هي البنت التي تفرض عليها التقاليد والعادات الزواج ....
هو الرجل الدي يعشقها بل مهوووس بها حب دام عشرين سنة ...
غيجمعهم حب من نوع خاص ما غاديش نقول اكثر على القصة غادي نخليكم نتوما تنسجو خيوطها وتفكروا فاحداثها
قصة بعنوان :🌹جبل نورسين 🌹
ديما فحياتنا كتكون عندنا شي حوايج بساط ولكن قيمتهم غالية عندنا ما عندهم ثمن ربما عقد ربما خاتم ربما قلم أي شيئ واخا كتكون قيمتو المادية بسيطة بزاااف ولكن قيمتو المعنوية كبيييرة بزاف أي واحد فينا كتلقاه مخبع شي حاجة عزيزة على قلبو ربما عطاهالو صديق ربما واليديه أو ربما حبيبو أو ربما أشياء كيفكرونا بشي أشخاص كتكون مكانتهم كبيرة فقلبنا ربما مكان ربما هدرة قالها وسمعتيها كتعاود او ربما #شجرة من نوع خاص ضروري كترجع تفكرو والمؤلم فهاد الأمر هو منين ما كتلقاهش حداك ممكن يكون مسافر فبلاد بعيدة أو ربما فرقاتكم الأقدار
2019
تحلات واحد الطوموبيل من نوع مرسيدس بان واحد الحداء أسود باين من مارك غالية جات الصحافة كتجري لعندو هادشي كيبين مدى شهرة هاد الشخص ومدى ثراءو جاو لكارد كيطيرو ما خلاوش الصحافة تقربلو نزل داك الشخص اللي كان بكامل اناقتو كان لابس كوستيم اسود مع أزرار فاكمام البدلة ديالو حل الصدايف اللولة د القاميجة بان صدرو اللي كان كيملؤو شعيرات خفاف زادو عطاوه جادبية كبيرة و من القاميجة اللي مزيرة عليه باين هاد الشخص عندو عضلات فلادية وهادشي باين كدلك من الكوستيم اللي غادي يطرطق على صحتو اما البشرة ديالو فهي مبرونزية الشيء اللي عطاه وسامة خطيرة عندو لحية مطراسية مقادة كان لابس نظارات شمسية حيدهوم وطواهوم و علقهم فصدرو بانو عينيه اللي كانو مارون عسليين وكبار حجبانو معقودين ملامحو صارمة وقف و بدا كيدور عينيه على دوك الصحافة اللي كانت كتهاتف باغى توصلو وهازين لميكروات باغيين يهدرو معاه ولكارد كيدفعوهم
صحافي الأول:سي جبل شنو هو سبب نجاح ديالك
صحافي الثاني:واش هادشي راجع لدكائك أو الحظ ديالك
صحافي الثالت : شنو هو السر اللي خلاك تكون من اشهر رجال الاعمال فالبلاد
صحافية الرابعة : علاش حياتك العاطفية مخبيها على الناس واش بصح ما عمرك ارتابطتي
صحافية الخامسة: سي جبل الإشاعات كيقولو بلي حبيبتك سمحات فيك ممكن تعطينا سبب مقنع
على إثر هاد الجملة الأخيرة دار جبل وشاف فيها ربما فكراتو فشي حاجة اللي زعزعات قلبو كيانو هاد الشخص اللي داير كي الجبل اسم على مسمى جبل الإبراهيمي اللي كلشي كيضرب بيه المثل فنجاحو وقوتو ونفودو اللي ناس كلها كتعتابرو مثل فالنجاح والناس كيشوفوه بمثابة قدوة ليهم حتى ولاو كيكتبوا عليه فالمجلات والصحف وديما أساتذة علم النفس و دكاترة التنمية البشرية كيعطيو قصة نجاحو باش ياثروا إيجابيا على الطلبة أو الجيل الصاعد من خلالها معقول تكون كلمة حب كتزعزوا وكتحرك كيانو لهاد الدرجة علاش فاش سمع جملة *حبيبتك سمحت فيك * بدات كتكرر فودنو علاش حس بالعرق كينزل على وجهو علاش حس بالخنقة وصدرو بدا كيطلع وينزل و عضلات صدرو تزيروا عليه والغريب فالامر عينيه حمارو و بداو كيبريو معقول يكون كايبكي على بنت ؟؟ ديما كيسولوه هاد السؤال اللي كيالموا و كيفكروا فيها علاش واش ممكن تكون سمحات فيه بصح ولا غير إشاعات وهوما ما عارفينش الحقيقة آه شحال من مرة الإنسان كيجرح الآخر بلا ما يحس
جبل: حياتي الشخصية والعاطفية ما سوق حتى واحد فيها خليكم غير فحياتي المهنية وآخر مرة تبعوني وتوقفوا حدا الداري إلا بغيتوني نجاوبكم على أسئلتكم نظموا ملتقى الصحافي وانا رهن الإشارة ماشي انا اللي غادي نوريكم خدمتكم
تقدم بخطوات ثابتة ولكارد محاصرينو من كل جهة حتى دخل للفيلا ديالو اللي كانت صغيرة ولكن بتصميم راقي من خلال دارو باين انسان متواضع جدا دخل لبيتو حيد la veste اللي كان لابس وعلقها من وجهوا باين عيان بزاااف واش ممكن الحب والعشق يدير فيه هاد الحالة؟؟ جلس فوق الفوتوي وشد على راسو بيديه باين انه خدا حقو من الحزن من دنيا بما فيه الكفاية حل واحد الخزانة اللي كانت عامرة باغلى أنواع الخمور حل واحد قنينة النبيد وخاوها فالكاس اللي كيكون مخصص لمثل هاد النوع من المشروبات هز الكأس وهبط لجردة ديالو اللي كانت كبيرة بزاف وكلها أشجار ولكن الغريب فالامر أن الأشجار اللي كاينين كلهم من نفس النوع # شجرة الليلك اللي كانو زهورها فلون البنفسجي جبل بقا كيشوف فديك الشجرة وشرب من الكأس وبقا واقف حداها ربما كتفكرو فشي شخص ابتاسم تلقائيا وهو كيشوف فديك الشجرة اللي كتبعث إحساس براحة وطمأنينة يمكن كتشبه لشي شخص كان فحياتو ولكن علاش كينزلو الدموع من عينو فوقتما يوقف حداها علاش واش هاد الإنسان غالي على قلبو حتى لهاد الدرجة شكون هو هاد الشخص اللي غادي يخلي الدموع ديالو يطيحوا خصوصا شخص بحال جبل اسم على مسمى ابتاسم فوسط دموعو وقال بصوت همس ما مسموعش
جبل:ملاكي الطاهر
2017
جالسة فواحد البيت كان صغير شعرها مبوكل وديما كتجمعوا دايرة نظارات طبية مربعة عينيها سوداء بشرتها ما بيضا ماسمرا نقدرو نقولو سمورية فاتحة وجهها فيه الحبوب اللي كيكون خفيف لابسة واحد البيجامة قديمة فورمتها عادية ما عندهش الصدر أما ليهونش عندها غير شوية متوسطة الطول ما طويلة ما قصيرة كانت جالسة فوق السداري فين كتنعس وحانية رأسها كتقرا واحد الرواية رومانسية و عايشة معاها فوقتما كتقرا البطل كيتغزل بالبطلة كضحك بحال إلا البطل كيتغزل بيها هي وخدودها كيحمارو غير بوحدهم يمكن حيت ما عمر شي واحد قالها كلمة غزل حتى فالشارع أو لا سمعتها من عند صديق سدات الكتاب وبدات كتعاود فواحد البيت شعري قراتو رومانسي
...: كيف الهروب منك وكل الطرق تؤدي إليك
وكيف الهروب منك وكل الذكريات انت
وكيف الهروب منك وكل الحب انت
وكيف الهروب منك وكل نبضي انت
أخبرني بربك أليس هناك سبيل للهروب منك إلا اليك
ناضت وجلست فوق السداري اللي كتنعس فيه تكات على كرشها وغطسات وجهها فالمخدة كتضحك
..:ياربي فوقتما نقرا شي بيت شعري كنحس براسي كنبغي شي واحد ولكن شكون ما نعرفت *تقلبت على ضهرها كتشوف فالسقف * أخ شكون هادا اللي غادي يقبل على وحدة خايبة بحالي ياربي كون عطيتيني غير
العينين خوضر كن راني مطيحة النص فالمغرب *ناضت من فوق السداري * أعود بالله من الشيطان الرجيم ومالي ربي بغا يشوفني هاكا *ناضت جبدات واحد المراية كتشوف فراسها وكتضحك * تبارك الله على الزيونات غير الرجال اللي عيور يمكن بقوة انا اللي زينة كيصحابلهم انا مرتابطة يمكن *قبحات وجهها* اصلا انا ما باغى لزواج لا زمر غير يبعظوا مني انا نخدم ونتهلا فراسي
تحل الباب وهي دخل واحد البنت كضحك وتمرغ فالأرض ولكن هادي شعرها اجمل وفورمتها زوينة عكس البنت اللي جالسة فالبيت باينة مهلية فراسها عندها حفيرات ديال الزين عويناتها مارون وصغار المهم جميلة المظهر ولكن القلب كحل كانت لابسة بيجامة بيتية زوينة جاية مع لاطاي ديالها اسمها كنزة كانت واقفة مور الباب كتصنت على هدرة ختها
كنزة:هههه من نيتك عند بالك زينة ههههه شفتي نتي والله لا داك شي واحد ههه أصلن الرجال ماشي عيور باش ياخدو وحدة بحالك ولا حتى يشوفو فيك واش غاظي يخليو الزين والجمال والدلال ويجيو عندك نتي لازين لا فورمة دايرة كي الكرعة السلاوية هههههههه
...:مالي اختي ما عنظيش سنان ولا فمي مفركعة فيه بوطة حتى انا عندي حقي من زين واصلن ربي كبير راه البنت إلا بارت على رزقها دارت ما عرفتي يكون ربي خازن لي شي أمير ولا وزير
كنزة:لواه ملك ماشي أمير ماااامااااا وااااماما
الأم:نعااااام
كنزة:نوضو ديو بنتكم عند شي طبيب نفساني و لا زوروها احسن راه بدأت كتهز فدماغها راه ولات تحلم و هي فايقة حالتها خطيرة بزاااااف هههههه
جات الأم كتجري عندهم
الأم:بعدي من ختك كتلقايها درويشة كتحكري عليها الحبيبة ديالي *عنقتها* نووووورسين بنتي ما تبكيش راكي عارفة ختك الشيطان كيصفق ليها
كنزة ::وينو بكيتلك حبيبة قلبك كندير لها هاكا باش دير النفس وتنوض تقاد حالتها باش دبر على عريس راه الا بقات هاكا غادي ضفر الشيب بالموف حداكم
نورسين :*كتنخصص* ماما هدري معاها ااهى اهى ديما كتقولي هاد الهدرة وااش انا كرهت نتزوج وندير دااري ولكن هاد المغرفة ما بغات تهزلي والو اهى اهى عييت من هدرة الناس ديما نفس الهدرة فوقاش غادي نفرحو بيك فوقاش غادي ديري دارك فوقاش غاظي تزوجي فوقاش ....*دارت يديها على وجهها وكتنخص*
كنزة:احسن حاجة فهاد المخلوقة الفضائية هي سميتها كن غير سميتوها طامو باش تكمل الصورة هههههه
فاطمة :درقي زلافتك من قدامي راني والله حتى نوضلك كمارة د النحس
كنزة:هاهي غادة
فاطمة:*باستلها راسها* نتي مازال فعمرك 25 عام ابنتي مازال صغيرة على زواج و ربي مخبيلك رزقك غاظي يجي واحد النهار وربي يحن عليك ويعطيك الراجل اللي غاظي يبغيك ويقدرك ويديرك فوق راسو عمرك تدي على هدرة ختك هاظيك غير مغيارة ومحسادة
نورسين :هي ما كتحملنيش حيت بابا قالها الا ما تزوجت انا ما غاديش تزوج هي هاد العادة عندهم قديمة فالعائلة هادشي اللي عطا الله انا خايبة ومقتنعة بيها غير زوجوها بخطيبها تهنيني طلعتلي فراسي
فاطمة:لا ابنتي انتي زوينة بزاااف خاصك غير تهلاي فراسك شوية
نورسين :باش غادي نتهلا فراسي وانا ما عندي لا حوايج زوينين و راكي عارفة بابا مانع علينا الماكياج اوا باش غادي نبان زوينة غير قوليلي
فاطمة :دابا يسهل عليك سيدي ربي غير صبري وزايدون اخلاقك زوينة ومالك عندك حقك من الزين اللي يبغيك على شكلك من الاحسن ما يبغيكش كاع
نورسين : ههه فهاد الوقت الرجال ولاو تابعين غير المظاهر ا ماما زوق تبيع اما الاخلاق غير نمشي نبخر بيهم على الله ينفعوني فشي حاجة
سمعوا الدقان فالباب دخل الاب (محمد) اللي كان انسان صارم بزااااااف بحكم انه دوز العسكر وزامت بناتو بزاف هو موضف حاليا فواحد البنكة صغيرة كان عمرو فحدود الخمسينات دخل للدار بعدما حلاتلو كنزة الباب و باستلو يدو كتولي حداه كيف شي ملاك وهي الشيطان كيقولها اجي لبلاصتي
