فاطمة: غير سير اوليدي هاديك حبها جمامع كتحماق على دراري يلعبوا معاها طالعة زهوانية من صغر ههه
جبل: *وقف وعاود جلس* طاتي ليلى حتى هي غادي تقولي خايب وماغاديش تبغي تلعب معايا بلا ما نمشي عندها
ليلى:لا بالعكس نورسين زوينة و ضريفة غير سير عندها ما تخافش
جبل وقف و تقدم بخطى بطيئة حتى وصل لعندها
جبل: سلام
نورسين كانت جالسة مركزة مع الرسم ديالها هزات عينيها شافت فيه
نورسين : وعليكم السلام اس حب الخاطر ا سريف * نورسين كتقول لشين سين *
جبل ضحك حتى بانو الغمازات اللي عندو فوجهو
جبل: بغيت نلعب معاك
نورسين :* دارت يديها على فمها وبقات كضحك* انتا ماسي قدي باس نلعب معاك *دارت يديها على دقنها زعما كتفكر*ولكن باينة فيك ولد زوين و مؤدب يالاه ازي جلس حدايا
جبل فرح واو اول مرة شي طفل ما يحكروش وما يقولوش داير كي البوطة اول مرة غادي يشوف طفلة ماداتهاش فشكلو عجبو الحال بزاااف بقا غير كيبتاسم
نورسين : اوا جلس الا غادي تجلس باس نلعبوا يصحابلك غادي نتسناك انا الا بغيتي تلعب مرحبا بيك الا بغيت تفرج سير سعل تلفازة وخليني نكمل الرسومات دياولي
جبل: لا بغيت نلعب معاك * جلس حداها *
نورسين : ازي بعدا سكون نتا ولد من باس الا ضربتيني نمسي نسكي *نشكي* لماماك
جبل :*تغرغروا عينيه بالدموع وناض كيبكي * ماما فالقبر ما عمري شفتها اهئ اهئ * الدموع كيهبطوا من عينو *
نورسين:*حطات الاقلام و ستلويات دياولها وحنات على ركبيها وبدات كتمسحلو دموع * شوت صافي ما تبكيس ما كانس كيصحابلي ماماك ماتت غير سكت دابا بابا قالي الا بكيتي على سي واحد مات كتعدبوا عرفتي ماماك غادي تكون فرحانة بيك عرفتي علاس
جبل حرك راسو بنفي
نورسين : حيت نتا دابا معايا و غادي نلعبوا انا وياك دابا نتا وليتي صاحبي و لهيلا
جبل : *كيمسح الدموع بكفوف يديه * بصح دابا ولا عندي صديق بحالي بحال دراري واو واخيرا ربي استاجبلي دعاء
نورسين : اس جالس كتخربق عليا المهم انا وياك صحاب نقطة رجوع لسطر كيفما كتقولنا الاستادة * دارت يديها عل فمها و كتضحك* ازي بعدا سنو سمية ماماك
جبل : نورسين بحالك
نورسين : اوا صافي انا وماماك عندنا نفس السمية ادن غادي نولي انا هي ماماك ههههه
جبل ابتاسم و ضحك من قلبو اول مرة غادي يحس براسو ماشي وحيد اول مرة حس براسو طفل احساس جميل تملكو لا يوصف
جبل : نورسين واش بصح انا خايب
نورسين : لا قالتلنا الاستادة كلشي ربي خلقوا زوين وحتى نتا زوين
جبل : شكرا
نورسين : يالاه باي باي خاصني نمشي عند ماما
وقفات نورسين و مشات كتجري عند ماماها و جبل متبعها بعينيه وهي كتجري كيف شي فراشة احساس واعر وهو كيشوف ديك البنيتة اللي استولات على قلبو من اللحظة الاولى وقف و ناض تبعها حتى وصل عندهم
نورسين : ماما نوضي نمسيو راه مسا الحال راه رسيد *رشيد * ولد خالتي صفية قالي الا رجعت نلعب معاه غاظي يسريلي الحلوى
جبل ماعجبوش الحال تهضر على ولد اخور هي صديقتو بوحدو و ما عند الحق فحتى واحد يهضر معاها
جبل: ما كيبغيونيش كيقولولي نتا باطوز وماماك ماتت بسبابك وهاد النهار ماحسيت براسي حتى سخفت فساحة بسباب هاد الكلام
- هوما ما كيبغيوكش حيت انت احسن منهم كاملين ما تبقاش تهضر معاهم هضر غير مع ملاكك الطاهر خليك هنا غادي نخرج نهضر مع ماماك ونجي
خرج طبيب لعند ليلى اللي كانت كتنضر على احر من الجمر
ليلى: ممكن تقولي شنو عندو
- ما عندك مناش تخافي هو بالصح كيتعرض لتنمر من طرف الاصدقاء ديالو و لكن اللي عجبني فيه انو ايمانو بالله قوي كانضن انه كيقرا القرآن و السيرة النبوية رغم صغر سنو الا وعندو عقل مشاء الله عليه طفل دكي
ليلى: هو كيجي ديما من الاوائل
- مشاء الله داك النوبة اللي كتجيه مرة مرة من المشاكل اللي كيعيشهوم و الضغوطات غادي نكتبلو واحد الدوا و راه غادي يتعالج انشاء الله وبالنسبة للمدرسة حولوه منها حيت الا بقا فيها يقدر يكره القراية وبالنسبة للاب ديالو على حسب ما عاودتيلي راه خطير عليه راه بدا كيحماق خاصو ضروري حتى هو يمشي لطبيب حاولي ما امكن تبعديه عليه
ليلى: الله يرحم الوالدين
- قالي بلي ماعندوش اصدقاء ولكن واحد البنت عندها بحال سمية د ماماه كنضن سميتها واقيلة نورسين
ليلى: نورسين اه بنت جارتي
- هاديك الانسانة غادي يتعلق بيها بزاف هي اللي غادي تقدر تنسيه شوية المشاكيل اللي كيعشيهوم هو خاصو للي يفهمو و يلعب معاه وهادشي لقاه فهاد البنت اللي غادي تقدر تساعدو يخرج من روتين اليومي ديالو هاد البنت غادي تكونيليها مكانة كبيرة فحياتو حاولي انكي تخليه يلعب معاها و يهضر معاها وكيفما قلتلك حيديه من ديك المدرسة و ديه للمدرسة اخرى و وصي الاساتدة عليه باش ما يزعجوهش دراري اللي كيقراو معاها
ليلى: شكرا بزاف لهلا يخطيك
- هدا واجب ا لالا
خلصات ليلى الحصة و دخلات عند جبل خرجاتو و مشاو لدار ديالهم
توالت الايام و بعد مرور 15 اليوم بالضبط
جبل دخل لمدرسة جديدة اللي عجاباتو بزاف حتى هي مدرسة خاصة و لكن فيها تلاميد مؤدبين خاصة ان ليلى هدرت مع الاساتدة ديالو يردولو البال ولكن طول هاد الفترة كان جبل مقلق و معصب و ما عاجبو حال فاش كيدخل لبيتو كيبقى يبكي ولات تضهرلو فاحلامو كتهضر معاه وتضحك معاه لدرجة ولا يتخايلها مرة مرة جالسة فجنبو و شكون من غيرها #ملاكو الطاهر اللي استولات على قلبو بعفويتها و طيبوبتها مدكرتو بعدما كان كيملأها بالاحاسيس الحزينة اللي كان كيشعر بيها من قبل و الاشعار الكئيبة اللي كانت معظمها كتهدر على حنان الام اللي افتاقدو و الوحدة و الضياع اللي كيعشيها فالعالم ديالو ولات دابا كلها عامرة بأشعار كتوصف ملاكو الطاهر كيفما سماها هو معقول طفل العشر سنوات يولي يحب طفلة بريئة اصغر منو بخمس سنوات بصح الحب ما كيعرفاش الاعمار و لا حتى الطبقات فالحب كيتساوى الغني والفقير الصغير و الكبير الحب ما كتدريش فوقاش يدق بابك وهادشي اللي وقع لجبل الحب دخل لقلبو بدون استأدان
دقات ليلى الباب و دخلات لعندو لقاتو مدور و جهو وناعس مشات جلست حداه و قاست فضهرو
ليلى: جوجو ديالي نوض باش تعشا علاش ما بقيتيش كتبغي تاكل وليتي غير ساد عليك فبيتك
جبل : مابغيتش *خرجاتلو الشهقة د البكا *
ليلى: واش كتبكي * دوراتلو وجهو* ويلي مالك ياكما عاوتني هضر معاك شي واحد فالمدرسة و قالك شي حاجة خايبة
ليلى:*كتبتسم* ههه هادشي علاش كاتبكي وراه قلتلك مشات مع ماماها للعروبية ديالهم باش يشوفو جدها مريض
جبل: 15يوم 9 ساعات 45 دقيقة 30ثانية 12 جزء من الثانية تعطلو بزاف ا طاتي
