جوهرة: *كتشوف فنورسين و كتهدر* حاسة براسي عيانة بزاف
ياسمين: اوا صافي ارتاحي
جوهرة:*ضحكات باستهزاء* ما بقات راحة
ياسمين: هاحنا خارجين عند جبل
جوهرة: *كتشوف فنورسين و تحجروا دموع فعينيها *سلموا عليه بزاااف
ياسمين: اويلي على نسلمو عليه راكي ماشي طبيعية هاد نهار ما عجبتينيش سيري كملي الفطور الله يرضي عليك هاحنا مشينا
خرجوا من دار و نورسين باغا غير امتى توصل تشوف الحصان الاسود اللي شافت مع جبل كيحمقوها العودان من صغرها
تمشاوواحد المسافة حتى وصلو عند جبل كان معنق العود ديالو و كيلعب فشعروا و كيهدر معاه
بالاسبانية
جبل : Vine a hablar contigo. Eres la única que me entendió. Vine para hacerte la persona más hermosa que he visto en mi vida. La amo y la amo. ¿Qué creo que estaba loca por su amor, sufro tanto mi amiga y tanto dolor de cabeza que no puedo dormir y siento que mi alma se aleja de mí? ( جئت كي أتحدث معاك انت الوحيد الدي تفهمني جئت كي أحدثك عن أجمل إنسانة رأيتها في حياتي أعشقها وأحبها مادا أفعل أظن انني أصبت بالجنون من حبها أتألم كثيرا يا صديقي وجعي كبير لدرجة أنني لا أستطيع ان أنام لدرجة أنني أحس بأن روحي تحتضر وهي بعيدة عني )
ياسمين: جبل
دار جبل و شاف فيهم لقا ياسمين مع نورسين كيشوفو فيه
جبل: ما تقوليليش مازال ما فطرتي ؟؟ ياك حطيتلك الفطور فبيتك *دوز يدو على شعرو بالفقصة*واش باغا تسطي دينمي واش بنتلك ناقص
نورسين:*دلات شنايفها بشكل طفولي* ما بغيتش عارفاكم خايفين عليا ولكن راه ما قديتش
جبل ضحكاتو بشكلها طفولي ضحك حتى بانولو سنيناتو البويض المستفين و الغمازات اللي عندو فوجهو
جبل:*تنهد و شاف فنورسين بلمعة كبيرة فعينيه و قال * i want you,nothing else,just you (أريدكي أنتي ، لا شيئ آخر، فقط انتي)
ياسمين شافت فيه و ضحكات فهماتو و قالت
ياسمين: غادي نمشي نفيق عبد المالك راه باقي ناعس نخليكوم دابا *غمزات جبل* تهلا فنورسين
انصرفات ياسمين و خلات جبل كيشوف فنورسين و كيبتسم دوك الشوفات و تروا نورسين
نورسين : احم واش ممكن نقيس فالعود ديالك
جبل: بطبيعة الحال
تقدمات نورسين لامام وبدات كتلعب معاه و تقيس فيه وحتى داك العود كان مهدن حنى راسو ليها حتى هو كيعجبوا اللي يفششوا
جبل:عجبك
نورسين: زوييين بزااف كيحمقوني العودان
جبل: سميتو سيزر
نورسين:سميتو زوينة بحالو
جبل:من بين أروع الحيوانات اللي خلق سبحانه و تعالى هو الخيل
نورسين: بصح فيهم جمالية بوحدهم من دون لحيوانات لخرين
جبل: *ابتاسم وقال* في الخيل عزّه لا يستطيع الإنسان أن يفهمها، إنّها تحزن ولا تبوح، وتتألم ولا تنكسر كنحس بيها كتشبهلي *دار شاف فالولد اللي مكلف بالعودان و قال*رشيد اجي سرج سيزر باش نركبوا عليه انا و نورسين
رشيد:واخا أسي جبل
رشيد قاد سرج لعود و فاش سالا هز راسو جات عينو فعين نورسين بقا كيشوف فيها
رشيد: ممكن أختي نسولك
جبل سمع هاد الجملة و دار عندو حيت كان عاطيه بالضهر خنزر فيه مطلع حاجب و مهبط لاخر
نورسين:تفضل
رشيد: سمعت موسيو جبل كيقولك نورسين وهاد السمية ديال واحد البنت كنت كنلعب معاها فاش كنت صغير الا عقلتي عليا انا هو رشيد
نورسين:*ابتاسمات* مزيان ونتا فين كنتي كتسكن
رشيد: فحي نسيم
نورسين: *شهقات* واو هادا هو سمية دربنا حتى حنا
رشيد: ياك نتي هي بنت فاطمة و محمد و كانت عندك واحد ختك سميتها كنزة كانت مزال صغيرة عاد تزادت
نورسين:*بابتسامة دابلة* اه كنت بنتهم دابا ما بقيتش *دمعوا عينيها * بلاتي ماما كانت كتقولي بلي فاش كنت صغيرة كنت كنلعب مع واحد الولد سميتو رشيد ياك نتا هو ولد صفية
رشيد: الله يرحمها اه انا هو ولدها صراحة صدفة زوينة هادي كنت بغيت نجي لعندكم شي نهار شحال لعبنا انا وياك نسيتي واقيلة
نورسين:ههه انا ما عقلتش بزاااف غير بعض تشاش كيدوز فراسي و صافي ولكن مزيان من لي عقلتي عليا هه
رشيد: مستحيل ما نعقلش عليك وانا شحال لعبت انا وياك و شحال دوزنا فصغر ههه
نورسين: توحشت دوك ليام د طفولة البريئة اللي كانت كتمحور على كونان و توم و جيري و باربي و فلة وعهد الاصدقاء أفضل من هاد الهراء اللي كانعيشوا فيه دابا توحشت ديك الطفولة البريئة فاش كنشوفوا قطعة من الخبز اليابس كنمشيو كنجريو باش نهزوها من الارض وكنهزوها لبلاصة عالية وكنصيفطوا قبلة لسما كاعتدار من الله سبحانه وتعالى توحشت أرواحنا طاهرة *هبطات دمعة من عينيها *
هاد الحوار كلو داز قدام أعين جبل اللي كان حاس بقلبو غادي يطرطق فاش شافها كتهدر مع رشيد اللي هو نفسو صديق طفولتها اللي كان كيغير منو فصغرو علاش دنيا خاصها ديما تعدبوا ؟علاش ديما خاصو يتقهر حتى لهاد الدرجة ؟ فوقاش غادي يجي هاد نهار اللي غادي تولي ملكو و يتهنى من هاد العداب
جبل كان حاس ببركان غادي ينفجر لداخل فقلبو صدرو بدا كيطلع و ينزل تعصب بزاف العروق ديال يدو برزوا بقوة الغيرة
💘💘💘💘💘💘غيرة صامتة💘💘💘💘💘
أشعر بالغيرة من كل شخص
يسبقني فيهدي قلبك الفرحة
كم تمنيت ان تكون أسباب سعادتك كلها بين يدي
💘💘💘💘💘💘💘💘💘💘💘💘💘💘💘
جبل ما حاس براسو حتى قال
جبل:*كيهدر ضاغط على سنانو* رشيييييييييد الا كنتي ساليتي من تعارف ديالك سير شوف شي شغل ينفعك
رشيد حدر راسو و انصارف
نورسين:علاش غوتي عليه حشومة عليك
جبل كيشوف فيها و حس بداتو ولات سخونة بزااف و العرق كيهبط منو و العروق ديال يدو زادو تزيروا على قبل كيفاش تجرأت دافع عليه واش بغات تحمقوا هو أصلن حاس بضيق تنفس واش ما حاساش بهاد العداب اللي كتعيشوا فيه
جبل دور وجهوا لجنب و غمض عينو و جمع يدو على شكل لكمة
نورسين:*قبطات فدراعو*جبل مالك
سمع سمية جبل من فمها حل عينو و دار شاف فيها
جبل: *بصوت خافت و حنين* مريض بزاااف قلبي *حط يدو على قلبو* كنحس شاعلة فيه العافية واش انا ما غانرتاحش من هاد العداب
نورسين: واش ديما كتحس بهاد الحريق
جبل:(هز راسو شاف فسما ) منين كانت فعمري عشر سنين وانا هاكا*هبط راسو شاف فيها * ولفت على الالم لكن هاد الالم اللي حسيت بيه فهاد اللحظة صعيب بزاااف
نورسين :خاصك تشوف طبيب
جبل: ما عندوش دوا
نورسين: وحتى لامتى غادي تبقى صابر
جبل: حتى نلقا الدوا
نورسين: الله يشافيك أخويا
جبل: ااااه الشفاء من هاد المرض صعيب شوية
قاطعهوم صوت جوهرة من اللور
جوهرة:*كتشوف فجبل* اجيو تفطروا
نورسين:*دلات شنايفها *بغيت نركب فوق العود
جبل: ولكن خاصك تفطري بعدا *كيشوف فيها واحد شوفة خطيرة و كيووووووت* باش تعمري الكريشة ههه ياك وباش ما تبقايش تمرضي لينا وباش تكوني بنيتة زوينة *جرلها نيفها *
نورسين: ههه ناري ضحكتيني حق الله درتيلي كيف شي بنيتة صغيرة
جبل: راكي مزال صغيورة
نورسين: ههه على فم سبع
جوهرة ما قدراتش تستحمل تشوف هاد تعامل اللي كايعامل بيه جبل نورسين ما حسات براسها حتى طاحت لارض و ناضت كتبكي
