احمد :الله يبارك فيك ايوا اش غادي نقولك ا سي محمد حنا جينا بغينا نهضروا معاك بخصوص ولدي علي وبنتك كنزة
محمد : الله بسمعنا خبار الخير
احمد : الولاد هادي شهراين و هومامخطوبين بغيناهم يديروا الكاغيط باش نتهناو عليهم ويمشيو لدارهم علاش نتوما ما موافقينش
محمد : سمعني حنا من واحد القبيلة عندنا فال خايب تزوج البنت صغيرة عاد الكبيرة حنا هاكا دايرين نصبروا واحد العام الا ما تزوجاتش البنت الكبيرة ديك ساعة نزوجوهوم
مليكة : اوا لواه اسي محمد حنا ما عمرنا سمعنا بهاد العادات انا عارفة البنت اللي جاها رزقها كتزوج بلا هاد التعقيدات الخاوية هادشي مايبغيه لا ربي لا عبدو
فاطمة : وراه داكشي اللي قلتلو حتى انا وما بغاش يسمع مني عييت معاه ووالو
محمد : انا با الله يرحمو حط عليا التقليد قالي وياك ثم وياك تخلف العادة و التقاليد ديال قبيلتنا
مليكة :اوا الله يسهل على بنتكم الكبيرة حتى هي مسيكينة
نورسين : امين اخالتي
علي :*قرب حدا ودن عيسى * دابا اش بانلك ا صاحبي ما تنوضش تخطب البنت وتفكنا منها
جبل ناض من فوق الكرسي حنى على ركابيه باش يجي فنفس مستوى داك الراجل و حل داك العلبة السوداء وجبد منها كارولاينا ريبر و حطها على شنايفو داك السيد عينيها حمارو وشنايفو تنفخوا وبدا كيكحب بجهد عينيه علاين يخرجوا من بلاصتهم
جبل :*شدو من حنكوا * عرفتي شنو هي هادي اللي درتلك فشنايفك
داك الرجل عينيه حومر ما قادرش يتحرك ما كيحسش بفمو
جبل : اكيد ماغاديش تعرفها
هز جبل يدوا و صرفقوا فحنكو
جبل : هدا اللي درتلك اخطر انواع الحار اللي كاين فالعالم عرفتي علاش درتولك
داك الراجل كيحرك راسو غير بشوية بنفي
جبل :*قجوا فعنقوا* حيت غوتي عليها يا ولد ال ***الا ما كانوش واليديك دارولك الحار فصغرك وما علموكش ما تبقاش ترفع صوتك على سيادك انا نديرولك باش نعلمك تغوت على حياتي
داك الراجل كينهج وعينيه ولاو قطرة د الدم داكشي اللي خلالو الحار كملوا لو جبل بديك القجة يعقوب جا كيفكو منو
يعقوب : راك غادي تقتلو ا صاحبي *كيجروا عليه وهو جبل يوليو فيه عشرة*
جبل :*كيهبطلوا شعروا على وجهو كيعنكشوا و كيعاود يردو بيدو معصب لاقصى درجة *مممممممازال ما تززززززاد هدا اللي يغووووووت علللللللى حبيببببببتي مازااااال ما تزاد سممممعتي ماشي يجي وللللللد الق**** مققققطر يهزززز عليها صوتو
يعقوب :*شادو من يدو بجوج * يالاه نخرجوا برا راه الا بقيتي هنا غادي تقتلو ما تخليش مشاعرك تحكم فيك اصاحبي
جبل كينهج وصدروا كيطلع وينزل بالاعصاب
جبل :ديييييوه علييي دييييوه من حدااااااااااايا
جاو لكارد كيطيرو هزوه من حداه
يعقوب : صافي اصاحبي راك ربيتيه على شنو دار فنورسين
جبل :* جبد باكية د السيجار من جيبو وشعل واحد باش يتكالما * ولهيلا زا** لوخور بغى يجري عليها من المكتبة كن ما كنتيش ورب المعبود حتى نقتلوا ونشربوا من دمو
يعقوب : كانعرفك اصاحبي دكي وكتخدم عقلك
جبل :واش نورسين خلات لدينمي شي عقل رداتني كي الهبيل تابعها من بلاصة لبلاصة و حاضيها من قنت لقنت
يعقوب : شوف اصاحبي واش غادي تبقى حياتك كلها عداب يكفي غير سنين اللي كنتي بعيد عليها فيهم
جبل : انا قررت ما غاديش نبقا هاكا باركة هاد الحمل مرضني عشقي ليها فات القياس ما بقيتش كنقدر نتحكم فراسي خاصني نتصرف ندير شي حاجة باش ما نتسطاش ما بقيتش كنقدر ننعس اصاحبي
سمعوا شي صداع برا وهو جبل يشوف فيعقوب
جبل :* غمض عينيه وكرز على يديه بالاعصاب * ماتقوليش جبتيها
يعقوب : وراه هي اللي لصقات فيا * خرج يعقوب من داك الديبو وتبعوا جبل *
...:*ندبات فحناكها * اوبلي على قتلتوه فاخر ايامي نولي مشاركة معاكم فجريمة قتل
جبل :يعقوب دي هاد فليفلة وسير نتا وياه
...: توما فين درتو راجل اناري
جبل : سللللللمى ما تعصبينيش حتى نتي سيري مع خطيبك وخليوني عليكم فالتيقار ما تعاوديش تجبدي سيرتو قدامي
يعقوب : واش ما كتسكتيش هنينا شوية بسكاتك جبل شنو ناوي دير معاه
جبل : غادي نشري من عندو المكتبة ونطلقوا يمشي فحالو
سلمى : غير شريها نتا غادي تعامل معانا مزيان هداك وجه الكسكاس ما كيخلصناش وما كيتهلاش فينا ياك غادي طلعلنا الخلصة هاداك خينا كيقيل يسب ويعاير فينا
يعقوب : شفتك نتي تيقتي راسك ودخلتي فالدور
جبل : انا غادي نتفاهم معاه غير سيروا نتوما ترتاحو
سلمى :و نورسين شنو غادي دير معاها مسكينة الحبيبة ديالي كئيبة وحالتها حالة ديما كاتعايرها ختها وتقولها نتي بايرة شحال من مرة بكاتها *يعقوب كيغمزها باش تسكت وهي حرام واش ردات لسانها لور * وزيد عليها باها صعيب وقاصح معقدينها مسكينة
يعقوب :سلللمى سكتي يلاه نمشيو
جبل :*العروق ديدو خرجوا * شنو سمية هاد ختها
يعقوب : عفاك اصاحبي ما تهورش راه ختها هاديك عنداك ديرلها شي حاجة
جبل :*كيهدر بجهد مكره ومعصب *قلللللللتلك شنووووووووو سمية هااااااد ختهاااا
سلمى :*قفزات من بلاصتها عاد عرفات راسها شنو قالت * ماااا معرفتش نتا مول العقل اخويا راه واخا هاكاك عزيزة عليها ختها والا اديتيها ما عمرها تبغيك
جبل :*شد على راسو * لا نورسين غادي تبغيني صافي ما غاديش نآدي لها ختها يكفيني انها تكون فرحانة هادشي اللي بغيت انا سيروا نتومايعقوب صيفط المحامي
يعقوب : اوكي bro زيدي نتي قدامي *جرها *
سلمى : هاهي غادة
ركبوا فرانج ديالهم و مشا جبل لداخل فين كاين داك السيد حالتو حالة مسكين شنايفو منفوخين و عينيه حومرراسو كيضرو حلقوا ما كيحسش بيه
جابو لحراس لجبل كرسي وجلس مقابل معاه وداير رجل على رجل كيخطط داك الدماغ عندو ديما خدام
*بعد مرور 30 دقيقة
وصل المحامي حط الطوموبيل ديالو دخل وفيديه شي وراق
المحامي :سي جبل الوراق واجدين
جبل : اوكي
