جبل تشوكا تصدم حس بالارض مشات وجات بيه و قلبو كيضرب فالالف ما عرف واش يفرح حيت شافها فاقت ولا يتصدم حيت كتسولو شكون هو عم صمت للحظات و جبل غير كيشوف فيها مازال مامستوعبش هادشي اللي كتقول
نورسين بدات كتفيق و كتقاد فالجلسة و ردات راسها اللور و كتحس بجنبها كيقطعها بالحريق و راسها حتى هو كتحس بيه كيزدح كتغمض عينيها و تعاود تفتحهم و قالت بصوت متعب
نورسين :الما عفاك
جبل بقا غير كيشوف داتو تشللات و غير جملة 《شكون نتا 》 كتكرر فودنو كيف شي لحن مزعج ما باغيش يحبس تحل الباب و دخل يعقوب لقا جبل جامع يدو على شكل لكمة و حاطها على فمو و كيشوف فنورسين اللي كانت متكية راسها على الحيط و مغمضة عينيها كتوجع
يعقوب : ن..نورسين ختي
نورسين حلات عينيها شوي بشوي و شافت فيعقوب و قالت بصوت متعب
نورسين : الما عفاك هاد الراجل شحال و انا نطلب فيه يعطيني الما ما بغاش
يعقوب : اينا راجل واااهيا ناري نتي اش كتقولي
نورسين : عفاك الما حلقي نشف
يعقوب : جبل شنو واقع
جبل واقف بنفس وضعياتو و هاد الكلمات اللي كتقول ما مستوعبهومش واش بصح ما عرفاتوش ولا كتفلا عليه كيفاش هاد الراجل واش باغا تحمقو و تسوطي ليه شي فيزيبل فدماغو شنو واقع ليها هادا هو سؤال اللي كيطرح جبل على نفسو فهاد اللحظة يعقوب تقدم بخطوات مسرعة و كيبان من وجهو مستغرب من هادشي اللي كتقول نورسين كب ليها كاس د الما و عطاه ليها و هبطات عليه و رداتو ليعقوب و بقات بعض قطرات الما حدا شفايفها و بغات تمسحهم و هو جبل حنا بسرعة و حط جبينو على جبينها و هز صبع يدو الكبير كيمسح ليها داك الما اللي سايل على شفايفها برفق و حنان و قال بصوت حنين كيبورش
جبل : حبيبي واش نتي بخير باش كتحسي انا جبيلو حبيبك راجلك خوك صاحبك باك عائلتك كلها علاش كتقوليلي شكون نتا واش باغا تحمقيني واش بنت ليك ناقص
نورسين بعدات عليه بسرعة و شافت فعينيه و كتكلم غير بشوية و بتعب
نورسين : انا ما مزوجاش شكون نتا ما كنعرفكش بعد مني ما تقربش ليا فين ماما و بابا و ختي
يعقوب :ك...كيفاش نتي ما مزوجاش هااااويلي غاتردينا وليات دابا انورسين باركة من تفلية
جبل حس بقلبو تعصر بين ضلوعو هادي اش كاتقول واش باغا تنكرو شنو واقع ليها كيحس براسو غايتخوطر غايتسطا
جبل شد وجهها بين يديه و قال بصوت فيه نبرة حزن
جبل : انا جبل واش ما عرفتينيش انورسين شوفي فيا مزيان شوفي فعيني *هز يديها حطها على قلبو * ما يمكنش ما تعرفينيش نتي شنو كاتقولي نتي مرتي انورسين نتي حبيبتي نتي بنتي انووورسين ما تلعبيش معايا فهاد الامور يعقوب عيط لطبيب
نورسين : *حيدات يديه من وجهها * انا ما كنعرفكش ماااا كنعرفكش واش ما كتفهمش *حطات يديها على راسها كتحس بيه كيزدح * واش نعقل عليك بسيف اييي راسي غايطرطق انا كنعرف غير سلمى اللي كانت خدامة معايا فالمكتبة
جبل هنا بحال ضربتيه بتصرفيقة و بحال كبيتي عليه سطل د الما بارد جمد فبلاصتو اما واحد يعقوب بقا غير مطرطق عينيه فيها
يعقوب : ناااري ما تقوليهاش عقلك دار pause ف 2017 الله الله ديك طيحة واقيلة أثرت عليك أنورسين
جبل كيحس بدوخة كان غايطيح كن ماشد فالطبلة
يعقوب : جبل عنداك
جبل مرر يدو على شعرو و بدا كيغوت على حر جهدو
جبل : غانحمااااااااااااااااق غانحمااااااااااااااق
قرب لنورسين و عينيه حومر ولا فحالة هيستيرية نورسين قفزات من بلاصتها منين شافتو و لا فهاد الحالة بدات كلها كترعد تخلعات جبل قبط وجهها بين يدو و بدا يغوت
جبل : ماااااااااتجهلينيش انورسين ماااااااااتجهلينيش هادا الله انا عييت عيييت مااااايمكنش ما تعرفينيش ماااايمكنش ما تعقليش عليا نتي خااااااصك تنسااااي كلشي غير انا اللي خاصني نبقا عندك هنا *كيضغط على راسها بصبعو * نتي مااااافقدتيش داااااكرة *كيحرك راسو يمين شمال * ماااااايمكنش واااااامايمكااااانش نتي اصلن تجرحتي فجنبك مايمكنش ديك طيحة صغيرة تأثر ليك على دماغك
نورسين بقات كتشوف فيه مدة و نزلات عينيها و بدات تبكي كيف شي بريهشة و هزات راسها شافت فيعقوب
نورسين :ع...عفاك قولو يبعد مني
جبل كل ما كتقول شي كلمة كيحس براسو غايحماااااق غايتسطى دور وجهها لعندو و بدا كيسب و يعاير اصلن هو فهاد اللحظة ماشي فالوعي ديالو داك شوية ديال العقل اللي كان عندو طار اخيب إحساس هو حبيبك ما يعقلش عليك نااري صدمة كاتكون قوية و فنفس الوقت كتخرج على الوعي ديالك
جبل : نووووورسين و برب المعبود حتى غاتعقلي عليااااااا بسيف على طاسيلتك سمعتييييي و راه برب المعبود لاقرب ليك شي ز*** يااااااااااو الله العلي العظيم واخا تبكي دم حدايا و تقولي اللي قلتي و الله ما تفرقني على طاسيلتك غير الموت اااااه الالا غاتقولي مسطي احمق هبيل كايضرب بالحجر اه انا اصلان مسطي و نتي كملتي داكشي اللي بقا وااابرب المعبود حتى غانديك معايا و ما غاتشوفي حتى حد نسااااي عائلتك من اليوم انا باك ماك ختك صاحبك عشيرك اللي جا على بالك وااااابرب الكعبة حتى تاليتي غاتكون على يديك ابنت قلبي
جرها لعندو و نزل على شفايفها بالبوسان و كيجر و يمص فيهم حتى كيتقطع فيهم دم
جرها لعندو و نزل على شفايفها بالبوسان و كيجر و يمص فيهم حتى كيتقطع فيهم دم و هي كتفركل بين يديه كيقصحها كيحس بلي خاصو يفرغ طاقة ديالو فشي حاجة و فهاد اللحظة مالقا ما احسن من هاد القبلة باش يبين ليها شحال محتاجها و شحال كتخصو بكلشي فيها هي من نهار تزادت ديال جبل و بصح الا تفرقت عليه راه يمشي فيها حسات بيه فهاد اللحظة اكبر أحمق شافتو فحياتها نورسين كتنين بين فمو باش يحبس بعد و شاف فيها بعينين معسلين و قال بصوت حنين هادئ بعدما حس براسو تكالما بعدما تدوق من رحيق شفايفها نورسين بمثابة جرعة ديال شي مهدئ بالنسبة ليه
جبل : عقلتي عليا و لا مزال احبيبي امم
باس عويناتها و هي غير كتشوف لسانها تربط
جبل : جاااوبي انورسين ما تلعبيش باعصابي بحال هاكا
يعقوب مسكين غير كيشوف بعينيه كي اليتيم و كيتفقص على هاد الرومانسية اللي عايشينها هاد جوح و هو مسكين سلمى و لات ما كتبغيش حتى تنعس معاه و لات نافراه مؤخرا بلا قياس فوقتما يقرب ليها تعاير ريحة عطرو
يعقوب :واقيلة تخلعات نورسين عفاك جاوبي راحنا على أعصابنا
جبل حشا ليها شعرها من مور ودنيها و غمزها
جبل :٠*بابتسامة * نزيدك وحدة أخرى باش نشوف واش عقلتي عليا و لا بلاش
نورسين حشات راسها بين يديها و بداو كيصدرو منها اصوات ديال شهقات البكاء
نورسين : بعدوا مني ما كنعرفكمش اااااي أجنبي اهئ اهئ شنو وقع ليا اصلن باش انا هنا اهئ اهئ
جبل حيد يديها ما بين وجهها و كيشوف فيها بتوسل
جبل : واش ما عقلتيش عليا فمرة انورسين واخا غير شوية راه طبيب قال بلي كلشي عندك مزيان منين غاتفقدي هاد الداكرة الا كنتي كاتفلاي قوليها انورسين راه ما بقالي والو و ندير فراسي شي حاجة
نورسين دلات شنايفها و حطات يديها على جنبها كيعطيها الحريق
نورسين : كيضرني
جبل ما حس براسو حتى حط يدو دافية على جنبها و بدا كيقرا عليها ايات قرانية باش يهمد الحريق و يدعي معاها و يعاود حتى بدا كيختافي الحريق شوي بشوي
جبل : شوية دابا ابنتي امم
نورسين : مزيان غير قولي عفاك شكون نتوما سمحولي الا ما عرفتكمش و لكن راه ....
جبل ضرب واحد الكاس بيدو طيحو بقوة الفقايص و تمشا حتى وصل حدا الحيط و دور وجهو و غمض عينو و بدا كيضرب راسو معاه وكيحس بآخر عرق بقالو فراس غايطرطق فاي لحظة و قال وهو فنفس وضعيتو
جبل :يعقووووووووب عيييييط على طبيييييب داااااااابا بغيت نشوفو قداااامي طيييير دغياااا رااااه واقعة ليها شي حاجة فدماغها
يعقوب انصارف و خلا نورسين مع جبل بقا هاكاك للحظات حتى سمع الباب ديال شومبر دار طرق بحال شي حد سدوا بالساروت و لكن ما دا ما جاب بقا هاكاك حتى حس بشي يد دافية تحطات على صدرو حل عينيه بقوة الصدمة و دار لقا نورسين واقفة كتبتاسم ليه بقا غير مصدوم دورات يديها على عنقو و قربات حتى لودنو و همسات
نورسين : توحشت بوسااتك بغيتك تزيدني وحدة اخرى باش نرجع الوعي ديالي حيت هاديك اللي درتلي دابا بنجااتني بغيت نعرف شكون نتا واش ممكن تزيدني وحدة اخرى عفاك اجبيلو ما شبعتش منها ما كدبتش فاش قلت ما عرفتكش تبدلتي عليا زدتي زيانيتي على كي خليتك اصلن نتا بين ثانية و ختها كاتزيد تصغار و تزيان ناس كيكبروا و كايخايبو و نتا غير ما كتزيد تحلى داير بحال شي زجاجة نبيد كلما طالت المدة ديالها كلما كتزيد تحلى و يطلع ثمنها سمحلي عصبتك أحبيبي اول مرة نشوف جبل طالع ليه دم و مشرمل ههه شحال جيتي زوين ما تصورش شحال شديت راسي باش ما نضعافش قدام عينيك وصوتك اللي كيقولي برب المعبود ما تفرقني عليك غير الموت و انا كنقولك حتى الموت ما تفارقناش حيت ربي كبير و غايجمعني معاك فجنة انشاء الله
جبل تعبير خانو فهاد اللحظة لسانو تشلل ما بقا قادر ينطق بحتى كلمة نورسين مع كل كلمة كتقولها كيحس بقلبو غايقفز مابين ضلوعو تأثير كلامها خطيييييير جدا ماكدبوش اللي قالو سلاح المراة هو لسانها و قالو ناس زمان لحلاحة غلبات سحارة شحال ما كانت المراة كتعرف تهدر كتسحر راجل غير بكلامها
نورسين حطات يديها بلطف على لحيتو و مرراتها و تعلات على صبعان رجليها و باستو منها و حطات يديها من مور شعرو و حشات صبعانها فيه
نورسين: ضعافيتي اولد قلبي تحت عينيك كحل هادشي كامل غير حيت تضربت بموس د الخضرة درت فيك هاد الحالة هههه يخليلي زين ديالي اللي ما كاينش بحالو واخا نقلبو زنقة زنقة دار دار محال واش نجبروك شي نهار غاتسطيني بحنانك عارفاك احبيبي غاتكون بغيتي تحماق فاش كنت فالبلوك ما عندك مناش تخاف بنت قلبك قوية اللي رباها رجل بحالك ما عندو ما يوقع ليها جبل هدر معايا مالك سكتي واش مازال تحت تأثير صدمة انا ما واقع ليا والو صحيحة فصيحة غير تجرحت وصافي و بغيت نضحك معاك واش كاين شي حد.غاينسا هاد الجمال اللي عاطيه سيدي ربي امم
نسا راسي و ما نساكش نتا الراجل اللي نور حياتي بعدما كانت كلها ظلام واش شخص بحالك كيتنسا نتا خاصك تدخل لتاريخ باش كلشي يقرا عليك نتا خاصك تدخل فكتاب جينيس للارقام القياسية لاكثر الرجال حنانا و رومانسية و من فوق هادشي كامل انا بخير بلا ما تشوش
مررات يديها على عنقو بخفة حتى قفز من بلاصتو و دور يدو على ضهرها و قربها ليه حتى ضربات فصدرو و قال بصوت خشن و فنفس الوقت هادئ
جبل : ما تعاوديش هاد اللعب معايا انورسين آخر مرة
نورسين ابتاسمت ليه و حطات راسها على صدرو و حطات يديها على قلبو
نورسين : كي بقا القلب ديالي
قالت هاد الجملة و بعدات كتشوف فالتعابير ديال وجه جبل بقا غير ساكت و كيشوف فيها بحال باغي يقول شي حاجة و متردد
نورسين : ماشي مشكل انا غادي نقولك قلبك بخير و نتا أصلن ما مريضش بيه تشافيتي منو من لي كنتي فاسبانيا
جبل : *باستغراب * باش عرفتيها
نورسين : تكلمت مع الطبيب ديالك مؤخرا حيت لقيت نمرتو فالتيليفون ديالك هادي عاد شي يومين تقريبا قالي بلي كلشي عندك مزيان واخا مابغاش يتكلم معايا فحالتك صحية حتى قلتلو انا مرتك عاد قالي بلي راجلك تعالج من زمان عرفتك بلي تفليتي عليا *جراتو من نيفو * حتى نتا ما ساهلش عرفت بلي باغي تحسسني بتأنيب ضمير على داكشي اللي كنت درت فيك و من تماك ما نكدبش عليك ما تسرطاتليش ديك الكدبة و قررت انتاقم و حلفت بحلوفي حتى نديرلك برانك و لكن ما طاحت عليا حتى فكرة و دابا من لي فقت ما لقيت غير هاد اللعبة كنت غانخرجلك العقل ياك
علاش خليتيني كانتعدب و كانقول انا سبب فمرضك اجبل كنت غانحماق
جبل هزها من الارض و كيشوف فيها واحد نظرة بريئة
جبل : * بابتسامة * بغيت نربيك على داكشي اللي درتي حيت ماساهلش باش هاكا نكونو متعادلين و زيد عليها بغيت نتفشش عليك انا ما نستاحقش حتى انا بغيت نجرب داك شعور ديال تكون مريض و شي حد يهتم بيك و يسولك على حالتك كي بقات كيفما كتعرفي راجلك كبر بلا ام و حتى اللي رباتني ماتت لقيت راسي عايش بوحدي من ديما كنمرض ما كاينش اللي يسوق ليا كنت كنقول كن كانت ملاكي طاهر قدامي كانت غاتكون هي اللي مهلية فيا و مهتمة بيا
نورسين : اوا باااااااز
جبل بقا كيشوف فيها لثواني و حط يدو على خدها و قال بهمس
جبل :توحشتك أبنتي هادا اللي دار فيك هاد الحالة غايتعاقب
نورسين : شكون هو هدا حيت هاداك كان باغي يضربك نتا و انا دافعت عليك
جبل عض على شفايفو و حشا راسو فعنقها
جبل : يعني ضحيت براسك على قبلي هادشي اللي بغيتي تقولي
نورسين : اوا شنو يقيسولي فعيني و ما تقاسش شعرة منك
جبل ابتاسم و حطها فسرير و حنى عندها حتى ما بقا كتفصلو عليها حتى حاجة و كيشوف فيها شوفة خطيرة
جبل : شنو قلتي قبيلة
نورسين :*بدلع * ماقلت والو
جبل بدا كيقرب ليها اكثر و اكثر بغا يحط شفايفو على شفايفها و هو يسمع دقان فالباب جمع يدو على شكل لكمة 👊👊👊 تعصب ما كايحملش لي يقاطعو
نورسين : طبيب و يعقوب اللي جاو واقيلة بعدا هادشي مافراسش ماما غاتخلع عليا
جبل حرك راسو بنفي و عطاها بضهر و مشا حل الباب لقا يعقوب مع الطبيب واقفين دوز جبل يدو على لحيتو و شاف فالدكتور
جبل : بغيت تقرير الكامل على صحتها
طبيب: زوجة ديالك مزيانة ما عندها حتى مشكل غير جرحة بسيطة ككانت فجنبخا من حسن حظها ان الجرح ما كانش عميق و اما بالنسبة لراسها فراه ماواقع ليه والو غير جرح بسيط تخيط
جبل : صافي غير هادشي
طبيب بتوتر
طبيب : وي موسيو الابراهيمي و دابا جيت نفحصها
جبل دار و مشا عند نورسين حط يدو على جنبها
جبل: كضرك شي حاجة ابنتي امم
نورسين : لا
جبل : بغيتي نجيبلك معايا شي حاجة
نورسين :*قبطات فيدو * نتا فين غادي
جبل : نجيب ليك شي حاجة تاكليها غايكون فيك جوع
نورسين : جيبلي شاورما مع عصير د الفريز
جبل باس راسها و انصارف خلا معاها يعقوب و طبيب
تقدم طبيب و ضرب ليها البيل فعينيها و بدا كيدير ليها فحوصات شاملة حتى تأكد بلي ما عندها حتى حاجة خطيرة لا هي لا الجنين
طبيب : ا لحمد الله نتي مزيان ابنتي و حتى الجنين بخير
نورسين :شكرا
بقات ساكتة مدة و هي طرطق فيه عينيها مزياااان 👀👀👀👀👀
نورسين :ع..عا...عاود شنو قلتي
يعقوب : نورسين نتي حاملة
نورسين قبطات فجنبها و وقفات وعاودت جلسات و بقات كتشوف فيهم مصدومة سقرات بقات غير كتشوف شوية بدات كتضحك
نورسين : ههههه اكيد كضحكوا معايا
طبيب : لا الحمد الله اللي عاش الجنين اول حالة كنشوفها فحياتي ما كايوقع ليها والو لبيبي و تضربات بالموس لجنبها نقدر نقولك بلي معجزة اولا شي حد دعا معاك و تقبلات دعوتو
نورسين بقات كتشوف فيهم و خشات وجهها بين يديها و كتحرك راسها يمين شمال و عينيها ولاو حومر هزات راسها و شافت فيهم و طاحت دمعة من عينيها و قالت بحال ما مصدقاش و حطات يديها على كرشها
نورسين : و...و...واش بصح عندي فكرشي بيبي صغير يعني هادا اللي هنا ولدي يعني ولدي انا و..و..جبل
ناضت عند يعقوب و قبطات فدراعو و كتشوف فيه باش يأكد ليها صحة كلامها
نورسين شداتها دوخة كانت غاتطيح كن ما قبطها يعقوب فخصرها
يعقوب : نورسين عنداك
نورسين قبطات فراسها كايعطيها الحريق بجهد
نورسين : ج..جبل واش عارف
يعقوب :ما خليتش طبيب يقولها ليه بغيتك تقوليها ليه نتي باش هاكا تكون مفاجاة زوينة و تقدري تفاجئيه بطريقتك بحال اللي دارت سلمى ههه
نورسين هزات راسها شافت فيه و حلات فمها بدهشة
نورسين : سلمى حااااااملة
يعقوب : يااااس حاملة ههه كاع ماباركتي ليا يعقوب الهبيل حتى هو غايدير الولاد
نورسين عنقاتو بسرعة و بعدات كتضحك و دموع فعينيها
نورسين : ف..فرحت ليكم بزاااف ما تصورش قداش دابا انا وياها حاملين دقة وحدة
يعقوب :*تنهد* يحسن عوانا انا وجبل غاتحمقونا ههه
نورسين : مازال ماشفتي والو ههه هادي غير البداية و مازال مازال
حطات يديها على كرشها كتحسسها و غاطير بالفرحة احساس رائع انك تكون أم
♤♤♤♤♤♤♤
الأمومة هو ذلك الشعور الذي تطمح له كل أنثى ، ولو علا شأنها ومكانتها في المجتمع. الأمومة تعجز الكلمات عن وصف هذه الكلمة وما تحمله في طياتها من معاني ومشاعر الأمومة هي العاطفة الأعمق في المرأة
♤♤♤♤♤♤
هزات راسها شافت فيعقوب و ضحكات
نورسين : فكرشي عندي بيبي أيعقوب واو إحساس زوين و الله الحمد الله من اللي ربي ما حرمنيش ياربي تكمل بخير و يتزاد فصورة المكمولة جبيلو غايفرح بزاااف ما عرفتش كيف غادي نقولها ليه
يعقوب : دابا الكرة فالملعب ديالك شغالك هاداك ههه
نورسين :نتا كي قالتهالك سليمة
يعقوب : اوا نعاودها ليك كي الخرافة بديت كنحس بيها كتبدل و كتبقا تبعد عليا و تقولي ريحتك خانزة حشاك و ....