جبل شاف فجوهرة طايحة لارض مشا كيجري لعندها
جبل: جوهرة مالك
نورسين حتى هي مشات لعندها
نورسين: حبيبة مالك
جوهرة عنقات جبل بقوة بحال كتقولو نتا ديالي بوحدي ما ديال حد
نورسين : جبل شنو واقعلها
جبل مرر يدو على شعر جوهرة بحنان و قال بصوت حنين و طفولي
جبل: مال جوهرتي بقا فيك الحال حيت ما جبتلكش الشوكولا امم
نورسين : بالعكس احبيبة كلنا كنحتاجوا نبكيو باش نخرجوا داكشي سلبي اللي فقلبنا غير بكي و خوي قلبك احبيبتي
جبل:*بعد عليها و بدا كيمسحلها دموعها * حشومة عليك تبكي هاد العوينات بغيتي نتقلق منك
جوهرة:*كتحرك راسها يمين و شمال * لا عفاك ما تقلقش مني
جبل:*عنقها بجنب * واش كاين شي حد غادي يتقلق من جوهرة الحب ديالنا اللي مضوية علينا هادالكرة الارضية *قبطلها فخدودها برفق * سمعيني مزيان ما عرفتش شكون اللي تجرأ يبكيك ولكن انا الحاجة اللي عارفة هو انكي والحزن ما كتلاقاوش انت والحزن متضادين داكشي علاش عفاك ما تحزنيش الحزن ما تخلقش ليك السعادة والابتسامة هوما اللي تخلقوا ليك فوجهك الجميل يا جوهرتي لم يخلق الا للاشياء الجميلة
نورسين سهات فجبل كيفاش كيعامل جوهرة تعامل ديالو زوين بزاااف خصوصا مع الاناث
جبل: دابا خاصنا نمشيو نفطروا ياك
جوهرة حركات راسها بالايجاب ووقف جبل و مد لها يدو باش تنوض و ناضت حتى هي من الارض
انصارف جبل و خلا جوهرة مع نورسين تمشاو واحد المسافة لابأس بها
نورسين: شحال فعمرك اجوهرة
جوهرة دارت راسها ما سمعاتهاش و سبقاتها فطريق
نورسين: ويلي مال هادي
جوهرة سرعات فخطواتها باش ما تلحقش عليها حتى وصلات لفيلا و دخلات و سدات الباب و مشات كتجري دخلات لكوزينة وبدات غير كتزدح فالماعن كتحاول تبرد على راسها الفقصة اللي كتحس بيها
نورسين وصلت لباب و دقات المرة الاولى و المرة الثانية حتى واحد ما حلها الباب
نورسين: جوهرررة جوهرررة
سمعاتها جوهرة ومشات حلات الباب بنطرة و دخلات ما حاملاهش لاقصى درجة
نورسين مسكينة ما فاهمتش مالها معاها شحال خايبة يكون الواحد ما كيحملكش و كيحسدك و نتا ما عارفش ما كتعرفوا علاش مطوي
🖤🖤🖤🖤🖤🖤
مهما كنت تظن أنك محبوب لدى الجميع
فتأكد بأن أحدهم ينتظر اللحظة التي
تقف فيها على الحافة ليدفعك
نورسين ما عرفاتش شنو دير بقات واقفة شحال خايبة فاش كتكون غير فديور ناس غرباء عليك و ما عندهم حتى علاقة معاك كتحس براسك غير مثقل عليهم بقات نورسين كتشوف فديكور ديال دار تنهدات و مشات جلسات فوق الفوتوي مربعة يديها و جالسة ساهية كتفكر فهادشي اللي طاح عليها دقة وحدة غمضات عينيها وتكات من فوق داك الفوتوي و هبطات دمعة من عينيها وسرحات داكرتها للماضي داك الماضي اللي فيه مجموعة من دكريات اللي كتخلينا نتفكروهوم بين الفينة و الاخرى
"للماضي حنين دائم ولكن ليس له رجوع
مهما بلغت روعته الماضي لايعود"
▶️▶️▶️ فلاش باك
كانت نورسين فعمرها عشرة سنين و ماماها فاطمة مجلسها فحجرها و كتمشطلها شعرها بحنان
نورسين: ماما واش كتبغيني ؟
فاطمة: هههه واش هادا سؤال أ الهبيلة كنبغيك بزااااف قد السما و الارض
نورسين: حتى انا كنبغيك
فاطمة باستها فخدها و كملات ليها المشيط
نورسين: ماما
فاطمة: نعاام
نورسين: وعلاش بابا ما كايبغينيش
فاطمة حطات المشطة من يديها و دورتلها و جهها لعندها
فاطمة: علاش ابنتي شنو دارلك
نورسين: ما كيلعبش معايا بحال البنات لوخرين ندى صاحبتي باباها عاد شرلها مونيكة زوينة و ديما كيشريلها بيمويات و ديما كيجي يديها من المدرسة *غرغروا عينيها بالدموع* وانا بابا عمروا حتى ما داها فيا ما عمرو شرالي شي حاجة زوينة ياك انا ما عمري درتلو البسالة وهو ديما كيغوت عليا و كيضربني اهئ اهئ
فاطمة عنقاتها كطبطب على ضهرها
فاطمة: الله على بنيتي هادشي كامل هازه فقلبك هادشي اللي عطا الله باك قلبو قاصح كي الحجرة من ديما كان باغي الولاد و منين ربي ما رزقوش بيهم جالس يرد الحر فيكم نتوما الله يهديه على راسو *قبطاتلها فخدودها * ولكن انا كنبغيك احبيبتي اكثر منو و غير تجي عشورة نشري لبنتي اكبر مونيكة
نورسين: ياااااي شكرا *طارت عليها بتعنيقة * شكرا اماما
🔚🔚🔚 نهاية الفلاش باك
ما فيقها من سهوتها غير صوت جوهرة اللي واقفة على راسها كي جادارمي
جوهرة: نوضي تفطري
نورسين: واخا
مشات جلسات من فوق المائدة و حطات يديها على خدها و هبطات ياسمين و عبد المالك
عبد المالك:نورسين بنتي كي بقيتي شوية
نورسين: حمد الله اجدي يسول فيك الخير
تحل الباب وهو يدخل جبل و من موراه رشيد دخل و سد الباب
ياسمين : جبل اجي تفطر
جبل: نريكل شي امور و نجي
جبل شاف فنورسين
جبل: شربتي دوا ولا مزال
نورسين: مزال
جبل: جوهرة الله يرضي عليك طلعي للبيت غادي تلقاي دوا فوق الكوافوز هبطيه باش تشربوا
ياسمين: رشيد ولدي كي داير
رشيد:*حاني راسو كيحشم بزاف* الحمد الله ا الحاجة
عبد المالك: رشيد جلس تفطر معانا
جبل هز راسو خنزر فجدو
رشيد:مرة أخرى انشاء الله
جبل: رشيد تفضل معايا لبيرو
طلع جبل و تبعوا رشيد من اللور حتى طلعوا لطابق الثالث حل جبل باب المكتب ديالو اللي كان تصميمو جد راقي
جبل مشا جلس فالكرسي و بقا رشيد واقف
جبل: جلس ما تبقاش واقف
رشيد: مرتاح هاكا اسي جبل ممكن تقولي فاش محتاجني
جبل هز ستيلو من فوق البيرو و بقا كيلعب بيه و كيشوف فرشيد شي شوفات وتروه حتى رشيد.دخلوا الشك بدا كيقولو مع راسو واش دار شي حاجة ماشي هي هاديك
جبل: فكرني فسميتك
رشيد: *استغرب من هاد السؤال *رشيد العمراني
جبل وقف و بقا غادي بخطوات موزونة حتى وصل حدا رشيد جا اونفاص ليه
جبل: *كيدوز يدو على لحيتو الكثيفة *هاد الاسم عندي معاه عداوة قديمة
رشيد هز راسو و شاف فيه بعلامات دهشة و استغراب
رشيد: كيفاش اسي جبل
جبل: عداوة طفولة كنت كنقلب عليك من شحال هادي صراحة صدفة زوينة
رشيد :مافهمتش اسي جبل
جبل: *تمشا بخطوات موزونةحتى جلس فوق الكرسي* كنتي كتشفر الحلوة من الحانوت ديال باباك باش تعطيها لنورسين ياك
رشيد: اه بصح عقل صغر ههه ايه يا ليام و لكن نتا باش عرفتي هادشي كامل
جبل: ما كايهمش كي درت عرفت المهم هو اني عارف هاد نهار غادي تجمع حوايجك
رشيد: علاش اسي جبل ؟ واش درت شي حاجة ماشي هي هاديك ؟
جبل: مازال ما كملت هدرتي ما كنحملش اللي يقاطعني غادي تجمع حوايجك و غادي تمشي تكلف بالمزرعة اللي فامريكا ما عندك ما دير هنا غادي يطلعك الراتب شهري بضوبل و غادي تكون عندك دارك احسن من هنا اش قلتي موافق
رشيد:*بفرحة*اكيد موافق الله يعطيك الخير اسي جبل
جبل: تما نتا اللي غادي تكون مسؤول على المزرعة كلها يعني المسؤولية غادي طلع نتمنى تكون قدها
رشيد:اكيد موسيو جبل شكرا بزاف
جبل:بامكانك تخرج
