ابتسمات ليهم ومشات وهوما ناضو .. كل وحدة رجعات لبسات المونطو ديالها حيت برا البرد ... رقية مابغاتش تهبط هي وحياة لي تقلات مابقات قادة على وقوف كلسو وبقاو معاهم البراهش ... غير قسم لي لسقات فبااباها فين مامشا اما لوخرين غير طابليطات ومايتحركوش ... هبطو كاملين لبرااا كانو خاوين ليهم بلاصصتهم ... وكولشي كيصور وهوما خارجين دي كوبل غير سفيان لي بوحدو مي معاه قسم هازها ... تقدمو القنوات بتنظيم لعند عدنان لي كان شاد فيد رتاج مكيطلقهاش ولاد ابتهال يطلقو كولشي الا يدين عيالاتهم طرحو اسئلتهم والباقي تقدمو لواحد الساحة قدام البوابة الكبيرة فين غايفتتح وهو كمل على اسئلتهم وزاد باتجاه البوابة وتما كانت بنت فغااااية اناقتها وشياكتها الرسمية واقفة وهازة صينية مدهبة فيها مقص مدهب ... والبوابة عليها الشريط الاحمر ... ناس كلها تقدمات لساحة كيتسناو الافتتاح باش يدخلو يكتشفو المتحف من الداخل ... الفلاشاااات مكيحبسوووش وهو ورتاج قربو باش يقطعو الشريط ... وضارر موراه كيقلب على خوتو ... ووما ليهم يقربو لعندو ومشاو ... ماارتاح تاحس بيهم موراه ... واسد واقف وداير واحد اليد فالجيب و واحد اليد شاد بيها يد لامار وعلى وجهو ابتسامة فرحاااان لحلم خوه لي اخيرا تحقق وداكرتو كتسااافررر بيه لواحد الوقت كان كيبان كولشي ضلااااام !!
🔙عدنان : نتا اش كادير هنا ؟؟؟؟؟
اسد : ( كلس على الحافة دواحد طابل تما ) اكيييد غايبقااا حلم مستحيل ... مدامك مداير حتا شي خطوة تحققو فالواقع ... غايبقا حححلمك .. هاكا سجييييين وراء جوج خطوووط مضروووبة فبعضها باللون الاحمر ( علامة❌) لي كتعني ممنوووع تحقيق هاد الحلم .... مدام صاحب الحلم مزال ماقرر يمسح حرف I و M من كلمة Impossible ...
اسد : لا دخلني ... ( بدا كيضور ) غاندخل باش نطلق سراح كاع الحوايج لي نتا حابسها فهاد لاكبين نطلقها تشوف النور .... ماتبقاش محصورة بين صبورة وكتب .. وبين اليأس والتشاؤووم ....
عدنان : انا بغيت غير نفهم اش جابك على صباح وباش عرفتي دار ؟ ... بايت تحلم بأحلامي ولا كيفاش ... وشكون قاليك اصلا غاتبقا محبوسة .. شغلي قاد بيه . واحلامي قاد نخرجها بوحدي تشوف النوررر ....
والجملة لي ملي تفكرها تزعزع كيانو ... وعينيه حمااارو هي الهضرة لي قال وكان باقي شاك واش هادشي فعلا غايطرا ... وطرا ... هي :
🔙اسد : ( قرب عندو ) مغانديروش غير دكرى غانديرو دكريااااات بزاااااف ... غانشوف متحفك على ارض الواقع ... غانقطعو ليه شريط الافتتاح انا وياك ... غانشهد على زواجك ... غانهز ولادك ... باقي عندنا بزاف مايدار اعدنان .... تعاالج
اسد تببسسم بعد ماشاف هضرتو تحققات ... ولا يأس مع الحياة .. وهوما فوقهم رب يحقق المستحيل وكيهزو الهم للممكن !? ... كون شي حد فداك الفترة وراه شوية من المستقبل مكانش غايتيق ... عدنان بدورو نفس الهضرة تفكرها .... وضار لعندو شافو فبعضاتهم داك الشوفة ديال واش حتا نتا تفكرتي !! .... وابتسمو لبعضياتهم وعدنان هز المقص ووما لاسد يقرب لعندو ... واسد تنهد وحيد يدو من جيب وشدو معاه .. وكولشي كييييصصصفق ... ولامار ورتاج كيشوفو فيهم .... ياما قالو هاد الجوج دالاعدااااء عمرهم لاتلاقاو ... كانو بحال شي خطان متوازيان ... تعقدات علاقتهم لواحد الدرجة ديال مستحيل تفك ... وتفكات .. لان الدم والاخوة اكبر من الحقد والعداوة .... تقدمو جوج خطوات موجهين