الزاهية واخة هكاك مزال شاكة:ايوا الله يعاونك..انا غنطلع نشير لسطااح
عائشة:واخة
الزاهية طلعات لسطاح وعائشة رجعات كتفكر حتى كتحس بشي حد.جلس حداها دورات وجها كانت سارة وفيديها لكارو:أمالكي
عائشة:ماماليش
سارة نترات من لككارو وطفاتو وساطت الدخان وشافت فيها:تي دوي شنو تما بلا ماتخبي عليا وليتي غا ساهية العفريتة
عائشة بقات كتشوف فيها شحاال عاد نطقات:وتبقة بيناتنا
سارة:كوني هانية غا دوي
عائشة تنهدات:ماعرفتش كي غانقولهالك..ماعرفتش واش هدشي عادي لي واقع لي اول مرة انفكر فشي حد حتى لهاد الدراجة..
سارة:ايااااه شكون هدا
عائشة :اممم باش نختاصر لك هو مزوج وماعلابالوش بيا ولاباس عليه
سارة:هدشي كلوو.عاوديلي فين عرفتيه وكي وقع ليك
عائشة عاودات ليها كلشي :من تماك وانا كنفكر فيه وفديك اللحضة لي كان قريب ليا فيها عارفة راسي غير كنخربق عارفة انه مزوج وماخاصنيش نفكر هكا.ولكن اول مرة ايوقعلي بحال هكا.
سارة :شوفي وياااك تبغيه سمعتيني نتي دابة باقة صغيرة او بزاف .وعمرك جربتي هدشي.راه لي فسنك دغية كيطيحو حيدي هدشي من بالك راه غير اعجاب وصافي
عائشة تنهدات:اه هدشي غيدوز انا عارفة
سارة:ديها فقرايتك وفكري فمستقبالك
عائشة:واخة
سارة بقات ساكتة عاد نطقات:امم زوين
عائشة كانت على سبة :كيحمق عرفتي طويييل ومفورمي صدرو عريض وواشم وشوفاتو كيحمقو واخة كيخلعوو وصوتو مرجل..عرفتي بحال داكشي لي كيعجبني
سارة:الله الله صافي نتي طحتي
عائشة:اووف غا سكتي
سارة:ديري فبالك راجل مزوج اوكي بب
عائشة:اااه اوكي
سارة وقفات:المهم قرايتك هي لولا
عائشة:واخة..انطلع نشوف جدة مريضة
سارة:ويااه زيدي نطلع معاك نشوفها
طلعو لفوق دخلو لبيت زاهية ومها ..كانت فوق النموسية متكية باين عليها المرض ..عائشة جلسات حداها وخدات يديها وباستها:كي بقيتي اجدة
كلثوم بتاسماات:الحمد الله ابنتي
عائشة:ماكتنحملش نشوفك مريضة اجدة
كلثوم:انا بيخير بلا ماتقلقي ابنتي
سارة:واجدة رااه مزال باغين ناكلو كسكسو ديالك نوضي دغية المرض كاع ما جا معاك
كلثوم بتاسمات:واخة دابة نوض
دخلات الزاهية وجلسات حدا ميمتها:الوليدة شوية دابة
كلثوم:الحمد الله
الزاهية:شوفي لا كنتي حاسة براسك ماشي هي هديك نوليو نمشيو لطبيب ماعنديش مشكل
عائشة:اجدة نتي أهم من العرس ماتقوليش هكا عندي الربح تكوني مزيانة نتي
كلثوم:الله يحفضكم ليا
عائشة:ويطول لينا فعمرك اجدة
شوية دخل عصام :لا صافي زدتي فيييه انوضي براكة من لفشوش
كلثوم بقات كضحك..تحنة وباس ليها راسها:كي بقيتيي
كلثوم:الحمد الله اولدي
كانت فيدييه واحد ساشية:ها دوة جبتو شربيه فالوقت
كلثوم:لاش عذبتي راسك راه عندي مجر غير ديال دوة
عصام:دابة هاد الدوة هو لي غتبعي سمعتيني..علامن يخرجو تحاليل وداك ساع نشوفو واش اتحتاجي لعملية ولا لا
كلثوم:اودي شمن عملية انا بيخير
عصام:وصافي نتي ديها غا فراسك
كلثوم:الله يرضي عليك اولدي
بقاو جالسين معاها .كلثوم عندهم عزيزة بزاف هي حنينة بلا قياس هي الام التانية ليهم .مريضة من الكلية ديالهت خاصها كل مرة تمشي دير دياليز.ودابة حالتها تدهورات حيت اعوام هدي وهي مريضة.طبيب دار ليها تحاليل باش يشوف واش خاصها عملية ديال زرع لكلية
دازو ساعات
نمشيو لجيهة وحدا خراا
كانت نازلة من دروج دايرة ليكيت فودنيها شافتو جالس فصالة تلاحت جلسات حداه:الوليد جيتي بكري اليوم
عماد حيد ليها ليكيت:كتهضري بالجهد عييت و انا نجي
فاتي:ايااه ..فين هي ليلى ماشتهاش ليوم
عماد ضربها بشوية على راسها:هديك ماماك ماشي ليلى
فاتي:المهم هديك
عماد:راها فشي جمعية هي وخالتك.طاهرة
يلاه أتهضر وهي تشوفها داخلة ..سلمات وجلسات حداهم
فاتي:باش كتعجبني كدير لخير فلبراني وكتحن فيهم
ليلى فهمات قصدها ومابغاتش تجاوبها
عماد:فاتي سكتي شوية
فاتي:مالي كذبت راه هدشي بصاح .المهم هنا ساكتة
ليلى شافت فيها ورجعات شافت فعماد:غدا انمشيو برجلينا عند داك الكوميسير صافي
عماد تنهد:صافي واهة
ليلى:غنطلع نرتاح
وناضت وطلعات لبيت دوشات خرجات تخشات فبلاصتها ونعسات عيانة بزاف نهار كامل وهي كتقلب كدور على الخيريات وتسول طاهرة مرات كتمشي معاها ماكاتبغيش تخليها بحدها..ليلى مازال مافقدات الامال فأن ولدها عايش وغتلقاه
فجيهة لوخرا
كانت فلبيت جلسة هي وياها كيهضرو :ولكن هو مزوج ابنتي خوي راسك منو
شافت فيها وهي كتغلي:واخة يكون مزوج انا كنبغيه سمعتيني وغيكون ليا نتي ديها فراسك وسكتي ولي قلت ليك.ديريها سمعتيني
الخدامة:واخة الالة اكرام ولكن عنداك ديري ششي مشكل لي يغرقنا انا وياك
اكرام:لا عارفة شكا ندير .هوما دمرولي حياتي وعايشين مزيان كل واحد عندو مو وباه فرحانين بيهم وانا عشت حياتي محرومة منهم .كون مابانتش طاهرة فحياتهم ماكانش ايوقع هدشي كورا ماما مزالة حية ومزوجة بناصر كون ماعشتش يتيمة لا اب لا ام
الخدامة:ماتندمينيش حيت عاودتلك هدشي .ماماك الله يرحمها كانت عندي عزيزة هدشي علاش انا واقفة معاكي
اكرام:ايوا خليك ساكتة وعاونيني
الخدامة:هنا ساكتة
اكرام بتاسمات:واش بصاح انا كنشبه لماما
الخدامة:وبزاف كااع غير ماماك كانت شوية مفشة عليك ..