خرج رشيد فرحان الحلم ديالو غادي يتحقق واخيرا غادي يمشي لأمريكا حلم ديالو منين كان صغير وهو كيطمح يخدم فامريكا ولكن ظروف ما ساعداتوش بتاتا ولكن هاهو دابا فرمشة عين غادي يمشي ولكنه غافل على حجم المسؤولية الللي غادي يتكلف بيها
جبل ما صيفطوش لديك المزرعة عبثا ديك المزرعة اللي فامريكا كبيرة بزااااف قدها قد الخلا غادي يكره حياتو حيت وافق يمشي يخدم فيها
■■■■■■♤
يقول الله عزوجل {عسى ان تحبوا شيئا وهو شر لكم}
فكم من إنسان سعى الى شيئ ظاهره خير وبدل الغالي والنفيس من أجل الحصول عليه ولكن في باطنه شر كبير 💔💔💔
هبط رشيد وو صل باش يحل الباب يخرج وهو يسمع ياسمين كتعيطلو
ياسمين: رشيد جلس اولدي تفطر معانا الله يرضي عليك
دار رشيد عندها
رشيد: مرة إخرى انشاء الله
عبدالمالك: والله تا تجلس تفطر حنا اللي جا عندنا وعتب باب دارنا خاصو يشرك معانا طعامنا
نورسين غير كتبتسم و كتشوف فيه حتى هي بغاتو يفطر معاهم صديق طفولتها
رشيد:واخة أ الحاج هانا جاي
تقدم رشيد و جلس حدا الكرسي د نورسين على اليمين ديالها
رشيد عمر كاس د الماء و عطاهلها و كيشوف فيها بنضرات خوف عليها حط رشيد يدو مور ضهرها حيت خاف عليها
وصل جبل و ما يجي غير فلقطة ديال رشيد حاط يدو على ضهر نورسين و كيشوف فيها جمع يدو على شكل لكمة و قال بصوت خشن
جبل: *كيهدر ضاغط على سنانو*مرحباااااا بسي رشيييييييد
رشيد حيد يدو من مور ضهر نورسين و دار شاف فيه
رشيد:ترحب بيك جنة موسيو جبل
جبل باين فيه معصب لاقصى درجة مشا جر الكرسي بقوة اللي حدا نورسين على يسارها و جلس داتو كلها كترعد بالاعصاب
جوهرة ناضت وكبات القهوة كحلة لجبل و عطاتهالو
ياسمين: بنتي نورسين دوزي كاسك شفت ماكلتك قليلة
نورسين:لا اجدة و الله كلشي قدامي لهلا يخطيك
ياسمين:ندهنلك الخبز بالكونفيتور د المشماش
رشيد: لا االحاجة راه نورسين عندها حساسية منو منين كانت صغيرة
جبل كان هاز واحد الموس صغير فيدو كيلعب بيه أو لا نقدروا نقولو كيبرد فيه الغدايد فاش سمعوا قال هاد الجملة هز راسو و شاف فيه ما عجبوش الحال يكون عارف على نورسين بحال هاد المعلومات و هو ما عارفهاش حس براسو مخنوق نفس ما قادرش يطلعوا شاف فيه شي شوفات كون كانو قرطاس كن قتلو
جبل: *كيهدر ضاغط على سنانو* شنو عارف على نورسين أخور
رشيد: امم بزاف د الحوايج
نورسين: برافو عليك صراحة صدمتيني ما توقعتش غادي تكون عاقل
رشيد:*كيشوف فنورسين بابتسامة* ما دوزناش قليل انا وياك فصغر
نورسين:هههه بصح كانت كتقولهالي ماما كانت كتقولي كنت عفريتة فصغر كانقيل ندور على دراري ديال درب نلعب معاهم
رشيد: ههه ولكن كنتي كتلعبي معايا انا اكثر
جبل ما بقاش قادر يستحمل برك على داك الموس حتى تجرحات يدو وقال
جبل: رشيييييد واقيلة خاصك تمشي تجمع حوايجك
رشيد ناض من فوق الكرسي
رشيد: شكرا بزاف على الفطور
ياسمين:فين غادي اولدي كمل فطورك
رشيد: لا أ الحاجة مرة أخرى انشاء الله دابا غادي نمشي نجمع حوايجي باش نسافر
عبد المالك: فين غادي تمشي
رشيد: غادي نتكلف بالمزرعة د موسيو جبل لي فأمريكا
ياسمين: طريق سلامة أ ولدي
رشيد: لهلا يخطيك أ الحاجة *شاف فنورسين* نورسين تهلاي فراسك نتلقاو مرة أخرى
نورسين:انشاء الله طريق سلامة
خرج رشيد و خلا موراه انسان مجروح باطنيا و ظاهريا جبل ولا كيحس بدنيا كتحاول تبعد عليه نورسين هي ديالو ما خاص حتى شخص يهدر معاها او لا يقرب منها هو ما كيطلبش أكثر من هادشي بقا جبل ضاغط على داك الموس حتى جرح يدو جرحة كبيرة دم بدا كيهبط من يدو و هو ما حاسش بيه حتى شافتو جوهرة و هي تشهق
انصارفت نورسين و طلعت فالدروج بتثاقل حتى وصلت لبيت اللي عطاوها لمحات الباب د البيت اللي حداها محلول مشات كطل وهو يبان ليها جبل جالس من فوق السرير و يدو كاتقاطر بدم و مخنزر و صدرو كيطلع و يهبط بالاعصاب نورسين ما حسات براسها حتى دخلت عندو حاطة يديها على فمها
جبل :ياك قلتلكم ما يجي عندي حد *هز راسو شاف فيها * خاصك ترتاحي راكي مزال مريضة
نورسين ما داتهاش فهدرتو وصلت حتى لعندو و حنات على ركابيها باش تجي فنفس المستوى ديالو
نورسين: يدك أ جبل واش ما كاتشوفهاش خاصك تداويها
جبل: *ابتاسم باستهزاء * و الجروح اللي عندي فقلبي شكون يداويهوم و النار اللي شاعلة فيا لداخل شكون يطفيها شفتي هاد جرحة ما كتسوا والو قدام داكشي اللي عندي لداخل
نورسين: واش حماقيتي فين عندك علبة الاسعافات
جبل: فالمجر اللي من موراك
وقفات نورسين و مشات حلات واحد المجر جبدات منو علبة الاسعافات حلاتها و جبدات منها شنو غادي تحتاج
و رداتها لبلاصتها ومشات حداه حنات على ركابيها و جبدات القطن تنظفلو داك دم جبل غير حاضيها بعينيه وساهي فيها
جبل : علاش أنورسين هاد العداب كامل علاش شنو درتليك
نورسين هزات راسها و شافت فيه و علامات دهشة و الاستغراب واضحة على وجها
نورسين: ما فهمتش شنو كتقصد
جبل: *وقف و دوز يدو على شعرو* من ديما ما كاتفهمينيش شنو كنقصد ماشي شي حاجة اللي غريبة عليك
نورسين حتى هي وقفات بدورها و مشات وقفات حداه
نورسين: واخا أسيدي هانا نقولك علاش ما كنفهمكش حيت هضرتك غامضة و ما عندها حتى معنى
جبل:*وقف حداها و شدلها فيديها بقوة* واخا هانا غادي نفهمك انا كنبغييييييك انورسين من هادي عشرين عام وانا كنتقطع انا ما جيتش سكنت تحت من عمارتكم غير هاكداك سكنت حداكم باش نتقرب منك ونزيدك انا اللي شريت المكتبة اللي كتخدمي فيها و كتبتها بسميتك هادشي كامل حيت كنحماق عليك و كنتسطى على كل تفصيل فيك نتمنى نكون فهمتك جزء صغير من داكشي الي كنحس بيه اتجاهك
نورسين انهارت فالارض و بدات كتبكي اش هاد الخبر المفاجئ اللي نزل عليها بحال الصاعقة بدات كتحرك راسها يمين شمال و كتغوت وكتردد بصوت مرتفع
نورسين: انا مادرت والو مقارنة مع داكشي اللي درتيلي نتا
خرجات من البيت ديال جبل و دخلات لبيتها و مشات تكات عنقات دبدوب ديالها و بقات كتشوف فسقف و كتفكر فحياتها كيفاش كانت وكيفاش ولات من بعد ما كانت بنت بسيطة كتفيق فالصباح و كتمشي للمكتبة و تخدم بنيتها و ترجع لدار و تقرا الروايات الرومانسية و تنعس و هكدا ودواليك هدا هو روتين ديالها اليومي دابا ولات بنت موسخة فعين واليديها و عائلتها علاش هي اللي يوقع ليها هادشي علاش اللي قلبو ضريف و حنين خاصو يتعدب و خاصو يقاسي فحياتو علاش هي ديما مضلومة فصغرها و فكبرها حتى لهاد الدرجة واش هي ما عمرها غادي ترتاح من هاد العداب ياك كيقولو الاب هو سند وهو ضهر الحامي اللي كيعاون بنتو و كيحضنها و كيحميها من دياب اللي فالدنيا علاش هو فاش جاتو الفرصة باش يلوحها للزنقة لدوك دياب مترددش و ما فكرش جوج د المرات أكثر حاجة ألماتها هو انه دارولها جنازة وهي حية قتلوها و دمروها وهي كتشوف بعينيها ما عندها لا حول ولا قوة باش تواجههم بداو دمعوا كيتساقطوا من عينيها و بدات كتغني الاغنية اللي كتعبر على حالتها
💎💎💎💎💎💎💎💎