فاطمة: اهاه اوا الله يدير اللي فيها الخير شكون هادو بعدا
محمد :كنت جالس فالقهوة كنهدر مع واحد الرجل صاحبي من زمان و قالي عندو ولدو عزري عايش فميريكان اوا وبغا يتناسب معانا و قالي واش عندك شي بنت للزواج قلتلو كاينة قالي عطيني تصويرتها باش يشوفها ولدو و عطيتهالو
فاطمة:اوا وشنو قال
محمد:اليوم يردو عليا فالتيليفون
فاطمة:اوا الله يدير اللي فيها الخير *دورات وجهها شافت نورسين واقفة*
محمد: نورسين سمعتي الهدرة اللي قلت
تقدمات حنات على يد باها باستها وجلسات
نورسين :سمعت ا بابا
محمد: اوا على الله يكتب ليك الله تمشي لميريكان
فاطمة: شوف المكتاب اش قال
محمد:الله يدير اللي فيها الخير راه الواحد كيكبر ماشي كيصغار البنت تاليتها دار رجلها واخا توصل فين ماوصلات
نورسين:كاينة ابابا
محمد:الله يرضي عليك
كنزة:نوضو تفطروا راه وجد الفطور
محمد: نوضو نفطرو باش ندوزك للمكتبة فطريقي
نورسين:هي اللولة ا بابا
ناضو فطروا تاواحد فيهم ما كيهدر يمكن هادي هي عادتهم فالاكل او يمكن كيخافوا يهدروا فشي موضوع وباباهم كاين كيخافوا منوا بزاف بعدما سالاو الفطور
محمد:يالاه نوضي باش تمشي
نورسين:غادي نلبس حوايجي ونجي
ناضت نورسين لبسات سروال ديال الثوب واسع مع قميجة زيتية وجمعات شعرها وهزات الرواية اللي كتقرا فيديها وهزات صاك كحل كلو مقشر ودارت فيه التيليفون اللي كان من نوع نوكيا بيل و هزات السوارت ووقفات قدام المراية كطلع فراسها وتهبط ما كتحملش هاد الحوايج ديما كاتكون فطريق كتشوف البنات كيف كيلبسوا وهي كيف كتلبس كيبقا فيها الحال هي ماشي ضد اللباس المستور ولكن حتى هي باغى تلبس مقاد وتصوب وجهها كتبقى انثى
نورسين:ياربي تعطيني شي مية مليون اووووف على لباس فين كانو عيني منين خديتو ياربي تسهل عليا عيييت
خرجات عند باها
محمد: تعطلتي يالاه زيدي
حل محمد الباب و هو يصوني التيليفون وبدا كيهدر مجهد هادي هي عادتو ديما كيهدر فالتيليفون بصوت مرتفع
عيسى: بنتك خايبة ا شريف ما نقدرش نتزوج بوحدة بحالها واخر مرة تعمر لواليد راسو باغي تدي بنتك للخارج على ظهري كلكم طماعة تفو *قطع عليه *
محمد زيرعلى التيليفون ماحملش هاد الهدرة نورسين كانت من وراه كتسمع حيت التيليفون فيه الباف مجهد
نورسين : صافي ابابا فيها خير عارفةراسي خايبة محال واش يقبل علي شي واحد هادا هو مكتابي
محمد:*بصوت مرتفع* سكتي هاد الشماتة قالي بنتك خايبة فوجهي الله ينزل عليه اللعنة على جيل كيف داير
فاطمة سمعاتو وجات كتجري
فاطمة: اش واقع
محمد:داك الشماتة قالك رفض حيت لواه بنتك خايبة قالهالي فوجهي نعلة الله عليه لاحول ولا قوة الا بالله
فاطمة:*عنقت بنتها *الله يدير اللي فيها الخير *شدات لها فحنيكاتها* انتي زوينة شفتي حيت هوما خايبين كيشوفو كلشي خايب ما تديش عليهم ابنتي
نورسين: ولفت اماما ولفت ماشي مشكل*قربات حدا ودن ماماها وقالت* بغيتلوالعما اكثر من اللي راه معمي ههه
محمد:نورسين راه تعطلنا
نورسين :يالله الله يعاون اماما
فاطمة:الله يسهل عليك ابنتي
هبط محمد وتابعاه نورسين من الخلف
فنفس العمارة وبالضبط المنزل اللي تحت الدار ديال نورسين كان واقف واحد الشاب ما لابس والو من الفوق عضلات البطن السداسية واضحة باين عليه انسان خادم صحتو مزيان الشيى اللي عطاه جادبية خطيرة كان لونو مبرونزي لحية مطراسية شعرو رطب ومسرح بطريقة جميلة عويناتو فالعسلي وكبار المهم وسيم اللي شاف فيه كيقول سبحان من خلقو خدا حقو من الجمال وزيادة رغم جمالو الا انه من عينه باينة فيه انسان غامض كان واقف حدا باب دارو وهاز واحد القطة كيشربها الحليب فنفس الاثناء هبطوا نورسين و محمد كيتسناو الاسانسور اللي كان مقابل مع دارو من شوفات اللي دار فيه محمد اب نورسين شوفات حقد وكره ما حاملوش عكس نورسين اللي شافت فيه وتبسمات عجبها عادي جدا اي بنت شافتو كيعجبها ما هو وسيم ووسامتو خطيرة والغريب فالامر داك الشاب حتى هو كان كيشوف فنورسين شوفات ما مفهومينش وهادشي راجع لنضراتو الغامضة اللي ما كتعرفيهاش علاش مطوية وحول نظرو تلقائيا لرواية اللي كانت هازة نورسين
بعدما تبادلوا هاد النضرات اللي بعضها نضرات اعجاب والاخرى نضرات حقد وكره و الاخرى نضرات غموض وقفات نورسبن مع الاب ديالها كيتسناو الاسانسور حيت كان مستعملوا شي واحد فنفس الاثناء خرجات واحد البنت من دار الشاب وعنقاتو من اللور وكتبوس فضهرو كانت بنت شابة زوينة لابسة كسوة فالكحل لاصقة على لاطاي ديالها واعرة كانت بيضة وشعرها كحل طويل وعويناتها كبار جميلة فوجهها
البنت: كبيدة اش كدير هنا *كتبوس فضهرو*
هو ما داير حتى ردة فعل
نورسين من الفضول اللي فيها دورات وجهها شافت ديك البنت وهي تحل عينيها بقوة الصدمة
تحل الاسانسور طلعوا فيه هي وباها دورو وجهوم شافوهوم فديك اللحظة الحرجة باها زير على يديه بالفقصة تسد الاسانسور خرجوا من الباب د العمارة كانو جيران ديال العمارة كيهدروا مع بعضياتهم على نفس الشخص
هشام : لاحول ولا قوة الا بالله هاد الجيل ما بقا يحشم هاد السيد عاد جا جديد وبغا يردنا العمارة ديال دعارة
خالد : البارح كان مدخل معاه واحد البنت سكرانة خاصنا نرفعوا دعوة عليه بزاف هادشي عيب والله تا عيب
محمد*اب نورسين*:الله ياخد فيه الحق حنا عمارتنا واخة فحي شعبي راه عندها السمعة ديالها ما فهمتش انا شكون اللي كرالو ديك الدار نهار اللول
العساس:هاديك دار ديال ليلى الله يرحمها كاتباهالو بسميتو يعني ديك دار دارو ماشي كاريها
محمد:تكون دارو ولا كاريها المهم يحتارمنا حنا والا بغا يظير شي حاجة ما يديرهاش فعمارتنا لاحول ولا قوة الا بالله نورسين زيدي ابنتي نمشيو تعطلنا
مشاو خداو الطاكسي و نورسين دماغها مرفوع كتفكر غير فالبنت الللي شافت معاه
نورسين :(مع نفسها ) والله حتى هي اكبر خبيرة تجميل فالمغرب كاميليا بنيس اش كدير مع داك المكرد فداك الدار والله مافهمت ولكن واخا مكرد تيتيز ولد الحرام
حلات نورسين الرواية الرومانسية كتقراها
محمد: *دور وجهو شاف فالرواية* ما تبقايش تعمري راسك بتخربيق والخوا الخاوي قراي شي كتب ديال العلم اما ديك الرومانسية اللي كتقيلي تقراي ما كايناش فالواقع
نورسين سدات الرواية ودورات وجهها كتشوف فالزاجة من بعد دقائق حطها طاكسي حدا المكتبة اللي خدامة فيها
نورسين:شهيق زفير شهيق زفير * كطلع النفس وتهبطوا * اوووف اربي غادي نحماق واش هاديك اللي شفت كاميليا بنيس ولا غير كيتخايلي ياكما حيت بديت نكبر فالعمر بديت كنتخايل لالالا حالتي خطيرة ختي كنزة عندها صح خاصني نووض نقول لمي تزورني ولا تديني لبويا عمر استغفر الله العظيم ندخل نخدم خدمتي وليت كنخرف بزااااف هاد ليام
سلمى : ما تقوليليش جاوك الخطاب ورفضوا فالتالي وقالولك خايبة
نورسين : اوا راكي حافضة دوروسك تبارك الله عليك نفس الهدرة كتقالي كل نهار تقول نقصاني يد ولا رجل انا بغيت لرجال العما انا بغيتلهم ضربة تجيهم فقفاهم انا بغيتلهم غير مصيبة انا ما كرهتش كون نطلعوا من هاد الكرة الارضية ونخليوهالهم ونستقروا فكوكب نساء
سلمى: سمحييييييلي اختي ما دعيش فرجال الا كنتي نتي رزقك ما زال ماجا ما تحرميهاش علينا حنا انا اختي مازال باغى نتزوج ونولد وندير الدار وندك الوتاد
نورسين : مشااااااكيل صافي
سلمى :نتي عندك شي حاجة فداك الراس مخبياها عليا
نورسين : شفت اليوم كاميليا بنيس مع واحد الولد عاد جا جديد وسكن معانا فالعمارة كانت لابسة شوميز دو نوي و كتبوس فيه تصوري
سلمى:* حطات يديها على جبهة نورسين* حالتك فشي شكل نتي واقيلا منين ما تزوجتيش بدييييتي تهزي فدماغك شوفي احبيبة اليوم نديك عند شي طبيب نفساني بالحق انا نوريك طريق ونتي خلصي
نورسين : وا الزعتر راني كنهدر من نيتي بنتلك كنتفلا
سلمى:هههههه واثقة من نفسها سمعيني احبيبة هانتي قلتيها كاااااااامييييييليييييا بنيييييييس فخامة الاسم تكفي اش غادي تجي دير فعمارتكم تصبغها مثلا اه وكانت مع ولد من الفوق وبما انه عايش فعمارتكم راه مكرد او بمعنى اخر فقيييير و هاديك احبيبة راه كتمشي غي مع اللي لابس عليهم او بمعنى اخر اغنياء
مشات سلمى تستف الكتوب وتنقيهم من الغبرة وبقات نورسين واقفة حدا لاكيس هادي هي الخدمة ديالها
جا عندها واحد الشاب خدام معاها فنفس المكتبة سميتو كمال كيعجب نورسين هو زينو عادي مثل اي رجل مغربي عربي مهلي فراسو ولكن من البعيد كيبان عندو كاريزما وانسان مثقف المهم نورسين منين ولات تخدم فالمكتبة وهي كيعجبها ولكن يا خسارة هو ما كيعبرهاش اصلن ومنين خدمات ما عمرو قرا عليها حتى سلام كاتمة حبها ليه فقلبها
كمال:احم نورسين
نورسين دارت شافت فيه وحلات عينيها بقوة الصدمة لالا هاد النهار مليئ بالصدمات بنسبة لنورسين واش ممكن تكون هدرة سلمى صحيحة يعني ولات غيركتخايل وخاصها طبيب نفساني حكات عينيها كتاكد واش بصح كمال واقف حداها وقالها سلام
نورسين:أأ هدرتي معايا
كمال: ياك سميتك نورسين ما كدبتش
نورسين:أأ واا أنا براسي قالولي واليديا فاش تزاديت دبحوا عليا حولي سماوني نورسين انا ما عرفتش واش كيكدبوا ولا كيقولوا الحقيقة سسسولهوم هوما
كمال:ههه مالك متوترة وكترعدي غير بوحدك خايفة مني
نورسين :أأ اه بغيت نقول شوية ابغيت نقول لا
كمال: ممكن نجلسوا ونهدروا على انفراد
نورسين : كييييفاش على انفراد يعني غير بوحدنا يعني راس فراس ياك
كمال :* كيحرك راسو باه *هه جيتيني عجيبة غريبة ولكن ظريفة
نورسين : * عيطات لسلمى توقف فبلاصتها على ما ترجع ومشات معاه جلسوا فواحد البلاصة فيها طبيلة صغيرة وجوج كراسى دايرين بيها *
كمال: * قرب الكرسي وشدلها فيديها نورسين بدات غي كترعد * بغيتك تعاونيني الا كان ممكن
نورسين:* حيدات يديها من يديه وهي كلها كترجف * الا قديت على راس والعييين
نورسين :* كضغط على يديها والعرق نازل منها عينيها حمارو حسات بالتنفس ديالها ما منتاضمش وكتخرج الهدرة بصعوبة* فاااااش غاااادي نعاااونها
