جبل نورسين الجزء 23

من تأليف Fatima zahra ouba
2019

محتوى القصة

رواية جبل نورسين

جبل وقف حتى هو 
جبل : مالك كاين شي مشكل 
نورسين : كنزة و فهد شوف فين جالسين كيضحكوا مازال حتى ما خطبها هاد البنت علاش كتقلب شوف كيف جالسة كتفرنس 
جبل دور وجهو بانتلو ختها كنزة مع فهد و لامار حتى هي مجلسينها فواحد اللعيبة خاصة بالاطفال 
جبل : *كيحك فلحيتو * و نتي اش مشا ليك سوقهم هاداك ختك ماشي بنت صغيرة اللي غادي تقوليلها شنو غادير تعلمي تديها فشغالك 
نورسين : واش هبلتي و الا كان غير كيتفلا عليها شحال من وحدة مسكينة كيدخلها راجل بباغيك للحلال و نتي مرتي و كدا و فالتالي كيعيط جبد لاا اجبل ختي هاديك و ما نقدرش نخلي شي حد يلعب عليها العشرة 
جبل : *شاف فيهم و هز حاجب و هبط لاخور * الا لاحظتي بلي البنت معاهم و مبعد عليها ما كيقيسش فيها خرجوا غير باش يتعارفوا يمكن *كيحك فلحيتو * ولكن خاصو يطلب يديها هادشي حرام اللي كيديروا فيه 
نورسين : اوا هادشي اللي باغا نوصلك من الصباح غانمشي نفرتك داك المجمع 
بغات تمشي عندهم و هو يشدها جبل من يديها 
جبل : شنو باغا تديري 
نورسين : غادي نجيب كنزة لعندنا ما عندها ما دير معاه و هو ما زال حتى ما داوي فيها 
جبل :*كيحك فلحيتو * غادي نجي معاك 
قبط فيديها تمشاو حتى وصلوا لطبلة فين جالس فهد و كنزة هما حسوا بيهم فهد و كنزة هزو راسهم يشوفو شكون واقف عليهم و هي كنزة طرطق فيها عينها و ووقفات 
كنزة: ختي نورسين 
نورسين : هي هادي الخدمة و الله حتى واااعرة بزاااف 
فهد : ختي نورسين 
نورسين : فهد غانجيك من لخر شنو كدير مع ختي 
فهد: كانهدروا واش كاين شي مشكل 
جبل :*بصوت خشن * كاين مشكل كبير اسي فهد 
جلس جبل و جلسات حداه نورسين و كنزة 
كنزة :*كتعض فشفايفها * واش ممكن نعرف اش وااقع 
نورسين : لا ما واقع والو خااارجة ليا مع راجل ما كتعرفيه ما كيعرفك و جالسين فمطعم و دنيا هانية و سما صافية واش اختي بنالك كفار اوا صافي من هادي لكارو 
جبل : نووورسين ممكن تسكتي عفاك 
كنزة حنات على ودن نورسين 
كنزة : ياك لحسك نسيتي ياماتك مع هاداك بو لحية تصاورك معاه مازالين عندي 
جبل : *كيشوف ففهد * سمعني نقولك واحد الحاجة نتا تبارك الله عندك بنيتة الله يحفظها و يخليهالك دير معايا واحد الافتراض الا كبرات لامار و كنتي غادي كتسارا و بانتلك مع شي شخص ما كتعرفوا ما كيعرفها شنو غاتكون ردة فعلك 
فهد حنى راسو و سرط ريقو و بقا ساكت 
جبل : اكيد ما غايعجبكش الحال و تقدر تغوت و تسب و تضرب داكشي على حسب شخصيتك نتا على العموم الميساج اللي بغيت نوصلك كنضن راك فهمتيه 
فهد : انا فاهمك اسي جبل و لكن راه غير كنهضرو عادي و انا عن قريب غادي نجي لدارهم انا ماشي شماتة باش نبقاو بحال هاكا غادي نضربوا لاكط باش نبقاو نخرجوا فخاطرنا منها نرضيوا الله و منها نيت حتى نتوما تكونو مرتاحين
نورسين : اوا دابا هدرتي اسي فهد واخا نتا خو ربيع و لكن كتبقا ثقة ما كايناش فهاد الوقت ننتمى غير تكونو متفاهمين 
كنزة : لا الحمد الله متفاهمين 
نورسين : اوا داكشي اللي بغينا فوقاش اخويا غاتجي تخطب باش نقولها لواليدة و نوجدوا 
فهد:*دوز يدو على شعرو * غدا انشاء الله غاتلقاونا واقفين فالباب مع التسعود 
نورسين : انشاء الله اخويا 
وقف جبل و ناضت نورسين و قبطات فيدو و زير عليها و قال بصوت خشن 
جبل :النصيحة اللي غانقولك تهلا فيها و ديرها فقلبك قبل عينيك حيت اللي فالقلب ما عمرو يخرج و لكن اللي فالعين يمكن يطيح نتمنى يكون الميساج وصل

فهد : كن مرتاح أسي جبل 
طلق جبل من يد نورسين و مشا هز لامار لعندو و ضمها لصدرو و باسها فخدودها و بدات تصفق بيديها و كضحك معاه حتى كيبانو واحد جوج سنينات عندها لقدام جبل كيشوف فيها و كيضحك و كيبوس فيها كيحمقوه لبنيتات صغار حطات لامار يديها على لحيتو 
فهد :*بابتسامة * بنتي كيعجبوها غير الرجال من عند الله ما كتسكتش فيد العيالات 
كنزة : غير حيت مولفة بيهم داكشي علاش 
نورسين كتشوف فجبل و لامار و الابتسامة ما فارقاتش وجهها عجبها شكلهم و بدات كتخايل بنتها هي و ياه او لا ولدهم كيف غيكون اكيد غادي يكونو كيشبهو لباباهم حتى هي باغا ولد بنفس لون عويناتو بنفس رطوبية شعرو و بنفس شخصيتو هزات يديها و حطاتها على كرشها و كتخايل نهار اللي تكون حاملة اكيد غادي يكون أسعد نهار فحياتها تنهدات و ابتاسمت 
جبل حط لامار فالكونة ديالها و مشا شد فيد نورسين و جرها معاه و رجعوا جلسوا فطبلتهم 
جبل : شنو مشهية 
نورسين : مشهياك نتا 
جبل طرطق فيها عينو وهي عاد وعات شنو قالت و ضربات فمها بيديها و بدات كتكح غير هي و راسها جبل غلباتو ضحكة كب ليها كاس د الما 
جبل : *بابتسامة *غير بشوية عليك ابنت قلبي 
نورسين : كح كح احم *هبطات على داك الكاس د الما و حطاتو فوق الطبلة * شكرا 
جبل : *حط يدو على يدها * شوية دابا أحبيبة امم 
نورسين : احم الحمد الله 
جبل: اوا شنو باغا تاكلي كنظن ماجيناش نبقاو جالسين كنشوفو فبعضياتنا 
نورسين : مشهية بسطيلة كتصوبوها و لالا 
جبل : كلشي كاين 
عيط جبل لسيرفور جا عندو كيطير طلب شنو بغات نورسين و انصارف سيرفور 
نورسين : و نتا ما تاكلش 
جبل : باركة عليا غير شوفة فيك *هز يديها باسها * مصاب غير تاكلي نتي 
نورسين : ههه سعداتي يا سيدي كنتي باغي تقول شي حاجة و قطعتك شنو كاين أكبيدة امم 
جاب سيرفور لنورسين شنو بغات و انصارف و جبل شد فيد نورسين بقوة و قال بهمس و صوت فيه نبرة حزن 
جبل: غادي نتوحشك ابنتي 
نورسين حسات بقلبها كيضرب بسرعة على إثر هاد الجملة الاخيرة جمد ليها الما فالركابي تزيزنات بقات غير كتشوف فيه مدة و فالاخير صرطات ريقها و قالت بهمس 
نورسين : علاش غاتوحشني ؟ شنو واقع ؟

جبل : غادي نسافر شي أيام 
نورسين :*بصوت متقطع * ف...فين 
جبل :*دوز يدو على لحيتو * عندي الخدمة بزااف سمعني ابنتي و ما تقلقيش عفاك واعديني 
نورسين : *تغرغروا عينيها * ك...ك..كيفاش واش واقعة شي حاجة ع..عفاك قولي شنو كاين علاش غاتسافر 
جبل هز يديها و باسها و بقا مدة حاطة شفايفو عليها و و طبطب على يديها و هز عويناتو شاف فيها 
جبل : غادي نسافر لمدة أسبوع لاسبانيا 
نورسين : أ....أسبوع و علاااش أجبل علاااش
جبل: الخدمة ابنتي ما عندي ما ندير 
نورسين : *تغرغروا عينيها بدموع * ديني معاك 
جبل: *تنهد* هادا هو المشكل انا غانبقا نتنقل ما بين اسبانيا و امريكا و تركيا ما عندي كيف ندير نديك معايا و غانكون خدام اربعة و عشرين ساعة على اربعة و عشرين حتى تيليفون غايكون طافي 
نورسين :*عضات على شفايفها و دموع نازلين من عينيها و حطات يديها تحت حنكها كتشوف فيه * يعني ما غانهدرش معاك حتى فالفون اهئ اهئ 
جبل حرك راسو بالنفي 
نورسين : و فوقاش غاتمشي 
جبل : اليوم بليل 
نورسين : بهاد السرعة اهئ اهئ ما تمشيش عفاك ما نقدرش نصبر على فراقك حتى دقيقة بقا غير صيمانة الموت هادي اهئ اهئ *غطسات وجهها بين يديها كتبكي و تشهق * 
جبل : نورسين الله يرضي عليك ابنتي راه ضروري ما عندي كيف ندير الخدمة هملتها بزااف حتى انا ما نقدرش على فراقك و لكن كنواعدك غادي نعوضك على هادشي كاامل 
نورسين دلات شنايفها بحال شي بريهشة و طلقات يديها بجوج فوق الطبلة و جبل قبط فيهم و قالت بصوت فيه حزن كبير 
نورسين : غانتوحشك اولد قلبي 😭😭😭 
جبل : عفاك ما تزيدينيش راني مخنووق و لكن الله غالب ما لقيت جهد ابنتي مضطر نمشي 
نورسين : مازال حتى ماشبعتش منك 😢😢 
جبل : غادي نرجع و غاندير لبنتي واحد السوربرايز غاتنسيك فهادشي كاامل 
نورسين : ما بغيت والو بغيتك نتا 
جبل دور وجهو جنب و غمض عينو هو براسو مصبر راسو غير بزز وهي كتكمل عليه بهدرتها و بكلامها كيحاول يقوي و يصبر فراسو حتى سمعها كتعيطلو 
نورسين : جبييلو 😭😭😭 
جبل التافت لجيهتها 
جبل : نعام أروح جبيلو 
نورسين : عفاك بقا معايا كنترجاك 😭😭 صافي خلي شركة و كلشي انا اهم من كلشي اهئ اهئ 
كحز طبسيل لجيهتو و بدا كيقطع ليها و كيعطيها تاكل و كيبتاسم ليها و هي غير كتبكي ما باغاهش يمشي و يخليها قلبها كتحس بيه كيتقسم لقطع صغيرة فاش كتفكروا غايغبر عليها لاسبوع اي سبعة ايام اي 168 ساعة راه الموت بعينيها 
وقف جبل و جرها من يديها و عنقها عندو و ضمها لصدرو بقوة و بعد عليها و هز صاكها و خرجو من المطعم و حل ليها الباب د اللوطو و دخلات و سدو و رجع لمكان المخصص لقيادة و ديمارا و زاد 
نورسين حاطة راسها على زاجة و كتشوف فيه و مدلية شنيفاتها كيف شي بريهشة 
نورسين : ديني معاك