ليلى: ههه جالس كتحسبلها بالايام والثواني و الدقائق هعهه توحشتيها حتى لهاد درجة
جبل: بزاف اطاتي
فاطمة: وعلى هاد الحساب نوض تاكول ونقولك واحد المفاجأة
جبل: ياي بصح اطاتي واخا هانا جاي
خرجات ليلى و خلات جبل كيغسل وجهو فالحمام بعد دقائق هبط جبل كيطير لقا ليلى موجادالو الاكلة ديالو المفضلة
ليلى: كيف جاتك المفاجأة
جبل:*خيب و جهو * زوينة
جلس كاياكل ولا نقدرو نقولو غير كينقب اما شي ماكلة د ربح ما كاياكلها
ليلى: اوا كول
جبل:شبعت
ليلى: ههه مزال مفاجأة اخرى
جبل: قوليلي ا طاتي دغيا فيا نعاس
ليلى: امم غدا غادي تجي نورسين
جبل :*بفرحة* واش بصح اطاتي يااااااي *مشا عندها باسها و بدا كينقز * ههههه واخيرا غادي تجي ملاكي الطاهر
ليلى: ههه غير بشوية عليك هاد الصباح تلاقيت بباها و قالهالي
جبل: يالاه باي طاتي تصبحي على خير
طلع كيجري فرحان بحال عندو العيد وصل لبيتو و جبد واحد الشكارة عامرة شكلاط و بيمويات و واحد الدمية كبيرة
جبل: اكيد غادي تفرح فاش تشوف شنو موجدلها فاش تجي *خيب وجهو* وما غاديش تبقى تلعب مع داك رشيد غادي تلعب معايا غير انا بوحدي حيت هي صاحبتي انا بوحدي
حط ديك الشكارة تحت من السرير ديالو نعاس ما بغاش يجيه بقوة الفرحة كيقول غير فوقاش تطلع الشمس باش يمشي يشوفها ويقولها شحال توحشها بقا يتقلب يمين و شمال ناض جبد المدكرة ديالو و بدا يكتب فيها
♥رسالة الى ملاكي الطاهر #نورسين ♥
كم احسد تلك الاشياء التي تملك حق رؤيتك
والاقتراب منك بينما انا هنا لا املك سوى
حق الاشتياق اليك ♥♥♥
سد المدكرة ديالو سمع شي صداع برا و شي غوات ما عرفش شنو واقع تخلع و مشا تكمش فملايتو ولكن داك الصوت كيزيد يجهاد و كيقرب ناض بالزربة وحل باب بيتو وادا به ينصدم هاد المشهد بالضبط هو اللي غادي يقلب حياتو 1000 درجة
☆☆☆☆☆☆☆☆☆
"لو اجتمعت الجن و الانس على ان يضروك بشيئ لن يضروك الا بشيئ قد كتبه الله عليك"
أمورونا مرتبة في السماء
نظن باننا نختار نظن باننا نقرر
ثم تأتي كن فيكون وتعرف انك لاتملك من امرك شيئا
كم من الاقدار قد نتألم منها او نخاف من عواقبها تكون رحمة بنا يجري الله بها علينا خيرا كثيرا من حيث لانحتسب قال الله تعالى "لا تحسبوه شرا لكم بل هو خير لكم " سبحانك ربي ما ارحمك
▶▶▶العودة للواقع
مافيقو من دكرياتو غير سلمى اللي كتدق فالشرجم ديال الطوموبيل
جبل:*شاف فيعقوب *سير عند خطيبتك
يعقوب: خاصني نخرج باش نلقي الكلمة يالاه حتى انت
جبل: مانقدرش ا يعقوب نورسين كاينة و قلبي كيتقطع فاش كنشوفها قدامي غير سير انت
سلمى: وا حلو اش جالسين تشاورو تماك
حلها يعقوب باب الطوموبيل
يعقوب: مالنا اش كاين دايرنا هاد الصداع كامل ها أنا جاي
سلمى: جبل نتا ما غاديش تجي
جبل حرك راسو بنفي
يعقوب: عييت معاه حرام واش بغا يسمع
سلمى: *غمزات يعقوب* نورسين جات كيوت بالقفطان و الدراري د المكتبة حالين فيها فمهم اوا خليك هنا حتى يطيروها ليك و ديك ساعة شوف شنو دير
جبل: غادي نعاود ندخل للحبس عرفتي علاش
سلمى:*صرطات ريقها* علاش
جبل:*كيهدرمخنزر فيها *حيت غادي نقتل هدا اللي قرر يحط عليها العين
سلمى: *بخوف* يعقوب يالاه نمشيو هداك صاحبك كيخلعني
يعقوب: *كيضحك*اوا نتي جبدتيه ياك كنقولك جبل قيسيلو فعينيه وما تقيسيلوش نورسين
جبل: هه هي غيرهدرات عليها اما كن قاستها كلام اخور
سلمى: كتخلعني اجبل *كتجر يعقوب*دوز دخل هاد الاخ ما معاهش المزاح آخر مرة نهدر عليها اش داني
مشات هي و يعقوب لداخل
اما نورسين كانت جالسة فواحد الكرسي و حداها كمال اللي خدام معاها فالمكتبة
نورسين : كي بقات صوفيا لابس عليها
كمال:الحمد الله عرفتي وجهك وجه الخير هه
نورسين : هه علاش
كمال: فاش مشيتي خدمتي فعوض بلاصة صوفيا فاش كانت مريضة مول الاوطيل بدلهم اللباس الموحد و طلعلهم فالصالير بضوبل
نورسين: مزيان بصحتها
كمال: داك الخير اللي درتي فينا عمرنا نساوهلك
نورسين: ماكاين حتى مشكل
نورسين شافت كمال كيشوف فوق راسها وبحال متوتر شوية و حتى هي حسات بحال شي حد واقف من مور ضهرها دورات و جهها ولقات جبل
كانو واحد الكراسى قدام ديال الحديد محطوطين فداك الفوقي
جبل: جلس
كمال جلس و شاف فيه
كمال:شنو بغيتي مني ياك ما قلت والو لبوليس على داكشي اللي درتيلي و مادرت حتى خطأ فاش بغيتيني داكشي اللي قلتيلي داك النهار طبقتو بالحرف
جبل: صوفيا خطيبتك كي بقات مزيان
كمال:*استغرب من هاد السؤال* علاش شنو بغيتي بيها و اش عرفك بيها اسي جبل
جبل : من فوقاش ونتا كتعرفها
كمال: واش جبتيني لهنا باش تطرح عليا هاد الاسئلة
جبل: ما كنحملش لي نسولو و مايجاوبنيش
كمال: ماكاملاش عام باش تعارفنا
جبل: والا لقيتيها كتهدر مع شي حد فغيابك شنو غادي دير
كمال: ما غاديش يعجبني الحال بطبيعة الحال و غادي نضارب انا و داك الشخص اللي كانت معاه
جبل :*حنى على ركابيه و شد حناك كمال بجوج بيدو * فما بالك بلي تعارف هو و حبيبتو عشرين عام *عطاه بونية لوجهو حتى سال دم من شنافتو * ماتبقاش طوف بساحة نورسين ولا مايعجبك حال البلاصة اللي عمراتها هي خويها نتا باش نبقاو انا و ياك زوينين و مانظيرش شي حاجة اللي غادي ندمك ما كنهددكش و لكن كنحدرك *وقف جبل و حشا يدو فجيبو و جبد كلينيكس لاحو عليه *
خرج و خلا كمال كيمسح فداك الدم اللي على فمو
هبط جبل فالدروج لقا العمال اللي خدامين فالمكتبة كلهم جالسين و سلمى جالسة حدا نورسين على يسارها واليمين ديالها فيه كرسي خاوي يعقوب كان واقف كينتضر جبل ينزل باش يبدا الخطاب اللي كلشي كيناتضرو
يعقوب :هاهو جبل جا و دابا غادي نقدر نلقي الخطاب
جبل مشا و جلس حدا نورسين فالكرسي اللي فجنبها
نورسين :*دارت شافت فيه * فين كنتي كنا كنتسناوك
جبل:*بابتسامة* كن غير حيدتي ديك الواو اللي فوسط كانت غادي تكون عندها معنى اجمل (لاحيدنا الواو من وسط كنتسناوك غادي ترجع كنتسناك ♥♥♥)
نورسين: كيفاش ؟؟
سلمى جالسة كتشوف فيعقوب و تضحك غير هي وراسها كي الحمقة
سلمى:*وقفات كتصفق وكتصفر غير بوحدها * برافو يعقوب
كلشي تبعها كيصفق نورسين كتشوف فيها ما فاهمة والو
نورسين : واش قالولها ربح المغرب اسبانيا ويلي مال هادي
سلمى سمعتها و دارت عندها
سلمى:كنشجع يعقوب ديالي حبيب قلبي زوجي قرة عيني
نورسين :جلسي خلينا نسمعوا شنو غادي يقول بعدا
جلسات سلمى وعم الصمت في القاعة
يعقوب: اولا كنرحب بيكم كاملين بغيت نقول بلي انا ماشي هو المالك الرسمي ديال المكتبة اللي شرا هاد المكتبة بغا يبقا متخفي وبلا ما تحاولو تبحثوا فالموضوع حيت ما عمركم غادي تقدرو تعرفو المالك الاصلي المهم انا هنا باش نقولكم بعض التغييرات اللي غادي طبق فهاد المكتبة هي كالتالي المكتبة غادي تولي سميتها #moon light (ضوء القمر)