المحامي جبد المداد و هز صبع ديال داك الراجل وطبعوه فالمداد ومن بعد حط صبعو على داك الوراق
المحامي :*مد يدو لجبل * المكتبة ولات ديالك دابا
جبل : *سلم عليه * كنشكرك بامكانك تفضل
خرج المحامي و جابو لحراس واحد الشانطة وحطوها قدام جبل
جبل :*دورها وحلها * هادو دياولك فلوسك حلال عليك مكتبة ديالك ولات ديالي وآخر مرة طوف بساحتها وهادشي اللي شفتي اليوم نتمنى تكون خديتي منو درس
رجل :*كيهدر بصعوبة * الللله ياااخد فيييك الحق
جبل : مازال عندك لسان باش تهضر هه اللي دار الدنب كيستاهل العقوبة غوتي على حبيبتي و خديتي الجزاء ديالك و خديت من عندك المكتبة وها هوما فلوسك اشنو بغيتي اكثر كنظن خديتي درس عمرك تنساه فحياتك كاملة *وقف وشدو من حنكو * ما عمرك ما ترجل على العيالات ودير فيها راجل زعما وتغوت عليهم حيت هاكا غادي تكون غير شماتة
الرجل :ب...ب..بغييت ن..نمشي فحال..لي
جبل :اوكي طلقوه يمشي ووصلوه لدارو غادي يكونو عائلتو تقلقوا عليه
الرجل :غغ..غادي نقولها لبوليس و غادي ندمك
جبل : i dont care ( ماسوقيش ) قولها لمن ما بغيتي ولكن غير ودع صحابك و عائلتك انا غادي نخرج منها كيف *نطر زغبة من شعرو حتى غوت * هاد الزغبة ولكن نتا المضرور الاول والاخير
خرج جبل من داك الديبو وركب فجيب ديالو وقلع وصل حدا العمارة وحط الطوموبيل لقى عائلة نورسين واقفين كيتوادعو مع نسابهوم
فاطمة :*كتسلم على مليكة *عاودونا هاد المجية
مليكة : انشاء الله
احمد:*كيسلم على محمد*نتمنى نزوجوا دراري فاقرب وقت
محمد:انشاء الله غير على ما تقاد الامور
كنزة واقفة حدا علي وحشمانة وخدودها حومر كانو بعادين عليهم شوية
كنزة: كيف جاك العشا
علي : امم انتي اللي طيبتيه
كنزة: اه غير انا بوحدي ما خليت حتى واحد يدير فيه يدو
علي: الله يعطيك الصحة احبيبتي كلشي من يدك عسل كيتقطر
كنزة: فوقاش نتزوجوا ونعيشوا تحت سقف واحد نبرعك بشهيوات احبيبي
علي: اوا الله ياخد الحق فلي كان سباب احبي كيبانلي نقلب لختك على شي عريس يهنينا منها
كنزة:اودي شكون يقبل عليها
خرج عيسى من الكاط الكاط ديالو كانت فلون الرمادي مزيونة
عيسى: علي طلع دغيا راه خاصنا نمشيو
علي:هانا جاي اصاحبي تسنا
كنزة: ماسخيتش بيك
علي: بيناتنا تيليفون يالاه تصبحي على خير
عيسى دور وجهوا باش يطلع وهو يلمح شخص كيعرفوا مزيان او بالاحرى عندو معاه عداوة قديمة تصدم بقا غير حال فمو
عيسى: هدا جبل اش كيدير هنا
جبل كان متكي على اللوطو ديالو كينتر نتيرات من الكارو وحاضي عائلتها كيفاش كيتصرفوا وعينو مشات نيشان لكنزة كان كيخنزر فيها وكيشوف فيها بشي شوفات كن كانو قرطاس كن كلاو عليها كسكسو
قلع عيسى بعدما طلع علي و بالو كلو مع جبل
محمد شاف فجبل و خنزر ما كيحملوش
محمد: *كيهدر بالجهد باش يسمعوا جبل * هاد العمارة عمرات بالموسخين والحشايشية الله يخليها سلعة
جبل لاح داك الكارو و زطم عليه ومشا قرب حتى لودنيه وقال
جبل: دعيلهم بالهداية اعمي فعوط ما تدعي فيهم لا تمشي ديك الدعوة ترجع ليك *زاد وخلا محمد احمر بالاعصاب*
فاطمة: مال داك الولد معاك
محمد: قولي داك شماتة ماشي ولد دوزي تطلعي نعسوا الليل هدا
طلع فالدروج وتبعاتو فاطمة وكنزة
نورسين كانت فالكوزينة كتغسل لماعن حلات فاطمة الباب ودخلوا
محمد: فرشتيلي بلاصتي
فاطمة: غير سير راني مفرشة
مشا محمد دخل لبيتو
كنزة: ماما هانا غادة نعس
فاطمة : دوزي تعاوني ختك قالك تنعسي
كنزة: هي مادارت والو هاد النهار خليها تقضي شغال شوية راه ما كتعرفلوش دابا يردوهالك من نهار اللول هههه هادشي الا جاها الراجل
فاطمة: اوا اش غادي نقولك ابنيتي الله يهديك على ختك مسكينة تقيل تخدم باش تعاونا فالمصروف ياك فلوسها ديما كتعطيهوملنا وانتي فوقتما تبغي شي كسوة ولا شي ماسك تشريهلك ياك مسكينة مخلية راسها ما عمرها شرات شي كسوة ولا شي حويجات كي قراناتها باش فالتالي تسمعيها هاد الهدرة اوا الله يقلل حياك
كنزة: اصلن نتوما ديما كتفضلوها عليا وكتقولو انا مسمومة وما نسوا ما نصلاح ديما كتشوفوها الملاك الطاهر ولكن داك الفشوش هو اللي غادي يخرج عليها دابا شي نهار ديرلكم شي مصيبة تندموا علاش ولدتوها اصلن ودابا تشوفي
نورسين سمعات هاد الهدرة كاملة سلات غسيل لماعن ونشفات يديها وجات مع هدرة ختها تالية
نورسين : *قربات حدا وجهها و قالت * الا عرفتي راسك اش كتسوا ما يهمكش بنادم الا دوا نتي مسمومة وغادي تبقاي حياتك كلها هكدا ما عندك لا ضمير لا احساس عييت نقول غادي تبدلي ووالو ولكن ربي كبير هو اللي كاياخد الحق انا ما غاديش ندير راسي فبرهوشة بحالك ورزقي انشاء الله غادي يكون احسن منك انا عارفك كتحسديني وكتغيري مني ما عمرك غادي تبدلي وزيديك واحد الحاجة ما حدك نتي حاضياني وحاسداني ما حد ربي كيعطيني من فضلو
كنزة: هههه *هزات كفوفها لسما * اوا يا سيدي ربي تعطيلها شي راجل درق علينا زلافتها من هنا
فاطمة: اتوما هاه باركة ما دابزوا راكم خواتات زعما هادشي كامل دايرو باكم معكس الامور كن غير زوجك تمشي عند راجلك اكنزة
نورسين : كلشي من الخير اماما انا كنتاكد نهار على نهار من حقد وكره ختي ليا
كنزة: هههه ما محتاجش تاكدي انا كناكد ليك دابا بلي
كنكرهك من صغري كنكرهك ديما كيفضلوك عليا شكون بغيتي تكوني فملك الله
نورسين : شيطان ما دار والو اماما بنادم اللي قبيح انا غادية نعس نمشي نحط عضامي
فاطمة: تصبحي بخير ابنتي الله يرضي عليك
مشات نورسين دخلات البيت وتكات سالت من عينيها دمعة ومسحاتها بالخف ودارت على جنبها وتغطات
فنفس الاثناء ضهرت ابتسامة على وجه جبل حيت شافها واخيرا دخلت لبيت تكا فوق الناموسية وحط حداه التيليفوون كيراقبها