جبل :*دوز يدو على لحيتو * شرحتلك شنو كاين ابنت قلبي 
نورسين : غانتوحشك كيف ندير نصبر بلا ما نشوف عويناتك و بلا ما نلعب فلحيتك رطيطبة و بلا ما نبوسك كيف غايدوز عندي نهار ثانية غاتولي بحال عام 
جبل : *بابتسامة * راكي قدرتي تعيشي عامين بلا بيا 
نورسين : شكون قالهالك نتا ما عارفش شنو داز عليا بسبابك شفت الموت مية مرة فنهار 
نورسين حطات راسها على زاجة و غمضات عينيها 
جبل حبس اللوطو نورسين حلات عينيها بانتلها بلي وصلو حدا العمارة د ماماها و هي دور شافت فيه
نورسين : علاش جينا لهنا 
جبل : باش تبقاي مع ماماك 
نورسين : ماااابغيتش بغيت نبقا معاك 
جبل جر نورسين لعندو و حط يدو على خدودها و حط جبينو على جبينها و غمض عويناتو و قال بهمس 
جبل : نووورسين رحميني عفاااك عفااااك براااكة انا ما قادرش و لكن خاصني ضروري نمشي فهميها ابنتي الله يرضي عليك 
نورسين : *بألم * ديني معاك
جبل فتح عينو اللي كانو حومر و شاف فيها و تنهد و جرها لعندو و حط شفايفو على شفايفها و باسها بوسة عمييقة كتحمل بزاااف د المعاني منها بلي ما قادرش 
يبعد ولكن الضروف كتلعب حيت اكيد من مور هاد السفر كاين شي حاجة 
جبل بعد عليه كينهج و قال بصوت متقطع 
جبل : غااادي نعوضك ابنتي هادشي كامل اللي كندير على قبلك *هز يديها باسها *كوني اكيدة بلي موجدلك واحد الحاجة غاتعجبك بزاااف واخا 
نورسين : بحال كتودعني ياك غتسافر حتى لليل 
جبل : خاصني نمشي لدار و ندوش و نرتاح و نجمع حوايجي و نقاد شي وراق و ننعس باش مع اربعة دالليل غادي نمشي باش نصبح تماك 
نورسين : غانتوحشك اجي عندي فاش تكون غادي للمطار 
جبل : غاتكوني نااعسة ما بغيتش نفيقك 
نورسين : منين غايزورني هاد النعاس و نتا بعيد عليا غير اجي غانكون كنتسناك 
جبل جرها لعندو و عنقها و زير عليها و حشا راسو فعنقها كيستنشق عطرها و هي كتبكي فوق كتفو 
جبل بعد عليها و هز صبعو الكبير كيمسح دموعها و قلبو كيضرو أكثر منها و قال بألم 
جبل:دموووعك ....دمووووعك ابنت قلبي كي جمرة كتحط على قلبي عفاااك باركة واش باغا تقتلني 
نورسين مسحات دموعها بالخف و ابتاسمت ليه وخرجات من الطوموبيل و زدحات الباب و دارتلو باي باي بيديها و عطاتو بضهر و سالو دموعها بلا هواها

تمشات بخطوات مسرعة حتى وصلات لباب العمارة ديالهم و طلعات عاد قلع جبل بطوموبيل و زاد 
طلعات فدروج و دقات فالباب حلات ليها فاطمة الباب و هي طير عليها بتعنيقة كتبكي فحضنها 
نورسين: اهئ اهئ ماااماا
فاطمة خلعاتها ولا وجهها كلو صفر بعدات عليها و قبطات فدرعانها كتدي فيها و تجيب 
فاطمة : يااااوتي أشكاين 
نورسين:ج...ج...جبل اهئ اهئ 
فاطمة : *حطات يديها على قلبها * ياااااو نسيبي واقعة ليه شي حاجة يااااوتي دوي راه كنحس بقلبي غايوقف 
نورسين : اهئ اهئ غ...غيسافر و يخليني غانتوحشو 
فاطمة طيراتها ليها بقرصة حتى قفزات من بلاصتها 
فاطمة : يااااو انا بغيتها تلقاك يا بنيتي طيرتيها مني خلعة دخلي ولا نبكيك حلااال يالاه
نورسين دخلات كتبكي و تشهق و زدحات فاطمة الباب حتى مشا و جا و دارت يديها فجنابها 
فاطمة : ياو تي بااااركة من البكا يااو فمك لحسوا كلب جالسة تفايل بالبكا فعوط ماتقولي الله يديه و يجيبو على سلامة جالسة تهرنطي كي الحمار دخلي راه كاين ربيع لداخل 
نورسين : اهئ اهئ و فينو بابا 
فاطمة : موبيك نااااااعس منين جاو هو جالس فركنة ياو عييت معاه ينوض يدور يخرج ياو يلعب غير شوي ديال ضامة فالقهوة مع صحابو والو مجبد ليا تماك تقوليه نفيسة 
دخلات نورسين لصالون لقات ربيع هاز فيدو كاس ديال اتاي و كاياكول فزريعة و كيتفرج فشيخات فتلفازة و كيشالي بيدو و يغني 
ربيع : يااااااوااااخا جونيمار قلبي اللي بغاك أ الولييييد أ الوليييد أنااا جيت اناااا جيت جونيمار 
نورسين شافتو و دلات شنايفها و مشات كتجري جلسات حداه و حطات راسها على كتفو 
نورسين : ربيييع اهئ اهئ 
ربيع حط داك الكاس د اتاي فوق الطبلة و قال 
ربيع : اربي سلاااامة نتي منين كطلعي ها العار نتي مالك تاني نوضي على كتفي طيحتيه ليا كتلصقي كي المسكة يااه على كنس 
نورسين ناضت من عليه و كتمسح دموعها 
ربيع :*صغر فيها عينيه * برج ايفل هو سباب فهاد دموع ياك باين يا غايكون غوت عليك و لا ...
نورسين : اهئ اهئ غيسافر و غايبقا صيمانة و حتى تيليفون ما نقدرش نعيطلو فيه حيت غايكون مشغوول بزاااف اهئ اهئ عطيني شي حل أربيع راه كنحس بروحي غاتزهق 
ربيع عنقها جنب و بقا كيضحك عليها 
ربيع : دابا يجي ياااا الحبيبة و دابا يجي 
نورسين ناضت من على كتفو وقالت 
نورسين : عيتيني بكدوبك شي ما جا ههه 
ربيع : اوا صافي حتى نتي صيمانة دغيا طير دابا غاتبقاي مع ماماك هنا 
نورسين : اه 
ربيع : يحسن عوانها مسكينة شفقت عليها من دابا غادي تحمقيها معاك نهار كامل و نتي تبكي 
نورسين : كنحس براسي عيانة غادي نمشي نعس اهئ اهئ واخا ما بقا نعاس أربيع 
ربيع : و ااالي سمعك يقول غير سيد فاتح على المسارن تي باركة من الدموع هانا نعيطلك لفاطمة تواطيك 
نورسين : نتا بعدا فينما درت نلقاك وجهك ما بقيتش نحملو حيد عليا لهيه 
ربيع : ياك اوجه موكة علاه شكون اللي جا عندي اوا الله ينعل اللي ما يحشم كنت هاني مهني كنغني و ناكل زريعة تا سلاطيتي عليا كي الباطل 
سمعوا دقان فالباب و مشات فاطمة حلات الباب و دخلات كنزة جلسات مع نورسين و ربيع فالصالون 
كنزة : رجلي طااابو بالخدمة 
نورسين : لا باينة واش من قبيل و نتي مع فهد 
ربيع : اشناااهو واش كتخرجي مع فهد خوياا
كنزة : وا ضروري باش نتعارفو 
ربيع : سمعيني نقولك واخا فهد خويا راه ما بقات ثقة ما بقا معقول اطااانسيون اطاانسيون 
كنزة: راه غدا غادي يجيو يخطبوني 
ربيع وقفات ليه و بدا يكح 
ربيع : شكون ؟
نورسين : هاااويلي على شكون طاسيلتك 
ربيع : غاتجي الواليد و الواليدة و خوتي كلهم حلفي بالله 
كنزة :واش كتهضر من نيتك 
نورسين شنقات على ربيع من الكول د القاميجة 
نورسين : اليووووم طاسيلة بوك تقولنا قصتك مع عائلتك و لا غادي نخرجك فجورنال 

ربيع : و نتي اش حشاك طلقي مني سوقك فيا اناكندخل ليك فشغالك 
كنزة : نتا باين غاتكون داير شي مصيبة كحلة و جراو عليك من دار 
ربيع شاف فنورسين 
ربيع : قولها تسكت ولا غادي نوض نريش دوك جوج زغبات اللي فرحانة بيهم كتبقا ساكتة ساكتة حتى كتقول شي هدرة قد راسها خلاوها ماليها قدها قد الفولة و فعايلها فعايل دينوصور ماشي حتى الغولة 
جات فاطمة و جلسات حداهم دايرة الحامض لراسها و حازماه و شادة فيه ردات راسها اللور و غمضات عينيها 
فاطمة : توما مالكم دايرين هاد هايلالة و صداع توما اش واقع أ لطيف أ لطيف ما تخليو الواحد يتصنط على عضامو تريكة القنب توما سكتوا الله يسكت ليكم الحس ضريتوني فراااسي الله يا ربي الله 
ربيع : وااكن تشوفي انا أخالتي فاطمة عندك هاد البنات كيبقاو يزنزنوا فوق راسنا كي دبان فالحال سخون ها عار الله الا ما أري ديك الحالة المدنية نقطعوهم منها و نتهناو و جري عليهم ما لايقين ما لايقين اللهم كركبيهم 
فاطمة :*كضحك* ههه لا ياااا وليدي ربيع علاه انا شكون عندي من غيرهم واخا نغوت عليهم و لا حتى نضربهوم كيبقاو العوينات اللي كنشوف بيهم واقيلا كن كان عندي شي حتروف محال يوصلني لهادشي اللي دارولي بنياتي الله يحفظهم 
نورسين :*بابتسامة * الله يطول فعمرك أماما الحبيبة 
كنزة : سمعتي أربيعة الحمقة امم شفتي ماما اش كتقول علينا واقيلة حيت نتا عائلتك سامحين فيك يصحابلك كلشي بحالك 
فاطمة قرصات كنزة حتى تأوهات بألم 
فاطمة : ياو نتي مالك هاكا مبلوزة تي كوني تحشمي و طلبي منو سماااحة هاااويلي هادشي علاش ربيتك أكنزة الله يخليها قاعدة فيك داك لسان مازال ما باغا يتكوط يالاه قوليلو الله يسامح 
ربيع :*تنهد و تغرغروا عينيه بدموع و عض على شنايفو * ما كاين لاش تطلب مني سماحة أمي فاطمة ما كاين لاش هي قالت غير الحقيقة العائلة الكريمة تخلاو عليا و لكن ما عليش كلشي كيفوت حمد الله عايش بخير بلا بيهم و كنشوفكم نتوما عائلتي *صرط ريقو * داكشي علاش كنتصرف معاكم بهاد العفوية *حط يدو على كتف نورسين حيت كانت جالسة حداه * هادي نورسين الحمقة الهبيلة البكاية و ختي اللي ما ولداتهاليش الواليدة هي اللي عرفاتني عليكم كاملين معزتها ربي اللي عالم بيها واخا مصرفقة و مكلخة ههه قلبها بيض هي الوحيدة اللي ارتاحيت ليها و انا فرحان حيت تعرفت عليها حيت بفضلها تعرفت على مي فاطمة *شاف ففاطمة * نتي فمقام الواليدة من ديما كنتي باغي تكون ماما ضحوكية بحالك اللي نشط معاها و نقولها اش ضارني و تنوض تخاصم عليا و تضربني و فلخر تبوسني و تقولي ما وقع باس نتا و ليدي ياك *سالت دمعة من عينيه و مسحها بالخف و شاف فكنزة *اما نتي خلااص لسانك مبري منك و لكن واخا هاكاك ضرافات دابا غاتولي مرات خويا تهلاي فيه هو اللي عندي ههه من ديما باغيين تعرفوا علاش انا ما كاينش مع عائلتي او بالاحرى علاش سامحين فيا و شكون اللي سامح فشكون واش انا و لا هوما قصتي انا قصة طويلة