مازال غادي يطرئ بعض التعديلات هاد المكتبة غادي نزيدو نكبروها و غادي نضيفوا بعض العمال بالاضافة الى ان توقيت العمل غادي يتغير غادي توليو دخلو من العشرة حتى للربعة بالاضافة اننا غادي نضيفوا مطعم بالمجان غادي يستافدوا منو كاع العمال و اللي بغا شي تسبيق او شي حاجة يجي يتكلم معايا انا رهن الاشارة ديالكم هاد القوانين ماشي انا اللي حطيتهم وانما الشاري الحقيقي لهاد المكتبة هو كيطلب طلب واحد منكم هو انه دعيو معاه باش يرتاح و يحققلو ربي داكشي اللي فخاطرو *حول نضرو شاف فجبل * و يجمعو ربي مع بنت الحلال اللي بغا قولو امين
الكل: امين
يعقوب: نتمنى نكونو عند حسن ظنكم
الكل:تصفيقات
مشا يعقوب جلس وكلشي فرحان بهاد تغييرات الجديدة اللي حدثث فجأة
جبل: كيف جاك هاد التغيير مرتاحة فيه
نورسين : صراحة مرتاحة بزاف ما نكرهش نشد مول هاد الافكار و نبوسو
جبل شداتو الهيستيرية ديال ضحك لدرجة كلشي لتافت كيشوف فيه
سلمى: اويلي هادا مالو نورسين شنو قلتي لسيد
نورسين : ما قلت والو
جبل حبس ضحكة وشاف فسلمى
جبل: نتي مالك اش دخلك ديها فخطيبك
سلمى: يعقوب قولو يبعد مني
يعقوب: انا ندافع عليك و كلشي ولكن جبل مانقدرش عليه يعطيني بونية وحدة يتلفني على القبلة
جبل: حتى تكون كتصلي بعدا
يعقوب: شفتي جوابو على طرف لسانو مالك على هاد القميع اصاحبي
نورسين : مال جبل وحش حتى لهاد درجة
يعقوب: مازال ما عارفة والو اختي غير تكمشي ههه
نورسين :سلمى ما عرفتينيش على خطيبك مزيان
سلمى: احم هادا يعقوب خطيبي رجل اعمال واقولي تبارك الله لا تقوسيلي عليه هه
نورسين: ههه متشرفين ا خويا
بعقوب:انا اللي ليا الشرف نتعرف على وحدة بحالك *شاف فجبل* ياك اجبل
جبل : كنضن توحشتي نديرو شي كومبا
سلمى :*مدات يديها و خبعات يعقوب* لا اجبل بعدلي من خطيبي كتردو كولو ضرابي انا بسيف باش لقيتو هههه
نورسين : هه هي جبل خطير فالكومبا
جبل :*شاف فيها * الا شي نهار قربلك شي حد ما تخميمش نصيفطو للروضة غير بالضربة
سلمى: لا راكي عارفاني انا اجتماعية بطبعي كلشي كنهضر معاه و نضحك معاه
نورسين :جبل شخصيتو غامضة و ما كيضحكش و ما كيهدرش بزاف و فاش كيهدر هدرتو كلها الغاز خصوصا معايا انا ولكن نتوما كيتصرف معاكم بحال كتعرفوا بعضياتكم من شحال هادي
سلمى:غير جابلك الله انا براسي عاد تعرفت عليه بحالي بحالك اجي بعدا ونتي بهاد السرعة عرفتي شخصيتو ياكما كيعجبك
نورسين : ههه من نيتك هو حقا انسان زوين عقليتو واعرة تصروفاتو واو ولكن باش يعجبني لا كنعتابروا بحال خويا واصلن هو غير جارنا
سلمى: سمعني اختشي نقولك خوك هو اللي ولداتوليك مك ولا اللي رضعاتو معاك اما ما كاينش بحال خويا
سلمى: *جبدات التيليفون من صاكها* هادي عاد جوج يالاهي نتغداو و سيري لداركم
نورسين: اجي بعدا واحد القضية من الصباح ونتي تباني عليا خطيبي شرا المكتبة صدق غير الناطق الرسمي بحال داكشي د الحكومة هههههههه
سلمى: ما تضحكيش غير بغيت نعيش دور و صافي
نورسين: بسلامة الحب هانا مشيت * باستها فحنكها * الله يعاون
خرجات نورسين من المكتبة و سلمى تابعها
سلمى:نورسين وا زمر
نورسين دارت عندها حيت كانت عاطياها بالضهر و بدات راجعة بلور و كتهضر
نورسين :نعااام
سلمى: يالاه تغداي معانا حشومة عليك
نورسين:غير بالصحة
سلمى: *بالغوات* نورسيننننننن عندددددددااااك
فنفس الاثناء كانت جاية طوموبيل فالاسود من نوع ميني كوبر مكسيرية بدورة باش دارت نورسين وقفات سيارة على شوية كانت غادي ضربها
نورسين بديك الخلعة طاحت فالارض هاد المشهد المرعب داز كلو قدام اعين جبل اللي كان جالس مع يعقوب فسيارة ديالو حس بقلبو تهز و عاود تحط فديك اللحضة ماشعر حتى غوت
جبل : نوووووورسين
خرج من طوموبيلتو كيجري و تبعو حتى يعقوب كانت نورسين طايحة فالارض تجرحات فيديها و سلمى حداها
سلمى:تقصحتي
نورسين :اح يدي كضرني
جا عندها جبل و حنا على ركابيه و ضربهالها بتعنيقة بيد واليد الاخرى كيمسد بيها على شعرها
جبل:الحمد الله الحمد الله
نورسين ماعرفات راسها باش تبلات بقات غير كتشوف
جبل : *مازال معنقها * كتضرك شي حاجة
طلق منها و شدلها وجهها بيدو
جبل : عفاك قوليلي نتي بخير عفاك باش حتى انا نكون بخير
نورسين :*بعدات وجهها على يدو* انا بخير ما كاين لاش تخلعو شكرا
جبل وقف ومدلها يدو باش يساعدها تنوض ودخل لمكتبة يجيبلها الماء بقات معاها سلمى و يعقوب
في نفس الاثناء تحلات سيارة الميني كوبر و نزلت منها شابة زوينة طايتها ممشوقة لونها برازيلي دايرة مكياج غامق بزااااف لابسة كسوة فالكحل مزيرة على لاطاي مع طالون فالكحل ولابسة نضارات سوداء
...:واش اختي عورة ولا مالك لاش تعرضتيلي فطريق
سلمى ويعقوب تصدموا فاش شافوها
....: راكي دايرة زعما نضاضر بقاي تشوفي قدامك
في نغس الاثناء خرج جبل و فيدو قرعة دالماء شاف شكون اللي واقفة معاهم وهو يغمض عينو بالفقصة ولاح ديك القرعة دالماء بالاعصاب
كاميليا: اه انا اللي ضربتها مادرتهاش بلعاني هي اللي جات فطريقي الا كانت هي عورة انا شنو دنبي
حيدلها النضاضر ديال الشمس اللي دايرة ولاحهوملها فالارض
جبل: الا كان شي واحد اللي عور هنا راه هو انتي كتسوقي بنضاضر ديال شمس كن آديتيها والله اللي خلقني و خلقك مانعقل عليك نصيفطك عند عزارييل نيشان و اعتادري لبنت
كاميليا : علاش غانعتدر هي اللي غالطة
خنزر فيها جبل وهي دور عندهم و شافت فنورسين
كاميليا: سمحيلي
نورسين اكتافات انها تحركلها راسها بالايجاب
جبل: اش كاديري هنا ا كاميليا
كاميليا : جيت باش نشوفك سولت لكارد دياولك قالولي راك هنا وجيت لعندك من صباح وانا نقلب عليك
جبل مشا لعند نورسين اللي كانت شادة فيديها كضرها وحداها سلمى و يعقوب مصدومين مازال ما استو عبو شنو وقع
جبل :*هز لها يديها * كضرك
نورسين : شوية
جبل: يعقوب سير لطوموبيل جيبلي داك الصندوق ديال الاسعافات
كاميليا مشات وقفات حداه
كاميليا: شكون هاد البنت اللي باغي تداويه و دايرلها هاد القيمة كلها
جبل : دخلي سوق جواك سيري فحالك ابنت خالي ولا ما يعجبك حال
كاميليا: ما تقيسش فيها شكون هي باش تقيس فيها وتداويه وتعطيها هاد الخاطر كامل وانا لا
سلمى: سير اختي فحالك فعوط ما تبقاي فارعلنا راس راكي كتشوفي البنت مجروحة ونتي سببها بدلي ساعة بخرى
كاميليا : حتارمي راسك عارفة بعدا معامن كتدوي
