دخل لبيت وسد عليه الباب و مشا تكا فوق السرير و حط يدو بجوج من تحت راسو وتنهد تنهيدات حارين خارجين من من أعماقو صونالو تيليفون و هزو دوز الخط
جبل : ألو وي شنو كاين
ناض جبل من الفراش
جبل:كيفاش واخا هانا جاي دابا
ناض جبل بسرعة جبد الكومبلي ديالو اللي كان فالاسودلبسو بالخف مع قميجة بيضة خلا صدايفها لوالة محلولين لبس صباط فالاسود و لبس ساعتو الانيقة و هبط طاير فالدروج و شاف فيعقوب
جبل: يعقوب خاصنانمشيو لاميريك دابا
ياسمين و عبدالمالك وقفوا
ياسمين: ياك لابس
عبد المالك: جبل أش واقع
جبل: ما عندكوم لاش تخلعوا غير شي حاجة فشركة
ناض يعقوب و خرج هو وياه وطلعوا فالطوموبيل
يعقوب: جبل أش واقع
جبل: دابا نفهمك كلشي غير خليني عليك دابا
عند سلمى
سلمى: علاش مشاو لاميريك أجدة
ياسمين: بحالي بحالك أبنتي انا براسي ما فهمتش
عبد المالك: بانلي عندهم شي حاجة مخبيينها علينا
ياسمين: ما كنظنش كون كانت شي حاجة خطيرة غادي يقولهالنا جبل
عبد المالك: ياسمين أش بانلك حتى حنا نخرجوا ندوروا شوية
سارة: كني هانية أجدة انا اللي غادي نردلهوم البال ما عندك مناش تخافي أما هاد سلمى ما ردات البال حتى لراسها
عبد المالك مشا هزها و باسها
عبد المالك: أش بانليك نخرجوك معانا و نخليوهوم هوما هنا
سارة:*دارت يديها على دقنها كدليل على أنها كتفكر * امم وتشريولي شوكولا
سلمى: اويلي حي هاهو عاد شرالك جبل باكية
سارة: واش كاين شي حد كيشبع من شوكولا أ الحمقة
ياسمين: ما زال ما جاوبتينا واش غادي تمشي معانا ولا لا
سارة: نمشي معاكم حتى انا فاش كنبقا فدار كتطيح عليا الغمة و كتشدني الخنقة و الدنيا كتظلام فعينيا
ياسمين: يا هاد الفلوسة منين كا تجيبي هاد الهدرة ههه
عبد المالك: يالاه نمشيو يالاه الله يعاونكوم
خرجوا ياسمين مع عبد المالك و سارة
و بقات سلمى و جوهرة جالسين
سلمى: غادي نطلع عند نورسين نهدر معاها فإينا شومبر كاينة
جوهرة: فطابق الثلاث
سلمى: بنتيلي نتي بحال الا ما حاملاش نورسين اش دوك شوفات و دوك تخنزيرات اللي كديري فيها
جوهرة: غير كايجيبلك بالك علاش ما غاديش نبغيها مثلا
سلم:*وقفات* ايوا انا غير قلت اللي شفت و صافي ونتي تعرفي
جوهرة: ان بعض الظن إثم أختي سلمى حرام عليك ما عرفت مالك معايا هاد نهار كظلمي فيا و تقمعيني
سلمى: امم مسيكينة اللي شافك كتسبلي دوك العوينات و كتمسكني يقول هادي ملاك فوق الارض المهم هانا مشيت
طلعات سلمى فالدروج حتى وصلات عند نورسين دقات و سمحاتلها نورسين بالدخول و دخلات لقات نورسين جالسة من فوق الناموسية و جامعة عندها رجليها و مكمشة و كترعد ووجها احمر بالبكا و شعرها مشعكك و مهبطة عليها الريدويات غير ظلام
سلمى شافتها و هي تشد على قلبها
سلمى: انا متايبة لله بسم الله الرحمان الرحيم الا كنتي منا عليك الامان و الا كنتي منهم تسليم لرجال المكان
نورسين هزات عينيها شافت فيها
نورسين: واش بانتلك عندي الكانة للضحك
سلمى مشات جلسات حداها فناموسية و عنقاتها جنب
سلمى: دابا دخلت عليك غير بوجه الله أش هاد الحالة دايرة فراسك أصاحبتي بقاليك تشعلي غير الشمع و تكتبي فالباب قبة لا لا نورسين و نجيو نزورك
نورسين: سلمى والله ما مسالية لهاد الضحك الباسل
سلمى: مالك أختي مهبطة الريدويات و جالسة و شادة على راسك واش حازنة على شي حد
ناضت سلمى طلعات الريدويات و حلات السراجم
و مشات رجعات جلسات حدا نورسين اللي كانت ساهية كتشوف فنقطة وحدة
سلمى مررت يديها حدا عيون نورسين
سلمى : هييهو أسبحان الله
نورسين دورات عينيها و شافت فيها بعيون دابلة
نورسين: قلتي شي حاجة
سلمى: قلتلك أش هاد الحالة دايرة فراسك واش حازن على شي حد
نورسين:*ابتسامت باستهزاء* اه حازنة على نورسين قاصحة بزااف فاش كتعيش غير حيت عايش وصافي الكسدة كاينة و العقل ما كاينش ما عارفاش شكون أنا ولين كنتامي كنشعر بالغربة واخا كاينة فبلادي واش بصح وليت كندخل فحالة إكتئاب توحشت نورسين القديمة نورسين طفلة اللي كانت غير كتضحك ولي جا كتهدر معاه طفلة بريئة كان همها غير تلعب و تاكل و تنعس اما هاد نورسين ديال دابا مابقات كتحمل تهدر مع حد صوت ديال الضحك ولا كيصدعني فراسي ما عرفتش علاش وليت هاكا
سلمى: وشنو الحل أمم قوليلي شنو الحل *وقفات وشافت فيها* واش باغا تبقاي هاكا اللي جا يشوف فيك نظرة شفقة خاصك تفيقي أنورسين انا عارفة بلي عائلتك تخلات عليك و لاحتك لزنقة عارفة هادشي ماشي ساهل ولكن ما خاصكش طيحي من أول صفعة عطاتها ليك الحياة بالعكس خاصك تنوضي و توقفي على رجليك حتى لامتى غادي تبقاي سادة عليك و كتبكي واش فنظرك هاد البكا ديالك غادي يبدل شي حاجة واش البكا ديالك هو اللي غادي يردلك عائلتك واش البكا ديالك هو اللي غادي يحل ليك مشاكلك نووووورسين نوضي شوفي راسك فالمراية آش هاد الحالة دايرة فراسك خاصك تعلمي واحد الحاجة اللي درقك بخيط درقوا بحيط واللي مشا و خلاك هناك
نورسين:*وقفات و قبطات فيد سلمى و شافت فيها بترجي *عفاك عاونيني نخرج من هاد الازمة وريلي شنو ندير راني عييت
حطات سلمى يديها على خدودها و قالت
سلمى: اول حاجة خاصك تنساي عائلتك من هاد النهار حنا هوما عائلتك ثانيا خاصك تبدلي لوك ديالك باش تبدل نفسية ديالك خاصك تحققي أحلامك و حنا غادي نعونوك فأي خطوة بغيتي ديريها واعديني غادي تولي بنت قوية وما تخلي حتى حد يحطمك فالعالم كيفما كان نوعو واعديني من هاد النهار و من هاد اللحظة غادي تنساي عليا ديك البنت الحشومية الداخلة سوق راسها اللي كتسكت على حقها واعديني أنورسين
نورسين ابتاسمت ليها ومشات وقفات حدا الحمام و حطات يديها على البوانيي باش تفتحوا دارت عندها و قالت
نورسين: شكرا أختي على وقفتك معايا عمري نسا خيرك
سلمى:*ابتاسمت ليها * ما نعاودش نسمع كلمة شكرا من فمك حيت الخوت ما بيناتهمش هاد الكلمة
👭👭👭👭👭👭👭👭
بعض الأصدقاء نفوس راقية وأنيقة يجعلونك تكتفي بهم عن مئات الأصدقاء. شكراً للأصدقاء الذين يلمسون نبرة التوجع في أصواتنا وصمتنا، فلا يناقشوننا وإنّما يفتشون عن أمور تُسعدنا وتبعث البهجة في نُفوسنا. عندما يؤلمك النظر للماضي، وتخاف ممّا سيحدث في المستقبل، انظر لجانبك، وصديقك الحميم سيكون هناك ليدعمك. كلّما صرنا أقبح في عيون الآخرين، سنكون أروع لبعضنا البعض، وهذا كان دائماً إيماني الراسخ عن الصداقة
خرجات نورسين من الحمام بعدما غسلات وجهها لقات سلمى هازة تيليفونها كتعيط لشي حد
نورسين: سلمى مالك متوترة ياك لابس
سلمى: اختي راه داك يعقوب غادي يحمقني كنصوني عليه و ما كيجاوبش
نورسين: ياك كان معاك فين مشى
سلمى: مشا هو و جبل لاميريك قالو خاصنا نمشيو دابا ياختي و حناو داك راس و زادو يعلم الله شنو كايدور تحت راسهوم
نورسين:*مستغربة* جبل و يعقوب كيقدروا يمشيو لامريكا بهاد سهولة هادي
سلمى: اه علاش
نورسين: ما عرفتش يمكن حيت انا ما عمري سافرت لشي مدينة كايجيني اللي كيخرجوا برا البلاد عجب
سلمى: واش ما عمرك سافرتي د بصح
نورسين: الا قلتلك واحد الحاجة تضحكي عليا و الله
سلمى: شنو هي
نورسين: تصوري البحر عمري ما شفتو مباشرة كنشوفوا غير فالتلفازة من صغري ما عمر بابا دانا حتى حنا نسافرو ونشطوا *ابتاسمات باستهزاء* كيف عباد الله تصوري فاش كنت صغيرة و كيبدا دخول المدرسي و الاستادة كتبدا تسولنا فين قضينا العطلة ديالنا التلامد كلهم كيقولولها مشينا للبحر و انا فاش كتطرح عليا هاد السؤال عيني كيتغرغروا بالدموع كانقولها ما سافرتش و تلامد كلهم كيبقاو يضحكوا عليا تصوري كنت كنفرح بزااااااف فاش كانمشيو للعروبية عند جدي و جداتي حيت كانت هاديك هي البلاصة الوحيدة اللي كا نقضي فيها العطلة ديالي
سلمى:*عنقاتها* نساي عليك هاد الماضي الكئيبة أحبيبتي دابا يجي واحد الوقت اللي غادي تزوري فيه العالم كامل
نورسين: إنشاء الله
سلمى بعدات عليها
سلمى: خاصنا نخرجوا نتساراو باش نبدلك اللوك و نشريو حوايج جداد و نقادلك وجهك أحححح الله شحال كيعجبني نشوف الواحد كيبدل اللوك
نورسين: اللي بانلك نديروه نديروه
سلمى: زيدي قدامي و سكتي
هبطات سلمى مع نورسين فدروج و تلقاو بجوهرة خارجة من الكوزينة
جوهرة:*دارت يديها فجنبها* و فين غاديين بسلامة و العافية على الاقل قولولي حتى انا نخرج معاكوم *كتخنزر فنورسين* شفت كلشي قلب عليا وجهو منين شفتو هاد البنت
سلمى طرطقات عينيها فجوهرة و نورسين حتى هي بقات غير مصدومة
سلمى: جوهرة أش هاد الهدرة كاتقولي
نورسين: واش من نيتك كدوي أختي
جوهرة: آه أختي كانهدر بنيتي معاك مالي كدبت اللي شافك يسول فيك و دايرين ليك كي الما القليل و ما كاين غير نورسين نورسين على لسانهوم كاملين تقولك دايرلهوم الطلامس وأكثرية جبل فقيهك صحيح
سلمى:*ضربات على وجهها* ويلي أش هاد الهدرة أجوهرة واش حماقيتي طلبي سماحة من البنت
جوهرة: علاه شكون بغات تكون فملك الله لقاها جبل غير فالزنقة مليوحة و جابها علم الله أشمن مصيبة دايرة هاديك غير شياطة العجينة اللي جا يلوحها
نورسين دورات وجها لجنب و ابتاسمت و زادت خطوات لامام ووقفات اونفاص لجوهرة و شافت ليها فعينيها مباشرة وهزات يديها حتى لسما ونزلت على جوهرة بتصرفيقة تسمع صداها فالفيلا كاملة سلمى شهقات و دارت يديها على فمها من هول الصدمة وجوهرة شدات على حنكها و هزات يديها بغات ترد تصرفيقة لنورسين وهي تشدلها يديها
نورسين: طوالو يديك وبغيتي تصرفقيني كاع سمعيني نقولك واحد جوج كلمات ديريهوم حلقة فودنيك عنداك تشوفيني ساكتة يصحابلك زيزونة و لا مراداش لبال لشنو واقع حدايا شفتك منين جيت وانتي ما حاملانيش ياك لابس أبنتي مشاركين شي بقر ولا شي غنم مالك شادة معايا ضد *ابتاسمت باستهزاء* الا كنت انا شياطة لعجينة و بنت زنقة شنو نقولو عليك نتي اللي فين ما شفتي جبل طيري عليه بتعنيقة و عينيك كيخرجو منهوم القلوبة ما تكرهيش طيري عليه تبوسيه امم اش كيقولو لديك الكلمة بلاتي نفكر كنضن عاهرة هادي هي الكلمة المناسبة واقيلة *قربات حدا ودنيها وقالت * اللي مريض بينا الله يشافيه و اللي ما كيحملناش الله يهديه واللي كيحسدنا الله يعفو عليه *شافت فسلمى* حبيبة كنظن تعطلنا على شغالنا
سلمى :*بقات غير حالة فمها فيها * أ أه واخا خاصنا نمشيو
سلمى جرات نورسين من يديها و خرجوا و سدوا الباب من موراهم
سلمى طلقات من يد نورسين و بدات كتصفق و كتصفر
سلمى: واااااااو بشاااااااخ يا ختي عطيييييتيييييها العصير ولكن ما كتحشمش عجبتيييييني فيها يا ختي ههههههه والله يا ختي حتى تبدلتي عليا اش داك الاسلوب اللي هدرتي معاها بيه واوووووو يا ختي اوا دابا عجبتيني بديتي باول خطوة هي انكي ما تسكتيش على حقك و تكوني بنت قوية تبارك الله عليك شفتي نصائح ديالي بدات كاتدير مفعولها هههه و مشرملة مع راسك هههه كنت حاكراك يا ختشي
نورسين: ما كنتش باغا نقول ديك الهدرة ولكن إستافزاتني بزاااف أختي بنادم كيشوفك ساكتة كيبغي يركب فوق ظهرك ايوا أش غادي نقولك كانت كاتقولنا جدة الله يرحمها إلا رحموها فعايلها سكتت وسديت فمي قالو فيا العجايب دويت و دافعت على حقي قالو عليا خايب الا تبعتي كحل الراس د بنادم ما تجيك منو غير المصايب
سلمى: عندك الحق أختي