قصتي انا قصة طويلة تزاديت فوسط عائلة ميسورة الحمد الله انا صغير فخوتي كاين فهد و ناريمان من موراه و عاد انا تقدروا تقولو بلي انا المفشش ديال دار ماما كانت حنينة بزاااف عكس بابا اللي كان قاصح بزاااف و أنا من صغري فيا تعفريت كنت جن ما كنرصاش و ما كنقراش مزيان كانت عزيزة عليا الموسيقى و هادشي اللي ما كانش عاجب الواليد هو كان باغيني نولي مدير او لا طبيب او لا مهندس باش يبان بيا قدام صحابو و انا ديما كنت كنسلت من المدرسة و كنمشي نلعب برا علىالعموم الواليد كان من ديما كيضربني كيشدني كيقتلني عصا و لكن الواليدة ديما كتدافع عليا و شي بعض المرات كان كيضربني انا و ياها حيت كانت كدافع عليا المهم دازت ايام و ايام و كبرت ووعيت وصلت لباك وانا مازال غير كنلعب و ضااارب دنيا بركلة سقطت العام اللول شدني عطاني واحد العصا د الكلاب و قالي الا مازيرتيش راسك غادي نخرجك من المدرسة و نقطعك من الحالة المدنية و نجري عليك و قالي عمرك تشوفنا مازال درت نفس و قريت مزياان العام ثاني درت دروس الدعم و كلشي صافي درت بالي فالقراية حيت عارف الواليد قاصح و الا قال الحاجة غايديرها على العموم جبت الباك بنقطة واااعرة جيت انا اللول على صعيد المدرسة ديالي الواليد فرح بيا كان علاين يهزني فوق العمارية و حتى الواليدة المهم دارولي حفلة و ناشطين و انا من الداخل ديالي ما باغيش داكشي انا كان كيعجبني نغني واخا ما عنديش شي صووت و لكن كنت مولوع بالغنا و خصوصا العيوط كنت حافضهم كاملين العام اللي موراه قالي الواليد غاتقرا على الادارة و التسيير انا ما عجبنيش الحال حيت غير كيفرض عليا شنو ندير و حتى الواليدة اللي غادي تهدر معاه كانت شخصيتها ضعيفة كتخاف منو بلا قياس استسلمت لامر الواقع دخلت و قريت ما نكدبش على الله عجبني هاد الدومين بزااف و بديت كنقراه و ديما كنجي اللول فدفعة ديالي حتى قبطت دكتوراه و لكن ديما كان كيراودني داك الحلم ديما فاش كنمشي لشي عرس فالعائلة كنشوف شي جوايقي عيني كيبريو بالفرحة اه و حتى المايكاب كان كيحمقني و خصوصا انني فاش كنت كنقرا تصاحبت مع واحد البنت كانت زوينة بزاااف و ديما كتدير المايكاب و كنت كنمشي معاها لدارهم و كنت كنتعلم فيها و هي كان عاجبها الحال صافي وليت كنحلم نكون مايكاب ارتيست و جوايقي فنفس الوقت
واحد نهار جاو عندي شي صحابي قالولي بلي كاين شي عرس و بغاوني نغني ليهم فالعرس داكشي اللي درت مشيت غنيت فيه و عجبني الحال بزااف مع شديت الغرامة بزااف عرفت بلي عجبهم صوتي و زدت بغيت هاد الدومين و لكن تفاجئت فاش رجعت لدار و لقيت بلي الواليد فخبارو و صيفطولو فيديوهات كنغني فيهم ايييه *تنهد و دموع من عينو نازلين * باقي كنعقل هز الحالة المدنية و قطعني منها حدا عيني ماما مسكينة بقات كترغبوا يحن فيا والو لاحني لزنقة و قالي من هاد نهار ما انت ولدي ما انا باك قالي انا بغيتك تولي راجل ساعة منين طلعتي غير شماتة خرج عليا بديت كنغوت و قلتلو نتا من ديما كتفرض عليا ندير اللي بغيتي نتا المهم ما خليتلو غير اللي نسيت حتى انا عندي هاد لسان سليط زيديني على ديك المنونخة د كنزة المهم ما علينا خرجت و انا ما فجيبي لا ريال لا جوج من غير دوك فلوس الغرامة اللي عندي فجيبي كريت بيهم فواحد الدار فواحد الحي شعبي الواليدة كانت باغا تجي تشوفني و لكن ما عرفوش فين كنسكن توحشتها بزااف ماتصوروش شحال توحشت الواليدة *حط يدو على عينو كيحك فيهم * سقت الخبار بلي مرضات بزاف واحد نهار مشيت عندها و انا لقا الواليد فالباب ما خلاليش بالسبان و جرا عليا و من بعد لقيتهم رحلوا من تماك مشاو لبلاصة اخرى فهد خويا و ناريمان تزوجوا و ما عرضوش عليا بطبيعة الحال كلشي من تحت راس الاب الكريم و لكن هادشي اللي عطا الله حاولت نعيش ناشط و ضاحك اللي شافك يقول هاد سيد ما عندو مشاكل ديما خالق سعادة ديما كنغني كيقولك ضارب دنيا بركلة و لكن دنيا هي اللي عاطية دين مي بركلة من داكشي رفيع اودي مشاااكيل و لكن ربي عوضني بعائلة بحالكم و هادا هو الاهم شحال دوزت ديال تكرفيص ما كنت كنلقا حتى اللي يعطيني درهم هي التالية فالتالي وليت كنضرب البندير فالعراسات حتى تشهرت وليت مدخل مصيريف وهي فاش قررت ندخل نقرا على المايكاب و تلاقيت بلالا نورسين 
نورسين حطات راسها على كتفو كتبكي و تشهق و كنزة حتى هي كيطيحوا دموعها اما فاطمة شادة على قلبها و كتسمع ليه ربيع هز عينو لقاهم كلهم طايح عليهم ضيم مسح دموعو بالخف و ضحك 
ربيع : لاااااا واش من نيتكم توما مالكم خاصكم غير علايش تبكيو 
نورسين : هادشي كاامل داز عليك اهئ اهئ 
ربيع : هانتي قلتيها داااز عليا اما دابا هاني فرحان ناشط و جالس كنشكر فيكم واقيلا فاطمة درتلي شي حاجة فالكاس د اتاي ما مشيتوا حتى عرفتو شنو داز عليا سيروا الله يخليكم بالخلا نوضي عليا و نتي خاصك غير علامن تنشري انا ماشي داك راجل اللي صابر ليك على هبالك 
فاطمة : الله الله عل ربيع اجي نعنقك و نبوسك نتا راك ناقصك حنان يااااو انا نعطيك شنو خاصك
ربيع : اها اشمن تعنقيني و تبوسيني فاطمة نتي بعقلك وداك محمد باغا تخونيه معايا محشمتيش نسيتي شحال كان يجيب ليك فالمصاصات و الحلوة ما ضنتيهاش فيك طلعتي واحد نكارة الخير

فاطمة : يا و نتا داز عليك هادشي و ما زال كتفرنس 
ربيع : بغيتيني نشد القنت و نجلس نبكي كي الوليات يصحابلك انا بحال هاد البكاية اللي عندك انا بعقلي و عقلي داير عقلو انا واحد الانسان اللي غير هبيل و ما كدبوش اللي قالو هاداك اللي كتلقايه كيضحك بزاف هو اللي كتلقايه مقصح بزاااف فحياتو 
♤♤♤♤♤♤♤♤♤♤♤♤♤ 
اضحك كلما استطعت، فهذا دواء رخيص"، قد نعتقد أن من يضحك كثيراً هو على الأغلب إنسان يتصف بالسعادة والمرح والتفاؤل، ولكن قد يكون وراء من يضحك كثيراً إنسان مليء بالهموم والأحزان، يكابر رغم الضيق الذي يعيش فيه، محاولاً إزالة همومه بهذا الدواء المجاني، حتى لا يعدي من حوله بالمشاعر التي تثقل كاهله، فهل يمكن أن يكون وراء تلك الضحكة واقع آخر لا يعلم به إلا صاحبه؟ 
♤♤♤♤♤♤♤♤♤♤♤♤♤♤

فاطمة : ياو داك باك انا بغيتها تلقاه انا بغيتلو لوبة قهرك اوليدي قهرك 
ربيع : اودي كيبقا الواليد ما عندك ما دير 
كنزة : و ما تعيروش ليا شيخي و لا نخسر معاكم 
ربيع :ياااي شكون شافك يا المكحلة فظلام شفتي هاد بنتك شحال كطير من المقلة نتي درتي بحال هاديك اللي نوضوها تشطح دارتها بصح تي من فوقاش ولا شيخك هوما مازال ما شافو حتى خليقتك كي دايرة خلاوها ماليها ما عرفوها خنفوسة و تهوس و لا بومة و على الصداع تحوس 
فاطمة : ياااو شيخك قبيح ابنتي يا كنزة امم و انا عارفة العكوزة اللي كتكون حارة 
ربيع : لالا واخا هاكاك هو ضريف هو قبيح غير مع ولادو 
نورسين : عرفتي اربيع فكرتيني نهار بابا جرا عليا و الله اهئ اهئ حتى انا كن ما لقيتش جبل فجنبي كن ما عرف شنو وقعلي 
فاطمة : لقيتيه ولد ناس ياااااو شحال غزال داك نسيب الله يعطيكم شي درية صااالحة ياااااربي قولي امين 
نورسين : اللهم امين جبل باغي الولاد انا اللي كنحس بلي باقي الحال عليهم 
فاطمة :*ضربات على فخادها * هااااويلي على نتي ما باغاش الولاد علاه شكون اللي كيربط رجل من غيرهم اوا تبارك الله عندك راجل عاطي للعين ما عرفتي دورلك بيه شي بنت الحرام نتي صافي كتفيه بالولاد و تهناي واخا كلشي ديال الله و لكن حتى نتي ديري مجهودك قالك سبب يا عبدي و انا نعينك

ربيع : كنقولك افاطمة راك والدة الخطيات و كتقوليلي لاااالاااا انا عندي نويويرات لواه الزمر ما فهمتش افاطمة نتي تبارك الله زين و رزانة و العقل و هوما ما عرف لمن يكونو كيشبهو 
فاطمة :*دارت طرف د شان على فمها كضحك* ياو شبهو غير لباهم ما نشكرشاااي راسي و لكن تبارك الله عليا كنفهمها طااايرة فسما اناا واخا هاكاك ماشي بحالهم انا راه فياماتي دغيا دغيا ولدتهم ياو باش نربطوا زعما كي ناس ياو خلاهم حتى كبروا و ناض تزوج بديك خديجة هاهي خرجات فيه شيب و رجع كيتغبن عليا ساعة لقاني حنينة اما كن كانت شي وحدة اخرى و الله حتى تلوحو لزنقة ياو نرجعوا لموضوعنا سمعيني نقولك ابنيتي راه المراة بلا ولاد بحااال الخيمة بلا وتااد 
نورسينز: اوا شوف المكتاب اماما حنا ما غانعرفوش احسن من الله *تفوهات * حاسة براسي عيااانة بزااف هاد نهار بكيت بزاف *دلات شنيفاتها * توحشتو أ ماما و الله جبييلو اهئ اهئ و لكن بعدا اجي نتا علاش كدبتي عليا فعمرك *شنقات على ربيع * و علاش ما بغيتيناش نعرفو حياتك 
ربيع : انا ما كنعطيش نيتي من الدقة اللولة و اصلن ما كان فيا اللي يعاود مشاكيلي لحد كانحس بحال غاتشفقو عليا 
نورسين عنقاتو جنب و حطات راسها على كتفو 
نورسين : واش كاين أ الأحمق شي حد كيشفق على خوه واخا حنا ديما مناكرين و لكن معزتك بوحدها 
ناضت من عليها ووقفات تكسلات 
نورسين : هانا مشيت ما تفيقوني حتى للعشا 
فاطمة : هاااويلي حي على العشا هادي راه عاد اربعة د العشية نتي غادا تخمري ماشي غاتنعسي 
نورسين كتحك عويناتها 
نورسين : حاسة براسي عيانة بزااف 
فاطمة : اوا سيري ابنيتي سيري 
مشات نورسين دخلات لبيتها و زدحات الباب و هزات تيليفونها كتشوف فتصويرتو و الدموع من عينيها نازلين قربات تيليفون لوجهها و حطات شفايفها عليه ببطئ و مررات يديها على تصويرتو و ابتاسمت دوزات الخط باش يجاوبها و لكن تفاجأت بلي تيليفونو طافي بدا كيتسلل الشك لقلبها جبل عمرو طفا تيليفون و ما يقدرش ما يعيطش ليها ساست هاد الافكار من راسها و مشات تزدحات فوق الناموسية و غفات داتها عينيها 
بعد مرور خمس ساعات 
ناضت نورسين مفزوعة على إثر شي أصوات كتسمعهم برا تخلعات ما عرفاتش بلي ضرباتها بنعسة فاعلة تااركة و حاسة بعضامها مرخيين عليها تخالط ليها الواقع مع الحلم هزات تيليفونها لقاتها التسعود د الليل بقات مصدومة شعلات ضو حداها و كتسمع واحد الموسيقى مطلوقة فالزنقة و مجهدة اغنية كتعجبها بزاف و عندها معاها قصة زوينة و لكن طلع ليها الدم حيت فيقوها من النعاس ناضت مكرهة حلات السرجم و هي طرطق عينيها على وسعهم و الابتسامة ضهرات على ملاميحها مع علامات الاستغراب و الدهشة حطات يديها على فمها و قالت بهمس 
نورسين :ج...جبل 

