سفيان رجع لدارو يبدل حوايجو ويهز ليفاليز .... ويونس مشا ياخد لي كادو لصاحبهم فكندا حيت غايرجعو ...وعدنان مشا لدارو يجمع ليزافيغ ديالو مسافرين هاد ليلة تاهوما .... واسد راجع لدار و قسم ناعسة فكرسيها لور ...
رقية وعيشة وطامو وخواتات حياة ودعو لامار والبنات ... ومشاو وصلهم شيفور بحكم مبارك بقا بوحدو وخوت لامار بوحدهم فدار ...وحياة ورتاج كلبسو حوايجهم لان قالولهم لقاوكم واجدين راهم معطلين رتاج كتر ... اما اريج شهاتها رتاج بالمباتة فاايخت و لسقات يووونس يباتو فيييه هاد ليييلة ..وهو ماشي نوع لي يرفض ليها شي طلب دغيا وافق .... لامار نصلات حوايجها ودوشااات وجمعات شعرها لفوووق ديل حصان ... ولبسات كسيوة طويييلة كحلة كتشد بحال شي بينوار نص كم وعنقها v مع صندال بلا كحلة ...باقا فدريسينغ سمعات الباب تحلات .. وخرجات غير راسها كطل عليه ..كان داخل وهاز قسم فييديه ناعسة داها لكونة وضور عندها رااااسو شافها ... وهي تضحك وخرجات لعندو ... تعلات على صبعانها باستو ففمو ...وضحيكة عرييييضة على فمها وهو غير كيشوف ماباين عليه لا معصب لا رااااضي ....هادشي شافها غير كتشطح ....كون زيد شوية لكاميرا لقدام وشاف اشنو كانو كيقولو موحال يرجع ...ساعة حفظها الله شاف غير شطيحها ... ومشات تحنات على قسسم باااستها كتشم فريحتها توحشاتها ... ورجعات عند اسد تعلقات فيه شاداه مت عتقو واقفة على صبعانها يلاه تقاد معاه
لامار : تووووحشتكم ..
اسد : كيف داز نهاركم صافا !
لامار : وواااااااعر ... ههههه واله تااااااطوب ..... لحت الطاقة السلبية كاملة ...
اسد : نتي را لحتي كووولشي باليا
لامار : هههه كفاش ??? هههه ...
خلاها ودخل يدوووش .... وهي بقات غير كضور راسها عارفاه مقلق يمكن حيت ماسولاتش فيه بزاف وتشغلاات ... وخرجات من جناح مشات عند لبنات .... لقات اريج لابسة سوال دجين و طوب فاابيض هابط على لكتاف واااسع على الكرش والكويرة ديالها محطوطة حداها وهي متكية على سير كتشوف فتصاور لي دارو .. ورتاج فدوش ..وحياة لابسة سروال كحل قصير شوية من تحت ومطوي .. وشوميييز غوز بيبي بصدااايف كوحل طويلة شوية من لور مع صبادرين غوز بيبي ... وشالها مقاد كحل ...والحنينة حممرة فيديها .... ورتاج عاد خرجات من دوش كتلوي شعرها كعكعة لابسة جليلبة واااسعة سبوووررر جبلية فالرمادي قصيييررررة وسباادرين بيضة .. خصها تبقا اليز فطيااارة ...
اسد خرج من دوش ملوي عليه غير فوطة ووحدة كينشف بيها شعرو ... شاف مع الارجاء مابانتش ليه ومشا فتح باب الصالون صغيييرر ...مكيانش !!... بيت قسم تاهو خاوي...
اسد : لامااار !! .... لامااااار !!! ...
رجع تنهددد عرفها هبطااات .... ودخل لدريسينغ كيدوز فالعلاقات بالنتييير .. ماتسرطش ليه تصرررفها ... نهار كامل ماسولاتش فيه وزيد دخل عنها ماكلفاتش راسها تاتبقا معاه تعطيه وقتو ... لبس سيرفيت ديالو وهو ممعععنككككر معاجبوش الحااال ... وخرج لبالكوون كلس تما شاد بيسي ... تيكتب فالكلاڤي وقرب يهرس الازراار طلع ليه الخراااا لراااااس .... نهار كامل وهي عاطية وقت لناااس وضضضحك وشطييح ورديييح .... وخمسة دقايق ديالو لا ...بحالا مابقاش محسوب ....