كمال:خطيبتي كتخدم سرباية فاكبر اوطيل كاين فالمغرب واليوم غادي ينظموا واحد الحفل خيري و حيت هي مريضة بزاف دورة شهرية كتجيها قاصحة ما قدرتش تخدم
نورسين:*حسات بالخجل من دورة شهرية حنيكاتها توردو جاتها غريبة هاد القضية كيفاش هوما غير مخطوبين وعارف بحال هاد التفاصيل صغيرة تمنات حتى هي يكون عندها شي شخص فحياتها اللي يحس بيها حسات بالغيرة وعاودت نعلات الشيطان هزات عينيها شافت فيه * وشنو المطلوب مني انا
كمال:تمشي فعوطها الا جات على خاطرك
كمال:* طرطقات فيه عينيها * ككيفاش
كمال شدلها فيديها وقرب عندها
كمال:*كيترجاها بعينيه * عفاك ا نورسين ما ترديهاليش فوجهي كنترجاك قلتها لبنات اللي خدامين هنا وحتى وحدة ما بغات بقيتيلي غير انتي الا قبلتي غادي ديري فيا واحد الخير كبير ما عمري نساه
نورسين : واش ضروري خاصني نمشي
كمال: ضروري حيت اللي مسؤولة عليهم فالاوطيل كتقولهم اللي غابت بسبب مرض تعيط لشي وحدة تعوضها
نورسين : واش ديما
كمال : لا انورسين غير فاش كتكون شي مناسبة كبيرة بحال هادي واخا
مشات سلمى وبقات نورسين واقفة حدا لا كيس باينة من وجهها باكية وعيانة جابت واحد الكرسي وجلست عليه هبطات راسها و شداتو بيديها حيت كيعطيها الصداع حتى سمعت واحد الصوت
...: سلام
هزات راسها شافت فيه اواه ما يمكنش هو والله حتى هو نفسو الشاب اللي جا جديد للعمارة وكيسكن تحت منهم هو نفسو اللي كان مع كاميليا بنيس كان لابس تيشورت زرق لاصق على العضلات مع سروال ديال العسكر جاه غزااال طوب
نورسين : الله الله على سمية * جلست على الكرسي * جبل سميتو طيطيزة بحالو هههه اواه هاد خينا باين ما عندو حتى عشا ليلة وعاطيني 200 درهم اجي ياكما يكون كيبيع الحشيش فالدرب اعود بالله ان بعض الظن اثم
عند كمال اللي صونات عليه خطيبتو صوفيا
كمال :وي حبيبتي
صوفيا : دبرتي على البنت اللي غاظي تمشي فعوطي
كمال: اوا اش كاتعرفي على حبيبك
صوفيا: انا قلتلك قلب على شي وحدة يكون زينها على قد الحال عنداك تمشي تجيب شي بنت زوينة تصدق كتبغيها والله حتى نحماق عارفني كنغير عليك
كمال: ما عندك مناش تخافي احبيبة راني قلبت على واحد البنت خدامة معانا مازويناش عارف حبيبتي مغيارة
نورسين : واخا هانا جاية غير نقولها لسلمى باش تعوض بلاصتي ونجي
كمال : واخا
مشات نورسين عند سلمى طلبت منها تعوضلها بلاصتها على ما ترجع
سلمى: اوا نتي فين غا دية بسلامة والعافية اش عندك
نورسين : غيرشي شغال
سلمى: اوا والا جا مول المكتبة ومالقاكش
نورسين: قوليلو راه مريضة بزااف وما جاتش صافي نعول عليك
سلمى: اوا يكون خير فاش تجي عاوديلي شنو واقع
نورسين : يالاه نخليك دابا
مشات نورسين مع كمال فالسيارة ديالو اللي كانت عبارة عن R9 يعني طوموبيل مخرششة طلعات معاه نورسين بعدما خدات صاكها فيديها كمال ديمارا طوموبيل وما بغاتش ديماري عاود ديماراه وما بغاتش
كمال:*شاف فنورسين * ممكن تنزلي دفعي بيا الا جات على خاطرك
في واحد المسافة ما بعيداش بزاف واقفة واحد الرانج روفر فالكحل زاج فومي كان جالس وداير نضارات شمسية قال لشيفور ديالو
جبل :هبط عاونها
الشيفور: واخا اسيدي
هبط الشيفور اللي كان شاب صحيح وطويل وقرع و تيتيز كان لابس كوستيم كحل مع كرافاط بنفس اللون مشا فاتجاه نورسين وقف عليها ودفع الطوموبيل غير بيد وهي تزيد اللوطو نورسين ما نتابهاتلوش يصحابلها هي اللي دفعاتها
نورسين :* كتنقز * يس والله حتى بطلة انا هههه *دورات وجها وهي تشوفو تخلعت من الجثة اللي واقفة قدامها* ارسول الله *شدات فقلبها *
كمال شافوا فالمراية واقف معاها هبط من الطوموبيل حيت شافو فاش دفعها
كمال: شكرا حيت عاونتينا
الشيفور : ماكاين حتى مشكل
نورسين :دابا نتا اللي دفعتي الطوموبيل كان يصحابلي انا *ضربت على راسها بيديها * المهم شكرا بزاف
مشا كمال حل الباب لنورسين طلعات وركب حتى هو وديمارا و مشا الشيفور لعند جبل وحتى هوما مشاو
من بعد عدة دقائق وصل كمال عند دار خطيبتو اللي كانت كاتسكن فحي راقي نوعا ما فواحد الابارطمون هي وماماها وخوها صغير
كمال :هاحنا وصلنا
نورسين : اوكي
حيدات السمطة وهبطات كتشوف فالعمارة وتبركك عجبتها بزاف خصوصا ان الحي راقي وهادئ
كمال : تفضلي
طلعوا فالدروج حتى وصلوا لعند دار ديالها ودق كمال
عائشة (ام صوفيا ): اصبار اوليدي ما جالسينش عند الباب
حلات الباب
عائشة: مرحبا مرحبا بنسيبي * باسلها كمال يديها* الله يرضي عليك
كمال : خالتي كاينة صوفيا
عائشة: راها فالبيت اوليدي راه ضاراها كرشها الحبيبة ديالي نهار كامل وهي توجع ما خليت مادرتلها
كمال: ها انا غادي ندخل عندها هاهي نورسين معاك
دخل لدار ومشا عندها للبيت
عائشة: زيد ابنيتي خليناك فالباب
نورسين دخلات حانية راسها وحشمانة
عائشة: جلسي ابنيتي دار دارك غير قبلي علينا دار مرونة راكي عارفة الصباح هادا
نورسين: لا اخالتي هانية
عائشة: بنيتي بغيت نسولك منين كتعرفي نسيبي
نورسين: اه انا غير خدامة معاه وصافي
عائشة: مزوجة ابنيتي ولا مخطوبة ولا والو
نورسين: لا اخالتي مازال ما كتاب
عائشة: ابنيتي اللي طلب يطلب غير الخير وسلامة شحال من وحدة مزوجة وما هانية باينة فيك بنت ناس الله يجيبلك شي نقرة فين يغبر نحاسك الله يلاقينا مع ما احسن منا
نورسين: امين اخالتي لهلا يخطيك
عند صوفيا و كمال
صوفيا كانت متكية و دايرة قرعة دالما سخون على كرشها
كمال: بب شوية دابا ولا مزال كتضرك
صوفيا : كنتقطع احبيبي عيط للبنت نشوفها كيدايرة
كمال : نورسيييييين نورسييييين
نورسين: كيعيطوا عليا اخالتي هانا نمشي عندهم
عائشة: سميتك زوينة ابنيتي ما عمري سمعتها
نورسين: ههه وراه سميتي هي الحاجة زوينة فحياتي
يالله اخالتي هانا مشيت
دقت نورسين فالباب
كمال:دخلي
حلات الباب ولقات كمال كيدير لصوفيا ماساج لكرشها ما عرفتش علاش حست بالبكية والخنقة احساس غريب تملكها اكيد احساس الغيرة علاش هي ما عمر شي حد حس بيها او اهتم بيها علاش هي ما منحقهاش تعيش بحال هاد اللحظات
كمال:* دار شاف فيها ساهية* نورسين اجي
صوفيا :* هزات راسها شافت فيها طلعاتها وهبطاتها وابتاسمت * حبيبي عرفتي تختار البنت المناسبة ما عندي ما يتسالك
نورسين: كي بقيتي اختي شوية
صوفيا: حمد الله احبيبة شكرا حيت قبلتي تعوضي بلاصتي
نورسين: ماشي مشكل فين هي لبسة اللي غادي نلبس صوفيا: راه هي فوق سداري
كانت شوميز فالحمر مع صاية بيضة حدا الركبة مع كرافاط فالكحل
نورسين: ولكن انا ما كنلبسش هاكا حياتي كلها وانا كنلبس طويل
صوفيا: عفاك اختي هانتي كتشوفي حالتي والا ما مشيتيش غادي يجريو عليا
كمال: عفاك اختي الا جات على خاطرك
نورسين: *تنهدات * واخا
صوفيا : وغادي تلبسي حتى طالون ما عندكش مشكل
نورسين: * حشمات تقولهم ما عمري مالبستو* يكون خير
صوفيا : هاهي ماما غادي تجمعوهملك فواحد الصاك فاش تمشي لتماك عاد لبسيهم راه كاين فين كانبدلوا الحوايج وراه البادج فوق الطبلة باش يمكنلك دخلي لاوطيل وفاش دخلي غادي تلقاي واحد البنت فالاستقبال قولها راني جيت من طرف صوفيا هوما غادي يوريك فين دخلي صافي
نورسين: واخا اختي
صوفيا: عفاك حاولي ما ديري حتى غلاط راني وصيت البنات اللي خدامين معايا ما يعطيوكش الشغال بزاف حيت فهاد الحفل غادي يكون مول الاوطيل كايجيلو غير مرة فالعام فاش كيكون هاد الحفل
نورسين:كوني هانية
ناض كمال باس راس صوفيا
كمال: تهلاي فراسك احبيبتي عندك تمشي تحركي بزاف
صوفيا:*قرباتلو وحطات شفايفها على شفايفو وبعدات و قالت*نموت فلي يخاف عليا
نورسين:* حشمات من داكشي اللي دارت صوفيا قدامها بقات غير مبلقة عينيها هي كاتشوف هاد اللقطات غير فالافلام الميريكانية و ديما كاتقلب هاد المشاهد ولكن دابا شافتها مباشرة وخصوصا ان كمال كيعجبها من سنين فهادشي خلى واحد الدمعة تهبط من عينيها مسحاتها دغيا باش مايشوفوهاش وخرجات لعند عائشة للي كانت جالسة فالسيجور كتصاف المعدنوس و القزبور* خالتي قالتلك صوفيا جمعيلي الحوايج اللي غادي ندي معايا
دخلات لاوطيل كانو جوج ديال لكارد صحاح واقفين حدا الباب قلبوها بديك الالة باش بتاكدوا بلي ما عندها والو ودخلات بانولها واحد جوج بنات فالاستقبال مشات عندهم
نورسين: عفاك اختي انا من طرف صوفيا
البنت: اه اجي معايا
بقات غادية ديك البنت اللي كانت لابسة قميجة فالبيض مع جيب كحلة كان قوامها ممشوق شعرها رطب وطويل و روايح د العطور كاتشم منها على بعد مية متر ودايرة ماكياج صارخ نورسين كانت من موراها كتطلع فيها وتهبط كيف كتمشى بسهولة بالطالون وهي عمرها لبساتو كتشوف فلباسها والمكياج جاها هاد العالم فشكل طلعوا فالاسانسور تحل وهوما يخرجوا فواحد الطابق كبير بزااااااف والديكور اللي فيه يا سلام اشمنك يا رخام اشمنك يا ديكورات كانو بزاف ديال العمال كيقدو الطبالي والكراسى اللي كان ديكورهم واعر بزاف وكلشي مقاد حسات نورسين براسها بحال داخلة فعالم اخر
تقدمات البنت وهى غير تابعها حتى وصلو لمكان المخصص بالاكل والمشروبات شافت بزاااااف د البنات لابسين نفس اللبسة اللي عطاتها صوفيا ادن هنا غادي تخدم
نورسين:* غيرحالة فمها فهاد الناس المسؤولة كانت مراة شارفة شوية ولكن شادة فراسها مقطع شعرها كاري وصابغها بالكحل و دايرة نضارات طبية كانت لابسة نفس لبسة ديالهم غير هي فالكحل * أ اه انا هي نورسين اللي غادي نخدم فعوط صوفيا المسؤولة:*كطلع فيها وتهبط * سيري بدلي حوايجك بعدا والبنات غادي يوريك شنو ديري
نورسين بعدما وراوها البنات فين غادي تبدل مشات وجبدات داك صاك كانت فيه لبيسة اللي غادي تلبس ومن زهرها لقات ليبة معا صاية
نورسين : الحمد الله اللي كاينة ليبة رجلي كلها مزغبة كي شامبنزي البنات اللي هنا كلهم مقادين اصلن انا ما كنلبسش هاد اللباس ناري كن يشوفني با محمد يقطعني من الحالة المدنية
لبسات دوك الحوايج مع ليبة والخطوة الاصعب هي الطالون لبساتو وكتحاول تشد توازن ديالها حاولت تمشا بيه شوية باش تولف
نورسين: عندي احساس بلي اليوم غادي نجيب الربحة ما فيهاش