المقص للشريط والصحافة كتصوررر ... وعدنان قلبو غايخرج من بلااصتوووو مامتيقش الى صافي وصل هاد النهاااررر لي كان كيحلم بيه من صغرو وتعععب علييييه ودفق فيه عرق جبينو ... خدم عليه ليل ونهار خطط وبنا وحلم ... ومامشاش هادش هباءا لقا اخوة وزوجة واقفين معاه ومسادينو ف حلمو ... تحدى المووووت ... تحدى هاجس الماضي ... باش يحقق هاد الحلم المستحيل لي صبح بمشيئة الله ممكن ... وهو المتحف الخاص بيه .... قطعوو الشريييط بجوج بييييهم وتعالات التصفييييقاااات من وراااهم ورتاج ماعرفات علاش جاوها دموع وقربات عندو عنقاتووووو وتاهو زيرررر عليها وكولشي كيييصفق ليهم ويباركو ليع.. وتفتحو الابواب الدهبية المنقوووووشة .... كان كولو مضيء باضواء صفراء دهبية لداخل .... حيت ديزان كولو دهبي ... واصفر بلون الاهرامات ... ودخخخلووو وهو كيرحب بيهم هو رتاج بالواحد واقفين فلباااب ولباقي كولشي دخلو كيستكشفو .... وسفيان كايوري لقسسم ويقرا ليها وهي قلشات ودنيها كيعجبها تتعلم لاي حاجة جديدة واي معلومة كتگراڤيها فراسها ....وهو كيوريها
سفيان : هادي هو العملة لي كانت عند الفراعنة اقسم بحال الدرهم ديالنا
قسم : وسنو هوما فلاعنة اعمو !
سفيان : هوما أتباع الفرعون
قسم : وسكون هو الفلعون
سفيان : هو باباااك ....
قسم : ها!?
سفيان : شششش عنداك تقوليهالو يلاه نوريك حاجة اخرى يلاه
دخلو الحضور كامل معارفهم ومعارف خووتو ورتاج كووولشي .... المتححححف عمر وهو كل مرة جايا قناة كتستجوبو وكيوقع للبعض ... وعاطي لخاطر لكلشي بابتسامة ...و كيف لا وهو حلمو كيتحقق .. واسد غير من بعيد مراقبو فرحان ليه لانو مجرب هاد الاحساس نهار افتتح اول باطو ليه .... غير هو عدنان الانتقام و المرض ضيعو ليه بزاااااف دالوقف من حياتو .... وخا جا هادشي معطل الى ان الفرحة هي هي ... شيماء غير كضور وتفرك فصباعنها وتشوف لبوابة لكبيرة بغات تسووول عليه وحشمات ... بزاف من انظار اشباب عليها ولاكن هي مامسوقاش بالها غير مع البوابة يدخل منها حب طفولتها ...3 سنوات دازت تبدل شكلها بزاااف ... طوالت ...غلاااضت .. وجهها تعمرر ولقات الحياة لي بغات ولفلوس فيديها ولات تخدم وتقرا وهازة راسها .. ولات تلبس غير من ليمارك .... وجهها تبدل بزاف ولاكن حبها عمرو تبدل ولا تغير باقي هو هو .. ببرائتو ببساطتو بوافئو ... عيون بزاف دالشباب تابعها لانها كاتبان جدابة خصوصي بالمكياج لي اول مرة تديرو منغير شي مناسبة ... متوترة وغير كتفرك فيديها ماعرفاتش امتى غايجي وكل مرة تشوف لانسطا واش لايح شي صووورة لقاات من اخر صورة لى دار فطيارة ملاح والو وترجع تحط تيل وفاش كضور بعينيها وتشوف البعض كيضحك ليها من بعيد كتقلب راسها بغضب ..غير تهنااو القلب عاااامر .... والناذلين كيقدمو المشروبات والحلوى على الحظور ... وتقريبا كولشي بالكاميرات كيصورو فالتحف المعروضة ... وعدنان كيضور معاهم ويعطي معلومات على كل حااااجة مع المسؤولين لكبار ومكاين غي الهضرة المصرية كضور تما ... ورتاج عيات معاه بالضوران والوقوف ومشات كلسات في كاين اريج ولامار واسد ويونس ... فواحد الكليسة تما بليفوطوي فيها لامار واريج كالسين على حت حت حت ويونس واسد بعاااد عليهم كالسين على كراسا طوااال قدام واحد طبيلة عنهم مشروبات وكل مرة جاي عنهم واحد يسلم ... اما سفيان كيضور هو وقسم ... وفالخر طلع هو وياها لفوق يطل على حياة ..
