العسيلة ديالي و كوني على خاطرك 
نورسين :*دلات شنايفها * اوا زعما كيقولك بلي راجل ما كيبغيش المراة الا ما كانتش كتعرف طيب و يقدر يطلقها اهئ اهئ *حطات راسها على صدرو و هزات عينيها شافت فيه كي شي قطيطة 🐈🐈* ياك ماشي مشكل واخا نكون ما كنعرفش نطيب نتا قابل عليا كيفما انا 
جبل ضمها لصدرو و دوز يدو على شعرها 
جبل : *تنهد* سمعيني نقولك واحد الحاجة داكشي غير تخربيق انا اش كندير هنا انا نطيب لحبيبتي و اللي قال عليك ما كتعرفيش طيبي نتفاهم معاه الا بغيتي طيبي طيبي ما بغيتيش انا نطيب لعسيلة ديالي * بعد عليها و قبط فدرعانها بجوح * شحال من مرة قلتلك حتى واحد ما كيتزاد معلم ماحد روح كطلع و تنزل فينا قادرين نتعلموا و نحققوا المستحيل 
نورسين :*كتمسح دموعها و شافت فيه * عار ربي واش نتا انسان حقيقي ولا غير كنتخايل ياااربي شنو درت فحياتي باش نتلاقا معاك غير قولي شنو درت 
جبل : هانا طلعت ندوش و نجي نطيب شي حاجة خفيفة ناكلوها واخا *جرها من حنكها * و ما تبقايش تقلقي على اشياء تافهة بحال هاكا 
عطاها بضهر و طلع مشات نورسين جلسات من فوق الفوتوي على مايهبط و هزات تيليفونها بقات طالعة هابطة فالانستغرام حتى صونات ليها واحد نمرة بقات كتشوف فيها جاتها ماشي د المغرب شكون اللي غايكون كايعيط ليها دوزات الخط 
نورسين : الو شكون معايا 
- ما عرفتينيش نسيتيني حتى لهاد درجة 
نورسين وقفات 
نورسين : انووووور هادا ياااك 
انور : هو هادا ما كتسولي فيا ما كتقولي كيف بقا داك سيد 
نورسين : لا ولهيلا حتى كنت باغا نعيط ليك راك فبالي كيف غادة امورك مزيان نتا بخير
انور: مزيان كي بقات ماماك و ختك كلشي مزيان 
نورسين : الحمد الله اخويا انا بخير 
انور : ما محتاجة والو 
نورسين : لا حمد الله 
انور: دابا نعاود نعيط ليك دابا مشغول شوية 
نورسين : واخا الله يعاون شكرا على الاتصال فوقاش غاتجي للمغرب 
انور: ما بقاش بزاف و نجي good bye 
قطع عليها و رجعات جلسات نورسين فوق الفوتوي و شعلات تلفازة كتقلب فالقنوات جاها الملل ما لقات والو طفاتها و هزات تيليفون و حشات فيه الكتمان و طلقات الموسيقى و تكات من فوق الفوتوي و غمضات عينيها 
فنفس الاثناء هبط جبل لابس كابيشون كحل سخون مع سروال ديال كيطمة كحل وريحة ديال عطرو مع شامبو سابقاه هبط لتحت بانتش ليه نورسين و بدا يعيط ليها 
جبل : نوووورسين نوووووورسين 
تمشا حتى وصل لصالون و هي تبان ليه ناعسة و دايرة الكتمان فودنيها و جالسة كتدندن كي الحمقة ابتاسم و غمض عينو و عاود فتحهم 

بقات جالسة كتدندن كي الحمقةو كتحرك فيديها و جبل حاضيها و كيتنهد شوية بدات تغني بجهد 
نورسين : ايلا غاااااب عليا نحماااق من غيرو هو ما نخلاق حياتي ماليها مداق و حبيبي ماهو فيها شكون اللي جاب سيرة الفراااق ملك روحي و اسكن العماااق سوا اللي ناعس و لا اللي فاااق عرفوني مشيييت فيها 
*مغمضة عينيها و كتغني و تصفق * هااااادي فخاااااطر الحيباااااان جبييييلو ههههه 
جبل كيشوف فيها وكيموت بضحك قرب ليها شوي بشوي حتى وقف من فوق راسها نورسين حسات بضل ديالو حلات عينيها و هي تقفز بانلها قريب ليها بزااف و كيتنهد حدا وجهها 
نورسين : ج...ج...جبل فوقاش هبطتي 
نورسين حيدات ليزيكوطور من ودنيها وناضت جلسات 
نورسين : بصحة الحمااام 
جبل : صوتك زوين فخبارك 
نورسين دارت كرااااخ بضحك 
نورسين : هههههه لا واش من نيتك كدوي كن يسمعوه عباد الله كن يهربوا نتا اللي عندك صوت زوين و ما عمرك غنيتي ليا حرام عليك 
جبل : حتى تجيبها الوقت ماشي دابا غادي نمشي نوجد العشا تبقاي هنا و لا غاتعاونيني 
نورسين : عرفتي شنو دموندي بيتزا من برا 
جبل : اللي بغيتي 
نورسين جراتو من يدو و جلساتو حداها و تكات على صدرو 
نورسين : صافي غير دومونديها بلا ما تعدب راسك و نتا عيااان اصلن * هزات يدو باستها و شافت فعينيه * 
جبل : على خاطرك *هز تيليفون ديالو و دموندا بيتزا و رد تيليفون لفوق طبلة و عنقها عندو و حشا نيفو فشعرها * توحشتك أحبيبي 
نورسين : حتى انا توحشتك 
جبل : شنو دابا كاديري راسك ما فاهماش ولا كتقوفزي عليا 
نورسين بعدات عليه و ربعات يديه و شافت فيه ببراءة 
نورسين : كيفاش كنتقوفز عليك عاود قلتيلي توحشتك حتى انا قلتلك توحشتك ياء 
جبل هز يدو و مررها على دراعها و بقا هابط غير بشوية حتى كيبورشها و كيشوف ليها فعينيها شوفة خطييييرة 
جبل : باغي بنت منك أ العسيلة ديالي
نورسين : حتى انا باغا وليدات 
جبل :و باش غنديروهم مثلا 
نورسين ضربات الوقفة و بقات كتشوف فيه و كضحك 
نورسين : كيتيليشارجيوهم من بلاي ستور 
قالت هاد الجمل و بقات كتشوف فيه و كتضحك جبل ناض لعندها و هي تهرب 
نورسين :جبيييلو نتا بعقلك 
جبل : اجي غير نهدر معاك 
نورسين واقفة بعيدة عليه و كتحرك فحجبانها 
نورسين : نتا قبيح 
جبل : علاش شنو درت ليك ؟ 
نورسين :ديما كتقول باغي بنيتة و الا كان ولد يالاه انا باغا ولد ما باغاش بنت صافي 
جبل كيقرب ليها شوي بشوي و كيحك فلحيتو 
جبل :قلتلك الا كان ولد و الله لارضع منك 
نورسين : وااااش باغي تحمقني كيفاش والله لارضع مني زوينة هادي عاود 
جبل : مااااعندوش الحق

نورسين : واااش غاتغير من ولدك واش حمق 
جبل كيقرب ليها و كيهدر 
جبل : اه انا مريض احمق و كنغييييير عليك من كلشي 
قال هاد جوج كلمات و قرب ليها باغات تهرب و هو يشدها من يديها 
جبل : فين هاربة*جرها من خصرها حتى ضربات فصدرو و حشا راسو فعنقها كيهدر فيه 
جبل : العرااااا نسايه غاتولي تلبسي غير طويل و يزغبك الله و تمشي تهضري مع شي راجل نقتلو *قرصها فخصرها حتى تاوهات * انا دمي حاااامي و الا قلت الهدرة كنطبقها والا شفتك هدرتي مع شي راجل ولا قربتي منو واخا يكون شكون ما بغا يكون و بالخصوص داااااك شماتة د أنور غتشوفي واحد الوجه قبيح و قبيح بزاااف نتمنا ما تشوفيهش انا ضريف حنين زوين ولكن فاش الامر كيتعلق بيك كنولي ما نسوا ما نصلاح وحش سمعتيني 