جمعات نورسين شعرها المبوكل على شكل كعكة و مسحات نضاضر ديالها ولبساتهوم جات عادية جدا خرجات من مكان تبديل الملابس و مشات وقفات حدا دوك البنات جات عندهم المسؤولة
المسؤولة: ما نبغي حتى غلاط ولو يكون بسييييط مفهوم
البنات : مفهوم
المسؤولة: الناس بداو كيجيو ومن دابا شوية غادي يبدا المزاد العلني كل وحدة تشوف خدمتها مفهوم
البنات :مفهوم
مشات المسؤولة بحالتها
نورسين:ممكن تقولولي شنو غادي ندير
البنت1: نتي من طرف صوفيا ياك
نورسين: اه اختي
البنت2:نتي ما غادي ديري والو غير ديري راسك كتعاونينا مرة مرة
البنت3: وصاتنا عليك صوفيا عارفينك ماشي بنت دومين
نورسين : واخا
البنات بداو كيهزو الاطباق وكيخرجو كيدورو على الناس اللي كاينين فالحفل اما نورسين مسكينة غير واقفة قليل فاش كيعطيوها تدي شي حاجة
بعد عدة دقائق
جات واحد البنت كتجري لعندهم
البنت: جا والله حتى جا
البنت1: شكون ياكما مول الاوطيل
البنت:*كتنهج* اه جا ياختي وااااااا شحال تيتيز ياختي ما كرهتش غير يشوف فيا شوفو داتي كيف كترجف اختي على زين فيه وباينة فيه شخصية
البنت 2: ناري شوقتيني يا ختي كيقولو عليه غزااال
نورسين: علاش نتوما اول مرة غادي تشوفوه
البنت3: اه حنا عاد توضفنا جداد ما عمرنا شفناه حيت هو اصلن كيجي غير مرة وحدة فالعام لهاد الاوطيل
نورسين : مزيان
دخلات المسؤولة لقاتهم مجمعين
المسؤولة:*صفقات بيديها وكلهم وقفوا مقادين على سطر واحد وحانين روسهم* الحفل غادي يبدا دابا تبعوني
تقدمات المسؤولة وهوما تابعينها من اللور كي العسكر كانو حوالي 20 بنت
دخلوا لاصال اللي غادي يتقام فيها الحفل الخيري اللي هو عبارة عن مزاد علني غادي يجيبوا اثار قديمة لوحات لفنانين مشهورين اسلحة مجوهرات اي حاجة وغادي يبيعوها و دوك الفلوس غادي يتصيفطوا لجمعيات الخيرية كانت لاصال عامرة بالفنانين والمشاهير وبعض الوزراء والشخصيات المهمة المرموقة فالبلاد
نورسين كانت غير حالة فمها فداك الكم الهائل ديال الناس خصوصا لانها شافت فنانين وممثلين ماكرهتش تصور معاهم ولكن شكون خلاك
كان واقف واحد الشخص فالمنصة عمرو في حدود ربعينات لابس نظارات طبية كان لابس كوستيم ابيض كيلقي الخطاب
الشخص: سيداتي ساداتي كنرحب بيكم فالحفل الخيري اللي كيتقام كل سنة فاوطيل السيد الابراهيمي وكيفما عودنا موسيو ابراهيمي غادي يتفضل يلقي الخطاب ديالو
الكل: تصفيقات
وقف واحد الشخص اللي كان جالس فالصف الامامي فالوسط على واحد الكرسي مميز تقدم بخطوات ثابتة كيبان من ضهرو العريض انه كيتمتع ببنية جسدية جميلة كان لابس كوستيم اسود مع قميجة بيضة ناصحة بلا كرافاط طلع فدرجات المنصة بخطوات موزونة ودار باش غادي يلقي الخطاب اللي كلشي كيتسناه وهنا كانت صدمة على نورسين قوية حسات بدوخة الهدرة مشات لها
البنات اللي واقفين حداها كلهم كيضحكوا ويتغامزوا اما نورسين مرفوعة ما عرفت باش تبلات هو نفسو الشخص جارهم الجديد ولكن شنو كيدير فعمارتهم وهو عندو اوطيل قد الدنيا وهو نغسوا اللي خدا من عندها الكتاب فالصباح وقلها انا سميتي جبل حسات براسها بحال عايشة فشي فيلم افكار تديها وا فكار تجيبها حسات بواحد الحريق كيزورها فكرشها والعرق كينزل منها ماداتهاش فداك الحريق و لكن الحريق غادي وكيجهاد
عند جبل اللي وقف باش يلقي الخطاب
جبل : * كيهدر بواحد الخشونة فصوتو رهيبة و زوينة كتخليك تسمعها بزز منك *كنرحب بيكم فالاوطيل اللي هو ديالكم قبل ما يكون ديالي كيف كل عام كنظموا هاد المزاد العلني اللي كنعتبروا حاجة مهمة ومناسبة رائعة اللي كنفتاخر بيها كنتمنى يعجبكوم الاشياء اللي غادي يتعرضوا قدامكم اللي غادي تكون عندهم قيمة كبيرة هدا عمل خيري بدرجة الاولى نبغي كل واحد يعطي علاش ما قدر حيت كاين اللي اولى بالفلوس منا حنا نتمنى تستمتعوا معانا
الكل :تصفيقات
نزل جبل من المنصة و رجع لمكان المخصص ليه بداو كيتعرضوا مجموعة من الآثارات القديمة اللي كيتباعوا بمبالغ باهضة ثمن لدرجة انو خاتم بسيط كيعود لقرن السابع عشر كيتباع بالملايين واحيانا بالملايير
عند نورسين اللي كتحس براسها غادي تطيح خصوصا مع الحريق اللي تزاد عليها فكرشها عيات ما تصبر كتحس بشي حاجة سخونة كتهبط منهاعرفتها دورة شهرية شافتها واحد البنت معاهم بديك الحالة عرفاتها مريضة
البنت: اختي حالتك ماشي هي هاديك غير سيري بحالك انا غادي نتكلف نقولها للمسؤولة هنا واخا
نورسين: شكرا اختي ربي يخليك
فنفس الاثناء وصل فالتيليفون ديال جبل ميساج ناض من الكرسي و تم خارج من لاصال وهو يشوف نورسين خارجة كانت عاطياه بالضهر طفا التيليفون وتبعها بخطوات مسرعة باش يلحق عليها وقفات حدا الاسانسور وهي تحس بشي فيستة تحطتلها فوق ضهرها دارت باش تشوف شكون اللي حطلها لافيسط فوق ضهرها وهي تبانلها غير الضبابة بقوة الحريق اللي كتحس بيه سخفات
فاقت نورسين كتحس براسها كيزدح حلات عينيها شافت فالسقف كان فيه ثرية كبيرة وزوينة د الكريسطال والسقف مزينة بنقوش و اشكال زوييينة عطاتو واحد الجمالية خطيرة
بدات كتدور على داك الشومبر اللي كان كبير بزاف الارضية ديالو بالرخام والديكورات كيهبلو بلا تلفازة اللي كانت كبيرة بزاف استكشفات ديك لشومبر كاملة ووقفات حدا واحد المراية كانت بشكل طولي كتبين الجسم كامل من الراس حتى لرجلين
نورسين: على كسيوة كتحمق
كانت لابسة واحد الكسوة طويلة بالكمام فالاسود وفيها مجموعة من الورود بحال الكساوي ديال تركيا
تحل الباب ودخلات سارة كانت ملامحها عادية سمراء وكتقطر بالماكياج ولابسة الزي الموحد بالاوطيل وكتمضغ المسكة من شكلها باينة شريرة
سارة:* دارت نفاخة كبيرة بالمسكة وطرطقاتها ودايرة يديها فجنبها وتكات على الحيط كتطلع فيها و تهبط* فقيهك صحيح اختي جيتي مورانا وبغيتي تاكلي عشانا
نورسين:كيفاش
سارة: ههههههه دايرة فيها البنت البريئة اللي ما كتفهمش المهم نشرحوليك بالخشيبات انتي سخفتي حدا لاسانسور ومن زهرك شدك سي جبل سعداتك يا ختي ما كرهناش حتى حنا نسخفوا و نطيحوا فيدو المهم جابوك لهاد شومبر وعيطولي نبدلك حوايجك جاتك ليريغل وخرجاتلك مع الصاية بيضا كان باين الدم
نورسين:*ضربات على وجهها *اويلي وحدي
سارة:اوا من بعد دوشتليك و بدلتليك حوايجك وجابلك سي جبل الطبيب داروليك مهدئ ومن بعد بقا معاك سي جبل فالبيت هادا ماكان اوا اختي اش غادي نقولك *هزات كفوفها لسما * ياربي بغيت غير من زهر هاد البنت
دارت سارة وخرجات ومشات بحالها
نورسين :*كدور فالبيت *ويلي ويلي على شوهتك يا نورسين ويلي راجل شاف الدم عندي فالصاية الله يا سيدي ربي كيف غادي ندير نشوف فكمارتو وهو عايش معانا فنفس العمارة مانعرفت شحال فالساعة *ضربات على فخادها * خاصني نمشي لدار
خرجات من الشومبر ومشات للمكان فين بدلت حوايجها لقات صاكها محطوط وزادت خرجات من الاوطيل شدات طاكسي ومشات بحالتها لدارهم
فنفس الاوطيل واقف جبل كيطل من النافدة الزجاجية اللي كاتبينلو كلشي واقف و داير يدو فجيبو كيشوف فنورسين اللي شدات الطاكسي الابتسامة باينة فوجهو بريق جميل فعينيه قلبو كيزدح بزاااااف اكيد حاجة غريبة كيفاش نورسين البنت اللي ما كيديها فيها تا وحد وخايبة تكون كتعجب جبل فخامة الاسم تكفي فنفس المكان اللي واقف فيه جبل كان جالس واحد الشخص حدا البيرو يضاهي جبل فالوسامة سميتو يعقوب علاقة صداقة قوية كتجمعوا مع جبل الابراهيمي ومن لا يعرفه
يعقوب:مالك اصاحبي باينة فيك مهموم
جبل:حيت كنحس براسي ميت
يعقوب: هههه علاش شكون اللي تجرأ يقتل جبل الابراهيمي
جبل: الحب من طرف واحد صعيب بزااف كنحس بيه كيخنقني كنتعدب فنهار مية مرة الجسد كاين ولكن روحي معاها هي
يعقوب : حتى لهاد الدرجة
جبل: اكثر من اللي كتخيل شحال صعيبة نبغي نستنشق ريحتها وما نلقاهاش نبغي نعنقها وما نلقاهاش نبغي غير نشوفها وما نشوفهاش تصور تمنيت غير نشوفها حدايا فكل ثانية كانحس بحياتي ما عندها معنى وهي مافيهاش ااااااخ *كيضرب على صدرو* عشرين عام وانا كنتعدب حمدت الله حيت لقيتها ما عرفتش شنو دارت فيا حتى عشقتها لهاد الدرجة
يعقوب: سير طلبها من واليديها وتزوجها وتهنا
جبل:*بابتسامة* خايف عليها بزاااااف خايف عليها من نفسي هي ما غاديش تقدر تقبل على واحد تسجن فالحبس فاش كانت عندو عشر سنين فنضرك بنت بريئة بحالها غادي تقبل على الماضي ديالي خايف بزاف حالتي بحال شي واحد كيطلع لقمة جبل وكيتلاح و كيحس بالم شديد وهادشي كيتعاود عليه فنهار مية الف مرة والغريب فالامر ان الدواء حداه وما قادارش يهزو كنتعدب حق رب الا العداب الاليم حاس براسي كنموت نهار على نهار
ناض يعقوب ووقف حداه وحط يدو على كتفو
يعقوب : دابا يجي واحد النهار تولي ديالك اخويا
جبل عينيه كيبريو علاين ينزلو دموع من عينيه معقول انسان يبغي شي واحد حتى لهاد درجة
جبل: اعشقها حتى البكاء وحبيبتي يوما ستأتي كي تبادلني الوفاء
يعقوب :* بابتسامة* مازال كتكب الشعر
جبل: هادشي كامل بفضلها هي خلاتني نكون شاعر واعظم العاشقين
يعقوب : درتي هاد التمثيلية كلها غير باش تشوفها
جبل: نقدر ندير بزاااف د الحوايج على قبلها
♧♧♧فلاش باك
فواحد المكان مضلم مربوط واحد الشخص فواحد الكرسي ومهبط راسو حوايجو كلها فازكة بالعرق بدا كيحل عينيه بتثاقل
...: فين انا عتقوووووني عتقوووووني
تحل الباب ودخل واحد الشخص ضخم الجثة من دوي البشرة السوداء ودخل من موراه جبل شعل داك ضخم الجثة الضو اللي كان خفيف بزاف جاب الكرسي لجبل وجلس ودار رجل على رجل
جبل: توتوتو حشومة تقول هاد الهدرة حنا بغينا منك طلب بسيط اسي...شنو سميتك
...: كمال
جبل: امم سي كمال غادي ديرنا واحد الخدمة صغيرة جدا
كمال: الا كنتوا غادي تخليوني نمشي بحالي انا موافق
جبل: صوفيا خطيبتك ياك ما غلطتش فالاسم
كمال: نننتا اش عرفك بخطيبتي دوي
جبل : لالالا ما كنحملش اللي يآمرني ولا اللي يرفع عليا صوتو الا بغيتي تبقا عايش وتخرج من هنا برجليك صحاح سد حلقك
كمال: وووواخا
جبل:دابا تفاهمنا كتعرف واحد البنت سميتها نورسين خدامة معاك فالمكتبة
كمال: اااه كنعرفها