طريقي عامرة شوك بقيت ساهي و كانشوف حاني راسي و قدامي الموت وعايش غير وحدي زمان ولا ضدي صابر و كانعدي و دازت سنين و عوام و دات معاها حلام راها دات كلشي و ماعليش
ودازت سنين و عوام
و دات معاها حلام راها دات كلشي و ماعليش و حبك لي مصبرني مخليني نعيش ونقوليك اشنو تسوا هاد الدنيا بلا بيك وحبك لي مصبرني مخليني نعيش ونقوليك اشنو تسوا هاد الدنيا بلا بيك ايام حليت الكتاب كانقلب عالجواب ساع فهمت بلي راه مكتاب ورضيت الرب و الخاطر
ولقيت وجه اخر
شديت دموعي و بكييت و دازت سنين و عوام و دات معاها حلام راها دات كلشي و ماعليش و دازت سنين و عوام و دات معاها حلام راها دات كلشي و ماعليش وحبك لي مصبرني مخليني نعييش و نقوليك اشنو تسوا هاد الدنيا بلا بيك و حبك لي مصبرني مخليني نعيش ونقوليك اشنو تسوا هاد الدنيا بلا بيك وطريقي عامرة شوك بقيت ساهي و كانشوف حاني راسي و قدامي الموت و عايش غير وحدي زمان ولا ضدي صابر وكانعدي
أب نورسين من ديما كان قاصح معاها و معقدها فصغرها هاد الشخصية الضعيفة ديالها ما جاتش غير هاكاك و انما كان الاب ديالها فصغر كيخلعها و كيقمعها حتى ولات بحال هاكا كتسكت على حقها و ما كتهتمش براسها
نورسين سرحات بيها داكرتها للماضي اللي كنحاولو نهربوا منو و لكن ديما تابعنا كي اللعنة
🔙🔙🔙 فلاش باك
نورسين طفلة العشر سنوات كانت جالسة مع ماماها كتفطر حاطين أتاي و الخبز و زيت و البيض كأي عائلة مغربية
فاطمة: يالاه فطري أبنتي دغيا باش تمشي للمدرسة
نورسين: واخا أ ماما
فاطمة: *كتشرب كاس دأتاي* شعرك تبارك الله بدا كيطوال
تحل الباب وهو يدخل محمد وفيدو واحد ميكة كحلة سد الباب و دخل حط ديك الميكة كحلة فوق الطبلة و جلس
فاطمة: اش هادشي جبتي فهاد ميكة
محمد: طوندوز
فاطمة: كيفاش طوندوز لمن باغي تحسن
محمد: لنورسين
فاطمة: ههه جالس كتفلا دابا
محمد: ما كنضحكش غير تجي نورسين من المدرسة نحسنلها شعرها نردولها كي الولد اللي ما عنديش اصلن غادي يكون دايرلها صهد
فاطمة: واش انت بعقلك ولا بلا عقل واش شكات عليك واش ربي ما عطاكش الولاد بغيتي ترد البنت ولد صحة
محمد: و مازال غادي نشريلها الحوايج ديال دراري غادي يجيوها احسن من دوك الكساوي اللي تقيلي تلبسيلها
فاطمة: اوا حربش تقيس فيها الا ما خرجتك فجورنال ما نتسماش انا فاطمة بنت حادة
محمد: *وقف وهز يدو و عطا لفاطمة تصرفيقة دايزها الكلام* شنو غادي ديري فملك الله أخرتها غادي نمشي نتزوج عليك و نلوحك لزنقة نتي و بناتك و شوفي شكون يصرف عليكم *هز صبعو كتهديد👈👈* هاودني منك أ فاطمة تقاي شري *خرج و زدح الباب*
نورسين كانت غير كتشوف و تبكي و حتى فاطمة دارت يديها على خدها و جلسات تبكي على زهرها العوج وعلى هاد الراجل اللي مزوجة بيه باغي الولاد بزز و من اللي ما عطاهوملوش الله باغي يرد بناتو بحال الولاد
نورسين ناضت من الكرسي و عنقات ماماها بقوة وناضو يبكيو بجوج
فاطمة: باباك ابنتي احمق و باغي الولاد بزز الله ياخد فيه الحق فهاد نهار الله ياخد فيه الحق
نورسين من صغرها كانت بنت دكية و نشيطة و فيها دقة الملاحظة و لكن باباها كان كيخلعها بزاااف لدرجة ولات كتبول فالفراش بقوة الخوف اللي عندها من باباها كان ديما قامعها و كيضربها واخا ما ديرلو والو و ديما كيغوت عليها حتى ولات عندها شخصية انطوائية و ضعيفة
🔚🔚🔚 نهاية الفلاش باك
عند يعقوب و سلمى
يعقوب :*جاي بسرعة فطريق * اش بانليكم نضوبل ديك الطوموبيل
سلمى: غير ديرها ابيبي انا معاك تا الموت
سارةج: أ عباد الله واش باغيين تقتلوني وانا مزال ما شفت ما تشوفت *هزات صبعها ☝️☝️* أشهد أن لا إلاه إلا الله واشهد ان محمدا رسول الله *شدات فقلبها * {يا أيتها النفس المطمأنة ارجعي الى ربك راضية مرضية } صدق الله العظيم
سلمى دارت عند سارة
سلمى: حتى لدابا عاد كدكري الله دايرة كي الحمال ما كيدكر الله غير تحت ثقل
سارة: هبطوني أ عباد الله الا عاودت جيت معاكم عكرولي بالعكر الفاسي *كضرب رجليها * ولكن هااااااد الرجلين اللي عندي زايغين اشداني نجي كن بقيت فدارنا خاصني نقطع هاد الرجلين باباهم من جدر
يعقوب و قف الطوموبيل و حيد السمطة و دار عند سارة و قال
يعقوب: ها حنا وصلنا واخيرا يالاه فرحي أ لالة و ياسعدي يا لالا و باركي ليا وصلت سارة و حيدت لومة عليا هههه
نزلت سارة كطير من الطوموبيل و كتجري و تبعاتها سلمى و يعقوب
سلمى: أ ديك العفريتة تسناي
دارت سارة عندها و طلقات لسانها
سارة :😝😝😝 أخير مرة نجي مع هبال بحالكم
يعقوب: علاش هبال بنالك كنلوحو حوايجنا
سارة: داكشي اللي بقالكم كلشي درتوه
*دارت و كملات جرى حتى و صلات للفيلا و بدات كتدق فالباب بجهد*
فنفس الاثناء كان هابط جبل فالدروج من الملامح د وجهوا باين مكره ما حا ملاش العالم كان لابس قبية فالكحل و شورط حد الركبة فنفس اللون و يدو ملوي عليها الفاصمات بويض و داير القب على راسو و هاز شكارة فضهرو و شعر هابطلو على عينو
سارة:*شدات على راسها *علاش فكرتيني فدوك الهبال شوية و يقتلوني بالخلعة
جبل:*ضربها لنيفها * ياك كنقولك ما تعاوديش تقولي عليهم هبال راه ختك هاديك والا قلتي عليها هبيلة حتى انتي غادي تكوني بحالها
سارة: الله يسترني ما نكون بحالها انا بعقلي عليها انا كنقول غير الحقيقة ياك نتا أعمو اللي كنتي كتقولي مزيان نقولو الحقيقة شوف نتا شحال بعقلك و غزال و متبت احسن من هادوك ما عرفت فين كان عقلك منين تصاحبتي مع داك يعقوب و سلمى غير نص عقل
يعقوب و سلمى كانو واقفين فالباب كيسمعوا لهدرتها صدماتهوم
يعقوب: ياك أ الفارة جالسة كتحرشيه علينا ما حشمتيش
سلمى :ما عرفتك ختي ما عرفتك عدوتي يا المشعككة
سارة دارت عندهم و عوجات فمها 😏😏😏 وقالت
سارة: انا نقولكم هبال و ما نخليش شي حد يقولها ليكم شفتو شحال انا ضريفة
جبل:*مرر يدو على شعرها*ما قلتيليش شنو تبغي نجيبلك معايا
سارة: ما بغيت والو بغيتك غير تبقا معايا
جبل:*بابتسامة* خاصني نمشي نطريني شوية
سارة:*شهقات* نتا كتمشي طريني فاش كتكون معصب ياكما عصبك أ عمو شي واحد والله حتى ندموا
جبل:ما عصبني حتى واحد اجي بعدا علاش ما جمعتيش شعرك لاش خالياه مطلوق
سارة:كيعجبني هاكدا
سلمى: كنعيا معاها تجمعوا والو بحال كنهدر مع الحيط
يعقوب: غادي يديرلها صهد هاكا
سارة عاود دارت عندهم
سارة: كتعجبني ضفيرةاللي كيديرلي عمو جبل و حتى واحد فيكم ما كيعرف يصوب بحالها
جبل ضحك حتى بانو الغمازات اللي عندو فوجهو
جبل: اوكي هانا نصوبهالك
حط جبل سارة لارض و جلس على ركابيه و بدا كيقاد لسارة ضفيرة لشعرها
فنفس الاثناء كانت هابطة نورسين بشوية عليها فدروج جاها العطش و بغات تشرب سمعات الهدرة و طلات شافت شكون لقات جبل كايقاد الضفيرة لسارة و حاني على ركابيه و عاطيها لخاطر سهات فيه و بقات كتبتاسم