وصل يونس وسفيان فدقة وحدة ودخلو لصالون ..... لقاوهم قصارين على الضحك... وكلسو شادين فيهم واريج على عادتها بدات تلعب فلحية ديونس لي كالس حداها .... هو يخسررر سييفتوو وبعد راااسو ... حياة عاقت بالبلان وخبات يديها تحتهااا كلسات عليييهم ....
يونس : شهاااد رييييحة
اريج : ها ? ... لح .. ل لحنة ( غير قالتها وسفان تلقب عند حياة بغا يشوف يديها عيا يقلب مالقاهمش ..و دايرة فيه داك النظرة البريييئة )
يونس : ( كيشوف لييديها وبعد راسو ) وسييييري غغغسلي من هاد رييييحة
طلعات منرفزة كتر من اريج خرجوها منهم مساكن .. ورتاج غير كتبلق بعينيها وكتقول لا عدنان مافيهش هاد تبوووحيييييط ....ومرة مرة كتقربها لنييفها تششمها هي براسها ماعجبتهاش ههههه... غي سمعات الجيب ديالو داااخلة كيفتحو ليه لبيبان وهي تنوض ديرييييكت تبعااهم قبل تااا مااايهضررر ولا يشوف ولا يشم ...
عدنان دخل لابس تاهو غير السبووور ... وسلم عليهم وتلاح على فوطوي دوخهم البحر نهار كامل ....
عدنان : اسد مزال ماجا
لامار : لا لا را جااا ....غي مزال ماهبط ....
يونس : فينهاوا يهبط نكلسو معاه شوية قبل مانمشيو ...
يلاه كيهضرو عليه وهو هباط فالدروووج كان شاف طموبيلاتهم عرفهم فالدار ... هابط عاقد غوباشتو على وجهو و كيحاول مايبينهاش قدامهم ... وكلس شاف عند لامار ودوا بنبرة قاسحة شوية خلاها غير كتبرقق ....
اسد: سيري طلعي حداا لبنت غااااتفيق ...
لامار : اا .. و واخا ( ماعرفاتش مالو دوا هاكاك بدات غير كتمتم ) واخاااا اصلا لقيتيني ط طالعة .. ج جا جاني نعاااس .. ( وقفات وشافت عندهم ) مهم غانقوووليكم تصبحو على خيير وطريق سلااامة .... نتا ايووونس غانشوفوك صباااح مزززال !?
لبنات هبطو وخرجو لبراا كل وحدة مع راااجلهاا ..واسد تاهو خرج معاهم ولامار كطل عليهم من للبالكوون هي وقسم ... وضارو عنها كيدييرو ليها بايباي وهي كتتبككي ماسخاتش بيييهم .. خواااوو علييها دار تاني ...