جبل كان واقف لتحت و لابس مونطو فالكحل و هاز راسو كيشوف فيها و ابتاسم كان طالق أغنية 《بلا عنوان 》 الاغنية اللي عندهم معاها دكرى زوينة كان طالقها مجهدة بزااف باش تسمعها و جيران صدعهم كلشي كيطل من السرجم كيشوفو شكون هادا اللي داير ليهم هاد الضجيج نورسين كانت واقفة فالسرجم و دايرة يديها على فمها و كضحك و كتشوف فيه و حتى هو كيشوف فيها جبد التيليفون ديالو و صونا عليها نورسين سمعات التيليفون ديالها كيصوني مشات كطير هزاتو و عاودت رجعات وقفات حدا السرجم و الابتسامة ما فارقاتش وجهها دوزات الخط و حطاتو فودنيها وهي تسمع صوتو 
جبل:توحشتك ابنت قلبي ستة د.سوايع و عشرين دقيقة و اربعين ثانية ما شفتك فيهم 
نورسين : *دايرة ضفرانها ففمها كتعض فيهم و تغرغروا عينيها بدموع * توحشتك اولد قلبي 
جبل: لبسي المونطو ديالك و نزلي هانا كنتسناك
نورسين : كنبغيك ❤
جبل : *باس التيليفون و هز راسو شاف فيها و قال * و انا أكثر أروح قلبي 
نورسين قطعات و هزات المونطو فالغرونة و خرجات كطير و هي تلقا فاطمة واقفة حدا الباب 
فاطمة : ياو ما مشيتي حتى طيرتي لراجل الفريخ هاويلي طالق الماسق فزنقة واش حمااق ويلي على شوهتي ياو اش غيقولو علينا ناس 
نورسين ماداتهاش فهدرة مها حلات الباب و خرجات كطير كانت غاطيح فدروج شحال من مرة حتى وصلات لباب و حلاتو بجهد وهي تلقاه واقف وهاز فيدو بوكي د الورد فالاحمر و كيبتاسم ليها لحظة صمت العيون كيعبروا على مشاعرهم بنظرات اللي كيديروا فبعضياتهم كيقولو بلي لغة العيون اصدق من الكلام 
نورسين حطات يديها على فمها و تقدمات بخطوات مسرعة و طارت على جبل بتعنيقة حتى تهزات من الارض وهو عنقها و زير عليها و باسها فعنقها و قال بهمس فقلب ودنيها 
جبل:توحشتك ابنت قلبي 
نورسين بعدات عليه و حطات يديها على خدودو وعينيها كدورهم على وجهو كامل بحال ما مصدقاش بلي واقف قدامها مررات يديها على لحيتو و قالت 
نورسين : علاش غبرتي عليا امم حشومة عليك 
جبل باس يديها بجوج بحنان و هز راسو شاف فيها و حط يديها على قلبو 
جبل : عدريني ابنتي و لكن ماشي لخاطري كنت كانقاد شي حاجة و لكن قلبي كانحس بيه ثقيل بحال جبال فاش كتكون بعيدة كنتخنق أ العسيلة ديالي 
نورسين دورات وجهها لقات طوموبيل ديكابوطابل فالاسود و مطلوقة فيها الموسيقى ديال 《بلا عنوان 》 مجهدة دورات وجهها و شافت فيها و ابتاسمت 
نورسين : كلما كنسمعها هاد الاغنية كنتفكرك 
جبل : *مرر يدو على خدها * انا كلشي كيفكرني فيك كلما كنتنفس و لا قلبي كينبض كنحس بيه كيعيط بسميتك كلشي فيا كينادي باسم واحد اللي هو نورسين 
نورسين حطات راسها على صدرو و قالت بهمس 
نورسين : دبدوبي❤
بعدات عليه و حطات يديها على خدودو و هبطات راسو لعندها و تعلات باستو فجبهتو و قالت بصوت حنين و شفايفها فوق جبينو 
نورسين : نتمنى من ربي يعاونك على مصاعب الدنيا و يرزقك من حيث لا تحتسب الله يفتح ليك كل باب مقفول و الله يجعلك بعد العسر يسر 
قالت هاد الكلمات و بعدات كتشوف فتعابير وجهو كان جبل ساكت و كيشوف فيها بحب كبير صرط ريقو و قال بصوت فيه ليونة 
جبل: الله لا يحرمني منك ابنتي نتي هي كلشي ما عمري ندمت ولو ثانية حيت بغيتك شبك يدو فيديها و جرها و حل الباب د اللوطو و طلعات و طلع هو فالمكان المخصص لقيادة و ديمارا و زاد 
نورسين :*بابتسامة * فين غانمشيو 
جبل:مفاجأة ابنتي

نورسين : واش بصح غاتسافر 
جبل : *هز يديها باسها *مزال الحال حتى لاربعة دصباح هادي عاد تسعود فهاد اللحظة ما نبغيكش تفكري بلي غانسافر نبغيك تعيشي لحظة فهمتي ابنتي حنا دابا مع بعضياتنا و هادا هو الاهم بالنسبة ليا 
نورسين : *بابتسامة * عندك الحق واش بصح غاتكون طافي التيليفون اربعة و عشرين ساعة على اربعة و عشرين ماشي بزااف زعما نتا ما غاتنعسش غادي تمشي و تبقا خدام هاد الاسبوع كامل 
جبل:*حك لحيتو * وي عندي الخدمة بزاااف و ماشي لخاطري غادي يكون عندي فالنهار ساعتين حتى لاربعة دسوايع د راحة 
نورسين : و نتا مريض و هادشي غاديروا كاامل راسك 
و علاش زعما بغيت نعرف علاش غاضرب هاد تمارة كاااملة 
جبل: *تنهد* باش نرتاح من بعد 
نورسين : شي بعض المرات انا ما كنفهمكش بالله *دلات شنيفاتها * و دابا واش بصح ما غاتعيطلش فمرة 
جبل: خلي تيليفونك ديما شاعل فاش غنلقا الوقت غادي نتاصل بحبيبتي 
نورسين :*بابتسامة * تيليفوني غايكون ديما فانتضارك 
جبل: *بابتسامة * الله يرضي عليك
نورسين : علاش طفيتي الراديو بلاتي نطلق واحد الاغنية زوينة حافضها ديال سعد عاد خرجات غاتعجبك غانهديها ليك أ الغزال ديالي *كتمرر يديها على لحيتو و كضحك* 
جبدات التيليفون و طلقات الاغنية ديال سعد المجرد 《يخليك ليلي أ غزالي 》 

🎵🎵🎵🎵🎵🎵🎵
يخليك ليلي يا غزالي و نطير معاك في العلالي

منخلي الوقت يسالي يا حبيب الروح

وانا وانا و من لاقانا عاجباني فيه الرزانة

طيبة القلب و الحنانة شكون فحالي انا

يخليك ليلي يا غزالي و نطير معاك في العلالي

منخلي الوقت يسالي يا حبيب الروح

عشيري هذا معايا في وقت الشدة حداي

يستاهل كل الهدايا للي فالكون

فاهمني حاسس بيا عارفني تايق فيا

ويلا غضبت يخاف عليا و بالو مشطون

وانا وانا و من لاقانا عاجباني فيه الرزانة

طيبة القلب و الحنانة شكون فحالي انا

وانا وانا و من لاقانا عاجباني فيه الرزانة

طيبة القلب و الحنانة شكون فحالي انا

يخليك ليلي يا غزالي و نطير معاك في العلالي

منخلي الوقت يسالي يا حبيب الروح

ديما عاطيني الخاطر نلقاه جنبي حاضر

و محبتي ليه زايدة اكثر منقول عييت

و عيونو فيها نحصل كلامو حلو كي العسل

مخليني معاه نوصل فين بغيت

وانا وانا و من لاقانا عاجباني فيه الرزانة

طيبة القلب و الحنانة شكون فحالي انا

🎶🎶🎶🎶🎶🎶🎶🎶 
نورسين بدات كتكرر مع الاغنية الكلمات و كتضحك بصوت العالي و كتمرر يديها على لحيتو 
نورسين: ديما عاطيني الخاطر نلقاه جنبي حاضر و محبتي ليه زيادة أكثر منقول عييت و عيونو فيها نحصل كلامو حلو كي العسل بحال كيغنيو عليك أ غزالي هههه 
جبل كيضحك هز يديها باسها و زاد من السرعة وهي توقف نورسين فوق الكرسي و بدا شعرها كيتطاير و مع الطوموبيل ديكابوطابل على الهواء مباشرة و الموسيقى مطلوقة على حر جهدها اللي دازو من حداه كيقول الله يستر نورسين اول مرة كتعجبها السرعة كتحس براسها طااايرة فالسما و بدات تغني مع الكلمات بصوت مرتفع و كتشوف فيه و شعرها كيتطاير 
نورسين : يخليك ليلي يااااااااا غزالي و نطير معاك في العلالي منخلي الوقت يساااااالي يا حبيب الروح وانااااا واناااااا و من لاقانا عاجباني فيه الرزانة طيبة القلب و الحنانة شكون فحالي انااااا *دارت يديها على فمها و كتغوت باحر جهدها * كنبغييييييييه أعبااااااااد الله 
رجعات جلسات فالكرسي و جبل داير يدو على فمو و كيضحك شنو يدير ربي سلط عليه انسانة هبيلة و لكن محمقااه بكلشي فيها حتى فحالة حماقها كتبان سووو كيوت 
جبل:*شبك يدو مع يديها * ما كرهتش كن كان عندي قلب أكبر من هدا باش نبغيك حب يليق بيك أحبيبتي نورسين : هاد نهار دعيت معاك بزاف 
جبل : *بابتسامة * شنو دعيتي 
نورسين : قلت يااااربي خليني نكون سعادة لقلب حبيبي والا ما كنتش غانكون سعادة بالنسبة ليه ياااربي ما تخلينيش نكون وجع ليه 
جبل حك لحيتو و ابتاسم و بقى ساكت 
نورسين :اوا قول أمين مالك ساكت 
جبل :*دور وجهو و شاف فيها * انا باغيك بالحالتين بجوج أ روحي سواء كنتي سعادة سواء كنتي ألم و وجع انا باغي نورسين و كانحماااق عليها انا ما عمري ما اختاريت نبغيك و لكن الله سبحانه و تعالى سبحانه زرع فقلبي حب كبير من جيهتك { قل لن يصيبنا الا ما كتب الله لنا }

حل ليها الباب لي من جيهتها نزلات نورسين و شافت فيه باستغراب 
نورسين : دابا هادي هي المفاجأة جايبني لدار 
جبل : *بابتسامة * شنو علمتك انا ابنت قلبي *جر ليها حنيكاتها *
نورسين : *ابتاسمت * صافي سمحلي ما خاصنيش نكون متسرعة فالحكم 
جبل عنقها جنب و ابتاسم و قال 
جبل : مشاء الله عليك بديتي كتعلمي 
جرها معاه و هي مخشية فيه كي القطيطة حل الباب و دخل لدار و تمشا حتى وصل لكوزينة و حل واحد الباب كيطل على الجردة نيشان نورسين بقات غير مصدومة من هاد المنظر اللي كتشوف بقات غير كترمش بعويناتها كأنها ما متيقاش هاد المشهد رومانسي اللي كتشوف امام عينيها 
جبل رجع اللور ووقف من مور ضهرها و دور يديه على خصرها و همس فودنيها
جبل: عجبك ابنتي *باسهاتحت من ودنيها غير بشوية حتى قفزات * 
نورسين دورات وجهها و شافت فيه و عويناتها عامرين دموع و حطات جبينها على جبينو 
نورسين : زوين بزاااف أحبيبي *حطات يديها على لحيتو و قربات و تعالات على صبيعاتها شوية و باستو ففمو بوسة خفيفة * كنشكرك حيت نتا كاين فحياتي بلا بيك ما نقدرش نعيش مصاب كن كنت نقدر نكتب عليك ممنوع لمس و ممنوع يشوف فيك شي حد ❌ نتا ديال نورسين و نورسين ديالك كلها انا وليت مدمنة عليك بحال لادروك و الحل هو انني ديمانكون بجنبك و نستنشق عطرك نتا هو الراجل ديال بصح ما عمرك خسرتي ليا الخاطر واخا جرحتك شحال من مرة عمرك هزيتي عليا يديك و لا رفعتي عليا صوتك هو لخر من ديما كنتي سند و ضهر اللي كنتكا عليه فاش كلشي كيتخلى عليا كنتي من ديما الكتف اللي نحط عليه الراس و نقولو شنو ضارني و كتمرر يديك على شعري و كتقولي كلشي غايفوت أنورسين نتا داير بحال واحد جرعة ديال سعادة كلما كدوق منها كطلب المزيد *مررات يديها على رموشو وهو كيبتاسم ليها بحب كبيير و كيتنهد تنهديدة من مور ختها * ما نكرهش نصدر حكم الاعدام على كل واحد طول شوفة فيك 
انت داير بحال واحد الشريان متصل بالقلب سميتو الوتين الا تقطع كتقطع الحياة و كنموت انا نضحي بحياتي على قبلك عيني ولاو كيشوفو شخص واحد اللي هو جبل الابراهيمي و اللي قرب ليك بحالي قاسني فوسط عيني نقتلو و نمشي عليه الحبس اهم حاجة هو تكوني نتا فرحان معايا *هزات يديه حطاتها على قلبها * كنعترف ليك درت خطأ كبير فحياتي فاش بعدت عليك و لكن واخا كنت كنقولك كنكرهك كنت كنحماااق عليك أكثر ما كنكرهك و الاهم من هادشي كامل هو نتا دابا حدايا قلبك ضعيف أجبيلو و الا طلبوا مني قلبي نعطيه ليك و نموت انا حيت نتا تستحق تعيش و تبقا نتا قلبك طيب و أبيض نتا الحنين ديالي ما كاينش بحالك عشت معاك أجمل أيام حياتي اللي ما كاينش بحالهم و الا طول ليا ربي فالعمر غادي ندير اي حاجة كتفرحك و ما عمري غانخسر ليك الخاطر 
سالت دمعة من عين جبل بسرعة تأثر من كلامها بشكل كبير وقع كلماتها كان ليهم تأثير خطيير على قلبو كيحس بيهم بحال دواء اللي كايداوي الجروح اللي عندو من الماضي ما كدبش فاش قال نورسين هي داء و دواء بصح نورسين هي اللي قادرة تعوضو و تشافيه على شنو عاشوا 
جبل :*حط يدو على خدها و قال بابتسامة *كنواعدك عمري ما غانآديك من غير الا عنقتك.
نورسين :*ابتاسمت و حطات يديها على لحيتو و قالت * سأتنفسك عشقا حتى لو كنت ثاني أوكسيد الكربون 
جبل ابتاسم ليها و دور ليها يديها بجوج من مور ضهرها و قبطهم بيد وحدة و حط يدو لوخرى على خدها و عينو كتسارا على تفاصيل وجهها حتى ركز شوفة فشنيفاتها و قال 
جبل : شنو نديرلك دابا امم