♣♣ اصبح يوم جديد باحداث جديدة تشهد على هوس جبل ومعاناة نورسين
فاق جبل كيفما العادة بكري خرج كيجري فواحد الجردة
كلما كيجري كيتفكر نورسين ماحدو كيزيد يجري وداكرتو كتمشي ليها بوحدها كيحاول ينسى ولكن ما يقدرش نورسين تحفرات فقلبو وقف كيلهث جبد قرعة د الماء من صاكادو ديالو وكبها عليه صدرو كيطلع ويهبط كيحس براسو ما بقاش قادر خاصو يتحرك يدير شي حاجة باش تعيش معاه
جبل:*كيرد شعرو اللور* يا ربي شوف من حالي ياربي شنو ندير عييت اربي عييت
صونالو التيليفون وجبدو
يعقوب: الو جبل
جبل:نعام
يعقوب: واش اصاحبي ما تجيش تقابل شركات دياولك
جبل: راني مراقب كلشي من الدار ما ناعسش على ودني
يعقوب: اش مراقب ا صاحبي حتى نكون ما كنعرفكش نتا كتقيل حاضي نورسين
جبل: الله ينعل بو العالم يكفيني غير نورسين
يعقوب:شوف اصاحبي بلا ماتحمقني الله يرحم الوالدين ماشي تعب سنين تهدموا نتا فثانية وحدة
جبل: ياك رزقي هداك وانا مسؤول عليه ندير فيه اللي بغيت
يعقوب: علاش اللي ماتزوجش بيها وتهنا من هاد العداب كامل مالك على حالك تابعها من بلاصة لبلاصة كي ضلها جبل: لقيتيني كنفكر فيها
يعقوب: يعني غادي تمشي تخطبها واخيررا كن كنت نعرف نزغرت كن زغرت
جبل:واقيلة قلت كنفكر ماشي خبر صحيح ومؤكد مجرد تفكير
يعقوب: ومالك اصاحبي معقد الامور صافي سير خطبها منها تهنا ومنها تهنيني حتى انا معاك
جبل:بعدا داكشي اللي وصيتك عليه واجد
يعقوب : كلشي واجد ما تخممش
جبل : يالاه نخليك دابا
قطع جبل وكمل جرى ديالو وفكرة تديه وفكرة تجيبو قلبو كيقولو اتاخد هاد الخطوة يعني الا تزوجها غادي تكون حداه مدى الحياة ومجرد تفكير فهاد الامر كيحس بفرحة اما عقلو كيقولو لا واش نورسين غادي تقبل بواحد بحالك منين كانت عندو عشرة سنين وهو فالحبس
ناضت كتطير دخلت لطواليط قدات حاجتها وخرجات لبسات كسوة خضراء طويلةمع بوليرو فالكحل وخرجات عندهم باش تلبس سبرديلتها لقاتهم كيفطروا
نورسين : علاش ما فيقتونيش مشا عليا الحال و تيليفون ما صوناش
كنزة:ناس كيقولو صباح الخير
فاطمة: لا ابنيتي قالتلي ختك ما خدامش نتي هاد النهار نورسين:*كتلبس سبرديلتها و كتهدر*واش كثيقي بديك المريضة اللي حداك راني خدامة اماما يا ربي غير ما يجريوش عليا وديك بنتك حتى نجي و نتفاهم مع طاسيلتها
خرجات نورسين كتطير هابطة فالدروج باينة فيها مخلوعة حلات الباب د العمارة وهي تلاقا بجبل كولو عرقان وهاز صاكادو فيدو
نورسين : صباح الخير
ماخلاهاش دوز
جبل: مالك مخلوعة
نورسين: عفاك حيد خليني ندوز مشا عليا الحال
جبل : نديك فطوموبيلتي
نورسين: الله يكثر خيرك غادي نمشي فطاكسي بلا ما تعدب راسك خايفة غير يمشيو يجريو عليا
جبل : علاش غادي يجريو عليك
نورسين : وا دابا الله يرحم الوالدين الا ماخليني ندوز راني تعطلت
جبل: شوفي غادي تسنايني هنا غادي نبدل عليا ونجي
نورسين: وا راه غادي نتعطل اكثر ما انا معطلة وعلاش غادي نتسناك
جبل: *شد فيديها و جرها معاه *اجي معايا احسن
نورسين:اخويا بعد مني ماكنعرفكش *كتحاول تفك يديها منو*
جبل : *كيزيد يزير على يديها* كتخافي مني
نورسين: وا دابا غير خليني نمشي راني ما بغيتش نغوت نجمع جيران
جبل :*دار عندها حيت كان جارها وهي موراه*انا اخر واحد تخافي مني اوكي
وصلو لدارو طلق من يديها كانت واحد الشاشة حدا باب دارو حط صبعو وتحلات الباب
جبل:تفضلي
نورسين:*حالة فمها كي شي ضبعة* واو واش دارك كتحل غيربالبصمة
جبل: ماغاديش تدخلي
نورسين: ولكن راه عيب ندخل معاك وانا ما كنعرفكش واصلن مشا الحال خاصني نمشي دابا
سمعوا شي خطوات هابطين فالدروج
فاطمة:*بالغوات* كنزة جيبيلي بزطامي نسيتوا فوق الطبلة
نورسين: ويلي على شوهتي ماما هابطة *كتشوف فيه بمعنى شنو ندير*
جبل: *بابتسامة*باب داري محلولة ليك
دخلات نورسين دغيا وتبعها جبل سد الباب
نورسين: كن شافتني ماما تخرجني فجورنال
جبل: ماعمرك تخافي وانا معاك
نورسين:شكرا اخويا
جبل: هانا غادي نبدل عليا ونجي
نورسين:ولككن ...اووف وادابا مشا الحال مشا *كتشوف فالباب*
جبل: ماتحاوليش تهربي داك الباب كيتحل بالبصمة ديالي ما غاديش نتعطل واحد نص ساعة
دخل لبيتو وجبد الحوايج اللي غاظي يلبس ودخل لدوش كيبتاسم غير هو وراسو
عند نورسين
حالة فمها فالديكور ديال الدار رغم انها صغيرة ولكن بتصميم راقي جدا كل بلاصة فيها ديكور معين عجبها دوقو بزاف دار صغيرة دايرلها بحال القصر استغربات منو جاها انسان فشي شكل جلسات فوق الفوتوي حولات نضرها لطبلة اللي كان محطوط فيه واحد الكتاب
هزاتو
نورسين : هوسي انت يا حبيبتي 🖤🖤 واو عنوان جميل *بغات تفتحوا و تراجعات* حشومة ا نورسين السيد مدخلني نجلس بعقلي ماشي نقيس خصوصياتو
حطات الكتاب فوق الطبلة وبقات كتشوف فالدار قنطات
جبدات من الصاك ديالها تيليفون اللي كان من نوع نوكيا بيل جلسات كتلعب الحنش لعبتها المفضلة
بعد مرور بضع دقائق
سمعات الباب تحلات هزات راسها لقات جبل واقف بابهى حلة كان لابس تيشورت كحل مزير من نوع لاكوسط مع سروال بيض مع صبادري كحلة وكاسكيطة بيضة وساعة فيدو من نوع غالي جدا نورسين بقات غير حالة فمها فيه وفكرة وحدة اللي كتقول فدماغها "سعدات بنت المراة اللي غادي تاخدو " تقدم بخطوات موزونة وهز السورات ديال اللوطو ديالو من فوق الطبلة ودارهوم فجيبو
جبل : سمحيلي خليتك بوحدك تبغي تشربي شي حاجة والا تشهيتي شي حاجة نطيبها ليك غادي تكوني كاع ما فطرتي
نورسين مسكينة غير كتبلق بعويناتها وكتشوف فيه صدمها بالصواب ديالو
نورسين : لهلا يخطيك ولكن راه مشا عليا الحال واصلن الباطرون حدرني وقالي الا تعطلت غادي يجري عليا غير خليني نمشي عفاك
جبل : كتعجبك القهوة ولا العصير فالفطور
نورسين: ولكن راه...
