حبيبي الأصم الجزء 358

اسبرو : فرحااااان بزاااف بزاااف بتواااجدي معاكم هنااااا ( الغوات والتصفيقات ) وفرحاان لي انا لي كنختتم هاد المهرجاااان .. ماسخيييييييتش بيييكم صرااااحة وماسخيييييتش بوليدات بلاااااادي ... ( الغوات وكيهتفو بسميتو ) اااشنووو نزييييدو مزاااال !?????? ( كيشي كيقول آآه) ماااسسسسسسمعتش مزيااان !????? ( بداو يقولوليه زيدنا زيدنا زيدنا ) اووكي اووكي اووكي ( وقف ) ششنو تبييييغيو نغين ليكم ... مم !????? شي حاجة مغربية !?????? ( الغوات بججهد كيقولو آه ) ههه واخا واااخا هههه تانتوما على سبة هه .... ممممم ( كيمشي ويجي ) غانغنيو واحد الاغنية قديييييمة و عزيزة عليا بزاف ودوزت معاها مراهقتي ومايمكنش شي واحد مايكونش كيعرفها ومايكونش حب وترومانسا معااها ... واحد الاغنية لي كنت فاش كنسمعها ... كيجيني احساس اني كاااانححححب ( كولش بدا اوووووووو ) صبرو صبروووو هههههه ولاكن انا كنت مكنحب حد داك ساع هههه غير تنسمع ليها كيجيني احساس انني كنبغي وكانموووووت على شي وحدة ونا راني سيليباتير هه ... ولاكن دابااا لاااااا ... ( وجه نضرو لشيماء لي كانت ضااحكة غير شاف لعندها لتحت وهي تجمع داك الضحكة وتوترات وهو كيهضر وكايشوف عندها والجمهور كيحاول يططل عليها يشوفو عندمن كايشوف ) دابا تا الى غنييييتها غانحس انني قااااصدها .... واني عارف علامن كنغني ... وحتى شكون كنحححب .... ( بقاو كولشي كايغوووووتو وهو بقا مدة كايشوف عندها والبنات كيسفقو فرحانين ورجع تنهد تاكتسمع تنهيدة ديالو فالميكرو وتووسط السطيييج ) 

اححم ... ولاكن غاتغنيييوو معاايااااا كااااااامليييييييييييين ... ( شد على عينيه وبدا كيغني فالميكرو بإحساااااااس كيحس براسو فعلا داك الكلمات كيخرجو من صميم قلبو وموجه الهضرة ليها وشيماااء عاضة على شفااااايفها والجمهور كولشي شعل الفلاشات فتيييل علاو تيليفوناتهم لفووووووق دارو واحد لومبيونص خطييييرة و كيغنيو معاه )