يعقوب جاب ديك العلبة و جبل قاد لها دوا ودرالها الفاصمة
جبل : *حط يدو على خدها و كيشوف فيها بحنان * شوية دابا
نورسين : شكرا عدبتك معايا
كاميليا : *كتهدر بالغوات *جبببل عييت من هاد الاهمال ديالك شكون هاد البنت بعد منها ما تقيسش فيها *كضرب رجليها مع الارض كي شي مسعورة *
جبل شد كاميليا من يديها مزير عليها و بعدها عليهم شوية
جبل :سيري بحالك
كاميليا : ما غاداش حتى تقولي شنو كدير معاك هاد البنت شكون هي بسلامة اللي تخليك مخلوع عليها لا و تداويها من الفوق و انت عمرك ما قستي فشي بنت المرا
جبل : *قرب حدا ودنيها * داكشي اللي بيني و بينها كبير عليك و بززززااااف خاصك سنين باش تفهميه و محال واش تفهميه و ق*** من هنايا احسن ليك و فوتي ساحتي حيت انا عمري ما غادي نكون ليك فهمتك بالخاطر ما بغيتيش تفهمي من هنا لفوق غادي نوريك وجهي القبيح شحال من مرة قلتلك انا خاايب بزااااف خصوصا اللي قلب عليا كيلاقيني و باركة ما تبعيني من بلاصة لبلاصة سيري قلبي على ولد الناس اللي يسترك و تقاي الله واش ما عييتش من دل *دفعها * يالاه سيري بحالك
كاميليا :*كتمسح الدموع* نتا ديالي بوحدي ما تديرليش هاكا عافاك كنترجاك وليت كنتخدر غير باش ننساك رجعت مدمنة بسبابك واش ما كتحسش بيا بغيت كيفما كتحرقلي قلبي بغيت ربي يحرقوليك
جبل : راه محروق بلاما تزيديني بدعاويك اللي فيا مكفيني و ق*** من هنا
ركبات فطوموبيلتها وكسيرات خلات موراها غير العجاجة
سلمى عنقات نورسين : الله يا ختي شوية و كانت غادي ترزيني فيك
نورسين : الحمد الله دازت على خير
سلمى: بنت الهم جالسة كتعاير فيك ونتي ساكتة ليها
نورسين : انا مازال ما تيقتش بلي هاديك كاميليا بنيس اكبر مايكاب ارتيست فالمغرب ضرباتني والله حتى تصدمت
سلمى: الكيدارة لوخرى كن ما حشمت من جبل كن ريشتها
نورسين : كتجيه من العائلة ياك
سلمى: هاديك راه بنت خالو تضل تابعاه من قنت لقنت كي ضلو دايرة كي اللصقة د uhu تفو كمارة د الويل ما كنحملهاش
نورسين: ونتي منين كتعرفي هادشي كامل
يعقوب: *بغا يقلب لها الهدرة *اختي نورسين الحمد الله على سلامتك تبغيو نمشيو نتغداو
سلمى: والله ما نقولك لا احبيبي
يعقوب: من الصباح ونتي جالسة تعلفي فالحلوة و مازال فيك الجوع
سلمى: وراه داك الحلوة هضمتها بسباب هاد الخلعة
جبل وقف عليهم بالطوموبيل
يعقوب:طلعي انورسين مع جبل و انا غادي تركب معايا سلمى
نورسين : كن غير خليتوني نمشي لدار والله
سلمى : وا طلعي بلا هدرة
طلعات نورسين لطوموبيل و سدات الباب
جبل: كي بقات يديك
نورسين : مزيان غير جرحة خفيفة ماشي شي حاجة كبيرة غير نتوما تخلعتوا على والو
جبل : Quiero que te cuides tanto que realmente quiero que no te acerque a algo que te lastime y siempre recuerda que significas mucho para mi ( أريدكي ان تعتني بنغسك كثيرا أريدكي حقا ان لا تقتربي من شيئ يؤديكي و تدكري دائما انكي تعني لي الكثير ♥♥♥)
نورسين : شنو قلتي ؟؟؟
ديمارا اللوطو و زاد
جبل: خليني غير انا اللي فاهم حيت اللي فاهم هو اللي كيتعدب
نورسين :سمحلي نقولك واحد الحاجة وما تديرهاش مني قلة الصواب
جبل: قولي اللي عجبك
نورسين : كن غير يديروك فعوط حديدان مول الحكمة اللي كيجي فجزيرة الكنز والله حتى تمشي فداك الدومين مخير ههه
جبل: ماعرفتكش علاش كتهدري ؟؟؟
نورسين : ههه انت هادي اول مرة ما عرفتينيش علاش كنهدر انا ديما ما عارفاش علايش كتهدر اه بعدا شنو هي هاد اللغة اللي هدرتي بيها دابا
جبل: espagnol
نورسين : واو مزيان شحال من اللغة كتهدر بيها
جبل: *عجبو الحال تبدا تدي و تجيب معاه فالهدرة كيهدر و يضحك * الفرنسية و الانجليزية تعلمتهوم فاش كنت صغير ما كانش عندي فيهم مشكل و الاسبانية والتركية بحكم ان فالعمل ديالي كنتصارف مع هاد الناس بزاف و دارجة اللغة الام هه
نورسين : برافو عليك
جبل: شنو مشهية تاكلي فالغدا
نورسين : اللي عجبكم
جبل: هي كثيقي فدوق ديالي
نورسين :هه واخا مازال ما عارفاش دوقك مزيان ولكن من دارك كيفاش مفرشها ومأثتها عجباتني بزاف
جبل : عجباتك
نورسين : بزااف
جبل : تبغي نعطيهالك
نورسين :*صدمها شافت فيه مطرطقة عينيها * كيفاش ؟؟؟ واش من نيتك داوي
جبل : كنهدر معاك بصح
نورسين : والله حتى فشكل نتا واش كاين شي حد كيعطي دارو هدية
جبل : نقدر نعطي املاكي كلها فسبيل الناس اللي عندهم قيمة فحياتي
نورسين : مزيان
عند يعقوب وسلمى
يعقوب: ديك التعنيقة اللي عنقها قبايلة جبل و خوفو عليها و هدرتو اللي كتبين شحال كيبغيها زعما ما فهمت نورسين والو من داك التصرفات
سلمى: ياكما يصحابلك نورسين هي انا كنطيرها فسما راه مسكينة غير خبز ربي فطبقو مازال نية ما كتردش البال
يعقوب: عليها جبل طايح فيها ههه
سلمى: داكشي اللي زايدلو هو فالدكاء عاطيهلها سيدي ربي فالغباء شفتي انا كن كنت منها من شوفة لولة نعرفوا مزعوط فيا
يعقوب: امم زعما نتي هي قارئة الفنجان
سلمى: اوا شنو يصحابلك انا ساهلة
حبس جبل اللوطو ديالو و حتى يعقوب حبس حيت كان من موراه
نزل جبل من اللوطو و مشا حل لباب لنورسين
نورسين : شكرا علاش كتعدب راسك ا خويا
جبل : شنو قلنا على هاد شكرا
نورسين : كنسى صافي ما نبقاش نقولها هه
نزلات نورسين و سد جبل الباب
عند سلمى و يعقوب
سلمى:* كتندب حناكها بالفقصة * اويلي على الفقصة شوف كيف كايعاملها و جبل الابراهيمي بجلالة قدره اللي منوض رعب فالعالم كامل كيجي حتى لنورسين و يحلها الباب *دارت عند يعقوب *دوز حتى نتا حلي الباب
يعقوب: خدام عند باك لشهر وانا ما فخباريش ولا
*غمزها *
سلمى: شحال ونتا مصاحب مع جبل ما تعلمتيش منو تجلمانيت اعباد الله واش ندب حناكي هاك ولا هاك
يعقوب: ياك ما مبطولينش ليك يديك و حلي الباب الا غادي تحلي
سلمى: ما حالاهش دوز حلي الباب
يعقوب : نزلي الا غادي تنزلي شوفي جبل و نورسين كيشوفو فينا كيتسناونا نزلو
سلمى:واش اعباد الله مول المطعم جالس معاك ونتي كتسولي هاد الاسئلة الغبية كي كمارتك
نورسين:اختي اللي خاف نجا
يعقوب:سلمى
سلمى:هانا جاية يالاه نورسين خليتلك الراحة دابا يوصلك جبل صافي يالاه بيزو *هزات صاكها وخرجات هي ويعقوب من المطعم *
نورسين بدات كتفكر فهاد الصدف كاملين اللي وقعوا فحياتها فجأة دارت يديها على خدها و بدات كتهدر بجهد غير هي و راسها