نورسين : ههههه و راه قالتهالي جاها الوحم عليك أ صكع
يعقوب : وا صكع نيييت راه اللي ما عندوش زهر ما عندوش من دابا ما حاملنيش اما الا تزاد و كبر راه يلوحني فالخيرية ههه
نورسين : هههه ما تقولش هاكا غير كل مراة و كيف كايجيها الوحم ما ديرش فبالك غير صبر معاها و ديرلها الخاطر
يعقوب : اودي ها حنا صابرين اوا جبل فاش شكيت عليه قالي واقيلة راه حاملة ديها لطبيب
نورسين : دابا جبل عرف بلي راها حاملة ههه زوينة هادي
يعقوب: اييه راه داك جبل انا اللي عارفو واحد نزق منو ما كاين صافي طرحت الفكرة على سلمى تعكست ما بغاتش تمشي صافي خليتها دازت ايام دخلت لدار لقيت الضلام و الشمع انا تخلعت يصحابلي دخلت لشي سيد هههه
نورسي دارت كرااخ بضحك
نورسين : هههه ناري طرت اهاه شنو وقع
يعقوب: لقيتها دايرة عشا زوين و كدا انا استغربت قلت اواه هادي شنو وقع ليها عطاتني واحد اللعبة ديال البازل قلتي ركب القطع ديالها انا بقيت غير كنشوف ما فهمت حتى وزة المهم ركبت داك القطع على سعدي ووعدي ساعة د الماكانة و انا كانطايف معاهم فالتالي بانتلي تصويرة ديال سلمى و مكتوبة حداها 《I am pregnant (انا حامل )》 بالفرحة نضت كنزغرت يصحابلها غير تخوطرت
نورسين : هههه الله حتى انا متحمسة نقولها لجبل و نشوف ردة فعلو اكيد غايفرح
يعقوب حط يدو على كتفها و قال
يعقوب: سمعيني جبل اكثر من عشرين عام و حنا صحاب هاداك عشيري ديال بصح هو اللي نقدني من شحال من حاجة خيرو عمري نساه كن ما هو كن راني فزنقة و لكن ربي كبير جبل من أطيب خلق الله انا عشت معاه و شفت معاناتو عرفتي فاش كان كيعاود ليا عليك ما تيقتوش كانقول كيفاش شخص بحالو قاري وواعي يبقى متعلق ببنت شافها مرة وحدة تحت شجرة و خلات عليه هاد تأثير كامل ما كانتش كدخلي لدماغي واخا حتى انا كنت كنبغي سلمى من صغر و لكن ماشي بحالو ما نكدبوش على الله داكشي اللي كان كيديروا عليك بوحديتو واحد نهار عاقل كان جا عندي لداري فنص الليل كان سكران بيييلة هادشي قبل ما يلقاك قالي عرفتي أيعقوب شنو هي أمنيتي قلتلو انا شنو قالي بغيت نلقا بناتي بجوج انا استغربت كانقول هادا مالو قالي بغيت نلقا حبيبتي نورسين و بغيت بنت منها شي بعض المرات كان كيجيني هبيل و احمق و خاصو يتعالج و لكن من بعد عرفت بلي داكشي كامل اللي كان كيدير كان كيعنيه ديال بصح يعني بصح كان مهووس بيك لدرجة كلامو كامل عليك و على بنتو اللي كان كيقولي بغيتها تكون كتشبه لماماها اللي هي نورسين
نورسين كاتسمع ليه و مأثرة بكلامو لدرجة كبيرة و حاطة يديها على كرشها
نورسين : الحبيب ديالي هادشي كامل كان كيعانيه و انا فدار غفلون
يعقوب : اودي داكشي اللي داز عليه بزاف و لكن ربي ما خيبوش هاهو لقاك و عن قريب تجيه شي بنيتة كتكوتة فطريق او لا شي وليد صغيور بحالو
نورسين : اللهم أمين
تحل الباب و دخل جبل فيديه ساشي فيه الماكلة هز راسو شاف فيها و شاف فيعقوب
جبل : ماكلتك
نورسين :جبتيلي العصير د الفريز
جبل :*بشك * بحال وليتي كطلبي الفريز بلا قياس شنو واقع ليك واش مخبية عليا شي حاجة
نورسين مشات و طيرات ليه الساشي من يدو و قلبت على الكاس د العصير و جبداتو و بدات كتشرب ما مسوقاش
نورسين : شنو غانخبي عليك مثلا
يعقوب : ما بركتيشليا أصاحبي بعدا
جبل :*شاف فيه باستغراب *علايش ؟؟
يعقوب : صاحبك غايولي اب
جبل بقا كيشوف فيه مدة و ضحك و عنقو بجهد
جبل : مبرووووك أصاحبي
يعقوب : الله يبارك فيك bro
جبل بعد عليه و بقا كيشوف فيه و عينيه كيبريو
جبل : و الله حتى فرحت ليك تستاهل
يعقوب : عقبة ليك أ العشير
جبل حول عينو شاف فنورسين اللي كانت حاشية راسها كاتكل ما مسوقاش
جبل : اللهم امين
بعد مرور يومان
نورسين خرجات من اللوبيطال و رجعوا لدارهم اللي كانت على جنب البحر كان الهدوء تماك و واحد الهوا نقي كايخليك تحس بالانتعاش
جبل كان متكي فالناموسية و ناعسة بجنبو نورسين هز تيليفونو لقا جوج دالليل حط التيليفون و ناض وقف فالبالكون كان لابس غير شورط و عاري من الفوق بقا واقف كيشوف فالامواج كتحرك و كيتنهد حاس بقلبو مزير عليه كيحس بلي خاصو يتسامح مع الاب ديالو ما خاصوش يبقا هاكا كيحس براسو غايطرطق بقوة التفكير حس بيدين دافيين تحطوا على صدروا
جبل :مازال فايقة ابنت قلبي
حط يدو على يديها و جرها وقفات قدامو وولا هو اللي معنقها من اللور بقوة
نورسين: مالك احبيبي فايق دابا ما موالفش ليك
جبل تنهد و بقا ساكت ما جاوبهاش نورسين دورات وجهها و شافت فيه
نورسين : مالك مهموم هاكا واش واقعة ليك شي حاجة
جبل : واش انا قبيح انورسين واش انا غالط فشي حاجة
نورسين : فهمني شنو واقع
جبل : بغيت نتصالح معاه
نورسين : شكون هو ؟
جبل : سعيد الابراهيمي
وصلو اتصال من تيليفون دارو فودنو و ادا به ينصدم ماكانش متوقع هاد الخبر بتاتا طاح تيليفون من يدو و بقا كايشوف فنورسين
جبل: ب..بابا مات انورسين مااااااااات
فاق من هاد الحلم و كيغوت 《بااااباااا ماااات 》 نورسين تخلعات شعلات ضو اللي حداها بان ليها جبل جالس وكولو عرقان و صدرو كيطلع و يهبط نورسين كبت ليه كاس د الما و عطاتولو هبط عليه و حطو و بقا شاد رااسو مدة نورسين حطات يديها على كتفو
نورسين : جبل بسم الله عليك قل أعود بالله من شيطان رجيم شنو واقع ليك واش شي حلم قبيح
جبل :*دوز يدو على عنقو و شاف فيها * والو غير رجعي تنعسي
رجع راسو اللور و حط يدو على جبينو و غمض عينو و لكن فايق نورسين حطات يديها على صدرو
نورسين : انا ديما معاك احبيبي
جبل حل عينو و ابتاسم ليها واخا من فوق خاطرو و طبطب على يديها
جبل : عارف
نورسين طفات ضو و رجعات نعسات و غفات بسرعة ولكن جبل ما زاروش نعاس ناض بشوية باش ما يفيقهاش و حل الباب ديال البالكون و جلس كيتأمل الامواج فالبحر و داك الهواء المنعش اللي كيضرب كيرجع الروح جبل تنهد و كيحس بقلبو ضارو و تفكيروا كامل مع باباه واش يكون كيتعالج واش غايعيش واش غايموت شنو غايوقع ليه و شنو غايكون مصيرو معاه واش غايسامحوا و ينسا شنو دوز عليه ولا غايبقا حاقد عليه مدى الحياة اش هاد المواقف اللي ديما كيتحط فيهم و لكن ربي وصا على الواليدين و آمر ما نطيعهمش فحالة واحدة اللي هي فاش يطلبوا منك انك تشرك بالله هاد نقطة بضبط الي خلاتو يعيد نظر ديالو فالعلاقة ديالو مع باه حاول يلتامس ليه اعدار حتى هو كان مريض فدماغو حتى هو كان انسان احمق و كان كيضن بلي جبل هو سبب فوفاة الزوجة ديالو الا بصح جا نهار و مات فيه واش بصح جبل غايكون راضي على نفسو قبل ما يتسامح مع باه ياك هو اكثر واحد قاري كتب دين و قاري على سنة و عارف القيمة اللي عاطي ربي لواليدين فعلاش غايقصح قلبو من جيهتو من ديما جبل كان متهرب من نهار اللي غايواجه فيه باه و كيضن بلي وصل الوقت اللي غاتكون فيه المواجهة مسح على شعرو بيدو ووقف دخل و مشا لبس سروال كحل مع قميجة فنفس اللون و هز سوارتو و باس على راس نورسين و خرج هو طوموبيلتو و انطالق فاتجاه المستشفى
جبل : habitación said brahimi por favor (غرفة سعيد الابراهيمي من فضلك )
هاديك اللي فالاستقبال هزات راسها و شافت فيه باعجاب و قالت
-En el segundo piso encontrarás la habitación 20 (غادي تلقاه فالطابق الثاني الغرفة 20)
جبل : gracias (شكرا )
عطاها جبل بضهر و كيحس براسو عيان بزاااف دماغو مشوش بقوة التفكير كيتمشا بخطوات بطيئة و فكل خطوة كتزورو دكريات طفولة مع الاب ديالو اللي كانت كلها الم و حرمان و عداب و معاناة اب ما كيعرفش الرحمة قسى عليها بزاف حرمو من حنان الاب بسبابو فكر فالانتحار شحال من مرة بقا غادي حتى وصل للغرفة اللي فيها الاب ديالو و حط يدو على البوانيي و رجعات به داكرتو لعشرين عام اللور
🔙🔙🔙 فلاش باك
جبل :*كيترعد* سلام باباتي
سعيد:*ناض و قف و مشا حداهم هز يدو حتى لسما و نزل على جبل بتصرفيقة دايزها الكلام تسمع صداها فالفيلا كاملة * قالولي سخفتي فالمدرسة ههههه عرفتي علاش حيت الله كيعاقبك بسبابك ماتت ماماك نورسين نتا اللي فرقتيني عليها كن ما انت كن راها مازال عايشة نتا خاصك تموت ما تبقاش فهاد الحياة نتا خاصك تعدب كيفما عدبتيني الله يا خد فيك الحق
جبل طايح فالارض و كيبكي وليلى معنقاه وكتبكي معاه
ماعندها جهد ليه باش تحامي عليه خلاوها ماليها ما عند الميت ما يدير قدام غسالو
سعيد: بكي بغيتك تبكي وتزيد فالبكا باش تحس باش حسيت نهار ماتت حب حياتي بسبابك نتا قتال نتا اللي قتلتي ماماك و مازال ربي غادي يعاقبك
جبل حاس براسو كيف شي طير مكسور جناح بحال اليتيم باباه حي و بحال ميت اما ماماه ما عمرو شافها ولا حس بحنانها اه شحال صعيب الاحساس اللي كيحس بيه فهاد اللحظة طفل صغير قلبو محطم اخطر حاجة ممكن يعيشها الواحد
كان متكي فوق السرير حتى حس بشي واحد كيقجوا حل عينيه ولقا باه خانقو جبل مسكين كيحاول يحيد يد باه من عنقو
حس بدمعة هبطات من عينيه بلا ما يحس وهو كيتدكر ما داز عليه مع باباه غمض عينو و عاود فتحهم و مسح ديك دمعة و حل الباب بسرعة لقا باباه سي سعيد الابراهيمي متكي فوق السرير و العديد من الاجهزة دايرين بيه احساس فشكل تملكو فاش هز سعيد عينيه و شاف فيه شريط ديال دكرياتو معاه بانلو حدا عينيه داكشي كامل اللي كان كيديرلو تفكروا فور ما شاف فيه كان باه فايق ما كيقدرش ينعس بقوة الالم اللي كيحس بيه عندو سرطان الكبد فمراحل جد جد متقدمة و فاي لحظة يقدر يودع و هادشي راجع لادمانو على الكحول ولات صحتو ضعيفة الشيب كسا راسو كااامل و تحت عينيه كحل بسبب قلة نوم جبل بقا كيشوف فيه و ساكت حس بقلبو ضرو على باه و هاد الحالة اللي وصل ليها واخا داكشي اللي دوز عليه ما ساهلش و لكن كيبقا باه فالاخير و داك دم اللي كيجري فعروقو منو هو
سعيد ابتاسم ليه و طلعوا من رجلو حتى لراسو داك الولد اللي شحال و هو يعدب فيه هاهو واقف حداه داك الولد اللي شحال من مرة بغا يقتلو هاهو واقف حداه و كيشوف فيه داك الولد اللي شحال سمموا بهضرتو هاهو جا عندو عينيه دمعوا بلا ما يحس احساس دنب كيقطع فيه من لداخل و لا كيشفق على راسو من هاد الحالة اللي وصل ليها قال سعيد بصوت فيه نبرة حزن و الم شديد و دمعة سالت من طرف عينيه
سعيد :ج...جبل و..ولدي
جبل تقدم بخطوات بطيئة و كيحاول ما امكن يتحكم فراسو باش ما يضعافش قدامو
جبل : *ابتاسم باستهزاء* الحمد الله اللي مزال عاقل على سميتي
سعيد :جبل ما تقولش هاكا اولدي
جبل : شنو كاتنتظر من واحد رباه راجل بحالك
سعيد :*صرط ريقو و كيهدر بصعوبة و كيحس بالم فصحتو كاملة * لا...لا اولدي ما تقولش هاد الهدرة انا ندمت على شنو درت ليك
جبل : حتى لدابا عاد ندمتي و علاش ما ندمتيش فاش كنتي كتعدبني علاش ما ندمتيش فاش حملتيني دنب اللي ما عندي حتى دخل فيه علاش ما ندمتيش فاش بغيتي تقتلني علاش ما ندمتيش فاش دخلت لحبس ووصيتي صحابك باش حتى واحد ما يتكلف بقضيتي امم فاش غاينفع ندم ديالك
سعيد بقا ساكت مدة و قال
سعيد : و علاش جيتي عندي منين مازال حاقد عليا حتى لهاد درجة
جبل عض على شنايفو و حشا يدو فجيابو و تقدم بخطوات ثابتة ووقف على راسو
جبل : انا ما كنحقدش و ما عمري ما حقدت على شي حد انا كنوريك الاخطاء اللي درتي فحقي داكشي اللي عيشتيني فيه عقدني مرضني لدرجة فكرت فالانتحار مية مرة
سعيد هز يدو بتثاقل و قبط فيد جبل و كيحس بالم فظيع و كيتكلم غير بشوية و العرق كيتصبب منو
سعيد : و لكن انا كنت مريض و احمق شنو كنتي كاتنتاضر مني انا عارف داكشي اللي دوزت عليك كثير و لكن انا عارف ولدي غايكون حنين و متسامح بحال ماماه و غادي يغفر ليا بغيت نمشي عند ربي و انا مرتاح من جيهتك اولدي بغيت القلوب تكون متسامحة و صافية و انا فاي لحظة يقدرو يقولو الله يرحمو تبغي باك يموت و انت ما متسامحش معاه
جبل غمض عينو و جمع يدو على شكل لكمة و قرب ليه و باس راسو و بعد و قال فودنيه
جبل : غانسامحك حيت يوم القيامة كيتلاقاو المخاصمين و انا ما بغيش نشوف وجهك
بعد و عطاه بضهر و سالت دمعة من عينيه و مسحها بالخف
سعيد: جبل
جبل وقف و بقا عاطيه بضهر و حاط يدو على البوانيي
سعيد: عارفك اولدي مسامحني من قلبك حيت نتا اللي تكلفتي بالعلاج ديالي فالوقت اللي تخلا عليا كلشي فالوقت اللي ما بقاليش الفلوس و درت فاييت نتا اللي كنتي كترسلي الفلوس باش نعيش انا عارف هادشي كامل و نتا اللي جبتيني لاحسن مركز لعلاج السرطان فاسبانيا انا راضي عليك دنيا و آخرة كنتمنى ربي يطول ليا فالعمر باش نتلاقا بمرتك و نهز حفايدي بين يدي و لكن كنضن بلي نهايتي قربات انا جد فخور اللي عندي ولد بحالك قلبو بيض و كيدير الخير تهلا فراسك اولدي و تفكر بلي باباك كيبغيك و ما عمرو كرهك