اكرام هزات تصويرة دماماها وباباها :تحرمت منهم وانا صغيرة .عرفتي شنو.خايفة نسة داك اللحضات لي عشت معاهم .خايفة تمحالي ديك 6سنين لي كنت معاهم فيها ..كنت صغيرة بزاف فاش ماتو وخلاوني ..هدشي كلو بسبابهم كيحساب ليهم كفرو على دنبهم فاش رباوني .ولكن انا غنوريهم بنت لارا شكا تسوة غير بلاتي عليهم
الخدامة:انا انهبط للكوزينة صافي
اكرام:سيري
الخدامة خرجات واكرام تكات فوق النموسية وتصويرة ديال لارا وياسين فيديها ..بتاسمات وهي كتفكر واحد اللقطة فاش كانت صغيرة
اكرام:بابي بغيت تا انا نولي بحال ماما
ياسين هزها وحطها فوق رجليه:اه اول حاجة خاص تحفضي لقرآن وتعلمي تصلي .من بعد فاش تكبري ولي بحال ماماك سترة زوينة ابنتي
شوية صونا طليفون ديال دينيز:وي نرجس..اه حدا ليسي هنا نتسناك
قطعات:هادي نرجس كتقراو فهاد لافاك
عائشة:بصاح ماحسابليش.وخلاها تقرا
دينيز:خويا ماعندوش مشكل
عائشة يلاه أتهضر وهي تشوفها جاية وقفات وسلمات عليهم:يوسف فطريق هو لي غيدينا لدار
دينيز:ماعرف كيطرا
فاتي:راه جاي مور لمادام ابب..جابو الحب
نرجس بتاسمات وهي فرحانة.ضارو كاملين فاش سمعو صوت لفراناج دلوطو كان هو وقف طوموبيل رونج روفر بيضة كلشي بقة غير حال فمو
دينيز:جري عند راجلك شت كلشي حل فمو فيه
نرجس دورات عنيها على لبنات:دابة يضربوه لي بلعين.نخليكم البنات دابة
سلمات عليهم ومشات كطير لعندو
عائشة كانت كتشوف فيه وكتحس بقلبها ايخرج..شافتو كي سلم على نرجس بالوجه وشافت لفرحة لي فعنيها ..سهات وهي كتشوف فيه وهي كتقول لبيض واتااه كان لابس سيرفيط اديداس كحلة وغالب عليها لبيض مبينة عضلاتو وكاسكيط فوق راسو جاي لووز .ماكتنتش داياها فدينيز لي كتدوي معاها:وا عائشة.
عائشة عاد حسات على راسها:نعام
دينيز:كنقولك غدا السبت اتجي تحفضي معايا ياكي
عائشة :واخة تانقولها لماما
ورجعات شافت فيوسف كان حال باب لوطو وكيدير اشارة لدينيز باش تجي
دينيز:وصافي كلمة وحدة.يلاه اعائشة نطلعو لبيتي نحفضو
ناضو وطلعو لبيت
دينيز:اجي نساريك فبيتيي
سراتها فلبيت وراتها كلشي حتى من حوايجها ..عائشة حمقها لبيت فيه كاع داكشي لي كتبغي اي بنت
عائشة:كيحمق بيتك
دينيز:ايوا اجي عيشي معانا والله مانكره
عائشة كدور عنيها على لبيت:وانا كرهت ..المهم اجي نراجعو شوية
جبدو لكتوبة ودفاتر وجلسو فوق النموسية كيراجعو.دينيز بزاف ديال دروس مافاهماهومش.وعائشة كتشرح ليها وتعاونها تفهم ..من بعد عاد بداو فالمراجعة..دينيز مرة مرة كتمل وكتبغي تجبد شي موضوع لا علاقة بلقراية ولكن عائشة كتبتهاا وتبزز عليها لقراية .داز الوقت وهوما غرقانين وسط لكتوبة..شافو فساعة
دينيز:نااري نسينا راسنا 4دسوايع بزاف علينا
عائشة:اووف تانا عييت
دينيز:نجمعو علينا هاد لكتوبة ونجيبو شي حاجة ناكلوها . امم شنو بان ليك بيتزاا هوت
عائشة:واخة لي كان
هزات طليفون وطلبات بيتزا هوت باش يجيبوها ليها تا لدار
عائشة كملات لماكلة وهي كتلعب فلبورطابل ديالها كي لعادة دالانستقرام
كان دايز من حدا بيتها بغة يشوف ختو عاد يدخل لبيتو حل لباب ودخل بقة واقف وهو كيشوفها جالسة فوق النموسية وشعرها على جنب واحد مغطي ليها وجها وحانية على طليفون وكتكل:جيتيي .اجي تشوفي داك دنيا باطمة على تكشيطة ضاربة
ماجاوباتهاش علات راسها وهي تصدم فاش شافتو قدامها لدرجة طاح ليها طليفون من يديها بلعات ريقها..يوسف بقة كيشوف فيها وحس بتوتر ديالها
يوسف علا حاجبو وتقاد فوقفتو خنزر فيها ورجع شاف فدينيز:دقيتي جوج مرات كان خاص تفهمي راسك وتجري هادي معاك وتمشي.
وشاف فعائشة:من الأدب تحتارمي راسك فديور الناس
عائشة طلعات معاها لحرارة:شوف..
قاطعها بهضرتو مع دينيز:هضرتي مفهومة
دينيز:مفهومة ولكن عائشة ماقصداتش
يوسف:ماكيهمش.
نرجس طلات عليهم من مور لباب كانت لابسة سوميج بيضة قصيرة وفوقها بينوار محلول:لبنات ياك لاباس
يوسف دخل وخلاهم واقفين
عائشة غير شافتو دخل دفعات دينيز حتى كانت اطيح:واش حمقة لاش قولتيلو انا
دينيز:بشوية عليا ماشتيهش كي كان مخنزر بعدة نتيجة ضيفة ماغايكبرش الموضوع كون قلتلو انا كون حيح عليا
عائشة:يااك ردني قليلة الآداب وخاص نحتارم راسي بقالو غالي يضربني
دينيز:وراه مادار والو حمدي الله
عائشة :لا الا هادي مانرداهاش براسي كوغا قالي سيري بحالك حسن
نرجس :دابة غافهموني اش واقع
دينيز:نتي فين كنتي فاش كان كيبهدل فينا
نرجس بتاسمات وهي كتبعد شعرها على وجها:كنت كنلبس عليا
دينيز:نتي عايشة لحياة وحنا كنتبهدلو
عائشة شافت فنرجس طلعاتها وهبطاتها تاوصلات لعنقها فيه آثار ديال لمصيصات خخخ.بلعات ريقها
عائشة :خاص نمشي بحالي
دينيز:عائشة ماتزيديش فيه يوسف طبعو هكا مع كلشي نتي راه دوى معاك بالآداب واحد اخور كون قلب دنيا فوق راسو ماكايحملش لي يديرونجيه فبيتو خصوصا دابة يلاه تزوج
دينيز:عائشة ماتزيديش فيه يوسف طبعو هكا مع كلشي نتي راه دوى معاك بالآداب واحد اخور كون قلب دنيا فوق راسو ماكايحملش لي يديرونجيه فبيتو خصوصا دابة يلاه تزوج .راه ملي كيكون فبيتو هو ومراتو ماكايبغي تاشي حد يجي يدق عليهم مانع الخدامات يقربو جيهت الجناح ديالو.وحنا دايرين فيها زعلمة وجايين
نرجس بتاسمات وشافت فعائشة:ماتديش عليه انا مراتو و مرات كيتسيف عليا
عائشة بقات كتشوف فيها تنهدات وهي كتنفض راسها من الافكار لي جاوها
عائشة سكتات ونزلو لتحت كانت طاهرة جالسة كتقهوة هي وطاهرة الام ومعاهم سلمو وجلسو حداهم
طاهرة:حفضتو شوية
دينيس:اه اماما.عرفتي عائشة اتبات معانا هض نا مع ماماها وخلاتها
طاهرة بتاسمات:مرحبا بيك ابنتي
عائشة:لهلا يخيطك أخالتي
الطاهرة :فخبارك سميتك بحال سميت ماما الله يرحمها
عائشة:بصااح
وشافت فدينيس:هادي كاع ماقلتيها لي
دينيس:هههه نسيتها
عائشة رجعات شافت فطاهرة:الله يرحمها اخالتي
طاهرة تنهدات وهي كتفكر مها لي ماتت بالسرطان:كانت مرة طيبة الله يرحمها