نورسين : *بابتسامة *٠ دير اللي بغيتي انا اصلن ديالك و ملكك و كلشي فيا ديال شخص واحد اللي هو نتا سميتك محفورة فقلبي و ما كاينش اللي يمحيها ما نكدبش عليك شي بعض المرات كنت كنقول انا ما نلقيش لواحد فمقامك ما عرفتش علاش كيجيب ليا انا بالي بحال مازالة صغيرة و نتا مشاء الله عليك دكي و مرزن و كلشي فيك زوين واخا مشاء الله دابا راه فعمري ثمانية و عشرين عام علاين معاك بوحدك كنلقا راحتي و كنتصرف بعفوية من قبل ما نتعرف عليك ما كانتش عندي هاد الشخصية كنت محكورة و ما كندافعش على حقي و كانجلس كي الامانة و لكن من نهار بنتي فحياتي تقلبات راسا على عقب و ليت كنقدر نضحك ونهدر على حقي ما بقيتش كنبقى ساكتة ما عرفتش واش هو تحول ايجابي و لا سلبي و لكن الفضل ديال هادشي كامل كيرجع ليك نتا حيت ما بقيت كنخاف من حتى واحد و اللي حست بيه كيستفزني كندكر غير سميتك على فمي كيبدا كولو كيرعد ربما ضسرت شوية هههه وليت مفششة من بعدما كان ما كيديها فيا حد عطيتيني امل جديد و حياة جديدة و ما عمري غانسا فضلك و خير ك عليا من ديما كان تأثيرك عليا كبير و ايجابي فوقتما كنت نطيح كنتي نتا اول يد تمد ليا كنبغيك أدبدوبي أكثر ما كتصور ❤❤ 
جبل كانت كلماتها كافية باش تشعل داخل ديالو رغبة كبيرة باش يقبلها بكل حب و شغف جرها لعندو اكثر و أكثر حتى تخالطات أنفاسهم حط شفايفو على شفايها و خشا يدو فشعرها و كيجرها لعندو بكل لهفة و كيطلعوا ممو أهاات كيعبرو على شحال كيتسطا عليها و كيموت فيها ما حاولش ياخد نفس ديالو كيتتفس من أنفاسها بغات تبعد حيت تخنقات هو كيزيد يجرها ليه باغي يروي عطشو منها حى حس بيها بدات كتنين و انفاسها كيتحبسوا عاد بعد كينهج من عليها و حط جبينو على جبينها و هز يدو كيمسح ريقو من حدا فمها و قال بهمس 
جبل: سمحيلي ابنت قلبي كنعدبك معايا و لكن ما كنقدرش نحبس كلما كنقول غانبعد كانحس بشي حاجة كتجرني ليك بحال المغنطيس شنو ندير ؟ كلك حلوة 
نورسين غمزاتو و قالت بهمس فقلب ودنيه 
نورسين : خود راحتك أولد قلبي 
نورسين دورات وجهها بانتلها جردة كلها عامرة ورد فلون الاحمر و الأبيض مشتت فالارض على شكل قلب كبيير و كتوب فالوسط بالورد j❤N بطريقة زوينة حولات عويناتها بانلها واحد الطبلة فالابيض و عليها شميعات و مزوقة بطريقة زوينة حولات عويناتها عاود بانتلها واحد الخيمة فالابيض و فيها شميعات و مخيدات و ملاية رطيطبة فين يجلسو و حولات عويناتها عاود بانتلها واحد السرير مطلوق تماك و كاين واحد الشاشة كبيرة بحال ديال سينيما بقات غير مبحلقة عينيها و دورات وجهها شافت فيه 
نورسين : هادشي كولو من قبيلة و نتا توجد فيه 
جبل : وي داكشي علاش خليتك عند ماماك قالتلي بلي نعستي *جرها من حنكها * عييتي احبيبي 
نورسين ابتاسمت ليه 
نورسين : واحد الشوية ماشي بزااف 
جبل جرها من يديها و تمشاو حتى وصلو لديك طبيلة وجر ليها الكرسي و جلسات و جلس اونفاص ليها 
نورسين شافت فطبلة لقات بسطيلة د الحوت عينيها بداو كيبريو كتحمااق على شي حاجة سميتها بسطيلة د الحوت هزات بسرعة الفورشيط و الموس و بدات كتقطع وتاكل بشراهة جبل كيشوف فيه و يضحك كب ليها كاس د الما و حطو حداها 
جبل: غير بشوية عليك أحبيبي مازال الخير 
نورسين : مشاء الله شكون اللي صوبها اااح ناري على لدة اممم شحال لديدة 
جبل : عجباتك 
نورسين : ناااري سطاتني ماشي غير عجابتني اممم كتحمق اللي صوبها الله يعطيه صحيحتو اجي ما تكونش نتا اللي مصوبها 
جبل : si *نعم بالاسبانية * 
نورسين : اوووو كبيدة ديالي طباااخ ماااهر كلشي فيك زوين كنحمااق عليك 
جبل : بصحة و الراحة 
نورسين : خاصك تعلمني باش حتى انا نولي وااعرة بحالك فكلشي 
جبل ابتاسم و حرك ليها راسو بالايجاب عم الصمت بيناتهم للحظات غير صوت الفورشيط و الموس اللي كيتسمعوا حتى حس جبل بنورسين كتبكي بصمت و كيشوف دموعها كيطيحو فوق لاناب و حبسات الماكلة و حطات الفورشيط و الموس و بدات كتمسح دموعها بسرعة 
جبل: نووورسين كتبكي

نورسين هزات راسها شافت فيه و ابتاسمت و حركات راسها بنفي و قالت بصوت مخنوق 
نورسين : لا ما كانبكيش انا عندي راجل بحالك و نبكي حشومة كاع غير غادي نتوحشك 
جبل ناض من فوق الكرسي و مد ليها يدو و قبطات فيها و ناضت لعندو و جرها من خصرها حتى ضربات فصدرو و رد شعرها من مور ودنيها هي هبطات عينيها ما كتشوفش فيه جبل دار يدو تحت من دقنها و طلع وجهها لعندو و قال بابتسامة 
جبل: هاد نهار كثرتي فالغزل 
نورسين : *عضات على شنايفها و ابتاسمت *اوا باز اللي سمعك يقول مسكين هاد سيد عمرها مرتو تغزلات بيها 
جبل جرها من خدها و ابتاسم و قبط ليها فيديها و جرها داها لديك الخيمة و دخلو و جلسو فيها نورسين بقات غير كتشوف فيها عجباتها 
نورسين : زوينة 
جبل : ما تكونش بحال بنت قلبي 
هز الغيتار من مور ضهرها نورسين بقات غير كتشوف فيه و عينيها كيبريو بالفرحة و بدات تصفق بيديها 
نورسين: اووو غاتغني ليا و اخييييرا 
جبل: *دور وجهو جنب و ابتاسم * من شحال هادي و نتي باغا تسمعي صوتي بغيت نفاجأك هاد نهار و منها تبقى دكرى بلاتي عندك الفون 

نورسين جبداتو من مونطوها و عطاتولو 
نورسين : هاهو لاش بغيتيه 
جبل : سجلي صوتي فاش تبغي تنعسي سمعيه هاكا غاتحسي بيا قريب ليك 
نورسين : فكرة زوينة بلاتي نخدم تسجيل الصوت 
خدماتو و حطاتو حداه و دارت يديها على خدها و قالت بفرحة 
نورسين : يالاه 
جبل قبط الغيتار فيدو بطريقة محترفة و بدا كيضرب بطريقة زوينة و منسجمة مع الاغنية اللي غادي يغني ليها
جبل: شكون اللي قال نتلاقو من بعد فراقنا كنت نقول محال نلقاك وتلقيني ساعه دار الحال وربي اراه جمعنا
تلاقت عمري .. عينيك مع عينيا شفتك وسهيت والارض دارت بياتفكرت في نهار اللي فيه خدعتيني دايماَ في البال وخيالك بين عينيا 
نورسين محدو كيغني و ما حدها كتفكر المعاناة اللي دازت منها فاش كانت بعيدة عليه شحال قاسات فصمت و شحال بكات و شحال سخفات لدرجة كانت عايشة غير بالدوايات مدة طويلة 
جبل حط الغيتار و شاف فيها لقاها ساهية فيه و كتبتاسم 
نورسين : صوتك زوين مشاء الله 
جبل : شوية 
نورسين : كتسمع لاغاني د راي ادن 
جبل : لا هاد الاغنية فاش كنا بعادين على بعضياتنا كنت كنطلقها بزااف و كنت كنسكر بلا قياس *دوز يدو على لحيتوو تنهد *الله يسمح ليا كان خاصني غير باش نسا و نترفع و ما نبقاش نحس بالالم فقلبي و لكن واخا هاكاك غير ما كنزيد نتعدب على العموم دازو ايام صعيبة بزاااف بالنسبة ليا لدرجة ما كنبغيش نتفكرهم 
نورسين قبطات فيدو 
نورسين : عاودلي عفاك 

جبل : غانقولك كلشي و لكن بشرط اللي هو ما تصدميش و ما تبكيش حيت داكشي اللي وقع لي من مور ما تفارقت معاك كنتفكرو كنمرض و لكن كلشي الحمد الله فات ما عندك مناش تخلعي 
نورسين : كنواعدك غير قول من شحال هادي باغا نسولك و هدا هو الوقت المناسب 
جبل جرها لعندو و حط راسها من فوق صدرو و بقا ساكت مدة و فالاخير قال بصوت فيه نبرة حزن 
جبل : نهار تفارقت معاك مشيت بطوموبيل بقيت غادي حتى وصلت لواحد الجرف و حسيت بقلبي كيضرني بزاااف حسيت بروحي كطلع كلما كنتفكر شنو قلتي ما نكدبش عليك الهدرة اللي قلتي ما عمري كنت متوقع انني غادي نسمعها منك نتي بدات هدرتك ألماتني و تصوري انا ما عارفش شنو داير ليك من غير اننا كنا مزيانين فجأة كلشي تقلب و ليتي كتكرهيني كتقولي بلي باغا تفارقي معايا و حوايج بزاااف اللي قلتيهم مرضوني على العموم حسيت بقلبي تباطئو دقاتو وليت كنطلع نفس بصعووبة هزيت الفون و اتاصلت بالاسعاف و انا نغيب ما عرفتش من بعد شنو واقع حتى كانتفاجأ فاش لقيت راسي دخلت فغيبوبة لمدة نصف عام 
نورسين ناضت من على صدرو و حطات يديها على فمها و بداو دموع كيتساقطو من عويناتها 
نورسين :ك...كيفاش كنتي فغيبوبة واش بسبابي اهئ اهئ *كتحرك راسها يمين شمال * انا بصح ما كنسواش اهئ اهئ 
جبل :*حط صبعو صغير على فمها * مسحي دموعك و لا ما بقيتش غانقول والو 
نورسين بدات كتمسح دموعها بسرعة 
نورسين : واخا كمل 
جبل :*حط جبينو على جبينها و غمض عينو * واخا يوقع اللي يوقع دموعك ما نبغيش نعاود نشوفهم تفاهمنا من بعد فاش فقت لقيت يعقوب و جدي و جداتي كلهم دايرين بيا و كولي داير بالاجهزة الطبية فاش فتحت عيني شفت يعقوب كيبكي بالفرحة المنظر ديالو ما بغاش يتمسحليا ما بين عيني أشارت ليه بصبعي باش يقرب باش نهدر معاه مشا لعندي و انا نسولو عليك قلتلو فين هي نورسين قالي نورسين مشات أخويا نساها عليك و قالي بلي رفعتي دعوة ديال طلاق دنيا ضلامت فعينيا و نضت من فوق السرير بغيت نخرج و نجي عندك و انا عاد فايق من الغيبوبة حطيت رجلي لارض و انا نطيح و بالصدمة عاودت دخلت فكومة يعني كيف خرجت من الكومة الاولى دخلت فكومة ثانية بقيت فيها واحد شهر يعني سبع اشهر وانا فالاوبيطال لدرجة انهم كانو كيقولو بلي صافي غانموت حيت كانت حالتي خطيرة و قلبي ما بقاش قادر يتحمل و لكن الحمد الله ربي كبير كتب ليا عمر جديد و فقت من الغيبوبة واول وحدة سولتهم عليها هي نتي قالي يعقوب بلي نتي عايشة بخير و ما بقيتيش باغاني كان كيترجاني باش ننساك حيت كلشي وقع ليا بسباب الفراق ديالنا دخلت فاكتئاب ما بقيتش كانكل ما بقيتش كنهدر جابو ليا أطباء نفسيين كثار من انحاء العالم باش نتشافى ولكن كلهم كيفشلو خرجت من الاوبيطال و هزيت طيارة و جيت عندكم للدار لقيت غير ماماك و ختك نتي كنتي فالمعهد ماماك قالتلي بلي غير كيدكرو ليك سميتي كدخلي فاكتئاب قالتلي بلي ولايتي كتخنقي و كتشربي بزااف ديال الادوية قالتلي صحتك تدهورت بسبابي قالتلي غير نساها عليك و ما تبقاش تجي عندها حيت فاي لحظة يقدر يجيك انهيار عصبي و نفقدك للابد هاد الكلام زاد على ما بيا ما تصوريش الاحساس اللي شعرت بيه فديك اللحظة بضبط فقدت الامل واخا هاكاك ما قدرتش نبعد عليك هزيت طوموبيلتي و مشيت عندك للمعهد و بقيت واقف كنتسناك حتى بنتيلي خارجة كضحكي مع ربيع ما تصوريش شحال حقدت عليك فديك اللحظة حيت فالوقت اللي نتي فرحانة انا كنقاسي و مريض بسبابك فديك اللحظة مشيت رجعت لاسبانيا و خديت دار منعزلة على البشر سديت عليا فيها و ليت غير كنسكر و كنتعاطى لدروك غير باش نترفع و نساك و لكن ما كنقدرش لدرجة بعدت على الله صبغت شعري وليت بحال الاحمق كنرسمك ليل و نهار و كنتفكر دكرياتنا ليل و نهار ما بقيتش كنعس ضعافيت تحت عيني ولا كحل بقيت هاكاك شي اربع شهور يعني دازت عام على فراقنا ديك ساعة حتى لواحد نهار لقاني يعقوب و جا لعندي و أول سؤال سولتو هو واش نورسين تزوجات ؟ولا واش تعرفتي على شي حد ؟