جبل على اثر هاد الكلمة الاخيرة حل الباب و زدحو و تمشا بخطوات مسرعة حتى وصل لطوموبيلتو حلها و دخل و تكا راسو على الفولون ديال طوموبيل و كيحس بقلبو كيضرو هو أكثر شخص حنين و قلبو متسامح بزاااف و هادشي بشهادة الجميع عمرو حقد و لا جرح شي حد و لكن داكشي اللي داز عليه راه بزاااف على الواحد يتحملو رد راسو اللور و عينو حومر و كيحس بقلبو كيتعصر بقوة الالم داكشي علاش كيقولك بلي ناس الطيبين ما عمرهم يأديو شي حد و لكن فالحقيقة كتلقاهم هما اللي كيتأداو ما كدبوش اللي قالو مول القلب صافي كيكون ديما زهرو حافي 😭😭😭
وصل جبل لدار و نزل من طوموبيل و حل الباب غير بشوية باش ما يفيقش الانسة نورسين دخل و سد الباب و ادا به يتفاجئ ضو ديال الكوزينة شاعل تقدم بخطوات بطيئة حتى وصل للكوزينة لقا نورسين هازة جبانة ديال الفريز و جلسة من فوق البوطاجي لابسة من لفوق غير سوتيان فالاسود مع شورط حد الفخيضات فنفس اللون و الفاصمة فجنبها ديال الجرح و شعرها طالقاه جنب و جالسة كاتكل بلهفة و كتبنن غير هي و عضامها و كيصدروا منها أصوات غريبة عجيبة
جبل بقا واقف كيشوف فيها و كيضحك تقدم بخطوات بطيئة و داير يدو فجيبو نورسين حسات بالحس هزات وجهها شافت فيه و حبة د الفريز ففمها كاتاكلها
جبل وقف اونفاص ليها
جبل : شنو اللي مازال مفيق بنت قلبي حتى لهاد الوقت
نورسين صرطات ديك الحبة و حطات ديك جبانة فوق البوطاجي و نزلات وقفات حداه و ربعات يديها و طلعات حاجب و هبطات لخور و هزات عينيها شافت فيه حيت جبل بطبيعة الحال طويل عليها
نورسين :وشنو هي الحاجة اللي مخرجة ولد قلبي فهاد الوقت امم
جبل ابتاسم و ميل راسو و طلعها و هبطها بعينيه
جبل : تعلمتي تردي الهدرة على باباك ما حشمتيش
نورسين : كنهدر معاك من نيتي فين مشيتي اصاحبي ثلاثة د الليل هادي و نتا جالس كتسركل برا فاش فقت و ما لقيتكش تخلعت
جبل : اللي كيتخلع على شي حد كيعيط ليه فالتيليفون ماشي كاينوض ياكل الفريز و يجلس يتبنن عليه
هز ديك جبانة د الفريز و جر واحد الكرسي و بدا كاياكل فيه نورسين طرطقات فيه عينيها شداتها البكية مشات كتجري طيرتها ليه من يديه
نورسين: بغيتي تاكل حل ديك ثلاجة و كول البنان و لا تفاح المهم خلي عليك الفريز ديالي اصلن بقا منو غير شوية
جبل حط راسو على طبلة و بقا كيضحك و هز راسو شاف فيها
جبل : واش كتهدري من كامل قواك العقلية
نورسين بدات كاتكل داك الفريز و كتبنن عليه غايخرج ليها العقل جبل تفكر البرانك اللي درت ليه ديال فقدان داكرة ابتاسم بشر و وقف حداها و طير ليها ديك جبانة من يديها وهي طرطق فيه عينيها
نورسين : فريزاااااتي جبل الميمة ما تلعبش معايا ارا ديك جبانة
جبل هزها علاها عليها فسما و قابطها بيدو و كيضحك عليها
نورسين: جبببببل ارا ما تعصبنيش ارااااا
جبل : لا
نورسين : حراااام عليك عفاك
جبل بقا كيشوف فيها و ابتاسم بشر و طيح ديك جبانة فالارض تهرسات كلها نورسين حلات فمها 😩😩😩😩 و بقات كتشوف فداك الفريز كي مشتت فالارض و هي مشهياه شداتها البكية و الخنقة كلشي تجمع عليها هزات راسها شافت فيه لقاتو كيضحك واحد الضحكة خطيرة عينيها بداو كيتجمعوا فيهم دموع حتى حماتها غوات و بكا جبل بقا غير مصدوم ما توقعش هاد ردة الفعل كاملة هو كان غير باغي يضحك معاها
جبل حط يدو على خدودها
جبل :نورسين ما تبكيش عفاك
نورسين بعدات عليه و وجهها ولا احمر و دموعها هابطين و علات راسها شافت فيه وقالت بصوت فيه شهقة د البكا
نورسين : شنو درررتي
جبل :واش كتبكي على الفريز أنورسين راه الحماق بعينيه هادا
نورسين: كنكرهك مااااا تقيسنيش
عطاتو بضهر و طلعات كتجري فدروج كتحس بقلبها غايسكت
جبل حل الثلاجة عند بالو بلي مازال ساعة مالقاهش دوز يدو على لحيتو و تنهد ما يسحابلوش بلي الامور غاتوصل حتى لهاد درجة طلع لبيت جا يحل البوانيي لقا الباب مسدود تصدم
جبل ساط بغضب و مشا طلع لبيرو ديالو حل واحد المجر عندو فيه سورات ديال البيوت كاملين هز الساروت ديال بيتو و هبط حلو و دخل وهو يحس بمخدة ضرباتو لوجهو دور وجهو لقا نورسين حلاتها حالة بالبكا و كاتشير عليه بالمخاد
نورسين : علااااااش جاي لعندي علاااااااش وابعد مني اهئ اهئ بسبابك ما كانكلش الفريز دابا خفت ندعي عليك و توقع ليك شي حاجة سير خرج عليا تقرب ليا ندير شي حاجة فراسي
جبل ما لقا ما يقول بقا غير مصدوم من كلامها جاتو حالتها ماشي طبيعية
جبل تقدم عندها بخطوات بطيئة و جلس حداها فناموسية و جر ليها راسها حطوا على صدرو
جبل : ما تخلعينيش عليك واش حماقيتي اش هاد الحالة دايرة
نورسين بغات تبعد عليه و هو يزير ليها راسها بيدو على صدرو ما بغاش يطلق منها
نورسين :واااابعد عليا و اااابعد ما بقيتش كنحملك
جبل حس بقلبو تزعزع على إثر هاد الكلمات الاخيرة رخا منها و بعدات عليها كتمسح دموع عينيها بيديها و كتحس براسها عندها رغبة كبيييييييرة فالفريز ما حدها كتشهى فالفريز ما حدها كتحك فشنايفها بقوة
جبل قبط ليها وجهها بين يديه
جبل : نورسين واش مخبية عليا شي حاجة
نورسين :اش عندي ما نخبي عليك اهئ اهئ
جبل : نورسين واش نتي حاملة ؟؟؟
نورسين حسات بحال ضربتيها بتصرفيقة بقات غير مصدومة و كتصرط فريقها و كتساءل كي دار عرفها و لكن خاصها تنقد الموقف
نورسين : احم منين غاتجيني هاد الحمالة و انا عاد مشات مني ليريكل واش حماقيتي اهى اهئ
جبل حط يدو على راسو و حشا و جهو بين يدو كيحس براسو عيان
جبل : و علاش دايرة هاد الحالة كاملة على الفريز هادشي عندو تفسير واحد هو الوحم
نورسين : واااعباد الله واش ما منحقيش نتشهى حتى انا شي حاجة كيف ناس و دابا اللي بقا فيا هو داك الفريز ماااابقاش فالثلاجة و انا باغاه و نتا اللي هرستيلي جبانية نوض من حدايا عفاك اهئ اهى
جبل هز راسو شاف فيها كيحس براسو غاينفاجر عليه بالحريق هز يديها باسها
جبل : سمحيلي عفاك *شاف فالماكانة د يدو *هادي اربعة د الليل واش ما عوالش تنعسي كانواعدك غدا نشريلك باكية د الفريز واااباركة من البكا الله يرضي على بنتي
ناض و تسطح حداها و حط يدو على راسو
نورسين : راه الا ما جبتيهش ليا دابا والله ما نعس حداك و ما نهدرش معاك يالاه
جبل دوز يدو على وجهو و ساط بغضب و غوت عليها بلا مايحس
جبل :نووووووورسين ماااااتعصبنيش عفااااااك
نورسين زادت فوتيرة البكا و الهرمونات لاعبين عليها مزيااااااان ناضت و هزات غطاها
نورسين : غدا غانمشي للمغرب عند ماما ما بقيتش باغا نعيش معاك وليتي تغوت عليا اهئ اهئ
ناض جبل و شاف فيها و هي تعطيه بضهر و مشات حلات الباب و زدحاتو على حر جهدو
جبل دوز يدو على شعرو و قال
جبل : يا ربي صبر أيوب ياااربي
هز التيليفون ديالو و دار اتصال و نزل عندها لقاها جالسة فسيجور و شاعلة الضو و جالسة كتبكي حتى كتحس بروحها غاتخرج جبل عزات عليه قلبو ضرو على حالتها مشا جلس حداها و قبط يديها و هي دور وجهها ما حاملاش تهدر معاه
جبل : مال حبيبي مقلق
نورسين غير كتنخصص ما باغاش تشوف فيه ناض و جلس على ركابيه و دور ليها وجهها شافت فيه و بدا كيمسح ليها دموعها غير بشوية و قال
جبل : وجهك تخلاق باش يضحك ماشي باش يبكي
نورسين : علاااش غوتي عليا
جبل طلق ليها يديها و حشا راسو فيهم كيبوس فيهم و يعاود
جبل : سمحيلي ما نعاودش ما عرفتش شنو وقع ليا
تسمع شي دقان فالباب
نورسين : شكون اللي جا
جبل ابتاسم ليها وقال
جبل : حتى انا ما عرفتش
ناض بتثاقل لقا واحد الكارد فالباب عطاه واحد الساشي فيه بزااف د الفريز دخل للكوزينة و هز واحد الزلافة الصغيرة و دار فيهم داك الحبات و خرج عندها لقاها دايرة يديها تحت راسها و كتنخصص غاتجننو شي نهار تقدم بخطوات بطيئة و جلس حداها و فيديه ديك جبانة نورسين شافت فيه و حولات عينيها مباشرة ليدو غير شافت الفراولةو عينيها بداو يبريو بالفرحة بداو كيخرجو منهم القلوبة 😍😍😍😍 و لكن دارت فيها عزة نفسي و دورات وجهها
نورسين : صافي م بقيتش باغا
جبل : شريتها على قبلك انورسين
نورسين : ما بغيتش
جبل هز عينو شاف فسقف و هبط راسو و حرك راسو يمين شمال
جبل : اوكي على خاطرك
جبل تكا راسو اللور و بدا كايكل فدوك الحبات و كيقرب حتى لودنيها و كيتبنن عليهم
جبل : اممم شحال لديد هاد الفريز احسن من اللول
نورسين كتحاول تماسك راسها و كتغمض عينيها و تعاود تحلهم
جبل : اممم شحال حلو وااااعر
نورسين دارت عندو و شافت فيه
نورسين : على الاقل عطيني غير وحدة مالك مسمومة
جبل : انتي ما بغيتيش اش غاندير ليك انا
جبل هز حبة و دارها ليها ففمها و هي طرطق عينيها جاتها حلوة بزااف اكثر من اللول
نورسين : امم ناري حلو بزااف عطيني ها العار
جبل : لا
جبل بدا كايكل بسرعة حبة من مورا ختها و هي تجرها ليه من يدو و بدات كتضحك
نورسين : ههههه ياك خديتيها ليا اناااا
جراتها من يدو و بعداتها عليه و بدات تاكل و تبنن فيه كيفما العادة
نورسين : امم بنين
جبل جرها لعندو بدا كيبوس ففمها و هي كتفركل باغا غير تاكل الفريز ديالها
نورسين :امممم
جبل بعد عليها كيضحك
جبل : شنيفاتك لداد أكثر منو
نورسين : ههه و دابا خليني عليك
جبل : تصالحنا
نورسين : حنا اصلن ما كناش مخاصمين
تقدات نورسين فالجلسة و شافت فيه
نورسين : ما قلتيش ليا فين كنتي
جبل : كنت عند الواليد
نورسين حلات عينيها على وسعهم
نورسين :تصالحتو
جبل : تقريبا
نورسين : اووو الحمد الله كنت عارف قلبك بيض و ما تقدرش ما تصالحش معاه شفتي نتا راك الحب ديالي
جبل : مشا الحال ابنتي
نورسين : اوكي خاصنا نوضو نعسو واقيلة
🌤🌤🌤🌤🌤 أصبح يوم جديد
ضربات نورسين الفيقة شافت فجنبها ما لقاتوش ناضت و هو يبانلها كيصلي ابتاسمت و دخلات للحمام غسلات وجهها و قادات حلتها خرجات لقاتو سالا و هاز قران كيقراه ما بغاتش تقاطعوا هبطات لسفلي قادات قهوة كحلة ليها و لجبل حلات الثلاجة و هزات الشكلاط
وقادات كلشي فبلاطو و طلعات لقات جبل كيلبس حوايجو شافت فيه و ضحكات
نورسين : صباح الخير أ زين
جبل : صباح الخير
حلات الباب د البالكون و حطات فيه داك البلاطو
نورسين :اجي تفطر
جبل : *بابتسامة *حداكيتي هاد نهار ما موالفاش ليك
نورسين دخلات و جلسات و هزات كاس د القهوة بانلها البحر هادئ و زوين غير ديال العومان تشهات غير تجلس حظاه بانلها ناس قلال كيعومو فيه لحق عليها جبل و جلس حداها
نورسين : جبيلو
جبل رشف من كاس د القهوة و حطوا شاف فيها
جبل : نعام
نورسين : تشهيت نجلس حدا البحر
جبل : واخا غير دوز واحد الساعتين و نهبطوا نجلسوا حداه
نورسين : توحشت ماما و ربيع و كنزة و سلمى خاصنا نهبطوا للمغرب
جبل : غدا انشاء الله نهبطوا
نورسين : انشاء الله
بعد مرور عدة ساعات
لبسات نورسين كسيوة مشبكة و كلاكيطة و دارت طربيش ديال الشمس على راسها و جبل لبس شورط فالكحل و قبط فيديها و هبطوا للبحر بقاو مدة كيتمشاو حداه و جارين حتى ماكس معاهم حتى عيات نورسين و جلسوا فواحد الطبيلة كيتشمشوا حتى وقفات عليهم واحد البنت عندها طاي وااااعرة و طالقة شعرها و دايرة بيرسينغ فكرشها و شعرها كيقطر بالما و لابسة دوبياس فالاسود
- جبل الابراهيمي
جبل : اه هو انا
نورسين صغرات فيها عينيها ما تسرطاتش ليها بقات غير كطلعها و تهبطها الغيرة عمات عينيها
- ما عقلتيش عليا واقيلة
جبل تقاد فالجلسة و كيشوف فعينيها و حرك راسو بالنفي
جبل : سمحيلي ما عرفتكش
- انا سندس قريت معاك فالبريمير *الابتدائي * عاقلة عليك فاش كنتي صغير و كانو حاكرينك ف l'école كنتي كاتبقا فيا و ما كانش كيعجبني نشوفهم كيديرو ليك هاكاك فاش شفتك تفاجئت صراحة حيت فرحت ليك بزاااف منين وليتي رجل اعمال مشهور هنا فاسبانيا و ما خليتيش كلامهم يأثر فيك انا من لفان دياولك و من ديما كنت باغية نتلقاك
جبل : *ابتاسم ليها * thank you
- حتى فاش كنا صغار كانت كتعجبني شخصيتك كنتي كاتجي نتا اللول ومن ديما كنت كنتنافس معاك و لكن كنت كانجي فالرتبة الثانية ههه
نورسين :*فنفسها * تفووو شحال حامضة
- و الله من ديما كنت كانبغي نهدر معاك فاش كنا صغار و لكن كنتي منغلق على نفسك ما كنتي كاتبغي تهدر مع حتى واحد
جبل : لا بالعكس
- واش ممكن ناخد معاك صورة كتدكار بلييز
جبل of course *طبعا *
خدا معاها صورة و نورسين غير كتمتق حتى مشات و شافت فجبل
نورسين : و اللي قال الحق كيتسمى حمق *كتعوجها * اوووو جبل الابراهيمي تفووو على حامضة كي دايرة
جبل : نورسين حشومة البنت جات هدرات معايا بادب شنو بغيتي نضربها بالحجر و لا نخلها كني بعقلك الله يرضي عليك
نورسين : اودي ما عندي ما ندير بالعقل خليتو ليك دابا تصور معايا كن جات هدرات معاك فاش كنتو صغار شنو كان غايوقع ؟
جبل : شنو كان غايوقع ؟
نورسين : كنتي غاتعلق بيها و تولي هي ملاكك طاهر و تاخد بلاصتي *هزات كفوفها *حمدتك ياربي و شكرتك اللي سبقتها و هدرت معاك انا اللولة اما كن كانت مشاااات على عيني ضبابة
جبل دار كرااااخ بضحك شداتو الهيستيرية ديال ضحك لدرجة دموع نزلو من عينو
سمع تيليفون كيصوني هزو و دارو فودنو و بقا ساكت مدة حتى طاح تيليفون من يدو كانت صدمة ثلاثية لابعاد
بعد مرور 15 يوم