جبل: غادي نمشي نوجد الفطور على دوقي واخا
نورسين : واش ماكتسمعنيش ولا شنو
جبل دار مشا للكوزينة وخلا نورسين كتهدر غير هي وعضامها
نورسين : اووف على راجل كي داير
جبل فالكوزينة وجد كلشي وحطو فالبلاطو وجابو حطو حداها
جبل : الا ما فطرتيش ما نحلش داك الباب
نورسين اصلن مسكينة كان فيها الموت ديال الجوع مازادتش الهضرة قربات البلاطو اللي كان فيه العصير بتيبان الكاشير الجبن و الفواكه مقطعة ومقشرة
نورسين : شكرا على هد الفطور
جبل: بالصحة والراحة
نورسين: ونتا ما غاديش تفطر
جبل: الا فطرتي نتي بحال فطرت انا
قرب واحد الكرسي وجلس عليه و هز التيليفون كيخندش فيه باش ما يزعجها وتاكل فخاطرها ولكن جبل كان شاعل الكاميرا ديال تيليفونو كيصورها وهي كتاكل هاد اللحظات اللي كيدوزهوم معاها عندو اغلى من الدنيا وما فيها اما واحد نورسين طاحت عورة فداك البلاطو
جبل كيشوف فالتيليفون ويضحك هزات نورسين عينيها لقاتو كيضحك
نورسين :الحمد الله الله يخلف عليك
جبل :*قطع الكاميرا ورد التيليفون لجيبو* بالصحة والراحة
نورسين:واقيلا خاصني نمشي دابا
جبل: واخا يالاه
زادو حتى وصل لباب و حط صبعو فشاشة اللي عندو من لداخل وتحل الباب
نورسين :شكرا
خرجات نورسين و تبعها جبل من موراها حاضيها فكل خطوة كيحفظ تفاصيلها ولما لا ؟ وهي بالنسبة ليه الهواء اللي كيتنفسوا هي حياتو هي اوكسجينو الخاص اللي ما غغدي يسمح لاي واحد يستنشقوا
حبو ليها ما جاش من فراغ بل كانت عندو مراحل وهادشي اللي غادي نتعرفوا عليه من بعد
★★★★★★
كم هي صعبة تلك الليالي التي احاول ان اصل فيها اليك اصل الى شرايينك الى قلبك كم هي شاقة تلك الليالي كم هي صعبة تلك اللحظات التي ابحث فيها عن صدرك ليضم راسي حبيبي الشوق اليك يقتلني دائما انت في افكاري وفي ليلي ونهاري وصورتك محفورة بين جفوني وهي نور عيوني عيناك تنادي لعيني يداك تحتضن يدي همساتك تطرب ادني
وصلو لباب العمارة حلات نورسين الباب ووقفات
نورسين :*كتشوف فالشارع يمين وشمال * عنداك يشوفني شي واحد طالعة معاك يوصلها لبابا سخونة عطا الله مالين الحسنات
جبل : ما كنحملش نعاود الهدرة ولكن راه قلتلك ديجا الا كنت معاك ما عندك مناش تخافي
دارت عندو وشافت فيه من تحت نضاراتها طبية وقالت
نورسين : واخا نمشيو دغيا ما حد شارع خاوي
جبل :تسنايني هنا غادي نجيب طموبيلتي حدا الدار باش مانعدبكش
نورسين : والله غير بغيتي تعدب راسك كن شديت طاكسي كن وصلت واخا عارفة الباطرون غادي يجري عليا هاد النهار ما فيهاش
جبل : *كيهدر بانفعال*ما تعاوديش دكري داك الباطرون قدامي ما كاينش اللي غادي يتجرأ يقولك شي حاجة ما حدي حي ودم كيجري فعروقي
داز وخلاها كتبرقق بعينيها ما فاهمة والو
نورسين :مال هدا عاود ناري على صباح ولكن مسكين ضريف ربي صيفطيلي اخ اللي ما عنديش يدافع عليا *بابتسامة *خويا جبل
جبل مشا طلع فالطوموبيل وقبل ما يديماري صونالو التيليفون
يعقوب: افينك ا صاحبي من صباح وحنا نتسناوك وحتى نورسين مازال ماجات
جبل: نورسين انا اللي غادي نجيبها
يعقوب : what??? كي درتيليها تقدم ملحوظ bro
جبل: جات غير صدفة المهم ما كاين لاش نشرح قصة طويلة واش كلشي واجد
يعقوب: كلشي واجد سلمى من صباح وهي تساين
جبل: فكرتيني قلها تسد حلقها شوية راه فيها الهضرة بزاف عرفتي وتفرشني مع نورسين ما نعقلش عليها
يعقوب: اخويا من الصباح وانا نوصيها الا فرشاتك ا
ما علينا غير نديرولها كارولاينا ريبر حتى هي *اخطر انواع الحار*ههه
جبل: المهم هاحنا جايين نتلاقاو
يعقوب :goodbye bro
قطع جبل وديمارا اللوطو و زاد بيها حتى وصل عند نورسين اللي كانت واقفة كتساينو هبط من اللوطو وحلها الباب بكل جنتلمانية
نورسين :شكرا علاش عدبتي راسك
جبل :*بابتسامة* كنضن غادي تسمعي مني هاد الجملة بزاف اللي ديما غادي نقولها عدابك راحة وانا هنا باش ما نخليكش تعدبي
تبسمات نورسين وتوردو حنيكاتها خجلات من طيبوبتو ومعاملتو ليها حنات راسها وطلعات سد الباب جبل ورجع لمكان المخصص بسياقة وديمارا فاتجاه المكتبة
فنفس الاثناء كان جاي العساس د العمارة وشاف نورسين فاش ركبات مع جبل تبسم بسخرية وقال مع راسو
العساس: اجي تشوف اسي محمد بنتك الشريفة العفيفة ولات تاهي تطلع مع الرجال ايوا الله يدينا فالضو هادشي ما بقاش كيعجب واقيلة من علامات الساعة بدات تبان
عند جبل نورسين
جبل ما كرهش يطير كيحس بفرحة كبيرة و قلبو كيضرب كيحس بنبضاتو غادي يوقفوا بقوة الخبيط و حط يديه على دقنو و الابتسامة باين من ملاميحو الجميلة
اما نورسين جالسة متوترة مازال ما عارفاش كيفاش غادي تصرف كتحس براسها مخنوقة حتى قاطعها صوتو
جبل : ياكما جاك الملل
نورسين : لا بالعكس
جبل : نطلقلك الموسيقى
نورسين :*بحماس* اه
جبل : *جبد تيليفون* هاكي ختاري الاغنية اللي عجباتك طلقيها وراه الباف حداك الا بغيتي تسمعيها مجهدة
نورسين: خفت نزعجك
جبل :*ابتاسم * انتي هي اللي ما عمرك تزعجني *دار شاف فيها بواحد البريق فعينيه و حتى هي شافت فيه *
نورسين: شكرا
جبل: آخر مرة نسمعك كتقوليلي شكرا
نورسين : ههه اوكي
شعلات نورسين تيليفون ولكن هي ما مولفاش مثل هاد النوع ديال التيليفونات حيت تيليفون جبل من نوع ايفون اخر ما خرج وهي مسكينة علمها واصل غير حد نوكيا بيل
نورسين : *حطات التيليفون* صراحة ما كنعرفش نخدم هاد التيليفونات ما مولفاش بيهم انا عندي غير نوكيا بيل هو اللي كنعرفلو
جبل :حتى واحد ما كيتزاد معلم ما حدنا عايشين والروح كتطلع فينا وتهبط مازال عندنا الفرصة نتعلموا شحال من حاجة ها انا غادي نشعل الراديو ومن بعد نعلمك كلشي
جبل قربلها حتى ولات كتفصلو عليها بعض سنتمرات عيونو كتشوف فعيونها ديريكت و نورسين كتشوف فيه ببلاهة جر السمطة من مور كتفها وركبها و رجع اللور
نورسين : شكرا
جبل تكا على الكرسي وكيشوف فالسقف ديال الطوموبيل ويدو كترجف وداتو كتعراق غير بوحدها ماتيقش انو قربلها داك القرب واش بصح هو فالواقع ولا فالاحلام صدرو كيطلع وينزل اللي شافوا يحلف عليه كان كيجري كيلوميترات وهادشي فقط تاثير نورسين عليه
"شحال خايبة يكون الحب من طرف واحد كتحس بروحك كتقسم وتقطع طراف طراف "