اسبرو : 🎤 القصة بداااات ماشي كي العاااادة ....حيييت قلبي اول مرة حس ونااااادى (كيشوف عند شيماء وكيغني والضووو تسلط غير عليها والكاميرا كتصوورها وهي كتلعب بعينيها وحشمااااانة ماعرفات تضحك ماعرفات تغزز فشفايفها كتشوف فناس كيشوفو فيها ولات حمممرة والفرررحة كترفرف فراشات فكرشها ) هادي بنت ماشي طبيييعية ... خلات كل لبنات يغيييبوو من عييينيااا .. داااناا اخررر حاااجة كانت فبااالي ...يجي دووري نسهر ليااااالي ...( كيضحك ليها ويغني وهي غاطير من بلاااصتهااا وقلبها كيدق بجججهد) انا وااااثق بلي نبغيييها .... لو طلبت روووحي نعطييهاا ....لماااا يكون اماااامي ... شووية فجأة يكوون عااالم ثااااني ...دنياااا كووولها تصبح جمييييلة ( بغمزة دوباتها) حبيبة قووولي اش هاااد الحيييييلة ...( طلع راسو لفوووق مغمض عينو ) لاااماااا يقسس يديااا كنحححس بالناار شااااعلة فياااا ....( رجع شاف فيها وهي باقا مامتيقاش واش كتحلم ولا فالواقع ) تمنييييت الووقت يسسسسربي .. نشووووفها مرااااتي جججنبي ..... ( شاف عند الجمهور ولا كلشي كيغني معاه ) انا بييييني وبييينها كلااااام عمممرني سمعت بحااالو ....انا بيييني وبييينها غراااام .عمرني نشووف بداااالو .... ( كيقرب فالسطيج لعنها وحدااب على رجليه كيشوف لعنها لتحت والجمهووور كيييغوووووت حاسدها ) هي الوحيييييدة لي غادي تكون حلاااالي ... هي الوحيييييدة لي غااادي تربي ولاااادي ....( كلس فالارض مربع رجلو وكيشوف عنها لتحت وهي رامقاه بنظظظرة كلها ححححب ) حيااااتي اصلااا دووون ولا تسسسوى ... عنداااك يحسااابك راسك هادي غير نزززوة .... لا لا لا حبي ماااشي عااادي ... ساحراني مالكا لي فووووؤاذي ... ايييه ...ولينا حكااااية تتداول كلشي ولاداااااوي فييينا ويتسااااائل ...كيييفااااش بسررررعة تلاقييينا ... كييفاش بسسرررعة حبيييينا ( رججع وقف كيغني ويشطح ضاااير على سطيج كايمشي ويجي ) ياااما شحااال دوزنا ...ولا حاجة قااااادرة تفرررقنا .... حبي ليك يتزااااد كل ليييلة .. ننساااااه !!! حااااجة مستحيييلة ....ياااامااا شحااال ضحييينا ها حنا صبرنا هاا حنا بقيييينااا .. محصووولنا واضح بااااين ... زواااجنا قريييب وكاااااين ...( شاف لعنها ورجع ماشي هاااابط كيجري فدروج وهي شافتو جاي لعنها قاصدها وهي توووقف واابنات غايطيرو بالفرححححة والجمهور كييصفررر بججججهد وكيطل علييييها يشوفوها شكووون ) انا بييييني وبينهااا كلااااام ... عمرني سمممعت بحاااالو .... انا بيني وبينها غراااام عمرني عشت بحااالو ( جرررها من يديييها كاايجججري بيها وهي تابعاه كتتجججري فرحااااانة ومتوترة ) نتي لوحيييييدة لي غاادي تكووون حلااااالي .... ( وقفها قدامو فسطيج وقدام الجمهوووور كاااامل والكاميرات وشد يديها ) نتي لوحيييييدة لي غااااتربي لي ولاااادي ......

سلااا الغنية وحبسات الموسبقى وعينيه حمريييييين وعاض على شفتووو وكيشوووف فيها بابتساااامة ... و لغوااااات وتصفيييرررر و قلبها بدا كيييضرررب بجججهد مامتيقااااش ... ولات حححممممرررة ماقدات لا تشوف فيه لا تشوف فناس كاااااملة لي لتحت كتفرج فيهم ..ولات كتفيفري فبلاصتها بتوتررر ... وهو كيشوووف فييها وكيقرب عندها شوية بشوية وكتر وكتر ....

لامار واريج ورتاج وقفوو كاايصفرووووو ويغووتوو فرحاااانييين وحياة غير كتشووف ضاااحكة ... 

اسبرو : ( قرب ليها وشد يديها بجوج عندوو والمعجبات ديالو قربو يسسخفووو وهي غير كتغزز فشفتها مبتسمة مقادرة تااااتعلي راسها ) مزااااال نبغيها مززززااال .... ومزااااال نخمم فيها .... ننساها انا موووحال ... يا ناس قووولوها لييييهااااا ...

كولشي بدا كيغوووووت وهو كيييضحك وشيماء طلعات فيه عينيها غاطيييير بالفررررحة وكتنهج بحاالا كانت كااتجججري ودموع تجمعو فعينيها مامتييقاااااش راااسها واش كايعترف ليها قدااام هاد البشششررر كامل ..... واش فعلا هو مانساهااااش!! ... وباقي كيفكر فيييهااا!!!! .... باقا وسط اسئلتها تابان ليها طلق من يديها ودار الميكرو فجيب دسروال لوووررر ... وجثى على ركككبتووو وقدم ليها الخاتم وهي توووسع عينيها وشداات على فمممهااا مكرهاتش تغوووووت بججججهد ... ولامار صافي كلساااات فشلو ليها الركاااابي .... وكولشي كيصفررر وكيقولو ( اوووووووووو) وكولشي كييصووورر ... 

شيماء : سس .. سعييد !! اا .. ا اش هادشي 

اسبروو : قااابلة تزوووجي بيااا !!!!!!!! 