للحظات تمنات كن كاني يرجع الزمن اللور و تكون فبلاصة ديك البنيتة و باباها فبلاصة جبل و يكون كيعاملها بحال هاد المعاملة ما كرهتش حتى هي باباها كن كان كيحن فيها و كيقولها كلمات زوينين و كيشريلها الالعاب و يقرب ليها و يشوف شنو خاصها ولكن كتبقا أمنيات فقط و أحلام ما بقات عندهم قيمة فلحظة اللي هي فيها خانتها واحد الدمعة وهبطات كتجري من عويناتها تقدمات بخطوات ثقيلة حتى وصلات حداهم و ربعات يديها كتشوف فجبل كيفاش كيصوب لديك البنيتة و كيقاد لها شعرها كانت مستمتعة بهاد المنظر الرائع اللي شافت
سلمى هزات راسها شافت نورسين و هي تشهق بالصدمة
جبل كمل لسارة الضفيرة ووقف
جبل: ها حنا سالينا
سلمى:*حاطة يديها على فمها* نوووووورسين
نورسين هزات راسها شافت فسلمى بعويناتها المدمعين اللي غالب عليهم اللون الاحمر
سلمى مشات كتجري عند نورسين
سلمى: أش كديري هنا
نورسين بقات كتشوف فسلمى لثواني و طاحت عليها عنقاتها كتشهق بالبكا
نورسين: ما بقيتش قادرة نستحمل اهئ اهئ اختي ما بقيتش قادرة نستحمل علاش انا اللي يوقعلي هادشي من دون ناس غير قوليلي علاش شنو هو الخطأ اللي درت فحياتي باش نتعاقب عليه هاد العقاب اهئ اهى *كتعنقها وتزير عليها* ظلموني اختي ظلموني عائلتي
جبل ماقدرش يضور عندها حيت كيضعاف ما كيقدرش يشوف دموعها جمع يدو على شكل لكمة 👊 و قال
جبل: ما تبقايش تبكي على عائلتك ما كتستاحقش داك الدموع اللي كطيحي من عينيك على قبلهم حيت اللي كيستاهل دموعك عمرو ما غادي يخليك طيحيهوم
قال هاد الكلمات و خرج و يعقوب تبعوا
يعقوب: كتبقى فيا ديك البنت و الله ما تستاهل قلبها بيض
جبل: حيت قلبها بيض كتعدب اللي قلبو كحل أصلن ما عمروا كيتعدب حيت ما عندوش ضمير من أساسو *وقف جبل و شاف فيه* جبتي الضواسة اللي قلتلك
خدا جبل السوارت و مشا طلع فطوموبيلتو و طلع معاه حتى يعقوب
جبل :*تكا راسو لور و حط يدو من ورا راسو *
وحق رب الا العداب الأليم كنتعدب أخويا منين كنشوف نورسين كتبكي على داك شماتة د باها اللي لاحها لزنقة ما قادرة نديرلها والو كنحس براسي عاجز كنتعدب فاش كنشوفها بعيدة عليا كنتعدب فاش ما كنقدرش نقولها بداكشي اللي كانحس بيه كنتعدب فاش كنتوحشها و ما قادرش نقولها توحشتك كيقولو بلي لغة الصمت أفضل لغة التعبير *ابتاسم باستهزاء* فماذا لو عجز الصمت مثلما عجز الكلام ؟
يعقوب: جبل برب العلي العظيم إلا غادي تخرجلي العقل أصاحبي راه الحل حداك فوقاش غادي تقولها انا باغيك أبنت ناس واش تقبلي بيا نسترك و نتزوج بيك ها العار واش هادي حاجة صعيبة هاد الهدرة اللي كتقيل تقولي و كتقيل تعبر بيها على حبك ليها سير أ خويا قولهالها و تهنا مالك على حالك هاز هاد جبال و جالس تعدب فراسك على والو والحل قدامك
جبل: غادي تقولي غير كتشفق عليا واصلن شو حالتها كي مدمرة نمشي انا نقولها راني باغيك واش تزوجي بيا واش حماقيتي ولا مالك
يعقوب: إخويا دبر راسك نتا تعرف شنو دير
جبل ديمارا طوموبيل و زاد
عند نورسين
سلمى: الله على صحيبتي الله اشنو وقعلك
نورسين:*كتنخصص بالبكا* قولي شنو ما وقعليش
جوهرة كانت جالسة حتى هي معاهم كتسمع شنو غادي تقول وحتى سارة جالسة كتشوف فيهم
سلمى:عاوديلي أ حبيبتي راه قلبي حتى انا كيتقطع فاش كنشوفك بهاد الحالة هادي
نورسين: عائلتي شافوني مع جبل فالعمارةو فهموا غلط و لاحوني لزنقة و من فوق هادشي دارولي جنازة اهئ اهئ
جوهرة:احم وانتي شنو كنتي كديري مع جبل فدار سمحيلي ولكن كن كنتي فداركم ما يوقعلكش هادشي
سلمى دارت خنزرات فجوهرة
سلمى: كانت كتقولنا جدة الله يرحمها فهاد نهار اللي ما عندو مايشد يشد فمو و تكمشي احسنلك باركة من طيران حتى واحد ما طلب رأيك *شافت فنورسين* كملي أحبيبة
نورسين: *كتشوف فنقطة وحدة و كتهدر* عندها صح كن ما مشيتش عندو ما كانش غادي يوقعلي هادشي أنا كنت بغيت نعاونو كان مجروح فضهرو و لكن من زهر العوج اللي عندي شافتني عائلتي و لكن هادشي اللي كتب عليا الله ما عندي ما ندير
جوهرة: سمحيلي أختي ماشي الواحد يديرها بيدو و يقول كتابت عليا
سلمى: جوهرة سدي فمك و ديريلو عتيبة راه الفم المسدود ما يدخلو دبان و لا عرفتي شنو ديري نوضي صوبينا شي كاس ديال أتاي راحنا ضياف زعما و انتي جالسة طالقة ودنيك
جوهرة ناضت بنطرة لكوزينة
سلمى: ما تديش على ديك جوهرة غير كتخربق قلتي دارولك جنازة *هزات يديها فسما كتشالي بيهم* انا بغيتلهم تشتيتة فهاد نهار انا بغيت كسكسو اللي كلاو يوقفلهم فركابي انا بغيت ربي ينزل عليهم لعنة صبا صبا انا بغيتلهم غير تهريسة يجيو على عظيم طيو *حطات يديها على قلبها و بدات تبكي* الله على صحيبتي و شنو داز عليها الله يا ربي الله ياربي شوف من حالتها يا ربي*سلمى دارت شافت فنورسين* كاين اللي عندو
لعقل و كاين اللي مثقل بيه و هاد طاسيلة اللي بلاك بيهم سيدي ربي غير مثقلين بيه واش اعباد الله كاين شي حد كايدير جنازة لبنتو و هي حية واش هادو خرجلهم العقل أ عباد الله *عنقات نورسين بجنب * اوا اش غادي نقولك أ حبيبتي ما عليك غير بالصبر من هاد النهار حنا هوما عائلتك نساي عليك ديك التريكة د الويل
سمعيني نقولك ما تضيعيش حياتك ونتي مفقوصة على ناس مشاو و خلاوك نسايهوم يدور الزمان و يرجعوا يتمناوك
نورسين:*كتنخصص* كتحضي راسك من البراني الغريب كاتصدق ضربة جاياك من القريب هداك اللي درتي فيه الخير وحسبيته حبيب
سلمى: بكي أختي و خوي قلبك ابكي أختي على اللي حسبتيهم حباب و غدروك و فوقت الشدة باعو ك ونكرو العشرة و خانوك
سارة: اووووف طيحتوا عليا ضيم
نورسين بعدات على سلمى و شافت فسارة
نورسين:شكون هاد البنيتة
سلمى: هادي سارة ختي العفريتة
نورسين: غزالة تبارك الله
سارة: *كتعوج فمها 🙄🙄🙄* عويناتك أحبيبة
نورسين: مشاء الله ما كتشابهوش فالوجه بزااف اللي شافكم يقول ماشي خوت
سلمى :*كتشوف فختها * ايوا الله ينعل اللي ما يحشم وجهك صحيح يا ختي *شافت فنورسين* هاد شيطانة كتشبه لبابا هو اللي سمر وانا كنشبه لماما بيضة
سارة: انا ماشي سمرا انا حبة كراميل
نورسين : جاتك ضفيرة زوينة
سارة: اكيد حيت صوبهالي عمو جبل الغزال أكيد غادي تكون زوينة بحالو
نورسين: سلمى ختك عزيز عليها جبل بزاااف على ما بانلي
سلمى: مقطر لها من عينيها يا ختي تقول ساحر ليها
عند جبل و يعقوب
فواحد لصال كبيرة عامرة بلآلات الرياضية كان جبل داير قفازات الملاكمة و كايضرب فديك اللعيبة د البوكس على حر جهدو و شعرو هابطلو على وجهو و العرق كينزل منو
جبل: كل واحد قولي شنو المعلومات اللي جبتي عليه
يعقوب كان متكي على الحيط و مربع يدو
يعقوب: بمن بغيتي نبدا
جبل: *ابتسامة شر * العساس
يعقوب: العساس عندو واحد ولدو فطاليان صيفطوا باش يقرى صدق كيبيع المخدرات و داخل مع واحد المافيا عاد بادية و كيتاجروا فالاعضاء البشرية باه كيتقاتل باش يقريه وهو كيلعب من مور ضهرو