و لكن السؤال اللي كيطرح نفسو شنو اللي خلاه يبغي نورسين بالضبط ؟ ياك هو الشاب الوسيم اللي البنات كيتمناو يشوف فيهم غير نضرة و نورسين هي البنت البشعة اللي ما كيبغيها حد شنو هو السر اللي مخليه يتعلق بيها ؟ و فين كيعرفها اصلن ؟ هادشي اللي غادي نتعرفوا عليه مع احداث القصة
نورسين : وانت ما غاديش دير السمطة
جبل :سلامتك نتي اولى من سلامتي انا ما عندك مناش تخافي عليا هه السبب اللي مخليني مزال حي راه حدايا ما كاين لاش ندير الاحتياطات
نورسين : ما كنفهمش هدرتك ؟؟
جبل : على مابالي كنهدر بالدارجة ماشي بشي لغة اخرى
نورسين : لا ماشي هاكاك كتجيني هدرتك الغاز معناها عميق صعيب الواحد يفهمها نتا انسان غامض بزاف وسمحلي على هاد الكلمة
جبل : ما كاين لاش تعتادري هدرتي ما يفهمها غير اللي مجرب الحرب وما عمرو ما انتاصر فيها ديما كيخرج مهزوم و مع العلم انه يمكن ينتاصر ولكن الضروف اللي عاشها من قبل كتخليه دائما يخسر الحل قدامو ولكن بعيد فنغس الوقت
ديمارا اللوطو و قلع
نورسين غيركتشوف ما كتعرف باش تجاوبو
بعد مروردقائق
وصلو لمكتبة و حبس اللوطو وخرج ومشا حلها الباب
جبل : عفاك بلاش من ديك شكرا
نورسين :ههه واخا
هبطات من اللوطو دورات وجهها للمكتبة وادا بها تنصدم
نورسين : ياكما غلطنا فالمكتبة
جبل : نو هي هادي
سلمى:نوووووورسين جاو ا يعقوب
يعقوب : ثبتي شوية ا سلمى ما تحمقينيش يرحم والديك والله وتمشي تخرجي شي كلمة ماشي هي هاديك على فمك والله ما يعقل عليك جبل ها ودني منك
سلمى: وا صافي فهمنا من صباح ونتا توصي
مشات سلمى كتجري لعندهم ويعقوب موراها
سلمى: نووورسين مرحبا بيك
نورسين :* كطلع فيها وتهبط * واو اش هاد الاناقة كلها اجي بعدا شنو واقع هنا
سلمى: علاه ما فخباركش ؟؟
جبل كان متكي على اللوطو و مربع يدو و كيشوف فيهم
قاطعاها صوت يعقوب من موراها
يعقوب : جبل مرحبا بك اصاحبي
جبل اكتفى انو يحرك راسو
نورسين : وا فهميني شنو واقع
سلمى: *شدات فيعقوب من يديه * علاه ما فخباركش زوجي قرة عيني هههه شرا لمكتبة
نورسين : كيفاش؟ بغيت نقول مبروك
يعقوب: الله يبارك فيك * كيوجه نضرو لجبل *
جبل: مبروك عليك
يعقوب: الله يبارك فيك bro
سلمى: هد النهار دايرين الافتتاح
يعقوب : تفضلو
جر يعقوب سلمى و دخلو
اما نورسين غير كتشوف ما بقات فاهمة والو مسكينة كتشوف الارض فيها زرابي حومر و مشتت عليها الورد وجوج د لكارد واقفين قد السخط حدا الباب و موسيقى كلاسيكية مطلوقة
جبل : ما غاديش تدخلي
نورسين زادت ودخلت لداخل كانو كلهم اللي خدامين معاها لابسيين قفيطنات مزيونين كلشي كان فخبارو الحفل ولكن هي مع الاسف ما قالوهالش كاتشوف فداك البنات و تعاود ترجع تشوف فراسها جبل حاضيها و عرفها فاش كتفكر
يعقوب مشا لعند جبل
يعقوب : مالك غير حاضي نورسين عينيك غادي ياكلوها هههه رخف شوية على راسك
جبل : * خنزر فيه * عيطلي لسلمى
يعقوب: اوكي
مشا لعندها و عيطلها كانت جالسة كاتكل الحلوى اللي كيفرقوا السرباية فمها عامر
يعقوب : تكلمي لجبل
سلمى :*فمها عامر * اش غادي يكجدر بيا
يعقوب : سيري تكلميلو واش بغيتيه يخرجنا مرسومين فشي حيط
شربات سلمى كاس د العصير ومشات لعند جبل و يعقوب من موراها
سلمى: نعام
جبل : داكشي اللي وصيتك عليه البارح موجود
سلمى : وي كلشي موجود ما تخممش
جبل: اوا اش كتسناي
سلمى : و خليني غير ناكول بعدا
جبل : سلللمى
نورسين كانت واقفة كتسلم على البنات اللي خدامين معاها و كتفكر
علاش خطيب سلمى غادي يشري المكتبة ؟ و جبل كيعرف خطيب سلمى يعني حتى هو معروض ؟ اش هدا الصدفة كاملة ؟؟
قاطع افكارها صوت سلمى اللي كتعيطلها
سلمى :نووووورسين
نورسين : *مشات عند سلمى * نزلتي كيف الرحمة د سيدي ربي كنت باغى نجي نهضر معاك
سلمى : ماشي وقت الهضرة دابا اجي معايا * جراتها من يديها وطلعاتها لطابق الفوقاني *
نورسين : فين غادية بيا اختي
سلمى: زيدي وسكتي
"الطابق الفوقاني كان عبارة عن قاعة كبيرة فيها كراسى فين كيقراو الزبناء "
سلمى :* هزات واحد ميكة كانت محطوطة فوق الطبلة و حلاتها وجبدات منها قفطان اخضر ملكي كيهبل * هاكي لبسي هدا
نورسين : على قفيطن كيحمق دوقك زوين
سلمى : ويصحابلك انا غادي نخلي صحيبتي بلاش
نورسين : لهلا يخطيك ا زين حتى انا شهوتي فشي قفطان لبسو كلشي لابس غير انا اللي كنبان كي البوهالية
سلمى :بالصحة و الراحة يالاه الله يعاون
نورسين : اجي لهنا فين غادية
سلمى : غادي نهبط عند خطيبي قرة عيني ههه
نورسين : وجه الله لا ما تجلسي بغيت نهضر معاك
سلمى : *شافت فيها مصغرة عينيها * انا اللي بغيت نهضر معاك قربي * قربات عندها نورسين وهي تضربها بقرصة فاعلة تاركة * وليتي تركبي مع الرجالة بلا خباري وانتي اش عرفك بصاحب خطيبي دوي لاااا وجاية نتي وياه فطوموبيل وحدة
نورسين : وراه هو اللي قلتلك ساكن تحت منا فالعمارة عاد جا جديد و هاد النهار لصقني شافني معطلة قالي والله حتى نوصلك
سلمى :*سلمى جبدات التيليفون من صاكها و خدمات تسجيل صوت وعاودت راداتو لصاك * هادي كلها صدفة ما علينا و كيف كيجيك داك السيد
نورسين : صراحة ضريف من اطيب خلق الله ما نكرش هو انسان غامض و رغم انو لابس عليه مفضل يعيش معانا فداك العمارة اللي جاية غير فحي شعبي ما كيتفهمليش وحاجة اخرى باينة عليه بو بنات
سلمى :*طرطقات فيها عينيها * اويلي على بوبنات ا بغيت نقول كيفاش زعما ؟
سلمى : هضرنا عليك * جبدات التيليفون من صاكها وعطاتولو * هاك راني سجلتها فاش كانت كتهضر ما فيا اللي يعاود الهدرة
جبل شعل التسجيل وبدا كيسمع من اللول حتى لخر و عطاها تيليفونها
سلمى : قالتلك نتا بو بنات شفتي ديك المريضة ديال كاميليا بنت خالك خسرات صورتك قدامها
جبل العروق د يدو خرجو بقوة الاعصاب خصوصا فاش قالت عليه بو بنات ما عجبوش تاخد عليه صورة خاطئة خصوصا نورسين بنت قلبو اللي كيحاول ما امكن يدير الاشياء اللي ترضيها ويسهر على سعادتها
"ما اعظم الحب "
فنفس الأثناء كانت هابطة نورسين فدروج هازة قفطانها من الارض باش ما تعكلش مع صباط عالي فالكحل وطلقات شعرها المبوكل جات كيوت رغم انها ما دايرة حتى قطرة مكياج ديما القفطان المغربي كيعطي لمراة المغربية اناقة خطيرة