نورسين : والله حتى الحماق بالله دابا هاد جبل اللي ساكن فالعمارة ديالنا اللي عاد جا جديد ما كاملاش حتى صيمانة ولا يعرف سميتي و المكتبة فين خدامة ولا يشري منها الكتوبة زعما ما لقا غير المكتبة اللي كنخدم فيها و اجي بعدا السيد لابس عليه تبارك الله عندو مطعم قدو قد الخلا اما الاوطيل يجري فيه الخيل اللهم لا حسد ولكن علاش بالضبط جاي لعمارتنا لا والصدفة الكبيرة هي انه صدق هو و خطيب صاحبتي صحاب و فهم تسطى هادي كلها صدفة وا الدنيا صغيرة والله ما كدبوا اللي قالوها
فمكان قريب لطبلة د نورسين جالسين واحد جوج بنات كيخنزروا فنورسين من البعيد
البنت 1: شوفي على حالة جاية بيها ديك خيتي تقوليها غير بوهالية و محطوطة
البنت 2: عرفتي ياصحيبتي على تيتيز دخل معاها و باين ملعق ابنت ناس
البنت1: شفتهم يا ختي كانو جوج واحد مشا مع شي بنت كانت معاها ولاخر مشا ما ولا
البنت 2: ما نعرف اش عجبوا فيها
البنت 1: والله لاخليتو ليها بغمزة وحدة مني نطييحو فالشبكة
البنت 2: حتى يجي بعدا
عند نورسين
جاب جبل الشوارما اللي طلبات نورسين و حطهاليها فوق لطابل مع غلاس د شكلاط
نورسين : اوو شكرا بزاف
جلس جبل و فيديه كاس د القهوة كحلة تقابل معاها
جبل: تستاهلي ما اكثر
نورسين :*داقت ديك شواراما و غمضت عينيها * الله شحال لديدة هاد الشواراما ما عمري دقت بحالها واش نتا اللي صوبتيها
جبل: yes كيعجبني نطيب تقدري تقولي هواية مي ماشي لكلشي غير ناس اللي كتكون عندهم قيمة كبيرة فحياتي
نورسين حطات ديك الشوارما من يديها و شافت فيه
نورسين :كيفاش عندهم قيمة كبيرة فحياتك؟؟؟يعني انا عندي قيمة فحياتك ياك هادشي اللي بغيتي تقصد (واخيرا نورسين فكرت شوية بعقلها شي تصفيقات الله يخليكم )
جبل : مازال ما كملت لجواب ديالي قلت لناس اللي عندهم قيمة فحياتي ولا ضياف اللي كنبغي نستقبلهم بطريقة زوينة هادا ماكان
نورسين: امم المهم شكرا على اي حال الله يعطيك صحة يديك لديدة بزاف فين تعلمتي طبخ
جبل: تعلمتوا على يدين شي ناس كان عندهم دور كبير فحياتي ولكن ما بقاوش معانا دابا
نورسين : واش مسافرين
جبل :*تنهد* مسافرين فرحلة طويلة حتى واحد ماعارف الوجهة ديالها فين غادة ولكن نتمناولهم طريق سلامة وربي يعاونهم ويخفف عليهم
نورسين :شكرا على الاجابة اللي كانت واضحة بزاااف
جبل :*بابتسامة*العفو
- سلام سمحولي الا قاطعتكم
هز جبل راسو شاف فيها هبطها و طلعها بعينيه دور وجهوا لجنب و ضحك ضحكة مستهزءة و رشف من الكاس د القهوة و حطوا
نورسين : وعليكم السلام
- عفاك الا سمحتي واش ممكن تجي تصورنا انا و صاحبتي
جبل :فشي حيط مثلا
نورسين دار ت كراخ بالضحك ما قداتش تحبس الضحكة الدموع كيهبطولها بقوة الضحك جبل سها فيها عجباتو ضحكاتها و بزاف ما كرهش الوقت يتوقف فهاد اللحظة و يشوفها ديما فرحانة و ضاحكة ما شعر براسو حتى بدا يضحك حتى هو هدا هو الحب الحقيقي تفرح فاش يفرحو اللي كتبغي و تبكي الا بكاو اللي كاتبغي
- سمحلي و لكن واحد بحالك اش كيدير مع هاد الاشكال
جبل :*هز عينو شاف فيها و خنزر فيها واحد مولاتي تخنزيرة من داكشي رفيع * اعتادري
- علاش غادي نعتادر قلت الحقيقة
جبل ضرب ديك طبلة بيدو بجهد حتى قفزت نورسين من بلاصتها
جبل : اعتادري منها
- *فوق خاطرها* سمحيلي
جبل : وا دابا منين اعتادرتي عاد غادي نجاوبك *وقف و قرب لديك البنت حتى بقات كتفصلو عليها بضع سنتيميترات * شفتي هادي اللي كتشوفي قدامك *شير بصبعو لجهة نورسين* خط احمر مانسمح لحتى ق*** تجي تعايرها و تحل عليها فمها الموسخ محال واش توصليها حتى فصبع رجليها صغير و ق*** من هنا و قلبي على شي فيكتيم اخور انا منصلاحش ليك عندي لالاك ونزيدك ديك قضية صورني ما صورني قديمة عندك الا بغيتي طيحي شي واحد فجمالك الخلاب بين قوسين اجي عندي انا نعلمك راني طايب فهاد التخربيق يالاه رولي من قدامي ولا ما يعجبك حال
ديك البنت رجعات خائبة الامل و صاحبتها كضحك عليها من البعيد ما تسرطاتش ليها بقالتها غصة فحلقها ديك خيتي مشات جلسات حظا صاحبتها و هي كاتكال بالفقصة من لداخل صاحبتها كتموت عليها بالضحك
- قالتلك بغمزة مني نطيحوا ههههه هانتي جبتيها غير فراسك
-*كترعزع رجليها بالفقصة* غوت عليا بسبابها الله ياخد فيها الحق ولكن تيتيز اختي و ناري على شخصية عندو كتهبل
عند جبل و نورسين
جبل حنا على ركابيه و قرب لنورسين
جبل: تقلقتي من ديك الهدرة ياك
نورسين : هههه اصلن عادي ديما كانسمع ما اكفس منها جبل :الا بقا فيك الحال نوض نوريها ترفع صوتها
نورسين : لا اخويا شكرا بزاف ما باغا مشاكيل لهلا يخطيك
هز كلينكس من فوق الطبلة وقرب يدو حتى لفمها و بظا كيمسحلها بشوية
نورسين تزعجات شوية من هاد الحركة
نورسين : احم عطيني انا نمسح شكرا اخويا
جبل :*بابتسامة * calm down *تهدني * غير كنمسحلك الماكلة من حدا فمك
رغم انه ماكانت حتى حاجة على فمها ولكن تعمد يدير هاد الحركة باش يقرب ليها ♥♥♥
نورسين كتشوف فيه وحتى هو نفس شي ولكن نظرات تختلف هي كتشوف فيها نضرات اخوة كأنه ربي عوضها بأخ لي يحميها من شر ناس خصوصا بليجيسط اللي كيدير معاها ولكن هو كيشوف فيها بنضرات كلها حب و عشق و هوس و تملك
كلشي بامكانو يكدب ولكن العيون ديما كتفضح شنو مخبي فقلبك حكمة من بين حكم الله سبحانه وتعالى ♥♥
★★★★★★★
وإذا العيون تحدثت بلغاتها قالت مقالا لم يقله خطيب
ومن لا يحب عيناك مازال عن جمال الدنيا أعمى
بربك أخبريني أعيناك حب ام الحب شيئ من عينيك
في مكان قريب ل طاولة فين جالس جبل و نورسين واحد الشخص هاز الهاتف ديالو و كيصور جبل مع نورسين فنفس اللحظة اللي هما فيها
عيسى: باركة ما تصور ا صاحبي
علي : خليني نصور باش نوري ليهم البنت العفيفة الشريفة اش كتسوا غادي نصيفط هاد التصاور لكنزة باش توريهم لواليديها
عيسى: راك غاظي تخرج على البنت و على راسك هاكا ا صاحبي راك ما عرفش شكون هاداك اللي جالس معاها علي: شكون بغا يكون فملك الله ولكن عرفتي طلعت هاد نورسين ق**** مقطرة اللي شافها دايرة كي البوهالية يحكرها
عيسى: هاداك السيد ملعق ديال بصح و عندو معارف راه ينحيوك من الدنيا نتا و ديك خطيبتك كنزة اللي فرحان بيها و طاسيلتك كاملة وحتى طاسيلة مي انا نيت اللي معاك
علي رد التبليفون لجيبو و شرب كاس د العصير و حطو
علي: ههه مالو عنتر بن شداد انا ما كانخافش المهم هو نبين لعائلتها شنو كتسوا داك البوهالية ما نويتهاش فيها والله مزيان لي جبتينا لهاد ريسطو برب الا واعر
عيسى: حشومة نجي من ميريكان وما نجيبش عشيري لاغلى مطعم فهاد المدينة
علي:الله يحفضك
عيسى: عرفتي ديالمن هاد الريسطو
علي دارلو لا بيدو حيت كايشرب العصر
عيسى: هاداك اللي من صباح ونتا تصور فيه
علي بزق داك العصير كامل
علي:كيفاش
عيسى:كيفما كتسمع