جبل: *بابتسامة* الله على خبار صافي كاين غير هادشي
يعقوب: مازال الخير عندو واحد بنتو كتقرا فليسي ولكن ضوسيها مق** مزيان ديما كتدخل لقهاوي دشيشة و مصاحبة مع واحد الشارف كيقيل يساريها
جبل: *كيضحك بشكل هيستيري* ولد القح** جالس كيحل فمو على بنات الناس و ناسي راسو ز*** اللي حطو نبغي ولدو يدخل لحبس ليوم قبل من غدا وبغيتك تشوه بنتو فالعمارة كاملة توتو فالدرب كامل توتو فالمغرب كامل
يعقوب: *غمزو* كن هاني
جبل: شكون اللي صورنا فاش كنا فالمطعم
يعقوب: شفنا الكاميرات ولقينا بلي خطيب ختها علي و كان معاه واحد صاحبو عيسى
جبل و قف البوكس ولاح دوك ليكات اللي كان لابس
جبل: شكون عيسى
يعقوب: عيسى المرابط اللي كان اللي قرا معانا فأمريكا أصاحبي كان كيتسطى على كاميليا و كان ما كيحملكش حيت كانت ديما لاصقة فيك
جبل: وهو أش كيدير معاه
يعقوب: صدق صاحبو الانتيم
جبل:المعلومات اللي جبتي على خطيب ختها
يعقوب: حتى هداك مقو** مزيان صدق كيخون ختها مع بنت المدير ديالو و كيستغلها و كيتلاعب فالحسابات ديال شركة فين خدام
جبل: ههه اش هادشي صدمتيني كلشي طلع يهودي مقطر
يعقوب:*جبد الكارو و شعلو و ساط دخان* مازال الخير و البراكة و المفاجأة الكبرى الاب ديال نورسين صدق مزوج بمرأة أخرى
جبل شد على راسو
جبل: صدمتيني بالله كلشي مكبتها و جالسين كيحلو فمهم على حبيبتي جبدو على روسهم النحل بغيت كلشي يتفضح ما تبقا حتى حاجة مخبعة بغيتهم يتشوهو كيفما دارو لنورسين بغيتلهم الشوهة بالضوبل
يعقوب: ما تخافش كلشي غادي يبان ما عندك مناش تخاف
جبل:كيفما خلاو دمعة من عينيها تنزل كنقسم برب الكعبة حتى نردلهم حياتهم كي جهنم ما فهمتش انا هاد ناس فعوط ما يصلحو أغلاط ديالهم كيمشيو كيفضحوا بنات الناس يصحابلهم دارو طايلة ولكن قانون إلاهي معروف الله يمهل و لا يهمل و كما تدين تدان دنيا دوارة مرة ليك و مرة عليك
يعقوب : عندك الحق
جبل:*حط يدو على راسو* غادي نمشي نشري الشوكولا لنورسين كنظن يكون كيعجبها ياك
يعقوب: البنات كيتسطاو على شي حاجة سميتها الشوكولا غير كيشوفوه كينساو سميتهوم ههه
جبل: ندير أي حاجة على قبل نورسين والله ما كنقدر نشوفها كتبكي و نفسيتها محطمة
يعقوب : حالتك صعيبة أ العشير
جبل: *تنهد* فخبارك وليت كنحسد أي واحد حداه حبيبتو و بجنبو وليت كنحسد أي واحد قادر يقول لحبيبتو كنبغيك وليت كنحسد أي واحد قادر يعنق حبيبتو ويشم ريحتها حداه أاااه دابا انت كتقول هادا غير كيخربق و كيخرف ولكن حالتي صعيبة و ماساهلاش نتا اللي كتشوف كلمة كنبغيك او كنعشقك ساهلة بالنسبة ليك انا ما ساهلاش بالنسبة ليا برب الجليل ما ساهلة تكون واقفالك الهدرة مابين فمك و حلقك الا قلتيها غتندم والا خليتيها عندك تألم ماساهلاش ربي بوحدو اللي عارف بالالم اللي كنحس بيه ربي بوحدو اللي عارف شحال عانيت و شحال ما زال كنعاني *عينو حمارو و دموع واقفين على حافة عينو* ما كنطلبش بزاف بغيت غير حتى انا شي نهار نفيق على صوتها و نشوفها حداية و نعنقها حتى نشبع منها ونشم ريحتها ففراشي منين نفيق و منين نبغي نعس *هز راسو و شاف فالسقف و دار يدو على شكل دعاء و قال بالغوات 🤲🤲🤲* يااااااارب في صدري بكاااااء لم يسمعه أحد وحدك يااااااااا الله أنت الدي تعلم حجم الألم الدي بداخلي فخففه عني ياااااا الله يااااا رحمان يااااا رحيييم إرحم عبدك الضعيف من ألم العشق
يعقوب براسو جابلو دموع عيا مايشوف صاحبو كيتعدب حتى لامتى غادي يسالي هاد العداب حتى لامتى
يعقوب: صافي أصاحبي ربي كبير دابا ربي يجمعك بيها
جبل: انشاء الله ربي حنين كريم ما كاينساش عبادو
دار ومشا و تبعوا يعقوب من موراه حل جبل الطوموبيل ديالو و ركب و طلع معاه يعقوب و ديمارا اللوطو
يعقوب: نشعلو الراديو نطلقو الموسيقى نبدلوا الجو شوية
جبل برك على واحد البوطانة و شعل الراديو و لقا واحد الاغنية بادية اللي زادت على أوجاعو و كملات على مابيه
🎵🎵🎵🎵
لمن نشكي حالي
يالي شغلتي بالي
نبات سهران ليالي
نفكر فيك
نجوم الليل والقمر يحكو ما بيا
حتى قلبي راح يهضر يشكي عليا
لاموني عليك وقالولي ننساك
كندير ننساك وعقلي راح معاك
نعذر قلبي هو الى هواك
الوقت يطول في بعادك ويصعاب عليا
ويوم نلقاك وجودك يشفي ما بيا
مازالني طامع حبك مازال
عذبني غرامك غنيتو موال
خايف البعاد يخلي حالي حال
جبل كان كيسمع لكلمات الاغنية بتمعن كبير ولما لا و هي إكثر أغنية كتعبر على حالتو جبل خرج يدو من السرجم و بقا غادي ساهي كيفكر حتى قاطعو صوت يعقوب
يعقوب:جبل راه فاتنا المحل ديال شوكولا أصاحبي
جبل: سهيت أصاحبي فين هو العقل اللي يفكر
يعقوب: خايف عليك شي نهار دير أكسيدون بسبب هاد سهوديالك فهاد الفترة الأخيرة وليتي كتسهى بزاف
جبل: أكسيدون كاع واش بنتلك عمى
يعقوب: اودي نتا معمي فقلبك اما عينيك صحاح فصاح
جبل رجع مارشاريار ووقف حدا المحل
جبل: تنزل معايا
يعقوب: غير سير نتا
جبل: ما غاديش تشري لسلمى
يعقوب: اه بصح الا ما شريتلهاش تخرجني من جورنال
هبط جبل و تبعوا يعقوب دخلو لداك المحل اللي كان كيبيع جميع انواع الشوكولا و الورد و الدمى على شكل دباديب كبار لقاو واحد الراجل شارف واقف عاطيهم بالضهر
جبل: سلام أ شريف
داك رجل العجوز دور وجهو وشاف فيهم
-وعليكم السلام أش حب الخاطر أ ولدي
جبل: بغيت أغلى أنواع الشوكولا اللي عندك
-واخا أولدي ما طلبتي غير الموجود شحال بغيتي من باكية
-*ابتاسم داك الرجل العجوز* باينة فيك أولدي كتبغي شي بنت هي اللي مخلياك تجي و تشري هاد الشوكولا عينيك باينين مهمومين و هاز فقلبك حب كبير لهاد البنت ههه اكيد غادي تستغرب و تقول هاد الشارف أش عرفوا بهادشي ولكن انا اولدي عشت و شفت وحتى انا دزت من هاد المرحلة وكنعرف العاشق غير بشوفة العين غير هو الوصية اللي نوصيك أ ولدي قبل ما تختار شريكة حياتك خاصك تعرف بلي العلاقات الناجحة هي اللي كاتكون مكتملة والتكامل أساسو الاختلاف البنت اللي كتشبهك فكلشي تقدر ما تضيف حتى حاجة لحياتك ولكن هديك اللي كتختالف عليك هي اللي تقدر تكمل داك شي اللي ناقص فحياتك والخطأ اللي كيديروه بزاف دناس هو كيمشيو و كيضيعوا الوقت فتقلاب على بنت كتشبه ليهم فكلشي عند بالهم هاديك هي اللي غادي تناسبهم و تكون من مقامهم و نوصيك اولدي الا احتاجيتي تخوي و تشكي لشي احد أجي عند عمك عثمان اللي هو أنا بابي ديما مفتوح ليك
يعقوب: مزوج أ شريف و عندك شي وليدات ولا والو
عثمان:*شاف فيه و عينيه كيبريو بدموع*لا أ ولدي انا قصتي مع الحب ههه قصة طويلة خاصني نهار باش نعاودها
نورسين: انتي قلتيلي بلي عاد عرفتي جبل حيت صدق صاحب خطيبك ولكن على مابانلي بحال كتعرفوه من شحال هادي
سلمى بقات كتشوف فيها حتى قالت سارة
سارة: لا حنا كنعرفو عمو جبل من شح...