جبل: مزيان كيفما كتعرف صوفيا خطيبتك خدامة عندي فالاوطيل و من حسن الحظ نتا اللي غادي تقدر تعاوني حيت كتخدم معاك نورسين شفتي على صدفة شحال زوينة
كمال: وانا اشنو غادي ندير
جبل : غادي تقول لخطيبتك ما تجيش وغادي تطلب من نورسين تجي فعوطها
كمال:وكيفاش غادي نقنعها
جبل : شغلك هداك
كمال:*كيكح* كح كح فوقاش بغيتيها تجي
جبل: فالمزاد العلني
كمال :واخا وفوقاش غادي يكون
جبل:غدا
كمال:وانا كيف غادي ندير باش نقنع صوفيا باش ماتجيش
جبل: ماسوقيش المهم نشوفها قدامي
كمال :*كمال بطبعوا انسان خواف * وووواخا اسيدي
جبل:*هز يديه وهي يجي ضخم الجثة فكو من يديه * عندك تمشي تزنزنلك دبانة فراسك وتنوض تشكي لبوليس ولا تحاول دير شي تصرف ماشي تا لهيه نقتلك نتا وخطيبتك و طاصيلتك حتى الاصدقاء اللي عندك فالفايسبوك والانستغرام ندوز عليهم واحد واحد انا ما كنهددكش ولكن كنحدرك *وقف وقاد قاميجتو وخرج *
خرج كمال من تماك كلو عرقان ورجليه فشلانين جات واحد اللوطو وقفات حداه هبط منها واحد من رجال جبل وطلعوا فيها و كسيرا حطوا فوسط المدينة ولاحلو تيليفونو من السرجم ومشا
كمال كي شد التيليفون وهو يصونيلو فيدو كانت صوفيا دوز الخط وهو يسمع صوفيا كتوجع
كمال: حبيبة مالك صوفيا جاوبيني *يصحابلو حتى هي دارولها شي حاجة*
صوفيا: كنتقطع احبيبي جاتني ليريغكل سمعني عفاااك قلب على شي بنت تعوض بلاصتي عفاااك راه غدا كاين المزاد العلني فالاوطيل شوف شي وحدة خدامة معاك ولا شي بنت من عائلتكم عيطت للمسؤولة وقالتلي قوليها لشي بنت تعوض بلاصتك وانا ما كنعرف حتى واحدة اااااي اكرشي
كمال: * حس براسو الرحمة نزلات عليه صدفة جميلة هادي الضحكة بانت حتى لودنيه * واخا احبيبتي دابا نقلب عليها غير رتاحي
نورسين:*عضات على شنايفها حيت فاش كدير هاد الحركة اكيد غادي تكدب* اوا اش غادي نقوليك ا لواليدة كنت جاية فطريق مابيا ما عليا حتى رشاتني واحد الطوموبيل بالما دخلت لواحد المحل وانا نشري هاد الكسوة
فاطمة: ما عمري شفت شي طوموبيل غادي ترشك بالما فهاد الصيف اوا دوزي دخلي علم الله اش دايرة
نورسين: رانيا *بنت خالتها * كي غادة مع شي قراية مزيانة
رانيا: *كتضحك * ما بقات قراية هاد الساعة علاش ما فخباركش تخطبت
رقية:عقبالنا ليك ا بنتي نفرحوا بيك ونشوفوا وليداتك حتى نتي
فاطمة: يا ربي امين انشاء الله
نورسين: ولكن البنت ما زال عندها الباك خليوها غير تكمل قرايتها بعدا
كنزة:*اخت نورسين* علاش اختي رزقها جا حتى لبين يديها بغيتيها تفلتو كيتك نتي اللي غادي تبقاي فهاد الدار حتى واحد ما كايجي يدق الباب ما عمر شي واحد جا خطبك ولا تفكرك حتى بالربطة د النعناع
رقية: ياكما دايرينلك شي عكس ولا شي سحور ولا ياكما مخطية شي قادوس
فاطمة:بعدوا من البنت دابا يجيها ما احسن منكم كاملين ياك احبيبة
كنزة: امم مزينها هادي الا جاها غير علال القادوس ما قالها حد لحد
نورسين:*حسات بالبكية والخنقة* ماما هانا غادي نخرج نشري شي حاجة خاصاني حيت الا بقيت هنا غادي نرتاكب شي جريمة فشي ناس وانا عظامي ماقادين على حباسات
فاطمة:سير ابنتي
حلات نورسين الباب وهبطات حتى وصلت حدا باب العمارة وجلسات على دروج وحطات راسها على الحيط وبداو دمعات كيهبطوا وكتشهق علاش ديما كيسمموها بهاد الكلام واش هي اللي ختارت قدرها علاش الانسان قاسي حتى لهاد الدرجة شحال من مرة كنقولو حاجات ما كنقصدو فيهم والو كنقولو يمكن غير كنضحكوا عادي ولكن كنجرحوا ناس آخرين ما عندهم حتى دنب
فنفس الاثناء حل جبل باب العمارة ولمحها جالسة بداك الحالة قلبو تزعزع من بلاصتو ما كرهش يمشي يحني عندها ويمسحلها دوك دميعات لالالا بالعكس هو يمكن غار من دوك الدموع اللي كيلامسو وجهها وهو ما يقدرش ما كرهش يمشيي يعنقها ويقولها انا معاك احياتي ولكن ما يقدرش تقدم بخطوات ثابتة وحنى حدا ودنيها
جبل:*غمض عينيه واستنشق ريحتها كيحس براسو بحال وصل لجنة وكيشم عطرها اه نورسين هي الجنة ديالو هي داه ودواه عبيرها تغلغل فانفاسو رغم انها ما كانتش دايرة العطر ولكن هو بوحدو اللي كيستنشق هاد الرائحة ممكن رائحة العشق فاش سالة من سهوتو قال * نوضي من الارض غادي تفرعك البرودة ونتي مازالة مريضة خايف يجهاد عليك الحريق وتمشي تسخفي كي قبايلة وما تلقاينيش حداك
قال هاد الكلمات وطلع نورسين قفزات من بلاصتها و دورات وجهها لقاتو طلع
نورسين:*ضربات فوجهها* اويلي وحدي واش هاد خينا غادي يبقا تابعني ويلي ويلي على شوهتي قالي نوضي من البرد ونتي مزال مريضة يعني كيقصد ليريغل تشوهتي يا نورسين مع الولد نوض نشري اولويز ونجي مزيان اللي فكرني
فاطمة:مشات ابنتي جات غير تفقصني زعما ها بنتي اللي صغيرة تخطبات وبنتك مازال الله يهدي ما خلق وصافي
نورسين:انا مافهمتش بنادم دماغو فيه غير زواج واش انا اعباد الله شكيت عليهم قلتلهم باغا نتزوج كيصرف عليا شي واحد انا طلعاتلي هاد العائلة فراسي يديوها فشغالهم شوية
فاطمة: ابنيتي اللي عندو زبل فدماغو هو هادا زعما الا تزوجوا دارو طايلة
نورسين: وهو الزواج صراحة مزيان وسنة الحياة ولكن الا ما كانش مكتبلي الله نتزوج شنو نمشي نقتل راسي عاد يرتاحو اوف هانا غادا نعس عييت اماما هاد نهار وعاد جاتني ليريغل كرشي كاضرني
فاطمة:و ما تعشايش ابنتي
نورسين: ما فياش بغيت غير نعس ونحط راسي
فاطمة:*باستها* الله يرضي عليك ابنتي راك نتي عمارة الدار وانتي اللي معاوننا على زمان الله يرضي عليك والله يرزقك شي ولد ناس الله يعطيك شي نقرة فين يغبر نحاسك
نورسين:*باست لماماها راسها * ههه وعلاش ما تقوليش الله يعطيني شي الماسة فين يغبر دهبي
فاطمة: اودي الالماس خاصو قيام الليل ماشي غير دعاء سير ابنتي تنعسي راه وليتي دخلي وتخرجي فالهدرة
مشات نورسين كضحك دخلات لبيت وتكات فوق السداري هزات رواية رومانسية كتقراها حتى غفات
نورسين:*دارت عندها* شوفي نتي اديك كنزة ولا ما نعرف شنو سميتك ماشي كتشوفيني ساكتة ليك طلعي من فوق ضهري والله حتى نجفف بيك هاد العمارة كاملة وهانا هدرت معاك كنقول ختي صغيرة ماشي مشكل راه مازال بنص عقل ولكن زدتي فيه
كنزة:ههههه *كتصفق* واو اش هاد الخطاب الرائع على الصباح ماما طفي داك الراديو اللي حداك
فاطمة: واش نتي ما كتحشمي ما كترمشي حشمي من ختك راه اكبر منك
كنزة: زوجوني لخطيبي وغادي تهناو مني ما نبقاش مصدعاكم قالك بابا الا ما تزوجتش هي ما نتزوجش انا وا بزاف اش هاد العادات د الخرا
فاطمة: وا صبري غير هاد العام الا ماتزوجاتش ديك ساعة نزوجوك هادشي اللي قال باباك
كنزة:اوا الا عولت على هادي تزوج بقيت بايرة انا باغا نتزوج اعباد الله باغا نغسل لماعن ديال رمضان فدار راجلي بغيت نشقا على دار راجلي انتوما طلعتولي فراسي وا قولي لديك البايرة اللي حداك ضبر على راسها خلاص المهم اليوم غادي يجي خطيبي و عائلتو يتعشاو معانا خاصنا نوجدو ليهم العشا غادي يجيب معاه صاحبو جاي من امريكا خاصنا نبانو كلاس ونوجدوا بسطيلة ودجاح وشلاضة الكبيرة
فاطمة: اوا ابنيتي ضربي على جيبك الا عندك شي فلوس اري باش نتقداو العشا
كنزة: واش اماما كتحماقي عليا علاه شتيني خدامة ولا ردامة قوليها لديك بنتك اللي حداك هي اللي خدامة
نورسين:*دارت عندها* هههه اش بغيتي بفلوس البايرة
كنزة: ماما هدري معاها
فاطمة: عيقتوا حيدوا من قدامي دايرين كي شرايكات المزلوط كتدابزو على صباح
سمعوا شي حاجة تهرسات
نورسين:*شدات فماماها بالخلعة هي من طبعها خوافة بزاف * ماااامااا اش هادشي
فاطمة: واش هاد التهراس عندنا
كنزة : اه عندنا واقيلة
خرجوا من الكوزينة
فاطمة :انا سمعت تهراس بجال فالبيت ديالك انتي وختك *حلوا الباب د البيت وهوما يلقاو السرجم مفرشخ *
فاطمة:*ضربات على فخادها * اويلي وحدي شكون هرس السرجم
نورسين: ماعرفتش غادي يكون شي واحد ضربوا من برا فاطمة خرجات لبسات جلبتها ودارت درتها وخرجات تشوف شكون مول هاد الفعلة تبعتها نورسين وكنزة هبطوا فالدروج كيتجاراو
خرجوا لبرا وهوما يلقاو جارهم عبد السلام كيسلخ فولدو بالعصا ومحمد كيفاك
محمد:*كيجرو*خلي الولد عليك صافي ماشي مشكل
عبد السلام: اشمن ولد هاداك راه جن شيطان اما باش يكون ولد بزاف عليه الحمار لاخور ديما مشوهنا مع جيران الكيدار *صرفق ولدو الصغير اللي كان فعمروا 8 سنين *
فنفس الاثناء هبط جبل من العمارة كيطير كان لابس تيشورت بيض مع شورط كحل اح على تيتيز
جبل : * قال بواحد الصوت خشن زعزع هادوك اللي تماكك * بعد من الولد
شافتو نورسين وهي تكحل بالعما اما واحد كنزة عينيها كيخرجوا منهم القلوبة مكرهتش طير عليه نسات راسها راها مخطوبة
فاطمة: محمد ممكن تشرحلنا شنو واقع راه كنا جالسين حتى سمعنا صوت التهراس فاش خرجنا نشوفو اش واقع لقينا السرجم مهرس
عبد السلام :* كيهدر متوتر خصوصا من اللي شاف جبل حداه كيخنزر فيه * لالا فاطمة راكي عارفة دراري الصغار شحال باسلين كان كيلعب وهو يضرب سرجم بالحجرة وحنا مستاعدين ندفعوا ثمن ديالو
محمد:*هز يدو* انا موافق غير ما تضربش الولد الله يرحم الوالدين ماشي مشكل دراري الصغار هادا هوما حالهم الا كنتي غادي تخلص الخسائر ما كاين حتى مشكل
نورسين حنات راسها وطلعات للعمارة كتجري جبل بقا متبعها بعينو حتى مشات شد على قلبو وتبسم تنهد تنهيدات هوما وحدة مورة لخرى
عبد السلام : دابا غادي نصيفطلك راجل اللي غادي يقاد السرجم وسمحلينا
فاطمة: ما كاين مشكل اسيدي هاد جيل هو هادا ما كيحشم ما كيرمش غير هو المرة الجاية شد ولدك عندك
محمد:فاطمة دوزي قدامي
طلعوا محمد وفاطمة و كنزة بقات حالة فمها فجبل خنزر فيها واحد لالة تخنزيرة وهي تطلع بحالها
جبل : فكرني فسميتك
عبد السلام:*متوتر*عبد السلام اسي جبل
جبل :امم برافو عليك دور اللي عطيتك تقنتيه ما عندي مايسالك اليوم بامكانك تنتاقل لدارك الجديدة
عبد السلام : *علاين يطيحلوا على يدو يبوسهالو * الله يرحم الوالدين الله يكثر خيرك
جبل : مازال ما ساليت علاش صرفقتي ولدك قلتلك ما ضربوش
عبد السلام: ولكن راه...