سلمى : هاهي جات
هز جبل عينيه فيها داك الغضب كلو تلاشى فاش شافها
ابتاسم تلقائيا حط يدو على قلبو
جبل : علاش كتعدبيني ا نورسين علاش شنو درت لك ☆☆ ياليت قاسية االفؤاد ترفقت ☆☆
☆☆ بعاشق لمح الجمال فذابا ☆☆
☆☆ماضرها لو انها ابتسمت له ☆☆
☆☆فلرب مبتسم ينال ثوابا☆☆
جبل ما كرهش يمشي يقولها انا باغيك و كنحماق عليك ويعنقها ويشم ريحتها حداه هادشي كافيه و موفيه ولكن هي بعيدة عليه ما عارفاش شنو كدير فيه الم الحب صعيب خصوصا الا كان من طرف واحد ما يحس بيه غير لي مجربو بحال جبل ولكن جبل مع الاسف ما كيحسش بالم الحب ولكن الم الهوس رجع شخص ماشي طبيعي عشقو ليها فات القياس
جبل خرج من الحفل ومشا ركب فسيارتو وتكا على الكرسي مغمض عينيه كيحاول ينساها يمكن هادي هي اقصى احلامو ينساها حيت كيحس براسو ولا مريض بيها حاس براسو ولا انسان ماشي طبيعي ربي زرع فقلبو حب لنورسين كبير وكبير بزاف و باش ينساها مايقدرش بل مستحيل
جبل :*ضرب الفولون ديال الطوموبيل على حر جهدو* بزاف عليا هادشي بزاف *كيطلع نغس بصعوبة حس براسو تخنق * ااااه اللهم أرني عجائب قدرتك في دعائي وارني لطفك ورحمتك في قضاء حوائجي وارني
كرمك و قدرتك في ما تعلق به قلبي اللهم يا مسخر الجبال الراسية سخر لي كل ما اريده في قلبي يا رب انت القادر والمقتدر يا من امرك بين الكاف والنون قل لها كوني لتكون
تحل لباب لي فجنبو
يعقوب: بامكاني نطلع
جبل: واش عاد غادي نعرض عليك اصاحبي طلع الا غادي طلع
طلع يعقوب وسد الباب
يعقوب: علاش ما بغيتش تقول بلي المكتبة ديالك
جبل : * دار يديه بجوج تحت راسو * باش ما تشك نورسين فحتى حاجة فنظرك الا كان شي واحد تابعك من قنت لقنت وزاد شرا المكتبة اللي كتخدم فيها هادشي اش كيعني ؟؟
يعقوب: غادي يبدا يدخلك الشك من تصروفاتو و ربما يكون كيحس بششي حاجة من جيهتك
جبل : وانا ما باغيهاش تعرف بهادشي
يعقوب : فخبارك بلي انت مريض
دور وجهو وشاف فيه
جبل:*بضحكة مستهزءة* عارف راسي مريض و دوا هي نورسين
يعقوب: سمعني ا جبل نتا خويا ماشي صاحبي شفتك شحال تعدبتي وهي بعيدة عليك الحل بسيط خطبها و تزوج بيها نتا علاش معقد الامور حتى لهاد الدرجة
جبل: نورسين ما تستاهلش واحد بحالي دخل لحبس فاش كانت عندو عشر سنين بجريمة قتل هي بنت بريئة و زوينة خايف عليها من نفسي ما نرضاش يقولو عليها مرات القتال
يعقوب: الا كنتي ما بغيتيش تزوج بيها وغادي تبقى هاكا خليها تعيش حياتها وتزوج حتى هي ونتا سير عيش حياتك
جبل :آخر مرة نسمعك تقول هاد الهدرة نورسين تخلقات لجبل و جبل تخلاق لنورسين والا قربلها شي حد لالا الا فكر مجرد تفكير يقربلها نهايتو غادي تكون على يدي
يعقوب: قريت فعلم نفس حتى طبت وحالتك ما بغاتش تفهملي
جبل : حتى انا حاولت نتعالج من هوس العشق مشيت عند احسن اطباء النفس اللي كاينين فالعالم ولكن ما قدرو يديرو والو مرضي ما عندو دوا والا جيتي لصراحة ما عمري عتابرت هوسي بنورسين مرض حيت عمر ما كان الحب حرام حتى الرسول صلى الله عليه وسلم قال " لا تأدوني في عائشة *
يعقوب: عليه الصلاة و السلام قصتك معاها بدات فشي شكل
جبل :*تنهد تنهيدة من الاعماق* بدات بحب بريئ وانتاهت بحب هوسي هه
سرحات بيه داكرتو قبل عشرين سنة
اكيد كلشي كيتساءل علاش جبل مهووس بنورسين حتى لهاد الدرجة و فين كيعرفها اصلن ؟؟
اجيو نرجعو قبل عشرين سنة باش نعرفو شنو واقع و شنو سر هاد العشق الهوسي ♥♥ #جبل نورسين
♣♣♣♣ فلاش باك ♣♣♣
في احدى المدارس الابتدائية الخصوصية المرموقة اللي خاصة غير بابناء الوزراء و المدراء و الاطباء و المحامون
الاطفال اللي كيقراو فيها كلهم كينتميو لطبقة الغنية صونا الجرس ديال المدرسة الابتدائية معلنا على ان تلاميد خاصهوم يخرجوا لاستراحة باش يلعبوا فساحة ها اللي كاياكل ها اللي كيدابز كلها و شنو كيدير ولكن طفل واحد بعيد عن كل هدا ضجيج خرج من القسم هاز شكارتو فوق ضهرو غليظ و داير نضرات طبية وشعرو رطيطب هابطلو على عويناتو فعمرو عشر سنوات لمح كرسي فارغ ومشا جلس فيه كيشوف الزملاء ديالو فالقسم كيفاش كيلعبوا و كيضحكوا بنات و دراري وهو وحيد ماعندو حتى صديق حنى راسو باسف حتى هو باغي يلعب مع زملائو ولكن حتى واحد ما دايها فيه كانت هادي هي اقصى امنياتو يلقا صديق الي يلعب هو وياه يعاودلو شنو دار فاليوم صديق اللي يحس بيه
كان داك طفل صغير شارد فافكارو و كيلعب برجيلاتو حتى وقفت عليه مجموعة من الاطفال كلهم دراري هادوك اللي كيكونو عايقين و حاسين براسهوم و زائد عندهم مكانتهوم فالبلاد حتى واحد ما يقدر يهدر معاهم
الولد 1: جالس هنا بوحدك هههه نتا عمر يديها فيك شي واحد ولا يهضر معاك عرفتي علاش
سمع داك الطفل هاد الجملة "نتا عمر يديها فيك شي واحد"هز عويناتو من الارض و شاف فيه بحال كيحاول يعرف سبب
الولد 1: قولوليه أ الدراري علاش ما عمر يديها فيه شي حد ههههه
الولاد الاخرين : حيت هو خاااايب و منحوووس هههههه
كلشي كيضحك عليه بسخرية داك الطفل هز عويناتو شاف فيهم كاملين و تغرغروا عويناتو بدموع
داك الولد كيسمع هاد الهدرة و دموع كيتساقطو من عينيه بغزارة عيا ما يسمع هاد الهدرة كل نهار "بسبابك ماتت ماماك كن ما انت كن ماماك مازالة عايشة "علاش هو اشنو دنبو الا كان مكتابلها تموت ؟ علاش ديما كيسمموه بهاد الهدرة ؟ الولد مسكين عقدوه بزاف ما بقاش كيقدر يتحمل هادشي فوق طاقتو حالتو ولات حالة خطيرة بدا كيدخل فحالة اكتئاب ما بقا كيهدر مع حتى واحد كيعبر على مشاعرو بالبكاء و فبعض الاحيان ولا كيكتب الشعر باش يقدر ينسا
دار يدو بجوج على ودنو باش ما يبقاش يسمعهوم اش كيقولو و بدا كيترعد و ماحد داك الولاد كيضحكوا ما حدو كيترعد و كيمشي ويجي جاتو نوبة هسيترية و سخف طاح من فوق داك الكرسي لارض مشاو التلاميد كيجريو عيطولو لاستادة ديالهم
الاستادة كانت جالسة مجمعة مع الاساتدة كيشربوا فاتاي و الحلوة حتى دخلو عندهم التلاميد كيجريو
التلاميد : maîtresse
الاستادة اللي كتقريهم وقفات كانت ظايرة نضيضرات ولابسة وزرة بيضاء باينة عليها انسانة بشوشة