الخبر اللي نزل كي صاعقة على جبل لدرجة دخل فإكتئاب كلامو ولا قليل و غير كيخمم خبر وفاة الاب ديالو سعيد الابراهيمي اللي تدفن فالمغرب كانت أجواء جد حزينة لدرجة ان جبل بقا غير مصدوم من هاد الخبر اللي زعزعوا من لداخل أكيد ما هو الاب ديالو واخا ما عاش معاه و لكن كيبقا دم اللي كيجري فعروقو منو بالاضافة الى انه ما تسامحش معاه كما ينبغي ديما فاش كيحط راسو على المخدة كيتدكر آخر كلام قالو باه و بضبط الجملة اللي خلات أثر عميق فقلبو 《تفكر بلي باباك كيبغيك و ما عمرو كرهك》 هاد الجملة بضبط كلما كيتدكرها كيحس بقلبو كيتعصر مابين ضلوعو
كان جالس فالبيرو ديالو اللي عندو فشركة و هاز كاس د القهوة كيرشف منو و كيدقق فشي وراق كيحاول يلهي راسو باش مايبقاش يفكر بزاف حيت كيحس براسو غايطرطق بقوة التفكير سمع تيليفونو كيصوني لقا نورسين اللي كتاصل دوز الخط و حط التيليفون فودنو
نورسين : حبيبي كي بقيتي
جبل : *تنهد * الحمد الله على كل حال
نورسين : ما تبقاش غير ساكت و لاهي راسك فالخدمة غاضر راسك و هاكا غاضرني معاك ما كنبقاش فيك انا
جبل : غانحاول
نورسين : باباك الله يرحمو و يوسع عليه لله ما اعطى و لله ما اخد و خاصك تكون فرحان حيت مات هو راضي عليك
جبل بقا ساكت ما جاوبهاش
نورسين : على العموم ياك غاتجي هاد نهار
جبل : انشاء الله
نورسين : ما تفكرتي والو هاد نهار
جبل حك لحيتو و ابتاسم
جبل : لا علاش كاين شي حاجة هاد نهار
نورسين :*حسات بالبكية * صافي ما كاين والو تهلا فراسك
جبل : نورسين غانجي اليوم معطل عندي اجتماع
نورسين : واخا غادي نتسناك
قطعات نورسين و لاحت تيليفون حداها فناموسية و تجبدات و بقات كتشوف فسقف و حطات يديها على كرشها و تنهدات كانت فدار ماماها كتحس براسها عيااانة مدكدة و عضامها مهلوكين و كل ساعة تنوض ترد دخلات عندها ماماها
فاطمة : ياو مالك مسبحة ليا تماك كي نفيسة نوضي ديري شي شغل ينفعك
نورسين : اش عندي ما ندير اماما حتى زوجي العزيز غايتعطل هاد نهار
فاطمة : ياو كي بقا خاطرو مسكين من جيهة باه
نورسين : مازال كيفما هو كلامو ولا قليل و مابقاش كايكل خلعني عليه و الله
فاطمة : ياو مسيكين راه كيبقى باه واخا كان ما عايش معاه بقاااا فيا بزاااف ياو داك الولد ما يستاهلش ما عندو لا مو لا باه و لكن كااين الله أحسن من كلشي
نورسين : داكشي اللي كاين
فاطمة :٠ ياو مالك قالبة وجههك و كنسولك و تردي عليا الهدرة بالغرام
نورسين شافت فيها و بدات تبكي و عنقاتها
نورسين : اهئ اهئ اليوم عيد ميلادي و جبيلو كاع ما بارك ليا و لا تفكرني حرااام عليه اهئ اهئ
فاطمة : يااااويلي حي واش نتي سايرة تدوي من نيتك
نورسين : مالي بنتلك كنتفلا
فاطمة : ياااو تي جمعي خناينك تي اشمن عيد ميلاد داكشي ما هو من عاداتنا ما هو من تقاليدنا ياو وليتو غير تابعين دوك الكفار
نورسين : وماما باركة عفاك اللي فيا كافيني اهئ اهئ
فاطمة : ياو فعوط ما تمشي و تلمي دارك و تبخريها ياو ديري شي عشيوة غزالة لراجلك جالسة تبكي حيت ماباركش ليك عيد ميلاد ياو انا بغيتلك العز اما دل راكي فيه
فاطمة : ياو انا كن درتي ليا راي اليوم نديرلك شي كصعة ديال الرفيسة بالمساخن ياو نيت باش تدوزي شي ليلة نتي و راجلك ياو نيت باش تولدي لينا شي وليد ولا شي بنيتة ياو شفتك تعطلتي أ صكعة
نورسين بدات غير كتصرط فريقها و حطات يديها على كرشها مازال ما قالت حتى لواحد بلي راه حاملة بغات تكون فخبار جبل هو اللول و حتى يعقوب وصاتو ما يقولها لحتى واحد حتى يعرف هو
فاطمة : ياو مالها اش عندو مايوقع ليها كتولي شهوة منها ياو راجل كيزيد يتبت و يتعلق بيها يا بنيتي يكدب عليك الكداب اللي يقولك راجل كيتبت بلا ولاد راه راجل ما كيكتفوه غير الولاد راه واخا يكون كايطير مع طيور حدها تولد المراة كيتبث و يرزن و يدير عقلو تولي تقولي ليه رارا شاشا
نورسين :*عوجات فمها * اوا لواه ماشي حتى لديك درجة
فاطمة : ياو مشفتيش ابنتي شحال من مراة مسكينة ما كتولدش كيتزوج عليه راجلها باش تعرفي بلي رجال ما فيهم ثقة هامهم غير الولاد و كاين اللي بولادها و كيسمح فيها بحال اللي دار داك الشلاهبي د موبيك و لكن هاهو رجع حاني راسو
نورسين : و لكن جبل ماشي بحالهم
فاطمة دارت طرف ديال شان على فمها كضحك
فاطمة : ياو فهادشي ما كدبتيش ابنيتي منين داك الراجل صابر عليك راه ماشي طبيعي انا كيجيني شي بعض المرات بحال موكلاه سبرديلة هههه
نورسين:*خنزرات فماماها * اهاه الله يخلف عليك فعوط ما تفرحي لبنتك لي عندها راجل بحالو جالس كتفرنسي
فاطمة :*دارت يديها على جنابها * ياو راني غير سايرة نضحك معاك علاه كاين شي ام فهاد الدنيا غاتبغي تشوف بنتها ما مزياناش مع راجلها تعالي أ الحنينة ديالي تعالي
نورسين قربات عند ماماها و عنقاتها جنب و بقات كتطبطب على كتفها و قالت
فاطمة : يا و جوازونانيفغيسر
نورسين بعدات عليها و شافت فماماها باستغراب
نورسين : شنو قلتي ؟؟؟
فاطمة : ياو جوازونانيفغيسر ياو مالك جالسة حالا فيا فمك راني سايرة نبارك ليك ياك قلتي اليوم عندك داك عيد ميلاد و لا ما نعرفت اش تقولو ليه
نورسين دارت يديها على فمها و ابتاسمت
نورسين : و نتي اش داك لشي فرونسي قوليلي غير عيد ميلاد سعيد
فاطمة : اودي بغينا نديروا فيها عميقين
نورسين تفرشخات بضحك
نورسين : ههههه دابا حتى نتي كاتعرفي العمق اماما و الله حتى صدمتيني
فاطمة : ياو داك جدر ديال ربيع مسيكين اللي كيعلمني هاد الكليمات الله يحفظوا ياو شحال غزال اه راه بعدا فاش كنتي فسبانيا مشينا خطبنا ليه رجاء
سلمى : و هاد النهار مشيت درت ليكوغرافي عند واحد الطبيبة و شفت ...
نورسين : اش شفتي
سلمى حلات صاك ديالها و عطاتها فوطو ديكوغرافي
سلمى : هاكي شوفي
نورسين هزات الصورة و بقات كدقق فيها ما بانلها حتى وزة
نورسين : ما فهمت وااالو حتى لعبة ختك زرقة فهادشي ديال طب
سلمى :هادوك ولادي
نورسين هزات راسها مستغربة كتشوف فيها و بقات حالة فيها فمها
نورسين : اينا ولاد
سلمى : عندي ثلاثة ديال توائم
نورسين حلات عينيها و فمها على وسعو و ناضت و رجعات جلسات و شافت فيها
نورسين : حلفي بالله
سلمى : *بابتسامة *و الله ما كنكدب عندي ثلاثة ديال لبيبي فكرشي
نورسين طلقات واحد الغوتة و ناضت طارت عليها بتعنيقة حتى قسمات ليها ضهرها و بعدات
نورسين : فرحت ليك بزااااف و الله وينو *حطات يديها على كرشها * دابا عندك هنا ثلاثة ديال الوليدات صغيورين I can't believe this *ما قدراش نتيق *
سلمى : حتى يعقوب مازال ما قلتها ليه
نورسين : لا ضروووري خاصك تفرحيه بهاد الخبر وينو واش وليدات ولا بنيتات
سلمى :مازال ما غادي نقدر نعرف الجنس ديالهم حتى لشهر الرابع هادشي على حسب ما قالت طبيبة اجي بعدا نبوسك هاد نهار عيد ميلادك أ الكتكوتة
نورسين حركات ليها راسها بالايجاب
سلمى حلات صاك ديالها و جبدات منو غورميط ديال دهب و حطاتو ليها فيديها و مكتوبة فيه سميتها بخط زوين
نورسين : ناااري واااعر كيحمق شكرا أزين
سلمى : بصحتك و راحتك
نورسين : عرفتي شنو خاصني نمشي لدار اليوم و ندوموندي لطارط غادي ندير احتفال صغير فدار غير انا و جبل بغيت نقولو واحد اللعيبة
سلمى : اه اوا مزيان حتى انا لقيتيني غادي نمشي جيت غير نقولك هاد الخبر و ندرك زلافتي عاد غانمشي نقولها لماما و بابا وسارة غايطيروا بالفرحة
بعد مرور ثمان ساعات
كانت نورسين لابسة صاية ديال جلد حد الفخيضات مع قميجة فالحمر و جامعة شعرها جاية كيوووت بزاااف كانت حاطة واحد لطارط فوق الطبلة و مرسوم فيه جبل و نورسين بطريقة رائعة و طافية الاضواء شاعلة غير شميعات و مشتتة الورد الاحمر فالارض وواقفة فالبالكون كتنتاضرو يجي حيت تعطل بزاااف بقات واقفة حتى طابو رجليها لدرجة فقدات الامل من انو يجي نهار كامل وهي كتوجد سيناريو اللي غاتقولو ليه باش تفاجأو بخبر الحمل ديالها دخلات لبيت و هزات واحد البواط و حلاتها وبقات كتشوف فيها و ابتاسمت و عاودت سدتها و حطات يديها على كرشها كتحسسها
نورسين : ما عرفتش شنو غاتكون ردة فعل باباك فاش غايعرف بلي كاينة هنا قطعة منو و لكن اكيد غايفرح مصاب غير يجي توحشتو اووف
ناضت لبالكون و هي تبانلها الفيراري ديالو داخلة عاد ارتاحت و تنفست الصعداء و حسات بقلبها كيضرب و كرشها كيلعبو فيها الفراشات حاسة بحال غادوز امتحان متحمسة بزاف و فنفس الوقت خايفة لايكون نسا عيد ميلادها بانلها نازل من اللوطو و فيدو دبدوب كبير و الورد و الشوكولا و سد الباب ديال اللوطو و مسا كيدق فالباب باش تحل ليه نورسين غير شافت داكشي الي فيديه عينيها بداو يبريو بالفرحة يعني جبيلو ما نساش عيد ميلادها واخا فعز مشاكلو و راسو عامر مطارق و لكن مستحيل ينسا ملاكو طاهر هدا راه فحد داتو شي حاجة عظيمة فاش الواحد كيهتم بيك وهو عندو بزاف د المشاكيل هادشي كيعني حاجة وحدة شحال نتا مهم فحياتو
نورسين بدات كتطلع نفس و تهبطو و خرجات و هبطات كطير فالدروج حلات الباب لقاتو واقف هبط عينو طلعها و هبطها من راسها حتى لرجليها و صفر و قال
جبل : واش نتي ديما زوينة و لا حيت هاد نهار عيد ميلادك هه
نورسين طارت عليه بتعنيقة و باستو فعنقو و بعدات و خدات من عندو داك البوكي د الورد كتشم فيه و تعاود و هزات عينيها شافت فيه
نورسين :مانسيتيش بعدا
دخل جبل و زدح الباب و شاف فيها
جبل : واش انا نقدر نسا نهار اللي جات فيه حبيبتي لدنيا هداك هو نهار الكبير اللي خاصو يدخل لتاريخ
عطاها داك دبدوب و حيد المونطو ديالو انتابه بلي كاين ضلام و الورد و الجو رومانسي للغاية
نورسين : كيف جاك هاد الجو زوين ياك
جبل : زوين بوجودك احبيبتي كن ما كنتيش حتى حاجة ما غاتكون عندها معنى
نورسين حطات داكشي فوق الطبلة و هزات يديه باستها و ميلات راسها جنب و قالت بوجه بشوش
نورسين : الله يخليك ليا يا اغلى ما عندي
جراتو لداك طبلة و جرات الكرسي و شافت فيه و قالت كتضحك
نورسين : تيتي أبابا هههه
جبل هز راسو شاف فيها و ضحك
جبل: واش حماقيتي ؟؟؟
نورسين : ههه لا
جلسات اونفاص ليه و شعلات دوك شميعات و قبطات فيد.جبل
نورسين : تمنى شي امنية و غمض عينيك
قبطوا فيد بعضياتهم بشدة و حناو طفاو شمع و فنفسهم أمنية وحدة هي يعيشوا مزيان فالحياة و يكونو جد سعداء شكون منا ما كيطمحش لسعادة و لكن قليل اللي كيحظى بيها مع الاسف
♤♤♤♤♤♤♤♤♤
أتريد سعادة حقا لاتبحث عنها بعيدا انها فيك
في تفكيرك الجميل في خيالك المبدع
في ارادتك المتفائلة في قلبك المشرق بالخير
♤♤♤♤♤♤♤♤♤♤
نورسين قطعات الحلوى و حطاتها فطبسيلات كلاو و سالاو و رجعات اللور و بقات كضحك و كتشوف فيه بتمعن و بريق فعينيها زوين حطات يديها على كرشها و كتحس بقلبها كيضرب بسرعة و داتها كترعد متشوقة و متحمسة تقولو الخبر و تشوف ردة فعلو كيف غاتكون منين غايعرف بلي نورسين حاملة منو
جبل لاحظها كتشوف فيه بزااااف و بحال باغا تقول شي حاجة
جبل : نورسين كاين شي مشكل ؟
نورسين: امم بالعكس ما كاين حتى مشكل
جبل : كنحس بيك بحال باغا تقولي شي حاجة وساكتة غير طلقيها ياكما شي زبلة تاني كانعرفك
نورسين ضحكات و عضات على شنايفها و قالت
نورسين : وهي فصراحة زبلة كبييرة
ناضت و قالت
نورسين : تسناني واحد الدقيقة
ناضت و طلعات فدروج و دخلات البيت جبدات واحد لبواط و ابتاسمت و هبطات كطير فدروج لقاتو جالس كيتسناها حطات العلبة قدامو جبل هز راسو شاف فيها و هبط عينو شاف فلبواطة
جبل : نورسين شنو هادشي
نورسين : فتح و غاتعرف
حل جبل ديك العلبة بتثاقل و هز داكشي اللي فيها و بقا كيشوف فيه مدة من زمن و كيحاول يفهم شنو المغزى منو واخا هو فهم بسرعة و لكن ما مصدقش هز عويناتو شاف فيها و قال بصوت متلعثم بعدما صرط ريقو
جبل : ش..شنو هادشي
نورسين : تقشيرات ديال ليبيبي
جبل كيحس بقلبو غايوقف و العرق كيتصبب منو احساس فشكل تملكو لداخل ما كيتوصفش هز عينو و كيشوف فيها و كيشوف فدوك تقشيرات اللي فيدو
نورسين:*كتعض ضفارها * فهمتي شي حاجة و لا والو
جبل قرب دوك تقشيرات لنيفو كانت فيهم ريحة نورسين وقف بتثاقل و كيحس برجلو ماشادينوش
و شاف فيها
جبل : شر ...شر...شرحيلي عفاك
نورسين قربات ليه و تعلات على صبعانها و همسات فودنو
نورسين : Estoy embarazada ( انا حامل )
جبل سد عينو و عاود شدهم و جرها لعندو حتى ضربات فصدرو و صدرو كيطلع و ينزل قبط وجهها بين يديه و قال بهمس
جبل : عاوديها
نورسين : انا حااااملة
جبل بقوة اللي تأثر عينيه دمعوا ما عرف شنو يدير هزها من الارض و عينيه تغرغروا و قال بصوت عالي اكثر
جبل : عااااوديها عفااااك
نورسين ضحكات حتى تغمضوا عويناتها و حطات يديه على كرشها
نورسين :هنا كاين قطعة منك اولد قلبي حلمك تحقق و اخيرا هنا غايكبر بنتنا و لا ولدنا كنا جوج غانوليو ثلاثة
جبل كيهدر و دمعة نازلة من عينيه
جبل : و..واش متأكدة يعني درتي تحاليل و كلشي ياك ما كاينش شك
نورسين : لا ما كاينش شك انا حاملة
جبل :و لكن ياك ..