جبل : ماكاين ما ولكن هاد المرة غادي ندوزهالك آخر مرة نشوفك كضربو * جلس قفازي باش يهدر مع الولد الصغير شعككلو شعرو * برافو عليك تقنتي دور اللي عطيتك وليتي صاحبي دابا
الولد :شكرا أ عمو بصح غادي نقرا فمدرسة د الفلوس وغادي يبقى يجي عندي طوبيس حتى للدار يديني للمدرسة وغادي يكونو عندي بزاااااف د الالعاب و السيارات
جبل :*بابتسامة وبريق فعينيه حركلو راسو بالايجاب وعنقو * هادشي كامل غادي يكون عندك
عبد السلام : الله يكثر خيرك اسي جبل
جبل :*وقف * انا اللي خاصني نشكركم غادي نصيفطلك راجل باش مايشكو فحتى حاجة
عبد السلام : واخا اسي جبل
عند نورسين
جالسين فوق الطبلة كيغطروا
فاطمة: وا شوفلك البرهوش هرس الزاجة على عفريت
محمد:صافي باركة ما تنكري على الصباح راه الولد كان غير كيلعب
فاطمة:منين نزلت عليك هاد المحنة كاملة
محمد: صافي افاطمة ما تزيديش فيه راكي عارفة شحال عزيز عليا الولاد وربي ما عطاهومليش عطاني غير هاد جوج بنات كنفكر نوض نتزوج شي مرة اخرى اللي تولدلي الولد
نورسين:ماما بابا نعلوا الشيطان
فاطمة: هاكيني على الراجل الا كنتي باغي تزوج عليا قولها بل ما تبقا تخربق و تجيب سبتك على الولاد اوا ربي عطاك جوج بنات بغيتي ولا كرهتي والا بغيتي تزوج اسيدي طلقني و عطيني براتي وسير شوف شكون تصبرلك على هبالك حتى شاب عاد علقوليه حجاب
محمد:*زدح السربيتة على الطبلة* فاااطمة تقاي شري راه والله حتى نتزوج عليك اصلن طلعتولي فراسي ديما نكير صداع بزاف هادشي *ناض وخرج زدح الباب *
فاطمة:*كتبكي * مشية بلا رجعة تفو على كنس اهى اهى عييت ما نصبر عييت
ناضت نورسين عنقات ماماها
نورسين:عفاك ا ماما الله يعطيك الستر راه بابا ما يديرهاش ديما كيقول نفس الهدرة الولاد والبنات كلهم من عند الله بلا ما تبقاي تبكي فين غادي يلقا بحالك الزين ولاطاي كلشي كاين وما نكدبشاي كلشي كاين خلاها الستاتي هههه وضحكي ونساي الهم ينساك وتصالحي معاه ا فطيطمة
فاطمة : هههنه لهلا يخطيك عليا ابنتي حتى بجي ونهدر معاه يكون خير
فاطمة : اودي هاداك باك دابا يندم على ديك الهدرة الزينة اللي يقيل يسممني بها
نورسين:*باستلها راسها * راه ما عمرو يديرها غير خوي بالك من هاد الافكار منين كنا صغار وهو كيقولها اح ا العفريتة ما بغيتيش بابا يتزوج يا المغيارة
فاطمة:*قرصاتها *سير ابنيتي لخدمتك سير
مشات نورسين هزات صاكها كانت لابسة قميجة حمرة هابطة حتى للركبة مع سروال تجينز
نورسين : العجب هادالشهر ليريغل كاع ما حرقاتني بزاف *ضربات راسها كدليل على غبائها * اكيد البارح غادي يكون دارولي المهدئات
مشات نورسين لبسات صبرديلتها و من عادتها ما كتربطش سيور مزيان شدات الباب وخرجات كتجري فالدروج حيت راه معطلة نورمال لقات جبل واقف حدا باب دارو كيفما العادة كيعطي لواحد القطيطة الحليب نورسين غير كتشوفو كتحمار وتخضار خصوصا انه شافها بوضعية حرجة بنسبة ليها كايجيها فشي شكل كيفاش هو لابس عليه وراضي يعيش معاهم فهاد العمارة اللي جاية فحي شعبي بزاف على البخل وتمقشيش وقفات مدة كتشوف فيه كيفاش كيتعامل مع ديك القطيطة باينة فيه انسان حنين سهات فيه حتى فيقها صوتو اللي زعزعها
جبل : عوالة تبقاي حاضياني ما غاديش تمشي للخدمة راكي تعطلتي واقيلة
نورسين :*كتسب فراسها فنفسها:الله ينعل حسك ا نورسين ديما مشوهة حدا الرجل تفو * احم لا غير حيت كيعجبوني القطيطات وصافي المهم سلام بعدا
جبل تقدم عندها بخطوات مسرعة حتى بقا كتفصلو عليها بضع سنتيمات كيشوف فعينيها مباشرة قلبو كيضرب فالالف ديما كيراودو احساس غريب وهي قريبة منو ديما كيقولو عقلو يديها يهربها ما يشوفها حد يبقاو فمكان فيه غير هوما بزوج هو بوحدو اللي حاس بقيمة الجوهرة نادرة اللي قدامو هو بوحدو اللي كيشوف الجمال الخفي وراء دوك النضارات و الملابس البشعة ووراء وجهها شاحب اللي ما فيه حتى قطرة ميكاب ما كدبوش اللي قالو اللي غادي يبغيك غادي يبغي روحك قبل من شكلك نورسين بقات مجمدة فبلاصتها حبس عليها الهواء مسكينة حيت تبارك الله جبل جثة ضخمة
نورسين : ممكن نعرف علاش عيطتيلي
جبل بقا مدة كيشوف فعينيها و فجأة حنى على ركابيه وعقدلها السيور ديال سبرديلتها مزيان وحشاهم ليها فجناب باش ما يعاودوش يتحلو
جبل :*من مور ما سالا وقف * بقاي تربطي سيور ديال سبرديلتك مزيان خايف شي نهار طيحي وما تلقاينيش حداك
قال هاد الكلمات ودخل زدح الباب خلاها من موراه مصدومة بزاف
نورسين : اويلي على راجل ولهيلا عقدلي سيور هههه لالا بزاف كثرة الهم كضحك والله ما بقيت فاهمة والو فهاد السيد غادي نحماق شنو سر هاد التصرفات ؟؟ ديما كيقول نفس الهدرة "خايف طيحي وما تلقاينيش حداك " اش كيقصد هاد الزمر دوخني وانا مالي هاد السيد فشكل *تفكرات راسها تعطلات ومحال واش تلقا طاكسي حيت اليوم دايرين اضرابات *ضربات على حناكها * اويلي كيف غادي ندير نمشي للخدمة واليوم كاين اضراب وانا ما نقدرش نركب فالطوبيس نمشي نشوف على الله نلقا شي طاكسي يديني يا ربي
هبطات وبقات غادا حتى وصلت للمحطة وهو يوقف حداها مول واحد الطاكسي
نورسين : عفاك اخويا واش غادي ل ***
مول الطاكسي :طلعي اختي طلعي
نورسين طلعات معاه جاها داك مول الطاكسي فشكل الهيئة ديالو ضخمة ويدو فيها الوشام وداير واحد الحلقة فودنيه بحال دوك ليكاردكور د ميريكان قبطات فصاكها بقوة توتر تخلعت منو بزاااف ندمت كاع علاش طلعات معاه جميع الافكار الخايبة طاحولها فراسها كان غادي داك مول الطاكسي غير بشوية و كيوقف عند كل سطوب عكس مالين طاكسيات لوخرين اللي كيتسابقوا فالطريق كيجبلهوم راسهوم بحال راهوم فحلبة السباق والغريب فالامر ما وقف لحتى واحد هزها غير هي بوحدها نورسين دخلها الشك
نورسين : خويا ممكن نسولك
مول الطاكسي : نعم ا لالا بغيتي شي حاجة
نورسين : ماشي اليوم كاين اضراب عام والطاكسيات ما خدامينش
مول الطاكسي :* تبسم *ما نقدر نجاوبك على حتى حاجة ا لالا
نورسين تحرجات بقات غير ساكتة وكتخنزر وكتدعي فيه فخاطرها
وصلها وحطها خرجات وبدات كتقلب على البزطام باش تخلصو وهو يمشي ماشدش من عندها الفلوس
الباطرون : و عليكم السلام ا لالا عاد جاية كن بقيتي فداركم البارح غيبتي قلتي كنتي مريضة اليوم جاية معطلة اش هاد الاهمال اخر مرة نشوف هاد السلوك ما نبغيهش يتعاود حيت المرة جاية الباب وسع من كتافك عطا الله اللي يخدموا خدمتك اللي نتي منفخة عليها
نورسين :ولكن راه...