بعد عليها و حط جبينو على جبينها و شدلها فخدودها بجوج 
جبل : واش متافقين أ العسيلة ديالي 
نورسين حركاتلو راسها بالايجاب و قالت 
نورسين : و نتا نشوفك كدور بديك جوري ولا ما نعرفت شنو سميت مها ندبحك نتا وياها * جراتو من الكبوط اللي لابس * سمعتي 
جبل : شنو قلتي دابا خسرتي الهدرة ياك 
نورسين ابتاسمت و قالت 
نورسين : فكل مرة غانبقى نخسر الهدرة باش تعاقبني هااااح و شحال كيعجبني العقاب ديالك كلشي فيك زوين حتى من غيرتك 
جبل :دور وجهو جنب و ابتاسم و عاود شاف فيها و جرها من خصرها و مرر يدو على كرشها 
جبل : فوقاش غانشوف هاد الكريشة منفوخة اممم فوقاش *باسها بوسة خفيفة ففمها * 
نورسين : الله اعلم دابا نتا والو باغي بنت 
جبل : فخبارك بلي الا ولدتي بنيتة غايولي عندي جوج بنيتات ماشي غير وحدة حيت بنتي الاولى هاهي واقفة قدامي 
نورسين دورات يديها على عنقو 
نورسين : وشكون اللي غايسميها 
جبل : انا بطبيعة الحال 
نورسين: وشنو غاتسميها 
جبل حط نيفو عل نيفها 
جبل : خليها مفاجأة أالعسيلة ديالي 
سمعوا دقان فالباب و نورسين بعدات عليه 
نورسين : واقيلة البيتزا وصلات غنمشي نحل الباب مشات كطير حلات الباب و هي تصدم بقات غير مبلقة عينيها فشخص اللي كتشوف امامها و قالت بهمس 
نورسين : ر...ر...رشيد 

رشيد : سلام ختي نورسين سمحولي لا نكون جيت فشي وقت ماشي هي هاديك 
جبل وقف حداهم و بقا مصدوم كيشوف فيه و حك لحيتو 
جبل : رشيد اش كدير هنا 
نورسين :**نغزات جبل و شافت فيه و هدرات تحت سنانها * فين تعلمتي الادب نتا *شافت فرشيد * تفضل اخويا مرحبا بيك 
دخل رشيد حاني راسو 
نورسين : تفضل اخويا راه صالون 
دخل رشيد و جلس و بقات نورسين و جبل حدا الباب 
نورسين : علاش كتهدر مع الولد بديك طريقة 
جبل طلعلو دم و غير كيغزز فشنايفو جمع يدو على شكل لكمة و خنزر فيها
جبل : سمحيلي ما كنتش عارف بلي قللت الادب على صديق طفولة 
نورسين : لا واش كدوي من نيتك 
جبل :*ضرب يدو مع الباب بجهد * هادا اش جابوا لهنا اش جاااابوا بغيت نفهم 
نورسين : *قبطات فدرعانو بجوج * جبيلو تهدن واش حماقيتي اش هاد الهدرة كتقول غادي يسمعك الولد ما عارفناهش حتى علاش جا حشومة عليك بالله 
جبل :وفين عرف داااري فين * شد على راسوو طلع فيها و هبط * ونتي اش هاد لباس لابسة امم 
نورسين :*كتشوف فيه باستغراب * وراني جالسة فدار شنو بغيتيني نلبس الخمار زوينة هادي عاود 
جبل : طلعي لبسي شي حاجة طويلة 
نورسين :*خنزرات فيه * واش بنتلك معرية اجبل دير عقلك اصلن راني لابسة بيجامة طويلة واش هبلتي ولا كتهوبل عليا و دابا دخل نشوفو الولد اش بغا
جبل : *ربع يدو و خنزر فيها * توحشتي تجمعي مع رشيد يااك باش تحيي دكريات طفولة 
نورسين :*غمضات عينيها و عاودت فتحاتهم * واش هادي كلها غيرة 
جبل : رشيييد عرفتي تعقلي عليه وانا حرااام واش بغيتي تفكريني 
نورسين :*دارت يديها فجنبها * واش دابا كتقارن راسك برشيد اصاحبي هو راه عاش معايا طفولة كلها كلها واش كتفهم حليت عيني عليه كنت كنلعب معاه بزاااف و زيد عليها كنا كنقراو فمدرسة وحدة فنضرك غادي نعقل عليه هو و نتا اللي تلاقيتك مرة وحدة تحت شجرة واااا صاحبي خدم غير لوجيك 
جبل :*خنزر فيها و عينيه حووومر و كيحس بصدرو شاااعلة فيه العافية و كيغزز فشنايفو * حليتي عليه عينك مالو ولا ماماك زوينة هادي عاود و من بعد الا قرا معاك ماشي بضرورة تعقلي عليه 
نورسين :*شدات فشعرها و تنهدات * ياااربي تصبرني يااااربي 
جبل : تعرفي الله بعدا نتي اللي كنتي تلعبي مع الولاد فصغر تعرفي الله بعدا ما عارفاش بلي حرام 
نورسين غلباتها ضحكة و دوزات يديها على وجهها 
نورسين : لا و الله حتى زدتي فيه و عيقتي كااع *دورات يديهاعلى عنقو و حطات نيفها على نيفو * هاااااح على المغيااار ديالي نموت فيك انا و فغيرتك شوف عينيك كي ولاو حووومر ا صاحبي أجبيييييلو و ما تقلقش راسك راك مريض بقلبك 
جبل : *كيدوز يدو على لحيتو و صدرو كيطلع و ينزل بالاعصاب * هو اللي كان كيشفر الحلوة من الحانوت دباباها و يجيبلك يااااك هو مال شفار لاخور اش عجبك فيه حتى كنتي تلعبي معاه و الله ما فهمت 
نورسين : ههههههه ونتا باش عرفتيها 
جبل : سيادتكم اللي قالتها ليا فاش كنا كنهضروا مع بعضياتنا اممم قوليلي سبب واحد كان كيخليك تلعبي معاه فهميييني باغي نعرف 
نورسين : ههههه و غير حيت كان كاااااامبو واش كاتفهم كنت شاااابعة حلااااوي مع راسي و كنت عزيزة عليه يمكن كنت كنعجبوا 
جبل : يااااكما كنتو مصااااحبين *كيدوز يدو على شعرو * نوووورسين جاوبيني جاااااوبي ما تلعبييييش معايا ففحال هاد الامور

نورسين : ههههه واش هبيل كيفاش كنا مصاااحبين عاود وراه كنا غير صغاااار واش كتفهم راه عادي جدا اي بنت كانت كتلعب مع شي صديق فصغر ماشي حيت نتا ما كان كيلعب معاك حد عند بالك كلشي بحال بحال 
جبل على اثر هاد الكلمات الاخيرة حس بحال موس حشيتيه فصدرو بقوة اللي جرحاااتو بهدرتها ااااخ فكراتو فالماضي الاليييم ديالو بصح هو ما كان كيلعب معاه حتى واحد بصح كانو دراري كينفروا منو حيت كان فصغرو بشع و الاطفال كلها كتعااايروا و ديما كيقولو هو سبب فقتل امو كانت هادي هي نقطة ضعف ديالو و هاهي فكراتو فيها مازال الحد الان غير كيتفكر الماضي كيمرض علاش حتى هو ما كانش عايش بحال الاطفال الاخرين علاش تحرم من الحنان ديال ماماه و الا ب ديالو اسئلة ما عمروا لقا ليها جواااب بقا غير ساااكت و كيشوف فيها و صدروا لداخل شاااااعلة فيه ماشي غير العافية بركااان خااااامد و فاي لحظة يقدر ينفااااجر عينو حوووومر و صدرو كيطلع و ينزل و العرق كيتصببب منو و كيشووووف فيها بقسوة دور وجهو و ضرب يدو مع الحيط على حر جهدو كيبرد فيه الفقايس نورسين عرفااات راسها قفراتها بلمزيااان حتى هي كتحس بيه فاش كيكون مقلق غير شوي و فاش كيكون معصب دياااال بصح و هاد الحالة اللي هو فيها عمرها شافتو وصل ليها من قبل حالة جديدة عليها 