علي: وهو اش كايدير مع ديك البوهالية لا زين لا مجي بكري
ناضت نورسين وهو تابعها حلها الباب ركبت و سدو و مشا لمكان سياقة ديمارا طوموبيل
جبل:كيف جاك ريسطورون
نورسين: زوين بزاف واش بصح دياللك
جبل:ههه واش ماتقتيش ولا كيفاش
نورسين: لا ماشي هاكداك غير كنتأكد و صافي
جبل:ديال الواليدة الله يرحمها ماشي ديالي هي اللي كانت كتعشق الطبخ و دارت هاد ريسطورون
نورسين : ماماك ماتت
جبل : وي
نورسين : الله يرحمها سمحلي الا فكرتك فيها
جبل:مع الاسف ما عمري شفتها فالواقع باش نتدكرها خودي راحتك
نورسين :كيفاش ؟؟
جبل:ولداتني و ماتت
نورسين ما جاوباتوش بقات غير كتشوف فيه ما حسات براسها حتى بداو يتساقطوا الدموع من عينيها جبل حس بيها كتبكي وقف اللوطو و دار شاف فيها
جبل : لا واش انا قلتلك هادشي باش تبكي * جبد كليلينيكس و بدا كيمسحلها الدموع * عفاك ما تبكيش
نورسين :*كتهدر مع ديك الشهقة د البكا * اهئ ا هئ العيشة بلا ام صعيبة ياك
جبل :*تنهد* صعيبة بزاااف ما تقدريش تصوري هه ولكن ربي جاد علينا بنعمة نسيان مع الوقت كنساو او نقدرو نقولو كنتعودو على الوضعية سمحيلي حيت جبدتلك هاد الموضوع اللي خلا دموعك تنزل
نورسين : نتا ما درتي والو انا اللي دغيا كنتأثر و صافي جبل :*بابتسامة* prometo que no dejaré caer una lagrima de tus ojos y que tus lagrimas me quemaran ( أعدك أنني لن أترك دمعة تسقط من عينيك فدموعك تحرقني ♥♥♥)
نورسين : شنو قلتي
جبل : ربي خدا مني الام اللي كانت غادي تكون فحياتي بمثابة نور ولكن ربي كبير صيفطيلي #ضوء القمر شخصيا نتمنى ما عمرو يختافي
ديمارا اللوطو و زاد ونورسين كما العادة الغبية اكيد ما فهماتوش عاوتاني شافت فيه و دورات وجهها لسرجم ولات كتحشم تقولو ما فهمتكش تقول كيهدر بشينيوية
وصلو لحي ديالهم
نورسين : خويا عفاك حطني غير هنا
جبل: مازال ما وصلنا
نورسين : احم راك عارف نضرة د جيران والله حطني غير هنا
جبل وقف الطوموبيل
نورسين نزلات من اللوطو و دارتلو باي باي بيديها و زادت ولكن المفاجأة حتى جبل نزل و مشا حداها شافت فيها و تصدمات
نورسين :*مع نفسها * ويلي مال هادا غير تابعني قلتلو حطني باش ما يشوفنا حد صدق جاي عندي برجلو كاع ما شافوهمش كيشفروا شافوهم كيقسموا
جبل: *شاف فيها * تصدمتي ياك ما بغيتينيش نهبط عندك
نورسين :أ لا ماشي هاكاك راك عارف هدرة ناس
جبل: هادي ثلاثة د العشية كلشي فدارو و لا فخدمتوا ما تخافيش ما كاين حد دابا كنخاف على سمعتك اكثر منك ما تهزيش الهم مادامك حدايا
نورسين شافت فيه مطولا و حنات راسها ولا كيدخلها شك شوية من تصروفاتو معاها بقاو غاديين على رجليهم حتى و صلو لراس درب نورسين بالهزة باش كتهز راسها تصدمت
نورسين : *ضربات على فخادها* ويلي جاو
جبل مسكين ما فهم اش واقع
جبل: نورسين مالك شكون اللي جا
نورسين شداتها كعطة وحدة حتى وصلت حدا واحد الطوموبيل مخرششة وفيها واحد البوق كبير فالسقف ديالها من برا
جبل حتى هو تبعها
جبل: شنو كاين ياك لابس
تحلات الباب ديال ديك الطومو بيل وهي تخرج واحد المراة لابسة جلابة فالخضر مع شان فالصفر و بلغة فالكحل عمرها كيتراوح مابين ربعينات و الخمسينات عندها وشمة فالخضر تحت من فمها و يديها كلها محنية
نورسين : خالتي رابحة
سمعات ديك المراة خالتي رابحة وهي دور
رابحة:وااااا بنت ختي *مشات عندها جرتها بتعنيقة كضربلها فضهرها * وااااااا كيدرتوا واااا شحال توحشتكم واااااا كيدارت واحد فطوش و واحد كنييزة واااا كي بقى باك حامادة (قلبات سميات كلهم)
نورسين بدات كتكح بقوة ديك التعنيقة اللي دايرالها
نورسين : كحكح لابس اخالتي
طلقات منها
رابحة: مالك سايرة تسعلي عليا ياكما ضربك البرد والله و ماتساليني حلوف جبتلكم معايا قريعات ديال العسل الحرة من البلاد كليها و نعسي دقة بطلة
جبل غير كيشوف فيهم ما فاهم والو
نورسين : واخا اخالتي جيتي بوحدك
رابحة: ههههه هاويلي علا جيت بوحدي راه جا معايا المعيطي سايق بيا هاد الخريشيشة
مشات كدق عليه من الزاجة
رابحة: واااا داك عطية الله تا خرج تسلم على بنت خالتك
المعطي : وا مابغاش يتحل لي الباب امي دفعيه من برا رابحة: اويلي على المهبول لاخر *دارت شافت فنورسين* انا قلتلو كن جابنا فالحمار ديالنا احسن لينا من هاد الخرشاشة
نورسين: لواه اخالتي تجيو بحمار من العروبية حتى للمدينة ما توصلوا على عام
رابحة: يا و مالها اش فيها علاه منين ما كانوش هاد الحديدات شكون اللي كان من غير الحمير و الجمال مشات نورسين كتجر الباب حتى تحلات وهو ينزل منها المعيطي و ما اداراك ما المعيطي واحد غليظ تبارك الله قدو قداش و مبوهل شوية
رابحة:*شافت فنورسين * سكتي خليني نهدر مع كمال ما تقاطعيناشاي الا توحشاتني ختي تهبط تشوفني دابا ما مسالياشاي ليها قولي اوليدي مزوج ولا داويين فيك
جبل: ههه لا ا الحاجة
رابحة: دوز عندنا لدوار نزوجك ببنتي راه حادكة تبارك الله و بوهالية اكثر من هاد المعيطي واخا تجيب عليها ربعة ضرات خرين ماتقولك والو اوا اش قلتي نضربوا الكحل فالبيض
جبل :*كيضحك* ما عرفت مانقولك ا الحاجة الله يسهل على بنتك
مشا جبل دخل لعمارة و تبعاتو نورسين و رابحة و المعطي
نورسين : عفاك ما تديش على خالتي داكشي اللي دار فيها الله الراجل اللي شافتو تقولو تزوج ببنتي
جبل: ههه لا بالعكس عادي كيعجبني الانسان العفوي
المعطي: نورة وا نورة تي تسنايني
نورسين : وا نورسين اعباد الله اشمن نورة
رابحة: نويويرة يا و مالك طالعة مزروبة شفتك سايرة تهضري مع راجل بنتي
جبل كيسمع ويبتاسم طلع لدارو و لحقات عليه رابحة
رابحة: وليدي وا وليدي
جبل:*دار عندها*نعام ا الحاجة
رابحة:سخفت اوليدي فهاد الدروج ما نلقاش عندك كاس د الما
نورسين: دوزي طلعي ا خالتي مابقالنا والو و نوصلو بلا شوهة
جبل: غير خلي عادي *حل الباب جبل وو قف* الحاجة غادي تكوني عييتي دخلي ترتاحي
جبل دخل للكوزينة و جابلهم الكيسان د الما والعصير و حطولهم
جبل:مرحبا بيكم
رابحة: ترحب بيك جنة اوليدي
جبل: فين هي نورسين
المعطي:نورة راه برا كتسنانا نخرجوا عدها
جبل خرج لبرا لقا نورسين كتضرب فحناكها
نورسين: اويلي على شوهتي يا ميمتي ضاع بريستيجي ضاع
جبل ربع يدو و تكا على الحيط كيشوف فيها هو انسان كيعجبوا بنادم يتصرف بعفوية و تلقائية قدامو خصوصا الا كانت هاد التصرفات من نورسين كيحس بقلبو كيضرب فالالف
جبل: نورسين دخلي عند خالتك
هزات عينيها شافت فيه
نورسين: سمحلي ا خويا عدبناك والله غير عيطلي على ديك التريكة اللي بلاني بيها الله