عائشة بقات كتشوف فيها من ملاميحها باينة كانت متعلقةة بماماها:اتكوني توحشتيها
طاهرة:بزااف ماشبعتش منها ماتت فالوقت لي انا كنت محتاجة ليها خلات ليا ختي صغيرة ااااه دنيا كتصدمنا
عائشة :بصاح
وسكتات وهي كتخايل راسها فبلاصتها مها تموت وتخلي ليها ختها مريم حسات باحساس خايب بمجرد التفكير تنهدات وهي كتطلب من ربي يطول فعمر ماماها
دينيس:ماما امونة شتها غبرات
طاهرة:خليها راه يلاه تزوجات شغا دير بيك
دينيس:اه بصاح هي لي عبرات تزوجات على 26 عام تانا باغة حتى نكبر ونعيش حياتي مزيان عاد نتزوج نكون كمل داك 30 عام نيت خالتي ليلى تكون لقات ولدها تاج دين وزوجوني بيه داك ساع هههههههه
طاهرة ناضت بالخف وشداتها من دراعها وطلعاتها معاها بقرسة حتى غوتات:لسااانك خاصو يتقطع فكرتيني بعدة
دينيس تنترات من طاهرة وهربات:اااااح قصحتييينييي اطاهرة بزاف على هاد القرصة
طاهرة:ديما كنقولك ماتعاوديش تجبدي هاد الهضرة على فمك خصوصا قدام ليلى
دينيس:ومالي شكا نقول كااع هي راه كيعجبها لحال ماكانشوفيهاش كي كتبقة كضحك
طاهرة زولات صباطها وشيرات عليها بيه:كنقسم ليك بالله ووليتي جبدتي حداها هاد الموضوع نشتفك عليك قدامها ها ودني منك راه واخة كضحك قدامك راه كتشوة ملداخل كيبقة دماغها خدام ماتزيديش تكملي عليها لي فيها يكفيها
دينيس رجعات جلسات:صافي غنحاول نسكت ونشد فمي ولكن راه مامفاكاش تاج دين ديالي يلاه
طاهرة :اميمتي لحبيبة شهاد البنت عطاني الله
فهاد اللحضة دخل ناصر سلم وجلس حدا طاهرة :مالك
طاهرة شافت فيه:هاد بنتك فوقاش ادير عقلها ماعرفتش لمن كتشبه
ناصر شاف فدينيس:فوقاش اديري عقلك
دينيس:باقي لحال باش ندير عقلي ابابا
بتاسم وشاف فطاهرة:ماعرفتيهاش لمن كتشبه
طاهرة بتاسمات:نسخة من ليلى فالصغر خدات منها الخفة وطول فاللسان وقصوحية راس
ناصر كتافة بابتسامة ودار ليها اشارة بيديها فهماتو تحنات كبات ليه القهوة ومداتها ليه وهي مبتاسمة
عائشة كانت كتشوف فيهم ومركزة فشوفاتهم لبعضهم باين شحال كيبغيو بعضياتهم
شوية نزلات نرجس سلمات وجلسات معاهم
ناصر:يوسف لفوق
نرجس:اه أعمي شوية واينزل
ناصر هز راسو باه :فين هي اكرام
طاهرة:راها فبيتها
ماجات فين تكمل هضرتها حتى كيشوفوها نازلة هي ويوسف
اكرام بتاسمات وقربات عند ناصر وتحنات عنقاتو:من لبارح فليل ماشتك ابابي
ناصر بتاسم وجرها جلسات حداه:وليتي كتنعسي بكري
اكرام وهي شادة فيديه:امونة لي كانت كتونسني تزوجات ويوسف لي كان مرة مرة كيخرجني ويديها فيا مابقاش عندو ليا الوقت وبدر كيقيل فالخدمة مابقالي معامن نقصر
عائشة وقفات:نتي حماقيتي صااافي .نرجس ماتديش عليها اختي
دينيس:جلسي راه غير كنضحك مالك دغيا شعلتي
عائشة:هدا ماشي ضحك .
نرجس كتشوف فيها وهي مبتاسمة:دينيس ديما كضحك هكا ماديريش فبالك
عائشة:الضحك فيه وفيه
دينيس:ناري ندميتنا
عائشة تنهدات:انمشي نجيب طليفوني خليتو فلبيت
دينيس:واخة
ومشات
نرجس:حرجتي البنت
دينيس:غا ضاحكة
نرجس:شي نهار اطيحي فشي حد ايجمع معاك
دينيس:مابقة حد يضحك
نرجس:شتيها كي توترات
دينيس:كيفاش زعمة
نرجس بتاسمات:واو..شحال فعمرها
دينيس:باقة صغيرة عندها 16 لعام
نرجس:صغيرة
وسكتات وهي كتفكر فاش كانو فصالة كي كانت كتشوف فيه لدرجة سهات بتاسمات وهي كتقول باقة صغيرة عادي
عند عائشة
بقات غادة ماعرفاتش علاش دارت داك ردة الفعل المبالغ فيها .وتقلة حيت جابتها لاصقة وخافت يعيقو بيها انها بصح كيعجبها..تنهدات ودخلات لداخل مشات نيشان للمصعد وهي كتفكر انها خاص تسالي من هادشي ركبات فالمصعد يلاه اتضغط على الزر وهي تحس بشي حد.دخل علات راسها وهي تشوفو قدامها حسات بقلبها ايوقف تبلوكات فبلاصتها وهي كتشوف باب المصعد كيتشد عليهم بجوج بلعات ريقها وهي متبعة حركات يديه فاش ضغط على زر الجناح ديالو رجعات اللور حتى لسقات فلحيط وعنيها عليه هو ماشافش حتى لجيهتها مركز فطليفونو لي فيديه.سهات وهي كتحقق فملاميحو الحادة .حتى كتقفز من صوتو:اتبقاي كتشوفي فيا
خرجات عنيها وهي كتشوفو مزال كيشوف فطليفونو كيفاش قدر يعرف انها كتشوف فيه .دورات وجها:ماكانشوفش فيك سهيت وصافي
علا عنيه وشاف فيها :متأكدة
شافت فيه جات عنيها فعنيه:متأكدة
تحلات باب المصعد شاف فيها شوفات مامفهومبنش وخرج يلاه ايتشد لباب وهي تخرج تبعاتو:سمعني
وقف بلا مايدور لجيهتها
قربات لعندو:قبيلة هضرتك ماعجباتنيش
ضار لجيهتها وعلا حاجبو:او من يعد
عائشة شافت فيه بنفس شوفاتو وهي معلية حاجبها:غير بغيتك ديرها فبالك وصافي
يوسف دخل طليفون فجيبو وقرب لعندها هي ما مازال واقفة فبلاصتها:امم حمدي الله جيتيني هو هداك فدماغي وما كون شتي شي حاجة لي ما اتعجبكش ديال بصاح
عائشة بغات تجاوبو وهو يقاطعها:سيري فين كنتي اتمشي
عائشة بغات تهضر تاني ولكن ماعطاهاش الفرصة جرها من دراعها ودخلها للمصعد:محدك هنا.مانعاودش نشوفك فهاد الجناح
عائشة بقات غير كتشوف فيه زرب عليها.حتى كتشوفو قلب دورة ومشا دخل الجناح ديالو تنهدات وضغطات على زر فين كاين بيت دينيس تشد باب المصعد ووقفات اونفاص مع المراية وبدات كتهضر مع راسها:عائشة شكا تخربقيييييي شكا ترونييي
بدات كضرب راسها بيديها:فيييقي فيييقيييي
تحلات لباب وخرجات مشات نيشان للبيت هزات طليفونها وخرجات رجعات عند لبنات جلسات معاهم من بعد ما رتبات افكارها وقنعات راسها انها غير كتخربق وخاص تخوي راسها من هادشي ..نساجمات معاهم فالهضرة كتاشفات ان نرجس بنت ضريفة بزاااف وقلبها حنين
داز الوقت وطاحت الضلمة كلشي كان فبيتو باش اينعسو