نورسين بقات غير حاطة يديها على فمها و كتشوف فيه و قالت بصوت متقطع 
نورسين : ج...ج..جبل 
جبل هز ليها يدو بمعنى سطوب 🖐🖐🖐 و دور وجهو شاف فيها و قال بصوت منخفض و لكن مخييييف 
جبل : حتى كلمة انورسين ما تزيدي حتى كلمة ما باغيش نغلط فيك 
عطاها بضهر و دخل لداخل عند رشيد و جلس نورسين بقات واقفة كتغزز فضفارها حدا الباب 
نورسين :اويييلي شنو قلت انا هدرت عادي مالو تقلق حتى لهاد درجة اووووف هاد لسان خاص لي يقطعولي من جدر ديمااااا خارج عليا اووووف الناس كلها عندها الزهر كيهرس الحجر الا انا زهر هااااز الحجر و يشير بيه عليا اوووف منك انوووورسين اووووف و هاهو تقلق مني جبيلو عاود تفوووو 
ضربات رجليها مع الارض بالفقصة و دخلات تبعاتو لداخل لقاتو جلس اونفاص لرشيد اللي كان حاني راسو و جبل كيدير فيه شي شوفات غير الله يستر مع الله يحفظ يقدر فاي لحظة ينوض يعوج ليه كمارتو دخلات نورسين بجوج بيهم هزو راسهم شافو فيها رشيد ابتاسم ليها و جبل خنزر فيها و حول عينو شاف فرشيد 
نورسين :احم رشيد مرحبا بيك اخويا تشرب شي حاجة 
رشيد : ترحب بيك الجنة اختي انا جاي غير نهدر معاكم فواحد الموضوع و نمشي بحالي ما بغيت نشرب حتى حاجة بلا ما تعدبي راسك 
نورسين :واخا على خاطرك 
مشات جلسات حدا جبل وهو يشبك يدو فيديها و مخنزر فرشيد كيحاول يقول بتصرفاتو بلي نوووورسين ملكي انا 💕💕 نورسين شافت فيه لقاتو مدور وجهو ما كيشوفش فيها كيشوف اونفاص لرشيد 
جبل :كنضن جيتي باغي تهدر ماشي تبقا حاني راسك و ساكت على حد علمي ماشي زيزون 
رشيد هز عينو شاف فيه و ابتاسم بخجل و نورسين كتنغز فيه و قربات حدا و دنو 
نورسين : حرااام عليك اش هاد الهدرة كتقول 
جبل كمل هدرتو بحال ما هدرتاش معاه كاع 
جبل : شكون وراك داري ولاش جاي فنص الليل كدق عليا كاينة واحدة الحاجة سميتها صباح ما عرفتيني ناعس ما عرفتيني عيان و من فوق هادشي كامل جاي و ساكت و حاني راسك و فاش كتهز عينيك كتشوف فمرااااتي شنو معنية هاد تصرفااات اسي رشييييييد *ضغط على اسمو *

نورسين كتعض على شنايفها و كتنغز فيه غير بشوية و حنات على ودنو 
نورسين : جببببل قااااد هدرتك اش هاد الكلام كتقول 
جبل طرطق عنقو و شاف فيها و ميل راسو و عض على شنايفو وحنا على ودنيها و هدر 
جبل : انا ما كان كيلعب معايا حد و مي اللي غاتعلمني الهدرة مقادة ماااتت وهي كتولدني و با ما كانش مسوق ليا انا غير وحش كاااابر فغابة و هادي هي هدرتي و خصوصا مع هاد شخص ما عنديش معاه نتمنا نكون فهمتك 
شافت فيه و خنزر فيها و رجع كيشوف فرشيد اللي كان العرق كيتصبب و كيمسح وجهو بكلينيكس و باينة فيه متوتر 
جبل :*هدر بصوت خشن حتى قفز رشيد و نورسين من بلاصتهم * الااااااا كنتي جاي تبقا ساااااكت غير سير من الافضل انا اصلن عيااااان و ما فيا اللي يهدر 
رشيد :من حقك تعصب اسي جبل الغلط ديالي اللي جاي عندك فهاد الوقيتة سمحلي بزاااف ولكن حتى انا عاد حطاتني طيارة و هادي رجلي عاد جيت حطيت لفاليز ديالي فلوطيل و جوهرة هي الللي عطاتني العنوان 
جبل على اثر هاد الجملة الاخيرة عينو و لاو حوووومر اكثر من قبل و عضلاتو تزيرو عليه غير سمع سميت جوهرة بحال لحيتي زيت فالعافية كان هو اصلن على نقشة و عضامو كيغزلو عليه و هو بهدرتو زاااااد طين بلة خلاوها المصريين ناض جبل وقف وقرب ليه بخطوات مسرعة و شنق عليها 
جبل : شكون قلتي عطاك العنوان * ضربو بلكمة لفمو حتى دوخوا * شكووووون قلتي هاااا نتا منين كتعرف جوهرة منين *زادو بونية لحنكو * 
نورسين ناضت كتغوت و كتجروا من ضهروا عليه 
نورسين : جببببببل غاتقتلو بعد من الولد بعد 
جبل بعد عليه و رد شعرو لور العرق كيتصبب منو بغا يرجع يكمل عليه و هي نورسين توقف ما بينها و بينو 
نورسين : وااااش حمااااقيتي 
جبل مكررره و معصب لاقصى درجة و قال بصوت خشن 
جبل : حييييييدي علااااااش كتداااافعي عليه عللااااااش اممم علاااااش واااش سمعتيه اش كيقول كيهدر مع جووووهرة هو علاااااش كيهدر معاها اش بينها و بينو بااااش يهدر معاها 
نورسين :*شداتلو فدرعانو * جبل تهدن احبيبي تهدن نتا اصلن مريض خليه غير يشرح لينا بعدا اجي جلس تهدن تهدن * قبطاتلو فيدو جراتو جلساتو من فوق الفوتوي و هزات يدو باستها * عفاااك حاول على راسك سمع لولد بعدا عاد حكم واخا *كتلعب فلحيتو بصباعنها * متااافقين ياك اجبيلو ما غاديش تعصب و ما غاديش تنوض لعندو مرة أخرى ياك 
جبل شاف فيها مدة و بقا ساكت و فلخر حرك ليها راسو بالايجاب و دور وجهو كينهج ناضت نورسين لعند رشيد و عطاتو كلينيكس باش يمسح دم اللي ففمو 
نورسين : شوية اخويا دابا ما كتضركش ياك 
رشيد : لا عادي 
جبل هز راسو شاف فيها لقاها واقفة حدا رشيد و كتشوف فيه و كتخيب وجهها متأسفة على الحالة اللي دار فيه جبل 
جبل ما حس براسو حتى هدر 
جبل : نووووورسين دوزي تجلسي حدايا داااابا ما نبغيش نعاود الهدرة ما نبغيش نشوفك واقفة تماااك 
نورسين حنات راسها و مشات جلسات حدا جبل و هو يهز يديها شبكها مع يدو بقوة اكثر من اللول حتى ضراتها يدها بقوة اللي مزير عليها 
نورسين :يدي اجبل هاديك كضرني جبببل طلق مني كضرني جببببل 
كتحاول تفك يديها من يدو عاد انتابه ليها و رخف عليها و دور وجهو شاف فيها و باسلها راسها 
جبل : سمحيلي أ العسيلة ديالي 
دور وجهو شاف فرشيد 
جبل :نتااااااااا غادي تهضر ولا نوض نكمل على اصل مك ما تزيدش تطلعلي الخز لراس هدر الا غادي تهدر