بقا كيشوف فيها مدة و بعد و مشا طلع كيجري لبيتو و حل واحد المجر عندو داير فيه بزاف ديال أجهزة إختبار الحمل و هبط بسرعة و حطهم ليها فوق الطبلة و كيتصرف كيف شي احمق
جبل : نورسين عفاك تأكدي هادشي ما فيهش لعب
نورسين :*ضربات جبينها بيديها * وراني حاملة واش ما كتثيقش
جرها من يديها حتى وصلها للحمام و حطلها داك الاختبار فيديها و كيشوف فيها بترجي باش دير داك الاختبار شافت فيه بقلة حيلة و هزاتهم و دخلات للحمام و هو بقا كيمشي و يجي برا كيتسناها على أحر من الجمر حاس بقلبو غايوقف و كيشوف مرة مرة فساعة جاتو بحال اعطلات بزاف و هي ماكملاش حتى خمسة ديال دقايق بدا كيدق عليها باش تخرج
جبل :نووورسين
دازت واحد خمسة دقايق اخرى و حسها مقطوع لداخل حس بعقلو غايخرج تحل الباب و خرجات نورسين و شافت فيه و حنات راسها وخرجات عطاتو بضهر و هو تابعها من اللور
جبل : نووورسين
نورسين دارت شافت فيه و هازة داك اختبار الحمل فيديها و وجهها ما مفسراش ملاميحو بقات ساكتة و كتشوف فداك الاختبار و كتشوف فيه
جبل :ن..نورسين واش ما كاينش الحمل
نورسين بابتسامة
نورسين : كاين أجبل انا حاملة
جبل تقدم بخطوات مسرعة حتى هزها من الارض و هي كتشوف فيها و ضحكة واصلة لودنيها
جبل :م..متأكدة ياك
نورسين : جبل ما تحمقنيش انا حاملة حاملة
جبل ضمها لصدرو بجهد و كيبوس فعنقها كي الحمق حتى كتقفز من بين يدو
نورسين :ههه جبل كتهرني هه
جبل بعد عليها و قبط وجهها بين يدو و دموع من عينو نازلين حلم سنييييين هاهو تحقق ليه حلم كان كيضل يفكر فيه هو انو يرزقو الله باطفال من نورسين شي حاجة اللي راوداتو مند صغر هاهي كتحقق امام عينيه د
جبل : نورسين نتي احسن هدية عطاهالي الله كمكافأة على داكشي اللي داز عليا *حط يدو دافية على كرشها * و نتي عطيتيني احلى هدية
طاح على ركابيه و بقا حاط شفايفو على كرشها مدة و بعد و هز عويناتو شاف فيها ووقف و قبط وجهها بين يدو بجهد و قال
جبل : أكثر حاجة كنتمناها فحياتي هي نشوف نسخة مصغرة عليك و يكون شعرها بحالك باش انا اللي نمشطوا ليها بغيتها تكون بحالك قلبها كبير كتبغي لخير لناس ما بغيتش بنتي ولا ولدي يعيشوا فنفس داكشي اللي دزنا منو
نورسين : انشاء الله اجي بعدا فين هو الكادو د عيد ميلادي
جبل جر نورسين لعندو و حنى باسها فعنقها و حط يدو على كرشها
جبل : قبل ماديري اي حركة فكري فبنتي و لا ولدي اللي كاينين هنا مخبيين على باباهم
نورسين : و عادي بغيت نحني باش نحلها
جبل : و حبيبك اش كيدير
هز ديك الفاليز واخا ثقيلة و حطها فوق الفوتوي و حنى حلها و رجع اللور و هنا كانت صدمة قوية بالنسبة لنورسين العديد من الملابس المحتشمة الجد رااااقية بتصميم خاص مع بزااف ديال الفولارات فالاشكال و الالوان مع العديد من العطور و ساعات يدوية مستفين فجنب بستيل جد متميز كانها صممت خصيصا لنورسين
نورسين حطات يديها على فمها بقات مشوكية من هاد الكم الهائل ديال الملابس بدات كتفهم جبل شنو باغي يوصل ليها غير بالفن بقات ساكتة مدة و هزات عينيها شافت فيه و ابتاسم ليها
جبل: عجبوك ؟؟
نورسين هزات واحد العباية بتصميم جد راقي بقات كتشوف فيها و عاودت حطاتها و دورات وجهها شافت فجبل و جراتو لعندها من الكول د القاميجة و تعلات على صبعان رجليها و شافت فيه و ابتاسمت و قبطات وجهو بين يديها و حطات نيفها على نيفو و غمضات عينيها و بقات مدة و هي ساكتة جبل دور يدو من مور ضهرها و كيحس بانفاسو ثقااال عليه غمض حتى هو عينيه صمت رهيب عم فالمكان حتى قالت نورسين
نورسين : الميساج وصل اولد قلبي
جبل ابتاسم و هو مغمض عينو و قال
جبل : نتي راضية
نورسين: الاب ما كيبغيش شي حاجة قبيحة لبنتو و انا من ديما ثقتي فيك كبيرة واخا ما نكونش راضية على شي حاجة الرضا ديالك عندي انا اولى من شحال هادي قلتلك بلي حتى مخلوق ما بقا كايهمني من غيرك نتا كااافيني و موفيني لهيه و نزيدك موضوع الحجاب انا كنت غانقولو ليك و منين جات من عندك نتا فيها خير اليوم كنت غانخبرك بلي غانديروا شفتي على صدفة و فكرت غدا نمشي نشري الحوايج ديالو
جبل حط شفايفو على جبينها باسها بوسة طويلة و بعد شاف فيها
جبل : الحمد الله منين نتي راضية على هاد القرار و ما عدبتينيش معاك الله يرضي على بنت قلبي اللي ديما كتخليني نفتاخر بيها
نورسين دورات يديها على عنقو و تنهدات
نورسين : نتا اللي علمتيني بلي الحاجة اللي خاصنا نديروها نديروها عن إقتناع و عارفاك ما بغيتيش تفرض عليا الحجاب خليتيني نقتنع بيه راسي
جبل : الحجاب راه نورمالمون من زمااان كان خاصك ديريه
نورسين : عارفة رضا الله هو اللول عاد كتاب نديروا عفا الله عما سلف كنشكرك اللي دخلتي لحياتي و نورتيها صراحة ما كانش كيصحابلي غايكون راجلي زوين بحال هاكا هههه
جبل : *بابتسامة * ما فهمتش
نورسين : قبل ما نتعرف عليك كان كيجيبلي بالي غايكون راجلي بحالو بحال اي راجل كيعرف غير المراة طيب ليه و ينعس معاها و يديروا الاولاد و هي تبقا فدار ديما شقا و شغال و هو يجيب ليها ما تاكل من برا صافي يعني ما كانش كيصحابلي غايكون راجلي حنين و رومانسي و كيبغيني لهاد درجة و كيوريني طريق صحيحة فدين و فدنيا و كيعاوني نحقق أحلامي بحالك قلال اولد قلبي بحالك كنت كنظن كاينين غير فالقصص اللي كنت كنقرا و لكن معاك عرفت بلي حتى حاجة ما مستحيلة نتا سكنتي قلبي اللي ولا غير كيفكر فيك و سكنتي قلبي اللي ولا كينبض غير ليك اااخ كن تعرف شحال كنبغيك
جبل ضمها لصدرو بجهد و مرر يدو على شعرها
جبل : الحب كلمة عظيمة ماشي رومانسية مفرطة اولا اهتمام مزعج او غيرة مسيطرة او اتصائل دائم او رسائل بلا توقف الحب هو ندعي معاك و انتي ما عارفاش نهتم بيك و نتهلا فيك فاش تكوني ما مزياناش نكون معاك فاش تحتاجيني نتحدث انا و ياك فاي موضوع غير باش نسمع صوتك الحب هو نفرح فاش تكوني فرحانة و نحزن فاش تكوني حزينة الحب هو ندكرك بالخير فوجهك و فضهرك الحب هو نبقا كانموووت عليك واخا نتفارقوا و نزيدك كاينة واحد الكلمة عميقة اكثر من الحب اللي هي المودة و الرحمة هاد الكلمات هوما اللي دكرهم الله سبحانه و تعالى فالقرآن الرحمة أكثر من الحب الرحمة كتشمل بزاااف د الحوايج و منهم الحب حنا كبشر كلنا قادرين على الحب و لكن قليييل اللي كيكون رحيم
نورسين بعدات عليه وضحكات
نورسين : نتا إنسان رحيييم بزاااف
جبل :*حك مؤخرة شعرو و ضحك* ما عرفتش
نورسين حطات يديها على كرشها و حسات بتقية دارت يديها على فمها و مشات كطير دخلات للحمام و بدات كترد 🤮🤮🤮 جبل غير سمع صوتها مشا لعندها و حل الحمام لقاها حانية على راكابيها و كتقيا فلاشاص كتحس بروحها غاتزهق جبل تفافا من هاد المنظر اللي شاف تقدم بخطوات مسرعة و شد ليها راسها مخلووع عليها فاش سالات حطات راسها على صدرو كتنهج و وجها صفر جبل وقفها و هي متكية عليه و غسل ليها وجهها و كيشوف فيها بحزن ما عندو ليها جهد
جبل : شوية ظابا أحبيبي امم
نورسين اكتافت انها تحرك راسها بالايجاب جبل حنى على ركابيه و حط راسو على كرشها و باسها و بدا كيدوز يدو عليها برفق
جبل : ما تعدبيش ابنتي ماماك الله يرضي عليك و لا نتقلق منك
نورسين ابتاسمت فوق خاطرها و حشات يديها فشعرو هز راسو و شاف فيها
جبل: شوية دابا ابنت قلبي نمشيو لطبيب
نورسين : نمشيو مع تسعود د الليل حماقيتي هادشي راه عادي
جبل : غاتعدبي شوية ابنتي فهاد الفترة و لكن كلشي غايفوت ملاكي طاهر صبااارة بحال باباها 💪💪💪💪
جبل وقف و باس ليها راسها
جبل : فنظرك غانكون اب مزيان امم
نورسين : بطبيعة الحال اجي شفتك جالس كتقول بنتي و الا صدق ولد
جبل : عندي احساس هنا كاينة بنتي
نورسين :و انا عني احساس هنا كاين ولدي
جبل : نورمالمون المراة كتبغي البنات
نورسين :اوا انا كيعجبني نشد ضد أصاحبي
سمعات تيليفونها كيصوني خرجات من الحمام و تبعها جبل هزات التيليفون و دوزات الخط و ادا بها تتفاجأ من سي ربيع لابس جلابة فالابيض و حداه بزااااف ديال الصدااع
ربيع : افييييين أ المونيكة دعيشور
نورسين : ربيع هههه مالك على ديك الحالة هههه والابس جلابة مالك مختن اش هاد صداع حداك
ربيع : ياتي تعااااالي راه بقيتي غير نتي و برج ايفل اللي ناقصينا
نورسين : علاه شنو واقع
ربيع : واش سمكة سمعي طبالة و الغياطة اللي عندنا
ربيع قلب ليها الكاميرا بانلها بزاااف د ناس و كتشوف طبالة و الغياطة و جالسين ناس فسطح ديال العمارة ديالهم بقات غير مصدومة
نورسين: ربيع اش هادا
ربيع قلب الكاميرا لوجهو كيفرنس
ربيع: صافي اليوم دخلت للحبس
نورسين : أ اش كتقول نتا
ربيع : بغيت نقول داك القفص اللي كدخلوا ليه فاش كتزوجوا صافي اليوم درتها مابقيتش أعزب و اخيرا غاندير فالفايسبوك Marié كان صراحة كيبقى فيا الحال فاش كنكتب ديك سيليباطير
نورسين : ربيع اويلي بمن تزوجتي أصكع
ربيع : راه ماكانسمعكش مزيااان صداع شوفي ماماك جالسة على ركزة فوق القعدة باينة باغا دبر على شي شيباني طلع ليها محمد فراسها ههه
نورسين كضحك و كتهدر
نورسين : ربيع فهمني ها العار
ربيع : اش بغيتي نفهمك بنالك كنقراو الماط واااا اليوم ضربت الكحل فالابيض و تزوجت برجاااء اليوم درت لاكاط و جبت طبالة و الغياطة و ما كاين غير نشاط كلشي على حسابي
نورسين : كي درتي ليها اجي بعدا فين رجاء
ربيع: راها لتحت كيقادولها الماكياج و كيلبسوها شي تكشيطة كلشي جا خفن زربن
نورسين: واش هداك سطحنا و لا كدبت
ربيع : ههه اختي لا غلا على مسكين ما كاين لاش نضيع الفلوس فالقاعات اصلن العراسات الشعبية كيطلعوا مخيريييين حتى الماكلة ما درتهاش باش نشوف شكون اللي جاي على قبلي و اللي جاي على قبل الماكلة هه شفتي شحال ربيع دكي
نورسين : حرااام عليك و حتى لدابا عاد كتقولها كايقولك المعروض فنهارو يبقى فدارو
ربيع : وديك صكعة ليام واراه ما قلتها لحد حتى لدابا عاد بديت نعرض عباد الله و قبيلة بغيت نعيط ليك و تقادات روشارج و اجي دغيا نتي و داك برج ايفل فيناهو بعدا كاع مابانلي
نورسين : راه طلع واقيلة اوا تسناوني هانا جاية
ربيع : يالاه فكي دغيا اماكاين غير نشاط قطعي قطعي نمشي نشطح مع الغياطة
نورسين : احمق ههه يالاه تلاح
قطعات نورسين و دورات وجهها مابانلهاش جبل عرفاتو غايكون طلع تمشات بخطوات بطيئة حتى دخلات لعند جبل لقاتو متكي فوق الناموسية و جالس غير بشورط و داير نضيضرات و كيقرا فكتاب سدات الباب و مشات لعندو جلسات حداه
نورسين : كبيدة
جبل حيد نضاضرو و حط داك الكتاب و جرها لعندو حتى تكات على صدرو و حط يدو على كرشها
جبل: امم بغات بنتي شي حاجة
نورسين دلات شنيفاتها و ناضت من عليه و خنزرات فيه
نورسين : و من دابا و انت تشكر فبنتك و ديرلها خاطرها حتى تزاد بعدا و نشوفو
جبل ضحك و جر نورسين من خدها
جبل : بدات الغيرة من دابا
نورسين : ودابا نوض ديني عند ماما راه ربيع داير العرس
جبل بقا مصدوم و شاف فيها
جبل: كيفاش؟
نورسين:و داك الهبيل ديال ربيع تزوج برجاء البوديكارد اللي كنتي داير ليا و جاب طبالة و الغياطة و داهم لسطحنا و بدا كيعيط لعباد الله راه هاداك غير مسطي
واااانوض عفاك دغيا
جبل : نورسين ما كاين لاش خاصك تنعسي دابا
نورسين : لااااا بغيت نمشي عفاااك حرام عليك عارف معزة ربيع عندي و الا ما مشيتش غايتقلق مني
جبل :*شد ليها يديها * نتي دابا ما بقيتيش بوحدك ياك و انا عارفك عياانة ما كاين لاش بنتي خاصها راحة
نورسين : *دلات شنايفها و كتشوف فيه ببراءة علاين تبكي*عفاك اجبيلو عفاك عفاك
كتردد هاد الهدرة و كتبوس فعنقو و تعاود و هو الحرارة كطلع معاه و كيحس بالعرق كيتصبب منو ما بقاش قادر يصبر لاح داك الكتاب و بحركة سريعة منو قلبها و لا هو فوق منها و هي تحتو بانولها عينيه معسلين و كيدير فيها ضحكة خطيرة كتعرف دوك الحركات ما كيبشروش بالخير بدات كترجع باللور و كتحرك راسها بنفي
نورسين :جبل عفاك لاا لاا خاصنا نمشيو
جبل كيحشي راسو فعنقها حتى كتقفز من بلاصتها و كيداعبها فانحاء جسمها باحترافية حتى حس بيها بدات كترخى و تجاوب معاه جبل بعد عليها و ضحك لقاها مغمضة عينيها و كتبتاسم عض على شفايفو و قال
جبل : نورسين كنضن بلي هادشي اللي كنديروا دابا احسن بالف درجة من انكي تحضري لداك العرس ياك ابنت قلبي
نورسين بدات كتحل عينيها بتثاقل حتى بدات تبكيلو و نيفها حمر و ضرباتو لصدرو
نورسين :وااالا بغيت نمشي ولا ما عمري نهدر معاك راه ربيعو هاداك ما نقدرش ما نحضرش ليه واش حماقيتي
جبل :*مسح دموعها بصبعو * على قبل هاد دموع التماسيح غانديك و لكن بشرط
نورسين :*بحماس* شنوما كان أنا قابلة
جبل: غاتمشي تسلمي عليهم و نرجعوا تافقنا
نورسين : مشات أعشيري أرا عليها شي بوسة من دوك شنيفات
جبل دور وجهو جنب و ابتاسم و رجع شاف فيها و ضحك
جبل : كنعيا نطير كتجي نتي بكلمة وحدة كتساليهم ليا
نورسين كتلعب ليه فلحيتو و ضحك
نورسين : ان كيدهن عظيم ههه