مشات سلمى عند الكارد اللي واقف فالباب هدرت معاه مشا عيط على شيفور و جاب طوموبيل و طلعت فيها نورسين وسلمى مسافة طريق و خرجوا على الفيرمة ووصلو للمدينة ووقفوا حدا واحد المول كبير
نورسين: فين حنا
سلمى: فالموزمبيق دوزي تهبطي
خرجوا من الطوموبيل و دخلو ا لداك المول اللي كان كبير بزاااف قدو قد الخلا
جرات سلمى نورسين اللي كانت غير حالة فمها من روعة المكان اللي هي فيه
جات عندهوم واحد البنت شهبة و شعرها قصير و ضاربة تمكيجة ولابسة واحد صاية قصيرة فالكحل مع قميجة بيضة
-مرحبا بلالا سلمى شرفتينا بقدومك
سلمى: شكرا كاين مسعود
-وي كاين تفضلو جلسو هانا غادي نعيط عليه
مشات دخلات ديك البنت كتعوج بطالون و نورسين غير حالة فمها كيفما العادة (الضبعة اللي عطاني الله 🤦♀️🤦♀️😂😂😂)
سلمى: واتي سدي فمك أناري راه الموت كدور
نورسين : اختي هادشي مجهد عندكم هنا
سلمى: شي بعض المرات كنشك واش نتي عايشة فالمدينة حق الله
نورسين: ههه علاش
سلمى: اللي شفتيها كتحلي فمك
نورسين:أختي راه انا موالفة غير من دار للمكتبة و من المكتبة لدار
سلمى: وزعما ماعندك لا انستغرام لا واتساب لا تويتر وا غي الفايسبوك أعباد الله واش عندك ولا ما عندكش
نورسين: أختي غير كنسمع بيهم حيت انا عندي غير تيليفون نوكيا بيل كنلعب فيه غير الحنش و صافي اما هادشي ما كنعرفش ليه
سلمى:*ندبات على حناكها* اويلي ميمتي على الحنش أنا بغيتو يتلوا عليا اللي دايرة فيك راسي و جالسة نسولك اجي نقولك أختي ياك كنتي خدامة و سمحيلي على هاد السؤال فين كانو كيمشيو فلوسك
نورسين: كنسكر بيهم ههههه
سلمى: داكشي ما واتك غير السكرة ما كنضحكش أزمر دوي معايا نيشان و لا سدي حلقك
نورسين:*تنهدات* كنت كنعطي لماما نص لكبير و داكشي لي بقا كنخليه لمركوب
سلمى: دغيا نكروا خيرك أحبيبتي ولكن ما يبقاش فيك الحال دابا ربي يخلص كل واحد على قد نيتو
نورسين: داكشي اللي كاين
قاطعهوم صوت واحد الراجل اللي كان قصير و غليظ شوية و زعر و عويناتو خضيضرين كيهضر و كيشوف فالسقف
-helllllllo ladiiiies (مرحبا يا أيها السيدات)
سلمى: مسعوووود هبط عينيك شوف فينا أصاحبي الله يخليها قاعدة فيك
مسعود هبط عينو وشاف فسلمى و حل عينو و بانت الفرحة فوجهو
مسعود: مررررحبا يا سلمى كيفك حبيبتي إنشاء الله تكوني منيحة لك إشتقتلك يا روحي إليك غيبة طويلة ليش ما كنتي تزورينا
نورسين: *حنات على ودن سلمى* ويلي جايباني عند لبناني
سلمى: مسعووووود تا هضر بالدارجة أصاحبي مالك على هاد اللغة الملاوطة
مسعود:*خيب وجهو 🙄🙄🙄* وانتي اللي مالك مع لهجة لبنانية كيوووت بزااف
سلمى: دابا ما جيتش باش ندير معاك استجواب على أحسن لهجة فالعالم جيت باش تقاد لصاحبتي كمارتها
مسعود دار شاف فنورسين
مسعود: واش غادي نصاوب لهاد خيتي
سلمى:اه مالها كي جاتك
مسعود: لا زوينة دايرة كي دوك الميريكانيين حليلوة بزااااف كننموت على السومر لون الكراميل ههه
سلمى: او بدا شغالك ونتا شحال فيك د الهضرة
مسعود جر نورسين من يديها و دخلها و جلسها على واحد الكرسي
مسعود: جلسي بعقلك هنا هانا جاي ما ديريش البسالة ههه
مشا مسعود جاب لبرودويات باش يقاد لها شعرها بمساعدة البنات الللي خدامين معاه دهنلها شعرها بشي برودويات و من بعد غسلولها و نشفوا و دارلها سوشوار لشعرها ولا مسرح ما بقاش مبوكل و طوال نورسين بقات غير مصدومة فاش شافت راسها بقات كتبتاسم غير هي و راسها مع المراية
سلمى: بشااااخ يا ختي غير سرحنالك شعرك وليتي تيتيزة اما كن نقادولك المايكاب تولي قرطاااااسة يا المسخوطة
مسعود شاف فيها
مسعود: ايوا قولي تبارك الله دابا تقوسي على البنت
نورسين: عجبني شعري هاكا شكراااا بزااااف
مسعود: بصحتك *هزلها يديها و بدا كيشوف فيها * ويلي مالك مزغبة بحال الشامبانزي
سلمى: راه غادي نديرلها جلسات الليزر باش يتحيدلها شعر من داتها كلها
نورسين حشمات ولا وجهها كي مطيشة
مسعود: غادي نقول للبنت اللي مكلفة توجد راسها باش تحيدلها الشعر من داتها
نورسين شافت فسلمى
نورسين:ياكما غادي يضرني هادشي فصحتي
مسعود: اويلي يا سلمى منين جبتي هاد البنت غير قوليلي منين *شاف فنورسين*راه ما غاديش نديرولك لاسير اللي كتقصح غادي نديرولك جلسات الليزر داكشي ساهل ما كتحسيش كاع و ما غاديش يعاود ينوضلك شعر مرة أخرى غادي تهناي منو
سلمى:واش باغا تحمقني ولا مالك راك نتي ختي و انا ما منتسناش منك ترديلي الفلوس واش هبلتي انا باغاك نتي تولي بنت قوية و انا بدلتلك اللوك باش تبدل نفسيتك حتى نتي و تبداي حياة جديدة اوكي
نورسين: اودي حتى واحد ما خايب الواحد خاصو غير يتقاد وخاصو الفلوس ايوا أختي اللي كيقول الفلوس خنز دنيا راه هو الخانز
سلمى: هههه والله حتى بصح
لبسوا البنات حوايجهوم و هبطوا عند مسعود لسفلي حيت المحل فيه ثلاث طوابق
طابق الاول ديال الماكياج و الطابق الثاني ديال جلسات الليزر و الطابق الثالث ديال صونا
مسعود: اوووو يا ختي شفتي قلتلك هاد البنت اللي معاك زوينة عرفتي ولات قرطاااسة صدقات تيتيزة مع راسها
نورسين فرحات أول مرة تسمع شي حد كيمدح جمالها لهاد درجة
سلمى: أصلن هي من ديما زوينة كيف قبل و كيف دابا حتى حاجة ما تبدلات
ميعود: لا أختي صراحة تقال من قبل كانت قبيبحة و ما مهتماش براسها شوفي دابا كي ولات كتحمق شعرها سرحاتو و لا طويل هاكا جاها مع وجهها بقا لها غير تحيد دوك نضاضر من على كمارتها و طيح نص فالمغرب
نورسين غير كضحك و كتشوف راسها فواحد المراية كانت اونفاص ليها عجبها راسها بزااااف لدرجة ما قدرتش تحيد عينيها على المراية ولما لا وهي اللي عاشت سنين كتسمع كلمة خيبوعة قبيحة ما زويناش نتي ما عمرك غادي تزوجي بسبب شكلك هاد الكلمات اللي كانت ديما كتسمعهوم من عند ختها كانو معقدينها لدرجة انها ما كانتش كتشوف فالمراية بسبب شكلها الي كانت كتعتابروا عقدة حياتها ولكن هاهي دابا ولات جميلة عجبها راسها بزاف وقالت براسها مرفوع
نورسين : *ابتاسمات باستهزاء* الجمال هو أكثر حاجة نسبية على وجه الارض يقدر يتبدل مع مرور الزمن أصلن بنادم اللي كيهتم بالمضاهر أكبر أحمق على وجه الدنيا حيت المضاهر خداعة اللي كيشوف الزين قبل الاخلاق خاصوا يعاود نظر فنفسو كيقول رسول صلى الله عليه وسلم {الله جميل يحب الجمال} وربي قالنا فالقرآن بلي خلقنا على أجمل صورة فعلاش حنا كنشوفوا راسنا قباح علاش ناس حطات معايير الجمال علاش ناس ديما خاصهوم يحكموا عليك و يعقدوك فحياتك و ينكدوها عليك بسبب شكلك اللي انت ما عندكش دخل فيه أصلن وأكبر خطأ ما عارفينوش الكثير هو فاش كيعاير شي حد بسبب شكلو فهو كيعاير اللي خلقنا فعلاش ناس جاهلين حتى لهاد درجة
سلمى شدات فيد نورسين و قالت
سلمى: الجمال ماشي كنشوفوه بل كنكتاشفوه فشخص من خلال طيبوبتو و معامالتو لينا نتيا جميلة قلبا و قالبا وربي غادي يرزقك على قد نيتك
خرجوا من الحمام و دارو على داك المول كامل ما خلاو فيه حتى قنت شراو كسيوات سروال تيشورتات بيجامات عطور روايح مايكاب سلمى اللي شافتها و عجباتها تاخد ليها و لنورسين خرجوا من المول و فيديهم عرمة ديال ساشيات و الحوايج
لقاو غير ضلام
سلمى: ويلي ويلي مشا الحال خاصنا نرجعوا
نورسين : مانعرفت شحال فساعة
مشاو لقاو الطوموبيل كتسيانهوم حطوا دوك الساشيات فالكوفر و طلعوا للطوموبيل و وصلهوم الشيفور لمزرعة
ماوصلو حتى للعشرة د الليل
نورسين:*عضات على شنايفها * تعطلنا بزاف
خرجوا من الطوموبيل و دقوا فالباب حلات ليهم ياسمين اللي كانت مخطوف لونها و جها صفر تخلعات عليهم بزاف
ياسمين: الله يا بنياتي أش هاد تعطيلة
عبد المالك حتى هو خرج
عبد المالك: شحال و حنا نعيطولك أسلمى تعطلتو بزاااف خلعتونا عليكم
خرجات حتى سارة
سارة:*دايرة يديها فجنبها * اوووف طيرتيها منا خلعة أختي آش هاد تعطيلة غير ما لقيتيش ماما و بابا و نتي تاخدي راحتك أشريفة هاد الدار عندها الحرمة ديالها البنات ما خاصهومش يتعطلو انتي ماشي عزري دوار فهمتي مزيان تبارك الله اللي ولاو البنات يدخلو فنصاصات د الليل عندنا الفندق هنايا يالاه دخلو تعشاو و آخر مرة نسمحوا ليكم
كلهم بقاو غير حالين فمهم فسارة شوية و دارو كرراااااخ بالضحك كلشي ضحك على هدرتها
نورسين: ههه بالعكس شخصيتها زوينة ثايقة فراسها من صغرها برافو عليها
ياسمين حطات العشا فوق الطبلة
ياسمين: نوضوا تعشاو
ناضوا كلهم غسلو يديهم و جلسوا فوق الطابلة
عبد المالك: فين هي جوهرة
ياسمين: مابغاتش راه ناعسة فبيتها
ناضو غسلوا يديهوم و تعشاو في صمت و فاش سالاو جمعات نورسين مع سلمى طبلة و كل واحد طلع لبيتو ينعس
نورسين دخلات لبيتها و حطات راسها على الباب
نورسين: شهيق زفير *طلعات نفس و عاودت رجعاتو* وتقدمات ووقفات حدا المراية كتشوف فراسها كي كانت و كيف ولات بدات كتبتاسم غير هي وراسها بدات كتحس بلي دنيا كضحك ليها شوية بشوية ربي رزقها بهاد ناس اللي عوضوها على عائلتها اصلن من يوم يومها عائلتها ديما كانو معدبينها و ما خالينهاش ترتاح وختها ديما كتعايرها وتسبها كانت مكرهاها فحياتها باها اللي من صغرها كيضربها و معقدها حتى ولات عندها هاد شخصية ضعيفة خلاوها ناس زمان كلشي من الخير واخا الحاجة تبانلك نقمة كاتكون فيها حكمة و نعم كبيرة فداخل ديالها سبحان الله الانسان ديما كيشوف غير الجانب السلبي او نصف الكاس الفارغ نهار غادي يشوف الجانب الايجابي فالحياة نهار غادي يعرف الحكمة ديال كل حاجة دزنا منها خايبة 😉😉😉
نورسين بدلات حوايجها لبسات غير بيجامة د نعاس ومشات تكات فسريرها وهبطات دمعة من عينيها الوحيدة اللي آلمها فراقها بزاااف هي ماماها اللي كانت صاحبتها قبل ما تكون أمها عنقات نورسين المخدة و قالت
نورسين:*عضات على شنايفها ودموع هابطين من عينيها شلال* آآآآه توحشتك بزااااف أماما عيني توحشات تشوفك درعاني توحشو يعنقوك توحشت صدرك الحنين اللي كنت نحط راسي عليه ونشكي همي بحال شي بنيتة صغيرة ما كترتاح حتى كتسمع دقات القلب د ماماها كتداخل مع دقات قلبها اليوم أماما أنا وحيدة بلابيك تمنيت كون نشوفك غير يوم واحد باركة عليا نشبع غير من ريحتك وهضرتك الزوينة و دعواتك ليا آآآآه رجعيلي أماما عفاك غير نشبع منك ونبكي عليك و نترجاك باش ما عمرك تخليني عفاك اهئاهئ *غطسات راسها فالمخدة كتبكي بحرقة*
☆☆☆☆☆☆☆☆☆☆☆☆☆
حقير الشوق ما يرحم ما له وقت او حز
يعور قلب كل انسان فقد له واحد يعزه
حقير الشوق ما يرحم ما له وقت او حزة
يعور قلب كل انسان فقد له واحد يعزه
يا ليت الشوق عنده قلب عشان شوي يحس فينا
كل ما صار تالي الليل فْوَقت النوم يأَذّينا
يا ليت الشوق عنده قلب عشان شوي يحس فينا
كل ما صار تالي الليل فْوَقت النوم يأَذّينا
حقير الشوق ما يرحم
حقير الشوق ما يرحم ما له وقت او حزة
يعور قلب كل انسان فقد له واحد يعزه
غصْب نِتحمَّلَه مُو طِيب مهما نْصِدّْ و نِتْحاشاه
ما رَدِّ الشوق للعاشق لما يَدْخِل فراشه
غصْب نِتحمَّلَه مُو طِيب مهما نْصِدّْ و نِتْحاشاه
ما رَدِّ الشوق للعاشق لما يَدْخِل فراشه
يا ريت الشوق عنده قلب عشان شوي يحس فينا
كل ما صار تالي الليل فوقت النوم يأذينا
يا ليت الشوق عنده قلب عشان شوي يحس فينا
كل ما صار تالي الليل فْوَقت النوم يأَذّينا
حقير الشوق ما يرحم