عائشة ماداهاش النعاس غير كتفكر تنهدات ودورات وجها شافت فدينيس ناعسة شاقت فلبالكون محلول وريح كيدي ويجيب فالريدوو نزلات من فوق النموسية وخرجات للبالكون جمعات يديها لعندها قاش ريح ضرب فيها بارد بحكم ان لبالكون كيطل على لبحر ريح كيكون مجهد بتاسمات وهي كتستنشق لهوى مستمتعة بالجو ماكرهاتش كون كانت كتعيش فهاد الرفاهية علات راسها لفوق وهي تبلوكا فتش شافتو واقف فلبالكون دلجناح ديالو بصدرو لعاري وكيكمي ماحاسش بالريح لبارد لي كيختارق فجسمو.ولكلب ديالو كينبح وينقز قدامو.حطات يديها على حديدات دلبلكون وزادت قربات وهي كتشوف فيه شبه ساهي ومرة مرة كينتر من لكارو بطريقة مرجلة سهات فيه وهي كتحس بقلبها كيضرب بالجهد .ماعرفاتش شحال دلوقت وهي كتشوف فيه حتى كتجي عنيها فعنيه قفزات من بلاصتها وحطات يديها على قلبها حسات بيه غيوقف.مجرد شوفة منو كتخلي كيانها يتزعزع.يوسف كيشوف فيها من لول نتابه ليها ولكن هي طولات الشوفة.رمى لبونتة دلكارو لي كانت فيديه وجبد اخور ودارو فمو وشعلو وهو مزال كيشوف فيها.نتر منو نترة طويلة وعنيه فعنيها وساط الدخان وهز راسو بمعنة اش كاين.شي ليخلاها تحس على راسها وترجع اللور .شافت نرجس خرجات لعندو لبالكون وعنقاتو من اللور وهس مبتاسمة من بعد جات قدامو وتعلات باستو على خدو..عائشة شعلات فيها العافية فاش شافتو دور يديه على خسرها وزاد قربها ليه عائشة ماقدراتش ماتشوفش فيها ردات شعرها اللور لي كيطسرو لهوة وهي مزال كتشوف فيهم..يوسف تحنة وباس نرجس فعنقها وعلا عينو شاف فعائشة بحاليلا كيفكرها راه مزوج .عائشة بلعات ريقها فهمات قصدو مزيان هدشي زاد كمل عليها..نرجس علات راسها وشافت فيه:يوسف
وجرها معاه ودخلو لبيت.وبعد عليها هز لكلب وجلس كيلعب معاه ويضحك روكي عندو عزيز بزاف رباه ملي يلاه تزاد هزو وداه لبلاصتو من بعد تلاح فوق النموسية ونرجس غير كتشوف ماداهاش فيها قربات وتخشات حداه غمضات عنيها حتى كتحس بيه جرها لعندو بتاسمات وحطات راسها على صدرو ونعسو
عائشة تخشات فبلاصتها وهي كتسب فراسها:انا حماقيت صافي سيد مزوج ونا مالي .انا باقة صغيرة على هادشي يلاه 16 لعام اه باقة صغيرة.ناري نرجس شافتني دابة تنويها فشكل.اووف صافس نعسي مابقة حد.يشم لهوة فلبالكون شنو فيها كااع
غمضاات عنيها ونعسات
جا نهار جديد
كانو مجمعين كيفطرو من بعد مافاقو معطلين
دينيس:زيدي معايا هاد النهار مالك
عائشة:لا خاص نمشي ماما كنصوني ليها ماكاتجاوبش وعصام حتى هو تشوشت مرة خرا ان شاء الله
دينيس:ايوا لي بغيتي
سكتو كاملات فاش شافو يوسف و ناصر من بعيد خارجين بزوج كيدويو، عائشة كانت مركزة بنظراتها غير على يوسف لي كيتمشى بخطوات ثابتة بكل ثقة، و راسو ديما الفوق، سهات مرة خرى فتفاصيلو، كيفاش مركز مع باه و كيدوي بكل جدية، و نظرتو الحادة لي ديما فعينيه، و مرة مرة كيحك على لحيتو بكل رجولة، كلشي فيه كيحمقها، وعاد ريحة عطرو لي سابقاه ولات حافضاها
ناضت ومشات نيشان للمصعد دخلات ووقفات شحال وهي كتشم ريحة دلعطر ديالو مزالة فالمصعد بتاسمات وضغطات على الزر.ماسخاتش تخرج من المصعد بتاسمات فاش طاحت عليها واحد الفكرة
دبا يوسف خرج هو و باه، و نرجس جالسة فالحديقة مع دينيز، مغتلقاش فرصة حسن من هادي، مشات لبيت نرجس بسرعة كتقلب على تيشورط ديالها لي جات بيه، لقاتو مزال فوق الكنابي فين حطاتو خداتو و مشات فاتجاه المصعد تاني، طلعات للجناح د يوسف مباشرة، وقفات قدام الباب د الغرفة و هي كدور راسها يمين و شمال كتأكد بللي مكاين حتا واحد، ابتاسمات و حللات الباب بشوية، دخلات و رجعات سدات الباب وراها، بقات كدور عينيها على الغرفة، الدنيا مقادة مزيان كلشي فبلاصتو دارت كتقلب على العطر ديالو، مشات كتقلب فوق الكوافوز، حللات المجورة كاملين قلباتهم واحد واحد، و رجعات دارت حلات الماريو كتقلب بنفاذ صبر، و كتحاول ما امكن تخليي كلشيي كيفما هو، و لكن مبانتش ليها دارت كتقلب فوق السرير، معارفاش راسها شكدير المهم خاص تلقاها، مع دورات وجهها بانت ليها فوق الطاولة الزجاحية لي تم، ضربات بيدييها على راسها بغباء : ويليي مالي على هاد الكلاخ، كانت غا قداميي،
مشات هزاتها و هي مبتاسمة، رشات منها فالهوى وستنشقات ريحتها وهي مبتاسمة بحال شي مقطوعة عاد رجعات لمخدرها، خدات تيشيرط ديالها رشاتو مزيان بالعطر .باش تبقة محتافضة بريحتو
فجيهة خرا
خرج و تشد المصعد من وراه، جبد تيليفونو كيخربق فيه، تم غادي بخطوات بطيئة، وصل قدام الغرفة حل الباب و عينو مزال على تيلي محيدهاش،
دخل خطوة و هي دخل معاه ريحة قوية، هادي ريحتو و لكن قوية بزااف، هز عينيه بصدمة و هو كيشوفها قدامو، كانت عاطياه بالضهر، محساتش بيه فاش دخل، تكا على الباب و هو كيشوف فيها، كانت كترش عليها فالريحة و كدورها فيديها تلعب بيها، و ترجع ترش فتيشورط، كضحك غا بوحدها و كترصا شوية تستنشقها مزياان و تحس بيها كدوور فصدرها، محيحة غا راسها، هو بقا حاضيها كيفاش كتحرك و شعرها حتا هو كيميل معاها، دارت بشوية و هي مبتاسمة راضية على نفسها، حتا كتلقاه فاص معاها، بقات واقفة فبلاصتها و هي كتشوف فييه، معرفات راسها باش تبلات، بقات عينيها فعينيه، كتشوف فيه و هو معلي حاجبو، بلعات ريقها بصعوبة فاش حسات بيه جاي فاتجاهها حتى وقف قدامها هضر وهو كيشوف فلعطر لي فيديها وتيشيرط:شكا ديري هنا
مالقات ماتقولو بقات غي ساكتة
زاد قرب نتر منها لباغفان يالجهد وردو لبلاصتو وهضر بنبرة حادة زعزعاتها: شحال من مرة قلت ليك مانشوفكش هنا
عائشة غير كتشوف فيه وهي كتقول اش داني دارتها بيديها دابة تحلها
يوسف علا حاجبو:اتبقاي كتشوفي فيا
عائشة حدرات عينيها و هي كتحس بقلبها كيضرب بقوة، قرب يخرج من بلاصتو، رغم ذلك بقات كتشوف فيه بنص عين قفزات فاش شدهاا من ايديها بقوة حتا طاح التيشورط من ايدها، كتحس بيه شوية و غيهرس ليها عظوم ايدها،
يوسف من تحت سنانوو : بااشمن لغة كتفهميي نتيي، شحال من مرة قلت ليييك متبقاايش توصلييي هاد الجناااح،
عائشة خافت مننوو، خصووصا و هي كتشووف فعينييه دييك النظرة الحااادة، بحاالة كتعلمهاا بللي ليوم آخرتها، و عاد قصحها فيدها بزااف : غيير.. غيي.. غيير.. دبااا.. شووف.. راا و الله...