جبل باسها فشفايفها بوسة خفيفة و ناض لبس حوايجو و هي هبطات لتحت و هزات واحد العباية فالاخضر جد راقية و دارت شان فالاسود مع مايكاب خفيف قداتو فالحمام سمعات دقان فالباب عرفات جبل غايكون وصل حلات الباب و ضحكات عرفاتو غايتصدم منين غايشوف لوك الجديد اللي من ديما حلم انو يشوفها بيه طلعها من رجليها حتى لراسها حتى وصل لعويناتها و قال
جبل: كنتي اميرة و بالحجاب و ليتي ملكة الملوك مشاء الله *هز يديها باسها و حط يدو على كرشها و بدا كيقرا أدعية تثبيت الحمل *اللهم يسِّر حملَه وولادتَه ورضاعتَه وتربيتَه، واجعله مطيعًا لربه، بارًّا بوالديه، متعاونًا مع إخوته، نافعًا لأمته، ذخراً للإسلام والمسلمين
اللهم صوِّره في أحسن صورة ونجِّه من كل تشويه ومرض.
نورسين : اللهم أمين
جبل : نتمنى من ربي يحفضكم ليا و الله ينجيك أحبيبة من كل عين و من كل حسد قلتي لماماك بلي نتي حاملة
نورسين :لا مزال بغيت نقولها ليك نتا اللول
جبل : مزيان قوليها غير لمقربين ليك
نورسين : فخبارك سلمى حاملة بثلاثة ديال توائم ههه
جبل : تبارك الله
نورسين : صاحبك ما ساهلش حملها بثلاثة دقة وحدة
جبل :*بابتسامة * يعقوب تربية يدي
جبل شد فيديها و جرها و طلعوا لطوموبيل ديمارا و واد و هو يصوني ليها تيليفون ابيل فيديو من عند ربيع دوزات الخط وهو يبانلها جالس فالبرزة بنفس جلابة و كيضحك
نورسين : افين أمولاي سلطان
ربيع : واش ما عوالاش تجي ناس كلهم جاو هانتي شوفي ها رجاء حتى هي وصلات و نتي مازال عيقتي
دور ليها الكاميرا لرجاء بانتلها جالسة كتدير ليها باي باي
نورسين : رجاء مبرووك عليكم
رجاء: الله يبارك فيك أختي لهلا يخطيك
ربيع دور لكاميرا لراسو
ربيع : مامشيت حتى تزوجت هه
نورسين : تستاهل غير عنداك تنساني و ما تبقاش تسول فيا أجدر
ربيع : الالا وابعدي مني مالي ولدتك و نسيتك باركة عليك غير برج ايفل لصقي فيه
نورسين دورات تيليفون لجيهة جبل
نورسين : هاهو برج ايفل معاك شخصيا ههه
ربيع بدا يصرط فريقو
ربيع : ج...ج...جبل
جبل دور وجهو و ابتاسم و عاود دار كيشوف فطريق
جبل : ربيع مبروك عليك
ربيع : الله يبارك فيك أسي جبل لهلا يخطيك
دورات تيليفون نورسين لجيهتها
نورسين : يخليلي الادب و صواب
ربيع عاد انتابه لنورسين دايرة الحجاب بدا كيفرنس كي الهبيل
نورسين : مالك كضحك غير نتا و عضامك كيهروك ملائكتك
ربيع : مرحبا بيك معانا فالاسلام أجا معاك الحجاب واخا تعديتي عليه
نورسين : جاني زوين ياك أربيع
ربيع : اختي خفت نقولك جاك زوين و يخرجلي راجلك من تيليفون
نورسين : أ لا جبيلو ضريف
ربيع : اودي جبيلو ضريف معاك غير نتي زهري بحال زهر واحد القرد ههه
نورسين : اينا قرد ؟
ربيع : قالك هادو واحد جوج قرودة واحد عندو زهر وواحد ما عندوش الزهر ديما تيمشيوا لواحد جنان ديال البنان ياكلو منو او فاش تايجي مول الجنان تايزعزع بيهم شجرة ديما تايطيح اللي ما عندوش الزهر تايشدو و تايسلخوا بالعصا اوا يالالا واحد نهار داز القرد اللي عندو زهر عند هاداك القرد اللي ما عندوش قالو يالاه ناكلو البنان قالو انا ما نمشيش معاك انا ما عندي زهر ديما تاناكول العصا قالو هداك اللي عندو زهر غير يالاه انا نطيح فبلاصتك و ناكول العصا فعوطك مشاو فاش جا مول داك جنان وزعزع بيهم شجرة طاح هداك اللي عندو زهر او عطاه بنانة قالو نتا سير ديما كطيح و كانسلخك اليوم غانعطي العصا لهداك اللي ما عمرو طاح 😂😂
نورسين دارت كرااااخ بضحك و جبل حداه غير كيشوف فيها
نورسين : نااااري طرت اجي بعدا كاينة سلمى و يعقوب و ماما
ربيع: واكلشي كاين بقيتي غير نتي يالاه تلاحي هاهي جات العمارية غانطلع فيها و انا و فردتي رجاء
قطع عليها و حطات تيليفون حبس جبل اللوطو حدا باب دار و نزل هو و نورسين هزات راسها بانتلها الخيمة فسطح و الموسيقى مطلوقة نورسين غاطير بالفرحة حيت جات طلعات فدروج بسرعة و جبل موراها حتى وصلات لسطح لقات واحد المنظر فشلها بضحك ربيع من فوق العمارية و لابسة جلابة و دايرة طربوش أحمر و نضاضر كوحل ديال شمس فعينو و قابط الميكرو فيدو و كيغني و كلشي كيصفق
ربيع : اسيدي ربيع ياااا الوردة و عليك يطيح ندى ياااالاه كلكم معايا
الكل : اسيدي ربيع يا الوردة و عليك يطيح ندى
ربيع: أ رجاء أ القردة اشداني لشي زردة
رجاء شيرات عليه ببلغتها و كلشي دار كراخ بضحك و هوما كيشوف فهاد الهبال
ربيع : *هاز الميكروفون فيدو * قلقنا رجاء بلاتي بلاتي يالاه كلكم معايا أ ربيع أقطيب اللوز ....
نورسين : واغير بلاتي عليكم اه انا درت زيف و جبل اللي جابلي هاد الحوايج و هادا هو ستيل ديالي من هنا لفوق
فاطمة : ياو فاش كنت نقوليك ستري راسك ياو ماكنتيش تديها فكلامي حتى قالهالك جبل اوا الله يقلل حياك ابنت كرشي
نورسين : اه بغيت نقولكم واحد الحاجة
فاطمة : اوا الله يسمعنا خبار الخير
نورسين : انا حااااملة
فاطمة طلقاتها بواحد تزغريتة و كنزة و سلمى بقاو غير كيشوفو فيها
سلمى : حلفي بالله
فاطمة : ياو علاه مالها سايرة تكدب عليها شفت وجهك صفر و غير جالسة و تردي و ما عندك خاطر لماكلة ياو قولي درتيها يا بنت كرشي تعالي عنظي نعنقك
فاطمة عنقات بنتها
فاطمة : ياو الله يكمل بخير ياو عقبة لربعة و لا خمسة بغيتك تغرقيه ولاد ياو باش ما يلقا فين يتفلفت
سلمى طلقات ليها درعانها
سلمى : هاااح اجي عندي أكبيدة اجي دابا انا وياك حاملين الله الله صظفة زوينة هادي
كنزة : مبروك عليك أختي عقبة ليا حتى انا
فاطمة : ياو تزوجي بعدا هو اللول تي مالك باغا تسبقي الفرح بليلة
نورسين : غانمشي نهضر مع ربيع و نمشي لدار راني عيانة باغا نعس
فاطمة : ياو علاش تعدبتي ابنيتي كن غير بقيتي فدارك
نورسين : وا ما نقدرش ما نحضرش لربيع هانا مشيت فاطمة : ياو غير بشوية عليك ابنيتي الله يحفظك و يحجبك من العين سيري الله ينقي طريقك من الشوك
ناضت نورسين غير بشوية عليها دورات وجهها بانلها جبل جالس حاضيها من البعيد ابتاسمت ليه و تقدمات بخطوات مسرعة و وقفات على ربيع
نورسين :مبروك أ جدر
ربيع : اهلن اهلن بزين د العالم الله يبارك فيك و اخيرا وصلتي
نورسين : راني جيت غير نبارك ليك و نمشي
رجاء: علاش جلسوا معانا نتي و خويا جبل عفاك
نورسين : ما نقدرش احبيبة راني عيانة
ربيع : علاش مالك فاتحة على الكلاوي
رجاء: الله ينجيها مسكينة
نورسين : *بابتسامة * حاملة
ربيع حل عينو على وسعهم و شاف فيها
ربيع : أخطينا من الزعت
نورسين : وراني كنهضر معاك من نيتي ياء و الله حتى حاملة
رجاء: اووو مبروك عليك اختي فرحت ليك تستاهلي
نورسين : الله يبارك فيك احبيبة لهلا يخطيك
ربيع : بشااااخ دابا نتي ولات الجنة تحت رجليك ناري ما قادرش نتيق
نورسين : اوا لهلا فين تيق
ربيع ضحك و عنقها
ربيع : تشا راه برب الا فرحت ليك أ الخوادرية سلمي ليا على برج ايفل اجي بعدا شفتك كاع ما جبتي ليا الكادو
نورسين : وماشي دابا دابا نجيبو ليك
ربيع : عنداك يزغبك الله و تجيبيلي شي طباسل ديال طوس و لا الكيسان د العنبة نخركهم ليك على كمارتك
نورسين :هههه ما تخافش اجي بعدا تصالحتي مع باك
ربيع :*أشار ليها بصبعو * شفتي داك راجل اللي جالس كيشطح تماك داك بو جلابة
نورسين : اه
ربيع : و هداك هو الواليد منين جا وهو يشطح انا شاك فخالتي فاطمة دارتلو المعجون فزميطة
نورسين: كي درتي حتى تصالحتي معاه
ربيع : جبل اللي مشا هدر معاه
نورسين دورات وجهها وشافت فيه و صدمة واضحة على ملاميحها بشكل كبير
نورسين :كيفاش ؟؟؟
ربيع : داك جبل حق الرب الا رجولة عقلتي فاش عطاني نسير شركة ديالو
نورسين : وي
ربيع: مشا حتى لدارنا و هدر مع الواليد و مع بابا كيحماق على جبل حيت عارفو رجل اعمال كبير و من ديما كان باغي يخدم معاه دغيا سمع ليه و فرح حيت مشا عندو تصدم فلول و لكن جلس معاه و قالو بلي ربيع ولدك وصل لمناصب عليا و تخلى على الغنا و كدا المهم غمق عليه بالهضرة كنت واحد نهار جالس فالبيرو حتى جا لعندي و بدا كيهدر معايا و تصالحنا و قالي ها السخط ها الرضا الا وليتي كتغني
نورسين : ههه و الله ما توقعت جبل لي غايصالحكم
ربيع : شتي داك راجل حلوة عنداك تفرطي فيه مصاب يطلعوا ولادو كيشبهو ليه
نورسين : ياك أ الكيدار و انا كي جيتيك
ربيع : اودي غزالة خاصك غي الغرون راه جبل كيشير ليك تكلمي ليه يالاه تلاحي نتلاقاو انشاء الله و تهلاي فالبيبي
نورسين :باي باي
مشات نورسين عند جبل و جرها من يديها و هبطوا فدروج غير بشوية حتى وصلو للوطو و حل ليها الباب
و دخلات و دخل حتى هو و ديمارا و زاد عم صمت لدقائق حتى قالت نورسين
نورسين : جبل وقف
جبل حبس اللوطو و شاف فيها مخلوع
جبل: واش بغيتي شي حاجة ؟كضرك شي حاجة ؟ مالك جاااوبي انورسين
نورسين : *دلات شنايفها * بغيت لغلاص و دانون و الفريز
جبل رد راسو اللور كيضحك
جبل: بغيتي هادشي كامل دقة وحدة
نورسين :و راه بنتك و لا ولدك اللي بغا ماشي انا ياء
بعد عدة دقائق
كانت نورسين و جبل تحت من واحد شجرة د الليلك و السماء السوداء من فوق منهم و غير القمر و النجوم و غير هوما اللي جالسين فديك البلاصة اصلن كانت الوحدة د الليل حتى واحد ما كيدور فزنقة كانت نورسين قابطة فيديها لغلاص ديال الفريز كتبنن عليه و حاطة راسها على كتف جبل
نورسين : هاااح دابا هنا فين تلاقينا اول مرة
جبل ابتاسم و تنهد و قال
جبل :هنا تلاقينا و كان أجمل نهار اكثر من عشرين عام دازت على ديك دكرى و هاحنا دابا جالسين تحت نفس شجرة و مزوجين من الفوق و قريب يجينا ولد و لا بنت الاقدار و الصدف زوينين بزاف
جبل: قصتي انا وياك إستثنائية كنظن ما كاينش شي حد يقدر يعيش بحالها
داز واحد الشهاب فسما شافتو نورسين و بدات تصفق بيديها
نورسين : كيقولك الا داز شهاب و طلبتي امنية كتحقق
جبل :الامنية اللي طول حياتي و انا نتمناها هاهي قدامي الحمد الله ما بقيت باغي والو من هاد دنيا من غيرك املاكي طاهر
نورسين هزات راسها و شافت فيه و حطات نيفها على نيفو و قالت بهمس
نورسين : كنبغيك دبدوبي💓
جبل: فيك انا نموت و نحيا My angel 😍😍
♤♤♤♤♤♤♤♤♤♤
إلى أول يوم إلتقيتك فيه
عرفت يومها أنك من النساء اللواتي لايأتين في العمر مرتين
كنت مصابا بك كمرض لا أريد أن أشفى منه
و كل يوم أريد أن أمرض بك أكثر
بعد مرور أربعة أشهر
فجردة ديال موسيو جبل الابراهيمي كان مكتوب فواحد لافتة فالابيض Boy or girl (بنت او ولد) وواحد الطبيلة فالابيض فالوسط عامرة بالبالونات و فيها جوج ديال ليطارط واحدة مزينة بالوردي و لوخرى مزينة بالازرق و فطبلة اخرى دايرين واحد الطابلو و ملصقين فيه تيشورت فالابيض ديال الاطفال وحاطين حداه ليماركور باش اللي بغا يكتب شي حاجة لبيبي جديد ديالهم كانو بزاف ديال الاشخاص من بينهم المسؤولين الكبار اللي خدامين مع جبل فالشركة مع عيالاتهم ووليداتهم و بعض صديقات نورسين و الجد عبد المالك و الجدة ياسمين و جوهرة و رشيد اللي حتى هوما تزوجوا فالفيرمة ديالهم كان ربيع و رجاء و محمد و فاطمة كلهم واقفين فديك جردة كيهدروا مع بعضياتهم كينتاضرو نورسين و جبل و سلمى و يعقوب يخرجوا باش يعرفوا جنس الجنين اللي عندهم بجوج
كان جبل و نورسين و سلمى و يعقوب لداخل كيشوفو فبعضياتهم و يضحكوا نورسين كانت حاطة راسها على كتف جبل و كتبتاسم لابسة قفيطن فالغري جايها غزال مع درة فنفس اللون و دايرة ليها لفة تركية جات مع وجهها وصابغة صفيراناتها بالاسود و لابسة صبيبيط ديال طالون فالاسود و حداها جبل لابس كوستيم فالازرق و لحيتو مقاد و ريحة عطرو كتشم على بعد اميال نورسين هزات راسها من على كتفو و شافت فسلمى
نورسين : دابا انا عندي ولد ولا بنت عفااااك قوليليI'm excited
سلمى كانت مقابلة معاها لابسة كسيوة حد ركابي نص فيها وردي و نص لاخور فالازرق و كريشتها كبيرة عكس نورسين اللي مازال مابدات تبان مزيان حداها يعقوب لابس سروال فالكحل مع تيشورت حتى هو نصو وردي و نصو زرق
سلمى : و حتى انا باغا نعرف شنو عندي واش و لاد و لا بنات او هوما معا
جبل جر نورسين من نيفها و قال
جبل: نتي اللي بغيتي ديري هادشي كامل كان بامكانا نعرفوا شنو عندنا من شحال هادي ما فهمتش انا هادشي اللي كديروا
يعقوب: و داكشي اللي ما بغاش يتفهم ليا هاد العيالات عندهم شي افكار العفو لله
نورسين ساطت بغضب و شافت فجبل و عاودات شافت فيعقوب و قالت
نورسين : ماشي شغلي هاد الحفل اللي دايرين عندو قيمة كبيرة بالنسبة ليا مالكم معقدين بحال هاكا راه هادشي كانديروه باش يبقا لينا دكرى زوينة
مشات نورسين حداها و عنقو بعضياتهم و يعقوب و جبل كيشوفو فيهم بقلة حيلة ربي سلط عليهم جوج حمقات دخل ربيع عندهم
ربيع : وااااشرفة توما فوقاش عوالين تخرجوا من صباح و حنا نساينوكم تبانو توما فين غابرين
نورسين : ها حنا جايين
ربيع : دابا ما فهمتش الا نتوما كنتوا عارفين شنو عندكم لاش مضيعين الفلوس فهاد الحفل