رشيد :*شاد ففمو * سمحلي اسي جبل راك فهمتي كلشي غلط انا كنت كنبغي جوهرة منين كنت خدام فالمزرعة عند الحاج و الحاجة و كان عندي الفايسبوك ديالها و واحد نهار بانتلي كاتبة بلي راها فلاميريك صيفطتلها انفيطاسيون و قلتلها نتلاقاك و داكشي اللي كان تلاقينا و هدرنا مع بعضياتنا و زادت عجباتني و دابا جيت باش نطلبها منك على سنة الله و رسوله 
نورسين دارت يديها بجوج تحت دقنها و فرحات 🙏 و كتشوف فجبل اللي كان ساكت و رد راسو اللور و بقا كيحك فلحيتو 
نورسين : جبل قول شي حاجة لولد 
رشيد : سي جبل انا قصدت دار من بابها حقا داك الانسانة كتعجبني بزااف و باغي نكمل معاها حياتي و حتى هي موافقة وهي صيفطاتني عندك قالتلي الا وافق نكمل معاك و الا ما وافقش ما نقدرش نكملوا حيت نتا بمثابة الاخ الاكبر ديالها كنتسنا منك توافق باش نجي نخطبها رسميا اش قلتي اسي جبل 
جبل : كتصلي ؟ 
رشيد : بطبيعة الحال أسي جبل 
جبل : *جلس مقاد و شبك يدو بجوج مع بعضهم و هز راسو شاف فيه مطولا * الا كنتي عااارف بينك و بين الله و غادي تاقا الله فيها تحميها و ماعمرك تاديها تكون راااااجل معاها جوهرة ما كنعتبرهاااش ختي وانما بنتي سمعتي و ما نبغيييش شي نهار نشوف دمووع فعينيها جوهرة امااانة فرقبتي والا عطيتهالك غادي تولي امانة فرقبتك حتى نتا و الا كنتي غاتحافظ عليها مرحبا والله يكمل عليكم بالخير و بما انها موافقة على علاقتكم انا ما نزيدكم غير الله يكمل بالخير اما الا كنت غانعطيهالك و ما غاتحافضش عليها من الاحسن تخليها عليك فالتيقار 
رشيد : لا اسي جبل كنقسملك بالله الا باغيها للحلال و ما عمري قللت عليها الاحترام حيت كنعزها و كنقدرها *ابتاسم و عينيه كيلمعو * جوهرة اسم على مسمى وانا غانحافظ عليها بادن الله 
نورسين : مبروووك عليك أخويا و الله حتى فرحت ليك حتى نتا ولد ناس و ربي ما غايخيبكش كانعرفك منين كنتي صغير كنتي كاااالم و ضريف ما كتآدي حد الله يكمل عليكم بالخير و حتى جوهرة انسانة ضريفة 
جبل دور وجهو شاف فيها و حشا شعرها من مور ودنيها و قال بصوت خشن فيه نبرة تهديد 
جبل : ممكن تمشي تجيبلي كاس د الما احبيبي 
نورسين شافت فيه و صرطات ريقها و ناضت و كمل جبل هدرتو 
جبل : هي موافقة 
رشيد : اه اسي جبل موافقة و كن ما كانتش موافقة ما تصيفطنيش نهدر معاك 
جابت نورسين البلاطو د الماو حطاتو فوق الطبلة و كبات الما للجبل و عطاتولو و شافت فرشيد 
نورسين : خويا رشيد تشرب ؟ 
رشيد : واخا اختي 
كباتلو الما و عطاتولو و رجعات جلسات حدا جبل و دار شاف فيها 
جبل : شفتك نتي كترثي من الصواب مع هاد السيد 
نورسين :*كتبتاسم و كتهدر تحت سنانها * جبل ها العار الا ما سكت حرااام هادشي اللي كدير فيه مع الولد و هو ما دارلك والو 
جبل حنا على ودنها و همس 
جبل : بصح كان ضريف و كااالم فصغر ياااك كان كيعجبك واقيلة * قرصها فيديها بشوية * امم 
نورسين : جبببل ما تعصبنيش الله يرحم الواليدين ولا و الله حتى نوض نجلس حداه عصبتيني 
جبل : نوضي اش كتسنااي نوووضي 
شافت فيه بتحدي و بغات تنوض دبصح و هو يشدها من يديها و حنا على ودنها و همس 
جبل : عرفتي الا نضتي اقسم برب الكعبة حتى نخلطك معاه انورسين و جلسي ما تزيديش تعصبيني اكثر ما انا معصب ولهيلا قالك ضريف منين جاه شفااار لاخور 
جبل دور يدو على كتفها و جرها ليه و حط راسها على صدرو 
جبل : تحركي من هنا نتفاهم معاك أ العسيلة ديالي * باسلها راسها * يالاه اوا هنينا و ما نشوفكش كتهدري معاه مرة اخرى داكشي بيني و بينو ما تدخليش الله يرحم باك 
نورسين غير كتضحك بغات تنوض و هو يزير عليها 
جبل : شنو قلت انا ها شنو قلت 
نورسين : والله حتى حشووومة حدا الولد جالسين معناقين شوف كيف حاني راسو حشم مسكين 
جبل : لا باينة كيحشم اللي جاي فنص الليل هاااجم عليا فداري

ناضت نورسين من عليه و شداتلو فيدو 
نورسين : و كمل الهدرة مع الولد 
جبل : رشيد هز راسك شوف فيا هز 
رشيد هز عينو شاف فيه و ابتاسم بخجل 
جبل : غدا انشاء الله غادي تجيب عائلتك و تجي للمزرعة باش تخطب واخا 
رشيد بالفرحة وقف و عاود جلس كي الهبيل و تنهد براحة و عاود شاف فيه 
رشيد : شكرا بزاااف أسي جبل لهلا يخطيك 
نورسين : هههه واخا كليتي عليها طرحة د العصا هه 
رشيد.:*بابتسامة *ههه كولو يهون على ود جوهرة ماشي مشكل حتى انا ما عرفتش نوصل الفكرة بطريقة صحيحة و نورمال يتصرف معايا بهاد طريقة 
جبل :* كيحك فلحيتو و كيشوف فيه * سمعني سمعني اسي رشيد غادي نصحك واحد النصيحة الرجل تاج على راس المراة والتاج كتهزو غير الملكة والا درتي المراة تاج قلبك ديرك تاااج على راسها متى ما كنت رجلا تكن لك امراة متى ما كنت دكرا تكن لك أنثى متى ما كنت ملكا تكن لك أميرة متى ما كنت عاشقا تكن لك متيمة فلا تكون لاشيئ و تريدها ان تكون كل شيئ 
نورسين كتشوف فيه بحب كبير ومفتخرة بزااااف اللي عندها راجل بحالو راااااجل بمعنى الكلمة ما كرهتش تبوسو فهاد اللحظة بقات غير كتغزز فشنايفها 
رشيد: عندك الحق أسي جبل كل حرف عندك موزون ما شاء الله 
جبل كمل هدرتو 
جبل : فاش كتنفخ فينا الروح كانكونو فبطن المرأة و فاش كنبكيو كانكونو فحضن امراة و فاش كنعشقو كانكونو فقلب امراة فالمرأة امانة ما خلقت للاهانة 
نورسين شبكات يديها مع يدو و كتشوف فيها و فرحااانة عويناتها كيلمعوا حاسة بانها جالسة حدا راجل كيقدر قيمة المراة بدرجة كبيييرة و كبييييرة بزااااف و قلال الرجال بحالو سمعوا الدقان فالباب و ناضت نورسين حلات الباب لقات واحد الشاب عطاها البيتزا و مشا بحالو دخلات نورسين و سدات الباب و دخلات للكوزينة قدات العصير فالكيسان و جابت طباسل حطاتهوم من فوق الطبلة 
رشيد : سمحولي على الازعاج تصبحوا بخير 
جبل : الله يعاو..