يوسف كيشوف فييها كييفاش كتفتف و شفايفها كيرجفو، شعرها ضاربو الريح و مغطي وجهها، كتحاول تحيدو من على وجهها و ، محسش براسو حتا سها فيها، و رخف على ايدها، هي هزات عينها فيه، كان كيشوف فيها بنظرات غير مفهومة، و لكن على الاقل ماشي نفس النظرة ديال قبل زوج دقايق من دباا، طلعات نفس و تشجعات باش تدويي،
عائشة : هانتاا، راه، راا غيير عجباتني ريحتك، و صافيي، بغييت غيير نشمها و الله، مالبست لمراتك والو بلا ماتكبر الموضوع وتبدا تغوت عليا
يوسف بقا كيشوف فيها، معرفش منيين جاتها هاد الجرأة دباا، حس على راسوو، مخاصوش يفكر هككا نهاائيا، شدها من دراعها و تم مخرجهاا من الغرفة، لاحها بجهد برى، كانت شوية و طييح شدات فراسهاا فآخر لحظة،
يوسف: منبقاااش نشووفك فهااد البييت مرة خرى، سمعتييي، و لا غنبدل تصرفيي معاك لحد الان راني معاك زوين
ردخ الباب بالجهد حتا قرب يتزعزع من بلاصتوو، وقف ورا الباب كيمسح على وجهو، بزاف ديال الافكار كتجول فبالو كيحاول يتجنبها، رجع مسح على شعرو و تم غادي فاتجاه السرير، حتا كتوقفو دقة خفيفة فالباب، عرفها غتكون هي، تنهد و مشا حل الباب،
يوسف بنضراتو الحادة:شنو تاني
عائشة: بغيت، بغييت غيير تيشورط دياليي، بقا لداخل،
بقا كيشوف فيها كيفاش كتحاشا تشوف فيه هاد المرة، كدوي و هي متوثرة و كتحاول تحيد الشعر من على عينيها، خوا لييها الطريق بااش تدخلل : هزيييه و خرجيي بحالك،
دخلات بشوية تحنات هزاتو من الأرض و هو مراقبها فكل حركة، وقفات بشوية هزات عينيها فيه، كان كيشوف فيها، رجعات حدرات راسهى و تمات خارجة، حتا حسات بيه شادها من ايديها مرة خرى : هاد الحركاات مكينفعووش معايااناا، وللييت حافضهم،
عائشة تنترات منو، دوات هاد المرة و هي كتشووف فعينييه : انا مكنديير حتاا حركاات، نتاا ليي منعرف اش كتفهم،
يوسف طلع حاجبو :نتي عارفة وانا عارف
عائشة سكتات و هي عاضة على شفايفها،خافت يكون كشفها يلاه ادوس وهو يقاطعها
يوسف: خرجيي بحاالك،
عائشة شتفت فيه : هااا،
يوسف تنهد وجرهاا تانيي من درااعها و خرجهاا و رجع ردخ البااب وراهاا، خللاها كتسوس فحوايجها : نااري شحاال عصبيي، دغيا كيشعل يا ربي السلامة،
هزات التيشورط كتشم فيه بكل رضى على نفسها، بعدا مرجعاتش خاوية، ضحكات على راسها:هههههه واخة مهصب زوين.. انا هببلة حق ربي ااااح على ريحة كتحمق
رجعات شمات فتيشيرط ومشات للمصعد و من تم مباشرة لغرفة دينيس
عائشة مع جات تحل الباب ديال البيت لقات دينيس قدامها عاد ناوية تخرج،
دينيز : هاا نتي هناا، فيين كنتيي عييت نقلب عليك،
عائشة داخلة و كدويي : كنت فيين، خرجت كنتسارا فالكولوار،
دينيز كتشمشم : و شهاد الرييحة فييك ؟
عائشة جلسات فوق السرير و هي كدور فعينيها : ريحة اش ؟!
لبسات عليها وقادات شعرها وخرجات هزات ساكها ونزلات لتحت سلمات عليهم كاملين
طاهرة: واش جا موراك خوك
عائشة:لا غنمشي فطاكسي اخالتي
ناصر شاف فيها:هنا موحال تلقاي طاكسي انوصلوك فطريقنا
عائشة:لا اعمي بلا مانعدبك انا..
ناصر قاطعها:راني دويت زعمة
سكتات وبلعات ريقها وحدرات راسها
ناصر بتاسم:غي كنضحك معاك
شافت فيه وبتاسمات:خود راحتك
شوية شاف يوسف جاي وفيديه شي ملف:لقيتيه
يوسف:اه
ناصر:يلاه نمشيو تعطلنا على لجتماع
يوسف:بدر وحمزة راهم تماك
ناصر:ضاروري نكونو مجموعين
وشاف فعائشة:يلاه ابنتي
يوسف فهم انهم ايوصلوها خرج وسبقهم لطوموبيل..
ركبات اللور وهي فرحانة واخيرا ركبات فرونج روفر بقات كدور عنيها على طوموبيل ملداخل زوينة بزاف.شوية كسيرا بالجهد بتاسمات وهي كتشوف فيه كيف كيسوق وفنفس الوقت كيهضر مع باه على الخدمة..دورات وجها لناصر واخة كبر فالسن مزال داك الراجل الانيق الوسيم مول الشخصية الجدابة والقوية وهيبتو مزال حاضرة تمنات يكون عندها اب بحالو .لاحضت ان يوسف قريب لباه فشخصيتو باستتناه ستايل دلبس ديالهم.فيقها من تفكيرها صوت ناصر:فين جات داركم ابنتي
عائشة بآدب نعتات ليهم العنوان ورجعات شافت فيوسف باغة تشبع منو قبل تمشي.يوسف بالصدفة شاف فامراية لي قدامو لقاها كتشوف فيه تنهد بصوت مرتافع .هي فهماتو ورجعات نزلات عنيها وكملو طريقهم تا وصلو لحومتها وصلوها حتى لقدام دار بالضبط
عائشة:شكرا بزاف اعمي
ناصر بتاسم ليها:مرحبا ابنتي
سارة كانت راجعة لدار وهي تشوف طوموبيل قدام دار والحومة كلها كتفرج.قفزات فاش شافت عائشة راكبة فيها مشات كطير عندها
عائشة يلاه اتنزل وهو يقفزها صوت سارة مع كانت حالة شرجم دلوطو:عائشة على سلامة
كان واقف ولموطور ديالو قدامو باغي يدير اي حاجة باش يعاون جداه.وقف عليه دري:افين اعصام
تسالمو ودخلو فالموضوع
الدري:كاين دري واحد مهدي بوكسور.من داكشي ديما كيطيح الخصم ديالو كااو كنضن يبغي يزعم معاك .وقع ليه بحالك دارولو كي دارولك عشرانك كان بوكسور مزيان وغارو منو صحابو ووكلوه لقربوبي ودارو ليه كمية كبيرة فجيبو وبلغو بيه ودخلوه لحبس فاش خرج لقة حياتو تضمرات تا مدريب ما قبل عليه من بعد ما دخل لحبس وخرج وعاد دري تربة فلخيرية ماعندو لا اب لا ام كانت صعيبة عليه
عصام:ايوا صافي لاقيني بيه دابة
الدري:باينة شي مشكل كبير هدا لي ايخليك دير هدشي
عصام:ودابة ريكل اصاحبي
الدري:هاهو ساكن غي هنا انمشي ندوي معاه بالخف ونجي
عصام:يلاه خفة زربة
دري مشا كيطير وعصام وقف كيتسنة وهو كيفكر فهادشي..داز الوقت وهو كيشوف الدري جاي ومعاه شي حد
عصام:فواحد الديبو خارج على المدينة .شوف هاد ديبو كينضموه بسرية تامة .كيجيو ليه ناس لاباس عليهم وكيراهنو على لاعب لي بغاو وريهان يقدر يوصل حتى لتلاتة وربعة دلمليوم بعد لمرات.ووزيد عليها شحال من بوكسور لقة زهرو تماك حيت كيجيو ليه مدربين محتاجين لبوكسورا فالمستوى يقدر تكون منهم نت
مهدي ساط دخان:نشوفو هادشي كيف داير
عصام:انا غنتكلف بكلشي نت غير درب مزياان ورمي عليك هاد لكارو
وكملو هضرتهم
فجيهة خرا
عماد كان هو وعلي خارجين من نادي رياضي
عماد:البطولة قربات وحنا داخلين فيها خاصنا شي بوكسور لي يكون فشكل ضاروري ناخدو هاد لبطولة
علي:اصاحبي منين انجيبوه
عماد:سمعني مزيان اعشيري وخدم دماغك ضاروري نلقاوه
علي:صافي تانشوفو بلانو
ركبو فلوطو وهوما كيفكرو كيف غيديرولها
عماد قفز فاش غوت علي:لقيتهااااا
عماد:بشوووية راني غا حداك
علي:شتي انا خطييير
عماد:لعياقات عاود دابة دوي
علي:ديبوو ديال لكومبات العشوائية
عماد ضربو على كتافو:معلم اصاحبي هادي عندك
كانو مجمعين عندها لداخل وكلهم مشوشين عليها
الحاجة كلثوم:راني عارفة راسي كتر من طبيب راني مزيان بلا ماتعدبو راسكم وتخلعو على والو
