قالل الجملة الاخيرة بصوت مغنغن وعض على شفايفو وتكااا على كرسي مسح دموعو والمنشطييين تأثروو والمستمعين وليفان ديالو تاهوما .. ولامار غير عاضة على شفافيها فالخررر ناضت كاع لدوش كتبكييي .... ورتاج تكات على الكرسي كتمسح دموعها واريج غير كتشووووف ... وشيمااء كلسات على واحد الكرسي ودموع ساااايلة ....
المنشط : ( تنهد وقرب الميكرو ) لي ضحكناه معاك ليوما ... بكيييناه ...( كيشمر بنيفو بكاهم ) مغاندخلوش معاك فالتفاصيل واها صراحة جانا فضول كبييييرر نعرفو بزاااااف حول حياتك من بعد هاد الكلام لي قلتي ... مي لانك ديجا كان من شروطك مانتعمقوش فحياتك الخاصة ..ونتا كتفضل تحتفظ بها لنفسك ... من حقك اكيد .... اذن ندوزو لسؤال اخوور والسؤال الشهيييررر ..... شنووو الجديدد لي نشوفوه هاد العام ?
اسبرو : هاد العام خويناه فقط لمهرجانات عندنا طوغ ديموند ... ومن بينهم المغرب ..لاننا عندنا الالبوم ديالنا .. والعام جاي غانخدمو على البومات جداد لان كلنا كندرسو ... وكنحاولو نقادو وقتنا بين الدراسة والفن .... ومانسطوكيوش الاجوندا . دونك عام نخدمو فيه على البوم وعااام نخرجو للمهرجانات ....
المنشطة : هههه ( قربات لميك ) معرفتش اش طرالي ... فغيييمون طوشيتينا بزاف بهضرررتك ... اكتشفت معاك ليوما .. انه مايمكنش شي واحد يضضضرب سيييوْكسي .. الى مكانش ديجا موووجع .. لا الرسام والا المغني ولا الممثل ولا الكااتب .. الى مكانش ديجا عندو ضررربة ومووجع... مستحيل انو ينجحويوصل لقلوب ... لان الفن مكينجحش بلا احساس .. والانسان لي متوجعش مستحيل تلقا عندو احساس.... ليوما فهمناك منين جبتي داك الصوووت وعلاش كتشد عينيك ونتا كتتتغني ... كتخرجها من من صميييم قلبك .. لان فعلاا عندك شعععلة وعندك موااااجع كتخرجهم عن طريق هوايتك او الفن ديالك .... فرحنا بزاف لاستظافتك انا بعدا من دابا وليت فااااان وفي ديالك ههههههه .. ماسخيناش بيك ولاكن وقت البرنامج الاسف محدووود واخا الهضرة معاك ماشبعناش منها ...
اسبرو : تانا فرحان لوجودي معاكم وفرحان انني من بعد تلات سنوات حسن ليا الشرف ندخل لمنبر اعلامي مغغغربي ونتواصل بالدارجة المغربية
منشط : وداابا ميمكنش نودعوك بلا متسمعنا شي حاجة بالصوت ديالك ومنبعد نخليو مستمعيناا مع اخخررر اغنية نزلتو ... قبل بغيييت نتمنى ليك مرور موفق فالفيستييييفااال يوم الاربعاااء .... نتا لي غاتختم!
اسبرو : وي غانقدم جوج دالاغاني كختاااام ...
منشط : مرووروك مسك ... ونتلاقاوو فنجاااح اخر ديالك ومسيرة موفقة .... سمعنااا مستر اس دي .....
رجعو لور حيدو الكاسكات وهو قررب للمايك كييغني ... صوتو كان فعلا هااااااادئ وكولو احااااسيييس ...
