حبيبي الأصم الجزء 348

لامار : ههههه والله تادرتوها مزيانة نيت ميتة بجووع ( ككتقلب فلي ساشي اش جاب وحطات جود ) 

اسد: اجي عندي لهنا .....

هزات قهوتها و واحد كخواصون عاضة فيها ومشات عندو كلست على لبيرو مقابلة معاه وهو شادها من فخاضها وهي كتاااكل وجود رجع لبلاصتو شاد كاب كيك ...

اسد : ( كيمسح ليها جنب فمها ) كووولي بشووية ... داز الاجتماع مزيان !? 

لامار : ( كتهضر وفمها عامر ) وووي صاافاا مابيهش .... عررفتي ... ( بدات كتكحححب وعطاها الما كيشربها ) 

اسد : بشووووية كيجريو عليك ولا شنو .....

لامار : واااجججعت ... عرفتي توووحششت قسسم ... على الله تكون دارت عقلها 

اسد : ( شاف لسعتو ) شوية ونمشيو موراها ...

سالاو فطورهم وشدات لامار لبيسي وهو هز جود وخرجو مشاو لطموبيل ..شدوها دييريكت لشركة ديال سفيان ... باقا عاد صغيييرة ديال تجهيز الحفلات والتموين .. نزلو باتجاه البيرو ديالو ... كانت صغيرة عبارة على جوج طوابق ولاكاف ... فالطابق اللول كولو بالزاج فيه غير شونتيويات ديال السلعة فليفيطخين ... و فلاكااف تاني سطوووك ديال السلعة ...وعاد البيرويات فطابق التاني ... تاجهو ديريكت لمكتب ديالو ...غير حلو لباب شافهم ...اماجووود حل عييينو وبدااا يضضحك لقا صااحبو ... وهو شافهم وشد البيسي وناض عندهم هز جووود عندو ... 

سفيان : امرحححباااا ... افين الفرخ ديالي ( كيبوس فجود) سمحات فيك ختتتك ياك ...مكاين شكون ترييش دابا 

اسد زاد باتجاه واحد شونتيو جديد ديال ديكور ديال دخلة دالقاعات كيشوفو عجبو ولامار كلسات ..

لامار : اش كتعاااود حياة كيبقات مع التقل شوووية?

سفيان : لا راهااا صافا ليوما حسن من داك نهار ... ( زاد كلس كان لابس سروال دجين وشوميز كري واللحية غير مزاااادت تغووفلاات كبرها وشعرو مبعثر ... وكلس جود على لبيرو حداه وشاف عند اسد ) عرفتك غاتسبق بيها ههههه ... سيفطهالي عدنان ...مابغيتش نخرجها 

اسد : مممم ... زوييينة ... ( زاد كلس )صافا .. طو فابيان !

سفيان : والله الى بيخييرر ... تشربو شي حااااجة 

لامار : نو نو عاد كيف خدينا قهوة جيت غير نشوف داكشي واش وصلك مزياان ونمشيو نجيبو قسم ...

سفيان : لا واااعررر اختي والله كاع لي بوكيه زوينين ... تاهوما غايعجبهم... درت نيت التمن ديالك وزدت عليه التمن ديال السوق

بدا كيوريهم فالكاطالوكات وهوما كيشوفو معاه واخا استقل بوحدو ديمااا كيستشرهم فكوووولشي ويطلب العون .... وتاهو شركتو بدات كتعرف تحت اسم افراح السلطان .. حيت حياة حاملة وعندها ولد ومخططين يسميوه سلطان .... سلاو معاه وتافقو تايتلاقاو فالافتتاح فالعشية .... وناضو مشاو يتجهو ليكول ديال قسم .....

عند قسم .. 

كالسة فالكرسي ديالها والقسم عندهم كبيير فيه شااااشة ... وجوج معلمات وكليماتيزي ... وكاينين غير ستة ديال الطاولات ...هي و تلاتة دبنات وجوج ولاد .... لابسين كلهم فحال فحال ... والمعلمات مبتسمين كيشرحو ليهم وقسم دايرة رجل على رجل ومعععفرة ...

المعلمة : بون ... ودابا ملي تعرفنا عليييكم .... غاتعرفو علينا ... انا المعلمة ماجدة ... وهادي لاميطخز صوفيا ديال اللغة الفرنسية ... 

قسم : ( علات يديييها معفرة ) 

المعلمة : وي قسم 

قسم : انا ديزا عندي ما ميطخيز ديال الفلنسية ... مابغيتهاس ....

صوفيا : هههه ولاكن معاك احبيبة ديزيليف اخرين لي يمكن ماعندهمش المعلمة ديال الفرنسية ..... 

قسم : اوا كليوهم بوحدهم .... انا نكلا لفخونسي فالدال ..وفليكول ????? شاڤا پا نو ?

ماجدة : مافيها بااااس ... باش تكوني متمكنة كتر فاللغة 

قسم : ( بدات كضحك باستهزاء ونطقات بالفرنسية المبجقة ديالها لي شاداها كتر من العربية ) اكشكيزي موااا !!!!!!