الزاهية:عفاك امي سكتي راحنا عارفين شكا نديرو نتي كتسهلي المرض لي عندك
الحاجة كلثوم:ياك ابنتي موتة وحدة كنتموتو لي جات من عند ربي مرحبا بيها انا كبرت وعشت نصيبي من هاد الدنيا.ماكاين لاش نضيعو لفلوس على والو
عصام كان متكي على الحيط وكيشوف فيها:جدة باينة لمرض اتر عليك
وقرب لعندها وباس ليها يديها:لا خطيتينا نتي اتخطانا حتى لبراكة.شحال من كلثوم عندنا راه المهم نتي غير رتاحي
عائشة كانت فااجيهة لوخرا ملي جات وهي شادة ليها فيديها وكتبكي خصوصا فاش شافت حالتها كيف ولات والهضرة لي قال الطبيب
عطاتو لورقة:صافي سيد لي قلت ليك.كيعرف طبيب لي فداك لكلينيك تدخل وقدر يقنعو باش يتعاون معانا وعطانا الورقة دطبيب باش نقلوها ليه وتبدا العلاج علامن يجي وقت العملية.والحمد الله هضر معاه باش لخلاص يكون حتى تخرج من طبيب ودير العملية على خير حيت هاد ااكلينيك ضاروري يتدفع ليه تسبيق
فاتي:ياختي ماعيطتوليش نجي نبات معاكم كتجمعو بسرية تامة
دينيس:وصافي مرة خرا ماكوناش ناويين
فاتي:ايوا يعطيك دقة
ياسمين شافت فيهم:كيفاش بغيتي تقولي عائشة باتت مع دينيز
دينيز:اه
ياسمين يلاه اتهضر وهي تقمعها فاتي:لا غاتقولي شي حاجة ماليها حتى معنة غا سكتي حسن
ياسمين سكتات وهي غتموت بالفقصة
شافو فعائشة غا ساهية
فاتي :بس بس امالكي
عائشة تنهدات:والوو
دينيز:لا شي حاجة شوفي وجهك.كيف دايرة ملي جيتي ونتي ساكتة اش واقع
عائشة:شغا نقولكم.جدة مسكينة تزاد عليها لحال ودابة راها فطبيب
وبعدات شعرها على وجها وكملات هضرتها:خاصها عملية لكليات نتاعها تمانها 16 لمليون وعاد مصاريف طبيب ختصاصي والعلاج غا خليوها على الله
ياسمين علات حاجبها:اه ياك ما كدقي على شكون يعاونكم ازين
كلهم خنزرو فيها وهي تجمع راسها:لا ماتفهموش غلاط.زعمة لاكان فاش نعاونوها نعاونوها متفيها باس
عائشة خنزرات فيها مارضاتش قدامهم:انا غير كنشكي عليكم وماحتاجاش لشي حد الحمد الله لفلوس واجدة لي كيهمني هي جدة مسكينة دخلي هادشي راسك وبداي توزني كلامك ولا راه شي نهار انخسر انا وياك ونسة راك بنت عمي
ياسمين:ناري مالك تعصبتي راه غا داوية المهم هنا غادة
ومشات وهي مخنزرة
فاتي:ماتديش عليها راه غير هبيلة
عائشة:بقات ليا غا هي
دينيز:ان شاء الله جداك اتولي بيخر ماديريش فبالك
عائشة:ان شاء الله ياربي
دينيز:اي مساعدة مرحبا راه حنا خوت
فاتي:اه بصاح ماتديش على ياسمين.هضرتها ماكتهمناش.اوكي.حنا معاك فاي حاجة بغيتيها
عائشة:شكرا البنات ولكن بصاح مامحتاجين والو
دينيز:ايوا الحمد الله
ودخلو للحصة يكملو قرايتهم
حتى صونات وخرجو
فاتي:شوفي يوسف ونرجس
دينيز:اه اليوم نرجس قارية
فاتي سلمات عليهم:هنا مشيت عائشة طمنيني على جداك
عائشة:ان شاء الله
دينيز:اجي نوصلوك فطريقنا
عائشة هزات راسها شافت فيوسف ونرجس:لا انشد جطاكسي
دينيز:غير زيدي مالك
عائشة رجعات شافت فيهم:لا بلاش
دينيز بدات كتحكر عليها.عائشة بنفاد صبر:دينيز قلت ليييك لا اصاحبتي
دينز بقات غير كتشوف فيها:بغيت غير نوصلوك المهم على خاطر بسلامة
دينيز مشات وهي مقلقة..عائشة تنهدات وتبعاتها:دينيز سمحيلي راه غير مقلقة شوية ماتديش عليا عفاك
عائشة مابغاتش تقول لا مشات وسلمات عليها بلا متشوف لجيهتو كتافات بسلام ردها عليها وهو كيشوف لجيهة لوخرا
عائشة:سمحولي انخليكم دابة
ومشات
نرجس:مال عائشة
دينيز:مسكينة جداتها مريضة بزاف
نرجس:الله يشافيها ياربي
يوسف دور وجهو شافها واقفة كتسنة فطاكسي طول شوفة فيها . ماشي بحال كي كتكون ديما باين على وجها الحزن والغمة..يلاه ايكسيري وهي تنطق نرجس:كوغا وصلناها فطريقنا يوسف سكت طوموبيل فاش سمع هضرتها
ناصر رجع كيقرا فالجريدة بكل اهتمام كيشوف اخر اخبار المنافسين ديالو فسوق البورصة بتاسم وهووكيشوف انه مزال محطم الرقم القياسي فعالم البرصة وعلاش لا وهو محزم بجوج ولاد.كي سبوعة قادر يعول عليهم فاي حاجة قدرو ياخدو بلاصتو ويخليو ليه راسو مرفوع حط الجريدة ودور وجهو لقاها كتشوف فيه وهي مبتاسمة:كي داز داكشي
اكرام:كلشي داز هو هداك ابابي غدا ان شاء الله اتنشر تصاميمي
ناصر:ان شاء الله
طاهرة نزلات وجلسات حداهم؛بنتي على سلامة
اكرام:الله يسلمك
وكملو حديتهم حتة كيدخل يوسف ولبنات سلمو وجلسو شوية لحق عليهم بدر
بدر خدا الجريدة قرا داكشي وبتاسم:كي العادة نابر وان
وناض طلع لبيتو .شد لباب وجلس على طرف النموسية مسح على راسو حاس براسو مخنوق بزاف تنهد بالجهد وبلع ريقو الجرح لي فالداخل ديالو معدبو بزاف.هضر بصوت مخنوق :خاص نساها ماخاصنيش نفكر فيها هي دابة مرات خويا
ناض ودخل الحمام غسل وجهو بلما بارد تفكر شحال كان كيبغيها وكان ناوي يخطبها.الغلط لي دار انه خبا هاد الحب من جيهتها حتى تصدم نهار عرف ان خوه باغي يتزوج بيها ولي زاد صدمو الموافقة ديالها .كانو قراب من بعضهم وكيفهمو بعضهم لدرجة انه فلحضة ضن انها حتى هي كتبادلو نفس الشعور هدشي لي خلاه يصبر حتى الوقت المناسب ويتقدم يطلب يديها ولكن وقع لي وقع وجات فيه هو الضربة.صعيبة بزاف انك تبغي شي حد بينك وبين راسك وترسم معاه واحد الحياة زوينة وفلحضة كلشي يتبخر ويوقع عكس داكشي لي كنتي راسمو وتشوف حب طفولتك مع واحد اخور هادي فحد داتها عذاب شديد..
خرج من لحمام مسح وجهو ورجع نزل لتحت لقاهم مجمعين فطبلة دلغدة جلس فبلاصتو وبتاسم ماباغيش يضعاف قدام حب مستحيل ومحرم..شوية كلشي بدا كيتغدا فصمت
دازو ساعات
كانت جالسة فصالة مكونيكطية كي لعادة ببجامة ديالها غوز قصيرة مبينة ليها فخادها .سمعات الجرس مشات الخدامة حلات لبابة علات راسها كان حمزة .شافها وبتاسم .مشا فاتجاها والابتسامة مزال مرسومة على وجهوو وقف حداها:باربي لا باس عليك
اكرام:ونتي سووقك انا من غير ناصر ماغانديش سمعتيني .ناصر راه هو لي باغة ماكايهمنيش لا كان كبير عليااا وداك التخربيق
الخدامة:هو كيعتابرك بحال بنتو يهديك الله
اكرام:كلشي غيتبدل كوني هانية شحال من وحدة دات راجل كبر منها بزاف وهاهوما عايشين بيخير
الخدامة :هدا راه ماشي اي راجل هدا راه ناصر الزعيم رباك على اساس وحدة من بناتو وكيعاملك على هاد الاساس وزيدك كيبغي مراتو وكيحماق عليها.زعمة داكشي لي ماقدراتش مك ديرو واخة طارت ونزلات زعمة نتي اتقدري.راه مستحييل
اكرام شعلات فيها العافية ناضت وبدات كتغوت:نووووضي نوووووضي تحركي من وجهيي مانشوفكش قداامي اخر مرة نسمعك كتدوي على ماما سمعتيني.والله تانقتللك .وناصر غيكووون ديااالي ديالي بوحدي ودابة تشووفي بعينيك .