الباطرون : سيري شوفي شغالك ما بغيت نسمع منك حتى حرف
مشات نورسين وقفات فالمكان المخصص ليها اللي هو حدا لاكيس ودموع محجرينلها فعينيها ما عطاهاش حتى الفرصة فين دافع على راسها هادي هي الخدمة اللي لقات كتعاون باها فالمصروف ديال الدار اصلن ما تقدرش تجاوبو او لا ترد عليه الهدرة خايفة يجريو عليها جات عندها سلمى صاحبتها
سلمى :* هراتها * زين صافا
نورسين : اودي ما صافا والو ما شفتيش الباطرون بغا يجري عليا قالك ما بقيتش كندير خدمتي مزيان ما خلالي غير اللي نسا
سلمى : ناري على الحيماري لاخور والله ما تبقا فيه
نورسين :ههههه من نيتك ابنت العبد اش غادي ديريلو كاع الله يهديك غادي ضربيه * شداتلها فحنيكاتها * نتي براسك عاد جديدة هنا قابلي غير خدمتك ودخلي سوق راسك
سلمى :المهم احبيبة كاين شي جديد شي قديم
نورسين : غير المشاكل د العائلة و راكي عارفة ختي كنزة ديما كتقولي ا البايرة وليت كنحس براسي مخنوقة وليت حاسة بحال مثقلة على واليديا بحال صافي خاصني ضروري نتزوج دابا ها ختي صغيرة غادي تزوج و انا غادي نبقالهم كرهت حياتي ا ختي والله حتى عييت اللي جا كيقولي انا خايبة بنت خالتي اصغر مني غادي يزوجوها وانا ههه نهار على نهار كنكبر وما كاينش اللي يدق الباب كنجي للمكتبة ننسى الهم لقيت هاد الزمر جالس كيسب ويعاير طلعاتلي الحياة فراسي ياربي تفاجيها عليا
سلمى :*عنقاتها * وا صافي احبيبة ما تيأسيش راه ربي كبير ان الله يمهل ولا يهمل ما عرفتي ربي يكون مخبيلك شي حاجة ما دايراش صبري على خبزتك حتى تطيب
دوزات نورسين نهار كامل فالمكتبة عيات جا وقت الخروج خرجات من المكتبة خاصها ضروري طاكسي والا مشات على رجليها غادي توصل حتى لعشرة د الليل بقات واقفة وحاطة يديها على خدها تبعاتها سلمى
سلمى : مالك اختي واقفة مهمومة
نورسين :وراه الزمر ديال طاكسيات دايرين اضراب والا مشيت على رجلي غادي نتعطل اجي بعدا ونتي شكون غادي يديك
سلمى : انا غادي يديني خطيبي ا الكبيدة
نورسين : علاه نتي مخطوبة
سلمى : اه ا الكبيدة
نورسين : مبروك عليك الله يجعل كلشي مبارك و مسعود
سلمى : امين ا الحب لهلا يخطيك سمحيلي حيت ما قلتهالكش
نورسين : بالعكس ا الحمقة الحاجة المستورة كيدير ربي فيها الخير
وقفات واحد الرانج روفر فالبيض حداهم زاج فومي ما كيبينش
سلمى : هانا مشيت هاهو جا خطيبي يلاه نوصلوك معانا نورسين ما توقعاتش خطيب سلمى يكون بهادالثراء كامل
نورسين : غير سيري اختي مع خطيبك هانا غادي نتسنا شي طاكسي هنا على الله يجي اجي بعدا يا المسخوطة منين دبرتي على هاد مول رانج
سلمى :ههههههههه ياك نتي اللي قلتي الحاجة المستورة كيدير ربي فيها الخير و دخلي سوق راسك هانا مشيت
طلعات سلمى فالرانج ومشات خلات نورسين مصدومة
نورسين : هبيلة هاد سلمى والله كلشي تخطب بقيتي غير نتي يا نورسين ما فهمتش علاش سماوني نورسين كن غير سماوني طامو ولا حادة سميتي لا علاقة بكمارتي
وقف حداها واحد الطاكسي هبط الزاجة
مول الطاكسي : طلعي اختي
نورسين طرطقات فيه عينيها
نورسين : نتا هو والله حتى هو علاش ما شديتيش الفلوس من عندي قبيلة
مول الطاكسي : فين نديك ا لالا
نورسين : اويلي واش صمك علاش كتجاوب على سؤالي بسؤال
مول الطاكسي : طلعي ا لالا راه الحال كيضلام و طاكسيات دايرين اضراب ما غاديش تلقايهم دابا
نورسين بقات مترددة ولكن فاش دوراتها فراسها لقات هدا هو الحل طلعات معاه واخا خايفة منو و من شكلو
نورسين : حطني فالمحطة اللي هزيتيني منها فالصباح
مول الطاكسي : واخا الالا
حطها مول الطاكسي خلصاتو هاد المرة خافت لايديرلها بحال الصباح
مول الطاكسي هز التيليفون
- راني وصلتها اسيدي
جبل: مزيان
طلعات نورسين لعمارتهم بشوية عليها عيات مسكينة بالخدمة دقات على مها حلات ليها الباب سلمات عليها ودخلات حيدات صباطها وجلسات فوق السداري باينة فيها عيانة
فاطمة : عييتي ابنتي ياكي
نورسين : شوية راكي عارفة الخدمة نهار كامل و انا واقفة هانا غادي ندخل لبيت
فاطمة : غير جلسي راه عبد السلام صيفط واحد الراجل كيقاد لينا السرجم
نورسين : اه اوا مزيان وجدتو شي عشا لضياف
فاطمة : اوا ها حنا خايدين فالكوزينة ختك هاد نهار ما نعرف منين طاحت عليها الحداكة راها كتعاوني فالكوزينة
نورسين : جا بابا ولا راه فالخدمة
فاطمة :*عوجات فمها * رجع حيت ما لقاش طاكسيات حيت اليوم دايرين اضراب وتعطل الطوبيس حتى هو ما جاش اوا وهو يرجع بحالو لدار وراه دابا فالبيت مع داك الراجل كيقادو السرجم
ناضت فاطمة تطل على الدجاج وجبدات نورسين رواية ديالها تكملها بالقراية
تحل باب البيت وهو يخرج باها محمد مع واحد الشاب داير نضيضرات مزال صغير
محمد : شكرا اولدي
الشاب : ما كاين مشكل
خرج داك الشاب من عندهم باينة عليه متوتر بزاف جبد الهاتف ديالو وكتب ميساج و صيفطو عاد تنفس الصعداء وهبط مشا في حالاتو
عند جبل
كان جالس على واحد الكرسي خشبي مغمض عينو حتى وصلو ميساج هز التيليفون وهو يقرا "كلشي هو هاداك موسيو جبل " ضهرات الابتسامة على ملاميحو ورجع لنفس الوضعية ديالو
♧♧♧ فلاش باك
كان جالس جبل مع يعقوب صديق ديالو الانتيم فواحد الكلوب vip فواحد لفوطوي ديال جلد الاسود والصداع والضجيج ديال الموسيقى الناس كيرقصوا بشكل جنوني بنات و دراري ها اللي كيكمي ها اللي كيسكر كان جبل هاز واحد الكاس ديال الويسكي كيشوف فيه عينيه حومر
جبل : نورسين اااه *تكا على الفوطوي وغمض عينو * غادي نحماق ا يعقوب واش كاين شي واحد غادي يبغي نورسين بحالي غير جاوبني اصاحبي الا كان شي حد غادي يبغيها بحالي غادي نسمح فيها ونخليها برب الكعبة حتى نديرها * ضرب صدرو بيدو * ولكن هادا كينطق غير بسميتها هادا هو سبابي فعدابي كنتعدب كل نهار وهي بعيدة عليا ما بغيتش شي حاجة بزاف ما كنطلبش المستحيل ياك
يعقوب : تهدن اصاحبي اش هاد الهدرة د ** راه عشقك ليها فات الحدود نتا فتي روميو و جولييت و قيس وليلى واش مازال عندك شك فهادشي ما عمرك حطيتي يدك على بنت المرا بسببها راه نتا عشقك هوسي عشرين عام ونتا كتبغيها راه ماشي ساهلة
جبل : وشنو ندير غير قولي شنو ندير باش نشوفها كل نهار كل ساعة كل دقيقة كل ثانية
يعقوب : ديرلها الكاميرات فدار وهني راسك
جبل : * هبط على داك الكاس ديال الويسكي وحطو * يكون خير فكرة زوينة نخليك دابا تهلا فراسك
يعقوب :* كان كيشرب الويسكي وهو يبزقوا كامل * واش من نيتك غادي ديرها غير ضحكت معاك باركة غير الكاميرات اللي دايرهم مقابلين مع دارها كتشوفها فوقاش دخلات و فوقاش خرجات واش نتا بعقلك ولا بلا عقل
جبل :نورسين رداتني بلا عقل ما عندي ماندير
وقف و خرج من الكلوب جابلو واحد خينا سورات ديال اللوطو ديالو اللي كانت من نوع جيب ومشا مكسيري للعمارة حط الطوموبيل ديالو وهو يشوف عبد السلام مع ولدو كيحلو الباب باش يطلعوا للعمارة وهي طيحلو على بالو واحد الفكرة خرج من اللوطو بسرعة ووقف حداه
جبل : بغيت نهدر معاك
عبد السلام طلعوا وهبطوا بعينيه
عبد السلام : ما عندي ما نهدر مع بحالك رديتينا دار ديال دعارة كتجيب معاك البنات بعد مني خليني ندوز
جبل :*بضحكة مستهزءة * ما هدرتش معاك هدرت مع ولدك الصغير
جلس على ركابيه و لمس شعر ديال الولد اللي كان هابط على عينو بطريقة جميلة فكرو فراسو فطفولتو سهى فيه للحظات كان الولد صغير هاز واحد الطوموبيل صغيرة د الالعاب داك الوليد صغير كيشوف ويبتاسم
عبد السلام :* قبط فيد ولدو وبغا يدوز * بعد من طريقنا اسي
جبل وقف فطريقو وهز الولد ومشا ركب فالطوموبيل
عبد السلام تصدم بقا غادي تابعو الولد صغير مصدوم ما فاهمش شنو واقع غير كيشوف بعويناتو
عبد السلام : حطططط الولد حطططط
جبل ركب فالطوموبيل وطلع الولد اللور ودارلو السمطة وسد الباب
عبد السلام : عطيني ولدي ا شريف * كيحاول يحل الطوموبيل *
جبل :*ربع يدو كيشوف فيه * شوت ما كنحملش اللي يآمرني او لا يقولي شنو ندير وشنو ما نديرش ما بغيتش نغلط فيك
عبد السلام : عطيني ولدي نمشي فحالي شنو بغيتو عندو هو مازال صغير
جبل : غادي طلع معايا وتسد حلقك ولا ما يعجبك حال
جبل حلو الباب ومشا طلع فالمكان المخصص للسياقة
جبل :بغيتي ولدك دوز طلع
عبد السلام طلع ديمارا جبل اللوطو عم الصمت فالطوموبيل شي ما كيهدر مع شي حتى وصلو لواحد الديبو كبير كان واقف حداه واحد جوج ديال الاشخاص ضخمين من دوي البشرة السوداء لابسين تيشورطات فالاسود مع سروال كحل وبروطكانات ومربعين يديهوم
عبد السلام بدا كيدخلو الخوف من المكان خصوصا ان الحال كان مضلم عبد السلام بدا كيصرط ريقو
عبد السلام : شنو باغي دير
جبل حبس اللوطو
جبل : نزل
عبد السلام : وولدي
جبل :*ضرب على الفولون بيدو * قلتلك نزل ما كتسمعش
نزل عبد السلام دار جبل عند الوليد صغير لقاه ناعس
نزل حتى هو دار اشارة لدوك جوج اللي واقفين جاو كيجريو لعندو جبل طلق يدو و واحد فيهم عطاه السلاح
ودارو فراس عبد السلام
جبل: تحرك قدامي يالاه
عبد السلام بقا غادي بشوية عليه الخلعة فشلات ليه الركابي و جبل من موراه حتى دخلو لداك الديبو اللي كان مضلم واصوات الكلاب كتسمع بالجهد
دوك لكارد جابو واحد الكرسي حطوه
جبل : جلس
عبد السلام :* هاز يدو والعرق كيتصب منو * هانا اسيدي
جبل : ما تخافش مني غير بغيت نديرلك شوية د الاكشن * مد السلاح اللي كارد * بغيتك ديرلي واحد الخدمة
عبد السلام : اللي بغيتي نديرها غير فك سراحي انا وولدي الله يرحم بيها الوالدين
جبل : ولدك صغير غادي تقنعو باش يهرس الزاج لجاركم
عبد السلام :* باستغراب * هادشي اللي بغيتي صافي شكون بعدا فيهم
جبل : محمد اللي ساكن تحت منكم