نورسين : رشييييد فين غادي جلس تعشا معانا 
رشيد : لا اختي راني عاد جاي عيان غادي نتعشا فالاوطيل خليت ليكم الراحة 
نورسين : والله العلي العظيم حتى تجلس علاش غاتعشا فلوطيل هاااء و ها العشا موجود واخا غير قبل علينا 
رشيد: علاش عدبتي راسك اختي
نورسين : ودابا حلفت حشومة كاع تمشي هاكا و هاهو كلشي موجود الحمد الله جلس الا غادي تجلس 
دارت شافت فجبل اللي كان كيخنزر فيها شي تخنزيرات يااااسلام عرفاا راسها كبتاااااتها 
نورسين :احم جبل مالك واقف جلس 
جبل دوز يدو على وجهو و جلس 
مشات نورسين لكوزينة هزات الكارطونة اللي فيها البيتزا مع الموس اللي غاتقطع بيه و مع واحد اللعيبة باش تهز الطراف ديال بيتزا و كتضحك و كتهدر مع راسها 
نورسين : زعما يصحابلك غير نتا اللي تعرف تجيب جوري و تضحك معاك و تلمس فيك كي الق *** داك جامع اللي قريتي فيه انا اللي بنيتو هايهاي اليوم نطرطق ليك المرارة * جمعات شعرها على شكل كو د شوفال * 
دات داكشي و حطاتو فوق الطبلة و كتشوف فجبل لقاتو مخنزززززر و كيترعد و جامع يدو على شكل لكمة و العروق ديال يدو بارزين و كيشوف فرشيد ما كرهش ينوض يطير عليه بقجة ابتاسمت بشر و حلات الكارطونة و بدات كتقطع طروفة و حطاتهم فطباسل و عطات لرشيد هو اللول مع كاس د العصير 
نورسين : غير قبل علينا اخويا انا ما كنعرفش نطيب هههه دوموندينا البيتزا غير من برا 
رشيد : والله اختي غير عدبتي راسك 
نورسين : مالنا دبحنا الحوالة غير قبل علينا 
قطعات طرف و حطاتو حدا جبل 
نورسين : حبيبي مالك ساكت واش ما بغيتيش تاكل 
جبل هز راسو خنزر فيها و دور وجهو نورسين هزات كتافها 
نورسين : ما بغيتيش تاكل على خاطرك انا ما غنبززش عليك كرشك هاديك 
قطعات طرف و حطاتو فطبسيل و جلسات حداه و دارت رجل على رجل و جلسات تاكل 
نورسين : رشيد كيف غادي مع الخدمة مزياان 
رشيد حاني راسو 
رشيد : الحمد الله اختي واخا فيها تمااارة بلا قياس 
نورسين : يحسن عوانك أخويا و شنو كدير نتا 
رشيد:مقاابل الفير...
جبل : مقاااابل الفيرمة دياااالي كولي الا غاتاكلي من ادب الاكل ناس ما كيهضروش فاش كيكونو كيحشيو فوجهم 
نورسين حابسة ضحكة غير بزز و سكتات مدة و عاود هدرات 
نورسين : رشيد نزيدك 
رشيد : لا اختي هاهو كلشي حدايا 
نورسين : ونتا زعما كانت كتعجبك البيتزا منين كنا صغار عقلتي ههه

رشيد هز راسو شاف فيها و ابتاسم 
رشيد : ههه و كلشي كيتبدل مع الوقت اختي 
نورسين : بصح فين هي ماماك و باباك لابس عليهم 
رشيد : ماتو بجوج اختي الله يرحمهم و يوسع عليهم 
نورسين : اوا صبر اخويا صبر ما عندك مادير هادي هي دنيا داك المرة قلت لماما بلي تلاقيتك قالتلي وااالو خاصو يجي يشوفني 
رشيد : اااه خالتي فاطمة توحشتها و الله شحال كليت من عندها العصا ههه فصغر 
نورسين : ههههه واه بصح كنت كنديرها انا و نتا كدافع عليا ايييه يا ليام ولكن واخا هاكاك عزيز عليها و الله 
رشيد : حتى انا عزيزة عليا و ربي اللي شاهد ما كرهتش نشوفها ههه عقلتي نهار درنا انا وياك عريس و عروسة 
جبل على اثر هاد الجملة الاخيرة وحلات ليها و بدا كيكحب نورسين ناضت مداتلو الما و شرب 
نورسين : حبيبي غير بشوية عليك *دارت فيها شوفة د البراءة 🐈🐈🐈* 
جبل : كح كح احم كملوا كملوا هدرتكم قاطعتكم واقيلة *شاف فرشيد * اه كمل شنو وقع 
رشيد : ههه كنا لاعبين عريس و عروسة و مع راك عارف عقل صغر و كنا كنتفرجوا بزاااف لداكشي د المسليلات الميكسيكية كانو كيديروهم فالتلفازة المهم كنا لاعبين و بستها فخدها شافني باها و جا عطاني ملخة و من داك نهار شحال ما لعبت معاه 
جبل كيرد راسو لور و كيشوف فنورسين و كيدير فيها ديك شوفة ديال اهاه 
نورسين : ك.....ك...كنا صغااار غير بوسة بريئة و الله كح كح *هبطات على داك الكاس د العصير و حطاتو من فوق الطبلة * 
جبل حط يدو على ضهرها كيبرك عليه و قال بصوت فيه نبرة تهديد 
جبل : غير بشوية عليك 
نورسين حطات الكاس و ابتاسمت ليه ابتاسمة صفرا 
وقف رشيد و تكلم 
رشيد : غادي نمشي دابا و سمحولي على الازعاج عندي واحد المشكل بالنسبة للخطبة انا عائلتي صراحة ما كايناش مي و با اللي عندي ماتو و ما كاين اللي غايجي يخطب معايا 
نورسين : ما عندك لا عمك لا خالتك لا حتى حاجة 
رشيد : لا كلهم بعاد ما كاينينش هنا عايشين برا تقريبا كلهم و ما كنتواصلش معاهم 
نورسين :تمشي معاك ماما تخطب ليك اخويا وحتا انا غانمشي معاك 
رشيد : شكرا بزاف عمري نسا خيرك 
نورسين : هادا واجب 
رشيد شاف فجبل 
رشيد : سي جبل سمحليا و شكرا بزاف تصبحوا على خير الله يعاون 
جبل حرك لو راسو بالايجاب و مشا رشيد خرج و بقات غير نورسين و جبل 
جبل ضرب الوقفة و بقا غادي جاي كي الموري دالماكانة 
نورسين دوخها و كتحس بشي حريق فكرشها شدات عليها وغمضات عينيها بالم و هي تسمع صوت تهراس قفزات من بلاصته و حلات عينيها لقاتو ضرب داك طباسل طيحهوم لارض تهرسوا كاملين تشخشخوا 
نورسين : ج...جبل اش كدير ؟
جبل دار شاف فيها و خنزر فيها مزياااااان حتى تخلعات 
جبل : شنوووووووووو قلتلك أ شنوووو قلتلك 
نورسين شادة فكرشها و كتهضر 
نورسين : شنو درت عاود مالك معصب حتى لهاد درجة اجبل 
جبل : لا انا نورمال علاااااه داااابا بنتلك معصب 
نورسين تغرغروا عينيها بدموع و مع الحريق اللي فكرشها صافي كملات 