رتاج : اصبري يشوفك كي وليتي واجي تشوووفي الى ماقطعش حوايجو ...هو كان تالف فيك ونتي باقا بجغوووطة ودابا لي رررربتي لييياااا ( قرصاتها فليهونش ) لاطااااي وطولتي ليا شعررر وغلاضيتي وليتي طول منااا يفففللتك !!!! عمرو شافها كيف ولات ياااك !!!!
اريج : مكنضنش مكتحطش تصاورها كاااع كتبارطاجيلي غير جمعة مباركة ههههههه ( شيماء غير طيحات راسها مبتسسسمة ولات حححمرة )
لامار : ونااااااري شحال كتحشم هاد خيتي ههههههه
يلاه هوما كيهضرو كيسمعو على برا الغوااات و تصفااارررر والهتااااف ...
اريج : سكتو سكككتوو .... ( كتسمع ) شهادشي
لامار : عمروووو طويل ( وقفات كتهبط طريكوها باش تمشي تلاقاه ) هاااهووو جاااا هههههه
شيماء سمعات هاهو جا ولونها تخطططف من وجهها وقلبها بدا يضضضضرررب بجججهد بدات كتررررعد ... ورتاج شدات على يديها
رتاج : ششش ديكااالم ....
شيماء : و.. وو اش جا ?
رتاج : ماعرفتش واااقلة جا ..
ناضت تبعات لاماار واريج لي ماشييين ... اما شيمااء مقدراتش حتى تنوض بقات غير كتغزز فشفايفها وشدات على قلبها كتحاول تهدئو والضحيكة دالفرحة كترسم على وجهها... غير وقفو فلباب هي تبان ليهم الهاامر ديالو والبوديغارد ديالو كيحاولووو يبعدوو نااااس .... باش ينزل ... والغوااااات والهتافااااات دالمعجبات كتااار .... وتصاووررر والفلاشات .... ولامار بدات كضحك هي ولبنات توحشششووه وهو معافر مسكين غير باش يخرج راسو من طموبيل ..والبوديغارد ديالو كلهم كووريين عينيهم مجججبدين ...ونزل المنادجر دياو كيدفعووو فييييه قرررب يغووووت مسكين ... وهوما يتلاحو الكارد ديال اسد بحال ضبابة كحلة بكوستيماتهم الكوحل ... حيت ومات ليهم لامار يتدخلو لان الكارد دأسبرو قلااااال غير ستة بيهم ... ومشاو كيبعدووو البشار ...عاد رد النفس وخرج راسو من طموبيل ... خلعووووه خاف يزطم فيه شي واحد نااااري ويشدوووووه يفركزوه ... واخا العضلات لي ربا ولاصال لي ولا ساكن فيه والطولة لي زادها والبنية الجسيدة باااااقي نفس الخوف فييه ونفس الضهشيرة ... غي شاف لبنااات وعي الضحكة تجججبد على فمو و وساعت .... نسااا داك الجججقلة كلها لي مجمووعة عليييه .... وبدا كيوووح ليهم ببيدو ماكرهش يطير لعندهم .... وجاو جوج ديال لكارد من ديالو كيدوزوه ... لامار جاتها الببكية كاااع .. فرحانين لهادشي لي وصل ليه وهاد الشهرة كامل لي حقق فوقت وجيز ... خرجووه من داك الجوووقة وناس كتغووووت .... ومشا كيييجري لعندهم ككيييعنق هادي ويعاود فهادي والناس فلمتحف لداخل شاافووووه وكولشي كيتسائل واش هدا هو داك الممثثل والمغني دراب الكورري !? واش هدا هو لي مع داك الفرقة لي دايرة بوووم واغنيتهم الاخيرة فاتت ربعة دملاير دالمشاهدة !!! ....واش هدا هو الاس دي ... وكاين لي عرفووو وكاين لي غير قال شبهتو .... بصح هادو غير ناس دالبرستيييج كايشوفو غير من بيعيد ويضضضحكو ليه بثقاالة ... . كولشي التفت لبوابة واسد وينوس وسفيان عرفوه هو لي جا وهو علامن نايضة جوقة.... اما عدنان كان مشغوول لداخل بالتصوير مع واحد المجلة ...