لامار خرجات من الدوش سمعاتو غير كيغني واريج قالت ليها سالاو ... وشيماء بقا فيها الحال لي مادواش عليها كانت كتسنا يقوليهم عندووو حبيييبة ...وهي كون تعرف لي باغول ديال داك الاغنية لي كيغني اش كايعنيو تبقى تنقز حتى لغدا .... ورجعات لدااارر ... ولامار واريج ناضو لبسو حوايجهم ارييج خررجااات هي ويونس ...ولامار وجوود تاجهوو لشرركتها تكمل خدمتها .... تادارت 12 ومشات جابت قسسم من لييكول دازت لريسطو لي دايرة معاهمم يتلاقاو تمااا
كانو كالسيييين كيتسناوها اسبرو واريج ورتاج
وهي هازة جوود و قسم ماشية معاها ... ماااقالت تاوصلات مشانقة معاهم ...وكلسات كتنهج حطات جود حداها وقسم هزها اسبرو كلسها على رجليه
اسبرو : ( شاف بجدية حيت بانوليه جيدين وكيشرب من قهوتو ) ماعررفتش .. نتي كتشوفي باقي كنقراو .. وانا دابا تززيرت بزااااف فالوقت ... مكنضنش واش زواج دابا ممكن ... حيت مامساقرش فبلاصة وحدة غانعدبها معايا ... منهنا 3 سنين يقدر نكون ساليت القراية وتفرررغت شوية ... وتا الفن مغاندومش فيه غير نلقا خدمة مستقرة ونطلع مشروعي غانحبس فيه صداع الراس بززاااااف ... انا دخلتو غير بالضضضحك هو صراحة فيه الفلوووس مي راحتي مالقيتهاش ....كنحس حريتي تسلبات مني ... كنبغي غير نخرج كنخرج مخبع .. منهنا تلت سنين نوقف هادشي ونشوف مشروع نطلعو ....
اريج : 3 سنيين كاملة !? وعلى الاقل خطبها
اسبرو : الخطبة فكررت فيها ... داكشي لي نقدر نديير دابا .... حييت مايمكنش هي كتقرا فامريكا وانا حاليا خدمتي وقرايتي كولها فكوريا ... يعني زواجنا ماليه معنى لاهي فبلاد وانا فبلاد ... منهنا تلت سنين نفكرو فيه ان شاء الله منها تكون تاهي كبرات شوية
لامار : اوا صافي .. طلبها لزواااج ... ومنبعد العرس يجي ان شاء الله ... مهم دير شي حاجة رسمية متبقاش معلق كيف سميتيها نتا
اسبرو : يكووون خييررررر
اريج : ونتا شنو خلاك تلت سنين ونتا قاطع عليها هاكا .. لي مكيعرفكش يقول غير شفتي الشهرة والمعجبين وضربيتها بركلة !!
اسبرو : بيني وبينها ... راه عارفة علاش ... شي حوايج مكيتناقشوش ... مهم غانصلح كولشي ماتخافوش
رتاج : سيد ولاو عندو اسرااررر علينا !!!!! ولا انا لي جابلي الله
اسبرو : ماشي قضية اسرارااا ... غيير هو شي حوايج والله مكيتناقشو .. صافي اصلا تنساو ......
اريج : مممم اوا حنااااا عارفين هاد الحواااايج ... ومانكروووش ان كون ماشي داك الهضرة مغاتزيد تاخطوة لقدااام اولا !? راه دفعاتك بزاااف
اسبرو : الاطيف الاطييييف واش كتفلت ليكم شيي حاجة تسليييييييم .... ( شرب من قهوتو ) وي بصح ... بعدي عليها كان غير اختباااار ... واش قادرة تسناني للا ....
دخل لكازا وشد طريق ليكول ديالها .... وصل كانت ربعة و نص ... باقي نص ساعة عاد يخرجو وبقا يلعب بصبعانو فالفلون ... فللخر دخل نيت يسول كيف غاديا فالايام الاولى ... المديرة علموها راه داخل وخرجات لبراا تلاقاتو ... واستقبلاتو فلبيرو لداخل وجابو ليه قهوة
المديرة : لا تباركالله عليها دكية ... ونشيييطة داخل الفصل ... غير هو المعلمات كيلقاو معاها مشكل فالتواصل معاها وفإقناعها انها دير شي حاجة .. ولاكن عاددي راه عاد ايامها الاولى مزال غاتأقلم وتعرف عليهم كتر
اسد : بحالاش مافهمتش ?? اشمن مشكل !