نورسين : هدر غي بشوية اجبل اهئ اهئ ضريتيني فراسي كنت كنهدر معاه باحترام ما فهمتش علاش داير هاد الحالة كاملة اهئ اهئ نسيتي نهار اللي كنتي جالس حدا جوري و جاااااالسة كتقيس فييييك و تضحكوا مع بعضيااتكم اجبل الااااااااا كنتي نتا ناسي انا مااااناسياااااش انا ما ناسياااااش اهئ اهئ حراااام هادشي اللي كدير فيه اهئ اهئ ما تخلينيش نكرهك بسباب هاد تصرفاااات الغيرة زااااايدة ما كاين لاش واش ماااكثيقش فيا وليتي كتخلعني منك 
جبل طاح على ركابيه و حط راسو فحجرها و عنقها بيدو 
جبل : سمحيلي انورسين ما كنقدرش نتحكم فراسي سمحيلي عفااك رفعت عليك صوتي سمحيلي *هز راسو و قبط ليها فخدودها بيدو * ما تخافيش مني انا اخر واحد تخافي منو انا هنا باش نحميك ماشي باش نخلعك واخا * كيقيس ليهافشعرها *ياك ما مقلقاش مني اممم 
نورسين تكات راسها اللور و العرق كيتصبب منها والحريق كيقطع فكرشها 
نورسين : اييييي كنمووووت اهئ اهئ ونتاااااا زايدني ااااااااااي أكرشي اهئ اهئ 
جبل تخلع وقف و جلس حداها و بدا يمرر يدو على شعرها 
جبل : نووووورسين مااالك واش كضرك كرشك ابنتي امم *حط يدو على كرشها و هي كتشهق و تبكي و الحريق كيقطع فيها *

نورسين : اهئ اهئ واااااااديك المسخوطة اهئ اهئ جااااااتني بنت الحراااااام *كتنتف فراسها و تغزز فشنايفها *اهئ اهئ واااااااربي الحبيب ايييييييي 
جبل هزها و طلعها لبيت و حطها فوق السرير و هي كتلوا بالحريق جبل قلبو غيسكت و كيرد راسو اللور طاح على ركابيه و قبط فيديها 
جبل : تهدني ابنتي تهدني 
نورسين : وااااااسكت سكت اش غانتهدن اهئ اهئ * كتعض فالمخدة * نتاااااا ما غتحسش بيا اهئ اهئ علاااااااش اربي علاااااش كن غير كنت رااااااجل اربي اش هااااااد الحريق اهئ اهئ *حاشية راسهافالمخدة و كتقطع بالحريق* 
جبل مخلوع عليها و فنفس الوقت كيضحك من هدرتها و جلس حداها و عنقها و تحشات فيه كتبكي و تشهق 
نورسين : اهئ واااااااانوض جيب الدوا راه فحوايجي و نتا جاااالس حدايا اهئ اهئ رااااه غانوض نبرد فيك هاد الحريق 
جبل تلف ما بقا عارف ما يدير وقف و مشا حل الماريو لقا دوا ديالها هزو و مشا حداها كب ليها الما و عطاها تشربو 
جبل : واش شوية دابا 
نورسين : جبل سير حل داك الماريو ياك غاتلقا واحد جليدة كتعمر بالما سخون ديرو ليا فيها عفاااك كنموووت اهئ اهئ 
جبل ناض و هز داكشي اللي بغات و دار لها فيها الما سخون و عطاها ليها حطاتها على كرشها و تحشا حدها و غطاها بملاية سخوونة و بقا كيمرر يدو على شعرها 
جبل : باش كتحسي 
نورسين : كنحس بالسعادة و غانطير بالفرحة باااش غنحس مثلا الحريق ولكن خفاف شوية 
جبل :*بابتسامة و حط نيفو على نيفها * كتكرفصك ليا حشومة عليها من شحال هادي كنتي كاتسخفي كاع دابا راك حالة عينيك 
نورسين : تفوووو ديما كنت مشوهة حداك 
جبل : عادي بالعكس حاس براسي عيان و الله باغي نرتاح و نعس 
نورسين : اهم و انا تخليني بحال هاكا حشوومة عليك 
جبل :*كيحك فلحيتو و حط نيفو على عنقها وكيهدر * دوووماج كنت هاد الليلة ناوي ندير شي حاجة ساعة حرماتها عليا 
نورسين ولات كي ماطيشة و هبطات راسها و بقات كضحك 
جبل : ماشي مشكل مازال الخير لقدام نصبروا *كيلعب فشعرها * دابا ما غاديش تنعسي 
نورسين : الحريق ما نقدرش نعس 
جبل : عندي فكرة 
ناض و جاب البيسي ديالو شعلو و دارلها فيلم أمريكي ديال رسوم سندريلا و حطو حداها 
جبل :هانتي تفرجي عارف عزيز عليك رسوم 
نورسين ناضت و عنقااااتو بجهد 
نورسين : باش عرفتيها 
جبل :*حط نيفو على نيفها * كنعرف عليك شي حوايج نتي ما كتعرفيهمش على راسك خليني نعس دابا 
نورسين دورات وجهها و بقات كتفرج حتى بدات تفوه ناضت طفات البيسي و حطاتو فوق الطبلة و شافت فيه لقاتو ناااعس حطات راسها على صدرو و طافت ضو و نعسات 
🌥🌥🌥🌥🌥 اصبح يوم جديد 
حلات نورسين عينيها على شي صداع حداها ناضت و بدات تحك عينيها بانلها جبل كيبدل حوايجو و كيرش عطرو 
نورسين: جبل 
دار عندها جبل كيسد صدايف ديال الشوميز و مشا حداها و باسها بوسة خفيفة فشفايفها 
جبل : صباح الخير أميرتي 
نورسين : فين غادي 
جبل حط يدو على كرشها و حنا باسها و شاف فيها 
جبل : مشا الحريق و لا مزال 
نورسين : *حطات يديها على خدودو * حمد الله ونتا علاش فايق دابا فين غادي 
جبل : كنت باغي نصوبلك الفطور عاد نفيقك ساعة فقتي قبل *هز يديها باسها * 
ناضت نورسين دخلات للحمام و قادات حلاتها و خرجات لبسات كبيبط د صوف كحل مع سروال تجين و هبطات لسفلي لقاتو فالكوزينة 
نورسين : امم يخليلي الحادك ديالي 
جبل غير كيضحك 
نورسين : ماشفتيش ماكس 
جبل : فجردة 
نورسين : غادي نمشي عندو 
خرجات من الكوزينة سمعات دقان فالباب حلاتو و هي تزفر بغضب و طلع ليها دم 😠😠😠😠

جوري واقفة بكامل أناااقتها و ريحة البارفام كتشم منها على بعد امتار لابسة كسيوة د صوف حد الفخاض مع مونطو فالغرونة و طالقة شعرها الاشقر طويل و ضاربة عكار فلون د المونطو و مع سبيبط كحل جات قرطااسة نورسين طلعتها و هبطاتها ما رضااااتش كتشوف فيها و كتشوف فراسها شنو لابسة كتحس بسخفة و من الفوق جاية عند جبل بهاد الحالة علايش ناوية نورسين ساهية فيها و كتخنزر ما عجبها حال و كتغزز فشنايفها جوري هي دم سناااانها 
جوري : نورسين نتي بخيير 
نورسين عوجات فمها و تكات على الباب و كتهدر غي بزز 
نورسين : اودي شكون خلاك تكون بخير 
جوري كتشوف فيها باستغراب و ابتاسمت ليها 
جوري : واش غانبقا واقفة فالباب 
نورسين عوجات فمها و حلات الباب 