الخدامة مشات كطير الكوزينة وخلات اكرام كتغلي
اكرام قلبات الدورة وطلعات لبيت تلاحت فوقق النموسية وعنقات الخدية:ناصر ديااالي..ناصر هو حبيبي وروحي وخويا وبابي وكلشي فهاد الدنيا .
تحلات لباب هزات راسها شافت احمد
احمد بتاسم وقرب لعندها:بنتي ياك لاباس
اكرام ناضت جالسة:جدو
وعنقاتو وبدات كتبكي عنقها وهو كيسمع صوت بكاها
اكرام وصت شهقاتها:ماقدرتش نساهم انا توحشتهم بزااف
احمد نزلو دموعو وهو كيتفكر بنتو الوحيدة لي نتاخرات فعز شبابها مزال الحد الان كيتها فقلبو:صافي ابنتي الله يرحمهم
اكرام:انا راه كنتعدب اجييدو
رجع عنقها:صافي شش دعي معاهم
بقة معاها حتى حس بيها نعسات قادها فبلاصتها وهو كيشوف فيها نسخة من مها الله يرحمها كتفكرو فيها هي لي مصبراه على فراقها تحنة وباسها على راسها وخرج..اكرام من نهار ماتو وليديها وكلشي عاطيها اهتمام واكتر واحد ناصر عتابرها كتر من بنتو قراها فأحسن المدارس واي حاجة بغاتها كتحضر مامخلي تاشي حد فهاد الدنيا يأديها.هي بنت صاحبو لي كان اقرب شخص ليه كان باغي يهتم بالامانة لي خلا ليه..هاد الاهتمام كامل خلا طفلة صغيرة يتولد فقلبها حب لشخص كبر منها باعوااام شخص كيعتابرها بنتو .وعاد الهضرة لي كانت كتعاود ليها الخدامة على مها.عاودات ليها على الحب لي كانت عاطياه لارا وطريقة باش كانت كتبغيه.هدشي لي زاد خلاها تبغيه .اكرام من كترة حبها لمها وشوقها ليها خلاها تأتر بشخصيتها واخة ميتة ..هادي هي اكرام بنت لارا وياسين
نمشيو لجيهة خرا
كانت هابطة فدروج وهو يبان ليها عماد وعلي يلاه داخلين كيهضرو بقات كتسمع شكا يقولو عاد كملات لعندهم
فاتي:هي قربات لبطولة
علي:هاهي جات لفضولية
فاتي:ماداوياش معاك
علي:مرة جاية بداي تقولي سمية لي غتدوي معاه
فاتي:بصاح ماحسابليش
عماد:دابة من تالي اش بغيتي
فاتي:بغيت نمشي معاكم للهاد.ديبو
علي:كتعجبيني بعدة ملي كتبداي تصنتي علينا
فاتي:سبحان الله
عماد :ولكن بشرط
فاتي فرحات:اه اه قول
عماد:ياويلك وديري شي حاجة ماشي هي هديك
فاتي:لا ماتخافش صم بكم الواليد
ليلى نزلات :عماد جيتي
عماد مشة عندها:جيت احياتي
بتاسمات ليه وشافت فعلي:علي دخل جلس مالك واقف
علي:اودي غا نتي لي كترحبي بيا فهاد الدار وما شي وحدين خليني ساكت
ليلى بقات كضحك:جلس جلس
مشا جلس ودار رجل فوق رجل وشاف ففاتي:جري لكوزينة قلهم وجدو ليا شي كاس دلعصير
فاتي:وايلي بسكار ولا بلا سكار
علي:وي بسكار
فاتي:بارد ولا سخون
علي:يكون بارد
فاتي:فكاس دزاج ولا دميكة
علي:كطنزي على الوقت ولا شنو
فاتي:قولها لراسك
وجلسات حداه:هدشي لي بقة
علي:زعمة راني كبر منك حتارميني شوية
فاتي"كبير فالعمر اما لعقل الله يجيب لا نت لا لواليد
علي:سماااااع اخاي عماد
عماد قرب لعندها:شهادشي كنسمع
فاتي:احم بالعمة اش قلت انا
عماد:ايوا الله يعميها ليك
فاتي:هاهي ساكتة
ليلى عيطات لخدامة تجيب لعاصير وضيافة وجلسات حداهم وهي غير ساكتة وكتشوف فيهم كيهضرو ويضحكو .سهات وهي كتقول كون كان ولدها دابة كون راها فرحانة تاهي.مابقاتش كتقدر تفرح فراحتها وولدها بعيد عليها .كتحس انه مامحقهاش تفرح وهي مزال مالقاتو.تنهدات وهي كتدعي من ربي تلقاه ويجمعها بولدها سهات حتى كتحس بيه جلس حداها وشد ليها فيديه كيفهمها من شوفاتها ولا عارفها فاش كتفكر بلا ماتدوي زير ليها على يديها:كنواعدك كلشي غيتقاد
ليلى تنهدات:فوقاش.حتى نموت.لعمر كيطير اعماد
عماد:اخر مرة تقولي بحال هاد الهضرة سمعتيني
سكتات
عماد:تيقي بيا
ليلى بتاسمات:كتيق بيك
ليلى:نمشي نشوف ضيافة فين وصلات
ناضت باش تمشي
فاتي كانت كدوي هي وعلي
علي:الكومبا راه بادية دابة شعلي نتفرجو
فاتي شافت تليكومود بعيدة عليها هزات راسها لقات ليلى دايزة بدون شعور عيطات ليها:ليلى داك تليكوموند حداك
ليلى شافت فيها وعلات حاجبها
عماد فهمها:احم فاتي ماشي ليلى هدي مك
ليلى كملات طريقها بلا مارتد عليها
فاتي ناضت خدات تليكوموند راسها وشافت فعماد:العجب هاد لمرة عندك ماكاتفهمش.نهار تعاملني كام مع بنتها نعاملها انا كا بنت مع مها دابة متعادلين
وشافت فعلي:شنو سميت القناة
عماد تنهد كيحير بين هاد الجوج الوضع بيناتهم متوتر بزاف هو بين نارين.بين بنتو ومراتو مايكرهش يتحلو هاد المشاكيل وترجع المياة لمجاريها
نبدلو لبلاصة
كان فوق السكوتور ديالو واقف كيتسناها حتى كيشوفها جاية بجلابتها سلمات عليه بالبيز:غبرتي علياا تا توحشتك احبي
عصام:راكي عارفة فاش خايد جدة.