المدييرة : مثلا كيطلبو منها دير شي حاجة كيلقاو معاها مشكل انها تنفدو بسهووولة خصهم تايشرحو ليها علاش و كيفاااش عاد يقدر تنفدو ... واخا الامر يكون غير انها تنوض لطابلو تقدم شي حاجة ... هادشي لي فهمت منهم منبعد اجتماع لبارحة ...
اسد : ممم ... فين جا الكلاص ديالها !?
المديرة : تفضل معايا نمشيو ليه ...
ناض ماشي تابعها تاوصلو قدام لاكلاص ديال قسم وأسد شد المديرة مادخلش ووما ليها تبقا واقفة ... وهو كيشوف فيها غير من السرجم ... وهي كالسة فطاولة ديالها ومنفخة بحالا مقلقة ودايرة رجل على رجل ...
ماجدة : اه ولاك اححبييبة راه كلكم هنا الزملاء ديالك جاييين يقراو ... تاهوما خصهم يشاركو
قسم : يييمسييو يكلاو بوححددهم
يلاه غاتجاوبها وهو اللون يييمشي من وجهها فاش شافتو وقف فلباب دلاكلاص قالت صافي غايررربل عليها ملي يشوف بنتو مقلقة واحتراما ليهم دق الباب ... وقسم شافتو خصوصا ملي باليها مبتسم للمعلمة وهي تفرررح ومشااات كتججري لعندو
قسم : بااببااااا ( عنقاتو من رجليه )
اسد : سمحوليا قاطعتكم على الحصة
ماجدة : ( كتفتف ) ل الا ماشي مشكل اسي الاسماااعيلي
اسد : ( كااايشوف فيها كيفاش كتلعب برجليها واصاابعها وعينيها هو كيطييرر العينين ....باين فيها التوتر والخوف ) كاالم طوااا ... كاااالم ... ( رجع قرب شوية براسو يريحها ) انا عارف بنتي صعيبة شوووية ... ماجيتش نلومكم ... انا كل احترامي كانعطيه لمربين الاجيال والاساتذة ... كنسول غير باش نعرف شنو المشكل ونقدر نصلحو لان تربية بنتي مسؤوليتي ماشي مسؤووليتكم .. مكنلووومكش نتي دونك كالم طوا وهضري عااادي بلا متحاولي تقولي شي حاجة مكيناش ...
ماجدة : ( بقات كتشوف فالمديرة زعما شوفي شحال ضريييف ورجعات كتشوف فيه عاد حسات بالارتياااح وقدرات تهضر ) .... م مالقينيش معاها شي مشكل كبير ... منغير انها شوية مامتأقلماش بشي حد يشاركها فشي حاجة ... او ييعطييها بعض الاوامر .. ربما ولفات انها كتاخد الاوامر غير منكم نتوما الابوين ديالها ... وولفات مكيشاركها تاحد فشي حاجة ديالها وكل الاتباه ليها ... خصها فقط تأقلم وتولف تدوز نهار مع مجموعة تلاميذ وتعلم تشارك الحصة معاهم ....غاتولي مزيانة واجتماعية.... راها باقا بنيتة صغيرة
اسد : طريقة باش هضرات معاك قبيلة ... ديما كتهضر بحال هاكاك
المدييررة : يكون خيير ان شاء الله مسألة وقت وغاتتأقلم ... وواضح غاتكون تربيتهاااا حسسسنة
وما ليها بعينيه وناااض لطموبيل بقا فيها تادق الجرس وخرجو التلاميذ وهي توصلها المربية لعندو ... وما ليها تركبها لقدام ... ركباتها ومشات وهو بعد منتما باش ماتحرجش حدا التلاميذ لاشافوه كيوبخها ... وهي عرفاتو مقلق غير من شوفاتو وسكاتو بقات غير ساكتة ورجع وقف فواحد بلاصة .. وضار لعندها ربع يدو علا فيها حااجبو .....
قسم : بابا ... ( كتفرك صبعانها ) مكلك مني !?
اسد : انا اش قتليييك لبارح !????? مممم ??? ( قرب عندها وهي بعدات خيفانة ) الهضرة ديالي مشااات مع الواد !???????