نورسين : يااااربي صبر انا نفهملك نهار مشينا عند طبيبة باش نعرفوا الجنس د البيبي ديت معايا سلمى و قلت لطبيبة ما تقوليش شنو عندي تقولها غير لسلمى و سلمى كدلك دارت نفس القضية
ربيع : دابا سلمى عارفة شنو عندك و نتي عارفة شنو عند سلمى و مخبيين على بعضياتكم
يعقوب:اوا هانتي تشوفي اربيعة هاد الافكار د الحماق
ربيع : و الله حتى مسااالين قبكم بالله و لكن فكرة زوينة غانديرها انا و رجاء نهار تحمل
يعقوب : قاسوك بالحماق حتى نتا
جبل طيلة هاد المدة اللي كان ساكت فيهم كان حاضي نورسين اللي كانت باينة فيها مقلقة حيت ما مقدرينش هادشي اللي كدير تقدم عندها بخطوات بطيئة و جرها لعندو و باس راسها و قال
جبل: انا فرحان اللي درتي هاد الفكرة الزوينة ما تصوريش شحال فرحان و متحمس نعرف شنو جنس الجنين اللي كاين هنا *حط يديه على كرشها * واخا صراحة ما كيهمش سوا ولد سوا بنت انا الاهم عندي يكون بصحة مزيانة و يتزاد فالاسلام هادا هو أكبر ربح عندي و من هادشي كامل صحتك اهم عندي فهادشي كامل غير تكوني فرحانة
نورسين عنقاتو بجهد و بعدات و حطات راسها على صدرو
نورسين :جبيلو ديالي ماكاينش اللي كيفهمني قدك
و الله
يعقوب: امم مزينكم ما تجمعتوا حتى شيبتونا
سلمى : هاااح دازت عليكم صراحة
نورسين : الماضي فات و مات اولا
ربيع :واااهي العالي واش نتوما عاد جاكم تفكروا الايااام راه كلشي كيساين توما طلقونا
بعد عدة دقائق
كانت واقفة نورسين مع جبل ومن فوق منهم واحد البالون كحلة و من جيهة لوخرى كانت واقفة سلمى مع يعقوب و من فوق منهم ثلاثة ديال البالونات فالكحل اتافقوا باش يبدا سلمى ويعقوب هوما اللوالة شدوا ثلاثة د الابرات و طرطقهم دقة وحدة خرجوا كااملين فلون الازرق يعني سلمى حاملة بثلاثة ديال التوائم اولاد يعقوب غوت و عنق سلمى و كلشي بدا كيصفق ليهم سلمى بقا فيها الحال و دلات شنايفها
سلمى :كنت باغا بنيتة على الاقل
يعقوب : عندي ثلااااثة د سبوعة غايكون كيشبوهو لباباهم اللي هو انا هههه غانطير بالفرحة
سلمى : امم دابا نتا وولادك غاتحماو عليا اووف
جات نوبة ديال جبل و نورسين اهم مرحلة كانو كينتاضروها هي هادي باش يعرفوا جنس البيبي اللي عند نورسين فكرشها لحظة صمت كانت فالمكان كان الجميع كاينتاضر يعرف شنو عندهم نورسين كانو هازين البالون فيديهم بجوج و كيشوفو فبعضياتهم بكل حب و دقات قلبهم كيتسارعوا كلما كيقربوا الابرة باش يطرطقو ديك البالونة سوداء
ربيع : 1 2 3...
طرطقات نفاخة و بان اللون اللي كولو أنوثة و رقة و نعومة اللون الوردي اللي ما كانتش متوقعة نورسين بتاتا بلي غاتلقاه عكس جبل اللي بقا غير مصدوم تعالات تصفيقات و زغاريت و جبل مازال ما مستوعبش بلي عندو بنيتة حس بالارض مشات و جات واش هو فالواقع و لا فالخيال ما قدراش يهدر خلا دمعة تنزل من عينيه اللي كتعبر على مدى سعادتو جر نورسين من يديها حتى ضربات فصدرو و عنقها بقوة و هزها من الارض و همس فودنيها
جبل : شكرا على كلشي
بعد عليها و سجد بقوة الفرح نورسين بقات غير كتشوف فيه و الحضور كاملين ما كانوش متوقعين بلي ردة فعلو غاتكون بحال هاكا و غايفرح حتى لهاد الدرجة حيت معروف بلي الاب كيبغي الولد على البنت ناض ووقف و جا عندو يعقوب عنقو عناق رجولي و بعد جا كلشي كيبارك سلمى و يعقوب قسمو لطارط اللي فيها اللون الازرق و جبل و نورسين قسموا لطارط اللي فيها اللون الوردي
بعد مرور عدة ساعات
كلشي مشا بحالو نورسين لبسات غير سروال مخطط مع ديباردور فالاسود و طلقات شعرها كانت كتطيش فالارجوحة ديال جردة و سهات بيها داكرتها لدكرياتها مع جبل كتبقى تبتاسم غير هي و راسها فاش كتدكر شنو دار على قبلها و شحال كيحماق عليها سهات فالفراغ و سرحات بيها داكرتها لنهار اعتارف ليها من فوق جرف
🔙🔙🔙🔙 فلاش باك
جبل : حبسييييييي أنورسين حبسيييييي عفااااااااك نتي الا عيييتي انا شنووو نقووول انا شنووووو نقول العداااااب اللي كنحس بيه ماااااكيحس بيه حتى وااااحد كنحس براسي غنتسطااااا غنحمااااااق كنموت فنهار ميات ألف مرة حياااااتي ما بقيتش كنقدر نتحكم فيهاااااا شكوووون نتيييي علاااااش دخلتي لحياتييييي شنووووو دنبي انا شنووووو دنبي كلشي فيا كيعيط بسميييتك شنووو درتي فيااااا وااااش هاد اللعنة ما بغاتش تحيد واااااااش هادشي ما غاديش يحبس لمسسسة منك كدوبني همسة منك كتخليييني نسا سميتي ما بقييييتش عارف شكووووون انا معاااااك كنسا العاااااالم أنوووووورسين حتى لامتى ربييييي غادي يرحمني و يعفو عليا من هاد العداب
نورسين بقات غير مصدومة و كتشوف فيه واش هو كان كيبغيها حتى لهاد درجة وهي ما عارفاش حسات براسها بلي أكبر غبية على وجه الكرة الارضية حطات يديها على فمها و دموع من عينيها نازلين شلال جبل قرب ليها و حط يديها على قلبو
جبل : مااا تضحكيش كنغير ماااا تلبسيش زوين حيت كنبغي نتسطا بالغيرة ماشي لخاطري ماشي لخاطري ما تكتريش من عطرك حيت ما بغيت حتى واحد يشمو من غيري انا بوحدي اللي عندي الحق فيك انا بوحدي ما تبقايش توركي على شنايفك و نتي كتهضري حيت كنحبس راسي غير بزز باش ما نتلاحش و نبوسك وفااااش كتهضري بالهمس قلبي كيبغي يوقف و لحمي كيتشوك و داتي كتبورش كااااملة وفاش كتردي شعرك لجنب كتولي مثيرة لدرجة كبييييرة غادي تقولي عليا حمق مسطي هبيل مريض اه اه انا مريض و اكبر مريض على وجه الكرة الارضية بيييييك انورسين كنحس بقلبي ثقيل علياااااا ونتي سباب نتي سباب
نورسين جاها شلال نصفي بهضرتو الكلام ما بقاتش قدات تخرجوا لسانها تربط و عقلها توقف غير قلبها اللي كيضرب بقوة ودموع كينزلو من عينيها
جبل حط يدو على خصرها و جرها لعندو و حط جبهتو على جبهتها
جبل: حبسي دموعك كيزيدو يثيروني من جيهتك كلشي فيك زوين و رائع ما نقدرش نوصفوا بالكلمات معمرك غادي تقدري تحسي بولو شوية من داكشي اللي كنحس بيه جيهتك أنورسين كل جزءمن ثانية كنتقاتل مع نفسي باش ما نقيسكش و باش ما نكتاشفش جسمك اللي كيهبلني و كيسطيني تصوري ا نورسين انا حافظ كل انش فجسمك ما كاينش نهار اللي ما نتخايلكش فيه نعاس ما كيزورنيش فاش كتكوني بعيدة عليا الليل كامل كنحلم بيك نتي لابسة فستان فالابيض و هازة بنتنا اللي باغيها تشبهك فتفاصيلك كلها نيفك خدودوك شنيفاتك شعرك اللي كان مبوكل كا نحماق عليك و كنبغيك و كنموت على تراب اللي كتمشي عليه انورسين
🔚🔚🔚🔚 نهاية الفلاش باك
لقات دموعها نازلين و الابتسامة مرسومة على شفايفها حطات يديها على كرشها وقالت
نورسين : كيفما باباك كيبغيني غادي يحماق عليك حتى نتي عارفاك كتحسي بيا و كتعرفي شنو كنقول ماكاينش اللي غادي يبغيك فهاد دنيا قد باباك ابنتي انا متأكدة باباك غايعيشك اميرة الاميرات باباك ابنتي اروع حاجة وقعات ليا فحياتي باباك ربى ماماك قبل منك احبيبة و انا متأكدة غادي يربيك أحسن تربية و غادي يبغيك.بزاف غادي تكون بلاصتك كبيرة فقلبو بحال ماماك و ما عمرو غادي يخلي شي حد يقرب ليك انا و باباك غادي نعيشوك داكشي كامل اللي تحرمنا منو غانحميوك من كلشي و الا وقف العالم كولو ضدك غاتلقاي باباك و ماماك واقفين فصفك و كيحاربوا العالم على قبلك نتمنى باباك ما يبغيكش اكثر مني حيت ماماك مغيااارة أ الخنفوسة ديالي سمعتيني هههه
حسات بشفايف باردين تحطوا فوق جبينها غمضات عينيها و عاودت حلاتهم
نورسين : جبيلو جيتي
جبل تقدم بخطوات بطيئة و جلس على ركابيه اونفاص ليها و حط راسو على كرشها
جبل : علاش جالسة هنا بوحدك ابنت قلبي
نورسين : بغيت نشم الهوا نتا كنتي كتكتب و ما بغيتش نزعجك بقيت جالسة كنهدر مع بنتي هه
جبل هز راسو و شاف فنورسين و حط يدو على خدها و قال
جبل :و اخيرا الحلم تحقق وغادي تولدي بنيتة عرفت ربي ما غايخيبنيش دوك سنين اللي كنت ندعي فيهم ما مشاوش هباء منثورا
نورسين حطات يديها على لحيتو و ضحكات و قالت
نورسين : فرحان ؟؟
جبل: معايا بناتي بجوج و ما نفرحش كي درتي ليها
نورسين : امم سعداتك نتا اللي غاتسميها
جبل جرها من خداها و ابتاسم
جبل: بقا فيك الحال ابنتي
نورسين : لا قالتلي سلمى انا اللي غانسمي واحد من ولادها علاش غايبقا فيا الحال شنو هو هاد الاسم الميميز اللي غاتسميها لبنتنا
جبل :*بابتسامة * كِنْدَة (kinda ) { بكسر الكاف}
نورسين :كيفاش اش هاد الاسم العجيب الغريب ههه
جبل : هاد الاسم مميز بزاف كيشبه لسميتي
نورسين : ممكن توضح أكثر
جبل: كِندة اسم جميل لقيتو بصدفة واحد نهار فواحد الكتاب هو مشهور فلبنان كيسميوه بزاف والا قلبتي فالمعجم على معناه غاتلقايه كيعني قطعة من الجبل و بما ان بنتي قطعة مني و انا سميتي جبل فغايكون اروع اسم ليها و غايجي معاها
نورسين صفقات عليه
نورسين :واو عندك شي افكار رائعة كِندة و الله حتى اسم واااعر و جاي مميز ناري دابا هانتا نتا سميتك جبل و انا نورسين كتعني ضوء القمر و بنتنا كِندة كتعني قطعة من الجبل و عندنا شي اسماء عجيبة غريبة ههه
جبل : احسن حاجة دارتها الحاجة هي سماتك على سمية الواليدة الله يرحمها
نورسين : وييه و الله حتى صدفة واعرة فخبارك بلي بابا كان باغي يسميني حجيبة هههه ناري كنتفكرها كاتشدني سخفة و لكن ماما وقفات ليه فالحلق قالتلو والو من سمية نورسين نخلاق و راه ما بغاوش يقبلو سميتي فالحالة المدنية و لاد اللدينة حتى دور معاهم و كدا و بقا طالع هابط عاد قبلو سميتي و زيد عليها كانو معقديني فالقسم كايصحابلهم نورسين كنيتي زعما سميتي كانت دايرة ليا مشاكل كثيرة ههه
جبل : و انتي شنو باغا تسمي ولد سلمى
نورسين : قيصر
جبل طلع حاجب و هبط لاخور
جبل : شكون قيصر؟ منين جبتي هاد السمية
نورسين : و قيصر كتعني امبراطور هو اسم ألماني
جبل :قيصر و كندة أسماء جايين مع بعضياتهم
نورسين بان ليها واحد الشهاب داز فسما هزات راسها و ابتاسمت و شافت فيه جبل وقف و جلس حداها و حط جبينو على جبينها و حط يدو على كرشها و غمضو عويناتهم بجوج و عم صمت رهيب حتى بدات كتغني نورسين بصوت جميل واحد الاغنية اللي كلماتها كيعبروا على مشاعرها إتجاه جبل و كتوصف أحاسيسها ليها بطريقة جميلة
نورسين : بغييت نقوليك شحااال من كلمة بغيت نغنليك شحال من نغمة بغييتك تشوف دااتك فقلبي و ترتاح بغيت نشهد ليك و نقول شحاال تنبغيك معاك عشت و حلمت و تمنيت و حققت و مزاااال بغيت نطوف و نشوف معاك بلدان و بحور رفع راسي و جبااااااال اليوم هاااني واقفة فاتحة روحي ليك اليوووم هاني و كل ما فيا هديتو ليك دعييت لربي يكمل ليك كل ما تتمناه تمنيت و يمكن نقرب ليك ما نتسناك معاك غنيت و شطحت و ضحكت و بكيت و لعبت و مزااال بغيت نحس بنور و نحيي الروح و نريح البال اليوم هاني واقفة فاتحة روحي ليك اليوم هاني و كل ما فيا هديتو ليك حبيت نور اللي ساكنة في عينيك حليت كتاب مكتابي و كتبت حروف سميتك نتا فيه اليوم هاني واقفة فاتحة روحي ليك اليوم هاني و كل ما فيا هديتو ليك
نورسين كملات الاغنية و جبل حل عينيه و شاف فيها لقا الدمعة نازلة من عينيها
نورسين : غير هاد الاغنية اللي كايجي فيها صوتي زوين ههه
جبل : صوتك جا بحال المغنية الاصلية
نورسين : ياس ام الغيث عندها واحد الستايل فصوتها واعر و خصوصا هاد الاغنية كتعجبني بزاف و زيد كلماتها كيعبروا على حبي ليك
جبل مرر يدو على شعرها و قال
جبل : الكلمات ديال دنيا كلها ما قدراش توصف مقدار حبنا لبعضياتنا
♤♤♤♤♤♤♤♤
كم أنت رائع أيها الرجل عندما تدرك ضعف إمرأتك كما تعلم قوتك و تحتوي وهدا الضعف و تجعل صدرك وسادتها و تجعلها تتخد من قلبك مخبأ لها و بين ذراعيك مخبأ لها و بين دراعيك دنيا تخشى الخروج منها وينكم مودة و رحمة تظل دائما أقوى من كلمة أحبك 😍😍😍
♤♤♤♤♤♤♤♤
بعد مرور خمس أشهر
الكريشة ديال لالة نورسين كبرات واخا طيلة هاد المدة حمقات جبيلو ديما كتنوضوا مع الوحدة د الليل عاد كتجيها تشهى عليها كانت فترة وحمها صعيبة ديما كتقيا و ناعسة لدلك جبل دخلها لاحدى الدروس الخاصة ديال اليوغا الخاصة بالحوامل
حلات نورسين الباب و دخلات للفيلا كانت لابسة كيطمة ديال أديداس فالاسود و دايرة حجاب معاها فنفس اللون كان الموت د صهد غير دخلات حيداتو وتطلق شعرها الحريري اللي ولا طويل على قبل حيدات الفوقاني د الكيطمة بقات غير بواحد السوتيان ديال تلرياضة و مرسومة فيه نايك فجنب و بانت كريشتها اللي ولات سابقها دخلات لداخل لقات جبل جالس كيتفرج فاحدى برامج السياسة عاد جا من الخدمة
حس بيها و دور وجهو لقاها جاية لجيهتو ابتاسم ليها و مشات جلسات حداه حاسة براسها سخفانة و خصوصا قرب شهرها و مع كانت برا و الموت د الحرارة قهراتها
جبل: عييتي أحبيبي
نورسين : اووف وابزاف و لكن صراحة داك اليوغا كترتحني شوية ما نكدبش عليك اليوم عطاونا دروس على كيفاش نتعاملو مع البيبي و كيفاش ندوشو ليه و داك تخربيق
جبل حط يدو على كرشها و بقات كضحك معاه
جبل : بنتي كتعدبك واقيلة
نورسين : اودي الله يسمح لينا من الواليدين و خلاص ...