يعقوب طمني و قالي بلي و ليتي ميكاب ارتيست مشهورة و بديتي كتعلمي لغات و صحتك ولات كتحسن على قبل فرحت ليك من قلبي ما تصوريش بغيت نجي عندك و لكن يعقوب منعني و ما خلانيش زدت تدمرت بلي عرفت وليتي كتكرهيني لواحد الدرجة كبيرة و انا ما عارفش اصلن شنو سر داك الكره و من هنا بديت كنقلب على شنو هو سر هاد تصرفات تفكرت بلي كلشي وقع ليك فاش كنا فالاوطيل مشيت و طلبت الكاميرات لادارة واخا ما بغاوش يعطيوهوملي فلول حتى حمقوني عاد قبلو كان خاصهم يقلبو فالارشيف حيت كان داز عام على العموم لقيت بلي كاميليا جات عندك لشومبر فالبلاصة جبدتها من تحت لارض عدبتها جميع انواع التعديب اللي يقدرو يطيحوا على بالك حتى اعتارفت بشنو قالت ليك عرفتها لعبتها عليك و نتي بطبيعة الحال تيقتيها عام على كاملو و انا كنعدب فيها هي و منال الخدامة اللي كانت عندنا هي الي عاوناتها و هادشي عرفتو حيت هي اللي صرحاات بيه و نهار تلاقيتك كان اسعد نهار فحياتي واخا كنتي كاتعايريني ما كاتخلي ما كتقولي و لكن كيفما كانقول ديما الاب ما عمروا ما كيكره بنتو او لا كيتقلق منها تصوري معايا كنت عايش ما بين المغرب و اسبانيا كنت كل نهار كاناخد طيارة و نجي لعندك بليل كنت كنكون سكران واحد نهار بقيت كنغوت بسميتك و هبطت عندي ماماك رغباتاني باش نتخلا عليك و ما نبقاش نطوف بساحتك و داكشي اللي كان واخا تعدبت و قاسيت و انما الحمد الله هانتي دابا حدايا و هدا هو الاهم 
نورسين عنقاتو و زيرات عليه وقالت 
نورسين : سمحلي كلشي وقع بسبابي حتى انا نهار جيت للمغرب عاوداتلي ماما شنو درتي على قبل بابا و سخفت داوني لطبيب قالهم وقعلي انهيار عصبي و لقا بلي تنفس ديالي ما بقاش منتظم لدرجة كيدكرو سميتك كنتخنق ولات حياتي فخطر حتى انا دخلت فاكتئاب كنت سادة عليا فالبيت و نبكي واحد نهار داوني للمستعجلات حيت شربت بزاف ديال دوا نتاحرت نقدوني فاخر لحظة من بعد فاش خرجت ماما ما خلاتليش بسبان و المعيور لا هي و لا ربيع و لا يعقوب و لا سلمى داوني عند طبيب نفساني قالي بلي خاصك تكملي حياتك عادي و ديري شي انشطة جديدة باش هاكا تنسايه يعقوب عاوني بزااف الله يكثر خيرو دخلني للمعهد و كملت القراية فيه تفاجأت منين لقيت انور كيقري فيه كانت ماما كتجي عندي للمعهد مرة مرة و كانت كاتعرفو و شحال من مرة جا تغدا عندنا على العموم قريت فالمعهد و كنت كانتعلم لغات فنفس الوقت و كندير الرياضة و لكن واخا هاكاك اقسم بالله العلي العظيم كنت كندخل لبيتي و نسد عليا و نجلس نبكي و ندخل للقائات ديالك و الانجازات اللي كتصوب كلشي كان كيهضر عليك فاسبانيا كنت كنفرحلك من قلبي واخا كانقول كنكرهك ولكن ربي اللي عالم شحال كنت كنبغيك سلمى و يعقوب و ماما ديما فاش كيبغيو يجبدوا سميتك كنتخنق و كنحس بضيقة و طبيب نبهم قالهم ما تعاودوش تدكروا سميتوا على العموم قريت و خدمت وليت بصح اكبر ما يكاب ارتيست درت دار طوموبيل و لكن كنقول فاش نفعني هادشي الا كان بلا جبيلو
جبل بعد عليها و ابتاسم و قال 
جبل : من هادشي كامل عرفتي شنو استافدت 
نورسين : شنو ؟ 
جبل : فراقي عليك زاد علقني بيك اكثر و اكثر بلا بيك عرفت بلي الحياة ما عندها معنى 
نورسين : شنو درتي مع كاميليا و منال 
جبل : صيفطتهم لواحد المزرعة عندي فلاميريك يخدمو فيها 
نورسين :*حطات يديها على خدو * يعني ما بقا حتى واحد غادي يبعدنا على بعضياتنا 
جبل :*بابتسامة * ما عمرهم يفارقونا واخا يوقع اللي وقع 
🎵🎵🎵🎵🎵🎵🎵🎵🎵

نهار الاول لي تلقينا 

قلبي ديتيه و مشينا 

فطريق جديدة علينا 

يدي في يدك من ديما

ليوما أنتا و أنا ولينا

واحد ولينا 

نتا لي كتحس كاع بداكشي لي بيا 

نتا بوحدك لي كتحن عليا 

نسمح في كلش تبقى لي غير انتا

منا كي داويتي لي الجروح لقديمة 

نسيتيني وعوضتي ليا 

كاع لي مشا و تخلا عليا 

Je le voyais tourner de toi

T etais dans mon coeur mais tu ne le voyais pas

Mais j étais là 

La effacer mes doute ta fait ton choix

Maintenant je suis a toi

je suis a toi

علاااااااااش 

حاسدونا و بغاوا افارقونا 

علاااااااااش

كون غير خلاونا و نساونا 

علاااااااااش 

حاسدونا و بغاوا افارقونا 

علاااااااااش

كون غير خلاونا و نساونا 

كاع عادشي لي دورنا 

كل نهار به حلمنا 

و بيه تعلمنا 
🎶🎶🎶🎶🎶🎶🎶🎶🎶

نورسين و جبل تكاو فوق السرير و تفرجوا ففيلم رومانسي فداك الهواء الطلق كان ضامها لصدرو بحال كيقولها ما عمري نتخلا عليك رغم كاع داكشي اللي دوزنا التمسك ديالهم ببعضياتهم خلاهم متشبتين ببعضياتهم بهاد الطريقة رغم ان ناس و الحساد بغاو يفارقوهم رجعوا ربما اقوى من اللول هادي هي الحياة ماشي كلشي كيبغي ليك الخير و الحياة ماشي كلها سعادة و فرحة ضروري ندوزو من الحلوة و المرة باش نعرفوا قيمة الاشياء الجميلة اللي عندنا فحياتنا اهم حاجة ما تخلاش على اللي كيبغيك و ما ثيقش فبنادم حيت كاين ناس كيبتاسموا فضهرك و يبينو ليك بلي كيعاونوك و لكن هوما كن يلقاو يحشيو فيك موس فقلبك ما يكرهوش لدلك الانسان خاصو ديما يرد البال و يعرف هو معامن 
جبل شاف فساعة ديال يدو لقاها وصلات الوحدة د اليل 
وخاصو ضروري يمشي للمطار و يقاد الوراق قبل بساعتين وقف و شاف فنورسين 
جبل : نورسين خاصني نديك عند ماماك مشا الحال 
نورسين وقفات و ابتاسمت ليه و حطات يديه على خدها 
نورسين : صافي دغيا سخيتي ببنت قلبك 
جبل : لا و لكن هادي هي الحياة انا غادي على قبلنا من بعد غاتعرفي علاش غانبقا هاد المدة كاملة ماشي حيت انا باغي و لكن داكشي اللي غايكون خاصني ضروري نخدم عليه باش نرتاح من بعد *باس يديها * 
غانعوضك على هادشي كامل حبيبك ما كيخلفش بوعدو 
جبل عنقها جنب و خرجوا لبرا و حلها الباب و دخلات و مشا هو لمكان سياقة و ديمارا و زاد 
نورسين : *حطات يديها تحت خدها و بقات كتشوف فيه * علاش توحمت ماماك فاش و لداتك 
جبل : نورسين واش حماقيتي 
نورسين: و الله حتى كنهدر من نيتي 
جبل :*دوز يدو على لحيتو و ضحك * ما عرفتش و لكن غالبا ما غاتكونش توحمات على الفاخر و التراب بحال ماماك و لكن علاش كتسولي مثل هاد الاسئلة بغيت نفهم 
نورسين : بغيت حتى انا نتوحم على داكشي اللي توحمات عليه ماماك باش نولد و لد و لا بنت بحالك 
جبل وقف الطوموبيل و دور وجهو و شاف فيها باستغراب 
جبل: ياكما نتي حاملة 
نورسين : ههههه لا واش من نيتك كي درتي ليها انا غير كنسولك و صافي 
جبل ديمارا طوموبيل و زاد 
جبل : كطرحي شي أسئلة مشاء الله و صافي 
حبس جبل اللوطو حدا دار دنورسين حيد سمطة و بقا ساكت و شاف فيها 
جبل : وصلنا أحبيبة 
نورسين كتشوف فيه و تنهدات 
نورسين : عارفة 
جبل دور وجهو شاف فيها 
جبل : الدموع ما نعاودش نشوفهم فعينيك مزال تهلاي فراسك و كولي مزيان الحاجة غاتهلا فيك وصيتها قبيلة عليك *تنهد* غانتوحشك ابنت قلبي
نورسين قربات و عنقاتو و زيرات عليه و بعدات 
نورسين :طريق السلامة الله يديك و يجيبك على خير غاندعي معاك تهلا فراسك 
حلات الباب و لوحاتلو بيديها دارتلو باي باي و مشات طلعات قلع جبل و مشا فاتجاه لمطار 
نورسين طلعات لدارهم دقات لقات غير ضلام حتى حد ما كاين جبدات السوارت و حلات الباب و شعلات الضو لقاتهم كلشي نااعس نورمال الوحدة و نص د الليل دخلات لبيتها و شعلات الضو و حطات راسها على الباب كتفكر هاد الليلة كيف دازت حاولت ما تبكيش باش ما تفايلش عليه بشي حاجة قبيحة جبدات تيليفونها من جيبها و دخلات لتسجيل صوتي و تزدحات فوق الناموسية و حلات المجر و جبدات ليزيكوطور و حطاتهم فودنيها كتسمع صوتو و كضحك بقات هاكاك حتى غفات

🌥🌥🌥🌥🌥🌥 اصبح يوم جديد 
حسات نورسين بشي حاجة كتزعزها ناضت كتحك فعينيها لقات ختها واقفة على راسها 
كنزة : صباح الخير بلالة البنات 
نورسين :*كتفوه * شنو بغيتي عندي بعدي مني اووف 
كنزة : بغيت نتصور معاك أ الاخت 
نورسين : باراكة من البسالات ديالك شنو باغا عندي مع النبوري 
كنزة : ياك نتي ختي حبيبتي و نتي اللي غاتعاوني هاد نهار يوم الخطوبة ماما راه مسكينة ناضت بكري كتنصب فدجاج و كتقاد فبسطيلة 
نورسين غير سمعات بسطيلة و هي تنوض و بداو ريوكها سايلين 
نورسين : ماما كتصاوب بسطيلة ياك 
كنزة : و خلينا دابا حنا من بسطيلة خاصنا نخرجوا نشريوا شي حاجة اللي نلبسها راك عارفة خاصني نبان جد أنيقة 
نورسين : داكشي اللي خاصك غير الاناقة ياك الماريو عندك كيطيح و ينوض بالكساوي شنو بغيتي أكثر 
كنزة : مالك قديمة مالك راه خاصني ضروري نشري شي حاجة جديدة زعما هاد نهار راه جايين يخطبوني خاصني نضربهم على الشعا 
نورسين : وادابا داك فهد واش بصح كتبغيه ولا غير اعجاب ما فهمتش 
كنزة : واش انا كنموت عليه و نتي كتقوليلي اعجاب واش بغيتيني مخمجلك كمارتك يااه على هدرة مالك عروبية و دماغك بيريمي 
نورسين : خليني نفطر بعدا و نخرجوا نتساراو 