حقير الشوق ما يرحم ما له وقت او حزة
يعور قلب كل انسان فقد له واحد يعزه
☆☆☆☆☆☆☆☆☆
في مدينة سانت لويس فإحدى أكبر المستشفيات فالولايات المتحدة الامريكة و بالضبط فمستشفى Barnes-Jewish اللي كيتعتابر من أفضل المستشفيات تماك وبالتحديد داخل واحد الغرفة بيضاء جالسة كاميليا كتبكي بكل حرقة على كتف واحد المرأة اللي كتشبه ليها بزاف وواقف عليهم واحد الرجال لابس سورفيط فالحمر مع سروال دجين و حاشي يدو فجيابو باينة فيه كبير ولكن مهلي فراسو تقدم بخطوات موزونة و باس لكاميليا راسها بكل حب
-علاش دايرة فراسك هاد الحالة أبنتي
كاميليا: أهئ اهئ تهئ كنبغيه أبابا واش كتفهموني ولا لا راني كنبغيه و كنحماااااق عليه راه ما نقدرش نشوفو مع وحدة أخرى و الله حتى كنحس بقلب كيتقسم على جوج اهئ اهئ علاش ما بغيتوش تفهموني علاش تهئ اهئ علاش ما بغاش يعطيني فرصة نكونو مع بعضياتنا علاش شنو درتلو أماما اهئ اهئ من نهار شفتو قلبي تعلق بيه بلا ما نحس شنو دنبي أنا أهئ اهئ صدري كيضرني بزاف حاسة بقلبي غادي يخرج من بلاصتو بغيت نشوفو اهئ اهئ توحشتو أبابا اهئ اهئ
فنفس المستشفى واقف جبل مع يعقوب كيسولو البنت اللي فالاستقبال على رقم الشومبر ديال كاميليا فاش قالتها ليهم طلعوا كيجريوا فتح الباب وهو يلقا خالو مع مرات خالو و كاميليا كتبكي فحضن ماماها
جبل: اش واقع هنا
كاميليا هزات راسها بسرعة فاش سمعات صوتو طلقات من ماماها وناضت كتجري عند جبل و طارت عليه بتعنيقة و باستو فعنقو و غمضات عينيها كتستنشق ريحتو
جبل بقا طالق يدو ما فاهمش شنو واقع
كاميليا: جيتي عندي ياك قالولك بلي إنتاحرت على قبلك و جيتي تشوفني ياك نتا كتبغيني ياك و ما غادي يفرقنا حد ياك أجبل قولي بلي كلامي صحيح * كتحرك راسها يمين و شمال* عفاك قولي بلي نتا ديالي و ما ديال حد والله تا نتسطا اهئ اهئ عفاك عطيني فرصة نكون معاك كنواعدك عمرني نقلقك و اللي قلتيها نديرها المهم هو انني نكون بجنبك و حداك *بعدات عليه و حطات يديها على خدودو* بغيتي ندير الحجاب نديروا بغيتني نبعد على دومين ديال المايكاب و الازياء نبعد بغيتي نتعلم طياب موافقة نتعلم عفاك غير متخلينيش كنترجاك أجبل
جبل:*تكلم ببرود* خرجوا كاملين بغيت نبقا مع كامي بوحدنا
كلهم خرجوا ولكن كاميليا قلبها ضرب فلألف واش بصح دلعها و عيطلها كامي ولا غير كتخايل و كيجيبولها ودنيها
جبل شدها من يديها
جبل: اجي معايا
كاميليا غير كتشوف و تبتاسم هي وعظامها و كتشوف فيديها اللي قابط فيها جبل و ضحك
جبل جلسها من فوق السرير و تكاها على مخدتها و هي حاضياه بعينيها مشا جاب كرسي و جلس بجنب سريرها و شدلها فيديها بقوة و قال بصوت خافت و بكل برود
جبل: نسايني أكاميليا نسايني
كاميليا بدات تبكي و تحرك راسها يمين و شمال و غمضات عينيها و كتبكي بكل حرقة
كاميليا: أهئ اهئ ما نقدرش ما نقدرش دابا نتا بحال كتقولي ما تبقايش تنفسي واش باغيني نموت
جبل: كنحييك على شجاعة اللي عنداك حيت صارحتيني بحبك ليا *ابتاسم باستهزاء * كاين ناس اللي ما عندهومش القدرة انهم يصارحوا ناس اللي كيبغيو بحبهم
كاميليا: عفاك ما تخلاش عليا كنترجاك *شداتلو فيدو بقوة * كنترجاك أجبل
جبل: *هز راسو شاف فالسقف و غمض عينو و عاود حلهم و شاف فيها * انا وياك ما صالحينش لبعضياتنا رغم انكي كتبغيني انا اكثر واحد عارفك باش كتحسي عارف الالم فاش كيكون الحب من طرف واحد صعيب و صعيب بزاااف كاتحس بحال كيحيدوا قطعة منك بلا ما يخدروك كتمنى كن كنتي مريض بشي مرض مزمن أحسن ليك من هاد العداب اللي كيهد صحتك نهار على نهار كتمنى يحيدولك قلبك باش ما تبقاش تحس ولكن كيفاش غادي تقدر تعيش بلا قلب كتحس براسك مكسور كيف داك طير اللي ما عندوش جنحين ما كيقدرش يطير فالسما و ما كيقدرش يبقا فالارض انا وياك بحال دوك الخطوط اللي متعاكسين واحد غادي فاليمن ولاخور غادي فاليسار عمرهم يتلاقاو
كاميليا: كتبغي وحدة أخرى ياك اهئ اهئ هي نفسها البنت اللي كانت معاك فالعمارة داك نهار أهئ اهئ
جبل:*تنهد*هادشي خاص بيا أنا بوحدي عارفاني ما كنحملش نهدر فمسائلي شخصية الحاجة اللي خاصك تعرفيها انه قلبي محجوز انا ملك لانسانة وحدة أخرى عارف هاد الكلمات الللي كنقولك كيدخلو فقلبك كيف داك الخنجر اللي فيه السم ولكن قاصح أحسن من كداب
*شد فيديها و هي دموع نازلين من عينيها شلال* كامي نتي بنت خالي من دمي و لحمي عزيزة عليا بزاف وربي اللي شاهد والا قصحت معاك فالهضرة سمحيلي بزاف يقدر كن كنت فظروف اخرى نعطيك فرصة ولكن حتى انا كنعاني و ربي لي عالم بيا انا و ياك بحال بحال كندوقوا من نفس الكاس انتي تقدري تنسايني و تلقاي ولد ناس اللي يبغيك و يقدرك ولكن انا ماشي هو داك شخص فهميني بليييز وآخر مرة تسخى عليك روحك و تحاولي تنتاحري روحك و جسدك ماشي ديالك ديال اللي خلقك هو اللي عارف فوقاش غادي يديك لعندو داكشي علاش بليييز 🙏🙏🙏 ما تحاوليش مرة أخرى كنترجاك و الا عاودت سقت لخبار بلي بغيتي تنتاحري على ودي عمرك باقي تشوفي كمارتي *وقف جبل و مشا و قف حدا الباب و حط يدو على البوانيي د الباب و قال* نسايني أكاميليا
كاميليا: الا كنتي ما كتبغينيش خليني على الاقل نبغيك انا و نكون حداك انا قابلة نكون خادم بين يديك ما تحرمنيش من ريحة عطرك واخا انا قابلة نبقا بعيدة و نراقبك ما تحرمنيش منك و ما تكونش قاسي معايا حتى لهاد درجة كلما ضاقت بيك دنيا غادي نكون انا الامان ديالك و الا جاك البرد غادي نكون انا المعطف ديالك والا كنتي فظلام غادي نكون أنا نور ديالك و تفكر مزيان بلي غادي نبقا نبغيك حتى يقراو الفاتحة على روحي
دار جبل عندها و بقا كيشوف فيها لثواني وقرب عندها و باسلها راسها وقال
جبل: ارتاحي دابا راك مزال عيانة انا قلت اللي عندي
خرج جبل و سد الباب لقا مرت خالو متكية على كتف خالو و جالسة كتبكي و يعقوب كان متكي على الحيط و مربع يدو كيشوف فيهم فاش سمعوا جبل سد الباب كلهم التافتو لجيهتو و مرات خالو وقفات حداه و ضرباتو لصدرو و قالت بالغوات
- بسبااااااابك بنتي نتااااااحرت بسبااااااابك و صلات لهاد الحالة
جبل ما دار حتى ردة فعل هز راسو وشاف فيها ببرود
جبل: واش انا بنتك ضارب بيها الكاغيط و انا ما فراسيش
جبل:*كيتكلم ببرود* وعلاش اللي ما تقوليش بسبابكم اللي ما رديتولهاش البال من اللول قبل ما تردي فيا اللومة شوفو راسكم بعدا شنو دايرين بنتكم نتاحرات فدار ديالكم و نتوما ما جايبين لدنيا خبار فإلا كان شي واحد اللي غالط هنا فهوما نتوما أمرات خالي سمعتيني و نزيدك واش انا اللي قلتلها بغيني بنتك اللي بدات كترسم فمخيلتها أحلام و أوهام خاطئة بنتك أ مرات خالي خاصها تعاااااالج راه حالتها مدهورة راه لدروك اللي كاتاخد كيخرج عليها تقاريرها الطبية كتوصلني أنا قبل منكم فداكشي علاش كون ربيتو بنتكم من اللول ما كانتش غادي طلع هاكا و ما كانتش غادي تأدروكا و ماكان غادي يوقعالها والو 🙏🙏🙏 عفاك ما تبقاوش تمسحوا فشل تربيتكم فناس ما عندهم دنب * شاف فيعقوب* خاصنا نمشيو
دار جبل و مشا و تبعوا يعقوب من موراه طلعوا فالطوموبيل ديال جبل اللي كانت عبارة على فيراري سوداء سيارة فخمة بامتياز
جبل ديمارا و قلع كان غادي بسرعة مكره
يعقوب: ماشي قصحتي معاهم فالهدرة
جبل: قلت الحقيقة
يعقوب: و مالك معصب أصاحبي
جبل: كتبقا فيا كاميليا حتى هي كتعدب بحالي انا اللي حاس بألم الحب من طرف واحد انا اللي كنعرف شنو كيعني يكون اللي كتبغي حداك و هو ما مسوقش ليك
يعقوب:مشاااكيل أصاحبي
جبل: نتا حمد الله حداك حبيبتك كاين اللي ما لاقيهاش
يعقوب: شفتك نتا دور دور و تقول انت عندك حبيبتك شي نهار تقوس علينا مالك تابعني مالك ههههههه
جبل: *ابتاسم* ضحكتيني الله يخليكم لبعضياتكم انا كنوريك غير نعمة من بين نعم اللي عندك خاصك تحافظ عليهم و سلمى حطها فعينيك والا شي نهار قلقتيها والله تانخلي دار بوك
يعقوب: هاديك الحميمقة ديالي امبوسيبل نقلقها غير ما يبقاوش حاضينا شي ناس راه كيقولو العين صعيبة
جبل:*ابتاسم* حمق
مسافة طريق استغرقات نصف ساعة و صلو حدا واحد الاوطيل خمس نجوم نزل جبل و تبعوا يعقوب و دخلوا خداو سوارت ديال الغرف ديالهم حيت كانو حاجزين من قبل دخل جبل لشومبر ديالو و شعل ضو و مشا تلاح فسرير و حط يدو على جبهتو حاس براسو عيااان بزاف
بقا كيتأمل فالسقف مدة طويلة و هو يصونيلو التيليفون ناض هزو لقا واصلينو ميساجات فتح التيليفون ديالو و هو يحل عينو بقوة الصدمة 😳😳😳😳
جبل: *بدا كيضحك * هههههه لا ما يمكنش ما يمكنننننننش مااااااايمكنش *رد شعرو اللور بقوة الفقصة و صيفط ليعقوب ميساج باش يجي عندو و لاح التيليفون من فوق السرير و شد على راسو بيدو
جبل: ياربي نكون غير كنتخايل يا ربي غادي نحماق أ عباد الله *مرر يدو على وجهو و ناض وقف كيمشي و يجي فالبيت كيف الموري د الماكانة و هز تيليفون فيدو كيحقق فيه كيتأكد واش بصح داكشي اللي شاف و لا غير كيتخايل *
جا عندو يعقوب كيدق فالباب
جبل مشا طاير حلو الباب
يعقوب: مالك أش كاين
جبل: دخل أيعقوب و نتفاهموا دخل دخل
دخل جبل و تبعوا يعقوب
يعقوب: جبل شنو واقع شفتك طالعلك دم
جبل دور عينو و شاف فيه و عينيه حومر
جبل: لا انا بخيررررر اناااااابخيررررر واش اعباد الله انا ديماااا المصاااايب كيطيحووووا فوق رااااااسي وااااش انا مااااانرتااااحش فوووووقاش غادي نرتااااااح من هاظ العداب فوووووقاش
يعقوب شد تيليفون و بدا كيدوز تصاور وبقا مصدوم و حل عينو على وسعهم و بدا يضحك
يعقوب: ههههه لا واللله حتى نورسين هادي هههه وطلعات تيتيزة * كيزومي تصويرة* هههه والله حتى هي هههه
جبل حيدلو التيليفون من يدو و زدحو مع الحيط حتى تخشخش كامل مسكين
جبل: واااااش باغيييين تحمقووووني شفتوووووني ناقص
يعقوب:وامالك أصاحبي داير هاد الحالة نورسين بدلات لوك ديالها واش فيها شي عيب
جبل:*بدا كيضحك بهيستيرية و شاف فالسقف و عاود هبط عينو شاف فيعقوب* ههههه لا ماااااافيها حتى عييييب هااااااادشي كاااااامل من تحت راس سلمى برررررب الكعبة ماااااندوزهالها اناااااا نورسين عااااارفها مزيااان انا نورسيييين حافضها مااااايمكنش تبقااااا جالسة و تنوووووض تبغي تبدل الللوك ديالها دييييك خطيببببتك هي سبب *كيرد شعرو لور بيدو* واااااش ديك خطيبتك فدينمها دوووودة
يعقوب:*عرف القضية حامضة * جبل برد أصاحبي مالك على هاد ردة الفعل كاملة اش فيها الا بدلت لوك ديالها والله حتى ولات احسن من قبل
جبل: يعقووووووووب ما تعصبنييييش اكثر ما اناااااا معصب اناااااانورسين كنحماااااق عليها بشكلها العااااادي فهمتييييي ولا نفهمك بالخشيباااات انا نوووورسين كنبغيها بشعرررررها المبووووكل الللللي كيسطييييني انا نووووورسين كنحماااااق عليهاااا بنظيظراتها اللي كيعطيو لوجهها جمال خاص انااااا نووووزرسين كنبغيهاااا منين كانت عندي عشررررسنين أصاحبي ورااااني مهووووس بييييها كانتسطااا عليها كيفما كاااانت انا قابل عليها و رااااااضي عليها ماااافهمتش علااااش بدلااااات شكلللها راااااه ما بقالي والو ونخرج نغوت بسمييتها فدروبة *جلس من فوق السرير وهز عينو بشر فيعقوب* ولككككن كلشييي من خطييييبتك المصوووونة لالة سللللللمى