كولشي تاني بدا يغووووووت وكيرددو ( قاااابلي قااااابلي قااااابلي )

وهي دموع كيسيلو كتشوف لعندو وترجع تشوف فالجمهووررر وعند البنات كتححس بكرشها تخروضات من لداخل بالفرحة والتتوتتررر .. تووقعات كولشي تالهادي مااحلماااتش تااابييها وهووو مبببتتتسم ورامقها بنظرة كلها حححب ... ورجعات شافت عندو عاضة على شفايفها وحركات راسها بآه بدوون تاكككلمة فقط دموعها وملاحها لي ولاو كي شي ماااطيشة راه كافييين ووااافييي وكولشي كيييصصصفق لييييهم ..

ولي حداها شي صاحبها كضربووو بصاكها لرااااس ..... واسبرو وقف وهز يديها لعندووو وهي بالفرحة مكرهاتش طيييررر فالسما ودير جناااح .... يديها كولها كتررعد وقبل ماايدخل الخاتم قرب عندها 

اسبرو : نعاووود نسووولك .....وباغي نسمعهاااا ..قابلة تزوجي بيا !?????? .... .

شيماء : ( عينيها على يديهم ونطقات بتوتر ) ق قاابلة 

اسبرو : نعيشو ايامنا كلها مع بعض! 

شيماء : قاااابلة 

اسبرو : واخا وليت فنان ووقتي وليت مشاركو مع ناس ? باقا قابلة

شيماء : ( شافت فيه ونطقات بكل ححب ) قاااابلة

اسبرو : غانبقا نساافررر مرة مرة وغانعدبك معايا 

شيماء : قاابلة 

اسبرو : تصبري على معجباتي هههه 

شيماء : ههه( باصرار) قااااابلة 

اسبرو : غايووقفوني فزنقة كل مرة نتصورو 

شيماء : ..انا نصوركم ...

اسبرو : غاتولي تنقلي معايا بزاااف 

شيماء : مكيهمنيييش ... 

اسبرو : ( كيزيد يقررب ) وشنو كييييهمك 

شيماء : نعييش انا وياك .... لي ب .. لي بقا م حيااااتي .....

اسبرو : ( حط جبهتو على جبهتها والجمهور منوض روينة ) كنبغيييييك ...اول حب فحياتي ... وآخرو ...

شيماء : ( طلعات فيه عينيها كيلمعو بدموع) تانا كنبغيييييك ....بزاااااااف

قالتها وماقداتش تبقا مزال كتشوف لعينيه وهي طييررر عنقاااتووو وتاااهو ززير عليهااا وهزااها كاع كيضورررر بييييها وناااس كيتتتصفق وتههتف .... ورجع حطها ركب ليها الخاااتم وقرب لفمها بااااسسسها وكولشي ششششهق والبنات كييضضضضحكو عليهم.... وجرها من يديها ونزلو كيجرييو لي ليكوووليس مابفا مسوق هو للعالم .......

اسبرو : ( دخل ليكوليس وشد لباب وشدها تماااا عنقها مزير عليهااكييحس بالاشتياااق غلب علييييه وباغي يشبع منها ) مغانعاوووودش مزال نخليييك 

شييماء : ( بدمووع ) علاااااش نسيتييييني هاد تيلت سنين كاملة 

اسبرو : بغيت نشوف واش غااتسنااايني ..... 

شيماء : ( بعدات عليه وضرباتو لراسو ) واش نتاااا ححمق .... 

اسبرو : (رجع جبدها لعندو ) مممم بييييك

شيماء : س سعيد راني مامتيقاااااااش 

اسبرو : علاااش 

شيماء : ف .. فاش جيييتي .. و وتجاهلتيني هاكاك ... وماعرفتنيش ... قلت راك نسيتيييني ومحيتنس من بالك 

اسبرو : على انا نقدر راك الهبيلة اول وحدة كنبغيها ومعاها نعرررف معنى الحب وقلبي يدق ... كاع اش درت درتو على قبلك .. باش تعرفي معاك راااااجل .... 

يلاه غايققرررب لشفايفها يطلق السخون وهي تححل علهم لباب دخلو كيف العجاجة كااايعنقووو فيها ما هوو دفعووووه بركلة تاجا على ليفوطوووي 

لامار : نااااااااااري شحال فرحححت ليييييييكم تستاهلي احححبببيبة تستاااهلي 

رتاج : ورري ليااا الخاتم ورييييني ( هزات ليها يديها ) اااااووووو عندو دوووق مانخافش عليه 

حياة : بعدي خليني نشووف تانااااا 

اريج : مبرووووك مبروووووووك اخيرا حييدنا همكم الله لى رااااحة 

اسبرو : ( مليوح على ليفوطوي) واااااالهجيييج ... وااالسوييييقة ... وادررب علااال .... ارااااني هنا واقلة ياكما مابنتش لييييكم !????? 