قاطعاتو:عارفة عارفة شكوة الله .دابة هي تمرض وانا مانشوفكش
عصام :من نيتك هادي لي كدوي عليها راه فمقام الوليدة سمعتيني
حياة :صافي احبيبي سمحلي راه غير محيت توحشتك وصافي ماكانقدش نصبر ملي كتغبر عليا
عصام بتاسم :كلشي غيتقاد ان شاء الله
حياة:ان شاء الله
عصام:جيت غي نشوفك وانمشي عندي شي شغال
حياة:واخة احياتي وان شاء الله جداك تولي بيخير وترجع كيف كانت ويطول الله فعمرها
عصام:امين ياربي يلاه نخليك دابة
باسها بالخف وركب فالسكوتر يلاه تيحرك وهي توقفو:عصام
عصام شاف فيها:عيون عصام
بتاسمات وقربات لعندو:حبيبي محتاجة لشي فلوس ضاروري وغير نت لي عندي
تمات غادة كتكسول حتى كتحس بشي لوطو وقفاتوعليها هزات راسها غير شافتو كملات طريقها..هو نزل وتبعها:حياة
وقفات:اش بغيتي لاشافني معاك عصام ماغايعجبو حال ازكرياء
زكرياء:من نيتك عاجبك الحال مع هداك مات ليه المش ولا على الضص غا قوليلي باش اتعيشي معاه وهو تريكة دعائلتو تابعاه
حياة:ماتنساش راه كان صاحبك ونت لي غدرتي بيه وديتو ليه رزقو
زكرياء:كنا وكنتو دابة ورقي ليا على دابة شوفي هو فين وانا فين
جبد من جيبو واحد الربطة دلفلوس:عطاك 200
درهم انا قادر نعطيك الدوبل فلوسي كلها ديالك قولي غير اه من غدا انا عندك فدار نديك بلحلال نعيشك احسن عيشة
حياة بلعات ريقها وهي كتشوف فلفلووس لي فيديه بقات كتفكر وهي تراجع:بعد مني انا مايمكنش نغدر بعصام سمعتيني
زكرياء:فكري مزيان نتي تستاهلي تعيشي حياة حسن من هكا وهاد العيشة اتلقايها معايا
حياة تمات غادة بالزربة وهضرتو كتعاود فدماغها تا وصلات لدارهم
نمشيو للرياض
كانت فلبيت متكية وتيشيرط بين يديها مرة مرة كتشم ريحتو ماتنكرش انه ستوطن تفكيرها كليا تنهدات وهي كتشوف راسها كيف ولات وفين طاحت .دورات وجها فاش تخلات لباب كانت سارة جلسات حداها
حكيم:ماتشات كيدارو فواحد ديبو كيتجمعو فيه البوكسورا وبزاف دناس لاباس عليهم .كيراهنو على شي بوكسور بفلوس كتيرة ولي غلب كيربح.ووولدك ايدخل فهادشي
الزاهية:ولدي اش داه لشي بوكس بعيد على هدشي اويلي شهاد الموصيبة عاود
حكيم:ولدك كيدير هدشي على ود جداه لي كتموت نخاف يرجع للحبس عاود
الزاهية يلاه اتجاوبو وهي تشوف عصام جاي بسكوتور:ناري عصام جاي
عصام وقف عليهم:نت شكا دير مع الوليدة
حكيم:كنسولها على جداك كيف بقات
عصام :ونتي اش وقفك هنايا تحركي سيري لدار
حنات راسها ومشات
حكيم:نخليكم فراحة الله
عصام:اخر مرة تقرب لجيهة لوليدة سمعتيني
حكيم:هاهو غادي
ومشا عصام تبع مو بسكوتور:طلعي
ركبات موراه ومشاو لدار دخلو وهو كينكر
عصام:الولييدة راحنا فحومة خايبة خاسهم غير فاش يحلو فمهم سمعتيني لي فيا كافييني ماتزيديش تكملي عليااا ميات مرة كنقولك عطي راحة راسك فدار ونتي ماكاتسمعييييش بناقص من هاد لخروج الالة جلسي فداااار سمعتيني ماتخدميييش واش باغة تستحمريني قدام شمايت
الزاهية:دابة خضر بشوية
نزلات سارة وعائشة وجيران كيطلو
عصام:الوليدة كلمة وحدة قلناها نتمنة ديري بيها
تم خارج وهي توقفو :اجي نت بعدة اش داك لشي كومبات
شاف فيها:ونتي مالك
الزاهية:عصااام بعد من هادشي راك شتي لي داز علينا فلحباسات
عصام:ولدك ماكادوزجش عليه جوج مرات الواليدة
وخرج وخلاها كتعيط
الزاهية:ياربي شهاد الولد عطاني الله
سارة:اش واقع دابة
الزاهية عاودات ليهم
سارة:هاد حكيم خاص لي يطير ليه لسانو
الزاهية:انا امانقدش نخسر ولدي على هدشي مايمكنش نخليه يمشي فهاد الطريق لا ختص ندير شي حاجة المشكلة الفلوس ماكاملاش والعملية قربات الله ياربي شهاد الكريثة لا حنين لا رحيمزفهاد الدنيا يوقف معانا كلشي باغي غير مايدي منك دابة شغا ندير
عائشة غير ساكتة وكتشوف بعنيها وربي لي عالم بيها ملداخل
الزاهية:الله يستر ماعندو منين يعرف نتي غا خليك ساكتة
سارة :هاهي ساكتة
الزاهية :هدا هو الحل ماعنديش منين نجيب لفلوس بغيت نجمعها قبل يبدأ عصام الكومبات ومابغيتش عائشة تفقص باقة صغيرة على هاد المشاكل
سارة:ربي يصوب
عائشة رجعت لبيتها وهي كتحس برأسها مانافعة لوالو عائلتها كضيع قدامها وهي كتشوف تمنات كون قدرات تلقة شي حل ماكيعجبهاش لحال فاش كيقولو عليها باقة صغيرة بغات تبين ليهم انها تاهي قد المسؤولية تنهدات وجبدأت ببيسي دير مسلسل متبعاه برازيلي كانو كيديروه ف ام بي سي 4 سميتو (أسرار انجل) كتفرج ونفس الوقت كتفكر في شي حاجة ديرها باش تعاونهم. تبعات المسلسل عجباتها القصة.. ان البطلة فالسن 17 لعام ضحات براسها باش تعاون دارهم خدمات كعارضة ازياء. ونفس الوقت هاد المهنة مخبي موراها شي تاني. غير أن الكليان كيجيو ويتفرجو فلعارضات والأزياء كاينين كليان من نوع آخر كيجيو يتفرجو فالعارضات ويختارو منهم لي عجباتهم باش يدوزو معاها ليلة ويخلصوها... عائشة نساجمات مع المسلسل حتى وصلات للحلقة لي لبطل نعس مع البطلة وخلصها. من تماك ولا مدمن عليها. وكيحماق عليها ولا باغيها ليه غير هو و لا يبغيها وحتى هي كتبغيه..
عائشة حسات بعنيها ضروها طفات لبيسي وتكات فبلاصتها. نيشان مشا بالها ليوسف مدات يديها وخدات تيشيرط وبدأت كتشم ريحتو بدأت كتخايلو فدماغها وبدون شعور بدأت كتربط أحدا المسلسل بيها هي وياه. إنها قدرات طيحو فشباكها. وجا دوز معاها ليلة وعطاها لفلوس لي اتحتاج لعملية دجداها ونقدات عائلتها وهو ولا مدمن عليها.. حسات على رأسها :اويلي انا شكا نخربق
تنهدات وهي كتفكر حسات بأن هاد الفكرة لسقات ليها فدماغها (بحال هاد المسلسلات كيخرجو على المراهقات للاسف )
عائشة:اصلا هو ماكايحملنيش.اصلا مانقدش نضيع راسي على ود واحد مزوح وماكايحملنيش. ولكن شغا ندير باش نعاونهم ياربي
َوعنقات تيشيرط وهي كتفكر فهاد الأفكار لي بدأو يطيحو عليها
مشات فتجاه لابسين وقفات مابان ليها تاواحد يلاه اترجع2وهي تسمع صوت طليفون شافتو محطوط على الحافة لابسين وحده فوطة.. قربات بقات كتشوف تحنات باش تهزو وهي تقفز فاش شي حد خرج من لما بالجهد تا جات طايحة اللور هزات رأسها شافتو خارج من لما بصدرو لعاري فازك وكيبري مع شمس وشعرو راجع اللور وكينقط بلما شاف فيها وتحنة هز طليفون وجاوب كانت شي مكلامة مهمة كيتسناها هي ناضت ونفضات يديها وبقات واقفة كتشوف فيه وشعرها كيديه ويجيبو ريح وهو عاطيها بالضهر ومركز مع المكلامة.. بدأت كدقق فعضلاتو لمطراسية وجسمو الضخم كتحس بقلبها كيدردك تفكرات الفكرة لي جات فبالها لبارح ماعرفاتش واش تقدر ديره ولا لا. زعمة تقدر طيحوو،بلا ماضيع راسها وتاخد منو لفلوس لي باغة؟تنهدات هدشي صعيب بزاف خصوصا هي مزال مراهقة وماعارفة والو فهاد الدنيا .نفضات هاد الافكار شيطانية من راسها
أسقطته في شباكها فعذبها حتى أذاب فؤادها الجزء الثاني
محتوى القصة
يتبع...
التنقل بين الأجزاء