يعقوب: جبل عنداك تمشي دير شي حاجة تندم عليها راك عارف سلمى غير هبيلة دوزهالها هاد المرة مسحها فيا
جبل: علاش غادي نمسحها فيك و نتا ماداير والو اللي دار دنب يستاهل العقوبة سلمى اللي قلبات عليا
يعقوب: كيفما نتا كتخاف على نورسين حتى انا كنخاف على سلمى دابا غير لحظة غضب ونتا باش عرفتيها سلمى علاش اللي ما تكونش هي اللي بغات تبدل اللوك ديالها
جبل:*ابتاسم باستهزاء* واش انا توريني فنورسين أصاحبي نورسين راها بنتي قبل ما تكون حبيبتي راه كنعرف شنو كيدور فراسها غير من شوفة العين
يعقوب: واشنو غادي دير لسلمى شنو هو الحكم اللي غادي تطبق عليها أسعادة القاضي
يعقوب: ما لقيت ما نقول انت اناني أجبل كتفكر غير فراسك كيفما نتا كتحماق على نورسين وما تبغيهاش تآدى راه حتى انا سلمى حبيبتي ما نبغيهاش تآدى وانا عارفك أصاحبي فاش كتعصب ما كتعقلش على العالم
جبل: *وقف و جا أونفاص معاه كيشوفلو فعينو مباشرة* واش دابا انا بنتلك شماتة واش انا نقدر نآدي سلمى اللي أكثر من ختي
يعقوب: عارفك أجبل ما تقدرش تآديها ولكن عارفك غادي تعاقبها بشي طريقة راني صاحبك من زمان و انا حافضك
جبل:برافو عليك دابا فهمتيني كيقولك الفتنة أشد من القتل انا غير غادي نخلعها نخليها على أعصابها اما انا ما عندي ما نديرلها
يعقوب: غادي نخلعوها غادي تكون مزال ناعسة راه هوما غادي تكون عندهم الحمسة د صباح
جبل:يعقووووب قلتلك عيط ليها
يعقوب:ابيل فوكال ولا ابيل فيديو
جبل:*ابتسامة شر* ابيل فيديو
في المغرب
سلمى كانت ضاربها بشخرة حتى سمعات تيليفونها كيزنزن من تحت راسها ناضت قافزة
سلمى:بسم الله الرحمان الرحيم *هزات تيليفون من تحت راسها وهي تشوف سمية my love طالعة عندها فالواتساب تفوهات * 😩😩 واش انا كنحلم ولا ديال بصح *قطعات و ردات التيليفون تحت راسها * اكيد غير كنحلم *رجعات نعسات*
عاود زنزن ليها تيليفون من تحت راسها و هي تنوض طافجة
سلمى هزات تيليفون و هي طلعلها my love عاود
سلمى : *حكات عينيها كتأكد* ههه والله حتى يعقوب و معيط أبيل فيديو أش بغا *دوزات لابيل وهو يطلع ليها جبل جالس من فوق واحد الكرسي و كيبتاسم ليها بشر ما حسات براسها حتى قطعات التيليفون ولاحتو بقوة الخلعة من فوق السرير وشدات فقلبها* أعود بالله من شيطان الرجيم أعود بالله من شيطان رجيم اويلي خلعني اويلي ميمتي أش بغاو عندي فهاد الليل *هبطات سلمى للكوزينة شربات الما وكلها كترعد* ههه أكيد غير كنتخايل ههه مستحيل يعيط ليا جبل مع الخمسة د صباح و لكن هاديك نمرة د يعقوب *شدات على راسها * غادي نحماق اويلي *شدات على قلبها* اويلي ميمتي ياكما يكون عاق بيا بدلت لوك لنورسين و ما عجبوش لحال *ضربات راسها بيديها* اويلي و هو منين غادي يعرف مالي مكلخة كيبانلي نمشي نعس أحسن
طلعات سلمى لبيتها بتثاقل و هزات التيليفون تأكد واش بصح عيطلها يعقوب و هي تطلعلها رسالة فتحتها وهي تبقا[ جاوبي أحبيبتي دغيا راه باغي نقولك واحد الحاجة ضرورية]
سلمى: اويلي شنو واقع
صونالها التيليفون أبيل فيديو من عند يعقوب وهي تفتح وهو يطلعلها جبل مع يعقوب جالسين كيبتاسموا ليها ابتسامة صفرا 😁😁😁
سلمى: جبل يعقوب سلام قولولي شنو واقع لاش معيطينلي مع الخمسة دصباح
سلمى: اهئ اهئ والله حتى كانت مأزمة و كتبكي و انا قلتلها باش تبدل نفسية ديالك خاصها تبدل اللوك ديالها يعقوب قول شي حاجة أهئ اهئ
يعقوب: بيناتكم درتي دنب تستاهلي العقوبة
سلمى: اهئ اهئ خويا جبل و الله حتى فرحات فاش تغيرات عرفتي وجهها ولا منور ولات غير كاضحك كلشي بقا حال فيها فمو
زدح جبل داك التيليفون مع الحيط بقا يعقوب غير مصدوم
سلمى حتى هي دارت يديها على فمها من صدمة
سلمى:*ضربات فحناكها *اويلي ميمتي مشيت فيها غدا يجي من ميريكان يدبحني اشداني أميمتي أشداني حتى انا كنطير لواه بدلي لوك باش تبدل نفسيتك * عطات لراسها الصبع * ها فيك اسلمى ها فيك هانتي جبتيها فراسك دابا واقيلة خاصني نمشي نصلي الفجر و نقرا شوية د القرآن على الله يهديه الله و يخفف عليا العقاب
عند جبل
يعقوب: أصاحبي هرستي تيليفونك و بغيتي ترزيني فديالي
جبل دوز يدو على و جهو وهز سوارت ديال الطوموبيل و خرج و تبعوا يعقوب
خرج ركب فالفيراري ديالو و ركب معاه حتى يعقوب
جبل:*كيهدر مكره* نزل أيعقوووب
يعقوب: ما نقدرش نخليك بوحدك و نتا فهاد الحالة
جبل: ادن تحمل العواقب د اختيارك
ديمارا جبل اللوطو و كسيرا كان غادي بسرعة كبيررررة بزاااف و خصوصا سايق الفيراري بحال غادي فحلبة سباق
يعقوب: جببل نقص من سرعة واش باغي تقلب ديلمنا فشي قنت
جبل: نتا اللي بغيتي تجي معايا
حبس اللوطو حتى تحكوا روايضها مع الارض حدا واحد الملهى ليلي ونزل و تبعوا يعقوب
كان صداع بزاااف و الاضواء و كلشي كيرقص بشكل جنوني جبل تخطاهم و مشا جلس فواحد القنت vip كيجلسوا فيه غير اللي لابس عليهم و تبعوا يعقوب جلس مقابل معاه كيشوف فيه
يعقوب: نتا والله حتى أحمق وانا اكثر منك اللي داير فيك عقلي
جا عندهم نادل حط حداهم القراعي د الويسكي الغالي و كبولهوم فواحد الكيسان و مشا
جبل هبط على داك الكاس كامل و عاود عمر كاس أخور و عاود الكاس الثالث و الرابع حتى خوا ديك القرعة شد فيه شراب مزيان بغا يزيد وهو يحيدلو يعقوب القرعة من يدو
يعقوب: جبل باركة عليك نوض نمشيو
جبل:*غمض عينو وتكا راسو للور وقال بالغوات * نووووووووووووورسيييين *و بدا كيضحك كيف شي هبيل *
يعقوب : جبل علاش كادير فراسك هاكا على قبل بنت أصاحبي اللي ما حاسش بيك تا واش كاين ولا ما كاين حاول تنساها راك الا بقيتي هاكا شي نهار تحماق والله حتى كتخلعني عليك
جبل هز صبعو كتهديد
جبل: نوووووورسين ماشي بنت عاااااادية ههههه نورسييييييين هي بنت قلبي *ضرب فصدرو*
يعقوب: نتا ما بقاش فيك الحال حيت بدلت اللوك ديالها نتا بقا فيك الحال حيت حسيتي بالغيرة خفتي يديوها منك أجبل هادشي علاش
جبل:*دار صبعو على فمو بمعنى سكت 🤫🤫🤫* شووووووت ماكااااااينش اللي يقدر يديها مني حيت هي ملكي بوحدي ملاكي طاهر وانااااااا ما كنغييرش غير كنحس بواحد بالعافية شاعلة فقلبي فاش كنتخايل شي واحد يقدر يشوفها و تعجبو تيقني ما كنغييييرش غير كنحس بالموت فاش كيشوف شي حد فيها نظرة إعجاب بحال داك الز*** د رشيد ههههه ولكن ما كنغيرش والله ما كنغير غير كنحس بالعافية شاعلة فيا من راسي حتى لرجلي واش هادشي كيعني أنني كنغير ههههه كيقول واحد الشاعر ليتني أستطيع أن أحتفظ بك لي وحدي لا أحد يراك غيري أعذر أنانيتي فأنا أعشق ما أملكه وانت جزء مني هههه هاد الشعر كنهديه لحبيبة قلبي و ملكتي و أميرتي نووووورسين
يعقوب:*وقف و ناض بغا يهزو* نوض نديك عند نورسين نوض
جبل: هههه كتفلا عليا حنا فميريكان وهي فالمغرب راني غير سكران ماشي فاقد الداكرة
يعقوب: *شد على راسو * يا ربي تصبرني ياربي احمق و حاضي حوايجو
وقف جبل ديخان كيمشي و يجي ما شادش توازن ديالو بفعل السكرة
تقدم بخطى بطيئة وهبط لتحت مشا جبل يعاون يوقف بعد عليه و قال بالغوات
جبل: ماااااتقيسنيش قادر نمشي بوحدي ههههه
كان لتحت بزااااف د ناس كيشطحوا والموسيقى مطلوقة مجهدة بقا جبل مدة كيشوف فدوك الاجواء و دار عند يعقوب حيت كان موراه و قال
جبل: بغيت نغني
يعقوب: ما واتاك غير الغنا دوز تحرك نمشيو لاوطيل تصهط (تنعس) راك شيبتيني
جبل ضحك حتى بانو الغمازات اللي عندو فوجهو و زاد ومشا عند هاداك اللي مكلف بإطلاق الموسيقى
يعقوب تابعوا من اللور وموكل أمرو لله خاليه على هواه
جبل:I want to sing ( أريد ان أغني )
-Yes of course( حسنا )
داك خينا اللي مكلف بإطلاق الموسيقى حبسها و هاداك القوم كولو اللي كان كيشطح التافت عندو وهو يقولهم
- Ladies and Gentlemen, Today I have the honor to present to you one of the beautiful voices that I hope you would like(سيداتي سادتي اليوم يشرفني أن أقدم لكم أحد الاصوات الجميلة أتمنى ان يعجبكم )
جبل شد الميكروفون و جلس على واحد الكرسي و طفاو ضواو كلهم و سلطوا اضاءة خافتة لجيهتو و بدا كيغني بصوت خافت وجميل أغنية
I found a love -ed shereen
I found a love for me
Darling, just dive right in
follow my lead
Well I found a girl
beautiful and sweet
I never knew that
you were the someone waiting for me
'Cause we were just kids when we fell in love
not knowing what it was
I will not give you up this time
Darling, just kiss me slow
your heart is all I own
and in your eyes you're holding mine
Baby, I'm dancing in the dark
with you between my arms
barefoot on the grass
listening to our favorite song
When you said you looked a mess
I whispered underneath my breath
But you heard it:
Darling, you look perfect tonight
Well I found a woman
stronger than anyone I know
She shares my dreams
I hope that someday
I'll share her home
I found the love
to carry more than just my secrets
to carry love, to carry children of our own
كلشي تبهر من خامة صوتو رائعة كلهم ناضو كيصفقوا عليه و خصوصا هاد الاغنية الرائعة اللي فيها كووومة مشاعر و الامريكيين كيحماقو عليها
ناض جبل من فوق الكرسي ما شادش توازن ديالو و حتى هو بدا كيصفق على راسو و كيضحك
يعقوب مشا لعندو و سندو عليه حتى وصلو الباب و خدا من عندو السوارت ديال الطوموبيل دخلو للوطو و مشا يعقوب للمكان المخصص بسياقة و ديمارا
جبل مازال كيضحك و كيصفق غير هو و راسو
يعقوب:*كيدور كيشوف فجبل مرة مرة* والله أصاحبي حالتك غادة و كتدهور نهار على نهار
جبل:*شاف فيه و قال بالغوات* وماااااااااسوقكش فيا مااااااسوقكش وااااا بعد منيييي هي ملياااار قلتلك مااااتجيش معايا ههههه علاش جيتيييي معايا
يعقوب:كن ما جيتش معاك كن راك درتي شي أكسيدون فالطريق وانت بهاد الحالة واش ساخية عليك روحك حتى لهاد درجة واش باغي تموت
جبل: ههههه ما كرهتش والله ما كرهت نموت كن كان الانتحار حلال و نقدر نهي حياتي بيدي والله حتى نديرها ههه اصلن انا حاس براسي ميت بلا نووووورسين هي الاوكسيجييييين ديالي ههههه واش عمرك شفتي شي واحد عايش بلا أوكسيجييين ههههه داكشي علاااااش انا ميت من أساسو داكشي علاش بلا ما تبقا تخاف عليا
يعقوب شاف فيه و قال
يعقوب: الله يهديك على راسك أصاحبي
دار يعقوب كمل سياقة حتى شاف يد جبل كتنغزو باش يدور عندو
جبل:ههه تكون عندي بنيتة كتشبه لنورسين فتفاصيلها بحال تبوكيلة د شعرها و لون د عويناتها و شكل د نيفها و خدودها و شنيفاتها اآآآآخ كنتسطااااااااا و اناااااااحمق احمممممممق كنعتاااااارف بيها هادا اللله عييييييت من عشقيي ليييييها واعييييييت أعبااااااد الله واش ما كاينش شي دوا ديال الحب من طرف وااااحد
يعقوب: ربي يشوف من حالك انا عييت معاك جالس كتعدب فراسك بيديك و تخلق الاعدار الخاوية الحل حدا عيييينيييك أجبل *ضرب الفولون ديال طوموبيل بيدو بالفقصة * حدا عينيك وراك أحمق ديال بصح و بقااا كتعدب حتى يطيروها من يديك و جلس تبكي هنا كي شي ولية