الاستادة : les enfants est ce qu'il y'a un problème ? (هل هناك مشكل )
التلاميد : oui madame il y'a un grand problème jabal a tombé sur terre on ne sait pas pourquoi? ( نعم هناك مشكل كبير جبل سقط في الارض لا نعرف ما سبب)
الاستادة غير سمعت جبل طاح مشات كتجري لعندو لقاتو طايح و دراري مجمعين عليه
الاستادة: بعدو عليه خليوه يتنفس
حنات الاستادة لعندو كتضرب فوجهو باش يفيق
الاستادة: عيطو للمدير سربيو
ماكملاش دقيقة جا المدير مع الاساتدة لوخرين هزوه دخلوه لقاعة الاساتد بداو كيرشو عليه الما باش يفيقوه بدا جبل كيحل عويناتو بشوية
الاستادة : ها هو فاق عيطو لباباه
جبل : * قبط فيد الاستادة بجهد * ما تعيطوش لبابا عفاكم غادي يضربني عفاكوم عفاكوم * دار يديه على ودنو كيفما العادة وبدا كيترعد *
الاستادة:* جاتها حالتو غريبة * صافي غير تهدن ما غاديش نعيطو عليه كتعرف شي واحد باش يجي يديك
جبل : كانعرف غير نمرة ديال طاتي ليلى
الاستادة: كتعرف نمرتها
جبل : اه
الاستادة:* جبدات تيليفون ديالها و عطاتو ليه *هاك كتب نمرتها وعطيني نهدر معاها
جبل خدا من عندها التيليفون و دوز نمرتها بسرعة ويديه كيترعدوا و ردلها التيليفون
ليلى : الو
الاستادة: سلام أ لالا معاك الاستادة ديال جبل الابراهيمي
ليلى: و عليكم السلام ا لالا اش حب الخاطر
الاستادة: الابن ديالكم لقيناه طايح فساحة
ليلى: *ضربات على فخادها* اويلي كي بقا دابا
الاستادة : راه دابا مزيان
ليلى: هانا جاية نجيبو شكرا الله يرحم الوالدين
قطعات و مشات لبسات جلبتها بسرعة وطلبت من الشيفور يديها للمدرسة دجبل
حطاتها الطوموبيل دقات فالباب حلها العساس و مشات كطير للادراة
ليلى: فين هو ولدي جبل
المدير: فقاعة الاساتدة ما يكون عندو باس الالا
كتافات انها تحرك راسها و مشات كتقلب على القاعة حتى لقاتها ودخلت عندو لقاتو متكي من فوق الفوطاي وحداه الاستادة ديالو
ليلى: جبل ولدي *مشات كتجري عندو عنقاتو * كي بقيتي احبيبي شوية
طبيب: خرجي الولد و رديلو البال بغيت نهضر مع الانسة ليلى على انفراد
ليلى: جبل سير احبيبي مع خالتو هانا جاية
خرج جبل مع كريمة وخلاو طبيب مع ليلى
طبيب: الابن ديالك كيتعرض لتنمر من قبل الاصدقاء ديالو
ليلى: ممكن توضحلي اكثر عفاك
طبيب: من خلال ما استانتجت من كلام الابن ديالك هو ان الاصدقاء ديالو كيضايقوه فالمدرسة بزاف بسبب شكلو هادشي اللي خلاه فاقد الثقة فنفسو هادشي غادي يشكليه عقدة فحياتو و غادي يولي منعزل على العالم الخارجي والعزلة كتأدي لاكتئاب هو مازال صغير بزاف و بالاضافة الا كان عندو مشاكل فالعائلة يقدر يفكر فالانتحار
ليلى: اويلي على الانتحار اشنو المعمول اسي طبيب عطيني شي حل الله يفاجيها عليك
طبيب: ديه عند شي طبيب نفساني هو اللي غادي يقدر يعطيك الحل
ليلى: شكرا بزاف
خرجات ليلى خلصات و شدات جبل من يديه وزادو
جبل: طاتي تعطلتي لداخل عند عمو واش انا مريض بشي حاجة و خبيتوها عليا
ليلى: لا اولدي قالي ولدك بطل و زوين و ماعندو والو
لقاو شيفور كيتسناهوم ركبو فاللوطو و مشاو لدار
حطات السيارة حدا الدار اللي كانت عبارة عن فيلا كبيرة و زوينة نزلت ليلى مع جبل
دخلو للدار لقاو سعيد اب جبل جالس على أعصابو فسيجور و داير يد فيد وحاني راسو
ليلى: سلام سي سعيد
هز عينيه شاف فيهم بجوج
جبل :*كيترعد* سلام باباتي
سعيد:*ناض و قف و مشا حداهم هز يدو حتى لسما و نزل على جبل بتصرفيقة دايزها الكلام تسمع صداها فالفيلا كاملة * قالولي سخفتي فالمدرسة ههههه عرفتي علاش حيت الله كيعاقبك بسبابك ماتت ماماك نورسين نتا اللي فرقتيني عليها كن ما انت كن راها مازال عايشة نتا خاصك تموت ما تبقاش فهاد الحياة نتا خاصك تعدب كيفما عدبتيني الله يا خد فيك الحق
جبل طايح فالارض و كيبكي وليلى معنقاه وكتبكي معاه
ماعندها جهد ليه باش تحامي عليه خلاوها ماليها ما عند الميت ما يدير قدام غسالو
سعيد: بكي بغيتك تبكي وتزيد فالبكا باش تحس باش حسيت نهار ماتت حب حياتي بسبابك نتا قتال نتا اللي قتلتي ماماك و مازال ربي غادي يعاقبك
جبل حاس براسو كيف شي طير مكسور جناح بحال اليتيم باباه حي و بحال ميت اما ماماه ما عمرو شافها ولا حس بحنانها اه شحال صعيب الاحساس اللي كيحس بيه فهاد اللحظة طفل صغير قلبو محطم اخطر حاجة ممكن يعيشها الواحد
مشا سعيد بحالو و بقات ليلى مع جبل حتى تهدن و حطات يديها بجوج على خدودو
جبل: *كيتنخص*علاش انا ما كيبغيني حتى واحد واش بصح ربي كيعاقبني ا طاتي ياك انا ضريف و ماكانآدي حتى واحد و كنصلي وكنقرا القرآن واش بصح ربي ما كيبغينيش *كيمسح دميعات بكفوف يدو*
ليلى شهقات بالبكا كتآسف على حالة هاد الولد البريئ اللي كلشي ضالمو
ليلى: عمر ربي ما تقلق منك بالعكس ربي كيبغيك و كيحماق عليك عرفتي علاش
جبل حرك راسو بنفي
ليلى: انا غادي نقولك علاش حيت ربي صيفطني ليك وانا كنبغيك اكثر من اي واحد آخر وربي عارف بلي هاد الناس كلهم ما كيستاحقوش طيبوبة ديالك داكشي علاش بعدهم عليك
جبل: طاتي بغيت نعس
ليلى: عييتي احبيبي اجي معايا نطلعك تنعس واخا
طلعاتو ليلى لبيتو اللي كان كبير و فيه العديد من الكتب بيتو ماشي كبيوت الاطغال الا دخلتي لو كتحس براسك فبيت احدى كبار العلماء جبل كيقرا الكتب بزاف القرآن و سيرة الرسول عليه السلام الاصدقاء ديالو هوما الكتب رغم صغر سنو دماغو عامر بالمعلومات وديما كيجي الاول على صعيد مدرستو منلي كان صغير هادشي اللي خلا معظم زملاءو فالدراسة يكرهوه
خرجات ليلى و هز جبل صورة ديال ماماه اللي كان دايرها فاطار وحاطها فوق البيرو ديالو باسها وحطها قدامو وجبد المدكرة ديالو اللي كتشهد على جميع احزانو و معاناتو مع الحياة جلس فوق الكرسي وجبد الستيلو و بدا كيكتب
♥♥♥ رسالة الى امي ♥♥♥
انا متعب يا أمي
أنظر الي بوجه لا أعرفه في المرآة
انا لست بخير
هناك شيئ يخنقني من الداخل
ودمع يقف على اطراف عيني
حتى قلبي اقسم انه يوجعني
وكثيرا ما نمت من الوجع لا من التعب
سد المدكرة ديالو وخبعها فالمجر و مشا لسرير ديالو و تكا نعس
عند ليلى