عبد السلام : واخا اسيدي ممكن نعرف علاش
جبل : اوا ها اللي ما بغيناش دخل سوق راسك المهم هو دير هادشي اللي قلتلك وحاجة اخرى
عبد السلام : شنو هي
جبل : غادي تقولهم بلي انت لي غادي تصيفط لهم الراجل اللي غادي يصلحوا وتا ما باقي ضربوا عليا
عبد السلام : واخا اسيدي اللي بغيتي هو اللي يكون
جبل : وفالمقابل غادي تاخد فيلا كمجهود على تعبك وولدك غادي يقرا فاحسن المدارس نتمنى تكون عجباتك الصفقة
عبد السلام مسكين تخلطات عليه الفرحة والبكية و الخلعة ناض طاحلو على يديها كيبوسها
عبد السلام : الله يكثر خيرك الله يعطيك ما تمنى فحياتك جبل بعد عليه
جبل : يالاه تحرك تمشي لدارك
تقدم جبل وعبد السلام من موراه كيحمد الله ويشكرو كا يقولو الزق منين كيجي كيجي دقة وحدة سبحان الله ما عمرو عول عليها كلشي ممكن فدنيا
طلع جبل فاللوطو ديالو وتبعو عبد السلام من وراه كيضحك وكيحمد الله على نعمة اللي نزلت عليه
◀◀◀ عودة للواقع
شعل جبل تيليفون وشغل واحد الابليكاسيون فتيليفون وهو يبانلو البيت فين كتنعس نورسين ابتاسم من اعماق قلبو دابا غادي يقدر يشوفها كل نهار اه بل كل ثانية مجرد تفكير فهاد الامر كيخليه يحس بسعادة ولكن البيت خاوي لتخ داك التيليفون مع الحيط وكيمسح على شعرو بعصبية
جبل : ااااع علاش ما كايناش فبيتها علاش * هز التليفون كيشوف فالبيت كان غير بيت صغير فيه جوج د سدادر فالوسط كاينة واحد الطبلة * حبيبة ديالي كتنعس غير فهاد البيت الصغير ولكن قريب غادي نجيبك حدايا فالبلاصة اللي كتستاحقيها *زفر بغضب وهو يصونيلو التيليفون حطو فودنو وهو يسمع شي بنت كتبكي عارفها شكون *
جبل : *غمض عينو بغضب * كاميليا شحال من مرة قلتلك نسايني عليك واش كتفهمي i dont want you * مابغيتكش * اوكي راه مزال داير بوجه خالي و باقي كنهضر معاك اخر مرة تعيطيلي عندي اشياء اهم منك
قطع و لاح التيليفون فوق الفوطوي ومشا شعل كارو كيكميه
نورسين :اوووف نخدم هنا ولهيه مالي خدامة بالضو عييت اوووف
فاطمة : غادي نقولها لباك
نورسين :*لبسات بانطوفة * هاهي غادة سأخبر الله بكل شيئ غادي نجلس نتبرد فيه شوية راه قتلني صهد * هزات واحد الراديو صغير وطلعات لسطحهم حيدات الحوايج من السلوكة و شعلات الراديو بقات كدور فالقنوات حتى لقات اغنيتها المفضل كتبدا فرحات جهدات للصوت ووقفات وغمضات عينيها وطلقات يديها كي شي طير وكان واحد البرد منعش استحلاتو وجلست تغني مع الاغنية
🎵🎵🎵🎵
يا كون تشوفو حالي يا بعدو اش صرالي واه عليها كية
جيت نحيدو من بالي يا ميمتي زاد هبالي واه عا لي بيا ويلا راح اللي نبغيه شنو يبقا ليا اللي بغا يحب نوصيه ما يامن لدنيا
وانا اللي قلت حبيبي عومرو ما ينساني وما ينساني واما ينساني وا دار فيا اكثر من اللي داروه فيا عدياني ميمتي حياني وامي حياني
مادار بحساب العشرة خلاها فيا حسرة وايلي على مكتوبي كيف يجي يوم ونبرا نمحيه من بالي فمرة وما يبقاش محبوبي
وبقيت كيف شي ايسطوار مكتوبة بلاعنوان بابور ضايع فبحور يستنا البر يبان ولي راح اللي نبغيه وشنو يبقاليا اللي بغا يحب نوصيه ما يامن لدنيا
كن غير بيدي حيلة نخمم كل ليلة عايش بين الحيرة و الشوق يا اللي ونتي عليا بعيدة راني من بعدك مخنوق
🎶🎶🎶🎶
سلات الاغنية حلات نورسين عينيها وتنهدات هزات راسها شافت فالسماء اللي كانت سوداء قاتمة مزينة بالقمر المضيئ ونجوم و قالت
نورسين : لولا ظلام الليل لما سطعت النجوم هههه اييه يانورسين رغم المشاكل اللي كنعيشها خاصني نبقا مقاومة ومضيئة بحال هاد القمر ااااه فوقاش غادي نتهنا من هاد العداب
حسات بشي حاجة تحطات فوق كتافها تخلعات قفزت من بلاصتها دارت شافت شنو هادشي لقات جبل واقف من موراها حولات عينيها لكتفها لقات واحد الملاية خفيفة فوق كتيفاتها
نورسين :فخبارك وليت كنحس بيك تابعني من بلاصة لبلاصة
جبل : علاش غادي نتبعك مثلا ؟؟؟
نورسين : ماعرفتش انت انسان غامض سمحلي على هاد الكلمة ولكن ما كتفهمليش
جبل :*ابتاسم * شنو اللي ماكيتفهمش فيا
نورسين : صراحة كيفاش عندك اوطيل وعايش فهاد العمارة
جبل :* لاح الكارو وزطم عليه * كاينين حاجات اهم من الفلوس كيخليونا نضحيو على ودهم
نورسين :* ضحكات باستهزاء *اااه انا كن كنت منك كن راني مشيت نكمل قرايتي على برا
جبل : علاش ما كملتيهاش هنا * كيهدر وحاني راسو ما كيقدرش يشوف فعينيها كيخاف يضعاف امامها *
نورسين : صراحة انا كان حلمي نقرا تصميم الازياء وعلى المايكاب * ضحكات باستهزاء*ولكن الظروف مع الاسف زهر عندي كافر ههه
جبل :علاش ما حققتيش حلمك ؟؟
نورسين :* طلعات وجهها شافت فسما * اااه تحقيق الاحلام حاجة ساهلة بالفم ولكن صعبة التطبيق خصوصا الا ما كانش عندك الفلوس ولا اللي يدعمك انا شديت الباك و بابا مرض كان خاص ضروري شي حد يصرف على دارنا خدمت فواحد المكتبة باش نعاونهم *تنهدات * هادشي اللي عطا الله و حتى بابا ما موافقش على هاد الدومين المهم بلا ما نزيدك بهمي كلها عندو لي كافيه ما عرفت علاش كنعاودلك هادشي ههه كيقيسني الحماق مرة مرة *حيدات ديك الملاية اللي حطالها جبل فوق كتافها وعطاتهالو * شكرا بزاف انا غادي نهبط ديرها عليك من البرد
دارت نورسين و عطاتو بضهر باش تمشي بحالها وهو يقول
جبل : *هز عينو شاف فيها و قال بصوت حنين وخافت *كن غير بيدي حيلة نخمم كل ليلة عايش بين الحيرة و الشوق يا اللي ونتي عليا بعيدة راني من بعدك مخنوق
وقفات نورسين ودارت شافت فيه
نورسين : واش كنتي هنا فاش كنت طالقة الاغنية
جبل : كتعجبني هاد الاغنية وخصوصا هاد المقطع كيجيني كيعبر على حالتي
نورسين : نتا انسان فشي شكل والله ما عمري شفت بحالك
جبل :انا من عادتي كنسمع للموسيقى الاجنبية بزاف ولكن هاد الاغنية بضبط عبرات على حالتي بطريقة جميلة * جبد واحد الكتاب من جيبو ومدو ليها * تفضلي
نورسين : * شافت فالكتاب وعلات عينيها شافت فيه *هادا الكتاب اللي خديتيه من المكتبة اش غادي ندير بيه
جبل : ممكن ينفعك فشي حاجة من بعد
نورسين : *ابتاسمت وخداتو من عندو * شكرا على اي حال
نورسين : * مدات لو يديها و كتهدر بالزربة * تصبح على خير شكرا مرة اخرى على الكتاب دابا نقراه فاش نلقا الوقت
جبل : * مدلها يدو باش يسلم عليها داتو كلها كترجف ويدو كترعد * تصبحي على خير
نورسين مشات كتجري هزات الشبكة د الحوايج وهبطات جبل شاف فداك الملاية الصغيرة اللي غطاها بيها كانت فيدو ابتاسم و قربها لوجهو وغطس فيها نيفو كيستنشقها مغمض عينو
جبل : كيفاش غادي نصبح بخير وانتي ما كاينا لا فليلي لا فنهاري فوقاش غادي يعفو عليا الله من الم العشق
My mouth can't translate
the things my heart says
(فمي لن يستطيع ان يترجم الاشياء التي يقولها قلبي )
عند نورسين
هبطات لدارهم وهي هازة ديك شبكة د الحوايج حطاتها وجلسات
هزات فاطمة شبكة د الخوايج ودخلاتهوم لبيت نورسين وخرجات
ناضت نورسين دخلت لبيت و تزدحات فوق السداري كتشوف فالسقف تفكرت الكتاب اللي عطاها جبل هزاتو جبداتو من جيبها وشافت فيه مطولا حلات المجر اللي كتدير فيه حوايجها وحطاتو فيه
نورسين : هبيل داك السيد حق الله
سمعات الصداع برا عرفات الضياف جاو دخلات عندها كنزة كانت لابسة فراشة فالاخضر و دايرة كحل خفيف مع كلوز
نورسين :*هزات راسها شافت فيها * الزين زينة خاصك غير العقل
كنزة : وانتي بعقلك خاصك غير الزين المهم هانا غادة لبسي بيجامتي الكرونة باش ما تشوهينيش حدا عائلة راجلي راه البنت فاش ما كتزوجش كتولي تحسد اللي مزوجات الله يستر
نورسين : انا ما بانتلي حتى وحدة هنا مزوجة هههه أنا لا أراها راك غير مخطوبة ابيبي عندك تيقي راسك وتفكري واحد الحاجة الا ما تزوجتش انا غير بلاما تحلمي تزوجي هاد العام
كنزة :* ضربات فالارض برجليها كتعبير على الفقصة * كنكرهك نتي سبابي الله ياخد فيك الحق كن غير ما ولدوكش لا زين لامجي بكري
خرجات من البيت وخلات من موراها انسانة مجروحة ديما كتسمع نفس الهدرة من عند ختها تكرهات من حياتها كرهات راسها ديما كدعي ربي يرزقها بشي زوج واخا يكون ما مزيانش المهم تزوج وتهنى من هدرة ختها ومن هدرة ناس اللي ماكترحمش نعلات شيطان وناضت بدلات حوايجها لبسات البيجامة اللي قلتها ختها وخرجات عندهم شافت فيهم جالسين كيشربوا اتاي والطبلة معمرة فاكية و الغاطو ها الفقاص ها كعب غزال اللوز الكركاع مشات سلمات عليهم وجلسات
خطيب ختها (علي) كيخنزر فيها ما حاملهاش وكان جالس حداه صاحبو اللي جا من امريكا عيسى كايشوف فنورسين وكيحاول يتدكر فين شافها
عيسى قرب حدا ودن علي
عيسى:شكون هاديك البنت
علي : هاديك هي اللي محرمة عليا الحلوة دعيتها الله ياخد فيها الحق
عيسى :اجي شنو سميتها بحال فايتلي شفتها فشي قنت
علي : نتا عاد جيتي من ميريكان فين غادي تشوفها اصاحبي هاديك خارجالي فعودي قالك باها عندهم فالعائلة ضروري تزوج هي عاد نتزوج انا بختها
عيسى :*ابتاسم * ههه صافي دابا عاد تفكرت ناري على الصدفة
علي : اشكاين
عيسى : الدنيا صغيرة اصاحبي حق الله الواليد صيفطلي تصويرتها باش نتزوج بيها ههه
علي : حلف بالله اصاحبي
عيسى : والله حتى دنيا فشكل
علي : وا دير فصاحبك هاد الخير وتزوجها غير على ما نتزوج انا وديك ساعة طلقها
عيسى : شحال وانا صايم و فلخر نفطر بجرانة مالي على حالي
فاطمة : مرحبا اوليداتي هزوا غويطويات باش دوزو كاسكم علي ولدي مد يديك
علي : هاهو قدامي اخالتي
فاطمة : قول لولد اللي معاك ياكول حتى هو مرحبا بيه
لالا مليكة ( ام علي ) سي احمد (اب علي ) مرحبا بيكم نهار كبير هدا
قصة جبل نورسين
محتوى القصة
التنقل بين الأجزاء