جبل:ههههههه أ والله العليييي العظييييييم اللي خلقنيي و خلقك وبرب الجلييييل الا مشاااا حتى قربلها شي ولد ق*** أبرب الكعبة الللي نديرولو ما نقولو تفكر هضرتيييي مزيان هههه كن كان شي حد يبغيها قدي كن نخليها لو و لكن ما زال ما تخلق هادا اللي غادي يبغيها بحالي والله مااااا كاين
جبل حط راسو على زاجة ديال الطوموبيل و بدا كيسوط بفمو على الزاجة و رسم فيها وجه حزين ☹️ و كتب حداه My Angel (ملاكي ) و غمض عينو
وصلو لاوطيل و نزل يعقوب و مشا حل الباب لجبل و عاونو باش يخرج و طلعوا لشومبر ديالو و حطو على سريرو و حيدلو صباطو و غطاه و خرج مشا حتى هو ينعس
☀️☀️☀️ يوم جديد يحمل في طياته الكثير 😉😉
عند جبل
دخلات الاشعة د الشمس لبيت د جبل الشيئ اللي خلاه يبدا يقبح وجهوا إستعدادا للنهوض حل عينو و هز تيليفونو من فوق الكوافوز اللي كان كيصوني واخا مشخشخ دوز الخط
جبل:*بصوت مرهق*ألو
يعقوب : أفين أنزار قباني هههه
جبل: يعقوووب أش بغيتي مع سبعة دصباح أصاحبي
يعقوب: وا البارح ما خليتي مادرتي غوتي سكرتي غنيتي قلتي شعر ههه كنتفكر البارح كنموت بالضحك
جبل: واش لوالديك مصوني عليا فهاد الصباح باش تطنز
يعقوب: هبط أصاحبي باركة من نعاس راني لتحت كنفطر
جبل: وانا مالي
يعقوب: وراه وصلاتك واحد العلبة زوينة ما نعرف أش فيها واش نحلها
جبل:*ناض من الفراش * تحلها نكرضلك يديك هانا جاي
قطع جبل الخط و حط التيليفون و شد على راسو كايعطيه الحريق هز التيليفون و عيط على لكارد ديالو يجيبولو الحوايج لأوطيل ناض دوش باش يخفاف عليه الحريق لبس تيشورت كحل مع جاكيط د الكوير حيت كان الجو بارد مع سروال فالابيض و دار نضاضرو و سد الباب و هبط عند يعقوب لقاه جالس فالكافي د الاوطيل داير رجل على رجل وكيشرب القهوة كحلة مشا جبل جر الكرسي و جلس أونفاص ليه و جبد الباكية د الكارو من جيبو و جاب لو النادل كاس د القهوة كحلة
يعقوب: أفين أشاعر بربرة ههههه
هز جبل راسو خنزر فيه و صاط دخان و قال
جبل: عظامك كاياكلوك ولا
يعقوب: والله حتى ندمت كن غير صورتك تشوف راسك ناري طيرتيني هههه
جبل: انا ربي اللي عالم بيا و انت جالس تفرنس كي راس المشوط
يعقوب: وا مالك طالعلك الدم أصاحبي رخف على راسك شوية
جبل: فين هي لبواط اللي و صلاتني
يعقوب: هاهي محطوط حداك فوق الطبلة
جبل عاد انتابه ليها و هزها كانت علبة فلون الغوز و جاي ديكورها واعر
يعقوب: ما عرفتش علاش عندي إحساس غادي يكون هادا شي كادو لنورسين ههه
جبل: هاد التيليفون فيه سيسطام خاص بيه بوحدو أي حاجة وصلا ت فيه غادي توصل فتيليفوني قبل وفين ما كانت غادي يوصلني إشعار على مكانها
يعقوب:امم مزيان أسيدي بانلي مرسومة فيه شجرة
واش هي نفسها
جبل:*ابتسامة مستهزءة* آه هي نفسها شجرة اللي شفتها جالسة تحت منها قبل 20 عام بكسيوة فالابيض و طالقة شعرها و جالسة كترسم آآآه *وقف* نوض تمشي راه عندنا طيارة دابا
يعقوب: أجي نتا بعدا شفتك كاع ما كتراقب الشركات دياولك
جبل: مراقبهم أيعقوب راه كل نهار كيوصلوني تقارير
يعقوب وقف حتى هو
يعقوب:اوا و ما نتساراوش شوية فميريكان أصاحبي
جبل:الا كنتي نتا ما كتوحش سلمى ماشي كلشي بحالك *غمزو 😉 وعطاه بالضهر و زاد*
فالمغرب
فوق مائدة الافطار جالسة ياسمين و عبد المالك و نورسين و سارة كيفطروا
ياسمين: علاش ما هبطاتش سلمى و جوهرة
سارة: دخلت عندها قبيلة لقيتها دايرة درة و شادة واحد تسابيح فيديها واقيلة تشيرات ختي فهاد المزرعة
عبد المالك: هههه العجب
نورسين: احم و جوهرة فينها
ياسمين: ما عرفت مالها مشيت نفيقها قالتلي مابغيتش ولات غير سادة عليها البيت
دخلات نورسين و سدات الباب جوهرة حلات فمها فنورسين حيت ما توقعاتش غادي تكون بدلات اللوك ديالها بدات كطلع فيها و تهبط عجباتها الكسوة اللي لابسة نورسين جاية فالحمر و فيها وريدات فالزرق نص كم و طويلة و مع نورسين كانت طالقة شعرها جات فنة و كيوووت بزاف
نورسين تقدمات و جلسات حدا جوهرة
نورسين: لابس عليك
جوهرة: حمد الله اختي وانتي لابس
نورسين: حمد الله صراحة جيت نهضر معاك بخصوص الهدرة اللي قلتك البارح سمحيلي بزاف
جوهرة:*شداتلها فيديها و ناضت كتبكي* بالعكس أختي أهئ اهئ انا اللي سمحيلي بزاااف ما عرفتش علاش هدرت معاك بديك طريقة شيطان عما ليا عينيا أهئ اهئ
نورسين:*حطات يديها على خد جوهرة* عادي أحبيبة أنا فهماك و عادراك عارفك نتي صغيرة فهاد الدار و نتي المفششة فاش شفتيهوم مهتمين بيا بقا فيك الحال الغيرة حاجة عادية ما فيها حتى شي عيب حتى انا غلطت فاش قلتلك ديك الهدرة القبيحة فلحظة غضب
جوهرة: اهئ اهئ والله اختي الا كنت سادة عليا فالبيت حيت حشمت نشوف فيك من بعد داكشي اللي قلت
نورسين عنقاتها
نورسين: وصافي مسحي دموعك دابا تصالحنا ياك ههه
طلقات نورسين من جوهرة اللي كتنخصص
جوهرة: آه تصالحنا * ابتاسمات وسط دموعها* جيتي زوينة بزاااف بصحة لوك جديد
نورسين: الله يعطيك صحةيالاه نوضي غسلي وجهك باش تهبطي تفطري معانا
جوهرة: واخا
خرجات نورسين من البيت و مشات عند سلمى كتدق عليها
نورسين: سلمى
سلمى : دخل
حلات نورسين الباب و دخلات عندها لقاتها لابسة واحد جلابة و دايرة درة كتقرا القرآن
نورسين: سلمى
سلمى هزات فيها راسها و سدات القرآن و باستو و حطاتو
سلمى: نعم يا أختي في الله
نورسين:*كضحك* لا واش من نيتك
سلمى: آه من نيتي أختي بغيتي شي حاجة ولا عرفتي شنو أجي تسبحي معايا و ندعيو الله يخفف علينا عداب الدنيا قبل الاخرة
نورسين: *مشات جلسات حداها و حطات يديها على جبهتها*سلمى واش نتي بخير
سلمى: انااا بخير ولله الحمد
نورسين:ياكما ضربك شي جن مومن بليل
سلمى: اودي عاد غادي يضربني راه جاي فطريق
نورسين: آش كتخربقي أسلمى
سلمى: نتي اللي كتخربقي أما انا عارفة راسي أش كنقول
نورسين: اختي انا قلبي بيض واخا يدير معايا الواحد خايب كنرجع نسمحلو البارح ما نعستش بقوة ما أنبني ضميري واصلن فاش فكرت لقيت بلي جوهرة مازال صغيرة و عقلها طايش وهي باينة مفششة بزاف غير الغيرة اللي كتحكم فيها حيت شافتهوم مهتمين بيا حيت ضيفة بقا فيها الحال حتى انا غلطت و صرفقتها و غوت عليها و زايدون الا درتي بحال الحمق باش فتيه
سلمى: المهم أنا ماشي سوقي بيناتكم
خرجات سلمى و تبعتها نورسين فالدروج و هبطوا لتحت من بعد ما لقات تحية الصباح جلسات سلمى تفطر
سارة: اوا صباح الخير ألالة سلمى على سلامتنا منين شفنا وجهك الجميل
مشات سلمى طلبات من الشيفور يعطيها سوارت ديال واحد الكاط كاط بيضة
-لالا الله يرحم الوالدين غير بشوية عليك فطريق راه موسيو جبل وصانا ما نخليوكومش تخرجوا بوحدكوم
سلمى: ما تخافش ما غاديش يسيق الخبار أصلن
مشات سلمى حلات لنورسين لباب
سلمى: وا طلعي أزمرة و نتي حالة فمك كي ضبعة
نورسين: واش نتي اللي غادي تسوقي
سلمى: دوزي طلعي الله يرحم الوالدين ما مسالياش لأسئلتك دابا
طلعات نورسين و مشات سلمى لمكان سياقة و ديمارات و زادت
نورسين: سلمى أختي واخا نطلبك طليبة و ما ترديهاش فوجهي
سلمى: شنو
نورسين: واش ممكن تسلفيني إلا جات على خاطرك الفلوس
سلمى: وأشنو غادي ديري بيهم
نورسين: بغيت نشري الكادو لجبل
سلمى ابتاسمت
سلمى: واخا ولكن بشرط
نورسين : شنو هو
سلمى: غادي نطرح عليك واحد السؤال و غادي تجاااوبني بصراحة
نورسين: موافقة
سلمى: واش ما كتحسي بحتى حاجة من جيهة جبل يعني بغيت نقصدلك واش ما كيعجبكش و لا كتبغيه حيت هو تبارك الله داك زين كامل و كيعاونك و زعما ما تحرك فيك حتى حاجة
نورسين: *تنهدات*خيتي انا ما نكرش و نقولك ما كيعجبنيش ديك الشخصية ديالو و حنين أختي بزاااف خصوصا مع الاناث وداك زين اللي فيه حتى انا كنبقى بنت و خصوصا دار فيا خير كبير عمرري نساه ولكن ما نكدبش عليك انا عارفة بلي هو عاطي للعين يعني لابس عليه و زوين ما يمكنش ما يكونش مرتابط اختي بالاضافة أنني شفتو مع ديك بنت خالو كاميليا بنيس شفتو معاها واحد النهار كانت لابسة داكشي مقزب و جالسة تبوس فضهرو و ديما فاش كتشوفوا معايا كتقولو كتخوني يعني سيد داير معاها علاقة و من فوق هدشي كامل ما غاديش يديها فوحدة بحالي ما نكرش إنسان بحالو سعدات بنت المراة اللي غادي تاخدوا و لكن ماشي أنا أختي انا عجبني فلول و لكن حاولت نخليه و نشوفوا غير مجرد أخ ما بغيتش نتعدب كيفما تعدبت فاش بغيت كمال اللي كان خدام معانا فالمكتبة
سلمى بقات غير مصدومة حلات فمها بقوة صدمة 😱😱😱😱
وقفات الطوموبيل و دارت شافت فيها
سلمى: دابا واش من نيتك كان كيعجبك داك وجه البرمة د كمال داك عود سبسي كان كيعجبك و كنتي كتبغيه اعبادالله *شدات على راسها و شافت فيها * جاوبيني بصراحة واش مازال كتحسي بشي حاجة من جيهتو
نورسين: لا أختي ما كيعجبني حد فهاد الساعة قلبي مغلق حتى نشوفوا شكون غادي يحلو ههه
سلمى:*كتبركم و كتهدر غير بشوية مع راسها * اويلي ميمتي على قلبي مغلق داك جبل مسكين غادي تحمقيه غادي تخرجي لو المرارة
نورسين: شنو قلتي
سلمى ديمارات الطوموبيل و زادت
سلمى: دابا تصوري معايا مثلا غير مثلا الا جا عندك شي نهار جبل و قالك انا كنبغيك و باغي نتزوج بيك أبنت ناس واش تقبلي ولالا
نورسين: اه و نقولو اجي نديروا شي فشي و نولدوه كيمشي هههههه
سلمى: كنهدر معاك جاوبني ولا سدي حلقك
نورسين: واش كتفلاي عليا ما نقدرش نتخايل حيت عمروا ما غادي يبغيني فهمتي و ما عمروا غادي يطلب يدي لزواج هههه ضحكتيني والله ما قدرت نتخايل الموقف
سلمى: وا دابا أزمر غير مثلا
نورسين: بغيتي صراحة غادي نرفض
سلمى حلات عينيها على وسعهم 😳😳😳
سلمى: وعلاش غادي ترفضيه أ الحيمارية
نورسين:اولا حيت هو مرتابط مع كاميليا بنيس ثانيا انا ما باغاش راجل اللي غادي نديه يكون كيسكر و كيكمي ثالثا انا ما باغاش ندي راجل حسن مني فالزين كايقول واحد المثل اللهم خرية ونشمها بوحدي ولا وردة و يشمها كلشي رابعا اختي جبل البنت اللي شافها ينوض يعنقها و يجيبلها لكادو انا كنغير بزاف ما يعجبنيش نشوف الراجل اللي غادي ندي غير جالس يبوس و يعنق خامسا جبل كيشوفني غير بحال ختو كيعاوني مسكين الله يجازيه بخير وحتى انا كيفما قلتلك كنشوفو غير بحال خويا باش ما نتعلقش بيه اختي ونبني أحلام وردية و أوهام و فالتالي يطلع معايا أحسن قالب اجي بعدا نتي شفتك دوري دوري و تجبديلي جبل
سلمى: احم لا والو عارفاني فضولية
نورسين: سعداتك أختي سلمى بالله
سلمى: علايش سعداتي
نورسين: انتي انسانة مثقفة و ثايقة فراسك و تبارك الله كتعرفي تسوقي و لاقيا اللي يبغيك و تبغيه تبارك الله مشاء الله عليك الله يحجبك من العين بصراحة بغيت نسولك عندي شي أسئلة متعلقة بيك ضاريني فراسي و بغيت نعرف الجواب ديالهم
سلمى: احم الله يسمعنا خبار الخير
نورسين: أول سؤال نتي كنتي خدامة معايا فالمكتبة و كنتي راضية بالخلصة اللي كتشدي برغم أنه باين لابس عليك من حوايجك و شكلك و و خطيبك يعقوب تبارك الله رجل أعمال واش زعما قدر يخليك تخدمي فمكتبة ثاني سؤال و آخر سؤال علاقتكم مع جبل زوينة باين بحال كتعرفوه من شحاااال هادي ما فهمتش
سلمى وقفات اللوطو و شافت فيها بغات تهرب من الجواب كيفما العادة
نورسين:عفاك طلق سراحي نمشي فحالي الميمة الله يرحم ليك الواليدين
- واليديا اللي جالسة كترحميهوم لاحوني لزنقة داكشي علاش غير كتكبي الما على رملة ايوا طلقينيا للفراجة و عطينا شي بوسة أزين ولا عرفتي شنو أش بانلك فشي ليلة زاهية غير انا وياك أحبي طيط أ طيط