قادات الغدا و جمعات دار و لبسات جلابتها وخرجات شدات طاكسي ومشات لدارها تلاقات بفاطمة ام نورسين فالدروج د العمارة
فاطمة: ليلى ها واحد السلام عليكم كي بقيتي مزيان
ليلى: مامزيان والو ا فاطمة
فاطمة: *حطات الميكات د الخضرة فالارض* تي اش عندك ا ناري الله يسمعنا خبار خير
ليلى: الولد اللي مربياه اليوم طاح وسخف الحبيب ديالي و حالتو حالة
فاطمة: الله الله على وليدي ياكما فيه ماليه ديه زوريه على الله يجيب ربي شيفا
ليلى: اودي خاصو طبيب نفساني خاصني نقلب عليه نديه عندو
فاطمة: مسكين كيقطع فالقلب هو اللي مات مو فاش ولاداتو
بقا جبل كيفركل فسرير سعيد بدا كيرخف عليه شوية بشوية حيت شاف تصويرة ديال مراتو نورسين فوق الفراش (جبل فوقتما كيبغي ينعس كيحط صورة د ماماه حداه )
سعيد هز صورتها و باسها وحطها حدا قلبو
سعيد : نورسين تو حشتك احبيبة حتى نتي غادي تكوني توحشتيني ياك دابا نجي عندك ما تخافيش حتى نا خدلك حقك من داك القتال عاد غادي نجي نتلاقاك
جبل ناض كيكح و وقف و مشا تخبع فالقنت د البيت
سعيد خرج من البيت وهو كيردد "غادي ناخدلك حقك "
جبل ناض كيبكي كيفما العادة مكسور محطم باه بغا يقتلو قمة دناءة كن ما شافش الصورة ديال مرتو كن قتلو السؤال اللي كيطرح على نفسو ديما هو شنو دنبو من هادشي كامل ؟؟؟ دار يديه على ودنيه و بدا كيمشي و يجي شداتو نفس الحالة الهيستيرية داتو كلها بدات كترعد حتى سخف عاود
عند ليلى
قرات العنوان ديال واحد الطبيب نفسي فواحد العمارة
وطلعات لعندو دقات حلات ليها السكرتيرة
- تفضلي ا لالا
ليلى: ياك هنا عيادة الطبيب العموري
- اه الالا
ليلى: الا كاين بغيت نهضر معاه بخصوص ولدي الله يجازيك بخير
- اه ممكن تفضلي
دقات ليلى الباب سمحلها الطبيب بالدخول
ليلى: سلام عليكم اسيدي
- وعليكم السلام تفضلي ا لالا جلسي
جلسات ليلى و كتفرك يديها متوترة
- *حول الطبيب نضرو ليديها * شفتك متوترة ما عندك مناش تخافي دوي بكل راحة انا هنا باش نسمعلك
ليلى: صراحة انا جيت عندك على قبل ولدي
- *حيد الطبيب نضارات ديالو* اشنو عندو بغيتك تحكيلي ادق التفاصيل عليه الا كان ممكن
ليلى: انا صراحة ماشي الام ديالو و انما المربية اللي رباتو و هزاتو منين كان صغير هو بمثابة ولدي اللي ما عنديش الام ديالو نورسين ولداتو و ماتت الله يرحمها كانت من اطيب خلق الله و ضريفة بزاف كانت كتحماق على رجلها سي سعيد وحتى هو كان كيبغيها بزاف سي سعيد كان محامي عند الاب ديال نورسين فشركة وكان كيجي عندهم بزاف للدار تماك نشأت علاقة ما بيناتهم فاش نورسين صارحات واليديها بحبها لسعيد رفضوه رفض تام حيت ماشي من مكانتهم دازت الايا م و هربات نورسين مع سعيد لبلاد اخرى شحال و هما عايشين تماك حتى رزقهم ربي بجبل كانت نورسين فرحانة بزاف بولدها وحتى سي سعيد *تنهدات* ولكن ربي كان عندو كلام آخور ولداتو و توفات و بحكم انا كنت خدامة عندهم فدار كتعاتبرني بحال ختها كانت كتعاودلي كلشي الله يرحمها و يوسع عليها فهاد النهار كانت كتقولي الا وقعاتلي شي حاجة تهلاي فولدي بحال الا كانت حاسة بلي غادي تموت *دموع كيهبطولها من عينيها* فاش سعيد عرف مرتو بلي ماتت تهز فدماغو ولا انسان ماشي طبيعي ديما كيقول لولدو نتا سباب فموت ماماك منين كان صغير ما عمرو هزو ولا تهلا فيه عمرو هدر معاه ولا شاف شنو خاصو انا اللي هازه و ما خالياه مخصوص من حتى حاجة و هاد النهار قالولي سخف وطاح فاش ديتو لطبيب قالي ولدك ما عندو والو وقالي بلي كيتعرض لمضايقات من عند زملائو هو اصلن ما عندو حتى صديق انا بغيت نعاونو وما عرفتش شنو ندير الولد مازال صغير و عايش هادشي كامل راه بزاف عليه
- الولد بدا كيدخل فحالة اكتئاب و ولا منعزل على العالم الخارجي هادشي اللي استنتاجت من خلال هضرتك ولكن خاصني نتأكد من هادشي خاصكي تجيبهلي باش نقدر نشخص الحالة ديالو الاب ديالو كيصرف عليه ولا والو
ليلى:الفلوس كيصرف ما مخليش من جهدو ولكن اش قيمة الفلوس الا كانت بلا حنان
- جيبيهلي غدا باش نشوف حالتو
ليلى:الله يجازيك بخير
خرجات ليلى من العيادة كلها امل انها تقدر تعاون جبل ولو غير شوية حسات بشي حريق فجنبها و دوخة جلسات فواحد الكرسي
ليلى: اعود بالله من الشيطان الرجيم اش هادشي *شدات فجنبها و بدات كتقرا شوية د القرآن على الله يهمدلها الحريق *
فاش حسات براسها ولات مزيان خدات طاكسي ومشات للفيلا عند جبل
وصلات و دخلت للدار باش تعطي لجبل يتغدا سعيد ما كايكونش فدار ديما خارج ماكايجي حتى لليل وفاش كايجي كيرجع سكران
مشات للكوزينة قدات لو الغدا فالبلاطو و طلعاتو للجبل
دقات فالباب ما جاوبها حد حلات الباب وهو يطيح البلاطو من يديها مشات كتجري عندو باش تفيقو لقات جبل طايج سخفان
ليلى: *كضرب فوجهو باش يفيق* ولدي مالك الله ياربي الله
هبطات كتجري جابت كاس د الما رشاتو بيه حتى فاق
ليلى: ولدي باش كتحس
جبل عنق ليلى بالجهد وناض كيبكي
جبل: طاتي بابا بغا يقتلني جا خنقني وخدا تصويرة د ماما و خرج اهئ اهئ
ليلى: كيفاش بغا يقتلك
جبل: جا قجني اهئ اهئ
ليلى:* يصحابلها غير كيتخايل * صافي احبيبي ما كاين اللي غايقيسك ما حدني حية نوض نديك عند طبيب نوض
جبل سمع سمية نورسين و ناض من على ركابي ليلى حيت الاسم ديال ماماه نادر بالاضافة ان هاد الاسم عندو مكانة كبيرة فقلبو
جبل : سلام خالتو
فاطمة: وعليكم السلام اوليدي هادا هو ولد دوك الناس مسكين
ليلى: اه
فاطمة:وعلى مزيناتو وليد مسكين الله يشوف من حالو
ليلى: فين هي نورسين مابانتليش
فاطمة: ديك الشيطانة تلقايها كتحنقز فشي قنت دايرة كي القرود هه *دورات فاطمة وجهها * راه تحت ديك الشجرة ما نعرفت اش سايرة دير
تحت من #شجرة الليلك ازهارها كلهم فلون البنفسجي شجرة كتبعث احساس بطمأنينة و راحة كانت جالسة تحت منها ملاك فصفة انسان نورسين بنت فعمرها خمس سنوات كانت دايرة لكرينات ولابسة كسوة فالابيض كيطيرها الريح مرة مرة جالسة كترسم و تضحك مستمتعة بالحياة هادشي كلو داز من تحت اعين جبل طفل العشر سنوات تملكوا احساس غريب فقلبو عجباتو بزاف خصوصا انها كتمتالك نفس اسم الام ديالو واو صدفة زوينة
جبل نورسين الجزء الثاني
محتوى القصة
التنقل بين الأجزاء