لامار : ( ضارت عندو ) سسسسسكتنا شوية( رجعات كتشوف عندها ) كبير عليك شوية .. تادوزي لاطولي ينققصوه ليك باشمايطيحش ليك.... جاااك فننن مع يديداتك بوووويض 

اسبرو : واااادااااك البوووويض ... راه ماشي الخاتم لي طلبها للزواج ...وراااا اراه انا .... انا اعباد الله انا

اريج : نتا غاتسسسسكت ... تاشحححفتيناااا 

اسبرو : واداااك العجااااجة دالخريييييف ناااااس كيدقوووو لبااااب ... ناااس كااايخليو جوج فرااااحتهم وش انا كندخل عليكم نتوما ورجاااااالكم ....

لامار : سسسسكتنا ... راك شلقمتيييها قدام المغررررب كاامل غا هنييينا .... تاتمشي عندو هو لي يتفاهم معاك يوريييك الوبووسااان فوووق السطيج

اسبرو : هداك لي غانمشي عندو يتفاهم معايا .. راه فلورطاااا معااك عند رااااسي فالانعااااش انا باقي معلق سيييرووومي ... واش غااتخرجووو عليااااا ولا لااااا 

رتاج : للااااا .. هادي لاخليناها ليك دقيقة مزال غاتسبقو دخلة نوووض سير شوف اش بغاوك براااا تحررك 

حياة : ههههه اويلي تسطيييتو خليوهم يهههضروو 

اسبرو : تللت سنين انسيييييبتي تلت سنييييين وحنا قاطعين الهضرة ملي جيت ندوي انا عاد دخلوو كي صحاب ريكلااام .. وخرجوووووو عليااااا خليوني نعييييش حياتي 

جراتها لامار خلااااوووه كيييججججدب وخرجو كيضحكو 

لامار لحححق علينا لداااررر ....

اسبرو : والله يننننننعلللللللها سسسسلعة 

لاريج : سسسللللعتك .....

جرو شيماء لطموووبيل باغيين يخليوه يتشهاها ومايلقاهاش .... وزاو شدو طريق واسبرو كمل شغالو وتواقعيو وجاوب صحافة وشد تاهو الطريق موراهم .... وصلو لدار كانت طموبيل دعدنان وسفيان تماا ودخلو لقاهوم كالسين والبراااااهش كايللعبووو 

عدنان : اعلى سلاامة .... كون غيييررر زدتو مزاااال الحاااال ....

رتاج : والله الى غير سالا وجيينا دييريييكت مالك عزيز عليك النكير ماااالك .... (هزات لوؤي ) تووووحتشك اروحي .. 

لامار : ( مشات حدا اسد ) عرفتي اش طرااا ..... اسبرو خطب شيمااااء وسطططط ناس كاااااملين ماانعاودش ليك على منظر سوووو رووووماااانتيك

اسد :وي تفرجنا ... ( شاف عند شيماء ) مبروك عليييكم .....

شيماء : الله يبااارك فيك ( عينيها فارض قالتها بصوت منخفض بسيف باش تسمع ) 

رتاج : مشات المربية !!!!! 

عنان : وي ... 

حياة : فين سفيااان ...

يلاه سولات عليه عنقها من لور باسها فخخدددها وزاد لي ليفوطوي 

سفيان : دابا عاد كتسووولي على سفيان لي ماااشياااا زكارة فيه 

حياة : دابا هاكا غاتبقا شادها عليا تاني ....

لامار : عرفتو اسبرو جاي فالطريق... و راه ليوم خطبتو زعما غانعيط نكومونضي حلوة ونديرو فيط بيناتنا ....

اريج : حيييييدتيهالي من ففففمي .... غير حلوة بعدا وتمر والحليييب ....

اسد : لي عحججبكم ديروه ... هااا برااااهشكم في الحفظ والصوووون مكتسالونا مكنتسالوكم ( ناااض مشا متجه للبيرو وضرب عدنان بركلة لرجليه ) نوووض نتا تبببعني الخدمة كتسنى

يتبع...