في نفس الاثناء كانت دايزة من طريق سيارة فاخرة من نوع بورش وسايقها واحد الرجل يكون فالثلاثينات طويل و زعيعر ولحيتو مطراسية و عويناتو خضيضرين لمح شي بنت واقف عليها شفار بجنوية
وقف طموبيلتو فجنب و خرج منها
مشا بخطى ثابتة حتى و صل حداهم و قاس فضهر داك شفار و دار عندو بدورة باش دار عندو عطاه بونية طاحلو جنوي من يدو و زادو ضربة أخرى حتى سال دم من نيفو ضربو لرجلو بحركة سريعة طيحو لارض و نزل عليه بالبوني حتى ولا يرغب و يزاوك و بدا كيغوت داك شخص عليه
-كترررررررجل على العيااااااالات أشمااااااااتة دوي
الشفار: والله أخويا غير كنترزق الله
- *عطاه بونية *بشفاااااارة يا شمااااااتة بشفارة كترزق الله أولد الكلبببببة
وقف داك شخص و قال بالغوات
-حيييييد من قدااااامي مانشوووووفش كمارتك ولا نكمل عليك
داك الشفار مشا هرب و طاحت نورسين لارض كتبكي و كتشهق
داك الشخص حنا عندها و قال بصوت خافت
-شووووت علاش كتبكي هاهو مشا بحالو
هزات راسها و شافت فيه بعويناتها العسليين و قالت
نورسين:*كتنخصص بالبكا* اهئ اهئ شكررا حيت عاونتيني
- أي واحد فبلاصتي كان غيدير نفس تصرف نتي اللي ما خاصكش تبقاي تخرجي بوحدك فطريق بقاي تردي البال واخا خصوصا هنا كتكون ديما هاد البلاصة خاوية و ديما كيتكريساو فيها ناس
نورسين: شكرا مرة أخرى
مد ليها يدو وقال
- * بابتسامة * انا اسميتي أنور ونتي
هزات راسها و قالت بابتسامة
نورسين: نورسين
أنور وقف ومد ليها يدو باش يعاونها توقف نورسين قبطات فيدو ووقفات نفضات حوايجها
أنور : سميتك زوينة عارفها شنو كتعني
نورسين :*قالت ببراءة* لا
أنور: نورسين كتعني ضوء القمر الاسم ديالك كيتعتبر من الاسماء المركبة نور اللي كيعني ضوء و سين مأخودة من طور سنين وهو اسم واحد الجبل كاين فشام وعندو معنى أخور اللي هو نوع من أنواع الزهور البرية و كيقولو بلي اللي كتمتالك هاد الاسم كتكون كالملاك الطاهر إنسانة قلبها بيض و ما كتحقدش و كيعجبها الهدوء
نورسين ابتاسمات
نورسين: تصدمت صراحة اسمي كيعني هادشي كامل
أنور: صراحة هاد الاسم كايكون نادر شكون اللي سماك
نورسين: صراحة قالتلي ماما بلي جدي كان سافر ليمن من شحاااال هادي فأيام الاستعمار و كان سمع هادالاسم و عجبو بزاف فاش رجع للمغرب كان ديما كيقول لماما منين كانت صغيرة قبل حتى ما تزوج ببابا أول بنت ليك سميها نورسين* ابتاسمت *وفاش تولدت سماوني بهاد الاسم العجيب
أنور: مزيان واش نتي كتقراي فهاد البلاصة
نورسين:لا أنا غير جيت مع واحد صاحبتي لهنا دخلت لقهوة مازال ماجات
أنور:*بابتسامة* ما كاين لاش تشكريني انا درت غير الواجب *جر لها حنكها غير بشوية* تهلاي فراسك
عطاها بضهر و مشا ركب فطوموبيلتو و دار ليها باي باي بيديه 👋👋👋 و ديمارا طوموبيل و زاد
نورسين بقات غير كتبتاسم و كتشوف ساهية عجبتها شخصيتو و كيفاش دافع عليها و ما خلاش الشفار يقيسها جاها بحال دوك الابطال د القصص و الروايات اللي كتقيل تفرج فيهم و تقراهم و قالت بصوت همس و الابتسامة على وجهها
نورسين: بطلي المغوار
سلمى خرجات من ديك القهوة و معاها واحد البنت كتسلم عليها و قطعات شانطي ومشات عند نورسين اللي كانت واقفة كتسناها
نورسين هزات راسها شافت فيها عينيها كانو حومر ووجها صفر
سلمى: ويلي نورسين مالك مال عينيك منفوخين بالبكا واش وقعاتلك شي حاجة دوي راكي جمدتلي الما فركابي
نورسين: جا وقف عليا واحد الشفار شوفي داتي كلها كترعد مازال مخلوعة منلي ما لقا مايدي كان باغي يتعدى عليا
سلمى شهقات بقوة الصدمة 😱😱
سلمى: ايوا و شنو وقع
نورسين: جا واحد الرجل أختي فكني الله يعطيه الخير كان دايز بطوموبيل و شافني و جا عتقني
سلمى:*عنقاتها* الحمد الله يا ربي الحمد الله اللي ما وقع ليك والو انا حمارة كلبة ما نسواش اللي خليتك بوحدك تفوو
نورسين: اودي المكتوب ما منو هروب
طلقات منها و شداتلها فخدودها و قالت
سلمى: هانتي سمعيني أحبيبة عنداك تمشي تعاودي هادشي اللي وقعلك لجبل و لا ليعقوب و لا لجدة ولا لجدي صافي
نورسين: علاش ؟
سلمى: أ حيت الا عرفوا ما غاديش يخليونا مزال نخرجوا انا وياك صافي
نورسين: واخا أختي ما يكون غير خاطرك *شدات على راسها * طيرها مني خلعة
سلمى: ولد الكلبة بغيتلو جايحة ضربوا انا بغيتلو غير جوج يشدوه و جوج يكتفوه و جوج يريشوه و جوج يعطيوه العصا حتى يولي ضهرو رطب من كرشو
نورسين: خاصنا ندومونديو الحلوى واقيلة
سلمى: صافي راه دومونديتها من ديك القهوة اللي دخلت ليها لقيت عندهم لطارط من داكشي رفيع
نورسين: و فوقاش غادي توجد
سلمى: واحد ثلاثة د سوايع
نورسين: امم و شنو غادي نديروا دابا
سلمى: غادي نمشيو نشريو لكادو و نرجعوا
طلعات سلمى و نورسين لطوموبيل وديمارات سلمى ووصلوا لواحد المحل داير بحال قيصارية بقاو يدوروا فيه حتى خداو لكادو لجبل و طلعوا لطوموبيل
نورسين: نتمنى يعجبوا لكادو اللي جبتلو
سلمى: شفتي نتي واخا تجيبيلو غير ورقة مكتوبة فيها جبل وماشي غير تعجبوا و تحمقوا هههههههه
نورسين: كطنزي دابا عليا سيد دار فيا الخير اللي ما داروهش فيا عائلتي و فالتالي نجيبلو ورقة واش هبلتي
سلمى: وا راه كتبقى فلي جيسط آ فتيحة ههه ما كتبقاش فقيمة الكادو حيت عرفتي جبل راه كل نهار كيجيوه غير لكادو د الفريع و كيرفضهوم
نورسين: علاه شكون الللي كيجيبلو لكادو
سلمى: *كتهدر بلا ما تحس حيت سلمى عفوية اللي فقلبها على لسانها 🤦♀️🤦♀️🤦♀️* غير بنات الوزراء و المشهورين كيحماقوا على جبل كل نهار كيتصيفطولو الهدايا سمعي هادي واحد النهار كان فواحد الملتقى صحافي و ناضت واحد البنت قالتولو كنحماق عليك أجبل و عطاتو طوموبيل من نوع لامبرغيني و ماكانة ديال دهب تصوري عرفتي راه كاين شي بنات مهووسات بيه لاقصى درجة
نورسين بقات غير حالة فمها من هادشي اللي سمعات 😮😮😮
نورسين: اويلي هادشي كامل دايرينو على جبل اوا شفتي راني قلتلك اللهم خرية و نشمها بوحدي ولا وردة يشمها كلشي هاباش ما مزيانش الرجل يكون زوين و نتي كتقوليلي لواه تخايلي معايا شي نهار يبغيك لواه تخايلي معايا شي نهار يطلب يديك لواه الزمر
سلمى عاد وعات على راسها شنو قالت بدات كتعض على شنايفها و ضرب فمها بيديها
سلمى:* كتبركم و كتهدر غير بشوية*ويلي ميمتي على حمارة انا جيت نكحلها عورتها ناري كن يسمعني جبل يعلقني من شفاري ويقطعلي لساني تفو
نورسين: واش قلتي شي حاجة
سلمى: اودي ما عندي ما نقول راني تقليت فزيت
نورسين:اجي بعدا و علاش هو كيرفض هاد لكادو
سلمى:*كتعض على شنايفها * اودي ما نعرفت
نورسين: بغيت غير نعرف منين كتجيبي هاد المعلومات على جبل
سلمى: أ احم يعقوب الللي كايعاودلي عليه
نورسين: امم واش ما عمرك ما بغيتي شي حد من قبل ما تعرفي على يعقوب
سلمى: لا يعقوب هو حبي الاول و الاخير صابرلي على هبالي و صابرالو على هبالو ونتي بصراحة عمر عجبك شي حد
نورسين: وراه قلتلك كان كيعجبني كمال
سلمى:ولا أ الزمر شي واحد من غير داك عود السبسي
نورسين:*ابتاسمت * لا
سلمى عاد ارتاحت نفسيا حطات الطوموبيل ديالها و دخلات جابت لطارط من ديك القهوة و خرجات حطاتها فالكوفر و طلعات و ديمارات
سلمى: كنظن لطارط اللي هي حاجة رئيسية فعيد ميلاد درنها و شرينا لكادو فكريني واش مازال شي حاجة
نورسين: اختي ما عمرهم دارولي عيد ميلاد باش نعرف
سلمى:*شدات على راسها * حتى انا حمقة اللي كنسولك
نورسين: كنظن بقا خاصنا غير نصوبوا العواصر و صافي و نقادو داكشي فوق الطبلة و هوما بعدا فوقاش غادي يرجعوا
سلمى: راهم جايين فطيارة
نورسين: الله يوصلهم على خير
سلمى: امين
بعد مرور اربع ساعات
واقفة واحد الطوموبيل من نوع رانج روفر فلون الابيض فراس واحد الدرب هبطات الزاجة ديال سيارة غير بشوية وبان جبل اللي كان دايرة نضارات سوداء ولابس كومبلي فالاسود حيد دوك نظاظر طواهم و علقهم فصدرو و بانت الفرحة فعينيه و ابتسامة نصر على ملاميحو
جبل : كما تدين تدان
يعقوب: باش كتحس فهاد اللحظة
جبل:حق نورسين ما ضاعش الحمد الله دابا عاد غادي نقدر نعس براحة
يعقوب :دنيا دوارة
جبل رجع راسو و بقا كيبتاسم من المنظر اللي شاف و باينة فيه مستمتع من داكشي اللي شاف
فالعمارة اللي كانت ساكنة فيها نورسين كانت جوقة حدا بابها و ناس كيتغاوتو من الخبر اللي نزل عليهم كي صاعقة بنت العساس تصاورها تنشروا فمواقع التواصل الاجتماعي و صدقات حاملة من الزنقة شيئ اللي خلا باها يقتلها و لما لا وهي مرمدات راسو فتراب و ناس كلها بدات تشمت فيه و الجملة ديال {بنتك جابتلك ولد الحرام } العساس ما تقبلهاش وما فكرش جوج مرات و حشا فيها جنوي صدق قاتل جوج د الارواح
صوت ديال سيارات الشرطة كان مالي المكان جات لقات القبض على العساس اللي كان مصدوم من داكشي لي دار خرجوه الشرطة مينطينو و الجيران كلهم خرجوا يتفرجوا فيه و كلهم كيشوفوا فيه نظرة إشمئزاز فاطمة ام نورسين كانت حتى هي كتفرج من السرجم
فاطمة:*حطات يديها على قلبها * جالس تضحك على بنتي و تقول بلي بلا شرف هاهو ربي كبير صدقت بنتك مشوهاك فالعمارة الله ياخد فيك الحق مازال دوق من كاس المرار اللي شربتي منو بنتي
محمد: سدي داك سرجم و دخلي بحالك و ديك سمية د بنتك ما تعاوديش دكريها على فمك 🤨🤨
فاطمة دارت عندو
فاطمة: الله ياخد الحق فلي كان سباب بنتي قتلتيها و درتيلها جنازة مادارت لا بيديها لا برجليها شنو دارت ليك قلبي كيتشوا عليها ما عرفتها واش واكلة ولا جيعانة ما عرفتها واش مغطية ولا معرية ما عمري ماشفت شي أب كيلوح بنتو لزنقة فبلاصة داك القلب عندك حجرة الله ياخد فيك الحق
محمد ناض و خرج وزدح الباب حتى قفزات فاطمة
فاطمة: ربي كبير و حتى نتا دابا تجي نوبتك
عند جبل
يعقوب: وشنو غادي دير مع باها و راجل ختهاو ختها
جبل لبس نظاظرو و قال
جبل: دابا تجي نوبتهم
ديمارا شيفور و زادو في طريق الفيرمة
يعقوب: نسيت ما قلتلك عيد ميلاد سعيد أصاحبي اليوم كملتي 31 عام ههه شرفتي أبا جبل و مازال ما تزوجتي حالتك صعيبة
جبل دور راسو لجيهتي
جبل:*ابتاسم باستهزاء* خطأ ماشي هادا هو يوم عيد ميلادي ديما كتغلطوا فنهار هادا نهار اللي خرجت فيه من رحم ديال الام ديالي الله يرحمها ولكن نهار تولدت و نهار حييت هو نهار شفت نورسين جالسة تحت شجرة ليلك هداك هو يوم ميلادي نهار عشقتها هونهار اللي تولدت فيه حيت هي اللي عطات لداك طفل الامل اللي كان كلشي حاكروا و باه قاهروا *تنهد* اوووف نتمنى تحس بيا ولو غير شوية حيت ما بقيتش صابر
☆☆☆☆☆☆
أخبرهم ياقدري اني ولدت يوم عرفتك
ليتهم يدركون أنني جئت للحياة مرتين
مرة ولدت من رحم أمي
ومرة كانت من قلبك
وأن صرختي الأولى كانت أحبك
وأول كلامي عندما تهجئت حروف إسمك
وأول خطوة عندما توجهت للقياك
ولم أعرف يوما مأوى يضمني غيرك
مسافة طريق إستغرقات أربع ساعات باش وصلو للفيرمة
يعقوب: اووف و أخيرا وصلنا عيييت أخويا بطريق باغي غير نحط راسي نرتاح
جبل: انا باغي غير نشوف نورسين هي راحتي
خرج من الطوموبيل و تبعوا يعقوب
كانت الاضواء طافية برا و حتى لداخل
يعقوب: مال هادو طافيين ضو ياكما نعسوا
جبل:* بابتسامة* دايرين عيد ميلاد زعما باغيين يفاجئونا