قسم : س .. سسنو دلت
اسد : شنو درتي !? اش داك لافصون دالهضرة مع ليميطخيز ديالك ?! ( غير ساكتة كترمش فيه وعينيها كايتعمرو بدموع دغيا كتبكي فاش كيزعف عليها الواحد) علاش كدمعي علياا دابا !???? فيين هي داك السلطوية لي كنتي دايرة عليهم فلكلااص ومخرجة عنيك مالك حدرتيهم دابا !???? ...اناااا اش قلللت ليييييك ( شدهااا من ودنها تاااني وهي تغووت ) جااااوبي معاك كننهضررر مادمعيييش عليا دابا
قسم : هئ هئ هئ معاودددس معااوودددس ھئ اباباااااا معااوددددس ( كتبكي ) والله معاااوود هئ
اسد : ياك انا قتليك لي كبر منك ماتززعفيييش عليهم نببررررة صوتك ماتعلاااش عليهم ... ياك كنقوليك هضرتي ماكنعااووودهاش
قسم : ( شادة معاه يديه كتبكي غاتموت بالخلعة ) والله معااوووووود ابابا والله معاووود ... لاااه هي لي نووضااات ماازيد لطابلو وانا لااااا
اسد : على شكون تكوني لي تنووضضك غير نتي هادوك جاو يتفرجوو فيك !??????? باش مبدلين عليك شنو فيك نتي زايد عليهم !? دابا نتي فقااااااع الارض غاتجي توريها خدمتها وشكون تنوض وشكون لا ??????
طلق منها وهي تشد على ودنيها لي ولات حمرة كتبكيي وحاضية معاه لايضربها غير كيهز يدو كييتخبا
اسد : قسسسسسما بالله وعاودتي رررفعتي صوتك على شي مععللمة ديالك ولا شي واحد كبرر منك بالله حتاا ندددددببببحك ... داك الغروووور الى ماحيييديتهش منم غانلووحك من السرررجم ... شووووفي فيااااا راه معاك كندوووي ( طلعات راسها فيه ) درتي خطأ ولا مدرتيهش !!!!!!
قسم : د .. د دلتو
اسد : شنوو هو !!!
قسم : مم .. ماهضلتش .. مجيان ( كتنخصص ) مع لامطخييز
نزلات دغيا كطييرر وحلات لباب لور طلعات وهو كيشوف فيها من المراية تاادارت السانتير وكتمسح دوعها وتنخصص .. وزاد بطوبيل لاطوليي دالمجوهرات ديالو ونزلها فيديهاا وهي باقي عينها منفوخين بدموووع ... وجارها من يديها ودخل للبيرو وكلسها على المكتب وكلس مقابل معاه فالكرسي ديالو وبدا كيجمع ليها القصيصة ديالها لي طاايحة على عينيها
اسد : غدااا .. غاتمشي عند لي ميطخيز .. طو لي دو ... وغاطلبي منهم السماحة حيت رفعتي عليهم صوتك وآمرتيييهم ... ماشي من التربية ولا من الاخلاق اننا نآمروو لي كبر منا فالسن .. شفتي ابنتي شي واحد كبير عليك راه حشوومة حتى تقوليليه عطيني نشششرب بدون ماتاخدي الاذن وتقولي واش ممكن تعطيني نشرب .. اما صيغة الامر مكنوجهوهاش للي كبر منا فالسن .... ( قسم غير كتشوف معاه بعينيها المنفوخين وشفارها الطايحين فازكين من ديما كتأثر بكلامو وكتسماااع ليه ) لي كبر منا كنحترموه .. الى كان واقف وحنا كالسين كنوقفو ونخليوه هو يكلس .. لاكنا داخلين لشي بلاصة كنتراجعو ونخليوه يدوز مكنتسابقوش معاه ... هو لي دابوووغ فكولشي ... ونتي اش درتي!!! كالسة كاااتزعفي عليهم وتآمري وتنهي وتعكسي معاهم بحالا نتي لي كبر منهم ماشي هوما !!!!!!!
حبيبي الأصم الجزء 356
محتوى القصة
التنقل بين الأجزاء