حسات بواحد الركلة فكرشها وهي تقفز من بلاصتها ما عرفات تضحك ما عرفات تبكي
جبل كيحس بقلبو كيضرب بسرعة و هو كيشوف فكرشها فاش ركلاتها كان حاط يدو و حس بيها حتى
جبل : بنتي حاولي على ماماك غير هي اللي عندي
شاف فنورسين باسف
جبل : واش كتقصحك ؟
نورسين حطات راسو على صدرها و ضحكات
نورسين: عادي احبيبي واخا تقصحني و دير اللي دارت كتبقى بنتي و ما نقولش اح غير تزاد بصحيحة مزيانة هادا ماكان هانا غادي نطلع لفوق نبدل حوايجي
جبل :نوجد ليك شي حاجة
نورسين : لا بلاش كليت فزنقة انا و سلمى هانا مشيت
وقفات بالمساعدة ديال جبل طبعا
جبل: نعاونك باش تلبسي حوايجك ولا ندوش ليك باش ترتاحي
نورسين :ههه وا صاحبي راه قادرة ندير كلشي راسي بلا ما تشوش راسك هانا مشيت
طلعات بتثاقل فدروج حتى وصلات لبسات واحد البيجامة حد الفخيضات فالغرونة و مشات تكات فوق الناموسية هزات تيليفونها كتشوف اخر الحويجات اللي خرجوا لبنيتات حتى قنطات و طفات تيليفون و حطاتو فوق الطبلة و رجعات راسها اللور و طاحت عليها فكرة جهنمية مشات حلات الباب و مشات لغرفة ديال بنتها حلاتها كانت غرفة باللون الوردي و الابيض و كلها العاب و دميات و مكتوب فالحيط بخط دهبي kinda
هزات دمية منها و خرجات مشات لبيتها و حلات الباب و تكات فوق الناموسية و بدات تغوت بربي اللي خلقها
نورسين : واااااجبل اهئ اهئ جببببببل واااااااكنولد جبببببببل عاااااوني جبل
جبل كان مسكين لتحت جالس كيتفرج حتى سمعها كتغوت بالخلعة طاح لارض و ناض و طلع كيطير لعندها فدروج دخل لبيت و جلس حداها وجهو صفر و كولو كيترعد و نورسين كتنهج و تغوت
نورسين : هههه ويلي وجهك وليت صفر أ حبيبي مازال ما غانولد غير تهنا
بعد مرور أسبوع
كانت جالسة نورسين مع جبل فالسيجور وجبل كيقطع ليها فالفواكه و هي كتحشي ففمها
نورسين : ما نعرفش شكون اللي غايولد اللول واش انا ولا سلمى
جبل: انا اللي غانولد بسبابك شي نهار
نورسين : هههه ناري حمقتك سمحلي ازين ديالي
جبل: مابقيتش كانعس كنتسنا غير فوقاش طل علينا ديك الاميرة صغيرة اللي ما بغاتش تخرج
نورسين : ههه بنتي كتحشم بحال ماماها
حسات بتيليفون كيصوني ناض جبل و عطاه ليها
نورسين : الو ماما
فاطمة : ياو كي بقيتي ابنيتي مع الخفة امدرا ماكتحسي بحتى حريق
نورسين :هاد ساعة لا
فاطمة : ياو راه قالتلك طبيبة اليوم تولدي راني موجدة ليك حويجات البنيتة و كلشي و الله يا بنيتي ما كيديني نعاس كنقيل حاضية تيليفون لاتمشي تولدي
نورسين : اودي لهلا يخطيك و خلاص أ الواليدة ما تخافيش جبل معايا
فاطمة : ياو تصبحي بخير
قطعات نورسين و حطات تيليفون و بقاو كيتفرجوا هي و جبل فتلفازة نورسين كانت متكية من فوق الفوتوي و جبل حداها حتى كتحس بشي حريق كيضرب فجنابها ناضت و بقات جالسة كتعض فشنايفها
نورسين : ج...جبل ااااااي ج..جبل الحريق اممم
جبل تفافا مسكين وقف وبقا كيشوف فيها بحال ضربتيه بتصرفيقة
نورسين : ااااااااي جبل واااا كنولد واااا الحريق ااااي
جبل وقف و مشا كيجري هز السوارت ديال الطوموبيل و التيليفون و مشا خارج
نورسين :واااافين نسيتيني جبببببل
جبل مشا عندها وعاونها توقف
جبل:لا ما نسيتكش احبيبة غير بشوية عليك عفاك
نورسين : ااااي جبل غير بشوية عليك عفااااك ما تخلعش غير ولادة عاااادية
جبل : عنداك توقعليك شي حاجة نمشي فيها
نورسين : واااسربي راسك اجبل راه كنموت
عاونها حتى وصلو لطوموبيل و ديمارا و بقا غادي غير بشوية و هي كتوجع حداه و كتغوت بربي اللي خلقها نورسين : وااااااا جبل نهار اللي خاصك تسربي غادي بشوية واااااع اجبل كنموت
جبل: واخا غير بشوية تنفسي تنفسي
وصلو لسبيطار و نزلها شافوه جابو ليه الكرسي المتحرك جلسات فيه و دخلوها بسرعة و هو غادي معاها حتى وصلوها لبلوك وقبطات فيدو
نورسين : جببببل ااااي دخل معايا
شاف فطبيبة و سمحات ليه بالدخول بعدما لبسوه حتى هو لباس واقي من الجراثيم بدلو ليها حوايجها و ضربو ليها شي شوكات و هي غير كتبكي بالحريق و جبل حداها كيبكي معاها طبيبة ضحكوها حيت كتعرفهم مزيان من ديما كانو متبعين معاها
نورسين : جبل الحريق اهئ اهئ
جبل : غير صبري ابنتي قريب ما بقا والو
نورسين : م...ماما عيطتي ليها
جبل: راه كلهم برا كيساينو ما تفكري فحتي فحاجة دابا
كيبوسها فوجهها و يديها كيحاول يكالميها حتى صافي حسات بلي الوقت قرب تكات و بدات تزحم و كتغوت بربي اللي خلقها و جبل عطاها يديها كتعضها و تعاود باش هاكا كيتقاسموا الالم
بعد عدة دقائق تسمع صوت طفلة كتغوت و حطوها ليها على صدرها نورسين داك الحريق كامل اللي كانت كتحس بيه اختفى بمجرد ما سمعات صوت بنتها دموع بداو كينهامروا بطريقة عجيبة و لكن ماشي دموع الالم و انما دموع الفرح اما جبل تسمك و قلبو كيضارب بسرعة و هو كيشوف قطعة منو خرجات لدنيا بقا غير مصدوم و دموع كينهامروا حط راسو على راس نورسين و قرب و باس راس بنتو احساس رائع ما يقدرش يتوصف
بعد مرور خمس سنوات
ما أقسى سنوات العمر تمضى بنا مسرعة كالقطار وأحياناً بطيئة كالسلحفاة ...
فأحياناً تسعدنا ، وأحياناً ترهقنا ، وهكذا تمضى بنا الحياة ما بين سعادة وشقاء ، وحزن وفرح ، وأمل وألم ، ولقاء وفراق فما أقساها الأيام ...
دازت خمس سنوات وقعوا فيها العديد من التغيرات منهم ان الجد و الجدة ماتو و ربيع و رجاء استقاروا فكندا حيت ربيع قرر ينشئ مقاولة خاصة بيه تماك اما محمد و فاطمة كل عام كيمشيوا يديروا عمرة و كنزة و فهد استقروا ففرنسا مع لامار بنتهم
تحت احدى أشجار ليلك كانت جالسة نورسين اللي بان فيه نضج بطريقة رهيبة وولات كدير نضيضرات طبية و قطعات شعرها كاري ربما هاد سنوات اللي مرت تعلمات ربما الامومة خلاتها تكون واعية و متحضرة و كضرب الحساب على قبل باقا بنفس نضراتها البريئة و بنفس مرحها المعتاد و لكن الحاجة جديدة كانت جالسة معاها بنيتة فنفس لون سمارها و شعرها المبوكل كانها نسخة مصغرة على نورسين و لكن ملاميحها غير باباها جبل كانت نورسين هازة كتاب فيديها كيحمل عنوان 《هوسي انت يا حبيبتي💓》 غلقات الكتاب و حيدات نضراتها طبية و شافت فبنتها اللي كانت كتشوف فيها بتمعن كبير
نورسين : هاكا كنكونو سالينا القصة ديالي انا و باباك
تسمع واحد الصوت اللي ما غريبش على مساميع نورسين الصوت اللي كيحسسها بالامان
جبل:كِندة وقفي
كندة وقفات جرى و دارت شافت فباباها و مشات كتجري تعلقات فيها
كندة : باباتي توحشتك
هزها من الارض و عنقها عندو
جبل: شحال من مرة كنقولك ما تعصبيش ماماك و سمعي هدرتها
نورسين قربات ليهم و مشات عنقات جبل و باستو فخدو
نورسين : جبيلو مبروووك عليك
جبل حط بنتو لارض و جرها من خصرها لعندو و باسها فعنقها و هي حطات يديها على صدرو كدفعو
نورسين : جبل حشومة بنتك كتشوف
جبل: مبروووك علينا كاااملين
نورسين حطات نيفها على نيفو وقالت
نورسين : تباعت أكثر من مليون نسخة منو فالعالم وااااو انجاز عظيم كلشي كيهدر عليه
جبل : هوسي انت ياحبيبتي 💓
سمعوا الدقان فالباب مشات نورسين دخلات حلات الباب لقات يعقوب مع سلمى و حداهم مستفين ثلاثة ديال دراري
نورسين : مرحباااا بيكم
دوك الاولاد بثلاثة عنقوها
يعقوب: وااغير بشوية عليكم اميمتي على عفارت اشداني لشي ولاد
سلمى كانت حاملة من بدا و جديد مازال كيفما هي ما مبدل فيها والو من غير يعقوب اللي بانو بعض حبات شيب فلحيتو
سلمى : مازال واحد جاي فطريق وجد راسك
نورسين :ههه الله يجيبو على خير دخلوا بعدا
يعقوب : جابر نادر قيصر
ولادو دارو عندو دقة وحدة مهبطين عينيهم كانو كلهم تقادة وحدة جابر فوطوكوبي على باباه اما نادر فطوكوبي على ماماه اما قيصر خرج كيشبه لجبل بزاااف و خصوصا عينيه
مشاو كلهم دخلوا كيتجاراو كيشوفو شكون اللي غايسبق يوصل ليها الا قيصر اللي كان كلامو قليل و ماكيتعاندش معاهم طفل من بين الاطفال الهادئين و دكيين لقاو كندة مع جبل كتلعب معاه مشاو كيطيروا عندها عندهم عزيزة بزااف و حتى هي كتحماق عليهم ما عندهاش غير مع قيصر اللي ديما كيسبقها و كيجي اللول فالقسم و هادشي اللي مسبب عداوة ما بيناتهم
كندة :امم واشوف فيا نتا
قيصر هز عويناتو شاف فيها و ضحك و بعد جلس تحت شجرة د الليلك و جبد واحد الفردي د الالعاب كيلعب بيه غير هو و عضامو
نورسين و جبل و يعقوب و سلمى جلسوا من فوق واحد الطبلة بقاو كيهدروا محتافلين بالنجاح اللي حققوا جبل نشطوا و كلاو مر الوقت بسرعة و مشات يعقوب و سلمى بحالهم و مشات نورسين و جبل جلسوا تحت من شجرة ليلك شافت نورسين فجبل وحتى هو شاف فيها وعم صمت للحظات حتى قال جبل بهمس
جبل: ملاكي طاهر ههههه
نورسين : دبدوبي هههههه
حسوا باوراق الليلك كتساقط عليهم بغزراة هزوا بجوج راسهم و شافو فديك شجرة و بقاو كيضحكوا نورسين قربات ليه و حطات نيفها على نيفو و قالت
نورسين : انا السمراء الوحيدة في حياتك و كلي اللواتي يأتون بعدي لالون لهم
جبل: اي قلب سأحبه كحبك بل اي حب سيكتمل بدونك فالعمر انت كتبك الله في قلبي و بك الحب يكتمل و لا حبيب الا انتي💓💓💓
عنقاتهم كندة من اللور و قالت بهمس فودنيهم
كندة : هوسي انت ياحبيبتي هههه
جبل جرها لعندو و بدا كيهرها و هي كتهز بضحك و نورسين كتشوف فيهم بحب كبير هز راسو شاف فيها و قال
جبل نورسين الجزء 26 والأخير
محتوى القصة
التنقل بين الأجزاء