يعقوب:الحمد الله بعدا اليوم ناكل الحلوة
دار عندو جبل خنزر فيه 🤨🤨
يعقوب: احم والله ما الحلوة اللي عال بالك نتا اللي دماغك موسخ انا قصدت لطارط اللي غادي تكون فعيد ميلادك
جبل: اللي فيه الفز كيقفز انا واش قلتلك شي حاجة دابا نتا اللي كطير غير انت وراسك
جبل: وا دابا زيد ندخلو شوف ها العار دير راسك متفاجئ باش ما يبقاش فيهم الحال
وصلو الباب و دقوا وهو يتحل الباب كانت جوهرة لابسة كسيوة مزيونة حد الركبة و مقادة لمايكاب جات فنة
جوهرة : happy birthday *طارت عليه بتعنيقة *
وجات سارة طرطقات دوك لعيبات ديال عيد ميلاد
سارة: يااااااي عمو جبل
تشعلو الاضواء و بانت ياسمين اللي كانت حتى هي لابسة كسوة طويلة فالابيض و عبد المالك اللي كان لابس كوستيم فنفس اللون وبداو كيصفقوا ليه و كيرددوا بصوت مرتفع
- happy birthday to you
جبل غير كيبتاسم و عينو كيقلبوا على نورسين اللي ما بانتلوش معاهم تعصب فاش ما شافهاش
سارة بدات كتدفع جوهرة باش تعنقوا
سارة: وباركة صافي خنقتيه راك نتي كبيرة ما خاصكش تعنقي رجال
جوهرة طلقات من جبل و خنزرات فسارة
جوهرة: وحتى نتي راكي باقا صغيرة على هاد الهدور اللي فيك
جبل: فين نورسين
ياسمين: راها الفوق مع سلمى دابا يجيو
جبل هز سارة من الارض و و باستو فخدوا
سارة:توحشتك بزاااف أعمو علاش مشيتي لتماك
يعقوب: واش دابا غادي تخليونا واقفين فالباب
جوهرة زادت حلات الباب
جوهرة:تفضلوا
دخلوا كلهم و جبل باس سارة و كيلعب ليها فشعرها المبوكل و كيبتاسم عنقها لعندو بقوة
جبل: حتى انا توحشتك
يعقوب: و زعما انا ما توحشني حد
عبد المالك: كلكم وليداتي و كلكم كنتوحشوكوم ماكاينش الفرق بيناتكم الله يرضي عليكم كاملين
عند نورسين و سلمى
نورسين :راهم جاو راه صوتهم كيتسمع خاصنا نهبطوا نشوفوهم
سلمى: خليني نقاد المايكاب ديالي فخاطري
نورسين: ولكن حشومة راهم جاو خاصنا ضروري نهبطوا نباركو ليه عيد ميلاد
سلمى : *كتقاد وجهها و كتهضر*جاتك زوينة الكسوة يا العفريتة وحتى لمايكاب اللي درت ليك خفيف جا مع وجهك
نورسين: شكرا أختي سلمى على كلشي والله حتى نتي اكثر من ختي واللي آداك يآديني واللي فرحك يفرحني
سلمى: لهلا يخطيك أ الزين حتى نتي راك ختي و ربي اللي شاهد يالاه نوضي نهبطوا هانا ساليت
عند جبل
يعقوب: فين درتولي مرتي انا لا أراها
سارة:*كانت جالسة فحجر جبل و كتهضر* امم مزينك نتا وياها قالك مرتي عاقد عليها و حنا ما فخبارناش
ياسمين: سارة حشومة
يعقوب: اودي غير خليها عارفها ما كتحملنيش واخا ما داير ليها والو
جبل غير ساهي فسارة كتفكروا فتفاصيل نورسين وخصوصا شعرها المبوكل ولون د سموريتها كان كيمرر يدو على شعرها بحنان و حب كبير حتى سمع شي خطوات هابطين فالدروج كلهم إلتافتوا ليهم كانت سلمى هي لولة لابس كسوة فالكحل حد الركبة و دايرة مايكاب مغلوق بزاف و موراها نورسين بكسوة طويلة و مشبكة في الازرق نص كم و دايرة ميكاب خفيف و طالقة شعرها جات كيووت بزاف
جبل وقف كيشوف فنورسين ما مصدقش ما زال ما دخلات لراسو نورسين تبدل اللوك ديالها اللي كيحمقوا و كيسطيه و لكن دابا ولات أجمل من قبل ما ينكرش هادشي ولكن أكيد الرجال غادي يبداو يشوفو فيها نظرة إعجاب يمكن فالاول كان كيقول بلي لوك ديالها هو الوحيد اللي كيعجبوا و ما غادي يشوف فيها حتى واحد ولكن دابا لا دابا اللي شافها غادي يحل فيها فمو قد ما تعصب قد ما تصدم من جمالها اللي كان مخفي و هاهو دابا بان بحال ديك الجوهرة اللي كاتكون مغبرة و لكن غير كتمسحها كيضهر جمالها للعلن حل فمو فيها وعلامات الصدمة واضحة على ملاميحو ما توقعش أنها غادي تكون بهاد الجمال كامل داك اللون د سموريتها و شعرها المسرح فوق كتافها و الكسوة اللي بينات تفاصيلها واو جات كيف شي أميرة بالنسبة ليه ما فيقوا من تفكيروا غير الصوت المزعج ديال سلمى كتهدر بالغوات و كتصفق
سلمى: happy birthday to you jabal
جبل خنزر فيها حيت مازال ما عاجبوش الحال من داكشي اللي دارت
سلمى: على سلامتكم
نورسين كانت واقفة كتبتسم و كتشوف ما زال حشمانة و ما واخداش راحتها كتبقى فمنزل ناس غرباء عليها
تقدم يعقوب و باس يد سلمى وقال
يعقوب: هانا تاني على زين ديالي
سلمى: ههه عجبتك زعما
يعقوب: اح جيتي كتحمقي أحبي
نورسين ساهية فيهم و باينة فيها متوترة ولكن كانت غافلة على عيون جبل اللي كتختارقها و كتحفظ تفاصيلها قاطعها من سهوتها صوت جبل
جبل: نورسين
دورات راسها شافت فيه
نورسين: الحمد الله على سلامتكم
جبل: لابس عليك
نورسين: حمدالله يسول فيك الخير وانت لابس
جبل:*تنهد* نقولو الحمد الله تهلاو فيك فغيابي ولا والو
نورسين:*بابتسامة* تهلاو فيا و ما خلاو ما دارولي الله يجازيهم بخير
سلمى و يعقوب كانوا حاضينهم بعينيهم و كيباتسموا و كيتغامزوا عليهم
عبد المالك: جوهرة نوضي جيبي لاطارط راه عيد ميلاد هو الحلوة
جوهرة: *ناضت *واخا أجدي
دازت جوهرة من حداهم و هو يشدها يعقوب من يديها
يعقوب: هاي هاي على ناس كبروا و بداو يديروا المايكاب يالالا صدقتي تيتيزة أودي يا جوهرة
جوهرة: ههه شكرا حتى نتا جا معاك الكوستيم
جوهرة دخلات للكوزينة و دموع واقفين على حافة عينيها واخا باغا تنساه ولكن ما قداش راه فوق طاقتها هي كانت حاضية جبل من اللول كيفاش كان كيشوف فنورسين و كيفاش كيسول عليها وهي ما داهاش حتى فيها قاصحة بزاف تنساه راه ما يمكنش بل مستحيل كيبقى هو داك شخص اللي حن فيها و دخلها لدارو و فششها و ما خلاها مخصوصة لحتى حاجة بدات كتسوط بيديها على عينيها باش ما تبكيش
جوهرة:تهدني أجوهرة غادي تقدري تنسايه غادي تقدري *طلعات نفس وعاودت هبطاتو و ابتاسمات* كوني قوية
حلات ثلاجة و جبدات لاطارط اللي كانت كبيرة و زوينة
جوهرة : سلمى
دخلات عندها سلمى لكوزينة
سلمى: نعام
جوهرة: فين هو الشمع
سلمى حلات واحد المجر و جبدات منو شمعات على شكل 31 و حطوهم فوق لطارط و شعلو شمع وخرجات سلمى طفات الأضواء كلهم وتبعاتها جوهرة و كيرددوا كلهم joyeux anniversaire jabal
حطوها فوق الطبلة اللي كانو مجموعين عليها كلهم
سارة: قبل ما تطفي شمع تمنى أمنية ههه
يعقوب:*حنا على ودنيه حيت كان جالس حداه*وا ردوك برهوش أ با جبل هه
جبل بقا غير كيشوف فيهم و يبتسم وقال
جبل:أمنيتي هي نبقاو ديما مجموعين و يحسوا بيا ناس اللي كنبغي *كيشوف فنورسين * و تكون عندي بنيتة *باس سارة فخدها حيت كانت جالسة عندو * تكون بحال سارة عندها نفس تبوكيلة د شعر و سميمرة بحالها ههه *كيشوف فنورسين* ولون عينيها مارون كي العسل
هادي هي أمنيتي
كلهم كيشوفوا فجبل بأسف عارفينو كلهم كيحماق على نورسين و ديما كيلمح ليها باش تفهموا ولكن هي والا على بالها
ناض طفا شمع وكلهم ناضو كيصفقوا عليه و ناضت جوهرة و سلمى كيقطعوا لطارط
ياسمين: الله يطولنا فعمرك والله يخليك تاج فوق راسنا أولدي
ناضت ياسمين لعندو وحتى جبل حط سارة وناض عندها عنقاتو و دمعوا عينيها
ياسمين: نتا اللي بقيتيلنا من ريحة المرحومة بنتي *طلقات منو وشدات فخدودو* الله يعطيك ما تمنا والله يجمعك بملاكك الطاهر أولدي نتمنى من سيدي ربي يطولنا فالعمر و نشوفوا وليداتك
جبل:*باسلها يديها * يا ربي امين حتى نتوما الله يطولنا فعمركم نتوما هوما عمارة دار
يعقوب : ما عمري ما شفت شي عيد ميلاد ما فيهش الموسيقى حاس براسي بحال جالس فعزو
سلمى: ما طلبتي غير الموجود جوهرة سيري جيبيلي الباف ديال تيليفون
جوهرة: واخا
مشات جوهرة جابتولها وعطاتو ليها و جبدات سلمى التيليفون من جيبها و طلقات موسيقى هادئة و رومانسية بالعاني
سلمى: هادي الاغنية د لكوبل ياك أيعقوب
ناض يعقوب لعند سلمى و حنا على ركبتو و قال
يعقوب: أتسمحين لي برقصة ياسيدتي الجميلة
سلمى مداتلو يديها و بداو كيرقصو بشكل منسجم حتى عبد المالك ناض عند ياسمين جرها و بداو كيرقصوا حتى هوما
نورسين وجهها ولا حمر فهاد اللحظة
سارة: عمووو جبل نوض حتى نتا ترقص راه عيد ميلادك زعما
جبل:*جرلها حنيكاتها* نوض نشطح بوحدي كيف شي حمق
سارة: لا هاهي نورسين تنوض ترقص معاك
جبل هز راسو شاف فنورسين و عينيه كيشوفوا فيها بفرحة و كينتظر يسمع منها كلمة آه بفارغ صبر
نورسين:*ببراءة* ما كنعرفش
ناض جبل و مدلها يديه وقال بلباقة
جبل: كنت قلتلك من شحال هادي أي حاجة كنتعلموها مع الوقت وحتى واحد ما تزاد معلم وانا هنا باش نعلمك
نورسين شافت فيديه لثواني و شدات فيها ووقفات جبل وضع يدو على خصرها وجرها لعندو بجهدوهي حطات يديها على كتافو و عينيه كيشوف فعينيها مباشرة نورسين توترات من هاد القرب و حنات عينيها
جبل: علاش كتخافي مني
نورسين:*شافت فيه* لا بالعكس ما عمري ما خفت منك و ما عمري غادي نخاف من واحد بحالك
جبل: وعلاش فاش كتكوني قريبة ليا كتكوني ديما متوترة
نورسين: لا غير كيجيبليك الله
جبل: امم بصحة اللوك جديد
نورسين: *بابتسامة *الله يعطيك صحة
جبل: فرحانة بشكلك جديد
نورسين: الفكرة ديال أنني نبدل لوك ديالي اقتارحتها عليا سلمى صراحة وحتى انا عجباتني الفكرة ديالها حسيت براسي وليت ثايقة فنفسي هاكا أكثر
جبل: الاهم عندي هو انكي تكوني فرحانة
نورسين:*ردات شعرها لجنب* شكرا
جبل: قلقك شي واحد فاش ما كونتش
نورسين: لا بالعكس كلشي ضريف
جبل: كيف جاك الجو د هنا عجبك
نورسين: زوين بزاف ولكن بغيت نقولك شي حاجة ضرورية
جبل:شنو هي
حبسات الموسيقى و نورسين بعدات عليه و مشات جلسات عاد إرتاحت كانت حاسة براسها مخنوقة عكس جبل اللي تكره فاش سالات الاغنية ما كرهش كون الاغنية ما تحبسش زفر بغضب و مشا جلس
يعقوب:*كاياكل لطارط*الله يعطي الصحة للي صوب هاد لطارط
سلمى: بصحتك و راحتك أحبيبي
سارة: مالكوم ديما دايرين شوهة تقول عمركم شفتوا الحاجة
كلهم بداو كيضحكوا على الهدور ديال سارة
جبل: اجي عندي أسارة
مشات جلسات عندو وبدات كتوكلو بيديها لطارط وهو داير ليها الخاطر و كايكل من عندها ونورسين ساهية فيهم و كيفاش كيعطي لخاطر لواحد ما تنكرش انها شخصيتو كتعجبها ولكن ما زال ما باغا تعتارف بيها او بالاحرى ما باغاش تعلق بيه و يصدق كيبغي كاميليا وتصدق مقولبة فيه بحال كمال
سارة؛*حطات يدبها على وجه جبل*علاش أعمو مازال ما تزوجتي شوف نتا شحال زوين
يعقوب ما قدرش يحبس ضحكة و كان كاياكول الحلوة كلها طارت من فمو و بدا كيموت بضحك
سارة: *شافت فيه * مالك نتا كتفرنس طرحت سؤال كنتاظر جواب
جبل: هاد الهدرة كبيرة عليك أحبيبة
سارة:وا عرفتها كبيرة عليا ولكن بغيت نعرف
جبل: واخا غادي نجاوبك اللي بغيتو صعيب نوصلو حيت طريق بيناتنا مازال طويلة فيها بزاف د العراقيل
نقدر نقولك بلي أنا فمنفى و هي فمنفى
♤♤♤♤♤♤♤
أحبك جدا وأعرف أنني أعيش بمنفى وانتي بمنفى
وأعرف أن طريق الوصول لعينيك وهم
وأعرف أن الوصول إليك إنتحار
ويسعدني أن أمزق نفسي لأجلك أيتها الغالية
ولو خيروني لكررت حبك للمرة ثانية
يعقوب: اوا دابا كلينا لاطارط و غنينا و شطحنا بقاو غير لكادو *جبد يعقوب من جيبو لكادو *هاك أخويا حل الكادو ديالي باش كلشي يعرف شنو جبت ليك
جبل:*كيحرك راسو يمين شمال* غرام د العقل و الله ما تكسابوا
هبطات نورسين و مشات وقفات حداه ومداتلو واحد لبواط فلون الابيض
نورسين: نتمنى يعجبك هاد الكادو المتواضع