ناضت سلمى كتسعل بجهد و كتشوف فسارة و تغمزها
سلمى: كح كح كح
نورسين:حلال *كباتلها الما و عطاتولها* بسم الله عليك شربي اختي
هبطات سلمى على داك الكاس د الما و كدعي فنفسها ما تفضحهاش سارة حطات سلمى الكاس من فوق الطابلة
نورسين: شوية دابا
سلمى: الحمد الله
قاطعهم صوت ياسمين مع عبد المالك من موراهم
ياسمين: اهلن اهلن مرحبا بيكم
دارت سلمى و ناضت سلمات عليهم
سلمى: ترحب بيك جنة أجدي
ناضت حتى سارة كتنقز تعلقت فيهم و جلسات تبوس وتعنق فيهم
سارة: توحشتكم بزااااف
عبد المالك: حتى أنا أبنتي توحشتك فين ماماك و باباك
سلمى: مشاو سافروا و خلاو ليا هاد الفارة
ياسمين:هه ما فيها باس الا بغاو يفوجوا شوية الواحد كيقنط صراحة
سارة: لا أجداتي ماما و بابا ما مشاوش يفوجوا مشاو لشهر العسل
نورسين غير كتشوف فيهم و ضحك عجباتها الشخصية ديال سارةحليلوة و كيوووت و اللي فقلبها على لسانها براءة و عفوية الاطفال جميلة بزاف فكراتها فطفولتها
تمنات ترجع ليام ديك الطفولة الجميلة
👼👼👼👼👼👼
ما أجمل الاطفال تجد في إبتسامتهم البراءةو في تعاملاتهم البساطة لا يحقدون ولا يحسدون يعيشون يومهم لا يأخدهم التفكير ولا التخطيط للغد ولا يفكرون كيف سيكون وماذا سيعملون أحاسيسهم مرهفة وأحاديثهم مشوقة إن أسأت إليهم اليوم في الغد ينسون و بكلمة تستطيع أن تمحو تلك الاساءة ذلك لأن قلوبهم بيضاء و بتعاملك اللطيف معهم يعطوك كامل مشاعرهم حبا و إحتراما وتعلقا 💕💕💕💕
جبل: *بابتسامة *قبيلة واعدتك بلي غادي نركبك على العود نطلع ندوش و نهبط نركبك عليه واخا
نورسين:*بفرحة* واخا شكرا أخويا
جبل عقد حجبانو وتكره و طلع فالدروج بسرعة و مشا حل بيتو وزدح الباب وبدا كيشتت اللي بان قدامو و كيردد بصوت مرتفع 🗣🗣
جبل : أنااااااااااا ماشي خووووك أناااااااااماشي خووووك فوقاااااااش غادي تفهمي أ حبييييبتي فوقااااااش انا ماعمررررري كنت خوووك أنااااااااا خاصني نكووووون حبيييييبك اناااااخاصني نكون حبيبك *طاح لارض و حط راسو على الحيط و دموع من عينو هابطين شلال* علاش أنورسين علاش توحشت فاش كنا صغار و كنتي كتقوليلي دبدوبي ياريت تقوليهالي دابا ياريت كون توقف الوقت فديك اللحظة يا ريت كن ما كبرتش يا ريت كن بقينا انا وياك تحت من شجرة ليلك توحشت فاش مسحتيلي دموعي وقلتيلي أنا هي ماماك *ابتاسم* علاش اربي أعطيتيني أصعب ابتلاء فالدنيا اللي هو ألم الحب ربما كن كنت مريض بشي مرض مزمن كان غادي يكون أحسن من هاد الابتلاء يا ريت كن ما عمري مشيت مع طاتي ليلى لديك جردة يا ريت كن ما عمري تلاقيت بيها يا ريت
عند نورسين
يعقوب: جوهرة كبيلينا شي كاس د أتاي
سلمى: تسنا حتى يجي جبل مالك كطير مالك
يعقوب: ختي نورسين قالي جبل كنتي مريضة الله يشافيك
نورسين: الحمد الله دابا وليت أحسن
جوهرة :غير سخانة خفيفة دغيا دازت
يعقوب: جوهرة شنو عوالة ديري مور الباك
جوهرة: ما عرفتش مازال حايرة
يعقوب: وانتي شنو كيعجبك
سلمى: جوهرة من ديما كيعجبها طلق حلوقاتها راك عارفة عندها صوت زوين
نورسين:سعداتها حتى انا كيعجبوني الاصوات زوينين
سارة: ما عندهاش صوت غير كيكدبوا عليك صوتها كيهرب زرزور من فوق السور
يعقوب: هههه وانتي فين عمرك سمعتي صوتها
سارة: اصلن حتى واحد ما عندو صوت زوين غير عمو جبل
نورسين:*طرطقات فيها عينيها * بصح جبل عندو صوت زوين
جوهرة: حلفي بالله
سلمى: وانتي فين عمرك سمعتي صوتو أ الكدابة
سارة: سمعتوا بزاااف د المرات
سلمى دارت شافت فيعقوب
سلمى : *مصغرة عينيها و كتشوف فيه* فخبارك هادشي
يعقوب: احم ما نعرفت
سلمى ضربات يعقوب لكتفو
سلمى: قول لحقيقة
يعقوب: وهو صراحة صوتو غزااال يا ختي هههههه
نورسين: صراحة ما كنتش متوقعة يكون صوتو زوين فالغنا
ياسمين: باراكة ما تنمموا فحفيدي
سارة: خليهوم كينقصوا على عمو السيئات
سمعوا شي خطوات فالدروج كان هابط جبل فالدروج مالابس والو من الفوق لابس غير شورط أسود حيت كان الجو سخون بزاف والما كيقطر من شعرو و ريحة العطر مع ريحة شامبوان كتشم منو على بعد مية كيلومتر كان مثير لاقصى درجة وصل عندهم و كلشي التافت شاف فيه
عبد المالك: بصحتك أولدي
جبل: الله يعطيك صحة
جوهرة عينيها كيخرجوا منهوم لقلوبة كن لقات تنوض طير عليه ما تكره
لمح جبل البلاصة اللي حدا نورسين خاوية و تقدم و مشا جلس فيها و طلق يدو من ورا ضهر نورسين و عينو هايمين فتفاصيلها
جوهرة شافت فيهم كانت غادي طرطق
ياسمين: كبي أتاي أبنتي هاهو جبل جا
جبل: كنتو كتسناوني
سارة: اه أعمو و كانو كيهضروا فيك
جبل: شكون اللي هضر فيا أسرسورتي
سارة:كلهم قالو بلي صوت جوهرة زوين و انا نقولهم راه عمو جبل هواللي عندو صوت زوين فيكم
جبل:*ابتاسم*فشيتي سر اللي بيني و بينك انا كنغنيلك غير نتي
سارة: ياي حيت انت كتبغيني غير انا ياك
نورسين ابتاسمت و دارت شافت فجبل
نورسين: خاصك شي نهار تغني لينا نسمعوا صوتك
جبل: انشاء الله
جوهرة كبات أتاي و جات تحطوا حدا نورسين وهو يزهق من يديها تهرق على طبلة على شوية و يقيس نورسين
جبل ما حس براسو حتى قفز من فوق الفوتوي
جبل: نوووورسين عنداك
كيقلب فنورسين
جبل: ياك ما قاسكش ياكما تحرقتي *شدلها فخدودها* ياك ما وقعلك والو
نورسين تفزعات بقات غير مصدومة
نورسين: لا ما قاستنيش
طلق جبل منها ووقف و خنزر فجوهرة
جبل: المرة الماجية ردي البال دابا كن حرقتيها
جوهرة:ولكن غير ..