لبنات ضارو كايشوفو مع ارجاء الداار ... كل وحدة ترسمات فداكرتها دكرى وترسمات معاها ابتسامة على فمها زويييييينة ولمعة فعينيها ... الدار لي حلمو فيها بزاااااف ... هاهوما دابا خارجين منها ومحققين احلامهم كل وحدة زادت زيرات على يد راجلها فديها وكل ركن عندهم تما بزاااف دالدكريااات ... شافت حياة لبلاصة فين كاينة الارجوحة وتفكرات نهار لقاها كتبكي تما وجا سفيان واعدها انو غايردها تمشي لدارهم وراااسها مرفووع وفعلا مكدبش ررررفع ليها الراااس وحبس كاع الفااام ودار ليها قيمة كببيييرة ولات مرات باها تشوفها وتحدر عينيها وباها مكاين غير الرضااا وواتاتها تسجلو فاحسن المدارس ... وشافت اريج للبلاصة فين دارت لامار حفل التخرج لسفيان وكان جا يونس ومعاه كريسيتن داك نهار شحال تعصبات وتغددات ... ولاكن فنفس داك نهار وولات مراتووو فالوراق وفالفرااااش .... ورتاج شافت لداك الگليسة فجردة وترسمات على فمها الضحكة ملي تفكرات نهار رد ليها الضربة وسما تاهو كلبة بسميتها وكانت كضور تما حداه وكدير راسها كدوي فتيلييفن وصونالها وتفضحاااات ... وطلعو راسهم بتلاتة شافوو عند لامار ليكديير ليهم بايباي ... ولي كانت واقفة معاهم فكل خطوة ودارت المستحيل تاجمعات كل وحدة مع النصف ديالها وبغات ليهم الخير بحالا بغاتووو لنفسسسسها هزات همهم كيما هزوه بكات معاهم وفرحااات معاهم .... وشافو عند اسد لي تاهو عمرو مل و لا تذمر ولا تشكى من زياراتهم المتكررة ....ولا من مشاكلهم ليمابغاوش يتقضاو.... وتفكرو نهار دخل عظنان وسفيان حبسهم مع الدياااب حيت ضروبوووهم ... دازو دكريااااات بزاف قدااام عينيهم وهوما مبتسمييين .. سبحان الله كووولشي كيمشي ويفوت كيبقاو غير ليجبست زوينين لي كنديرو مع الناس !!!! .... طووولووو اشووووفة متنهديييين ... مكدبوش نهار كانو يقولو فعز مشاكلهم " انوليو نتفكرو هادشي ونضحكو " فعلا ..ولاو غير تعاويد ...آمنوووو بفسسسسهم وبححبهم وبشنوو باغين وتشبتووو بيه عمرهم يأسو ولا استلمووو ... كل مرة كيحاربو وكل مرة شكون كيتنازل ... تالدابا لي خارجين كل وحدة شادة فيد نصفها لي ولا رجالها ... طلعو لطموووبييلات ولامار دخات لداخل حطات قسسم وگلسات على السرييير كتبكي وتشششششهق ... مكتعررفش علاش كتربي الكبدة هاكا ... حاسة بحالا مشاااو عليها صااافي ومع الهرومونات مكرهاتش تبقى غير تبكي ... وزادت كملات عليا تا هاد النفخة ديال اسد لي ماعرفتها منااااش ... كون كانو غير مزيانين وضاااحك كان غايكون نساها دابا شوية فهم ... زاد كمل علييييهاااا .... شووية سمعات تاطموبيل ديالو ديمارات.... ووقفات مسحات دوعها ومشات كتجري لبالكون طلات بانليها تاهو كسيييرااا مشا ... وبقات غير كاتشوووف وقالبة شفايفها لتححت
يلاه كتهضر وهي تلمح تيل ديالو محطوط على طابل دو نوي نساه وهي طلع حااجبها بتشيطيين ....وكأي مراة تحرك فيها الفضوووول تبقشش واخا مافيهاش داك طبيعة بزاااف حيت فايتة معاه حدود الثقة ليييه .... ولاكن ضاروري من تبقشيش اول مرة تلقى تيل ديالو بلا بيه ... حيت حداه مكتقدرش تقيسو لانهم كيتعتبرو خصوصيات وتاهو مكيقيسش تيل ديالها ... فتحاتو وهي تلقا صورة دقسم فالشاسة وقلبات شفايفها
لامار : علاااااش مايديريش تااااديالي
قسم : ( كضرب بصبعها فشاشة ) كااااساااااام
لامار : ممم كاااساام .... حدي يديك نشوف
بدات كتقلب واول حاجة دخلات تشوفها هي لاكالوغي " استديو الصور" واش داير ليها شي تصاور حيت ديما كيغفلها فتصاور ...وهي تفاجئ بواحد ضووسي فيه سكرينات جداد آخر ماسكرينااا .. ودخلات فتحاتو لقات كتر من 120 سكرين شووت ....
ودخلات تشوف وهي توووسع عنيها على وسعهم ماااامتيقاااااش!!!!!!!! ......
حبيبي الأصم الجزء 344
محتوى القصة
التنقل بين الأجزاء