نورسين : حاشا نخليو ضيف الله واقف برا ما هي من ديننا ماهي من تقاليدنا دخلي اختي ما تبقايش وااقفة دخلي 
جوري : thank you فين هو جبل 
نورسين : اوا غير سخني بلاصتك بعدا كاااين ما عندو فين يمشي 
جوري كتحيد المونطو بقات غير بديك الكسيوة اللي زادت برزات معالم أنوثتها 
جوري : عفاك فين نعلق المونطو 
نورسين : علقيه فكتافك ما جاكش البرد 
جوري : ما فهمتش احبيبة ؟ 
نورسين : بغيت نقول راها العلاقة من مور الباب احبيبة 
جوري : شكرا 
علقات المونطو و دارت شافت فيها و ابتاسمت 
نورسين : بغيتي شي حاجة اختي 
جوري : تصالحتي نتي و جبل ؟ 
نورسين : *ابتسامة صفراء * حنا اصلن ما كناش مخاصمين باش نتصالحوا احبيبة الحمد الله حنا ديما مع بعضياااتنا الله يبعد علينا غير كحل راس و نكونو هااااانيين 
جوري : ياااي فرحت ليكم و الله 
نورسين : مزياان ماشي قلتي نتي مراتو العجب فرحتي حيت تصالح مع ضرتك 
جوري : * دارت يديها على فمها كضحك * It's only a prank We're sorry ( انه مقلب فقط نحن آسفون ) 
خرج جبل من الكوزينة 
جبل : نووورسين شكون اللي جا 
هز راسو لقا جوري ابتاسم ليها و مشا سلم عليها بلا بيز طبعا نورسين كتغدد غير هي و راسها 
حاط يدو من مور ضهرها و كيهدر 
جبل : اهلن من قبيلة و انا نتسناك تعطلتي 
جوري : كان زحام فطريق المهم نتا بخير 
جبل : حمد الله تفضلي غادي نجيب لفطور 
جوري : oh my good *يا إلهي * انا متاكدة بلي غايجي لديد الفطور من يديك نعاونك 
نورسين :*مربعة يديها و كتغزز فشنايفها تقدمات بخطوات مسرعة و شدات فدراعو * اوييييلي على تعاونيه و انا اش كندير هنا و نتي زايدون غير ضيفة 
دخول صحة هادا 
جبل حابس ضحكة بزز و شاف فجوري 
جبل : لا غير رتاحي *عنق نورسين جنب و قرصها فخدها * هاهي ملاكي تعاوني 
جوري : اوكي 
نورسين : تفضلي جلسي فصالون ما تبقايش واقفة كي البوطو د ضو 
جبل :*قرصها فدراعها باش تسكت * جوري خودي راحتك دار دارك 
دور يدو على عنق نورسين و جرها معاه لكوزينة و هي مخشية فيه كي البخيخيشة 
جبل : اجي معايا أ الباسلة اجي 
دخلها لكوزينة و شعكك ليها شعرها مزيان حتى ولا شعرها طالع فسما وهي تبدا تبكيلو عاود 
نورسين : اهئ اهئ علاااااش كتشعكك ليا شعري علاااااش اصلن انا مشعككة و نتا كاتكمل عليا اهئ اهئ باغي تشوهني حداها اهئ اهئ هي زوينة ياااك اهئ اهئ وانا غير خايبة و قبيحة و مشعككة *كتمسح دموعها * غادي نمشي نطلع بحالي صافي بعد مني

بغات تمشي و هو يحبسها جبل بيدو ووقف اونفاص ليها و جرها لعندو و زاد شعكك ليها شعرها حتى غطا ليها وجهها كيضحك عليها 
نورسين : و رصااا رصاااا باركة من تبرهيش 
جبل حيد ليها شعرها من على وجهها و الابتسامة ما فارقاتش وجهو و و برك ليها على خدودها حتى بانو شنيفاتها على شكل بوسة 💋💋
جبل : نتي بنتي و برهوشتي و حبيبتي و العسيلة ديالي كلشي مجموع فيك * باس ليها شنيفاتها بوسة خفيفة * و زيدك حتى لمغايرة ديالي 
بعد عليها و حط صبعو على عنقها كيهرها غير بشوية و هي قالبة و جهها ما عجبها حال بحركة سريعة منو لصقها مع الحيط و حط يد وحدة على خدها حنا على عنقها كيتنهد فيه كيبورشها كاااملة و قال بصوت منخفض 
جبل : قلتلك بلي نسا كلهم تجمعوا فيك ما تقنعنيش وحدة من غيرك ابنتي ما تقنعنيش *هزها من خصرها للفوق هبطات راسها كتشوف فيه و تضحك * واخا تكوني مشعككة واخا تكوني كيفما كنتي انا باغيك بشكلك و كنحمااق عليك حيت هاد القلب عرف العشق معاك نتي بوحدك وآخرمرة تقولي على راسك نتي قبيحة نتي زوينة بزاف لدرجة كنخاف يشوف فيك شي حد ويلاحظ فيك التفاصيل اللي خلاتني نتغرم بيك *نزلها لارض و حط يدو على خدودها وبقا كيشوف فيها مدة و باسها فخدها بوسة قوية بزاااف و همس حدا ودنيها * وخا نشوف ملكة الجمال واقفة حدايا ما تحرك فيا حتى شعرة و لكن نتي *تنهد* نتي بوحدك اللي غير كنشوفك قلبي كيبغي يخرج من بلاصتو سبحان الله 
نورسين هزات عينيها و شافت فيه 
نورسين : زعما نتا بغيتيني حيت شفتيني تحت شجرة و هدرت معاك و كنت صغيرة من الفوق من ديك ساعة و نتا ططحبني ههه غريبه هاد القضية بالله * حطات يديها على فمها كضحك * فين كنتي مخبي فين أ العمر *جراتو من الكول د القاميجة و باستو فمو بوسة خفيفة * هاااح و على زهر عندي اوعدي يانا و الله ما متيقة بحال عايشة فشي فيلم ههه 
جبل هز يديها حطها على قلبو 
جبل : ماشي انا اللي بغيتك 
نورسين حيدات يديها من على قلبو 
نورسين : كيفاش ؟ 
جبل رد يديها على قلبو و كمل هدرتو 
جبل : ربي اللي زرع حبك فقلبي بهاد طريقة هاداك كان غير سبب و الحمد الله انا فخور حيت عندي حبيبتي و مراتي بحالك *هز يديها باسها * 
نورسين تغرغروا عينيها بدموع و دوزات يديها على لحيتو 
نورسين : عرفتي نتا عطيتيني القيمة اللي ما كان عاطيهالي حتى واحد اهئ اهئ *طاحت على صدرو كتبكي * انا بصح ما نسواش حيت تخليت عليك و ضلمتك اهئ اهئ 
جبل بعد عليها و قبكلها فدرعانها بجوج و هي كانت مهبطة عويناتها لارض 
جبل : هزي راسك شوفي فيا انا بنتي عمرها ما تحني راس *هزات راسها شافت فيه * نساي كلشي حنا غانفتحوا صفحة جديدة واخا 
نورسين حركات راسها بالايجاب 
جبل : خلينا جوري بلا فطور و بقينا هنا يالاه اجي عاونيني و الا كنتي عيانة سيري تجلسي 
نورسين حركات راسها بنفي 
نورسين : لاا غانعاونك أ الكبيدة ديالي ما نقدرش نخليك بوحدك 
داكشي اللي دارو حطوا الطبلة فيها كل انواع العصائر و القهوة و الفواكه و الفورماج ... الخ من الاشياء و جلسوا فوق الطبلة نورسين ما حاملاش جوري كتطلعها و تهبطها 