جبل:ما كاين ما ولكن بقاي تحلي عينيك شوية
عبد المالك: ما وقع والو اولدي
جبل:*دوز يدو على شعرو*لا كان غيوقع اشمن ما وقع والو
ياسمين: وادابا جلس اولدي الحمد الله دازت
مشات جوهرة لكوزينة جابت المنديل باش تمسح الطابلة و عينيها مغرغرين بالدموع
جبل: نورسين متأكدة ما وقعلك والو
سارة: راه الكاس تهرق على طابلة أعمو ما قاسهاش
يعقوب: حتى نتا كتدير من الحبة قبة أصاحبي
جبل خنزر فيعقوب جوهرة كانت حانية راسها كتمسح طابلة و عينيها مدمعين جبل عرف راسو قصح فالهدرة مع جوهرة
جبل: جوهرة هزي عينيك شوفي فيا
جوهرة هزات عينيها و شافت فيه كانو حومر و دموع واقفين على حافة عينيها
وقف جبل و جرها عندو و عنقها
جبل: *باسلها راسها * سمحيلي ما قصدتش نغوت عليك ولكن راه كنتي غادي تحرقيها
جوهرة:*زيرات عليه و بدات تنخصص* اهئ اهئ ما درتهاش بلعاني
نورسين:الله يسامح أختي ما كاين مشكل
جبل: وصافي دابا واش من نيتك تقلقتي مني
جوهرة: لا
جبل: صافي ما تقلقيش عندي ليك واحد الكادو
طلق جبل منها و مشا خرج جبدمن الطوموبيل الساشي ديال الشوكولا و دخل جبد الباكيات ديال الشوكولا من الساشي و عطا لجوهرة و سلمى و ياسمين و سارة وخلا نورسين هي التالية
كلهم شكروه و بداو يحيدوا البابيي كادو على الباكيات ديالهم الا نورسين
نورسين: شكرا علاش عدبتي راسك
جبل: ما كاين عداب بصحتك و راحتك أي حاجة بغيتيها أمريني بيها نحضرها بين يديك
نورسين خجلات من معاملتو ليها و بدا كيدخلها الشك من تصروفاتو
نورسين: ممكن نسولك
جبل: تفضلي
نورسين: علاش انت هاكا حنين خصوصا مع الاناث صراحة ما عمري شفت شي شخص كيتعامل بحالك سمحلي على الجرأة ديالي و لكن هادي حقيقة مصاب كن كانو رجال كلهم بحالك كن شحال من مشكل تحل *شداتلو فيدو بلا ما تحس*شكرا على كلشي درتيه معايا كنشكرك خيرك و فضلك عليا كبيييير و كبيييير بزااااف
جبل شاف فليد اللي قابطاها نورسين و داتو بدات كترعد و العرق بدا كيتصبب منو و العروق د يدو تزيرو عليه الكلام تلفلو فهاد اللحظة تبلوكا بقا غير كيشوف فيديها اللي قابطة فيدو و كيبتاسم
نورسين بغات تحيد يدها من يدو وهو يزير عليها وهز عينو شاف فيها و قال بصوت حنين و خافت بحرا كتسمعوا نورسين
جبل: من هاد نهار واخا يتخلا عليك العالم كلو انا غادي نكون الحيط اللي تكاي عليه الا ولات حياتك ظلام انا غادي نكون داك نور اللي غادي يضوي العتمة د حياتك انا غادي نكون صوتك فاش ما تقدريش تقولي الحوايج اللي يضروك فخاطرك و فقلبك انا هنا على قبلك نتي باش تكوني بخير
نورسين سهات فيه لثواني عينيها كانت كتشوف فعينيه البنيتان دخلها شك من هدرتو و من كلامو اللي ديما كيقويها و كيقولها انا سندك و انا عائلتك معقول يكون هاد الانسان حنين حتى لهاد الدرجة او لا قلبو فيه شي سر مخبي واش بصح مازال فالدنيا اللي يصرف فيك الخير بلا مقابل معقول يكون هاد الانسان هدية من الله سبحانه و تعالى باش ينسيها فهمومها معقول تكون هدرتو ما كتوحي حتى لحاجة أخرى معقول يكون غير طامع فيها و هدرتو وكلامو المعسول باش يبدا يقرب ليها ويستغلها أولا كيشفق عليها حيت هادشي اللي وقع ليها بسبابو هو
نورسين طلقات من يدو بنطرة و وقفات وطلعات لبيتها كتجري جبل براسو تصدم من تصرف ديالها
كلشي التافت كيشوف فيهم
ياسمين: شنو واقع لنورسين علاش ناضت
جبل حتى هو ناض وقال
جبل:ما عرفتش بحالي بحالكم
انصارف جبل و طلع لبيتو
سلمى حنات على ودن يعقوب وقالت
سلمى : من قبيلة وانا حاضياهم ما نعرفت شنو كان كيقولها فودنيها عليا بليمين الا نورسين شكات فشي حاجة ديك نوضة اللي دارت ماشي عادية
يعقوب:*بابتسامة* ما كنظنش نورسين تقدر تشك فشي حاجة مسكينة عندها الكونيكسيون ثقيلة
سلمى ضرباتو لكتفو بشوية
سلمى: ما تبقاش تعاير صاحبتي راه واخا تشوفها هاكاك راه كتخدم دماغها مرة مرة قبيلة قالتلي بلي باينة فيكم كتعرفو بعضياتكم من شحال هادي
يعقوب:*طرطق فيها عينو* وانتي شنو قلتيلها
سلمى: بديت كنكح و جات ياسمين و عبد المالك فكوني منها
يعقوب: مشكلة هادي و على ما بانلي ما نستهانوش بيها كتخدم دماغها مرة مرة ههه
سلمى: جالس كطنز عرفتي و نقول لجبل كتقول عليها مكلخة والله حتى ينحرك ونتا واقف
يعقوب: احم بالعكس انا اللي مكلخ
سلمى: ايوا هاكاك زم فمك أحسن ليك
عند نورسين
جلسات فالارض و بدات كتفكر و كتهدر بصوت مرتفع
نورسين:معقول يكون جبل كيحس بشي حاجة من جيهتي *ناضت وقفات حدا المراية كتشوف فراسها و فشكلها كانو عينيها منفوخين بالبكا و وجها صفر ضحكات بصوت مرتفع و بشكل هيستيري* هههههههههههههههه أش هاد الهدرة كنقول *صرفقات راسها* هههههههه كيبانلي بديت كنحماق معقول جبل الابراهيمي داك زين و ديك الشخصية و هاد الثراء كامل يكون كيبغي وحدة بحالي او لا كيحس بشي حاجة من جيهتي فيييييييقي أ نورسييييين فيقيييييي وحلي عينيك نتي غير بنت خايبة و حتى واحد ما غادي يديها فيك نتي غير ديك البنت درويشة الي كتمشي جنب الحيط و عمر شي حد ما قالك حتى كلمة زوينة فطريق كي البنات ههههه وما عمر غادي يديها فيييك شي واحد نتي هي البنت اللي تخلات عليها عائلتهااا نتي البنت اللي ظلموها أقرب ناس ليها هههه نتي هي ديك البنت ضعيفة الشخصية اللي جا كيضحك عليها بجوج كلمات ههههههه نتي غير بنت سادجة شنو هو دور ديالك فهاد الكرة الارضية مااااعندك حتى هدف او حلم الللي تعيشي على قبلو كيف ناااس *دموع بداو كيطيحو من عينيها * علااااااش انا اللي يوقع اللللي هادشي علااااااش شنو درت أربييييي حياتي كاملة وانا داخلة سوق راسي ما كنآدي حد وما عمري فكرت نآدي شي حد ولكن صافي حتى لهنا و باركة خاصك تبدلييي أنورسين خااااصك ديري لراسك قيمة باش حتى العالم يديرلك قيمة حتى لامتى غادي تبقاي هاكا حااااكرة راسك *حيدات نظاظرها و حطاتهوم فوق الطابلة* خااااصك تكوني قوية أنووورسين و الضربة اللي ما كتقتلش كتقصح الراس الدنيا عطااااتك من الاوجاع مااااا يكفي و يوفي خاصك تنوضي و تقاومي و تديها فراسك أنورسين خااااصكي تلوحي شخصيتك القديمة من اليوم نورسين غادي تقلب الصفحة و غادي تولي بشخصية جديدة قوية وحتى واحد على وجه الكرة الارضية ما غادي يقدر يلعب بمشااعرك أنورسين الماضي اللي فيه عائلتك نسايه من اليوم عائلتك هي راسك و صحتك جبل الابراهيمي كيبقى مجرد أخ عاونك و وراك الطريق الصواب لا أقل ولا أكثر ديما ديري هادشي فبالك أنورسين *ابتاسمت باستهزاء* عائلتي كانو باغيين نتزوج و نلقى راجل كنواعد نفسي أنني غادي نولي أجمل وحدة وأحسن راجل غادي يتمناني هدا وعد أنورسين
جبل نورسين الجزء الخامس
محتوى القصة
التنقل بين الأجزاء