خرجات كنزة و خلات نورسين فالبيت هزات التيليفون ديالها كتصوني على جبل عيات صابرة والو ما كيقرطش ليها لاحت داك التيليفون فوق الناموسية بقوة الاعصاب و مشات قضات حاجتها و خرجات كتنفخ ما عاجبها حال دخلات لكوزينة لقات مها مسكينة خايدة فالكوزينة كتغسل فالماعن جات من موراها بالحس و عنقاتها 
نورسين : صباااح الخير 
فاطمة : يااااو كنقولك ديري الحس فاش تكوني جاية تي مالك كتجي كتسلتي كي شفار شي نهار نشد طاسيلتك نملخك عصا 
نورسين طلقات منها و ربعات يديها 
نورسين : انا علاين ندير الولاد و نتي كتقولي تضربيني 
فاطمة : يااااو مالك كبرتي عليها تي يااااجي بعدا فين غطستي البارح شحال و انا نساينك يا بنت كرشي ياااو حرااام واش جيتي يااااو مشا وليدي واقيلة الله يديه و يجيبو على خير 
نورسين :*دلات شنايفها و عوجات فمها * اميين حبيبو توحشتوا 
فاطمة : تي كوني تحشمي من مك هاااكيني هاكوا على حبيبو ياااو داك رااجل بشلاغمو و بلحيتو ياو سايرة تقوليلو حبيبو ياو الله يعطيك لوبة سيري تفطري 
نورسين وقفات حدا ماماها و ريوكها سايلين 
نورسين : ماما ريحة بسطيلة كتشهي 
فاطمة : يااااو بسم الله عليك ابنيتي مازال ما درت لابسطيلة لا ستة حمص واش سايرة تخايلي 
نورسين ضربات رجليها فالارض و مشات جلسات كتفطر بكل هدوء سمعات دقان فالباب
نورسين :كنزززززة حلي الباب كنزززة اوووف السمك انشاء الله 
ناضت بتثاقل حلات الباب شافت قدامها واحد الرجل شارف شوية و دايرة نضيضرات عندو لحية بيضة و ملاميح وجهو بحال فايت شايفهم فشي بلاصة 
نورسين : *باستغراب* سلام عليكم 
-وعليكم السلام مرت ولدي 

نورسين ابتاسمات و شافت فيه باستغراب و قالت 
نورسين : واقيلة تغلطت ليك مع شي حد فالعمارة راك غالط فدار أشريف
- متأكد ابنتي نورسين 
نورسين زادت صدمة على صدمة و صرطات ريقها و قالت بصعوبة 
نورسين : نتا منين كتعرف سميتي ؟ شكون نتا ؟ 
-سعيد الابراهيمي 

نورسين حلات فمها و بقات كتشوف فيه عم الصمت بيناتهم لثواني بحال كبيتي على نورسين سطل د الما بارد 
سعيد: نتي هي مرات ولدي جبل 
نورسين زدحات الباب بجهد و حطات يديها على فمها ما بقات عارفة ما دير شنو غاتقول لجبل ؟ و علاش هادا راجع ؟ حتى لدابا عاد تفكر بلي عندو ابن ؟ و هو منين كيعرفهم ؟ أسئلة كثيرة كدور فبالها ما لقات ليها جواب حطات راسها على الباب و غمضات عينيها و بقات بنفس و ضعيتها حتى جات عندها فاطمة 
فاطمة : يااااو مالك على ديك زدحة د الباب طيريه نتي احسن ياااو تي شكون اللي جا 
نورسين ما كتجاوبهاش غير مصدومة اللسان باش تهدر ما بقاش 
فاطمة حطات يديها على كتفها 
فاطمة : هاااويلي تي شكون اللي جا ياو مالك ساكتة ياااوتي جاوبيني راني كنهضر معاك ماشي مع الحيط اللي وراك 
نورسين حسات بدوخة و التقيا كلشي تخلط عليها كتحس براسها غطيح دارت يديها على فمها و مشات كتجري للحمام و بقات كترد تبعاتها ماماها مخلوعة عليها و شدات ليها راسها و هي غير ما كتزيد ترد حتى سالات و حطات راسها على صدر ماماها فاطمة كتمرر يديها على شعرها 
فاطمة : ياااو مالك ابنتي شو كي وليتي صفرة واش كليتي شي حاجة 
نورسين عنقات ماماها بجهد 
نورسين : واش حنا ما غانرتاحوش اماما جبل واش غايبقا حياتو كلها فالمشاكيل اماما راه تقهرنا عيينا بغيت شي حل باغيين يحمقوه ليا هو اللي عندي اماما باغيين يقتلوه حتى بدا كينسا و جاي هاداك عندو هو سبابو فكلشي الله ياخد فيه الحق اهئ اهئ جبل اماما و الله ما يستاهل هو ملاك على وجه الارض هو كيستاهل يعيش حياتو طبيعي معايا ياك أماما هو اصلن مريض اي صدمة غادي ضرو فقلبو 
بعدات على مها و بدات كتحرك راسها يمين شمال و خرجات و دخلات لبيتها و هزات تيليفونها حاسة بقلبها كيضرها خاصها ضروري تهضر معاه توحشاتو عيطات ليه كيبقا يصوني يصوني و فالتالي كيقطع دلات شنايفها و جلسات من فوق السرير و دخلات لتصاور لي عندها معاه مرة معنقها مرة بايسها فخدها مرة مصوراه ناعس كتشوف فيهم و تفكر فدكريات طفات التيليفون فاش تفكرات بلي باه رجع شنو غاتكون ردة فعلو الا ساق الخبار اكيد ما غايعجبوش الحال حاسة بقلبها غايسكت 
باباه شنو رجع يدير ؟ هادا هو سؤال اللي كيطرح نفسو واش باغي يتصالح معاه و لا باغي ينكدها عليه و علاش حتى لدابا عاد جا ؟ اسئلة كثيرة كدور فبالها حطات يديها بجوج على راسها كتحس براسها غايطرطق بقوة التفكير تحل الباب و هي دخل كنزة 
كنزة : اوا هااانتي فطرتي وانوضي نخرجوا برجولة 
نورسين تسطحات من فوق السرير و ردات عليها الغطا 
نورسين : ما فيا اللي يخرج ماما تمشي معاك 
كنزة : و الله حتى حراااام عليك 
نورسين : فيا نعااااس ابنادمة و راسي غايطرطق عطيني تيساع هاد الساعة 
كنزة : نتي مالك فوقتما ندور نلقاك مجبدة و ناعسة مالنا ياك لابس ياكما مريضة 
نورسين : خرجي الا بغيتي تخرجي انا و الله ما مسالية فراسي الف مطرقة 
كنزة : حتى ربيع ما كاينش اما كن خرج معايا 
نورسين : علاش ما كاينش ياك هو دابا كايكون غير فدار 
كنزة : نوووضي الله يجيبك على خير راه فشركة د راجلك

نورسين : ههههههه لواه البعابع سيري سيري كن كانت شي حاجة بحال هاكا كن قالهالي جبيلو انا اللولة 
كنزة : و الله ما كنكدب عليك هدرت مع ربيع فصباح هو اللي قالها ليا 
نورسين : *ناضت و ربعات يديها و شافت فيها * دابا جبل ما لقا ما يدير غير ينوض و يخلي ربيع هو اللي يقابلو الشركة هههههه ما قادراش حتى نتخايلها بالله العلي العظيم جبل ماشي احمق باش يضيع رزقو بيديه 
كنزة : اقسم لكي بالله حتى ربيع كاين فشركة د راجلك و الا بغيتي عيطيلو ابيل فيديو و شوفي 
نورسين كضحك و هزات تيليفونها 
نورسين : اوا قالك وصل الكداب حتى لباب دار هاحنا غانشوفو هادشي ديالك نتي عاود 
نورسين دخلات لواتساب و اتاصلت بسي ربيع ابيل فيديو و بقات كتسنا يجاوبها بقا يصوني يصوني حتى فقدات الامل و هزات راسها شافت فكنزة و قالت 
نورسين : هاهو ما كيجاوبش كاع 
دوز ربيع الخط فآخر لحظة و هي تسمع 
ربيع: اش بغيتي 
نورسين هبطات راسها شافت فالتيليفون لقات ربيع جالس نعام لالة فواحد المكتب كبير و راد راسو اللور و كيلعب بالكرسي و لابس كوستيم فالكحل و رابط شعرو و هاز ستيلو كيلعب بيه فيدو نورسين بقات غير مصدومة و حطات يديها على فمها 
نورسين : ر...ربيعة هااااديو هههههه 
ربيع : لواه رقية تي اش بغيتي عندي 
نورسين : ف...فينك نتا دابا 
ربيع : خداام أختي مسحي زاجة مزيان و غنابن ليك انا فين حيت عارفك راك غير عورة 
نورسين : دابا واش بصح راك فالشركة 
ربيع : وي فشركة د موسيو جبل الابراهيمي انا المسؤول عليها على ما يرجع هو و يعقوب *هز كفوفو لسما * ياااربي يديه و يجيبو على خير 
نورسين : هههههه واش دابا جبل تاق فيك نتا تسير شركة ديالو على قدها 
ربيع : اه مالي ما عجبتكش مالك حكااارة ماااالك دايرة هاكا خلاتها سينا نتوما يا المغاربة كلكم حكارين ما كتبغيوش تشوفو بنادم واصل و احسن منكم توصلي ليا انا بعدا يا المشعككة توصلي لسيدك ربيع حادكة غير فالهدرة الخاوية لنرتقي بسلوكنا اووف تخرجوا بنادم على طوعو من صباح و انا كنحاول نحافظ على لباقة جيتي نتي ضربتيليا كلشي فزيرو و حضيني عينين موكة تفو الله يخليها سلعة اصلن خاصك رونديفو باش تهدري معايا غانقطع على حسك نتي داكشي ما يصلاحليك 
نورسين : ربيع ضسرتي أ جدر وليتي مدير و نتا دخلك العياقة 
ربيع : اختي بسيف مادخلني العياقة عرفتي شنو هي تولي مدير فشركة جبل الابراهيمي راه هادا بحد داتو انجاز 
نورسين :*كتهز فحجبانها كتفقصو * و نتا ما عارفش شنو هو تكون زوجةديال جبل الابراهيمي شخصيا اااح التوت الدي الا يموت 
ربيع : ما كرهتش نجرب و لكن ربي خلقني راجل ما عندي كي ندير كن كنت بنت من غمزة نطيحو ليك اختشي