نورسين : تشربي عصير و لا قهوة 
جوري: امم قهوة عفاك 
نورسين :*فنفسها * خدامة عند اصل مك تفووو على كنس مصبحة على صباح كي الباطل الله يخليها سلعة

حطاتلها القهوة حداها و شافت فجبل و ابتاسمت ليه كان هاز تيليفون و كيضحك 
نورسين : جبييلو 
جبل كان حاني راسو ما سمعهاش وهي جوري تقبطلو فكتفو و هز راسو شاف فيها 
جبل : جوري بغيتي شي حاجة 
جوري: نورسين كانت كتعيطلك 
جبل هز راسو شاف فيها و لقاها كتخنزر فاليد اللي حاطها على كتفو 
جبل :*بابتسامة *نعام أ العسيلة 
نورسين : قلها تبقا تحكم فيديها ولا و الله حتى نوض نتفها وااااه بزاااف هادشي 
جبل : نووورسين 
نورسين : ماكاينة لا نورسين و لا زمر تجمع راسها شوية ماشي سكت ليها المرة الاولى تطلع *حطات داك الغراف ديال العصير و طلعات * 
جبل رد التيليفون لجيبو و دوز يدو على لحيتو 
جبل :غادي تحمقني هاد البنت 
جوري : ههه لا والله حتى مغيارة بلا قياس كلشي كتفهموا غلط 
جبل : *بابتسامة * هاديك راه والله واحد البرهوشة غاتسطيني ولكن كنحماق عليها 
جوري: سمحلي الا كنت كندير لكم المشاكل 
جبل : ما تقوليش هاكا نتي راك ختي بالعكس نتي اللي سمحيلها راه غاتبقا تقصح معاك فالهدرة ديك العافية انا اللي عارفها 
جوري : i don't care * ماسوقيش * انا عادرها غير هي كتزيد فيه واحد الشوية ولكن راه كن ما كانتش كتبغيك ما تصرفش بحال هاكا 
جبل :*رد راسو اللور و تنهد * عارف * وقف * غادي نمشي نشوفها و سمحيلنا مرة اخرى 
جوري: ما تقولش هاكا عادي 
جبل طلع و دق الباب و دخل لقاها جالسة من فوق الناموسية و الوراق د كلينيكس من فوق الناموسية 
و كتبكي و تشهق حالتها حالة غلباتو ضحكة و دخل سد الباب و هي تهز عينيها شفت فيه و ضرباتو بالمخدة 
نورسين : بعد مني بعد سير عند ديك وجه الكبالة 
جبل قرب ليها و جلس حداها و جرها لعندو و هي كتضرب فيه و تفركل 
نورسين : وااابعد مني بعدد شكوووون هي باش تقيس فيك شكوووون مك ختك عمتك خالتك شكووون 
جبل : نوووورسين ما تزيديش فيه سمعني احبيبي سمعي هاديك راه ختي واش كتفهمي 
نورسين بعدات عليه 
نورسين : ختك هي اللي ولدتها ليك مك أشريف ماشي نتا فاش غير كنهدر مع رشيد بغيتي تطير عليه و انا شنو ندير دابا سمعني اولد ناس انا واحد الانسانة اللي حاجتي ما نبغيش نشوفها عند واحد أخور سمعتي غير يقيس فيها نغززو بسناني سمعتي 
جبل مبرد و مكااالمي قرصها من خدها 
جبل : هي وليتي قطة شوارع 
نورسين جراتو من الكول د القاميجة و قرباتو لوجهها بزااف 
نورسين : اللي قرباتلك تموت سمعتي تموووت و الله حتى نقتلها نتا ديالي واش ما بغيتيش تفهم نقدر نكون كنزيد فيه اه عندك الحق و لكن *كتمرر يديها على لحيتو * نتا ما نقدرش نصبر نشوف شي مخلوقة كتقرب ليك نتا جبيلو ديالي انا اهئ اهئ عنداك يصحاب ليك ما كنثيقش فيك عارفك احبيبي نتا عمرك تشوف فشي وحدة غيري ولكن انا ما كنثيقش فالبنات انا اللي كنخدم معاهم و عارفة كيفاش دايرين عدرني احبيبي نتا راك كنز و الا مشاو حتى داوك ليا نحماااق أجبل نحماااق

جبل كيتنهد و كيبتاسم وهو كيسمع كيفاش كتغير عليه كيحس بيها كتسطا عليها و هو هادشي اللي باغي و حمد الله فنفسو مية مرة اللي قدر يخلي نورسين تبغيه كيفما هو كيبغيها جرها لعندو و جلسها من فوق فخدو و حطلها راسها على صدرو و باسها فجبهتها و ديك تنخصيصة د البكا فيها كيف شي بريهشة 
جبل : كنقسملك برب الكعبة ما عمري درت شي علاقة مع شي بنت حياتي كلها عرفتي علاش؟ 
نورسين ناضت و شافت فيه و دارت كراخ بضحك
نورسين : لا واش من نيتك نتا بهاد الجمال و الفلوس كااملة و زعما ماعمرك تصاحبتي 
جبل : على رقبتي انا كنقول عاد الهدرة و كنتحمل مسؤوليتها ما عمري حطيت يدي على شي بنت المراة و لا هدرت معاها حيت اكثرمن عشرين عام و انا كنبغيك غير نتي ابنتي كنتي تزوريني فاحلامي غادي نقولك واحد الحاجة تصوري فاش كنت كنشد الورق و القلم كنسهى و كنلقا راسي راسمك نتي بفستانك الابيض و نتي طالقة شعرك لقطة ديالك ما بغاتش تمحا ليا من بالي واش فنضرك واحد كيبغيك لهاد درجة عاد غادي نوض نخونك مع بنت وحدة اخرى واش بعقلك ولا بلا عقل *شدلها خدودها بجوج * سمعي سمعي نقولك واحد اللعيبة جوري راه ختي فهمتي راه والله العلي العظيم حتى هي كتعتابرني خوها الكبير وراك عارفة هي عايشة فلاميريك داكشي علاش كتصرف بديك طريقة كتصرف معايا بعفوية 
نورسين :*حمرات فيه *و ماااسوقيش اوا تعاود تحط عليك يديها والله حتى نكرضهالها و تبقى تعيط ليك جوجو و ما نعرفت راني نكعا عليكم بجوج و هانا هضرت و نعاود نشوفها كدور بيك نحرها بالواقفية 
جبل : واخا دابا نهدر معاها و غير زيدي حشومة خلينا البنت لتحت بوحدها و عاد خاصنا نشدوا طريق باش نمشيو لفيرمة راه اربعة د سوايع د طريق ما ساهلاش 
نورسين : واخا 
وقف جبل و جرها معاها و هبطوا لتحت عند جوري هزات راسها شافت فيهم 
نورسين : سمحيلي راه غير انا كنتعصب دغيا 
جوري : ماكاين مشكل *وقفات و طلقات ليها يديها * friends * اصدقاء * 
نورسين شافت فيها مطولا و صافحاتها و قالت 
نورسين : *بابتسامة *With pleasure * بكل سرور * 
جبل ابتاسم لنورسين و باسها فراسها سمع دقان فالباب تقدم بخطوات بطيئة بالحلة باش كيحل الباب عض على شنايفو و غمض عينو و عضلاتو تزيرو عليه

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.