....زو بااغل بياااان لفخوونشي .. إي شي تي ڤو ... زو طابخوندغي لا لونگ فخونشي موا ميم .... دااكووغ !!!! .. (Excusez moi! Je parle bien français ..Si tu veux .. je t'apprendrai la langue française moi-même ....dacord ?? "نعاااام !!!! راني كنهههضررر مزيان الفرونسي والى بغيتي انا لي غانعلمهاليك ..دااكووغ ? ) 

دوك المعلمات بقاو غير كيشوفو فبعضياتهم ودوك تلميذات كيشوفو فيها ... 

ماجدة : (بالحس ) غير سايسي سايسي هادي لاتقلقات

غانمشيو فيها كاملين ...

صوفيا : ااحم ... داكووغ احبيبة مايكون غير خاطرك ... انا غانقري غير هادو لي معاك

قسم : اوا ? وانا نبكا كنسوف فيكم ولا سنو? ( شافت عنهم ) ونتوما كاااااد هاكا وباكي مكتعلفوس لفخونشي ? يوووووف يوووف على ايكووول ... 

ماجدة : احححم .. ماعلينا .. ( مشات لبعض القصص وبدات كتفرق عليهم ) تفضلو ... كل واحد منكم له قصة مختلفة عن الاخر ... المطلوب فقط قرائتها ... وفي الحصة القادمة ... تقدمون لي تلخيصا صغيرا ... كي اكتشف رصيدكم اللغوي ومستواكم في اللغة العربية ... وأعرف من اي نقطة يجب ان أبدأ معكم منها .... 

كان لابد الاستاذة مادير هاكا حيت هنا كيقراو غير النخبة لي منين كيتزادو وهوما وسط الثقاااافة والاساتذة فداارر ... كيكونو 4 سنين فاااتيين هادشي كيديروليهم اختبارات باش يعرفو مستاهم لان ماعندهمش مقررات شاملة بحال المدارس العادية .... 

سلات اول حصة لي كانت غير لعب وتعارف و فالخر عطاتهم قصص اطفال يقراوهم وصوفيا عطاتهم قصص فرنسية ....وجاو المربيات يخرجهم كل تلميد كتسناه طموبيل سواء شيفور او احد افراد عائلتو .. قسم غير شافت طموبيل ديال باباها مشاات كتججججري طارت عليه عنقاتو اما لامار كانت فطومبيل لداخل هي وجود وهزها عندو كتبوس فيه بحاالا عام مشافتو والمربيات قربو عطاوه لكاغطابل ديالها وحالين فمهم فيه ولامار كتشوف من طموبيل وتفرك فيديها .... عينيهم لاسقين عليه وكيضحكو معاااه .... وباين الزعطة من الطيارة ...

اسد : صافا ??? دوزتي لبخومييغ جوغ مزيان ! 

قسم : وي بابا داااج شوووبيغ (super)... اي لي ميطخيز صون طخي بيييل ..... 

المربية : نتي زويييينة حتى لي ميطخيز غايكونو زوينين بحاااالك ... ( خرجات لامار من طموبيل ضااااحكة بالفقااااايس يكون لي يكون مكتحلمش لي يبقا يحل فيه عينيه هاكاك عنها تا لأسد وسطوووب تقدر ترجع زوهيرة فاي لحظة ) 

قسم : مااااماااااا ( مشات عندها هزاتها ) توووحسستك 

لامار : ( شدات تافدراع اسد وكتشوف فالمربيات ) حتى حنااا انا وبابااا توووحشناااك ... ( شافت فاسد ) ياااك اباباااا ...( اسد مايخفاوش عليه هاد الحركات)

المربية : الله يحفظها ليييكم 

لامار :امييييين ... ويححفظناااا ليها ... 

اسد جر لامار لطموبيل قبل ماتزبلها وقسم طلعات لور كتبوووس فجود بحالا عام مشافتهم ... ولامار كدير حزام اسلامة ومخنزززرة ....

اسد : ( ديمارا رجع مارشاريار وشد طريق ) مرربية الاماار مررربية !!!!

لامار :تكووووون لي بغات تكووون ... كااالسة تفررررنس تمااااا ....انا و مكنشوووفش فيك قد هاكااااك ... اووووف عصباااااااتني 

اسد : ( جابتلو ضحكة وحابسها يد فالفلون ويد جبدليها ودنها ) وااااش ماباغاش ديري عقققلك المغيااارة .

لامار : ببببعد مني .... مايتتمنضر ليا حد فرااااجلي انا ...

اسد : بردي اححبي بررررردي .. ( لامار قلبات راسها لزاج مربعة يديها وهو مراقبها حابس ضحكتو تاكيتشكلو دوك الحفيرات فوجهو خفاااافين ) ونييت عندها واحد ضحيكة من داااااكشي ..

لامار : ( ضارت عندو منييييرة ) نعاااام !!!!!! مسمعتش مزيااااااان ??? عاود اش قلتي 

قسم : ( خشات راسها بيناتهم بين الكوسانات) كافاالتيييها ابابا كفلتييييها ..... (قفرتيها )

يتبع...