نورسين فاش كيطلعلها دم كتولي شعواقة من الطراز الرفيع
نورسين : وااااا شرفة واااااا بوعيد شرقي تي جيتي تشوفي ختك ولا جيرانها
رابحة: جيت نشوف راجل بنتي
نورسين: نوض ا خالتي ها العار
المعطي:نسيبنا هادا انورة كتجري علينا من دار حبابنا
نورسين: ياربي صبر يا ربي دابا ما غاديش تنوضو
رابحة:حتى يدير معانا شي حل
نورسين طاحتلها فراسها واحد الفكرة
نورسين: واتي نوضي الله يجيبك على خير راه سيد مزوج و عندو ربعة د الولاد سامح فيهم
رابحة جمعات الوقفة
رابحة:شناهو
نورسين:اييه كيفما كتسمعي و نزيدك راه مجرم كبير هارب من الحبس راه مطيح روح وانوضي بعضامك صحاح
جبل كان واقف كيسمع لكدوب نورسين فالاول كان مستمتع انها تقول هاد الهدرة و يسمع لكدوبها اللي ضحكوه ولكن كلمة"مجرم" هاد الكلمة نقطة ضعفو اللي ديما لاحقاتو من صغر ما قدرش يكتم الغضب ديالو ضرب يدو مع الحيط بالجهد حتى تزعزع ولا كلو حمر و عروق د بدو خرجولو و صدرو كيطلع وينزل
رابحة والمعطي تخلعوا من شكلو اما واحد نورسين كتحمد الله وتشكروا اللي قدرت تخلعهم
رابحة: أرسول الله حنا في عار الله ومولاي محمد الحبيب المعيطي زيد قدامي
المعطي: ياه صدق نسيبنا شلاهبي بحال عثمان كوزان
ضرباتو رابحة لقرفادتو
رابحة: وات زيدي نمشيو عند خالتك فطوش
خرجوا رابحة والمعطي من الدار كيجريو خايفين على عضامهم و بقات نورسين لداخل كتموت عليهم بالضحك
نورسين: سمحلنا زعجناك
جات خارجة وهو يوقفها صوتو
جبل:*بصوت خشن *انا ماشي مجرم ديريها فبالك
نورسين :*ضربات راسها بيديها * ههه ماتديش عليا قللت هاكاك غير باش يخرجو من هنا يالاه الله يعاون
خرجات نورسين وسد جبل الباب شنو ما لقا قدامو ضربو شتتو و كيردد بصوت مرتفع
طلعات لدار لقات خالتها كتسلم عليهم مشات دخلات لبيتها بدلات حوايجها و خدات رواية الرومانسية اللي كتقرا ديما فاش سالاتها حطات الكتاب و غفات
بعد مرور 4 ساعات
كنزة: واتي هاه نوضي تكعدي *كتحرك فيها*
نورسين :اننن بعدي مني خليني نعس
كنزة: غير بلاتي عليك الا ما وريتهومش اش كتسواي مانتسماش كنزة بنت فاطمة و محمد
خرجات كنزة من البيت و جبدات التصاور اللي سيفطلها علي
كنزة: اهاه حتى هاد البوهالية ولات تصاحب و معامن مع جارنا وولات تجلس فالقهاوي اللي ما عمري جلست فيهم حتى انا الا ما ندمتكش يا بنتي يا نورسين ما نتسماش الا ما خليت بابا يدفنك و نتي حية ما نتسماش كنزة صدقتي ماساهلاش ابنتي يا نورسين دايرة كي اللفعة تحت تبن
فاقت نورسين على الصوت ديال الهاتف ديالها اللي كيصوني هزاتو شافت فيه لقاتها السبعة د العشية دخلت للحمام و قضات حاجتها و خرجات لصالون مالقات حتى واحد من غير كنزة حاطة براد ديال اتاي فوق الطبلة و مقابلة التلفازة
نورسين: فيناهما ماما وبابا وخالتي وولدها
كنزة: علاه ما فخباركش
نورسين :شنو اللي مافخباريش
كنزة: ولد خالتك هاداك البوهالي اكثر منك المعطي
نورسين: مالو؟؟
كنزة: مشاو يخطبولو شي بنت من الدوار و داو معاهم ماما وبابا هههه شحال خايبة حتى لمعاودة المعطي الهبيل الحمق غادي يتزوج ونتي غادي تبقاي بايرة طول
حياتك هه مع الاسف شديد *غمزاتها* ولكن مانخافش عليك راكي كدبري على راسك
نورسين : ماغاديش نجاوبك حيت اللي دماغو موسخ و جاهل هو هادا حالو انا عارفاك ماكتحملينيش وكن تلقاي تشعلي فياالعافية واخا نقدرو نقولو نتي اجمل مني وكتلبسي احسن مني و اخا داكشي اللي كتشري كامل من فلوسي و لكن ماعليهش بنادم فطبيعتو نكار الخير
كنزة: كتمني عليا دابا
نورسين: حاشا كنفكرك فخيري اللي درت فيك و ماعمرك قلتي حشومة هادي ختي راني كنجرحها على الاقل فكري غير فداكشي اللي كندير معاك مرة مرة
كنزة: هههه او درتيلي تأنيب ضمير نتي خدامة ونتي غادي تصرفي عليا بغيتي ولا كرهتي عرفتي انا ما كنحملكش طلعتيلي فراسي *ناضت كتبكي* اهئ اهئ بسبابك ما غاديش نتزوج علي ما بقاش قادر يصبر و حتى انا مليت من هاد العادات د الويل غادي نهربوا انا وياه ونتهناو من هاد المرض ونمشيو نتزوجوا على سنة الله و رسوله
نورسين : واش حماقيتي
كنزة:اه اه حماقيت واااا حماقيت اعباد الله سيري شوفي حالتك فالمراية كنضن ماعمر شي راجل يرضى يتزوج بوحدة بحالك معقدة و مريضة و حالتها كي شارفات انا منقدرش نصبر على عام كامل باش نتزوج
نورسين :*بقات فيها ختها * صافي غير تهدني غادي نحل كلشي
كنزة: ما عندك ما تحلي
مشات كنزة لبيتهم تنعس و خلات نورسين فكرة تديها و فكرة تجيبها جلسات فوق السداري و حاطة يديها على خدها
نورسين :اوووف دابا انا غادي نبقا هازة دنب ختي حياتي كاملة الا مشات حتى دارت فراسها شي موصيبة كحلة
ناضت نورسين دخلات لبيتهم لقات ختها متكية و طافية ضو و كتشهق بالبكا مابغاتش نورسين تمشي تهدر معاها عارفة راسها غادي تسممها بكلامها مشات حتى هي لبلاصتها على الله تفكر فشي حاجة ديرها باش تزوج هاد العادات و التقاليد ديال قبيلة الاب ديالهم خرجات عليهم ولكن اي حاجة كاتكون مكتابة علينا فيها حكمة هظا هو القضاء و القدر خاصنا نرضاو بيه نورسين ما عارفاش اشنو كايساينها من هنا لقدام باغا حتى هي تزوج و تفرح واليدها وتهنى من ختها ولكن مازال ما كتاب
داك الليلة كلها بقات كتفكر كيفاش تقدر تزوج حتى هي بحال قراناتها هي كل همها انها تزوج باش تهنا من هاد العداب مانعساتش فكرة تديها و فكرة تجيبها حتى طاحت على بالها واحد الفكرة مع الادان ديال الفجر
هزات التيليفون شافت فساعة لقاتها 5:00 د صباح واو
ناضت غير بشوية مسلتة
نورسين : الله أكبر يا ربي تعاوني يا ربي انا باغا غير نتهنى من هاد العداب و الهدرة د ناس
حلات الباب و خرجات مسلتة بشوية عليها هبطات فالدروج حتى وصلات للدار ديال جبل
نورسين : اويلي على حمارة أنا علاش غادي نهدر معاه دابا حتى يصبح الصباح جتى انا كنتسرع شي بعض المرات
بغات دور تمشي طلع فحالها لدارهم وهو يتحل الباب
جبل:*كيهدر بصوت ثقيل* فين غادة
نورسين دارت شافتو كان عريان من الفوق والعضلات السداسية بارزة و العضلات ماشاء الله جبل انسان رياضي بامتياز كان هاز فيدو قرعة د الشراب و عينو نايمين شوية
نورسين : احم خويا جبل واش ممكن نهضر معاك
جبل:*حلها الباب و ضحك حتى بانو الغمازات اللي عندو فحنيكاتو * باب داري محلولة ليك فأي وقت
جبل: ههه اه كنسكر بصح باش نسا شي حوايج ولكن *ضرب فقلبو * محفورييييييين لي فقلبي و عقللي مابغاوش يزولو اااااه *تنهد* فاش بغيتي تهضري معايا
نورسين:*تخلعات من حالتو وهو سكران كتهدر و كترعد * اه مزياان انا بغييت غير...