وقف جبل و خداه من عندها و الابتسامة كتبان على ملاميحو لما لا و هو حبيبتو و ملاكو الطاهر اللي عطاتهالو بقوة الفرحة يدو كيترعدو و العرق كيتصبب منو حتى طاحلو فالارض
هبطات نورسين هزاتو و عطاتولو
جبل: شكرا سمحيلي عدبتك معايا
نورسين: عادي بصحتك
فتحوا جبل و لقا غورميط د نقرة منقوشة فيه سميتو جبل بخط جميل جدا هز راسو شاف فيها
جبل: عجبني بزاف شكرا بزاف حيت تفكرتيني
نورسين: نتمنى تقبل عليا
جبل :ممكن نطلب منك طلب
نورسين: تفضل
جبل: بغيت نلبسو دابا ممكن تساعديني
نورسين:اه بطبيعة الحال
جبدات الكورميط و لبساتولو و مشات جلسات
جبل فهاد اللحظة قلبو كيضرب فالالف جلس من فوق الفوتوي و عينو على الغورميط اللي فيدو كيشوف فيه و كيضحك و بدا كيمرر يدو على الاسم ديالو اللي منقوش فيه
جوهرة: سمحلي أجبل ما جبتلكش الكادو كنت عيانة و ما خرجتش
جبل هز راسو و شاف فجوهرة
جبل: ماشي مشكل عارفك كنتي عيانة راه باينة فوجهك ماشي هي هاديك بغيت نقولك واحد الخبر و ما تصدميش
جوهرة : شنو هو
جبل:*شاف فيعقوب*نقولولها و لا بلاش
يعقوب:* دار راسو كيفكر زعما *امم غير قولها نفرحوها
جبل:اجي جلسي حدايا بعدا
ناضت جوهرة لحداه و علامات الصدمة و الاستغراب واضحة على ملاميحها بشكل كبير
جوهرة:خلعتوني قولولولي شنو واقع
ياسمين: قولو لبنت دغيا راكم خلعتوها
جبل:نجحتي فالباك بنقطة زوينة مبروك عليك
جوهرة :*شدات على فمها بقوة صدمة و دموع بداو ينزلو من عينيها * عاود شنو قلتي
كلهم فرحوا ليها و بداو يصفقوا عليها و كيباركو ليها
جبل عنقها جنب
جبل: جوهرتي نجحات فالباك ادن خاصك الكادو ديالك
جوهرة مازال مصدومة وكتبكي بالفرحة
جبل: معهد الموسيقى اللي فأمريكا
جوهرة :كيفاش؟
جبل: سجلتك فيه
جوهرة ناضت من بلاصتها و ما مصدقاش هادشي اللي سمعات
جوهرة : ممكن تعاود شنو قلتي
جبل: ما كنحملش نعاود الهضرة جوج مرات
جلسات على ركابيها و قبطاتلو فيدو
جوهرة: واش بصح سجلتيني فمعهد الموسيقى اللي فأمريكا ياك
جبل: وي و مبروك عليك مرة اخرى
جوهرة غمضات عينيها و جلسات فالارض و ناضت كتبكي
ياسمين و سلمى و نورسين ناضو عندها
نورسين: مالها
سلمى نوضاتها من الارض و ياسمين عنقاتها
ياسمين: ايوا شفتي ها هو الحلم ديالك تحقق
جوهرة: اهئ اهئ ما متيقاش غادي نمشي نقرا تماك والله
جبل: *ناض عندها و جرها لعندو و باسلها راسها *اوا لا علاش دابا هاد الدموع
جوهرة: غير بالفرحة و الله اهئ اهئ *زيرات عليه* شكرا شكرا بزاف من ديما كنتي واقف معايا و مازال واقف معايا شكرا بزاف اهئ اهئ يصحابلي ما عمرك غادي تسجلني فيه اهئ اهئ
جبل:*بعد عليها وشدلها خدودها *واش انا هبيل نوقف فطريق احلامك انا قلتلك غير تشدي الباك ديالك و سيري انا ما عمري كنت عائق ليك و ما عمري غادي نكون انا شنو قلتلك نهار الاول قلتلك انا غادي نكون باباك و خوك و عائلتك قلتلك غادي نوقف معاك حتى تحققي كاع أحلامك نتي راكي ماشي بنت عادية نتي جوهرتي نتي ابنتي راني ربيتك على يدي وما نسمح لحتى واحد ينزل دمعة من عينيك حتى نفسي واخا تكون دموع الفرح انا ما خاصنيش نشوف دموع فعينيك *مسحلها الدموع من عينيها و عنقها جنب *
يعقوب: صلى وسلام على رسولها ايوا شي تزغريتة أ العيالات هههه
كلهم بداو كيضحكوا على هدرة يعقوب
سلمى: ماطلبتي غير الموجود لوووووووولووووووي
يعقوب: جوهرة أطانسيون سيري لتما و قراي عنداك تعرفي على رفقاء السوء يخرجوك على طريق راه تما فميريكان غادي تلقاي الحرية ديالك واخا تخرجي حتى عريانة ما كاينش اللي يتسوق ليك ولكن ديما تفكري المبادئ ديالك ودينك الله يرضي عليك
سارة: اللهم قوي إيمانك ياشيخ صدمتيني فهاد اللحظة
جوهرة: *ابتاسمت فوسط دموعها* ما تخافش الحمد الله ما يكون غير الخير و ماعمري ما غادي نخيب ظنكم فيا
سمعوا شي دقان فالباب
نورسين: انا غادي نمشي نحل
مشات نورسين حلات الباب و تصدمات من الشخص اللي واقف قدمها 😲😲😲😲
رشيد: *كيطلع فيها و يهبط و صفر * بشاااااخ أش هاد الجمال أنورسين تبدلتي عليا صراحة
نورسين:*ضربات راسها كدليل على غبائها 🤦♀️🤦♀️*سمحلي تفضل
دخل رشيد و سدات الباب
رشيد: سلام عليكم
جبل غير سمع صوتو عرفو بلا مايدور عندو زير على يدو بقوة الفقصة او لا نقدرو نقولو الغيرة أكيد غادي يشوف نورسين وتعجبوا أكيد غادي تعجبوا بعدما بدلات لوك ديالها ولات جميلة واش ممكن حتى هي يعجبها و تبغيه وعلاش اللي ما يعجبهاش و هي كانت كتلعب معاه فصغرهاأكيد حتى هي غادي تبغيه و تمشي معاه هاد الافكار كلهم طاحوا فبالو وفآخر لحظة نعل شيطان حيت إلا بقا كيفكر هاكا غادي ينوض يشنق عليه ما فيهاش
ياسمين:رشيد سلام أولدي كي بقيتي مزيان
رشيد: الحمد الله أ الحاجة يسول فيك الخير غير جيت بغيت نودعكوم حيت طيارة عندي دابا و بغيت نقولكم الله يكثر خيركم
عبد المالك: الله يسهل عليك أ ولدي و ينور طريقك
رشيد: لهلا يخطيك أ الحاجة
رشيد: موسيو جبل
دار عندو جبل و عينيه حومر و العروق ديال يدو كيبانو بقوة الاعصاب
رشيد: شكرا أسيدي على كلشي درتيه معايا خيرك سابق
جبل: الله يا ودي و مازال ندير معاك الخير
رشيد: الله يكثر خيرك و الله يزيدك من فضلو خيرك عليا كبير ما عمري نساه *شاف فنورسين *صدفة زوينة اللي شفتك هنا ما كنتش ما توقع غادي نعاود نلقاك مرة أخرى و الله
نورسين: حتى انا فرحت من لي تلاقيت معاك و الله ربي يسهل عليك و يوفقك و طريق السلامة
مشا رشيد بحالو و خلا موراه إنسان العافية شاعلة فيه من لداخل بفعل الغيرة واش بصح قالتلو انا فرحانة حيت تلاقيت بيك و لا غير جابولو و دنيه ما عجبوش الحال حس براسو زايد ناقص واش مزال ما بغات تنساه اكيد غادي يكونو كيعجبها و علاش ما غاديش يعجبها وهو اللي كان كيشريلها الشوكولا فصغر و كيلعب معاها داكشي ما قالو عقلو كرز على يديه و غمض عينو و خرج زدح الباب واحد زدحة حتى قفزهوم كاملين
ياسمين : يعقوب سير تبعوا أولدي الله يرضي عليك
ناض يعقوب و خرج عندو لقاه متكي على الحيط و جابد كارو كايكميه و مغمض عينو و باينة فيه مكره
يعقوب:مالك أصاحبي غير معصب
جبل: قلب عليا دابا الله يرحم باك *صاط دخان*
يعقوب: كنتي ناشط و فرحان غير شفتي رشيد ونتا تقلب
جبل:*لاح داك الكارو وزطم عليه* دينمو داك رشيد ما يتهنا حتى نقتلو ندخل عليه الحبس
يعقوب: مالو شنو دار لك عاود
جبل: ولد الكلبة هو اللي كان كيلعب مع نورسين فصغر وكان كيشفر الحلوة لباباه من الحانوت و يعطيها ليها شفار لاخور تفووو ندمت علاش خدمتو معايا
يعقوب:هههه ناري طيرتيني واش دابا هاداك هو اللي كان كيلعب مع نورسين ههه ودابا شوف دنيا شحال صغيرة
جبل: يعقوووب يا هدر مقاد يا ق** عليا من هنا راني معاااااصب ما تكملش حتى نتا عليا
يعقوب:وا هاديك غير الغيرة عادي
جبل: اه انا مغيااااار صافي مغياااااار على حبيبتي كنعتارف بيها والله حتى كيبانلي نمشي نقتل دينمو و نهني راسي صيفطتوا لقرينة الكحلة د ميريكان باش
دخل لعندهم جبل و بدا كيشوف فيهم كلهم مجموعين كيضحكوا و نورسين كتبتاسم شد على قلبو و ابتاسم
التافتو لعندو
ياسمين : اجي تعشا أولدي
جبل: غير بصحة نورسين
دارت شافت فيه
نورسين: نعام
جبل: تصبحي بخير .
نورسين: حتى نتا تصبح على خير
طلع جبل بخطوات ثقال كيحس براسو غادي يطيح بقوة العيا و بقوة النعاس اللي ما كيدوقوش بقوة التفكير فيها حل واحد المجر حدا راسو و جبد منو تصويرة نورسين منين كانت صغيرة ولابسة واحد لغوب بيضة و كتبتاسم باس ديك تصويرة و حطها على قلبو
جبل: *بابتسامة و بريق فعينيه * أميرتي صغيرة
استلقا على ضهرو و سرحات بيه داكرتو لبعيد و للماضي
🔙🔙🔙فلاش باك
جبل تطبق عليه الحكم ديال ثمان سنوات نزلت من عينو دمعة خفيفة و شاف فليلى اللي هي المربية ديالو كتشوف فيه و كتبكي بكل حرقة عليه لما لا وهي اللي رباتو و كبراتو كانت معاه فأول كلمة نطقها واول خطوة خطاها كانت هي صدر الحنين و الحامي ديالو فهاد دنيا فالوقت اللي باه لاحوا و ما حنش فيه
جاو واحد جوج من رجال شرطة👮♂️👮♂️ داوه لسيارة اللي غادي تنقلوا لمكان المخصص ليه مع أطفال آخرين
وبقات ليلى كتبكي بحرقة خرجات و جلسات فالدروج
ديال المحكمة و حطات راسها على الحيط كتبكي و تشهق و كتحاول تفكر كيفاش غادي تقدر تعاونو و هي ما بقات ليها صحة ناضت شدات طاكسي و مشات لدارها تلقات فباب العمارة نورسين لابسة لغوب و ماماها قابطة فيديها
فاطمة: اودي غير خليها على الله قالك عندهم هاد نهار الحفلة فالمدرسة اوا و شحال بكات و بردات قالتلي والو من لغوب نخلاق اوا و هاد الزمر غالية بدراع باش بغا داك المعكس د باه يعطيني الفلوس نشريهاليها
ليلى: ختي فاطمة نطلبك و ما ترديهاليش فوجهي
فاطمة: ياك لابس أختي
ليلى:غير بغيت تعطيني تصويرة د نورسين تبقى عندي
فاطمة: وانتي اش غادي ديري بيها
ليلى: نورسين عزيزة عليا بزاف و ما نكرهش تكون عندي تصويرتها
فاطمة: واخا أختي راه هاد نهار غادي يصوروهوم فالمدرسة و دابا نجيبهالك
ليلى: لهلا يخطيك
حنات ليلى و باست نورسين فخدهاو طلعات لدارها كتمشى غير بشوية عليها حدا جنب الحيط دخلات و تكات و بدات كتبكي كتفكر كي غادي تقدر تنقد داك طفل البريئ اللي ما داير لا بيدو لا برجلو شدات على قلبها
ليلى: الله يا ربي الله على وليدي جبل الله منين تزاد وليدي ما عمرو شاف اليوم الابيض ياربي تحن عليه امو ماتت و خلاتو اهئ اهئ و باه ديما سامح فيه اهئ اهئ و دابا دخل للحبس مسكين اهئ اهئ ما داير لا بيديه لا برجليه اهئ اهئ علاش يا سيدي ربي تعدب حتى لهاد درجة فحياتو علاش اهئ اهئ يا ربي شوف لحالو يا ربي اهئ اهئ يا ربي وانا ما بقاتلي صحة اهى اهل يا ربي انا ما كنعرف حتى الوجوه اللي يدخلو يفكو قضيتو يا ربي اهئ اهى يا ربي راه عندي غير نتا يا ربي راه قلبي كيتعدب و كيتشوا فاش كنشوف وليدي هاكا
عند جبل
دخلوه رجال شرطة لواحد الزنزانة اللي كانو فيها مجموعة من الاطفال و معلقين ليهم فالحيوط الحروف و الكتوبة دايرينهم فواحد الرف حيت كتعتبر إصلاحية و كيراعيو ان دراري ما زال صغار
دخل جبل داك طفل البريئ اللي شعيوراتو هابطين على عويناتو و بدا كيشوف فين يجلس بانلو واحد السرير و مشا جلس فيه و و حط راسو على المخدة و خانتو واحد الدمعة اللي هبطات كتجري من عويناتو و مسحها بيديه و غمض عينو حس جبل بشي يد كتنغزوا باش يفيق حل عينيه و هو يبانلو واحد الولد كولو موسخ و عندو ضربة كبيرة حدا وجهوا
- نوض تقعد من هنا دبر على بلاصة أخرى هادي بلاصتي
جبل ما زادش معاه الهدرة ناض ووقف و بقا كيشوف فالاطفال اللي كانو معاه كلهم كانو شادين سرير الا هو اللي مازال خاصهم عاد يجيبولو ديالو
ناض جبل كيبكي و يشهق حيت صعيب بزاف انك تكون كتعيش فمستوى د الفشوش و اللي بغيتيها تكون موفرة ليك و ترجع تعيش فمستوى بحال هادا لدرجة انك تبغي غير تنعس و تحط راسك ما تلقاش الفراش
ناض عندو واحد الولد باينة فيه ضريف و حنين
-خويا ما تبكيش نتا راجل و رجال ما كايبكيوش
هز عويناتو و شاف فيه
جبل: ولكن ما لقيتش فين نعس
- وانا اش كندير هنا اجي معايا الليلة نعس انا وياك فسرير واحد حيت حتى لغدا عاد غادي يجيبولك فين غادي تبقا تنعس
جبل نورسين الجزء السادس
محتوى القصة
التنقل بين الأجزاء