نورسين : اوا الله يعطينا وجهك أ الكيدار 
ربيع : تقدي نتي على وجهي بعدا يحصل ليك شرف كتشوفيه صباح و عشية 
نورسين : برب الجليل الا وليتي ثايق فنفسك أكثر من القياس كثرتي من كلوريكس واقيلة كليتي د القرفة هي اللي سخونة هههه 
ربيع : امم مالك حامضة هاكا مالك بغيت نقولك واحد اللعيبة و خفت نصدمك أ صكعة 
نورسين : شنو كاااين أ المسخوط طلق خلاص 
ربيع : بغيت نطرح عليك واحد السؤال واش جبل كان كيجي لشركة بزاااف 
نورسين : لا كان أغلبية الوقت معايا فدار كان حبيبو مسكين كيسمح فكلشي و كيبقى معايا كان مكلف يعقوب بهادي د المغرب و جبيلو مكلف بشركة د اسبانيا علاش؟ 
ربيع : و عرفتي تيتيز اللي مشتت هنا ها طويلة ها القصيرة ها الغليظة ها الرقيقة ها السمرة ها زعرة و كتحسي براسك بحال داخلة فوسط كاطالوغ ديال العيالات و هادشي زين صراحة حمدي الله اللي ما كيجيش بزااف اما كن ضرب عليك اصلن ما نعرف اش عاجبو فيك لا فصالة لا فورمة كي الكرعة السلاوية 
نورسين : ها حنا غانخسروا انا وياك أربيع خلينا ضرييفين انا جبل بالغارانطي ما عمرو ما يشوف فبنت المرأة واخا يوقع اللي يوقع توحشتو أربيع ما كيجاوبنيش تخلعت عليه و الله حتى حرام هادشي اللي كيدير فيه 
ربيع : و دابا اللي سمعك يقول جبل كيعطيك البزولة تي مالك غير لاصقة ليه فجلايلو تفرقي عليه خليه حتى هو يعيش الحياة و زايدون ما مشاش يزهى راه مشا يخدم على رزقو 
نورسين :*دمعو عينيها * و علاش اللي ما يبقاش هنا علاش خاصو يمشي و يغبر علاااش أربيع على الاقل غير يتصل بيا هادي هي حبيبتي و ما نعرف اش و الله حتى حرام هادشي اللي كيدير فيا 
ربيع : مالك وليتي هاكا بحال البراهش و زايدون اختي بلا ما تفرعيلي راسي هدوك مشاااكلك مع راجلك انا اش حشاني هي مليار هادشي علاش ما بغيت نتزوج الا سلط عليا ربي شي مراة بحالك غانتحر معدرهوم قااالو جيبو ديك الشجرة لابسة لبسة خضرة اللهم زهو و لا زواج القهرة 
نورسين : شفتك نتا عاطيها غير الغنا و الماسق ما زال ما عفا عليك الله خدم الا غاتخدم و باركة من البسالات 
ربيع : شوووفي اديك بنت فاطمة كن ما جيتيني مرت برج ايفل كن درتلك أحسن بلوك يالاه تلاحي ما مساليش ليك راني دابا و ليت رجل أعمال كبير 
نورسين : بلاتي غاتجي فالعشية راه واليديك غايجيو و خاصك تكون حاضر باش نصالحك معاهم 
ربيع : *كيحك فودنيه * نعم نعم يااااروح أمك بحال ما سمعتش مزيان دابا نتي يا القزمة غاتصالحيني مع واليديا خلاوها ماليها اجي يامي نوريك دار خوالي واليديا قااااد بيهم ما محتاجكش يا القزمة يلاه تلاحي 
نورسين : ما دير خير ما يطرا باس 
ربيع : و الخير ديريه غير فراسك و فرقيني عليك تريكة القنب اجي بعدا اجي مال وجهك صفر 
نورسين : ما ماليش 
ربيع : ياكما عندك شي مشكل بنتيلي ماشي هي هاديك 
نورسين : اودي غير خليها على الله و صافي قالك اللي ما عندو هم تولدولو حمارتو 
ربيع : تكسااابي نتي بعدا الحمير نتي باركة عليك غير الفيران 
كنزة : وااااا نورسين واش ما غانخرجوش عيقتي قطعي على زمر و دوزي تخرجي 
نورسين : يالاه سير بحالك و خدم مزيان و بقا مقابل ليا تيتيز 
ربيع : بصحتي ربي عطاني و العبد فاش جاتو

نورسين قطعات عليه و حطات التيليفون و مشات لبسات واحد جليليبة مخططة بالبيض و الكحل و جمعات شعرها و دارت كريم لوجهها و مرطب د شفايف مع يماسكارة و لبسات صبيبط طالون فالكحل 
كنزة : نورسين و جلالب تقدم ملحوظ ابنتي 
نورسين :*هزات صاكها و دارتو فكتافها و شافت فيها * واقيلة كيجي معايا طويل 
كنزة : صراحة جاتك زوينة مصاب كن تبقاي تلبسي بحال هاكا 
مورسين تنهدات و خرجات و تبعاتها كنزة و دخلو عند فاطمة للكوزينة 
فاطمة : توما فين غاديين شفتكم مسرجين عودكوم 
نورسين : هاد الزمرة د بنتك فرعاتلي راسي بغات تخرج باش تشري قالتلك شي كسوة على قبل الخطبة 
فاطمة : يااااو داك الماريو اللي كيطيح و ينوض بشرواط شاطو عليكم الفلوس حتى وليتو تخسروا فيهم غير باطل 
نورسين :* شدات فكرشها * اصلن انا عيااانة و ما فيا اللي يخرج كنحس براسي مدكدة و عيانة باغا غير نعس 
فاطمة : ياو تي خرجي يضربك الريح شوية شوفي وجهك كي صفر و قبيلة رديتي ياكما درتيها يا بنت كرشي 
نورسين : اش درت عاود 
فاطمة :*دارت يديها على فمها كضحك* ياااكما حاااملة 
نورسين :ههههه لواه الزمر راه غير حيت ضربني البرد دابا اللي بانلكم صفر صافي راه حامل و الله يعفو عليكم 
فاطمة : اوا بقاي حالة فمك يا ضبعة سمعي من ميمتك تي زربي على راجل و ديري لولاد و دكي الوتاد 
نورسين : وامي وا راك قلتي هاد الهدرة مية الف مرة واش انا اللي كندير الولاد راه ربي الحبيب اللي كيرزق يالاه اماما الله يعاون 
جرات ختها و بغات تخرج و هي تعيط ليها ماماها 
فاطمة : وا ديك المطنكة تي دوري شوفي فيا 
نورسين : *دارت عندها * نعام أ الواليدة 
فاطمة : هاااي هاااي على جلالب ياو تي منين نزلت عليك الحشمة و الحيا اوا دابا درتي شي حاجة فيها نفع و نتي تقيلي تلبسي فتقازب 
نورسين : اوا دعيلي بالهداية 
نورسين جرات ختها و خرجوا من الدار و هبطوا لزنقة حولات عينيها كتقلب على اب جبل لايمشي يبانلها فشي بلاصة 
كنزة : وااش باغا تحمقني فين ما مشيتي كتلصقي 
نورسين حلات الباب د البورش ديالها و طلعات و طلعات معاها كنزة و انطالقوا فاتجاه المول دوزوا العشية كلها كيتقضاو فالكساوي و الماسكات و العطور و المايكاب و مرة مرة كيوقفوا نورسين شي بنات كيتصوروا معاه 
نورسين : نااري يا ختي تشهيت لاغلاص 
كنزة : واش نتي حمقة واش لاغلاص فهاد البرد واش نتي طايحة على مخك واش باغا تمرضي بالحلاقم 
نورسين :*كتلحس فشفايفها * ماااسوقيش بغيت لاغلاص د شوكولا 
كنزة : نورسين اصلن تعطلنا بلا قياس هادي ستة د العشية أ الله نقادو راسنا و نوجدوا مع ماما رجلي طااابو و الضلام بدا كيطيح 
نورسين : و غير لاغلاص و نمشيو أ زمر مالك مريضة 
كنزة: يالاه زيدي قدامي 
طلعوا لطابق الثاني فالمول و جلسوا و طلبوا لاغلاص حطوه ليهم و نورسين شداتو طاحت فيه عورة كنزة بقات غير مصدومة فيها 
كنزة : واش نتي انسانة طبيعية عنداك تاكليني 
نورسين : ما دوزيليش نتي بعدا 
كنزة : وا دابا يدير ليك الحلاقم أ المريضة جبل غايجي عندك من اسبانيا الا ساقلك الخبار بلي مرضتي 
نورسين : *بابتسامة * الا كان غايجي مستعدة نمرض غير باش نشوف وجهو توحشتو أختي *بدات دمع عليها 😭😭😭😭* توحشت حبيبو كاع ما عيطلي انا مخاصمة معاه 
كنزة : اوووف وليتي بحال البراهش كلمة جوج تنوضي تبكي و عيقتي دابا يجي ما مشاش لحد دنيا 
نورسين : حتى واحد ما فهمني نوضي نمشيو

ناضت نورسين و كنزة خلصو و هبطوا خرجوا من المول لقاو الزنقة خاوية كتصفر و الضلام طااح 
نورسين : و يلي على ضلام ماشي غير تعطلنا اليوم ماما تخرجنا فجورنال 
نورسين حطات يديها على الباب و هي تحس بشي حاجة ماضية على جنبها و شي حد كيتنفس حدا عنقها حسات بداتها كترجف طيحات سوارت من يديها و بقات جامدة فبلاصتها 
كنزة بقات غير حاطة يديها على فمها و كلها كترعد حيت شافت شكون اللي حاط جنوي على جنب ختها واحد سكران و وجهو كولو مخسر 
- هاااح على رويحة ديال الفريز تاتحمق 
نورسين :*كتبكي وكترعد * ع..عفاك ب...بعد مني 
- تو تو عمرك شفتي شي حد تايبعد على جنة تشهيت غير شي ليلة انا وياااك أحبي 
نورسين كتحس بدنيا كدور بيها علاين طيح بقات كدعي فداخل ديالها و كتقرا القران و كتشوف فختها باش تحرك ديري شي حاجة 
نورسين حسات بيه طاح لارض ما قدرتش دور بقات جامدة سمعات من موراها بحال شي حد كيعطيه العصا لوجهو بدورة باش كدور كتحل عينيها على وسعهم و حطات يديها على فمها ماتوقعتش غادي تكون بنت كضرب فيه بديك طريقة بنت شابة شعرها زعر و طايتها واعرة لابسة سروال تجينز مع جاكيطة د الكوير هي اللي دافعت عليهم بقات غير مصدومة عطاتو لعصا حتى خماجاتلو وجهو باينة فيها محترفة ففنون القتال 
ناضت من عليه و خلاتو منشور فالارض و هبطات عينيها و ردات يديها بجوج من مور ضهرها و قالت
- نتمنى ما تكون وقعات ليك حتى حاجة أ لالة 
نورسين قالت بصوت طاغي عليه الخوف 
نورسين : ش..شكون نتي 
طلقات ليها يديها و حانية راسها 
- انا سميتي رجاء البوديكارد الشخصي ديالك صيفطيني موسيو الابراهيمي باش نكون مسؤولة عليك انا من ديما كنت كنرافقك تقريبا ستة أشهر هادي مسؤوليتي هي الحماية ديالك من ديما كنت مراقباك فسر و دابا فاش دعات ضرورة شفتيني و من الواجب ديالي نقولك انا شكون

نورسين بقات غير حالة فمها فيها يعني جبل قبل حتى ما يتصالحو كان داير ليها بوديكارد حسات بقلبها كيضرب بجهد جبل باهتمامو ليها شي نهار غايسكت ليها القلب بقوة الفرحة بقات كضحك نسات كاع شنو وقع ليها 
رجاء: سمحيلي أ لالة الا تعطلت عليك من الواجب ديالي كان خاصني نحميك قبل حتى ما يوصل ليك نتمنى تغفري ليا الخطأ ديالي 
نورسين : *مدات ليها يديها * انا نورسين زوجة ديال جبل 
رجاء : متشرفين أ لالة 
كنزة : بشاااخ نورسين اش هادشي انا بالله حتى دخت 
نورسين : *شافت فختها *دابا واش انا بصح عندي بوديكارد شخصي وانا ما فراسي ما يتعاود ههه جبل عندو شي افكار غايسطيني شي نهار 
رجاء : لالة الوقت معطل دابا و خطر عليك خاصك تمشي ترتاحي فدارك 
نورسين : بالله حتى غاتمشي معايا و تعاوديلي نتي منين و شكون و فوقاش حتى جيتي 
رجاء :ما عنديش الحق نخرج الاسرار أ لالا 
نورسين : امم مالك غاتقولينا اسرار دولة طلعي طلعي 
رجاء:عندي طوموبيلتي 
نورسين :و الله حتى طلعي تعشاي معانا نتي فكيتيني و نقدتيني و نخليك تمشي هاكاك 
رجاء : طلباتك اوامر أ لالا 
حلات نورسين الباب و طلعوا نورسين طريق كتملة و هي ضحك ما متيقاش بلي جبل كان داير ليها بوديكارد نورسين حبسات الطوموبيل حدا الباب د العمارة و نزلو كاملين و هي نورسين يبانلها ربيع جاي لعندهم لابس كوستيم و مقاد شعرو لور اللي شافو يقول بصح رجل اعمال و داير يدو فجيبو و كيمضغ فالمسكة حتى وصل لعندهم 
ربيع : تبااااارك الله عليكم عاد جاايين ما لقيتو اللي يحكمكم يا بنات فاطمة حتى لسبعة د الليل عاد طفات عليكم الشمعة الله يقلل حياكم السيبة و قلة الحكام 
كنزة : و نتا مالك دخل سوق راسك 
ربيع : و الله العضيم حتى نكحل ليك الضواسى مع خويا نتي راه بنتيلي بحال عاجبك راسك عند بالك قطعتي الواد و نشفو رجليك غير بلاتي على طاسيلتك 
دور وجهو و هو تبان ليه رجاء حانية راسها و مربعة يديها عض على شنايفو و طلعها و هبطها و صفر 
وقال 
ربيع : توما شكون هاد الزين اللي جايبين معاكم ربحتوها مع المايكاب 
رجاء طلعات وجهها شافت فيه و طلعات حاجب و هبطات لخور و قالت بصوت خشن 
رجاء: معايا هضرتي 
ربيع : *قبط فقلبو * بشااااخ واش كلشي زعر ولا غير شعر 
رجاء بقات كتشوف فيه مدة و صرطات ريقها و تقدمات بخطوات بطيئة و مركزة الشوفة فعينين ربيع و بحركة سريعة منها لواتلو يديه من مور ضهرو و زيراتو مع طوموبيل و حنات حدا ودنيه و همسات 
رجاء: واش كلشي طويل ولا غير لسان

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.