جبل : ما تقوليليش خفتي مني ههههه حشومة عليك ياك كنقولك انا هو آخر واحد تخافي منو انا ماااعمري نآديك ولكن اللي آداك نحرو ما نعقلش عليه
مشا حتى وصل لعندها وتحنا على ركابيه
جبل: عفاك ما تخافيش مني
نورسين: ويلي على نخاف منك ابدا *هي ربي لي عالم بيها مخلوعة بزااف منو حاولت تبت راسها * جيت نهدر معاك بخصوص كاميليا
جبل : كيفاش؟؟ واش درتلك شي حاجة ؟؟ قلقاتك فشي حاجة؟؟
نورسين: لا هي اكبر ميكاب ارتيست فالمغرب و صراحة كتعجبني خدمتها مانكرهش تهدرلي معاها بغيت نغير لوك ديالي
جبل:*خنزر فيها* علاش باغا تبدلي راسك ؟؟؟؟
نورسين: *حنات راسها* بغيت نبدل باش نقدر اوف كيف غانقولها المهم واش ممكن تهضرلي معاها تقدلي حالتي
جبل تعصب عرفها باغا تقاد حالتها باش تولي زوينة و تعجب الرجال ولكن هادشي عصبو و غلغلوا من لداخل مززيان كيفاش ملاكو الطاهر اللي كيشوفها اجمل امرأة غادي تمشي و تقاد لرجال يعني ما حسات بحتى حاجة ولو صغيرة من جهتو "ااااااه لو تعلمين مادا تفعلين في قلب هدا العاشق يا ضوء القمر "
جبل وقف و جمع قبضة يدو على شكل لكمة و صدرو طيطلع و ينزل كيحس براسو مخنوق مابغاتش دخلو هاد الفكرة لراسو
جبل:*كيهدر معصب لاقصى حد* نوضي تنعسي دابا باش ما تتضريش صحتك
وقفات نورسين
نورسين : *بفرحة*واش غادي تقدر تهدرلي معاها؟؟
جبل : بنتيلي عيانة بزااف سيري ترتاحي غادي تمرضي هاكا
مشا و قف حدا الباب و حلو وهو يلقا كاميليا بنت خالو واقفة فالباب بلباس فااااضح كانت لابسة كسوة كحلة حد الفخاض مع مكياج صاااارخ بامتياز مع قرعة د الشراب فيديها و سكرانة كتمشي و تجي
كاميليا:*تلاحت عليه و عنقاتو* i miss you bb (اشتقت اليك ) you are so sexy i want one night with you plz ( انت مثير جد اريد ليلة واحدة معاك ) i love you so much bb (احبك كثيرا)
جبل ما محملش الموقف اللي تحط فيه خصوصا حدا نورسين حبيبتو
جبل: *دفعها من عليه *كاميليا اش هاد الحالة واش ما بغيتيش ديري عقلك
كاميليا:*كتهدر ثقيلة بفعل الشراب *كنبغيك كنبغيك * كتغوت * وكنحماق عليك ا عباد الله واش ما باغيش تفهم وا نبوس تراب اللي كتمشي عليه غير عطيني فرصة وحدة
نورسين حطات يديها على فمها وشهقات ما عمرها شافت هاد المنظر فحياتها كاملة بنت سكرانة و كتقول هادشي تصدمات من المنضر اكيد بنت بسيطة بحال نورسين داخلة سوق راسها ما عمرها توقعات بنات غاظي يكونو بهاد الشكل
جبل :*خنزر فيها *كاميليا نتي مريضة و بزاااف خاصك تعالجي سيري من هنا غادي نصيفط لكارد باش يديوك لدار ما عرفت كي جيتي لهنا و نتي بهاد الحالة شي نهار ديري اكسيدون يالاه حيدي من هنا ما باغيش نغلط فيك
كاميليا :* حطات يديها على خدو* بصح مخلوع عليا احوبي ياك خفتي لا ندير اكسيدون
جبل :*حيد يديها من على وجهوا* كتبقاي بنت خالي فقط لا اقل ولا اكثر يالاه ق*** من حدايا
كاميليا : علاش كتعدبني غير قولي علاش شنو درتلك
جبل:* دوز يدو على شعرو بعصبية * ما درتيلي والو اكاميليا ما درتي والو انا اللي فيا الخطأ صافي و سيري بحالك
نورسين لداخل قاست واحد الفاز وهو يطيح دخل عندها جبل كيطير
جبل: نووورسين *وقف حداها مخلوع عليها كيقيس فوجهها *ياك ما وقعلك والو *هزلها يديها * ياكما تجرحتي
نورسين : سمحلي انا غير قستو
كاميليا : ههههنه *كتشرب من القرعة د الشراب * هادي باش بدلتيني ياك أ جبل
كاميليا تمشات بخطى بطيئة حتى و صلات لحداهم وهي تهز يديها حتى لسما بغات تطرش نورسين و هو يلويها ليها جبل من مور ضهرها *و كيهدر فودنيها*
جبل: تقيسيها نسا بلي نتي بنت خالي واللي غادي نديرولك ما غاديش نقولولك الا تمسات غير شعرة وحدة منها ندبحك وانتي واقفة و شتي هادشي الللي بغيتي ديريلها دابا والله لا دوزتو ليك
نورسين تغرغروا عينيها بالدموع تصدمات من هادشي اللي وقع
كاميليا :ههه * بعدات عليه * من فوقاش كتدافع على البنات هههه هه * كتضحك بشكل جنوني* ماشي على البنات توتوتو نتا كدافع على هاد الشارفة بوحدها من دون الناس* كتغوت* شكوووون هاد خيتي شكووووون ما زويناش حتى زين دايرة كي شي سعاية
ماحسات بطرشة منين جاتها من عند جبل بالطبع
جبل: *العروق د يال يدو خرجو * بررررررراااااااا
كاميليا : هههه بلا ما تعصب هاهي غادة
تمشات كاميليا حتى وصلت حدا الباب و شيرات لجهة نورسين بديك القرعة اللي كانت فيديها كانت غادي تجي فيها كن ما جبل طاكا عليها جرحاتو فضهرو كامل دم بدا كيسيل الزاج تغرزلو فضهرو تجرح جرحة خطيرة بزاااف
كاميليا مشات كتجري لعندو
كاميليا : جبل جبل حبيبي سمحلي ما قصدتش بليز جبل كضرك ياك * كتصرف كيف شي هبيلة *
نورسين ما فهمات والو حطات يديها على فمها من هول الصدمة و دموع كيهبطولها من عبنيها
جبل :*خنزر فكاميليا واحد التخنزيرة من داكشي رفيع* غادي تخرجي من هنا ولا ما عمرك باقي تشوفي وجهي كاميليا:*بغات تقيسلو فضهرو* عفاااك ما قصدتش كلشي بسبابها هي
جبل: كااااااميليا خرجي عليا خرجي
كاميليا : ولكن ضهرك اهئ اهئ ..
جبل: كان عليك تفكري فهادشي من الاول ولكن بالحق والله لا دوزتهالك ماشي حيت ضربتيني انا حيت كنتي غادي ضربيها هي *شد كاميليا من دراعها ووصلها للباب ولحها وزدحو فوجهها *
كاميليا بقات كتبكي بجهد حد الباب وكتردد
"كلشي بسبابها هي غادي ندمها الله ياخك فيها الحق " هبطات فالدروج ومشات فحالها
عند جبل ونورسين
نورسين مازال مصدومة كلشي تعرم عليها دقة وحدة ما بقات فاهمة والو حاطة يديها على فمها و كتبكي
جبل مشا حدا واحد المراية لقا جرحة كبيرة بزاف خاصها تخيط و بالاضافة ان زاج دخلو فلحمو خاصو يتنضف
نورسين:*كتهدر مع ديك الشهقة د البكا * ككلشي بسبابي انا الي جيت عندك * كتمسح دموع بيديداتها و وجها ولا حمر ولات كيف شيدرية صغيرة هزات عويناتها من الارض و شافت فيه * عفاك سمحليا
ما حسش براسو جبل حتى عنقها و باسلها راسها
جبل : نتي ما درتي والو علاش كتعتادري انا اللي خصني نطلب الاعتدار على هادشي اللي وقع و شفتيه بسبابي
جبل: *تنهد* هاد الجرحة كيف والو مع الجرحة اللي عندي فقلبي سيري لداركم ترتاحي غاظي نمشي عند طبيب
نورسين :*شداتلو فيدو* بغيت نمشي معاك ما نقدرش نخليك بوحدك
جبل:*شاف فيها واحد شوفة خطيرة بزاااف و قال بصوت همس غير بشوية * خايفة عليا و ماخايفش على راسك الا فاقو واليديك و ما لقاوكش
نورسين : لا راهم مسافرين غير خليني نمشي معاك يالاه دغيا راه دم كيضيع منك
هز جبل سوارت ديال اللوطو و خرجوا بجوج من الدار ركب فطوموببلتو و مشاو لواحد لكلينيك خيطاتلو واحد الطبيبة الجرحة و عطات واحد البوماضة يبقا يدهنها لجرحة خرجوا من الطبيب و شدوا الطريق رجعوا للدار
نورسين : كي بقا ضهرك
جبل : عادي تعودت نحس بالم اكبر من هدا بلا ما تشغلي بالك
حط اللوطو و خرجات منها نورسين هي لولة عاد نزل جبل بشوية عليه
نورسين : نعاونك
جبل :* لقاها فرصة * الا بغيتي
مشات قربات حداه وشدات فيه و هو غادي غير بشوية عليه فرحان بزاااف وهي بجنبو واخا هو اللي جارها ماشي هي اللي جاراه هه
★★★★★★★
حقا جبل سعيد بزااف فهاد اللحظة ولكن فالحياة كيفما كاين سعادة كاين الحزن بقدر ما كتدوق السعادة بقدر ما كتدوق الحزن ولكن الحاجة زوينة فالحياة ان كلشي دايز الفرح و القرح ماكايدومو لحد كيفما كيطلع الليل لابد تشرق الشمس وشحال ما سقطات شتا و كان الجو مغيم لابد من الربيع غادي يطل علينا حتى واحد ما عارف شنو مخبيلو سيدي ربي المهم هو اننا نوكلو امرنا لله ونثيقو فيه وكيفما كنقولو ديما مدبرها حكيم
جبل نورسين الجزء الثالث
محتوى القصة
التنقل بين الأجزاء