اريج : ( معنقااااه ) وتووووحشنااااك ازمررررر
اسبرو : والخراااا قولولهم غير يسكتو نسمعكم اش كتقولو ..... تي طططططلقي خخخنقتيني بووووسي رااااجلك ...
اسبرو : كون كان تماك غاشي تيتيز بعدا انا نتلاح لهلاااا يعدبهم ....
زاو داااخليين وهو كيضحك غير براسو لناس لي كضحك ليه زعما عرفناااك ويحيهم ولي ضحك ليه كيغمز ليه هو بالضحكية كيييفشل لبنااااات بداااك الزعووورية ديالو وزايدها بالغمزاااات .... وشيماء ماقداااااتش تاتشوف فيه مامولفاهش بهاد الشكل وعباد الله كاملة كتعرفو وهاد الشهرة كاملة وشكلو لي تببببدل جججدريااا لي مامعاشروش مايعرفوش هي وكون مكانت متبعة الصور فالانسطا والله لاعرفاتو ....واقفة كتعض فشفايفها نزل عليها التوووتر بحالا ماعرفت اش غايوقع ....كتشوف فيه مكرهاتش تمشي تعنقو ولاكن ماقدراش حيت باقا خايفة من ردة فعلو وهي تمشي كتجججري لحمامات خافت يفضحوها دموعها شدات عليها الباب وبقات كتتتلهههت تما ..... وصل لكليسة فين كانو كالسن وهو يشوف اسد ورجع لور كيهضر غير بالحس
رتاج : والله اوليدي وينوووض عبد الحليم من القبررر يضرب ليك السلام ويرررجع لقبر لاتبدلتي فعينينا غير فش صدرك وهبط لارررض تقاااد معانا وخلي ريشك للي ماعارفكش واش كتشرب الحليب ولا لا هههههه
رتاج : والله اخويا تاكنكونو فقمة الاخلاق... غير كانشوفوك نتا كطير لينا البلاكة ...
بقاو كيهضرو ويضحكو وشيماء فالحمام مسحات دموعها وبدات كتنش بيديها على وججهها لي حساتو سسسسخن ولا حمرررر وتحاول تهدن راسها وتبعد التوتر ....بقات مدة كتشوف فالمراية وي تبببتسسسم بعينين لامعييين جامعة شفايفها وببراءة ... خااايفة بزاااااف من ردة فعلو فاش غايشوفها اول مرة .... وهي تجججمع النفس وطلقاتها ...
خرجات من الحمام داايرها فيد الله تمشات تجاههم كتشوفو كيضضضحك مع البنات وناس من بعيييسد مراقبينو ... حاسة براسها توحشااااتوووو بزاااااف مكرهاتش تعنقووو وماطلقش منو ... وااخا تبدل عليها لا فالستيل لا فالشعر لا فالطول كولو تبدل الا انها باقا كتلمس فيه داك الروح المرحة ديالو لي حباتها فيه نهار لول .....وقفات عليييهم وهوما كيضحكو وطلعو البنات فيها عينيهم مبتسمييين وهو طلعها ضحك ليها ضحيكة خفيفة حيت شافها كتشوووف فيه مبتسمة ورجع وهبط راسو ببرووود ... وهي بقات غي كترمش باستغراب لا هي لا لبناات !!! ....اش هاد الشوووووفة الباااااردة ... والبنات متبعين ليهم العييين وقربات بشووووية وبخطوات متزنة باينة متوترة غير من اصابعها لي كتلويهم بين بعضهم وكتسرط فريقها ... ومدات يديها ليييه بغات تسلم ... وهو كيششوف يديهاا ممدودة حداه وطلع راسو فيها بضحييييكة باينة فيه فررحااااان ضاااارب دنيا بركلة مامسووووقش لداك التوتر والحرب لي عندها لداخل وسسسلم عليييها تاهوو ...وهي تحيد يديها دغيا بسباااب التوتر وكلسات ... وهو رجع كيضحك مع البنااات مداهاش فييها كاااااع كيكمل على لموضوع لي كانو كيهضرو فيه ... وابنات ماااعجبهووومش الحال كاع ضاحكين بزز لهاد لجيست لي دار ..وهوما يبدااوو بلعاني يهضوها بزز عليه .... اما هي غير سااااكتة وكتشوف لارض بحالا كانت حااااسة بهاد البروووود فالرد الفعل
حبيبي الأصم الجزء 351
محتوى القصة
التنقل بين الأجزاء